21a2 /// lha mo gnas mkhar gyi rgyud/ lha mo gnas mkhar skal chen ma// grub pa'i rnal 'byor mar bstan ma// lha chen lha mo gnas mkhar skal chen ma// grub pa'i rnal 'byor
21a3 mar bstan ma// lha chen de la gnas pa'i tshe// gangs ri'i bu mos yongs zhus pa// blang bar bgyi ba ji lta bu// spang bar bgyi ba ji lta bu// mtshan nyid rnam pa du zhig mchis// smad par bgyi ba du zhig
21a4 gsungs// 'jigs byed kyis ni tshig gsungs ba// e ma lha mo blo chen khyod// sems can kun la phan byed ma// bzhin bzang las la ma rtogs pa// brgya byin ser skya dga' byed dang// tshangs dang khyab 'jug
21a5 dbang chen gyis// bdag la 'di skad tshig mi dris// lha mo khyod la da bshad kyis// rtse gcig pa yi yid kyis nyon// bdag gis bshad pa gang zhe na// dum bu gcig dang dum bu gnyis// gsum pa dang ni bzhi pa
21a6 lnga pa dang// drug pa dang ni bdun pa dang// dum bu brgyad par rab tu grags// bram ze rgyal po rje rigs dang// dmangs rigs bud med rigs ma nges// dkar dmar dang ni dkar sngo dang// sngo dang de bzhin
21b1 ser skya ste// thal ba'i mdog dang mdog sdug dang/ kha dog drug tu kun tu grags// nyi rim dang ni glang po'i rgyab// 'khor lo de bzhin bya rog rjes// dung sngo ba dang dung gnyis dang// chags pa dang ni 'tshams
21b2 bye ba// 'di dag thams cad rab rtags te// kun tu brtags nos sbyang ba bya// shin tu mnyam pa'i sa phyogs sam// snyi ba'am ni yangs pa'i sar// sngags kyi sngags te gnam du bskyor// lhung ba'i mtshan nyid
21b3 rig par bya// shar gyi phyogs bltas bdag nyid gsod// me yi phyogs bltas shi'u shun med// lho phyogs kha bltas bram ze'i med// srin po'i phyogs bltas ban lang rtol// chu yi phyogs bltas rigs ngan
21b4 yin// rlung gi phyogs bltas gsang mi thub// byang gi phyogs bltas phyug por 'gyur// dbang ldan phyogs bltas sngags sgrub gter// shar tu bltas na bdag nyid gsod// 'og tu bltas na rkun po mod// steng
21b5 du bltas na bud med gsod// lho ru bltas na rigs ngan gsod// snod kyi mtshan nyid 'di rnams so// de nas gzhan yang bshad par bya ste// dge bar sprul pa'i snod dag ni// dum bu gcig pa sa la
21b6 dbang// gnyis pa de ni rgyal phran 'gyur// gsum pa de ni yang nor la dbang// bzhi pa de ni sngags 'grub 'gyur// lnga pa de bzhin mchog kyang 'grub// drug pa drug de ni slong pa yin// bdun pa de ni brtul
22a1 zhugs gsod// brgyad pa yongs su spang bar bya// bu ga gcig pa bram ze'i rigs// gnyis pa de ni rgyal rigs te// gsum pa rje'u rigs yin pas// bzhi pa de ni dmangs rigs so// bu ga med
22a2 dang mang ba ni// mkhas pas shin tu spang par bya// bong chung ba dang srab pa dang// gang dag ser por gyur pa ni// bud med yin par shes par bya// bud med rang du rmos pas na// de bas rab tu spang bar
22a3 bya// rigs ma nges kyang spang bar bya// ser skya dang ni dkar ba dag/ kha dog sna tshogs spang bar bya// dung med pa dang dung gnyis dang// lha mo'i sprul pas mi blang ngo// dung sngo bdag ni sdug bsngal che// bya rog
22a4 rje ni 'thab rtsod 'gyur// nyi rim gyis ni gsod 'gyur te// glang po'i rgyab ni nad du 'gyur// 'di las gzhan yang bshad bya ste// gsang pa'i grub thob mtshan nyid ni// yal ka che 'phra mang ba'i bdag/ dpag
22a5 bsam shing ni yong gyur na// 'dod pa'i 'bras bu thob 'gyur te// sngags pas de las the tsom med// dbus na shong bu bzhi yod na// de ni 'dod pa'i ba zhes bya// mdun na shong bu gnyis yod na// yid bzhin
22a6 nor bu zhes bya'o// 'di 'dra'i mtshan nyid ldan pa'i snod// su dag rtag tu 'chang ba ni// longs spyod thar pa thob par 'gyur// de la lha mo the tshom med// de nas rigs ni rnams bshad de// snod rnams kyi ni bye
22b1 brag tu// dung dang kun dang mda' 'dra ba'i// snum la blta na sdug pa'i ni// sngags rnams thams cad grub pa ste// dbang phyug chen mor shes par bya// thal ba'i mdog la bongs kyang che// pad+ma dbyings la pad+mas
22b2 brgyan// tshangs pa'i skud pa gsang ba yod// de ni tshangs mar rig par bya// sbrang rtsi ser skya'i mdog 'dra la// zhi ba'i thig les rnam par brgyan/ khyab 'jug ma yi snod yin te// rtag tu dgra rnams 'joms
22b3 par byed/kha dog dmar zhing lnga pa la// pad+ma dmar pos brgyan pa dang// zum pa shin tu snum pa yis// snod 'di gzhon nu ma zhes bya// cung zad sar zhing zags// gang dag rdo rje'i mtshan yod pa// 'di 'dra'i
22b4 snod kyi mtshan nyid ni// dbang phyug ma yi rigs can yin// b+ha ga'i mdog dbyibs 'dra ba la// bar du mkhregs shing mu tig mdog/ sha yi dri ngad mnam pa ni// snod 'di phag gdong ma zhes bya// thal ba'i
22b5 mdog la bong che ste// thig le dmar po rnam par brgyan/ khrag 'dzag pa yi dri mnam na// 'jigs byed ma yi snod ces bya// snod kyi khyad par shes par bya// sngags pas 'di dag rtags bcas na// bdag gi
22b6 bka' ni bzhin bzang ma// de la bgegs ni mi tshugs te// 'di las gzhan yang bshad bya ba// snod kyi dngos po'i khyad par ni// tshangs ma bram ze bcangs par bya// rtag tu dngos grub sbyin par bya// sgrub pa yi
23a1 ni dus dag tu// dbang phyug chen mo bcang bar bya/ khyab 'jug ma ni sbyor kun la// rtag tu las rnams 'grub par byed// rgyal rigs kyi ni gzhon nu ma// pha rol yul ni rnam par 'joms// rje'u
23a2 rigs ni dbang chen mo// blo dang ldan pas bzlog phyir bcas// gsad dang sdang dang bskrad pa'i phyir// dmangs rigs kyi ni phag gdong bcas// las dang rigs rnams thams cad la// 'jigs byed mas ni
23a3 grub pa ste// re ba med pa'i bdag nyid ma// sgrub pa'i khyab par 'di shes pas// 'dud pa med par bdag bsams te// rtag tu 'di dag spyad cing bcang// gang gi dngos grub skye ba yi// de nas sngags ni bshad
23a4 par bya// A+oM na mo b+ha g+ha wa ti/ ma hA bai ra pa du ba yang sma shan pa si ni/ yi dang ka la ma na ya bya sha hUM phaT/ swa hwa thal ba'am/ me tog gam/ chu la lan brgya rtsa brgyad kyis btab ste snod la gtor nas blang bar
23a5 bya'o// rdzogs saho////
23a6 rgya gar skad du/


CLOSE WINDOW