115a2 /// rgya gar skad du/ Ar+ya tsit+ta ma hA ka la tsa ra pa tha ta tan+t+ra/ tsit+ta ma hA du kha sarba sa ha la na mo// bod skad du// 'phags pa thugs rje chen po mgon po 'khor ba dong sprug
115a3 gi rgyud// thugs rje chen po sdug bsngal tham cad zhi bar byed pa la phyag 'tshal lo// 'di skad bdag gis thos pa'i dus gcig na/ bcom ldan 'das 'od dpag tu med pa bde ba can gyi zhing khams za ma tog
115a4 bkod pa'i gzhal yas khang na/'khor lha dang/ klu dang/ gza' dang/ rgyal po chain po bzhi dang/ phyogs skyong ba bcu dang/ byang chub sems dpa' sa'i snying po la sogs te bye ba phrag nyis brgya dang/ mkha'
115a5 'gro ma pad+ma gar gyi dbang mo la sogs te/mkha' 'gro drug cu rtsa gnyis kyis bskor nas thabs cig tu bzhugs so// de'i tshe mkha' 'gro pad+ma gar gyi dbang mos// sangs rgyas 'od dpag tu med pa la 'di skad
115a6 ces gsol to// kye sangs rgyas 'od dpag med lags// 'gro don 'phr-in las dzad pa'i phyir thugs rje chain po'i gnas dang rang bzhin bstan du gsol ces zhus pas/ pad+ma gar gyi dbang mo rna ba'i dbang po sgra
115b1 la nyon cig/ces 'od dpag tu med pas bka' stsal to// de nas yang pad+ma gar gyi dbang mos yengs pa med pa'i bsam gtan la zhugs te/ de nas sangs rgyas 'od dpag tu med pas bka' stsal pa/ thugs
115b2 rje chen po bzhug pa'i gnas ni ri po ta la'i rtse mo la/brag thams cad pad+ma sna tshogs kha bye ba 'dra ba/ dbyar dgun ston dpyid nam la dus bzhir me tog dang 'bras bu skam pa med pa/ me tog pad+ma dang/ pad+ma
115b3 stong ldan dang/pad+ma chen po dang/ me tog sna tshogs pas brgyan pa/ brag thams cad la thugs rje chen po rigs phyag stong spyan stong baM dang/ spyan ras gzigs dang/ mkhar sa pa Ni dang/ seng ge sgra dang/
115b4 don yod zhags pa dang/ 'khor ba dong sprugs dang/ ha ya gri ba la sogs pa bsam gyis mi khyab pas rtse zhing/ nags tshal ri brag thams cad sku rang byung du bzhugs so// sgra chu sgra rlung sgra la sogs pa thams
115b5 cad yig 'bru bdun pa'i sgra'o// gnas pa'i srog chags phag mo dang/ phug ron dang/ rngon pa dang/ bram ze pho mo dang/ tsher ma 'don pa dang/ pad+ma'i sdong po la lo ma dang 'bras bu sna tshogs smin pa/ nyi zla'i
115b6 'od kun tu khyab pa'o// rang bzhin ni dus gsum sangs rgyas bde bar gshegs pa thams cad kyi gsung gi rang bzhin/ gsung dbyangs yan lag drug cu dang ldan pas 'gro drug 'khor ba ma stongs kyi bar du don
116a1 byed pas byang chub sems dpa'i rang bzhin/mtho srid pa'i rtse mo nas dma' 'jag ma'i srin bu yan chad la khyab pas theg pa chen po'i rang bzhin/ gtsang smre gtsang dang gzem rtog med par don
116a2 byed pas sangs rgyas kyi rang bzhin 'khor bar don mdzad kyang 'khor ba'i skyon kyis ma gos te/mya ngan 'das pa'i rang bzhin no zhes gsungs so// 'khor ba dong sprugs kyi rgyud las/ gleng gzhi bstan pa'i le'u
116a3 ste dang po'o//// yang pad+ma gar gyi dbang mo zhus pa/ kye sangs rgyas 'od dpag med// 'gro don 'phrin las mdzad pa'i phyir// phyi bsgrub 'gro don bcas pa cig/ bdag cag rnams la bshad du
116a4 gsol// zhes zhus pas/ gar gyi dbang mo nyon cig/ byang chub mchog tu sems bskyed nas/ tshad med rnams bzhi bsgaum par bya// bdun ni rnam dag tshogs bsags la// dang po stong pa nyid du bsgaum// rang
116a5 sems yi ge hriHlas ni// baM las sna tshogs pad+ma las// de steng b+hUM las gzhal yas khang// pad+ma 'dab drug mu khyud ldan// gru chad sgo dang bcas pa la// rin chen rgyan gyis brgyan pa bskyed// de dbus nyi zla
116a6 pad+ma'i gdan// de stengs hrIHyi 'phro 'du las// mgon po 'khor ba dong sprugs ni// zhal gcig phyag gnyis sku mdog dmar// g.yas pa shes rab ral gri bsnams// g.yon pa bdud rtsi'i bum pa
116b1 bsnams// rigs kyi bdag pos dbu la brgyan// rta mgrin rgyal po thugs kar gsal// shel 'phreng brgya rtsa do shal brgyan// rin po che yi rgyan dang ldan// 'dzum zhal bcas bzhugs thugs kha nas// pad+ma
116b2 'dab drug hriHyig las// yi ge drug pa'i 'phreng bar bsam// hrIH 'phros yi ge drug pa las// bcom ldan sprul sku thub pa drug/ sku mdog phyag rtags phyag mtshan 'dzin// rigs drug so so 'dul phyir
116b3 sgom// dam tshig sems dpa' bskyed pa dang// sku gsung thugs su byin brlab cing// dbang bskur rgyas gdab byas nas ni// snying kha'i hriHlas 'od 'phros nas// ye shes sems dpa' spyan dras la// mdun gyi
116b4 mkha' la bzhugs su sol// phyag btsal mchod pa dbul lags kyi/ de nas 'das pa'i rim pa yi// bdag dang ye shes sem dpa' gnyis// nyi zla pad+ma'i dkyil 'khor hrIHyig la// 'od zer bsnaul mar
116b5 sngags brjod pas// phar 'phros ye shes sems dpa' mnyes/ tshur 'dus sgo gsum sgrib pa sbyangs// gang 'dod don du bzlas pa bya// sku gsung thugs kyi sa bon dang/ 'bru bdun skyon rnams spangs la bzlas
116b6 pa bya// de nas bskyed rim gtong 'dod na// ye shes sems dpa' gshegs su gsol// dam tshig sems dpa' hrIHla bsdus// hrI las mi dmig gsal stong bsgom// de las langs te chos spyod ci rig bya/
117a1 dge ba sems can don du bsngo// 'gro drug sems can thams cad la// chos kyi 'khor lo bskor cing dbang bskur bya// sbyin sreg bya zhing sgrib pa sbyangs/ khrus gsol 'khor ba dong nas
117a2 sprug/gtor ma chab gtor btang ba dang// sbyin pa btang zhing skye sgo dgag/ byang chub lam sna drang bar bya// zhes gsungs so// 'khor ba dong sprugs kyi rgyud las/ phyi bsgrub 'gro don dang bcas pa bstan pa'i
117a3 le'u ste gnyis pa'o//// yang pad+ma gar gyi dbang mos zhus pa// kye sangs rgyas 'od dpag med// nang bsgrub dngos grub bcas pa cig/ bdag cag rnams la bshad du sol// zhes zhus pas// gar gyi
117a4 dbang mo nyon cig/bde gshegs kun 'dus sangs rgyas kyis// thugs rje chen por dbang bskur ba'i// 'khor ba dong sprugs dkyil 'khor bstan// thugs rje chen po lha yi lha// dkyil khor kun gyi byed pa
117a5 po// bkra shis byin chags nyams dga' bar// yid 'ong dben pa'i gnas dag tu// sa brtag sa yi cho ga bya/ chag chag gdab cig sngon 'gro yan lag gzung// thig gdab sa tshon byin gyis brlabs// legs
117a6 par bri zhing rgyan rnams dgod// dkyil 'khor tshon skud dra bar gzhug/ bum pa dbang rdzas gtor ma dang/ bdud rtsi rag ta tshogs 'khor bshams// mchod pa rnam lnga 'byor tshad bstar// de nas sku
117b1 gsung thugs kyi rten// tsa ka li dang yig 'bru dang/ phyag 'tshan la sogs dgod par bya/ spyan drangs bzhugs gsol phyag dang mchod pa la/ gnyis su med par bstim par bya// mchod cing gsol ba gdab pa
117b2 dang/tshogs dang gtor mas dus bzhir bskang/ bdud rtsi byin rlabs sman mchod bya// dngos grub blang dang gtor ma rak+ta tshaugs kyis bskang// mar me tshe dbul 'dzab bzlas bya// lha bkod dbang dang dngos
117b3 grub blang// dus bzhir mchod cing bzlas pa bya// dus grangs mtshan rtag byung nas ni// dngos grub rdzas rnams 'byor tshad bsham// lha la bskul cing dngos grub blang// dngos grub rdzas kyi dbang bskur
117b4 bya// phud kyis dkyil 'khor lha tshogs mchod// gtod mas chos skyong srung ma bskang// rdo rje slob dpon mched lcam rol// lhag mas bkra shis klu bro bya// gtor ma phyir gtang gtor gzhong mnan/ ye shes
117b5 sems dpa' gshegs su gsol// dam tshig sems dpa' rim pas bsdu/ dal bsdu spyo lam ci bder bya// zhes gsungs so// 'khor ba dong sprugs kyi rgyu las/ nang bsnyen bsgrub rnam bzhis bstan pa'i le'u ste
117b6 gsum pa'o//// yang pad+ma gar gyi dbang mos zhus pa/ kye sangs rgyas 'od dpag med/ nang bskor thig le gcig tu bsgrub pa cig/ bdag cag rnams la bshad du gsol// zhes zhus pas// gar gyi dbang
118a1 mo nyon cig dang po skyabs 'gro sems bskyed bya// tshad med bzhi ldan ting 'dzin rnam gsum bsgom// bskyed rdzogs rim pa bzhin du bsgom// hrIHyi 'phro 'du'i ting 'dzin gyi// phyi nang nyon mongs
118a2 sgrib kun sbyangs// bsod nams tshog bsags mchod pa dbul// bsod nasam tshogs ni bsags pa'o// sdig sgrib ma lus sbyong ba'o// dge ba bcu yi lam brten nas// mtha' yas sems can thams cad
118a3 kyi// sgrib gnyis ma lus sel bar byed// 'bru bdun sangs rgyas kun gyis gsungs// byang chub mthar phyin bsgrub pa'i lam// rdzogs pa'i sangs rgyas kun gyi gsung// 'khor ba dong sprugs kyi rgyud las/ thig
118a4 le chig rdzogs su bsgrub pa'i le'u ste bzhi pa'o//// de nas yang dag bshad par bya// mi rtog gnyis med nam mkha'i ngang// rang byung rang shar chos kyi sku// gsal 'grib med par longs spyod rdzogs// kun
118a5 snang sprul pa'i sku la bstod// oM ni brdal khyab kun gzhi byang chub sems// 'khor 'das 'byung khungs rgyu 'bras lam gyi mchog/ gdod nas skye med 'od gsal kun 'byung rig pa'i gter// ma yengs 'gro don
118a6 nyi ma'i 'od// thig le stong pa kun ldan spro bsdu bral// ma nor rang byung nyes pa'i skyon dang bral// dri med zung 'jug nyon mongs skyon bral tshogs gnyis rdzogs// pad+ma'i spyan ldan gsal byed sgrol ma'i ngang// ye
118b1 shes snang gsal gzung 'dzin mtshan ma bsreg/mthar phyin dgongs pa ma rtsal lhun gyis grub// dgag bsgrub dbyer med snying po'i don la bstod// snang ba dag pas spyan 'dren gnyis med bzhugs// sgo gsum
118b2 rnam dag gus pas bdag phyag 'tshal// sdig sgrib dam tshig nyams chag skong// gnyis med mchod 'bul sdig sgrib bshags// rjes su yi rang chos kyi 'khor lo bskor/ mya ngan mi 'da' rjes su bzhugs// mi
118b3 dge sdig sbyang skye 'gro thugs rjes zung// zhabs drung skye bar smon cing sems can don du bsngo// rin chen maN+Dal me tog mdzes pas brgyan// gling bzhi gling 'phran dag pa yi// ri rab nyi zla skar mas
118b4 brgyan// rin chen sna bdun gter chen brgyad kyis brgyan// rnam dag maN+Dal mchod pa'i mchog/ brdal ba chen po rgya chab dus gsum sangs rgyas mnyan byed pa// bsam mi khyab kyi maN+Dal du// spang blang med
118b5 pa'i rgyan gyis brgyan/rnam dag chen po'i maN+Dal 'bul// zhes gsungs so// 'khor ba dongs sprugs kyi rgyud las/ bstod bshags maN+Dal dbul ba'i le'u ste lnga pa'o//// yang gar gyi dbang mos zhus pa/ kye
118b6 sangs rgyas 'od dpag med// thugs rje chen po'i mtshan nyid cig/ bdag cag rnams la bshad du gsol// zhes zhus pas/ gar gyi dbang mo sgra nyon cig/ thugs rje chen po'i mtshan nyid ni// thugs ni yang dag
119a1 gong na med// rje ni de skyes byed pa'o// thugs ni chos nyid mi 'gyur ba// rje ni 'gag pa med pa'i don// nam mkha'i mtha' mnyam sem can la// theg chen 'grau ba'i don mdzad pa// 'phrin las
119a2 'bras bu'i don ston pa/khyab brdal theg pa chen po la// gsung sgrags snyan pa chen po sgrogs// grag stong gsung gi mtshan 'dzin pa// gsung mchog chen po sgra yis rgyal// sgra don 'bru bdun mthar phyin
119a3 lam// sku mchog rgyas pa'i 'od zer can// shin tu mdzes shing blta na sdug/ mtshan dang dpe byad longs spyod rdzogs// bzhin bzang nyon mong zil gyis gnon// thabs dang shes rab 'du 'bral med// 'dod
119a4 chags chu bo skems par byed// bde gsheg rigs drug 'khor du bskor// pha rol phyin drug lam bgrod na// sku drug ye shes drug ldan pa// sku drug bde gshegs thugs rje'i ngang// dbyings dang ye shes
119a5 gnyis med pas// dgos 'dod re skong rigs lnga 'bras bu sbyin// 'khor ba'i gcod rnying mthar dbyung ba// thugs rje 'khor ba'i rgya mtsho bsgral// 'khor ba mya ngan 'das pa po// yang dag don la rnam par
119a6 gnas// rnam dag chen po'i lam gyi mchog/ thugs rje'i mtha' ste kun tu khyab// ye shes bde ba rgyun chad med// stong nyid snying rje'i snying po can// dus gsum bde gsheg thams cad kyis// thug rje chen por
119b1 dbang bskur te// thugs rjes bstan pa'i mnga' bdag pos// skye med yang dag mtha' las rgyal// 'bru bdun tshangs pa'i gsung dang ldan// ye shes sku ste 'od dang ldan// bcu gcig zhal ni so sor
119b2 mtshon// mos pa tha dad sems can kun// dbyer med mtshan ni so sor gzung/ phyag stong 'khor lo sgyur ba de// 'khor lo sgyur ba'i stobs po che// spyan stong rnam par dag par gzigs// dri med pad+ma'i spyan dang
119b3 ldan// zhal gcig phyag bzhis rnam par brgyan// 'phrin las bzhi yi don dang ldan// phyag gnyis shes rab thabs kyi 'gro ba 'dren// dpa' bo 'khor ba'i gnyen gcig po// 'dzum zhal sdug bsngal zhi bar
119b4 byed// 'jam zhing mdzes pa'i sku ston pa// nyon mongs dug lnga zhi bar byed// ma nor lam ston lha yi mchog/ sku dog le brgan dbang gi mdangs// yang dag don la skye ba med// dkon mchog gtso ste thub pa
119b5 drug/rgyud drug lam gcod dpa' bo che// thub drug sangs rgyas las byung ba// rgyan med sprul pa'i rang bzhin las// dgra bcom rgyal po zag pa zad// srid pa'i dra ba rgya mtsho 'joms// ye shes me 'od nyon
119b6 mongs dgra chen kun 'dul ba// ma rig mun pa sel bar byed// sa bcu pha rol phyin bcu ldan// pha rol phyin drug lam rten pa// dus gsum sangs rgyas thams cad kyis// lam rnams bgrod pa'i thabs su
120a1 gsungs// zhes pas/ 'khor ba dong sprugs kyi rgyud las/ thug rje chen po'i mtshan nyid bstan pa'i le'u ste drug pa'o//// yang gar gyi dbang mos zhus pa// kye sangs rgyas 'od dpag
120a2 med/thugs rje chen po'i 'phrin las cig/ bdag cag rnams la bstan cing bshad du gsol// zhes zhus so// gar gyi dbang mo sgra la nyon cig/ zhi rgyas dbang drag bzhi yi 'phr-in las ni// dang po sngon 'gro
120a3 lags byas la// ngan song sbyang dang dbang du bsdu// drag po 'dul dang la sogs pa// kun la sems bskyed drag pos gzung// dad pas laug pa'i lta ba zhi// byams pas zhe sdang drag po zhi// snying rje phrag dog
120a4 rtsub mo zhi/dga' bas bdag tu lta ba zhi// btang snyoms mtha' dang rtog pa zhi// tshad med bzhi yi ngang la gnas// mthar thug byams pa'i sems dang ldan// snyi rje'i thabs kyi 'dzin par byed// sems can don
120a5 la phyogs med dga'// thugs rje mkha' dang mnyam par khyab// yang dag zhi ba'i mthu dang ldan// rin chen rgyas pa'i las la 'jug/ ting 'dzin rgyas par don byed pa// rig pa'i dbang gi ye shes rgyas// sems
120a6 kyi rang bzhin skye med las// skye ba med pa'i cho 'phrul sems// rig pa'i ngo bo thig le byang chub sems// gsang ba'i dbang gi bde ba rgyas// thig le byang chub sems las 'du 'bral med// bde ba chen por skye
120b1 med dbyings// thig le 'od gsal ngang la gnas// gsum pa'i dbang gi mi rtog rgyas// mi rtog spros med chos kyi dbyings// chos dbyings don la skye ba med// skye med gnas lugs chen po'i ngang// bzhi pa'i
120b2 dbang gi zag med rgyas// chos sku skye med zag pa med// zag med bde ba chen po'i sku// gzung 'dzin dri ma kun dang bral// lam du khyer bas chos sku rgyas// chos kyi sku ste 'od gsal don// ma bcos ma bslad
120b3 rang la gnas// 'od gsal skye med don dang ldan// sems kyi snang ba dbang du byas/ snang ba thams cad rang gi sems// sems kyi cho 'phrul snang ba yang// skad cig thig le don du gcig/ mos pas byin
120b4 rlabs dbang du byas// mos gus don dag gnyis med don// skad cig mos pas don rnams rtogs// gnyis snang rtog pa'i 'gyu ba chad// 'bad pas dngos grub dbang du byas// 'bad rtsol sems nyid gnad
120b5 la dbab// rtsol bral skye med rtogs pa'i don// rtog bral dngos grub thob par nges// gus pas gdams ngag dbang du byas// gus stobs gdam ngag rtsa ba ste// the tshom med pa gdams ngag mchog/ yid ches
120b6 rtogs pas don la skyob// rtog pas 'bras bu dbang du byas// 'gro drug snang ba rang gi sems// rang sems rtogs pa'i rnal 'byor pa// 'khor ba ye nas dag par grol// bde ba chen po ral gri yis// chags
121a1 sdang zhe sdang gnyis snang bsgral// phrag daug tsher ma bcad de bzhag/ byams pa chen po'i bdud rtsi yis// gnyis su med pa'i nad pa sos// 'dod chags drag po gsad de bzhag/ shes rab chen
121a2 po'i nyi ma yis// gti mug mun pa'i mtho khungs phye// ma rig mun pa gsal bar byed// ye shes chen po'i tho ba yis// nga rgyal chen po sbyin nas bcom// tshogs drug yul gyi gras thag bcad// ces sungs
121a3 so// 'khor ba dong sprugs kyi rgyud las/ 'phrin las zhi rgyas dbang drag bzhis bstan pa'i le'u stebadun pa'o//// yang gar gyi dbang mos zhus pa// kye sangs rgyas 'od dpag med// 'phrin las la
121a4 sbyar ba'i phyir// 'gro don la sogs bcas pa cig/ bdag cag rnams la bshad du gsol// zhes zhus pas// gar gyi dbang mo nyon cig/ dang po maN+Dal byi dor bya// sngon 'gro yan lag gzung bar bya// thugs
121a5 rje chen por bsgom byas la// oM ma Ni pad+me hUM hrIH ra la ra la hriHhrIHA I pradz+nyA bo d+hi sa ra sa ra/ d+ha ra d+ha ra/ ma Ni ma Ni/ hriM hriM swAhA/ 'di ni 'bum phrag lnga bzlas na// zhal mthong phyi ma byang chub thaub// snying po
121a6 bzlas zhing tsha tsha gdab// shes rab thabs dang mtshon sbyor la// snang ba sku yi rang bzhin gnas// snang ba'i rang bzhin chos sku la// ye shes sku ste rang byung ba// sgra dbyangs chen po don dang ldan/ khyad par
121b1 bsam pa ji bzhin du// sems can rnam la bshad par 'tshal// oM ma Ni pad+me hUM hrIH uSh+Ni Sha tra swa ro naM d+harma sid+hi/ badzra sa twa tre lo kya rat+na tra yA ya// pa shi pad+mo u ta pa ne me swa hA/ lha dgod dmigs gtad mchod
121b2 rten bzhengs// gang dag sems can mthong ba rnams// grol te bde bar gnas pa'o// 'bru bdun 'chang ba'i skyes bu ni// sangs rgyas sa lam bgrod par byed// oM gyi rang lus tshags su gzhug/ oM gyis 'gro
121b3 don phyogs med du// sgrib sbyangs nyi bsgrubs sid+d+hi blang// gang la gang 'dul 'gro don du// sems can mos pa tha dad pas// sangs rgyas mtshan yang so sor btags// theg pa rim dgu don la gcig/ yig bru
121b4 bcu dgu'i dngos grub blang// chos rnams mjug bsdu dngos grub blang// rdzas sna drug la sngags btab la// me mar chu ni mi zad 'bar// rdzas bzhi'i reng bu'i hoM yang bya// rnal 'byor bsgrub la gnyid che
121b5 na// rdzas bzhis gnyis bsrungs dud pas bdug/ tad+yathA// badzre badzra ma ma badzre// ma hA bya ti ha na ha na/ badzra pe ne swAhA/ brgya rtsa bzlas pas nad rnams thub/ oM ma Ni pad+me hUM hrIH oM tsa tra rbad/ duM duM chil chil hUM
121b6 hUM phaT phaT/brgya rtsa btab pas kha char chod// oM pad+mo dza du ma le badzra le hUM phaT// brgya rtsa btab pa mig nad sel// oM ni sel dza chod swAhA/ brgya rtsa btab pas mdzes pa chod// oM pa khri swAhA/ brgya rtsa btab
122a1 pas dug nad sel// oM a la le/ bi la le/ badzra rtsa le/ b+ha ga ban/ sarba ma hA ban d+ha swa hA/ brgya rtsa bzlas pas 'jigs pa thub/ oM ma Ni pad+me hUM hrIH oM ha ra ha ra/ shu tra d+ha ni si ta ra ye swA hA/
122a2 bsngags mdud bor bas 'dre gdon thub// bsngags btab rdzas rnams byugs pas dgra rkun thub// oM sarba ga ri sarba sid+d+hi dza b+ha la d+ha ye swAhA/ byin rlabs spyan drangs dag pa spel// mgron bzhis thams cad
122a3 tshim par bsam// oM ma Ni pad+me hUM hrIH me long g.ya' dag ngos la bri// rgyal mtshan rtse 'am lus la bcang// 'od phog sems can grol bar 'gyur// mtha' yod me long nang du bri// oM pad+mosh+Ni Sha d+harma si sha d+harma pa
122a4 la ru pa la/oM mi d+ha ra bud+d+ha ya dge/ a nu d+ha ra ya/ lang ga d+he ya/ d+harma d+he ya/ mi de pa la a a/ mtha' la thugs pas 'khor bar 'khor// sangs rgyas mtha' med zang thal chos dbyings so// khams gsum
122a5 'khor ba'i mthar thug ni// nyon mong lnga la gzhi blangs nas// 'gro ba drug tu 'khor 'das med// 'khor ba 'das nas skye med dbyings// rtag tu sdug bsngal mtha' dag bral// chos nyid chen po'i ngang la
122a6 gnas// zhes gsungs so// 'khor ba dong sprugs kyi rgyud las/ 'gro don las tshogs bstan pa'i le'u ste brgyad pa'o//// yang gar gyi dbang mos zhus pa/ kye sangs rgyas 'od dpag med/ dbang
122b1 po tha ma'i lam khyer dang// dbang po 'bring gi lam khyer dang// dbang po rab kyi lam khyer gsum// bdag cag rnams la bshad du gsol// gar gyi dbang mo nyon cig/ dal 'byor rnyed dka' rgyu 'bras
122b2 las la 'dzem// myur du 'chi ba rtag cig dad pa bskyaid// phyi yi mi khom gsum la bzod glag med// dmyal ba yi dags byol song la// tsha grang bkres skom bkol spyad bzod pa med// nang gi mi khom gsum la
122b3 bsran du med// mtha' khob kla klo dbang po ma tshang ba// tshe rings lta log rigs chad bsran glags med// nyams dga'i yul skyes dbang thang chai// nyan bshad bsgom dang dbang po tshang// dad ldan byed pa rnam
122b4 smin shes// nam 'chi cha med mi rtag grogs su brten// 'dus byas mi rtag sngar gyi mi rnams zad// lo zla bzlas shing shi dang nye// rang nyid gcig pur nyal te 'dug/ nor rdzas bu tsha 'khor g.yog kun dang
122b5 bral// 'chi ba slur med sd-ig phyogs nor mi bsag/ skar ma rab rib mar me dang// sgyu ma zil pa'i chu pur dang// rmi lam glog dang sprin lta bu// srog gcod ma byin len pa dang// mi tshangs spyod dang brdzun du
122b6 smra// phra ma ngag 'khyal tshig rtsub dang// gnod sems brnab sems log par lta// mi dge bcu spyod ngan song gsum du skye// mtshams med lnga dang nye ba lnga// lci bzhi log brgyad kha na ma tho gsum// 'di
123a1 gsum spyod pas ngan song gsum du ltung// de bas rgyu 'bras chos la zhen pa bzlog/ skyabs 'gro sems bskyed tshad med bsgom// pha rol phyin drug lnga yi sgo nas 'jug/ sku gsum lam khyer snying po
123a2 bzlas// zhes pas/ 'khor ba dong sprugs kyi rgyud las/ dbang po tha ma la gdams pa'i lam khyer bstan pa'i le'u ste dgu pa'o//// dad dang brtson 'grus dam tshig dang// bla ma slob ma gdams ngag
123a3 dang// legs par brtag cing yid ches bya// dgon pa rten la 'du 'dzi spang// byang chub bsgrub la brtson par bya// phyin ci ma log yang dag don// yang dag smra bsam brjod las 'das// zhi gnas lhag mthong
123a4 gsal stong nyams// sgo gsum ma bcos thogs med ser bu lta// zhen med bu chung g.yu rdo ltar ram lha mchod lta/ gzung 'dzin chags zhen med par spyod// bcos med lhug par lam khyer bya// zhes pas/ 'khor
123a5 ba dong sprugs kyi rgyud las/dbang po 'bring gi lam khyer bstan pa'i le'u ste bcu po//// mkha' la nyi shar rang byung rig pa'i rtsal// rang gsal chu dang 'o ma'i tshul// 'bras bu thig le gcig tu
123a6 dbyer mi phyed// rang la gnas kyang bsgribs te ngo ma shes// dper na dmus long mig phye bzhin// phyi gzung yul gyis bsgribs te ngo ma shes// me long gsal ba'i bzhin lta bu// yid las bsgribs pas ngo ma
123b1 shes// rin chen 'dam nas thon pa lta// ma rig mun sel gdams ngag mchog/ gnyug ma glang po shel lta bu/ drang po bcos bsgyur med pas zang thal 'dug/ phyi ris dang shes pa las su rung// 'bras bu
123b2 gzhan la re ba med// dmyal bar ltung med rig pa yi// cho 'phrul ci yang 'char ba ste// mthongs phye shes pa rnal du phob// spyod yul gang la'ang zhen 'dod med// zang thal lus yod snyam pa med// gnyis med
123b3 rang grol chen po'i ngang// nam mkha' sprin dang 'ja' tshon dang// chos nyid rol pas ma 'gags 'byung/ dbang du ma gyur rang sar grol// 'bras bu thob zin btsal mi dgos// rig pa rang sar g.yo 'gul
123b4 med// zab cing rig la ming mi thogs// rjes med mkha' la 'phur ba ltar// yid ches zhen log 'dzin pa bral// chu la gri btab gras thag chod// rgyang mig bltas dang khang stong nyal// chu bzhag dbyer med
123b5 'bras bu thig le gcig/mnyam nyid rgyud la khong khro med// sgo gsum spyod pa lhug par 'char// mi gnas 'khor ba'i chos la zhen pa bzlog/ skyon gyis mi gos sgo gsum rjes med 'char// sems bzung bung ba
123b6 me tog bcud 'thungs pa// bu chung 'dzug khrid khyung phrug sgong nas 'thon// gser gling rdo med gnyen po rten mi dgos// rgyud yod ngo shes spros pa the tshom chod// ral gri kham mangs kun bcad cig shes
124a1 grol// mi rtog gsal ba chu bo'i zhung bzhin nyams su blang// nam mkha' sa me rlung chu lnga// 'dod yon lnga la rol mnyam longs spyod shes// phyogs med rang grol 'phel 'grib med// lhun 'grub
124a2 'bras bu phyag rgya che// oM ni lta ba mtha' dang bral// ma ni sgom par gsal 'grib med// Ni ni snang ba skyon mi lta/ pad ni spyod pa blang dor med// me ni mi mthun phyogs dang bral// hUM ni 'bras bu rang la
124a3 gnas// hriHni gsal la mi rtog yon tan ldan// skyon bral tshang pa'i gsung dang ldan// zhes gsung so// 'khor ba dong sprugs kyi rgyud las/ dbang po rab kyi lam khyer bstan pa'i le'u ste bcu
124a4 gcig pa'o//// yang gar gyi dbang mos zhus pa/ kye sangs rgyas 'od dpag med/ yar lta ba la mi 'byams pa'i// bar 'jin rten tha ma la du mi ltas pa// tha mal rgyu 'bras la mi zag pa cig bdag cag
124a5 rnams la bshad du gsol// zhes zhus pas// sangs rgyas 'od dpag med kyis bka' stsal pa/ gar gyi dbang mo nyon cig/ ston pa bla med sangs rgyas rin po che// skyob pa bla med dam chos rin po che// 'dren pa
124a6 bla med dge 'dun rin po che// skyabs kyi dam pa skyabs su 'os// rang sems stong pa chos kyi sku// don dam thugs rje chen po rtogs gyur na// thugs rje chen po logs na med de/ snying rje'i sems ni kun
124b1 la bskyed// smon pa'i sems ni kun rdzob la// 'jug pa sems ni don dam la// don dam kun rdzob dbyer med de// sems kyi ngo bo cir yang ma grub stong par 'dug/ snying rje sems can kun la bu bzhin
124b2 brtse// byams pa bu gcig phas mthong ltar du gzhan gces kyang// dga' bas pha ma bu tsha skyo dub med// btang snyoms kun la byams pas mnyam pa ris med dang// dper na rtsig pa'i 'gram legs khang ba tshad
124b3 'byongs ltar// cho ga dag pas sangs rgyas 'bras bu'i sa lam bgrod// ces pas/ 'khor ba dong sprugs kyi rgyud las/ yar lta ba la 'byams su mi bzhugs par bstan pa'i le'u ste bcu gnyis pa'o//// chud
124b4 zos gsum du mi gtong bar// srog gcod ma byin len dang mi tshang spyod// mi dge spang zhing lha sku bsgaum// tshig rtsub ngag 'khyal dbyes brdzun phra ma la sogs pa// spang zhing 'bru bdun bzlas shing 'gro drug skye
124b5 sgo gcad// nga yi lus la 'od byung ba// 'od 'od yi dam lha yi 'od// phyi nang rnam rtog spyang pa'i phyir// yi dam lha dang 'bral mi bya// 'gro drug snang ba rang gi sems// sems las sangs rgyas gzhan na
124b6 med// rang sems sangs rgyas yin par bshad// brnab sems gnod sems laug lta dang// mi dran dgu dran spang zhing chos nyid stong pa'i ngang la gzhag khyer so rnam gsum dbyer med pa// ma bcos ma bslad
125a1 gsal stong ngang la bzhag/sku mdog phyag mtshan sna tshogs kyang// brda tsam thabs kyis bstan pa las// sems nyid phyi nang med pa la// gzugs dang rdzas su grub pa med// gsal stong 'dug pa
125a2 de kho na'o// yang dag don gyi thugs rje chen po'o// zhes pas// 'khor ba dong sprugs kyi rgyud las/ par 'jig rten bya ba la yengs su mi gzhug par bstan pa'i le'u ste bcu gsum pa'o//// phyi nang med pa
125a3 sems su 'dus// snang ba'i phyir 'breng ba'i mkhan po lta// sems las 'khrul pa gzhan na med// ma mthong ma shes lta ba'o// ma bsgaums rang gsal sgom pa'i mchog/ mi rtog mnyam nyid chos kyi sku// gnyen po
125a4 ma bcos rang shugs la// 'dzin med shes pa rang grol bzhag/ bying na gsal gdab rgod na glod// mi spro mi bsdu shes pa rang sor bzhag/ 'bad rtsol bya rgyu med pas rtsol bsgrub dka' thub bral// bya
125a5 btsal thams cad mtshan mar ngos gzung yang dag don la bya rgyu med// dad pa gting nas ma skyes kheng grags kyis// sbyin pa btang bas don med ci zhig phan// bsngo ba log pa yi dags gnas su skye// sems
125a6 nyid ye nas sangs rgyas la// dge sdig rang bzhin stong pa'i ngang du grub// sngar rjes bshags shing phyis kyi dam bcas blang// 'khor ba'i rang bzhin re mos pha ma bu tsha 'dra// nor rdzas 'dzin chags zhen pa la/
125b1 'dzin chags mkhan po sems yin pas// chags zhen mkhan po de la lta// sems nyid ye stong dri ma med pas sbyang// stong gsal ye nas yod pas chub// tshogs bsags sgrib pa sbyang mi dgos// sangs rgyas
125b2 log na bsgrub tu med// ye nas sangs rgyas yin pa la// rang sems rtogs pa sangs rgyas la// sangs rgyas gzhan la re ba med// ye nas lha sku'i rang bzhin la// de la dbang bskur bya mi dgos// rig pa'i
125b3 rgyal po sems la dbang// ting 'dzin sems la dbang bskur na// kun la dbang gyur dbang gi mchog/ rang sems dag pa'i dam tshig la// g.yo sgyu rang gis ma khrel bar// lus ngag yid gsum nyams sgrib
125b4 dag/nyams sgrib mi gtsang sems kyi ngan rtog yin// rang sems rtog med chos sku la// ye dag ye stong ye sangs chen po ste// mi gtsang nyams sgrib gang yang med cing grol// snang stong sku yi rang gzhin la/ snang
125b5 tshad thugs rje chen po'i sku// grag stong gsung gi rang zhin las// nye bar bsgrub pa yig 'bru hriH thun mong 'bru drug 'gro drug skye sgo gcod// sems kyi dam tshig rang gis bsrung/ hrIH'di thugs kyi sa bon
125b6 te// chos kun ma nor byang chub sems su gcig/ snying po ma nor don gyi yig 'bru hriH/ mngon shes rdzul 'phrul stobs dang lung ston sems las byung// thig le gcig la rdzogs pas bsgrub tu med// bde
126a1 gsal ma 'gags 'dzin pa'i blo dang bral// mthar thug 'bras bu'i bsgrub pa'o// 'di ni dong sprugs rang bzhin la/ chos sku gtan la 'bebs pa'i phyir// 'khor 'das gnyis kar gdags bya
126a2 bral// sangs rgyas sems can gnyis su med// rang sems rtogs na dong sprugs rin chen dkyil// phyogs su lhung med lhun gyis grub// rgyu yis nam mkha' 'dra ste bskyed pa med// rgyu las ma mchis skye ba
126a3 med// 'dus ma byas kyi sems nyid la// ye shes nyi ma'i zer 'dra ba// bkag pas mi khegs rang shar yin// gsal byed rig pa 'od dang gsum/ chos nyid dbyings kyi cha la zer/ nam mkha' rlung 'od
126a4 rig dran bzhi// ma nges po na so so 'char/ zhes pas/ 'khor ba dong sprugs kyi rgyud las/ mar las rgyu 'bras la zag su mi gzhug par bstan pa'i le'u ste bcu bzhi pa'o//// yang gar gyi dbang mos zhus
126a5 pa/kye sangs rgyas 'od dpag med/ lta sgom spyod gsum 'bras bu'i don cig/ bdag cag rnam la bshad du gsol// zhes zhus pas/ gar gyi dbang mo nyon cig/ lta sgom spyo 'bras 'dra lugs bstan// dang po
126a6 lus gnad dbug sa bcos sems bzhag/sems kyi gsung thabs zas tshad bstan// lus gnad rnam snang chos bdun ldan// bde la bsten nas mi rtog te// skyes dgu thams mal chos yin no// dran med yid
126b1 la byar med bzhag/kun rdzob ngo bo bden par gzungs// bden gzung thamasacad 'khrul pa yin// stong pa'i rig pa gya gyu chai// stong pa'i cho 'phrul bsam mi khyab// 'byung ba lnga po bstan pa yang// byang chub
126b2 sems kyi ngo bor bstan/dbugs la ldang 'jug gnyis yod de// ldang ni dro ba'i rang bzhin no// 'jug ni drang ba'i rang bzhin no// dbugs ni dgang dang bcad dang rngub dang dbyung/ 'khor lo me long sems
126b3 gtad bzung/lus 'dar g.yang sa shes pa 'dar// rjes dran gsum gyi 'jug par bya// bgo ba zas sgom tshod zin bya// bcu gsum tshig gis dmar thag bcad// skye tsam nyid na skye ba med// mthong ba'i yul
126b4 med de las thong// shes sa thog babs gcod pa med// yul du ma byas rig pas khyab// phyi gsal nang gsal 'od po chai// phyi stong nang stong rgya bo che// phyi rig nang rig khong shar gces// gcig shes kun
126b5 rtags 'khor 'das shes// sems kyi sgo phyed phyi nang snod bcud gsal/ khyab brdal chen po stong par chub// thig ni dang por gnas pa'o// le ni 'gyur ba med pa'o// bsam bya mi bsam par yang bsam mi
126b6 bya/bsam du med do dong sprugs chos// rtog med mnyam nyid chos kyi sku// rtogs na sangs rgyas yin no cog/ dbyings dang ye shes ngos zin pa'i// snang ba'i dngos po ci 'gyur kyang// yid la mi byed 'dzin pa'i
127a1 dri ma dag/thams cad rang shar yin pa'i phyir// phyogs ris med pa lta ba'i gdeng// blta bya lta byed gnyis med par// rig pa ngo bor ma grub pas// rig pa rang chod 'bral med gsal// bde
127a2 ba che la gzhan med yin// sangs rgyas sems las gzhan na med// ma byas mi 'gyur byed pa'i rang bzhin pas// 'khor ba'i thog mtha' bcad cing ye shes ngos bzung ste// gom pa mthu bskyed mthun rkyen
127a3 'dzom// bag chags tshad zung bar do sel// kun spyod yon tan rnam lnga chos// dbyings kyi rgyan du rol pa'o// brtul zhugs spyod pas chags sdang gcod// rig pa'i spyod pas bde ba bskyed// gsang ba'i spyod
127a4 pas drod rtags 'byung// smyon pa'i spyod pas zhen pa bzlog/ phyogs mtshams rnam rgyal bcings grol med// gzhi la bsam zhing bsgom du med// snang ba med pa'i chos nyid ni// ma btsal gzhag na bsgom pa
127a5 yin// lus la 'dzin med lam du bya// zag med ngos gzung bral ba'o// seng ge glang po spre'u dang// bu chung smyon pa mkha' 'gro bzhin// spyod pa lam du bya// zhes gsungs so// 'khor ba dong sprugs kyi rgyud las/
127a6 lta sgom spyod 'bras kyi grol lugs bstan pa'i le'u ste bco lnga pa'o//// slob dpon pad+ma'i bsgyur cing gtan la phab pa rdzogs so//// thugs rje chen po 'khor ba dong sprugs kyi rgyud yang dag pa
127b1 don gyi gdams ngag bcas pa 'di/mkha' 'gro mtsho rgyal la gdams pa rdzogs so// gshin rje dmar nag gnyis la gtad de rgya/ gu ya/ gterargya/ sbas rgya/ so phag shi kha tham/ a+thi+-i/ ye shes khyung grags zhus
so/

CLOSE WINDOW