1a1 rdo rje phur pa lung gi kha byang byang chub sems kyi mdo/
1b1 rgya gar skad du/ badzra kI la ya ka ma ni pra ta bo d+hi tsit+ta sU tra nA maH/ bod skad du/ rdo rje phur pa lung gi kha byang byang chub sems kyi mdo zhes bya ba/ bcom ldan lhun grub
1b2 dbyer med ngang la phyag 'tshal lo// 'di skad bdag gis thos pa'i dus gcig na/ ngang nyid rdo rje chos kyi dbyings nas lhun grub dbyer med kyi rgyal po la rdo rje 'dus pa chen po la
1b3 sogs te/nyid las mi zhan pa'i 'khor rnams kyis skor nas/ dus gsum mnyam pa nyid la dgongs te gnas so// rdo rje phur pa lung gi kha byang byang chub sems kyi mdo las/ gleng
1b4 gzhi'i le'u ste dang po'o//// de nas rdo rje 'dus pas 'di skad ces gsol to// kye ma lhun grub dbyer med ngang gi rgyal// rgyud kyi rgyal por gyur pa dang// lung go bla mar gyur pa
2a1 dang// man ngag nges don gyur pa yi// phur pa byang chub sems kyi don// bdag cag rnams la bshad du gsol// zhes zhus pa'i tshul gyis glengs so// rdo rje phur pa
2a2 lung gi kha byang byang chub sems kyi mdo las/gleng slong ba'i le'u ste gnyis pa'o//// de nas bcom ldan 'das lhun grub dbyer med rgyal pos/ 'dus pa'i 'khor la 'di skad
2a3 ces bka' stsal to// btsal med dbyings kyi ngang du thams cad 'dus// mi 'gyur byang chub sems kyi kyi phur pa yi// bsgrub med chos kyi dbyings su ye nas gdab// btab tsam
2a4 nyid na 'khor ba ming yang med// ma bcos lhun gyis grub pa'i dbyings nyid las// ye shes rig pa'i phur pas ye nas gdab// btab tsam nyid na dngos po'i mtshan ma med// snang
2b1 srid byang chub snying po'i ling ga la// kun tu bzang po rol pa'i phur pa btab// btab tsam nyid nas sems rtog yid las 'das// dngos po snang ba'i shes rab ling ga la// rang byung thabs kyi rgyal po'i phur pa
2b2 btab// btab tsam nyid na brjod pa'i mtha' las// de phyir dbyer med rtogs pa mnyam pa yis// ma btsal bzhag pas phur pas btab ces gsungs// rdo rje phur pa lung gi kha byang byang chub sems kyi mdo
2b3 las/phur pa gdab pa'i le'u ste gsum pa'o//// de nas rdo rje 'dus pas 'di skad ces gsol to// kye ma lhun grub dbyer med rgyal// byang chub sems kyi phur pa yi// nges pa'i tshig ni ji ltar
2b4 lags// dpa' bo khyod kyis bshad du gsol// zhes gsol pas/ dbyer med ngang gis bka' stsal pa// de la chos nyid phur pa ni// chos can gang la mi gnas shing// ma bcos ngang du thams cad 'dus// phur
2b5 pa zhes ni de la bya// de la sems nyid phur pa ni// skye mched khams la mi gnas shing/ rang byung du ni thams cad 'dus// phur pa zhes ni de la bya// de la nam mkha'i phur pa ni// kha dog dbyibs la mi gnas
2b6 par// khyab brdal ngang du thams cad 'dus// phur pa zhes ni de la bya// de la btsal du med pa'i phur pa ni// rang bzhin rdo rje gzhon nu de// sems can kun gyi rgyu la gnas// phur pa zhes ni de la bya// zhes
3a1 gsungs so// rdo rje phur pa lung gi kha byang byang chub sems kyi mdo las/ nges tshig bstan pa'i le'u ste bzhi pa'o//// de nas rdo rje 'dus pas 'di skad ces gsol to// kye ma lhun grub ngang gi
3a2 rgyal// byang chub sems kyi phur pa de// 'khor ba mya ngan ji ltar 'das// dbyair med rgyal pos bshad du gsol// dbyer med rgyal pos bka' stsal pa// phur bu dbyer med mya ngan 'das// dngos po mtshan mar
3a3 mi snang zhing// bsam pa las kyang mya ngan 'das// 'khor ba rnam rtog 'khrul ba nyid// chos nyid klong du mya ngan 'das// shes gsungs so// rdo rje phur pa lung gi kha byang byang chub sems kyi mdo las// 'khor ba
3a4 dang mya ngan las 'das pa'i le'u ste lnga pa'o//// de nas yang rdo rje 'dus pas 'di skad ces gsol to// kye ma lhun grub ngang gi rgyal// phur bu mnyam pa chen po la// ma rtogs ma rig 'khrul pa de// chos nyid
3a5 chen por ji ltar bgyi// dbyer med ngang gis bshad du gsol// lhun grub rgyal pos bka' stsal pa// thams cad ye nas mnyam nyid las// rgyu dang 'bras bu dbye ru med// tha snyad 'dogs nas 'khrul pa
3a6 yin// mthar yang sangs rgyas rnyed mi 'gyur// dmyal ba'i gnas nyid bla med gnas// rnam rtog nyid na ye shes skye// sdug bsngal nyid na byang chub sems// tha snyad gang la mi gnas shing// btsal du med cing
3b1 dngos po med// thams cad dbyer med ngang du gcig/ 'khrul pa tha snyad ming yang med// ces gsungs so// rdo rje phur pa lung gi kha byang byang chub sems kyi mdo las/ 'khrul pa chos nyid du la zla ba'i le'u ste
3b2 drug pa'o//// de nas yang rdo rje 'dus pas 'di skad ces gsol to// kye ma lhun grub ngang gi rgyal// byang chub sems kyi phur pa de'i// ma rtogs gol sa ji ltar lags// rgyal ba khyod kyis bshad du
3b3 gsol// zhes gsol pas/ dbyer med rgyal pos bka' stsal pa// bdag nyid phur pa'i rang bzhin pa// gzhan du 'dogs na 'khrul pa'i ngang// grangs kyi bgrang du ga la yod// chos nyid gcig tu gnas pa
3b4 la// grangs kyis bgrang na gol sa yin// snang srid phur pa'i rang bzhin pa// gzhan yang 'dogs na 'khrul pa'i ngang// grangs kyis bgrang du ga la yod// chos nyid gcig tu gnas pa la// grangs kyis bgrang
3b5 na gol sa yin// snang srid lha 'dre mi ma yin// mkha' 'gro dam can nyams len rnams// gol sa yin par dpa' pos bshad// ces gsungs so// rdo rje phur pa lung gi kha byang byang chub sems kyi mdo las/ ma
3b6 rtogs gol sa bstan pa'i le'u ste bdun pa'o//// de nas yang rdo rje 'dus pas 'di skad ces gsol to// kye ma lhun grub ngang gi rgyal// byang chub sems kyi phur pa de// rang gi ji ltar rtogs par bgyi// ra
4a1 chos can la ji ltar gsungs// gsang bdag khyod kyis bshad du gsol// zhes gsol pas// dbyer med rgyal pos bka' stsal pa// phur pa'i rang bzhin gdod nas dag pa la// ming tsam gzhan
4a2 la brten mi bya// rnam par mi rtog pa las 'das// de bzhin nyid du bsgom par bya// rang gi rang bzhin rig cing rtogs par gyis// de ltar rtogs na chos sku thob ces bshad// lung dang man ngag gtan la phob
4a3 pa 'di// phal gyi spyod yul thun mong ma yin pas// khye dang grags par khar mi dbyung// skyes bu blo rab 'ga' las bstan par bya// rdo rje phur pa lung gi kha byang byang chub sems kyi mdo las/ byang chub sems kyi
4a4 don rtogs par bya ba dang ra gcod can la gab pa'i le'u ste brgyad pa'o//// de nas rdo rje 'dus pas 'di skad ces gsol to// kye ma lhun grub ngang gi rgyal// phyi rabs rnal 'byor don gyi phyir// phur bu byang chub
4a5 sems kyi mdo// bdag gis ji ltar gzung bar bgyi// zhes gsol pas/ dbyer med rgyal pos bka' rtsal pa// rdo rje 'dus pa chen po khyod nyon cig/ gang zhig phur pa gdab par 'dod pas/ mdo 'di nyid kyi
4a6 don gyis gdab par bya'o// gang zhig nges pa'i tshig brjod par 'dod pas/ mdo 'di nyid kyi nges tshig brjod par bya'o// gang zhig la zla bar 'dod pas/ mdo 'di nyid kyi don gyis la zla bar bya'o// gang zhig
4b1 gol sa bcad par 'dod pas/mdo 'di nyid kyi don gyis gcad par bya'o// gang zhig byang chub sems kyi don rtogs par 'dod pas// mdo 'di nyid kyi don nyams su blangs par bya'o// de bas na rdo rje'i dus
4b2 pa chen po mdo 'di ni khyod la gtad kyi mi nub par gyur ta re/cang mi gsung bar gyur to// de nas rdo rje 'dus pa chen po des shin tu dga' ba'i yid g.yos te/ rang gi gsang ba'i rdo rje gnas su gsor zhing
4b3 'di skad ces dam bcas so// bcom ldan 'das lhun grub dbyer med ngang gi rgyal po/ mdo 'di ni bdag la sogs pa rnams kyis mi nub pa'i rgyal mtshan chen po gzugs so// chos kyi rnga mngon par brdungs
4b4 so// chos kyi dung mngon par bud do// chos kyi char mngon par dbab bo// chos kyi 'khor lo mngon par bskor ro// zhes dam bcas so// rdo rje phur pa lung gi kha byang byang chub sems kyi mdo las/ mdo yongs su
4b5 gzung zhing gtad pa'i le'u ste dgu pa'o//// rdo rje phur pa lung gi kha byang byang chub sems kyi mdo zhes bya ba rdzogs so////
4b6 rgya gar skad du/


CLOSE WINDOW