57a1 DA ki ni rat+na pra ti tan+t+ra nA ma/ bod skad du/ mkha' 'gro ma rin po che 'phreng ba zhes bya ba'i rgyud/ rdo rje mkha' 'gro ma la phyag 'tshal lo// 'di skad bdag gi thos pa'i dus gcig ni/
57a2 bram ze mchog sred ces bya ba de/ u rgyan yul gyi dur khrod bsim ba'i tshal zhes bya ba de na/ chos nyid sgyu ma la rtog cing dur khrod kyi ro la longs spyod cing/ dgongs pa mdzad cing bzhugs so// de'i tshe DA ki
57a3 ma thams cad dbang dus nas/dpa' bo dang dpa' mo rnams kyis bskor te mchod pa byed cing bzhugs so// de'i tshe mkha' 'gro ma rnams kyi gtso mo/ ye shes kyi DA ki ma rdo rje phag mo zhes bya ba de sku bzhengs te/
57a4 skye med rnam dag chos kyi dbyings nyid las// skye ba'i cho 'phrul cir yang sprul mdzad ma// 'gro ba'i don rnams mdzad pa'i mkha' 'gro ma// skye med ngang las ma g.yos sku mdog gnag/ gcer bu zhal bgrad
57a5 mche gtsigs longs spyod rdzogs pa'i sku// nyon mongs dug 'joms phag pa'i dbu bstan nas// sna tshogs sprul skus 'gro ba'i don mdzad ma// phyag g.yas gri gug nyon mongs dug gsum 'joms// phyag
57a6 g.yon thod skam skye med dbyings su sbyor// dbu skra gyen thur sprul sku sna tshogs 'gyed// dur khrod rus pa'i rgyan gyis DA ki dbang du sdud// ye shes me ris ma rig mun pa 'joms// g.yas brkyang g.yon
57b1 bskum thabs dang shes rab dang// shes rab ye shes gos med nyi zla pad+ma'i gdan// mthong dang dran pa tsam gyis ye shes skyes// yon tan bye bas brgyan pa'i DA ki sku bzhengs la// bram ze mchog sred nyid kyis
57b2 gsol ba btab// bde ba'i rang bzhin gnyis med la// 'khor 'das ro gcig phag mo'i sku// bde chen gtum mo gar mdzad dges// dur khrod phyogs gnas rnal 'byor ma// dpa' bos thugs bskul sems
57b3 can sbyong// rnal 'byor kun la dngos grub ster// DA ki khyod la phyag 'tshal bstod// ma rtogs sid+hi ma thob pas// bdag gzhan sid+d+hi thob bya'i phyir// mkha' 'gro'i bsgrub thabs bshad du gsol// zhes zhus
57b4 so// gleng gzhi'i le'u ste dang po'o//// de nas mkha' 'gros bka' stsal pa// rdo rje DA ki bsgrub pa ni// gsang thub dam tshig ldan pa dang// bla ma la gus sgrub la brtson// bden par smra zhing bsam
57b5 ba brtan// DA ki la mos gtsang sbra che// brtul zhugs bzang por gnas pa yin// shing gcig dur khrod ma mo gnas pa'i khyim// nags tshal 'thug po chu gling dang// ri bo'i rtse 'am bas mtha' dang// dben
57b6 pa'i sa phyogs yid 'ong dang// grong khyer stong pa ri yi skyabs// brag dmar lho nub mtshams bltas par// nan tan du ni 'bad de sgrubs// bde ba'i stan la 'dug nas ni// shes pa'i phyogs su kha
58a1 bltas te// mchod dang gtor ma chang sogs rnams// yid kyis yan lag bdun pa bya// rten ni rang la bsdu byas nas// rang nyid stong pa'i ting 'dzin las// DA ki chos 'byung gru gsum
58a2 nyid// dmar po'i mdog nyid chags pa'i gzugs// de dbus pad+ma'i lte ba la// pheM las bskyed pa'i DA ki mA// mdog nag gcer bu chen mo ni// phyag gnyis gri dang thod pa 'dzin// kha TA kha ni sku la
58a3 rten// zhabs gnyis ro yi steng na rol// g.yon brkyang bde bar rab tu 'gying// zhal ni gtum mo phag gi gzugs// spyan gsum gyen lta gdang mig 'gyu// zhal nas pheM pheM hri hri sgrogs// ljags 'dril rab tu
58a4 myur bar bshad// thod rlon 'phreng bas do shal byas// gcer bu pad+ma rak+ta 'dzag/ sku la bskal pa'i me 'od 'phro// de ltar lha mo bdag bskyed la// spyi bor bla ma bsgom par bya// dbyibs la brtags la sems
58a5 kyis sgom// dbyibs la legs par grub pa dang// sngags kyi sgra la brlab par bya// shin tu bsdu dang bsdus dang rgyas// sgra la man ngag bzhin du bya// sgra la lobs par gyur pa dang// mi rtog thugs la bslab
58a6 par bya// 'og sgo bskyed pa tsa kra ni// rim pa gnyis kyi rnam 'byor te// phyag rgya gnyis po zhes kyang grags// sa gsum pa ni 'grub par 'gyur// srin po'i zhal ni rab tu bsdam// chos kyi 'byung gnas myur du
58b1 g.yos// g.yung drung 'khy-il pa mkha' la khyab// mkhas pas grub par gdon mi za// de ni bsnyen pa'i rim pa yin// de nas blo ldan de yis su// pho dang mo yi thod pa la// gsang ba'i rdzas kyis bri bar bya// pad+ma
58b2 'khor lo mu khyud bcas// ha ri ni sa zhes pa dang// ra tsa hri ya zhes pa bri// gsang ba'i sngags bri// A+oM hUM bcas pas// badzra DA ki ni zhes pa dang// rat+na pad+ma karma DA ki ni// mu khyud dag la rim pas
58b3 bskor// 'khor lo'i mtshams su hUM zhes bri// de nas thod pa de yi nang// phyag mtshan gri gug kha DAM ka/ thod pa rdo rje rin chen dang// pad+ma rgya gram ral gri dang// ras la sogs la bris la gzhug/ gzhan yang
58b4 rin chen sna tshogs dang/kha zas dkor mdzod sna tshogs dang// longs spyod mdzes pa dag gis dgang// thod pa kha sbyar dar gyis gril// gru gsum nang du gzhug par bya// de nas bdag nyid lhar bskyed
58b5 cing// mdun gyi thod pa lhar bskyed la// 'og gi thod pa dpa' mor bskyed// steng gi thod pa dpa' bor bskyed// bdag nyid mtshan mo dpa' mor bskyed// nyin par dpa' 'bor bskyed par bgyi// mtshan mor
58b6 ha ri ni sa bzlas// nyin mo ra tsa hri ya bzlas// nang nub thun 'tshams dug tu bzlas// pho dang mo gnyis sbrel bar bya// pho rtsub mo yis mgo yang mnan// mo rtsub pho yis mgo yang mnan// de ni sgrub pa'i rim
59a1 pa'o// de nas las la sbyar ba ni// sgrub pa rdzogs pa'i tho rangs kha// thod pa'i kha zas bza' bar bya// rin chen rnams ni lus la gdags// phyag mtshan thod par bcas pa nyid// sgrub pa'i
59a2 gnas khang yin par sba// yang na gangs dang g.ya' dag dang// DA ki gnas pa'i sa ru sba// bdag nyid gcer bu thal bas byug/ rus pa'i rgyan gyis lus brgyan te/ kha TA thod pa lag tu thogs// cang te'u thod
59a3 rnga'i sgra bsgrag cing// dur khrod la sogs 'jigs pa'i gnas// sna tshogs dag tu gcer bu rgyu// gal te bya ba'i don yod na// zhi rgyas dbang dang gsad par bya// ci 'dod bsams pa tsam gyis 'grub// thugs
59a4 kyi mkha' 'gro ma 'khor bcas bsgrub pa'i le'u ste gnyis pa'o//// 'jig rten gsum gyis gtso mdzad 'gran zla med pa'i sku// mkha' 'gro dkar mor bstan la phyag 'tshal lo// byin rlabs ldan pa'i rnal
59a5 'byor pas// byin rlabs brtan par bya ba'i phy-ir// phag mo dkar mo bsgrub par bya// 'khor ba blo yis gtang bar bya// mchod dang bral ba'i lha khang ngam// gangs dang g.ya' yi phug pa ru// gsang thub dam
59a6 tshig gcig pa'i grogs// dbang ldan phyogs nas sa bslangs la// maN+Dal zlum po dkar po bya// dkar mo ra dang ba dmar mo// 'o ma ma ki ta dang sbyar// rlung lha'i phyogs nas chag chag gdab// rgyal srid rin
59b1 chen sna bdun gyi// tsa ka li yang gzugs par bya// byang sems dkar dmar gla rtsi dang// rgun 'brum sbrang rtsi bdud rtsi lnga// gnam zhal dkar po srubs med la// skyes bu bdud kyis zin pa'i khrag/ rgyab tu
59b2 'khor lo rtsibargyad bri// ha ri ni sa bzhi po dang// ra tsa hri ya bzhi po dgod do// mchog dang thun mong dngos grub rdzas// nang du blug la rnal 'byor pas// mi gtsang ngo tsha spang par bya// pad+ma'i khog pas kha yang
59b3 bcad// de bzhin gshegs pa'i ring bsrel la// gsol btab bsngags la gtsug tu gdags// bdag nyid mkha' 'gro phag mo ni// sku mdog dkar mo phag zhal g.yas// gri gug g.yon pa kha TAM kha// brkyang
59b4 bskum zhabs kyis bzhugs par bsgom// dang po 'bru gsum sngags dang ni// mkha' 'gro sde bzhi'i sngags kyis bsgrubs// A+oM AH hUM ha ri ni sa// grub tshad 'bum tsho gsum gyis ni// dud pa byung na rkang
59b5 mgyogs 'grub// dri la sa 'og 'grub pa ste// lha mo'i gzugs kyis rab gri 'grub// 'od kyis mkha' spyod 'grub par 'gyur// rgyu skar rgyal la bab pa'i tshe// pha ma tshangs pa'i khye'u dang// mtshan dang ldan pa'i
59b6 bu mo la// dpa' bo'i chas su bcug la brtag/ mtha' nas rma bya'i mdongs kyis phyag/ rgun 'brum sbrang rtsi de rnams kyis// chu lha'i phyogs su bsdu bar bya// che chung rgya shug 'bras bu tsam// le brgan dar gyis kha
60a1 bcad de// nag po'i tshes gcig nas bzung ste// mi smra zla ba gcig gi bar// gzungs thag btags la sngags 'dis sgrubs// A+oM AH hUM hri traM/ mig gi 'khor lo rnam pa bzhi// gdul bya yul
60a2 bzhi zil gyis mnan// spy-i mdo ltung ba bcu bzhi 'byang// lce yi 'og tu bcug byas na// dngos grub ma lus rdzogs par 'gyur// rdzas gcig gis ni dam bskongs pa// e ma/ mkha' 'gro gsang ba'i
60a3 gnad// log lta can gyi spyod yul min// mkha' 'gro phag mo dkar mo'i bsgrub pa// byin brlabs mi yal ba'i rgyas btab pa// rten 'brel rdzas kyi man ngag/ sku'i phag mo dkar mo 'khor mkha' 'gro sde bzhi
60a4 dang bcas pa bsgrub pa'i le'u ste gsum pa'o//// de nas yang dag bshad bya ba/ rang bzhin spros bral zag med bde ba rgyas// yum mchog mkha' 'gro de la phyag 'tshal lo// dbang bzhi rdzogs pa'i rnal
60a5 'byor pas// sid+d+hi rnam gnyis thob bya'i phyir// rang byung rgyal mo bsgrub bar bya// gzung 'dzin chags zhen rnam par spangs// shing gcig 'gram mam sgo dpag sar// mtshan ldan las kyi phyag rgya rten// rlung dang
60a6 me gcig bde ba'i khams// bskyil dang bzlog dang dgram zhing bstim// bla mas bstan pa'i ting 'dzin ngo sprad cing// dga' bzhi'i ting 'dzin ngos su gzung// rtog med ro yi gdan la bzhugs// le brgan
60b1 dar la 'khor lo bri// rtsibs la yi ge bzhi pa bri// rab gnas byas la mgul du gdags// man ngag snod kyi sgrub pa ni// mtshan ldan dum bu gcig pa ru// byang sems dkar pos pad+ma bri// rtsa ba'i snying po 'bru
60b2 bzhi yang// khyi mo nag mo'i 'o ma dang// sin d+hu ra blug srin lag mnyes// bya rog 'ug pa'i dang rus blang// ling ga smyug gus bri bar bya// rigs kyi lha mo bzhi po bskyed// dbus su rang nyid bsgom par
60b3 bya// sku mdog dmar mo 'bar ba la// g.yas pa rtog med phag mo'i zhal// g.yon pa chags tshul khro mo'i zhal// phyag gnyis gri gug thod pa 'dzin// zhabs gnyis brkyang bskum ro stengs mnan// de lta bu ru
60b4 bdag bsgoms la// tsan d+han chu dag me long bcad// gsang ba'i snying po 'bru bdun bzlas// A+oM AHhUM/ ha ri ni sa/ 'bum tsho bzhi thon nang par la/ dpa' bos gzi mdangs bskyed la btung// lhag ma mig
60b5 la byugs gyur na// sa 'og sa bla sa stengs gsum// de gsum rnal 'byor pa yis mthong// 'di ni mkha' 'gro bstan pa 'am// dang po rtags kyi ye shes yin// spyi gtsug bde ba'i 'khor lo'i dbus// g.yung
60b6 drung 'khyil ba'i dbus su ni// a nu ta ra bzhi bsgoms nas// ngag tu bye ba bzhi thon nas// skyes bu rig pa 'byongs par 'gyur// rang 'byung ye shes yi ge bzhi// dbyings nas shar nas dbyings su grol//
61a1 gzung bya'i yul dang 'dzin byed sems// yang dag don la grub pa med// e baM ma ya las byung ba'i// sngags gcig gis ni sangs rgya ba// e baM mkha' 'gro gsang ba'i gnad// blo dman rnams
61a2 kyi spyod yul men// rig pa ye shes kyi man ngag/ gsung gi phag mo dmar mo/ 'khor mkha' 'gro sde bzhi dang bcas pa'i le'u ste bzhi pa'o//// de nas yang dag bshad bya ba// gnyug ma spros bral 'od
61a3 gsal 'dus ma byas// ye shes mkha' 'gro de la phyag 'tshal lo// gdengs dang ldan pa'i rnal 'byor pas// tshogs gnyis rdzogs par bya ba'i phyir// dur khrod bdag mo bsgrub par bya// 'jig rten bya ba blos
61a4 btang ste// dur khrod gnas sam chu gling du// grogs bzangs btsal la bsnyen pa brtsam// zhing gi stan la 'dug nas ni// mkha' 'gro sde bzhi'i snying po bzlas// ha ri ni sa/ ris su ma chad thod pa'i
61a5 nang// shes rab ma yi mtshal thigs kyis// chos 'byung bsnol mar bri bar bya// sa dang chu dang me dang rlung// skyed par byed pa'i sa bon las// 'dod chags bya dang zhe sdang sbrul// gti mug phag gi gdan
61a6 stengs su// bdud bzhi las rgyal khro mo ni// sku mdog ser mo gser btso 'dra// gri gug thod pa kha DAM 'dzin// brkyang bskum zhabs kyis gdan la bzhugs// yul gsum gsal bar gyur pa dang// yig 'bru
61b1 gsum gyis rang la bsdu// A+oM AHhUM: bde ba longs spyod rnam gnyis te// chos dang sprul pa'i gnas rnams su// 'khor lo rim pa bzhi bskyed nas// ha ri ni sa zhes bya ba// rigs lnga rgyal po 'bru bzhi
61b2 bskul// g+hi hang dag gi 'khor lo rtsibs// smin ma'i mtshams su byug gyur na// de mthong 'jig rten gsum la dbang// phag pa nag po'i rtsit+ta la// sha ba'i khrag dang gcin rnams byug/ rigs bzhi lha yi phyag
61b3 mtshan dang// rtsa ba'i snying po gser gyis bri// stag gi sbar ba'i nang btsud nas// sgrub pa po yi lus la bcang// rten 'brel 'di yi byin brlabs ni// mkha' sding gtsug gi nor bu 'dra// grangs kyi bsnyen pa
61b4 'bum tsho bzhi// tha mal shes pa zlog par byed// zla drug nyams kyi sbyor pa yis// skyes bu rtog pa zad par byed// rnal 'byor ming yang de dus thob// A li kA li las byung ba'i// sngags gcig gis ni don kun
61b5 'grub// e ma mkha' 'gro gsang ba'i gnad// rtog ge ba yi spyod yul men// dur khrod bdag mo bsgrub pa yi// tshogs gnyis yongs su rdzogs pa'i thabs// nus pa sngags kyi man ngag go/ yon tan gyi phag mo
61b6 ser mo 'khor mkha' 'gro sde bzhi dang bcas pa bsgrub pa'i le'u ste lnga pa'o//// de nas yang dag bshad bya ba// 'phrin las rgya mtsho las kun rdzogs pa yi// rdo rje mkha' 'gro ma la phyag 'tshal lo// nyams su
62a1 dga' ba'i gnas dag tu// 'bol ba'i gdan la 'dug nas ni// byang chub mchog tu sems bskyed de// stong pa nyid du gsal byas nas// 'byung ba bzhi yi yi ge las// rdo rje rnal 'byor ma ru
62a2 sgom// ha ri ni sa/ sku mdog sngon mo gcer bu la// mche gtsigs rus pa'i rgyan chas can// g.yas g.yon kha TAM thod pa bsnams// zhabs ni g.yas brkyang g.yon pa bskum// dbu skra gyen brjes thur la
62a3 'phyang// gzhon sha can de ha las bskyed// snying khar pad+ma dkar po la// ha ri ni sa bzhi po bsam// de las 'od zer 'phros pa las// bla ma bde gshegs DA ki dgug/ de la mchod bstod tshul bzhin bya// yi
62a4 ge gsum gyis byin gyis brlabs// gnas bzhir yi ge DA ki bzhi// lus la mkha' 'gros gang ba yi// DA ki'i 'khor ni mang po yis// longs spyod 'dod yon mang po 'byung// steng rlung mnan cing 'og rlung
62a5 bsdam// lus la bde ba 'bar ba dang// ngag la byin rlabs 'bar ba dang// sems la ye shes 'bar ba 'o// 'khor lo bzhi la gnas pa yi// yi ge bzhi yi spro bsdu yis// drod dang ye shes skyed par
62a6 byed// bde ba ye shes mi rtog pa// 'dod yon lnga sogs ye shes grogs// brtul zhugs ci byas ye shes grogs// DA ki ma rten ye shes grogs// nus pa byung bas bar chod sol// byang chub lam du gyur pa
62b1 yin// gang zhig 'di la sus spyod pa// tshe dang 'bras bu thob par nges// 'phrin las gsang ba'i man ngag go/ 'phrin las kyi phag mo sngon mo 'khor DA ki ma sde bzhi dang bcas pa bsgrub pa'i le'u ste drug
62b2 pa'o//// de nas yang dag bshad bya ba// legs byin slob pa'i DA ki ma// mkha' 'gro ma la phyag 'tshal lo// shar du kha bltas zangs kyi mdog/ skad kyis mi thos brag skyibs su// dpa' bo brtul zhugs
62b3 ldan pa yis// rtog pa le lo the tshom spang// nan tan snying rus mos pas sgrub// rdo rje rin chen pad+ma las// sku gsung thugs dang yon tan dang// 'phrin las rnams kyi sgrub pa'i thabs// A+oM AH hUM ma ha ri ni sa/
62b4 yi ge 'bru brgyad mkha' 'gro'i gnad// ma la bu 'bod ces bya yin// spu gri lta bu'i gsang sngags 'di// sred byed rgyun ldog dpa' min grub// nam du yang ni brjod mi bya// skyo bar gyur na yid bzlas
62b5 so// gnad kyi snying po 'bru bzhi dang// rtsa ba'i yi ge 'bru bzhi yis// la sogs gong 'og spel bas 'grub// yi ge spyan gyi tsa kra yis// ma rungs rnam bzhi zil gyis gnon// sngags drug me yi 'khor lo
62b6 yis// bar du gcod pa rnam bzhi bzlog/ rnam par shes pa'i yi ge ni// zla drug nyams kyi sbyor ba yis// 'grub 'gyur 'di la the tshom med// de nas rnal 'byor blo ldan gyis// skye bo las 'phags ri bo
63a1 ni// sog po khros pa'i smin phrag tu// bde ba'i gdan la 'dug byas te// yid kyi tsher ma dbyung bya'i phyir// 'dod yon spangs la 'khri ba bcad// 'khor ba'i skyon kun shes par bya// mdzes pa'i
63a2 maN+Dal zlum po yis// pad+ma 'dab brgyad legs bris te// kha dog mdzes pa'i tshon rtsis bsgyur// de dbus lte ba la ni zhi rgyas dang// dbang dang mngon spyod gang byed pa'i// shis pa'i shing rnams gru bzhir
63a3 brtsig/bram ze'i khyim nas me blangs la// sman dang rin chen 'bru lnga'i phye// gsang sngags 'di yis dbul bar bya// A+oM AHhUM/ ha ri ni sa/ rnam bzhi gang bu gang gang gis ni// gzung 'dzin rnam gnyis rang
63a4 sar dag/yul 'khor srung gi bu yis ni// dngos grub rnam gnyis rdzogs par 'gyur// gro ga ras sam shing shun la// gur kum chu yis 'khor lo ni// rtsibs drug mtha' ma mu khyud ldan// nang du yi ge 'bru
63a5 gsum dgod// rnal 'byor mgul du btags gyur na// bar chod rnam bzhis tshugs mi 'gyur// skye gnas dud 'gror skad bzhi yis// 'du ba rnam bzhi 'joms par byed// 'khor lo bzhi la gnas pa yi// yi
63a6 ge bzhi yi spro bsdu yis// tha mal shes pa 'gyur bar nus// yi ge gcig nas brgyad kyi bar// las tshogs thams cad 'grub par 'gyur// mkha' 'gro ma la bu 'bod 'ong// sku gsung thugs yon tan 'phrin
63b1 las lnga gcig tu grol ba'i le'u ste bdun pa'o//// de nas yang dag bshad bya ba// mkha' 'gro spyi ru sgrub pa'i thabs// dur khrod DA ki 'dug gnas su// shis pa'i sa la maN+Dal bya// bdud rtsi lnga yis
63b2 chag chag gdab// tshon sna lnga yi srad bu yis// dkyil 'khor legs par thig btab la// ye shes lnga ldan sa tshon gyis// pad+ma 'dab bzhi mu khyud dang// gru chad sgo dang sgo rgyan dang// 'khor yug bcas pa bri bar
63b3 bya// de la bsgrub pa'i dam rdzas ni// thod pa mkha' 'gro bris pa dang// gtor ma rak+ta bdud rtsi dang// ltag sprod rnga dang rkang gi dung// tshil chen gsur gyi sbos dud btang// mtshan ldan dum bu gcig pa
63b4 la// 'khor lo sngags dang bcas pa bri// dngos grub sna tshogs rdzas kyis dgang// mchog dang thun mong bsgrub par bya// de nas ting 'dzin rim pa ni// dang po stong pa nyid kyi ngang/ khyab pa snying rje chen po dang// rang
63b5 sems hri yi byin rlabs las// 'byung ba dbang chen gzhal yas khang// ro dang nyi zla pad+ma'i steng// hri las spros dang bsdus ba yis// bdag nyid dpa' bo rta mgrin sku// dmar nag zhal gcig phyag gnyis
63b6 pa// g.yas pa gri gug g.yon pa thod khrag bsnams// zhabs gnyis ro dang nyi ma'i steng// dbu gtsug rta mgo rta skad 'tsher// dpa' bo rus pa'i rgyan gyis brgyan// dpa' mo rdo rje phag mor
64a1 'khril// g.yas pa gri gug yab la 'khyud// g.yon pa thod khrag yab la stob// spyi gtsug phag gdong ngur sgra 'don// sku mdog dmar mo rus pas brgyan// zhabs gnyis gtso la 'khril
64a2 nas spyor// yab yum thugs kyi sprul pa las// ha ri ni sa ra tsa hri ya// yig 'bru brgyad pa pad+ma'i steng// spros bsdus mkha' 'gro yab yum bzhi// kun kyang sku mdog dmar mo la// phyag mtshan rgyan dang cha byad
64a3 yab yum kun dang 'dra// skad cig rdzogs pa'i tshul du ni// dam tshig ye shes gnyis med bsgom// A+oM AHhUM/ hri ma ha ri ni sa ra tsa hri ya hUM dza/ yig 'bru bco lnga DA ki'i srog/ dbang sdud zil gnon 'gugs pa
64a4 yin// rang sngags sgra ru sgrogs par bsgom// mkha' 'gro ma la bu 'bod kyis// rab ni mkha' 'gro dngos su yong// 'bring ni nyams snang 'ong ba yin// tha ma rmi lam grub rtags ston// rab kyis phyag rgya chen
64a5 po thob// 'bring gis mkha' spyod gnas su 'gro// tha ma bar dor lung ston byed// thun mong zas nor mi gsum 'du// mkha' 'gro spyi'i gsang bsgrub kyi le'u ste brgyad pa'o//// mkha' 'gro rdo rje phag mo
64a6 yis// chos sku rnam par mi rtog las// ma 'gags longs spyod rdzogs skur bzhengs// sprul sku sku gsung thugs dang ni// yon tan 'phrin las lngar bstan nas// mkha' 'gro rgyud kyi rgyal por bshad// bram ze
64b1 mchog sred yi rangs nas// e ma mkha' 'gro gsang ba'i gnas// sprul sku 'gro ba'i don mdzad ma// sna tshogs gcig la tha dad snang// chos dbyings skye med ma la bstod// ces yum chos nyid la gnas so// mkha'
64b2 'gro rin po che 'phreng ba zhes bya ba'i rgyud yongs su gtad pa'i le'u ste dgu pa'o//// mkha' 'gro ma rin po che 'phreng ba'i rgyud rdzogs saho//// rgya rgya rgya/ 'gu ru blo ldan mchog sred kyis/ jo mo mkhar chen
bza' la thugs dam du gtad pa'o/

CLOSE WINDOW