74a3 /// sa ma ya: rgya rgya rgya: gter rgya'o: sbas rgya'o//// rgya gar skad du/ DA ki ni pany+tsa karma d+ha la sa mud tan tra nA ma/ bod skad du/ mkha' 'gro sde lnga las rgya
74a4 mtsho'i rgyud ces bya ba/mkha' 'gro sde lnga la phyag 'tshal lo// 'di skad bdag gis thos pa'i dus gcig na/ u rgyan gyi yul dur khrod bang so dmar po na/ mkha' 'gro sde lnga 'khor DA ki 'bum dang bcas pa/
74a5 dur khrod na ro la longs spyod cing bzhugs so// de'i tshe sgrub pa po bram ze blo ldan mchog sred ces bya ba/ grub pa thob pa'i rnal 'byor pa mkha' 'gro sde bzhi bran du 'khol ba des/ de'i tshe mkha' 'gro rnams la
74a6 tshogs kyi 'khor lo byas te zhus pa/kye ma mkha' 'gro sde lnga'i tshogs// DA ki'i sgrub pa ji ltar bgyi// mkha' 'gro'i srog gi gnad ni gang// dbang phyug nga la bstan du gsol// zhes zhus so// de nas mkha'
74b1 'gro sde lnga dgyes nas/las kyi DA ki mas ye shes kyi mkha' 'gro rnams la bskor ba byas te/ bshad par zhu ba phul lo// gleng gzhi'i le'u ste dang po'o//// de nas ye shes mkha' 'gro mas bka' stsal pa/
74b2 nyon cig dpa' bo dbang phyug che// mkha' 'gro sde lnga bsgrub 'dod na// dben pa'i gnas sam dur khrod du// bde ba'i stan la 'dug nas ni// skad cig ma las phag mor bsgom// sku mdog sin+d+hu ra dang
74b3 mtshungs// g.yas pa rtog med phag gdong zhal// g.yon pa chags tshul khro mo'i zhal// g.yas pa zangs kyi gri gug bsnams// g.yon pa thod pa khrag bkang thogs/ kha TAM kha ni mchan khung bcug/ gzugs dang
74b4 lang tsho phun sum tshogs// g.yas bskum g.yon brkyang ro gdan bzhugs// A+oM dang AHdang hUM gsum gyis// sku gsung thugs su byin brlabs la// mi dmigs pa yi ngang las su// 'khor lo bzhi po lus la
74b5 dgod// spyi bor bla ma bsgom par bya// de yi dbu gtsug 'khor lo'i steng// rdo rje DA ki sku mdog mthing// gcer bu spyan gsum mche ba gtsigs// g.yas pa gri gug g.yon thod pa// dbu skra gyen bsgrang thur
74b6 'phyang ba// g.yas bskum g.yon brkyang nyid la bzhugs// sku lus rus pa'i rgyan gyis brgyan// gzhon sha chags pa ha las bskyed// mgrin pa longs spyod 'khor lo la// rin po che yi mkha' 'gro ma// sku mdog
75a1 ser mo gcer bu la// spyan gsum zhal bgrang mche ba gtsigs// g.yas pa rin chen g.yon dril bu// rgyan dang cha lugs gong dang mthun// yi ge ri las bskyed par bya// snying kha chos kyi 'khor lo
75a2 na// pad+ma rigs kyi DA ki ma// sku mdog dmar mo gcer bu la// g.yas pa pad+ma g.yon dril bu// rgyan dang cha lugs gong dang mthun// yi ge ni las bskyed par bya// lte ba sprul pa'i 'khor lo na// las kyi rigs
75a3 kyi DA ki ma/sku mdog ljang khu gcer bu la// g.yas pa rgya gram g.yon dril bu// rgyan dang cha lugs gong dang mthun// yi ge sa las bskyed par bya// 'khor lo bzhi la mkha' 'gro bzhi// rtsa ni nyi khri gcig stong
75a4 yang// DA ki nyi khri gcig stong gang// ba spu sa ya dung phyur dang// lus rnams thams cad DA kis gang// mkha' 'gro thugs kyi snying po 'di// ha ri ni sa zhes pa yang// de ltar yi ge bzhi las ni// phyi
75a5 ltar na ni lha mo bzhi// ha ni sangs rgyas spyan ma yin// ri ni gos dkar mo yin no// ni ni mA ma ki yin no// sa ni dam tshig sgrol ma 'o// nang ltar na ni DA ki bzhi// ha ni rdo rje mkha' 'gro ste// ri ni rin chen DA ki ma// ni
75a6 ni pad+ma DA ki ma// sa ni las kyi DA ki ma// gsang ba ltar na chos nyid bzhi// ha ni chos rnams 'gag pa med pa lta ba/ ri ni chos rnams mi dmigs pa sgom pa/ ni ni nyon mongs pa thams cad dag ste spyod pa/ sa
75b1 ni chos thams cad mnyam pa nyid de 'bras bu/yi ge bzhi las lus kyi rtsa grol/ lus la bde ba 'char ba dang/ lus la drod 'byung ba dang/ ngag la nus pa 'byung ba dang/ sems la rtogs pa 'chang ba dang/
75b2 lus ngag yid gsum byin gyis rlobs// mtshon dang me dang chus mi 'jig/ dgra bgegs bsad cing dgug pa dang// lha mo klu mo mi mo 'gugs// chos dang nor dang zas gsum 'du// lha 'dre mi gsum dbang
75b3 du 'du// shes pa rgya bskyed ye shes bsal gdab// nyon mongs pa thog brdzi sa bya/ rig pa shugs rdol 'byung ngo// mkha' 'gro sde lnga bsgrub pa'i le'u ste gnyis pa'o//// de nas yang dag bshad bya ba// dang
75b4 po stong pa nyid bsgoms la// paM las pad+ma 'dab brgyad dbus/ kha dog dmar po las gyur pa'i// nyi ma'i dkyil 'khor steng dag tu// yi ge hUM las yongs gyur pa'i// bdag nyid rdo rje rnal 'byor ma// drag po yi
75b5 ni 'od can ma// gces bu g.yon ni brkyang bar gnas// zhal gcig ma la phyag gnyis ma// chu 'dzin mdzes shing mnan pa'o// sku mdog dmar mo chen mo ni// 'dod chags chen po'i rang bzhin las// rab tu
75b6 gtum pa'i spyan gsum ma// smin ma khro gnyer yongs gyur pa// mche ba gtsigs pa'i zhal mnga' ba// ljags ni 'dril la skra grol ba// ro yi gdan la bzhugs pa ste// gzhon sha che la chags tshul che// dra ba dra
76a1 phyed dril bu'i sil snyan sgrogs// rin chen g.yer kha'i sgra sgrogs ma// phyag rgya lnga dang ldan pa la// lha dang lha min khrag bkang ba'i// thod pa g.yon na bsnams pa la// rdo rje gri gug sdigs mdzub
76a2 g.yas// shin tu 'jigs pa'i gzugs can ma// dur khrod la sogs gnas su bsgom// sgom pa skyo na 'das pa bya// A+oM sarba bud+d+ha DA ki ni ye/ A+oM badzra wa ra N+Na ni ye/ A+oM badzra bai ro tsa na ni ye/ hUM hUM hUM/ ha ri ni sa/
76a3 phaT phaT phaT swA hA/ rtsa ba'i sngags ni/ A+oM badzra yo gi ni ye hUM phaT/ ha ri ni sa/ snying po'i sngags ni/ A+oM badzra yo gi ni hUM phaT/ ha ri ni sa/ gtor ma'i sngags ni/ A+oM badzra DA ki ni bya i dan b+ha ling g+h+ri na g+h+ri na/ ha
76a4 ha ha/kha kha khA/ a a A/ ma sid+hi/ pra pa tsa/ ha hU phaT/ tshes brgyad bcu dang bcu bzhi la// gtor ma mchod pa dag gis mchod// hUM/ bcom ldan rdo rje phag mo ni// g.yas pa rtog med phag gdong
76a5 zhal// g.yon pa chags tshul khro mo'i zhal// sku mdog dmar mo 'od zer 'phro// zhal gnyis su ni sprul mdzad ma// sgrub pa po la grogs mdzad ma// rje btsun rnal 'byor ma la phyag 'tshal bstod// 'khor ba mya
76a6 ngan 'das spangs shing// 'khor ba mya ngan 'das la bzhugs// kun rdzob don dam gnyis su med// gnyis med gzugs la phyag 'tshal bstod// spros med dbyings las ma g.yos kyang// thabs kyis 'dul ba
76b1 gang dang gang gi ngor// smon lam dbang gis 'gro ba'i don mdzad ma// yid bzhin nor bu 'dra ma khyod la phyag 'tshal bstod// g.yas na nyon mongs skyon kun gcod pa'i gri gug thogs// shin tu dkar ba'i thod
76b2 khrag g.yon na bsnams// zhabs gnyis brkyang bskum ya bdud zil gyis gnon pa'i gtso mo ste// rdo rje rnal 'byor ma la phyag 'tshal bstod// ces 'dod pa'i don la gsol ba gdab bo// ye shes sems dpa'
76b3 gshegs su gsol// lha yi ngo bor bdag dmigs te// rgyun du spyod lam de ltar bya// phag mo dmar mo gsung bsgrub pa'i le'u ste gsum pa'o//// de nas yang dag bshad bya ba// sku yi dngos grub thob 'dod
76b4 na// dur khrod lta bu'i gnas su ni// bde ba'i stan la rab brten nas// stong pa nyid kyis ngang las ni// bdag nyid rdo rje phag mor bsgom// sku mdog dkar mo phyag gnyis ma// g.yas pa rtog med phag mo'i
76b5 zhal// phag ral g.yas pa gyen du gsig/ g.yon pa chags tshul khro mo'i zhal// cung zad khro bo'i tshul ston pa// g.yas pa gri gug nyon mongs gcod// g.yon pa chags mdzad thod khrag bsnams// sku smad stag
76b6 gi sham thabs gsol// ro dang nyi ma'i steng du ni// zhabs g.yas bgrad la g.yon pa 'gying// phyag rgya lngas ni brgyan par bsgom// de nas rang gi snying kha nas// 'od 'phros ye shes phag mo dgug/ gnyis su
77a1 med par bstim pa las// 'dod yon lha mor rnams sprul te// mchod rdzas rnams ni dbul bar bya// rang gi snying kha'i hri las su// A+oM A+oM A+oM/ sarba bu d+d+ha DA ki ni ye/ badzra wa ra N+Na ni ye/ badzra bai ro
77a2 tsa na ni ye/hUM hUM hUM/ phaT phaT phaT/ swA hA/ zhes g.yon du 'khor bar bsam mo// de la sems gtad bzlas pa bya// bzlas pa skyon gtor ma btang// rje btsun rdo rje mkha' 'gro ma// stong nyid snying rje'i bdag
77a3 nyid can// khams gsum pa yi ngo bo nyid// bskal pa me ltar 'bar ba'i 'od// rdo rje rnal 'byor ma'i tshogs la 'dud// dpal ldan rdo rje mkha' 'gro ma// mkha' 'gro ma yi 'khor lo sgyur// ye shes lnga dang sku
77a4 gsum nyid// 'gro ba skyob la phyag 'tshal bstod// ji snyed rdo rje mkha' 'gro ma// kun tu rtog pa 'ching mdzad cing// 'jig rten bya ba la 'jug pa'i// de rnams bskyed la phyag 'tshal bstod// ces bstod la/ ye
77a5 shes sems dpa' gshegs su gsol// lha yi ngo bor dmigs byas te// nyal ba'i spyod lam bya ba'o// sku'i dngos grub thob par 'gyur ro// sku'i phag mo dkar mo bsgrub pa'i le'u ste bzhi pa'o//// de
77a6 nas yang dag bshad bya ba// phag mo nag mo bsgrub 'dod na// dben pa'i gnas su 'dug nas ni// dur khrod sol bas lus byugs te// stong nyid skad cig gnas pa las// paM las pad+ma a las zla ba ste// hri
77b1 nag yongs su gyur pa las// bdag rang rdo rje rnal 'byor ma// phag mo shin tu khros ma ni// sku mdog nag mo shin tu skem// rus pa'i rgyan lngas mdzes par brgyan// gcer bu sku la thod 'phreng gsol// dbu skra
77b2 gyen brdzes ral pa 'khrigs// phag zhal mche gtsigs ljags 'gul ma// phyag na gri gug sngo nag thogs// phyag g.yon thod khrag thogs nas kha DAM 'khyud// me dpung sngo nag 'bar dbus na// ya bdud pho mo'i
77b3 gdan la ni// skyil krung phyed pa'i gar gyis bzhugs// oM dang AH dang hUM gsum gyis// sku gsungs thugs su byin gyis brlabs// de nas rang gi snying kha'i steng// hri nag sngags kyi 'phreng bskor bsam// de
77b4 las 'od zer 'phros pa yis// ye shes sems dpa' bkug la bstim// A+oM badzra wa ra hri hUM hUM phaT swA hA/ A+oM badzra war N+Na ni ye hUM phaT/ ces 'bum phrag dag tu bzlas par bya// rang gi lte dkyil chos 'byung
77b5 ni// gru gsum dmar por bsam par bya// g.yung drung ris su bsgom par bya// de dkyil sngo nag hri bsams te// zhor la 'og rlung bsdams pa las// hri las me 'bar lte ba sprul pa'i 'khor lo bsregs// spyi
77b6 gtsug haM zhu a wa 'du ti nas mar byang chub sems dkar nar ra ra 'bab par bsams la lte bar bsgom// cung zhig bde skyes drod thob nas// stong pa nyid du rgyas gdab bya// A+oM badzra wa ra ti ha ha hi/ pheM pheM pheM/
78a1 kha kha/ kha hi kha hi/ nam phyed na chang dang bcas pa'i gtor ma sbyin/ hUM/ skye med rnam dag chos kyi dbyings nyid pas// skye ba'i cho 'phrul cir yang sprul mdzad ma// 'gro ba'i don mdzad rdo rje mkha'
78a2 'gro ma// dug gsum 'joms mdzad phag mo'i sku la bstod// skye med ngang las ma g.yos sku mdog gnag/ gces bu zhal bgrad mche gtsigs longs spyod rdzogs pa'i sku// longs spyod rdzogs pa'i sku la
78a3 bstod// nyon mongs dug gsum 'joms mdzad phag mo'i skur bstan nas// sna tshogs sprul skus 'gro ba'i don mdzad ma// rdo rje phag mo'i sku gsung thugs la bstod// phyag g.yas gri gug nyon mongs dug
78a4 gsum 'joms// phyag g.yon thod skam skye med dbyings su sbyor// dbu skra gyen thur sprul sku sna tshogs 'gyed// rdo rje phag mo 'gro don mdzad la bstod// dur khrod rus pa'i rgyan gyis mkha' 'gro dbang du
78a5 sdud// ye shes me yis ma rig mun nag 'joms// g.yas brkyang g.yon bskum thabs dang shes rab dang// rdo rje phag mo longs spyod ldan la bstod// shes rab skyon med nyi zla pad+ma'i gdan// bde bar
78a6 gshegs pa'i gsang ba'i yum gcig ma// mthong dang dran pa tsam gyis ye shes skye// yon tan kun rdzogs ma la phyag 'tshal bstod// yon tan bye bar brgyan pa'i phag mo la// rtag tu dad pas khyed la mchod
78b1 bstod pas// rnal 'byor bdag la byin gyis brlab tu gsol// A+oM AHhUM/ zhes bstod/ phag mo nag mo thugs kyi bsgrub pa'i le'u ste lnga pa'o//// de nas yang dag bshad bya ba/ mkha' 'gros gtor ma
78b2 dngos su len par 'dod na/dben pa'i gnas sam dur khrod du// DA ki bsnyen dang bsgrub pa dang// 'phrin las so sor bya ba ni// maN+Dal zla gam gru bzhi la// grub gsum dmar nag gdengs pa la// ro yi
78b3 rgyal mtshan bsnol ba la// de dbus che ge mo bri bar bya// shin tu sgeg pa'i cha byad la// dkar mo dar dkar la 'u can// rgyan cha shin tu sgeg la// phyag na kha TAM ban d+ha can// mkha' 'gro ma yi tshegs kyis
78b4 bskor// ting 'dzin de dang ldan par ni// zhal nas mkha' 'gro'i sngags 'di bzlas// A+oM gal mdzo ki ni phra tsan hUM hUM hring hring/ zhag ni bdun nam dgu'i bar du// smra bcad byas nas bzlas par bya// sngon du
78b5 stag dang sbrul dang me// bya dang seng ge 'byung bar 'gyur// shar du me tog gtor ma bzhag/ lho ru keng rus gtor ma bzhag/ nub tu sha yi gtor ma bzhag/ byang du 'bru'i gtor ma bzhag/ dbus su kun gyi
78b6 gtor ma bzhag/rtags ni gang byung gtor ma btang// rtags kun byung na gtor ma rdzogs par gtang// bsnyen pa de nyid rdzogs pa'i rtags// gong gi rtags de 'byung ba'o// de nyid byung na sngags
79a1 'di bzlas// g+hal ni g+hal ni dz+ho gi ni/ pra tsan de tsan de hUM hUM hring hring/ de nas bsgrub pa'i sngags 'di bzlas// arnya b+ho ga/ a g+ho ga pha ta ye/ hUM hUM hring hring/ kha kha hi/ gtor ma mkha' 'gro ma
79a2 la btang ba'o// ting ting gal dz+ho gi ni/ yo gi ni traM hring/ dbang sgyur bya zhing las kun bcol// de nas Da ma ru 'am thod rnga dkrol// gtor ma gsar la 'di skad brjod// hUM ma g.yeng ma g.yel mkha'
79a3 'gro'i tshogs// bzhengs shig dur khrod gnas nas bzhengs// bskul lo thugs dam gnad nas bskul// rdo rje rigs kyi DA ki ma// chos dbyings ngang las skur bzhengs la// bka' yi gtor ma 'di long
79a4 zhig/rat+na rigs kyi DA ki ma// chos kyi dbyings las sku bzhengs la// bka' yi gtor ma 'di long zhig/ pad+ma rigs kyi DA ki ma// chos kyi dbyings las sku bzhengs la// bka' yi gtor ma 'di long
79a5 zhig/las kyi rigs kyi DA ki ma// rang bzhin gnas nas sku bzhengs la// bka' yi gtor ma 'di long zhig/ ma dang mkha' 'gro gying gi tshogs// DA ki 'bum dang phungs se phungs// zhib can stong dang si li
79a6 li// mkha' 'gro glu len kyu ru ru// DA ki'i brda skad ldab ma ldib// dri zhim ngad pa thu lu lu// dar gyi ru mtshon lhub se lhub// 'dir sbyon dgyes pa'i dam rdzas mchis// rnal 'byor pho mo dam re
79b1 gtsang// mkha' 'gro'i tshogs de dang re spro// dur khrod gnas de nyams re dga'// zhing chen bla re rgyan dang ldan// gsur chen dud pa dri re zhim// bam gyi khog stod gcod 'phror ldan// sha sna snying sna bsam mi
79b2 khyab// DA ki'i tshogs rnams 'dir spyon cig/ bka' yi gtor ma 'di long zhig/ badzra DA ki ni pra ti dza b+ha ling ta kha hi// bud+d+ha DA ki ni pra ti dza b+ha ling ta kha hi/ rad na DA ki ni pra ti dza b+ha ling ta kha hi/ pad+ma DA ki
79b3 ni pra tits+tsha ba ling ta khA hi/karma DA ki ni pra ti dza b+ha ling ta kha hi/ lo ka DA ki ni pra ti dza b+ha ling ta kha hi/ zhes dbul lo// rab ni zhag bdun dag nas 'ong// 'bring zhag bcu bzhi dag nas 'ong// tha ma nyi shu rtsa
79b4 gcig na// mkha' 'gro ma ni dngos su 'ong// gtor ma dngos su len pa dang// ci bcol bsgo ba byed pa dang// dngos grub sna tshogs ster ba 'byung// mkha' 'gro sde lnga bsgrub pa gtor len gyi le'u ste drug
79b5 pa'o//// de nas yang dag bshad bya ba// rnal 'byor bar chad bsgral ba'i phyir// mkha' 'gro dngos su bsgrub par bya// bar chod dgra bgegs bsgral bar bya// mkha' 'gro ma gtor ma rang zan 'di yi
79b6 bca' thabs la/dang po nas kyi maN+Dal gyi steng// gtor ma lnga bshams la// bdag nyid rdo rje phag mo'i ting nge 'dzin la zhugs la/ de nas lha bsgrub pa'i sngags 'di bzlas so// gal ni gal dz+ho gi ni/ pra tsan
80a1 d+ha/gal ni gal ni dz+ho gi ni pra tsan d+he tsan d+he/ hUM hUM hring hring kha kha/ de tsho la ni rtags ma byung bar bgrang bar bya'o// rtags ni stag byung na shar phyogs kyi gtor ma gtang/ sbrul byung na lho phyogs kyi
80a2 gtor ma gtang/me byung na nub phyogs kyi gtor ma btang/ rlung byung na byang phyogs kyi gtor ma gtang bar bya'o// seng ge byung na dbus kyi gtor ma gtang bar bya'o// dang po seng ge byung na lha grub pa yin pas/
80a3 gtor ma lnga char dus gcig la gtang bar bya'o// de ni grub pa'i rtags so// grub rtags de rnams byung tsa na// bsrung ba'i sngags 'di rnams bzlas so// ha ra sid+d+hi/ de ba sid+d+ha la/ de khri tsam bzlas la/ de nas
80a4 dgra bo dgug pa'i sngags 'di bzlas so// a dz+nya b+hi ga/ a dz+nya b+hi ga la/ ga ba ta ye hUM hUM/ hring hring/ kha kha/ de la khri tsho tsam gdon/ de nas yungs dkar gyis brab pa'i sngags 'di bzlas so// ti ti mA ra ya hus
80a5 pa/ti ti ma ra ya hus pa/ ma hA ro sha ni/ pra tsan d+ha pra tsan d+ha/ hUM hUM/ hring hring/ kha kha/ de tsho la stong tsam gdon te bsad sngags so// de nas phur thun gyi bzlas pa bya/ a ka ra shi/ ka li stam ba li/ ma hA ni
80a6 dal ta hUM/de la stong bzlas la gdab bo// de nas las kyi mtha' sdud rdo thun gyi sngags 'di bzlas la gdab bo// pra ta ma tsag khra ye khrag tsag khra/ rdo'i tsag khra/ tsag khri tsag khra/ hUM hUM/ hring hring/ kha kha/
80b1 yungs thun phur thun byas pa'i ling ga sman ma de/ rdo'i thun gyis brlag par byas te/ las kyi mtha' bsdu'o// yang rang la rtags 'byung ste/ snying 'khro na spyang khu'i skad 'byung kha 'khro na lce mnar/ dgra la thun
80b2 'debs pa'i dus su/dgongs pa khang rul gyi du ba bzhin zhe gnag ting de bya/ sems gzhan du ma yengs par brnams la bya'o// de nas gtor ma gtong ba'i sngags 'di bzlas so// A+oM badzra DA ki ni pra ti dza b+ha
80b3 ling ta kha hi/gtor ma btang re na sngags 'di bzlas so// rdo rje mkha' 'gro ma dur khrod kyi DA ki ma dang bcas pa'i sgrub thabs yin pas/ zla ba gnyis mtshams la gnas na/ mkha' 'gro dngos su gtor ma
80b4 zar nges so// sngags mkhan dang dngos su gtam byar 'ong ngo// zhag gsum na mtshan ma 'ong ngo// de nas bskul ba 'di skad do// b+h+yo/ rdo rje rigs kyi mkha' 'gro ma// bzhugs ni rgya gar yul na
80b5 bzhugs// dur khrod brgyad ni gnas kyang 'cha'// sku la dar nag lwa 'u gsol// dar nag ral pa pu ru ru// g.yas pa gri khug khugs se khugs// g.yon na thod skam khrag gis bkang/ khrag dang zhag tu khyi li
80b6 li// mkha' 'gro'i tshogs de 'dir spyon cig/ bdag la bar chad dgra mchis kyis// thams cad ma lus mkha' 'gros sgrol// zhes 'bod do// zhag nyi shu rtsa gcig na bar chod kyi dgra bgegs thams cad
81a1 dngos su sgrol bar 'gyur ro// mkha' 'gro ma dngos su dbab pa'i le'u ste bdun pa'o//// de nas yang dag bshad bya ba// DA ki rnam bzhi bsgrubs byas la// gdon sogs zhi bar bya ba
81a2 ni// yid 'ong gnas su nyer 'dug ste// bde ba'i stan la 'dug nas ni// bdag nyid lha yi skur bsgoms la// 'byung ba'i lha mo bzhi bskyed la// gsang sngags 'di ni bzlas par bya// A+oM sid d+hi/ A+oM sid d+hi/
81a3 oM sid d+hi/ shri si la a nan d+he ba pa de bya/ A+oM a shrI ga g+ha na a nan ta de ba sa de bya/ A+oM AHhUM shri ka ma la/ a nan d+he ba pa de bya/ oM AH hUM ho shri swA hA/ dza ya b+han d+ha de ba pa de bya/ bi shaM saM ba raM/ dz+ha ga maM dre shi
81a4 bi shaM/sa ma graM na sha ya na sha ya/ a sa a mu ka swA hA/ zla ba drug tu bzlas par bya// zla ba dang pos nad pa'i gdon rnams zhi// gnyis pas klu rnams dbang du 'gyur// gsum pas mkha' 'gro'i sprul pa
81a5 mthong// bzhi pas 'jig rten pa rnams dbang du sdud// lnga pas mkha' 'gros rmi lam ston// mkha' spyod gter rnams thams cad mthong// zla ba drug tu bsgrubs pa na// ci 'dod pa yi bsam pa 'grub// rgas
81a6 dang na dang 'chi ba dang// chu bo bzhi las brgal bar 'gyur// nyi zla dag la zhon nas rgyu// mkha' 'gro rnam bzhis bskur bar 'gyur// mkha' 'gro nub par sgrub pa'i le'u ste brgyad pa'o//// de nas
81b1 yang dag bshad bya ba// mkha' 'gro rnam bzhi'i byin brlabs dbab par 'dod na/ bdag lus zo ba stong par bsam// bud med bzang mo bzhis/ bdag gi mgo la 'od kyi thod bskon par bsam// de las me
81b2 mched pas/bdag gi tshangs pa'i bu ga na mar song bar bsam la/ lus me dpung du song bar bsgoms la/ rkang mthil gnyis kyi 'og tu yaM las rlung gi dal bskyed/ de las rlung gis me sbar ro// de ni bskyed
81b3 pa'i rim pa'o// sngags kyi rim pa bstan pa ni// A+oM bar min bar gyi de ba na ga li swA hA/ A+oM a pa sha dam stam b+ha ya rA rA dza la ni swA hA/ de nas mkha' 'gro ma la gtor ma sbyin/ gsol ba gdab/ de nas byin
81b4 brlabs 'bar te/lus ltar ba 'byung ngo// mkha' 'gro bsam gtan 'bar ba'i le'u ste dgu pa'o//// de nas yang dag bshad bya ba// mkha' 'gro'i mtshan ma dbab 'dod na// dben pa'i gnas su
81b5 'dug nas ni// maN+Dal zlum po legs byas te// steng du me tog tshom bu dgram// de steng khrus kyi bum pa bzhag/ de steng me long gan rkyal bzhag/ me long mtha' ma me tog 'phreng bas bskor// maN+Dal dbus su
81b6 mkha' 'gro 'gul byed ma// btso ma gser gyi kha dog 'dra// na bza' dar ni mthing kha gsol// zhal gcig ma la phyag gnyis ma// phyag g.yas shes rab ral gri bsnams// g.yon na me tog ut+pal
82a1 bsnams// rin chen sna tshogs rgyan gyis brgyan// zla ba'i gdan la bzhugs pa bsgom// me tog tshom bu bzhi po ni// rigs kyi mkha' 'gro bzhi por bskyed// sgrub pa'i sngags ni 'di yis
82a2 bsgrubs// A+oM tsa le tsu le tsun d+he dang sha ya/ sarba pA la swA hA/ zhes 'bum du tshang na dbab par bya'o// mkha' 'gro dngos su 'ong bar 'gyur// grong pa'i chos kyi ma 'brel ba'i// pha ma tshang ba'i bu mo bzhi// khrus
82a3 byas gos bskon mgo la me tog bcing// mig gnyis A+oM dkar byin gyis brlabs// lha'i mig tu byin gyis brlabs pa'i sngags// A+oM tar+ya thA/ tsak+Shu tsak+Shu dz+nyA na tsa k+Shu phye swA hA/ lan bdun nam nyi shu rtsa gcig
82a4 bzlas lag tu me long gtad pa'i sngags 'dis mthong bar bya'o// A+oM tsa le tsu le tsun d+he/ pra be sha ya pra be sha ya/ a pra ku ma ku ma ri/ ka sho sha ri rang/ shi ri ri/ pra pe sha/ dang pa ya/ sarba ya/ b+hud ta ya/ sarba
82a5 bud d+ha d+harma sang ga sa b+he ta ya/b+ha ga ba ti/ ma bi lam pa/ bA' ra ma sha ye/ pa ri bu re ye swA hA/ zhes bzlas/ bu mo la ni DA ki dbab// legs nyes rgyu 'bras lta ba dang// srid pa gsum yang mthong bar
82a6 'gyur// me long nang du thams cad gsal// mkha' 'gro dngos su dbab pa'i le'u ste bcu pa'o//// de nas yang dag bshad bya ba// mkha' 'gro mda' la dbab pa ni// nas la pad+ma 'dab bzhi bri// steng du
82b1 mkha' 'gro rnam bzhi bskyed// mda' bzhi ltong sprad sngags 'di gdab// A+oM ni sha mi ni theg/ pra ti ti theg/ ma smrag pra bzang mo theg/ hur yer slong theg/ nyi shu rtsa gcig bzlas pa dang// mda' ni 'gul
82b2 dang lang par 'gyur// A+oM pra ma ni swA hA/ A+oM d+ha sha ma ni swA hA/ A+oM pra mun swA hA/ A+oM sho mun swA hA// dang po sngags brgya bzlas par bya// rbad khar lnga brgya bzlas par bya// lha dang mi gnyis ltong sprad la// dgra dang
82b3 'dre gnyis ltong sprad do// de la mkha' 'gro'i pra rtags brtag/ lhas ni 'dre ni phyir phyung nas// lha mda' phugs su yel ba na// lha la khas blang dmod bcol bya// gnyis ka dus gcig phul byung nas// rgya 'dre che
82b4 bas gang phan dmod// lhas su 'dre ni phyir phyung nas// lha nyid dbus na 'dug na bzang// gnyis bsnol gtam bsnom bye bral mi 'grub pa'o// gnyis ka mi 'gul phyi thal yin// ji ltar dmod pa nyan na gang
82b5 'dod 'grub// 'dres su lha mnan sprugs na ngan// lha yis 'dre mnan sprugs na bzang// dang po 'bab pa dkar na mda' 'dzin mi yang brje// 'dug sa spros la bzlas pa bya// ji ltar 'dod pa dmod pas
82b6 'ong// DA ki bzhi la dam bdar bya// bden brdzun legs nyes gsal bar ston// mi sdong po dang yug sa mo// mdze po sdig can dag la 'dzem// mkha' 'gro mda' la dbab pa'i le'u ste bcu gcig
83a1 pa'o//// de nas yang dag bshad bya ba// rnal 'byor 'khrig pa'i 'dod chags kyis// sems 'phrog sdom pa sgod pa la// lha mo ban tsi ka ni dgug bya ste// sa phyogs dben sar maN+Dal byi
83a2 dor bya// tsan dan chu yis maN+Dal byug/ shar gyi phyogs su kha bltas la// 'dzab ni ma yengs pa ru bzlas// A+oM de ba tsan tra sur+ya ma rgya hri dza zhes pa'i 'dzab ni khri yis 'ong bar 'gyur// de nas 'dris shing spyad
83a3 legs na// rtag tu spyad du rung ba dang// gzungs mar yang ni shis pa yin// lha mo'i rang bzhin yin pas na// grib la bdar bas gzab// ma 'dris par la ba gzon bya// 'dris dang mdza' mo dag dang
83a4 'dra// sha tsha brtse gdung che bar 'gyur// rnal 'byor spyod la dga' ba'i don// nyams spyod 'phra men yul la 'jug/ lha'i bu mo dgug pa ste le'u bcu gnyis pa'o//// de nas yang dag bshad bya ba// mkha'
83a5 'gro rnam rgyal dngos dgug pa// rnam par rgyal ma'i snying po ni// A+oM shi hUM/ 'bum phrag dag tu bzlas pa bya// gu gul spos ni bsreg par bya// nya la nub rengs bzlas par bya// nya'i tho rangs kha ni bsgrub pa
83a6 bya// nyal nas 'bras bu ram tshogs kyang bya// dkar gsum bza' zhing spyod pa gtsang bar bya// de nas bdag gis ji ltar bya zer nas 'ong ste/ bdag gi khol mo gyis shig bya/ mi byed na rdo rje myal bar song
83b1 byas la mna' dgag/tsan dan gyis arga sbyin/ sgrub pa'i rdzas dang zas thams cad star bar 'gyur ro// sbyor ba bya/ mgu na chung mar 'gyur ro// bcud dang bcud len thams cad ster ro// tshe ring la bkra
83b2 shis par 'gyur ro// mkha' 'gro ma dngos su dgug pa ste le'u bcu gsum pa'o//// de nas yang dag bshad bya ba// ting 'dzin lha mo bkug nas ni// 'dod yon lnga la longs spyod nas// dben pa'i
83b3 gnas su 'dug nas ni// 'du 'dzi med pa'i dgon pa ru// bde ba'i stan la skyil krung bca'// lus bsrang dbang po yan par btang// bdag gi mdun na na chung ni// sgeg mo mdzes pa'i rgyan gyis
83b4 brgyan// yid du 'ong ba'i bu mo yis// gser dngul gzhong pa'i nang du ni// 'bru zan rtsi mchog ro ldan pa// bdag gi mdun du drangs par bsam// shin tu nyams ldan lus sems bde// ro ni so sor tshor ba
83b5 dang// 'grangs shing nyams bag ston par 'gyur// de bzhin yang nas yang du bstan// kham gyi zas ni khab kyis srab// ting 'dzin zas ni yun du brten// zla ba drug gam lo gcig nas// zla ba bcu drug bar du
83b6 brtag/de ltar yun rings bstan pas na// 'dod pa'i yon tan rnam lnga la// rang byung ma 'gags rol pas na// rang sems de yi rnam par shes// sems la sems nyid rol pa dang// ye shes la ni ye shes
84a1 rol// rgyu rkyen zas dang bral nas ni// lus ni bal gyi 'dab ma bzhin// sems lhun sdug cing ngo mtshar bar 'gyur ro// de tsam na rnal 'byor dbang phyug chen po zhes bya'o// de ltar ma yin ting nge
84a2 'dzin gyi nyams dang/shes rab kyi rtog pa 'dzol te/ shes rab rkyang pa la/ sngags che ba'i yon tan tsam la stobs te// ye nas byas zin zhes pa dang/ sgom sgrub bya brtsal dang bral zhes pa dang/ gdong nas
84a3 sangs rgyas bya ba tsam la rten pa ni/shes rab rkyang pa tsam la rten pa ste/ ngo ma shes shing ma rnyed de/ mun khung na gser la 'gom pa dang 'dra ste/ tshig tsam du song bas grub par ma bshad do// ting nge 'dzin gyi
84a4 yon tan lha mo dgug pa'i le'u ste bcu bzhi pa'o//// de nas yang dag bshad bya ba// mi yi bu mo dgug 'dod na// 'khor lo'i rtsibs ni bcu gny-is kyi// lte bar mi mo'i ming bris la// mo yi rkang rjes 'og
84a5 sa la// gzugs bya byed la dmar por byug/ lto bar 'khor lo gzhug par bya// bal tshon sna lnga'i the gus ske nas gdags// lag tu bzung la zhag bdun bsgrubs// gnas ni dben par bsgrub par bya// A+oM A
84a6 yid kyi ling has wa ra ma bas che ge mo hring/rang gi snying kha zla ba'i dkyil 'khor las/ mo yi rnam shes snying gi dkyil gyi me mar lta bur de bkug la ling ga la bstim/ rtags ni mo'i chas gos dang bud med me l
84b1 ong ston pa 'ong/nu ma la rme ba rmi/ gang 'dor khugs par 'gyur ro// sgrubs kyi bar du 'dod chags dang/ rang gi khu ba lag par 'dod pa spong/ mi'i bu mo dgug pa'i le'u ste bco lnga pa'o//// chos
84b2 dbyings ye shes DA ki mas// mkha' 'gro'i las rgyun de bshad nas// mi mngon chos kyi dbyings su thim// las kyi DA ki rang sar 'khod// bram ze mchog sred yi rangs te// chos dbyings skye med DA ki'i tshul
84b3 ston pa// ye shes mkha' la gnyis med thabs kyis 'gro// dbyings dang ye shes gnyis med chos kyi dbyings// mkha' 'gro'i las rgyud bshad pa ngo mtshar che// zhes bstod do// las kyi mkha' 'gros bram ze
84b4 mchog sred la rgyud gtad pa/DA ki las kyi rgyam mtsho 'di// dpa' bos yun gyis btsas su zhog/ bdag cag mkha' 'gro sde bzhi yis// rnal 'byor gang bsgrub bu bzhin bgyi'o// zhes rjes su yi rangs te/ rang
84b5 sar dengs so// rjes su yi rangs shing/ rgyud yongs su gtad pa'i le'u ste bcu drug pa'o//// mkha' 'gro ma las rgya mtsho'i rgyud rdzogs so// slob dpon pad+ma 'byung gnas kyis/ jo mo mtsho rgyal la
84b6 gdams pa'o// gter rgya/ gtad rgya/ sbas rgya////


CLOSE WINDOW