32b3 /// rgya gar skad du/ shr-I he ru ka ha ya grI ba gu ya ma li tan+t+ra nA mi/ bod skad du/ dpal che ba'i che mchog rta mgrin gsang ba 'dus pa'i
32b4 rgyud ces bya ba// pad+ma dbang gi rgyal po la phyag 'tshal lo// 'di skad bdag gis thos pa'i dus gcig na// nub phyogs bde chen dbang drag rol ba'i dkyil 'khor chen po na// ye shes dang bskal ba'i me dpung
32b5 dmar nag tu 'bar ba'i klong chen mo// 'jigs pa'i dur khrod chen po brgyad kyis bskor ba'i dbus na// thod pa skam rlon rnams lcags kyi gzer gyis bltams te brtsigs pa'i gzhal yas khang chen po na// klu
32b6 brgyad kyi ka gdan// lha brgyad kyi ka ba/ gza' brgyad kyi ka zhu// rgyu skar gyi dral phya ma zhing chen gyi sgo log tsit+ta'i pho to// sbrul chun gyi skyes bu la sogs 'jigs pa'i gzhal yas khang chen po'i dbus na// bdud
33a1 bzhi dang// klu rgyal pho mo dang/ dregs pa ru tra rnams bsnol ba'i steng nyi ma dang zla ba pad+ma'i steng na// dbang chen pad+ma he ru ka gsang ba 'dus pa 'jigs pa'i khro rgyal chen po dang// yum pad+ma gzi
33a2 ldan rnal 'byor ma dang dbyer med bde ba chen po'i ngang du bzhugs so// dbang gi 'khor yang rigs bzhi'i sras dang// sprul pa byi la dang// pu shud kyi mgo can dang// gshin rje dang// ma mo dang/ mkha' 'gro
33a3 dang/las byed lcam dral la sogs pas bskor nas bzhugs so// de'i tshe yum chen mo gzi ldan rdo rje phag mos ha ha hi hi/ ha ya gri ba he he hring hring// zhes rdo rje'i gad mos bskul nas gtso bo la zhus pa/ rang
33a4 'byung dbang gi rgyal po ni// khros pa'i rgyal po he ru ka/ dag dang ma dag 'dus pa'i 'khor// dkyil 'khor gtso dang 'khor du byas// de yang lcam dral dregs pa'i 'khor// dbang bskur dam la gzhag ba'i
33a5 phyir// gar gyi dbang sgyur chen mo mdzod// ces bde ba'i mdangs dang rdo rje'i glus bskul ba dang// de nas gtso bo yab kyis de rnams kyi lag tu rdo rje gtad// yum gyis thod khrag gtad de// rtsa sngags zhabs
33a6 su// e ka dza ti ma hA kro ta hU~M phaT// rag ta tsa mun ti khe na khe na hU~M hU~M pha[ ]Ta phaT// ces brjod pas// dregs can de rnams thams cad rang dbang med par 'dar zhing bred par gyur te// tag rag sha dza
33b1 b+h+yo// yum bdag gis srog gi snying po 'bul na bka' ci 'tshal zhes pa dang/ rta mgrin yab yum gnyis med du sbyar ba'i byang chub sems kyi thig le dam tshig lce la gzhag/ gsang dbang bskur thugs kyi sras su
33b2 byas nas bka'i srungs mar gzhag go/gleng gzhi'i le'u ste dang po'o//// de nas lcam dral gnyis kyis 'di skad zhus so// e ma dpa' bo yab yum sku// nyid kyi lta ba ji ltar lags// dpa' bo yab yum gyi
33b3 bka' stsal pa// snang srid dngos por snang ba kun// nga yi rol ba sku yi rgyan// sgra ru snang ba thams cad kun// nga yi gsung gi rang bzhin yin// sems kyi dran rtog thams cad kun// nga yi thugs kyi longs spyod
33b4 brgyun// thig le byang chub sems nyid la// rig dang ma rig khyad par byung// las dang ye shes gnyis su snang// rig pa'i ye shes mya ngan 'das// 'khor 'das khyad par dbyings su mnyam// las dang ye
33b5 shes gnyis su med// ma 'gags pa ni chos kyi sku// mi dmigs pa ni chos kyi sku// de rtog de la gnas pa yin// sangs rgyas kun gyi dgongs pa yin// da ltar ngas kyang de skad bshad pa yin// zhes gsungs
33b6 so// lta ba bstan pa'i le'u ste gnyis pa'o//// de nas lcam dral gnyis kyis 'di skad zhus so// nyid kyi sgom pa ji ltar lags// dpa' bo yab yum snyam byed skye me dag dod nas dag/ yod med rtag chad
34a1 gzung 'dzin dang// ma btsal bzhag na sgom pa yin// gnyis med stong pa chos dbyings la// ma 'gags dug lnga rnam rtog shar// dbyings nas shar nas dbyings su thim// rang shar rang grol
34a2 sgom pa'i mchog/lha dang kun rtags snang ba yang// dngos por gzung na rtag par go/ lha dang dngos med chos med chos kyi sku// med par gzung na chad par gol// yod med mnyam pa'i ngo bo las// bde
34a3 gshegs 'gro don phyir yang mdzad// skyed rdzogs zung 'jug sgom pa yin// zhes gsungs so// sgom pa bstan pa'i le'u ste gsum pa'o// de nas lcam dral gnyis kyis 'di skad zhus so// nyid kyi spyod pa ji ltar
34a4 lags// dpa' bo yab yum skye 'gro'i gzugs su snang ba kun// gang yin thams cad phyag rgya'i tshogs// nga yi sku yi rgyan du shar// sgra ru grags pa sngags kyi tshogs// nga yi gsung ni sgra skad yin// sems kyi
34a5 dran rtogs thams cad kun// ma lus thugs kyi chos nyid yin// nga yi thugs kyi chos nyid yin// sku gsung thugs su longs spyod pa// 'di yang nga yi spyod pa yin// chos dbyings skye ba med pa las// rig pa ye
34a6 shes gnyis med sbyor// thabs kyi rang bzhin skye med pa// shes rab ma 'gags gnyis med sbyor// 'di yang nga yi spyod pa yin// zhes gsungs so// spyod pa'i le'u ste bzhi pa'o//// de nas lcam dral gnyis
34b1 kyi 'di skad zhus so// nyid kyi 'bras bu ji ltar lags// dpa' bo yab yum bka' stsal pa// rang bzhin med par lhun grub pas// rig pa ye shes chos kyi sku// ma btsal rang shar rang la ye nas gnas// 'di
34b2 yang nga yi 'bras bu yin// longs spyod rdzogs pa sku yi dang// rang las byung zhing rang la thim// 'di yang nga yi 'bras bu yin// 'di ltar snang ba thams cad kun// sna tshogs rang shar sprul pa'i sku// gang ltar
34b3 rtags pa de ltar snang// 'di yang nga yi 'bras bu yin// sku gsum ye nas rang la rdzogs// ma btsal ye nas rang bzhin lhun gyis grub// ma bsgrub rang las byung zhing gnas// 'di yag nga yi 'bras bu
34b4 yin// zhes gsungs so// 'bras bu bstan pa'i le'u ste lnga pa'o//// de nas yang lcam dral gnyis kyis 'di skad zhus so// nyid kyi bskyed rim ji ltar lags// dpa' bo yab yum bka' stsal pa// bskyed
34b5 pa'i rim pa sgrub pa ni// rnal 'byor lta bas thag chod nas// thog mar bkra shis dben pa'i gnas// nub tu kha ltas sa gzhi dmar// kun nas zla gam dbyibs su gnas// me tog dmar po'i snam bu
34b6 chags// rtsi shing yal kha g.yul tha bar// ston pa'i zhabs kyis bcags pa der// dkyil 'khor dang ni mchod rdzas kun// 'od zer kha dog dmar por bya// bla ma lha tshogs bcas pa la// yan lag bdun gyi
35a1 tshogs bsags pa// de bzhin nyid dang kun tu snang// 'byung ba lnga ni rims brtsegs te// b+han d+ha 'bar ba'i gzhal yas khang// smug nag gru gsum gnam sgo can// zla kham mu khyud gru chad
35a2 can// sgo bzhi rgyan ldan khor yug mdzes// klu dang nyi zla pad+ma'i gdan// rang sems hri yi 'phro 'du las// phyag mtshan rdo rje yongs su 'gyur// bdag nyid dpal chen rta mgrin sku// dmar nag zhal gcig phyag
35a3 gnyis pa// g.yas g.yon rdo rje dung dmar dkrug/ zhabs gnyis gdan stengs skyil krung bgrad// spyan gsum smin ma khro gnyer g.yo// zhal bgrad mche gtsigs sma ra ser// dbu skra ral pa gyen la
35a4 brdzes// dbu gtsug rta mgo rta skad 'tsher// sku la dur khrod chas rnams gsol// yum chen gzi ldan sku la sbyor// dmar nag ral gcig phyag gnyis ma// g.yas pa kha T+wAM yab la 'khyud// g.yon pa dung dmar
35a5 gtso la btab// zhabs gnyis yab kyi sku la 'khyud// de ltar sku bskyed gsal ba dang// ska gsung thugs su byin gyis rlobs// ye shes lnga yi dbang mchog bskur// spyan drangs bzhugs gsol phyag 'tshal
35a6 mchod// bstod cing dpal gyi rta skad ston// ma mo rnal 'byor don// thugs rje'i ye shes sems dpa' la// sngags kyi 'phro 'du 'khor lo la// spro bsdu bya zhing bsnyen pa bya// rtsa sngags rjod la yi dam bcas pa'i
35b1 'dzab rdzogs nas// tshogs dang gtor ma'i cho ga bya// dpal gyi bka' srugs lcam dral mchod// 'khor gyi mkha' 'gro lhag mas mchod// gtor ma gtang zhing rta bro brdungs// dkyil 'khor bsdus te stong par
35b2 bsgom// bskyed pa'i rim pa sgrub pa yin// bskyed pa ma hA yo ga'i sgrub pa'i le'u ste drug pa'o//// de nas lcam dral gnyis kyis 'di skad zhus// nyid kyi rdzogs rim ji ltar lags// dpa' bo yab yum
35b3 bka' stsal zhu// bskyed pa'i rim pa bstan pa dang// skad cig dran rdzogs lhar bskyed nas// 'gro nyal 'dug gsum thams cad du// lha yi ngang las 'bral mi bya// gzugs su snang ba rta mgrin sku// sgra ru
35b4 sgrags pa rta mgrin gsung// sems kyi dran rtogs rta mgrin thugs// sku gsung thugs kyi phyag rgya che// yon tan sna tshogs zad mi shes// 'phrin las sna tshogs thogs med spyod// pad+ma dbang gi rang bzhin
35b5 la// bdag kyang snang ba yod ma yin// thams cad dbang gi dkyil 'khor che// ma btsal bzhag pas 'gro don 'grub// yid bzhin nor bu ma btsal rnyed// rta mgrin dbang gi rnal 'byor yin// zhes gsungs
35b6 so// rdzogs pa a nu yo gar sgrub pa'i le'u ste bdun pa'o//// de nas lcam dral gnyis kyis 'di skad zhus// rdzogs pa chen por rang sgrub pa// dpa' bo yab yum gsung du gsol// rta mgrin dbang gi
36a1 dkyil 'khor de// logs na yod pa ma yin te// rang nyid rta mchog skur snang bas// lha nyid rang la rang nyid lha// lha dang rang nyid gnyis su med// sems nyid rtogs na sangs rgyas te// sangs
36a2 rgyas gzhan nas ma 'tshol cig/sku mdog phyag mtshan bzhugs tshul dang// rgyan dang cha lugs yab dang mthun// gtso dang 'khor du bcas pa yang// sems kyi snang ba de ltar yin// sna tshogs gzugs can yid
36a3 las skyes// gang ltar snang ba de ltar snang// sems la rgyu dang rkyen med pa// ma sgrub ye nas rang byung gnas// dam btsal bzhag pas rang sa zin// de ltar rtog na rta mchog dpal// chos nyid don gyi dbang
36a4 chen yin// gzugs 'dzin sku ru 'dzin pa de// grol bar 'dod kyang 'khor bar 'ching// grub par bsgrubs kyang 'grub mi 'gyur// de bas ma btsal bzhag na grol// ma grub lhun grub ngang la zhog/ rdzogs pa
36a5 chen po'i sgrub pa yin// zhes gsungs so// rdzogs pa chen por sgrub pa'i le'u ste brgyad pa'o//// de nas lcam dral gnyis kyis 'di skad zhus// rdzas la brten nas sgrub pa ji// dpa' bo yab yum bka' stsal
36a6 pa// sgrub la rten gyi dam rdzas ni// shugs 'chang dmar zhur thod pa la// dpral bar rta mgrin yab yum bri// 'gram bar las byed lcam dral bri// pad+mar ga dmar por bya// mig dang rna ba gsal bar
36b1 bstod// le brgan dar dang zab kyi rgyan// klad phor nang du bzhugs su gsol// rang sngags tsakra bcas pa dang// las byed lcam dral srog snying ni// le brgan dar la bris pa'am// yang na mthing la mtshal
36b2 gyis bri// pha 'ong long bu shel gyi rdau// pho rgyud dag gi bla rdo yin// mchod dang na chung mtshal khrag ni// mo rgyud mkha' 'gro'i bla rdo yin// le brgan dar gyis gril nas ni// za 'og skud pas bsdam par
36b3 bya// rta thod nang du bla rdo gzhug/ rta thod rta mgrin mnga' gsol bya// dal gyi dbus su gzhag la bsgrub// dgra bgegs sgrol na ling kha gzhug/ rnam shes srog snying spu gris 'debs// nyungs kar la sogs drag
36b4 rdzas la// sngags bzlas rgyun du brab par bya// me 'bar 'od du sgra yang byung// ling kha phyung la las sbyor bya// rta thod bsgrub pa'i rten du zung// srid pa'i pho rgyud mo rgyud thams cad kyis// srog 'du bla gsum
36b5 zil mnan nas// bka' mnyan mi zlog las kun byed// ces gsungs so// phyi rta thod lha la brten nas sgrub pa'i le'u ste dgu pa'o//// le'u bcu pa drel thod la rten nas// bcu gcig pa 'khor lo// de
36b6 nas yang dag bshad par bya// lo bsgrub rnel gri'i snying du ni// rnel gri mo yi thod pa ru// pad+ma ra ga'i mtshal gyis byug/ dbus su gru gsum srog snying bri// rnel gri'i snying du ling kha bcug/ tshon skud dmar pos
37a1 ling kha bcing// le brgan dar gyis thod pa bcing// srog ci bya rgod sgro'i rtsa'am// zangs kyi ga 'ur gzhug par bya// dar gyi dkyil mthings phye la bzhugs// ling kha'i dkyil gyi tshon skud yar
37a2 drangs la// seng ldeng 'dzo mo'i phur pa gnyis// lcam dral gnyis su mnga' gsol bstod// snel thod 'brub khung nag por gzhug/ nyungs kar nyungs nag thun sgrub la// srog rtsa'i nang du thun gyis brab// thod pa
37a3 'phar dang ling kha 'tshegs// 'od dang sgra dang me stag 'phro/ snying nang ling khar phur pa gdab// gtor ma gtang dang sreg pa dang// drag po'i las la sbyar bar bya// rtsa gcig rtsa gcig las 'grub bo// des ma
37a4 'grub na lan gsum bskyar// des ni mi grub mi srid do// ma mo'i snying thun gyi le'u ste bcu gnyis pa'o//// de nas yang dag bshad par bya// khrag dug zor gyis gsad pa ni// rnel gri mo yi thod pa
37a5 ru// mi khrag khyi khrag ra khrag gsum// btsan dug thar nu thang khrom gsum// nyungs kar nyungs nag ske tshe gsum// sbyar la thod par blug nas ni// khrag dug thun du bsgrub par bya// rtags ni thun khrag khol nas
37a6 'ong// dgra yi khang pa dag la brdeg/ rims nad phog na kha phung 'chi// zhes gsungs so// dug thun khrag thun gyis gsad pa'i le'u ste bcu gsum pa'o//// de nas yang dag bka' stsal pa// gsad pa'i
37b1 drag sngags sgrub pa ni// 'brub khung dmar por gsad pa ni// bzhin pa'i sa la 'brub khung bya// bang rim gnyis brtsegs byas pa la// kha gcod dbus su bu gu btod// me la bsregs te tshig par bya// gang la
37b2 bya ba'i ling kha gzhug/drag sngags nyungs kar bsngags te sgrub// rtags ni thun dang ling kha 'tshegs// phur pa btab la me la sreg/ dgra bgegs myur du sgrol bar 'gyur// zhes gsungs so// drag sngags
37b3 nyung kar gyis 'brub khung dmar por gsad pa'i le'u ste bcu bzhi pa'o//// de nas lcam dral gnyis kyis 'di skad zhus// nyid kyi las kyi 'debs thun gang/ dpa' bo yab yum gsung du gsol// phan
37b4 gnod las kyi 'debs kha ni// gang la bya ba'i dmigs dang skyar// ltas ngan ma mo'i gzugs bcas rbad// rmi lam thun brab dgra la rbad// smyo 'bog thang phrom thun gyis brab// ser ba rta bla phur pas
37b5 zlog/thog la thog snying thod par brag/ rang srungs phyi grum zhal bya// char 'dod phur pa glu la gzir// thog ser kha char thun gtor zlog/ rbod gtong gtor ma'i thun gyis zlog/ rmi lam thal mo brdab cing
37b6 bzlog/dus min 'chi bdag bzir// tshe ring bum par tshe bsgrub bya// bsod nams longs spyod rdzas kyis sgrub// rims srungs srung skud ske la gdags// nang 'gras mchod rten dmar por bya// ngag mnan lce
38a1 la phur pas gzir// ngag 'grol lce la rdo rje sgom// klu gtad dmar por rdza ru bya// shugs sgrol nyungs kar gzugs la brdeg/ jag chings mi snying nyungs kar sgrub// dbye ba bya rog 'ug sgros
38a2 bya// dbang sdud zangs kyi ga 'ur sgrub// sel ni dkor rdzas thod ngan sba// las 'debs nyi shu rtsa gcig pa'o// dpa' bo'i lag tu mtshon bskur 'dra// gang la bya ba'i las kun 'grub// ces gsungs
38a3 so// las kyi 'debs kha'i rdzas kyi le'u bco lnga pa'o//// de nas yang dag bshad par bya// las kyi 'debs kha gang byed kyang// dang po rta mgrin yab yum gyi// bsnyen pa'i sngags la rtags phyin bya// rtsa
38a4 sngags brjod// de nas las byed lcam dral sngags// de la dril la bsgrub par bya// trag rag sha dza b+h+yo/ de la sgrub pa shin tu gces// gsad pa spu gri'i sham bu ni// mri hur thums dza// sha truM ma ra ya
38a5 rbad// rta thod thod chen gang sgrub kyang// gsad pa'i sham bu gong dang sbrel// che ge mo tsa kra ma ra ya hU~M phaT// tsa kras gsad pa'i spu gri// trag rag sha dgra'o// ma ra ya tsag tra snying thun rbud// snying thun gyis
38a6 gsad pa'i sngags// mu rag sha tsa mun ti b+h+yo rbad// thun gyis gsad pa'i pu gri'o// ma he du he swAhA phob/ dungs ya swAhA phob/ he tsa du na phob/ ltas ngan dbab po'i mde'u// mu raM mu raM thuM thuM smi yaM thuM swAhA/ rmi lam
38b1 ngan pa dgra la zlog pa// mun ta pa ri ni la swAhA phob// smyo 'bog dbab pa'i mde'u// phro phro hril hril shar shar phob phob// ser ba dbab pa/ raM hril raM hril shar shar phob phob thog ser dbab pa'i
38b2 mde'u// shar shar phob phob sol sil phob nag phob drag tu phob// char dbab pa'i mde'u// badzra li tsa rbad// badzra ki kaM rbad// thog ser kha char gcad pa'i mde'u che ge mo a kar sha ya ho/ a kar sha ya hri/
38b3 dbang sdud 'gugs pa'i las so// sngags kyi le'u ste bcu drug pa'o//// de nas yang dag bshad par bya// dbang chen rta mgrin yab yum gyi// lcam dral bcas pa'i srog 'phrog na// gdong dmar dred kyi thod
38b4 pa ru// yab yum lcam dral sku gzugs bri// dmigs pa'i rten du mkhas pas gzhag/ gtor ma rag ta sman phud gzhag/ rnal 'byor gos dang rgyan la sogs// dmar mo byas la nub tu lta// pad+ma rA ga'i 'phreng
38b5 ba sbreng// thod pa'i lha la dmig pa gtad// yab yum lcam dral dngos su dmigs// shes pa rtse gcig mi 'phrog gzhag/ de la dmigs kyin pa dang// rang nyid rta mgrin skur bsgom ste// las byed lcam dral
38b6 las la gtad// hri b+h+yo trag rag sha dza b+h+yo// dpal gyi rta skad thang gcig gis// khams gsum ma lus dbang du bsdus// ma mo'i b+h+yo skad thang gcig gis// srid gsum gdug pa'i dgra bgegs sgrol// zhes
39a1 gsungs so// phyi ltar srog 'phrog pa'i le'u ste bcu bdun pa'o//// de nas yang dag bshad par bya// nang ltar srog 'phrog sgrub pa ni// dpal chen rta mgrin yab yum dang// sprul pa lcam dral
39a2 bcas pa ste// grub nas dngos grub zhal mthong yang// de la dngos su bzung bas na// las kyi srin po srin mo dang// dngos su mthong dang khyad par med// de nyid sems kyi cho 'phrul yin// sems las ma
39a3 gtogs chos gzhan med// sems las byung zhing sems su spyod// dpa la chen rta mgrin yab yum las// las kyi sgrol ging yab yum yang// mi mnyam mnyam par ye nas gnas// mnyam nyid chen po chos kyi
39a4 sku// srog ni ma nges ting nge 'dzin// snying pa rang dbang med pa'i sngags// dngos su byung nas las la bskul// leb 'debs nyi shu rtsa gcig gis// gang 'dod dmigs pa'i 'phrin las bcol// mchog thun
39a5 dngos grub de las 'byung// zhes gsungs so// nang ltar srog 'phrog pa'i le'u ste bco brgyad pa'o//// de nas yang dag bshad par bya// gsang ba srog 'phrog 'di lta ste// sems nyid ngo bo rta mgrin
39a6 te// logs nas sgom zhing sgrub tu med// rang sems gsal la ma 'gags par// rang byung rang shar cir yang snang// zhi ba spyan ras gzigs su snang// zhal dang phyag ni cir yang snang// sku mdog sna tshogs
39b1 gang snang yang// de dag sems kyi cho 'phrul yin// rang rgyud pa cig sgrub tu med// rang byung rang shar rang sar grol// ngo bo stong pa der 'dug pas// rta mgrin chos sku rang la gnas// rang sems mi 'gags
39b2 shar ba ni// longs spyod rdzogs pa'i rta mgrin yin// rig pa'i rtsal ni ma 'gags shar// sprul pa sku yi rta mgrin yin// sku gsum ma bsgrubs rang la rdzogs// rta mgrin srog thob ma bsgrubs 'grub// ces
39b3 gsungs so// gsang ba srog 'phrog pa'i le'u ste bcu dgu pa'o// de nas yang dag bshad par bya// phyi nang gsang gsum srog thub nas// dgra bgegs la sogs sgrol 'dod na// bdag nyid lha yi skur bsam
39b4 nas// yid kyi 'dzin phur thabs pa na// gsod byed snying gi rtsa ba na// lha srin srog thob gdan la dbab// bstan pa 'jig dang dkon mchog smod// rnal 'byor sku la bsdau ba dang// srog 'phrog bla dang lus
39b5 sems dbral// srog gi yi ge Ni ru gnas// hur thum dza yis snying nas phrol// ma ra ya ni gsad pa'i sngags// srog gcod spu gri 'bru bzhi yis// bla ni 'khyam pa'i rnam bzhi ste// rang dbang med par bsad
39b6 pa yi// phung po bltos pa phyir gzhag nas// ltos med sems dang dbral ba yi// srog gcod bstan srung phyir rtogs// phran tshegs rtsam las byas pa na// sngags pas bdud kyi las byas na// shi nas rdo rje dmyal
40a1 bar ltung// de bas legs par spyad par bya// zhes gsungs so// bsgral ba bstan pa'i le'u ste nyi shu pa'o//// de nas yang dag bshad par bya// nam zhig dus kyi tha ma la// sngags pa nang
40a2 'gros sbod gtong byed// de tshe zab pa'i khyad 'dod na// nad dang gdon dang bsrung ba dang// 'phrin las dmigs pa gang byed kyang// rang nyid rta mgrin skur gsal nas// sus kyang tshugs par mi 'gyur
40a3 te// stong pa'i go cha bla na med// 'di ni bsrung ba'i rgyal po yin// rnam par rtog pa bgegs yin te// bgegs kyang rang gi sems nyid yin// sems nyid rig pa'i rtsa la thob nas// sman pa che mchog gtso bo
40a4 ste// zug rngu 'byin pa bla na med// sems kyi bya ba ma lus rtogs// de ni don dam stong pa'i dbyings// nyams pa'i chad pa byung ba la// mgon btsun de las gzhan med do// zhes gsungs so// zlog srung khyad
40a5 par bstan pa'i le'u ste nyer gcig pa'o//// de nas yang dag bshad par bya// bstan pa bsrung ba'i lcam dral khyed// bstan pa'i rgyu 'di gar gnas pas// dam tshig gnyan po ma 'da' bar// rnal 'byor
40a6 dam chen bstan pa srungs// sangs rgyas bstan pa bshig pa dang// dkon mchog dbu la phangs smod pa dang// rnal 'byor sku la sdau ba'i dgra/ khyed kyis myur du sgrol bar gyis// zhes pas gnyer kha gtad
40b1 do// gtso bo yab yum chos nyid la gnas te// lcam dral gnyis bstan pa'i srungs mar bzhag go/ dpal rta mgrin gsang ba'i 'phrin las// drag sngags gcig pa'i rgyud le'u nyi shu rtsa gnyis pa'o//// sa ma
40b2 ya/rgya rgya rgya/ sbas rgya/ gter rgya/ zab rgya/ gnyan rgya/ dpal rta mgrin yang gsang spu gri'i rgyud stong phrag lnga ba'i nang nas// drag sngags rnam thog gsang ba 'dus pa bzhes bya ba'i rgyud rdzogs so// shin tu
40b3 gsang ba'i rgyud mchog 'di// man ngag las tshogs thems dang byas// lho brag rnam skas brag la sbas// phyi ma'i dus na blo gros can// thugs kyi sras dang 'phrad par shog/ khyi yi lo la rat+na gling pas rnyed// yun
du gsang nas lug lo stag zla la/

CLOSE WINDOW