85a1 rgya gar skad du/ DA ki nI karma ku ru sa taM tan tra na ma/ bod skad du/ mkha' 'gro ma las rgya mtsho phyi ma'i rgyud ces bya ba/ sna tshogs mkha' 'gro ma la phyag 'tshal lo// ye shes mkha' 'gro mas bram
85a2 ze blo ldan mchog sred la/mkha' 'gro ma'i snyan brgyud du gdams pa'o// sa ma yA a thi yA/ mkha' 'gro ma thams cad dbang du bya zhing sgrub par 'dod pa'i rnal 'byor pas thog mar dur khrod dam g.ya' phrag
85a3 gangs phrag tu song la/maN+Dal dang/ mchod pa dang/ gtor ma bshams la/ dang po kho nar rang byin gyis brlabs pa ni/ spyi bor bla ma bsgoms la mos gus drag tu bya/ de nas rang gi spyi bor A+oM dkar po/
85a4 mgrin par A:dmar po/ snying khar hUM mthing kha bsam mo// de rnams kyi 'od zer gyis lus 'od du zhu nas/ stong pa'i ngang las hri dmar po rang gi sems kyi mtshan nyid hri tshon gang po de 'od du zhu ba las rang
85a5 skad cig ma las rdo rje phag mo sku mdog dmar mo zhal gcig phyag gnyis ma/g.yas zangs kyi gri gug/ g.yon thod khrag bsnams par bsam la/ kha TAM kha mchan khung du bcug pa/ zhabs g.yas bskum g.yon
85a6 brkyang ba ro'i gdan la bzhugs pa/sku gcer bu la rus pa'i rgyan gyis brgyan par bsgom mo// de'i gnas bzhir 'khor lo bzhi bsgom ste/ spyi bor rlung gi 'khor lo dkar po'i steng du ha las rdo rje mkha' 'gro
85b1 sku mdog dkar mo g.yas rdo rje g.yon dril bu'o// mgrin par me'i 'khor lo dmar po la ri las rin chen mkha' 'gro ser mo g.yas rin po che g.yon dril bu'o// snying khar chu'i 'khor lo sngon po'i steng du ni
85b2 las pad+ma mkha' 'gro dmar mo g.yas pad+ma g.yon dril bu'o// lte bar sa'i 'khor lo ser por sa las las kyi mkha' 'gro ljang ku g.yas ral gri g.yon dril bu'o// snying khar thams cad mkha' 'gro sku sna tshogs
85b3 'od du 'bar ba g.yas rdo rje rgya gram g.yon thod pa'o// phrag pa g.yas par dam tshig mkha' 'gro dkar mo me long gri gug thod pa/ phrag pa g.yon du sna tshogs rdo rje mkha' 'gro ma khra mo gri gug dang thod
85b4 pa'o// rkang pa g.yas par 'jig rten mkha' 'gro ma nag mo gri gug dang thod pa 'dzin pa'o// rkang pa g.yon par log 'dren mkha' 'gro ma dud kha gri gug dang thod khrag thogs par bsgom mo// ba spu'i bu
85b5 ga thams cad mkha' 'gro mas gang bar bsgom mo// de nas sngags bzlas te/ A+oM a hri swA hA/ ha ri ni sa/ zhes bzlas so// mi rtog pa skye bar 'dod na/ spyi bor ha la yi ge bzhis bskor bar bsams la bzlas
85b6 so// skyes pa 'du bar 'dod na/ mgrin par ri la yi ge bzhi'i bskor bar bsams la bzlas so// bud med 'du bar 'dod na/ snying khar ni la yi ge bzhi pas bskor bar bsams la bzlas so// drod skye bar
86a1 'dod na/lte bar sa la yi ge bzhi pas skor bar bsams la bzlas so// bsrung bar 'dod na/ yi ge bzhi ka la yi ge bzhis bskor bar bsgoms la bzlas so// sangs rgya bar 'dod na/ A+oM A/
86a2 hUM hri ha ri ni sa hUM phaT swA hA/ snang ba bsgul na/ ha ri ni sa bsdus bsdus/ nor 'dod na/ ha ri ni sa ba su bsdus bsdus/ bar chod byung na/ ha ri ni sa ha ha sol sol/ zas 'du bar 'dod na/ ha ri ni sa kha kha
86a3 chum chum hUM hUM dgra mi yong bar 'dod na/ha ri ni sa hUM hUM phaT phaT/ sngags zlos snying mi 'dod na/ ha ri ni sa bun bun yer yer swA hA/ 'gro snying 'dod na/ ha ri ni sa non non/ ltaM ltaM hUM hUM hUM/ gdon la/ ha ri
86a4 ni sa ma ra ya dza dza ya ya hUM hUM phaT phaT/lus grang na/ ha ri ni sa 'ur 'ur raM raM/ 'bras la/ ha ri ni sa zhi zhi traM traM swA hA/ gag lhog la/ ha ri ni sa phyung phyung phaT/ rma la/ ha ri ni sa 'ubs 'ubs sum sum nan
86a5 rbad swA hA/gzhan yang yi ge bzhi gang 'dod sham bur bsgyur la bzlas/ 'dod dgu 'byung ba'i sngags su bzlas/ mi sdod pa gsum gyis lam du bslang/ lus mi sdod par bsgul bskyod bya/ ngag mi sdod par
86a6 bzlas pa bya/yid mi sdod par ting nge 'dzin bsgom/ 'du ba gsum 'byung/ lus la mi 'du/ ngag la chos 'du/ yid la rtogs pa 'du/ de las grol ba gsum 'byung/ lus lhar grol/ ngag sngags su grol/
86b1 sems nyon mongs pa las grol/ 'jig rten 'das pa dang ma 'das pa thams cad kyi srog gi snying po yin pas/ mchog gi dngos grub dang thun mong gi dngos grub sngags bzlas pa tsam gyis grub pa yin pas 'di
86b2 la brtson par bya'o// mkha' 'gro ma yi ge bzhi pa las mkha' 'gro ma phyi bsgrub pa'i le'u ste dang po'o//// mkha' 'gro mkha' spyod bsgrub par 'dod pa'i rnam 'byor pas stan bde ba la 'dug la/ phyi nang gi
86b3 dngos po thams cad stong par sgom/de'i ngang las rang gi lus mi dmigs pa la sems kyi mtshan nyid stong pa'i ngang las mkha' 'gro ma mkha' spyod ma sku mdog dmar mo zhal gcig phyag gnyis ma/ spyan gsum
86b4 pa phyag g.yon pas zhabs g.yon pa'i brlan yar 'khyud pa/thod pa byang chub sems kyis bka' ba zhal du gsol ba/ phyag g.yas brkyang nas gri gug bsnams pa/ zhabs g.yon gnam na yar brkyang ba/ zhabs
86b5 g.yas pus mo btsugs pa ltar bskum pa/spyan gsum gyen la gzigs pa/ dbu skra nag po sil bus dpung pa'i kha tsam non pa/ shin du khros pa ma yin pa/ gting na 'dzum bag dang ldan pa/ nu ma rgyas pa nam
86b6 mkhar ling nge ba cig bsgom mo// de yi thugs kha nas yi ge baM dmar po la rtsa ba'i sngags kyis bskor nas yod par bsgom mo// rus pa'i rgyan drug gis sku la brgyan par bsgom mo// de ni bskyed pa'i rim
87a1 pa'o// de nas sngags yid kyis bzlas te/ A+oM badzra yo gi ni hUM phaT swA hA/ zhes bzlas pas/ rang gi thugs kha'i sngags 'phreng las 'od du 'phros pas mdun gyi nam mkha' la sangs rgyas dang/
87a2 byang chub sems dpa' dang/ bla ma yi dam mkha' 'gro rnams gyi thugs ka nas byang chub sems kyi thig le phyag gi thod par babs/ thod pa nas zhal nas mar gsol bas lus kyi nang thams cad byang chub
87a3 sems kyi bdud rtsis gang nas lus la bde ba rgyas/de nas byang chub sems mar babs te// gsang gnas chos 'byung nang du babs pas shin tu yang bde ba skyes par bsam mo// des bde ba chen po'i nyams
87a4 skye'o// de ni bskyed pa'i rim pa'o// de nas rdzogs pa'i rim pa bsgom pa ni// rang mkha' spyod ma mi dmigs pa las nam mkha' sprin med pa ltar gyur pa las byang chub sems kyi thig le mthe bong gang tsam du
87a5 dkar hril gyur pa las/de je chung je chung la nam mkha' la sprin dengs pa ltar gyur pa las rnam par rtog pa med pa gsal lhan bzhag go/ de las chos nyid 'od gsal zhes kyang bya/ rnam par mi rtog pa'i ye
87a6 shes zhes kyang bya/de la blo gnas tshad du bzhag go/ de ltar bsgoms pas ting nge 'dzin gsal cha che na tshe 'di la mkha' spyod du 'gro'o// gsal cha chung yang bar dor mkha' spyod du mi 'gro mi srid do// rdzas la
87b1 brten nas mkha' spyod bsgrub pa ni/skye ba bdun pa'i sha ste/ skye bdun pa ni skye ba bdun brgyud bstud nas blangs pa'i mi de'i rtags su skra kham pa/ mig shes mig/ so dung so 'khor bar yod pa/ ya rkan gyi
87b2 dkyil na so yod pa/dpral ba na sme ba yod pa/ smin ma'i bar ma chad pa/ smin mtshams mdzod spu yod pa/ lag sor dra bas 'brel pa/ mtshan ma bdun po de 'dzom na skye ba bdun pa yin nges pas/ de shi ba'i
87b3 ro blangs la/mkha' 'gro ma la mchod pa byas la/ sha sna dang dbang po thams cad bskams la/ sha rnam pa sna tshogs dang bdun rtsi bsres pa'i ril bu byas la thod pa mtshan ldan bkang la maN+Dal dbus su bzhag
87b4 la/mkha' spyod ma'i thugs kha nas sngags kyi 'od zer 'phros pas phyogs bcu'i sangs rgyas dang/ byang chub sems dpa' dang/ dpa' bo dang/ dpa' mo rnams kyi thugs kha nas byang chub sems kyi bdud rtsi'i
87b5 bcud drangs te thod par babs zhal du song nas mar babs pas mkha' la 'khyil te/de nas thod pa'i rdzas la babs par bsam la/ A+oM badzra yo ge ni hUM bruM ma hA ya na swA hA/ zhes bzlas pas ril bu la 'od
87b6 dang/du ba dang/ me stag 'ong ste/ ril bu bdun bdun gang gis zos pa de mkha' spyod kyi gnas su 'gro ste/ tshe nyi zla dang mnyam/ ting nge 'dzin gyi zas za/ sangs rgyas dang byang chub sems dpa' stong la chos
88a1 nyan par 'gyur ro// mkha' spyod ma'i le'u ste gnyis pa'o//// mkha' 'gro ma sa spyod ma bsgrub pa ni/ dang po kho na mchod pa dang maN+Dal legs par bshams la/ bla ma dang/ dkon mchog
88a2 dang/dpa' bo dang/ dpa' mo mchod/ de'i rjes la phyi nang gi chos thams cad stong pa nyid du bsgom/ paM las pad+ma/ a las zla ba/ nyi ma'i steng du rang gi sems nyid hri dkar po gcig tu gyur pa las/ de las
88a3 'od 'phros 'dus pa las rang nyid mkha' 'gro ma sa spyod ma sku mdog dkar mo zhal gcig phyag gnyis ma/spyan gsum dmar ba/ mche ba cung zad gtsigs pa/ skra bkrol ba/ phyag g.yas rdo rje rtse lnga
88a4 bsnams pa/g.yon pa thod pa bdud rtsis bkang ba bsnams pa/ kha DAM ga mtshan khung du bcug pa/ zhabs g.yas brkyang g.yon bskum du bzhugs pa/ rus pa'i rgyan gyis brgyan pa gcig gsal bar bsgom
88a5 mo// lte bar sna tshogs pad+ma 'dab bzhi la ha ri ni sa bsam/ de'i lte ba la pad+ma dang nyi ma'i gdan bsam/ de'i steng du hri dkar po bsam/ da las 'od zer dkar po 'phros pas/ bdag gi sna bug g.yas nas
88a6 rlung phyir byung ba dang 'grogs nas song ste phyogs bcu'i 'jig rten gyi khams kyi sangs rgyas dang byang chub sems dpa' thams cad kyi shang bug g.yon nas zhugs nas lte ba'i hri la thim pas/A+oM badzra bai ro tsa na
88b1 ni hUM pruM ma hA ya swA hA/zhes bzlas pas sangs rgyas kyi shang khung g.yas nas 'ongs nas bdag gi sna bug yon par zhugs nas lte ba'i hri la thim pas/ bdag gi lus la sangs rgyas kyi mtshan dang dpe byad bsdus
88b2 nas mdangs dang stobs dang ldan par bsam mo// de nas sangs rgyas kyi zhing khams kyis la gnas pa'i sku la longs spyod par 'gyur ro// gsung gi dbang phyug bsgrub par 'dod pas/ rang gi mgrin par pad+ma
88b3 'dab ma bzhi pa gnyis brtsegs bsam/de'i dbus su hri bsam/ 'dab bzhi la ha ri ni sa bsam/ de la 'od 'phros pas bdag gi sna bug g.yas nas 'thon song pas de bzhin gshegs pa thams cad kyi shang
88b4 khung g.yon du song/mgrin pa'i hri la phog pas sangs rgyas thams cad kyi gsung gi yon tan gsung dbyangs yan lag drug cu la sogs pa thams cad 'dus nas 'od tshur 'dus pa las/ A+oM badzra wa rna ni ye ha
88b5 ri ni sa hUM phaT/ces pa sangs rgyas thams cad kyi yon tan thams cad bsdus nas bdag gi sna bug g.yon nas mar song nas mgrin pa'i hri la phog pas bdag gi ngag gsung dbyangs drug cu dang ldan par
88b6 bsgom/des sangs rgyas thams cad kyi gsung gi yon tan la longs spyod par 'gyur ro// thugs kyi dbang phyug thob par 'dod pas/ snying khar pad+ma 'dab bzhi bsam/ lte ba la hri/ pad+ma 'dab ma bzhi la ha ri ni
89a1 sas bskor bar bsam/de las 'od 'phros nas bdag gi sna bug g.yas nas rlung phyir 'gro ba dang 'grogs nas phyogs bcu'i sangs rgyas thams cad kyi shang khung g.yon nas zhugs nas thugs
89a2 khar hri la phog pas sangs rgyas thams cad kyi shes bya ji lta ba dang ji snyed pa'i ye shes kyi yon tan thams cad bsdus nas/A+oM sarba bud d+ha DA ki ni ha ri ni sa hUM phaT/ ces bzlas pas bdag gi sna bug g.yon na
89a3 mar song nas/snying kha'i hri la phog pas bdag la sangs rgyas thams cad kyi thugs rnam pa thams cad mkhyen pa'i yon tan gyi bcud bsdus ste/ mi shes pa'i gti mug rmongs pa thams cad bsam nas mkhyen pa'i
89a4 ye shes gsal zhing rgyas par bsgom mo// des sangs rgyas thams cad kyi thugs kyi yon tan la longs spyod par 'gyur ro// de la sangs rgyas thams cad phyogs bcu'i zhing khams na sa la bzhugs pa'i sku
89a5 gsung thugs la sbyangs pas/ting nge 'dzin gsal cha che na tshe 'di la sangs rgyas kyi sa la lus ma bor bar 'gro yo// rtsal chung na bar dor lus mi len par sangs rgyas kyi sa la rdzus nas skye'o/ mkha' 'gro ma
89a6 sa spyod bsgrub pa'i le'u ste gsum pa'o//// mkha' 'gro ma'i ting nge 'dzin 'byung ba rgyun gcod la gsum ste/ phyi 'byung ba rgyun gcod nang 'byung ba rgyun gcod/ gsang ba 'byung ba rgyun gcod do// phyi
89b1 'byung ba rgyun chod pas snang ba las log/nang 'byung ba rgyun chod pas 'dod pa'i yon tan las log/ gsang ba 'byung ba rgyun chod pas chos nyid dang mi 'bral bar grub pa thob bo// de la phyi 'byung ba rgyun bcad
89b2 pa ni// dang po gtor ma dang/ tshogs 'khor dang/ bshags pa bya/ bla ma yi dam mkha' 'gro la gsol ba gdab/ sems bskyed dang skyabs 'gro bya/ dkon mchog gsum la phyag 'tshal lo// bla ma rje btsun
89b3 rnams la skyabs su mchi'o// rdo rje rnal 'byor ma la skyabs su mchi'o// dpa' bo dang dpa' mo rnams la skyabs su mchi'o// zhes lan gsum brjod do// dkon mchog gsum nam mkha' la bsgoms la ngan song
89b4 gsum gyi sgo bkag par bsam mo// bla ma spyi bor bsgoms la byin gyis brlab par bsam mo// mkha' 'gro snying khar bsgoms pas dngos grub ster par bsam mo// de nas bla ma dang dkon mchog me long la ha
89b5 btab pa bzhin zhu nas rang la thim par bsam mo// de nas rdo rje rnal 'byor ma sku mdog dkar mo zhal gcig phyag gnyis ma/ g.yas gri gug g.yon thod pa bdud rtsis bkang ba bsnams pa/ zhabs g.yas
89b6 bskum g.yon brkyang ba nyi zla pad+ma'i gdan la rus pa'i rgyan drug gis brgyan pa gcig skad cig gis bskyed do// de nas sems can thams cad ma rig 'khrul pa'i dbang gis snying 'thur la bstan nas pags pa
90a1 'thug pos khyebs yod/byang chub sems dpa' rnams kyi thugs ni thams cad mkhyen pa'i ye shes mnga' bas rtse mo gyen la bstan te pags ba srab pa'o// bde bar gshegs pa thams cad
90a2 kyi thugs ni rtse mo gyen la bstan nas yar la gyes pas sul bzhi lte ba dang bcas pa thams cad mkhyen pa'i ye shes dang ldan pas sems can gyi don byed pa'o// de nas rang gi snying rin po che yang de ltar
90a3 bsams te/kha gyen la bstan pa/ rtse mo rno ba/ pags pa sras pa/ 'dab ma bzhi rgyas pa'o// lte bar rtsa bug pa can gcig bsam mo// der yi ge baM gcig bsam/ pad+ma 'dab bzhi la ha ri ni sa bsam mo// de
90a4 nas mdun gyi nam mkha' la sna tshogs pad+ma 'dab ma bzhi'i steng du dbus su hUM las sangs rgyas mkha' 'gro mthing ka thal mo sbyar nas 'khor lo thogs pa/shar du hUM dkar po las rdo rje mkha' 'gro dkar mo rdo
90a5 rje thogs pa/lho ru hUM ser po las rin chen mkha' 'gro ser mo rin po che thogs pa/ nub tu hUM dmar po las pad+ma mkha' 'gro dmar mo pad+ma thogs pa/ byang du hUM ljang ku las las kyi mkha' 'gro ljang khu rgya
90a6 gram thogs pa/g.yon pa thams cad thod pa bdud rtsis bkang pa bdun rtsis bkang ba bsnams pa'o// de rnams thams cad bdag la zhal bston spyan gyis gzigs nas dngos grub ster bar bsgom mo// de
90b1 nas snying kha'i yi ge lnga las 'od zer 'phros pas/mdun gyi nam mkha'i thad kar mkha' 'gro ma lnga'i thugs khar phog pas/ de rnams kyi thugs kha'i hUM so so la phog pas bdud rtsi babs nas so so'i thod pa
90b2 gang/thod pa nas bum pa nas chu byung ba ltar bdag gi kha ru babs shing 'dus pa las lus byang khog man chad bdud rtsis khengs nas bdag gi lus zag med kyi bde bas khengs par bsam mo// de ltar yang
90b3 yang bsgom ltogs tsam na bsgom mo// kham gyi zas khad kyis dbri zhing mkha' 'gro ma'i bdud rtsi'i bcud yang yang blang ngo// las dang skal bar ldan pas rab zhag bdun/ 'bring bcu bzhi/ tha ma nyi shu rtsa gcig
90b4 nas 'bras bu thob ste/'byung ba kham gyi zas rgyun chod nas ting nge 'dzin gyi zas kyis 'tsho bar 'gyur ro// des ma grub na las 'phro med pas tshogs 'khor bya/ mkha' 'gro ma'i thugs dam bskang ngo// gtor
90b5 tshogs chen po bya/bshags pa bya'o// de nas gzod ting nge 'dzin gyi bcud len bya'o// de'i phan yon ni/ tshe 'di la mkha' 'gro sku lnga'i dngos grub thob/ phyi ma la ye shes lnga'i sku thob/ kham gyi zas la rten mi
90b6 dgos/rin po che bdud rtsi'i zas la longs spyod 'byung ba'i lus rdo rje mi 'gyur bas rdo rje'i tshe/ lus la gos mi dgos pas lhan cig skyes pa'i ye shes kyi drod/ bar chad kyis mi tshugs pas stong nyid kyi go cha
91a1 ste mi ma yin gyis mi tshugs/mi mthong/ mngon par shes pa phyogs med du 'char bas 'gro ba'i don phyogs med du bya'o// ting nge 'dzin gyi bcud len phyi 'byung ba rgyun gcod pa'i le'u ste bzhi
91a2 pa'o//// nang 'byung ba rgyun gcod pa ni/ rang gi snying gi dkyil du hUM gcig bsgom/ de las lha mo dkar mo g.yas ral gri/ g.yon bdud rtsi'i bum pa bsnams pa gcig bsgom/ lha mo des snying gyen la glog
91a3 pas snying dkar nag gi mtshams su ral gris bcad pas rtsa bug lnga yod pa'i nag po bor nas dkar po'i rtsa sbubs su lha mo'i g.yon gyi bum pa bdud rtsis gang ba de byo nas dkar mer song bar bsam mo// de
91a4 nas steng rlung mnan 'og rlung bsgyil bas rtsa sbugs thams cad dkar mer la rkyal grod zhos bkang ba ltar song bar bsam mo// de nas bar chod sel ba'i sngags ni/ A+oM badzra ka sa ma hri ta A yu ba de ba rak+Sha hUM
91a5 phaT swA hA/ral gri 'debs tsa na yang bzlas so// rdo rje rigs kyi mkha' 'gro ma// skye shi med pa rdo rje'i sku// bdag la byin gyis brlab tu gsol// zhes brjod pas nag po nyon mongs pa yin pas bor/ dkar
91a6 po ye shes kyi cha yin pas bdud rtsis bkang bas bde ba gsal cing nyams myong skye bar bsam mo// 'di nyams su blang ba'i dus su mi bsdad pa rnam pa gsum bya/ lus lhan cig mi bsdad tsog bu la/ rkang
91b1 pa g.yas kyis g.yon gyi gong mnan/lag pa sgom thag lta bur bya lus bsgul bskyod bya/ ngag mi bsdad mkha' 'gro'i sngags bzlas/ A+oM badzra DA ki ni ye ye hUM hUM phaT swA hA/ ha ri ni sa/ zhes bzlas so// sems
91b2 mi bsdad nyams myong chos nyid bdud rtsi la dmigs pa gtad/gzugs ci mthong thams cad mkha' 'gro mar bsam/ sgra ci thos thams cad ha ri ni sar bsam/ sems ci dran thams cad rang sangs su btang/
91b3 zas skom thams cad bdud rtsir bsam mo// sngags bzlas pa'i dus na snying pad+ma 'dab bzhir bsam pa'i dbus na rdo rje mkha' 'gro ma sde bzhis ce re blta bar bsam la/ gtso mos 'khor gcun/ 'khor gyi sa
91b4 las byed do// bzlas pa rgyun chad med par bya/ bdud rtsis rtsa sbugs gang bar dmigs/ spyod pa ma bcos par bya/ shugs 'byung mi dgag/ bdud rtsi lnga mkha' 'gro ma'i zas yin pas brten/ skom na chu
91b5 bskol mi rkang gis rdor byas la btang ngo// mkha' 'gro mas dngos grub ster/ kham gyi zas la 'dod pa mi skye ba lags so// zhag re la mkha' 'gro'i mchod pa dang gtor ma mi bcag go/ nang gi bcud len gyi
91b6 le'u ste lnga pa'o//// gsang ba'i 'byung ba rgyun gcod pa ni/ phyag rgya chen po gnyis med don bsgom pa'i man ngag la/ dang po byin brlabs gtor ma'i rim pa la/ gtor ma thod pa gang bdud rtsi chang gis zan
92a1 la/A+oM AHhUM: lan gsum gyis dang po dag pa chen por byin gyis brlabs la/ gnyis pa 'dod yon lngar brlabs/ tha ma bdud rtsi'i bcud bsdus nas dkar mer la song bar bsam mo// de nas
92a2 mkha' 'gro ma la mchod cing gsol ba btab pa ni/hUM/ chos kyi dbyings kyi gzhal yas nas// brgyud pa'i bla ma gshegs su gsol// sku dang ye shes zhing khams nas// yi dam lha tshogs gshegs su
92a3 gsol// chos kyi dbyings kyi pho brang nas// sangs rgyas mkha' 'gro gshegs su gsol// dag pa sprul ba'i zhing khams nas// rdo rje mkha' 'gro gshegs su gsol// rin chen rigs kyi pho brang nas// rin chen
92a4 mkha' 'gro gshegs su gsol// rang bzhin dag pa'i gzhal yas nas// pad+ma mkha' 'gro gshegs su gsol// dur khrod chen po'i pho brang nas// las kyi mkha' 'gro gshegs su gsol// snang srid sgyu ma'i
92a5 gzhal yas nas// sha za mkha' 'gro gshegs su gsol// sa dang lam gyi zhing khams nas// rigs 'dzin byang chub sems dpa' rnams kyang gshegs su gsol// bde gshegs rigs kyi mkha' 'gro
92a6 ni// nam mkha' lta bur 'dus ma byas// bdag la byin gyis brlab tu gsol// rdo rje rigs kyi mkha' 'gro ni// skye shi med pa rdo rje'i sku// bdag la byin gyis brlab tu gsol// rin chen rigs kyi mkha' 'gro
92b1 ni// mi zad pa yi gter dang ldan// bdag la byin gyis brlab tu gsol// pad+ma rigs kyi mkha' 'gro ni// chags pa med pa'i skyon dang bral// bdag la byin gyis brlab tu gsol// las kyi rigs kyi mkha'
92b2 'gro ni// 'phrin las rnam bzhi lhun gyis grub// bdag la byin gyis brlab tu gsol// sangs rgyas mkha' 'gros dngos grub gsol// rdo rje mkha' 'gros dngos grub gsol// rin chen mkha' 'gros dngos
92b3 grub gsol// pad+ma mkha' 'gros dngos grub gsol// las kyi mkha' 'gros dngos grub gsol// gsang ba'i gtor ma dbul ba ni// rang tha mal pa'i lag pa g.yas par gri gug yod par bsams la/ rdo
92b4 rje gri gug gis rang gis thod pa skra mtshams nas rbad gcad la lag pa g.yon du thogs la/rgya khyon stong gsum tsam du bsams la/ mdun gyi nam mkha' la mkha' 'gro ma rigs lnga la bsam la dbul
92b5 lo// sangs rgyas mkha' 'gro skad pa de// sems kyi sems nyid ma lags sam// snang ba thams cad gtor mar 'bul// rdo rje mkha' 'gro skad pa de// skye med ye shes ma lags sam// rnam rtog thams cad
92b6 gtor mar 'bul// rin chen mkha' 'gro skad pa de// 'dod pa'i don dam ma lags sam// dgos 'dod thams cad gtor mar 'bul// pad+ma mkha' 'gro skad pa de// chags med mtha' bral ma lags
93a1 sam// 'dod yon thams cad gtor mar 'bul// las kyi mkha' 'gro skad pa de// 'phrin las gtsor byed ma lags sam// 'phrin las rnam bzhi mchod par 'bul// bdag la byin gyis brlab
93a2 tu gsol// zhes mchod pas/ mkha' 'gro ma rnams kyi spyi bo dang/ mgrin pa dang/ snying kha gsum nas 'od byung nas bdud rtsi babs/ ye shes kyi bdud rtsi dkar dmar nag po gsum rang gi thod pa'i kha phye ba na
93a3 mar babs pas rang gi lus rkyang pa zhos bkang ba ltar bsam mo// de nas bdud rtsi dngul chu'i thigs pa lta bu ba spu'i bu ga na mar spro bsdu bya'o// rang gi thod pa bcad pa de kha bsgrigs pas/ bdud rtsis 'byar
93a4 bar bsam mo// de nas lus bde bas gang nas bdud rtsis tshims nas/ bkres skom dang bral bar bsam mo// de nas bsam med phyag rgya chen po gang gis 'bad rtsol med pa chos nyid bde ba chen po'i ngang la
93a5 bzhag go/de ltar yang yang bsgoms pas/ kham gyi zas mi dgos pa dang chos nyid zag pa med pa'i bde ba rgyud la skye bar 'gyur ro// lus la rtsa bcad kyang khrag mi yong ba dang/ drang srong lta bu'i lus su 'gyur
93a6 ro// zag pa zad pas lus nam mkha' la 'phur ba dang/ chu la mi bying ba la sogs pa 'ong/ sems zag pa zad pas phyag rgya chen po'i dngos grub thob par 'gyur ro// gsang ba rgyun 'byung ba gcod pa'i le'u ste
93b1 drug pa'o//// mkha' 'gro ma'i 'chi ba bslu ba'i gdams pa ni/ dang po brtags te/ phyi'i 'chi ltas/ nang gi 'chi ltas dang/ gsang ba'i 'chi ltas dang/ de kho na nyid kyi 'chi ltas so// de la phyi'i 'chi ltas
93b2 gsum ni/sgra dang/ 'od dang/ du ba gsum med na zla ba bzhi nas 'chi/ mig gi 'do dkar gsum med na 'chi/ 'od dkar chung na na tsha 'ong/ rna ba'i bu ga bkag ste mnan pas 'ur sgra med na 'chi/ 'ur sgra chung
93b3 na na tsha 'ong/snga dro nyi ma shar tshe rgyab nyi ma la bstan/ kha nub tu bltas pas mgo bo la grib ma 'dra ba'i du ba med na 'chi/ rab rib tsam las med na tsha 'ong/ 'chi ltas gsum po de gcig gnyis tsam las mi
93b4 'dug na 'chi ba bslus pas tshegs med/gsum ka tshangs na tsha tsha mang du gdab/ phar phyin bklag go/ dge 'dun la ston mo drang// mkha' 'gro ma la tshogs 'khor bya/ rang gi lus ngag yid gsum dge sbyor la
93b5 sngar bas grims su bya/des lus la 'ong yong ngo// mig gi a 'bras med na na tsha dang 'chi nges pas gzhan gyis ma tshor bar 'gro chas bya'o// bdog pa thams cad bla ma la dbul/ grogs tshangs par mtshungs
93b6 par spyod pa la tshogs 'khor bya/mkha' 'gro la gtor ma btang/ dkon mchog gsum la mchod pa dbul/ lus dang longs spyod la ltos pa med par byas la 'pho ba bya'o// de nas nang gi 'chi ltas bstan pa ni/
94a1 sna'i rtse mo mi mthong ba dang/ glo bur du sna 'khyog pa dang/ sna'i lag ngar chag pa dang/ sgro ba'i srubs med pa dang/ sna gong du gser shog chags pa dang/ spyi dang rkang mthil du zug pa dang/ skyed
94a2 la klu lce 'khor pa dang/sha res 'ga' che res 'ga' chung ba de rnams byung na zla ba bzhi nas 'chi bar nges pa yin/ de la 'chi slu'i thabs ni/ bla ma dkon mchog la mar me'i 'phreng bas mchod/ yi dam mkha'
94a3 'gro la til gyi sbyin sreg bya/dam tshig ldan pa'i rnal 'byor pa la tshogs 'khor bya/ dge slong tshul khrims rnam par dag pa bcu la tsha tsha gdab/ yi dam mkha' 'gro la thabs dang shes rab ldan pa'i gtor ma
94a4 btang/lus ngag gi dge sbyor drug 'gyur du bya'o// bskyed rim tshad du bsgom mo// shar du rgyal po la gtor ma btang ngo// lhor gshin rje la sha khrag gi gtor ma btang ngo// nub tu klu la dkar gtor btang
94a5 ngo// byang du gnod sbyin la sha khrag gi gtor ma btang ngo// de ltar byas na sngon gyi las kyi rnam par smin pa 'am tshe zad pa ma gtogs par nang gi 'chi ltas rten 'brel des bzlog nges so// gsang ba'i 'chi ltas
94a6 bstan pa ni/skyes pa'i thig le nag por 'ong na zla ba bzhi nas 'chi/ bud med thig le dkar por 'ong na zla ba bzhi nas 'chi/ 'khrig pa'i 'dod chags ma spyad par thig le zad nas mi 'ong na zla ba bzhi nas
94b1 'chi/rdo rje nor bu'i sbu gu'i sgo ru snga na med pa'i sme ba nag po byung na/ 'dod chags g.yems pa la rgyun chad med par yid la bud med dang 'dod chags 'ba' zhig sems na dbang gsum pa'i dam tshig nyams
94b2 te rdo rje dmyal phar 'gro ba'i rtags yin pas/thig le nyams pa gso bar bya ste/ dus rtag tu bdud rtsi lnga'i ril bu rten/ dri chen dang dri chu sbyangs la g.yon gyi sna bug gis rngub/ bdud rtsi lnga'i phye mas ci za ci
94b3 'thung la bran la bza'/grub thob kyi gnas su rnal 'byor pho mo lnga la tshogs 'khor bya/ dus gsum gyi sangs rgyas thams cad mdun gyi nam mkha' la spyan drangs la tshangs pa'i bu gar dbab bo// gsang ba'i
94b4 ltas byung na lus kyi 'khrul 'khor gyis gcad pa ni/rkang pa rdo rje skyil krung bcas/ srin lag gis mthe bong mnan la/ khu tshur gnyis brang la bcang te lag pa gnyis brang du bsnol te kha sgal pa la bcar/ mig
94b5 gyen la bgrad la spyi bor yab yum gyi sbyor mtshams nas byang sems babs nas rang gi tshangs pa'i bu ga na mar thim pas rang gi lus dang rtsa thams cad rkyal pa 'o mas bkang ba ltar bsam zhag bdun rgyun ma
94b6 chad par byas na 'chi ba bzlog nges so// thig le bsrung bar ma byas na 'chi ba bzlos par mi 'gyur bas/ tshul khrims gtsang la thig le bo ba med pa'i rnal 'byor pas rang gi lus dri chen mar khus byugs/ yang
95a1 na skyes pa gri ri sha ba'i tshil chen gyis byug/dkon mchog gsum la mchod pa dbul/ bla ma rnams la gsol ba gdab/ yid dam lha la bzlas bsgom bya/ bud med lnga la tshogs 'khor bya/ mdun
95a2 gyi nam mkha' la dpa' bo dang dpa' mo sbyor ba byas pa'i byang sems kyi bdud rtsi tshangs pa'i bu gar babs pas lus thams cad gang bar bsgom mo// rdo rje'i nang du hUM dkar po gcig sangs rgyas stong rtsa gnyis
95a3 kyi ngo bor bsams la/de las 'od 'phros pas 'gro drug gi bdud rtsi nyams pa'i dri ma dag nas hUM la thim par bsam/ sha lnga bdud rtsi lnga rtag tu bsten no// de rnams kyis thig le ma bzlog na/ spyi bo nas spu
95a4 mtshams su a wa d+hu ti bsgoms la dga' ba bcu drug gi dus su byang sems kyi thig le bcu drug mu tig gi rdog ma ltar bsgom/de las bdud rtsi babs pas lus kyi gnas rnams khengs par bsam mo// des ma
95a5 bzlog na sngon gyi las kyi rnam par smin pa yin pas dkon mchog la mchod pa dbul/mkha' 'gro la gtor ma btang/ rde rje spun la tshogs kyis mchod/ lus dang longs spyod thams cad kyis rdo rje slob dpon
95a6 mnyes par byas la 'pho ba'i gdams ngag la 'jug par bya'o// 'chi ltas bzhi pa de kho na nyid kyi 'chi ltas ni/ gang dang 'grogs kyang khro snying 'dod/ gang na 'dug kyang 'jigs pa dang/ dkon mchog gsum
95b1 la mos gus shor/bla ma rnams la sdang zhing smod/ gang na 'dug kyang skyo ba dang/ 'khor 'dab rnams dang 'bras snying 'dod/ g.yeng ba dang nor la dga' chags pas g.yeng ba tshol/ nga rgyal dang phrag dog
95b2 gcig stengs su gcig gis non pa rgyun mi 'chad par 'ong ba dang/chos ldan grogs dang 'bras snying 'dod pa dang/ sdig pa'i grogs la snyan grags brjod pa dang/ tshe 'dir sdug gis dogs pa dang/ bla ma
95b3 dkon mchog gi nor rnams rku ba dang/rnam par rtog pas sems g.yeng na di kho na nyid kyi 'chi ltas yin pas/ 'chi ba slu ba'i thabs ni/ stong nyid bde chen dam pa'i chos bshad/ de yang lus skyil krung sems
95b4 gsal bar byas la/mdun gyi nam mkha' la dus gsum gyi sangs rgyas kyi ngo bo bla ma bsams la yid kyis phyag 'tshal/ mchod pa dngos dang yid kyis dbul/ gsol ba lan gsum du gdab/ de nas spyi bo na
95b5 mar thim pas byin gyis brlabs par bsam/chos sku skye ba med pa spros pa'i mtha' thams cad dang bral bar bsam/ skye shi'i 'jigs po bral nas chos sku'i ngang la gnas par bya'o// de nas 'chi ba cis kyang
95b6 ma bzlos na 'pho ba bya ste/de la gnyis las btsan thabs su 'pho ba dang sbyangs te 'pho ba'o// btsan thabs su 'pho ba ni/ lus bsrang la sgom tshigs su bya/ mig sna rtse la phab/ rdo rje phag mo bsgom/ bshang lam
96a1 dang chu lam bruM res dgag/lte ba snying kha gnyis/ srin lag smin mtshams gnyis/ mig gnyis hUM res dgag/ lce la hUM gis dgag/ lte ba'i 'og sor bzhi tsam nas rtsa 'dab gsum yod pa'i dbu
96a2 ma na yi ge baM dmar po gcig bsam mo// de ka la ka hig ka hig ces pas nyi shu rtsa gcig gis yar drangs pa ni mar dbab/ de la shes pas zin pa dang/ gang la yang chags pa med par byas la spyi bo tshangs
96a3 pa'i bu ga sgo phye la/lte ba'i de ka hig ces gdon te spyi bor rdo rje phag mo'i thugs khar thim par bsam mo// des rdo rje phag mo'i skur gyur te/ phyag rgya chen po'i dngos grub thob par 'gyur ro// sbyangs te 'pho ba
96a4 ni/gong lnga nas bskyed rdzogs la sbyangs te 'chi khar 'pho bar bya'o// 'chi rtags dang/ 'chi slu dang/ 'pho ba'i le'u ste bdun pa'o//// phyag rgya chen po 'byung ba gos su bgo ba'i/ phyag rgya chen po tsaN+Da
96a5 li/gtum mo'i gdams pas drod skyed par byed pa ni gsum ste/ drod skye bar byed pa bca' ba lus kyi gnad dang/ ting nge 'dzin skye bar byed pa rig pa sems kyi gnad dang/ yon tan 'byung bar byed pa 'gyu ba
96a6 rlung gi gnad do// dang po drod skye bar byed pa la/ bca' ba lus kyi gnad ni lus kyi 'khrul 'khor te lnga'o// rkang pa mgal me ltar brtseg/ g.yas kyi mthil gyis g.yon gyi bol gong mnan/ pus mo sgyed pa lta
96b1 bur btsugs te og lko'i 'og tu gzugs/lag pa zhag pa ltar bcings te pus mo la 'khyud/ mgo bo phru ba ltar dgal te pus mo'i steng du bzhag go/ mgrin pa pad+ma ltar dgug ste mgo bo dgug go/ tshigs pa
96b2 gzhu ltar du sdud de/sgal tshigs dgug de rnams lus gnad do// gnyis pa ting nge 'dzin skye bar byed pa rig pa sems kyi gnad la gsum ste/ phyi sbyang ba dang/ nang sbyang ba dang/ gsang ba sbyang ba'o// dang po phyi
96b3 sbyang ba ni/rang yid dam lhar bsgom ste/ rdo rje phag mo'i skur bsgom mo// mi gsal na zhal phyag gsal du bsgom mo// de'ang rgyan dang cha lugs ldan par bsgom/ nang sbyang ba ni/ lha'i nang stong pa na nang khrol
96b4 la sogs pa med pa phyi nas bltas na nang gsal/nang nas bltas na phyi gsal ba gcig bsgom/ gsang ba spyang ba ni lnga ste/ me'i sa bon bskyed pa ni/ rang gi rkang mthil gnyis su rlung gi dkyil 'khor gzhu'i
96b5 dbyibs lta bu de'i steng du raM dmar nag re bsam/rlung gis me bus me mo khab tsam nyug nyug byung bar bsam mo// gnyis pa me sgyur ba ni/ me bol skud tsam gcig gis pus mo man chad bsles par bsam/
96b6 gsum pa me de'i mtshan nyid ni kha dog dmar ba/ reg bya tsha ba/ byed pa myur ba/ bde ba'i rang bzhin can du bsgom mo// bzhi pa me bsring ba ni brla gnyis nas yang la mda' sug tsam re lte ba'i 'og tu bsleb
97a1 par bsgom/lnga pa me sbar ba ni/ srin po'i zhal rab tu bsdam pa la mdoms nas raM las me 'bar bas me gsum lte ba'i 'og tu me lce phrad pas mkha' 'gro ma lnga'i ngo bo lte ba na ha ri ni sa'i
97a2 dbus na baM gnas pa las me 'bar bas me bzhi dza bzhis bskor ba la/reg bya tsha ba bde ba g.yon du sgo ro ro 'khor bas 'khor lo lte bar bskor ba yin te/ phyogs bzhi steng 'og gnyis su sgo ro ro 'khor bar
97a3 bsgom mo// je drag je drag skor ro// de nas bsrings te bskor ba ni/ de nas snying khar bskor/ hUM zhe sdang sbyangs/ de nas mgrin par bskor/ a 'dod chags sbyangs/ de nas klad par bskor/ A+oM gti mug
97a4 sbyangs/de nas phyi nyi ma drug skor gyi man ngag ni/ rang gi phyogs bzhir kun tu nyi ma re/ steng 'og gnyis su nyi ma gnyis te drug/ nyi ma drug gi 'od zer ba spu'i bu ga na tshur 'ong bar bsgom mo// nang me dpung
97a5 'bar ba brtseg mar bsgor ba lte ba nas mgrin pa snying kha rnams su me lce rtse lnga brtsegs mar 'bar bas phyi ru me'i 'od 'phros pas phyi bsregs bar du me dang nyi ma'i 'od zer bsnol pas 'od zer gyi lus dang
97a6 rtsa gos pas lus la bde ba skyes par bsam mo// nad dang sdug bsngal gdon pa ni// rtsa spyil gyi nang du dud pa btang ba bzhin du nad dang/ 'byung ba'i dngas snyigs dang/ dug lnga dang/ rnam rtog thams cad
97b1 bsregs nas dud pa bzhin du phyi ru rgyang la byung ste/spyi bo dang ba spu'i bu ga na phar la sngo thul lu lu song bar bsam mo// bde ba skye par 'dod na/ spyi bo tshangs pa'i bu ga man chod nas gsang ba rdo rje yan chad du
97b2 rtsa gtsang ma snyug ma 'dra ba gcig bsgom/ras ya dang la la na gnyis yar rtse sna bug gnyis la zug/ mar rtse lte ba'i 'og tu a ba d+hu tir tshud pa'i nang du lte ba nas mkha' 'gro ma'i gtum mo 'bar bas then te
97b3 rngub pa yang yar je mtho je mtho la spyi bo tshangs pa'i bu ga la haM dkar po mgo thur la bsten pa de zhu ba las/byang chub sems kyi thig le dngul chu lta bu de rtsa gsum la sgo ro ro 'khor bas yas mar 'dzags pas
97b4 a shad drod pa las rtsa'i nang nas mar bde ba dang bcas nas nar ra ra 'ang bar bsgom mo// bde ba chen po gsang ba'i rdo rje 'gas pa tsam gyis bde ba byung ba dang de la ma chags ma zhen pa ci'i ngo bor yang ma
97b5 grub pa bde ba gsal la mi rtog pa la sems glod la gzhi phyag rgya chen po'i ngang du bsgom mo// chu dngas ma rnyogs pa 'am/ mar me rlung gis ma bskyod pa ltar sing nge yer re gsal snang du bsgom/ drod kyi rta ma rgya
97b6 mtsho'i gting du sba ba ni me rnams yar mar rtse mo gug nas gsang gnas na ra dmar po yod pa de la rtse mo zug par bsam mo// mkha' khung gnyis chu'i khams yin pas me dmar ring nge ba re bsam mo/ de me
98a1 bsnyam ba dang 'dra'o// des drod mi 'chor ba yin no// nyal ba'i gnad ni/ rkang pa bskum pa brtsegs/ grum 'og ma mkhal ma'i gdan du bting/ lag pa g.yas steng ma mkhal ma'i steng du brkyang/
98a2 mgo bo bkug la gting du gzhug go/ des drod mi 'chor ba'i gnad yin no// gtum mo zas su za ba ni/ mkha' 'gro la gtor ma gtang/ gsol ba gdab/ zas kyi 'dod pa chung ba dang/ skom pa'i rtsol ba chung
98a3 ba dang/gdung ba chung bar 'gyur ro// rdo rje mkha' 'gros rtogs pa bskyed// sangs rgyas mkha' 'gros bdegs la skye// rin chen mkha' 'gros zas mi dgos// pad+ma mkha' 'gros nyon mongs pa 'dod chags mi
98a4 skye// las kyi mkha' 'gros dug lnga 'joms// zas dang gos dang 'dod pa dang bral nas/ lus zag pa zas de/ mkha' spyod gnas su 'gro yo/ gtum mo rta ru zhon pa ni/ rkang pa'i mthil gnyis su rlung gi dkyil
98a5 'khor bsgom/tshigs sor bzhi pa rlung gi ba dan 'phyar/ mthe bong gnyis kyis srin lag gnyis kyi rtsa ba mnan/ dmigs pa lte ba'i a la gtad/ 'gro ba rta bas mgyogs par 'gyur ro// mkha' 'gro ma'i snyan
98a6 brgyud/las rgya mtsho'i rgyud phyi ma las/ tsaN+Da li bsgom pa'i le'u ste brgyad pa'o//// slob dpon chen po pad+ma 'byung gnas kyis mkha' 'gro ma zhi ba'i mtsho la zhus pa'o// jo mo mkha' chen bza' mtsho rgyal la/


CLOSE WINDOW