232a1 rgya gar skad du/ many+dzu shrI lo ha ka man+t+ra tan+t+ra rA dza/ bod skad du/ 'jam dpal dmar po'i sngags rgyud kyi rgyal po/ bcom ldan 'das dpal ya man ta ka la phyag 'tshal lo// 'di skad bdag gis thos
232a2 pa'i dus gcig na/'jam dpal ya man ta chos kyi sku las sprul pa'i skur bzhengs te/ 'gro ba ji ltar 'dul ba bzhin dgongs nas/ rang bzhin gyi gnas yum chen mo be ta li dang gnyis su med pa'i mkha'
232a3 dkyil du/thig le chos kyi sku las longs spyod rdzogs pa'i sku srid pa gsum la dbang sgyur ba/ gshed chen po bzhi dang/ mthar byed brgyad dang/ phyogs skyong chen po bcu dang/ sprul pa'i dmag dpon bzhi dang/
232a4 ging dang bdud kyi rigs thams cad dang thabs cig go/ gzhan yang byang chub sems dpa' phyag na rdo rje dang yang thabs cig go/ gzhan yang de'i tshe de'i dus na/ gshin rje sgrol ging ma ru tse zhes bya ba/ srid ba
232a5 gsum gyi dbugs la rgyug pa/srog la dga' ba/ zas su sha la za zhing skom du khrag la dad pa/ las su srog gcod cing shan pa byed pa dang yang thabs cig go/ de yi tshe na gzhan yang las dang rgyu rkyen drag po
232a6 las grub pa/rtsi bcud kyi mtsho la gnas shing sha khrag gi zas tshol ba/ badzra zom sha ma dang/ badzra g.yang gzhi ma dang/ badzra dan sha ma dang// badzra phor thogs ma la sogs pa bden pa ma mthong ba snying rje dang
232b1 bral ba/'jigs pa brda mi 'phrad pa 'jigs pa'i spyugs glu len cing dur khrod na rgyug pa/ kha dang sna'i rlangs pa las tsha ba'i nad gtong zhing grong khyer la smod pa 'dor ba/ de yi 'khor na gnas pa'i ma mo
232b2 'dod chags kyi mtsho la gnas pa/'gro ba sems can gyi sha khrag dang srog dbugs la rgyug pa/ dus ma yin pa'i dus dang bskal pa ma yin pa'i bskal pa gtong ba dang/ las dang rgyu rkyen drag po las grub pa
232b3 bsam gyis mi khyab pa dang yang thabs cig tu bzhugs so// de'i tshe sgrol ging lcam dral 'khor dang bcas pas/ bcom ldan 'das ya man ta ka'i drung du lhags te/ 'di skad ces gsol to// he he dpa' bo chen
232b4 pos bka' gsol mdzod// dpa' bo chen pos bka' gsal nyan// bdag cag 'khor dang bcas pa la// dbang dang ldan pa'i ming gcig thogs// bkres skom med pa'i zas gcig gsol// dka' sla med
232b5 pa'i las gcig bkos// zhes zhus pas/ 'dus nang 'khor dang bcas pa rnams// de ring khyed la dbang bskur gyis// ces gsungs te/ mahA rak+ta maN+Dal ces khrag gi rgya mtsho mtha' dang dbus med bar bskyed
232b6 de/de dag yum gyi b+ha ga rak+ta'i dkyil 'khor gyi steng du bzhag nas/ oM ku ma ra many+dzu shrI ma ru tse pa ta ya swAhA/ zhes pas nyid kyi thugs ka nas nyid dang 'dra ba'i sprul pa/ 'jam dpal sku gzhon nu 'od zer dang
233a1 bcas pa ston to// oM a b+hi shiny+tsa hU~M/ zhes mdun gyi sgrol ging dang gnyis su med par dbang bskur ro// ming gis dbang bskur ba ni/ 'jam dpal ma ru rtse zhes ming btags/ de nyid kyis srog
233a2 gi snying po mdongs sol du phul ba ni/badzra yak+sha ma ru rtse dun dun/ ces mdun du 'khod do// de nyid kyi dpral ba dang/ mgrin pa dang/ snying gong dang/ lheng sna nas dza las lha mo mdangs ldan ma ston te/ a b+hi
233a3 Shiny+tsas gnyis su med par dbang bskur te/ming gis dbang bskur ba ni/ rdo rje 'phrul mo che/ rdo rje dbang mo che/ rdo rje rtsal mo che/ rdo rje stobs mo che/ zhes ming btags so// de bzhis srog gi snying po phul ba ni/
233a4 ku man da ri dza dza/ k+shu la da ri dza dza/ tsa mun dza ri dza dza/ kang ka da ri dza dzA/ zhes phul te phyogs bzhir 'khod do// bkres skom med pa'i zas su ni// dam rdzas bdud rtsi lnga la longs spyod cing// rmad du byung ba'i
233a5 gtor ma byin// dka' sla med pa'i las su ni// bdud dang srin po 'dul ba dang// sangs rgyas bstan pa 'jig pa dang// rnal 'byor spyi dgrar gyur pa dang// bka' kun dam log gdul bar gyis// zhes
233a6 gsungs pas// gdug byed bse yi lcam dral 'khor dang bcas pas/ las thams cad byed pa'i las mkhan du khas blangs so// 'jam dpal dmar po'i sngags rgyud las/ gleng bzhi'i le'u ste dang
233b1 pa'o//// de nas byang chub sems dpa' phyag na rdo rjes/ bcom ldan 'das la 'di skad ces gsol to// bcom ldan 'das gdug byed bse yi lcam dral 'di yi sgrub thabs la/ gnas dang dus tshod dang zhag
233b2 grangs dang// dkyil 'khor dam rdzas bstan du gsol// zhes zhus pas/ bcom ldan 'das kyis/ kye phyag na rdo rje khyod nyon cig/ gdug byed bse yi lcam dral 'di// sgrub na gang zhig dang ba yis// sems
233b3 dang ldan pas bsgrub par bya// gnas ni dur khrod chu gling du// dus tshod dgun zla tha chungs la// dbyar zla tha chungs dag la bya// zhag grangs nyi shu rtsa gcig go/ sgrub pa'i gnas dus kyi le'u ste gnyis
233b4 pa'o//// de nas dkyil 'khor brtsig bya ba// rgyu ni dur khrod sa la bya// maN+Dal rgyal chag gang spangs// dbus su dong brkos thod pa la// lha rnams snying bo bris byas la// ma ra ya yi ming rus bzhugs// de
233b5 stengs sa yis mnyam pas g.yog/khrag gi chag chag thig btab la// dbus ni mthing nag zla gam dmar// 'khor lo rtsibs bzhi ldan pa la// rtsibs chan dmar la gru chad ldan// sgo dang sgo khyud ldan par
233b6 bri// dam rdzas la yang rnam pa gnyis// sgrub pa'i rdzas dang drag po'i rdzas// sgrub pa'i rdzas ni 'di rnams so// kyi ra dmar khra'i sha dang khrag/ ma ru tse yi rdzas su bzhag/ mar khu sbrang rtsi rak+ta dang// 'o ma la
234a1 sogs bzhi po ni// bse mo bzhi yi rdzas bzhag/ spyan gzigs tshogs pa'i gtor ma gsum// sgrub pa'i dam rdzas de bzhin gzhag/ drag po'i rdzas la rnam pa gsum// pho rdzas mo rdzas rten rdzas
234a2 gsum// shar du dam rdzas lhor ni hom// nub tu phur pa byang du dug/ shod rde'u'i grangs la rtsa gcig ste// de ni pho yi rdzas su bya// rtsa ba bdun 'ug pa bya rog sgro// byang du bzhag ste skud pa lnga// de ni mo yi rdzas
234a3 su bya// spyi rdzas yungs kar yungs nag bzhag/ rten rdzas 'di rnams bzhag par bya// thugs dam bskang ba'i bya lug dang// brnag pa'i tsar gnya' nag la// khram byang bcu gsum gdags par bya// 'jam
234a4 dpal dmar po'i sngags rgyud las/dkyil 'khor dang dam rdzas bstan pa'i le'u ste gsum pa'o//// de nas byang chub sems dpa' phyag na rdo rjes/ bcom ldan 'das la 'di skad ces gsol to// bcom
234a5 ldan 'das/gdug byed lcam dral 'di dag ni// nub ni du dang du ru sgrub// de dag sgrub pa'i sngags ni gang// zhes zhus pas/ bcom ldan 'das kyis bka' stsal pa// nub ni bdun du bsgrub par bya// de dag
234a6 sgrub pa'i sngags ni bzhi// bskyed dang sor gzhug bsnyen pa dang// byin dbab sngags dang bzhi ru bstan// dang po'i nub la skur bskyed pa// oM ku ma ra many+dzu shrI ya man ta ka ku ma rA dza dza/ bdag nyid 'jam
234b1 dpal dmar por sgom// nub gnyis pa la gsung sgra sgrogs// bsgrags te thugs kyi 'phro 'du'i sngags// oM ku ma ra many+dzu shrI te pa ta ye swAhA/ gnod sbyin dmar nag gnyis med par// ting 'dzin so ru gzhug
234b2 par bya// nub gsum pa la bsnyen pa'i sngags// na mo rat+na tra yA ya/ na mo bai shra ba ma na s+ye/ ma hA ra dza s+ye/ na ma ta ku pa ra s+ye/ g+hu ha ka ti ba te/ ta pa na ta ku par/ ma rda'i sha myo/ a nu ru ba/ su ru pa na ya/ ku
234b3 pa ra tsan+t+ra ka na tsa kham/he mo ha sa/ ka na na ta/ ku pa ra na/ he ma kan gu ha ka/ tsa la tsa la/ tsa pa tsa pa/ su lu su lu swAhA/ las kyi ti ka yang snying ngo// nub bzhi pa la ting nge 'dzin// gsal ba'i rjes la dkyil
234b4 'khor ni// byin dbab pa yi sngags 'di'o// oM shrI many+dzu ya ma rA dza e ka dza ti dza/ rnal ma rnal te gsod la rngam/ gshos la mer/ bris la chums/ thu bis thu/ lcags kyi skra mA ra ya/ bcu gsum zhabs la gang
234b5 ming gdags// de bzhin nyi shu'i bar du bzhugs// spyir ni drag po'i sngags 'di la// dang po bcu bdun sku bskyed la// bcu drug bdag dang gnyis su med// bsnyen pa'i sngags la go drug ste// rtsa ba'i gsang
234b6 sngags rgyud du'o// de bzhin bzhi ba bcu gsum pa// nyi shu dkyil 'khor byin dbab pa'o// 'jam dpal gshin rje dmar po'i sngags rgyud las/ sgrub sngags bstan pa'i le'u ste bzhi pa'o//// de nas yang
235a1 dag bshad bya ba// las la sbyor ba bzhi ru dbye// nye bar dgongs nas 'phrin las dang// dgug pa'i rol pa'i 'phrin las so// lnga pa dag la thugs nye ste/ oM nu tha phaT/ oM dzo ta pa kri tra sod
235a2 sod/hU~M hU~M ru ta ru ta/ b+h+yo b+h+yo mA ra ya nan/ drug pa la ni yon tan sngags// oM hriSh+tI bi kri tA mon ta ma ra yaM/ oM hriSh+tI bi kri tA mon ta ma ra du/ oM hriSh+tI bi kri ta mon ta ma ra nan/ nye bar dgongs la rtsa gsum
235a3 ste// tha ma gnyis bar gang ming gzhug/ yon tan sngags la bzhi bzhi ste// rgyas par gang min gdags shing sgrub// de kun mjug la mon pa'i sngags dgug pa la yang rnam pa gnyis// dgug pa dang ni dbye
235a4 ba'o// ta ku ta ku pa ra ma ta ni dza/ oM gu sha dza dza/ bcu par gang ming bcug la bzlas// nri dza a be sha ya a/ de ltar gzugs phebs pa dang// dug la phos sngags dbye ba'o// ya ma ra dza klu ling b+ha sang sang/
235a5 ku na b+ha sang sang/ klu ling sang ku ta nan/ yol lcags sangs rku ta ko hU~M phaT/ des ni 'go ba'i lha lnga 'brel// bya rog dang ru g.yas pa dang// 'ug ba'i dang ru g.yon pa la// ming rus pho lha bris byas la// mo
235a6 yi sngags 'dis dbye bar bya// ma ma trag rak+sha ru tra mA ra ya phye/ trag kha lding mA ra ya dzA/ trag kha lding ma ra ya khug/ de ni dbye ba'i rim pa'o// de nas yang dag bshad bya ba// rol pa la'ang gnyis su
235b1 dbye// brdeg dang sha khrag rol pa'o// ra la dmigs ba bcas nas su// shar du khrid la rnal ma'o// lho ru khrid la tri ling bzlas// nub tu khrid la bra ma'i sngags// byang du rat+na tra ya'i sngags// bzlas te ra la
235b2 khrab par bya// de nas ra bsgral tsit+ta dbyung// drag sngags 'di ni bsngags pa'o// nri sha ku ru nri sha ku ru/ kha sob ti yaM ru ti yaM/ sen yaM sen yaM/ snying tshal pa rbad/ kho yi tshe srog dbrog pa'i sngags// oM A yu/
235b3 shrI ka ma ya swAhA/ de nas bdag la bstim pa ni// A yA She sang ha ra na hU~M/ de nas bags pa 'brub khung brgyad// tsit+ta mtshan byang dbus su dpung// de nas phur pa gdab pa'i sngags// oM badzra kI li ki li ya dza
235b4 la ma ra ka ra ya/oM dz+wa la dz+wa la/ pra dz+wa la pra dz+wa la/ spu ta spu ta/ sarba nA ga ta pa na ni/ sar sar/ bi sa ra/ bi sa ra/ sarba duSh+ta na hri da ya sho sha ya/ hU~M hU~M phaT phaT/ an d+ha ra pa na d+ha ra gan d+ha ra swAhA/ na ma sa
235b5 man ta bi sho ta ya/bing bing swAhA/ de nas gsad pa'i drag sngags 'di// 'brub khung mtshan byang snying la brdeg/ oM tri ling shang ka du dri za yak+sha/ rbad pu phye ma kha rdar ru ru pra pra duM duM/ shig shig/ dgra bo mA ra ya/
235b6 mA ra ya la gdon mi za'o// des su brdeg ba'i rim pa rdzogs// sha khrag rol la gnyis su bya// srid pa ma mo'i drag sngags dang// bse mo dmar la rol ba'o// trag rak+sha kha mu tra/ mu ru lu ru lu hU~M b+h+yo hU~M/ rag mo
236a1 te kum dza dza/kha la ma ti b+h+yo/ ru lu ru lu ma ting b+h+yo/ de rdzogs bse mo'i drag sngags ni// ma ma ma la yam/ 'gro lo rno rtse 'bram g.yas la ya/ ma sti sta rbad na thum ri li li/ ling sha ni ya sti sta rbad
236a2 na thum ri li li/kha chum ni ya sti sta rbad na thum ri li li/ snying kha rag dgra bo ni la ya sti sta rbad na thum ri li li/ de rdzogs dmar la rol pa'i sngags// khyi khrid ra khrid rol khrag 'thung/ kaM kaM kaM kaM king king/
236a3 sha za ba'i/ snying 'byin pa'i/ khrag 'thung ba'i/ dbugs 'phrog pa'i/ srog gcod pa'i/ mi ro za ba'i/ tsit+ta la mA ra ya sha zo/ a tang par la to/ shal kyi kyi spyang/ kra he kra he hU~M phaT/ dam tshig phyag rgya bcas la
236a4 bzlas// shrI many+dzu la sogs pa yi// pho rdzas g.yas su bskor te brab// trag rak+sha la sogs pa yi/ mo rdzas g.yon du bskor te brab// i u sa ma ya thabs thibs/ ling shor yang nges yang many+dzu shrI/ ya ma ta ka pany+dza
236a5 te ro ni hU~M dza/drag po thams cad sngags 'dis bya'o// bcu bzhi'i thabs la mA ra ya/ bcu bdun pa yis bkug la brdeg/ 'jam dpal dmar po'i sngags rgyud las/ sbyor ba drag sngags kyi le'u ste lnga
236a6 pa'o//// de nas byang chub sems dpa' phyag na rdo rjes/ bcom ldan 'das la 'di skad ces gsol to// bcom ldan 'das 'jam dpal dmar po 'di yi las kyi go rim dang/ sbyin sreg dang/ thun dang/
236b1 mnan pa dang/ lta ba dang/ dam tshig bstan du gsol// zhes zhus pas/ bcom ldan 'das kyis bka' stsal pa/ las kyi go rim gnyis kyis bstan// mnan dang bsdu ba'i 'phrin las te// de la mnan pa bstan
236b2 pa ni// byang du rgya mdud gru gsum ste// phur pa'i zur la sngon dmar bskor// las kyi gshin rjer mnga' gsol dgod// de ru brnag rdzas lhag ma la// tri ling bzlas te bskyar la brab// rtsib ma sbyin sreg mgo
236b3 lpags bstum// de nas bsdus pa'i 'phrin las te// shar gyi dam rdzas mchod par dbul// a nu ru pa khA hi/ su ru pa na khA hi/ ku pa ra tsan+t+ra khA hI/ ta ku pa ra ma tra khA hi/ btab pa'i tshig dang ldan par bya// nub
236b4 kyi lcags phur ki li'i sngags// lho yi hom la sngags 'dis bsreg/ bdud pra ma ya/ bdud bra ma ya/ bdud mA ra ya/ snying go chod/ du ru du ru/ ha ra ti ha ra ti/ dgra bo'i snying la dza'i/ nag po ti pa tsa'i/ dgra
236b5 bo'i snying la pa tsa baM ril rbad/nag po kro tI shwa ri/ snying la tsa la/ trag ma trag shig/ dgra bo'i snying la kha raM khA hi/ nag po sha pa tsa baM ril rbad/ nag po he ra haM baM ril rbad/ nag po snying mgo chod/ kha la bro snying
236b6 mgo chod/tsa la rog pa dgra bo'i snying la dza dza/ dgra bo'i snying la hu ra be ra baM ril rbad/ hu ya hu ya dgra bo'i snying la dur dur/ blo rtsa baM ril rbad/ yang na myos shing lkugs su chug/ yang na smyo zhing 'bog tu
237a1 chug/yang na rtsa ba bdun brgyud chod// mtshan byang gri yis gtubs byas la// ma ru rtse yi zhal du bstim// de ni pho bskor 'phrin las so// byang gi dug gtor 'di yis brdeg/ oM a be sha ye/ pra bi sha ye/ ba
237a2 bi sha ye/ru pa sha ye/ kha thun/ de ni mo bskor 'phrin las so// sbyin sreg 'brub khung dbus su bya// gong gi gsang rdzas rangs pa dang// ra rtsib sgal tshigs drung bsdebs la// rme gtor ling ga
237a3 bcas pa de// srog snying zhabs la kha raM smras// mchod pa bya zhing 'phrin las bcol// gtubs la bra ma ya yis bsreg/ 'jam dpal dmar po'i sngags rgyud las/ las kyi go rims kyi le'u ste drug
237a4 pa'o//// de nas yang dag bshad bya ste// tsi t+ta'i nang du ming rus gzhug/ de ni thod pa'i nang du gzhug/ rtsang la rim pas sngags bzlas te/ oM ma ru rtse sa ta ye swAhA/ ra yi kham tshul bu gar brtsem// de ni
237a5 g.yang gzhi pags pas gtum// de la khar nag skud pas bcing// hom khung nang ngam rgya gram laM/ klu gnyan srang ngam gnod sbyin srang// de ru khung brkos rab sbas la// gtang khram dag kyang 'thems par
237a6 bya// hriSh+ti bzhis bskor sngags kyis mnan// 'jam dpal dmar po'i sngags rgyud las/ mnan pa'i le'u ste bdun pa'o//// de nas yang dag bshad bya ba// mtshan byang thod par bcug pa'i ste// rme khrag dug
237b1 rdzas blug byas te// ltag rtse khung gi nang na mar// gsang ba'i sngags rnams bstim byas te// tri ling sngags kyis bsngags te 'phang// de nas thun ni 'phangs par bya'o// 'jam dpal dmar po'i sngags rgyud
237b2 las/thun gyi le'u ste brgyad pa'o//// de nas yang dag bshad bya ba// rnam par mi rtog chos kyi sku// phyogs med khyab pa'i snying rje las// sems nyid hU~M gi ngang du shar// de nas phyag mtshan rtsibs brgyad
237b3 pa// de las grub pa'i 'jam dpal ni// dmar po zhal gcig phyag gnyis spyan gsum pa// me yi 'khor lo g.yas pa na// rlung gi 'khor lo g.yon pa na// sbrul gyi ska rags thod pa'i 'phreng// spyan gsum tsha tsha
237b4 skar ltar 'khrug/shangs nas rlung nag tshub mar 'khrug/ rlung gi me yi mdog 'byin cing// snang srid kha dog gsal mdzad pa// 'bar ba'i ag tshoms sprin nag bzhin// steng 'og glog 'gyu mche ba
237b5 gtsigs// g.yas pa rak+ta'i chu rgyun 'dzag/ g.yon pa gang dmigs tsit+ta 'dren// rak+ta'i rba rlong zla ba'i steng// bdag nyid 'jam dpal gzhon nu'o// lho nas spyan drangs dmar po dang// gnyis med bstim pa'i
237b6 bdag nyid kyis// stod du sprul pa'i lha mo gnyis// smad du sprul pa'i lha mo gnyis// g.yas g.yon 'gugs byed lha mo gnyis// rtag tu lha mo'i skur bsgoms shing// gnyis med sems ni rab spangs
238a1 te// gzugs su snang ba 'jam dpal sku// sgra ru grag pa 'jam dpal gsung// gnyis med thugs su rab rtags te// 'khor ba mya ngan 'das pa'i chos// dus gsum sgrub dang rtsol las
238a2 'das// 'bras bu byang chub sems la gnas// de ltar rtogs pa'i rnal 'byor pas// gnod sbyin byung yang 'jigs sems med// de ltar gyur na 'grub par nges// 'jam dpal dmar po'i spags rgyud las/
238a3 sgom khog lta ba'i le'u ste dgu pa'o//// de nas yang dag bshad bya ba// de ltar bsgrubs pa'i rnal 'byor pas// dus de rtag pa thams cad du// ltag sprad rnga la zhing gis g.yogs// nang du gsang ba'i sgrub
238a4 sngags bri// mchog phran rkang gis brab cing brdung// nyid la bstod pa mchog tu bya// seng ldeng mkhar la gos nag bskon// da ra pa ti phrag la bkal// nga ro mon skad sgrogs shing 'gro// rab tu byung dang a tsa
238a5 ra// de la bkur sti rim gro bya// ba dmar glang dmar sha yang bsrung// rak+sha'i 'phreng ba drang po'i 'dzab// de ltar dam tshig bsrung bar bya// zhes gsungs so// de nas phyag na rdo rje yis// chos su byin rlabs
238a6 rgyud 'di ni// glegs baM gser gyi yi ger bris// me ri 'bar ba'i rtse la babs// sangs rgyas bstan pa bsrung ba'i phyir// dga' rab rdo rje nyid kyi brnyes// de nas 'dus pa'i 'khor rnams rjes su yid rangs
238b1 nas// zhal nas gsungs pa la mngon par bstod do// 'jam dpal dmar po'i sngags rgyud las/ dam tshig dang mjug gtad pa'i le'u ste bcu pa'o//// 'jam dpal dmar po'i sngags rgyud kyi rgyal po'i
238b2 sngags rgyud rdzogs so//// rgya gar gyi mkhan po shan ting gar b+ha dang/ bod kyi lo tsa snubs ban+d+he ba dbang phyug dpal gyis/ bsam yas dga' ba'i dpal gyi/ dur khrod gong mer bsgyur cing zhus te gtan la
phab pa'o/

CLOSE WINDOW