127a1 de nas rdo rje kun tu bzang po sku kun tu 'gyur ba'i rgyal po des/ nyid kyi 'khor de rnams skyes ba med cing rtog pa thams cad dang bral ba/ bdud rtsi chen po thob par bya ba'i phyir/ nyid mi
127a2 snang bar byas te/nam mkha' sgra sgrogs pa'i gsung/ a A zhes pa'i sgra byung bas/ 'khor gyi chos thams cad skye ba med par rig go/ e e zhes pa'i sgra byung bas chos thams cad nam mkha' ltar gsal
127a3 lo// o o zhes pa'i sgra byung bas/ chos thams cad skye ba'i cho 'phrul 'byung bar gsal lo// oM oM zhes pa'i sgra byung bas/ rdo rje kun tu bzang po nyid kyi sku/ che mchog yongs su rdzogs pa'i sku/ rigs lnga dang/
127a4 yum khro mo gnam zhal dang/ khro bo chen po bcu dang/ 'jigs byed dang/ 'phra men dang/ khro mo brgyad dang/ 'phra men brgyad dang/ sgo ma bzhi dang/ dkyil 'khor gyi lha tshogs rdzogs pa'i gsal lo// de nas rdo
127a5 rje kun tu bzang po des/dang po snod bcud kyi dkyil 'khor bskyed pa 'di gsungs so// e yaM khaM su bruM/ zhes dbang chen gyi dkyil 'khor yongs su rdzogs par bskyed/ de nas bdud rtsi char phab nas// thams
127a6 cad rgyas shing smin par byas// thams cad rang byung bdud rtsir smin// de nas snod bcud bsdu ba'i phyir// shun chen gnas gzhi gdan stengs su// ban d+ha mtshan ldan rnam lnga la// dpa' bo 'bru lnga'i 'phro 'du
127b1 yis// rigs chen lnga'i 'phro 'du yis// snod bcud thams cad de ru bsdu// snod bcud bsdus pa'i dkyil 'khor ro// snod der gsol ba'i sman rnams ni// 'byung ba lnga las skyes pa yi// stong rtsa brgyad dam
127b2 grangs med pa'i// la la'i dug kyang la la'i sman// mtha' yang brjod kyis mi lang bsog/ med du mi rung brgya rtsa brgyad// de yang gang dang gang zhe na// rtsa ba brgyad dang 'bras bu lnga// sha lnga dbang po lnga yi
127b3 gzugs// de 'phrad shing thog rnams pa lnga// dri sna lnga dang dri rgyal lnga// de bzhin spos chen rnam lnga dang// chu lnga dang ni rus pa lnga// sna lnga dang ni lce lnga dang// rna ba lnga yang med mi rung// de bzhin mig lnga lag pa
127b4 lnga// tsha lnga dag kyang rab tu sbyar// rtsit+ta lnga dang klad pa lnga// me tog rnam pa lnga rnams sbyar// rin po che ni rnam pa lnga// dam rdzas lnga'i 'phrad sbyor bas// de rnams me du mi rung ngo// de la rtsa ba brgyad rnams
127b5 ni// mgo tsi hA dang leng leng hA// g+hi hang chung ji b+hang ras yan// ga bur mu tig lan tshwa rnams// de la rtsa ba brgyad ces bya'o// nang gi 'bras bu rnam lnga ni// a 'bras rgun 'brum pa na se// ger ya a ru ka dang
127b6 lnga'o// seng ge glang chen rta chog sha// rma bya sha dang shang shang sha'o// dbang po lnga'i gzugs lnga ni// mig dang rna ba sna dang lce// gtso bo tsit+ta nyid dang lnga'o// de 'phrad shing thog rnam lnga ni// rgun 'brum dang ni ka ko
128a1 la// a 'bras pa se bum sha lnga'o// dri ni chen po sna lnga ni// na ga ge sar shing tsha dang// sug smel g+haM ta pa tra dang// kun du ra dang rnam pa lnga'o// dri bo rgyal po rnam lnga ni// rgya spos 'dza' ti pa la
128a2 dang/ga pur tsan dan li shi lnga'o/ de bzhin spos chen rnam lnga ni// a ka ru dang du ru ka/ pog dang sbrang rtsi lce pog lnga'o// de bzhin chu lnga bstan pa ni// rgya mtsho lbu ba gangs kyi chu// sna tshogs lan tshwa dri chu
128a3 dang// bsgral ba'i chu ni rnam pa lnga'o// sra byed rus pa rnam lnga ni// dung dang 'brug rus gdung dang ni// bsgral dang ma bsgral rus pa lnga// sna ni rnam pa lnga rnams ni// rigs las phye ba'i sna lnga'o// lce lnga dag
128a4 kyang de bzhin te// de 'phrad me tog kha dog lnga'o// mig lnga sna lnga lag pa lnga'o// rigs lnga gdan khri dag las brtsal// tsha lnga dag kyang sbyar ba bya// klad pa lnga dang tsit+ta lnga// de yang rigs kyi gdan las
128a5 btsal// rin po che ni rnam pa lnga// de yang kha dog nges par spyad// de rnams med du mi rung ste// med mi rung gi gtan tshigs ni// grub pa'i rtags kyi dngos grub 'thob// mig dang rna ba sna dang lce// dbang
128a6 po tsit+ta rnam lnga yis// mngon shes rnam lnga 'thob pa dang/ dngos po thams cad 'thob pa ni// gzugs sgra dri ro reg la sogs// 'dod yon lnga'i dngos grub 'thob// chu lngas bdud rtsi'i dngos grub
128b1 thob// rus pas las kyi dngos grub thob// sna lnga tshangs pa'i gsungs yang 'thob// lce yis gsung gi dngos grub thob// klad pas mdangs kyi dngos grub thob// snying lngas mngon shes lnga yang 'thob// lag
128b2 pas phyag rgya'i dngos grub thob// gcig gis chos kyi sku thob la// gnyis thob thabs dang shes rab thob// gsum 'thob rdo rje sku gsum thob// gzhi thob phyag rgya bzhi thob la// lnga yis sku lnga ye shes lnga// de la
128b3 sogs te bsam mi khyab// de ni mdo tsam bstan pa yin// rdo rje gsang ba las kyi rgyud las/ med du mi rung brtag pa'i le'u ste dang po'o//// de nas dbye zhing dgod pa'i rim pa 'di gsungs so// rigs dang
128b4 kha dog dri dang ro// mthun pa bzhi yis dgod par bya// de yang ji ltar dbye zhe na// de la rigs kyi dgod pa ni// dam rdzas lnga ni rim gyis dgod// dbus su byang chub sems chen la// shar du rdo rje dri
128b5 chen no// lho ru maM sa sha chen la// nub tu pad ma rag ta dgod// byang du rdo rje dri chu dgod// yang na kha dog lngas dgod de// dbus su ser la shar la shar du dkar// lho ru sngo la nub tu dmar// byang du
128b6 ljang ste kha dog mthun// yang na dri zhim 'dod chags pad ma'i rigs// mi zhim zhe sdang rdo rje'i rigs// gnyis ka ma yin gti mug pas// de bzhin rigs su dgod par bya// ngab pa'i dri ni byang du la// bsung
129a1 ba'i dri ni lho ru dgod// yang na ro yis dgod par bya/ kha ba dang ni mngar ba dang/ kha tsha ro med rnam pa lnga/ kha ba rdo rje rigs su dgod// mngar ba pad ma'i rigs su dgod// tsha ba las kyi
129a2 rigs su dgod// ro med de bzhin rigs su dgod// skyur ba rin chen rigs su dgod// dgod pa de yi snod rnams ni// dbus su ban da sul med la// shar du sul bu 'greng ba bzhag/ lho ru ban d+ha sul
129a3 mangs la// nub tu ban da zla kham gzhag/ byang du rdo rje rgya gram ste// shong bu bzhi pa gzhag par bya// yab yum snying po rim bzhin sbyar// rnam gcig mi dbye gsog pa ni// zhing chen g.yang gzhi ma nyams
129a4 pa'i// dkyil du dpa' bo 'bru lnga bri// de steng snod bcud spung pa ni// dpa' bo 'bru lnga sku bskyed la// sku lnga'i 'phro 'du byas pa ni// rgyud lnga'i gnas dag sbyangs pa ni// de nyid rigs lngas sbyangs pa yin// rgyal
129a5 ba rigs lnga de nyid la// gzugs dang sgra dang dri dang ro// reg la sogs pa'i sems dpas bskor// phyag rgya chen po bzhir bzhir ldan// de yis spro dang bsdu byas nas// dam pa rigs brgyas sbyangs pa
129a6 yin// rigs lnga rigs brgyas sbyangs pa yis// snang srid snod bcud thams cad kun// rgyal ba rig chen lnga rnams dang// gzugs sgra dri ro reg sogs kyi// sems dpa' bcu drug sgo ba bzhi// sangs rgyas rdo
129b1 rje dbyings su rgyas// ma skyes rdo rje dbyings su rgyas// zhes rdo rje gsang ba las kyi rgyud las// sman dbye gsog bya ba'i le'u ste gnyis pa'o//// de nas rdo rje kun bzang che mchog des/ yongs su rdzogs pa'i
129b2 skur bzhes pa 'di gsungs so// nga yis sku ni yongs su rdzogs// nga yi zhabs kyi sprul pa las// khro bo chen po bcu sprul nas// phyogs bcu 'jig rten dbang bsdus nas// bgegs rgyal gnon pa'i sprul pa
129b3 yin// nga yi sku gdung 'bar ba las// rigs lnga rtsa ba 'dzin sprul nas/ khamasagasum rgyud drug dab nga bsdus nas// rgyud lnga sbyong ba'i sprul pa yin// nga yi thugs gsang dbyibs rum las// yum chen khro mo
129b4 gnam zhal sprul// snang srid snod bcud dbang bsdus nas// bdud rtsi 'byung ba'i yum chen 'tshal// nga yi sku ni rdzogs pa las// sangs rgyas thams cad rdzogs pa'i sku// dbu ni nyi shu rtsa gcig la// phyag ni bzhi
129b5 bcu rtsa gnyis te// zhabs ni rnam pa brgyad du ldan// sku gcig yongs su rdzogs pa la// dus gsum sangs rgyas thams cad tshang// de yang ji ltar dgongs pa mdzad// bdud rtsi sbyor ba'i sku ru rdzogs// de yang
129b6 ji ltar rdzogs she na// nga yi zhabs kyis sprul pa las/ khro bo chen po bcu phyung nas// sku mdog so sor rigs dang mthun// phyag rgya bzhi ldan 'phro 'du dang// gu h+ya rta mchog phyag rgya dang/ dgu pa 'dzab kyi 'phro
130a1 'du yis// phyogs bcu'i bgegs kyi rgyal btul nas// hU~M gis thugs ni gsang bar sdud// thugs ni gsang ba'i dbyings rum du// bdud rtsi byang chub sems su sbyor// nga yi sku gdung 'bar ba
130a2 las// rigs lnga rtsa ba 'dzin pa'i sku// sku mdog so so'i rigs dang 'thun// zhabs bcu khro bcu'i dbu dang sbyor// phyag rgya bzhi ldan 'phro 'du dang// gu h+ya rta mchog phyag rgya dang// dgu pa'i 'dzab kyi 'phro 'du
130a3 yis// rgyud lnga sdug bsngal gtan sbyangs nas// hUM gis thugs ni gsang bar sdud// thugs ni gsang ba'i dby-ings rum du// gnyis su med pa'i sbyor ba yis// bdud rtsi byang chub sems su sbyor// nga yi thugs kyi
130a4 gsang ba las// yum chen khro mo gnam zhal ma// dbu dgu phya ni bco brgyad de// stong pa bco brgyad thabs kyi 'dren// sku mdog smug nag 'bar ba la// zhabs bzhi rigs bzhi dbu dang sbyor// phyag rgya bzhi
130a5 ldan 'phro 'du dang// gu h+ya rta mchog phyag rgya dang// dgu pa 'dzab kyi 'phro 'du yis// snang srid snod bcud thams cad kun// hUM gis thugs ni gsang ba'i dbyings rum du// gnyis su med pa'i sbyor ba
130a6 yis// bdud rtsi byang chub sems su sbyor// rdo rje kun bzang nga sku las// che mchog yongs su rdzogs pa'i sku// dbu ni nyi shu rtsa gcig la// phyag ni bzhi bcu rtsa gnyis so// zhabs ni rnam pa brgyad du ldan// che
130b1 mchog yongs su rdzogs sku de// sku ni mthing nag 'bar ba la// zhi ba'i dbu la phyag rgyar ldan// bzhi bcu rtsa gnyis nga yi phyag/ zhabs brgyad gnam zhal sbyor pa mdzad// phyag rgya bzhi dang 'phro 'du dang// gu h+ya
130b2 rta mchog phyag rgya dang// dgu pa 'dzab kyi 'phro 'du 'di// dus gsum sangs rgyas thams cad dang/ khams gsum sems can thams cad dang// snang srid snod bcud thams cad kun// hUM gis thugs ni gsang
130b3 bar sdud// thugs ni gsang ba'i dbyings rum du// gnyis su med pa'i sbyor ba yis// bdud rtsi byang chub sems su sbyor// bdud rtsi byang chub sems de ni// mu tig dkar po dri med mdog/ dngos ni chos nyid
130b4 byang chub sems// rigs lnga ye shes lnga yi dngos// sangs rgyas rnams kyi sku gsung thugs// zhes rdo rje gsang ba las kyi rgyud las// bdud rtsi che mchog gis dgongs pa'i le'u ste gsum pa'o//// de nas rdo
130b5 rje kun tu bzang po des/che mchog sku dang dgongs pa bshad pa 'di gsungs so// che mchog yongs su rdzogs pa'i sku// mi 'dul ba yang ma mchis la// ma btul ba yang ma mchis so// ma grub pa yang ma mchis
130b6 so// de yang ji ltar gtul zhe na// sku gcig la ni sku bzhi rdzogs// zhabs ni khro bcu'i dkyil 'khor la// sku gdung 'bar ba'i sku lnga ni// rigs lnga he ru'i dkyil 'khor ro// thugs ni gsang ba'i dbyings rum
131a1 ni// yum chen khro mo gnam zhal te// snod bcud 'dzin pa'i dkyil 'khor ro// che mchog rdzogs pa'i sku de ni// zhi khro rdzogs pa'i skur bstan te// sangs rgyas thams cad rdzogs pa'i sku'o// mthing
131a2 nag chos nyid 'gyur ba med// smug nag drag po'i las kyang mdzad// kha dog rnam lnga yon tan rtags// dbu ni nyi shu rtsa gcig po// ye shes nyi shu rtsa gcig ste// sems dpa' bcu drug rgyal po lnga// kun tu
131a3 gsal bar byed pa'o// phyag ni bzhi bcu rtsa gnyis ni// khro bo 'bar gtum phyag mtshan te// dang po gnyis kyi phyag mtshan ni// rang rtags rdo rje dril bu 'dzin// ma skyes rdo rje sgra yang sgrogs// g.yas kyi bar ma
131a4 bco brgyad na// kai ri brgyad dang 'jigs byed bcu// g.yon gyi bar ma bco brgyad na// sing ha brgyad dang mgyogs byed bcu'o// g.yas gnyis g.yon gnyis tha ma bzhi// sgo skyong mdong mo 'gugs 'ching
131a5 bzhi// zhi dang khro bor bcas pa yi// sangs rgyas dkyil 'khor sku la rdzogs// dbus kyi gtso bo rdo rje la// gsang ba'i khro bo bzhi yis bskor// spro dang bsdu dang 'gags dang 'joms// sangs rgyas kun kyang
131a6 rang re yi// dgongs pa'i 'phrin las rang re mdzad// sems dpa' brgyad gnyis bcu drug dang// rigs kyi gtso bo lnga rnams la// phyag rgya chen po bzhi bzhir ldan// dbus kyi gtso bo rdo rje la// gsang ba'i khro
131b1 bo bzhis bskor ba// phyag rgya bzhi bzhi lnga tshan lnga// dam pa rigs su bshad pa yin// che mchog sku la kun rdzogs pas// sangs rgyas thams cad sku la rdzogs// nyid las ma byung sangs rgyas med// ces
131b2 gsungs so// rdo rje gsang ba las kyi rgyud las/ thams cad dgongs pa'i le'u ste bzhi pa'o//// de nas rdo rje kun tu bzang po des// lta spyod dam tshig 'di gsungs so// kye 'khor gyi drang srong sgrub
131b3 pa rnams// dang po lta ba 'di ltar ltos// dus gsum sangs rgyas thams cad dang/ khams gsum sems can thams cad dang// snang srid snod bcud thams cad kun// byang chub sems las byung bar
131b4 mnyam// ye nas bdud rtsi yin pa'i phyir// bdud rtsi nyid las gzhan med do// lnga bzhi drug tu snang ba yang// sangs rgyas sku dang ye shes yin// chos nyid dbyings na rang bzhin gnas// ye nas bde chen sangs
131b5 rgyas pas// bdud rtsi zhes ni de la bya// lta ba 'di la gang gnas pa// shin tu rnam 'byor skal ba bzang// zhes gsungs so// lta ba de la gnas nas ni// spyod pa'i dam tshig 'di ltar spyod// stong rtsa brgyad kyi
131b6 dam tshig ni// mi spang ba dang dang du blang// shes pa lnga dang spyad pa lngas// grub par bya ba'i thabs dag ni// mi 'dod kun kyang spong byed pa'i// 'dod chags zhe sdang gti mug dang// nga rgyal phrag don rnam pa
132a1 lnga// ye shes lnga yin spang mi bya// dri chen dri chu rag ta dang// maM sa byang chub sems lnga ni// rgyal ba'i sku lngar bsgyub pa'i phyir// mi dor dang du blang bar bya// phung po lnga dang 'byung ba lnga// rnam shes
132a2 dbang po yul dus rnams/chos nyid dkyil 'khor ye yin pas// ma rmongs shes par bya ba yin// sta na dang ni 'ga' na dang// smad par bya ba'i rdzas lnga'o// ma byin blangs dang mi tshangs spyod// mi rtogs
132a3 sgrub pa'i thabs yin pas// dngos su spyod par bya ba yin// bsgrub par bya ba rnam lnga ni// stong rtsa brgyad du gsungs pa de// sku gsung thugs kyis gsungs pa ste// rnam gsum cho ga lnga po yi// bsnyen pa dang ni nye
132a4 bsnyen po// sgrub pa dang ni bsgrub chen pos// bzhi po rdzogs nas kun tu bzang// zhi dang rgyas dang dbang dang mngon spyod dang// mnan bzlog drug ni dus gcig ste// sta nas mnan la 'ga' nas
132a5 bzlog/'ga' nas bzlog pa'i thabs 'di gsungs// gzungs ma yon tan kun ldan de// byin gyibarlabs pa'i dkyil 'khor bsgom// dri zhim rnams kyis lus bskus la// gos bzang rgyan chas brgyan pa
132a6 ni// ji bzhin bde ba'i stan la bzhag/ de la bsnyen sgrub bzhi bkod la// b+ha ga de nyid byin brlabs la// gnyis med mnyam par sbyor ba yis// bdud ni rnam pa bzhi bcom ste// phyag rgya chen po bzhi dang
132b1 ldan// byang chub sems phebs 'phro ba'i tshe// byang chub sems kyi 'od zer des// sangs rgyas thams cad mchod pa yin// sangs rgyas mnyes nas 'od 'dus pas// dus gsum sangs rgyas thams cad
132b2 kyis// dkyil 'khor lha ni de ru gsal// bdud bcom rtog pa der bzlog go/ sta nas mnan pa'i lung bstan pa// ye nas rgyud dag chos nyid la// nga dang bdag tu 'dzin pa yis// rgyud drug khams ni gsum du
132b3 'khor/khams gsum de dag bsgral ba'i zhing/ raM yaM khaM tra tha phaT kyis de bsgral lo// mi g.yo phyag rgya chen po'i ngang// chos sku ngang las bzhengs nas ni/ khams gsum bsgral ba'i zhing gzigs nas// skye shi
132b4 mi gnas dur khrod kyi// rang bzhin yin par gzigs nas ni// thugs rje chen po'i byin brlabs kyis// 'gro ba thams cad bsgral bar mdzad// bdud dang gshin rje zhing bcu kun// ma trang gnas kyi gzugs
132b5 byas la// oM sarba pa pha ka ra ke ha hi sa si staM// traM ka ru hUM dza dza/ ma traM rnam shes gzugs la phab// DA ki bdag ni nub tu bltas// gnas kyi sgo su yis bcad// sems kyi bdag pos bcad dam ci// gzung
132b6 'dzin rkang pa bsnol ba 'di// yul las 'das pas sgo phye zhig/ ces brjod la sgo dbye'o// ka ta ka ri/ ka ta ka na/ pra ta be sha/ DA ki chen po'i zhabs g.yon gyis// ru tra'i gzugs ni mnan pa
133a1 yis// lha chen brgyad kyis smras pa'i tshig/ gnas kyi sgo 'di bcad bzhin du// bde bar gshegs pas bskyab tu gsol// 'tsho ba'i bdag po tshe dang srog/ 'chi ba'i sdug bsngal 'dir byung ngo// DA
133a2 ki brgyad kyis bka' stsal pa// dregs pa ma rungs lha chen khyod// sems kyi sgo kun da phye zhig/ rdo rje 'bar ba'i spu gri yis// gnas kyi sgo kun des phye nas// sems kyi bdag po bzung bar bya// zhes gsungs
133a3 so// de nas rdo rje kun bzang gis// lha chen rnams la chos bshad pa// skyes pa rkyen gyis 'chi ba yin// sdig pa'i rkyen gyis bcom pas 'chi// nga yi bstan pa 'di la gzung// phung po lnga ni rgyal ba lnga// lha
133a4 chen dregs pa khyed rnams kyi// 'byung ba lnga ni yum chen lnga// rnam shes dbang po yul dus rnams// sangs rgyas yin par lung bstan pas// las la bab pa'i rnal 'byor pas// rdo rje dbyings kyi dkyil 'khor
133a5 du// dus la bab pa'i sems can des// rang lus rdo rje dkyil 'khor mthong// yid tsam thugs rjes gzung zhes pas// rdo rje kun bzang de yis ni// ngan song gsum gyi sgo 'di bcad// ma tha ma tha sarba pre ta ka
133a6 te// he du hUM hUM phaT/ pa tsa pa tsa sarba ting ya ga te he tuM hUM phaT/ da ha da ha sarba na ra ga te he tuM hUM phaT/ de ltar ngan song sgo bcad nas// raM yaM khaM ye shes 'bar ba'i mes bsregs te// mtshan nyid mi gnas stong
133b1 par gyur// de nas rgyal ba'i sras bskyed pa// dpa' bo 'bru lngas lam lnga bkag/ oM A hUM swA hA/ 'og min bla med byang chub tu// ye shes rlung gis bteg nas ni// sbyor ba'i lhums su phaT kyis 'phang// gsang
133b2 ba'i dbyangs su hUM gis bsdu// sku bskyed ye shes skur spros te// dbyings dang ye shes lhun grub pas// sangs rgyas zhing khams rab 'byams dang// bde gshegs pho brang dkyil 'khor du// rdzu'aphrul zhabs dang
133b3 ldan pa yis// 'phags pa'i lam gyi rlung zhugs nas// chos kyi 'khor lo bskor zhing gshegs// 'jig rtain lha dang gtso bor bcas// nyan thos rang rgyal sa bcu las// 'jig rten 'das pa'i mchod pas
133b4 mchod// rdzu 'phrul zhabs dang ldan pa yis// stug po bkod pa'i sa las 'das// pad+ma spyan gyi sa la gnas// skyed 'jig med pa'i sku thob pas// stong gsum ma lus bton pa ni// 'bum gyi char yang mi phod
133b5 do// zhes rdo rje gsang ba las kyi rgyud las// sta nas mnan pa'i le'u ste lnga pa'o//// de nas rdo rje kun tu bzang po des/ thams cad bdud rtsir bsgrub pa'i gnas dang/ dus dang/ sgrub thabs 'di
133b6 gsungs so// kye tshangs dang drang srong klu rnams dang// shing dang sman gyi lha mo rnams// thams cad bdud rtsir bsgrubs nas ni// rgyal ba rigs lngar grub nas ni// sku lnga grub par 'dod pa'i tshe// gnas dang
134a1 dus ni 'di bstan to// ri mdun dang ni nags tshal mdun// gangs ri dkar po'i mdun dang ni// sribs ri smug po'i mdun logs na// rtsi shing nags tshal sna tshogs dang// me tog kha dog sna
134a2 tshogs tshang// bsgrub pa'i gnas mchog der sgrubs shig/ dus ni bzang po dus bzhi ste// dang po tshe sgrub dbyar bsgrub la// bar du longs spyod sman bsgrub// 'bras bu smin pa'i ston gsum bsgrub// dbang du
134a3 bsdu ba'i dus bstan pa// thams cad rgyas 'debs dgun dbang bsgrub// zhi rgyas dbang dang mngon spyod kyi// las bzhi lhun gyis grub 'dod pa// dpyid gsum mar gyi ngo la'o// de dus zhag dang tshes
134a4 grangs ni// dbyar gsum tshe bsgrub dus tshes ni// gcig dang gnyis gsum dus tshogs la// tshe rtags nam byung bar du'o// ston sman sgrub pa'i dus tshes ni// gcig dang lnga gsum dus tshogs la// brgyad la
134a5 btsugs la nya la gdon// ma grub spobs thabs bskyar la bya// gnas der dus der tshogs nas ni// dang por dkyil 'khor bstan pa ni// che chung tshad ni spyir tshad med// lha mi tshangs pa la sogs pa'i// rang
134a6 lus rdo rje phung po la// che chung tshad ni de la bya// 'dom gang gzugs kyi phung po la// lha yi dkyil 'khor tshom bur ldan// de yi dkyil 'khor tshad brtsigs la// dri sna lnga dang bdud rtsi lngas// chag chag
134b1 skyang nul byas la ni// lhun gyis grub pa'i sangs rgyas la// sta gon bskul phyir gnas thig gdab// rang lus rdo rje lha dgod phyir// bzhi bcu rtsa gnyis dkyil 'khor ni// thig bzhi btab pas le tshe dgu// rdo
134b2 rje dbyings kyi dkyil 'khor la// sems dpa' bcu drug sgo ba bzhi// bcu gnyis lnga'i lha bkod la// de la rigs brgya'i 'phro 'du yis/ khrol bu bdud rtsi di la bsgrub// de nas 'khor gyi dkyil 'khor
134b3 de// yab yum gnyis med sbyor pa las// 'od 'phros 'khor la thim pa las// 'khor rnams 'od des bdud rtsir zhu// hUM gis bdud rtsi thugs lngar bsdus// rgyal ba rigs chen lnga po des// rgyud lnga gnas su
134b4 'od 'phros pas// rgyud lnga'i sdug bsngal gtan sbyangs nas// hUM gis thugs lngar bsdus nas ni// gnyis med byang chub sems su sbyar// de nyid rigs lngar sgrub pa'o// gsang chen rigs rig bsgrub lugs
134b5 ni// dkyil 'khor bzhi bcu rtsa gnyis so// rdo rje kun bzang ngo bo la// ma spros rang bzhin tshang mod kyi// sku ni rdo rje kun bzang sku// thugs ni rdo rje sems dpa'i thugs// gsung ni dgu pa'i gsang rigs
134b6 gcig/oM badzra tsat+ti sa ma ya hUM hri tha/ rdo rje sems dpa' nyid grub pa'o// de nas lha rnams thams cad kyang// byang chub bsgrub cing bdud rtsis mchod// ces dus dang/ gnas dang/ dkyil 'khor dang/ khrol bu
135a1 rigs so so sgrub pa bstan to// rdo rje gsang ba las kyi rgyud las// gnas dang dkyil 'khor dang/ dus kyi le'u ste drug pa'o//// de nas ston pa rdo rje kun tu bzang po des/ sgrub pa don gyi
135a2 mtha' yod par bya ba'i phyir/rtags dang dngos grub dbang thob par bya ba 'di gsungs so// kye tshangs dang drang srong klu yi tshogs// gong bshed yid 'ong gnas de ru// bya ba med pa'i las sgrub pa// byin
135a3 brlabs mtshams bcad brtan byas la// dkyil 'khor lus gang gru bzhi ni// dri sna lnga dang dam rdzas lngas// maN+Dal byas la gdan bya ba// thig bzhi btab pas dkyil 'khor brgyad// maN+Dal brgyad pa'i las
135a4 gzhung bzhin// de yi rtse mo brgyad la yang// yid bzhin nor bu 'bar 'dra bri// de dbus bzhag pa'i gzhal yas ni// srid gsum ban d+ha bzang khor yug/ ye nas rang byung ma bcos snod// dpal dang ldan
135a5 pa'i snod bzhag la// de yi nang du blugs pa'i sman// ye nas rang byung bdud rtsi lnga// dam rdzas lnga ni bdud rtsi mchog/ stong las 'byor pas ye nas dag/ btags dang btsag dang gzhal ba yis// nyi zla
135a6 gsal ba'i dkyil 'khor bdag/'bru lnga ye shes 'phro 'du las// rigs chen lnga yi sku ltar gsal// sku lngar gnas kyi 'phro 'du yis// chos kyi dbyings dang nam mkha'i khams// dus gsum sangs rgyas thams
135b1 cad kyi// sku gsung thugs kyi bcud kyang bsdus// snang srid snod bcud thams cad kyi// bcud kyi dam pa kun bsdus nas// dus gsum sangs rgyas mchod pa'i phyir// gu h+ya lag gi phyag rgya la// dbus su klu
135b2 bdag sa bon bsam// gzhung bzhin bstan pa'i 'phro 'du yis// bka' bzhin bstan pa'i dngos grub blang/ mu tig dkar po dri med ltar// sgrub pa pos ni nan tan bya// dgu pa'i sngags kyis btab nas
135b3 ni// le lo med pa'i brtson 'grus kyis// bar chad med pa'i 'phro 'du byas// oM las ye shes 'od 'byung bzhin// oM gyis mes bsregs thal bar 'gyur// hUM gis kun gzhi rnam par dag/ gsal la byung 'jug
135b4 lhan ne bos// rtags dang mtshan ma bdun gyis 'byung// rtags byung dngos grub smyur te blang/ rtags bzang 'byin par byed pa ni// sngon tshe 'das dus dang po la// tshangs dang drang srong klu rnams dang// shing
135b5 dang sman gyi lha mo yis// kun bzang lha yi spyan snga ru// khas blangs dam bcas dbang nos pa// dngos bzhi lnga yi dam rdzas la// rgyal ba'i sku lnga bsgrub pa dang// gzugs sgra dri ro reg rnams la// dkyil 'khor
135b6 lha rnams bsgrubs nas ni// ji ltar 'dod pa'i rtags 'byung ste// byang chub sems las sgra byung ba// rma lung bu mo thang bzangs kyis// sgra de snyan pa sgrogs par byed// rag ta mdangs las 'od 'byung ba// shing
136a1 gi lha mo 'od 'chang mas// 'od dang du ba gsal bar ston// dri chen las ni dri byung bas// grub pa'i lha mo blo gros mas/ grub rtags dri zhim 'byung bar byed// dri chu las kun grub byed las// lha mo
136a2 mdzes pa'i sku grub ste// lha yi gzugs kyang ston par byed// sman gyi lha mo rnam pa bzhis// ji ltar 'dod pa'i rtags stan pa// kun bzang lha la dam nos pas// dgongs rgyud gsal ba'i 'phro 'du dang// pany+tsa
136a3 yan chad 'bru gtsang gis// re dogs med par 'grub par 'gyur// de nas dngos grub blang ba ni// lhun gyis grub pa'i chos dbyings na// rang bzhin lhun gyis grub pa yi// dus gsum sangs rgyas thams cad
136a4 la// ma brtsal lhun gyis grub pa yi// sku gsung yon tan 'phrin las thugs// lnga lnga ma btsal lhun grub bzhugs// de yi thugs rje ci 'dra na// mkha' la nyi ma shar 'dra ste// bsnyen pa dang ni nye
136a5 bsnyen pa// sgrub pa dang ni sgrub chen pos// dkyil 'khor phyag rgya bzhi ldan gyis// gnas bzhir nyi zla'i dkyil 'khor steng// rang rig thugs mtshan dgu pas bskor// de nas chos dbyings gnas su
136a6 'phros// lhun gyis grub pa'i sangs rgyas rnams// sku gsung thugs kyang mnyes par 'gyur// sku gsung thugs kyi dngos grub des// su 'dod mkha' la nyi shar bzhin// sku gsung thugs kyi dngos grub de// sgo
136b1 khud du ni 'byung 'gyur thob// de nas ston pa kun bzang gis// tshigs su bcad pa 'di yang brjod// gdod nas ma skyes rnam dag sems kyi dbyings// dag dang ma dag mi rtog rtog las 'das// dus gsum
136b2 gcig la sku bstan phyi bshol med// dngos grub sna tshogs rlabs chen 'bar ba can// su 'dod sbyin gyis da lta 'di ru long// bskal par bsgribs dang gti mug min sel ba// sprin mthongs nyi shar khung par dro
136b3 ba ltar// bdud rtsi rgyal po dbang chen 'di byin pas// rig 'dzin rgyal po'i go 'phang thob par 'gyur// yon tan tshe skyong yid du 'ong ba dang// bgegs zhi nad bral ci 'dod yon tan thob// ces bka' stsal te/
136b4 slob ma la yang dbang bskur ro// sku gsung yon 'phrin las thugs// che ba lnga lnga'i dbang bskur bas// 'gro ba ston pa'i dbang thob 'gyur// zhes rdo rje gsang ba las kyi rgyud las/ dngos grub blang zhing dbang
136b5 bskur ba'i le'u ste bdun pa'o//// de nas rdo rje kun tu bzang po des// gsung gi dngos pos don thams cad grub par bya ba'i phyir// sngags kyi snying po 'bru bshad kyi le'u 'di gsung so// kye tshangs dang
136b6 drang srong klu'i tshogs// shing dang sman gyi lha mo rnams// dang por snod bcud sdud tsam na// ban da rigs mthun lnga nang du// dpa' po 'bru lnga dgod pa ni// oM dang AHdang hUM dang ni// swA dang hA ni rnam pa
137a1 lnga// rgyal ba rigs lnga'i sku bskyed la// sgrub chen phyag rgya bzhi rdzogs kyis// 'phros 'dus snod bcud thams cad sdud// ma skyes pa yi snying po a// cho 'phrul 'byung bas oM du snang// yan lag
137a2 rdzogs pas oM du snang// oM sku yi snying po ste// bder gshegs sku yi snying por bshad// oM ni sku las 'od kyang 'byung// aM ni gsung gi snying po ste// gsung las ye shes me 'bar bsreg/ hUM ni thugs kyi snying po
137a3 ste// mi rtog rnam par dag pa yin// swa ni rin chen snying po ste// 'dod pa sbyin pas zhi bar bshad// ha ni don gyi snying po ste// don rnams las kyis 'grub par byed// snod bcud de yis bsdus pa yang// a dzA
137a4 spa ra na phaT ces spros// sang ha ra na hUM gis bsdu// snod bcud de ltar bsdus nas ni// snang srid snod bcud thams cad kun// bsdus te snying po 'bru bkod nas// 'phros 'dus lha yi dkyil 'khor gsal// rdo
137a5 rje dbyings kyi dkyil 'khor gyi// lha rnams bsnyen bsgrub rdzogs pa yi// 'phro 'dus chos dbyings nam mkha'i khams// 'phro 'dus sku gsung thugs rnams dang// bcud kyi dam pa kun bsdus nas// bdud rtsi
137a6 byang chub sems su sbyor// de'i sngags kyi 'bru bshad pa// oM aM hUM sarba pany+tsa a mri ta/ ra sa ya na ta na dz+wa ya guh+ya sid+hi hUM hri tha/ oM aM hUM ni sku gsung thugs// sarba thams cad don bshad pa// pany+tsa lnga yi rang
137b1 bzhin la// a mri bdud rtsi rang bzhin la// ta ni mi 'da' dam tshig go/ ra sa ya na sman gyi ming// ta na bsam gtan ting nge ste// dza ya 'dzin pa zhes su bshad// gu h+ya gsang ba'i don bshad la// sing+ng+hi dngos
137b2 grub rang bzhin sgra// hUM ni sdud pa'i snying po la// hri ni dbang byed rta yi snying// tha ni mi 'da' gong bshad bzhin// rdo rje dbyings kyi snying por bshad// rigs brgya khrol bur 'grub pa'o// de nas rgyud lnga sbyang ba
137b3 ni// de nyid rigs lnga'i bsgrub pa ni// gtso bo lnga yi 'phro 'du yis// 'khor gyi tshogs la 'od 'phros pas// 'khor tshogs 'od du zhu ba ste// hUM gis thugs kyi gsang bar bsdus// thugs kyi gsang ba'i dbyings
137b4 rum du// sku gsung thugs kyi bcud du byas// phyag rgya bzhi dang ldan byas nas// 'phro 'du snying po 'di brjod do// oM A hUM swA hA/ a pa dzaHspa Na phaT/ saM ha ra na hUM sdud pa'o// de yi sngags kyi 'bru bshad
137b5 pa// 'bru lnga gong bshad brtag par bya// a dzaH'od zer gyi rang bzhin// spar spro bar gyur pa la// phaT ni spros pa'i rang bzhin yin// rgyud lnga 'gro drug gtan sbyangs nas// hUM gis gsang ba'i dbyings su
137b6 bsdus// rgyud lnga rigs lngar gnas sbyangs pa// de nyid rigs lnga'i bsnyen pa'o// de nas rdo rje kun tu bzang po dang/ rigs lnga bde bar gshegs pa la// 'khor nye ba'i sras brgyad kyis don zhus pas// 'di
138a1 gsungs so// tshangs dang drang srong gtsang ma za// klu dang bram ze gtsang ma za// byol song rtswa mchog za ba yang// ji srid 'tsho ba'i bar du bza'// de dag grol bar ngas ma bshad// yang dag don
138a2 gyi lung 'di nyon// rnal 'byor thabs ldan rnams kyis ni// chos sku gcig la tha dad pa'i// rigs lnga'i rang bzhin 'di ltar bstan// rang bzhin ye nas dag pa'i rdzas// mnyam pa'i dbyings su rab rtogs
138a3 na// gnyis med mnyam pa'i don gyis zin// ji ltar dmigs pa bzhin du 'grub// dngos po dngos med rtog pa'i mtshan// mkhas pa mi gnyis gnas ni 'gyur// ye shes sku lnga 'di nyon cig/ byang chub sems ni
138a4 ye nas dkar// dri med dkar bas ye shes sku// rag ta dmar bas chags pa med// chags med rnam dag chos kyi sku// maM sa yid bzhin rin chen sngo// sna tshogs 'byung ldan mnyam nyid sku// dri med gser
138a5 mdog snang mdzad sku// mngon 'byung sprul pa chos kyi sku// dri chu dag byed sku mdog lnga// kun tu don byed las rab sku// sku lnga lhun grub bdud rtsi 'di// so so'i lus la gnas pa yin// dri chen dri chu rag ta
138a6 dang// maM sa sems chu 'di rnams kun// sems can rtog pa bzlog pa'i phyir// gtso ru dang du blang bar bya'o// gtsang rme med par kun gyis spyod// de dag grol bar ngas bshad do// zhes gsungs so// de nas
138b1 rigs lnga sku lnga 'od du zhu ba dang// thams cad gcig tu bsdus nas ni// bdagag gis thugs su bsdus te sbyang ba ni// gsang chen rigs gcig rdo rje sems dpar bsgom// oM a hUM/ sarba pa ny+tsa mri ta badzra tsat+ti
138b2 sa ma ya hUM hriHtha/de nas rdo rje sems dpa' rab bsgoms pas// rdo rje sems dpa' nyid du 'gyur// de yi sngags kyi 'bru bshad pa// oM la sogs pa gong bshad bzhin// badzra rdo rje tsit+ta thugs su bcad// sa ma
138b3 ya ni dam tshig hU~MM ni bdud rtsir sdud// hriHni rta snying bcud la dbang byed yin// tha ni bdud rtsi dam tshig gso bar byed// kun kyang gcig tu 'dus pas gsang bar bshad// de nas btag btsag bya ba ni// zhing
138b4 chen g.yang gzhi'i steng du ni// thig le dgu pa bri bya ste// zhi khro ma mo'i bsnyen pa drang// zhing chen g.yang gzhi'i steng la ni// lcags kyi gtan gtun kha sprad de// yab yum rkang pa bsnol bar du// mtshan ma'i rnam
138b5 shes yul dang bcas// chos dbyings e'i gtun khung du// mi dmigs ye shes thob pa yis// snang srid 'khor ba'i mtshan ma 'jig/ sta na sgrol ba'i dkyil 'khor du// thabs dang shes rab gnyis med
138b6 pa'i// bdud rtsi byang chub sems su sbyor// bdud rtsi 'khy-il ba'i dkyil 'khor du// oM A hU~MM kra ha na ta/ kra ha na ta/ ha na ha na/ hUM phaT kyis btag/ oM aM gong du bshad pa bzhin// kra ha na ta na rim pas
139a1 btag/ha na ha na rdung ba'i sngags// mu sa la yis bsre zhing sbal// gsang ba'i mkha' snod der blugs la// rgyas btab khro bos mtshams bcad la// sku bzhi rdzogs pa'i mkha' la bzhag/ de yang
139a2 dmigs la bskyil la ni// rdo rje so so lam nas byung nas ni// tshal chen gnam zhal mkha' la dbab par bya// oM a hU~M gi bzhag pa ni// snod bcud 'dzin pa gnam zhal mkha'// zhes gsungs so// de nas
139a3 rtags byung bskyil ba'i sngags// oM aM hU~M sarba pany+tsa a mr-i ta kuN Da li hU~M hriHtha/ bdud rtsi 'khyil ba'i snying por bshad// so so'i mkha' la bskyil la ni// rdo rje so so lam nas byung nas ni// tshal tshon gnam zhal
139a4 mkha' la dbab par bya// oM a hUM ma hA me pra be sha phebs phebs hU~M hriHtha/ bdud rtsi 'khyil ba'i snying por bshad// de nas dngos grub blangs te mchod pa ni// chos dbyings nam mkha'i khams na bzhugs pa
139a5 yi// lhun gyis grub dang dus gsum sangs rgyas mchod// ces rdo rje gsang ba las kyi rgyud las le'u brgyad pa'o//// rdo rje gsang ba las kyi rgyud ces bya ba bdud rtsi sman sgrub rdzogs so////
139a6 rgya gar skad du/


CLOSE WINDOW