111a1 badzra mi phyed rtsa g+hu gu h+ya tan tra na ma/ bod skad du/ rdo rje stong gsal snying po gsang ba'i rgyud ces bya ba/ dpal rdo rje mkha' 'gro ma la phyag 'tshal lo// 'di skad bdag gis thos
111a2 pa'i dus gcig na/ye shes klong yangs 'khyil pa'i gnas// ma bsgribs gsal ba'i gzhal yas nas// rdo rje stong gsal ma zhes te// 'dus pa'i 'khor la snying po'i don// chos nyid gsung gi brda
111a3 mdzad do// snying po gsang ba'i rgyud las gleng gzhi'i le'u ste dang po'o//// 'khor rnams rang gi gnas bzhengs pa// rdo rje rin chen pad+ma las// de bzhin ye shes chos nyid dang// sprul pa'i mkha' 'gro rong
111a4 bzhengs nas// mkha' 'gro mi 'gyur mas zhus pa// kye mkha' 'gro chen mo yis// don gyi rang bzhin bstan du gsol// spyi btud thal sbyar zhus pa las// stong gsal ma yis bka' stsal ba// gsang ba don gyi
111a5 gsung bsgrags pas// la la mnyam pa'i ngang la bzhugs// la la nges pa'i don kyang mthong// la la bde ba chen por 'bar// la la ye shes nang nas shar// la la chos nyid don la spyod// la la 'khrab cing la
111a6 la sprug/la la brgyal zhing la la skrag/ snying po gsang ba'i rgyud las/ gleng bslang ba'i le'u ste gnyis pa'o//// kye ma mkha' 'gro gsang ba'i bdag/ don gyi rang bzhin bstan du gsol// stong gsal ma
111b1 yis bka' stsal ba// nyon cig mkha' 'gro gsang ba'i tshogs// snying po hUM gi rang bzhin ni// dug lnga ma lus sreg pa'i me// snying po hUM du drang bar bya// sdug bsngal ma lus 'khru pa'i chu// snying po hUM du drang bar
111b2 bya// 'khor ba'i zhen pa chags pa'i rlung// snying po hUM du drang bar bya// mkha' 'gro'i pho brang bskyed pa'i phyir// snying po hUM du drang bar bya// mkha' 'gro thams cad 'dus pa'i gsung// snying po hUM du drang bar
111b3 bya// byin rlabs thams cad 'byung ba'i rgyu// snying po hUM du drang bar bya// dam chos thams cad 'du ba'i don// snying po hUM du drang bar bya// sangs rgyas kun gyi gsang ba'i thugs// snying po hUM du drang bar bya// bde
111b4 gshegs thams cad gshegs pa'i lam// snying po hUM du drang bar bya// snying po gsang ba'i rgyud las/ don gyi rang bzhin bstan pa'i le'u ste gsum pa'o//// kye ma mkha' 'gro gsang ba'i bdag/ lha gnas
111b5 snying po bstan du gsol// mkha' 'gro ma yis bka' stsal pa// dam tshig sems dpa'i lhar gsal bas// 'khor lo bzhi yi gnas dag tu// snying po hUM du drang bar bya// klad pa bde chen 'khor lo na// bcom
111b6 ldan 'jam dpal gshin rje gshed// zhal gsum phyag drug zhabs bzhi pa// gshin rje khro mo yum dang sbyor// rigs bzhi gshin rje 'khor dang bcas// mgrin pa longs spyod 'khor lo na// bcom ldan pad+ma
112a1 dbang gi lha// zhal gsum phyag drug zhabs bzhi ba// pad+ma khro mo yum dang sbyor// rigs bzhi rta mgrin 'khor dang bcas// snying kha chos kyi 'khor lo na// bcom ldan badzra he ru ka// zhal gsum
112a2 phyag drug zhabs bzhi pa// badzra khro mo yum dang sbyor// rigs bzhi badzra 'khor dang bcas// lte ba sprul pa'i 'khor lo na// bcom ldan rdo rje gos sngon can// zhal gsum phyag drug zhabs bzhi pa// rdo rje khro mo yum
112a3 dang sbyor// rigs bzhi phyag rdor 'khor dang bcas// 'khor lo'i srog shing 'du ti rtsa// spyi gtsug gsang gnas bar du rgyu// rdo rje hUM gi lam du byung// 'og min zhes bya'i spyi gtsug na// bla ma bde gshegs mos
112a4 gus rten// rlung sems hUM gi sbyar bar bya// ye shes sprul pa'i 'phro 'du yis// phyi shur nang shar thog rdzis ldan// phyi nang grong khyer lha'i dkrogs// bsod nams tshogs kyi 'khor lo bskor// 'od gsal stong pa
112a5 lam du blang// rdzogs pa'i sangs rgyas zhi bar bsdu// lte ba snying kha mgrin pa dang// bde ba chen po'i 'khor lo ru// bstan pa'i mnga' bdag shAkya thub// mthu stobs bdag po rdo rje sems// thugs rje'i bdag
112a6 po spyan ras gzigs// mkhyer rab mnga' bdag 'jam pa'i dbyangs// lha rnams kun gyi thugs kha nas// gser gyi rdo rje mtshon re la// rdo rje lte ba'i bum nang du// hUM gi rang bzhin ba thag tsam// stong gsal
112b1 hUM du drang bar bya// dgongs pa chos nyid klong du bzhag/ snying po gsang ba'i rgyud las/ lha gnas bstan pa'i le'u ste bzhi pa'o//// kye ma mkha' 'gro gsang ba'i bdag/ nyon mongs gnas sa bstan du
112b2 gsol// mkha' 'gro ma yis bka' stsal ba// spyi bo gti mug gnas sa yin// mgrin par 'dod chags gnas sa yin// snying kha zhe sdang gnas sa yin// lte ba nga rgyal gnas sa yin// gsang ba phrag dog
112b3 gnas sa yin// de na gdon gang gnas pa ni// bdud dang ma mo spyi bor gnas// btsan dang dmug mo mgrin par gnas// lha dang rgyal po snying khar gnas// dmu dang bse mo lte bar gnas// klu dang sa bdag
112b4 gsang gnas gnas// gdon gyi rkyen las nad byung ba// 'dus pa mgo nas 'jug pa yin// khrag nad mgrin pa dag nas bskyed// tshad mkhris snying khar gnas pa yin// bad kan pho mtsher dag na gnas// rlung
112b5 gi gsang ba'i gnas nas 'phel// las kyi 'tshams sbyar skye gnas ni// gti mug las kyis byol song du// 'dod chags las kyis mi yi gnas// zhe sdang las kyis dmyal ba ru// ser sna'i las kyis yi dags
112b6 gnas// nga rgyal las kyis lha gnas skyes// phrag dog las kyi lha min gnas// snying po gsang ba'i rgyud las/ nyon mongs 'khrug pa bstan pa'i le'u ste lnga pa'o//// kye ma mkha' 'gro gsang ba'i
113a1 bdag/bde gshegs gnas sa bstan tu gsol// mkha' 'gro ma yis bka' stsal pa// sku yi lha tshogs spyi bor gnas// gsung gi lha tshogs mgrin par gnas// thugs kyi lha tshogs snying khar
113a2 gnas// sprul pa'i lha tshogs lte bar gnas// rigs lnga'i lha tshogs kha dog ni// dkar po dmar po ser po ljang// lha dang ldan pa'i mkha' 'gro ni// rin chen rigs dang pad+ma'i rigs// rdo rje rigs dang las
113a3 kyi rigs// mkha' 'gro ma rigs dmar smug yin// ye shes rim po'i bskyed lugs ni// chos kyi dbyings kyi ye shes dang// me long lta bu'i ye shes dang// mnyam pa nyid kyi ye shes dang// so sor rtogs pa'i
113a4 ye shes dang// bya ba grub pa'i ye shes so// lha dang mkha' 'gro'i ye shes de// rlung sems hUM du dril la btang// bde chen zung 'jug gnad du btang// snying po gsang ba'i rgyud las/ bde bar gshegs pa'i
113a5 gnas bstan pa'i le'u ste drug pa'o//// kye ma mkha' 'gro gsang ba'i gnas// rlung bcu'i gnas sa bstan du gsol// mkha' 'gro ma yis bka' stsal pa// rig pa 'dzin pa sa yi rlung// rig pa sdud pa chu
113a6 yi rlung// rig pa smin pa me yi rlung// rig pa g.yo ba rlung gi rlung// rig pa khyab pa nam mkha'i rlung// skyes par byed pa pha yi rlung// bsdud par byed pa ma yi rlung// smin par byed pa bu yi rlung// gsal bar
113b1 byed pa las kyi rlung// thog par byed pa 'bras bu'i rlung// rlung bcu dril te lnga ru bsdus// mi rtsom lhun grub rlung du bsdus// gsal ba ye shes rlung du bsdus// mi phyed gnyis med rlung du bsdus// rang byung mi
113b2 'gag rlung du bsdus// stong gsal rig pa rlung du bsdus// rlung pos gcig tu dril ba de// mkhar la nyi ma shar ba 'dra// snying po hUM gi 'khor lo bskor// ye shes thog ser nyams su blang// snying po gsang ba'i
113b3 rgyud las/rlung bcud dbang du bsdu ba'i le'u ste bdun pa'o//// kye ma mkha' 'gro gsang ba'i bdag/ yid kyi mngon sum bstan du gsol// mkha' 'gro ma yis bka' stsal pa// yid kyi mngon sum nga
113b4 las byung// rdo rje 'chang chen khro bdag gang// rdo rje mkha' 'gro ma la sogs// sku gsung thugs kyi rang bzhin nga// thabs dang shes rab ye shes nga// thams cad yid kyi lam du byed// na tsha'i sdug bsngal yid
113b5 kyi lam// tsha ba'i nad rigs ci na yang// lus kyi 'khrul 'khor bsgul bskyod bya// ngag tu hri hri drangs la ston// lus ni rtswa spyil lta bu la// nad ni du ba lta bu ste// ba spu kun gyi bu ga nas// nad rnams phyi ru thon
113b6 bsam ste// rlung sems dril la drag tu bsgom// bsil bar bsdad cing mal cha srab// bsil zas bsil sman bshad la bza'// khong pa rgyu ma na ba na// rkang pa bsnol te pus mo btsugs// bus mo'i snyan gong
114a1 lag gnyis bsnol// lus bsdam dmigs rtsugs rlung mnan la// lag ngar gsus pa shud shud bya// sems bzung dbugs ni hUM bcas btang// ro stod glo snying mi bde na// ro stod dgye dgu bya
114a2 zhing sprug/dbugs ni dam la ring bas bton// na sar 'od gsal stong par bsgoms// pho mchin gsum pa 'gyings shing na// skyug mer zos pa mi 'jug na// gsus pa'i 'khrul 'khor shes pa yin// yid la rlung drung
114a3 rlung sems dril// ma yengs rtse gcig nyams su blangs// grang ba'i nang ni lci na yang// lus bsdam mgo gtums rlung gzung la// ha ha hus drod bskyed la// nad kyi steng du gsal btab ste// ma yengs
114a4 bsgom pa gnad du che// nad rlangs mgo bo na ba na// 'jing ba bkug la 'khrul 'khor bya// hri hri drang zhing stong gsal sgom// grang rlung tsha zhing skyug pa na// lus smad bsdams te hri hri drang// 'od gsal med dang
114a5 bcas la sgom// tshad nad rig pa phyi ru bzhag/ grang nad rig pa nang du sgril// ji ltar rma ni gang yin yang// rma nang a dkar gsal ba las// a de zhu nas bdud rtsir sgom// lus kyi gar dang ngag gi
114a6 sgra// yid kyi dmigs pas nad rnams ston// rnying po gsang ba'i rgyud las/ mngon sum bstan pa'i le'u ste brgyad pa'o//// kye ma mkha' 'gro gsang ba'i bdag/ tshe grib 'chi rtags bstan du gsol// mkha'
114b1 'gro ma yis bka' stsal pa// dus bzang yar ngo'i zla grib la// gzugs brnyan brtags na 'di ltar 'chi// ro gtugs 'dra na za ltar 'chi// mgo bo med na zla gsum 'chi// yan lag ma tshangs zla drug
114b2 'chi// de ni nam mkha'i brtag pa yin// lus kyi gnas gzhan brtag pa ni// gnas sa sbrel thag chad dam lta// glog lcam dmar mo sring ngam brtag/ chu rta lam na rgyug gam brtag/ ri rab srin chen yal lam
114b3 brtag/gangs dkar 'od dang bral lam brtag/ mkha' 'gro sgra skad chag gam brtag/ snying po gsang ba'i rgyud las/ 'chi rtags bstan pa'i le'u ste dgu pa'o//// kye ma mkha' 'gro gsang ba'i
114b4 bdag/gnas skabs 'chi slu bstan du gsol// mkha' 'gro ma yis bka' stsal ba// mi rta khyi yi rus pa la// thum po byas te dong du sba// gtor ma btang zhing dge las bya// des kyang bzlog par ma gyur
114b5 na// chos 'khor tshogs 'khor chen po bya// des kyang bzlog par ma gyur na// 'khor gsum yongs dag spongs dag bya// des kyang bzlog par ma gyur na// bla med mchod pa chen po bya// chos nyid don gyi ngang la
114b6 bzhag/dus min 'chi ba byung srid na// bdud kyi bar chad srog 'phrog yin// nang du rig pa btson du gzung// phyi ru snang pa rang sar bzhag/ ma bcos chos nyid ngang la 'pho// don gyi 'chi ba med pa yin// snying
115a1 po gsang ba'i rgyud las/'chi ba bsla ba'i le'u ste bcu pa'o//// kye ma mkha' 'gro gsang ba'i bdag/ rnal 'byor nyams snang bstan du gsol// mkha' 'gro ma yis bka' stsal pa// rig pa
115a2 rang byung gtan la phebs// rig pa ye shes rang la shar// don mthong yid ches bde bar 'bar// rlung sems las su rung ba yis// yid dam lha yis lung bstan 'byung// mkha' 'gro rnams kyis byin gyis
115a3 rlob// gnod sbyin pho mo zhi bar byed// na tsha sdug bsngal sran yang tshugs// thun mong mchog gi dngos grub thob// cha mthun mngon par shes pa 'char// rig pa rang grol chos sku thob// 'khor dang
115a4 longs spyod thams cad 'du// lus bde sems bde bde bar ldan// ngag la nub pa sna tshogs 'byung// tshe ring nad med gnod pa bral// lta sgom spyod 'bras shugs las 'byung// snying po gsang ba'i rgyud las/
115a5 phan yon bstan pa'i le'u ste bcu gcig pa'o//// kye ma mkha' 'gro gsang ba'i bdag/ 'di phyi'i 'char lugs bstan du gsol// mkha' 'gro ma yis bka' stsal pa// gdeng dang ldan pa'i rnam 'byor
115a6 la// 'di dang bar do phyi ma la// rig pa'i 'char lugs 'di ltar mchis// dus 'dir 'od gsal rtogs pa yin// lta ba 'od gsal stong par rtogs// sgom pa 'od gsal yengs pa med// spyod pa 'od gsal
115b1 'gag pa med// nyams nyid 'od gsal zhen pa med// 'bras bu 'od gsal 'bral ba med// zhing khams 'od gsal rnam par dag/ de ltar rtogs pa'i bar do ru// rig pa rang byung gcer bu de// gling pa yu ba
115b2 med pa la// rjen pa rang sar 'char ba yin// zag med bde ba kho na nyid// ye shes bde rlung kho na nyid// shes pa rang snang kho na nyid// rig pa rang byung kho na nyid// sems nyid rang grol kho na nyid// dran pa rang
115b3 stong kho na nyid// nang gi 'gyur ba dwangs sangs grol// phyi yi dngos po bden med grol// lus ni longs sku'i mkha' 'gror grol// ngag ni sprul sku'i mkha' 'gror grol// sems ni chos sku'i mkha' 'gror
115b4 grol// snying po gsang ba'i rgyud las/ 'char lugs bstan pa'i le'u ste bcu gnyis pa'o//// kye ma mkha' 'gro gsang ba'i bdag/ phyi nang bsdu ba bstan du gsol// mkha' 'gro ma yis bka' stsal
115b5 pa// rang lus rgyal ba'i dkyil 'khor la// gzhal yas khang du bstan pa yin// dkyil 'khor lha rnams rang la 'dug/ sha dang rus pa sa'i dkyil 'khor// khrag dang chu ser chu'i dkyil 'khor// drod kyi rang
115b6 bzhin me'i dkyil 'khor// dbugs kyi sdang 'jug rlung gi dkyil 'khor// nang gi don snying lnga po ni// lha yi pho brang dam pa yin// mig dang rna ba sna dang lce// sgo bzhi dag gi bkod pa yin// kha dog lnga ru gsal
116a1 ba ni// pany+tsa re ga'i rtsig pa yin// sgal tshigs khyams su bcas pa la// rtsib ma gdung dang phyam du bkram// pags pa thog tu phub pa yin// tshogs drug 'dod yon lha rnams la// tshil bu rin chen
116a2 pha gu yin// ba spu dra ba dra phyed de// yan lag rta babs rang bzhin no// sor mo rnams kyi lcags ris bskor// de ltar dkyil 'khor yod pa la// rtogs tshogs lha yi rang bzhin bzhugs// gzhan yang gsang
116a3 ba'i rtsa rnams ni// las kyi mkha' 'gro gnas pa na// lte ba sprul pa'i 'khor lo na// rtsa 'dab drug cu rtsa bzhi na// mkha' 'gro drug cu rtsa bzhi gnas// snying kha rtsa 'das brgyad pa la// mkha' 'gro brgyad du gnas
116a4 pa yin// mgrin pa rtsa 'dab bcu drug la// mkha' 'gro ma yang bcu drug gnas// klad pa bde chen 'khor lo la// rtsa 'dab sum cu rtsa gnyis na// mkha' 'gro sum cu so gnyis gnas// phyag mtshan bum pa
116a5 bsnams pa ste// kha dog dmar ser sna tshogs ldan// lha 'khor rigs mthun lha tshogs ni// dpa' bo dpa' mo 'jigs pa'i tshogs// sgeg po sgeg mo mdzes pa'i tshogs// khro bo khro mo grams med
116a6 bzhugs// phung po khams dang skye mched dang// rnam shes tshogs brgyad la sogs kun// ye gsal ye shes chen po yis// dam rdzas rang chas yod pa yin// bsgul bskyod byas pa phyag rgya che// phyi ru mi mchod nang
116b1 du mchod// snying po hUM du di ri ri// rlung sems hUM du hri li li// 'od gsal stong pa lam du slong// snying po gsang ba'i rgyud las/ phyi nang du bsdu ba'i le'u ste bcu gsum pa'o//// kye ma mkha' 'gro gsang
116b2 ba'i bdag/tshogs mchod dbang bskur bstan du gsol// mkha' 'gro ma yis bka' stsal pa// mtshon pa tsam du dam bris la// bum pa rdzas dang ldan pa dang// mchod rdzas rnams ni legs par
116b3 bshams// mchod rdzas byin gyis brlabs nas ni// bla ma yi dam mkha' 'gro dang// phyi nang bde bar gshegs pa rnams// spyan drangs bzhengs bskul bzhugs gsol nas// yan lag bdun gyi mchod pa
116b4 'bul// bum pa byin gyis brlabs nas ni// bum ba bla mas blangs pa de// spyi gtsug la sogs sgo bzhir bzhag/ a b+hi Shany+tsa'i sngags brjod la// dbang bzhi legs par bskur ba dang// tshogs kyi yo byad
116b5 btegs nas ni// thod pa mtshan ldan dpa' dang bcas// 'dod yon lha mor byin brlabs te// tshogs 'khor bskor la dbang bskur zhu// 'dod pa'i don 'grub gsol ba gdab// bla mas thod pa blangs nas
116b6 ni// rigs lnga yab yum snying po brjod// hUM ni rgyun chad med pa'i bar// badzra sid d+hi sid d+hi hUM/ b+hud d+ha sid d+hi sid d+hi hUM/ rat+na sid d+hi sid d+hi hUM/ pad+ma sid d+hi sid d+hi hUM/ karma sid d+hi sid d+hi hUM/ hUM hUM hUM hUM hUM hUM hUM/
117a1 ban d+ha'i dbang bzhi bskur bar bya// gsang ba'i mchod pa phul nas ni// gsang ba'i dbang bzhi bskur bar bya// don gyi mchod pa phul nas ni// don gyi dbang bzhi bskur bar bya// shi ba'i ro la
117a2 dbang bskur bya// gnod pa'i lha 'dre dag la yang// snying rje yid kyis dbang bskur bya// ha ha he he tshar bcad btang// lte ba a a sgra ru btang// glu ru hUM nga hUM nga blang// hUM ring hUM thung 'gog pa dang// shib bu
117a3 rdo rje ting 'dzin bzlas// snying po gsang ba'i rgyud las/ tshogs mchod dbang bskur ba'i le'u ste bcu bzhi pa'o//// kye ma mkha' 'gro gsang ba'i bdag/ phyi nang gsang ba bstan du gsol// mkha' 'gro ma
117a4 yis bka' stsal pa// phyi stong nang stong gsang pa stong// stong pa'i dbyings las yangs dog med// yangs dog med pa b+ha ga'i klong// stong gsal bde chen sangs rgyas yin// phyi gsal nang gsas gsang bar
117a5 gsal// gsal ba rang byung 'gag pa med// 'gag pa med pa nges med shugs// stong gsal bde chen sangs rgyas yin// phyi shes nang shes gsang ba shes// ye shes ma bcos btsal ba med// btsal ba med pa
117a6 'gyur med dang// stong pa ye shes sangs rgyas yin// phyi rig nang rig gsang ba rig/ rig pa rjen pa dri ma med// dri ma med pa zangs thal che// stong rig bde chen sangs rgyas yin// phyi bde nang bde zag med
117b1 bde// bde chen rgyun mi 'chad pa yin// ye shes gsal ba'i nyi ma shar// ma rig mun pa rang sar dag/ rang sems chos sku gtan la phebs// dug lnga dug gsum rtsa ba rul// sangs rgyas zhing du da ltar
117b2 bsleb// khams gsum 'khor ba'i g.yang sa chod// skye med dbyings su brtsa nas zin// mngal kha brgya yis thebs pa yin// snying po gsang ba'i rgyud las/ phyi nang gsang ba bstan pa'i le'u ste bco lnga
117b3 pa'o//// de nas mkha' 'gro chen mo yis// mkha' 'gro rnams la rgyud gtad pa// rgyud kyi rgyal po lung gi 'grel// man ngag kun gyi rtsa ba yin// theg pa yang rab bla na med// dngos grub thams cad
117b4 'byung ba'i gnas// mkha' 'gro rnams kyis 'di zung zhig/ zung la legs par bcang bar bya// nga yi bka' las 'da' ma byed// de skad ces gsungs gtad rgya mdzad// 'khor rnams legs pa'i don mthong
117b5 nas// mkha' 'gro la lags btud de// e ma ho ste legs par gsungs// legs so legs so legs par gsungs// don gyi snying po rgyud kyi bcud// legs par gsungs pa yi rang ngo// mi 'gyur rtsal
117b6 la sogs pa dges// snying po gsang ba'i rgyud las/ yongs su gtad pa dang/ gtang rag gi le'u ste bcu drug pa'o//// rdo rje stong gsal gsang ba'i rgyud ces bya ba/ mkha' 'gro mas gsungs pa
rdzogs so/

CLOSE WINDOW