28b2 /// rgya gar skad du/ badzra b+ha ra hi ku ku pa ra gu ha tan tra ra tsa nA ma/ bod skad du/ rdo rje phag mo bram ze lcam dral gsang ba rgyud kyi rgyal po/ pho thems mo thems zhes bya ba/
28b3 rdo rje mkha' 'gro ma la phyag 'tshal lo// 'di skad bdag gis thos pa'i dus gcig na/ bram ze blo ldan mchog sred ces bya ba/ u rgyan gyi yul na yum gyi b+ha ga la rje btsun ma nyid la byin rlabs zhu zhing snyom par
28b4 zhugs so// de'i tshe bkra shis byin rlabs 'byung ba'i gnas ni/ 'di lta ste/ gnas dang nye ba'i gnas/ zhing dang nye ba'i zhing/ dur khrod dang nye ba'i dur khrod/ 'dus pa dang nye ba'i 'dus pa/ mtshan d+ho dang nye
28b5 ba'i mtshan d+ho/u rgyan yul gyi lho nub/ rgyal po dza'i khang 'gram tshangs pa klu gnod gyi lha khang rtsub 'gyur tshal gyi dur khrod na/ shing dang/ me tog dang/ bya sna tshogs skad 'byin pa/ rnga dang cang te'u pi
28b6 wang// sil snyan la sogs pa'i sgra dang/ sgra sna tshogs kyis brgyan pa/ lce spyang dang/ ba zhad dang/ ne tso dang/ dur bya/ kang ka/ khra dang 'ug pa la sogs pa mang po ni/ la la ni lding/ la la ni 'phur/ la la ni
29a1 mchong/la la ni rngam/ 'tshigs pa dang/ rgyug pa dang/ 'dral ba dang/ kun kyang sgra skad sna tshogs kyi sgra gyen la sgrogs pa/ ri bo kun ni keng rus kyi ri la/ ka ra ka ra dang/ ha ha dang/ he he
29a2 dang/spyug pa'i sgra sna tshogs sgrogs pa'i dbus na/ bcom ldan 'das ma rdo rje phag mo de/ sku mnyam pa'i ngang las ma g.yos kyang sprul sku gdug pa 'dul ba'i don du/ ro'i gdan la brjid pa'i gzi mdangs
29a3 dang bcas nas/sgeg mo'i tshul du bzhugs so// yul dang/ gnas dang/ sku bzhugs pa'i le'u ste dang po'o//// de nas bram ze mchog sred kyis/ lha rnams dang/ brgya byin dang/ tshangs pa dang/ srin po
29a4 dang/lha ma yin dang/ dri za dang/ mi 'am ci dang/ lto 'phye chen po dang/ klu dang/ gnod sbyin dang thabs cig tu bzhugs so// de nas 'khor rnams kyis me tog dang/ spos dang/ mar me dang/ byug pa dang/
29a5 zhal zas dang/ sgra la sogs pa sna tshogs kyis mchod do// de nas bram ze mchog sred kyis/ mkha' 'gro ma'i gtso mo rdo rje phag mo la 'di skad bstod nas zhus so// dpal ldan rdo rje mkha' 'gro ma// mkha' 'gro
29a6 ma yi 'khor lo sgyur// bskal pa me ltar 'bar ba'i 'od// mkha' 'gro khyod la phyag 'tshal lo// 'khor ba mya ngan 'das spangs shing// 'khor ba mya ngan 'das la bzhugs// kun rdzob don dam gnyis su
29b1 med// gnyis med gzugs la phyag 'tshal lo// g.yas pa rtog med phag gi zhal// g.yon pa chags tshul khro mo'i zhal// zhal gnyis su ni sprul mdzad ma// sgrub pa po la grogs mdzad ma// rdo rje rnam 'byor ma la
29b2 bstod// phag mo khyod la phyag 'tshal lo// g.yas g.yon brkyang bskum thabs dang shes rab 'brel// spros med chos kyi dbyings las ma g.yos kyang// thabs kyis gang la gang dgos 'dul ba yi// smon lam
29b3 dbang gi 'gro ba'i don mdzad ma// yid bzhin nor bu khyod la phyag 'tshal lo// g.yas pa skyon kun gcod byed gri gug bsnams// shin tu dkar ba'i thod pa g.yon na bsnams// pad+ma'i gdan la ya bdud zil
29b4 gyis gnon// rje btsun rdo rje rnal 'byor ma la phyag 'tshal bstod// lan gsum skor ba byed cing phyag btsal nas// spyan sngar thal sbyar dpus btsugs mig gdangs te// ngag tu 'di skad ces zhus so// kye rje
29b5 btsun rdo rje phag mo khyod// 'gro ba sems can gdul slad du// sprul sku 'gro ba'i don du bzhengs su gsol// kye ho rdo rje 'dzin pa bskul ma 'debs// kye ho thod pa dgu brtsegs chos 'byung gzhal yas
29b6 nas// chos nyid don rtogs chos sku'i phag mo sku bzhengs 'tshal// bde ba byin rlob longs sku'i phag mo sku bzhengs 'tshal// sna tshogs ston zhing sprul sku'i phag mo sku bzhengs 'tshal// nag mo'i cha lugs bdud
30a1 mo'i phag mo sku bzhengs 'tshal// legs nyes stangs 'dzin dam tshig phag mo sku bzhengs 'tshal// dgra bgegs bdud mdzad bstan srungs phag mo sku bzhengs 'tshal// sku yi sprul pa dkar mo nyi
30a2 khri sku bzhengs 'tshal// gsung gi sprul pa dmar mo nyi khri sku bzhengs 'tshal// thugs kyi sprul pa nag mo nyi khri sku bzhengs 'tshal// 'jig rten pa dang ye shes lha// ma lus par ni sku bzhengs 'tshal// zhes bskul
30a3 lo// brdas bskul ba'i le'u ste gnyis pa'o//// de nas yang dag bshad bya ba// mnyam pa'i ngang las ma g.yos kyang// rdo rje phag mo 'gro ba'i don du sku bzhengs pa bstan te/ g.yas kyi phag zhal phye
30a4 ste/spyan g.yas pa las/ sprul sku'i yi ge A+oM bskul bar ston te/ ti sta ra pra na ye/ dpal ldan rgyal po yul 'khor srung// chos sku rnam dag don du sku mdog dkar po sprul// nges don sgrogs phyir pi wang rgyud
30a5 mang bsnams// shar phyogs dri za'i gdon rnams bsrung ba dang// zhi ba'i 'phrin las mdzad pa'i don du sprul// spyan g.yon longs sku'i tshul du a ston te// bi ta ra sha ga to me/ dpal ldan rgyal po spyan mi
30a6 bzang// 'gro ba'i don la ma chags sku mdog dmar// 'khor ba bcings pa'i zhags pa phyag na bsnams// nub phyogs klu yi gdon rnams bsrung ba dang// dbang gi 'phrin las mtha' ru dbyung du gsol// spyan
30b1 ni dbus ma chos sku hUM ston te// be du rag sha be/ dpal ldan rgyal po 'phags skyes po// che ba'i yon tan rgyas pas sku mdog ser// 'khor ba'i bag chags 'joms phyir be con bsnams// lho phyogs grub bum
30b2 gdon tshogs bsrungs ba dang// rgyas pa'i 'phrin las mtha' ru dbyung du gsol// de gsum ngo bo nyid kyi tshul du rab gri ste// mtha' gnyis 'joms mdzad be he she na ma re ye// dpal ldan rgyal po rnam thos
30b3 sras// mdzad pa'i 'phrin las mthar phyin sku mdog ljang// 'khor ba'i bag chags 'joms phyir be con ral gri bsnams// byang phyogs gnon sbyin tshogs rnams bsrung ba dang// drag po'i 'phrin las mtha' ru
30b4 dbyung du gsol// chos kyi rgyal po dung lta bu dang/ dmar po sgrib sel me lta bu dang/ 'jigs skyob gser lta bu dang/ gdug pa 'dul byed mun nag lta bu dang/ de las gyad bzhir sprul/ de las lnga brgya rtsa
30b5 gcig sprul/de las dmag dpon bzhi ru sprul thabs kyi tshul du sprul pa yin/ g.yas kyi phag zhal las dpa' bo sprul pa'i le'u ste gsum pa'o//// de nas yang dag bshad bya ba// de ltar de rnams sprul pa
30b6 las// bram ze mchog sred ngo mtshar skyes// e ma ngo mtshar rmad kyi chos// 'khor ba bud med gdul ba'i phyir// sprul pa 'gyed pa ngo mtshar che// g.yas kyi phag gdong nag mo las// rtog med ro dang bcas pa DA
31a1 ki 'bum// g.yon gyi khro zhal dmar mo las// bde chen las la 'khor ba'i DA ki 'bum// sbyi gtsug thod pa dum bu bdun pa las// sangs rgyas rab bdun ldan pa'i DA ki 'bum// rin chen rnam
31a2 lngas dbu rgyan byas pa las// rigs lnga yab dang ldan pa'i DA ki 'bum// g.yung drung dmar po g.yon du 'khyim ba las// nyon mongs bag chags sreg byed DA ki 'bum// dga' ba'i tsa kra myur du 'khor ba
31a3 las// bde chen gnyis med rtogs pa'i DA ki 'bum// bskal pa'i me chen 'ur 'ur 'bar ba las// tha dad rtog pa sreg pa'i DA ki 'bum// g.yas na zangs gri rnon po bsnams pa las// rnam rtog dri ma gcod
31a4 byed DA ki 'bum// g.yon pa thod pa phyi dkar nang dmar bsnams pa las// bde ba yab kyi zhal du stob pa'i DA ki 'bum/ kha T+wAM rtse gsum rab tu 'bar ba las// dug gsum rtsad nas gcod pa'i DA ki
31a5 'bum// thod pa gsum gyis rab tu 'bar ba las// dur khrod rgyal mtshan 'dul ba'i DA ki 'bum// Da ma ru yi sgra chen sgrogs pa las// snyan brgyud gdams ngag ston pa'i DA ki 'bum// drang cing yu ba dkar po
31a6 'dril ba las// lha men g.yul ngo bzlog pa'i DI ka 'bum// mi mgo lnga bcu'i do shal byas pa las// 'du byed lnga bcu rtsa gcig sprul bar mdzad pa'i DA ki 'bum// g.yon brkyang g.yas bskum zhabs kyi
31b1 bzhugs tshul las// 'khor ba'i 'dam las sgrol ba'i DA ki 'bum// ro yi gdan la brjid par bzhugs pa las// dur khrod sha la mi pod rdzi ba'i DA' ki 'bum// phyag gnyis gser gyi gdu bu khrol ba
31b2 las// srog gcod nyon mongs spong byed DA ki 'bum// dpung pa'i rgyan rnams rab tu 'bar ba las// nyon mongs gnyen pos 'dul byed DA ki 'bum// mche ba zla tshes dkar po gtsig pa las// 'khor ba rtsad
31b3 nas gcod pa'i DA ki 'bum// phag zhal gyen la spyan gsum gzigs pa las// sku gsum lhun gyis grub pa'i DA ki 'bum// rtsa zhal spyan gsum thur du gzigs pa las// khams gsum zil gyis gnon pa'i
31b4 DA ki 'bum// snyan cha gser gyi rna rgyan mdzad pa las// dam tshig gzhung ltar bsrung ba'i DA ki 'bum// pad+ma'i gdan la rab tu brjid pa las// bde chen gnyis med rtogs pa'i DA ki 'bum// spyi bo ha las gyur
31b5 pa'i DA ki las// lta ba nyams su len pa'i DA ki 'bum// mgrin pa ri las gyur pa'i DA ki las// ma bsgoms byin gyis brlob pa'i DA ki 'bum// snying kha ni las gyur pa'i DA ki las// spyod pa sna tshogs bsgyur
31b6 pa'i DA ki 'bum// lte ba sa las gyur pa'i DA ki las// 'bras bu gser khung rdol ba'i DA ki 'bum// gzhan yang sku yi sprul pa pra ma ha ti dang// gsung gi sprul pa pad+ma da ri dang// thugs kyi sprul pa lang kun da
32a1 ri dang// yon tan sprul pa kha sran ma kun dang// 'phrin las sprul pa rdo rje DA ki dang// rat+na DA ki dang/ pad+ma DA ki dang/ karma DA ki dang/ de las sprul ba'i rigs kyi pho nya mang po sprul// g.yung mo
32a2 DA ki ma dang/ko ta ma dang/ gu gu d+ha ri ha dang/ gzugs can ma dang/ khwa gdong ma dang/ 'ug gdong ma dang/ khyi gdong ma dang/ phag gdong ma dang/ gshin rje sreg byed ma dang/ gshin rje mche ba ma dang/
32a3 gshin rje pho nya ma dang/ gshin rje 'joms ma dang/ rab tu gtum mo dang/ mig btsum ma dang/ 'od ldan ma dang/ sna chen ma dang/ dpa' bo blo gros ma dang/ mi'u thung ma dang/ lang ka'i dbang phyug ma dang/
32a4 shing grib ma dang/ sa srungs ma dang/ 'jigs byed ma dang/ rlung shugs ma dang/ chang 'thung ma dang/ sngo bsangs ma dang/ shin tu bzang mo dang/ rta sna mo dang/ gtsug phud can dang bya gdong ma dang/ 'khor
32a5 lo shugs can ma dang/dum skyes ma dang/ sho na ding dang/ 'khor lo go cha ma dang/ shin tu dpa' mo dang/ stobs chen mo dang/ 'khor lo sgyur ba mo dang/ brtson chen mo dang/ de la sogs pa mkha' 'gro ma bye
32a6 ba phrag 'bum phrag mang po sprul lo// rdo rje phag mo'i sku las mkha' 'gro dpa' mo sprul pa'i le'u ste bzhi pa'o//// de nas mkha' 'gro 'bum gyis bstod pa/ bcom ldan 'das ma'i sku bstan te/ spyan
32b1 'khor la gzigs nas/zhal 'dzum pa mdzad de/ 'di skad ces bka' stsal to// 'khor ba'i sems can gdul slad du// thabs kyis 'dul ba'i rim pa dang// rgyal po gsang zhing bsgrub par bya'o// bcom
32b2 ldan phag mo bsam mi khyab// ces gsungs nas thugs de nyid las ma g.yos bzhin du/ 'gro ba'i don du las kyi phag mor sku sprul te/ sku la rgyan gsol te/ sku gsung thugs yon tan 'phrin las lnga las/ yi
32b3 ge ma sngon du bstan te/ma ha ra ni sa/ yi ge bzhi pa dang lnga pa dang/ gsum pa dang/ gnyis pa dang/ gcig pa dang/ drug pa dang/ bdun pa dang/ de las yi ge lnga pa la// dang por mngon par sangs rgya ba'i yi
32b4 ge dang/gnyis pa thun mong gi zas tshogs 'du ba'i yi ge dang/ gsum pa 'byung ba ro snyoms pa'i yi ge dang/ bzhi pa lha 'dre dpung bskyed pa'i yi ge dang/ tshe sring bar byed pa'i yi ge dang lnga'o// de'i dang po la
32b5 bzhi/zhes sdang gi sgo nas sangs rgya bar byed pa'i yi ge dang/ 'dod chags kyi/ gti mug gi/ gnyid dang bsam gtan chos skur sre bar byed pa'i yi ge'o// thun mong gi zas tshogs 'du bar byed pa'i yi ge la/
32b6 nor sgrub pa dang/ chu sbyin pa dang/ tsha tsha dang thang sku la mchod pa byed pa dang/ dpal bo'i ston mo dang/ ga'u'i sbyor ba/ sngags kyi sbyor ba/ phag mo chang dgug pa/ lha mo'i mtshan dgug pa/ chu la mi bying ba/
33a1 mngon par shes pa'i sbyor ba/ mes mi tshig pa/ bcud 'phel bar byed pa/ rma sngags/ mdze gso ba/ zho chang bsrung ba/ sri'u gso ba/ ser ba bsrung ba/ 'chi ba bzlog pa/ rmi lam ngan pa bzlog pa/
33a2 lam 'jigs pa bsrung ba phyogs ngan bzlog pa/ mig mthong/ pra dbab pa/ 'go nad bzlog pa/ sha ro dbyung ba/ yi dam lha'i zhal mthong bar bya ba/ byin brlabs dbab pa/ bsrung ba gdags pa dang/ sa
33a3 'og gi gdon mthong ba dang/rgyal po chen po dbang du bsdu ba dang/ pho brang grong khyer g.yo bar bya ba dang/ btsun mo g.yo bar bya ba dang/ mi dang rtsod pa rgyal bar bya ba dang/ rta phyugs bsrung ba dang/ rkun mo
33a4 mi 'byung ba'o// de rnams phan gdags pa'o// tshar gcad pa la/ mthu dang/ klu la gtad pa dang/ thog ser dbab pa dang/ smyo ba dang/ 'byed pa dang/ bza' mi 'byed pa dang/ zor dang/ ltas ngan dang/ bya dmag dang/ khyi
33a5 dmag dang/zhing sel dang/ khang sel dang/ dur sel dang/ lkugs pa dang/ rengs pa dang/ rmugs pa dang/ dbu rdeb pa dang/ brtul zhugs pa la sogs pa'o// las tshogs kyi le'u ste lnga
33a6 pa'o//// lha 'dre dpung bskyed pa'i yi ge la brgyad de/ brtul zhugs kyi dpung dang/ lha'i/ glu'i/ sngags kyi/ 'byung ba bzhi'i/ sbyin sreg gi/ rdzas dang sngags kyi dpung/ rig pa ye shes kyi dpung
33b1 ngo// dpung bskyed pa'i le'u ste drug pa'o//// 'byung ba bzhi ro snyoms pa'i yi ge la drug ste/ tsa kra bzhi la brten pa'i yi ge bzhi dang/ lha mo bskyed pa'i yi ge dang/ lta sgom bzhi'i yi ge dang/ yi ge 'gro
33b2 bzlog gi yi ge dang/'byung pa ro snyoms kyi yi ge bzhi dang/ mngon shes 'char ba'i yi ge bzhi'o// 'byung ba ro snyoms kyi yi ge bzhi'i le'u ste bdun pa'o//// tshe sring bar byed pa'i yi ge bzhi la/ phyi nang
33b3 gsang ba de kho na nyid kyi bcud len no// phyi'i bcud len ni/ srid pa pho'i bcud cong zhi'i bcud len dang/ srid pa mo'i bcud brag zhun gyi bcud len dang/ 'byung ba pho'i bcud chu'i bcud len
33b4 dang// 'byung ba mo'i bcud sa'i bcud len dang bzhi'o// nang shi bcud len ni/ bdud rtsi lnga ste/ dri chen/ dri chu/ sha chen/ pad+ma rak+ta/ byang sems dang lnga'o// gsang ba'i bcud len ni/ bu mo lo bcu drug lon
33b5 pa'o// bla na med pa'i bcud len ni/ lta sgom spyod gsum mo// tshe bsring ba'i bcud len gyi le'u ste brgyad pa'o//// de nas bram ze mchog sred ngo mtshar skyes nas/ ye shes DA ki ma la bstod pa/ A+e ma ho/
33b6 rdo rje phag mo bde gshegs yum// 'dod pa'i dbang phyug skal ldan ma// mkha' 'gro chen mo rnal 'byor gtso// rdo rje dbyings kyi DA ki yum// phyag rgya chen po rdo rje'i sku// he ru ka dang yang dag sbyor// dbu stong ma
34a1 la spyan stong ma// stong phrag bcu yi zhal gdong can// nyi ma 'bum gyi gzi brjid can// spyan mig dmar ser glog stong 'gyu// kha gnyer mche ba rab tu gtsigs// dbu skra gyen brdzais thog ser
34a2 'bebs// seng ge'i gzugs can 'dab bzangs gzugs// glang po chen po che ba'i gzugs// 'jig rten gsum po lto ba can// rgya mtsho'i mtha' dag ske rags can// thod pa dang ni kha TAM 'dzin// rdo rje zangs
34a3 gris 'byung po 'joms// mi rus 'phreng ba'i rgyan chas can// mi mgo skam po'i do shal can// bde gshegs 'bum ni khyod kyi 'khor// che ba'i lha tshogs khyod kyi bran// rig pa'i rgyal po gdon gzugs
34a4 can// rnal 'byor che ba'i dngos grub 'bebs// dpa' bo dngos grub cher gsal nas// hUM dang phaT kyi 'brug sgra can/ khro bo'aM gzugs kyis khams gsum sgrol// rgya mtsho'i gling rnams skems par byed// sna
34a5 tshogs chos rnams zil gyis gnon// srid pa gsum ni za bar byed// zas su ma hwa mang sa gsol// ma hA rak+ta bde bar gshegs// ma lus gdug pa skrag par byed// 'jigs par mdzad cing gsod par
34a6 byed// dmag gi dpung rnams rengs par byed// ngo mtshar 'dod pa'i gzugs mnga' ba// yid la 'dod pa'i dngos grub gsol// phag mo khyod la phyag 'tshal bstod// bdag gis khyod la gang gsol ba// don
34b1 de de ring grub par mdzod// bcom ldan 'das ma phag gdong can// skyon kun gcod byed gri gug g.yas// thod dkar khrag gis bkang ba g.yon// bdud kyi snying mnan khyod la 'dud// g.yon pa chags tshul khro
34b2 mo'i zhal// g.yas pa phag gdong rtog med zhal// sku mdog dmar mo 'od zer 'phro// phag mo'i sku la phyag 'tshal bstod// bden pa gnyis kyi don ldan pa'i// zhal gnyis su ni sprul mdzad ma// sgrub pa po la
34b3 grogs mdzad ma// rnal 'byor ma la phyag 'tshal bstod// dus gsum bde gshegs kun gyi yum// rtog pa thams cad rnams spangs shing// sku ni phag mor ston mdzad ma// sprul sku khyod la phyag 'tshal
34b4 bstod// 'khor ba mya ngan 'das spangs shing// don dam kun rdzogs dbyer med pas// gnyis med sku la phyag 'tshal bstod// sprod med dbyings las ma g.yos kyang// gang la gang gis 'dul don du// smon
34b5 lam thugs rjes don mdzad ma// yid bzhin nor bu khyod la bstod// ces bstod do// bstod pa'i le'u ste dgu pa'o//// slob dpon pad+ma 'byung gnas kyis/ jo mo mkhar chen mtsho rgyal la gdams pa/
34b6 mkha' 'gro ma nor bu 'phreng ba'i rgyud rdzogs so//// gtad rgya/ gter rgya/ sbas rgya////


CLOSE WINDOW