124b1 sarba pany+tsa a mr-i ta/ bod skad du/ thams cad bdud rtsi lnga'i rang bzhin/ bcom ldan 'das dpal kun tu bzang po la phyag 'tshal lo// 'di skad bshad pa'i dus gcig ste/ bcom
124b2 ldan 'das gsang ba mchog gi dkyil 'khor na// shin tu rnal 'byor dbang phyug tshogs// skal ldan rnams dang thabs gcig ste// mdo sde'i byang chub sems dpa' dang// dgra bcom nyan thos rang rgyal
124b3 dang// theg dman ming yang med nang du// gsang sngags gsang ba'i snying po 'di// bdud rtsi mchog gi lta ba dang// spyod pa bsgrub pa 'di gsungs so// bsam gyis mi khyab bstan pa dang// brgyad khri bzhi stong
124b4 rnam grangs kyang// theg pa'i sgo ni gsum du gsungs// gsang nyid thig par bsdus dang bzhi// ldem por dgongs pa'i mdo don yang// kri ya'i don te sangs rgyas yin// rna brgyud ston pas thugs brtol
124b5 to// nges pa'i lung yang sangs rgyas la// sangs rgyas mnyam dang dbyings su 'gro// byang chub sems de kun tu dag/ rdzogs pa'i ye shes de bzhin nyid// ma rtog sbyong ba'i yul ma yin// ma lus mtha' dag nyid
124b6 kyi rgya// ye nas bya med bya mi dgos// rgyu dang 'bras bu 'khrul ba'i sgra// byang chub nyid de ltung gnas med// b+ha ga ji bzhin bde bar gnas// rgyud dang lung dang man ngag dang// dmangs dang rje dang rgyal po'i
125a1 tshul// khrud par rtsal 'phang thag ring yang// gcig la gcig brten gcig gi ngang// gcig ste rnam pa yongs kyis med// de bas sku gsung thugs kyi bdag/ sku dang brgyan dang 'khor lo
125a2 yang// lung chen zab mo'i nang nas gsal// lnga bzhin nang du 'khor ba yang// ye nas sangs rgyas bde chen nyid// lta ba 'di la gnas pa'i// rnal 'byor 'di ni skal ba bzang// ci spyad bsgoms shing ci
125a3 bsgrubs kyang// bdud rtsi nyid de sman gyi mchog/ bde gshegs kun gyi thugs dam nyid// byin brlabs ngo mtshar rgya cher 'byung// rgyal ba rgya mtsho rnams kyi gsos// sangs rgyas de bzhin nyid las
125a4 'byung// mtha' yas sems can don gyi phyir// rang la mchod cing rang gis bza'// bsgrub pa po ni nan tan bya// bcom ldan 'das dang gnyis med phyir// las 'di lung gis bsgrub byas na// mi spang ba dang
125a5 dang du len// spyad pa'i dam tshig bco lnga bsdu// de yang ma hA sa ma ya// bzhi pa rdzogs nas kun tu bzang// zhi rgyas dbang dang mngon spyod dang// gnan bzlog drug ni gcig tu'o// sta na g+ha na'i lung bshad
125a6 de// bcom ldan 'das ni nyid kyi bka'// lha yi bdud dang phung po'i bdud// nyon mongs bdud dang 'chi bdag bcom// phyag rgya chen po bzhi dang ldan// byang chub 'khor ba mya ngan 'das// sangs rgyas sems
125b1 can thams cad dang// mtshan mar brtags pa thams cad kun// de bzhin nyid las gzhan ma yin// de bzhin nyid las gzhan pa'i chos// sangs rgyas nyid kyis mi mkhyen no// phyi nang ma lus snod bcud
125b2 kyang// yab yum bde ba'i ngang du gsal// 'di ni snying po byang chub lung// yang dag ma rig 'khyam 'gyur ba// khams gsum thams cad bsgral ba'i zhing// ma skyes bas na 'jig pa med// bdag dang gnyis
125b3 med mnyam pa'i// thugs rje chen po cir mi mdzad// yang dag nyid la yang dag sgrol// yang dag bsgral na bde ba thob// stong gsum ma lus bskyab pa bas// skyes bu chen po rnal 'byor gyis// bsgral ba 'ba'
125b4 zhig snying rje'i mchog/mi ldog dbyings su yang dag nyid// thig le chen pos dbang bskur te// zla gsang dbus na byang chub sems// rdzogs sangs rgyas la som nyi med// rnam dag dri chen snang ba'i mchog/ mi
125b5 bskyod byang chub sems nyid de// rin chen mang ba 'byung ldan gtso// snang ba mtha' yas rak+ta'i thugs// don yod dri chu las grub pas// thams cad ma lus sangs rgyas lnga// lus pa med pas ye shes dang// ma
125b6 bcos ye nas 'di nyid do// de phyir sman chen dngos grub mchog/ bdud rtsi zhes ni 'di la bya// rtog pa'i klong du su 'dris pa// mi zhes mi bya sangs rgyas yin// bcom ldan 'das ni gud na med// rigs lnga bde
126a1 bar gshegs la phyag 'tshal lo// byin brlabs mtshams bcad bstan par bya// yid 'ong gnas su 'dug nas ni// bya ba med pa'i las 'di bsgrub// maN+Dal brgyad pa gzhung bzhin
126a2 du// dpal dang ldan pa'i snod bzhag ste// stong las 'byor bas ye nas dag/ bcal dang btsag dang btag pa yis// nyi zla gsal ba'i dkyil 'khor du// 'bru lnga ye shes 'phro 'du las// stong khams khyab par
126a3 don byas te// bcud kyi dam pa kun bsdus nas// dus gsum sangs rgyas mchod pa'i phyir// mu tig dkar po dri med ltar// bsgrub pa pos ni nan tan bya// gu h+ya lag pa'i phyag rgya yis// gzhung bzhin bstan
126a4 nas 'phro 'du bya// de dbus klu bdag sa bon gyis// dngos grub dam pa blang bar bya// dgu pa'i sngags kyis btab nas ni// le lo med pa'i brtson 'grus kyis// bar chad med pa'i 'phro 'du bya// gsal ba
126a5 'byung 'jug lhan ne seng// rtags dang mtshan ma bdun gyis 'byung// 'od dang du ba dri dang sgra// lha mo'i gzugs kyang ston par 'gyur// mang du 'phel na grub rdzas yin// de la ya mtshan bskyed mi bya// mtshan
126a6 ma 'di dag ma byung na// bskang gso'i cho ga rgya cher bya// spogs thabs bskyar zhing rtsal shugs dbyung// rdzas rnams kyang ni gsar bar bya// de nas mchod cing dngos grub blang// slob ma la yang dbang bskur
126b1 ro// tshe dang bskong dang yid du 'ong// nad med bran dang ci 'dod pa'i// bgegs rnams zhi ba la sogs pa'i// yon tan rtsa brgyad 'di yis 'thob// snying po tshim byed bcud kyi mchog/ gtso bo lnga dang 'bras bu
126b2 lnga// 'di dag rab tu bskyab pa'i phyir// dri zhim bcud ldan thams cad kun// mang po 'dus pa mthu byin che// yangs shing rgyud la goms pa dang// slob ma dpa' brtul gtsang sbra can// zla gsang dkar dmar
126b3 rlung kar lci// nyungs yang pany+tsa yan chad kyis// mi phyed pas ni bdud gnas pa'o// thugs kyi dngos grub dam pa 'di// re ba med pas grub pa blangs// 'di tshe 'bru ni brtag par bya// ma dag pa ni mtshams
126b4 gcad do// las kyi gtsor ni bskang ba dang// dbyangs dang bstod dang mchod pa yi// nan tan gyis ni brtson 'grus bya// the tshom med na nges par 'grub// ces bka' stsal nas shin tu rnal 'byor gyis dbang
126b5 phyug kun yi rangs te// bcom ldan 'das kyis gsungs pa la mngon par bstod do// e ma gsang ba las byung ba/ byang chub bde chen nyid la rdzogs// ma rig mun sel ye shes sgron// dpa' bo khyod la skyabs
126b6 su mchi// bdud rtsi mchog gi lung rdzogs so////


CLOSE WINDOW