139b1 a mri ta ku N+Da li karma tan tra nA ma/ bod skad du/ bdud rtsi 'khyil ba las kyi rgyud ces bya ba/ dpal phyag na rdo rje la phyag 'tshal lo// de skad bdag gis thos pa'i dus gcig na// gsang
139b2 ba'i don rnams nyer bkod nas// de nyid rim par phye nas bshad// bcom ldan gsang ba'i bdag po yis// de nyid don de legs gsungs te// mnyam nyid ngang la snyoms zhugs te// bcom ldan bdud rtsi
139b3 'khyil ba yis// gsang ba'i don 'di legs par gsungs// de nas 'dus pa chen po rnams// bdud rtsi 'khyil la legs btud de// thal mo sbyar te 'di skad gsol// gsang ba'i bdag po gos sngon
139b4 gyi// sgrubs pa'i thabs dang ldan rnams kyis// legs par gyur nas bdag la gsol// gsang chen bdag la phyag 'tshal bstod// ces gsol ba dang/ bka' stsal pa/ ji ltar gsang bdag bsgrub pa
139b5 yi// don dris khyod ni ngo mtshar che// gang gis sgrub pa'i thabs 'byung ba// de nyid bdag gis bstan par bya// yid dang mthun pa'i dben pa ru// dpal ldan sku gzugs bkram byas te// mchod pa bstod pa sngon
139b6 song nas// gsang sngags kyi ni bzlas pa rtsam// A+oM na mo badzra pa Ni ma hA yag k+Sha se na pa ti badzra kro d+ha ni lam ba ra hUM phaT/ de ni skyon rnams spangs te bzlas// bdun khri'am 'bum du them gyur nas// de nas
140a1 bsgrub pa sbyar ba bya// de la dang po phan bsgrub pa'i// sbyor ba dang po bshad par bya// gnod sbyin nyen gyis zin gyur na// dang po maN+Dal sngon por bya// 'khor lo rtsibs brgyad thig
140a2 btab la// dbus su dpal ldan gos sngon bri// rtsibs la gtso bo dpal ldan bri// shes rab gtsang mar gyur pa la// dri yi chu yis legs bkrus te// dkon mchog gsum la phyag 'tshal nas// ri rab rtse la
140a3 byang phyogs nas// chu blangs rin chen snod du blugs// ku sha la yis kha rgyan bya// kha dog sngon pos mgul chings byas// gzungs thag sngon pos mgul nas gdags// rnal 'byor srin lag dag la
140a4 gdags// bum pa'i dbus su gos sngon bskyed// dkrug nas spos dag 'bru sna blugs// lag pa g.yas kyis 'bru sna thogs// gsang sngags 'di yis bsgrubs byas te// bum par blugs shing bstim par bya//
140a5 A+oM na mo badzra pA Ni ye ma hA yag k+Sha se na pa ta ye/ na mo badzra kro d+ha ni lam bar badzra hUM/ ma hA yak+Sha ha na ha na shud d+he shud d+he hUM phaT/ sarba yag sha ku ru ba ya mo ha ya hUM phaT//
140a6 yak+Sha bid ta na su ru su ru hUM phaT/ yak+Sha sarba bid tan na sha ya ma hA pa la hUM phaT/ ces pa'o// de ltar stong du grangs them nas// nad pa de ni mdun bzhag ste// sems bskyed cho ga sngon 'gro bas// bu mos nad pa bkru bar bya// yang na bdag gis
140b1 khar blugs te// nad pa'i lus la gtor ba yis// khro mo'i sprul pa mang po spros// nad pa'i lus la btags par bsam// de yis gnod sbyin 'bros par 'gyur ro// gnod sbyin bzlog pa'i cho ga'o// klu bzlog
140b2 pa'i cho ga'i las dag ni// maN+Dal sngon po chag gang gdab// steng du 'khar gzhong bzang po ru// zhib pa yi ni phye dag dang// me tog sngon po'i chu yis bkrus// pad ma 'dab ma drug byas te// gcig la khe dang bu
140b3 mo dgod// gcig la sbrul gyi chun po dgod/ sbal pa nya dang lcong mo ni// 'dab ma gcig la dgod par bya// gcig la gtsang ba mgo dgu dgod// gcig la ba glang dmar po dgod// gcig la nor bu rin
140b4 chen dgod// tha ma'i phyogs su bal po yi// se'u yi lcug ma dgod par bya// dngul gyi gzhong pa chus bkang la// nang du lcug ma bdun gzhug bya// lo brgyad lon pa'i bus pa la// gsang ba'i bdag pos dbang
140b5 bskur nas// lcug ma klu zin lus la brdeg/ bdag nyid gos sngon gsang ba yis// rma bya'i lcug mas bya bar bya// bum pa'i sbyor ba gong bzhin te// de dag gis sngags gsungs pa 'di'o// oM nI lAM bar hUM/ nA
140b6 ga rA dza sarba duSh+tan/ta ka ta ka/ ha la ha la/ ban d+ha ban d+ha phaT// nA ga ni nA ga ni/ na ya ni na ya ni hUM phaT/ tri ni ku ru ka la pa ra nA ga hri da ta ya hUM phaT/ oM du ru du ru/ du ru ni ku ru hUM phaT sngags bzlas 'od
141a1 zer 'phros pa las// gos sngon khro bo'i skur gyur nas// nad pa'i lus la byab par bsam// phral nas rigs drug gnas su dgug/ dug gzhom bdud rtsi sman gyis gso// de nas klu yi gnas su
141a2 bskyal// lan nyi shu rtsa gcig go/ lan gcig gis ni 'grub 'gyur na// mang du byas na smos ci dgos// klu nad bklog pa'i cho ga'o//// yi dwags brjed byed bzlog pa ni// maN+Dal sngon po legs byugs
141a3 te// steng du dpal ldan sku gzugs dgram// mchod dang bstod pa sngon song ba'i// dkyil 'khor gnyis kyi bdag nyid kyis// dung dang kun da'i mdog 'dra ba'i// skud pa dkar pos legs bzhag ste// 'od zhu
141a4 dpal ldan sku che bsam// bkug bstim 'od zhu skur gnas pas// de nyid skur gnas skud pa de// kha dog lnga dang 'od ldan bsam// de la mdud pa stong rtsa gnyis// bum pa dag tu sngags te bzlas// yungs
141a5 kar dang ni ske tshe la// sngags te btab la lus la gtor// na ma sa man ta kA ya bAka tsit+ta badzrA nAn/ na mo badzra kro d+ha nI lAM bar hUM/ pre ta ba she ni sha ka ra ha na ha na hUM phaT/ pa tsa pa tsa hUM phaT/ bi sha sta ba ya hUM
141a6 phaT/pre ta bi na sha ka ra yo ta po Ta ya hUM phaT/ sarba big+ha nan pa tsa de ba ku ru hUM hUM/ oM du ru yi ta dza la ya hUM phaT/ phral nas dag pa'i cho ga bya// zangs phur gsum gyi skud pa de// mtha' dang dbus su btag
141b1 byas nas// zin pa'i ske ru gdags par bya// yi dwags brjed byed bsrung ba yi// cho ga 'dir ni bshad pa yin// rims la sogs pa bsrung 'gyur na// maN+Dal sngon po gos sngon bsgrub// me tog sngon po'i khu ba
141b2 la// sbangs pa skud pa sngon po ste// gsang ba'i bdag por byin brlabs te// dgug gzhug zhu ba'i skud pa de// mdud byas gong ma'i sngags kyis 'tsho// byis pa'i gdon rnams bsrung 'dod na// skud pa gong dang
141b3 'dra byas la// byis pa'i mgul du btags pas 'tsho// dug gis zin pa gso 'dod na// sngon du sbrul gyi gzugs byas la// bdag nyid gsang ba'i bdag po yis// rtswa ni ku shas lus la byab// nad pa'i lus
141b4 la dug byung nas// sbrul gyi lus la thim par bsam// gnas gsum por ni zla ba gsum// de steng yi ge a gsum las// bdud rtsi'i rgyud kyi lus dag nas// dug gi sbrul rnams 'byung bar bsam// yang na
141b5 snying nas hri 'phros pas// lus kyi dug rnams bsdus nas ni// stong gsum gzhan du song bar bsam// de ni dug gis zin pa rnams// myur du sos par the tshom med// nor sgrub cho ga'i las dag ni// mdun du
141b6 stegs bu gru bzhi la// gos sngon sgrub pa sngon song nas// sprul pa brgyad po rnam thos dang// ar+ya dz+ham b+ha bsam par bya// rin chen ma spyad snod dag tu// 'bru dang sman dang rin chen gzhug/ yid bzhin nor bus
142a1 gang ba bskyed// dbang bskur byin gyis brlabs byas nas// de yi bsgrub pa'i gsang sngags bzlas/ oM rat+na nI lam ba ra da ha dzam b+ha la dza len drA ya swA hA/ da ra sa ra rba bid tra sid d+hi sa ma ya hUM/
142a2 zhes bzlas so// de ltar bzlas pa'i bsam pa ni// bdag gi sngags las 'od zer 'phros// ye shes sangs rgyas kun la phog/ sangs rgyas 'od dang 'dres nas ni// yid bzhin nor bu'i tshul du dgug/ yang
142a3 'phros nor gyi lha la phog/de nas nor lha phra mo'i tshogs// stong gsum nor rnams bkug nas ni// rang gi rten la bstim par bya// rmi lam nor bu spyod pa dang// dkon mchog gsum yang dran par bya// dran par
142a4 gyur pa'i rnal 'byor pas// nor gyi dngos grub thob par 'gyur// cho gas nor ni bsgrub pa'o// gsang ba'i cho ga'i las byed na// lho ru drag po'i dkyil 'khor bru// de nas khrag dang dug gis dgang// rkang rjes
142a5 la sogs dug dang sbyar// gang yin pa'i gzugs byas te// snying khar gru gsum brus nas ni// shing shun ming rus bris la gzhug/ kha bcad khung du gzhug par bya// yang na dug gis me sbar te// rab tu tsha bas
142a6 byugs shing skam// des ni tsha bas 'chi bar 'gyur// de bzhin du grang ba'i sbyor ba'ang de// phur bus btab na 'chi bar 'gyur// oM na mo nI lAM pa ra hUM/ kI li kI la ya ma ra ya phaT/ yungs kar yungs nag ske tshe
142b1 dang// dug 'brum lan tshwa la sogs pa// gos sngon phra mos byin brlabs te// gsang ba'i sngags 'di bzlas shing brdeg/ oM na mo nI lAM ba ra badzra hUM/ che ge mo mA ra ya mA ra ya// na sha na ya saM ga sha hUM mA ra ya hUM
142b2 phaT/ma hA rA dza ka la nan mA ra ya phaT/ ces pa'o// mnan pa'i las kyi cho ga ni// gang yin gzugs dang ming rus te// lam srang dag tu mnan byas te// khung du gru gsum khru gang la// zab su sor ni bcu drug
142b3 go/nang du gdug pas chag chag gdab// gang yin tshon skud sna lngas bcing// rgya gram 'bar bas steng nas mnan// yang na ri rab sbyor ba ste// steng du las kyi gos sngon gyis// gzir ba byas nas 'grub par
142b4 'gyur// mnan pa las kyi cho ga'o// rengs par 'gyur ba'i cho ga ni// khug par gyur pa'i gdul bya la// spyi bo'i gtsug tu phur bas gdab// lus kun khyab nas rengs par 'gyur// de dag byung bar gyur nas
142b5 ni// 'o ma sbrang rtsi bu ram dang// dza ti pa la bsres pas byug/ zla ba a li chu rgyun la// a mr-i ta yi sngags bzlas na// 'tsho bar 'gyur ba the tshom med// smyo 'bogs kyi cho ga ni// gang yin sha yi steng du
142b6 bzhag/snying nas khams gsal rnam par rgyal// rlung gi gdan la 'dug par bskyed// oM na mo nI laM ba ra hUM/ che ge mo mu khang ku ru hUM/ ma hA rA dza nr-i u tsa ta ya hUM phaT/ sngags gzer 'od zer gnyis 'phros
143a1 pas// snying nas 'og gi rlung bskul zhing// sha ba yis ni 'phros par 'gyur// zhes gsungs so// de nas bcom ldan 'das phyag na rdo rje'i ting 'dzin las bzhengs te/ bdud rtsi 'khyil ba la
143a2 legs so zhes bya ba byin te/legs so dpal ldan bdud rtsi 'khyil// gsang sngags bdag po khyod legs so// gang phyir dpal ldan rdo rje 'dzin// mi gnyis pa'i don kun spyod// bdud rtsi'i bdag po khyod la
bstod/

CLOSE WINDOW