CLOSE WINDOW

Gpb043.021
བོད་ཡིག

pad+ma ma hA+e shwa ra g+tar ta gu h+yahan+t+ra na ma/ bod skad du/ pad+ma dbang chen dregs pa gsang byed kyi rgyud ces bya ba// pad+ma dbang chen he ru ka pad+ma gsang ba 'i sku la phyag 'tshal lo// 'di skad bdag gi thos pa'i dus gcig na// bcom ldan 'das de bzhin gshegs pa thams cad kyi sku dang// gsung dang/ thugs rdo rje'i snying po bzhugs pa'i gnas ni// btsun mo'i b+ha ga la snyoms par bzhugs nas// bcom ldan 'das dpal pad+ma'i rgyal po des// brjod kyis mi lang ba'i yang brjod kyis mi lang ba'i 'khor ni// grangs dang dgongs pa sangs rgyas kyi zhing gi rdul phra mo snyed kyi don dang ldan pa'i/ byang chub sems dpa' sems dpa' chen po rnams dang/thabs gcig tu snying po rdo rje sbyor ba'i pad+ma la bzhugs pa rnams la gzigs pa ni 'di lta ste// byang chub sems dpa'i rigs drug la gzigs pa na// gsang sngags kyi gzhi dam tshig gis 'dzin pa'i byang chub sems dpa' sems dpa' chen po dam tshig rdo rje dang/dam tshig gi don lus ngag sems kyis mthar phyin pas bsrung ba'i byang chub sems dpa' sems dpa' chen po'i tshogs/lus rdo rje zhes bya ba dang// ngag rdo rje zhes bya ba dang/ sems rdo rje zhes bya ba dang/ sgo gsum la dmigs pa'i byang chub sems dpa' sems dpa' chen po ting nge 'dzin rdo rje dang/ dge ba'i don du bya ba gang yang 'grub cing mi dge ba las rgyal ba'i byang chub sems dpa' sems dpa' chen po rgyal ba'i rdo rje rnams la gzigs so// phyi'i snod rnam paradag pa'i rtogs pa'i byang chub sems dpa' sems dpa' chen po lnga la yang gzigs te/sa rdo rje dang/ me rdo rje dang/ rlung rdo rje dang/ nam mkha' rdo rje byang chub sem sa dpa' sems dpa' chen po lnga la yang gzihags so// nang bcud kyi byang chub sems dpa' sems dpa' chen po drug tu rnam par dag par gzigs par mdzad pa yang// gzugs rdo rje dang/ sgra rdo rje dang// dri rdo rje dang// ro rdo rje dang// reg bya rdo rje dang// chos rdo rje rnams la yang 'dod yon drug rnam par dag par snod bcud gnyis su med par gzigs so// de dag la sogs pa'i byang chub sems dpa' sems dpa' chen po ni// grangs mang bas brjod kyis mi lang ba sangs rgyas kyi zhing gi rdul phra mo snyed dang mnyam pa dang/dgongs pa zab cing dpag dka' bas brjod kyis mi lang bas brjod pas zad mi shes pa rnams la yang spyan gyis gzigs shing rang gi nye gnas dam pa ltar drung na 'khod do// de nas de bzhin gshegs pa'i grangs sangs rgyas kyi zhing gi rdul phra mo snyed rnams dang/ dgongs pa nam mkha'i dbyings dang mnyam pa rnams la yang/ bcom ldan 'das dpal pad+ma dbang chen gyis gzigs par mdzad pa yang 'di lta ste// dgongs pa mi 'gyur ba'i de bzhin gshegs pa mi bskyod pa dang/ sku sna tshogs su ston pa'i de bzhin gshegs pa rnam par snang mdzad dang// nor bu yid bzhin rin po che rnog bsnams pa'i de bzhin gshegs pa dkon mchog dpal dang// bde ba can du gnas pa kun tshogs dang/ bsod nams dpag tu med pa'i de bzhin gshegs pa tshe dpag tu med pa dang/ bya ba'i las kun ma lus par grub pa'i de bzhin gshegs pa gdon mi za ba dang/de bzhin gshegs pa rigs lnga'i sangs rgyas dang// rang rang gi zhing khams rnams dang so so'i rigs kyi byang chub sems dpa' rnams la yang// rang rang dang mthun pa'i mdzad pas chos kyi 'khor lor bskor cing// ston pa'i 'khor du yang gzigs so// de nas bcom ldan 'das kyis 'khor gyi byang chub sems dpa' rnams la gzigs pa las/ byang chub sems dpa' sems dpa' chen po la las ni// phyi 'dod pa'i yon tan mchod par shar ba dang// nang 'dod chags bde bar shar ba'i don// rnal 'byor bla na med pa'i dgongs par mkhyen yang/ byang chub sems dpa' sems dpa' chen po la las ni// phyi'i 'dod pa lngas 'ching ba dang/ nang gi bde ba spong ba dang/ sa bcu'i dgongs pa la yang rang rang gi shes bya'i mchod pa rnams la yang gzigs nas/ nyid kyi sku las gzugs kyi dkyil 'khor 'di dag phyung ngo// sangs rgyas spyan dang// nam mkha'i dbyings phyug ma dang/ chu ma ma ki dang/ me gos dkar mo dang/ rlung dam tshig sgrol ma phyung nas/ b+ha ga bde ba chen po'i gzhal yas khang du byin gyis brlabs nas/ yum bzhi yang dbyings phyug ma la thim nas yum gcig tu gyur to// 'dod chags las skyes pa'i sras ston pa byang chub sems kyi rdo rje zhes bya ba/zhal gsum mthing ka dkar dang dmar ba dang/ phyag drug tu gnas par snang ba las/ rdo rje 'khor lo ral gri g.yas na bsnams pa/ dril bu rin chen pad+ma g.yon na bsnams pa/ zhabs rdo rje skyil krung gnas pa// 'khor gyi byang chub sems dpa' rnams kyis sku mngon du mthong bar gyur to// de nas byang chub sems dpa' sems dpa' chen po rnams ni/ ngo mtshar du gyur/ rmad du gyur nas/ chos kyi dbyings kyis 'di skad du gsol ba 'debs so// e ma'o ngo mtshar gsang sngags chos// theg pa dman pas rab smad yang// skyon gyis mi gos pad+ma 'dra// 'khor 'das chos la dbang che ba'i// bya spyod rnal 'byor rgyud dag las// khyad par rnal 'byor bla med chos// dregs pa gsang ba'i rgyud chen po// bdag cag rnams la legs par gsungs// zhes zhus so// de nas bcom ldan 'das dpal rdo rje sems dpa'/ dpa' pad+ma he ru ka dbang mchog dam pa'i ngo bo dang gnyis su med cing tha mi dad dbyer med cing dbye bar rab tu dka' ba'i ston pas/'khor gyi dkyil 'khor la gzigs nas 'di gsungs so// e ma ngo mtshar gsang sngags chos// sngon gyi skyes bu skal ldan gyis// dang por de bzhin nyid du gnas// chos kyi sku ni rgyu yi tshul// gnyis pa kun tu snang ba ni/ snying rje longs spyod rdzogs skur bzhengs// gsum pa rgyu las sprul skur 'byung// zhing khams rnam dag 'byung pa lnga// bruM las byung ba'i lha gnas ni// gzhal yas khang ni rnam par bsgom// le'u tshe dgu pa gru bzhi mdzes// sgo dang sgo khyud rnams dang ldan// gdan dang bcas pa rnam gsal te// sems can nyi zla rin chen pad// oM shu n+ya tA dz+nyA na badzra swa b+ha ba a da ma kou0f85haM/ oM d+har+m+ma d+ha tu swab+hA wa Ad ma kou0f85 haM/ oM badzra bod+hi tsit+ta hU~M/ eH yaMHbaM suH raMH laMH bruM bi shwa bi shudad+he saMH niH g+haH daH b aH suH aH raH hU~M dang rdo rje'i sbyor ba las// rang rig bde ba'i cha ni hU~M// cha shas duM bu rdo rdo nyid/ chen po lnga las byung ba'i sku// mi bskyod pa ni rnam par bsam// kun da zla ba dkar dang mtshungs// zhal gsum phyag drug 'bar ba dang/rdo rje 'khor lo pad+ma ni// g.yas pa'i phyag tu bsam par bya// dril bu rin chen ral gri ni// g.yon pa'i phyag tu bsam par bya// de yi phung po lnga po la// gzugs phung snang mdzad oM dkar bsam// de yi sbyi bor bsgom ste dgod// tshor ba sa ser rin chen 'byung// tshor ba'i rgyu de lte bar dgod// 'du shes a ni 'od dpag med// dmar po dag la bsam par bya// rnam shes mi skyod mthing ka hU~M// snying la rab tu bsam par bya// 'du byed don yod grub pa ni// ha ljang gsang ba'i gnas su bkod// gti mugs ste sangs rgyas spyan// zhe sdang nam mkha' dbyings phyug ma// nga rgyal me ste gos dkar ma// 'dod chags chu ste ma ma ki/ phrag dog rlung ste dam tshig sgrol// laM dang muM dang maM pyaM taM// sra dang gsher dang dro ba dang// rlung sogs der ni rim pa bzhin// sa snying dmigs la yi ge hU~M// sna la naM yig yi ge tra// rna ba phyag rdor yi ge dzi/ lce la spyan ras gzigs dbang a// yid la 'jam dbyangs yi ge mu// lus dbang sgrib sel yi ge th+l+haM// lag pa g.yas pa gshin rje gshed// g.yon pa gzhan gyis mi thub pa// kha la rta mgrin bsam pa dang// gsang ba rdo rje bdud rtsi 'khyil// chos nyid dbyings kyi ngang nyid las// dbyings phyug yum yang sku la 'khril// oM badzra sa twa hU~M// d+hA tu shwa ri s+t+waM/ bum pa'i dbang lnga rab rdzogs pas// yi ge lnga yis dbang bskur ba// bum pa rdo rje mi skyod pa// ming ni rnam par snang ba mdzad// cod pan rin chen 'byung ldan te// rdo rje snang ba mtha' yas la// dril bu don yod grub par 'gyur// oM ma hA a ta ri sha dz+nya na badzra swa b+hA ba A da ma kou0f85haM// oM mahA shu n+ya tA dz+nyA swab+hA ba Ad+ma kou0f85haM// oM ma hA sa ma na ta dz+nya na badzra swab+hA ad+ma kou0f85haM/ oM ma hA pra ti pra be shadz+nya na badzra swab+ha ba A da ma kou0f85haM/ oM ma hA kri ta ta dz+nya na badzra swa b+ha ba Ad ma kou0f85haM// zab mo'i dbang gsum rab rdzogs pas// gsang ba'i dbang ni ngag la rlab// shes rab ye shes spyi bo lus// bde chen yid la byin brlabs bya// oM sarba ta thA ga ta tsit+ta badzra swab+hA ba A da ma kou0f85haM// oM sarba ta thA ga bAka badzra swa b+hA ba A dam kou0f85haM// oM sarba ta thA ga ta kA ya badzra swa b+ha ba Ad ma ko u0f85haM/ de nas gsang gnas byin brlabs pa// dga' ba dang ni mchog d ga' dang// dga' bral lhan skyes ye shes bzhis// nang du bde ba chags par bya// phyi la sangs rgyas mchod par bya// de ni yon tan 'phrin las yin// oM sarba ta thA ga ta ma hA a nu rA ga badzra swAb+ha ba A dam kou0f85haM// oM sarba ta thA ga ta ma hA pu dza badzra swa b+ha ba A da ma kou0f85haM/ de nas kha nas 'don par bya// badzra d+h+rig sngags las byung ba'i// mi skyod rdo rje can bsam pa// mgon po ral pa'i thor tshugs 'chang// mi skyod pas ni dbu brgyan byas// mthing shun bzang po'i mdog ltar snang// sngo nag dkar dang dmar ba'i zhal// rgyun rnams thams cad yongs su rdzogs// phyag drug par ni rnam par sgom// rdo rje 'khor lo pad+ma ni// g.yas pa'i phyag tu bsam bya zhing// dril bu rin chen ral gri ni// de yi g.yon la bsam par bya// 'di ni thugs kha nas byung nas// phyogs bcu rnams su gzigs nas ni// chos kyi 'khor lo bskor ba dang// sangs rgyas mdzad pa kun mdzad de// sems can ma lus kun sbyangs nas// zhe sdang rdo rje nas la sogs// slar byon rdo rje mgon po yi// spyan snga ru ni 'dug par 'gyur// sngags pas de ni snying kha ru// rjes zhugs bdag nyid rnam sgom pas// snga ma'i gzugs ni yongs gyur nas// zhe sdang rdo rje gnas nas bzhugs// in dra ni la'i 'od 'bar ba// nyi ma'i dkyil 'khor dbus na bzhugs// dpa' bor rang gi yum la 'khyud// rgyan rnams kun gyis rab tu brgyan/ drag po zhi dang 'dod chags che// zhal gsum gyis ni rnam mdzes pa'i// zhe sdang rdo rje'i ting 'dzin gnas// dkyil 'khor thams cad spro bar mdzad// dzin dzin sngags las byung ba'i// rnam snang dkar dang dmar ba'i zhal// 'khor lo rdo rje pad dkar g.yas// nor bu rin chen ral gri g.yon// thugs kha nas byung gti mug sbyangs// slar byon shar na zla gdan bzhugs// rat+na d+h+rig sngags las byung ba// rin 'byung ser nag dkar ba'i zhal// nor bu rdo rje 'khor lo g.yas// dril bu pad ser ral gri g.yon// zhi ba thor tshugs cod pan 'chang// nga rgyal lam sbyong rin chen lho// a ro lig sngags snang mtha' yas// dmar dang nag dang dkar ba'i zhal// g.yon na dril bu pad sdong 'dzin// g.yas pas pad+ma'i kha yang 'byed// rdo rje 'khor lo g.yas gnyis la// rin chen ral gri g.yon gnyis la// 'dod chags can sbyangs nub phyogs rgyab// pad+ma'i gdan la bzhugs pa'o// bradz+nyA d+h+rig sngags don grub phyung// ljang dang nag dang dkar ba'i zhal// ral gri rdo rje 'khor lo g.yas// dril bu pad+ma nor bu g.yon// nga rgyal gnas sbyangs byang phyogs su// sna tshogs rdo rje rgya gram bzhugs// d+he sha ra ti sangs rgyas spyan// dkar dang nag dang dmar ba'i zhal// 'khor lo rdo rje ut+pal dkar// dril bu rin chen ral gri g.yon// phyung nas gdon dang 'jig rten sbyangs// shar lho mtshams kyi grwa na bzhugs// mo ha ra ti ma ma ki/ mthing ka dmar dkar bas te// rdo rje 'khor lo ud dpal sngo// dril bu rin chen ral gri g.yon// bgegs 'jigs bsrung mdzad las mdzad nas// dkyil 'khor lho nub grwa la bzhugs// ra ga ra tis gos dkar dbyung// gnag dang dmar dang dkar ba'i zhal// thugs ka dril bu u dpal dmar// de yi ka yang g.yas pas 'byed// rdo rje 'khor lo g.yas dag la// nor bu ral gri g.yon pa la// gdon gyi nyes pa zhi mdzad nas// slar byon nub byang pad+mar bzhugs// badzra ra ti sngags phyung sgrol// ljang dang nag dang dkar ba'i zhal// rdo rje 'khor lo u dpas ljang// dril bu rin chen ral gri g.yon// phyung nas dbang mdzad byon nas su// byang shar rdo rje'i gdan la bzhugs// ya man ta krid gshin rje dbyug/ zhal ni nag dang dkar dang dmar// dbyug pa 'khor lo rdo rje g.yas// sdigs mdzub dril bu dgra sta g.yon// dbang po'i bgegs skrad nyi ma la// shar phyogs sgo yi srungs ma mdzad// pradz+nyan krid gzhan mi thub// dkar dang nag dang dmar ba'i zhal// rdo rje dbyug pa ral gri g.yas/ sdigs mdzub dril bu dgra sta g.yon// mi bzad bgegs rnams skrag mdzad cing// sgo skyong lho na bzhugs pa'o// pad+ma ta kri da rta mgrin dbyung/ zhal ni dmar dang nag dang dkar/ pad+ma ral gri gtun shing g.yas// dril bu dgra sta zhags pa g.yon// klu rnams skrag mdzad nub phyogs kyi// dkyil 'khor sgo srungs mdzad pa'o// big+ha nan takri da bdud rtsi 'khyil// zhal ni sngo dang dmar dang dkar// rdo rje 'khor lo gtun shing g.yas// sdigs mdzub dril bu dgra sta g.yon// g.yon brkyang bgegs 'dzoms las mdzad nas// byang phyogs sgo yi nang na bzhugs// rigs lngar grags pa'i sangs rgyas rnams// lus khams bdud rtsi lnga la gnas// rigs kyi yum bzhi lha mo yang// lus kyi 'byung ba bzhi la gnas// khams dgu 'dus pa'i dngas ma la// rigs bzhi khro bos srung bar mdzad// sku gsung thugs kyi dkyil 'khor la// sgoms nas sangs rgyas nyid du 'gyur// zhes gsungs so// pad+ma dbang chen dregs pa gsang ba'i rgyud las// dkyil 'khor mngon du phyung ba'i le'u ste dang po'o//// de nas bcom ldan 'das kyis rdul tshon gyi dkyil 'khor 'di gsungs so// sngon du bsnyen pa byed pa'i tshe// dkyil dkyil thig dang tshon rnams yang// de ni sangs rgyas sngags 'grub kyang// skabs 'dir bsnyen pa'i gegs su 'gyur// de nas bsnyen pa 'thems pa yis// sa phyogs dag par rab byas nas// dkyil 'khor gru bzhi mdzes pa la// chag chag thig gis rab bres nas// rdul tshon kha dog bzang po yis// mkhas pas dkyil 'khor bri bar bya// thig bzhi btab pas le'u rtse dgu/ gru bzhi sgo dang sgo khyud ldan// de nas rdo rje las mkhan gyis// phyag rgya dgod par bya ba yang// de dbus rdo rje bri bar bya// 'khor lo shar la rin chen lho// nub tu pad+ma bri bar bya// ral gri byang du bkod pa ni// rigs lnga yab kyi phyag mtshan de// phyogs bzhi dag tu bri bar bya// shar lho mig bri lho nub tu// rdo rje nub byang pad+ma bri// byang shar du ni ud pa la// lha mo bzhi ni yum du grags// shar du be tsan dgra sta lho// dbyug pa nub la rgya gram byang// mdor na rang gi phyag mtshan bri// sgo ba bzhir ni rab tu grags// thugs kyi dkyil 'khor dam pa de// yongs su gsal bar bskyed byas la// dbyings nas bzhengs te spyan drangs bstim// phyag mtshal nas ni mchod pa yang// dam tshig bdud rtsi rnam lnga dang// zab mo yum gyi bde bas mchod// sangs rgyas byang sems kun yang mnyes// rang gi lus ngag yid kyang bde// de nas bzlas pa rab bya ba// yi ge oM ni sku yin te// rlung lnga'i bdag nyi da phyir la byung// yi ge hU~M ni thugs yin te// rlung lnga'i bdag nyid nang du 'jug/ yi ge AHni gsungs yin te// rlung lnga'i bdag nyid khong na gnas// oM AH hU~M khong na gnas pa srog yin te// phyi nang rgyu ba rtsol ba yin// de nas bzlas pa 'thems pa na// mchog gi dngos grub sku gsum thob// thun mong dngos grub grub chen brgyad// 'thob 'gyur sangs rgyas kun gyi thugs// zhes gsungs so// pad+ma dbang chen dregs pa gsang ba'i rgyud las// gzugs brnyan dkyil 'khor gyi le'u ste gnyis pa'o//// de nas bcom ldan 'das kyis las dang pau pa'i gang zag smin par bya ba 'di dag yongs su gsungs so// gsang ba'i dkyil 'khor thams cad la// dbang bskur rnam pa bzhir gnas pa// mtshungs rgyu rang la gnas pa'o// rtsa ba'i dkyil 'khor bum pa'i dbang// sngags kyi yi ge tsan Da li// khams kyi bdud rtsi shes rab la// snying po rlung ni bde chen dbang// 'di bzhin mtshungs rgyu yin par 'dod// dbang bzhi mtshungs rgyu rang la gnas pa'i rgyu zhes bya ba'i ting nge 'dzin to// rig pa'i dbang lnga rab gsungs phyir// ngas ni khyod la gsal bar bshad// bum pa rdo rje mi skyod chus// bkrus shing spyi nas dbang bskur bas// las dang bag chags dag pa dang// rdo rje sems dpa'i sku ru 'gyur// cod pan bzang po bcings pa yis// dbu rgyan spyi bor rab bzhugs nas// bdud dang bgegs rigs bsrung ba dang// rin chen 'byung ldan sku ru 'gyur// rdo rje lag tu gtad pa yis// rdo rje lta bu'i ting 'dzin gyis// rang gnas lhag pa'i bdud 'joms shing// tshe dpag med de snang mthar 'gyur// dril bu gsung gi sgra sgrags pas// brda sprod don rnams go ba yis// mchog dang thun mongs dngos grub thob// gdon mi za ba'i sku ru 'gyur// ming gi dbang ni bskur ba yis// srid pa bar dor skyob pa ste// rdo rje ming gi yi dam dran// rnam par snang mdzad sku ru 'gyur// mtshan ldan gzugs ma bum pa la// pad+mar rdo rje bcug pa rdo rje'i dbang// rdo rje pad skyod dril bu'i dbang// byang sems dkar dmar cod pan la// rang gis zos pa ming gi dbang// rig pa'i dbang lnga zhes bya ba'i ting nge 'dzin to// de nas gsang ba'i dbang bshad pa// rdo rje slob dpon bla ma yis// rlung dang thig le 'dres pa ni// yid ni nang du yang dag bzung// rang rdzas thig le phyir thog nas// sangs rgyas byang chub sems dpa' mchod// slob ma dag la sbyin pa yang// rab ni ba dang be'u 'dra// 'bring ni bung ba me tog 'dra// tha ma bya dang byi'u ltar// byang sems thig le zos pa ni// brtul zhugs dbang zhes bya bar bshad// gsal ba'i dbang zhes bya ba'i ting nge 'dzin to// de nas shes rab ye shes kyi// dbang yang khyed la bshad kyis nyon// 'dod pa'i mnyam pa'i ming sring gnyis// sgrom bsgrub mnyam pa'i yi dam lha// byin rlabs mnyam pas mkha' gnyis po// bsnol mar byin gyis brlabs par bya// reg pa sra ba sa yin te// dga' ba'i bde ba zhes kyang bya// de nas gsher ba chu yin te// mchog dga'i bde ba zhes kyang bya// de nas dro ba tsha ba me// dga' 'bral bde ba zhes kyang bya// de nas g.yo ba rlung yin te// thig le byang sems 'bebs pa ni// dga' ba lhan cig skyes par 'dod// rang gi nyams su myong bas na// shes rab dag la rten nas ni// ye shes skyes pa ngos zin pas// shes rab ye shes dbang du ni// sangs rgyas rnams kyis gsungs pa yin// shes rab ye shes kyi dbang bskur ba zhes bya ba'i ting nge 'dzin to// de nas bde ba chen po yi// dbang bskur khyed la yang dag bshad// yab yum rol pa'i byang chub sems// gsang ba'i gnas nas bzlog byas nas// lte ba me long ngos dang 'dra// 'doms kyi sba ba sbubs su nub// ro stod seng ge'i khog pa 'dra// lces ni zhal gyi gdong yang khebs// smin mtshams mdzod pu 'khyil ba dang// dbu yi gtsug tor grub pa ni// spyi gtsug ring bsrel mchod rten gnas// de ni dung chen g.yas su 'khyil// gdung zlum brtsegs pa'i gzhal khang// mtshan rnams kun gyi mthar thug pa// rdo rje rba rlabs lam la sa thob// lus ngag yid kyi gnas las thob// bde ba chen po'i dbang zhes bya ba'i ting nge 'dzin to// de nas dbang bzhis sgrib dag pa// bum dbang lus kyi dri ma dag/ lus gnas rtsa ni bum pa'i tshul// gsang dbang ngag gi dri ma dag/ sngags kyi yi ge dag las 'byung// shes rab ye shes sgrib dag/ sems las shes pa'i ye shes nyid// bde chen lus ngag yid gsum gyis// spyi yi sgrib dag rdzogs sangs rgyas/ dbang bskur bas dri ma dag pa'i tshul zhes bya ba'i ting nge 'dzin to// de nas dbang gi nyams blangs te// dbang lam bgrod pa khyod la bshad// dang po rgyu yi dbang bshad na// ri mo bud med dkyil 'khor du// bla ma dag la rim pa bzhin// dbang bskur rdzogs pa thob par bya// bar du lam gyi dbang blangs pa// bskyed pa'i rim pa sgom dus su// dam tshig sems dpa'i lha tshogs la// ye shes rnam lngas dbang bskur zhing// sku gsung thugs su byin gyis brlabs// bum dbang lnga dang gsang dbang gsum// tha ma 'bras bu thob dus su// gsang dbang gsum ni sku gsum la// bum dbang lnga ni ye shes nyid// sku gsum ye shes rnam pa lnga// theg pa'i lam rnams gang bgrod kyang// 'bras bu yin bar dus gsum gyi// rgyal ba rnams kyis mthun par bshad// pad+ma dbang chen dregs ba gsang ba'i rgyud las// rim pa dbang gi bgrod par bya ba'i le'u ste gsum pa'o//// de nas bcom ldan 'das kyis gdul bya drag po 'dul ba'i ting nge 'dzin la snyoms par zhugs nas 'di gsungs so// rnal 'byor dbang phyug chen po yis// dben pa'i gnas su 'dug nas ni// lus dang ngag dang sems sbyangs shing// de bzhin gnad la dbab par bya// byang chub sems dang tshogs bdun dang// mtshams kyi bsrung ba rnam par bsam// stong pa'i ngang las rol pa'i sku// dbu lnga dmar po gshog pa bzhi// rdo rje lcags kyu sbrul zhags dang// cang te'u kha T+wAM thod rlon khrag/rdo rje rtse dgu rtse lnga dang// rtse gsum rtse gcig g.yas pa na// lcags kyu sdigs mdzub lu gu rgyud// thod rlon khro snying me zhags khra/ sdigs mdzub me 'bar kha T+wAM sogs// zhabs brgyad me klong gsal ba dang// de ltar bskyed pa'i sku de la// nyid la nyid kyis 'di ltar bstod// hU~M dbang chen kun 'dul dbang gi rgyal po ni// dbang gi mdog dmar bskal ba'i me ltar 'bar// dbang chen rngam brjid nyi ma 'bum gyis brjid// dbang mdzad dbang gi lha la phyag 'tshal bstod// de ltar bsgom pa'i rim pa yang// gar gyi dbang phyug sku gcig la// 'khor gyi lha rnams sbas pa'i don// man ngag dam pa bstan pa ni// rdo rje sems dpa'i phyag rgya yang// man ngag gsang bar rgyud pa ni// gar gyi dbang phyug sku la sbas// yum chen khro mo gzi ldan ma// gdan gyi pad+ma nyid la sbas// skye med ye shes sems dpa' ni// thugs kyi dpa' be'u nyid la sbas// rdo rje dbyings kyi dkyil 'khor ni// dbu lnga'i gzhal yas nyid la sbas// gsung dang dbyangs kyi dkyil 'khor ni// dbu yi rta mgo nyid la sbas// rigs bzhi gsang ba'i he ru ka/ rin chen khri rkang bzhi la sbas// gsang ba'i rigs kyi yum chen ni// pad+ma'i gdan khri nyid la sbas// dur khrod ma mo bcu drug ni// 'jigs pa'i phyag mtshan nyid la sbas// dur khrod gsang ba'i yum rnams ni// lha mo bzhir yang rab bsgyur nas// rin chen gshog pa nyid la sbas// ma bdun gsang ba'i ba'i phyag rgya ni// gsal ba'i nyi ma bdun du sbas// ma tshogs dbang phyug nyi shu brgyad// 'degs pa seng ge'i gdan du sbas// sprul pa'i 'khor tshogs mang po kun// chos sku gzugs su mi mthong bas// 'od kyi dkyil 'khor nyid la sbas// sgo srungs yab yum brgyad rnams ni// sprul sku dbyings su gcig pa'i phyir// gzhal yas sgo bzhi nyid du sbas// me 'brug rlung 'brug la sogs kun// dgra nyid dgra mthar stong pa'i phyir// stong pa chen po nyid la sbas// de ltar phyag rgya dkyil 'khor du// log rtog dngos po gzhom pa'i phyir// mngon sum lta bur snang na yang// rang bzhin gcig tu ma nges pas// dmigs pa bzhin du gsal nas ni// dngos po med pas thig le che// phyi nang snod bcud phyag rgya'i sku// dngos dang dngos dang dngos med ma lus kun// dngos po nyid kyang skye 'gag med pa'i ngang// dbyings las ma g.yos spros pa'i mtha' dang bral// mnyam pa chen por gcig pas sbas pa yin// de ltar bskyed dang rdzogs pa'i don// shes rab can gyi don bsgoms na// sems la gsal por 'dris byas te// rgyun du 'bral med gnas par bya'o// sku'i dkyil 'khor du 'khor gyidakyil 'khor sbas pas dbang chen sku gcig pa'i dkyil 'khor gyi ting nge 'dzin to// de nas bzlas pa bya ba ni// oM ni gar gyi dbang phyug nyid// hu lu kham rgya chen mo drug/ hu lu long pa chen po brgyad// hU~M ni dmun long drug cu la// phaT ni dpal gyi khyi brgyad la// oM ni ye shes khyi bcu nyid// a ni sgo srungs rnam pa bzhi// raM ni sgo srungs pho nya bzhi// laM ni me 'brug rlung 'brug sogs// hris ni sku yi dkyil 'khor 'dus// dzas ni lha srin ma lus 'gugs// bzhi 'bum grangs su thems pa ni// mchog dang thun mong dngos grub kun// gang gis 'grub bar 'dod pa des// tshe 'di nyid la 'grub par 'gyur// gsung gi dkyil 'khor du thams cad ma lus par 'dus pa zhes bya ba'i ting nge 'dzin to// de nas bzlas pas skyo ba na// nyungs dkar la ni sems gtad pa// ldang 'jug gnas rdzogs rnam pa bzhis// phra mo rlung nang 'dir 'dus so// srog rtsol ba'i bdag nyid las// g.yas g.yon dge dang mi dge ba'i// pho mo ma ning thod rga la sogs// srog dang rtsol ba bslab pa dang/ rgyu ba bsal dang rnam pa gnyis// las dang mngon par shes pa dang// dus ma yin par nges par sel// dbugs gcig rdzogs pa'i byang chub lam du byed pa zhes bya ba'i ting nge 'dzin to// ldang nas btang ba gsum du bya// sna g.yon rtsol bkag srog nas btang// btang ba'i dngos po med pa na// me tog myur du skye ba dang// stod nas kun las rnam par thar// shugs skyed gnyis btang mdzod dpur btang// de la dngos po med pa dang// gsal ba nyams su myong ba dang// mgon dmig gi sgrib pa sel// kha nas si sgra sems gtad sbyangs// de la 'byongs par gyur pa na// lus ni yang la zo mdog bde// tshad pa'i rigs sogs kun las sgrol// phyir la ldang la rdzogs pa'i byang chub lam du byed pa zhes bya ba'i ting nge 'dzin to// srog gi lte bar a na dgang// na tsha med cing thub pa na// drod dang bde ba lus la 'bar// grang ba ma zhus sras nad 'dzoms// sgra med lte bar a gang zhig/ nyin mtshan med par thub pa na// des ni bde ba skye ba ste// 'byung ba lus 'khrug ma ra ya// srog dang rtsol ba bslab pa dang// rgyu ma gsal dang rnam pa gnyis// las dang mngon par shes pa dang// dus ma yin pa nges par sel// nang du 'jug pa rdzogs pa'i byang chub lam du byed pa zhes bya ba'i ting nge 'dzin to// lus kyi zhabs phyag og ma bcun/ kha sbyar nang na spyod lam sgyur// 'dug pa tsam gyis zin pa na// mnyam gzhag rjes thob mi 'ong bas// 'du ba bzhi yin da dang bral// chos sku yang dag thob pa'o// khong du gnas pa rdzogs pa'i byang chub lam du byed pa zhes bya ba'i ting nge 'dzin to// de nas pad+ma dbang chen gyis// yon tan glu bro gar bya ba// breng nge ba dang dung nge ba// sharda pa dang garda pa/ lcang ka de'u dbang ka de'u// breng nge ba yi glu blangs pas// tshangs pa lha yi dkyil 'khor du// sku yi dngos grub thob par 'gyur// dung de pa yi glu blungs pas// brgya sbyin lha yi dbang po yis// gsung gi dngos grub dam pa thob// sharda pa yi glu blangs pas// rgyal po chen po bzhi rnams kyi// thugs kyi dngos grub chen po thob// garda pa yi glu blangs pas// phyogs skyong chen po bcu rnams kyis// yon tan chen po'i dngos grub thob// lcang ka de'u'i glu blangs pas// srid pa dbang sdud mthu bo che// drag po yul bdag dbang du sdud// dpang ka de'u'i glu blangs pas// dngos grub rlabs chen grub ba thob// yon tan glu drug ces bya ba'i ting nge 'dzin to// de nas 'khor rnams kyis 'di skad ces gsol ba btab bo// de yang ye shes lha yi lha// pad+ma rigs kyi lha tshogs rnams// pad+ma gar gyi dbang phyug/ sku yi ngo bor spyan drangs nas// mchod pa kun gyis mnyes par bya// rnga dang dung dang dril bu dang// ro mo sgra dang bcas pa yin// glu drug blangs te bstod par bya// hU~M chos nyid skye ba med pa'i dkyil 'khor nas// skye ba'i cho 'phrul 'bar ba'i skur ston pa// pad+ma rigs kyi lha tshogs bsdus pa'i sku// dbang chen kun 'dul dbang gi rgyal po bzhengs// dbang gi mdog dmar bskal ba'i me ltar 'bar// dbang chen rngam brjid nyi ma 'bum gyis brjid// dbang mdzad dbang gi khro rgyal ma lus kun// gdug pa 'dul phyir gnas 'dir spyan 'dren na// dbang gi rta skad 'tsher zhing gshegs su gsol// dzaH hU~M baM hoH pad+ma shrI he ru ka yo gi shwa ri ha ya gri pa hriM hriM/dbang chen dregs 'dul dbang gi rgyal po'i sku// dbang gi mdog dmar bskal ba'i me ltar 'bar// dbang mchog rngam brjid nyi ma 'bum gyi gzi// dbang mdzad dbang gi lha la phyag 'tshal lo// a ti pu ho// pra ti dza ho// a la la ho/ 'byung ba lnga dang ye shes ldan pa yin/ yum lnga'i mkha' glong bde ba'i gzhal yas su// gar gyi dbang phyug rta mgrin khro rgyal sku// bdud dang srin po la sogs 'dul ba'i phyir// ji srid dngos grub ma thob de srid bar// bdag dang gnyis su med par bzhugs su gsol// oM pad+ma shri he ru ka sa ma ya sti ra badzra hU~M// hU~M bde bar gshegs so bcom ldan 'das// bde bar gshegs so khro rgyal gtso// bde bar gshegs so a ra li// rgyal brgya mtsho ye shes kyis// srid pa rgya mtsho mtha' yas kun// kun bzangs mchod sprin mchog tu rol// hU~M/ lha yi rol mo glu bro gar gyi tshogs// dga' ldan longs spyod bsod nams grub pa'i rdzas// mthun par snang ba'i spyod yul dag pa la// mdzes pa'i gar dang tshangs pa dbyangs kyi glu// mi gnas bro dang thugs dam bskul ba'i tshig/ sprul pa rgya mtsho'i rkyen du 'tsham pa'i phyir// bde bar gshegs pa rnams la 'bul lags na// kun tu bzang po'i ngang du bzhes su gsol// oM badzre badzre// mahA badzre// ma hA+e te dza badzre// ma hA tsa ra badzre// ma hA bo d+hi tsit+ta man to ba to/pa saM kra ma na badzre// sarba a bar+d+har ni badzre swAhA/ mtshan dang ldan pa b+han da'i snod mchog tu// bdud rtsi lnga dang dza gad ldan pa 'di// dbang mchog he ru ka la 'bul lags na// rdzu 'phrul mthu yi dngos grub stsal du gsol// ma rig dbang gis 'khor ba'i sems can rnams// 'jig rten skye shi rtsad nas gcad ba'i phyir// dung chen dmar gyis bkang ba'i dam rdzas 'di// gnyis su med pa'i tshul gyis 'bul lags na// blang dor med pa'i ngang gis bzhes su gsol// rang rgyud bshig pa'i phung po 'dos pa can// bdag med rgyal ba'i zhing dusbyor ba'i phyir// zhing chen rdzas kyis mchod pa dam pa 'di// gnyis su med pa'i tshul gyis 'bul lags na// blang dor med pa'i ngang gis bzhes su gsol// oM pad+ma shrI he ru ka/ ru lu ma ti mahA su kha/ mahA yo gi ni/ kha raM kha hi/ kha kha le le b+h+yo/ hU~M/ dbang chen rgyal po rdo rje ser chen 'bebs// hU~M dang phaT kyis srid gsum 'khor ba 'jig/ hU~M mdzad hU~M gi byin brlabs bsam mi khyab// rdo rje khrag 'thung khrag gi rgya mtsho skems// rdo rje mtshon cha gnam lcags thu lum 'dril// gsang sngags log par lta ba'i bdud rnams 'joms// 'jig rten 'di dang pha rol gnyis su yang// gdug pa sel zhing dug gsum rtsad gcod pa// dbang mchog he ru ka la phyag 'tshal bstod// oM pad+ma shri he he ru ru kam hU~M phaT// dbang chen 'phrin las kyi ting nge 'dzin to// dpal pad+ma dbang chen he ru ka'i gsang sngags dbang chen dregs pa gsang ba'i rgyud las// pad+ma dbang chen gyi sku gsung thugs yon tan 'phrin las kyi rgyud le'u ste bzhi pa'o//// de nas bcom ldan 'das pad+ma dbang chen gyis gsang ba glu drug gi 'khor ba dang mya ngan las 'das pa rnams dbang du sdud pa'i ting nge 'dzin la bzhugs nas 'di gsungs so// breng nge ba yi glu blangs na// 'gro ba rigs drug dbang du sdud// dung nge ba yi glu blangs na// mu stegs rtag chad dbang du sdud// sha rda pa yis glu blangs na// nyan thos rang rgyal dbang du sdud// garda pa yi glu blangs na// dbu ma sems tsam dbang du sdud// lcang ka de'u'i glu blangs na// bya spyod rnal 'byor dbang du sdud// dpang ka de'u'i glu blangs na// skye dang rdzogs dang rdzogs chen sdud// theg pa dgu yi klong brdol nas// dug lnga lha srin rang srog rnams// lhun grub dkyil 'khor pad+ma yis// zhabs la 'dud nas rang srog 'bul// glu drug dbyangs kyi ting nge 'dzin to// breng nge ba yi glu dbyangs ni// sgra tshig don gsum ldan pa yis// ri rab rtser gnas lha rnams kun// me tog mchod pa sna tshogs kun// dbang chen sku la mchod byas nas// rang gi srog snying a dkar 'bul// ri rab khong seng nang gnas pa'i// lha min gdug pa'i mtshon cha kun// pad+ma'i phyag tu phul byas nas// su ser srog snying 'bul bar bgyis// gling bzhir gnas pa'i mi rnams kun// nr-i ljang srog snying ltar shes nas// nr-i yig sngon po hrir gyur nas// pad+ma dbang chen sgom zhing bsgrub// phyi yi rgya mtsho nang gnas pa'i// chu srin la sogs dud 'gro rnams// du yi srog snying dud kha ba// pad+ma dbang la 'bul bar byed// grong khyer ser skyar gnas pa yi// yi dags phyi nang sgrib pa can// srid dmar srog snying 'bul byed cing// pad+ma dbang gi lhag ma sdud// rdo rje gdan gyi 'og gnas pa'i// tsha grang dmyal ba ma lus kun// rang srog tri nag las sad de// sems skyes pad+ma dbang chen dran// glu ni yon tan ma lus ldan// nang du sems la nyams skyes pas// phyi rol lus la gar 'gyur nas// ngag tu rang gi sngags kyang 'don// mthong snang yul la snang bar 'gyur// bag chags rmi lam rmi bar byed// dbang chen bsgrub pa'i rnal 'byor pas// glu 'di blangs pa'i yon tan yin// breng nge ba'i glu zhes bya ba'i ting nge 'dzin to// dung nge ba yi glu blangs pas// snyan pa'i tshig la chags pas na// mu stegs dbang du byed pa ni// lta ba rnam grangs sum brgya dang// lta ba'i ri bo brgyad cu dang// de bsdus lta ba drug cu dang// de bsdus bdag 'dzin rnam pa bcu// de yang rtag tshad gnyis 'dus pa'o// lta ba'i rnam grangs sum brgya ni// tshangs pa'i zhal gyi sgo nas kyang// ston pa drug tu sprul byas nas// lta ba'i ngo bo lnga bcu gsungs// ston pa re la lnga bcu re// lnga bcu tshan drug sum brgya yin// de la tshangs pa'i ston pa drug/zhal nas sprul 'dod 'di lta ste// 'od srungs bu ni rdzogs byed dang// chu lha'i bu ni ka ri dang// ka t+ya'i bu ni nog chen dang// gcer bu pa ni gnyen gyi bu// mu stegs nam mkha'i gos can dang// skra yi zla ba can dang drug/rang gi blon po rnam drug ni// blon po nyi zla grags pa dang// blon po snying thob smra ba dang// bden pa thob kyi smra ba dang// 'jigs byed thob kyi smra ba dang// thams cad don shes smra ba dang// bkra shis thob ces smra drug la// rang gi lta ba'i 'dod lugs te// ston pas 'dod pa sum brgyar 'gyur// lta ba'i ngo bo lnga bcu ni// mu stegs gtar ka sde drug 'dod// wa sgo re thong sde pa dang// rtsig dpag sha zan sde pa da nga// bse ru 'od de sde pa dang// rgyang 'phen tshe 'di'i sde pa dang// snga phyi med pa'i sde pa drug/ ngang gis shar ba'i mu stegs yin// zhor byung mu stegs bzhi yod de// chad pa'i dus shes can dang ni// de bzhin g.yeng ba'i 'du shes can// mos pa'i 'du shes can dang ni// yangs pa'i 'du shes can dang bzhi// tshangs pa'i byin rlabs shar zhes bzhed// sangs rgyas pa dang mgo mnyam bcu// yang dag pa yi bzhi po ni// tha snyad pa dang zab pa dang// phra ba dang ni rgya che ba'o// mu stegs gsang sngags pa ni gsum// rig byed pa dang rigs spyod pa// rigs sbyor ba dang gsum yin no// mu stegs gsang chen pa ni gsum// brtul zhugs cher spyod pa dag dang// rgyal phog pa dang rgyal thob pa'o// rgyu ru lta ba rnam bzhi ni// rang bzhin rgyu ru lta ba dang// byed pa rgyu ru lta ba dang// dbang phyug rgyu ru lta ba dang// dus la rgyu ru lta ba'o// rang snang phyogs sbyong rtags pa dgu/ phya'am dbang phyug rtag par 'dod// rig byed tshig ni rtag par 'dod// brjod med gang zag rtag par 'dod// rig byed rtag par 'dod pa dang// bye brag tshig don yon tan rtag/grangs kyang nyi shu rtsa lngar rtag/ tshig don rgyu ru rtag par 'dod// rig byed rtag par 'dod pa dang// rig can tshig don bcu drug rtag/ sbyor snyon dga' ba bdun po ni// skyes bu chos can thams cad mkhyen// bdag ni chos can bde sdug dmigs// sgra ni rtag ste ma byas phyir// shing la srog yod pags bshus 'chi// shing la sems yod mtshan mo 'khum// gson lus bdag bcas srog sogs yod// sgra rtag mig gis gzung bya yin// sgom la dga' ba bdun yod de// snang ba 'di bor stong gzhan sgom// don dam med pas kun rdzob med// snang 'di bral ba gcig mi rtog/ dran pas skyon yin dran bkag sems// skyon yon mi lta rnam par dang// bde ba rtog med tsam du sgom// skye 'jig rtog bral tsam du blta// mu stegs gsang ba rig byed ni// phyi rol don med sems 'di rtag/ mtha' yi gsang ba rig byed ni// snying dkyil shel sgong phyis 'dra sems// snyan dngags ri byed 'dod pa ni// dus gsum 'pho 'gyur med pa'i srog/ lta ba sum brgya drug bcu ni// gzugs dang tshor ba 'du shes dang// 'du byed rnam shes lnga po la// re re la yang bzhi bzhir brtsi// gzugs nyid bdag ma yin pa dang// gzugs la bdag ni med pa dang// bdag nyid kyang ni gzugs ma yin// bdag la yang ni gzugs med do// tshor ba la sogs de ltar du// bzhi bzhir brtsis bas nyi shu pa'o// de la yang ni gzugs kyi gzugs// gzugs kyi tshor ba bya ba dang// gzugs kyi 'du shes shes pa dang// gzugs kyi 'du byed ces pa dang// gzugs kyi rnam par shes pa'o// bzhi bzhir brtsis bas nyi shu'o// de yang nyi shu brtsib ni// gzugs la bzhi ste tshor ba bzhi// 'du byed bzhi la 'du shes bzhi// rnam sems bzhi ste nyi shu'o// nyi shu tham pa lnga la brgya// 'das pa brgya ni nyi shu dang// ma 'ongs brgya dang nyi shu dang// da ltar brgya dang nyi shu ste// rtag pa chad pa gnyis po rnams// sum brgya drug cu rtsa gnyis yin// lta ba drug cu rtsa gnyis ni// sngon mthar rtog pa bco brgyad dang// phyi mthar rtog pa bzhi bcu bzhi// spyi bsdus drug cu rtsa gnyis so// 'das pa'i mthar rtog bco brgyad la// 'jig rte na rtag par rtog pa bzhin// bsam gtan chung 'bring chen po gsum// 'jig rten tha dad mi mthong bzhin/ kha cig rtag par rtog pa bzhin// tshangs pa rtag te gzhan mi rtag/ 'byung bzhi'i lus 'byung sems ni rtag/ lha bu rtsod 'khrugs dbang gis 'chi// lha bu yin 'khrugs 'chi 'gyur yang// lha gzhan sngon gyi mtha' nas rtag/ lha mi spong ba'i lta ba bzhi// rang la blo ma sbyangs pa dang// rtogs pa'i mngon pa'i nga rgyal dang// ma sbyangs rnam par g.yeng ma yin// shes pa gzhan bzhin shin tu rmongs// mtha' la yod med lta ba bzhi// bdag dang 'jig rten mtha' dang ldan// bdag dang 'jig rten ldan mi ldan// ldan pa la yin mi ldan min// rgyu med par ni lta ba gnyis// bsam gtan dag la rten pa dang// rtog ge bdag la rten pa'o// phyi ma'i mtha' rtog bzhi bcu bzhi// 'du shes can sogs drug cu ni// bdag gzugs can yin 'du shes yod// bdag gzugs ma yin 'du shes yod// gzugs yin gzugs min 'du shes yod// ma yin pa yang ma yin 'du shes yod// bdag mtha' dag dang mi ldan 'du shes yod// ldan mi ldan la 'du shes yod// ldan mi ma ldan 'du shes yod// bdag 'du shes chung rngun dang yang ldan// 'du shes tshad med pa dang yang ldan// 'du shes gcig dang ldan pa dang// 'du shes sna tshogs ldan pa dang// gcig tu bde ba ldan pa dang// gcig tu sdug bsngal ldan pa dang// gcig tu bde ba sdug bsngal ldan// gcig pu bde sdug mi ldan pa'o// 'du shes med par smra ba brgyad// gzugs can yin la 'du shes med// gzugs can ma yin 'du shes med// yin la ma yin 'du shes med// yin yang yin la 'du shes med// mtha' dag ldan la 'du shes med// mtha' dag mi ldan 'du shes med// ldan mi ldan la 'du shes med// ldan mi mi ldan 'du shes med// 'du shes yod med rtog pa brgyad// gzugs yin 'du shes yod med min// gzugs can ma yin 'du shes yod med dang// gzugs min gzugs can ma yin yod// gzugs can ma yin pa yang min// 'du shes yod pa ma yin med pa min// mtha' dag ldan yang yod min med// mtha' dag mi ldan yod min med// mtha' dag ldan ma ldan pa yod med min// mtha' dag ldan yang mi ldan yod min med// chad par lta ba rnam pa bdun// shes pa rtag bzhi phung po rtag/ gzugs yod 'dod khams med nas chad// de bzhin gzugs kyi khams pa dang// gzugs med khams la bzhi ste bdun// tshe 'dir mya ngan 'das lta lnga// dbang lnga 'dod yon lnga shor yang// de nyid myang 'das dgongs pa dag/ bdag gir 'dzin pa rnam bcu ni// phung po lnga la gcig pur 'dzin// de las kun 'byung dgu ru 'dzin// bdag ni de la za bar 'dzin// bdag yin legs nyes byed par 'dzin// nyon mongs rnam byang bdag por 'dzin// phya dang dbang phyug gtso bor 'dzin// rang dbang gyur pas dbang du 'dzin// rang bzhin ye nas rtag par yang 'dzin// bdag yod chos yod rnal 'byor 'dzin// nyon mongs rnam par byang bar 'dzin// mu stegs rtag chad spyi'i rnam grangs bstan pa zhes bya ba'i ting nge 'dzin to// de nas rtag par lta ba ni// snying dkyil byed pa po nyid rtag/chad par lta ba'i mu stegs ni// tshe la snga phyi med par 'dod// de la rtag par lta ba dgu// spyir ni bdag rtag blo 'gyur lta// phya'am dbang phyug rtag par 'dod// rig byed tshig rtag dug sngags 'dra// brjod du med pa'i gang zag rtag/ rigs bya rtag pas khams gsum mo// bye brag rtag pa thams cad sems// snying stobs rdul dang mun pa rtag/ srog zag sgom la nges par rtag/ byed pa thams cad mthar thug rtag/chad par lta ba rnam pa gsum// yon tan khyad par chad par lta// las ni rgyu 'bras chad par lta// tshe ni snga phyi chad par lta// dbang chen dregs pa gsang ba las// mu stegs kyi lta ba gsang bar ston pa'i le'u ste// mun pa'i 'khor sgo gtan la dbab pa'i le'u stelnga pa'o//// de nas bcom ldan pad+ma yis// sharda pa yi glu blangs pas// glu dang tshig bcad bab chol sbyar// don dang tshig tu mthun pa ni// mos pa chung ba'i nyan thos dang// dmigs pa phra ba'i rang rgyal 'dus// de yang sprul pa'i nyan thos ni// kun dga' bo dang shA ri'i bu// mo 'gal bu dang 'od srungs so// lam la gnas pa'i nyan thos ni// 'gog pa dag la gnas pa'o// tshul rtag 'dzin pa'i nyan thos ni// rtsa ba bzhi la gyes pa ni// thams cad smra ba'i sde pa bdun// 'od srungs sde dngas stong sde// chos srungs sde dang mang thos sde// gos dmar sde dang rnam phye'i sde// rmongs pa'i sde dang rnam bdun yin// mang po'i bkur ba'i sde la gsum// 'jig rten gnas pa'i sde pa dang// gtsug lag khang chen sde pa dang// rgyal byed tshangs pa'i sde pa gsum// phal chen pa yi sde pa lnga// sha ra ri pa yi sde pa dang// nub ri pa yi sde pa dang// gsang ba'i rig byed gnas pa dang// 'jig rten 'das par smra ba dang// rtag par yod par smra sde'o// gnas brtan pa yi sde pa gsum// sgra sgrogs dril bu'i sde pa dang// sku srungs pa yi sde padang// gnas ma bu pa'i sde pa gsum// nyan thos grags pa 'di dang yang// rang byung sdom pa bcu gsungs te// gang zag gang las skye ba dang// sdom pa blangs bya'i yul dang ni// thob dang ma thob pa yi rgyu// thob pa rang gi ngo bo dang// ming gi rnam grangs bgrang ba dang// nges pa'i tshig gis mtshon pa dang// rab tu dbye ba'i grangs res dang// gtong ba'i rgyu dang bcas pa dang// thob pa'i don ni brtan pa dang// gtang ba'i don rnam ldan par byed// sbyangs pa'i yon tan bcu gnyis ldan// zas kyi sgo nas sbyangs pa gsum// bsod snyoms gdan cig phyis mi len// gos kyi sgo nas sbyangs pa gsum// thang bsham thabs chos gos gsum// gnas kyi sgo nas sbyangs pa bzhi// bla khab med dang dgon pa dang// shing drung pa dang dur khrod pa// spyod lam sgo nas sbyangs pa gnyis// cog pu pa dang ji bzhin pa// mdo sde bye brag lta ba yang// mthun pa'i mu bcu 'di lta ste// dgag bya rtag chad 'gegs par mthun// nyams len lam ni bden bzhir mthun// 'bras bu sa bdun thob dus mthun// lhag bcas lhag med thub tshul mthun// 'bras bu dgra bcom ngeM bo mthun// theg pa'i sa lam mthong lam mthun// nyon mongs gra dang tshor spong mthun// phyogs rtogs gzhag pa'i rgyu mtshan mthun// nges 'byung theg pa'i rgyu mtshan mthun// rnam shes tshogs drug smra bar mthun// nyan thos kyi gsang ba bshad pa'i ting nge 'dzin to// dmigs pa phra ba'i rang rgyal ni// bse ru lta bur gcig pur gnas// ne tso lta bur khyu yang lding// 'di gnyis mthun pa'i mu dgu yod// dgag bya gzung 'dzin 'gog par mthun// nyams len rten 'brel lam du mthun// skye ba lngas thob 'bras dus mthun// mgyogs chen rdzu 'phrul thob tshul 'thun// me 'bar chu 'brug rdzu 'phrul 'thun// yid ni bde mchog ngo bo 'thun// phyogs rtogs gzhag pa'i rgyu mtshon 'thun// nges 'byung gzhag pa'i rgyu mtshan mthun// lta ba rten 'brel bcu gnyis la// lugs nas byung ba bcu gnyis ni// ma rig rgan mo long ma 'dra// 'du byed rdza mkhan mkhas pa 'dra// rnam par shes pa spre'u 'dra// ming dang gzugs ni yul mkhar 'dra// skye mched drug ni mkhar dang 'dra// reg pa 'od ni byed pa 'dra// tshor ba bus mo mda' 'phog 'dra// len pa me tog 'thu ba 'dra// sred pa tshwa chu 'thung ba 'dra// srid pa pho mo sprad pa 'dra// skye ba mal bu skyes 'dra// rgas pa re shul zhig pa 'dra// shi ba ro ni bsdum pa 'dra// de nas lugs su bzlog pa ni/ shug 'bru dag la rtag pa yis// phyi yi rten 'brel lugs las bzlog/ dur khrod dag tu rtag pa yis// nang gi ma rig rtsad nas gcod// phyi nang rten 'brel dgongs pa sgom// rang sangs rgyas shes bya ba'i ting nge 'dzin to// garda pa yi glu blangs pas// gar dang dbyangs ni khrol bur bcad// don mthun pa ru sbyar ba yis// sems tsam pa dang dbu ma pa// rang dbang med par sdud pa'o// sems tsam rnam pa gsum yod de// rnam bcas rnam med rnam rdzun smra// rnam bcas grib bcas shes bya ba// gnyis med dag la gnyis snang 'dod// rnam med grib med ces bya ba// gnyis med gnyis snang dri ma med// rnam rdzun rnam bden rnam pa gnyis// rnam rdzun gang gis shes pa la// rgyu gnyis 'dod bar byed pa dang// de min rnam pa bden pa'o// 'di dag 'thun pa'i mu bcu yod// dgag bya nyan rang 'gog par mthun// theg chen lam lngas lam mthun// nyams len gcig dang 'du 'bral mthun// bskal pa gsum na 'bras thob mthun// rang gi ngo bo sku gsumamathun// nyon mongs spong sbyongagand ka mthun// nges 'byung bzhag pa'i rgyu mtshan mthun// phyogs rtogs bzhag pa'i rgyu mtshan mthun// rnam par rig tsam smra ba mthun// gtan tshig chen po bzhi mthun no// sems tsam zhes bya ba'i ting nge 'dzin to// bye brag gshis kyi dbu ma ni// chos nyid spros pa'i mtha' bral dbus// brjod pa sgra yi dbu ma ni// dbu ma can du mtshon byed dbu ma ni// dbu ma tsam du mtshon byed tshig/phyogs su 'dzin pa'i dbu ma gsum// mdo sde spyod pa'i dbu ma ni// nyan thos mdo sde pa bzhin 'dod// rnal 'byor spyod pa'i dbu ma ni// sems cam lta ba bzhin du 'dod// dbu ma spyi zlum zhal che ba// don dam spros pa kun dang bral// kun rdzob gtan 'bebs rnam pa brgyad// kun rdzob spyi yi mtshan nyid dang// ngo bo slu bar byed pa dang// nges tshig rtags mi bzod pa dang// dbye ba yang dag bzlog pa gnyis// so so'i mtshan nyid bstan pa dang// skyob par byed pa'i mthun dpe dang// sgrub bar byed pa'i rig pa don// kun rdzob gnyis kyi khyad par brgyad// ngas ni khyod la gsal bar bstan// don dam bden pa bstan 'bebs brgyad// spyi yi mtshan nyid spros dang bral// don dam ngo bo dam pa'i yul// nges tshig shes bya dam pa'o// dbye ba rnam grangs rnam grangs min// so so'i mtshan nyid stong par gnas// khyad par skyob pa bco brgyad stong// sgrub byed rig pa rnal 'byor go/ mtshan dpe gang 'thad sbyar ba rnams// dbu ma'i don rnams rab smras pa'o// dregs pa gsang ba'i rgyud las// spyod pa'i 'dren sgo bstan pa ste drug pa'o//// de nas khro rgyal chen po yis// lcang ka de'u'i glu blangs pas// dbyangs dang tshigs su bcad pa ni// kri ya u pa yo ga btus// kri ya don gyi lha drug ni// stong pa chos nyid lha ru gnas// grag pa sgra yi lha yin la/ yig 'bru gsung gi phyag rgya lha// phyag mtshan lha ni thugs yin te// sku ni dngos su grub pa la// yongs su rdzogs pa'i lus yang bsrungs// rnam sna nga snang mtha' mi bskyod gsum// rigs kyi gtso bo sangs rgyas nyid// spyan ma gos dkar ma ma ki/ rigs kyi yum gsum sangs rgyas gzugs// 'jam dpal spyan ras phyag na rdor// rigs kyi bdag po byang chub sems// gshin rje rta mgrin bdud rtsi 'khyil// rigs kyi khro bo rnam pa gsum// rnon po rtse mo phur ma gsum// rigs kyi pho nya gsum du grags// bco lnga rje khol lta bur 'dod// bya ba'i rgyud ces bya ba'i ting nge 'dzin to// lta ba yo ga spyod pa 'og/cha gnyis 'dzin pa u pa ya// rdo rje'i gdung dang rin chen gdung// pad+mo'i gdung dang gzhon nu'i gdung// dam tshig sems dpa' rang nyid la// ye shes sems dpa' grogs po'i tshul// mchod cing bsgrub pa dngos grub don// ma lus don rnams grub byed pa// spyod pa'i rgyud ces bya ba'i ting nge 'dzin to// mngon par byang chub rnam lnga ni// stong pa nyid la byang chub dang// zla ba'i gdan dang yig 'bru gsum// phyag mtshan sku ru grub pa ni// gtso bo dgu dang lha mo brgyad// byang chub sems dpa' bcu drug dang// sgo ba bzhi rnams rab gsal nas// dbang bskur ba yi cho 'phrul dang// spyan drangs mchod dang bzlas pa yi// cho 'phrul bzhi yi lha tshogs rnams// spun zla lta bur bsgrub par 'dod// rnal 'byor rgyud ces bya bar grags// dregs pa gsang ba'i rgyud las// thabs kyi sbyor sgo'i le'u ste bdun pa'o//// de nas pad+ma he ru kas// dpang ka de'u'i glu blangs pas// dbyangs tshig don gsum gnas sbyangs pas// bskyed dang rdzogs spyod rdzogs pa'i skur snang ste/ rnam smin rig 'dzin rnal 'byor lus// tshe dbang rig 'dzin sprul sku'i 'khor// phyag rgya chen po longs sku'i 'khor// lhun grub rigs 'dzin chos sku'i 'khor// 'bras bu sku lnga lhun grub thob// rgyud ma hA yo ga'i ting nge 'dzin to// rnal 'byor bla med lung gi don// rig par snang ba kun bzang yab/ yul du snang ba bzang mo yum// bar na 'brel ba bde chen sras// ye shes yab kyi skur snang bas// dbyings ni yum du rnam par dag/sras ni bde ba chen por gnas// dbyings dang ye shes dbyer med pa// sprul pa'i sku ru snang ba de// lung chen ngang du sangs rgyas pa'o// lung a nu yo ga'i don bstan pa'i ting nge 'dzin to// rnal 'byor bla med man ngag don// rang bzhin skye ba med pa las// rol pa 'gag pa med par shar// mtshan nyid gnyis su med par gnas// blo rtogs thams cad chos nyid grol// mdo ni thig le nyag gcig bsdu// 'gag ni bya btsal med par sdom// phu thag da lta'i snang bar bcad// 'gro sa chos kyi dbyings su gtang// chos kyi sku ru sangs rgyas pa'o// dregs pa gsang ba'i rgyud las// nges pa'i gsang sgo bstan pa'i le'u ste brgyad pa'o//// de nas pad+ma he ru kas// sngags dang mtshan nyid khyad par gsungs// 'khor 'das chos kyi mtshan nyid rnams// ji ltar gsal ston rgyu yi lam// dngos po rnams ni stong par ston// bskal pa grangs med tshogs kyang bsogs// mtshan nyid rgyu yi theg par gsungs// de ltar 'bras bu mi shes so// 'khor 'das chos rnams ma lus pa// sku gsung 'bras bu gtan la 'bebs// rigs gsum rigs bzhi rigs lnga dang// longs sku sprul sku chos kyi sku// snang tshabs ched ston gzugs skur gsal// tshe 'di nyid la 'bras thob pa'o// dbang chen dregs pa gsang ba'i rgyud las// rgyu mtshan nyid dang 'bras bu gsang sngags rnam par dbye ba ste le'u dgu pa'o//// de nas bcom ldan 'das kyis sems la dmigs pa 'di gsungs so// sems la dmigs par byed pa ni// de la ngo bo rab bshad na// bem po'i las ni log pa yis// rang gi rig pa tsam du 'dod// de la nged tshigs rab bshad na// dmigs yul bsam pas 'jug pas sems// de la rnam grangs rab bshad na// sna tshogs pas ni snang bas sems// rten byed pas ni yid ces bya// dbang po rang rang yul shes pas// de ni rnam par shes pa'o// de la dbye ba rab bshad na// rtog med kun tu snang ba ni// snang ba mched pa nyer thob gsum// rtog bcas rang bzhin snang ba ni/rang bzhin rtogs bcas brgyad bcu'o// de la mthun snang rab bshad na// mi mkhas pa la snang ba ni// nyi na mo mtshan mo mtshams kyi cha// mkhas pa rnams la snang ba ni// yi ge brda sprod snang ba yang// oM dang AHdang hU~M du snang// mtshan nyid pa la snang ba ni// sems dang sems byung ma rig pa'o// gsang sngags pa la snang ba ni// bskyed rim pa la snang ba yang// rdo rje dang ni pad+ma dang// lha yi sku dang gshegs su gsol// rdzogs rim pa la snang ba ni// rtsa rlung thig ler snang ba'o// de la rang bzhin rna gzhag ni// snang ba'i 'khor du gsum gsum las// mchod pa rang bzhin bzhi bcu dang// nyer thob ma rig skad cig ma// de la mtshan nyid rab bshad na// bcos pa'i mtshan nyid blun mo ni// ba glang rdzi la snang ba yang// nyin mtshan mtshams kyi char snang la// rnal ma'i mtshan nyid sems gsum snang// de la 'jug pa'i go rim ni// dang po snang ba de la mchod// de nas nye bar thob pa'o// de la 'jug pa'i dus tshod ni// yun thung skad cig thang gcig nas// yun rings 'khor bar gnas kyi bar// snang pa gsum gyi kun khyab 'jug/ de la sems gsum nges bsgrub na// rtog med kun snang nges rlung yin// rtog bcas rang bzhi snang ba ni// snang ba gsum dang khams phra gnyis// kun gzhi dang ni yid yin no// de la man ngag gtan la dbab// spyi dang bye brag rnam gnyis bshad// spyi ni dngos dang 'gyur tshul bcas// bye brag gso so spyir dril bstan// dngos ni yid kyi rnam shes so// 'gyur tshul rlung sems bcas pa la// mi rta lta bu tshogs pa gcig/ chu dang 'o ma dbyer med bzhin// so so dbang po rnam lnga yang// mig sna rna ba lce dang ni// lus kyi dbang po gsang ba'o// mig la gzugs kyi snang ba gsum// rna ba sgra yi snang ba gsum// sna la dri yi snang ba gsum// lce la ro yi snang ba gsum// lus la reg bya'i snang ba gsum// tha mal rnal 'byor yang dag gsum// tha mal pa la snang ba ni// dmyal khams gzugs med khams rnams la// kun la snang ba'i khyab pa'o// gzugs can rnams la dbang lngas khyab// gzugs med yid kyi snang ba'i khyab// yul can rnal 'byor snang ba gsum// snang bas yul de mthong ba dang// mched pas yul la legs nyes brtags// nye bar thob pas zhen pa log/ dag pa sangs rgyas snang ba gsum// snang ba sprul pa'i sku yin la// mched pa longs spyod rdzogs pa'i sku// nye bar thob pa chos kyi sku// sbrul sku rang la snang ba gsum// snang ba sprul skur 'khrungs pa dang// mched pa chos kyi 'khor lo bskor// nye bar thob pas mya ngan 'das// longs sku rang la snang ba gsum// snang ba ye shes sgyu ma'i sku// mched pa dgongs pas chos kyang ston// nye ba thob pa sa bcu pa'i// 'khor gyi sgrib sbyongs chos skur grol// chos sku rang la snang ba gsum// snang ba ye shes sgyu ma'i sku// snang bas chos sku longs skur shar// mched pa longs skus sprul skur 'gyed// nyer thob slar yang chos skur grol// de la don ni rab bshad na// snang ba gang ldan bshad pa gsum// 'khor ba'i khams gsum sems can rnams// rnang ba gsum dang ldan pa dang// 'jig rten lha srin gdug pa rnams// snang ba gsum dang ldan pa dang// dag pa'i sangs rgyas sku gsum rnams// snang ba gsum dang ldan pa'o// de la skyel sa rab bshad na// sems gsam dag ni skyel sa ni// gsal stong gnyis su med pa yi// mngon par byang chub ngang du bskyal// gsal ba rang rig snang ba la// stong pa yul gyi snang ba ste// yul sems gnyis su med pa ni// mngon sum byang chub sangs rgyas par// dbang chen rnal 'byor pa yis mthong// pad+ma dbang chen dregs pa gsang ba'i rgyud las// snang ba gsum gtan la dbab pa sems gsum la dmigs pa'i le'u ste bcu pa'o//// de nas bcom ldan 'das kyis rlung rnams kyi de kho na nyid 'di gsungs so// rlung rnams de nyid rab bshad na// de yang rlung gi ngo bo bshad// srog dang rtsol pa'i bdag nyid de// srog ni nang du gnas pa la// rtsol ba phyi nang ldang 'jug byed// de nas rlung gi nged tshig ni// 'khor 'das las kun byed pas rlung// 'khor ba'i rgas na 'chi bar byed// 'das pa'i sku dang ye shes byed// de nas rlung gi dbye ba ni// rtsa ba'i rlung dang yan lag rlung// rtsa ba'i rlung ni rnam pa lnga// srog 'dzin pa dang gyen du rgyu// thur sel me mnyam khyab byed yin// yan lag rlung yang rnam pa lnga// rgyu ba rab tu rnam par rgyu// yang dag rgyu dang nges par rgyu// de nas rlung de rigs 'dzin la// rtsa ba yan lag brdas pa bshad bya// klu yi rlung dang rus sbal rlung// tshangs pa lha sbyin lta bu'i rlung// gzhu rgyal lnga ni rtsa ba yin// nyi ma 'brug dang gla rtsi dang// a ru ra dang reg 'jam bya// de nas rlung gi gnas pa gsum// rtsa ba srog 'dzin snying gar gnas// gyen du rgyub lkog ma ste// me dang mnyam pa lte ba la// thur du sel ba gsang ba na// khyab byed tshig la gnas pa'o// yan lag rgyu ba mig la gnas// rab tu rgyu ba rna ba la// rnam par rgyu ba sna yin te// yang dag par ni rgyu ba lce// nges par rgyu ba lus la gnas// de nas rlung gi las byed tshul// thun mong khyad par gnyis yod de// thun mong 'khor ba bskyed pa dang// 'das pa bskyed pa'i las gnyis byed// 'khor bskyed par byed pa yang// dang po pha ma'i sa bon 'byin// bar do'i shes pa dag dang bsres// ma yi mngal du smin par byed// bar du lus rgyas rgas par byed// tha mar 'chi ste lus sems 'bral// bar dor lus lan yang yang 'khor// 'das pa bskyed par byed pa yang// rnal 'byor bskyed rim sgom pa dang// rdzogs pa'i rim pa bsgom pa dang// 'bras bu thob par rlung gis byed// khyad par las gnyis 'khor 'das te// 'khor ba'i rgyu la las byed gnyis// rtsa ba dang ni yan lag yin// ma shi bar du tshe srog 'dzin// mchil snabs gyen la 'dren pa dang// bshang gci khu khrag thur la sel// me mnyam drod kyis kha zas 'ju// khyad par 'gro drug las rnams byed// rgyu bas gzugs ni mthong bar byed// rab tu rgyu bas sgra rnams thos// rnam par rgyu bas dri yang tshor// yang dag rgyu bas ro rnams myong// nges par rgyu bas reg bya shes// 'das pa'i bye brag ci shes pa// srog 'dzin la sogs las bzhi 'grub// khyab byed bar dor 'od gsal 'char// yan lag spyi dang bye brag bshad// thun mongs dngos grub thob pa dang// mngon shes rnam pa lnga yang 'char// de nas rlung gi bya ba yang// 'byung lnga rtsa ba yan lag yin// srog 'dzin chu la gyen rgyu me// thur sel sa yin me mnyam me// khyab byed nam mkha'i rlung du 'dod// rgyu ba me la rab rgyu rlung// rnam rgyus ste yang dag/ nges par rgyu ba nam mkha' 'o// de nas rlung gi rgyu tshul ni/ gcig ni gtso bor rgyu tsam na// rlung gzhan 'khor du rgyu ba'o// me yi rlung ni gyen du ldang// chu yi rlung ni thur du dbab// sa yi rlung ni thad kar gnas// rlung gi rlung ni bsegs la gro// nam mkha'i rlung ni kun la khyab// de nas rlung gi rgyu ba'i grangs// spyi dang bye brag rnam pa gnyis// spyir na nyin zhig phrugs gcig la// nyi khri chig stong drug brgya pa'o// bye brag tu ni me yi rlung// nyis brgya nyi shu rtsa lngar rgyu// gzhan yang de bzhin rgyu ba yin// de nas rlung gi nyams len gsum// phyir la 'gro na btang ba yis// man ngag stod nad tshad pa sel// nang du 'jug na gang pa yis// man ngag smad kyi grang ba 'joms// khong du gnas na kha sbyor gyi// man ngag tshe yi rigs 'dzin thob// 'byung 'jug gnas pa gsum du slobs// de nas rlung gi man ngag 'di// rlung gi kha dog rab bshad bya// srog 'dzin dkar la gyen rgyu dmar// thur sel ser la me mnyam ljang// khyab byed mthing kha'i mdog can yin// rgyu ba dmar la rab rgyu ljang// rnam par rgyu ba ser po la// yang dag par ni rgyu ba dkar// nges par rgyu ba mthing kha la// de nas rlung dang lha sbyar na// rtsa ba'i rlung yang gnyis su snang// rags par snang ba rigs lnga'i yum// phra bar snang ba rigs lnga yab// yan lag gnyis su snang ba yang// rags par snang ba sems mal// phra bar snang ba sems dpa' ste// mdor na zhi dang khro bor snang// khro rgyal pad+ma he ru ka/ rlung gi de nyid 'dul bya'i don// pho nya 'gug 'dren las rnams spro// de nas rlung gi rang bzhin gnyis// ma dag 'khor ba'i rang bzhin ni// phung po khams dang skye mched yin// dag pa sangs rgyas rang bzhin ni// bde gshegs sku lnga ye shes lnga// de sogs dpag med rgyal bar 'gyur// de nas rlung gi bsdu ba ni// rtsa ba'i rlung lnga bems por bsdu// yan lag rlung lnga gsal bar bsdu// bems po 'byung ba rlung dang ni// gsal ba rig pa'i rlung zhes bya// de nas rlung gi 'byor sa tshad ni// rnam par ral tu gsal ba dang// rgyu ba nges par 'byung ba'o// rtsam pa kha dog lngar shes te// rgyu ba lo zla nyin zhag dus// de nas rlung gi dgos pa ni// rdo rje'i bzlas pa grub pas dgos// de nas rlung gi don bshad na// rlung rnams gang la ldan pa ni// 'khor ba'i sems can thams cad la// zag bcas rlung dang ldan pa la// rnal 'byor lam bsgrub rnams la yang// khams kyi 'du lugs gsum dang ldan// mya ngan 'das pa'i sangs rgyas la// zag pa med pa'i rlung dang ldan// de nas rlung gi 'bras bu ni// lam gyur 'bras bu rigs 'dzin bgrod// mthar thug 'bras bu wa gsum thob// pad+ma dbang chen dregs pa gsang ba'i rgyud las// rlung gi de kho na nyid bshad pa'i le'u ste bcu gcig pa'o//// de nas bcom ldan 'das kyis rdo rje'i bzlas pa'i dgongs pa 'di gsungs so// rdo rje'i bzlas pa bya ba yang// 'di ni ngo bo rab bshad pa// yi ge 'bru gsum zhes bya ba// oM dang AHdang hU~M du gnas// 'di ni nges pa'i tshig bshad na// sngags ni shes skyob shes bya ste// sngags rnams der ni 'dus pas shes// 'dod ba'i don grub 'khor ba skyob// 'di ni dbye ba rnam bzhir gnas// brjod par bya ba'i 'bru gsum ni// oM dang AHdang hU~M du bzlas// dmigs par bya ba'i 'bru gsum ni// lus ngag yid gsum sku gsung thugs// brda ru gyur pa'i 'bru gsum ni// rlung ni 'jug ldang gnas pa gsum// don dam pa yi 'bru gsum ni// 'od gsal stong pa zung du 'jug/ 'di ni las kyi rnam bzhi byed// brjod par bya ba'i 'bru gsum las// sngon 'gro mchod rdzas byin brlabs dang// dngos gzhi lha sku bskyed pa dang// snying pos bskul ba'i bsnyen bsgrub dang// tha mar sku gsung thugs su thim// dmigs par bya ba'i 'bru gsum las// 'khor ba'i lus ngag yid gsum bskyed// 'das pa'i sku gsung thugs 'grub ba'o// brdar gyur ba yi 'bru gsum las// phyir sdang oM las 'gro don mdzad// nang 'jug hU~M gis dngos grub len// khong gnas AHni chos kyi sku'o// don dam pa'i yi 'bru gsum las// 'od gsal snying rje chen po thabs// stong pa shes rab ngos bzung bral// thabs shes zung 'jug dbyer med pa'o// 'di ni bzlas pa'i dpe bzhi ni// rdo rje ltar na dbyer med pa// 'bru gsum lus ngag yid gsum dang// sku gsung thugs dang dbyer med do// rdo rje lta bu thogs med ni// nyin bzhag phrugs gcig dag la yang// nyi khri chig stong drug brgya rgyu// bzlas pa de ltar 'grub pa ni// rang bzhin lta gong sa bzlas brjod do// rdo rje rtse lnga ltar gnas ni// dper na rdo rje rtse lnga pa// cha gsum dag tu yod pa ltar// phyir la ldang ba bde gshegs lnga// nang du 'jug pa ye shes lnga// khong du gnas pa 'byung lnga'o// rdo rje rin chen lta bu ru// dgos 'dod re ba skong ba ni// mchog dang thun mong dngos grub rnams// thams cad ma lus 'grub pa'o// 'di ni rdo rje'i bzlas pa'i thabs// zhi ba'i bzlas pa bya ba dang// khro bo'i bzlas pa bya ba dang// de dag re re kun la yang// bsnyen pa bzlas byar gnyis su 'gyur// 'di ni bzlas pa'i yon tan yang// nyon mongs dug gsum sbyong ba dang// lus ngag yid gsum sgrib pa dag/ sku gsung thugs kyi dngos grub dang// sku gsum 'bras bu thob pa'o// 'di ni srid gsum sbyar na bzhi// phyi yi srid pa gsum po ni// steng na lha gnas bar na mi// 'og na klu yi srid pa'o// nang gi srid pa gsum po ni// dang po skye bar srid pa dang// bar du na ba'i srid pa dang// thar mar 'chi ba'i srid pa'o// g.yang ba'i srid pa gsum po ni// la la na dang ras na// a wa d+hu ti dag tu 'dod// dbang ba'i srid pa gsum po ni// pho dang mo dang ma ning gsum// 'di ni khams gsum sbyar ba ni// 'dod khams hU~M la gzugs khams oM// gzugs med khams ni yi ge AH 'di ni mtho ris ngan song sbyar// oM ni byol song yi dags AH/ hU~M don ma rtogs dmyal bar 'khor// oM ni lha yin lha min hU~M// AHni mi ru gnas pa'o// 'di ni mya ngan 'das bar sbyar// sbrul sku oM la longs sku hU~M// AHni chos skur gnas pa'o// 'di ni 'bru gsum kha dog bshad// oM ni dkar la AHni dmar// hU~M nimathing ka'i mdog yin no// 'di ni 'bru gsum lha srin sbyar// oM ni gti mug klu yin la// AHni 'dod chags gnod sbyin te// hU~M ni zhe sdang gshin rje'o// 'di ni 'bru gsum sgra yi gnas// oM gyi sgra ni spyi bo nas// kha ru yong ba'i yum tsam mo// AHyi sgra ni greb nas// kha ru song ba'i yun tsam mo// hU~M gi sgra ni lte ba nas// kha ru yong ba'i yun tsam mo// 'di ni 'bru gsum don bshad pa// lus kyi stod smad gnas pa ni// oM ni lus steng mgon gnas// AH ni lus bar mgrin par gnas// hU~M ni lus smad thugs kar gnas// 'di ni 'bru gsum bskyed pa'i rgyu// rgyu ba'i rgyu ni yi ge AH// dngos rgyu A li kA li sogs// gsang sngags ma lus 'dis bskyed pas// sngags kun rtsa bar 'di 'gyur ro// 'di ni 'bru gsum dgongs pa ni// bskyed rim rdzogs rim kun 'grub bas// 'bru gsum sngags kyi rgyal po 'di// lam zhugs rnal 'byor kun la dgos// 'di ni 'bru gsum don bshad ni// chos dgos gang yin ngos bzung na// 'di ni rdo rje bzlas pa yin// oM AH hU~M// pad+ma dbang chen dregs pa gsang ba'i rgyud las// rdo rje'i bzlas pa'i don bstan pa le'u stebacu gnyis pa'o//// de nas bcom ldan 'das kyis mngon par byang chub pa 'di gsungs so// mngon par byang chub don nyid ni// khyed la gdams ngag bshad par bya// 'di yi byang chub ngo bo ni// don dam spros pa bral ba'o// 'di yi byang chub nges tshig ni// mngon zhen 'khor ba snod bcud la// chub pa snang dang zhen bral nas// de don mngon du byas pa'o// 'di yi byang chub dbye ba ni// ngo bo nyid kyi byang chub ni// chos rnams gnas lugs skye med gnas// lam rim mngon par byang chub ni// bdag nyid bsgrub pa'i lus 'di yang// rgyu ma bsam gtan stong par rtogs// 'bras bu'i mngon par byang chub ni// gzugs sku gnyis po chos skur thim// 'di yi rnam grangs rnam gcig ste// phyi dpe mngon par byang chub ni/ nyi ma dag kyang ma shar ba'i// nam mkha' sprin med lta bu'o// nang don mngon par byang chub ni// rang rig spros pa'i mtha' bral ba// bde stong dag tu gnas pa'o// 'di yi bsam gtan rnam pa bzhi// sngon 'gro bla mar gsol ba btab// dngos gzhi bsam gtan rnam bzhi bsgom// thun mtshams thun tshod bzung ba dang// rjes spyod lam kun mi 'bral bya// dngos gzhi bsam gtan gnyis sgom pa// ril por gzhig pa'i bsam gtan dang// rjes su gzhig pa'i bsam gtan no// ril 'dzin bsam gtan bdag nyid ni// pad+ma dbang gi skur gsal nas// de ni dam tshig sems dpa' yin// thugs kar yi ge gsal ba ni// de ni ye shes sems dpa' yin// yig 'bru thig le'i rang bzhin nam// de yi nang du thig le gsal// de ni ting 'dzin sems dpa' yin// rang nyid de ltar sgom pa dang// sems can rnams dang tha dad med// yi ge 'od 'phros 'phags pa mchod// sems can sbyangs nas slar la 'dus// spyi nas snying gar thur la thim// rkang mthil snying gar gyen la thim// snying kha'i thig ge stong par bsgom// rjes su gzhig pa'i bsam gtan ni// sgom pa'i rim pa kun mthun yang// de ltar sgom par byed pa yis// shes pa rang yang stong par thim// 'di yi byang chub dpe bstan pa// ril por 'dzin pa'i bsam gtan dpe// me long dag la has btab pa'i// dbugs kyi ngad 'dus lta bu'o// rjes su gzhig pa'i bsam gtan dpe// lteng ka dag tu chu 'khyil ba// sa la thim nas med pa'am// thal ba rlung gis 'thor byas nas// rlung bcas nam mkha' zhi bzhin no// 'di yi nyams kyi 'char dus ni// gnyis dus ye shes skye ba dang// dbang po gnyis ni mnyam sbyor dus// lhan skyes ye shes skye ba dag// lam sgom dus su ye shes skye// 'chi dus ye shes skye ba'o// 'di yi byang chub thim lugs ni// sa ni chu la thim pa yi// rtags ni smig rgyu lta bu dang// de yi nyams yang 'od lngar 'char// chu yang me la thim pa yi// rtags ni du ba lta bu dang// me yang chu la thim pa ni// srin bu me khyer lta bu dang// rlung ni rnam par shes pa la// thim pas nyi ma lta bu dang// rnam par shes pa chos nyid du// thim dus sprin med nam mkha' 'dra// dbang chen dregs pa gsang ba'i rgyud las// byang chub kyi le'u ste bcu gsum pa'o//// de nas bcom ldan 'das kyis zung du 'jug pa 'di gsungs so// zung du 'jug pa'i don 'di ni// khyed la rab tu bshad bya na// de nyid zung 'jug ngo bo ni// gnyis med ye shes chen po yin// de nyid nges pa'i tshig bshad na// zung ni gnyis kyi rnam pa la// 'jug pa gcig tu bsres pa'o// de nyid dbye ba bye brag spyi// bye brag gzhi lam 'bras bu ni// ngo bo nyid kyi zung 'jug bzhi// chos rnams gnyis med gnas pa'o// lam gyi rim pa'i zung 'jug ni// dngos por snang ba'i chos can rnams// chos nyid stong par gnas pa'o// 'bras bu'i zung du 'jug pa ni// sku gsung tha dad med par gcig/spyir ni 'od gsal zug 'jug gnyis// rig pa'i sems kyi 'od gsal ni// rgyu yis ma bskyed rkyen mi 'jig/ rig cing gsal ba'i sems 'di yang// cir yang ma grub ye shes rtogs// de ni sems kyi 'od gsal yin// dbang po sgo lnga'i yul snang ba'i// snod du 'dzin pa kun bral de// yul du ma grub ngos bzung bral// stong par rtogs pa'i ye shes ni// chos can chos nyid ngang du grol// de na chos nyid 'od gsal yin// yul sems gcig tu 'dres pa ni// de ni 'dres pa'i zung 'jug yin// sems nyid chos nyid dbyer med na// de ni dbyer med zung 'jug yin// thabs dang shes rab 'brel ba ni// de ni 'brel ba'i zung 'jug yin// don dam kun rdzob tha dad bral// de na don gcig zung 'jug yin// mdor na gnyis pa'i chos rnams kun// gnyis med gyur na zung 'jug yin// de nid mtshon dpe bstan pa yang// dper na glang chen mthun po gnyis// gnya' shing gcig gis bsdus nas ni// zhing rmo'i bya ba byed pa ltar// snang ba dang ni stong pa gnyis// don gcig tu ni rtogs par byed// de nyid rnam grangs rnam pa gsum// snang ba zung du 'jug pa ni// zung du 'jug pa'i ngo bos te// de yang thabs dang kun rdzob dang// shes rab dang ni don dam gnyis// gnyis med gcig tu ston pa'o// 'brel ba zung du 'jug pa ni// yon tan dag gi rnam pas te// gsal stong gnyis su med pa ru// chos rnams thams cad gnas pa la// de ltar ma rtogs thugs rje skye// 'gog pa zung du 'jug pa ni// rtog pa'i khyad par dbye ba ste// gsal ba dang ni stong pa ru// chos rnams thams cad 'dus rtogs nas// de la rnal 'byor blo chen gyis// gnyis 'dzin rnam rtog mi gnas so// de nyid zung du 'jug rtogs pa'i// gang zag mya ngan 'das lugs gnyis// theg pa chung ngu thams cad ni// las dang nyon mongs sgo nas 'byed// theg pa chen por gyur pa kun// sku gsum sgo nas 'byed pa'o// theg chung nyan rang lta bu ni// sems can thams cad 'chi ba yang// lhag ma'i lus 'dir dor mod kyang// las dang nyon mongs bag chags kyis// lus de ma bor yod pas na// de yi phyi ma'i lus len pas// lhag bcas mya ngan 'das pa yin// da lta'i lus 'di dor byas nas// las dang nyon mongs bag chags kyis// lus yang med par gyur pa yis// lhag med mya ngan 'das pa'o// theg pa chen po 'di ltar bshad// lhag bcas mya ngan 'das pa ni// rigs 'dzin gzugs sku rnam gnyis thob// lhag med mya ngan 'das pa ni// chos kyi sku nyid mngon gyur thob// de nyid zung du gang 'jug na// rig pa'i ye shes gsal ba dang// yul gyi dbyings nyid stong pa gnyis// gcig tu 'dres shing ro gcig pa'o// de bzhin zung 'jug 'bras bu ni// rdo rjes 'chang ba chen pos sku// mtshan dpes brgyan pa longs sku la// de yi thugs ni mi rtog pa'i/ ye shes 'od gsal chos kyi sku// de la thugs rje 'byung ba ni// ma 'gags shar ba sprul pa'i sku// sku gsum lta bur snang na yang// gsum mo tha dad ma yin no// rdo rje 'chang skur ro gcig 'gyur// zung 'jug 'bras bu de nyid ni// dkyil 'khor bdag po rdo rje 'chang// rgyud kyi ston pa kun tu bzang// gdug pa 'dul na pad+ma dbang// mdor na 'khor 'das chos rnams kun// ji ltar snang ba pad+ma'i sku// dbang chen don las ma g.yos pas// 'khor 'das dregs pa gsang bar phyung// rmongs pa mi shes mun pa la// gab sbas med pa'i rgyud chen 'di// 'gro bas rtogs phyir gsal bar bshad// 'di ltar bstan yang ma go na// skal med rigs chad med par nges// dpal pad+ma dbang chen dregs pa gsang ba'i rgyud las// dbyer med zung du 'jug pa'i le'u ste bcu bzhi pa'o//// de nas bcom ldan 'das kyi dregs pa dbang gi las la bskol ba 'di gsungs so// rnal 'byor dgra bo sgrol 'dod na// dkyil 'khor mal gyi 'og tu bca'// gru gsum nag po rgya sog byug/ tsher ma can gyi shing gdan la// ra rog sogs pa ming byang ni// khyi yi khrag gis bri bar bya// yugs sa'i skras bkyigs dong nang gzhug/seng ldeng phur pa sor brgyad gdab// nyi shu rtsa gcig rtsang dmar ni// thur du kha bstan gzugs par bya// ri rab g.yam pas kha yang bcad// de ltar rang gi mal yang bca'// mdun du mtshan ngan thod pa'i nang// rta na gar rog khyi nag snying// sha sna snying sna'i gtor ma bshams// g.yag rog rwa co g.yas pa'i nang// dug khrag lcags zangs nyungs nag dang// nyungs kar skye tshe gang 'byor dang// pha 'ong nag po'i grig pa blug/ bya rog mda' la dar nag gdags// gtor ma dar nag zhal kheb bya// rang nyid pad+ma gsang chung ni// zhal gcig pa la phyag gnyis pa// g.yas pa rdo rje gdengs pa la// g.yon pa sdigs mdzub thugs kha na// pad stong steng na thod par bcas// mdun na lha chen nag pa ni// g.yas pa kha T+wAM rtse gsum bsnams// g.yon pa gun+d+he sku la bsten// dug gul nag mo ras gyon ma// g.yas pa phyag gis gtsol 'khyud// g.yon pa rak+ta gtso la stob// mon pa nag po thar byed dgug/ zhags pa g.yas la gri gug g.yon// mon mo nag mo khrag mig dgug/ lag na mtshon cha sna tshogs thogs// bse yi skyes bu dmar po dgu/ lag na dmigs pa len par sgom// zla ba gsum du sngags 'di gdon// has khyung bya kri mu ka phaT// rog ti nag po srog la chem chem// rog sha nag posrog po ba ma ril ril// tsi ta nag po srog la rbad rbad// 'ur ba 'ur ba kha long kha/ ku tri ku tri dgra la b+h+yo// dam nyams srog nal kha sog sog/ rgyug breng kha long kha/ badzra ma tra srog la rbud rbud// glog snying dron mo thang la phyung// snying khral dron mo zhal du 'thung// dam nyams che ge mo'i srog ngan sgal nas chod// spyi bor skra bcings 'gram g.yas khrag// g.yon pa sol bas byug par bya// gcer bu ro sol thal bas byugs// d+ha ra ma glegs bam khur byas la// lag tu cang te 'u thog sa la dkrol// sngags bzlas sku nyid dngos su ston// me chen 'bar ba mthong na rab// bya nag mang po lding ba dang// shing la sta res gcod pa dang// sprin nag 'thibs pa 'byung ba ni// 'bring po yin par shes par bya// skya shar mang po byung ba dang// sha la khyi yis stod pa dang// lug khyur spyang ki zhugs ba ni// tha ma yin par shes par bya// mal 'og ling ka sbyin sreg bya// g.yag ru'i thun rnams zor du 'phangs// bsgrub pa sa thob bar dag tu// gdong dang lag pa mi bkru zhing// rang gi mal stan mi sprug go/ thon nas blo bur don mi gnyer// 'gro na rang lus gu kul bdug/khrus byas nas ni 'gro bar bya// dregs pa gsang byed dbang chen gyi rgyud las// pho zhe sdang gi gtso bo las srog bsgrub pa'i le'u ste bco lnga pa'o//// de nas bcom ldan 'das kyi thog dang ser bas gzhom pa 'di gsungs so// dang por rang nyid pad+ma dbang// zhal gcig pa la phyag gnyis pa// g.yas pa seng ldeng dbyug pas te// g.yon pasdigs mdzub zhags can sgom// oM sbar ta krid hri// ha ha hU~M hU~M phaT// gsum tsho bcu gcig skyol ba na// ra nga gi lus kyi bsrung ba yi na// de na smyug ma'i dong bu'i nang// nyung kar gtsang ma byas nas// snga'adi'abum tsho gsum du bzlas// oM na mo b+ha bag+to rig khrid mi ri ya hU~M phaT phaT// tshes bdun nas ni pha mo'i sngags// bcu bzhi bar du bzlas par bya ha ri nag phog/ ha ri nA ga myogs// ha ri nA ga khril// ha ri nA ga b+h+yo// ha ri rak+Sha b+h+yo// ha ri rag sha shag/ ha ri rig+sha phro// ha ri rag sha shar// ha ri rag+sha bron// de nas dben pa'i gnas nyid tu// dkyil 'khor mthing nag gru gsum nang// mi nag rta nag khyi nag khrag/ nyungs kar thun gyis rdzas su bya// phur pa gsum dang mchod rten dang// rnel gri 'am ni sha ba'i mgo// gru gsum grwa la gzhag pa ni// marda bud+d+ha zhes kyang bya// de nang 'khor lo gru bzhi pa// 'brug glog sbrul gyis dgang bar bya// sngags 'di 'bum chog gsum du bzlas// oM sum b+ha ra hril hril// hU~M na mo ba ga bag+to rig khrim la ri ya// yul che ge mor tsita ni ra sna ta ye sAr la phob bo// gru gsum rtse la gnas pa ni// dbang phyug chen po sbrul la zhon// mthing nag rdo rje be con bsnams// lha mchog chen po spre'u la zhon// mthing skya zor ba pho rtags 'dzin// gu lang nag po khyi la zhon// ser nag rlung nag phyag na 'dzin// gru gsum logs la gnas pa ni// ra hU~M la ni phag la zhon// mgo dgu dud kha mda' gzhu thogs// spen pa nag po 'brug la zhon// phyag na bre ba phyags ma bsnams// be ba sa ra stag la zhon// mthing skye be con snyem bsnams// mi nag rta nag khyi nag dang// 'bri nag byung na grub pa yin// sdur ma sngo la zhugs pa dang// btsas ma rnga na grub pa yin// ri rtser skyer ba'i phur pa gzugs// 'bring ni kham pa'i khrag dang ni// thun khrag bsres pas lam yang bstan// thod pa seng ldeng phur pa yis// yul gyi lha yang 'phang bar bya// mchod rten skyer ba'i phur pa yis// zhing gi dkyil du mtho yang gzugs// bcu bzhi dag la ser rta bskyal// bco lnga thog ser 'khrug cing 'bab// pad+ma dbang chen dregs pa gsang ba'i rgyud las// nga rgyal can gyi gnod sbyin chen po drug gis thog dang ser ba dbab pa'i le'u ste bcu drug pa'o//// de nas bcom ldan 'das kyis dbang du bya ba 'di gsungs so// rang nyid pad+ma he ru ka/ zhal gcig phyag gnyis rta mgo ljang// rdo rje sdigs mdzub yum dang 'khril// thod pa kha twAM 'dzin pa'o// mdun du tsan dan dkar po'i chus// lag pa g.yon pas maN+Dal 'bul// srin lag g.yon pa'i chos 'byung bri// de'i steng gser mdog mkha' 'gro ma// g.yas pa shing thog a ru ra// g.yon pa 'bras kyi snye ma 'dzin// sngags 'dis man+Dal dbul bar bya// oM g+ha taM dz+hi ba/pa ra k+sha ni/ pha la ha re/ b+ha su n+he/ dz+hi wang+ka sha ri/ puSh+ti ka re/ b+ha ya nA sa ni/ sar+b+ba duSh+ta ni/ b+hany+dza b+hany+dza/ dz+ham+ba dz+hi ut+d+ha be/ ku ru ku ru/ ma ma karaM dzaMswAhA/ sngags 'di 'bum du bzlas par bya// 'dod pa ma lus thams cad 'grub/oM rA dzi hri dza/ badzra b+ha ra hi/ ha ri nis ri na// shrI ba su ni/ d+ha ma na k+She tre/ a pa rwa dza ta hri dza/ dbang chen dregs pa gsang ba'i rgyud las// 'dod chags kyi bdag nyid kyis dbang du bsdu ba'i le'u ste bcu bdun pa'o//// de nas bcom ldan 'das kyis bsrung zhing bzlog pa 'di gsungs so// mchod rten zur gsum nag po bya// bum pa'i nang du bdag gi gzugs// lag tu phur bu bzung byas nas/zur la bzlog sngags gsum po bri// 'og gi ling ga dag la gzer// pho mo klu gsum 'dis bzlog go/ oM trag rak+sha ka rdar ni rbad b+h+yo// kha thun tshal ba nri rbad b+h+yo// nA ga shu tsa ra nri rbad b+h+yo// shan+ti pa ra nri rbad b+h+yo// ma nri ra ga nri rbad b+h+yo// yag+sha kha thun nri rbad b+h+yo// kha thun tshal pa nri rbad b+h+yo// hri tri dza nri rbad b+h+yo// pho thams cad dril te bzlog pa'o// dza thun kha la rak+sha ya// du ra yak+sha snying la ya// khal tsha nA ga srog la ya// kha rag yak+sha rbad su ya// ma ma rag ga khrag la ya// hi ri kha la rak+sha ya/ shu bo ra dza dbugs la ya// traM b+h+yo ta ma b+h+yo las la ya// mo thams cad sbyir dril te bzlog pa'i sngags so// tri thun kha la rtse yak+sha trad// ma ni dza thun kha la rbad// ma ni ra ga snying la rbad// pI ra tsa ni gzugs la rbad// snying khrag da la srog la rbad// ya ka yak+Sha srog la rbad// a gu sha ya snying la rbad// ma nri ra ga srog la rbad// klu gnyan thams cad dril te/ bzlog pa'i sngags so// zla ba gang yang rung ba yi// dus brgyad la ni gza' bdud dang// sde brgyad sdongs nas rgyu bas na// khang pa zur gsum skong bu nang// du ga khrag nyung dkar snga gas bzlas nas// dgra la zer du 'phang bar bya// bla rtsi ba bla mu li dang// sdong rgyus 'u 'bul shul dag dang// shing kun nyung dkar sngags bzlas nas// mgul du btags na bsrung bar 'gyur// dregs pa gsang ba'i rgyud las// phrag dog can gyi sde brgyad kyis bsrung zhing bzlog pa'i le'u ste bco brgyad pa'o//// de nas bcom ldan 'das kyis dpal bskol ba 'di gsungs so// dkyil 'khor gru gsum nang dag tu// ling ga ming rus ldan pa la// tha ma rbod rbad sngags kyis bskor// phyi ni rdza rnal ga 'ur gzhug/ nang ni glang ru nang du bya// gsang ba mdze thod nang bzhug go/bdag nyid pad+ma dbang chen sgom/ sngags 'dis klu rnams bod par bya// oM nag po tam pa rtsa ya hU~M dza nA ga kro ti shwa ri hU~M dza/ na ga du na du na/ he li na ga 'dus 'dus sa ma yA dza/ klu yi cho 'phrul du ma byung// dkar gsum dmar gsum gtor ma dbul// rbad sngags 'dis bsgrub las la btang// 'jig rten khams kyi klu rnams 'du// oM nag po ta pi rtsa ya/ na ga rak+Sha/ che ge mo he khu la/ phe shan phos phos shig shig/chuM chuM hU ya hU ya/ klu nag po mgo dgu pas// dgra bo'i srog la ma ra ya dza/ de nas gsad par bya ba ni// dug gi thun dang khrag gi thun// phurapas btab nas gtad par bya// bsad pa'i sngags 'dis rang glud brdeg/nag po baM tsit+ta la rgyob// trag thur snying la thur// snying 'gul gul myags myags// rtsa bzhi bkums// shan shan srog la shan// thur thur srog la thur// che ge mo ma ra ya sod// sha ra na rgyal rigs gnas pas dkar// lho na bram ze gnas pas ser// nub na rje rigs gnas pas dmar// byang na dmangs rigs gnas pas sngo// byang shar rdol pa gnas bas nag/ phyogs dang kha dog shes nas ni// dmangs dang gdol pa nag la gtad// gang gtad 'chor ba med par 'gyur// gal te ldog pa gyur pa na// pad+ma dbang chen skur gsal te// thugs las bya khyung sprul pa gtang// gsang ba'i sngags kyis bsrung bar bya// oM hu lu hu lu nag po tsa pa la rak+sha// e A ra la ni ga sri hU~M/ ka ru na tsa le tsa le hU~M phaT// ces bzlas bsrung ba dam pa'o// dbang chen dregs pa gsang ba'i rgyud las/ gti mug can klu nag po la gtad pa'i le'u ste bcu dgu pa'o//// de nas bcom ldan 'das kyis mkha' 'gro ma dang byang chub sems dpa'i tshogs la gzigs nas 'di gsungs so// dkyil 'khor mngon du phyung ba yis// lha tshogs bcu gsum dkyil 'khor gsal// gzugs bsnyen dkyil 'khor bris pa yis// thugs kyi rten la bsgrub par bya// rim pa dbang la bgrod pa yis// dbang bzhis lam dang mchod par bya// sku gsum yon tan 'phrin las kyis// dbang chen dregs pa 'dul bar bya// mun pa'i 'khor sgo chen po yis// 'gro drug mu stegs dbang du bya// spyod pa'i 'dren sgo bsten pa yis// mtshan nyid theg pa dbang du bya// thabs kyi sbyor sgo bshad pa yis// bya spyod rnal 'byor don rnams 'dul// nges pa'i gsang sgro bstan pa yis// bskyed rdzogs rdzogs chen pa la bskyal// rgyu 'bras dbye ba bshad pa yis// snang tshabs stong tshabs che chung shes// sems la dmigs par byas pa yis// snang ba gsum po gtan la 'bebs// rlung gi de nyid bsten pa yis// 'khor 'das bya ba byed pa shes// rdo rje bzlas pa bshad pa yis// gsang sngags 'bru gsum don du 'dus// mngon par byang chub rim pa yis// sgrib bral dgongs pa mya ngan 'das// 'od gsal zung du 'jug pa yis// rdo rje dbang du yang sangs rgyas// pho yi bsgrub pas bskol ba ni// zhe sdang can la srog mthus bsgrub// gnod sbyin zan la phabs pa yis// nga rgyal can la thog ser bsgrub// mo yi bsgrub pa byas pa yis// 'dod chags can la dbang du sdud// gdug pa gsum po mngags pa yis// phrag dog can la bsrung zhing bzlog/ klu gnyan sa bdag gzer ba yis// gti mug can la klu gtad bsgrub// man ngag ma lus gsang ba rnams// 'dis 'dus dbang chen gsang ba'i rgyud// bstan pa dar bar spyod 'gyur ba// lha dang mkha' 'gro'i thugs kyis zung// zhes phyogs bcur sgra sgrags pas// kun gyis rang rang gi skad du go nas bde ba chen po chos kyi sku la thim mo// dbang chen dregs pa gsang ba las// yongs su bsdus pa'i le'u ste nyi shu ba'o//// rgyud 'di u rgyan slob dpon pad+mas bsgyur nas// rgyal po la gtad de sbas pa 'dis// phyi rabs rnal 'byor las 'phro can dang phrad par shog/

CLOSE WINDOW