342b2 / rgya rgya rgya//// rgya gar skad du// shrI ha ya gr-i ba tan tra ya de nA ma// bod skad du/ dpal rta mgrin gyi rgyud phyi ma zhes bya ba// bcom ldan
342b3 'das rta mgrin dbang gi sku la phyag 'tshal lo// 'di skad bdag gis thos pa'i dus gcig na// bcom ldan 'das pad+ma rigs kyi sangs rgyas shin tu rnam par dag pa// pad+ma rigs kyi pho brang rgya khyon dpag tu med pa
342b4 na// 'khor spyan ras gzigs dbang phyug la sogs pa// byang chub sems dpa' tshogs dang khro bo dang// khro mo dang// sbrul pa dang/ yang sprul gyi lha tshogs dpag tu med pa rnams dang thabs gcig tu bzhugs
342b5 so// de'i tshe pad+ma gsung gi dbang phyug gis// pad+ma rigs kyi sangs rgyas la// phyag btsal bskor ba byas nas ni// e ma ho sangs rgyas bcom ldan 'das// pad+ma dbang gi rgyud chen po// bsnyen sgrub la sogs
342b6 bcas pa rnams// bdag cag rnams la bshad du gsol// zhes zhus pa dang// de nas bcom ldan 'das pad+ma rigs kyi sangs rgyas kyis// khams gsum dbang du sdud pa'i ting nge 'dzin la zhugs pa
343a1 dang// dpal rta mgrin yum gsang ba'i ye shes dang// sras pad+ma gar gyi dbang phyug dang// sras mo pad+ma gar gyi dbang phyug ma zhes bya ba dang// yab yum sras dang bcas pa bzhengs nas// dbang
343a2 gi rta skad thengs gsum gyis khams gsum dbang du bsdus// srid gsum zil gyis mnan nas dregs pa can thams cad tshar bcad par gyur to// rta mgrin dregs pa tshar gcod kyi rgyud las// gleng gzhi'i
343a3 le'u ste dang po'o//// de nas pad+ma rigs kyi sangs rgyas le// gsung gi dbang phyug gis 'di skad ces zhus so// dbang chen lha bzhi'i bsgrub pa la// dang po bsnyen pa ji lta bya// de skad gsol ba gsan
343a4 nas kyang// pad+ma rigs kyi sangs rgyas bka' stsal pa// dad dang snying rje brtson 'grus can// pad+ma dbang chen sgrub 'dod pas// dben zhing yid 'ong nyams dga' bar// sa bdag klu gnyan
343a5 zhi bya'i phyir// mchod sbyin gtor ma rgyas par btang// bkra shis legs pa'i sa blangs la// maN+Dal zla gam gru bzhi bya// dri sna'i skyang nul legs byas la// me tog dmar po'i tshom bu dgram// rta
343a6 mgrin sku gsung thugs kyi rten// mchod rdzas phyi nang bshams nas ni// bde ba'i sten la 'dug byas nas// thog mar byang chub sems bskyed la// rten la tshogs sogs mchod par bya// tshad med rnam bzhi sngon
343b1 btang la// skad cig stong ba'i ngang las kyang// rta mgrin sku ru gsal byas la// thugs kha nyi dal hriHbsam la// hri yi 'od zer hU~M 'phros pas// rdo rje phra mo'i 'phro 'du las// phyogs mtshams rdo rje'i rtsig pa
343b2 la// steng 'og rdo rje'i gur dang sa// srid pa'i rlung gis mi thar sgom// phyi rim bskal ba'i me ri sgom// de ni bsrung ba'i 'khor lo'o// de nas thugs ka'i hri las ni// yi ge smug nag brum 'phros pas// rin
343b3 chen sna lnga gzhal yas khang// sgo bzhi rgyan dang bcas par sgom// nyi zla pad+ma'i gdan stengs su// hri yi 'phro 'du'i sbyor ba las// bde gshegs mchod cing 'gro don bya// tshur 'dus gser gyi rdo rjer gyur// de yi
343b4 'phro 'du'i sbyor ba las// bdag nyid rta mgrin skur bsgoms te// sku mdog dmar po bye ru 'dra// zhal gcig pa la phyag bzhi pa// dbu gtsug rta mgo ljang zhu 'tsher// g.yas g.yon dang po yum la
343b5 'khyud// dbang sdud phyag rgya gdengs pa'o// g.yas g.yon rdo rje pad+ma bsnams// dbu rgyan rin chen rigs lngas brgyan// sbrul dang thod pa'i rgyan gyis brgyan// zhabs bzhi nyi zla pad+ma'i gdan// gsang ba ye shes
343b6 mkha' 'gro ma// dmar mo zhal gcig phyag bzhi ma// g.yas g.yon dang po yab la 'khyud// g.yas kyi 'og ma gri gug la// g.yon gyi 'og ma thod khrag stob// zhabs gnyis brkyang bskum yab la 'khril// rus
344a1 pa'i rgyan drug sku la brgyan// yab yum gnyis kyi zhabs 'og na// mkha' 'gro rigs bzhis 'degs par sgom// yab yum gnyis med dbu gtsug na// sangs rgyas snang ba mtha' yas ni// sprul sku
344a2 mnyam gzhag sku mdog dmar// rigs kyi bdag pos rgyas gdab sgom// thugs khar 'jig rten dbang phyug ni// sku mdog dmar po pad+ma 'dzin// ye shes sems dpa'i tshul du sgom// de nas yab kyi thugs ka
344a3 nas// hU~M dmar g.yas phyogs 'phros pa la// pad+ma gar dbang sku mdog dmar// g.yas g.yon rdo rje pad+ma bsnams// zhabs gnyis nyi zla pad+ma la'o// yum gyi thugs kha'i hU~M las g.yon// pad+ma gar gyi dbang mo
344a4 yum// g.yas pa gri khug g.yon thod pa// zhabs gnyis nyi zla pad+ma'o// yab yum bzhi yi skur sgom la// khams gsum dbang du sdud pa dang// srid gsum zil gyis gnon pa dang// srid gsum las la 'khor
344a5 ba bsgom// de nas ye shes lha bzhi pa'o// 'og min gnas nas spyan drangs la// gnyis su med par gzhug cing bstim// phyag 'tshal mchod cing bstod pa bya// de nas bsnyen pa 'bul ba ni// oM pad+ma d+ha ra
344a6 hU~M// dbu gtsug snang ba mtha' yas kyi// thugs las 'od zer dkar po 'phros// oM ma Ni pad+me hU~M// thugs ka'i spyan ras gzigs dbang gi// thugs kha'i 'od zer dmar po 'phro// oM pad+ma ta kri da hU~M// sku
344b1 yi snying po 'bru drug pa// oM ha ya gr-i ba hU~M// gsung gi snying po 'bru drug pa'o// oM ma hA kro d+ha hU~M/ thugs kyi snying po 'bru drug pa'o// oM ha ri ni sa hU~M// yum mkha' 'gro'i snying po 'bru drug pa'o/ yab yum bzhi
344b2 yi thugs ka nas// sngags kyi 'od zer dmar nag 'phros// phyogs bcu'i bde bar gshegs pa la// sngags kyi 'od zer phog pa yis// sku gsung thugs la mnyes mchod 'bul// khams gsum 'gro drug
344b3 sems can la// 'od zer phog pas sgrib pa sbyangs// pad+ma dbang gi lhar gyur nas// kun kyang rang sngags sgrogs par sgom// dus kyi bsnyen pa zhag zla lo// ji tsam 'grub par bsgrub par bya// grangs kyi bsnyen
344b4 pa brgya stong khri// ji tsam 'grub dang dam bcar bzung// mtshan ma 'grub pa lta yi rtags// sku rtags 'od dkar nyams dga' dang// gsung rtags sgra snyan sgrog pa dang// thugs rtags dri zhim 'byung ba
344b5 dang// sku rtags lha yi zhal ston dang// gsung rtags lung ston chos 'chad dang// thugs rtags chos nyid rtogs par 'char// sku rtags lus kyi nad sos dang// gsung rtags ngag la nus pa 'byung// thugs
344b6 rtags dug lnga khong du song// de ltar rtags rnams thon par sgrub// ces gsungs so// rta mgrin dregs pa tshar gcod kyi rgyud las// bsnyen pa'i skabs te dang po'o//// de nas yang dag bshad bya ba// sgrub pa'i
345a1 rim pa bstan pa ni// dkyil 'khor mtha' dgang gru bzhi la// chag chag skyang nul legs byas la// gzhung bzhin legs par thig btab ste// dkyil 'khor dbus su zla gam la// mu khyud zla kham
345a2 dmar po 'od zer 'phro// gru chad sgro bzhi phyogs dang bcas// sgo rgyan mu khyud rdo rje me ris bskor// dbus su mtshan ldan dum bu bzhi pa ru// pad+ma mtshan dang khrag bsres la// mtha' ma zhi khro'i sngags kyis
345a3 bskor// nang du sman dang rin chen dang// 'bru sna lnga la sogs pa blug/ dngos grub ci 'dod gsol byang gzhug/ le rgan dar du dril nas ni// dkyil 'khor dbus su stegs la bzhag/ gtor ma rak+Sha bdud rtsi
345a4 dang// mchod rdzas rgyas par bshams nas ni// tshogs dang dngos grub ci 'dod gsol// 'byor pa'i yo byad ci phyir dgram// de nas bsrung ba'i 'khor lo dang// ting nge 'dzin gyi lha sgom dang// ye shes dkyil
345a5 'khor mchod pa dang// bstod pa la sogs byas nas ni/ bzlas pas ting 'dzin sngags bstan pa// oM pad+ma ri ni hU~M// oM ma Ni pad+me hU~M// oM pad+maM ta krid hU~M// oM ha ya gri ba hU~M// oM ma hA krod+ha hU~M// oM ha ri ni
345a6 sa hU~M// oM du ma ga ye na ma swAhA/ zhais bzlas pas bdag nyid rta mgrin thugs ka nas// nyi ma'i steng hri 'phros pas// spyan tsug snang ba mtha' yas la// 'od kyi thugs dam rgyud kyang bskul// snang ba mtha'
345b1 yas thugs ka nas// thugs rje chen po'i thugs khar spros// thugs dam rgyud bskul mnyes byas nas// thugs rje chen po'i thugs kha nas// dpa' bo rta mgrin thugs khar phog/ rta mgrin thugs dam rgyud bskul
345b2 nas// gsang ba ye shes thugs khar phog/ yum gyi thugs dam rgyud bskul nas// zhabs 'og mkha' 'gro'i thugs dam bskul// mkha' 'gro rnam bzhi'i thugs ka nas// 'od zer 'phros pas
345b3 'jig rten khyab// mi dang lha dang mkha' 'gro dang// zas dang sman dang nor dang 'bru// stong gsum thams cad bcud bsdus nas// thod pa'i nang du gang bar sgom// 'od dang du ba'i re rnyed dang// ro zhim mang du
345b4 'phel ba dang// rmi lam nor dang zas rnyed dag/ mi mang zas nor 'bul ba dang// mi mang phyag 'tshal bsnyen bkur byed// kun gyi gtso bor dbang bskur dang// glu bro gar gyi sna 'dren dang// chos gter rnyed
345b5 dang nor rnyed dang// rtags thon dngos grub blang bar bya// rtsa sngags rnams kyi mjug la ni// sid d+hi sid d+hi hU~M/ bsdus bsdus hU~M hU~M/ zhes bzlas pas// dngos grub ji ltar 'dod pa bzhin// lha rnams kyis
345b6 ni gsol bar sgom// dngos grub rdzas la phud spros la// ye shes lha rnams mchod par bya// de nas rang dang sgrub grogs bza'// thod par dngos grub rdzas lhag bcad// rang dang mi 'brel rtag tu bcang//
346a1 phyis kyis sgrub pa'i rten rdzas bya// mi la mi bstan spa bar bya// rgyun du mkha' 'gro'i snying po bzlas// bdag nyid rta mgrin yab yum gyi// zhabs nas mkha' 'gro rnam bzhis 'degs// 'gro ba
346a2 dbang du sdud pas sgom// lha 'dre mi gsum dbang du 'gyur// zhes gsungs so// sgrub pa'i skabs te gnyis pa'o//// de nas bzlas sbyor bshad par bya// drag sngags dregs pa 'dul ba ni// oM pad+maM ta kri
346a3 ha ya gri ba hu lu hu lu hU~M phaT// rta mgrin dregs pa tshar gcod sngags// ya ma staM pa ya// gshin rje tshar bcad yig 'bru lnga// ma tsa staM pa ya// rgyal po tshar gcod yig 'bru lnga// tre'u shu staM pa ya// the'u 'gong tshar
346a4 gcod yig 'bru lnga// shu la staM ba ya// btsan gyi tshar gcod yig 'bru lnga// d+ha ba staM pa ya// lha yi tshar gcod yi ge 'bru lnga// a se la staM pa ya/ sman gyi tshar gcod yig 'bru lnga// dug khrag staM pa ya/ bdud kyi char
346a5 gcod yig 'bru lnga// rag sha staM pa ya/ srin po tshar gcod yi ge 'bru lnga// yak+sha staM pa ya/ gnod sbyin tshar gcod yig 'bru lnga// ka la staM pa ya/ 'gong po tshar gcod yig 'bru lnga// mun mun staM pa ya/ dmu yi tshar
346a6 gcod yig 'bru lnga// tir ti staM pa ya// mu stegs tshar gcod yig 'bru lnga// yaM ti staM pa ya// dam sri tshar gcod yig 'bru lnga// na ga staM pa yaklu gdon tshar gcod yig 'bru lnga/ ke ta staM pa ya// gza' rnams tshar
346b1 gcod yig 'bru lnga// b+hu ta staM ba ya/ 'byung po tshar gcod yig 'bru lnga// mu ka staM pa ya/ pho 'dre tshar gcod yig 'bru lnga// lang skuM staM pa ya/ mo 'dre gnod byed tshar gcod yig 'bru lnga// pre ta staM pa ya// yi dags
346b2 shin 'dre tshar gcod yig 'bru lnga// sarba staM pa ya/ gnod bgegs thams cad yi ge lnga// pa tsa ya/ da ha ya/ ha na ya/ hri hri/ hU~M hU~M phaT phaT/ dregs pa thams cad tshar gcod sngags// bskrun dang// bcings
346b3 dang// brdung ba dang// bcad pa dang/ gdul ba dang/ brlag pa dang/ dbang du sdu dang/ tshar bcad dang// dgos kyi 'dul na rtsa sngags la// so so'i srog snying sham bu sngags// bsres la bzlas shing tshar
346b4 gcad bya// spyiru thams cad tshar gcod dril// srid pa'i lha 'dre thams cad kun// dbang du 'dus nas bka' nyan dang// tshar gcod brlag par the tshom med// ces gsungs so// gnod byed gdon bgeg tshar
346b5 gcod pa'i skabs te gsum pa'o//// de nas las sbyor bshad pa ni// bsad pa 'brupa khung las sbyor ni// 'brub khung nang du ling ka gzhug/ seng ldeng phur pa khro bor bsam// sha truM a mu kha ma ra ya hU~M
346b6 phaTasod// phur pa gdab cing thun kyang bra ba// gang la bya ba brlag par 'gyur// sbyin sreg me yi las sbyor ni// thab khung dmar nag gru gsum du// gdug pa can gyi shing brtsigs la// bkra mi shis pa'i
347a1 me sbar te// me nang rta mgrin bskyed byas la// sbar dkar gtor ma sha khrag mchod pa 'bul// dz+wa la raM dz+wa la raM// ma ra ya/ ma ra ya hU~M phaT// rtsa sngags sbrel la sbyin sreg bya// thal ba bskul la
347a2 mnan gtor bya// gtor srang rlung gi las sbyor ni// sbyin sreg thal ba nya bo bya// snying khar ming rus bcu pa la// rlung tshubs ma yis thun du brab// brag sgra rlung sgra can du mnan// yang na btags la rlung
347a3 la phyar// che ge mo ka ma rag sha ya ra na// u tsa ta ya phaT phaT/ tsa sngags sbrel la bzlas pa bya// dgra bgegs gang byas bskrad par 'gyur// mnan pa sa yi las sbyor ni/ kho yi zag pa'i rdzas btsal la// sa
347a4 nag bsres la nya bo bya// ming rus bris la ling khar gzhug/ snying khar phur bu btab nas ni// thod pa mtshan ngan nang du gzhug/ re bas dril la mkhar nag dkri// lha khang them 'og rgya gram
347a5 lam// mchod rten snying po'i nang du mnan// che ge mo a mu kaM/ oM ku a dza/ mA ra ya nan/ ro g.yas rdo rje rgya gram dang// tsha tsha sa tshon rnam lnga mnan// lcags kyi khar sgrom 'bar ba nas// bskal pa'i mthar yang
347a6 mi thar bsam// dgra bgegs gang yang gnon par 'gyur// sbyong byed chu yi 'khor lo ni/ kham pa rdol byas pa yis// gru gsum ga'u kha sbyor du// chu 'gram sa la gzugs byas la// snying khar gru gsum ming rus
347b1 gzhug/gang tsher bcug la la chas bsngam// baM ni mA ra ya sod sod/ baM ni mA ra ya thum ril/ li li dzi dza/ mtsho 'am chu mig chu gzhung bskyur// dgra bgegs gang yin rtsa ba 'chad// zlog pa zor gyi las sbyor
347b2 ni// thod pa mtshan ngan nang du ni// khrag sna dug sna zangs lcags rdo// yungs kar yungs nag ske tshe dang// de la sngags la thun du brab// sbod gtong gtong ba'i rkang rjes sa// mchil snabs dang ni dri
347b3 chen chu// snying khar mchog phur btab byas na// ban d+he sha ya ban d+he sha ya/ che ge mo ha ha staM ba ya bzlog bzlog/ sha traM a mu kha mA ra ya bzlos sod// thod pa mtshan ngan nya bo bcas// rang gi mal 'og mnan
347b4 par bya// thun rdzas dgra yi phyogs su 'phang// phur kha sbod gtong kho la bzlog/ bsrung ba'i 'khoralo'i las sbyor ni// gro ga'am ni shog bu la// gur kum g+hi hang mtshal gyis bri// dbus su 'khor lo rtsibs drug
347b5 la// rim gsum pad+ma 'dab drug bri// dbus su rta mgrin sku yi sngags// rtsibs drug la ni gsung gi sngags// rtsibs mchan drug la thugs kyi sngags// phyi rol pad+ma yum gyi sngags// phyi rol thugs rje chen
347b6 po'i sngags// phyi rol snang ba mtha' yas sngags// phyi rol rta mgrin yab yum sngags// 'khor lo rab gnas byin brlabs bya// la char dpung pa g.yon par gdags// bsrung skud dmar
348a1 po sngags bzlas gdags// nad dang gnod dang bar chad thul// dgra bgegs brdung ba'i las sbyor ni// rdo rje dmar po rtse lnga pa// rta mgrin sngags kyis byin brlabs la// sa la dgra bgegs
348a2 gzugs bris la// yang na lcags kyi tho bas brdungs// yang na rdo rje tho bas brdungs// lo ka log tri sa la tri phung// e ka thum ril// rmi sha thun ril// gam gu ru/ ro rtsa thum ril/ gam gu ru A be sha ya a be
348a3 sha ya/dgra bgegs gnod byed thum ri li li/ mA ra ya dza dza/ gnod byed rdul du brlag par 'gyur/ gdab pa phur pa'i las sbyor ni// zangs sam 'khar ba'i phur pa la// seng ldeng phur pa khru gang pa// rta
348a4 mgrin skur bskyed dbang bskur la// rang dang mi 'bral sngas su gzhug/ sri'u nad pa la sogs pa// lngas su bsrung ba byas pa ni// oM pad+ma kro d+ha ha ya grib hu lu hu lu pad+ma kI li kI la ya hU~M phaT// ces pa bzlas
348a5 pa byas la byin gyis brlab par bya// bgegs la gdengs pa tsam gyis chog/ las kyi sbyor ba de rnams la// rtsa sngags grub par rab tu gces// bdag nyid rta mgrin skur bsgoms la// 'jig rten dregs pa
348a6 dbang du bsdus// gang la bya ba gzir byas la// gnod bgegs thams cad bsrungs nas 'byin// ces gsungs so// rta mgrin dregs pa tshar gcod kyi rgyud las// 'phrin las las sbyor gyi skabs te bzhi
348b1 pa'o//// de nas pad+ma rigs kyi sangs rgyas la// pad+ma gsung gi dbang phyug gis 'di skad ces bstod do// chos sku skye med ngang las ma g.yos par// gzugs sku longs spyod rdzogs pa'i skur bstan
348b2 nas// sbrul sku dregs pa 'joms mdzad rgyud bshad pa// ngo mtshar sangs rgyas khyed la phyag 'tshal bstod// ces bstod pa byas so// de nas pad+ma sangs rgyas kyis// 'khor rnams kun la rgyud bshad pas// rta
348b3 mchog rgyal po'i rgyud 'di ni// bstan pa nyams pa'i dus 'di ru// bdud dang dregs pa dgra bgegs rnams// tshar gcod don du ngas bshad do// gtad do 'dus pa'i 'khor la gtad// ces gsungs so// gtso
348b4 bo chos nyid la gnas nas// 'khor rnams rang sar 'khod de// rgyud gtad pa'i le'u skabs lnga pa'o//// rta mgrin dregs pa tshar gcod kyi rgyud phyi ma zhes bya ba rdzogs so//// o rgyan pad+ma 'byung
348b5 gnas kyis// thugs rje chen po bsgrub pa la// bar chad bgegs rnams tshar bcad phyir// rta mgrin khro bo'i rgyud bsgyur nas// sbasbyaskrespail ba'i gnas med gter du sbas// las 'phro can dang phrad par
348b6 shog/bar chad dam sri thul bar shog/ bkra shis dngos grub 'byung bar shog/ bstan pa yun du rgyas par shog/ rgya rgya rgya////


CLOSE WINDOW