228b1 shrI ya ma ra ya rak+ta tsa ra gu h+ya tan+t+ra nA ma/ bod skad du/ dpal gshin rje dmar po ma ra ya khrag skyug gsang ba'i rgyud ces bya ba/ dpal phyag na rdo rje la phyag 'tshal lo// 'di skad bdag
228b2 gis thos pa'i dus gcig na/ra reb ri'i byang phyogs na/ gnod sbyin dmar po 'khrugs pa'i dkyil 'khor nas/ tshe srog gi bdag po 'jig rten pa'i sku/ gshin rje dmar po mi zan te// gsod byed bzhi dang
228b3 lhan cig tu// gnod sbyin drag po gtum bag can// bye ba dpag med 'khor tshogs kyis// srid gsum sems can thams cad kyis// bla dang srog la dbang bskur zhing// mi sha rlon pa zas su za// mi khrag rlon
228b4 pa khrag tu 'thung// rngam pa'i nga ro 'brug ltar sgrogs// sbyugs pa'i nga ro bod sgra sgrog/ a la la yi gad mo sgrog/ de tshe rdo rje drag shug can// dregs pa'i gdan la brkyang bskum bgrad// srog la sgrol ba'i ma
228b5 ru rtse// shan pa ma ra khrag skyug tshogs// 'tsham rngam 'bar bas dbang du sdud// de tshe drag po'i sngags rgod 'di// spu gri re chod rngam pa yi// rmod pa'i dug mda' 'di gsungs so// oM ya ho phaT/ ma ho phaT/ gshu
228b6 ho phaT/ma ru tse phaT/ rngam rngam phaT/ rngam rngam dgra bo'i srog la rngam/ nyi phaT/ hU~M hU~M phaT/ sa ma ya thu tha phaT/ ces bzlas so// mA ra ya khrag skyug gsang ba'i rgyud las/ gleng gzhi'i le'u ste dang po'o//// de
229a1 nas drag po sgrol ba'i sku// rdo rje can la lus btud nas// gshin rje dmar po ma zin te// srog gi bdag po sgrub pa dang// nye bar bod dang gsad sngags dang// 'khor lo dag gis las rim
229a2 dang// ma grub spogs dang shi sa bstan// rtags kyi drod tshad bzung ba dang// nor bu sgrub pa'i rim pa dag/ 'khor la nges par bshad par mdzod// ces gsol to// de nas ya ma rdo rje'i skus spu gri shan pa'i
229a3 las 'di gsungs so// rag ta'i klong nas sku bzhengs pa'i// gnod sbyin dmar po shan pa'i tshogs// gyad pa bzhi dang lhan cig tu// rnal 'byor ldan zhing brtul zhugs kyis// ma la ya yi gnas su sgrub// lho
229a4 phyogs dur khrod ro khung sa// dpa' bo gri ru gsad pa'i shul// lha 'dre gdug pa'i sa shul du// gsad pa'i 'khor lo drag po'i dbus/ kha dog nag po rtsang gis bskor// zla gam dmar po gdug pa'i
229a5 mtshon// 'khor lo rtsibs bzhi thod 'phreng med// mkhas pas nyi ma nub nas rtsig/ dbus su 'khor lo thod pa gca'// 'khor lo rtsibs bzhi ldan pa la// gdug pa'i mtshon cha dmar po la// srog chags bsgral
229a6 ba'i snying bzhi gzugs// bshos bu gru gsum dmar po la// ru mtshon dmar po bzhi yang gzugs// gtor ma rak+ta bdud rtsi yang// 'tshogs par byas la rnal 'byor bya// dang po stong pa byang chub sems// rgyu yi
229b1 sa bon ldan pa yis// rang gi sngags kyi rdzogs pa'i sku// dmar nag pad+ma ra ga'i sku/ kham nag ral ba kas sor bsleb// rtse la ban+d+ha lcang lo las// sprul pa glog stong skar mda' 'khrug/ gsod byed ral gri
229b2 g.yas na bsnams// g.yon na sbrul zhags sdigs mdzub me// gyad kyi dor stabs dregs pa brdzis// bdud kyi lcang mo khrag mig ma// rlung nag tshub ma'i dkyil 'khor nas// lcags kyu dmar po 'phro 'du
229b3 yis// thod khrag dmar po'i dal ya mas 'bebs// dza las sprul pa'i sgrol ging bzhi// dmar po bse yi ral pa can// bse khrab dmar po sku la gsol// chibs su bse yi bya khra chibs// khrag gi zhags ba
229b4 dmar po dang// bse yi mdung dmar chems se chems// gnam lcags 'bar ba'i ral gri dang// bse yi ldan dkar lag char thogs// 'jigs byed dkyil 'khor gsal ba dang// rang bzhin dkyil
229b5 'khor spyan drang mchod// 'phrin las bcol ba'i las kyang bya// rang gi gnas nas 'phro 'du las// srog gi 'khor lo rab bskor nas// las mkhan myur du bod par bya// sgrub bya'i rtsa sngags dril la
229b6 bzlas// sha dang khrag dang rus pa la// srog la rbad cing bla tshe dgug/ dmigs pa khugs pa'i drod dang sbyar// gsad pa'i las kyi mjug tu yang// bod rbad bsad gsum spu gri sbyar// stong grangs bar du brab pa
230a1 tsam// dgongs kyi grib so nag po dang// nam gyi gung la gsad pa tsam// de dus thod par gdab cing gtug/ nyi zer zla zer skar zer la// rbad cing bla tshe dgug bar bya// las rdzogs 'khor lo
230a2 ling ga kun// bstab dang gnad dang bsreg pa kun// bdud kyi pho skor mo skor dag/ ro langs rub pa'i dus su bya// zhes gsungs so// dpal gshin rje dmar po ma ra khrag skyug gi rgyud las/ sgrub cing las
230a3 la sbyar ba'i le'u ste gnyis pa'o//// de nas drag sngags bshad bya ba// gshin rje bsad khram dug gi mtshan// bsad pa'i dus ni 'di dag go/ oM shrI many+dzu ya ma rA dza e kaTi dza dza/ oM la ho phaT/ ma ho phaT/
230a4 gshu ho phaT/ ma ru rngam yaM rbad/ rngam rngam phaT/ nyi phaT/ hU~M hU~M phaT/ rngam rngam dgra bo'i srog la rngam/ rngam rngam/ dgra bo'i rus la rngam/ rngam rngam dgra bo'i sha la rngam/ oM ya ma hU~M hU~M hri rbad/ hU~M shu dri rbad/ ma ru
230a5 tri yaM rbad/ma ru rngam yaM rbad/ ma ru rtse mugs ni mugs ni rbad rbad/ oM ya shu ti la dun/ ma ru ngam sa ya rbad/ mugs pa ni mugs rbad/ rbad du rbad pa ya/ nri che ge mo rbad rbad/ srog la breng breng/ ma ru tse rtsa
230a6 khrag tsit+ta phyung/dgra bo'i srog la thum ril nri thums thums/ tsit+ta rbad rbad ya/ srog mugs ti rbud rbud/ rbad sha rbad myogs/ tsit+ta ku la rbad rbad/ rbad yaM/ rbad thibs/ rbad raM rbad myogs/ rbad khaM rbad rmugs/
230b1 rbad laM rbad myags/ ma ru tse dgra bo'i srog la rbad ya/ oM sa ma ya phug phug rtol rtol/ tsit+ta phyung snying kha la raM/ tshal pa tshal pa b+h+yo/ kham kham snying la kham/ phyung phyung tsit+ta phyung/ tsag shu baM ril/ thum snying la ya/
230b2 snying khrag khong nas phyung la shog/ che ge mo mA ra ya rbad/ sa mu he nu tha phaT/ dzo ta ta ba kri ta sod sod ru ta ru ta bo bo yaM yaM nan/ gshin rje dmar po ma ra khrag skyug gi rgyud las/ drag po sngags kyi le'u ste gsum
230b3 pa'o//// de nas 'khrul 'khor bshad bya ba// dur khrod ro ras de dag la// drag po'i 'khor lo rim pa gsum// rtsa ba drag po spu gri rnams// mkhas pas 'khor lo ling ga bri// bla srog gcod dang 'gugs
230b4 pa yi// gcod pa mtshon cha'i 'khor lo zhes// yang dag rdo rjes bshad pa yin// tsa ra'i thod par dgra gzugs bzhug/ gsad gnad las kyi 'khor lo de// mnan gyi gsad pa'i 'khor lor bshad// gcan
230b5 gzan dar ma'i thod pa la// gshin rje dmar po'i gzugs dang sngags// bris la lto bar ling gu grub// rnal ma rgyun gyi 'khor lo ste// gshed ma srog la 'bebs pa yi// 'khor lo nag po zhes su 'dod// rnir
230b6 dri'i thod pa rme sha ru// skyug ba khrag dang lca ba dug/ gzer pa nyungs kar thun sbyar te// skabs su ling ga dag la brdeg/ dgra la zor du 'phang ba ste// drag po thun gyi 'khor lo 'dod// gsad pa'i 'khor lo
231a1 mnan pa bya// brnag pa'i 'khor lo rgyun du rten// thun gyi 'khor lo dgra la brdeg/ ces gsungs so// gshin rje dmar po ma ra khrag skyug gi rgyud las/ 'khor lo'i le'u ste bzhi pa'o//// de
231a2 nas drag po'i las bya ba// ma grub spogs pa'i cho ga bya// lan gsum dag gis ma grub na// dur khrod ras la gshin rje'i gzugs// lto bar sngags kyi 'phreng ba bri// drag po gcan gzan thod par gzhug/ zhag
231a3 ni bdun gyi bar dag tu// zlog cig a ra la gtad par bya// de tshe gu gu la nag po yis// 'khor lo bdug cing yungs kar brab// rdzogs na 'khor lo mnan pa bya// gal te rnal 'byor nyam chungs nas// tshe
231a4 srog bdag bos 'tshe ba na// khrag dang dug dang nyungs kar gyis// sku la gtor cing bzlog par bya// de ni gshin rje dmar po dag/ ar la gtad pa'i las su bshad// gshin rje dmar po ma ra khrag skyug gi
231a5 rgyud las/ma grub spogs pa dang bstan pa'i le'u ste lnga pa'o//// de nas grub rtags nges bshad pa// bdun la bsnyen pa'i rtags bzung ba// rta pa zhub can khra la sogs// 'od dang sgra dang rlung nag
231a6 dang// mi reng dmar po btsun pa rnams// las mkhan rtags su shes par bya// rta zhon dmag gis dgra yu la 'joms// ra g.yag khrid nas gsod pa dang// dgra yi mtshon cha thob pa dang// sha kyi 'gyed dang ri
231b1 dwags shor// bla tshe khugs pa'i rtags yin pas// bsad pa'i las la 'jug par bya// ra dang ri dwags bsad pa dang// bla shing gcad dang ngos su gsad// myur du sod pa'i rtags yin pas// sha khur snying khyer
231b2 byung ba dang// sod pas gtang rag gtang bar bya// drod rtags bsnyen sgrub las la sbyar// gshin rje dmar po ma ra khrag skyug gi rgyud las/ rtags kyi le'u ste drug pa'o//// de nas nor bu bum pa'i
231b3 rgyal// rin chen ga 'u za ma tog/ rin chen lha dang 'dod pa'i mi// 'drel pa'i 'khor lo rdzogs pa dag/ bang mdzod nang du rtag tu rten// dgos 'dod 'du zhing 'phel bar 'gyur// zhes gsungs so// 'bar
231b4 byed khro bo gtum bag can// gdug pa'i nga ros 'jig rten g.yo// 'bar byed ye shes thig le nyid// ma lus 'dul la phyag 'tshal bstod// ces bstod do// dpal gshin rje dmar bo ma ra khrag skyug gi gsang
231b5 ba'i rgyud las/nor bu sgrub pa dang bstod pa'i le'u ste bdun pa'o//// dpal gshin rje dmar po ma ra ya khrag skyug spu gri reg chod kyi rgyud rdzogs so//// rgya gar gyi mkhan po d+ha na da las/ bod kyi ban
231b6 chung khri gtsug la gnang ba'o////


CLOSE WINDOW