98b1 mkha' 'gro dpang du btsugs nas gtad pa'o// rdzogs saho// rgya rgya rgya/ gri gug gi rgya/ mkha' 'gro'i rgya/ thod pa'i rgya//// #// rgya gar skad du/ DA ki ni karma ma le tan tra nA ma/ bod skad
98b2 du/mkha' 'gro ma las sna tshogs kyi rgyud ces bya ba/ sna tshogs mkha' 'gro ma la phyag 'tshal lo// rnal 'byor pas mkha' 'gro ma'i dngos grub thob par 'dod pa'i mkha' 'gro ma sbyor ba drug pa zhes bya ba gsang
98b3 ba gnad kyi nyams len gyi rim pa 'di skal ldan las 'phro can gyi chos yin no// de la rtogs pa skye ba dang gcig nyin mo mi 'du ba dang gnyis/ nub mo DA ki ma 'du ba dang gsum/ nang nub zas 'du ba dang
98b4 bzhi/brtul zhugs nus pa bskyed pa dang lnga/ rten 'brel mngon shes 'char ba dang drug go/ de la rtogs pa bskyed pa la rdo rje phag mo bsgrub/ nyin mo mi 'du ba la rdo rje mkha' 'gro bsgrub/ nub mo mkha' 'gro
98b5 'du ba la pad+ma mkha' 'gro bsgrub/nang nub zas nor 'du ba la rin chen mkha' 'gro bsgrub/ brtul zhugs nus pa bskyed pa la las kyi mkha' 'gro bsgrub/ rten 'brel mngon shes 'char ba la dam tshig mkha'
98b6 'gro bsgrub bo// spyi don gyi le'u ste dang po'o//// dang po rtogs pa bskyed pa la/ ye shes mkha' 'gro rdo rje phag mo bsgrub ste/ dang po skad cig ma las lus rdo rje phag mo/ sku mdog dmar mo
99a1 zhal khro zhal dang phag zhal yod pa/phyag gnyis gri gug thod pa 'dzin pa/ zhabs gnyis g.yon brkyang g.yas bskum pa/ rus pa'i rgyan gyis brgyan pa/ ro'i gdan la bzhugs pa bsgom/ snying khar
99a2 pad+ma 'das bzhi la/ha ri ni sa bzhi'i dbus su hUM dmar po bsgoms la/ sngags 'di bzlas so// A+oM badzra sarba bud d+ha DA ki ni ye ha ri ni sa hUM phaT/ ces bzlas so// rang gi rig pa lam du khyer te/ ci shar byed
99a3 pa yin no// rig pa ltengs su mi gzhug go/ rig pa gang shar nyams su len no// de tsam na mkha' 'gro mas las byed do// rang gi rig pa 'ur na mkha' 'gro mas byin gyis brlabs pa'i rtags yin pas snang ba
99a4 gang shar thad kar bcad/snang ba ci shar 'bod cog la sogs pas mkha' 'gro ma mchod pa sbyin pa/ zhen pa bzlog pa tshul khrims/ mi phod pa brtson 'grus/ rkyen thog tu 'gel ba bzod pa/ rig pa gcer
99a5 bur 'don pa bsam gtan/rig pa thog rdugs med pa shes rab bo// de ltar nyams su blangs pas rtogs pa khong nas 'char ro// sangs rgyas mkha' 'gro'i le'u ste gnyis pa'o//// nyin mo mi 'du bar
99a6 'dod na/rdo rje mkha' 'gro ma bsgrub ste/ bdag rdo rje mkha' 'gro ma sku mdog mthing nag/ g.yas rdo rje/ g.yon thod pa/ kha TAM kha mchan khung du bcug pa/ rus pa'i rgyan gyis brgyan pa/ zhabs g.yon brkyang ba/
99b1 g.yas bskum pa ro'i gdan la bzhugs par bsgom/ snying khar pad+ma 'dab ma bzhi la ha ri ni sa bsam/ A+oM badzra DA ki ni ha ri ni sa ni tsit+ti khug bsdus bsdus zhes bzlas shing 'gro ba thams cad snying 'gul bar
99b2 bsam/tsan dan shug pa'i me la sha sna dang phye bsreg cing mi mched bya/ mi thams cad rang dbang med par 'du'o// rdo rje mkha' 'gro'i le'u ste gsum pa'o//// zas nor dbang du 'du bar 'dod na/ rin
99b3 chen mkha' 'gro bsgrub ste/bdag nyid rin chen mkha' 'gro ma/ sku mdog ser mo/ g.yas rin po che/ g.yon thod pa/ kha TAM kha mchan khung du bcug pa/ zhabs g.yas brkyang g.yon bskum pa/ gdan rin po che
99b4 la bzhugs par bsgom mo// snying khar pad+ma 'dab ma bzhi la ha ri ni sa bsam/ A+oM rat+na DA ki ni ha ri ni sa/ mi snying bsgul bsgul ni khug khug/ ba su nA ga kha he bsdus bsdus/ zhes bzlas shing sna mang po
99b5 bsags la zas dang/'bru dang/ rin po che rnams la me mchod bya'o// zas nor thams cad dbang med ster ba 'ong ngo// rin chen mkha' 'gro ma'i le'u ste bzhi pa'o//// nub mo mkha' 'gro ma 'du bar
99b6 'dod na/pad+ma mkha' 'gro bsgrub/ bdag pad+ma mkha' 'gro sku mdog dmar mo/ g.yas pa pad+ma/ g.yon thod pa/ kha TAM kha mchan khung du bcug pa/ zhabs g.yas bskum g.yon brkyang gis pad+ma'i gdan
100a1 la bzhugs pa/sku gcer bu la rus pa'i rgyan gyis brgyan par bsgom snying khar pad+ma 'dab ma bzhi la ha ri ni sa bsam/ A+oM pad+ma DA ki ni ha ri ni sa DA ki ni DA ki ni/ dz+ho ki dz+ho ki ni/ hUM hUM dza dza/ zhes
100a2 bzlas shing mdzo mo'i shing la sha chen dang sha sna krag sna'i me mchod bya'o// mkha' 'gro ma dngos su 'ong ste 'phrin las bcol lo// pad+ma mkha' 'gro'i le'u ste lnga pa'o//// brtul zhugs nus pa bskyed pa la/
100a3 las kyi mkha' 'gro'i bsgrub pa ni/ bdag nyid las kyi mkha' 'gro sku mdog ljang khu/ g.yas ral gri/ g.yon thod pa/ kha TAM kha mchan khung du bcug pa/ zhabs g.yas bskum g.yon brkyang pas ral gri mnan
100a4 pa'i gdan la bzhugs pa/gcer bu rus pa'i rgyan gyis brgyan par bsgom/ thugs khar pad+ma 'dab ma bzhi la ha ri ni sa bsam/ oM karma DA ki ni ha ri ni sarba karma hUM hUM phaT phaT/ ces bzlas shing mer mchong ba
100a5 dang/chur mchong ba dang/ g.yang la mchong ba dang/ dbu rdeb pa dang/ brtul zhugs kyi spyod pa sna tshogs byed do// las kyi mkha' 'gro ma'i le'u ste drug pa'o//// mngon shes 'char ba la/ dam tshig
100a6 mkha' 'gro bsgrub pa ni/bdag nyid dam tshig mkha' 'gro dkar mo g.yas 'phrul gyi me long/ g.yon pa thod pa/ kha TAM kha mchan khung du bcug pa/ zhabs g.yas brkyang g.yon bskum pas pad+ma'i gdan la
100b1 bzhugs pa/gcer bu rus pa'i rgyan gyis brgyan par bsgom/ thugs khar pad+ma 'dab ma bzhi la ha ri ni sa bsam/ A+oM sa ma ya DA ki ni ha ri ni sa ru tra ru tra mu mu/ shig shig phye phye ston ston/ zhes bzlas shing
100b2 sman dang spos chis khrus bya/rab mngon sum/ 'bring nyams/ tha ma rmi lam du legs nyes thams cad ston to// dam tshig mkha' 'gro'i le'u ste bdun pa'o//// sna tshogs mkha' 'gro bsgrub pa ni/ bdag
100b3 nyid thams cad mkha' 'gro ma sku mdog sna tshogs 'od du 'bar ba/g.yas rdo rje rgya gram/ g.yon thod pa/ kha TAM kha mchan khung du bcug pa/ zhabs g.yas brkyang g.yon bskum pa/ rdo rje rgya gram gyi gdan la
100b4 bzhugs par bsgom/snying khar pad+ma 'dab ma bzhi la ha ri ni sa bsam/ A+oM bud d+ha bud d+ha/ badzra badzra/ rat+na rat+na/ pad+ma pad+ma/ karma karma Da ki ni ye/ ma ma ha ri ni sa hUM hUM phaT phaT/ ces bzlas shing rig pa la ci
100b5 shar cu byed sny-ing 'dod pa bya/mkha' 'gro mas dngos grub sna tshogs ste ro// me mchod bya zhing bdud rtsi bsnams pa bsreg/ sna tshogs mkha' 'gro ma'i le'u ste brgyad pa'o//// 'jig rten mkha' 'gro bsgrub pa
100b6 ni/bdag nyid rdo rje phag mor bsgoms la/ 'jig rten gyi khams thams cad mkha' 'gro mas gang bar bsgom/ ha ri ni sa war lam ni hUM hUM hring hring/ sa ni re he/ DA ki mi d+ha ko hUM dza/ sa ni ri ha/ ri mi sang kri
101a1 ta hUM/sa ni ri ha sa phe ma dza la ta swA hA/ zhes bzlas shing gcer bu bya/ gar bya/ ri ka la bsdad/ mi tshil gyi dud pa btang/ mkha' 'gro ma thams cad 'khrugs nas bka' nyan gsung sdod par
101a2 'gyur ro// mkha' 'gro ma'i dkrug yig 'jig rten mkha' 'gro'i le'u ste dgu pa'o//// thams cad mkha' 'gro bsgrub 'dod na/ bdag nyid rde rje phag mor bsgom/ snying khar pad+ma 'dab bzhi la/ ha ri
101a3 ni sa bkod la/mkha' 'gro bzhi'i ngo bor bsam/ ha ri ni sa/ sa ri ni ha/ ri ha sa ni/ ni sa ri ha/ war ma ni hUM hUM hring/ DA ki mi d+ha ki hUM dza/ ri mi ye ta kri hUM/ sa pheM dza la ta swA hA/ zhes bzlas/ snang ba thams
101a4 cad mkha' 'gro ma'i rang bzhin du bsam mo// snang ba la ci shar bya/ 'gro 'dug bskor ba/ ldang 'dug lha phyag/ 'bod gcog gtor ma/ brgyab kyis dogs pa dang bsad kyis dogs pa la sogs pa mi bya/ re
101a5 dogs dang nyam nga med par brdzi'o// g.yang la mchong pa dang/ me dang chu la sogs pa la sems 'gyur ba med par brdzi'o// gdon gnod sbyin pho mo dang/ lha klu gdug pa can dang/ bar chad kyi rkyen bgegs
101a6 la nyam nga med par brdzi'o// thams cad mkha' 'gro'i le'u ste bcu pa'o//// mkha' 'gro sde lnga bsgrub pa ni// rang nyid rdo rje phag mor bsgom// spyi gtsug bde chen 'khor lo ru// rdo rje mkha' 'gro sku mdog
101b1 mthing// g.yas pa rdo rje g.yon thod pa// mgrin pa longs spyod 'khor lo ni// rin chen mkha' 'gro sku mdog ser// g.yas pa rin chen g.yon thod pa// snying kha chos kyi 'khor lo na// sangs rgyas mkha' 'gro sku
101b2 mdog dkar// g.yas pa 'khor lo g.yon thod pa// lte ba sprul pa'i 'khor lo na// las kyi mkha' 'gro sku mdog ljang// g.yas pa ral gri g.yon thod pa// gsang ba bde ba'i 'khor lo na// dam tshig mkha'
101b3 'gro bde stong gnyis med gnas// mkha' 'gro rnam bzhi'i snying kha na// pad+ma 'dab bzhi gnas pa la// ha ri ni sa gnas par bsgoms// ngag tu sngags 'di bzlas so// A+oM AH hUM swA hA/ ha ri ni sa hUM phaT/ lus
101b4 mi bsdad bsgul bskyod bya/ngag mi bsdad sngags bzlas/ sems mi bsdad mi rtog pa la bsdad/ lus la bde ba 'byung/ ngag la nus pa 'byung/ sems la rtogs pa 'byung ngo// mkha' 'gro sde lnga'i le'u ste bcu
101b5 gcig pa'o//// sangs rgyas mkha' 'gro sgrub pa'i thabs ni/ skad cig ma las bdag nyid rdo rje phag mo zhal gcig phyag gnyis pa/ rdo rje gri gug thod pa kha T+waM kha 'dzin pa'o// zhabs g.yas
101b6 brkyang g.yon bskum gyis 'jigs byed dang dus mtshan man pa/rus pa'i rgyan gyis brgyan pa/ me dpung nang na bzhugs par bsgom/ snying khar pad+ma 'dab bzhi la/ ha ri ni sa bkod la/ de las 'od zer 'phros
102a1 pas mkha' 'gro dpa' bo dang dpa' mo thams cad spyan drangs te rang gi lus la gzud par bya'o// rtsa dang ba spu'i bu ga thams cad mkha' 'gro mas gang bar bsam mo// A+oM sarba bud+d+ha DA ki ni ye
102a2 badzra war N+Na nI ye/badzra bai ro tsa ni ye ha ri ni sa hUM hUM phaT phaT swA hA/ snying kha'i dbus na gtso mo'i sngags pad+ma 'dab ma bzhi la yi ge bzhu gnas pa la dmigs la bzlas/ lus mkha' 'gros gang nas sngags de
102a3 ri ri zlos par bsam/rtags lus la bde ba/ ngag la nus pa/ sems la rtogs pa 'char/ mkha' 'gro ma grub pas thun mong gi dngos grub sna tshogs 'byung ngo// sangs rgyas mkha' 'gro ma'i le'u ste bcu gnyis
102a4 pa'o//// 'jig rten dbang phyug bsgrub 'dod na/ bdag rdo rje phag mor bsgoms la/ spyi bor pad+ma 'dab bzhi'i steng du ha ri ni sa bkod la/ ngag tu yang ha ri ni sa bzlas pas/ 'khor lo las 'od zer
102a5 dkar po'i 'phros pas phyogs bcu'i sangs rgyas dang/byang chub sems dpa' dang/ dpa' bo dang/ dpa' mo thams cad kyi sku'i yon tan thams cad bsdus nas bdag gi spyi bor thim pas bdag gi lus
102a6 mdangs dang stobs dang ldan par bsgom mo/'jig rten gyi mi thams cad kyis bkur gnas su 'gyur ro// 'jig rten dbang phyug gi le'u ste bcu gsum pa'o//// ngag gi dbang phyug bsgrub 'dod na/
102b1 bdag rdo rje phag mor bsgoms la/ mgrin pa pad+ma 'dab bzhi'i steng du ha ri ni sa bkod la/ sngags bzlas pas 'khor lo las 'od zer dmar po 'phros pas phyogs bcu'i sangs rgyas dang/ byang chub sems
102b2 dpa' dang/dpa' bo dang dpa' mo thams cad kyi gsung gi yon tan thams cad bsdus nas mgrin pa longs spyod 'khor lo la thim pas bdag gi ngag la gsung dbyangs drug cu dang ldan par byin gyis brlabs
102b3 pa bsgom mo// 'gro ba thams cad ji ltar bsgo ba ltar bka' nyan par 'gyur ro// ngag gi dbang phyug gi le'u ste bcu bzhi pa'o//// thugs kyi dbang phyug bsgrub na/ bdag rdo rje phag mor bsgoms/ snying khar
102b4 pad+ma 'dab ma bzhi'i steng du ha ri nis bkod la sngags bzlas pas 'khor lo las 'od zer mthing ka 'phros pas phyogs bcu'i sangs rgyas dang/byang chub sems dpa' dang/ dpa' bo dang/ dpa' mo de
102b5 dag thams cad kyi thugs kyi yon tan thams cad bsdus nas bdag gi snying kha'i yi ge 'khor lo la thim pas/mi shes pa'i rmongs pa'i dri ma thams cad bsal nas chos thams cad kyi don shes par byin gyis
102b6 brlabs par bsam/chos thams cad kyi don khong du chud par 'gyur ro// thugs kyi dbang phyug gi le'u ste bco lnga pa'o//// 'phrin las kyi dbang phyug gi bsgrub pa ni/ bdag nyid rdo rje phag mor bsgoms
103a1 la/lte bar pad+ma 'dab ma bzhi'i steng du ha ri ni sa bkod la/ sngags bzlas pas 'khor lo las 'od zer dkar po/ ser po/ dmar po/ nag po 'phros pas/ phyogs bcu'i sangs rgyas dang/ byang
103a2 chub sems dpa' dang/dpa' bo dang/ dpa' mo rnams kyi 'phrin las kyi yon tan thams cad bsdus nas bdag gi lte ba'i yi ge la thim pas bdag gi nad dang/ gdon bgegs zhi ba dang/ tshe dang bsod
103a3 nams rgyas pa dang/log par lta ba'i mi dang mi ma yin pa dbang du 'dus pa dang/ dgra bgegs tshar bcad par bsam mo// 'phrin las rnam pa bzhi 'grub par 'gyur ro// 'phrin las kyi dbang phyug bsgrub
103a4 pa'i le'u ste bcu drug pa'o//// bde ba'i dbang phyug bsgrub par 'dod na/ bdag rdo rje phag mor bsgoms la/ gsang bar pad+ma 'dab bzhi'i steng du ha ri ni sa bsam/ sngags bzlas pas phyogs bcu'i sangs
103a5 rgyas dang/byang chub sems dpa' dang/ dba' bo dang/ dpa' mo rnams kyi sbyor mtshams nas byang sems dkar dmar thabs shes rab kyi bcud thams cad tshur bsdus te bdag gi gsang bar thim nas bde
103a6 bas lus rgyas nas bde ba dang stong par bsgom/bde stong gnyis med kyi nyams skye bar 'gyur ro// bde ba'i dbang phyug gi le'u ste bcu bdun pa'o//// snang stong gnyis med kyi don bsgom na/ bdag rdo rje
103b1 phag mor bsgoms/snying pad+ma 'dab bzhi la ha ri ni sa bkod la/ yi ge bzhi pa bzlas pas snang ba 'di me long gi gzugs brnyan nam/ 'ja' tshon nam/ sgyu ma 'am/ smig sgyu 'am/ snang la rang bzhin med par
103b2 bsgoms/de ltar bsgoms na snang ba 'di bun bun lang long 'ong ste snang bzhin du stong/ stong bzhin du snang/ snang la rang bzhin med par bsgom/ snang pa la thog rdugs med par 'gro bar 'gyur ro// snang stong
103b3 gnyis med kyi don bsgom pa'i le'u ste bco brgyad pa'o//// gsal stong dbyer med kyi nyams bsgom na/ bdag rdo rje phag mor bsgoms/ snying khar pad+ma 'das brgyad la ha ri ni sa bkod la yid kyis
103b4 bzlas/shes pa bzlas pa'i rjes mi bcad/ ma 'ongs pa'i sngon mi bsu/ da ltar gyi shes pa skad cig ma 'di rkyen khar mi btang bar shes pa sal le sing nge gsal la ma 'gag pa rang 'byung rang gsal du
103b5 bzhag/de la dang po yid tsam/ de nas skad cig tsam/ de nas yun je ring rje ring las rig pa gsal dngas phyed par 'gyur ro// gsal stong dbyer med kyi le'u ste bcu dgu pa'o//// bde stong dbyer med
103b6 kyi don bsgom pa ni/bdag rdo rje phag mor bsgoms la/ snying khar pad+ma 'dab bzhi bkod la/ ha ri ni sa bzhi bsam/ yid kyis bzlas te shes pa glod la bde 'ba' le shig ge lhod de bzhag/ rnam rtog mi
104a1 bcos/mi bsgyur/ mi dgag/ rang byung rang dngas su bzhag/ de la gnas pa dang/ lus bde ba dang/ ting nge 'dzin gtong mi phod pa dang/ lus yod pa mi tshor bar 'gyur ro// bde stong gnyis
104a2 med kyi le'u ste nyi shu pa'o//// rig stong dbyer med kyi don bsgom pa ni/ bdag rdo rje phag mor bsgoms/ snying khar pad+ma 'dab bzhi la ha ri ni sa bkod la yid kyis bzlas/ rig pa skad cig ma 'di hrig
104a3 hrig bun bun lang lang yer yer gzhi la ma bzhag par 'ur 'ur bskyangs pas rig pa 'ur te khrog ge shes pa 'ur re sgyangs se/tha mal gyi shes pa 'gyur/ bag la nyal las khog rig pa'i rtsa ba stong par shes pa
104a4 'di kho na lam du bgyer ro// mkha' 'gro mas rig pa byin gyis brlabs pas rnal 'byor pa snang ba'i chags zhen las grol bar 'gyur ro// rig stong dbyer med kyi le'u ste nyer gcig pa'o//// bla ma'i
104a5 byin rlabs kyi don bsgom pa ni/bdag rdo rje phag mor bsgoms la/ spyi bor bla ma rang gi yi dam lha'i cha byad can yum dang snyoms 'jug mdzad pa pad+ma dmar po 'dab bzhi'i steng na bzhugs par bsgoms/ yab
104a6 yum gyi sbyor mtshams nas byang chub sems rtsa rar babs pas/bdag gi spyi bo tshangs pa'i bu ga na mar song bas bdag gi sdig sgrib dang dam tshig nyams chag thams cad nag nyil nyil dag nas dkar sangs
104b1 la rkang pa'i mthe bong dang bshang lam mar song bar bsam/de la nyin gsum mtshan gsum du bsgom mo// thun tha ma la bla ma yab yum 'od du zhu nas spyi bo tshangs pa'i bu ga na mar thim rang lhar bsgoms pa
104b2 'od du lhan gyis zhu nas de'i ngang la 'od gsal du bsgom mo// bla ma'i byin rlabs thams cad rang la 'jug pa yin no// bla ma bsgom pa'i le'u ste nyer gnyis pa'o//// rdo rje phag mo'i sku bsgom pa ni/ phag
104b3 mo'i thang sku cig mdun du bkram la/phyi nang gi mchod pa bshams la/ thang sku de la nyin mo gcer zin du bsgom/ nub rang rdo rje phag mo'i skur bsgom/ gsal ba'i 'phro la bzhag/ yang thang sku de dran par
104b4 byas la skad cig gis rdo rje phag mor bsgom/nyi mo'i thang sku la sems gzung/ 'dris su gzhug/ nub mo yang bsgoms pas goms tsa na dran pa yer la lha gsal ba yong ste/ de ltar byung tsa na snang ba 'gro ba pho
104b5 mo thams cad rdo rje phag mo dang mkha' 'gro pho mor bsgom mo// de yang snang la rang bzhin med pa rmi lam sgyu ma lta bur bsgom mo// 'jug tu snang ba lha'i dkyil 'khor mkha' 'gro mar mthong bar 'gyur ro// rdo
104b6 rje phag mo dbyibs la bslab pa'o// rdo rje phag mor bsgom pa'i le'u ste nyer gsum pa'o//// rdo rje phag mo'i bzlas pa la bslab pa ni/ rang rdo rje phag mo'i sku ru gsal ba dang/ pad+ma 'dab ma 'dab ma
105a1 bzhi'i nang na dbus nam dmar mo/pad+ma 'dab bzhi la ha ri ni sa bzhi la rnam pa yi ge lnga la ngo bo mkha' 'gro ma lnga yin pas/ yi ge lnga rlung la zhon nas ngag tu 'thon pas ring la 'khug pa mkha'
105a2 'gro ma'i gdungs 'dzab tu na ra ra drangs pas/rlung tha mal du ma song yig 'bru'i sgra ru grags pas/ yid de la chags pas sems gsal stong gi nyams skyes pas rgyun du na rar bgrang ngo// ma mo dang mkha'
105a3 'gro ma rnams kyis byin gyis rlob ste/sems bde gsal mi rtog pa'i nyams skyes so// bzlas pa la bslab pa'o// rdo rje phag mo'i bzlas pa'i le'u ste nyer bzhi pa'o//// rlung dang 'od gsal gnyis med la
105a4 bslab cing bsgom pa ni/bdag rdo rje phag mor bsgom/ spyi bor bla ma bsgom rlung ni snying gi nang na 'byung ba lnga yi rlung kha dog lnga'i ngo bor gnas/ srog 'dzin pa'i las byed/ rgyu ba sna sgo gnyis re mos su rgyu ste/
105a5 g.yas nas rgyu tsa na nyon mongs pa'i rlung yin pas mi bsgom g.yon nas rgyu tsa na ye shes kyi rlung yin pas bsgom/ gnyis ka nas byung tsa na chos nyid kyi rlung a wa d+hU te nas rgyu ba yin pas/ de'i dus su chos nyid
105a6 rang chas su 'char ro// rlung sum gnyis gnan sum cha btang la/ phyi nas sor brgyad tsam du g.yung drung g.yon du 'khyil pa kha dog dmar po gcig bsam/ rlung phyi ru 'byung ba'i dus su hUM du 'gyur/ g.yung drung
105b1 'khril pa la drag tu phog pas g.yon du drag tu sgo ro ro 'khor bar bsam/rlung nang du 'jug tsam na A+oM gyi rnamapas nang du 'jug/ bar na gnas tsam na A:'i rnam pas bar na gnas/ rlung nang du zin tsam na
105b2 rtog pa'i 'gyu ba chad de/g.yung drung ris tshur je nye je nye la sna rtse tsam du 'khor ba dang/ mi dmigs par bsam/ de'i ngang la rtog med 'od gsal du gsal ba ni/ rlung sems 'dres pa'i rlung dang 'od gsal
105b3 zung 'jug yin no// rlung dang 'od gsal zung 'jug gi le'u ste nyer lnga pa'o//// yig 'bru 'od gsal zung 'jug bsgom pa ni/ bdag rdo rje phag mor bsgoms/ rang snying pad+ma 'dab bzhi la ha ri ni sa bkod
105b4 la/yid kyis yi ge bzhi pa bzlas pas yi ge 'od du sgo ra ra 'dug par bsam la/ yi ge bzhi 'od du lam ste zhu nas lus sems gang yang med par chos nyid kyi 'od gsal ngos gzung ste/ gsal la ma 'gags
105b5 pa sa la le bal bzhag go/de la goms pas mkha' 'gro mas mchog gi dngos grub ster bar 'gyur ro// yi ge 'od gsal zung 'jug gi le'u ste nyer drug pa'o//// phyag rgya chen po zung 'jug bsgom pa ni/
105b6 phyi las kyi phyag rgya/ nang dam tshig gi phyag rgya/ gsang ba chos kyi phyag rgya/ de kho na nyid kyi phyag rgya chen po'o// de la phyi las kyi phyag rgya ni/ las dang nyon mongs pa thams cad ma bkag rang byung du shar ba las kyi
106a1 phyag rgya/nyon mongs pa la rang bzhin med par shes pas nyon mongs pa bde bar skyed par byed/ nyams myong ni las kyi phyag rgyas las snang srid bde ba chen pos nyams su myong/ rtogs pa ni las
106a2 kyi phyag rgyas 'khor 'das gnyis su med par sems su rtogs so// nang dam tshig gi phyag rgya ni/ bdag phag mor bskyed pa ni bskyed rim/ de la rang bzhin med pa rdzogs rim/ bskyed rdzogs gnyis la mi 'da'
106a3 'o// las ni dam tshig gi phyag rgyas bskyed rdzogs zung 'brel de nyid mi stong par byed do// nyams myong ni dam tshig gi phyag rgyas/ bdag gzhan gnyis su med pas mnyam pa rim med du rtogs so// gsang ba chos
106a4 kyi phyag rgya ni/chos thams cad sgyu ma gnyis su med pa'i don la sbyor ro// las ni chos kyi phyag rgyas thams cad sems su rtogs pas/ chos ma yin pa sel bar byed/ nyams myong ni chos kyi phyag rgyas/ chos nyid
106a5 sems zung 'jug yul bral du nyams su myong ngo// rtogs pa ni chos kyi phyag rgyas rlung sems gnyis med du rtogs so// de kho na nyid phyag rgya chen po ni skye med dang gnyug ma gnyis su med/ blo bral ngos bzungs
106a6 dang bral bar don la gnas/las ni phyag rgya chen po'i don bsam brjod dang bral ba ci yang med par rtogs/ nyams myong ni skye med rten dang bral bar nyams su myong rtogs pa ni phyag rgya chen pos blo dngos
106b1 gnyis med chos sku bde ba chen por rtogs so// phyag rgya bzhi zung 'jug gi le'u ste nyer bdun pa'o//// rdo rje phag mo'i sku brdar bshad pa/ sku mdog dmar mor bzhugs pa ni// 'gro don thugs rje chags
106b2 pa'i brda// khro mo'i tshul du bzhugs pa ni// thugs rdo rje khros pa 'dul ba'i brda// phag gdong gyen la bltas pa ni// rnam rtog thams cad za ba'i brda// khro zhal thur la gzigs pa ni// 'khor ba'i 'dam nas
106b3 'don pa'i brda// spyi gtsug g.yung drung ris su 'khor ba ni// chos rnams 'gyur ba med pa'i brda// dbu la thod pa dum bu bdun pas brgyan pa ni// sangs rgyas rabs bdun dbu la brgyan pa'i brda// rin chen
106b4 rnam lngas dbu la brgyan pa ni// rigs lnga'i sangs rgyas dbu la brgyan pa'i brda// rna ltag me long cod pan btags pa ni// lha mos tshul du khros pa'i brda// rna ltag rna rgyan btags pa ni// 'gro drug chos sgras
106b5 'dul ba'i brda// mgul du mgul rgyan btags pa ni// gsung la 'gag pa med pa'i brda// dbu skra sil bur 'dug pa ni// chos rnams ma 'dres rdzogs pa'i brda// spyan mig dkar nag phyed pa ni// snang ba
106b6 zil gyis gnon pa'i brda// mche ba dkar po gtsigs pa ni// srid gsum zil gyis gnon pa'i brda// g.yas pa gri gug thogs pa ni// 'khri ba thams cad gcod pa'i brda// g.yon pa thod khrag bsnams pa
107a1 ni// bde stong dbyer med nyams ldan brda// kha TAM mchan khung bcug pa ni// sku gsung thugs dang ldan pa'i brda// phyag la phyag gdub gsol ba ni// srog gcod gnyen po spong ba'i brda// dpung pa
107a2 la dpung rgyan btags pa ni// nyon mongs gnyen pos 'dul ba'i brda// mi mgo lnga bcu'i do shal byas pa ni// rnam rtog lnga bcu sprul skur 'char ba'i brda// mi skra skud pas thag pa byas pa ni// skye ba gsum la
107a3 mnga' bsnyems brda// sked la sked rgyan btags pa ni// phyag rgya bzhi dang ldan pa'i brda// zhabs gnyis brkyang bskum bzhugs pa ni// sgeg mo'i tshul du bzhugs pa'i brda// nyi ma'i gdan la bzhugs pa
107a4 ni// thugs la gsal 'grib med pa'i brda// zhabs la zhabs gdub btags pa ni// 'khor ba dong sprug mdzad pa'i brda// 'jigs byed dus mtshan mnan pa ni// mi phod rnam gnyis brdzi ba'i brda// pad+ma'i
107a5 gdan la bzhugs pa ni// 'khor ba'i skyon gyis ma gos brda// me ri'i nang du bzhugs pa ni// rnam rtog thams cad bsregs pa'i brda// rdo rje phag mo'i sku brdar bstan pa'i le'u ste nyer brgyad
107a6 pa'o//// gsung gi brda rnams sngags yin te/ hUM/ pad+ma chen po'i gdan stengs na// rdo rje phag mo'i thugs kha na// sna tshogs pad+ma 'dab bzhi la// sku gsung thugs kyi sngags gsum gsal// phar 'phros pa
107b1 ni sku la thim// sku ni 'gyur ba med pa'i sku// tshur 'dus pa ni gsung la thim// gsung ni 'gag pa med pa'i gsung// gnyis su med pa'i thugs la thim// thugs ni skye shi med pa'i thugs// dngos grub stsol
107b2 cig sku gsung thugs// byin gyis rlobs shig rnal 'byor ma// 'phrin las mdzod cig mkha' 'gro'i tshogs// A+auM sarba b+hu d+d+ha DA ki na ye ha ri ni sa hUM phaT/ A+oM badzra wa rna ni ye ha ri ni sa hUM phaT/ A+oM badzra bai ro tsa na
107b3 ni ye ha ri ni sa hUM phaT/A+oM badzra yo gi ni ye ha ri nis hUM phaT/ A+oM badzra ba ra hi ha ri ni sa hUM phaT/ ces sku gsung thugs yon tan 'phrin las kyi sngags so// gsung brdar bstan pa'i le'u ste nyer dgu
107b4 pa'o//// thugs kyi brda ni chos nyid don/ rdo rje phag mo'i thugs ni mtshan ma'i skyon bral bas// nam mkha' lta bur zhi zhing bsam gyis mi khyab ngo bo nyid// gdod ma nyid nas thugs ni ma bcos lhun gyis
107b5 grub// bde ba chen po 'od gsal dri ma med pa'i dpal// dus gsum sangs rgyas thams cad bskyed pa yum gyi mchog/ skye 'gag med pa spros pa nyer zhi ba// thugs kyi rdo rje phag mo'i thugs la 'dud// rje
107b6 btsun lha mo khyod ni me long ye shes ngo bo nyid// chos rnams gzugs brnyan lta bur gsal ba ni// so sor rtog dang bya ba nan tan ye shes rab brgyan pa'o// chos dbyings rnam par dag pas dri med ye shes
108a1 mchog/mnyam nyid ye shes don ldan thugs la 'dud// rje btsun lha mo khyod ni sangs rgyas kun gyi thugs la gnas pa ste// mkha' 'gro kun gyi ye shes rdo rje sangs rgyas che// rdo rje mnakha' 'gro rgyu
108a2 ma'i gzugs can ma// rin chen mkha' 'gro dngos grub kun gyi gter// pad+ma mkha' 'gro ge sar yid du 'ong// las kyi mkha' 'gro srid gsum 'khor lo 'chang// skye med thugs kyi dkyil 'khor 'chang// skye
108a3 med thugs kyi dkyil 'khor shin tu mdzes// rigs rnams 'dus pa'i mkha' 'gro thugs la 'dud// rdo rje phag mo'i thugs kyis byin gyis rlobs// hUM hUM hUM/ thugs kyi brda'i le'u ste sum cu
108a4 pa'o//// mchod pa'i brda phyag rgya bzhi yis dbul ba ni/ dag pa ye shes b+ha ga nas// rdo rje mkha' 'gro gshegs su gsol// mi 'gyur gnas pa'i b+ha ga nas// sangs rgyas mkha' 'gro gshegs su
108a5 gsol// shes rab btsun mo'i b+ha ga nas// las kyi mkha' 'gro gshegs su gsol// u rgyan dur khrod rang byung nas// 'jig rten mkha' 'gro gshegs su gsol// dgongs sam rdo rje mkha' 'gro ma// rdo rje
108a6 mkha' 'gro skad pa de// phyag rgya chen po ma lags sam// snang ba thams cad mchod par 'bul// byin gyis rlob cing gshegs su gsol// dgongs sam ye shes mkha' 'gro ma// ye shes mkha' 'gro skad pa
108b1 de// chos kyi phyag rgya ma lags sam// 'dus byas thams cad mchod par 'bul// byin gyis rlob cing gshegs su gsol// dgongs sam las kyi mkha' 'gro ma// las kyi mkha' 'gro skad pa de// las kyi phyag
108b2 rgya ma lags sam// phung po lnga yi mchod par 'bul// byin gyis rlob cing gshegs su gsol// dgongs sam 'jig rten mkha' 'gro ma// 'jig rten mkha' 'gro skad pa de// dam tshig phyag rgya ma lags
108b3 sam// bdud rtsi lnga'i mchod par 'bul// byin gyis rlob cing gshegs su gsol// badzra DA ki ni/ bud d+ha DA ki ni/ d+harma DA ki ni/ karma DA ki ni/ ma hA mu tra/ d+harma mu tra/ karma mu tra/ sa ma ya mu tra/ kha kha kha hi kha hi/
108b4 mchod pa brda'i le'u ste so gcig pa'o//// mkha' 'gro'i rtags kyi bstan pa ni// ma dang sring mo'i cha lugs ni// snying nye myur du 'go ba'i brda// grogs mo mdza' mor 'ong ba ni// gsang thub dngos grub
108b5 ster ba'i brda// bran mo khol mor 'ong ba ni// dbang bsdus bkol du btub pa'i brda// chung ma mna' mar 'ong ba ni// phrag dog 'khor lo 'phreng ba'i brda// btsan mo jo mor 'ong ba ni// dbang du ma 'dus mi
108b6 'grub brda// g.yu dang rgyan cha mdzes pa ni// thugs dam bskongs nas dag pa'i brda// shon dang phyag 'tshal byed pa ni// dam tshig skyon med 'grub pa'i brda// bud med mang po zas nor ster// dngos grub nor
109a1 tshogs 'du ba'i brda// thod pa chang gis bkang nas ster ba ni// mchog gi dngos grub ster ba'i brda// bud med tshogs kyi nang na 'dug/ mkha' 'gro'i tshogs rnams 'du ba'i brda// rin chen
109a2 gter rnams rnyed pa dang// mchod cha sna tshogs rnyed pa dang// na chung phyag rgyar 'bul ba ni// thugs kyi dngos grub thob pa'i brda// la dong gru rnyed chos rnams rnyed dang bltas pa ni// chos kyi dngos grub thob
109a3 pa'i brda// rdo rje dril bu rnyed pa dang// bdud rtsi chu la 'thungs pa dang// rang la nyi ma shar ba ni// tshe yi dngos grub thob pa'i brda// shes dang rin chen rnyed pa ni// dam tshig ma nyams bsam 'grub brda// rnga
109a4 chen brdungs dang dung chen 'bud// gdugs dang rgyal mtshan 'phyar ba ni// chos kyi snyan grags thob pa'i brda// gangs dkar rtse la 'dug pa dang// ri bo'i rtse la 'dug pa dang// mchod rten rtse la 'dzeg pa
109a5 dang// mgo la nyi ma shar ba ni// mchog gi dngos grub thob pa'i brda// bzang po'i brda rtags le'u ste so gnyis pa'o//// ngan pa'i brda rtags bstan pa ni// mun nag 'thibs dang rmugs bas
109a6 gtibs// sa sros nub mor 'dug pa ni// las sgrib che ba'i brda dang rtags// bud med 'thab cing 'dzin ba dang// yug sa mo dang mdze ma dang// rkub dang mo mtshan ston pa dang// bud med nyal po byed pa
109b1 dang// bud med pho mtshan ston pa ni// nyams grib bar chad 'ong ba'i brda// bud med mang po 'khrug pa dang// rgol du 'ong dang the les 'debs// ngu dang brang rdung 'o dod bod// mkha' 'gro 'khrugs dang khrod
109b2 pa'i brda// bud med slong du 'ong ba dang// ston mo'i 'dod dang khral 'dod drang// rang yang ltogs dang skom pa ni// mkha' 'gro ma bskongs pa yi brda// rgyang glu len cing phyir 'gyes dang// rta dang bong bu mthong
109b3 ba ni// mi 'grub phyi thal yin pa'i brda// khyo ba'i tshogs su 'ong ba dang// skya bshar zhib can mang po 'ong// pho yis bar chad byed pa'i brda// mi rang lag cha med pa dang// bdag dang gzhan 'thabs kho rgyal
109b4 dang// cho long rgyan byas 'pham pa ni// bar chad 'ong ba'i brda dang rtags// yul ngan kha ba bu yug dang// 'dam rdzab mi gtsang phyi sa dang// blo dang rnag khrag 'gos pa ni// nyams grib mi gcang ba yi
109b5 brda// bud med ngo mi shes pa dang// skya bshar ngo mi shes pa dang// gri la yu ba med pa dang// mda' la mde'u med pa dang// phur ba rtse mo chag pa ni// gdam ngag lhag chad byung ba dang// sngags la sel yig
109b6 zhugs pa'i brda// ngan pa'i rtags kyi le'u ste so gsum pa'o//// ngan rtags bzang por ston pa'i brda// rtsi shing mes bsregs rgya mtsho bskams// lus la rnag khrag 'byung ba dang// yar skyug mar
110a1 bshal 'byung ba dang// rang lus rang gis bgos pa dang// don snying nang khrol rang gis mthong// gcer bu byas nas mchong rgyug dang// las dang sgrib pa zad pa'i brda// bzang rtags ngan par
110a2 ston pa'i brda// gser dang zas ni rnyed pa dang// lha khang nang du phyag btsal dang// mchod rten nang du 'dug pa dang// gsung rab mang po 'don pa dang// rta rgod zhon du ma btun dang// rta pa mang po khros pa
110a3 dang// btsun pa btsang po dge shes dang// mya ngan kha mchu phyi thal rnams// rgyal po'i bar chad 'ong ba'i brda// phyi rtags 'chol bar ston pa'i brda// sngon la pho yi cho 'phrul 'ong// grub rtags nye ste 'khu ldog
110a4 che// skye bo'i tshogs kyis phyag 'tshal dang// bud med mang po 'dud pa dang// ri bo'i rtse la 'dug pa dang// chu bo che las brgal ba dang// gru dang gzings la 'gro ba dang// me chen 'bar dang rlung chen
110a5 'tshubs// dmag dang ltad mo byed pa dang// rgya gar skad ris mig cig pa// chos 'chad smyo ba'i tshul ston dang// zang zing 'du long mang po ni// mkha' 'gro pho mo 'chol pa rnams// bdag la 'go zhing 'grub
110a6 pa'i brda'o// brda rtags gsum gyi le'u ste so bzhi pa'o//// nyams dang mngon sum par rtags ni// chos byed snying 'dod pa dang// sngar bas lus yangs bde ba dang// byin dang byin brlabs thibs shing
110b1 'ur// bag dro nyams dga' mkha' 'gro mthong// chos nyid don la sems gnas dang// chos rnams mthong bas don shes dang// gnyid dang bsam gtan 'dres pa dang// rmi lam na yang chos dang
110b2 'grogs// smras pa thams cad chos su 'gro// bka' bsgo tsam gyis lha 'dre nyan// byin brlabs byas pas gdon zhi dang// nyams dang rtogs pa khong nas 'char// nyon mongs dug lnga zhi ba dang// skye 'chi'i sdug
110b3 bsngal rtag tu dran// 'khor ba las ni blo log pa// DA ki'i byin brlabs zhugs pa'i brda'o// nyams dang byin brlabs kyi brda rtags le'u ste so lnga pa'o//// slob dpon pad+ma 'byung gnas kyis// dur khrod
110b4 chen po dga' ba'i tshal du/mkha' 'gro ma zhi ba'i mtsho la zhus pa/ DA ki ma'i snyan brgyud dgongs don 'byung ba'i las sna tshogs/ bskyed rim gnyis kyi man ngag gi rgyud/ slob dpon pad+mas jo mo mkhar chen
110b5 bza' mtsho rgyal la gdams pa rdzogs so// rgya rgya rgyaH////
110b6 rgya gar skad du/


CLOSE WINDOW