35a1 rgya gar skad du/ DA ki ni rat+na mA le pi pa ra tan tra nA ma/ bod skad du/ mkha' 'gro ma nor bu 'phreng ba phyi ma bshad pa'i rgyud ces bya ba/ rdo rje mkha' 'gro ma la phyag 'tshal lo// bram ze blo ldan
35a2 mchog sred kyis/rdo rje mkha' 'gro ma la 'di skad zhus/ e ma ho/ rtsa ba'i rgyud du gsungs pa yi// 'phrin las rim par gsungs pa rnams// rim pa rgyas par bshad du gsol// de skad zhus pas gsan nas
35a3 kyang// ye shes mkha' 'gros bka' stsal ba// nyon cig rigs 'dzin rdo rje rtsal// e ma mkha' 'gro gsang ba'i skad// ha ri ni sa/ ra tsa hri ya/ yi ge bzhi pa mkha' 'gro'i srog/ ma ha ri ni sa/ yi ge lnga pa
35a4 mkha' 'gro lnga/hri ra tsa hri ya/ yi ge lnga pa dpa' bo lnga// A+auM AHhUM/ yi ge gsum pa sku gsung thugs// hri ma/ yi ge gnyis pa yab yum gnyis// hUM yi ge gcig pa dbang sdud sngags// dzaH yi ge gcig pa
35a5 'gugs pa'i sngags// hri ma ha ri ni sa/ yi ge drug pa mkha' 'gro'i sngags// ra tsa hri ya hUM dza phaT/ yi ge bdun pa mtha' bsgyur sngags// mkha' 'gro ma yi brda skad 'di// chos dang chos men thams cad
35a6 'grub// mngon par sangs rgya'i yi ge lnga// phan gdags las tshogs yi ge lnga// thun mong dngos grub yi ge lnga// tshar gcad dgra bgegs 'dul ba'i yi ge lnga// lha 'dre dpung bskyed yi ge lnga// 'byung ba ro
35b1 snyoms yi ge lnga// tshe sring bar byed pa'i yi ge lnga'o// yi ge rnam par 'byed pa'i le'u ste dang po'o//// de nas yang dag bshad bya ba// mngon par 'tshang rgya ba'i yi ge la/ zhe sdang sgo nas 'tshang rgya ba// zhe
35b2 sdang rdo rje mkha' 'gro yin// zhe sdang spangs na rdo rje mkha' 'gro spangs// zhe sdang rang dang ldan pas na// rig pa ye shes rang dang ldan// zhe sdang gsal ba shas che na// me long ye shes gsal dngas che// zhe sdang
35b3 bsgyur ba dka' bas na// rdo rje mkha' 'gro 'gyur ba med// zhe sdang rdo rje mkha' 'gro ma// ma spangs rang 'byung sangs rgyas so// zhe sdang sgo nas sangs rgya ba'i le'u ste gnyis pa'o//// 'dod chags sgo nas
35b4 'tshang rgya ba// 'dod chags pad+ma mkha' 'gro yin// 'dod chags spangs na pad+ma mkha' 'gro spangs// 'dod chags bde ba che bas na// ma bcos bde ba chen po yin// 'dod chags dga' ba'i nyams dang
35b5 ldan// kun rtogs ye shes dga' bzhir ldan// 'dod chags spang bar dka' bas na// pad+ma mkha' 'gro chags pas grol// 'dod chags pad+ma mkha' 'gro mar// ma spangs rang byung sangs rgyas so// 'dod
35b6 chags sgo nas sangs rgya ba'i le'u ste gsum pa'o//// gti mug sgo nas 'tshang rgya ba la// gti mug ye shes mkha' 'gro ma// gti mug spangs na ye shes mkha' 'gro spangs// gti mug ma rig rang bzhin
36a1 yin// rig pa'i rang bzhin ye shes gsal// gti mug mi rtog nyams dang ldan// chos nyid rnam par rtog pa med// gti mug ma rig ye gnas bas// chos dbyings ye shes ye nas gnas// gti
36a2 mug ye shes mkha' 'gro ma// ma spangs rang byung sangs rgyas so// gti mug sgo nas sangs rgya ba'i le'u ste bzhi pa'o//// gnyis dang bsam gtan bsre ba ni// srod la dbang po gnas bsdus la// shes pa smin
36a3 mtshams 'khor lo gtad// gnyid tshogs che na dpral bar 'thib// gnyid kyi dbang po mgo nas 'bab// nam phyed rnam shes snying du gzhug/ gnyid log shes pa snying khar gtad// rnam shes ma zin rmi lam
36a4 'ong// rnam shes zin pas rmi lam med// rnam par mi rtog chos nyid dang// gnyid dang bsam gtan 'dres pa yin// tho rangs 'od gsal lam du khyer// gnyid sad shes pa gsal mdangs phyed// rang byung ye
36a5 shes rang la shar// gnyid dang bsam gtan gnyis su med// byar med nyal ba'i 'khor lo yin// gnyid dang bsam gtan bsre ba'i le'u ste lnga pa'o//// mngon par sangs rgya ba'i yi ge'i skabs te dang
36a6 po'o//// de nas yang dag bshad bya ba// thun mong las tshogs yi ge la// ha ri ni sa/ mkha' 'gro bzhi yi nor sgrub ni// mtshan ldan thod pa kha sbyor la// pho 'khor mo 'khor bris nas ni// tshon gyis
36b1 legs par phye nas ni// sra rtsis chu yis mi 'jig bya// gser dngul zangs lcags 'bru sna dang// dar zab la sogs dkor chas dgang// dngos grub ci 'dod gsol bya la// thod pa maN+Dal dbus su
36b2 bzhag/rang nyid phag mor bsgom byas la// ha ri ni sa ra tsa hri ya/ b+ha su d+he ba na kha d+he puSh+taM ku ru swA hA/ zhes bzlas/ grub rtags nor gyi dngos grub 'byung// nor sgrub le'u ste drug pa'o//// mkha'
36b3 'gro ma yi chu sbyin la// rin chen zangs kyi gzhong pa ru// dzam b+ha la yi sku gzugs bzhugs// mkha' 'gro rigs bzhis bskor bar bsam// rin chen bum par chu blug la// bdud rtsir yig 'bru gsum gyis
36b4 bsgom// ha ri ni sa ra tsa hri ya/ dzam b+ha la dza len trA yes swA hA/ chu de lag pa g.yas pa yis// khyor ba brgya dang brgyad dbul lo// dzam b+ha la ni mnyes pa dang// mkha' 'gro pho mo tshim par bsam// bar chad
36b5 sel cing nor rnams 'phel// chu sbyin le'u ste bdun pa'o//// mkha' 'gro ma yi tsha tsha ni// rang nyid zas la rol pa'i tshe// phud kyis bla ma dkon mchog mchod// yi dam mkha' 'gro tshogs kyis
36b6 mchod// de nas tsha tsha btab byas nas// phyi ni tsha tsha mchod rten la// nang ni mkha' 'gro'i lha tshogs gsal// A+oM A hUM ha ri ni sa/ ra tsa hri ya/ zhes pa bzlas la/ lan gsum brjod la rab gnas bya// tshe ring
37a1 zas 'du dngos grub byung// tsha tsha'i le'u ste brgyad pa'o//// mkha' 'gro thang sku'i mchod pa ni// mkha' 'gro'i thang sku legs mchod la// phyi nang mchod pa legs bshams
37a2 la// bstod cing mchod pa dbul ba dang// yan lag bdun pas tshogs bsags la// ci 'dod gsol ba gdab par bya// A+oM A hUM/ ha ri ni sa/ ra tsa hri ya/ badzra sarba bud+d+ha DA ki ni si d+hi pha la hUM/ zhes brgya rtsa
37a3 brgyad bzlas so// ci 'dod dngos grub thob par 'gyur// thang sku mchod pa'i le'u ste dgu pa'o//// mkha' 'gro dpa' bo'i ston mo ni// rnal 'byor pho mo 'tshogs nas ni// zhal zas sna tshogs 'byor
37a4 tshad bshams// bdag nyid rdo rje phag mor bsgom// mched rnams dpa' bo dpa' mor bsgom// zhal zas bdud rtsi chen por bsgom// A+oM AHhUM/ ha ra ni sa/ ra tsa hri ya/ g+ha na pU tsa kha hi kha hi/ zhes pa yis/
37a5 phud kyis bla ma dkon mchog mchod// yi dam mkha' 'gro mnyes par byas// bar pa rnal 'byor mched rnams rol// lhag ma las kyi mkha' 'gro mchod// tshogs sogs longs spyod dngos grub 'byung// dpa'
37a6 bo'i ston mo'i le'u ste bcu pa'o//// mkha' 'gro ga 'u'i sbyor ba ni// zangs kyi ga'u kha sbyar la// chos 'byung sngags dang bcas pa bri// pho 'khor mo 'khor dbang sdud sngags// lha 'dre mi gsum snying po
37b1 bri// bdag nyid rdo rje phag mor bsgom// 'khor lo mchan khung bcug byas la// ha ri ni sa ra tsa hri ya/ ni a bri ba shang ku ru ye/ lha 'dre mi gsum dbang du sdus cig/ ces bzlas/ grub rtags lha 'dre mi gsum
37b2 'du// ga'u'i sbyor ba'i le'u ste bcu gcig pa'o//// mkha' 'gro'i sngags kyi sbyor ba ni// rang nyid rdo rje phag mor bsgom// snying khar pad+ma 'dab bzhi la// yi ge 'bru brgyad bkod par bsam// ha ri ni sa
37b3 ra tsa hri ya ni 'gul 'gul ma ma hring hring/ma ma kha shi/ mi snying sgul sgul/ mi 'gram chog chog/ hri hri/ bsdus bsdus/ ma ma kha shi baM swA hA/ 'gro ba mi yi snying dkyil nas// rnam shes nya mig lta bu de// 'od zer
37b4 dmar pos drangs nas ni// rang gi snying la bstim par bya// mi snying mi lag 'gul bar byed// snang ba dbang di 'du bar byed// sngags kyi sbyor ba'i le'u ste bcu gnyis pa'o//// mkha' 'gro ma'i dngos grub
37b5 chang dgug pa ni// maN+Dal chos 'byung bris pa'i steng// thod pa mtshan ldan chang gis dgang// bdag nyid rdo rje phag mor bsgom// ha ri ni sa/ ra tsa hri ya/ su ra pa ni si d+hi pha la a hUM dza/ zhes bzlas pa'i/
37b6 sngags kyi 'od zer dmar po yis// lha yi bdud rtsi mi yi chang// shing thog me tog bcud bsdus nas// thod pa'i chang la bstim par bya// de nas 'bru btsos phabs btab la// langs nas thod pa'i chang gis
38a1 bsing// sngags dang ting 'dzin gong ltar bya// 'bru bcud chang de 'dzad mi 'gyur// chang dgug pa'i le'u ste bcu gsum pa'o//// mkha' 'gro'i lha mo'i mtshan dgug pa ni// lha mo mi mo'i
38a2 gzugs bris la// b+ha ga'i nang du 'khor lo bri// bdag gi 'doms su bcug nas ni// ha ri ni sa ra tsa hri ya pad+ma kha na kha na/ yed yed dud pa kha na yer yer yug yug/ khad khad swA hA/ gang la byas pa'i pad+ma
38a3 la// 'od zer dmar po'i me yis bskul// bdag gi rdo rje'i rtse mor dgug/ tshangs pa'i bu mo yin yang khugs// phyag rgya ma dgug pa'i le'u ste bcu bzhi pa'o//// mkha' 'gro chu la mi bying ba// bdag nyid
38a4 rdo rje phag mor bsgom// chu ni sa yi steng du bsam// rkang pa rlung gi dkyil 'khor bsam// ha ri ni sa ra tsa hri ya yaM ma la hri na swA hA/ na mo rat+na tra ya ya bi tri yang swA hA/ sngags de shing
38a5 la bris byas la// rang gi ske la gdags byas la// chu dang sa steng 'gro ba 'dra// chu la mi bying ba'i le'u ste bco lnga pa'o//// mkha' 'gro ma yi mngon shes sgrub pa la// rang nyid rdo rje phag mor bsgom// snying
38a6 dkyil zla ba'i dkyil 'khor la// sngags kyi 'khor lo bsam par bya// ha ri ni sa ra tsa hri ya/ tad+ya thA/ g+hi pa tsak+Shu swA hA/ sngags kyi 'khor lo'i 'od zer gyis// snang srid thams cad gsal bar bsam// 'jig rten khams kun
38b1 mthong ba dang// gzhan gyi sems kun shes par 'gyur// mngon shes 'ong ba'i le'u ste bcu drug pa'o//// mkha' 'gro'i 'byung ba mes mi 'tshig pa/ bdag nyid rdo rje phag mor bsgom// snying khar chu yi
38b2 'khor lo bsgom// ha ri ni sa ra tsa hri ya/ me shi du shi swA hA/ me yi gnod pa byung ba dang// me la brtul zhugs byed pa'i tshe// chu yis me de bsad par bsgom// 'byung ba me yis tshig mi 'gyur// mes mi tshig pa'i
38b3 le'u ste bcu bdun pa'o//// mkha' 'gro'i lus kyi bcud 'phel ba// bdag nyid rdo rje phag mor bsgom// srid pa pho'i bcud cong zhi dang// da byid sgo nga tsha ba gsum// sbrang rtsir sbyar la bza' bar bya// ha
38b4 ri ni sa ra tsa hri ya shu tra swA hA/stong du bzlas shing zos pa na// bcud 'phel sa bon bu phor 'gyur// rgas pa med cing tshe ring 'gyur// bcud 'phel ba'i le'u ste bco brgyad pa'o//// mkha' 'gro ma yi rma
38b5 sngags la// mi lus rin chen lnga phung la// rdo mtshon gri dang dbyug pa dang// sha snang rtsa dang chu rgyus chod// tshabs chen klad pa lug pa dang// brdabs dang rus pa chag pa dang// khyi rma la sogs sngags 'di
38b6 'tsho// ha ri ni sa/ khre bas an li sbal zhi khrag chong swA hA/ tsha tsha yi zhabs kyi sa dang// rus chen thal ba sbyar nas ni// byis pa'i chu dang sbyar la byug/ rnal 'byor spyod pa byed pa la// gzhan gyis brdags kyang
39a1 'di yis 'tsho// lus kyi rma gso ba'i le'u ste bcu dgu pa'o//// mkha' 'gro ma'i mdze gso ba ni// bdag nyid rdo rje phag mor bsgom// gu gul nag po gla rtsi dang// shu dag nag po shing kun
39a2 dang// bdud rtsi dri chen mar nag sbyar// ha ri ni sa ra tsa hri ya nA ga nA ga mA ra ya khug/ nA ga ma ra ya sod/ sngags de rdzas la btab byas la/ khong du btang cing byug par bya// phag skad ngur zhing brtul zhugs
39a3 bya// klu rnams zas su za bar bsam// mdze po rkang lag chad kyang 'tsho// mdze gso ba'i le'u ste nyi shu pa'o//// mkha' 'gro ma'i zho chang bsrung ba ni/ rang nyid rdo rje phag mor bsgom// rde'u dkar nag phabs
39a4 la ni// ha ri ni sa ra tsa hri ya ma hA ma shi kha nyi swA hA/ brgya 'am stong du bzlas nas ni// zho 'am 'o ma'i snod du gzhug/ chang la phabs su btab la btang// nges par thub par the tshom med// zho chang bsrung ba'i
39a5 le'u ste nyer gcig pa'o//// mkha' 'gro ma'i sri'u bsrung ba'i man ngag la// rdo rje phag mo'i bsnyen pa rdzogs pa yis// sngags dang bsrung ba'i 'khor lo yis// seng ldeng phur pa sngags bzlas pa// phag
39a6 mo'i sku ru bsgoms la gdags// bsrung skud dmar po sngags mdud can// gri gug rdo rje 'phreng bar bsam// sri'u'i lus la gdags par bya// ha ri ni sa ra tsa hri ya/ pu tra bu la rak+Sha rak+Sha/ zhes bzlas par bya/
39b1 gtor ma gtang zhing mkha' 'gro mchod// lo yi dus na gtang rag gtang// sri'u sos par the tshom med// sri'u gso ba'i le'u ste nyer gnyis pa'o//// mkha' 'gro ma'i ser ba bsrung ba ni/ bdag nyid rdo rje
39b2 phag mor bsgom// kha nas rlung dang 'tshub ma yis// sprin dang 'byung ba gtor bar bsam// sdigs mdzub bsgrengs la mdzub rigs bya// ha ri ni sa ra tsa hri ya cher ya chur yA ra ma ni mA ra ya shig bzlog/ ces
39b3 bzlas/ser ba char par 'gyur nas 'gro// ser ba bzlogs pa'i le'u ste nyer gsum pa'o//// mkha' 'gros 'chi ba bzlog pa ni// bdag la na tsha drag po dang// 'chi ltas la sogs byung tsam
39b4 na// gtor tshogs bzang pos mkha' 'gro bskang// bstod cing gsol ba gdab par bya// bdag nyid rdo rje phag mor bsgom// mkha' 'gro dpa' bo dpa' mo yis// bdud dang gshin rje'i lag nas ni// bdag
39b5 gi bla tshe bkug nas ni// rang gi snying la bstim par bsam// ha ri ni sa ra tsa hri ya/ a yu tshe a yu pa ru mi ta bruM swA hA/ zhes bzlas cing bstim// tshe nyams tshe zad dus min 'chi// bzlog par 'gyur bar the tsom
39b6 med// 'chi ba bzlog pa'i le'u ste nyer bzhi pa'o//// mkha' 'gros rmi lam ngan pa bzlog pa ni// bdag la rmi lam ngan pa na// langs la mkha' 'gro mchod par bya// bdag nyid rdo rje phag mor bsgom// ha
40a1 ri ni sa ra tsa hri ya/pa ra tsa tra a pa na ya rmi lam ngan pa b+h+yo bzlog b+h+yo/ zhes stong bzlas nas/ thal mo lan gsum brdab par bya// de nas rmi lam 'khrul snang la// ngan dang bzang ba med par
40a2 bsgom// rmi lam ltas ngan thams cad bzlog/ rmi lam ngan pa bzlog pa'i le'u ste nyer lnga pa'o//// mkha' 'gros lam gyi 'jigs pa bzlog pa las// dgra la sogs pa bzlog pa ni// bdag nyid lam du
40a3 zhugs pa'i tshe// bdag nyid rdo rje phag mor bsgom// dgra dang mi mthun thams cad kun// bdag nyid mdun du lcags kyi phag mo bdun// thams cad za yin 'gro bar bsam// ha ri ni sa ra tsa hri ya thar nu thar
40a4 nu dgra rkun 'byung po chings/che dgra chung dgra chings/ mtshon gyi rtse chings/ zhes brgya rtsa brgyad bzlas la 'gro// dgra dang chom rkun thams cad bzlog/ lam gyi 'jigs pa bzlog pa'i le'u ste nyer drug
40a5 pa'o//// mkha' 'gros phyogs ngan bzlog pa ni// rang nyid gar 'gro'i phyogs kyi sar// them pa'i phyi logs thon pa dang// sa la mda' gzhu'i gzugs byas la// mchog ma rdog pas mnan nas
40a6 ni// bdag nyid rdo rje phag mor bsgom// lcags kyi mda' gzhu bkang nas ni// gar 'gro'i sa ru 'phangs pa yis// shul lam sngon la byung ba dang// phyogs ngan sa ru brdeg par sgom// ha ri ni sa ra tsa hri ya ma
40b1 hA tha na hUM phaT/nyi shu rtsa gcig bzlas nas ni// sa ris rdog pas bsubs la 'gro// don dang bsam pa 'grub par 'gyur// phyaugs ngan bzlog pa'i le'u ste nyer bdun pa'o//// mkha' 'gro ma'i mig mthong
40b2 pra dbab pa/'ug pa'i mig dang sbug po'i mig/ byi la'i mig dang pu shud mig/ khye'u 'thung ba'i nu zho dang// me long nang du sbyar nas ni// rang nyid rdo rje phag mor bsgom// ha ri ni sa ra tsa hri ya tsak+Shu tsak+Shu ma hA ha
40b3 ra/badzra tsak+Shu pra be sha phaT/ ces sum stong bzlas nas mig la byugs na/ srid pa gsum gyi lha 'dre mthong bar 'gyur ro// gzhan gyi mig la byugs na yang// lha 'dre thams cad mthong ba dang// legs
40b4 nyes thams cad mthong bar 'gyur// mig mthong gi le'u ste nyer brgyad pa'o//// mkha' 'gro ma'i 'go nad bzlog pa la/ bdag nyid rdo rje phag mor bsgom// shu dag nag po yung ba dang// btsan dug gu gul
40b5 nag po bzhi// sbyar la sngags 'di bzlas par bya// ha ri ni sa ra tsa hri ya/ b+har zhi b+hur zhi nan/ pra mo nan/ zhi na yag mo b+h+yo/ dam b+h+yo/ snying gzer b+h+yo/ 'bram gzer b+h+yo/ 'brum gzer b+h+yo/ rgyug gzer b+h+yo/
40b6 lhog gzer b+h+yo/ rigs gzer b+h+yo/ sod sod 'dre mA ra ya 'dre kha tham/ che ge mo la srungs shig srungs shig/ srungs shig srungs shig/ rdzas de gang la btags pa des// rims nad char ltar babs
41a1 kyang thub// rigs nad 'go nad bzlog pa'i le'u ste nyer dgu pa'o//// lus la sha ro dbyung ba ni// gnam srung dkar po/ sa srung nag po/ bar srung khra bo gsum la ni// bdag ni rdo rje phag
41a2 mor bsgom// ha ri ni sa ra tsa hri ya/ la ni la praM sruM/ seng ge la gya gyu/ chu ser gyi bu mo/ hor gal grongs grongs/ zhes bzlas nas ni/ rang gi mchu yis chu ser 'jib// rdzas gsum phag tshil sbyar la byug/ sha
41a3 ro gar byung thon par 'gyur// sha ro dbyung ba'i le'u ste sum cu pa'o//// phan gdags pa'i las tshogs kyi skabs te gnyis pa'o//// de nas yang dag bshad bya ba// yi dam mkha' 'gro'i zhal lta
41a4 na// rab tu dben pa'i gnas dag tu// maN+Dal byi dor byas nas ni// bdud rtsi lnga yis chag chag gdab// rdo rje phag mo'i sku gzugs dgram// phyi nang mchod pas mnyes par bya// dang po sku gzugs la sems
41a5 gzung la// de la gsal bar zin pa dang// bdag nyid rdo rje phag mor bsgom// ha ri ni sa ra tsa hri ya DA ki nI DA ki nI/ dz+ho ki ni dz+ho ki ni/ phob phob ston ston/ ces bzlas pa 'bum phrag rdzogs pa dang// mkha'
41a6 'gro'i gzugs rnams mthong ba dang// lung ston chos 'chad byed pa 'ong// yi dam lha'i zhal lta ba'i le'u ste so gcig pa'o//// mkha' 'gro'i byin rlabs dbab pa ni// phyi nang mchod pa bshams nas
41b1 ni// mkha' 'gro bstod mchod mnyes par bya// slob ma bdun du bzhag nas ni// bdag nyid rdo rje phag mor bsgom// thugs nas mkha' 'gro rnam bzhi bton// slob ma'i mdun na gar byed bsam// ha ri ni sa
41b2 ra tsa hri ya ni ru ri pa snying ni sangs hUM/sngags kyi 'od zer 'phros pa yis// slob ma 'bar cing gar byed bsam// 'gro ba thams cad 'phar bar byed// byin rlabs dbab pa'i le'u ste sum cu gnyis
41b3 pa'o//// mkha' 'gro ma'i bsrung ba gdags pa ni// bdag nyid rdo rje phag mor bsgom// sngags kyi 'khor lo bris nas ni// dpa' bo dpa' mor byin brlabs nas// rang dang gzhan la gdags par bya// ha
41b4 ri ni sa ra tsa hri ya ni ru/che ge mo la srungs shig srungs shig/ ces pa bzlas/ bsrung skud dmar po sum sgril la// sngags mdud byas la rdo rjer bsam// seng ldeng phur pa sor bzhi la// sngags bzlas phag mor
41b5 bsams la gdags// gdon dang nad las grol bar 'gyur// bsrung ba'i le'u ste so gsum pa'o//// sa 'og sa steng sa bla thams cad lta bar 'dod na/ shing gcig gi sar phyin la/ zha nye'i rkong bu ru/ ro
41b6 ras la sdong bu bya// mi'i zhun la mar khu byas la me mar btang/ thod pa gcig gis kha bcad/ thod pa gsum la sgyed bu bya/ rang rdo rje phag mor bsgom/ ha ri ni sa ra tsa hri ya/ sarba 'dod ston/ pheM pheM pheM/ sngags
42a1 'di khri bzlas/de nas mi rkang gnyis kyi nang nas mig lta'o// dud pa rang gi dri chu dang sbyar la mig la bsku'o// des sa 'og sa stengs sa bla thams cad sal le mthong ngo// mig mthong gi le'u ste
42a2 so bzhi pa'o//// mkha' 'gro mas rgyal po chen po dbang du bsdu ba ni/ 'khor lo pho 'khor mo 'khor bri// rgyal po 'khor bcas ming bris la// 'khor lo zangs kyi gab rtser bzhug/ bdag nyid rdo rje phag mor
42a3 bsgom// ha ri ni sa ra tsa hri ya/ ra dzA tsakra hri ti pa shang ku ru swA hA/ zhes bzlas pa 'bum du bya/ zangs kyi gab rtse tshon skud dmar pos cings/ bdag gi rkang pa g.yon pa'i 'og tu gzhug/ sngags bzlas rgyal po
42a4 'khor bcas rnams// bdag gi bka' 'og gnas par bsam/ nges par bdag gi dbang du 'du// rgyal po dbang du bsdu ba'i le'u ste so lnga pa'o//// mkha' 'gros pho brang grong khyer g.yo bar bya ba ni/ 'khor
42a5 lo pho 'khor mo 'khor bca'// grong khyer gtso 'khor ming bris la// 'khor lo zangs kyi ga 'ur gzhug/ bdag nyid rdo rje phag mor bsgom// ha ri ni sa ra tsa hri ya ni sarba ma nu tsakra hri ti pa shaM ku ru swA hA/ gab tse
42a6 rkang pa'i 'og tu gzhug/sngags kyi 'od zer dmar po yis// grong khyer 'khor bcas dbang bsdus bsam// bdag gi bran bzhin bka' nyin bsam// nges par dbang du 'dus bar 'gyur// grong khyer g.yo ba'i
42b1 le'u ste so drug pa'o//// mkha' 'gros btsun mo dbang du bsdu ba/ 'khor lo pho 'khor mo 'khor bcas// btsun mo bud med ming br-is la// 'khor lo zangs kyi ga 'ur gzhug/ bdag nyid rdo rje phag mor
42b2 bsgom// ha ri ni sa ra tsa hri ya pad+ma ma nu tsakra hri ti a pa na ya pa shang ku ru swA hA/ gab rtse rkang g.yon 'og tu gzhug/ yang na 'doms su bcug la bzlas// sngags kyi 'od zer dmar po yis// btsun mo bud
42b3 med rnam shes dgug/dbang 'dus dngos su 'khris su yong// btsun mo g.yo ba'i le'u ste so bdun pa'o//// mkha' 'gro ma'i rtsod pa rgyal 'dod na/ bdag nyid rdo rje phag mor bsgom// lce 'og
42b4 mgron bu sgram pa gzhug/lce ni gos dkar mo ru bsam// phyogs bzhir gom pa bzhi bor la// ha ri ni sa ra tsa hri ya pa ti ka swA hA/ zhes bzlas na gzhan dang rtsod pa las rgyal bar 'gyur ro// ha ri ni sa ra tsa hri
42b5 ya rang na ta mi na swA hA/kar sha pa Na la brgya rtsa brgyad bzlas/ mchan du bcug gam btags na rgyan las rgyal bar 'gyur ro// ha ri ni sa ra tsa hri ya puShaDi ku ru ya na swA hA/ sa la btab la mdun nas
42b6 gtor// zhal che las ni bdag rgyal 'gyur// gzhan dang rtsod pa las rgyal ba'i le'u ste so brgyad pa'o//// mkha' 'gros rta phyugs nor srung na// ras sam gro ga shog bu la// lce spyang kha phyi logs su
43a1 gzugs bris la// khong par sngags rnams 'khor bar bre// dkyil du gang bsrung mi rnams bri// ha ri ni sa ra tsa hri ya/ A+oM A+oM choms rkun chings tsag khru mu khaM/ ban d+ha ban d+ha swA hA/ nor srungs
43a2 shig/swA hA/ A+oM A hUM/ dgra bgegs 'byung po kha tham kha thaM/ zhes kha la bris/ ting 'dzin lce spyang khog pa ru// nor rnams chud par bsam par bya// mdzod dang ra bar gzugs par bya// stor rlag rkun mo rgyun
43a3 yang 'chad// mal du btsugs na bud med thub// lus la bcangs na dgra yang thub// rta phyugs nor srungs le'u ste so dgu pa'o//// thun mong gi las mtha' dgu'i skabs te gsum pa'o//// de nas yang
43a4 dag bshad bya ba// mkha' 'gro'i mthu yi bya thabs la// dben pa'i gnas su 'dug nas ni// dkyil 'khor mda' gang gru bzhi la// dbus su gru gsum khru gang brko// gri bor shi ba'i thod pa la// 'khor lo
43a5 rtsibs bzhi bris byas la// ra tsa hri ya bri bar bya// gri mor shi ba'i thod pa la// ha ri ni sa zhes pa bri// nang du gri bo gri mo yi// snying gshags nang du ling ga gzhug/ bdag nyid rdo rje phag mor bsgom// yungs
43a6 kar yungs nag dag la bsngags// pho thod bsam la thun gyis brab// ha ri ni sa ra tsa hri ya dgra bo che ge mo mA ra ya tsit+ta snying la rbud/ ces pa bzlas/ grub rtags ling ga 'tsheg pa 'ong// ling ga bton la phur
43b1 pas gdab// sbyin sreg byas la mnan pa bya// tshangs pa'i tshe dang ldan yang 'chi// mthu'i las kyi le'u ste bzhi bcu pa'o//// mkha' 'gro ma'i gtad khram la/ gro ga gtsang ma dag la ni// dgra'i ling ga
43b2 mtshal dang klu sman sbyar la bri// dril la la cha'i sbal par gzhug/ yang na glang ru'i nang du gzhag/ bdag nyid rdo rje phag mor bsgom// ha ri ni sa ra tsa hri ya na ga ra tsa sa ma ya dgra bo'i snying la dam dza dza/ dgra
43b3 bo'i lus la sbrul gyis za bar bsgom// zhag gsum bsgrubs la klu la gtad// gang la byas pa mdze yis 'khyer// yang na dgra yi ling ga dang// zag pa rdzas dang bcas pa rnams// thod pa mtshan ngan nang du
43b4 gzhug/ha ri ni sa ra tsa hri ya/ ya ma rag sha stam b+ha ya nan/ dur khrod lha 'dre 'tshogs sar mnan// gang la bya ba mod la 'chi// gtad kyi le'u ste zhe gcig pa'o//// mkha' 'gro'i thog ser dbab pa
43b5 ni// yungs kar yungs nag thun rdzas la// zhag grangs nyi shu rtsa gcig bzlas// bdag nyid rdo rje phag mor bsgom// ha ri ni sa ra tsa hri ya/ ya ma rA dza ging ka ra nA ga rA dza shar phob/ rag sha ha la phroM phob ya/
43b6 rag mo rtsa pa la hril hril phob ya/ du pa ka ri ya myags myags/ phob ya/ sa ma yan thun b+h+yo/ hriM dza/ grub rtags ser ba dngos su 'ong// gang 'dod sa ru thun gtor bas// chu 'khyag ser ba glo bur
44a1 'bab// ser ba'i le'u ste zhe gnyis pa'o//// mkha' 'gros smyo ru gzhug pa ni// gro ga shog bu dag la ni// rlung gi sha ba'i khog pa ru// 'khor lo bris la ming rus bri// smyo 'bogs thod par
44a2 'khor lo gzhug/bdag nyid rdo rje phag mor bsgom// thang phrom thun gyis brab par bya// ha ri ni sa ra tsa hri ya che ge mo un ma ta ya phaT/ smyo ba'i sha la sbyin sreg bya// dgra de smyo zhing 'bog cing 'chi// smyo ru
44a3 gzhug ba'i le'u ste zhe gsum pa'o//// mkha' 'gro ma yi nye 'byed la// bya rog 'ug pa'i lto ba ru// sngags kyi 'khor lo bris byas la// dgra bo'i ming rus dbus su bzhag/ bya rog 'ug pa'i gung ru
44a4 dang// tshon skud sngon pos bcings byas nas// lha dang 'byed na lha rten 'og/ dgra bo nang 'byed rgyu srang 'og/ bza' mi nang 'byed them pa'i 'og/ yul khams 'byed na rlung la phyar// ha ri ni sa ra tsa hri ya a ni
44a5 trag shag phye/sha truM mA ra ya phye/ ni che ge mo'i tsit+ta dkrugs dkrugs/ shag phye shag phye/ zhes bzlas la sbyar/ gang 'dod nges par 'grub par 'gyur// nye 'byed kyi le'u ste zhe bzhi pa'o//// mkha' 'gro ma'i
44a6 zor gyi bya thabs ni// thod pa mtshan ngan nang du ni// dmar gyi gtor ma chen po bshams// gang la bya ba'i ling ga gzhug/ dmar gyi gtor mas mkha' 'gro mchod// ling ga dgra bo dngos su bsam// mkha'
44b1 'gros dngos su bsgral bar bsam// yungs kar yungs nag zangs phye la// drag pos thun rdzas byas la brdeg/ bdag nyid rdo rje phag mor bsgom// thun rdzas mtshon cha'i tshogs su bsgom// sngags ni mkha'
44b2 'gro'i dmod par yin// ha ri ni sa ra tsa hri ya DA ki ni rag mo kha la kha tse dgra bo ma ra ya thun b+h+yo/ dgra bo'i sny-ing khrag tshal pa thun b+h+yo/ dgra bo'i snying khrag baM ril thun b+h+yo/ dgra bo'i snying khrag hur bu thun b+h+yo/
44b3 zhes brdeg go/ gtor ma khol dang ling ga 'tsheg/ rtags byung gtor thun dgra phyogs 'phangs// nye na khang pa mkhar la bdeg/ myur du phung bar gdon mi za// zor thun gyi le'u ste zhe lnga pa'o//// mkha'
44b4 'gro ma'i ltas ngan btang ba ni/bdag nyid rdo rje phag mor bsgom// rdzas ni chu gtsang zangs gzhong gang// ba bla gla ba'i klad pa dang// sny-ing dang rkang dang spu dang ni// 'ug pa wa spre'u khyi nag gi/ klad pa snying dang
44b5 rkang dang spu// bsres la chu yi nang du gdab// sngags 'di khri ru bzlas byas na// chu yi nang gi rdzas la gdab// dgra yi khang zur nang du gtor// ha ri ni sa ra tsa hri ya/ ho la kang she'u re'u hUM/ tra to ya shi'u re'u hUM/
44b6 go ri shi'u re'u hUM/ tsi ta shi'u re'u hUM/ kas te shi'u re'u hUM/ zhes pa'i sngags/ ba bla las ni 'od du snang// gla ba 'ug pa wa spre'u khyi// sems can lnga po khyim du 'ong// gang la bya ba bred cing sngangs// ltas ngan gyi
45a1 le'u ste zhe drug pa'o//// mkha' 'gro ma'i bya dmag dbab pa ni/ bdag nyid rdo rje phag mor bsgom// bya rog snying ni snyom par gzhug/ nyi ma'i zer la shar du kha bltas la// ha ri ni sa ra tsa
45a2 hri ya/bya g+hu ldi ma ti dun/ kha kha gu ling ma ti chum/ kha kha gu la ma ti k+Sham/ bya gu ling ma ti shal/ kha kha snying dun dun/ kha kha ma/ snying dun dun/ bya gu ling ma ti chum/ zhes bzlas/ rdzas ni mda' pho rog ma/ gla
45a3 rtsi khyi sha khyi khrag dang// rta khrag mu zi tshi ba dang// yungs kar sbyar la mda' la byug/ dgra yi khyim gyi thog tu gtor// sngags ni khri tsam bzlas pa dang// bya ni sngon du khugs pa dang// chang phud gtsang ma'i nang du
45a4 ni// bya snying bdar la gtor bar bya// dgra la bya dmag phob cig ces brjod/ dgra bo'i steng du bya dmag 'bebs// bya dmag dbab pa'i le'u ste zhe bdun pa'o//// mkha' 'gro ma'i khyi dmag drang pa la/
45a5 wa yi sha khrag spyang khu'i tshil// khyi sha khyi'i tshil khrag mi sha dang khrag tshil/ rta sha rta khrag rta'i tshil// sbur pa byang ba gla rtsi rnams// sbyar la sngags kyis gdab par bya// ha ri ni sa ra tsa hri ya ku kur tsa kha kha khang
45a6 khang kang kang kyeng kyeng zugs zugs dgra bo che ge mo la khyi dmag phob/ces rdo rje phag mor bsgoms la bzlas so// rdzas de dgra bo'i sgo re ba la byugs la/ re bzhi ya them khar rdzas kyi thum po sbas la
45b1 bzhag/khyi rnams thams cad 'dus nas ni// sgo la kha gtad ngu zhing za'o// khyi dmag drang ba'i le'u ste zhe brgyad pa'o//// mkha' 'gro ma'i zhing sel ni// rabs chad thod pa mtshan ngan du// mkha' 'gro'i pho
45b2 'khor mo 'khor bri// lha 'dre rnams kyi sngags kyis bskor// badzra san ti ya/ ma ti ya/ kha ta ya/ shan ku ru ya/ zhung yang/ tri sha me ka ya/ badzra sa pa ya/ badzra bong ya/ badzra ra tri ya/ badzra ma zhung ya/ badzra ra
45b3 tri ya/tri ma ra ya/ tsu ta ni tsa tra ya/ mA ra na tri tsa ya/ tri lan du ya/ ru la na tri ya/ zhes lha 'dre'i sngags kyis bskor// thod pa'i nang du bra bo dang// sren ma tshigs ma sbang skam blug/ bdag nyid rdo rje phag mor
45b4 bsgom// ha ri ni sa ra tsa hri ya/ che ge mo'i zhing la hab thob le hob le/ skams skams tshigs tshigs swA hA/ zhes bzlas par byas la/ thod pa re bas gril nas ni// zhing gi dkyil du gzhug par bya// lo tog skye
45b5 ba'i rgyun yang 'chad// mu zi tshur nag bul tog dang// khyi yi 'o ma sbyar byas nas// thag pa la ni byugs nas su// snye ma'i tshigs la byugs pa na// mig mi'i chags shing snye lor 'gro// mtshur nag dud pa tshig ma
45b6 dang// pha ba go go la bon du bsre// rta dang chu dang sbyar nas ni// thag pa la ni rdzas byugs nas// bzhar nas snye ma bon dud 'gro// a cang sdig che bya ba med// zhing sel gyi le'u ste zhe dgu pa'o////
46a1 mkha' 'gro ma'i khang sel ni/ zhing sel bzhin du 'khor lo bri// rabs chad nag po'i thod pa ru// lha khang rnying pa'i skor rdzas dang// rgyal po chags pa'i rten rdzas dang// phung shul khang pa'i sa sna
46a2 dang// bkra mi shis pa'i rdzas sna tshogs// blug la re bas gril nas ni// bdag nyid rdo rje phag mor bsgom// ha ri ni sa ra tsa hri ya/ che ge mo kha phung gnam stib sod sod rbad rbad dkrugs dkrugs/ ling ling
46a3 chom chom rbad/ces pa zhag gsum bya/ thod pa khang pa'i rmad du gzhug/ khang pa rmad nas 'gyel ba dang// khyim phung brdal nag 'chi bar 'gyur// khang sel gyi le'u ste lnga bcu pa'o//// mkha' 'gro ma'i
46a4 dur sel ni/'khor lo zhing sel bzhin du bri// phang sri phag thod khyi thod gzhug/ rus shed thod pa mtshan ngan du// dgra bo'i pha mes bu tsha dang// mi rabs bdun rgyud ming bris gzhug/ rang nyid rdo rje phag mor
46a5 bsgom// ha ri ni sa ra tsa hri ya/ che ge mo ro la khyi khye/ shu truM ro la khrag 'thungs/ dur dkrugs phung sri slongs// bdun rgyud rtsad chod drungs phyung/ zhes bzlas/ thod pa dur du khyer nas ni// dur gyi dbus su sgyed
46a6 khar gzhug/dur sri phung sri gshin sri la// gtor ma gtang la 'phrin las bcol// pha tshan rtsa ba 'chad par 'gyur// dur sel gyi le'u ste nga gcig pa'o//// mkha' 'gro ma'i lkugs su gzhug pa ni/ lkugs
46b1 pa'i thod par 'khor lo bri// dbus su dgra bo'i ling ga la// lce yi dbang po phyir bton la// che ge mo a ti pa ra ngag nan/ a mu kam lkugs su chug/ ces bri/ mu zi nag po mtshur nag byug/ bdag nyid rdo rje
46b2 phag mor bsgom// ha ri ni sa ra tsa hri ya/ gong gi sngags kyi sham bur gdags// seng ldeng phur pa sor bzhi la// sngags bzlas lce la gdab par bya// sa bdag lkugs pa yod sar mnan// nges par dgra bo
46b3 lkugs par 'gyur// lkugs su gzhug pa'i le'u ste nga gnyis pa'o//// mkha' 'gros rengs su gzhug pa ni// sug pa mu zi ldong ros dang// mtshur nag btsan dug dud pa dang// bsre 'bras spyang dug sbyar
46b4 bar bya// sbyor tshe rang gi sna bug tu// ra tshil ba mar bsku bar bya// rang gi lus la mi 'dul bsrel// rang nyid rdo rje phag mor bsgom// ha ri ni sa ra tsa hri ya/ kying kying rings rengs/ ha da ha da hed hed/ du na
46b5 ma ya mA ra ya chings/zhes rdzas la bzlas so// rang gi sna bug rdzas kyis bsrung// dgra yi gdong du srib kyis gdab// dgra bo rengs par gdon mi za// rengs su gzhug pa'i le'u ste nga gsum
46b6 pa'o//// mkha' 'gro mas rmugs su gzhug pa ni/ gti mug phag gi thod pa ru// dgra bo'i ling ga bcug nas ni// dug sna khrag sna gu gul dang// yungs kar yungs nag rdzas rnams la// bdag nyid rdo rje
47a1 phag mor bsgom// gti mug phag gi lto ba na// dgra bo rmugs shing myos par bsam// sngags kyi 'khor lo drag tu bskor// ha ri ni sa ra tsa hri ya/ che ge mo myos myos/ bying bying myog
47a2 myog thib thib thul thul rmugs rmugs/zhes thun gyis brab cing 'khor lo bskor/ brag nag dmu yi rten sar mnan// dgra bo myos shing gnyis du 'bying// myos su gzhug pa'i le'u ste nga bzhi
47a3 pa'o//// mkha' 'gro'i rdeb par bya ba ni// rang nyid rdo rje phag mor bsgom// mgo lo rdo rje yod par bsgom// rlung gzung/ ha ri ni sa ra tsa hri ya/ zhes bzlas/ mi dang srog chags thams cad la// mgo yi
47a4 rdo rjes rdungs ba yis// thams cad brgyal dang rengs par 'gyur// rdo shing bem po thams cad ni// 'od dang na bun lta bur bsam// de la brdungs pas thog med bsam// brag 'gas rdo chag thams cad
47a5 'joms// bgegs gnod nad pa tshabs chen la// phag mo'i ting 'dzin gsal ba yis// phag skad ngur cing brdung bar bya// rgyal 'gong la sogs gdon bgegs 'dul// dbu rdeb kyi le'u ste nga
47a6 lnga pa'o//// tshar bcad bgegs 'dul ba'i skabs te bzhi pa'o//// de nas yang dag bshad bya ba// lha 'dre pho mo dpung bskyed pa'i// yi ge la ni las brgyad de// brtul zhugs drag pos dpung
47b1 bskyed pa// rang nyid rdo rje phag mor bsgom// rtsal chen seng ge'i brtul zhugs kyis// rig pa'i rtsal bskyed gdeng dang ldan// nyam nga med pa'i brtul zhugs bya// dpa' ba stag gi brtul zhugs kyis// rig pa
47b2 dpa' bskyed nga rgyal gyis// dpa' gsum rig pa'i brtul zhugs bya// gtum pa dom gyi brtul zhugs kyis// rig pa gtum khros thogs med pas// khros pa'i yid kyis brtul zhugs bya// zug pa khyi yi brtul
47b3 zhugs kyis// yengs med rang byung rang shar bas// ma yengs mel tshe'i brtul zhugs bya// gdug pa sbrul gyi brtul zhugs kyis// zhe sdang chen po'i ye shes kyis// dgra bgegs gdul ba'i brtul zhugs
47b4 bya// brtul zhugs drag pos spyad pa yis// dgra bgegs dug lnga gdul bar bya// brtul zhugs kyi le'u ste nga drug pa'o//// mkha' 'gros lha yi dpung bskyed pa// rang nyid rdo rje phag mor bsgom// ye
47b5 shes mkha' 'gros nam mkha' gang// rdo rje mkha' 'gro dpa' bo'i tshogs// rin chen mkha' 'gro dpa' bo dang// pad+ma mkha' 'gro dpa' bo dang// las kyi mkha' 'gro dpa' bo dang// sprul pa'i mkha' 'gro
47b6 dpa' bos bar snang gang// dam tshig mkha' 'gro dpa' bo dang// 'jig rten mkha' 'gro dpa' bo dang// thams cad mkha' 'gro dpa' bo dang// log 'dren mkha' 'gro dpa' bo dang// las kyi mkha' 'gros
48a1 sa gzhi gang// kun kyang mkha' 'gro'i rang bzhin las// dgra bgegs bya ba'i ming yang med// lus ni lha yi dpung dang ldan// ngag ni sngags kyi dpung dang ldan// yid ni chos nyid dpung dang
48a2 ldan// dgra bgegs nyon mongs 'joms pa yin// lha'i dpung bskyed pa'i le'u ste lnga bcu rtsa bdun pa'o//// mkha' 'gros glu yi dpung bskyed pa// mkha' 'gro ma yi glu tshig ni// hUM/ rang bzhin med pa'i
48a3 rang bzhin las// skyes la ma skyes rgyas btab pas// 'khor ba zil gyis non pa nyid// 'di ni rnal 'byor dam pa'i lam// rdo rje rigs kyi mkha' 'gro'i glu// A+oM badzra ti te hUM/ te na te te hUM/ hUM/ gnyis med ye
48a4 shes bde chen po// nyams su myong ba byas pa nyid// ro rnams spyod pa gsal byas nas// ri khrod bu mo 'byung bar 'gyur// rin chen mkha' 'gro ma yi glu// rat+na te te hUM/ te na te te hUM/ hUM/ thams cad 'khor los
48a5 bskor byas na// longs spyod bde chen bla na med// de mthong ba yis bdag rgyal nas// sngon chad 'pham byed dgra las rgyal// pad+ma mkha' 'gro ma yi glu// pad+ma te te hUM/ te na te te hUM/ hUM/ rdo rje rigs la sems
48a6 bskyed cing// rin chen rigs la dbang mchog thob// pad+ma shes rab bla na med// las kyi chos dbyings dag par 'gyur// las kyi mkha' 'gro ma yi glu// hUM/ karma te te hUM/ te na te te hUM/ hUM/ las kyi phyag rgya bde
48b1 ba rgyas// chos kyi phyag rgya stong pa rgyas// phyag rgya chen pos bdag sangs rgyas// dam tshig phya rgya gzhan don 'byung// 'di ni thams cad mkha' 'gro'i glu// sarba te te hUM/ te na te te hUM/ hUM/ dur khrod chen po'i
48b2 gnas nyid du// dri chen dri chu khu ba dang// khrag dang sha la rab spyad na// 'di ni dam tshig rgyal por 'gyur// dam tshig mkha' 'gro ma yi glu// sa ma ya te te hUM/ te na te te hUM/ hUM/ rnal 'byor pho mo bde spyod
48b3 ni// 'jigs med ngo tsha med par spyod// re dogs med par spyod pa ni// ting 'dzin las ni 'byung bar 'gyur// 'jig rten mkha' 'gro ma yi glu// lo ka te te hUM/ te na te te hUM/ hUM/ sha za lta bu'i spyod pas
48b4 'gro// gdol pa lta bu'i zas kyis 'tsho// rten med sems ni nam mkha' 'dra// bla ma bzang po brten las byung// log 'dren mkha' 'gro ma yi glu// bi sha te te hUM/ te na te hUM/ hUM/ gang la gang gis rgyas btab
48b5 pa// de dang de yi ngo bos grol// rgyas btab gsum gyi bde ba che// dbugs dbyung ba yi mchog tu gsungs// 'di ni sangs rgyas mkha' 'gro glu// bud d+ha te te hUM/ te na te te hUM/ mkha' 'gro ma yi glu blangs
48b6 pas// ma la bu 'bod bzhin du 'ong// glu'i dpung gi le'u ste nga brgyad pa'o//// mkha' 'gro ma'i sngags kyi dpung bskyed pa ni/ A+oM sarba bud d+ha DA ki ni ye hUM phaT/ badzra DA ki ni yai hUM phaT/ rat+na DA ki ni ye hUM
49a1 phaT/pad+ma DA ki ni ye hUM phaT/ karma DA ni ye hUM phaT/ sa ma ya DA ki ni ye hUM phaT/ sarba DA ki ni ye hUM phaT/ bi sha DA ki ni ye hUM phaT/ lo ga DA ki ni ye hUM phaT/ sangs rgyas mkha' 'gro rdo rje mkha'
49a2 'gro dang// rin chen mkha' 'gro pad+ma mkha' 'gro dang// las kyi mkha' 'gro dam tshig mkha' 'gro dang// thams cad mkha' 'gro log 'dren mkha' 'gro dang// 'jig rten mkha' 'gro rnams kyi dpung bskyed
49a3 nas// 'kha' 'gro thams cad bka' bzhin las byed 'gyur// sngags kyi dpung bskyed pa'i le'u ste nga dgu pa'o//// mkha' 'gros 'byung bzhi dpung bskyed pa// ha ni sa ste sangs rgyas spyan// ri ni me ste gos
49a4 dkar mo// ni ni chu ste ma ma ki/ sa ni rlung ste dam tshig sgrol// nam mkha' kun tu bzang mo'i dbyings// ha ni rdo rje mkha' 'gro rlung// ri ni rin chen mkha' 'gro me// ni ni pad+ma mkha' 'gro chu// sa ni las kyi
49a5 mkha' 'gro sa// hUM ni dam tshig mkha' 'gro nyi ma// phaT ni 'jig rten mkha' 'gro zla ba// A+oM ha ri ni sa hUM phaT/ yi ge bdun pa bzlas pa yis// 'byung lnga yum lnga mkha' 'gro rnams// bdag gi dbang 'dus
49a6 las rnams byed// 'byung ba bzhi yi dpung la bzhi// gzugs snang kun tu 'degs pa'i sa// mi 'gyur yongs su brtan pa'i sa// thams cad bskyed cing 'byung ba'i sa// skye shi med pas cis kyang mi tshugs
49b1 pa'o// mngon par dag pa'i chu dang ni// dag pa chos nyid ngang gi chu// rlan pa sdud pa gzugs kyi chu// 'pho ba sprul pa nam mkha'i chu// thugs rje chen po ye shes me// byams pa chen po drod 'bebs me// ye shes
49b2 chen po rlung gi me// srid pa 'jig rten sreg byed me'o// mi g.yo chos nyid rlung dang ni// g.yo bar byed pa nyon mongs rlung// 'degs par byed pa las kyi rlung// 'dzin par byed pa skye gnas rlung ngo// 'byung bzhi
49b3 dbang du 'dus pa yis// mkha' 'gro sde bzhi dbang du 'dus// sa chu me rlung 'byung ba bzhi'i dpung bskyed pa'i le'u ste drug cu pa'o//// mkha' 'gros sbyin sreg dpung bskyed la// bsod nams tshogs
49b4 bskyed me tshogs bya// me tshogs snod tshogs gos tshogs dang// zas tshogs gtong tshogs bya ba'o// me tshogs rgya shug la sogs la// gru bzhi brtsigs la me sbar ro// me yi nang du rdo rje phag mo bsgom// mkha'
49b5 'gro'i tshogs kyis bskor bar bsam// phye dang mar gyis mchod bya'o// ha ri ni sa ra tsa hri ya dz+wa la ram kha hi/ bud d+ha DA ki ni dz+wa la ram kha hi/ badzra DA ki ni dz+wa la ram kha hi/ radan DA ki ni dz+wa la ram kha hi/ pad+ma
49b6 DA ki ni dz+wa la ram kha hi/karma DA ki ni dza la ram kha hi/ zhes pas dbul lo// phye mar 'dod yon char du bsam// zas tshogs zas sna thams cad bsreg/ gos tshogs gos dang dar zab bsreg/ snod tshogs
50a1 'bod cog brdabs la bsreg/nad pa la sogs 'dre gdon la// drag po'i shing la me spar la// bra phye mu zi tsha ba gsum// lcags phye sbam skam tshig phye dang// nad pa'i skra yang sreg par
50a2 byed// rdzas kyis me dang nad pa la brdeg/ 'dre la gang dmigs ling ga bsreg/ nad dang gdon yang thub par 'gyur// sbyin sreg dpung gi le'u ste re gcig pa'o//// mkha' 'gro'i rdzas dang sngags kyi
50a3 mchod pa'i dpung ni/thod pa mtshan ldan ka pA lar// dam rdzas gtor ma bshams nas ni// phyi ltar spos dang me tog dang// dri chab bshos gtsang mar me rnams// mkha' 'gro rnams la lha mos dbul// nang
50a4 ltar tshil chen spos chen dang// dbang po lnga yi me tog dang// rak+ta'i a rgaM dri chu'i chab// tshil chen mar me gtor mar 'bul// gsang ba dri chen dri chu dang// byang sems dkar dmar sha chen dang// bdud rtsi
50a5 rnam lngas mkha' 'gro mchod// sbrang rtsi klad pa rak+ta sbyar// ni ma khyi yi tshil bu dang// glang po'i mkhris pa lce spyang sha// sna tshogs sha skam gu gul spos// mkha' 'gro dam rdzas rnams kyis mchod// A+oM b+hud d+ha DA ki
50a6 ni/badzra DA ki ni/ rad na DA ki ni/ pad+ma DA ki ni/ karma DA ki ni/ ha ri ni sa ra tsa hri ya/ ma hA pU tsa sa ma ya/ A+oM aHhUM kha hi kha hi/ zhes phul ba yis/ mkha' 'gro mnyes cing dngos grub thob// rdzas dang sngags
50b1 kyi mchod pa'i dpung bskyed pa'i le'u ste drug cu rtsa gnyis pa'o//// mkha' 'gro ma'i rig pa ye shes kyi dpung bskyed pa ni/ rig pa rang byung rang gnas pa// chos kyi dbyings kyi ye shes te// sangs rgyas mkha'
50b2 'gro'i ngo bor gnas// rig pa gsal la ma 'gags pa// me long lta bu'i ye shes te// rdo rje mkha' 'gro'i ngo bor gnas// rig pa mnyam la ma 'dres pa// mnyam pa nyid kyi ye shes te// rin chen mkha' 'gro'i
50b3 ngo bor gnas// rig pa gsal la ma 'dres pa// so sor rtogs pa'i ye shes te// pad+ma mkha' 'gro'i ngo bor gnas// rig pa rang la ye shes gnas// bya ba nan tan ye shes te// las kyi mkha' 'gro'i ngo bor
50b4 gnas// rig pa ye shes rnam pa lnga// mkha' 'gro'i ngo bor rtogs tsam na// nyon mongs rnam dag ka nas dag/ rig pa ye shes dpung gi le'u ste re gsum pa'o//// lha 'dre pho mo dpung bskyed pa'i skabs te lnga
50b5 pa'o//// de nas yang dag bshad bya ba// mkha' 'gros 'byung bzhi'i ro snyoms pa// de la drug gis bstan pa la// 'khor lo bzhi la brten pa'i yi ge bzhi// spyi gtsug bde ba'i 'khor lo na// rtsa 'dab
50b6 sum cu rtsa gnyis na// ha ni rlung gi rang bzhin gnas// mgrin pa longs spyod 'khor lo na// rtsa 'dab bcu drug yod pa na// ri ni me yi rang bzhin yin// snying kha chos kyi 'khor lo na// rtsa 'dab brgyad ni yod pa
51a1 na// ni ni chu yi ngo bor gnas// lte ba sprul pa'i 'khor lo na// rtsa 'dab drug cu rtsa bzhi yod// sa ni sa yi ngo bor gnas// yi ge bzhi la 'byung bzhu gnas// lus kyi 'byung ba cha snyoms
51a2 byed// 'khor lo bzhi la brten pa'i yi ge bzhi'i le'u ste re bzhi pa'o//// lha mo bskyed pa'i yi ge bzhi// rang nyid rdo rje phag mor bsgom// spyi gtsug bde chen 'khor lo na// rdo rje mkha' 'gro sku mdog
51a3 mthing// mgrin pa longs spyod 'khor lo na// rin chen mkha' 'gro sku mdog ser// snying kha chos kyi 'khor lo na// pad+ma mkha' 'gro sku mdog dmar// lte ba sprul ba'i 'khor lo na// las kyi mkha' 'gro sku
51a4 mdog ljang// phyag mtshan rigs kyi phyag rgya 'dzin// snang la rang bzhin med par bsgom// lha mo bskyed pa'i yi ge bzhi'i le'u ste re lnga pa'o//// lta sgom bzhi yi yi ge bzhi// ha ni phyad po lta ba'o// ri ni
51a5 'gyur med sgom pa'o// ni ni dbang sdud spyod pa la// sa ni sra brtan 'bras bu 'o// lta ba bltar med bya 'phur rjes med 'dra// sgom pa yengs med chu bo rgyun pa 'dra// spyod pa nyams myong phyir shog mtsho rdol
51a6 'dra// 'bras bu spyad pas mi 'dzad sa dang 'dra// lta ba gser phur btab pa 'dra// sgom pa glang chen smyaun pa 'dra// spyod pa gser 'gyur rtsi dang 'dra// 'bras bu gser khung rdol ba 'dra// lta ba phub dang go cha
51b1 'dra// sgom pa mda' mo 'phen pa 'dra// spyod pa 'khrug pa byed pa'i dpa' bo 'dra// 'bras bu mthar phyin pa ral gri btab pa 'dra'o// lta ba rdo rje pha lam 'dra// sgom pa bu ram ro dang 'dra// spyod pa glu blangs pa
51b2 dang 'dra// 'bras bu sman gyi sdong po 'dra// lta sgom bzhi yi le'u ste re drug pa'o//// yi ge 'gro ldog gi yi ge bzhi ni/ rang nyid rdo rje phag mor bsgom// spyi bor ha/ mgrin par ri/ snying khar ni/ lte bar sa/
51b3 rkang mthil du yaM las rlung gi dkyil 'khor/ gsang bar me'i dkyil 'khor/ rlung gis me rbar/ me yi yi ge bzhi po las/ 'od zer me lta bu phyir phog pas gang la bya ba'i lus sems 'dar phri li li 'dug par
51b4 bsam/'od zer tshur 'dus pas/ lha 'dre mi gsum gyi lus ngag yid gsum dbang du 'dus par bsam mo// yi ge 'gro ldog gi le'u ste re bdun pa'o//// 'byung ba ro snyoms pa'i yi ge bzhi ni/ spyi bor
51b5 ha ni rlung yang snyoms// mgrin par ri ni me yang snyoms// snying khar ni ni chu yang snyoms// lte bar sa ni sa yang snyoms// yi ge bzhi la sems gtad la// ngag tu yi ge bzhi pa bgrang// 'byung bzhi stod la non pa
51b6 yin// phyi yi gnod sbyin pho mo zhi// bar na tsha grang sdug bsngal zhi// nang na dug lnga rnam rtog zhi// 'byung ba ro snyoms kyi le'u ste re brgyad pa'o//// mngon shes 'char ba'i yi ge bzhi ni// rang nyid rdo rje phag
52a1 mor bsgom// snying ni khog stod 'od gsal na// mdun du ha ni dkar por bsam// g.yas su ri ni ser por bsgom// g.yon du ni n-i dmar por bsgom// rgyab tu sa ni ljang khur bsgom// lus ni
52a2 mi dal bsgul bskyod bya// ngag ni yi ge bzhi pa bzlas// sems ni gsal stong ngang la bzhag/ mngon par shes pa sems la 'char// nyin mo mi yi tshogs rnams 'du// mtshan mo mkha' 'gro'i tshogs rnams
52a3 'du// nang nub zas dang longs spyod 'du// lus la byin rlabs zhugs pas drod skye/ ngag la byin rlabs zhugs pas nus pa thon/ sems la byin rlabs zhugs pas bde gsal 'char ro// mngon shes 'char
52a4 ba'i le'u ste re dgu pa'o//// 'byung ba ro snyoms pa'i skabs te drug pa'o//// de nas yang dag bshad bya ba// tshe ring bar byed ba'i yi ge bzhi// phyi nang gsang ba'i bcud len la// dang po phyi yi bcud len
52a5 bshad// bdud rtsi cong zhi zhes bya ba// srid pa pho yi sa bon yin// de yi mtshan nyid bstan pa ni// rab ni dung dang shel ltar mkhregs// 'bring ni ba so'i mdog 'dra la// 'bri yi nu ma'i tshul du yod// tha ma kha
52a6 dog gzi ba 'dra// sa 'tshams dag tu brdal nas skyes// de ni bcud len rgyu ru bshad// cong zhi legs par brdungs nas ni// a ru ra ni gser mdog dang// tsha ba gsum gyi zhad re btang// sbrang dang bu ram
52b1 sbyar byas nas// lcags la byas pa'i snod du blug/ yang na rdza yi nang du blug/ dkyil 'khor pad+ma 'dab bzhi bri// de yi dbus su bdud rtsi bzhag/ rang nyid rdo rje phag mor bsgom// thugs khar mgon po tshe
52b2 dpag med// phyag na tshe yi bum pa 'dzin// sku mdog dkar po bsgom par bya// byin gyi brlabs pa'i sngags 'di bzlas// ha ri ni sa ra tsa hri ya badzra si d+hi a mri ta si d+hi pe la li/ tsan d+ha li swA hA/ a mri ta si d+hi
52b3 tsur sna ya swA hA/su la ha ka na/ zhes bzlas pas/ tshe dpag med kyi bum pa nas// bdud rtsi babs nas 'khyil bar bsam// grub rtags ro mchog sna tshogs ldan// zos bas tshe yi rigs 'dzin thob// stobs
52b4 ni glang chen 'dra ba dang// bud med stong la sbyor nus dang// zag pa zad pas nam mkha' 'phur// nad dang gdon las thar par 'gyur// cong zhi'i bcud len gyi le'u ste bdun cu pa'o//// de nas brag
52b5 zhun bcud len bstan// bdud rtsi brag zhun ces bya ba// srid pa mo yi sa bon yin// brag zhun mtshan nyid bstan pa la// brag la khu brag bzhin du 'bab// zla smad la ni mang bar 'dzag/ sbyor ba'i rtsi ni sbrang rtsi
52b6 'dra// mdog ni dmar la smug par 'bab// brag byi mjug sdum rtag tu za// de yi bcud len bstan pa ni// brag zhun zhun ma rnyed na legs// de yang rab tu dkon pa yin// phal cher brag byi'i brun dang
53a1 'dres// de la dbye ba'i man ngag ni// brag zhun rnyed tshad chu nang bsring// dngas ma yang yang bzhur nas ni// chu de bsdus la gar sla ni// lug zho tsam du red pa dang// bu ram 'o ma sbrang rtsi
53a2 dang// a ru ra ni nag po dang// bud med mtshan ldan pad+ma'i khrag/ de rnams sbyar la ka pA la// mtshan ldan dag tu blug par bya// maN+Dal pad+ma 'dab bzhi bri// maN+Dal dbus su bzhag nas kyang// rang nyid rdo rje
53a3 phag mo ni// sku mdog dmar mo bsgom par bya// sngags 'dis bdud rtsir byin gyis brlabs// ha ri ni sa ra tsa hri ya A+oM AHhUM/ a mri ta i hUM shur d+he sarba sho d+ha ya/ a mri ta sid+hi hUM/ nyi shu rtsa gcig rab tu
53a4 bsgrub// du ba rlangs pa thon pa dang// lha mo'i gzugs ni mthong ba dang// mang du 'phel na 'grub pa yin// de zos yon tan bsam las 'das// tshe ring nad med bde ba rgyas// mkha' 'gro dbang du 'du ba
53a5 dang// 'gro ba bud med dbang du 'dus// bkrag mdang gzi mdangs rgyas pa dang// mkha' spyod dag ni 'grub pa dang// tshe yi rigs 'dzin thob par 'gyur// brag zhun bcud len gyi le'u ste bdun cu rtsa gcig
53a6 pa'o//// bdud rtsi chu yi bcud len bstan// bdud rtsi chu zhes bya pa ni// sems can kun gyi gsos yin te// 'byung ba pho yi bcud kyi sa bon yin// chu la dbye na rnam pa gsum// sman chu rdo chu chu rang
53b1 gsum// sman chu chu tshan yin pas te// rdo sol kha ru tsha yi chu// de rtags tshan mo ko rul bro// rdo chu cong zhi'i chu yin te// de rtags rdo la cong zhi chags// grang la mngar ba'i ro mchog bro// chu rang gang sa g.ya' chu
53b2 yin// shing chu mtshur chu lu ma chu// gtsang chu khron pa'i chu la sogs// chu ngan yin pas spang bar bya// chu sna mang po bsdus nas ni// lcags kyi snod dam rdza yang shis// chu ni bskol la btung bar bya// rtsam pa
53b3 bcad nas chu la brten// nas 'ga' tsam ni bsdus shing btang// rang nyid rdo rje phag mo ni// sngon mo'i sku ru bsgom par bya// chu ni sngags 'dis byin gyis brlabs// ha ri ni sa ra tsa hri ya/ A+oM aHhUM sarba i ho
53b4 shud d+he sho d+ha ya/a mri ta bi sho d+he sid d+hi hUM/ zhes brgya rtsa brgyad bzlas la btung// rus pa tshon po skabs su mur// 'bri mar bu ram sbyar la bza'// chu yi dka' thub yon tan ni// gzung 'dzin gnyis las
53b5 grol ba dang// phyi nang srin bu dag pa dang// lus ni yang la rta bas mgyogs// gnyid chung 'byung ba snyoms pa dang// sha dkar gnyer ma mi yong dang// mu ge'i bskal pa mi 'byung dang// dug gsum rtsa ba 'chad
53b6 pa dang// ting 'dzin las su rung ba dang// tshe ni nyi zla dag dang mnyam// chu'i bcud len gyi le'u ste don gnyis pa'o//// nor 'dzin sa yi bcud len bstan// sa la rigs ni rnam pa gsum// sa yi zhag
54a1 dang sa yi tshil// sa yi sha dang rnam pa gsum// sa ni srid pa mo yi gzhi// thams cad sa las skyed par byed// sa zhag mngar la sa mdog dkar// lce yi steng du bzhag pas 'ju// sa tshil ser po
54a2 ro mchog bska// sa yi sha ni sngo la 'phyag/ de rnams rab 'bring tha ma yin// thog mar sa ni len pa'i tshe// sa yi bdag po gtor mas mchod// sa de skyo mar byas pa la// rdza sogs snod du blug nas ni// tsha ba
54a3 gsum po zhad re gdab// nas kyi phye yang zi gcig gdab// mang bar gyur kyang skyon med 'gyur// de rnams mchod par dkrugs pa dang// bdag nyid rdo rje phag mo ni// ser mo'i sku ru gsal bar
54a4 bsgom// sngags 'dis sa yang gdul bar bya// ha ri ni sa ra tsa hri ya/ oM AHhUM/ ru ha ri ya/ tsu chu skum pa ke'u ri/ b+ha ri maM/ dz+ha ba b+hauM/ ha ri ya/ kaM ga ri ma ga/ ba ri ba Di/ g+ha ti b+ha ti/ ye dam ma d+he/ sid d+hi
54a5 sid d+hu/ku ru ba sa na/ zhes lan bdun bzlas/ de nas sa de bdun rtsir bsam// zos rjes lus ni tsog pur bsdad// steng rlung 'og rlung mnan nas ni// pho ba rdeb ther rdeb ther bya// dri ma gdon pa dka' ba
54a6 na// chu grang btang bas gdon pa sla// 'di yi yon tan bstan pa ni// lus po mkhrang zhing ltogs pa sel// ltogs pa med cing nad rnams sel// gdon gyis mi tshugs bar chad med// sha dkar gnyer ma med pa
54b1 dang// tshe ring dge sbyor grogs su 'gro// rigs 'dzin sa la 'gro bar 'gyur// sa'i bcur len gyi le'u ste don gsum pa'o//// de nas nang gi bcud len bstan// rnal 'byor rig pa stobs ldan
54b2 pas// snying po lnga la rtag spyad na// mkha' 'gro sku lnga'i bdag gnyid thob// snying po lnga ni bdud rtsi'i gter// dri chen dri chu sha chen dang// byang sems dkar dmar rtsa ba lnga// cu gang gla rtsi gur kum dang// shing
54b3 kun go snyod spos chen po// bdud rtsi lnga yi skyobs lnga yin// gzhi ni dkar gsum mngar gsum dang// yang na sman mar sbyar ba'o// dur khrod lta bu'i dben gnas su// maN+Dal pad+ma 'dab bzhir bri// bdud rtsi
54b4 rnam lnga thod pa blug/maN+Dal dbus su bzhag nas ni// rang nyid rdo rje phag mor bsgom// dpa' bo dpa' mo 'khor du bskyed// gsang sngags 'di yis byin gyis brlab// ha ri ni sa ra tsa hri ya/ oM AHhUM/ sarba
54b5 pany+tsa a mri ta hUM hri thU/zhes bzlas pa yis// dam rdzas bdud rtsi 'od du zhu// 'o ma zangs su lud pa ltar// khol nas dkar ni lhud lhung bsam// gang zos thogs med mthu dang ldan// des ni grol ba'i lam thob
54b6 nas// tshe 'dir bde ba phun sum tshogs// rkang mgyogs rta dang 'dra ba dang// tshe ni nyi zla gnas dang mnyam// bde gshegs rnams kyis byin gyis rlob// mkha' 'gro rnams kyis rtag tu mchod// mkha' 'gro sku
55a1 lnga lhun grub pa'i// phyag rgya chen po thob par 'gyur// nang bdud rtsi lnga'i bcud len gyi le'u ste don bzhi pa'o//// gsang ba'i bcud len bstan pa ni// mtshan ldan mi mo bkra shis ma// smin
55a2 dkyus ring la lag sor phra// tshigs mig zlum la 'gying zhing spyod// kha nas ut+pal ngad bsnam pa// lus la tsan dan ga pur dri// ro stod ro smad sked skabs phyed// skra 'jam mthon mthing g.yas su 'khyil// so
55a3 dkar tshags dam snying thung dmar// smin dkyus ring zhing zar ma'i me tog 'dra// dpral ba'i dbyes che skra mtshams zla gam 'dra// sna bzur mdog gsal pad+ma'i mdog 'dra ma// lus dang skye ring byang chub sems
55a4 dang ldan// 'di ni mi mo mtshan ldan bkra shis yin// de lta bu yi mi mo la// rdo rje phag mor byin brlabs la// bde gshegs lnga yi sa bon dgod// A+oM AHhUM swA hA/ spyi gtsug mgrin pa snying kha dang// lte ba gsang
55a5 bar rim par dgod// rigs lnga yab yum rgyas btab ste// bdag nyid lha yi skur gsal te// mtshan ldan pad+ma rdo rje gzhug/ byang chub sems ni dbab cing bskyil// steng rlung mnan cing 'og rlung 'then// chu
55a6 mig gyen la log pa dang// rgya mtsho ri rab dag la brdab// gsang ba rdo rje'i rtse mo ru// byang sems phebs par gyur pa dang// hig dang hUM gis drag tu 'then// de la goms par gyur pa dang// pad+ma'i nang nas
55b1 bcud blangs te// byang sems dkar dmar ma shar blang// bdag nyid rtsa la dgram cing dgang// lus ni sprug cing gsig par bya// de ltar bcud len byas pa na// tshe ring bkra shis phun sum tshogs// mdog
55b2 log skra dkar gnyer ma med// chags pa spyad pas thar pa thob// 'di ni shin tu gsang bar bya// gsang ba'i bcud len bstan pa'i le'u ste don lnga pa'o//// de kho na nyid kyi bcud len ni/ 'di ltar nyams su
55b3 blang bar bya/lta ba chos nyid rang lugs chen po/ ma bcos tha mal gyi ye shes chen po ngo shes/ sgom pa rtsom bral bde ba chen po rang byung lhug par gnas/ spyod pa ma bcos mnyam pa chen po/ rang shes dang rang
55b4 grol rtsol ba dang bral bar spyod/'bras bu rang gnas chos sku chen po/ ma grub ye gnas su grub/ 'das pa'i rjes ma rjes ma bcad/ sngar zhen gyi bag chags dang bral/ ma 'ongs pa'i sngon mi bsu/ phyis zhen
55b5 gyis bag chags sogs mi nus/da ltar ba rkyen khar ma shor/ sdug bsngal chos nyid du grol/ rang gi so ru bzhag pas/ dgag sgrub dbye bsam med/ shes med gsal dngas ngo bo rtsis btab med par rtogs/
55b6 phyogs ris rtsis gdab med pas/ zhen 'dod med pa'i dgongs pa/ gang nas kyang mi skye bar rig pa skye med/ yid la byas pa nyams myong med pas/ blo'i nyams dang bral/ lta ba zhen 'dod dang bral bas/ des
56a1 'khrul pa chos skur shes/'khrul pa log pas lta ba rgyud la shar/ gzhi ngo shes pas chos nyid ma dang phrad/ phyis mi 'khrul pas ye shes rang sa zin/ snying po rig pa/ chos nyid klong nas 'char/ ye
56a2 shes ngo shes shing gti mug sangs pas/bar dor bag chags kyi gnas chod/ phyis lus mi len pas/ skye shi med pa'i gdengs rnyed/ rmi lam gyi spros pa chod de lam lugs thebs/ phyi rol gyi snang ba sems su
56a3 shes pas/bde bar gshegs pa'i zhing khams dang gzhal yas khang di 'char/ phyi dgra dang nang dgra/ nyon mongs pa dug lnga dang/ gsang ba gzung 'dzin las grol bas gsang ba'i dgra gsum gsod/ phung po
56a4 la rgas pa med pas phung po'i bdud bcom/nyon mongs pa'i ro mo ldang bas nyon mongs pa'i bdud bcom/ bar chod rkyen ngan grogs su shar bas lha'i bdud bcom/ sems skye 'chi med pa'i don skye med rtogs
56a5 pas/'chi bdag gi bdud bcom/ 'jigs pa'i bdud bzhi bcom/ sems la rang dbang thob/ skye med chos sku rtogs pas/ 'gro drug g.yang sa chod/ sems sangs rgyas su shes pas/ gzhan la re mi che/ rang
56a6 byung ye shes gdeng rnyed pas/'khor ba la dogs mi tsha/ re dogs bdud las grol bas/ sgrib pa rnam gnyis ma spangs par dag/ tshogs gnyis ma bsags par rdzogs/ sa rnams ma bgrod par non to// de kho
56b1 na nyid kyi bcud len gyi le'u ste don drug pa'o//// bcud len phyi nang gsang ba de/ kho na nyid kyi skabs te bdun pa'o//// de nas DA ki rdo rje phag mos/ bram ze blo ldan mchog sred la rgyud gtad de/ e
56b2 ma ho/rigs 'dzin dpa' bo grub thob khyed/ mkha' 'gro ma'i rang srog/ yid bzhin nor bu dgos 'dod 'byung ba'i rgyud 'di chongs shig/ sgrubs shig/ gang bsams pa 'grub par 'gyur ro// zhes gsungs
56b3 nas mi snang ba chos kyi dbyings su thim mo// rgyud yongs su gtad pa'i le'u ste bdun cu rtsa bdun pa'o//// rgyud gtad pa'i skabs te brgyad pa'o//// mkha' 'gro ma nor bu 'phreng ba'i bshad pa'i rgyud phyi
56b4 ma le'u bdun cu rtsa bdun pa skabs brgyad pa rdzogs saho//// slob dpon pad+mas jo mo mtsho rgyal la/ mkha' 'gro dpang du btsugs nas gtad do/ gter rgya/ sbas rgya/ gtad rgya////
56b5
56b6 rgya gar skad du/


CLOSE WINDOW