| བོད་ཡིག |
200b3 / le'u bdun pa rdzogs so//// rgya gar skad du/ yak+Sha ging ka ra rA ga rak+Sha tan tra/ bod skad du/ gnod sbyin ging dmar po sgrol ba srin po'i rgyud/
200b4 dpal karma he ru ka la phyag 'tshal lo// sangs rgyas bstan pa bsrung mdzad pa'i// sgrol ba'i ging chen 'di rnams ni/ dpal ldan karma he ru kas// dkon mchog bstan pa bsrung ba dang// rnal 'byor btsun par
200b5 bya ba'i phyir// srid pa gsum du gzigs pa las// phyi yi sgrol ging rnam gnyis te// bstan pa bsnyen par bya ba dang// rnal 'byor btsun par bya ba'i phyir// ging chen rnams la 'di skad gsung// shrI badzra dza dza ya
200b6 ka na sha dun dun/zhes brjod pas/ ri rab kyi rtse mor thams cad 'dus shing bka' nyan zhing bran bzhin du 'khod do// de he ru kas dus nam zhig na bstan pa 'jig cing dge 'dun gyis rang lus mi thub pa'i
201a1 dus byung na bstan pa sus bsrung nus/legs nyes kyi stangs gcod cing dge 'dun brdzun gyi shang thang 'byed sus nus/ 'jig rten gyi dregs pa thams cad zil gyis gnon cing yo gal gyi stangs
201a2 'byed sus nus zhes gsungs pa dang/las kyi gshed po 'khor gyi phran mang po dang bcas pas/ bcom ldan 'das la 'di skad ces gsol to// bcom ldan 'das bdag gcag ni bdud dang/ srin po dang/ gnod sbyin
201a3 gdong dmar gdug pa rnams kyi bu ste/stong gi 'jig rten gyi khams na sems can thams cad kyi srog dang/ nor phyug dang/ tshe dang/ dbang thang skyid sdug thams cad bdag la dbang byar yod de/
201a4 bcom ldan 'das kun gyi mnga' bdag gis kyang bdag cag sgrol ging du dbang bskur cing byin gyis brlab tu gsol/ bdag cag gis kyang dkon mchog dbu 'phang bstod cing/ rnal 'byor pa btsun par bya'o
201a5 zhes brjod do// bcom ldan 'das karma he ru ka sa las kyi sgrol ging du dbang bskur ro// bcom ldan 'das karma he ru ka la bskor ba lan gsum byas te de nyid na 'khod do// gleng bslang ba'i le'u ste dang
201a6 po'o//// de nas sgrol ba'i ging rnams kyis so so'i sgrub thabs rang rang gis phul nas las kyi dngos grub blang bar khas blangs te/ dkyil 'khor mthing nag gru gsum du rjes brtags pa gnod sbyin ma ru rtse
201b1 rta thod tshangs pa thor tshugs can/jag ma'i mi rta yam shun dmar po mda' gling gsum bya ba ni khram bcu gsum bdud pho mo/ ho gyis bsad pa'i ni khu le las dgu'o// so so'i sgrub thabs bstan pa'i le'u ste
201b2 gnyis pa'o/// bstan bshig dgra bo lnga yod de// gzhung bzhin mi byed ban d+he dang// log par gnad 'dzugs khon pa dang// nga rgyal snyems pa'i ya rabs dang// las kyis snyog pa'i skye bo dang// snying
201b3 rings byed pa'i bud med la// thabs ni lnga zhig so so yin// bya bar dam bcas so so yin// gzhan de rjes rtag bon po thod// ya rabs rta dmag skye bo khram// bud med hom du sbyin sreg bya// so so'i las ngos
201b4 bzung ba'i le'u ste gsum pa'o//// de la sgrub thabs lngas bsad pa'i thabs/ slob dpon dpon pad+mas logs shig tu phyung bar shes par bya'o// de la dgra lnga la 'dra yang khyad par tsam du phye ba'o// de la
201b5 dgra lnga la sgrub thabs rnam pa lnga dang// gshed pa po rnam pa lnga/ thabs rnam pa lnga/ gnan pa rnam pa lnga// bskul ba rnam pa lnga/ gnad lnga/ brdeg pa'i dus lnga/ man ngag gi dgug pa rnam pa lnga/ sprul pa rnam pa
201b6 lnga/las byed phyogs rnam pa lnga/ rten lnga'o// lnga tshan bcu gnyis dag tu shes par bya'o// bla ma'i man ngag go/ de la gru gsum du rdzas rtag pa'i dus su gnod sbyin ma ru tse srin po mi kun gyis lcags kyi spyang mo
202a1 bcas pas dgug pa dang// mda' gling bcu gsum gyi dus su bdud mo jag mkhan gyis dgug pa dang/ drag po hoM gyi dus su bdud kyi dmag dpung gis dgug pa'o// las kyi bca' thabs kyi
202a2 le'u ste bzhi pa'o//// de la mi kun gyis dgug pa ni/ yak+sha gri ba dang/ yab yum 'khor dang bcas pa dang/ sku gsung thugs kyi sprul pa yin pa'i phyir/ nyid la sprul pa gsum byung ste/ lcags kyi spyad mo
202a3 dkar mo dang/dmar mo dang/ nag mo dang gsum byung ngo// sprul pa chen po ni srin po sha rjen nag po'o// de la dkyil 'khor mthing nag gru gsum khru gang bar bya'o// phyi yi zla kham kha khyer la bye ma brdal la
202a4 rtsang chag pa lnga dang/khyi dang/ ra yi khrag dang/ gser skyems gtor ma rgya chen gtang// thun yang srod la bskul ba ni// gnod sbyin dmar po mog la me chen 'bar// khros pa'i zhal mdog khrag gi mchin pa
202a5 'dra// skye 'gro tshe srog phyag na mnga' mdzad cing/ sku gsung thugs kyi sprul pa spyad mo 'dur mi 'chad// gnod sbyin 'khor bas dgra la 'jab// bstan 'jig dgra la mig mthong tsam nas 'gyed// spyang mos
202a6 bzung zhing srin pos sgrol// yum gyis stob cing zhal du 'dren// 'bar ba nag po bdud kyi tshogs// bcol ba'i las rnams grub par mdzod// bstan 'jig dgra bo las ngan gyi// yul mkhar khyim la las
202b1 mdzod cig/yak+sha srin po mA ra ya dza dza/ ku ku pa ra dza dza/ gying mo ni tri dza dza/ zhes brjod cing/ sgrub thabs las 'byung ba bzhin rtsang gdab bo// srin po mi kun gyis dgug pa'i le'u ste lnga pa'o//// bdud
202b2 po rta ltar 'chor bas dgug pa ni/rta thod skyer phur btsugs la/ sla nga'i nang du khrag dang 'o ma bsres pa'i nang du dgra bo'i gzugs bcug la/ gser skyems dang bshos bu khru gang ba gcig la snyug ma btsugs
202b3 la dar zab gdags/srog sngags drang/ dgra bo khrag nad gtang ba'i phyir khrag blug/ bdud dam la gdags pa'i phyir 'o ma a mri tas bsres la sla ngar bsham mo// bskul ba ni/ steng 'og mkhar sgo dgu pa'i
202b4 nang shed na// bdud kyi sras po tshang ba'i mgo/ dung gi thor tshugs khong seng can// 'khor ni shan pa bsam mi khyab// bstan 'jig dgra la ltas ngan 'bebs// rdzu ba'i sprul pa chen mo ni// gnas ni 'od dpung
202b5 nag po'i nang na gnas// 'byung ni bar snang khams nas 'byung// lhang lhang tsher tsher rta skad 'don// rna ba nyan cing dgra la 'jab// rta ltar 'tsher zhing phyogs bcur rgyug/ gzhan yang sprul pa chen po'i
202b6 tshogs// bya dkar ze dmar klad la lding// rta dkar khrum dmar phyibs su phyibs// khyi dkar sna dmar slad nas 'breng// bdud dkar spyan dmar dgra la rbod// bdag gis bcol ba'i las 'di grub par
203a1 mdzod// rta ltar 'tsher bas dgug pa'i le'u ste drug pa'o//// srin po rta dmag gis dgug pa ni// 'jam ma la dgra bo'i gzugs dang rta byas la skyon la/ bshos bu dang/ gser skyems dang/
203a2 bshos bu gru bzhi lnga la ngos gcig la khram/ ngo gcig la rta bdud 'khor lnga zhon pa/ sku mdog mthing nag la lag na mtshon thogs pa 'jigs byed kun tu nyug cing cho 'phrul gtong ba lnga'i gzugs bris la/
203a3 'jag ma'i mi rta la skyon la bzhag/ gzugs dang ming rus 'jag ma'i nang du sba'o// srog sngags bsgrang/ bskul pa ni/ hU~M/ bdud dang gnod sbyin sha dang khrag la dgyes// ma dang mkha' 'gro sha dang khrag la
203a4 dgyes// 'khor mang srin po gsod la brtson// sprul pa rta dmag skul na dga'// bstan 'jig dgra bo bdag la sdo// bran dang bka' nyan bu bas nye// yam shud dmar po sgrol ba'i ging// 'khor du rta dmag
203a5 mang pos bskor// bdud nag lcags kyi skya bzhi po// sprul na 'jig rten dmag gis 'gengs// dam nyams dgra la 'ur 'ur chems// snying phyung srog chod 'ur 'ur dun// rta dmag gis dgug pa'i le'u ste bdun
203a6 pa'o//// bdud mo jag mkhan gyis dgug pa ni// 'brad rgyas gcig la dbus zlum po la tshon rtsis pad+ma 'dab ma bzhi bris la/ de la mda' lnga 'phang lnga gzugs/ dar zab gdags/ gser skyems dang spyan
203b1 gzigs kyis bskor/dgra bo'i gzugs kyang gdags/ bskul ba ni/ srin po chen mo sham sham mo// ri rab rtse la gnas bcas shing// srid pa gsum la bya ra mdzad// bdag gi stongs dang grogs
203b2 mdzod cig/srid pa cham gyis ma bzhugs na// ma bdud rgyal mo mched de bzhi// dmag gi bdag gi rgyal mo dang// bzang dar zab kyi rkyen mo dang// srid pa kun lcam dang ya ma klu 'gro bzhi// lam 'phrang
203b3 dgug cing 'jam cing rgyag/yid du 'ong ba gang yang sprul// skyes pa kun gyi bdud du che// bdag la grogs mdzad tshur spyon// bka' dang bstan skyong da tshur sbyon// sha khrag dmar gyi gtor ma dang// 'brang rgyas
203b4 ha dang bcas pa 'bul// 'phrin las bcol lo mngon rtags phyung byas te// sems nyid khu le'i spyan sngar chung mar bsam la dbul lo// lus sha khrag rnam gnyis phur pas gdab cing 'khor rnams rol par
203b5 bsam la/ro smad dam rjen shul la 'ug pa'i tshang tsi'i hom du bsreg go/ thal ba mnan pa bya'o// bdud mo jag mkhan gyis dgug pa'i le'u ste brgyad pa'o//// bdud kyi dpung gshed bsgo ba ni/ bdag yi
203b6 dam gyi lha karma he ru kar bsgoms la/'jig rten gyi bdud dang/ gnod sbyin dang/ byang stems dang/ gshin rje dang/ bdud mo dang/ gnod sbyin mo dang/ mkha' 'gro ma dang/ lha dang/ klu dang/ gza' dang/
204a1 'jig rten la dbang byed pa thams cad las la bcol lo// gser skyems phur bu dgu dang/ spyan gzigs sna tshogs dang/ bshos bu chag gang pa lnga dang/ dpal bshos dang/ lha bshos dang/
204a2 dar zab dang/ mtshon cha dang/ ra kham pa gcig dang bsham ba sogs/ dar nag po'am dmar po phyar/ ra lugs la sogs pa'i gzugs bshams la 'di skad do// hU~M/ nga ni rang byung he ru ka/ nyon cig srid
204a3 pa'i lha 'dre rnams// stong gsum stong gi 'jig rten na// snga rabs 'das dang da ltar bzhugs// slad kyis 'byon pa 'khor dang bcas// bden pa'i tshig la mi nyan med// zab mo'i don la mi sems
204a4 med// dkon mchog gsum la mi 'jigs med// yang dag don la mi rten med// gal te bka' las 'das 'gyur ram// rnal 'byor bcol ba mi nyan nam// ci ste las rnams ma byas sam// dam tshig bka'
204a5 las 'das gyur na// thams cad med cing brlag par 'gyur// de bas las rnams myur du gyis// de bas tshul rnams rab tu bsrungs// bdag gis ma nyes lha srungs spangs// gzu dang dpang du dkon mchog
204a6 bzhugs// zhal che lha srin kun gyis chod// dmag sna rgyal po sde bzhis drongs// phung gshed bdud dang srin pos bskos// cho 'phrul the brang 'bum sdes thong// nad dang rims nad bdud mos thong// dar zab
204b1 gser skyems 'di 'bul na// bcol ba'i las la gong ma g.yel// sdang ba'i dgra la rtags ma 'gor// bar chod 'byung po rdul du lhogs// 'khor ni bdud 'bum gyis bskor// dgra bo kun gyi bdud du
204b2 che// bdud kyi bu mo sha la dga'// sha dang khrag gi gtor ma dang// dam rdzas mchod pa 'di bzhes la// dam nyams tshe bstung srog chod cig/ bdud kyi gshed bsgo ba'i le'u ste dgu pa'o//// bdud kyi dmag
204b3 dpung gis dgug pa ni/bshos bu gru bzhi gnyis la/ gcig la khu le'i gzugs dar zab gon pa/ mgo la khri ral pa'i thod bcings pa/ phyag na shel gyi spa lcags thogs pa/ bud med thams cad kyi yid du
204b4 'ong ba gcig yi ge dza las bskyed do// gcig la bud med kyi gzugs la kha mig legs par bris pa gcig nas bre gang bting ba'i steng du bzhag/ spyan gzigs sna tshogs pa dang/ mda' dang dar zab
204b5 bsog/gser skyems drang ngo// bskul pa la/ kye/ bdud po khu le lag dgu khyod// gtad pa bzhin du las mdzod cig/ bzhugs ni nam mkha'i khams na bzhugs/ sku mdog gangs dkar brtsegs pa
204b6 'dra// 'khor du bdud phyug mang pos bskor// yid du 'ong ba'i byan mo la// na chung brgyad dang rol pa mdzad// bskal pa sngon gyi gong rol na// tshangs pa dung gi thor tshugs can// bdud rgyal khu le lag dgu
205a1 khyod// dang por skye ba srid pa'i bdag/ tha mar 'chi ba srog gi bdag/ dam nyams dgra bo 'di 'bul gyis// grogs dang dbral ba'i dus la bab// 'khor gyi sprul pa de la khye// 'jig rten
205a2 gsum la mnga' mdzad pa// dgu bdud rol pa las la thud// srid pa kun la mnga' mdzad pa// ging chen khu le las la rgyug/ khams gsum sgrol bar dam bcas pa'i// cong phre nag po las la tshud// sprul cing
205a3 sprul cing don mdzad pa// rje bdud nag po las la tshud// sri dang btsan du sku sprul pa// sog po lcags kyi sma ra can// phung sri btsan par brko ba'o// gzhan yang sprul pa mang po'i tshogs// bdud phyung mang pos
205a4 bskor zhing rtse// rtags dang mchan ma da phyung zhig/ ces bya'o// 'jig rten pa yi lha 'dre'i srog sngags bzlas// bdud kyi dmag dpung gis dgug pa'i le'u ste bcu pa'o//// dang po karma he ru kas/ sangs
205a5 rgyas bstan pa bsrung ba'i phyir// gshed bzhi'i sde dpon 'khor dang bcas// dam la btags nas bstan pa bsrung du bcug/ las 'phro can dang phrad par shog/ gnod sbyin dmar po sgrol ba'i rgyud las/ rgyud
205a6 gtad pa'i le'u ste bcu gcig pa rdzogs so////
CLOSE WINDOW