1a1 pad+ma lha thams cad 'dus pa dpal rta mgrin gyi rgyud ngo mtshar rmad du byung ba/
1b1 rgya gar skad du pad+ma de ba sarba ke tu hri ha ya gri tan+t+ra e ma ho nA ma// bod skad du/ pad+ma'i lha thams cad 'dus pa dpal rta mgrin gyi rgyud ngo mtshar rmad du byung ba zhes bya
1b2 ba// 'phags pa spyan ras gzigs dbang phyug la phyag 'tshal lo// 'di skad bdag gi thos pa'i dus gcig na/ bcom ldan 'das ri bo po ta la'i rtse mo na// me tog dri zhim po sna
1b3 tshogs pas brgyan po// 'dzam bu nA da'i gser gyi mdog dang 'dra ba// rin po che kun tu 'bar ba'i sa phyogs na// dam tshig gis mchod pa sna tshogs bshams nas bzhugs
1b4 te// de'i tshe 'khor na khro bo dang// khro mo dang/ ma mo dang/ mkha' 'gro dang/ ma hA ka la dang/ de bi ka li dang/ ye shes pa dang// 'jig rten pa'i gnod sbyin dang// gter skyong
2a1 gi gnod sbyin brgyad rigs ma dang bcas pa dang// gtsang rigs kyi mgon po bdun cu rtsa gnyis dang// mi dang mi ma yin pa bye ba khrag khrig brgya stong du mas bcom
2a2 ldan 'das la bsti stang du byas// bla mar byas// ri mor byas// mchod cing// bkur sti byas te yongs su bskor nas mdun du byas pa la chos ston te// thog mar dge ba// bar du
2a3 dge ba// don bzang po// tshig 'bru bzang po// ma 'dres pa/ yongs su rdzogs pa/ yongs su gsal ba// yongs su zhi ba/ gsang bas kyang ches gsang ba 'ba' zhig yang dag par
2a4 rab tu ston to// pad+ma'i lha thams cad 'dus pa dpal rta mgrin gyi rgyud ngo mtshar rmad du byung ba las// gleng gzhi'i le'u ste dang po'o//// de nas byang chub sems dpa'
2b1 sems dpa' chen po 'phags pa spyan ras gzigs dbang phyug khro bo chen po 'jigs su rung ba nyid du sku sprul te/bde bar gshegs pa thams cad nyid kyi sku la rdzogs pa byas nas// bcom ldan 'das la 'di
2b2 skad ces gsol to// bcom ldan 'das zhi ba dang/ rgyas pa dang// dbang du sdu ba dang/ tsharabacad par bgyi ba'i de kho na nyid bstan du gsol// bcom ldan 'das kyi bka' stsal pa// legs so legs so rta
2b3 gdong zhal// khyed ni rtse gcig yid kyis nyon// snang srid 'byung ba thams cad kyang// gzhal yas khang gi rang bzhin te// bde gshegs lha tshogs thams cad kyang// dbang chen sku la ye nas rdzogs// 'phrin
2b4 las bzhi dang sku lnga ye shes lnga// de bzhin nyid kyi ngang du rdzogs// zhes gsungs nas/ bdud kyi dkyil 'khor rnam par 'jig pa zhes bya ba'i ting nge 'dzin la snyoms par zhugs nas// sku rdo rje/ gsung rdo
2b5 rje// thugs rdo rje las 'di dag byung ngo// gsang ba chen po dam tshig ces bya'o// dza hU~M baM ho/ dgug pa dang/ gzhug pa drang// bstim pa dang/ dges pa chen po'i dam tshig go/ oM a hU~M/ sku gsung thugs rdo rje'i
2b6 dam tshig go/oM A hU~M haM hri/ dbang rab tu rdzogs pa'i dam tshig go/ ha ya gri ba hri gab/ pad+ma ta krid hri gab/ pad+ma ban d+ha hri gab/ tsan d+ha rag sha hri gab/ hu lu hu lu hU~M b+h+yo hU~M/ bsrung ba chen po'i dam tshig go/ oM
3a1 hu lu hu lu hU~M phaT// e a ra li hri/ khams gsum dbang du sdud pa'i dam tshig chen po'o// oM badzra kro d+ha ha ya gri ba hU~M// hu lu hu lu hU~M phaT/ rtsa ba'i ngasnga gas kyi dam tshig chen po'o// pad+ma kro d+hi sha
3a2 ri badzra kI la ya/ma hA yak+Sha ka la ru pa karma raM raM dz+wa la raM hU~M phaT// bde gshegs thams cad 'dus pa'i dam tshig chen po'o// oM na ga du tsan te tsan te mi li mi li b+han d+ha b+han d+ha na ga ni swAhA// klu gzir ba'i
3a3 dam tshig chen po'o// oM badzra kI li kI la ya tsan d+ha mi ri li tsan d+ha tsan d+he nA ga b+han d+ha ya phaT phaT/ phur pa gdab ba'i dam tshig chen po'o// oM badzra ma hA shu n+ya ta dz+nya na swa b+ha wa A da ma kou0f85haM// de bzhin nyid kyi
3a4 dam tshig chen po'o// oM d+harma d+ha du swa b+ha ba Ad ma kou0f85haM/ kun tu snang gi dam tshig chen po'o// oM badzra tsit+ta hU~M// rgyu'i dam tshig chen po'o// e ya rwa keM raM b+h+ruM/ gzhal yas khang gi dam tshig chen po'o// hU~M kha dge
3a5 lnga'o// oM badzra d+hu pe A hU~M// oM badzra puSh+pe A hU~M// A lo ke/ g+ha n+d+he ne wi d+ye// oM badzra shap+da a hU~M/ oM gu ru sarba ta thA ga ta pu tsa swa b+ha pa A da ma kou0f85haM// mchod pa 'bul ba'i dam tshig chen po'o// oM e h+ye hi badzra
3a6 krod+ha ha ya gri ba mu tra hU~M sarba Ta ki ni hA ba ling ta i dam d+hu paM/puSh+pe/ a lo ke/ g+ha n+d+he/ ne wi d+ye/ ma hA sa ma ya/ rak+ta tsit+ta go ro tsa na// bsu ra ma tha b+haM tha/ na na wa te/ saM b+h+ruM/ raM gr-ih+na hri tsa na khA hi khA hi/ gtor
3b1 ma chen po'i dam tshig chen po'o// ma hA pany+tsa a mr-i ta khA hi// bdud rtsi chen po'i dam tshig chen po'o// sarba sid+d+hi A yu pad d+he na mi ta sid+d+hi pu tra si d+d+hi hU~M hU~M/ dngos grub chen po'i dam tshig go/ tsa kra oM b+h+ruM// tsakra hU~M
3b2 bruM/tsa kra tAM bruM/ tsakra hri bruM/ tsakra ha bruM/ hU~M hU~M hU~M/ bro brdungs pa'i dam tshig go/ hu lu che ge mo A be sha ya/ gzir ba'i dam tshig go/ che ge mo'i laM laM staM b+ha ya staM pa ya/ nag rag sha sa ma ya/ rag sha staM pa ya
3b3 nan/mnan pa'i dam tshig go/ ag nra ye dz+wa la raM kha hI/ sbyin sreg gi dam tshig go/ pad+ma'i lha thams cad 'dus pa dpal rta mgrin gyi rgyud ngo mtshar rmad du byung ba las// gsang ba'i sngags kyi dam tshig chen po'i
3b4 le'u ste gnyis pa'o//// de nas yang bcom ldan 'das kyi sku gsung thugs rdo rje las 'di dag byung ngo// hU~M dbang gi rgyal po khro bo rta mchog dpal// 'phrin las myur mgyogs gar yang thogs
3b5 pa med// drag shul srin po 'dul ba'i don slad du// rta mgrin dbang gi dkyil 'khor ma lus kun// rta gdong zhal gyi phyag rgya spyan 'dren na// dbang gi rta skad 'tsher zhing gshegs su sol// shri pad+ma badzra mu kha
3b6 yo gi shwa ri ha ya gri ba e h+ye hi hri hri/hU~M/ gdul bya drag po thod rus gzhal yas su// ti ra gsar rnying ro gdan bshams pa la// rta mgrin dbang gi dkyil 'khor ma lus kun// rngam brjid 'gyings pa tshul gyis
4a1 bzhugs su gsol// hU~M dbang drag 'joms mdzad srin po 'dul ba'i lha// rta mgrin 'dus pa'i dkyil 'khor lha tshogs la// brkyang bskum srin po'i tshul gyis phyag 'tshal na// thugs rje mchog
4a2 gis bdag la dgongs su gsol// hU~M bde bar gshegs so bcom ldan 'das// bde bar gshegs so khro rgyal gtso// bde bar gshegs so a ra li// rgyal ba rgya mtsho ye shes kyi// srid pa'i rgya mtsho mtha' dag
4a3 kun// kun bzang mchod sprin mchog tu rol// hU~M lha yi rol mo glu bro rol mo gar gyi tshogs// dga' ldan gar gyi longs spyod bsod nams grub pa'i rtags/ mthun par snang ba'i spyod yul dag pa la// mdzes
4a4 par bsgyur ba'i gar dang tshangs pa'i dbyangs kyi glu// mi gnas rol mo'i bro dang thugs dam bskul ba'i mchog/ sprul pa mchog gi rkyen du 'tshams pa'i phyir// bde gshegs 'dus pa'i tshogs la 'bul lags
4a5 na// kun tu bzang po'i ngang dubazhes su gsol// mtshan dang ldan pa'i ban d+ha ru// 'bru bcud dang ni dza gad bcas// raM yaM khaM gi yig 'bru yis// med par stong par rab sbyangs te// dam tshig ye she bkug
4a6 byas nas// gnyis med 'dres nas yig 'bru gsum// dus gsum bde gshegs mchod pa'i rdzas// de phyir rang byung bdud rtsi'i sngags// rang la mchod cing rang la gsol// thod rus me ltar 'bar ba'i gzhal
4b1 yas nas// rta mgrin dbang gi dkyila'akhor ma lus pa// dug lnga sman du bsgyur ba'i mchod pa 'bul// 'phrin las myur mgyogs sid+d+hi stsal du gsol// yab yum gnyis med dgyes par sbyor ba'i rdzas// dbang
4b2 po dbyer med bde ba chen po yi// byang chub sems kyi mchod pa dam pa 'di// gnyis su med pa'i tshul gyis bdag 'bul na// blang dor med dpa'i ngang du bzhes su gsol// srid pa'i gcong snying zad
4b3 par bsgral ba'i phyir// khams gsum nad rnams gso ba gnyen po'i rdzas// bdud rtsi chen po pany+tsa a mr-i ta/ bla med sman pa'i tshogs la 'bul lags na// 'gro ba'i rims nad bcad phyir bzhes su
4b4 gsol// nyon mongs ma rig las kyis 'khrul pa dag/ 'jig rtain skye shi rtsad nas bcad pa'i phyir// dung chen dmar gyis bkang ba'i rdzas rnams 'di/ gnyis su med pa'i tshul gyi 'bul lags na// blang dor
4b5 med pa'i ngang du bzhes su gsol// yid la gdung ba'i rigs ma 'brel ba'i rdzas// yab yum gnyis med thabs dang shes rab ye 'brel yang// zla kham 'du 'bral med pa'i mchod pa 'di// gnyis su med pa'i
4b6 tshul gyis bdag 'bul na// blang dor med pa'i ngang du bzhes su gsol// rang rgyud bshig pa'i phung po gdos pa can// bdag med rgyal ba'i zhing du sbyor ba'i phyir// zhing chen rdzas kyi mchod pa dam pa
5a1 'di// gnyis su med pa'i tshul gyis bdag 'bul na// blang dor med pa'i ngang du bzhes su gsol// lag pa g.yas pa'i sor mo la// yab kyi dpa' bo 'bru lnga bkod// lag pa g.yon pa'i sor mo
5a2 la// yum gyi dpa' mo 'bru lnga bkod// yab yum gnyis med sbyor ba las// rigs lnga'i phyag rgya 'byung ba'i rgyu// g.yon pa rdo rje khu tshur du// g.yas pa'i 'dzub mo bkug nas ni// snying khar bzhag ste bsgom pa
5a3 na// rnam snang dpal gyi phyag rgya'o// g.yas pa'i thal mo snying khar brkyang// g.yon pa'i thal mo sa la gtugs// mi 'khrugs pa yi phyag rgya'o// g.yas pa'i thal mo snying khar brkyang// g.yon pa'i thal mo gan
5a4 rkyal gnas// sbyin pa'i tshul gyis ston pa ni// rin chen 'byung ba'i phyag rgya'o// lag pa g.yas pas g.yon mnan nas// snying khar bzhag ste sgom pa ni// 'od dpag med pa'i phyag rgya'o// g.yon pa'i thal mo snying
5a5 khar brkyang// g.yas pa skyob pa ltar byed pa// gdon mi za ba'i phyag rgya'o// lag gnyis rdo rje bsdams nas ni// mdzub gnyis lcags kyu ltar bkug ste// 'gugs shing 'dren pa ltar byed pa// rig byed lcags
5a6 kyu'i phyag rgya'o// lag gnyis rdo rje bsdams nas ni// gung mo mthe chung rtse sprad pa// mdzub gnyis lcags kyu ltar bkug ste// mthe bong phral nas sgreng ba ni// rta gdong zhal gyi phyag rgya'o// lag gnyis rgyab sbyar
5b1 srin lag sbrail// mthe bong gung mo so sor sbyar// lu gu rgyud kyi phyag rgya'o// lag gnyis mthe bong sbrel pa las// lhag ma shing lo ltar brkyang ste// lta zur g.yos g.yon rkyangs pa ni// rnam rgyal gshog pa'i phyag
5b2 rgya'o// lag gnyis mthe bong sbrel nas ni// g.yas pa'i sor mo bskum byas nas// g.yon pa brkyang ste thur du gzugs// brkyang bskum pa yi phyag rgya'o// lag pa g.yas g.yon thal mo sbyar// rtsa bsnol bug bug
5b3 ltar byas la// dam tshig sbyor ba'i phyag rgya'o// lag pa g.yas g.yon gar bsgyur zhing// kha nas sngags dang tshig zlos pa// glu bro gar gyi phyag rgya'o// lag pa g.yas pa'i ser mo brkyang// g.yon pa'i ser mo phyed
5b4 sleb sbyar// spy-i bor bzhag ste phyag byas pa// spyi gtsug rgyal ba'i phyag rgya'o// rkang pa g.yas bskum g.yon bgrang nas// lag pa thal sbyar phyag byas pa// brkyang bskum srin po'i phyag rgya'o// lag pa g.yas g.yon
5b5 snying khar bsnol// mig gnyis gtsums nas phyag byas pa// mi g.yo bsam gtan phyag rgya'o// g.yas pa'i thal mo snying khar sbyar// g.yon pa'i thal mo snying khar sgrim// ma mo 'dzum pa'i phyag rgya'o// gzhogs
5b6 g.yas sa la bstan nas ni// lag gnyis sa la bsdebs pa ni// klu phrug khros pa'i phyag rgya'o// rkang gnyis long bu sbyar nas ni// lag gnyis thal sbyar tsog pur 'dug/ drang srong tsog pu'i phyag rgya'o// lag pa
6a1 g.yas pa'i thal mo la// mdangs chen phyung nas ltas pa ni// lha mo mdangs kyi phyag rgya'o// lag pa thal mo lus btud nas// gus pa'i sems kyis bskor ba ni// thal sbyar ma yi phyag rgya'o// hU~M/
6a2 dus mtha'i bskal pa me ltar 'bar ba'i klong rum nas// za byed le brgan 'bar ba'i sku// dbang gi 'phrin las rta gdong ljang khu ni// 'od kyi gzi brjid nam mkha' mdangs su che// spyan gy-i gzigs stangs
6a3 'phrin las rnam pa bzhi// sdang mig lta zhing spyan dmar zlog pas ni/ nga med bdag tu lta ba'i khro bo kun// phyogs med zil gyis gnon par thugs dam bskul// zur mig phyed kyis gzi ma dngas rab bstan
6a4 pas// gsang ba yum gyi tshogs rnams ma lus kun// gdung ba'i sems kyis sku la 'khril ba yis// zla kham 'du 'phro'i mchod pa 'bul ba dang// sa ni gnas su ling ka btab pa'i phyir// thogs med zil
6a5 gyis mnan par thugs dam bskul// ngan song yongs su sbyor ba'i gzigs stabs kyis// log 'dren gtan srid 'khyams pa'i yi dags dang// gti mug yongs su rmongs pa'i byol song dang// sdug bsngal
6a6 bzod par dka' ba'i dmyal tshogs gsum// thar lam yang dag dbyings su drang ba'i phyir// 'khor ba'i g.yul las bzlog pa'i thugs dam bskul// dgyes pa'i gzi mdangs zhi ba'i gzigs ltabs
6b1 ni// srid gsum rab 'byams 'jig rten ma lus kun// mnyam nyid dbyings su zil gyis mnan ba'i phyir// zhe sdang khro gtum zhi bar thugs dam bskul// khro rgyal spyan gyi bag chags ma lus kun// log par
6b2 lta ba'i ling tog ma lus bsal ba'i phyir// pad+ma spyan gyis byin rlabs bskyed par bskul// khro rgyal snyan gyi rdo rje khong seng las// gsang ba ma 'gags chos kyi sgra dbyangs kyis// dmigs pa ma chags chos kyi
6b3 sgra la sogs// sgra yis ji bzhin go bar thugs dam bskul// gzhan gyi snyan dang thun mong ma lags te// thugs rje'i snyan gyis nyam thag kun la gsan// ye shes snyan gyis khams gsum la ler
6b4 gnas// thabs kyi snyan gyis bskul ba'i dbyangs la gsan// phyi nang gsang ba'i snyan snyung rdzogs pa yi// ji srid gdul dka' 'dul bar thugs dam bskul// khro rgyal 'bar ba'i shangs kyi klong rum
6b5 nas// dug lnga gsod ba'i tshon lnga ye shes sku// khams gsum sgrol ba'i 'phrin las bcol ba ni// a 'dod chags dbang sgyur dri med pad+ma'i sku// chags pa'i skyon rnams sbyangs par thugs dam bskul// hU~M zhe
6b6 sdang dbang bsgyur skye med rdo rje'i sku// dug lnga'i phung po bshig par thugs dam bskul// oM// gti mug dbang sgyur ye shes 'khor lo'i sku// ma rig rmongs pa bsal ba thugs dam bskul// swa nga rgyas dbang sgyur
7a1 yid bzhin nor bu'i sku// drag po zug rngu 'joms par thugs dam bskul// ha// phrag dog dbang sgyur bde chen gar gyi sku// skye shi rtsad nas gcod pa'i thugs dam bskul// khro rgyal rngam pa'i
7a2 zhal gyi klong rum nas// hoM lnga 'brel ba'i sbyin sreg chen po mdzad// za byed khro bo'i dkyil 'khor ma lus kun// dug lnga gso ba'i mgron du spyan 'dren gyis// rgyud drug gtor mar bzhes par thugs
7a3 dam bskul// pad+ma le brgan cir yang 'gyur ba'i ljags// zla kham 'phro 'du dbyings su 'gyur ba'i gsung// dri med rgyal ba'i gsung rab bdud rtsi'i char// bde chen chu rgyun 'bab par thugs
7a4 dam bskul// thugs ni khro rgya 'bar bar bskyed pa'i lha// phra mo'i ting 'dzin ye shes he ru ka/ rdul gcig steng na rdul snyed sku sprul zhing// chos kyi dbyings kyis bsdus pa'i 'jig rten na// ma rig rmongs pa'i
7a5 gdos pa'i mkha' 'gro dang// rnal 'byor dam la gnas pa'i sgrub pa po// thog ma med pa'i dus nas 'khor ba'i rgyud// gzugs 'dzin rkyen gyi bag chags ma lus kun// gtan nas sbyang bar thugs dam chen po
7a6 bskul// sku yi khro rgyal rngam brjid 'gyings pa'i lha// thod sbrul me ltar 'bar ba'i hU~M sgra can// zhal chen thig le thal chen tshom bus brgyan// sprul ba rgya mtsho skar ltar 'khrigs pa'i sprin tshogs la// dug
7b1 gsum rtogs pa rmongs pa'i sems can rnams// gdug pa ma lus 'dul bar thugs dam bskul// hU~M// thugs dam dbang gis log 'dren stab pa'i phyir// dbu rgyan tshogs kyi thugs dam
7b2 ni// dbang rnams rdzogs pa'i 'phrin las mdzod// rta mchog rol pa'i thugs dam ni// srin po 'dul ba'i 'phrin las mdzod// ye shes sems dpa'i thugs dam ni// mkhyen rab gsal ba'i 'phrin las
7b3 mdzod// phyag mtshan tshogs kyi thugs dam ni// 'gro ba 'dul ba'i phrin las mdzod// gshog pa tshogs kyi thugs dam ni// klu rnams 'dul ba'i 'phrin las mdzod// thod sbrul tshogs kyi thugs dam ni// gdug
7b4 pa 'dul ba'i 'phrin las mdzod// zhabs kyi tshogs kyi thugs dam ni// gzir mnan bskrad pa'i 'phrin las mdzod// khro gnyer tshogs kyi thugs dam ni// tshe gnas gnas pa'i 'phrin las mdzod// dpal chen
7b5 tshogs kyi thugs dam ni// lhun gyi grub pa'i 'phrin las mdzod// oM gu h+ye sid+d+hi// yo gi ni hreM hri b+h+yo b+h+yo/ kha kha le le g+ha na sid+d+ha dz+nyA na sid+d+hi/ ta na sid+d+hi// karma sid+d+ha b+h+yo// rak+Sha sid d+hi b+h+yo// yak+Sha sid+d+hi b+h+yo// a la
7b6 la b+h+yo// zhes bka' stsal te// pad+ma'i lha thams cad 'dus pa dpal rta mgrin gyi rgyud ngo mtshar rmad du byung ba las// mnyes pa'i mchod pa dang bcol ba'i 'phrin las kyi le'u ste gsum pa'o//// de nas
8a1 bcom ldan 'das kyi sku gsung thugs rdo rje las 'di dag byung ngo// lus ni byang chub rnam lnga dang// rtsa dang byang chub sems dang ni// mi gtsang rdzas dang rnam rtog gis/ lus kyi chos ni gnas pa
8a2 yin// dbus ni zla khams e yi dkyil// rtsibs brgyad 'khor lo mtha' bskor lo// rdo rje'i rtsibs la me ri 'bar// gru ljang thod pas pany+tsa 'khrigs// lha rnams thod pas rab tu gang// sgo bzhi ka brgyad ba yu
8a3 mdzes// 'dod yon pa gu dra phyed mda'// gdugs dang ri dgas sgo brgyan mdzes// rigs dang yum dang sems dpa' sgo// rang lus rgyal ba'i dkyil 'khor 'bar// 'dom gang gru bzhir yang dag
8a4 gnas// rak+Sha'i byug pas kun tu khyab// rtsa thig bdud rtsi mtshon gyi mchog/ snying ni pho brang ka brgyad ka// yan lag sgo ba chen po bzhi// so sen ba spu da ras brgyan// lus kyi drod ni me ri 'bar// sma ra ba spu ku
8a5 sha'i gdan// mgo bum skra yi kha brgyan can// rna ba pad+ma'i dar dbyangs can// klad pa byang sems rdzas dang ldan// dbang po gser sogs rin chen lnga// so ni mu tig 'phreng ba ste// phung po lnga ni
8a6 sangs rgyas lnga// 'byung ba lnga ni yum lnga'o// skye mched drug gi sems dpa' drug/ sna tshogs sems ni ngo bor gnas// sems nyid sangs rgyas lhun gyis grub/ chos sku'i rang bzhin chen por gnas// ma 'gags
8b1 longs spyod rdzogs pa'i sku// phyogs bcu'i 'od zer sprul pa'i sku// sku gsum 'bras bu lhun gyi grub// ces bka' stsal to// pad+ma'i lha thams cad 'dus pa dpal rta mgrin gyi rgyud ngo mtshar rmad du byung ba las/
8b2 dkyil 'khor chen por grub pa'i le'u ste bzhi pa'o//// thob dang ma thob thob chen po// thob kyang mi gnas dor bar bya// thob pa la ni bskur mi bya// bam gsang shes rab rin po che// sgra thos mchi ma dga'
8b3 ba skye// dang pa shes rab snying brtser ldan// brtson grus bdud kyis mi 'phrog par// dkyil 'khor rdzas dang yang dag ldan// me long brda ldan ka pa la// dam tshig ye shes rdzogs par bskyed// dza hU~M baM
8b4 ho// oM A hU~M// oM hU~M trAM hri a/ sgrol ma la sogs lha mos su// yab yum snyoms 'jug byang sems kyis// 'khor lo bzhi gang bde nyams dran// chos rnams chu zla gzugs brnyan dang// 'ja' tshon brag cha smig rgyu
8b5 brtag/rigs kyi bu yis yang dag bzung// zhes bka' stsal to// pad+ma'i lha thams cad 'dus pa dpal rta mgrin gyi rgyud ngo mtshar rmad du byung ba las// dbang bzhi bskur ba'i le'u ste lnga pa'o//// de nas
8b6 yang bcom ldan 'das kyis sku gsungs thugs rdo rje las 'di skad ces bka' stsal to// kye// rta mchog khro bo'i tshogs chen po// ngan song lam rnams brlag pa dang// 'gro drug g.yeng sa bcad pa
9a1 dang// sngags kyi bar chad gdul ba dang// gdug pa'i tshogs rnams bsgral ba'i phyir// khro chen 'bar ba'i bro rdungs shig/ de nas thugs rje'i stobs chen pos// yig 'bru gnas su
9a2 bkod byas te// khro bo'i che ba hU~M brjod pas// rdo rje 'bar ba'i sa gzhi la// dug gsum bdal ba'i dkyil 'khor du// rta mchog rol pa'i bro brdungs pas// khro bo'i sprin gyi rta bro ste// tshom bu 'bum gyi phyogs
9a3 phyogs nas// rol pa'i rta bro chems se chems// rta bro 'khor gcig dang po la// khro bo'i bdud 'dul rol pa'i bro// zhe sdang rus pa'i ri rab 'joms// rta bro khor gcig bar pa la// gzi ldan mdzes
9a4 mchog yum gyi bro// 'dod chags khrag gi rgya mtsho skems// rta bro khor gsum tha ma la// sprul pas gdug pa 'dul ba'i bro// gti mug rkang rnam sbubs nas 'dren// hU~M hU~M hU~M hU~M/ hU~M hU~M hU~M/ ngan song gsum gyi phung
9a5 po la// dpa' bo 'bru lnga 'phra bkod pas// rgyud drug 'bros khung gcod pa'i rgya// lus ngag sems kyi sa gzhi la// yid 'bru 'khrug pa'i bro brdungs pas// dug gsum rdul phran bzhin du 'jig/ phung po khams
9a6 dang skye mched dang// sku gsung thugs dang mnyam sbyor bas// phyag rgya chen por da sbrul cig/ tshon lnga rgyas pa'i dkyil 'khor du// khams gsum 'khor ba'i bro brdungs pas// 'khor los sgyur ba'i rgyal por
9b1 bshad// thig le gsang ba'i dkyil 'khor du// rdo rje las kyi bro brdungs pas// dbang phyug gar gyi rgyal por 'gyur// he tshogs 'dus pa'i dkyil 'khor du// dpral ba rdo rje bro brdungs pas// dgra
9b2 bo'i klad pa'i rgya srubs lags// ma tshogs 'dus pa'i dkyil 'khor du// rkang pa phur pa'i bro brdungs pas// bgegs dang 'byung po'i snying la brdung// 'phra men 'dus pa'i dkyil 'khor du// rmig
9b3 pa lcags kyi bro brdungs pas// dam srin rnams kyi snying la brdung// gying chen 'dus pa'i dkyil 'khor du// 'khor lo mtshon cha'i bro brdungs pas// srin po bdud kyi snying la brdung// pho nya 'dus pa'i dkyil
9b4 'khor du// sgam pa rgyab kyi bro brdungs pas// rgyab nyal rkun po'i snying la brdungs// tshogs dpon 'dus pa'i dkyil 'khor du// yungs ka ra ser ba'i brdungs pas// dam tshig nyams pa'i snying la
9b5 brdung// tsakra oM bruM/ tsakra hU~M bruM// tsakra traM bruM/ tsakra hri bruM/ tsa kra a bruM/ hU~M hU~M hU~M/ de nas yang 'khor ba'i rgyud dag la// las dang nyon mongs sbya nga ba'i phyir// thugs rje shugs kyis 'joms pa zhes bya
9b6 ba'i bdud 'dul rol ba'i bro brdungs pa 'di lta ste/hU~M// zhing bcu bsgral ba'i phung po la// gtum chen rngam pa'i sgra sgrog cing// dbang mchog rta skad tse re re/ khros pa'i 'brug sgra 'u ru ru// dpal gyi rngam sgra di
10a1 ri ri// rol ba'i rta bro chems se chems// gsang ba'i spyugs pa kyu ru ruka// bskal ba'i glog 'gyu ljibs se ljibs// rdo rje thog 'bebs lam se lams// hU~M gis dbang rgyud zhing khams
10a2 g.yo// phaT kyi khro sprul lo ga khyab// raM gyis me 'bar stong khams bsreg/ gcan gzan mun pa sprin ltar gtibs// kang ka 'dab chags skar ltar 'khrug/ sngon gyi thugs dam bskang ba'i phyir// kun tu bzang
10a3 po'i mkha' dbyings su// khams gsum yongs sgrol mdzad pa'i phyir// rus pa'i phung po ri rab la// gcan gzan mche ba'i bro brdungs pas// bdag lta'i zhe sdang phung po bcom// rak+ta'i rgya mtsho 'khyil ba
10a4 la// ma tshogs 'dus pa'i blo brdungs pas// 'dod chags dngos po rtsad nas gcod// sha chen phung po skungs pa la// 'dab gshog rgyas pa'i bro brdungs pas// da'o snyam pa'i nga rgyal 'joms// dbang po'i yan
10a5 lag tshogs pa la// sder chags 'dus pa'i bro brdungs pas// gzhan du rtog pa'i phrag dog 'joms/ dbul 'byin rkang snum chen po la// rdo rje chu yis bro brdungs pas// gti dmug rmongs pa'i ngo bo
10a6 'joms/// sku gsum thugs kyi dkyil 'khor du// dug gsum 'joms pa'i bro brdungs pas// sngon gyi thugs dam chen po skongs// ma bdun mkha' 'gro'i dkyil 'khor du// stan 'gan rol ba'i bro brdungs
10b1 pas// rnal 'byor rkang pa'i cho ga rdzogs// dbang chen gar gyi dkyil 'khor du// bdud bzhi 'dul ba'i bro brdungs pas// khams gsum bsgral ba'i cho ga rdzogs// phyag brnyan 'tshogs pa'i dkyil
10b2 'khor du// bka' las 'das pa'i bro brdungs/ tu tra mnan pa'i cho ga rdzogs// sum b+ha ni ha la ha la hU~M phaT/ sti ta ya sti sta ya/ ni ka rgyug sha/ ma raM kha hi ma raM kha hi/ de nas yang khro bo chen pos 'bras bu'i phung
10b3 po lnga gzhom pa'i zho ral// dam la mi gnas pa'i ma mo dang mkha' 'gro ma dbang du bsdu ba'i phyir// ma mo 'khrug pa'i bro chen po'i brdungs pa 'di lta ste// hU~M/ me long lta bu'i ye shes kyis// thams
10b4 cad gzugs brnyan bzhin du gsal// gsal ba'i don dang 'gal byed kun// ma mo 'khrug pa'i sa gzhi la// khro bo dka' thub smyon ba'i bro// brdungs pas srid gsum zil gyis gnon// mnyam pa nyid kyi ye
10b5 shes kyis// thams cad mnyam par rtog pa la// mnyam pa'i don la 'gal byed kun// ma mo 'khrug pa'i sa gzhi la// khro bo dka' thub smyon pa'i bro// brdungs pas dug gsum phung po brlag/ so sor rtog pa'i
10b6 ye shes kyis// mtshan nyid med par rtogs pa la// rtog pa'i don dang 'gal byed kun// ma mo 'khrug pa'i sa gzhi la// khro bo dka' thub smyon pa'i bro// brdungs pas khams gsum dbang du sdud// bya ba grub pa'i
11a1 ye shes kyis// thams cad lhun gyis grub pa'i sku// grub pa'i don dang 'gal byed kun// ma mo 'khrug pa'i sa gzhi la// khro bo dka' thub smyon pa'i bro// brdungs pas dmyal khams zas su
11a2 za// chos kyi dbyings kyi ye shes kyis// thams cad dbang du 'dus pa la// dbang dang 'gal byed chen po'i tshogs// ma mo 'khrug pa'i sa gzhi la// khro bo dka' thub smyon pa'i bro// brdungs pas 'khor
11a3 ba'i chu bo sgrol// sum b+ha ni ha la ha la hU~M phaT// de nas yang khro bo chen pos mya ngan las 'das pa'i rtogs pa thams cad thugs rje chen po nyi ma'i 'od dang 'dra ba des gzhom pa'i phyir// ye shes lngas brgyan
11a4 pa'i bro chen po brdungs pa 'di lta ste// hU~M kun tu bzang po'i mkha' dbyings su// bde mchog rol pa'i bro brdungs pas// rgyal ba stong gi dkyil 'khor du// khro bo sprin gyi rta bro ste// tshom bu 'bum gyi phyogs phyogs
11a5 nas// rol ba'i rta bro chems se chems// rta bro kho ra gcig dang po la/ kho bo sprin gyi bro brdungs pas// dus gsum rgyal ba rol ba mdzad// rta bro khor gnyis bar ba la// bkra shis lha mo dbang bsdus
11a6 nas// rigs kyi yum la rol ba mdzad// rta bro khor gsum tha ma la// ma srid rgya mtsho 'khor bsdus nas// 'phra men kun la rol ba mdzad// snang la pad+ma rol pa'i bro// chags pa med pa'i tshul gyis
11b1 brdungs// de nas sher rab thabs kyi bro// b+ha ga'i dkyil du ling kas brdung// de nas dbang po yum gyi bro// lha mo brgyad la thabs kyis rol// de nas gdul bya dbang gi bro// rta mgrin rgyal po'i 'khor
11b2 la brdung// de nas mos pa bskyed pa'i bro// ma sring rgya mtsho'i tshogs la brdung// de nas sdud byed thabs kyi bri// phyogs bcu'i rnal 'byor ma lus sdus// las la bor ba gnas kyi bro// rgyud drug rnam shes
11b3 dbyings su sdud// la la rdo rje pad+ma'i bro// phyag rgya chen por rgyas 'debs pa'o// la la ye shes rol pa'i bro// ma skyes dbyigs la ye shes rol// 'di ni sku gsung thugs kyi bro// pad+ma gsang ba'i thugs
11b4 dam skongs// de nas yang khro bo chen pos mi mthun pa'i phyogs 'chi bdag gshin rje la sogs pa dbang du bsdu ba dang// bdud bzhi gzhom pa'i lang ka mnan pa'i bro chen po 'di lta ste// hU~M// dur khrod gsang
11b5 chen dkyil 'khor du// lang ka chen pong bsgral ba la// khams gsum ma lus dbang du sdud// dbang drag 'joms pa'i dkyil 'khor du// rta bro khor gsum chems se chems// rta bro khor gcig dang po
11b6 la// hoM khung nag po gru gsum du// bdud dang srin po ma lus kun// zhabs kyi 'og tu rdul phran bzhin// rta bro khor gnyis bar pa la// bar snang khams kyi gnod sbyin mo// zhabs kyi 'og tu rdul phran
12a1 bzhin// rta bro khor gsum tha ma la// 'byung po'i tshogs dang dgra dang bgegs// bka' las 'da' ba'i dam nyams kun// 'og tu rdul phran bzhin du brlag/ bro ni gziramanan drag po ste// glu
12a2 ni ma srid dbang du sdud// tshig ni dam las 'da' 'khor brjod// dur khrod brgyad kyi dkyil 'khor du// khro bo chen po'i bro brdungs pas// stong gsum khor yug 'jig pa skad// rab 'byams srid pa mtha' nas
12a3 g.yo// khro bo chen po'i bro brdungs pas// srid pa gnam sa 'gyur ba bzhin// nyi zla gza' skar thal bar brlag/ 'apra men mang po'i bro brdungs pas// ri rab mang po nyil la khad// 'jig rten kun kyang 'gul
12a4 cing ldeg/pho nya mang po bro brdungs pas// gnam lcags drag po mang po ltung// bar snang kun kyang me ltar 'bar// rnal 'byor lcam dral bro brdungs pas// bskal pa'i 'brug sgra chen po ltar/ khams gsum
12a5 ma lus g.yo zhing 'gul// 'di ni dpal gyi bro chen po// dpal chen thugs dam bskang ba'i phyir// khro bo grub nas rta bro bskor// bdud rnams 'dul ba'i gnyen po'i bro// chos kyi 'khor lo bskor ba'i bro// bde
12a6 mchog longs spyod grub pa'i bro// las rnams grub par byed pa'i bro// dngos grub chen po len pa'i bro// ma mo mkha' 'gro rten pa'i bro// dregs pa pho mo 'khor ba'i bro// gdug pa ma lus 'dul
12b1 ba'i bro// rnal 'byor gsung gi dkyil 'khor du// lta sgom spyod pa glu dang bro// glu bro dam tshig mchog tu bsngags// rgyun mi bcad par rten cing sgrub// pad+ma'i lha thams cad 'dus pa dpal rta mgrin gyi rgyud ngo
12b2 mtshar rmad du byung ba'i las// bro chen po brdungs ba'i le'u ste drug pa'o//// de nas yang bcom ldan 'das kyi sku gsung thugs rdo rje las byung ba// shes rab snying rjer ldan pa yi// thabs dang shes rab
12b3 gnyis med las// bden pa gnyis las tshogs gnyis bsag/ bskyed dang rdzogs pa'i rim pa sgom// dam tshig bla ma mgo ltar bkur// dkyil 'khor gsum gyi bdag nyid la// tshogs gsum rgyun du dbul
12b4 bar bya// gdos pa can gyi ru dra de// rtogs bral chu zla lta bu'o// rang bzhin med pa chos kyi sku// snang ba ma 'gags sprul pa'i sku// gnyis su med pa longs sku'o// sku gsum dbyer med mthong ba ni// phyag rgya
12b5 chen po'i dngos grub thob// gang zhig snang ba 'gegs byed pa// stong pa 'ba' zhig lhur blangs nas// las dang 'bras bu spong byed pa// de ni byis pa'i rang bzhin can// mnar med pa ni spyi gtsug 'gro/ stong
12b6 nyid don dang mi ldan par// snang ba'i mtha' la mngon zhen bya// 'bad pa rnams kyis bcings gyur te// ngan song gsum du rtag tu 'khor// gnyis med zung 'jug mthong ba ni// yang dag don gyi lta ba'o// sprul
13a1 pa'i 'khor lo lte ba nas// raM las byung ba'i 'od zer gyis// rlung gi sgor drangs mar brdungs te// slar thim 'od kyi 'byung 'jug gi/ sdig sgrib bag chags bsreg par bya'o// chos kyi 'khor
13a2 lo'i lte ba nas// 'od zer lnga ldan hU~M las mi// 'ja' tshon lta bu'i 'od byung nas// pyi nang 'gro 'ong dbugs dang bstun// gsang ba bde skyong 'khor lo ni// yab kyi gsang bar oM dang ldan// yum gyi gsang bar
13a3 a las ni// rang gi mdog can muM du gyur// oM dang muM gnyis ldan byas te// rtsa ba'i sngags dang byang chub sems// gnyis su med pa'i rang bzhin las// mgal me lta bur 'khor nas kyang// dkyil
13a4 'khor ltar snang 'phreng bzhin dbul// snying rje chen pos sems can bskyang// rang lus mi gtsang sbu ba ltar// bdud rtsi mi dmigs rgya yis gdab// sangs rgyas sems can mnyam pa la// dus
13a5 gsum mnyam nyid skye ba med// cir yang ma yin ngo bo nyid// de bzhin lha yi rtog pa yang// grub pa ma yin chos kyi sku// chu zla lta bur longs sku ste// 'od zer 'byung sprul pa'i sku// sku gsum dbyer med zung du
13a6 'jug/gsang ba'i dkyil 'khor phyir mi ston// dkyil 'khor gsum dang 'bral mi bya// log lta le lo che ba dang// gsang ba mi thub phyir la dor// pad+ma'i lha tha cad 'dus pa dpal rta mgrin gyi rgyud ngo
13b1 mtshar rmad du byung ba las// gsang ba las kyi rim pa bstan pa'i le'u ste bdun pa'o//// de nas yang bcom ldan 'das kyi sku gsung thugs rdo rje las 'di dag byung ste// phyi dang nang gi 'byung
13b2 ba lnga// shes rab yum gyis thugs dam bskul// phung po lnga yi bdag nyid 'di// bde gshegs rigs lnga'i tshogs su bstim// khams dang skye mched bcu gnyis sogs// rta mchog 'bar ba'i tshogs su
13b3 bstim// rnam par shes pa'i tshogs brgyad ni// ye shes sems dpa'i tshogs su bstim// dbang po lnga yi 'khor bcas 'di// sprul pa rgya mtsho'i tshogs su bstim// gzugs sgra la sogs 'dod yon lnga// khams
13b4 gsum rnam rgyal tshogs su bstim// nyon mongs lnga yis 'khor bcas 'di// khro rgyal 'bar ba'i tshogs su bstim// khong pa dur khrod gzhal yas khang// bde gshegs 'dus pa'i gnas su bstim// glo snying rgya
13b5 long la sogs snod bcud 'di// sgo bsrung 'khor dang bcas la bstim// pags chen sdug bsngal gsob kyi tshogs// khro rgyal zhing gi na bzang bstim// tshangs pa bsgral ba'i phung po yis// bde
13b6 gshegs spyan gyi thugs dam bskang// brgya byin bsgral ba'i phung po yis// dpal chen zhal gyi thugs dam bskang/ bdud kyi rgyal po brgyal ba yis// dpal chen mche ba'i thugs dam bskang// mahA dA+e ba bsgral
14a1 ba yis// dpal chen snyan gyi thugs dam bskang// nyi zla bza' skar bsgral ba la// dpal chen shangs kyi thugs dam bskang// srin po bsgral ba'i phung po yis// rta mchog ljang khu'i thugs dam
14a2 bskang// gshin rje bsgral ba'i phung po yis// dpal chen mdzod pu'i thugs dam bskang// glang chen bsgral ba'i phung po yis// dpal chen gshog pa'i thugs dam bskang// nyan thos pho mo bsgral ba la// ye
14a3 shes sems dpa'i thugs dam bskang// dur khrod spyod yul ci 'dra bar// ti ra gsar rnying zhing chen tshogs// keng rus spungs pa'i ri rab la// dpal chen zhabs kyi thugs dam bskang// nyon mongs lnga dang
14a4 bcas pa'i phung po lnga// sdug bsngal nad dang bcas pa'i pung po lnga// 'dod chags rkyen dang bcas pa'i dbang po lnga// sku lnga chos lnga dbyer med ye shes lnga// kun tu bzag mo'i mkha' dbyings bde ba
14a5 la// mnyam pa nyid kyi mchod pa chen po 'bul// a a hU~M// sa ma ya/ sa ma ya/ ha ha he/ ha ha he// ma ta kha/ ma ta kha/ ka rug sha/ ka rug sha/ ma le/ mu la le/ kha hi/ ta le tu le kha hi/ krod+hi shwa ri a la la
14a6 ho// ma ku ta dang gu gul dang// shing kun rak+ta gsum dang dug/ thal chen thog lcags dug bya'i mdongs// 'bru gsum sder mo khra dang glag rin chen shing// pho mo gang bsrung khro tsho re// byol song brgyad dang nyi
14b1 shu gcig/sde brgyad gang yang 'da' mi nus// drag po'i las la mchog tu shis// rdo rje lta bu'i sbyor ba'o// pad+ma'i lha thams cad 'dus pa dpal rta mgrin gyi rgyud ngo mtshar rmad du byung pa las// shes rab chen
14b2 po'i rtogs pas bdag bsgral ba dang/snying rje chen po rtogs pa'i gzhan bsgral ba dang// bsrung ba rdzas kyi 'khor lo bstan pa'i le'u ste brgyad pa'o//// de nas khro bo chen po rta mgrin gyis thams cad
14b3 zil gyi mnan pa'i stobs che gsum gyis thams cad dbang du bsdus nas// phyogs bcu'i lha mo rnams la lhag pa'i mchod pa phul nas// rdo rje 'dzin pa rnams kyi dam tshig la bkod do// de nas bcom ldan
14b4 'das kyis khro bo chen po la bstod pa// bde gshegs thams cad 'dus pa'i lha tshogs ni// dbang gi bdag nyid dpal 'bar khro rgyal mchog/ rta skad gsum gyis bgegs 'dul mkha' 'gro sdud// drag po'i
14b5 mtshon gyis zhing bcu sgrol bar mdzad// chags pa dam pas chags pa dbyings su stob// thugs rjes sems can mi gtong gnyis med sgrol// sgyu 'phrul chu zla lta bu'i thugs rje yis// 'jig rten dbang po nyi zla
14b6 ltar snang gsal// gtum chen me ltar 'bar ba'i sku mnga' ba// rta mgrin 'dus pa'i sku la phyag 'tshal bstod// ces bstod pas 'khor rnams ngo mtshar skyes nas// bcom ldan 'das kyi sku gsung thugs la
15a1 mngon par bstod do// pad+ma'i lha thams cad 'dus pa dpal rta mgrin gyi rgyud ngo mtshar rmad du byung ba las// bstod pa'i le'u ste dgu pa'o//// pad+ma'i lha thams cad 'dus pa dpal rta
15a2 mgrin gyi rgyud ngo mtshar rmad du byung ba zhes bya ba rdzogs so//// slob dpon pad+mas rgyal po khri sring lde btsan la gnang ba'o// oM na thugs gter gyi bdag po// man ngag lcang ra ba nas brgyud pa
dge/

CLOSE WINDOW