CLOSE WINDOW

Gpb043.009
བོད་ཡིག

/ kun la spel na mkha' 'gro dngos su yod pa'o// shin tu gsang ngo// rgya rgya rgya//// rgya gar skad du/ ar+ya many+dzu shrI ya mAn+ta ka man+ta tan+t+ra tsakra de b+he d+he kri sna nA ma/ tan+t+ra rA dza/ bod skad du/'phags pa 'jam dpal gshin rje gshed kyi sngags rgyud 'khrul 'khor nag po zhes bya ba rgyud kyi rgyal po/ bcom ldan 'das gshin rje gshed la phyag 'tshal lo// thams cad sku gsum bde ba gcig/zungs thub mtshan ma spangs pa yi// yon tan ma lus kun ldan pa'i// rdo rje 'chang la phyag 'tshal lo// 'di skad bdag gis thos pa'i dus gcig na/ bcom ldan 'das 'og min gyi gnas chos kyi dbyings kyi pho brang/rang bzhin lhun gyis grub pa khyab brdal chen po'i klong/ ye shes rin po che'i rgyud dang ldan pa/ phyi dang nang du med pa gru gsum mthil nag 'bar ba'i gzhal yas na/ bcom ldan 'das phyogs bcu dus gsum gyi de bzhin gshegs pa thams cad kyi rang bzhin sku gsung thugs rdo rje'i bdag nyid 'jigs byed kyi rgyal po gshin rje gshed ces pa/ma skyes pa skye ba med pa las rdo rje khro bo 'bar ba'i skur bzhengs te/dpa' brtul 'bar bas gdug pa 'dul zhing bzhugs so// de'i tshe snying po khyad par can mkhyen pa'i rig pa can ya ma lag na rdo rje dang/ ye shes chen po bzhi las bcom ldan 'das zhe sdang rdo rje zhes bya ba dang/nga rgyal rdo rje zhes bya ba dang/ 'dod chags rdo rje zhes bya ba dang/ phrag dog rdo rje zhes bya ba la sogs pa dus gsum gcig pa'i de bzhin gshegs pa rnams dang/ ma skyes lam la mdun pa'i rig pa can rnams dang/sa la gnas pa'i byang chub sems dpa' sems dpa' chen po rnams dang thabs cig tu bzhugs so// gzhan yang yum chen mo skye 'gag gnyis med du shar te/ badzra pe ta li dang/rdo rje rgyal mchog ma dang/ rin chen rgyal mchog ma dang/ pad+ma rgyal mchog ma dang/ las kyi rgyal mchog ma ste/ gshin rje mkha' 'gro chen mo rnams rang rang gi gtso bo la 'khril te bzhugs so// gzhan yang 'jom byed gshin rje'i tshogs/ khram bdag chen po yab yum dang/ gshin rje'i sngags pa pho nya mang po dang/ las kyi gshin rje bran gyi tshogs/ gshin rje spu gri ma dang/ lcags kyu ma dang/ zor thogs ma dang/ khram thogs ma dang/ gshin rje skyes bu nag mo dang/ be con mo dang/ mtshan mo dang/ dus mtshan mo dang/ gshin rje lcags kyu ma dang/ zhags pa ma dang/ lu gu rgyud ma dang/ 'bebs ma la sogs pa dang/gzhan yang gshin rje chen po 'joms byed 'bar ma'i tshogs dang/ za byed kyi tshogs dang/ gsod byed kyi tshogs dang/ ma gdon chen mo'i tshogs dang/ 'chi ba'i bdag dang/ srog gi bdag mo dang/tshe'i bdag po dang/ bdud dang/ srin po dang/ klu dang/ gnod sbyin gyi tshogs ther 'bum bye ba sa ya sprul pa dang/ yang sprul 'khor pho dang mo/ yang g.yogs 'khor dang bcas pa ni/ shan pa gri dang spu gri thogs pa sha stag dang/mche ba can dang/ gshog pa can gyi tshogs bsam gyis mi khyab pa rdo rje'i sku la yongs su bskor te bzhugs so// de nas bcom ldan 'das kyis 'bar ba gtum rngam chen po'i ting nge 'dzin la bzhugs te/'od zer 'bar ba rab tu 'khrugs pas thams cad du khyab par byas nas/ a la la'i gad rgyangs chen po bsgrags pas 'jig rten gyi khams thams cad g.yos par gyur te/ 'khor thams cad kyang rab tu brgyal lo// de nas gshin rje rgyal pos/ bcom ldan 'das la 'di skad ces gsol to// kye kye mi rtog dbyings nas thugs rje yis// ye shes chen po'i skur bzhengs nas// cho 'phrul 'jigs rngam ngo mtshar che// 'jig rten khams 'di rab tu g.yos// 'khor rnams 'khams shing thugs brgyal zhing 'gyel// so so srog dang ldan par mdzod// ces gsol pas/ de nas bcom ldan 'das kyis 'khor rnams brgyal ba las bslang ba'i ched du dbugs dbyung ba'i ting nge 'dzin la bzhugs so// de nyid du 'khor brgyal ba de dag langs te/ rang rang gi srog gi snying po de kho na nyid mdongs gsol du phul nas/so so nas lus btud nas 'khor na gnas so// de nas bcom ldan 'das kyis 'khor de dag thams cad mngon par mdun rig nas/ chos thams cad mi g.yo ba zhes bya bar khyab par mdzad pas rang bzhin 'di dag bstan to// e ma sna tshogs snang ba'i chos// ma skyes ye nas gnyis su med// rgyu dang rkyen med rang byung che// de la kun 'byung thabs mtha' yas// 'gro ba ma lus nga yin te// nga ni dus gsum sngon du byung// nga ni dus gsum phyis kyang byung// nga ni dus gsum da ltar gnas// thams cad nga yi rang bzhin las// ma g.yos g.yor med cir med cir yang gsal// snying po nyid la g.yo ba med// ces gsungs so// de nas yang gshin rje'i rgyal pos gsol pa/ kye ma kun gyi rang bzhin khyod/ 'jigs byed chen po gshin rje gshed// dus gsum sangs rgyas ngo bo nyid// che ba'i yon tan rgyas par mdzod// thugs rjes 'gro ba'i don mdzod cig/ ces pa dang/ de nas 'jigs byed kyi rgyal pos 'gro ba yongs su bstan pa'i ting nge 'dzin la zhugs te 'di skad ces gsungs so// e ma nga ni gshin rje gshed// 'bar byed 'jigs pa'i gar dgu pa// ma lus 'jig rten dus gsum nyam// phung po lnga nyid rang rdzogs gshed// 'byung ba yum mchog lnga ru grol// rnam shes tshogs brgyad rdzogs pa gshed// 'chi bdag tshogs rdzogs bcu gnyis so// dus dang yum sogs mchod sprin yul// yan lag longs spyod sgo skyong tshogs// rgyal ba gcig gi ye shes 'di// sna tshogs las la 'gro ba rnams// bdag nyid chen po'i ngang du rdzogs// rang las byung zhing sprul par snang// don dam gnyis med gcig tu dpa'// gshin rje gshed po dgra las rgyal// nyid las gzhan dun dngos mi btsal// zhes gsungs so// de nas yang de nyid du// rnam dag chos sku gnyis med mkha'// chos 'phrul sna tshogs 'jigs pa'i sku// 'gro don thugs rjes mdzad pa gang// zhes gsungs so// de nyid skye 'gag gnyis med kyi de kho na nyid 'di dag gsungs so// skye 'gro ma lus chos sku bde ba'i ngang// ye shes thams cad bde ba'i ngang du rdzogs// 'khor ba'i skyon bral bsam dpag med// 'dul ba'i dbang gis sna tshogs gzugs su bstan// 'gro ba las kyis rmongs pa la// gdung ba sku yi las dril bstan// khams lnga dbyings su bde ba'i bcud// sangs rgyas sku bdag lnga yi ngang// lnga gnyis stobs bdag rang gnas mchog/ mtshon cha'i rgyal po 'khor lo can// bstan dang grol ba sems dpag med// dbang po bstan dang rdo rje ma// ya ma rdo rje snying po che// me chu 'byung bzhi bstan dang 'pho// las kyi 'dren pa srog lus brgyan// dregs pa dbang phyug bde ba'i gnas// 'pho ba gsum gyi bdag nyid can// dug lnga'i nad can 'gro ba la// gshin rje nag po bdud dang gshed// sngags kyi dmod pa mtshon cha dbab// rang bzhin sprul pa sgrub byed las// ye shes lhun grub gshin rje gshed// 'jig rten 'das dang ma 'das pa'i// dregs pa pho mo bkol 'dod pas// srog dang srog brtag srog dbrog phyir// 'jig rten srog gi dgongs pa bshad// 'khor lo rgyal po zhes bya ba// 'khrus mig drag po 'khrul 'khor gyi// rgyu dang tshad dang gzer dang gnad// bsnyen dang bsgrub dang las dang gzir// dus dang gnas dang rdzas dang thabs// phyogs dang blang rdzas dgod dang 'pho// ldog dang 'khyam bral gcod dang bzlog/rdzas dang gnas dang rgyud dang mthun// gzhan bzlog dkrugs spog gzir dang blang// las dang thun mong dngos grub mchog/ lus dang yan lag thabs dang gnad// 'khor lo rin chen sgyu ma brder// dbang can bran dang las dbang g.yog/ mun khang mtsho gling gshin rje'i gnas// nam mkha'i rgyal po khams dang bcu// so yi sgra dang rang dbang rdzogs// gsang mchog rlung khams yan lag lus// gcod pa'i mtshon cha gshed dbang bsgyur// me yi 'jig pa yang dag bskyed// las kyis spyod pa'i snying po ngas// don dang sbyar ba'i las sbyangs la// gsang chen thig le nam mkha'i khongs// rig pa phyag rgya chen po'i stobs// lta spyod bsgrub dang 'khor lo dbang// dam tshig sngags dang phyag rgya ste// gzhi dang lam rim sbyor ba'i tshad// yang dag rdzogs pa'i rgyal pos bshad// 'phags pa 'jam dpal gshin rje gshed 'khrul 'khor nag po'i sngags rgyud las/gleng gzhi'i le'u ste rtog pa dang po'o//// de nas bcom ldan 'das kyis nyid kyi dkyil 'khor chen po yongs su rdzogs bar bya ba'i phyir lhun gyi grub pa'i ting nge 'dzin la snyoms par zhugs so// de'i tshe yum d+hA tu shwa ri mas/ mi rtog pa'i dbyings chen po la dam pa'i glu 'di dag brjod do// e ma ho mi gnas mi rtogs bsam dang bral// ma chags chags bral yul las 'das// cir yang ma yin cir ma yin// rang byung rang bzhin brjod dang bral// ces gsungs pas/ chos thams cad kyi de kho na nyid yum gyi dbyings su gyur to// de nas mi rtog pa'i ngang las bskul ba 'di dag brjod do// ma bcos lhun mnyam thig le'i ngang// snying rje rang bzhin med par khyab// chu zla'i dkyil 'khor ji bzhin no// zhes ched du brjod pas/ ye shes kyi 'od zer rang bzhin gyis gsal ba zhes bya bar gyur te// steng 'og phyogs mtshams thams cad du yongs su bdal to// khyab go/ de nas gshin rje'i rgyal pos/ bcom ldan 'das la gsol pa/ dus gsum kun tu 'byung ba'i dpal// zhi ba'i ngang las 'jigs pa'i sku// ma rungs pa dag 'dul mdzad pa// khro bo'i dkyil 'khor 'byung bar 'tshal// zhes brjod pas/ rang bzhin gyi dkyil 'khor 'di gsungs so// ye shes gzhal med pho brang mchog/steng 'og 'khor lo pad+ma'i bar// gru bzhi rin chen rgyu dang ldan// thod pa keng rus rtsigs par bcas// sgo bzhi gru chad khyams dang 'gram// rta babs bzhi dang twa ra na// lhun po bzhi dang ldan pa'i gnas// nor bu rin chen keng rus kyi// ka ba brgyad dang de bzhin gdung// tshangs pa'i dral lcam zhing rus bcas/ thod pa zhing chung rgyu ma yis// bla 'og dra bar spras pa'o// stag gzigs seng ge ma he glang// chu srin gnam lcags sgo la mdzes// 'dod yon lha mo dur khrod brgyan// rin chen pha khu thod pa zhing// drwa ba drwa phye dril bu dang// zhing chung rgyan gyis mdzes pa'o// rdo rje me ri 'phreng ba'i bar// dur khrod gling dang khrag mtsho dang// zhing dang ka rten la sogs brgyan// chos kyi 'byung gnas kris sna ste// dbang gi khor yug dmar po yin// lhag pa'i ye shes thod mkhar bzhi// phyi rim drug gnyis 'khor lo rtsibs// bar khyam sgo bzhi dag dang ldan// ye shes lhun grub dkyil 'khor te// phyi nang med pa kun tu nang// 'chi ba'i bdag gam gshin rje ste// yi dwags chen po khyo shug bsnol// dri za yi dwags klu bdag dang// gnod sbyin pho mo gdan du gding// rdzogs pa chen po yi ge'i sku// rgyu 'bras yongs rdzogs de nyid de// thugs kyi phyag rgya rab tu 'bar// 'od zer 'phro 'du sbyor ba las// khro bo'i rgyal po gshin rje gshed// rang gi tshig gis bskul ba yis// nga yi gzugs su gyur par byos// char sprin nag po'i mdog 'dra la// zhal drug phyag ni bcu gnyis so// dbus kyi zhal ni mthing nag la// gdangs shing mche ba gtsigs pa'o// g.yas pa ku mu ta dang mtshungs// lce ni 'dril zhing rlob par mdzad// g.yon pa kha dog dmar po ste// zhal ni cung zad btsum pa'o// steng gi khro zhal mthing nag ste// ya sos ma mchu mnan pa'o// zhal g.yas sngon po rgod pa ste// g.yon pa ljang nag mche ba gtsigs// dbu skra kham nag gyen du brdzes// thod pa sbrul dang zhing chung brgyan// nor bu rin chen nyi zlas mtshan// glang chen stag dang zhing lpags dang// khrag nag thal bas sku brgyan te// gar dgu stabs dgu 'jigs par mdzad// zhabs brgyad ma he smug po brdzis// mthing nag gyad kyi 'jig tshul can// rdo rje rgya gram rnge chung dang// rdo rje lcags kyu ral gri dang// dgra sta mdung thung g.yas na'o// dung chen dmar gyis bkang ba dang// rgyu zhags zhing chung mda' gzhu dang// sdigs mdzub be con g.yon pa ste// 'jigs pa yis ni 'jig par mdzad// dus mtha'i me ltar bzod par dka'// pe ta li dang ral gcig ma// g.yas na bka' sdod 'jigs par gnas// g.yon na 'khril 'khyud bde sbyor ma// dur khrod rgyan ldan thod pa stob// gdan la rgyu yi yi ge ste// sa bon las ni skur gyur pa// smug nag ser nag dmar nag dang// ljang nag zhal gsum phyag drug pa// zhabs bzhis phyogs bzhir dregs pa brdzis// gshin rje mkha' 'gro gsang ba'i yum// rang rang gtso la rim pas 'khril// g.yas pa zhing dbyug rdo rje gri// g.yon na 'khor lo thod pa ro// dur khrod rgyan dang ldan pa'o// 'od dang me ri rab tu 'khrug/ bcu gnyis steng du gshin rje ste// bdud 'jom dmar po drag 'joms dang// mig dmar lcogs pa mgo dgu dang// lha mchog dud kha glang mgo can// ya ba ti dang rtel pa dang// stag mgo nag po phya sangs dang// chos kyi rgyal po la sogs pa// sngo skya smug nag dmar skya dang// ser nag sngo skya ljang nag dang// dmar nag dmar skya ljang nag dang// mthing kha dkar dang ljang nag ste// rdo rje mkha' 'gro bcu gnyis dang// gnyis su med par gnas pa'o// rang rang lag cha mtshon cha dang// dur khrod rgyan dang ldan pa'o// khyams kyi cha la gnas pa ni// las kyi mkha' 'gro rdo rje dran// gshin rje nag mo la sogs pa// ma mo bye ba phrag brgya dang// bdud dang srin po sha za gnas// sgo bzhir gshin rje lcags kyu dang// zhags pa ma dang lu gu rgyud// myos byed 'bebs ma la sogs gnas// dur khrod gnas su gshin rje ste// bye ba ther 'bum yang dag go/ skye med dbyings las skur rdzogs pa// khro bo'i rgyal po gshin rje gshed// khrag 'thung rtsa ba'i dkyil 'khor tshogs// dang ba'i mtsho la skar tshogs bzhin// dbyer med ma 'dres gcig gi ngang// rang bzhin lhun grub dkyil 'khor ni// dag pa'i zhing nyid ye shes so// sku rgyan cig pa'i dkyil 'khor te// rtag chad mtha' las grol ba'o// lhun grub ye shes de nyid do// bgrod thob ma yin sku gsung thugs// mi bzad rgyan gyi 'khor lo rdzogs// zhes gsungs pas/ dkyil 'khor chen po yongs su khyab par gyur to// 'phags pa 'jam dpal gshin rje gshed 'khrul 'khor nag po'i sngags rgyud las/ dkyil 'khor yongs rdzogs kyi le'u ste rtog pa gnyis pa'o//// de nas bcom ldan 'das kyis rgyal po sbyin pa zhes bya ba// 'khor la dbang nges par bskur ba 'di dag gsungs so// 'jam dpal sku yi dkyil 'khor du// bsnyen pa drod dang ldan par bya// las kyi rim pa kun rdzogs nas// tshogs dang gtor ma rgyun du btang// maN+Dal bri dang dgos rdzas dgram// rang 'byung bum pa kha rgyan can// so so lha grangs bzhin du bya// las kyi bum pa skabs sbyar ro// rdo rje gsang ba'i dkyil 'khor du// rigs kyi bu dag 'jug pa rtsam// sems bskyed sdom pa bzung ba dang// dam bsgrag yol dgab me tog dor// mig dbye gdong g.yogs dgrol bar bya// khrus byas yon dbul dkyil 'khor bstan// rdo rje gral du bzhag nas kyang// phyi nang gsang dbang rim par bskur// rin chen thod pa'i bum pa ru// ye shes chu dang bdud rtsi lnga// snum pa bkang la rten gyi rdzas// rigs dang khyad par lha bskyed la// rtsa ba las dang sid+d+hi blang// bzlas pa'i tshad pa rnyed pa dang// slob ma bu la dbang bskur la// dngos grub bcud kyi bum pa blang// nus pa bskyed phyir phan pa'i dbang// byin brlabs nyer len phung por sbyang// rang rig lha ru byin brlabs te// sku gsung thugs dang ye shes lnga// ming dang rgyan dang phyag mtshan dang// gzhal yas khang dang gdan gyi dbang// sha lnga bdud rtsi lnga dag dang// 'dod yon lnga yi dbang bskur te// bsgom zhing bsgrub dang 'chad pa dang// rab 'byams dbang bskur rim pas bya// gsang ba gzungs ma'i phyag rgya blang// rigs dang dngos grub kun la sbyar// yab yum mnyes pa'i byin brlabs las// rten gyis 'khor lo drug brgyad la// thabs dang bcas par rgyan sbyangs nas// bde chen 'khyil ba'i byang chub bcud// gnyis med bde ba'i sgra dang sbyin// thogs med 'grub pa'i dbang du bshad// yum gyi pad+mor bde phab la// shes rab gnas mchog dam pa yi// ye shes bskyed ba'i dbang bskur bya// b+ha ga gsang ba'i gzhal yas su// rig pa bde ba'i sems bskul la// si ra lam sbyangs pad+mar bskyil// rim pa rgyan gyi byin brlabs 'phang// rig pa'i 'khor la ro dbang bskur// ye shes 'khor lo thob par bshad// thams cad ma 'dres mnyam rdzogs pa'i// mnyam nyid bde ba chen po yi// sku gsum 'bras bu lhun rdzogs dbang// sgyu ma snang stong ye shes sku// ma bskur skur med rgyu 'bras 'das// thams cad bde ba chen por rdzogs// 'jam dpal ye shes sems dpa' yi// rig pa rang dbang byin brlabs mchog/chos nyid rdzogs pa'i dbang du bshad// 'phags pa 'jam dpal gshin rje gshed 'khrul 'khor nag po'i sngags rgyud las/ dbang nges par sbyin pa zhes bya ba ste rtog pa gsum pa'o//// de nas yang bcom ldan 'das kyis// dam tshig bkod pa zhes bya ba 'di gsungs so// chos sku byang chub sems kyi rang bzhin las// 'jam dpal mi gnas zung du med pa'i sku// mi gnas khro bo gshin rje gshed de yi// phyag rgya sku nyid rab brten pa// bsrung bar bya ba'i dam tshig ni// sngags rnams kun gyi dam tshig srog/ byang chub bde ba'i gzungs yin pas// srog ldan dam pa 'di gzung bya// sbyor ba sngags kyis 'khor lo la// ma yengs bsam gtan ting 'dzin brtan// gsang ba'i lam men gzhan mi 'gro// rig pa'i brda men phyag mi btsal// sbyor ba sngags kyi rgyun zhugs nas// gtam mi bya zhing sha chen bza'// g.yang gzhi stag lpags ro gos bgo/ dur khrod rgyan gdags 'phreng chen bgrang// dung rnga gling bu rdza rnga dang// rak+ta a mri spyugs glu blang// smug chen smug chung don dang gsur// sngags kyi 'khor lo rtag tu bskor// me rlung las kyi 'khor lo lta// mtshon cha sku mdog sna tshogs bcang// 'dzab rdzogs dgongs pa gsal bar drang// bsrung ba sngags kyi 'khor lo bca'// bsam gtan sems kyi 'khor lo lta// shes rab gsang ba'i 'khor lo 'jug/thabs kyi 'khor lo bde bar spro// byang chub 'khor lo sa bon drang// bde ba'i 'khor lo b+ha gar bskyil// shugs kyi 'khor lo dbugs la dbyung// 'phro 'du'i 'khor lo kun sbyangs grub// brgyud pa'i 'khor lo bsregs sbyang bsgrod// sangs rgyas 'khor lo stong phrag 'byung// 'khor lo dam tshig srog ltar bsrung// de las yon tan byin brlabs 'byung// chu chen 'brug na sngon mi zlog/g.yul bsad ro la blo yis blang// yugs dang rabs chad nag po dang// mu za baM la brtul shugs bya// don dang rkang du bcas pa blang// mon gyi tsit+ta ban+d+ha sems// rjen shul dbang po sngon du blang// rtag tu ro blang dam can bsten// dpa' bo don khrag mtshan ldan btsal// khyi dom rta shing dur khrod shing// gtsug me rdo sol lus la bsten// sangs rgyas mchod rgyun bla ma bzung// sngon du 'gro bar bag chags bsdam// byang chub lcam dral rgyun mi bcad// ya man+ta ka rtag tu bsgom// ya tshogs chu bo rgyun mi bcad// lam du zhugs rnams mngon par sbyar// snying rje phan sems brtson pas sbyin// dkon mchog bla ma rgyal srid btsal// brtan par rin chen gter la bsdu// snying po ngang dang shugs kyis drang// mtshan ldan gzungs ma byin brlabs gzung// bkra shis phyag rgya bzungs ma spyad// sems kyi me long bde ba blang// byang chub sa bon gzhan mi spro// gsang ba'i don du smra mi bya// dam ma 'dregs tshogs gsang mi bsgrag/ mkha' 'gro gzhan tshogs byams shing gdung// dbang po rno la ting 'dzin brtan// phyag rgya gsal la nyams stobs ldan// dam tshig sngags kyi 'phreng ba gzung// mdun pa gsum gyis brtan par brtags// yin pa bzhi yis lhag par brtag/ lta ba bzhi yis nyams rtogs ldan// dbang bskur bzhi yis brtan par grol// gsal ba gsum gyis rang dbang sdud// ces gsungs so// 'phags pa 'jam dpal gshin rje gshed 'khrul 'khor nag po'i gsang rgyud las/ dam tshig bkod pa'i le'u ste rtog pa bzhi pa'o//// de nas gshin rje rgyal pos/ bcom ldan 'das la gsol pa/ kye ma skye ba med dbyings las// ye shes chen po'i sku rdzogs pa// che ba'i lha mchog shin rje gshed// nyid kyi rnal 'byor bsgrub pa'i don// bsnyen cing bsgrub na ci ltar bsgrub// gsang sngags ngo bo de nyid gang// 'khor la nges par bshad par 'tshal// ces gsungs so// de nas bcom ldan 'das kyis/ khro bo bsnyen pa'i don du 'di gsungs so// thog mar shes ldan smin byed mos// bla med byang chub rjes sgrub pas// ma lus sngon du 'gro ba yi// 'dod pa'i don kun thag bcad nas// dur khrod chen po la sogs pa'i// skye bos dben pa'i nags tshal dang// ling ga'i tshal dang ma la ya// dur khrod chen po la sogs pa// skyed mos tshal dang rgu 'dus ri// der ni gshin rje dpa' bo bsgom// bkra shis sa yi maN+Dal la// me tog la sogs 'phreng bas 'khrigs// mchod pa'i dam rdzas yongs su dgram// gtsang ma ro yi gos btsal te/ kha tshar ma nyams ras mchog la// sgrub bya rten gyi 'khor lo ste// zung brgyad mu khyud chun 'khor can// phyogs mtshams gshin rje mi bzad rje// gshed mdzad chen po sku gsung thugs// 'bar ba'i gzugs brnyan yongs su dgram// skad cig sngags kyi de bzhin te// phyogs bcu dus gsum rang bzhin te// bde bar gshegs pa'i ngo bo nyid// gshin rje gshed rgyal gcig pu dpa'// dngos grub 'dod phyir rten la gzhug/ ye shes byin brlabs stobs ldan bya// dri spos sman dang bdud rtsi chu// 'bar ba'i sngags kyis lus bkru zhing// bdud rtsi 'khyil bas rab tu gtor// lho yi phyogs su kha bltas te// ku sha'i stan la 'dug pa ni// rdo rje khro bo mi shigs bsgom// mchod dang bzlas pa de bzhin te// gnas rab 'byor pa'i las rnams bya// thog mar byang chub rtsa la rten// shes rab de lta bu yang bsgom// sems kyang rnam par mi rtog pas// bde gshegs dngos grub de dag thob// sa bon mtshon cha mang por ldan// nga yi sku ru 'byung bar byos// thugs khar nyi zla snying po sngags// ye shes 'od 'bar snying po gsal// 'phro 'du sbyor bas ye shes dgug/ bde ba'i dum bu sems la blang// sems kyi rdo rje brtan thob nas// ye shes phyag rgya sgrod par dbab// phyi nang gsang ba'i drod rnyed nas// dngos grub rdzas la rten de blang// las kyi gshin rje las la bsnyen// khro bo'i dka' thub ldan pa yis// sna tshogs me rlung 'khor lo can// 'bum phrag bkug la ya tshogs bzlas// yid dang dbang po bsdams byas nas// khri 'am 'bum du bzlas pa'am// yang na 'bum phrag bcu gcig go/ sngags ni shes skyeb smin byed 'joms// rtsa ba'i snying po lngar 'dus te// sku dang gsung dang thugs dang ni// yon tan 'phrin las rnam pa lnga// bzhi lnga nye bar bsnyen pa dang// bsgrub dang las la sbyor kar 'jug/ A li kA li bde gshegs sku// thabs dang shes rab 'brel pa las// gsang sngags yi ge 'phreng bas spros// bya ba ma lus 'grub byed pa// sgra dang dbyangs kyi sbyor ba yin// 'jug pa'i rgyu dang sbyor ba'i rkyen// 'jig rten 'jig rten 'das kun gyi// rig pa gnyis 'dzin sbyor ba yis// rdzogs ldan sbyor ba thams cad ni// yon tan rdzogs pa'i yi ge yis// thams cad byin gyis rlob pa yin// de 'og dbyangs kyi dang po ste// de rjes sgra yi dang po la// mu su na yi gsum pa'i sgra// de yi 'og tu nye bar sbyar// dbyangs kyi bcu bzhis steng nas brgyan// de 'og bzhi pa'i dang po la// dbyangs kyi bcu gnyis steng nas brgyan// sgra yi dang po nye bar gzhag/ de 'og drug pa'i dang po'o// de 'og lnga pa'i tha ma'o// nye bar bzhi pa'i dang po ste// de rjes sgra yi dang po bzhag/ u ya sha yi tha ma ste// de 'og bzhi pa'i tha ma bzhag/ lnga pa'i tha ma nye bar te/ de rjes gsum pa'i gnyis pa'o// lnga pa'i gsum pa nye ba ste// gsum pa'i tha ma gral bar bya// de rjes gnyis pa'i bzhi pa bzhag/ sdud pa'i yi ge sbyar ba ni// u ma sha yi tha ma la// dbyangs kyi drug pas 'og tu brgyan// sgra yi u pas steng nas te// lnga pa'i tha mas de rjes brgyan// de 'og lnga pa'i gnyis pa la// gsum pa'i dang po nye bar sbyar// sgra yi 'phreng ba sku yi bcud// sngon 'gro lha yi gzi mdangs sdud// nyi ma shar ba'i tshul dang sbyar// sku yi dngos grub nye bar sdud// gzhan yang 'phreng ba btu ba ni// dbu la yon tan rdzogs pa ste// u pa sha yi tha ma de dag la// drug pa'i gsum pa klad du ste// de bzhin 'og tu spras pa'o// dbyangs kyi gsum pas steng nas brgyan// de 'og u sha'i dang po la// gsum pa'i dang po sbyor ba ste// dbyangs kyi bzhi pas steng nas brgyan// de 'og lnga pa'i bzhi pa la// steng du dbyangs kyi gsum pas brgyan// de 'og sgra yi dang po la// drug pa'i gsum pas 'og nas brgyan// dbyangs kyi gsum pas steng nas brgyan// de rjes bzhi pa'i dang po bzhag/ dbyangs kyi dang po gral la bzhag/ de 'og bzhi pa'i tha ma la// gsum pa yi ni tha ma'o// sdud dang skrod pa'i 'phreng ba gzhag/thugs kyi thig le bde ba'i mchog/ dam tshig snying po 'di nyid yin/ kha rnon 'khor lo stobs dpag med// mi 'gyur gnas pa'i thig le yin// gzhan yang rdzogs ldan de bzhin te// sgra yi dang po gral la bzhag/de 'og drug pa'i bzhi pa ste// drug pa yi ni gsum pa la// dbyangs kyi lnga pa 'og tu brgyan// de 'og lnga pa'i dang po la// sdud dang bskrad pa'i yi ge gnyis// gsung gi yi ge gsang ba'i bcud// lha dgu rnams kyis sngags kyang yin// ye shes dgu yi de nyid de// dngos grub nye ba de nyid do// ya shes sku nyid dang po ste// u ma sha yi gsum pa'o// de 'og lnga pa'i tha ma yin// de rjes drug pa'i dang po'o// de 'og lnga pa'i tha ma la// bzhi pa'i tha ma nye bar sbyar// de 'og gnyis pa'i bzhi pa la// dbyangs kyi lnga pas 'og nas brgyan// u ma sha yi dang po la// 'og tu drug pa'i gsum pas brgyan// steng du dbyangs kyis gsum pa'o// lnga pa'i lnga pa'i 'og tu yang// dbyangs kyi lnga pas spras pa'o// de'i 'og bzhi pa'i dang po lnga// 'og dang drug pa'i gsum pas spras// de rjes drug pa'i dang po bzhag/ de 'og lnga pa'i tha ma ste// de rjes bzhi pa'i dang po'o// sgra yi dang po de rjes te// de 'og lnga pa'i tha ma ste// bzhi pa yin ni dang po la// steng du dbyangs yig bcu gnyis brgyan// drug pa yi ni gsum pa la// steng du dbyangs yig bcu gsum brgyan// de rjes bzhi pa'i tha ma la// dbyangs kyi gsum pas brgyan pa'o// de rjes bdud dang 'gugs pa bzhag/ yid bzhin nor bu lta bu ste// ma lus dgongs pa kun 'grub pas// yab yum sras bcas bsnyen pa'i mchog/rigs brgyud 'phel dang longs spyod ldan// bla med byang chub snying po che// yon tan mtha' yas mchog tu bshad// gzhan yang 'phreng ba btu bar bya// rnam pa snang mdzad dbu ru ste// drug gi dang po rjes su'o// de 'og lnga pa'i tha ma 'o// de la dbyangs kyi bcu gnyis brgyan// de yi steng du de bzhin bzhag/ de 'og bzhi pa'i dang po'o// de 'og sgra yi dang po la// us ma sha yi 'og tu brgyan// steng du dbyangs kyi bcu gcig brgyan// de 'og drug pa'i gsum pa ste// de 'og gnyis pa'i gsum pa'o// de 'og u sha'i gsum pa yin// de rjes bzhi pa'i dang po la// steng du dbyangs kyi bcu gsum brgyan// de 'og drug pa'i gsum pa ste// dbyangs kyi lnga pa 'og tu spras// de 'og gsum pa'i tha ma bzhag/ drug pa yi ni dang po la// steng du dbyangs kyi bcu gsum brgyan// de 'og bzhi pa'i tha ma la// dbyangs kyi gsum pas steng nas brgyan// de 'og drug pa'i gsum pa bzhag/ de rjes drug pa'i dang po la// gnyis pa yi ni dang po la// 'og tu de nyid brgyad pa bzhag/ de 'og bzhi pa'i tha ma la// dbyangs kyi gsum pa'i steng nas brgyan// de 'og sdud dang spros par ldan// rtsa ba'i 'phrul yig brgyad gnyis gcig/ 'jig rten pa dang 'das kun gyi// srog gi ngo bo 'di nyid de// rtsa ba yan lag bcas pa yi// 'phrin las ma lus 'di nyid de// me dbal yi ge stobs dpag med// mchog tu las kyi bdag po 'grub// 'di nyid rgyal po lta bu ste// gsang sngags 'phreng ba 'di nyid la// byang chub sems dang ldan pa yis// dus dang grangs dang mtshan ma yis// bzlas pa'i snying po tshad du dbyung// sku dang gsung thugs yon tan dang// 'phrin las thogs pa med pa yis// dgos pa'i don chen 'grub par 'gyur// rgyun gyi spyod lam thams cad du// sku gsung thugs kyi 'khor lo brtag/ bde ba'i ye shes skye ba dang// 'od dang sgra sogs sku gzugs bzhad// lung ston sgra dang 'byung ba dang// rmi lam rtags rnams mang du 'byung// mi ngal ba yi sems kyis ni// ri mo la ni sems gtad de// ril dang cha shas rim pas bsgom// gzugs su snang ba lha yi sku// sgra rnams de bzhin rgyal ba'i gsung// dran rtog thams cad bde gshegs thugs// mi bzad rgyan gyi 'khor lo ste// bsnyen pa thams cad rdzogs pa'o// chos kyi sku mchog gshin rje gshed// me long gzugs brnyan shar ba bzhin// snang la rang bzhin med pa'i sku// sku la bgres rgud mi mnga' ste// gsung la 'gag pa yong mi mnga'// thugs la skye shi mi mnga' ste// yon tan 'phel 'grib med pa yin// 'phrin las thogs pa med pa'o// de ltar bsnyen pa rdzogs nas ni// gnas kyi 'khor lo bcu gnyis bzhi// gru bzhi ldan pa chag chag gdab// tshon skud baM chen ro du ha// thag pa srad bu legs par bya// snyoms pa'i tshad ldan thig gdab bya// ni ra su yi khang pa dang// ma sa mu tre sbyar ba yis// tshon gsum kha dog phyed par 'gyur// rus pa du bas bsdus pa dang// rak+ta dri mas sbyangs pa yis// tshon ni 'dus pa'i tshogs zhes bya// ye shes byin brlabs ldan pa ste// le'u tshe dgu ldan mu khyud bskor// mu khyud 'gram gzhi ldan pa la// 'khor lo rtsibs chen bzhi gsum mo// phyi rim bar khyams sgo khyud bcas// bar khyams dur khrod bzhi dang ldan// phyi rim yi dags 'phreng ba'o// thar mdzad chen po yab yum dang// gshed bzhi yab yum bcas pa rim// mu khyud dang po dgod par bya// gnyis pa 'khor lo'i rim pa la// phyogs bcu'i gshed mdzad yab yum mo// bar khyams bdud srin ma mo ste// 'bar ma gshin rje'i mkha' 'gro rnams// sku yang gsung gi rten rnams dgod// gtor ma gsum dang rak+ta dang// rgyan rdzas bzhi dang ha sti snying// rgyu ma'i zhags pas bskor bar bya// skad cig las ni khro rgyal gshed// 'jigs pa'i tsham rngam dregs pa 'dul// rdo rje be con 'bar ba yis// gur dang sa gzhi ra bar gtams// rdo rje me ri 'phreng ba'i dbus// gzhal med khang du gyur pa yi// dkyil 'khor kun la mchod sogs bya// stong nyid snying rje'i ngo bo las// rgyu nyid yi ge'i rang bzhin no// steng 'og 'khor lo pad+ma'i dbus// dbang chen yum lnga'i dkyil 'khor rdzogs// gzhal med khang pa gdan dang bcas// de las khro rgyal gshin rje'i tshogs// rang gi tshig gis bskul bar 'gyur// gtso dang 'khor rnams rdzogs pa dang// dbyings nas spyan drangs dbyer med mchod// rdzogs pa'i ye shes de kho na// kun 'byung dkyil 'khor yongs rdzogs yin// phyag rgya grol ba'i ye shes dbyings// gnyis med sgyu 'phrul dra ba ste// ye shes lhun grub thig le che// dkyil 'khor bkram pa'i rdzas kun dang// ji ltar dngos grub rdzas rnams la// rten te 'dod pa blang bar bya// gshin rje dpa' bo gshed rgyal sku// rdzas la bstim zhing dngos grub bsdu// snying po dam pa bdag nyid blang// ji ltar 'dod pa'i dngos grub rnams// 'di ni myur du 'grub pa ste/ thun mong 'dod pa blang ba yin// bkra shis rdzas dang rigs brgyud 'phel// mi nub grags ldan yid kyang 'phrog/ gshin rje gshed dang gnyis med 'gyur// 'phags pa 'jam dpal gshin rje gshed 'khrul 'khor nag po'i gsang rgyud las/gshin rje gshed bsnyen cing bsgrub pa'i thabs bstan pa ste rtog pa lnga pa'o//// de nas bcom ldan 'das kyis gshin rje gshed kyi dkyil 'khor spros pa la mchod pa 'di dag gsungs so// e ma phyogs bcu dus gsum gyi// dkyil 'khor bdag nyid chen po ni// mchog tu gsang ba ye shes sku// khro mo ma lus sku ru 'dus// bdag nyid chen po gsang ba'i bdag/ dkyil 'khor rdzogs pa bsgom par bya// thugs khar nyi zla kha sbyor hU~M// 'od zer 'phro ba'i yig 'brus bskor// spros pas khams gsum sku ru gang// ye shes dkyil 'khor chen po dag/ mi dmigs rdo rje'i dkyil 'khor du// dkyil 'khor thams cad spyan drangs bstim// thugs rje dbyings nas sprul pa'i sku// mkha' la dbyar gyi char sprin ltar// mi bzad rngam par bzhugs pa ni// 'dus shing 'phros pas sku ru snang// dam tshig rol dang tshogs la gnas// 'jig rten 'khor yug dkyil 'khor du// sngos pa ma lus longs spyod kyi// raM yaM khaM gyis byin brlabs te// oM dang AHdang hU~M dag las// 'dod yon lha mo bdud rtsi'o// 'dus pas gtor tshogs mchod sbyin bya/kha kha kha khA hi khA hi/ b+han d+ha b+han d+ha ya/ Sh+to sha yaSh+to sha ya/ sarba a na ya hU~M/ b+hudz+nya ho b+ha liM ta kha kha hU~M/ rnam dag mchod pa rgya mtsho ste// rtsa ba'i sngags kyis mchod dang sbyin// ma lus mchod pa dam pa 'grub// 'phags pa'i rgyal po gshin rje gshed// sku yi 'gying bag gar dgur ldan// nyi zla thig le spros med rdzogs// gnyis med mnyam sbyor bde ba che// g.yas g.yon bskul dang 'bebs pa las// dbu ma thig le rgyun shar ba// rtsa gsum bskul nas gang zhag 'bar// rtsa rnams bde bas mdzes gang ba// ye shes rang gnas 'od 'bar ba'o// thams cad gnyis med ro mnyam gcig/ ye shes thig le gcig tu 'khyil// shes pa gnyis 'dzin rtog bral ba// rdo rje 'od ldan phyag rgya yi// ye shes chen po rang nyams gsal// lnga rdzogs bde ba gcig tu 'khyil// bdag dbang rdo rje bstan pa'i sku// mtshan mar mi gnas dbyings su thim// mchod ldan don ldan bgrod ba'i mchog/ bdag nyid bdag la rol zhing mchod// bdag gzhan gnyis med rtogs pa'i blos// gzung 'dzin blo yi rtogs pa bsgral// bde chen gsang ba'i mchod pa ste// sgro skur 'dzin rtog mchod par rol// rdzogs te rang bzhin lhun gyis grub// bdud rtsi lnga dang zas lnga la// hU~M zhes lha mos byin gyis brlabs// yid 'ong sgra dang bcas te dkrol// 'khril ldem mnyen lcug mdangs dang ldan// gshin rje'i dkyil 'khor mnyes shing gsal// bdag mchod kun mnyes mchod pa'i mchog/ ces gsungs so// 'phags pa 'jam dpal gshin rje gshed 'khrul 'khor nag po'i sngags rgyud las/dkyil 'khor spro zhing mchod pa'i le'u ste rtog pa drug pa'o//// de nas bcom ldan 'das kyis nyid kyi gsang sngags yid bzhin gyi nor bu rin chen lta bu 'di dag gsungs so// shes skyob smin byed 'joms pa yi// sgyu 'phrul drwa ba'i ye shes te// oM a kro te ka ya man+ta ka ha na ma tha b+hany+dza hU~M phaT/ 'jam dbyangs khro bo gshin rje gshed// ngo bo sa bon de la gnas// sangs rgyas kun gyis mngon par bstod// tshig tu brjod pas lha yi sku// 'bru rnams gsang sngags don nyid de// sku yi dngos grub tshe dpag med// gnyis med ye shes de nyid do// oM AHhU~M pe ta li rak+Sha rak+Sha maM swAhA/ mkha' 'gro dbyings phyug bde ba'i dbyings// za byed nag mo'i gsang sngags so// oM AHhU~M/ dpa' bo chen po gshin rje gshed// nyid kyi snying po gsang ba'o// oM ya man+ta ka hU~M/ 'di dag gshed po 'jigs byed kyi// rtsa ba'i snying po nye ba'o// oM kA la rU pa hU~M phaT a/ ye shes rdo rje gsung mchog ste// bum pa bzang po lha yi gnas// bkra shis dngos grub snying po ste// rgyal ba kun gyi gsung yang yin// oM hriSh+tiHwi kr-i tA na na hU~M phaT/ yi ge bde ba chen po ste// rgyal ba kun gyi thugs la gnas// 'khor lo sa la nye ba'o// oM sa ma ya many+dzu shrI mu tra ya man+ta ka pa tsa te ro ni hU~M dza/ 'das dang ma 'das da ltar gyi// rgyal ba'i yon tan mchog nyid de// dam tshig chen pos gnad bskul ba// nye ba'i snying po gsang ba'o// oM ya ma me ta k+She ra dza sa to ru na yo na ri ya tsa ni hU~M phaT/ 'jig rten pa dang 'das kun gyi// 'phrin las dus la bab pa yi// snying po dam pa 'di nyid yin// oM ya ma me ta k+She hU~M dza dza/ srog gi gshed chen ma rungs pa// mi bzad rngam pa'i bdag po bzhi// snying po srog dang de dag go/ ya ma ra tsa sa do me ya/ ya ma do ru na yo ta ya/ ya ta yo ni ra ya k+She ya/ yak+She ya tsa na ra ma ya/ ye shes lha yi snying po ste// 'jig rten lha srin yongs kyi srog/ kA ya ba ka tsit+ta sa ma ya A kar+Sha ya hU~M dza dza/ mtshan ma gsum gyis dgug pa ste// snying khrag 'dus nas dbang du 'gyur// lha rnams gnad la dbab pa'o// ya ma snying sha dza dza dun b+h+yo/ ya ma snying ru pa sha/ ya ma A kar+Sha ya hU~M dza dza/ gshin bu rje 'am 'chi ba'i bdag/ dbang du bsdu ba'i snying po'o// sngags rnams ngo bo rnam dag lha// 'bru rnams gsung mchog sprul pa sku// gshin rje gshed kyi dkyil 'khor ro// thams cad rang byung mtshan dpe rgyu// 'dren pa gsum las don nyid ldan// rkyen dang ldan pas lus dbang sbyor// bod pa sgra la yan lag dbyangs// rnam pa gzugs brnyan yi ge 'bru// rang bzhin stong pa spos dang bral// nam mkha'i chos ltar ye klong nyid// chos rnams ngo bo nyid kyis stong// skyob pa bla med rdo rje che// nus pa med rlung spu gri dug/ sur+ya ra tsa rak+Sha dang// mtshon cha 'khrigs pas bskyod pa dang// de dang ri bo rbab chen te// bdag sprun gzhan skyob dmigs pa gcod// yid bzhin nor bu lta bu yi// gsang sngags nor dang 'phreng ba dag/thabs mkhas drod tshad ldan par bya// mi ngal ba yi sems kyis ni// brgyad spangs lnga yi 'du shes med// ji srid bar du bzlas par bya// bzlas brjod skyon rnams ma spangs shing// bla ma'i bka' lung ma thob pa// ji srid bar du sun 'byin ltung// nges par legs pas don grub ste// yon tan rgya mtsho mkha' ltar dag/ mi bzad rin chen gter gyi mchog/ dus gsum rgyal ba thams cad kyi// gnyis su med pa'i ye shes te// sku dang gsung dang thugs dag dang// yon tan 'phrin las thams cad kyi// snying po nye ba 'di nyid de// yul dang shes pa 'phro ba gsum// yul nyid dmigs pa dang po ste// shes pa srog gi ngo bo'o// sbro ba rig pa'i rtsal sbyong ngo// rig pa sems te las la sngags// thig le len pa snying po yin// snang ba sku yi rang bzhin te// bsgyur ba'i phyir na phyag rgya'o// dus gsum phyogs bcu'i rang bzhin gyi// de bzhin gshegs pa thams cad kyi// gsang ba sngags kyi snying po ste// stong nyid ye shes khyod la 'dud// thabs mchog 'bras bu khyod la 'dud// sngags kyi ngo bo khyod la 'dud// sngags kyi ngo bo khyod phyag 'tshal// sna tshogs las byung khyod la 'dud// a la la ho/ 'phags pa 'jam dpal gshin rje gshed 'khrul 'khor nag po'i sngags rgyud las/ gsang sngags bstan pa'i le'u ste rtog pa bdun pa'o//// de nas gshin rje'i rgyal pos/ bcom ldan 'das la gsol pa/ 'jam dbyangs khro bo dpag med sku// sgyu 'phrul drwa ba'i ye shes khyod// 'jig rten las kyi gshin rje ste// drag la mthu rtsal ldan pa rnams// bka' bzhin nye ba ji ltar lags// zhes gsol pas/ de nas bcom ldan 'das kyis nges don rgyas par bshad do// 'das pa'i dus na sngon byung ba// bskal pa rdzogs ldan bya ba la// lha yi srid pa ka ru zhes// rigs kyi bdag por grags pa cig/ dregs pa sngags kyi sgor zhugs nas// bgrod pa ma thob sngags par ches// dge bcu ma spyad che ba snyems// lta spyod 'phrel med sgra phyir 'brangs// 'jig rten dregs pa sha khrag bsten// rtag pa'i khro bo yod par bsgoms// sngags tshig phra mo stobs dang ldan// lus che yan lag rags par brtas// mtshon cha me rlung lag cha yis// myur du gsod cing sha khrag za// rigs byed sngags kyi brda spros nas// mo rigs yod pa phrad 'phrad sbyar// chags sdang me chu rang rgyud sreg/ gsang sngags bka' bsgo log pa de// nyon mongs drag pos mtshams sbyar zhing// dus men par ni tshe brad nas// na rag rdo rje dmyal bar ltung// tsha grang gnas su bcu drug gnas// skye ba nyi shu gcig rdzogs nas// yi dwags gnas su bkres skom spyad// skye ba gnyis nas dur khrod gnas// thon nas rdzu 'phrul lus su blang// rgya mtsho rlung gi bar dag na// bam ri lcags mkhar spu gris bsdams// lcags mkhar gling dgu'i bdag po mdzad// las kyi gshin rje nag po yin// de yis 'jig rten phung bar byed// sngags kyi spyod pa gol bar bshad// ces gsungs so// de nas yang gsol pa/ kye kye gshin yul 'jig rten rme nag gi/ gshin rje bla mtsho mer ba na// gshin rje'i lcags khang nag po yod// khyim bdag gshin rje nag po yis// sha za'i 'jigs pa mang spros te// srid pa gsum gyi tshe srog len// khams gsum 'khrug pa'i yi dwags 'di// gnyen po gang gis 'dul ba lags// zhes gsol pas/de'i tshe dus gsum gyi de bzhin gshegs pa thams cad bka' bgro ba mdzad nas/ de bzhin gshegs pa thams cad kyi sku rdo rje'i bdag nyid 'jam pa'i dpal thul cig par bsgo'o// de nas bcom ldan 'das 'phags pa 'jam dpal gyis zhi ba'i sgo nas bden pa'i ngag gis btul bas las kyi gshin rje nag po de thul bar ma gyur to// de'i tshe de bzhin gshegs pa thams cad kyi bsgro ba bgros te/ nyid la nyid ched du 'di skad gsungs so// 'das pa'i dus na sngon byung ba'i// rigs las gol ba'i khyim bdag 'di/ khams gsum 'khrugs pa'i bdud yin pas// zhi ba'i bden pas mi thul te// 'jigs byed khro bo'i zhabs kyis gzir// zhes brjod do// de nas bcom ldan 'das 'phags pa 'jam dpal de nyid sku khros par gyur to// 'jigs byed kyi rgyal po gshin rje gshed ces bya bar gyur te/ hU~M hU~M phaT phaT/ ha la ha la/ ha na da ha ha ka/ e a ra li hriM/ zhes khro bo'i rngam sgra chen po bsgrags pas 'jig rten gyi khams rnams 'ur 'ur dang chem chem mo// 'gul ba dang/ ldeg pa dang/ rab tu ldeg go/nyid kyi sprul pa khye chung sngon nam mkha' khyab par gyur to// de'i tshe 'chi bdag gi gshin rje chen po des 'khor thams cad bsdus te/ gshin rje gshed po la stobs 'gran par gyur pas/ gzi byin ma bzod nas srid pa'i rtse mor bros so// de nas bcom ldan 'das gshin rje gshed po khro bo'i rgyal po gdong drug pa rab tu 'jigs pa'i stobs dang ldan pa des/ sku 'jig rten gyi gtos dang mnyam par sprul to// zhabs g.yon pa'i mthe bong gi sen mos tshangs pa'i yul sar 'chi bdag gis spyi bor brdzis pas/ nyi zla ltung ba ltar 'joms byed grong khyer du lhung bar gyur to// de nas las sa la brdegs shing rab tu brgyal ba las/'chi bdag gi tshogs de dag gis 'di skad ces mgrin gcig tu smras so// e ma ho khro rgyal gshin rje gshed// thugs rje chen po lags// bdag cag 'khor dang bcas pa rnams// ma gsad dpa' bo'i bka' gsal nyan// ces gsol to// de nas 'bar ba chen po gshin rje gshed pos 'di skad ces gsungs so// nyon cig gshin rje pho mo rnams// las kyi rnam smin drag po las// grub pa'i 'chi bdag shan pa'i tshogs// gcer bu nag po 'jigs pa'i tshogs// 'chi bdag bdud dang srog bdag dang// gza' dang sa bdag chu srin tshogs// khyed rnams nga yi bka' nyan na// khyed kyi srog gi snying po rnams// gang yin nga la bstan pa dang// nga yis bsgo ba'i las gyis shig/ ces gsungs so// de nas yang 'chi bdag gshin rje'i tshogs kyis mgrin gcig tu gsol pa/ kye kye thugs rje chen po yis// chos kyi dbyings las skur sprul pa// ye shes lhun grub chen po khyod// bdag ni 'chi bdag gshin rje'i tshogs// srid pa gsum la dbang sgyur te// lha chen dregs pa khyab 'jug kyang// 'jigs byed khro rgyal chen po yi// zhabs 'og gdan du 'bul lags te// dkyil 'khor chen po'i bsrung ma bgyid// gdug pa'i klu dbang chen po yang// rdo rje sku la rgyan par mdzod// 'joms byed ma gdon za byed dang// gsod byed bdag po chen po yang// mi 'gyur stobs kyi bsrung ma bgyid// bdag cag 'chi ba'i bdag po 'am// tshe yi bdag gam srog gi bdag/ bdag cag nam mkha' mthong gi bdud// bdag ni rgya mtsho gting gi bdud// de bzhin brjed pa med pa'i bdud// srog las 'khyud pa'i bdud yin no// srog gi snying po 'di bzhes la// byin gyis rlob cig dbang bskur mdzod// ces gsol te/ de nas lha'i 'chi bdag gi tshogs dang thabs cig tu phul ba 'di lta ste// ranyi? kri d+ha de nA blu de ba/ wa ta a mu kaM mA ra ya hU~M phaT/ ces phul lo// de nas klu'i 'chi bdag gi tshogs dang thabs cig tu/ du man+ta ka ra na ya hU~M phaT/ ces phul lo// de nas gshin rje'i tshogs kyis thabs cig tu/ ya ma me ta k+She/ ra dza sa to ru na yo ni ra ya dza ni/ zhes phul lo// de nas 'jig byed khro bo yis// srog gi snying po bsdus nas kyang// dregs pa'i tshogs la bka' stsal pa// las las grub pa'i gshin rje'i tshogs// thabs cad don nyid bsgrub pa'i phyir// khro bo yid la gnas par gyis// dkon mchog bla ma gnas pa gnas// de yi bka' yang bskyang ba dang// dkyil 'khor chen po bsrung bar mdzod// bstan pa 'jig na khyed kyis sgrol// ces gsungs so// de nas dregs pa'i tshogs rnams kun// gzi brjid 'bar ba gtum po yi// dkyil 'khor chen po yongs rdzogs par// gshin rje gshed kyi dge 'dun byed// tha tshigs ma brjed zungs su srog/ las kyi bya ba bka' bsgo nyan// thar pa'i lam mchog nyer bar 'gyur// ru tra gdul phyir rgyud nyid bshad// 'phags pa 'jam dpal gshin rje gshed 'khrul 'khor nag po'i gsang rgyud las/ru tra nag po 'chi bdag gi tshogs btul ba ste rtog pa brgyad pa'o//// de nas bcom ldan 'das kyis gsad pa'i 'khor lo gshin rje'i zhing la sogs pa bsgral ba 'di gsungs so// khro bo'i bsnyen pa rdzogs pa dang// drag po las kyi sbyor ba ni// dur khrod gnyan ra chu ngogs sam// rgya mtsho'i 'gram mam lha chen gnas// 'byung po'i grong khyer nags tshal rtsub// ri rtsogs e 'dra gcan gzan 'grim// dur khrod sa la drag po yi// maN+Dal bcu bzhi rdzas rnams bsag/ dur khrod gnas nas dpa' bo yi// ka la ka pa ma ni tog/ gos su byas pa'i rgyu blangs la// thod par snying po bcud bsdu bya// dur khrod yi dwags gos dag la// sme ba'i khrag dang dug chus byug/ ni ra su yi thal ba dang// ha shi rdo khrag rus sprin sbyar// khru gang rgya bcad thang ba bya// baM chen don gyi rak+ta dang// dug rgod ldum bu sbyar ba yis// gshin rje nag po'i 'khor lo bri// kaM ka'am bya rog 'ug pa'i sgro// mchog phran rkang gis pir byas te// gcod pa'i 'khor lo rjes mthun bri// so ri tsakra ngar dang bcas// khro rgyal kun gyi stobs dang sbyar// mthu stobs bdag po dbang phyug che// rgyal ba kun gyi thig le bya// thugs kyi snying po stong dang sbyar// tshangs pa'i thig bzhi rgya gram mo// mu khyud srid pa'i grong khyer sbyar// gnyis pa zur thig bzhi dang ldan// mtha' ru bcu drug bzhi bsnen no// de la gnas pa'i yig 'bru ni// dbus nas 'khrul 'khor khang rmig lngar// 'khrul sngags drag po lnga dang ldan// phyi rol bcu gnyis tsakra la// me dbal gshed kyi yi ge ste// mtshon cha'i rgyal po drug gnyis dgod// phyi rim bcu drug kha gnon stobs// tha ma spu gri ldan par bya// drag po'i mthu stobs ya la sdu// 'khor lo me dbal mtshon chen gyis// zhing bcu ma lus brtan nas bsreg/ de yi yon tan dpag med la// byin brlabs mthu stobs gtan dpag med// ye shes 'khor lo brtan pa sbyin// dag pa'i zhing las sna tshogs las// brgyad dang bcu gnyis la sogs pa// las kyi rim pa bsam dpag yas// rtsa ba bzhi la du mar 'gyur// 'byung bzhi gnas pa'i mtshon cha la// byin rlobs du ma skabs kyis te// me dpal sngags dang 'khor lo mtshon// gcod pa'i sreg pa drag po'i las// 'joms byed ya ma'i zhing khams nas// 'joms byed drag po zhe sdang mchog/ 'bar ba dug gi dum bur bsdus// me 'bar nag po'i 'bru nyid la// sbyor ba'i rtsa la spel zhing sdud// dbang sdud 'khor lo 'bar ba'i mchog/ khrag 'thung 'bar ba'i lus la gzud// sna tshogs dug gi khu bas byug/ rten 'brel stobs dang nus pa yi// myos pa'i rdzas kyi du bas bdug/'khor lo'i nus tshad ngar dang ldan// dbus dang mtshams kyi 'brub gnas su// rgyu rkyen drug la sogs pa yi// 'dod pa'i dri ma kun bsdus la// ma lus kun gyi sdig pa sgo// nye bar gyur pa'i yan lag yin// zhing bcu ma lus rten la bstim// thugs kyi rgyun gyis mthu stobs ldan// bsgrub bya gang dmigs cig la bsdu// srog sdud snying po rten can no// tshe rten tshe gnas thig ler gzhug/ drag po stobs dang mthu dbang 'phrog/mkha' 'gro dbang phyug lto bar gzhug/ mi 'gyur brtan pa'i phyag rgya yin// brnag pa kun gyis snying po mchog/ gcod pa'i 'khor lo me dbal yin// dngas ma tshe gnas thig le bstim// 'byung ba bzhi yi mdangs bsdus la// snyigs ma rjen shul sha za rol// de dag po dag snying po'i bdag/ 'jam dpal thugs kyi snying po 'di// stong pa'i ye shes dbus nyid dngos// gsal ba'i ye shes bzhi ldan te// las dang 'bras bu smin pa'i mchog/ bde ba'i mtshon cha 'khor lo can// yul du snang ba gzugs brnyan yin// sgyu ma'i bsti gnas dbang po'i yul// de la stobs kyi las dang mjug khams gsum sreg pa'i nyi ma yin// dug gsum gcod pa'i 'khor lo'o// 'jam dpal thugs kyi 'od zer gyis// sprul pa rang byung 'od shar zhing// dus gsum rgyal bas bka' brgyud pa'i// snying po 'thigs pa'i 'khrul 'khor 'di// bka' yi bdud sgo dngos grub gter// mtshon chen 'khor lor gter gyi mchog/ thabs rnams ldan dang mi ldan pas// bya ba kun grub rlag par 'gyur// gang zhig drug gi yan lag lus// smin cing rkyen dang ldan pa la// zos pas 'chi 'gyur gdon ni za// 'phrul yig bcu bdun snying po 'di// rngam pa'i gzer gyis 'bru btus te// rtsa ba spu gri 'khor lor bcas// 'khrugs byed kun gyi mtshon cha ste// ha la nag po bdud srin gshed// srag sgo gnyis kyi la nas ston// 'byung ba gnas kyi khams su bstim// srog rten dwangs ma gnas su bsdu// ya la phab la thig ler gzhug/ rdo rje dregs pa gcod pa yi// srog ldan khams gsum ma lus pa'i// gshin rje rgyal po srog gi gshed// srog lus 'bral par shar gnyer bas// gshed ces bya ba las gnyer yin// 'byung ba bzhi dang rten sa bzhi// bla gnas bzhi 'joms nyi ma'i las// zhing bcu sreg pa'i nyi ma yin// ye shes 'od ldan bskul ba'i rkyen// nyon mongs lam gol las kyi mchog/ phra mo rgyun gcod mtshon cha'i las// de yi bsgrub bya gang yin la// mtshan nam nyi ma bzhi bzhir bsgrub// de phyir nyi ma bzhi zhes bya// nyi ma las kyi rim pa ni// gnas pa bsgrub bya'i srog rten la// gnas pa'i snying po khams chen bzhi// 'byung ba 'degs dang spor ba la// sa dang me yi snying po blang// g.yeng dang blan pa'i rtsa sgo ru// rlung dang chu yi snying po brtag/ rten gsum dbugs kyi srog shing la// rten dang sdud pa'i snying po bzung// rtsa bran brgyad dang sul bzhi la// bcu gnyis gzer gyi snying po gnas// bdud bzhi snying gzer dngas ma gnas rtsa// sgo snubs byas 'khrug byed yum// rtsa yi sbyor ba brgya dang gcig/ drug gnyis yan lag sbyor ba yin// rnal zlog dkrug mchongs 'dros thabs brgyad// drug gnyis 'pho ba'i las gnyis brtags// dril ba'i 'khor lo mtsho chen tshul// brgyab pas yang tog bdud kyi stobs// drag po za byed myos pa'i sngags// ho pan srog 'dzin sbyor ba brgyad// dug gsum srog 'joms tshe gnas bstim// spogs pa rang gzir khugs dang gso// sgo yin rten gzugs rgyu gsum gnad// nyi ma rten bzhi 'khor lo gnas// der 'joms bcu drug las kyi tshad// gsang ba ra sbyangs grangs med lam// gsum gnas bsgrod pa rten dgu 'pho// snying po srog sdud bcud la dbab// sbyor ba gnyis kyis mnan par bya// 'pho zhing 'gyur med las zhes bya// zla ba mar gyi ngo dag la// bdud kyi nyi ma tshes gcig la// dus ni 'brug sgra tshub ma la// gsad pa'i las sogs drag po shis// thabs kyi rlung rgyu drag po'i me// nam dang nyi ma'i gung la ni// brdeg dang sreg pa la sogs 'grub// 'khor lo drag tu bskor ba'i tshe// gshin rje'i 'khor rnams dbang sdud cing// spyi rgyug sngags kyis bar bar brab// gshin rje dpa' bo mkha' 'gro la// mi yi sha khrag rkang dang tshil// rta dang ra yi sha rus khrag/ de rnams snying dang 'bru rnams zas// gtor mar byas te thod par dgang// snying khrag chang sbyar argaM sbreng// gsur chen dud pa rgyun mi bcad// rdza rnga brdung zhing gshin rje bod// tshil chen mar me rtag tu btang// drag po 'khor lo rdzogs pa la// mnan pa'i cho ga bshad bya ba// 'khor lo thod 'khor nang du gzhug/ tshas drag re thums byas nas ni// srad bu nag pos rgya gram bcing// sman gtor bshams la gshin rje bod// ma nyes dpang gzugs lha klu la// bden pas bsgo zhing dmod bcol bya// 'chi bdag rgyal po nyid la gtad// dngos por ral pa tshar dgu pa// gtad cing ri rab 'og tu gzhug/ 'o na khung ro khung 'byung po'i srang// klu yi gnas su gtad par bya// zhes gsungs so// 'phags pa 'jam dpal gshin rje gshed 'khrul 'khor nag po'i rgyud las/ gsad pa'i 'khor lo bstan pa ste rtog pa dgu pa'o//// de nas bcom ldan 'das kyis las kyi 'khrul 'khor nag po gshin rje gshed kyi mtshon cha phung byed las kyi de kho na nyid dag gsungs so// dkon mchog rgyal ba'i sku dgra la// gshed bdag 'khor lo nag po bskor// sbyor ba'i rgyal po 'bru bsdebs la// kaM pa ral gri so rir bcas// me chu stobs dang rlung gi 'pho// de yi sbyor ba 'di lta ste// phyi nang gsang ba gnad dang gzer// las kyi gcong chen 'bru btus la// drag po'i 'khor lo bskor bar bya// mu la 'phen pa'i yig 'bru gnas// rdo rje'i phyogs su rim pas 'phangs// aken tsit+ta ma nur sbyar// rin po che nas dbus su sbyar// nyi ma dang por shes par bya// de bzhin rin po che nas kyang// dzi ha ka ma 'phreng ba ste// pad+ma nas ni dbus su'o// nyi ma gnyis par shes par bya// de bzhin pad+ma'i 'bru la 'phen// b+hu ra d+ha ra g+han da ste// ral gri de bzhin dbus su'o// nyi ma gsum pa'i 'khrul 'khor ro// de bzhin ral gri 'bru 'phangs te// tsakra rU par sbyar ba ni// rdo rje sbyar ba dbus su 'gyur// ru sprad 'khrul 'khor nyi ma bzhi// phyi yi 'khrul 'khor shis pa ste// yang dag rdzogs pa'i rgyal pos bshad// dril ba'i yi ge 'khrul gyi 'bru// bcu gsum 'bru gnyis ldan pa ste// las kyi bsnyen par bshad pa ste// nang gi 'khrul 'khor yin par 'dod// mu la nas ni rdo rje phyogs// g.yas su 'bru bsdebs ral gri dang// pad+ma rin po che sbyar te// gsang ba'i 'khrul 'khor yin zhes pa// 'jigs byed rgyal po ya mas bshad// 'khrul mig bcu bdun 'khyil ba sbrul// thod mar dbus nas mgo drangs te// rlung dang sa ste sgra dang reg/ nam mkha' me dang yid dang sna// mchu dang lce dang rna ba lus// dus dang dri dang ro dang ni// lta byed dang ni gzugs su sdebs// 'khrul 'khor dang por bsdeb pa yin// de bzhin rlung dang sgra dang reg/ nam mkha' dang ni sa ru sbyar// chu dang lce dang rna ba dang// lus dus dri dang ro dang mig/ gzugs dang me dang yid dang sna// 'khrul 'khor gnyis par bsdabs pa'o// rlung dang nam mkha' reg bya sa// sgra dang lus dus dri dang ro// mig dang gzugs med yid dang sna// chu dang lce ru bsdebs pa ni// khrul 'khor gsum par bsdebs pa yin// rlung dang nam mkha' sa dang sgra// reg bya ro dang lta byed dang// lus dang me dang yid dang ni// sna dang mchu dang lce ru bsdeb// rna ba lus dus dri ru sbyar// 'khrul 'khor bzhi par bsdebs pa'o// ta pa la yi 'bru btus ni// sbyor ba rin chen sngags de nyid// bcu bdun sngags kyi sbyor ba cig/ las dang mthu dang 'dren pa cig/ mtshan nyid 'joms dang rgyud dang bkol// mchog tu 'gugs shing dmigs 'dzug pa'o// mgo mangs 'bur 'gro 'bru bsdebs pa// dang po rdo rje phyogs dag nas// rlung nag me yi bar du bdun// 'bru sdebs drag po'i yi ge 'bru// rims kyis sbyar ba dang po bzhin// sa dang rlung ste me nas sa// yid nas mer sbyar sna nas yid// chu nas snas sbyar sgra dang chu// rin po che yi phyogs dag nas// rlung dang reg bya sgra dang rlung// chu sgra chu dang me ru bsdebs// rna ba dag dang lce dang lus// rna ba reg bya lus byar bsdeb// pad+ma'i phyogs nas rlung dang mkha'// reg bya rlung ste lus dang reg/ dus dang lus te dri dang dus// ro nas dri sbyar nam mkha' ro// ral gri phyogs nas rlung dang sa// nam mkha' rlung dang ro dam mkha'// mig dang ro ste gzugs tsa ka kru// me dang gzugs te sa dang me// 'phreng sngags bdun po gshed chen rgyal// 'gugs dang las la nye sbyar ba// u mi ta dang 'dra ba yi// drag sngags bcu gnyis brgyad yin te// rjes su mthun pa'i rkyen sngags kyis// nye bar sbyar na las kun byed// grong khyar zad dang dkrugs pa'o// las kyi rgyal po rdzogs byed yin// de nas gzhan yang bshad bya ba// rin chen drag po stobs kyi 'bru// rdo rje yag sha ngar blud pa// rdo rje drag po me yi sngags// stag mo'i mchong ba'i stabs tshul gyis// gzugs brgyab mi 'chor chu srin ltar// bskor ba'i tsakra 'di lta ste// phyogs nas phyogs mchongs phyogs bzhir dril// mtshams nas mtshams te thad tshugs su// rim gyis bskor ba drag po'i 'bru// sdebs ni sbyor ba 'di nyid de// bya rnan dang ni b+ha b+ha ste// rgyab tu bi ya ka nyid do// ak+Sha dang ni prit+na 'o// ho pan ta dang pa ne dang// kaa ni t+na aken 'o// d+hu ra d+ha ru tsa ta m+mu// g+han+ta dang ni ma sa'o// tsag kru dang ni jiyu ha dang// rU pa dang ni ka mar sbyar// sdebs kyi sbyor ba dang por bshad// bya rnan prap+ti yak+Sha dang// b+ha b+ha b+h+ya ya ka dag dang// ag+ne dang ni a nat+ni// hopan ta dang pa ni dang// tsag kru dz+hu+i ha ru pa'o// ka matsit+ta ma nu te// d+hu ra b+ha ru na sa dang// g+han d+ha bsdebs pa gnyis pa yi// bya rnan b+h+ya ya b+ha b+ha dang// pra pa ti ak+Sha pa ni dang// hol pan ta dang ak+She dang// kaa ni tan dang tsit+ta m+mu// d+hu ra b+ha ru nas dang// g+han+d+ha dz+huha tsakru dang// ka ma ru pa sdebs pa ni// gsum pa'i sbyor bar yang dag go/ bya rnan ak+Sha prap+ti dang// b+h+ya ya ka dang b+ha b+ha'o// kaa ni tan dang ag ne dang// pa ni dang ni ho pan dang// dzu ha tsakru ka ma dang// ru pa b+hu ra ta ru dang// tsit+ta m+mu ta g+han ta'o// na sa sbyar ba bzhi pa ste// drag po'i sbyor ba rim pa'o// de dag rnal ma'i sbyor ba ste// de bzhin g.yas su bgrod pa ni// dbus su rta lang 'gros thabs kyis// mgo gcig rim gyis 'phen par sbyar// rdo rje gsang ba mchog nyid de// stag gis mchongs pa'i sbyor ba nyid// bka' yi gsang ba'i 'khor lo 'bru// gsang pa sngags kyi bcud len pa// thar pa'i thar pa ma lus 'joms// nag po 'bru thus bdud kyi tshig/ drag po sdud pa sbyor ba'i mchog/ yan lag ldan pas ma lus bskyod// rdo rje rnon po'i 'khrul 'khor 'di// gnod sbyin srin po'i 'khor lo yin// drag po gshed kyi mtshon cha ste// rin chen yi ge gser gyi 'bru// dbus kyi gling bu re cha yi// 'brur 'gro mgo lnga ldebs kyi 'gos// rdo rje'i ngar blud ur mo'i thog/bsdebs pas rgyal po'i las 'grub pa'o// rlung dang sa sgra reg bya mkha'// gnyis pa rlung sgra reg bya dang// nam mkha' dang ni sa ru sbyar// gsum pa rlung dang reg bya mkha'// sa dang sgra nyid sbyar ba'o// bzhi pa rlung dang nam mkha' sa// sgra dang reg bya sbyor ba'o// nyi ma bzhi bsdebs mtshan mo yang// nam mkha' reg bya sgra dang sa// rlung dang sbyar ba dang po yin// gnyis dang gsum dang bzhi pa drag/rjes su mthun pa mtshan sngags te// dbus kyi stag chen mjug sdum gyi// gshed bzhis bsad pa'i sbyor bar bshad// rten drug gnas la gdon bya ba// thog mar 'bru gnyis dor byas nas// rdo rje phyogs nas me dang yid// sna dang chu dang sgra dang rlung// de bzhin rin chen chu dang lce// rna ba lus dang reg bya rlung// pad+ma'i lus dang dus dang dri// ro dang nam mkha' rlung dang sbyar// ral gri ro dang lta byed dang// gzugs dang sa dang rlung du sbyar// mtshams su 'dod pa'i a mu ka/ rdzogs pa sbyor ba bzhi nyid do// phung po gnad dang 'byung ba lnga// dang po lta byed sna dang chu// de bzhin sgra dang ro la sbyar// lce dang rna ba lus reg rlung// gzugs ngad me ro nam mkha' rlung// dmigs dus me sa rlung du sbyar// phung po lnga yi rten bcom nas// bde ba'i gnas dang sbyar bar bya// dbus kyi 'bru lnga ru bzhi la// 'phen byed rdo rje rin chen dbus// rjes su rdo rje sbyar bar bya// rlung dang rin chen pad+ma dbus// mtha' ru rin po che la sbyar// rlung dang pad+ma nam mkha' dbus// mtha' ru pad+ma de bzhin no// rlung dang nam mkha' sa dang dbus// mtha' ru mkha' sbyar 'dod pa gzhug/ chags sdang 'joms pa'i 'khrul 'khor yin// dbus kyi 'bru lnga mu la ste// de bzhin rdo rje rin chen pad// dbus kyi 'bru sbyar 'dod pa gzhug/ de bzhin rin chen pad+ma dang// ral gri sbyar ba dbus su 'gyur// de bzhin pad+ma ral gri dang// rdo rje sa sbyar dbus su 'o// de bzhin ral gri rdo rje dang// rin po che dang sbyar dbus su'o// 'byung ba bzhi yi nad 'joms shing// gcod byed las kyi 'khrul 'khor yin// dbus nas mtha' ru 'bru deng de// de bzhin mu la'i steng du mchongs// dbus nas rdo rje dri dang rlung// de bzhin rin chen chu dang rlung// dbus kyi pad+ma lus dang rlung// de bzhin ral gri ro dang rlung// sgo bzhi las kyi rlung 'khor te// mu khyud dang po'i sbyor ba dag/ 'bru bzhi la yang de bzhin te// rgyu bzhi nad bslang 'khrug pa yin// 'bru gcig 'phen dang sdud pa'o// rtsa gsum gnas dang rten bzhi gsum// 'joms byed drag po'i yi ge ste// dug gsum sbyor ba 'joms pa'i 'bru// me dang sa ste chu dang sgra// lus dang reg bya ro dang mkha'// 'phen byed rtsa yi 'bru la sdud// rlung nag rdo rje pad+ma dang// de bzhin rin chen nam mkha' ste// rjes su pad+ma rdo rje dang// de dag nam mkha' rin po che// 'gro stangs sgo bzhi'i tsakra yin// shes pa dang dwangs snyigs 'byed pa ni// rdo rje rin chen pad+ma dang// ral gri bzhi yi mu lar sbyar// phyag rgya bde chen lus nyid las// yan lag sbyor ba rkyen rnams mdzes// mtshon cha'i rgyal po nor bu'i 'bru// bsnyen pa rgyun dang 'khor lo dang// thun dang gnad gcod pa yin no// 'gro stabs brgyad kyis yang dag sbyor// bcu gnyis tshul gyis las byed de// las ni sna tshogs 'khor lo ste// 'phen sdud 'bebs pa'i don dang bcas// rig pa gnyis kyi bde la gnas// yi ge lha yi rang bzhin te// 'od zer dug gi me dpung dang// gnad kyi mtshan nyid mtshon cha yin// rtsa bzhir 'byung ba'i gnad dgu dbab// drag po 'phangs la gnad dgu gzer// rgyu rkyen 'joms pa nyi shu bdun// lan gsum sbyor ba dgu gnyis dgu// spyi gcod mtshon cha spu gri med// bla gnas brten dgu mda' dgu gzugs// rkyen dgus phul la rta dgus 'phang// sgo dgu phye la gnad dgu dbab// drag po sngags kyi 'khor lo nyid// rtsa bar bcas pa'i lo ma can// snying po mchog las yan lag rdzogs// gsum dang bzhi lnga drug dang bdun// brgyad dang dgu dang bcu bcu gcig/ bcu gnyis la sogs du mar 'gyur// las kyi rgyal po 'khrul 'khor yin// ya bag sha yi sbyor ba ste// khro bo'i rgyal pos yang dag bshad// 'phags pa 'jam dpal gshin rje gshed 'khrul 'khor nag po'i sngags rgyud las/ 'khrul 'khor sdebs kyi le'u ste rtog pa bcu pa'o//// de nas bcom ldan 'das kyis 'khor lo rang gnas kyi don zhes bya ba 'di dag gsungs so// bsnyen pa'i dkyil 'khor phyi bsgrub ste// rgyan la yang dag gzung ba med// gzugs brnyan 'khor lo ma yin te// gang yin snying gi 'khor lo la// snying gi rtsa bzhi gshed bdud bzhi// 'dus pa gsum la yab yum ste// phyi rim rtsa brgyad 'brel pa bzhi// bdud sgo bzhi dang ldan pa la// so so sgo ru yi ge brtag/ rnal 'byor rigs can ya ma'i sku// bsgoms pa snying gi tsakra dag/ gnas pa brtag phyir rgyud don bshad// dbus su gshin rje gshed kyi sku// yab yum gnyis dang rgyan rnams rdzogs// dwangs ma bzhi yi si ra la// 'bru bzhi gshed po yab yum rdzogs// rtsa bran brgyad dang yul bzhi la// phyogs skyong bcu dang gnyis su rdzogs// gsal rdzogs dbang bskur byin gyis brlab// rang rgyud yid 'ong mchod rgyun brlan// thugs kha'i sa bon ring du bskul// rkyen ldan drod bcas skabs kyi dbab// snying kha'i 'khor lo mnyes te 'bar// phyi nang gsang ba'i mchod rgyun 'khyil// bzlas pa'i tshad la drod thob nas// las la sbyar ba'i bsnyen pa bya// phyi nang gsang ba'i drod blangs la// lcang lor bdud rtsi bcud ri lu// gling bzhi sku bris steng nas dgab// 'od sgra dri dang gzugs mthong nas// dngos grub chen po blang bar bya// sku gsung rdo rje'i dngos grub sdu// gnam lngar bstim la sku lnga dang// phung po dug lnga ye shes lnga// bdud bzhi 'dzin pa rigs lngar rdzogs// skye med mi 'gyur chi las grol// byin brlabs sna tshogs gang brtsams 'grub// rgyal ba'i snying po 'khor lor bshad// bsdus pa gsang ba gshed kyi don// tsakra pany+tsa ldan par bya// g.yas g.yon sbyor sgrol dbus na yab// sku gsung thugs dang rigs lngar rdzogs// dngas ma snying gi rtsa bzhi ni// chos nyid bdun na rA dza ste// yon tan g.yas na myos byed 'bar// ye shes rgyab na ar+ya dmar// rang rgyud g.yon na ral pa tshar// sku che yan lag yum 'khyud pa// rang rang 'od dang chas dgur ldan// bdud bzhi rtog tshogs gshed bzhi rigs// lnga lan gsal bas mchog rgyun dbab// rang nyams nyes byas bsnyen pa bya// sku yi brgya bar rang sngags dzab/ yon tan rdzogs pa dbu ru bzhag/dpa' bo rtsa ba 'bru lnga la// sdud pa'i 'bru la 'gugs pa gnas// nyin mtshan sum stong smra ba yang// lam gnyis sid+d+hi de bzhin gnyis// dur khrod phyi nang de bzhin gnas// de bzhin gsad pa'i 'khor lo ni// shes rgyud drug pa dgra la gnas// gshin rje nag po'i lto ba na// yi ge 'bru shag grong khyer gnas// srid pa gsum yang de na gnas// 'chang zhing gsod pa rang rgyud gshed// brnag pa tsit+ta rgu ha la// dwangs ma bzhi dang si rang brgyad// 'brel chen bzhi dang lte bar gnas// dbus kyi rtsa 'dus snang ba la// rtsa gnyis bar na sked pa'i yang// ya yi khong na srog rten nri// len srog sa bon bag chags rgyu// de stengs drag po 'bru gcig ya// dwangs ma bzhi yi rtsa bsdus na// sa la ma gnas drod la me// chu la ta gnas rlung la k+She// rtsa bran brgyad dang mtshams bzhi la// bcu gnyis me dbal yi ge gnas// mdud pa bzhi yi 'brel chen la// sa la spra ma yang dgag nas// me la mur tsa ya de gnas// chu la rak+ta tsa ra ya// rlung la mA ra ya dag gnas// 'bru dgu gcod pa tshar re gnas// gsang ba gshin rje'i lto ba na// srid gsum dgra yi shes rgyud gnas// brnag pa'i snying la mtshon cha gnas// bri dang rgyu la rag ma lus// gnas pa sems kyi lta bar bshad// las kyi rim pa brgyad dang ldan// pho nya sngags la rbad pa brgyad// lcags kyu'i phyag rgyas 'gugs pa yin// lha lnga sprad pa'i rdzas dud bdug/ las gnyis ra la bzhi dbye ba bcu// g.yon pa lcags kyu tsit+tar bcas// g.yas pa gung mo mdzub gnyis bcag/be con phyag rgyas bsdus te bstim// rten cig lus la kun bsdus la// dang por rgyu bzhi nad du bslang// sngags kyi tshad ma brgya brgyas ldang// dang po sa la bad kan nad// gnyis pa me la mkhris pa'i nad// gsum pa chu la khrag gi nad// bzhi pa rlung la skya sgang nad// de nas nyi ma bzhi pa las// dang po sa yi rtsa bcad nas// 'byung ba me la bsdus te bstim// myos shing brlabs te 'khor zhing lci// lus kyi dran pa nyams te 'gyur// gnyis pa me yi rtsa srog gcod// gnyis 'dus dwangs ma chu la thim// tsha ba lus dang las la skye// yid 'khrug dran pa nyams te 'chal// gsum pas chu srog gzungs ma bcad// dwangs ma rlung gi rtsa la thim// bu ga dgu yi rlan dang bral// lus dang rtsa sbubs khrag tu rgyas// bzhi pa rlung gi rtsa bcad nas// dwangs ma thig le nam mkhar 'dus// phyi yi rlung 'gags sgra nang rgyu// lus srog dwangs snyigs phyed de 'gro// dwangs ma skye med thig ler bsgral// snyigs ma nri dang bcas pa bzhi// me chu las kyis 'khrug cing 'khol// sngags kyi pho nyas sha za bskul// brnag pa'i lha dang srungs ma dral// bdag lus sngags kyi go char bsdus// sgo dgu phye la mtshams sgor 'jug/ yi ge dgu bsreg brten dgu bsdu// dmar nag me yis me par bsreg/ rkyen dang sngags kyis srog bsdus nas// thod pa'i ling ga rten la bstim// dwangs snyigs lus srog 'byed cing 'chang// pho nyas lus bshig za zhing rol// rten zhal gshin rje 'chi bdag gis// sha rus dral te nang grol 'thub// rtsa la gnas pa'i sngags dbal gyis// dwangs ma bzhi dang rtsa bran gcod// khrag dang bag chags skems shing sreg/ spu gri mtshon cha rang gis gcod// 'dud pa bzhi dang 'brel zhing 'thub// mtha' ru gzir la phur pas gdab// btad khram brnag pa spogs med bya// las rim spu gri brgyad du bsdeg/ mtshams su 'dod pa a mu ka/ man ngag snying gi 'khor lor bshad// dur khrod brgyad dang mtsho gling bzhi// dmigs pa'i brnag pa rte ldan pa'i// bdag gzhan don du mchog 'gyur la// 'khor lo'i dam par 'di gzung bya// bsgrub dang bsnyen pa'i gnas skabs su// rang sngags 'dren pa'i snying po dang// drag po las kyis sngags rnams bzung// rtsa sgo sbubs dang bcas pa ru// me dang chu yi snying po brtag/ sa dang rlung gi srog gzugs bsgral// nam mkha'i dwangs ma thim zhing 'pho// 'di ni mchog gi 'khor lo yin// rtag tu ma bral gdeng ldan na// mchog gi las la nye ba yin// bzlog cing dkrug dang brnal mar drang// gsad pa'i mchog la las 'di sbyar// zhes ni 'jam pa'i rgyal pos gsungs// 'phags pa 'jam dpal gshin rje gshed 'khrul 'khor nag po'i sngags rgyud las/rang rgyud gnas pa'i 'khor lo bstan pa ste rtog pa bcu gcig pa'o//// de nas yang bcom ldan 'das kyis 'phrin las kyi rgyal po 'khrul 'khor bsdebs kyi las rim 'di gsungs so// las kyi rgyal po 'khrul 'khor 'di// gsang ba'i lam chen mchog gnyis bsdus// gsang sngags 'di yis phyag rgya grol// bsnyen bsgrub las sbyor spogs dang sbyar// lus ni nyon mongs spangs pa las// dngos grub mchog dang 'jig rten te// dus ni lo 'am zla ba 'am// de skabs lo phyed dag tu bya// dka' thub gsum dang ldan gyur na// dus kyi bsnyen pa rnam grangs te// sngon du 'gro dang las la sbyor// ya ma dgug dang mtshan ma gsum// dus tshod nges bar 'grub par bshad// de yi grangs kyi bsnyen pa la// bye ba 'bum khri stong brgya'i grangs// 'di dag tu ni grangs ni dbye// bsnyen pa las sbyor gsad pa dang// thod pa bca' dang mnan pa'i skabs// na ya grangs kyi tshad mar bshad// 'od dang du ba bzhad pa rnams// de yi dam pa bshad la lta// bsnyen pa dang ni nye bsnyen pa// bsgrub pa dang ni bsgrub chen po// dgos pa'i don chen gang la yang// bsnyen pas dngos grub rnam gsum thog/ de ma yin pas dngos mi 'grub// drag po las kyi mthar bya na// tha chungs bzhi yi mar ngo la// dngos grub thob dang bsnyen pa rdzogs// des ni drag po 'khor lo bskor// de ma yin na rang la ldog/ ma la ya dang dgu 'dus rtser// dur khrod chu gling gnyen ra'i shing// bde ba'i gnas mchog ya ma'i gling// nag po dug gi snying po dang// yi ge 'bru shag grong khyer ni// mun nag 'dra ba gshed po yi// de yi lto ba dag na gnas// srid pa gsum yang de na gnas// de phyir srid gsum 'jug bar bshad// dus dang sgra gnyis rtsol dang rigs// gnod pas gshin rje'i za res 'bebs// bsnyen pas sngon du lha bkug la// las kyi ya ma dbang du bsdu// de yis lha dang las byed 'gugs// rtags la rnam pa gsum du 'dod// phyi nang gsang ba nye bar gzung// go la sku gdung nyi zla dgab// bdud rtsi'i chu la khrus byed dang// me chu tshub ma 'khyil pa lha// klu la 'dod phyir gru gzings bskyod// glang po zhon nas mtshon cha 'bar// gcan gzan bdag sgo bsrung ba las// phyi yi rtags te spyod yul 'gyur// dam rdzas gsang ste mchod pa dbul// gtor ma bstabs la rak+ta brlab// mtshan ma gsum gyis dgug par sbyar// 'od sgra du ba bzhad cing ston// dmag 'dren dgra khugs rngon byed dang// nags gcod bka' bebs las la chud// spyod yul rnam gsum nang du gzung// lus yang sems rgod lung pa yangs// zas dang skom gyi 'du shes chung// nyon mongs shes pa yul la 'bar// snga na med pa'i rnam pa myong// thun zor sha khrag rngam zhing rol// gsang ba'i rtags te dbang sdud sbyar// bsgrub pa'i dngos gzhi dran pas gzung// thod par bdud rtsi ri lu rten// dkar dmar dar dang ru sprod rgyas// btab la dkyil 'khor dbus su bzhag/ brgyad nas nya yi bar dag tu// dngos grub dbang gi dkyil 'khor du// rnal 'byor 'dod pa blang bar bya// lha bsgoms mtshams bcad sid+d+hi dbab// 'od sgra dri blangs dri dang skur// mthong na phyag rgya gnas lngar btab// dngos grub blangs la sbyor ba brtsam// dus ni rang byung rtsol ba la// bskul ba bzhi dang sbyor ba gsum// yul la dmigs pa'i rten drug mthar// drag po 'khor lo bskor ba dang// dur khrod ra ras khru gang la// gshin rje gcod pa'i 'khor lo bri// skye ba na ba 'chi ba gsum// 'jigs byed gshin rje'i grong khyer du// 'gro ba khrid nas bkug dang 'char// srid gsum 'jug sa ya ma'i gnas// byin brlabs 'byung phyir ting 'dzin gtsor// mA ra ya yi brda sgras 'joms// pho mo'i mtshan nyid g.yas dang g.yon// 'gro ba'i chos bzhin sbyor bas gcod// dgug dang bsad pa bzhi gnyis rdzogs// las kyi rgyal po rdzogs pa yin// brgyad po dag la nyin bzhi ste// steng dang 'og dang kha gnon la// nyi ma re re shes par bya// 'di dag rkyang pa'i mchog yin zhes// 'jigs byed rgyal pos yang dag spyad// brgyad po rnal dang bzlog pa la// nyi ma bzhi bzhir shes par bya// mi 'gyur yi ge rnal zlog gnyis// steng 'og yi ge kha gnod la// nyi ma re re shes par bya// bcu gsum 'khrul 'khor la kha thun// brgya byin dbang po mA ra na// brgyad po dag dang mi 'gyur la// g.yas g.yon nyi ma bzhi pa ste// mchog bzang bu yi khang ba bzhin// bcu drug sbyor bas dkyil 'khor rdzogs// rtsa chen gcod pa'i tsakra ste// steng 'og kha gnon nyin gcig rdzogs// nyi ma bcu bdun las mtha' rdul// gzhan yang bshad pa 'di dag ste// gnad dgu 'joms pas 'bru dgu la// g.yas dang g.yon du bskor ba las// sngags ni 'bros 'ded ril du bshad// brgyad pa rnal zlog brgyad pa ste// mthar phyin 'khrul 'khor drug gnyis so// brgyad po brgyad dang mi 'gyur brgyad// steng 'og kha gnod 'khor lo la// nyi ma bzhi bzhir shes par bya// las kyi rgyal po bcu gnyis brgyad// 'jigs byed rdo rje chen pos gsungs// bzhi dang brgyad dang bcu gnyis dang// bcu drug nyi shu rtsa brgyad dang// sum cu rtsa gnyis nyi ma'i grangs// las rnams gang yang ma grub na// gshin rje'i grong khyer dkrug pa ste// phyi nang gsang ba phu dkrugs dang/ kha gnon stobs kyi 'khor lo la// drug cu rtsa brgyad nyin mtshan dkrug/ lha nyid gnas la dbab pa ste// brgya byin dbang po nyid kyang rlag/ rdo rje rnon po'i las rims so// 'khor ba thog ma tha ma med// 'jam dpal las kyi sbyor ba yis// ma rig sgo nga'i sbubs 'byed pa// srid pa'i dra ba 'joms pa'o// sbyor ba rgyu yi tshul du gnas// ting 'dzin sbyor ba'i rkyen du spyad// thabs ldan spyi ru rgyug par bstan// shing rta'am chu'i 'khor lo bzhin// rgyu dang rkyen gyi sbyor bas 'khor// g.yon bskor 'og nas gcod pa ni// chu yi 'khor lo dag dang 'dra// g.yas bskor steng nas gcod pa ni// mtshon cha'i 'khor lo me dang 'dra// de yi rkyen gyis lte ba 'khor// lte ba rkyen gyi rtsibs dang gcod// gcod pa mtshon cha'i rgyal po'o// bsgrod pa gsum gyi gdeng ldan pas// lha yi rnal 'byor thob pa yis// drag po bsad pa nyid la sbyar// de men bskal ba med pa yi// lha ni gnad la dbab pa dang// ro langs srid pa'i lto dkrugs dang// rim bzlogs sngags kyi gnas dgu bsdeb// rdo rje snying po rin chen 'bru// lnga bdun snying po bcu dang gnyis// bcu bdun snying po 'khor lo la// gcig dang nyi shu sum cu gnyis// dril nas drug cu gnyis kyi// 'khor lo sbyor ba gang byed dang// ye shes dam tshig gsal ba la// lha yi 'khor lo legs thob nas// snying po thig le kun bsdus nas// 'khor lo'i yig 'bru thig ler sbyar// ye shes snying po nyid du gzhug/drag po'i sbyor ba bzlog nas ni// lan gsum sbyor ba shes par bya// rig pa klong gi lam nas 'phang// yang na 'khor lo sgo dgu nyid// rdo rje rnon po'i rgya mdud bca'// mnan pa rdo rje lcags kyis bsdebs// spyi rdeg stobs kyis mnan par bya// rim pa ji bzhin bzlog pa ste// gnad gsum bzlog pa'i sbyor ba yin// sngags kyi dbal dang 'bar ba'i 'od// phyogs dang mthun par srog byed de// gong las 'phen cing gong mas gcod// 'khor lo bar na sngags kyi gnad// gang yin ji bzhin pa yi rim// gcig dor gnyis dang gsum de bzhin// rim pas bzhag la 'jug byed pas// 'pho zhing g.yo ba med pa'i gnon// sbyor bzhi sbyor ba rkyang pa dang// rnal mas khugs par ma gyur na// sbyor ba'i rim pa las kyi gnad// skabs 'dzin chu srin rdo rje'i gnad// 'dus pa'i ye shes thig le can// stobs ldan rgyu ba med par gsal// mtshon cha'i rgyal po ngar can 'dis// rin chen yig 'bru snying por ldan// skad cig sngags dang 'od stong 'bar// g.yo med phyogs mtshams dbang bsdus pas// ma lus las la thim par ldan// stobs chen nag po 'bru gcig bzhi// ril bsdus sbyor ba ngar ldan gnas// ya bag sha yi sbyor tshul gyis// rdo rje drag po 'bar ba'i gnad// de nyid nges par 'jug byed pa'i// las rnams sbyor ba smin pa ni// mi 'gyur las kyi rdo rje gnad// 'gros thabs brgyad la bcu gnyis tshul// rims bzlog gnad la dbab pa ste// skabs dang sbyar zhing sbyor ba dbye// mtha' ru spyi ldeg gam 'greng ho// ye shes rdo rje 'khyud pa yi// lcags la sogs pa mtha' ru sbyar// thod pa rabs chad nag po'am// dag dig glen pa bkra mi shis// ma za mdze can yugs ma phog/ mdzo rtol tsa ra dre'u thod par// sngon dmar khar nag sum sgril dkri// lha khang mchod rten ro khang mu// dur khrod gnyan na mgo la them// lam srang gang rung cher gnod par// snying po ri rab bcas pa yi// ya ma sku gsung thugs kyi ltor// dmigs pa gang yin legs par gzhug/phyag rgya stobs ldan zil gyis mnan// sbyor ba sngags kyi rim pa ni// yi ge bslang dang gzer bzhi brdab// lha bskyed mnga' dbul 'khor lo gsol// mtshon cha ngar glud byin gyis brlab// srung dang dbye ba'i las la sogs// ting 'dzin rgyal po rkyen gyis 'grub// the tshom le lo g.yeng ba yis// sbyor ba brtsams na don mi 'grub// 'khor lo ldog pa'i rgyu bshad pa// lhag chad rnal 'byor nor dang 'dres// re ka thig 'byor dri mas gos// rgyu rkyen sbyor min ldog par bshad// de bzhin 'khyam pa'i rkyen bstan pa// sngags la nan chungs 'dzab ma rdzogs// gnyen po bka' bsgo las gnyer chungs// las chog yan lag rtad tshogs nyams// las mi byed de 'khor lo 'khyam// rdul tshon dam tshig ye shes kyi// bsnyen bsgrub dal la rten byas nas// gsod pa'i 'khor los bsad byas nas// nan pa'i sbyor bas nan tan bskyed// de ni dmigs pa gcod par byed// des dang chod par ma gyur na// las dang sbyor ba spogs par bya// gsang sngags mthar rdzogs gnyen por mnan// sbyor ba des kyang ma chod na// ro langs nag po'i sbyor ba dkrug/ rang las skyes pa'i sems rtog las// dmar nag yul la 'khor lo bca'// thabs dang shes rab lto bar gzhug/ 'gros thabs brgyad kyis dkrug cing sbyar// mthar ru drag po hom gyis gnas// rtags rnams byung nas ma bton na// dmigs pa zad kyang rtag tu 'khor// mi mnyam mgo log re mig nor// lta ba'i sbyor ba bzhi ma ldog/ gnad dgu ma yengs gnyen po g.yeng// 'phrul gyi 'khor lo sbyor ba bzhi// rdo rje rgyal po sbyor dang bcas// yang dag bag pa'i 'khor lo min// sbyor ba rgyu yi brda gzugs can// bde ba gcig gi lam dang ldan// thabs mchog gsum dang 'di sbyar yin// yang dag dpa' bos nges par bshad// 'phags pa 'jam dpal gshin rje gshed 'khrul 'khor nag po'i sngags rgyud las/ 'khrul 'khor sdebs kyi las kyi le'u ste rtog pa bcu gnyis pa'o//// de nas bcom ldan 'das kyis yan lag gi 'khor lo 'di dag gsungs so// bsad pa'i 'khor lo ji bzhin du// 'khor lo re'u cha'i yig 'bru rnams// rdzogs pa'i mtha' ru la sngags dgod// dbang du bya ba'i 'khor lo ni// smad 'tshong zhabs ma gru bzhi la// cha gnyis rtsong bri g+hi hang bsku// btsun mo'i snying khar 'khor lo bri// mtshal dang rgya skyegs khrag chen bsku/ kha sbyar dmar nag lto bar bri// nyin mtshan dril brtor dgug pa brdags// rnel thod srin mo'i sgroms su mnan// mos pas rnam pa bzhi thob cing// 'jig rten gsum po dbang bsgyur zhes// rdo rje rnon po sems dpa' gsungs// rgyas par bya ba'i 'khor lo ni// rin chen rgyu la pri ba yang// nor lha rgyal po'i rgyab tu bca'// rin chen ga'u lha yi khang// yang na skyed mos tshal dag gam// ljon pa'i shing dag gnas pa ru// dzam+b+ha la dang bcas par bri// tshe dang longs spyod rigs brgyud rgyas// sbyor ba drug dang ldan par 'gyur// zhi bar bya ba'i 'khor lo ni// zla ba'i dkyil 'khor lte bar bca'/ kha sbyar nyi zla dge slong gi dben gnas ldan pa'i dkyil du bca'// dung dang nya phyis nang du dril// gtsang ma'i ras dang bcas par sba// drag po gtum po lhan ne ba// 'jigs pa brgyad las yang dag skyobs// dbyi ba rta dang ma he la// 'khor lo gnyis byas lto sbyor la// sbrul shi'i dud bdud snol khrag bsku// sngags bzlas rta rgod thod par bca'// gang la dmigs pa lha gnas yul rten sba// rgyud gcig pa'ang gnyis su na// lha mi rgyud gnyis smos ci dgos// bskrad par bya ba'i 'khor lo ni// rngam mo'i rgyab tu rim pas bri/ kha sbyar dom nag thod par gzhug/ 'bab chu'i 'gram mam khyi tshang mnan// rgyal blon sha za gang yang rung// dkar po'i phyogs la sdang ba rnams// tha bol 'thar pa'i yul du bskyel// lkugs par byed pa'i 'khor lo ni// rgyab bcad lug gi rgyab tu bca'/ kha sbyar lug thod re bas dril// pad+ma dbang phyug de ba yang// lkugs pa'i mchog tu de 'gyur na// srog chags rnams la smos ci dgos// 'bog par bya na sha ba yis// rgyab tu mkhas pas 'khor lo bri// shan dmar rlung phyogs mkhar la mnan// nag po gdug pa'i sems ldan pa// 'bod cing rgyal bar yang dag bshad// smyo bar byed na spre'u yi// rgyab tu 'khor lo bris byas la// smyo 'bog spre'u yi khrag gis bsku// spre'u thod 'khor lo gal pa yis// shing chen dag la mnan pa na// smyo zhing khrag skyug nges par 'grub// myos bar byed pa'i 'khor lo ni// srog dang bral ba'i lus la bya// sa 'am tsha bas shi ba yi// lus sam pags pa de nyid do// rims kyis shi ba'i thod par bca'// rgya mtsho chen po'i gting du bsgyur// khyab 'jug gzhon nu dbang chen yang// myos shing rlag par yang dag bshad// rengs par gen pa'i shing la bca'// thang shing drung bskams thems su gzhug/ lam chen g.yang sa dgod par gnon// gyen pa'i shing ltar srog chags kun// rengs par byed pa'i mchog tu bshad// gzir ba stobs kyi bdag po'i ltor// 'khor lo bris la 'bri thod gzhug/ lha yi khang pa'am ka rten gnan// gzir ba'i mchog tu de bshad do// drag po'i sbyor ba rus sbal ltor// bdun nag sbyor ba rgyu yi ltor// bskyab pa rang gi rten gyis bya// lha srin rang rang lto bar bya// mnan pa las kyi bdag po ste// bdud rtsi 'khyil pa'i lto bar gzhug/cha gnyis bris la thod chen mnan// sngags pa stobs chen 'og tu mnan// don yod grub pa'i 'og tu mnan// thar pa'i lam med de nyid yin// dbang po gzhom pa'i 'khor lo ni// chu srin rgyas pa'i lto bar bri// mon glang dkar nag thod par grub// gang yin mnan lam 'og tu mnan// pho mo dbang po 'joms par bshad// longs spyod gzhom na yi dwags kyi// lto bar 'khor lo bcas te gzir// grong khyer zhig pa'i 'gong po la// dam sri phag gi thod par mngag/ longs spyod mkhar gyi phugs su mnan// longs spyod rlag par byed pa yin// lo thog gzhom pa lto 'phye'i gzugs// lto bar 'jig rten lo thog bcud// gnyan sbal khog par yul dbus mnan// lus gzhom pa yi 'khor lo ni// sbrul nag lto bar bris byas te// mdze can dmar thod thod par mnan// ya nga'i nad ni 'byung bar 'gyur/ khams gsum gzhom pa me yi gzugs// nam mkha' gru gsum e yi dkyil// 'khor lo nyi zla'i 'od zer 'phro// nam mkha' rgya mtsho rten med mnan// kun gyi 'khor lo gcod pa ste// spu gri so bzhin ldan pa rtsibs// sa dang chu dang me dang rlung// nam mkha' dbyings kyi khongs su gzhug/ de nas bcom ldan 'das kyis gsang sngags 'di dag sku gsung thugs rdo rje las 'thon to// ya ma me ta k+She ra tsa sa to ru na yo ni ra ya ts+tsha ni/hriHSh+ti a mu ka aM gu sha dza A kar+Sha ya hU~M dza dza/ puSh+ti spa ra na hU~M/ shan+tiM ku ru ye swAhA/ de ba bi de pra be sha ya phaT yaM/ pra raka la mur tsa ma ta re tsa ru ye phaT/ mur tsa rag mu shi phaT/ pra raka mu ya hri ta yaM/ rak+ta mur ya tsa ra yaM ling yaM shar yengs/ b+ha hu thing/ ra ma pra raka ti ri rbad/ sarba pra ta yiM shig kha gzir nan rbad/ staM pa ya nan/ mur rak+ta thibs daM su khaM ril g+hu ta tham/ ru yaM hri tri ling yaM shig phob// hril shar 'ur thog phroM hur nA ga gzir thob/mA ra ya badzra puSh+ting yaM/ pra ma ya/ rak+ta tsa ra ya/ mA ra ya/ ni sha ku ru ni rbad ya/ 'phags pa 'jam dpal gshin rje gshed 'khrul 'khor nag po'i gsang rgyud las/ yan lag gi 'khor lo bstan pa'i le'u ste rtog pa bcu gsum pa'o//// de nas yang bcom ldan 'das 'jigs byed chen pos drag po thun la sogs pa 'khor lo dang bsdebs pa'i rim pa 'di gsungs so// drag po'i 'khor lo bskor dang rjes/kha gso thun gyi las bshad pa// sa chu me rlung nam mkha' dgra// gang yin 'byung ba shed du dbab// nyungs kar dug khrag phur bu'i thun// gser dang gri lcags rdo nag po// mda' thun drag po bskyod byas la// bad kan mkhris pa rlung dang khrag/ smyo 'bog dri rgugs sna tshogs te// 'byung ba khams kyi gshed du dbab// khyad par gsang ba'i thun dbab pa// lus ngag yid gsum gzhom pa'i phyir// sku gsung thugs kyi bcud sdus la// gsod pa'i mtshon cha bsdeb par bya// dur khrod sa la khru gang ba'i// dkyil 'khor nag po thod 'phreng ldan// dur khrod rgyan dang me ra byi// dbus su ya las gshin rje'o// mon thod nang du snying khrag sbyar// ra rog lug dang mi nag yin// brnag pa'i gzugs dang ming byang gzhug/ srog bskul thun dbab las zhen gdab// bskul tshig lus bskyod drag tu dbab// ri rgyal rbab chen 'dril ba bzhin// smod pa'i rgyal po ngar ldan pas// lus kyi dbang po 'joms pa ste// ya man+ta ka'i brnag pa'o// grog mkhar sa dmar ba yi lci// ro bsregs sa la khru do rtsig/khrag dang dug gi chag chag gdab// e gnas thod pa dgu 'phreng bri// dkyil 'khor dmar nag khrag mtsho can// gtor ma sha chen gsur dang khrag/ mi rta ra khrag bsnyug nyungs kar// thod tshal blugs la thun du dbab// gri rgod thod par ling ga gzhug/ thun dbab lus bskyod khro bo bskyed// dmar nag khrag gi rgyan ldan pa// sngo nag yum 'khyud 'od zer 'phro// drag po thun dbab lam du gzhug/ stag mda' dmar pos ngag dbang 'joms// g.yul gyis sa la maN+Dal bri// dbus su dpal gyi gtor ma la// ya las gshin rje nag po'i sku// zhal gcig phyag gnyis yum dang ldan// bsnyen pa 'phro 'dud dbang du bstim// me 'bar 'gyur ldog khol ba rtags// b+ha li sngos la bsdu dang bstan// brnag pa'i gzugs la brdeg pa'i rdzas// khyi dang rta nag gri rgod khrag/ sna tshogs dug dang nyungs kar gyis// nad dang mtshon cha char du 'bebs// sna tshogs sha za mi mthun gzugs// gtor ma thun dang brnag pa'i khams// rgyu la nad dang dal du 'bebs// mi mthun nyos dang dbang po 'chal// smyo 'bog mdze shu rims su 'bebs// drag tu bskul dang yul la rbad// dmigs pa'i rtsa dang srog gzung gcod// bla dang bag chags bkug cing gsod// shes rgyud dran pa nyos shing skyems// dgu bskor drag po las kyi thun// yid kyi dbang po 'joms par bshad// de nas bcom ldan 'das kyis thun gyi yang snying rgyal po 'di dag gsungs so// e e e a kro te ka ya ma ye/ kA la rU pa ka pa ye/ hri sti a pa ye/ ya man+ta ka wi kri ta/ ka li kro d+ha a ne u ne du na bya tsa ye/du ru ye/ tsit+ta ye/ ha la ye/ ya ma kri ta/ ya ma kro d+ha/ ya ma kro d+ha/ mon+ta ya ma rak+sha/ ya ma byi sha/ tsi hU~MSh+ti mon+ta hri tsa ya a mu ka/ tsit+ta breng shag/ brgyags thun b+h+yo/ thum ril khrag la myogs b+h+yo// dun ting hril shag ha la yaM b+h+yo/dgra bo'i tsit+ta tshal myogs rbad// srog la mA ra ya rbad/ ni sha ku ru ni rbad/ nr-i dun hur long breng dun hur thums dza/ tsit+ta rbad ya/ yang gsang thugs kyi brnag pa ste// rgyun dang dbab par rang gshed dang/kha gso la sogs ma lus 'dus// yid bzhin nor bu lta bu yi// gsang sngags kha blangs nus pa can// stong par bzlas pa ma yin te// nyungs kar dag la bstim zhing sngags// oM a kro ya ma to me dgra bo'i srog la mA ra ya rbad rbad/zor thun la b+h+yo/ sku yi thun de gshin rje gshed// oM ya ma rak+sha mon ta baM ril trag rak+sha ya ma rak+mo mA ra ya rbad/ traka rak+sha mon ta b+haM ril/ rak+mo kha thun rbad b+h+yo b+h+yo/gsung gi thun te 'jigs byed dmar// oM ya ma tsit+ta dun dza dza/ srod la rbad rbad// ya ma tsit+ta thun dza dza/ srog thun b+h+yo/ srog la rbad rbad thun b+h+yo/ thugs kyi thun te tshe srog bdag/ gab pa gsang ba'i las su gsungs// gzhan yang sreg pa'i las bya ba// nyin bzhi rdzogs pa'i 'khor lo mnan// thun gyi mtha' rtul sbyin sreg cig/ yang na sbyin sreg lnga bcu dang// 'khor lo nyi ma brgyad du bsdeb// yang na brgya dang brgyad du yang// hom dang 'khor lo bsdeb pa ste// zla ba bcu gnyis bar du yang// dus kyi mtha' rdul me yi las// de ni myur du ru tra rlag/ bdag nyid byang chub de nyid thob// de nas yang dag bshad bya ba// khram dmar khram nag tshad ldan pa// mkhas pas khram gyi re cha bri// khram btab bdag po bcu gnyis la// khram bdag phyir na drag tu bskul// re re la ni dmigs pa gzhug/ khram kha ri li zhes kyang gdags// rjes la bdud kyi khram kha dbab// 'khor lo khyam 'debs chu srin gyi// bzung nas brgyab pa mi 'chor byed// gzhan ma 'khor lo byad bsdebs pas// byad kha klu dang ma gdon te// dug sbrul nag po lta bur spyad// shod dang bsdebs na bdud kyi las// shod rde dang bcas rtsis bsang pa// bdud kyi shan pa gsod pa yin// bsdebs pa'i grogs te rno ba'i ngar// 'khor lo gcod pa'i grogs su 'gyur// ces gsungs so// 'phags pa 'jam dpal gshin rje gshed 'khrul 'khor nag po'i sngags rgyud las/ 'khor lo thun bsdebs dang byad kha shod khram bsdeb pa'i le'u ste rtogs pa bcu bzhi pa'o//// de nas bcom ldan 'das la/rdo rje rnon pos gsol pa/ kye ma 'jigs byed gshin rje gshed// 'phrin las rnam bzhi rdzogs pa'i sku// dbang drag gnyis kyi bsad pa rdzogs// zhi rgyas gnyis kyis las gang byed// 'jigs byed rgyal pos nges gsungs pa// 'jam dpal thugs kyi dkyil 'khor du// rigs dang bcas pa'i ga 'u la// steng du sku yi bcu bdun pa// tshe yi 'bru drug 'dod pa gsum// nyi shu rtsa bzhi yig 'brus gang// dmar la gdangs pa'i snag tshas bris// mgo dmar tshe yi rtags lnga bcud// rang byung 'chi med snum dang sbru/ kha sbyar 'bru lnga'i rgyas gdab 'khril// sa yi dkyil 'khor pad+ma bzhi// bcu gnyis ldan pa re ka ste// lte ba cong zis dkar por bya// de bzhin thun par rim par ldan// mda' dang tshe yi ral gri dgod// gzhal yas gdan stengs lha rnams bskyed// spyan drangs la sogs pU dza dbul// tshe yi bsnyen pa khri tshe brgyad// nyin zhag thun gsum mchod bstod bzlas// tshe yi snying po gnas nas drang// 'od 'bar dri dang dug slangs bskul// thon nas tshe yi ga 'ur bstim// dngos grub bdun rtsis dbang bskur la// snying po bskul zhing sbyor bas bstim// phyag rgya chen po bstan par byin// bkra shis tshe yi glu dbyangs brjod// 'jam dpal A yu'i si d+hir bshad// bsnyen pa'i rtags rnams phyin pa dang// sgrub pas 'phro 'du rab byas nas// tha ma'i dus na dngos grub blang// dmar ser ba yi 'o ma dang// lhung bzer mar gyis bkang ba dang// rdo rje tshe yi zhal zas bsag/ snying po'i mchog nyid de la bstim// 'od zer 'phro 'du zhi dang rgyas// rnal 'byor chas gos de bzhin no// ye shes dkyil 'khor 'od zer tshul// zhal zas de nyid dngos la bstim// nga ni 'jigs byed gshin rje gshed// bka' yi 'khor lo rab bsgyur zhing// dkyil 'khor thams cad spyan drang bstim// 'gro ba rmongs pa ma rig mun pa la// ye shes nyi ma smin pa gshin rje gshed// sdug bsngal tsha bas gdungs pa sems can la// thugs rje zla ltar bsil ba'i gshin rje gshed// nyon mongs nad kyis nyen pa'i 'gro ba la// sman pa'i rgyal po bla med gshin rje gshed// phyogs bcu dus gsum bde gshegs kyi// gnyis su med pa'i ye shes te// sku gsung thugs las sprul pa'i sras// thugs rje rnam thar gshin rje gshed// kun mkhyen kun rig 'jam pa'i dpal// mchog dang thun mong la sogs pa// dngos grub dag gi gter lags pas// zhal zas dngos la bstim pa de// bstod pa sgra dang glu gar gyis// lha dang mkha' 'gro mchod cing blang// sku gsung thugs kyi snying po la// si d+hi hU~M zhes gdags par bya// de nas gsang sngags 'di dag ste// oM a kro te ka ya man+ta ka ha na ma tha b+hany+dza A yu dz+nyA na hU~M a/che bsgrub pa yi snying po ste// yab yum gshed kyi sngags dang bsdeb// a yu dza na yu tse a ba na ya bruM// a b+hi ShIny+tsa ya A/ sku mthar sbyar ba'i tshe dpag med// A yu dz+nyA na yu tshe a pa ni ya bruM pu kra tsa na a pa na ya swAhA/tshe bsring dpal ni bskyed pa dang// rigs brgyud spel ba'i mchog nyid de// yon tan mtha' sbyar yang dag go/ ka ma la b+hin du a pa na ya swAhA/ sku'am thugs kyi mthar sbyar na// dus ma yin par 'chi ba bzlog/ bi kri a pa na ya swAhA/ kran a pa na ya swAhA/ mi bzad gdon dang gang dag nad// mi bzad pa las thar par 'gyur// 'jig rten nad rnams zhi bar byed// badzra tsakra a pa na la phaT phaT/rA dza badzra tsakra a pa na ya hU~M phaT phaT/ thugs kyi snying po mtha' sbyor na// bgegs rnams thams cad skrag par byed// tsakra hri a pa na ya swAhA/ dbang du bsdu ba de nyid do// hristi sa nan a pa na ya swAhA/'di ni bsrung bar bya ba yin// hri sti shan ting a pa na ya swAhA/ 'di dag bdud bgegs zhi bar byed// ces gsungs so// 'phags pa 'jam dpal gshin rje gshed 'khrul 'khor nag po'i sngags rgyud las// yon tan rin po che'i le'u ste rtog pa bco lnga pa'o//// de nas bcom ldan 'das kyis 'jig rten dregs pa dbang du bsdu zhing gzir gnon drag pos 'dul ba zhes bya ste/ stong srog 'khor lo drag po 'di dag gsungs so// a+ye a+ye a+ye/ a kro te ka ya man+ta ka/ ya ma ye/ kA la rU pa/ ka pa ye/ hriSh+ti a pa ye/ A a ne a ne/ u u ne u ne/ du du ne du ne/ A i U/ e oM aM/ ra ra li li/ du ru ye/bya tsa ye/ sing nga ye/ hri da ye/ bi ta ye/ ha la ye/ mu ka ye/ u u ne/ bi kri ta/ a a na na/ ya ma ra dza/ ya ma raka sha/ ya ma raka A/ ya ma rak+Sha/ be ta li kro d+h+wi shwa ri/ ma ma e ka dza ti de ma kha la baM ril/ ru lu ru lu/ shrI badzra kro d+ha/ ya ma karma/ ro Sha na kri ta/ tsaN+Da rak+Sha mon ta/ a mu ka myags thums ril trig nan rbur ya nan/ e hur thums dza/ khang sha ga ro myags mugs ti rbad yA/ 'di dag stong srog 'khor lo ste// yab yum srad dang 'khor bcas pa'i// rtsa ba'i yang snying 'di dag ni// rgyun tu bgrangs na las kun byed// khrag 'thung rtsa ba'i dkyil 'khor rdzogs// 'jig rten dregs pa'i srog kyang rdzogs// ye shes lhun grub snying po rdzogs// rnam rtog 'joms pa'i tho ba rdzogs// dug lnga sel ba'i me chen rdzogs// rdzogs pa'i dkyil 'khor thig le che// sngags kyi ngo bo khyod phyag 'tshal// yid bzhin nor bu khyod la 'dud// de nas yang 'di gsungs pa/ u ne a ne u ne/ u u u/ sing nga ye/ bya tsa ye/ du ru ye/ hri tra ye/ ha la ye/ che ge myogs myogs thum ril rbad/ 'di dag gzir ba'i de nyid yin// sarba rtsa rbur srog nan snying gzer breng shag ya rbad/'di dag bshig pa'i sbyor ba'o// du raM ti yaM b+hing phyung srog la gzir nan phyung/ 'di dag phas kyi sbyor ba zug pa 'byin pa'o// man+ta dum ma ha rag du raM thum ril rbad// 'di dag gsang lam dgag pa ste// e nan yaM bzlog d+hid b+h+yo/ 'di dag bzlog pa drag po yin// big+ha nan stam pa ya nan/ 'di dag gzhan gyi ngag mnan pa'o// srid gsum khyam khang lto ba ru// 'khor lo mkhas pas bris byas te// dregs pa can kun gzir ba dang// las kyi dbye ba de bzhin bya// lha yi rnal 'byor gshin rje gshed// dpa' bo de nyid yin shes so// shrI badzra kro d+ha oM/ ya ma ya/ ma ma ru la mdun ting kI la ya ta/de ba a/ rag+sha ra/ ru kwa/ d+ha yak+Sha/ k+Sha grib/ dza/ rA dza tsa/ shu la dza/ ham sha m-i tra/ nA ga/ phu/ 'jig rten dregs pa pho mo ste// srog gi rnam shes 'di dag la// gzir dang srog 'phrog gsod par byed// gshed kyi lto bar srog 'phrog pas// rnam par shes pa srog tu bshad// snying po 'dzin byed lcags kyu yis// rang rgyud gnas nas 'gugs pa yin// 'phrog byed lcags kyu'i srog tu bshad// ma yengs ting 'dzin ngo bo nyid// yul gsum gsal bar gyur pa dang// yid kyi gzugs can dngos su yong// bstan pa'i stobs su gyur par byed// ting 'dzin ngo bo srog tu bshad// dmigs pa'i lus ni ci 'dra ste// rnam shes rten dang bcas pa'i gzugs// mtshon cha gcod byed rgyal po yis// bcad gtubs gar byas 'chi bas na// gzugs la srog ces bya bar bshad// srog ni rnam shes bod pa'i ming// gzer byed gcod byed 'phrog byed dang// 'gyu ba rtsa sbubs dngas ma yis// 'od dgu spyur gzugs dngos su ste// bstan dang stobs su gyur pa ste// 'jig rten khams la dbang byas nas// thogs pa med par las byed 'gyur// sha rul dong du bcug pa la// sha sbrung nam mkha' 'khor ba ltar// gshin rje pho mo'i srog shes na// lha srin rang dbang med par 'du// bstan pa'i snying po de nyid la// dam can srog na bsten par bshad// rig pa'i rgyal po byang chub sems// gcig nyid kun gyi rang bzhin no// 'jig rten 'das dang ma 'das pa'i// dregs pa pho mo thams cad kun// rang gi sems su shes par bya// sems dang gnyis su med shes na// snang srid lha 'dre rang gi sems// sems nyid di med dag pa na// snang srid lha 'dre kun gyis grub// byas pa med par rang byung bas// lha 'dre rang byung rang gi rgyan// rang gi sems la dbang thob pas// snang srid lha 'dre 'dod dgur sgyur// dper na mi yi rnam par shes// gdon gyi dbang du gyur pa ni// rang dbang med par de bzhin 'gyur// bstan pa'i snying po rgyal ba'i thugs// 'jig rten dregs pa can gyi srog/'gro drug snang ba'i sems can sems// dngos gzhi ma bcos de bzhin gcig/ dgongs pa'i stobs ldan srog ces bya// 'phags pa 'jam dpal gshin rje gshed 'khrul 'khor nag po'i sngags rgyud las/stong srog 'khor lo bstan pa'i le'u ste rtog pa bcu drug pa'o//// de nas rdo rje rnon pos/ bcom ldan 'das la gsol pa/ e ma 'jigs byed gtum rngam che// 'chi bdag las kyi gshin rje yi// smod pa de nyid bshad par 'tshal// de nas yang dag nges gsungs pa// 'jam dpal khro bo gshin rje ni// 'jigs byed ya ma rA dza ste// nye bar gyur pa sgrol ba'i ging// las kyi thod pa nag po gzhag/gug rgyal dri dang chu yis bkru// ltag par 'chi bdag gzugs btags la// smod pa kha thun bri ba dang// srid gsum yum gyi lto ba ru// 'khor lo bca' bar yang dag bshad// bar du ro ras rgya shog la// gcod pa'i lding ba'i tsakra ste// dgra gzugs gnas la yi ge dgod// srid gsum lto bar gsod pa ste// 'di dag las kyi rgya ka ma// rang rgyud gshin rje nag po ste// 'khor lo nag po zhes su grags// ya ma ra dzas drag sngags 'dis// mgo 'khor yid 'khrug khrag skyug dang// bsad pa'i las te mA ra ya// 'gugs pa klu la gcod pa me// 'khor lo thun bsdebs bsgral ba'i las// tshangs pa'i gnas bzhir sngags 'phros pas// rgyun ma chad bar 'khor los gcod// rgyun gyis 'khor bas de nyid yin// de nas bcom ldan 'das kyis 'khor lo rgyun khyer zhes bya ba ya ma rA dza brnag pa 'di gsungs so// ya ma me ta k+She/ni ra tsa sa to ru na yo ni ra ya dza hU~M phaT/ bsnyen pa rgyun khyer 'chi bdag yin// ya ma me ta k+She/ dza ra ni/ ya ra ni yo/ na ru to sa a/ mu kaM rtsa khrag snying thum ril raM shag rbad ya/ ya ma me ta k+She/ ni ra ya tsa/ni ra sa to/ ru na yo dza/ srog la mA ra ya thun b+h+yo/ 'di dag bsad dang thun gyi las/ ya ma ra dza'i brnag pa yin// oM shrI many+dzu ya ma rA dza ma ma e ka dza ti dza dza/ trag rak+Sha kha mun tra/ kha mu tsi snying kha rag ma b+h+yo/ pa raka b+h+yo/ pa rak+Sha/ ru lu ru lu b+h+yo/ e khaM kha la ma ti b+h+yo/ dgra bo'i snying rtsa srog rtsa rbad b+h+yo/ ma ma snying kha rag ta thun b+h+yo/ che ge mo du mA ra ya/ ma ra du ya ma snying ya ma khrag/ ya ma ru/ ya ma rbad/ tshal pa tshal pa/ baM ril dum bu dum bu/ che ge mo mA ra ya hU~M phaT/ che ge mo tsit+ta kha rag hU~M phaT/ che ge mo nA sha ya hU~M phaT/ ya ma rA dza brnag pa thun/ ya ma k+She ta me/ na ru to sa/ dza ra ni ya/ ra ni yo dza/ 'di dag gnad gcod nag po yin// 'phags pa 'jam dpal gshin rje gshed 'khrul 'khor nag po'i sngags rgyud las/ ya ma rA dza khros pa'i le'u ste rtog pa bcu bdun pa'o//// de nas bcom ldan 'das kyi gshin rje gshed kyi sku gsung thugs kyi dkyil 'khor la bstod pa 'di gsungs so// chos sku byang sems rang bzhin las// ma g.yos thugs rje bsam mi khyab// ma skyes skye med chos dbyings las// skye ba'i cho 'phrul gshin rje gshed// 'gag med bde klong thugs rjes rol// mi g.yo mnyam rdzogs sprul skur 'char// che ba'i yon tan mtshan dang dpe byad ldan// yon tan lhun gyis rdzogs la 'dud// che ba'i yon tan kun khyab la// ngang gi khro bor bstan pa ni// 'gro ba bsgral nas smin pa'i mchog/ rin chen pad+ma rgya mtsho lhun// gnyis med sras mchog gshin rje gshed// skye dang bcas pa'i mtshon dpag dka'// thugs sbrul khams gsum nyi ma'i 'od// bde chen mnyam pa'i sku la 'dud// thog ma nyid nas gsang ba kun shes pas// rigs gsum ldan pa ga ba dgu yi gnas// sbyong ba gsum gyi yang dag len// bla med mchod la don gnyis len// nam mkha' rin chen 'bar byed pa'i// dus gsum 'jig rten mnyam pa'i sku// ma lus bstan pa snying po'i don// ma lus 'dus pa'i tshogs la 'dud// phyogs bcu kun nas 'dus pa yi// ye shes rgyas pa'i thig le 'di// gsang chen rmad du byung ba yi// rgyu 'bras las la zhen pa rnams// gcod pa'i mtshon cha rno dbal te// kam pa sa le spu gri med// rdo rje be chon sdibs mdzub chu// gzhi dang g.yang gzhi rdzogs la 'dud// 'gro ba las kyis myos pa yis// rgyud drug 'khor ba'i sems can rnams// ye shes lhun gyis grub pa yis// ma skyes gdod nas rnam par dag/ ye nas lhun gyis grub pa'i bcud// thams cad ma lus chos kyi dbyings// don dam spros pa kun las 'das// ye shes rgyal po rdzogs la 'dud// phyogs bcu dus gsum snang srid bzhi// skye med g.yo 'gul bde dang sdug/ bcu dang bzhi rdzogs sdig pa can// las dang shugs kyis khyab pa yis// 'byung ba bzhi dang rten dbang bzhi// lnga dang drug brgyad gnyis bsdus nas// sdud pa me la gcod pa yang// gsang bcud len pa'i mchog la 'dud// gru gsum e yi pho brang du/ khams gsum mchog gi las bsdus nas// srid gsum gnad kyis rdub pa yi// 'gro ba las kyis spyi 'khol ba'i// phung po rdo rje rtsa dwangs ma// snyigs ma 'dod la mnyes mchod skong// ma yengs goms pa'i lam dang sprad// las kyi rgyal po rdo rje bdud// 'gugs pa 'gugs dang bdud nas 'gugs// sgrol zhing sgrol la sgrol mchog sgrol// sbyor zhing sbyor la gnas sbyangs sbyor// grol nas sbyangs bas gnas thob rdzogs// oM gyi ye shes las byung ba// sku dang ye shes rigs dang rdzogs// ya yi ye shes las byung ba// don dang rang gi mtshan nyid rdzogs// ma yi ye shes las byung ba// sbyor dang sgrol dang phyag rgya rdzogs// me yi ye shes las byung ba// bde dang sdug pa'i yon tan rdzogs// ta yi ye shes las byung ba// thugs rjes sgrol ba'i phyag rgya rdzogs// k+She yi ye shes las byung ba// snang dang bskyod pa'i 'phrin las rdzogs// ra yi ye shes las byung ba// bsreg dang smin pa'i drod dbang rdzogs// dza yi ye shes las byung ba/ khams gsum gsal ba'i nyi ma rdzogs// sa yi ye shes las byung ba// dri la thogs med dbang po rdzogs// twa yi ye shes las byung ba// dngas ma sdud pa'i yon tan rdzogs// ru yi ye shes las byung ba// ro rnams rgyas dang gsol bar rdzogs// na yi ye shes las byung ba// stobs chen drag po 'joms pa rdzogs// yo yi ye shes las byung ba// sku dang cha byad dregs pa rdzogs// ni yi ye shes las byung ba// dus gsum mi g.yo mnyam par rdzogs// ra yi ye shes las byung ba// tshor ba dri yis 'joms par rdzogs// ya yi ye shes las byung ba// ro mchog 'dod ldan re ba rdzogs// tsa yi ye shes las byung ba// spyan dang ldan par re ba rdzogs// nri yi ye shes las byung ba// sgra dang ldan pa dbang po rdzogs// hU~M gi ye shes las byung ba// sdud pa dbyings su thim par rdzogs// phaT kyi ye shes las byung ba// mngags pa las kyi pho nya rdzogs// hriSh+ti bcu drug yig 'bru yis// dam tshig kha non stobs ldan rdzogs// du man brgyad pa dag gis ni// bdag po bzhi la gzer btab nas// gnas mi 'khyam pa'i bcud phur te// 'chi bdag klu yi snying po rdzogs// hriSh+ti yig 'bru'i 'khor lo yis// lha chen smod pa dug sbrul ltar// nyi zhing rags pas 'joms par rdzogs// spu gri bzhi yi yig 'bru yis// 'byung ba bzhi yi nad sdud cing// las bzhi gcod pa'i 'khor lo rdzogs// ni sha ku ru'i yig 'bru yis// dkar nag bar nas 'khrug cing skyob// srog rten brgyad gcod srog med gsod// rtsa dang srog bzung tsit+ta gcod// bcad nas ye shes rang la 'char// ye shes bla ma'i sa lam bgrod// thams cad ye shes nyid du gsal// 'gro ba rmongs pa zhing bcu bdun// thugs rje ye shes thugs kyi sgrol// 'phrin las byung ba khyod la 'dud// phyi rgyud gzugs brnyan 'khor lo la// snod bcu bzhi rten 'byung ba rdzogs// rten 'brel srid pa'i 'khor lo la/khams dang skye mched dbang po rdzogs// dkar dmar mda' yi 'khor lo la// dbang dang byin brlabs 'khor lo rdzogs// sman pa yul gyi 'khor lo la// rno dbal sngags dang mtshon cha rdzogs// gnan pa thod pa'i 'khor lo la// snying po bsdus pa don rab rdzogs// rkyen dbang thabs kyi 'khor lo la// rten pa gsum gyi yon tan rdzogs// yon tan rin chen rgya mtsho ltar// sna tshogs 'byung ba khyod la 'dud// Hna rgaT: 'phags pa 'jam dpal gshin rje gshed 'khrul 'khor nag po'i sngags rgyud las/bstod pa'i le'u ste bco brgyad pa'o//// 'phags pa 'jam dpal gshin rje gshed 'khrul 'khor nag po'i sngags rgyud rdzogs so//// ! bcom ldan 'das gshin rje gshed po la phyag 'tshal lo// de nas rdo rje rnon po ste// ya ma lag na rdo rje yis// bstan pa rin chen gter gyi mchog/ ma lus 'dus pa'i thig le che// skad cig de la khongs su chud// ye shes khro bo'i tshogs rnams dang// sna tshogs 'khor gzhan lan cig las// kun kyang gshin rje gshed kyi 'khor// kun dang thabs cig gus pa yis// thal mo sbyar te mngon par 'dud// de nas sangs rgyas kun gyi dngos// rdo rje 'chang chen rgyal po yis// yang snying gsang bar bkol ba ste// nges par 'khor la bka' stsal to// sangs rgyas bstan pa mi gnas tshe// chos nyid bden pas mi 'dul zhing// dge 'dun btsun pas mi nyan te// lnga brgya snyigs ma byung ba'i tshe// gos ngan dug hrul gon pa dang// gnas ngan mkhar spe brtsig pa dang// las ngan mtshams med byed pa dang// zas ngan lci ba za ba'i dus// dam tshig nyams pa mang ba'i tshe// de tshe nga yi bstan pa 'byung// nga ni rgyal ba kun gyi sku yin pas// kun gyi ye shes nga yin pas// nga ni dus gsum sngon du 'byung// nga ni dus gsum da ltar gnas// rigs 'dzin gzhan gyi dngos grub rnams// yal nas bsgrub tu mi 'dod tshe// nga yi dngos grub bla na med// nga yi bstan pa 'phel bar byed// nga ni khro bo'i rgyal po ste// 'jigs byed khro bo'i gzugs can ni// mi 'gyur mi shigs sku yi mchog/ khro bo'i rgyal po gshin rje gshed// zhal gsum phyag drug 'jigs pa'i gzugs// mthing nag gyad kyi 'jigs tshul can// g.yas kyi dang po zhing dbyug ste// g.yas kyi bar pa dgra sta'o// g.yas kyi tha ma ral gri ste// g.yon gyi dang po sdigs mdzub can// g.yon gyi bar pa mdung thung can// g.yon gyi tha ma thod khrag bsnams// zhal gdangs mche gtsigs spyan dgu bar+g+rad// dbu skra kham nag gyen du 'khyil// zhing chen g.yang gzhi ya ba kor// stag gi pags pa'i sham thabs can// mi mgo stong gi 'phreng ba dang// rigs bzhi sbrul gyi rgyan du byas// thal chen rak+ta zhag gi mtshan// me dpung 'bar ba'i klong dkyil nas// ma hes gshin rje brdzis pa la// gyad kyi dor stabs brjid pa'i tshul// nga yi sku yi rang bzhin te// gang zhig de la rtag nus zhing// rtag tu 'gris par lta nus na// nga nyid yin te de nyid mthong// nga yi gzugs su gyur par byos// snang ba sku yi bdag nyid dang// snang med chos sku stong bdag med// thabs kyi rol pa shar ba yin// gnyis med sku 'khril gnas pa yang// mkha' 'gro sgyu ma bde ba'i ngang// rab tu mi bzad gsum mo che// kro d+hI shwa ri gsang ba'i yum// mi gnas mya ngan 'das pa'o// de nyid khro bo'i rgyal po nga// gshin rje gshed ces bya ba yin// sgyu 'phrul dra ba mngon rdzogs pa'i// thams cad byang chub mchog nyid rgya// dgongs spyod 'khor lo 'dus pa ste// gnas pa'i 'khor lo sems su 'dus// sems las sems byung chos kyi sku// srid pa'i 'khor lo lus la 'dus// lus med lus te lus kyi mchog/ sprul pa'i 'khor lo rkang la 'dus// gom par bgrod pa 'gro drug gnas// gcod pa'i 'khor lo mtshon chen 'dus// 'phrin las rnam bzhir dngos por gcod// zhi rgyas gnyis ni gso ba'i las// dbang drag gnyis ni gsad pa'i las// 'phrin las rim pa rtsa ba las// yan lag sbyor ba de yi grangs// las kyi rim pa bshad pa dang// brgya phrag brgyad dang stong phrag bcu// 'jigs byed khro bo'i sku la sogs// 'jigs pa'i bdud bzhi gtan nas bcom// sku gyur phung po bdud dang bcom// rang rig ye shes nyon mongs 'joms// skye 'chi med pas 'chi bdag bcom// gnyen po med de lha bdud bcom// nga bdag 'phos pas gsang ba dgra bsad// chags sdang 'phos pas nang dgra bsad// gzung 'dzin 'phos pas phyi dgra bsad// 'gro drug snang ba rang gi sems// sems nyid nam mkha'i ngo bo nyid// nam mkha' mtha' bral cir mi gnas// lus rnams len pa'i g.yang sa chod// sangs rgyas kun gyi ye shes sku// de nyid la ni skad cig tsam// rnal 'byor dad pa'i shugs bskyed kyang// de nyid 'jam pa'i dbyangs su yang// myur du bla med yang dag bshad// de la de yi dkyil 'khor ni// stong nyid snying rje'i bdag nyid las// 'byung ba rnam dag ye klong du// dkyil 'khor lhun rdzogs ye shes te// rang bzhin ngo bo thugs rje'i lha// ye shes dkyil 'khor spyan drangs mchod// dag pa'i zhing nyid ye shes so// mnyam pa'i ngang la rdo rje sku// srid gsum gdug pa bsgral ba'i phyir// yum gyi pad+mo dkyil 'khor nas// byang chub sems las khro bo'i sku// gdug pa btul nas brjid par gnas// ye shes chen po'i rang bzhin gyis// 'bras bu rang byung rang la thim// snang med chos sku'i ye shes nyid// rtag chad mtha' las grol ba yi// sku rgyan cig pa'i dkyil 'khor de// dang ba'i mtsho la skar tshogs bzhin// dbyer med ma 'dres gcig gi ngang// rdzogs pa'i dkyil 'khor nga nyid do// de la de yi rim pa ni// bsnyen pa'i dkyil 'khor bris pa dag/ dur khrod sa la rab tu brtsig/ dka' thub ldan pa'i 'dom phyed yin// 'khor lo rtsibs brgyad mu khyud bcas// thod pa sna tshogs 'phreng ba la// rdo rje rwa ba me ri 'bar// gru char sgo bzhi bar khyam ldan// gru gsum mthing nag zla kham dmar// sgo khyud dra ba phyed la sogs// drag po'i rgyan rnams rdzogs par gnas// sku yi gzugs dang phur rdzas la// rten de dngos grub las rnams 'grub// sku ni nam mkha'i dkyil yangs sbyin// gsung ni 'gag med brjod bral nyid// thugs ni bsam 'das brjod dang bral// yon tan nor bu rin chen 'chang las la thogs pa med par grub// de la de yi 'phrin las ni// dur khrod rgyu la 'chi bdag bri// spyan dbye la sogs cho ga bya// 'chi bdag gshin rje gdug pa can// khro bo'i tshul 'chang rkan sgra sdebs// lcags sder sngon po dgra snying 'byin/ kha gdangs mche ba gtsigs pa'o// lag na dbyug pa nag po thogs// de 'dra'i gzugs ni bri dang bsam// dngos ni bye ba gu rings so// gtum mo dug hrul gos gyon ma// 'chi bdag yab yum de gnyis ni// 'khor lo pho skor mo skor te// zhabs 'og nas ni las byed 'gyur// pho thod mo thod steng dang 'og/ bsnyen pa'i dkyil 'khor steng du ste// sku dang thugs kyi mthu bsdu zhing// drag po rdzas kyi ngar blud na// myur du gcod par yang dag bshad// 'jig byed ya man ta ka dang// stag mda' dmar mo 'jigs ma dang// ya ma rA dza la sogs te// tshe bdag nag po'i thun rnams so// khrag dug nyungs kar phur pa ste/ kha thun la sogs mnan pa'i grogs// nyin bzhi las kyi 'khor lo ste// zhing bcu sreg pa'i nyid ma yin// las rnams kun gyi mtha' rgya ru// sngags rnams bzlog dang gshin rje gzer// las kyi thun rnams rdzogs par bya// dur khrod chen po skya yi bar// shan mar ri dang chu gling dang// rkang gcig shing dang brag gnas ri// der ni drag po bsgrubs na 'grub// de nas khro bo'i rgyal po yis// gsang sngags 'phreng ba bshad par bya// sku dang gsung thugs yon tan las// bzhi lnga nye bar bsnyen pa dang// sgrub dang las la sbyor ba yin// oM a kro te ka man ta ka ha na ma thA b+hany+dza hU~M phaT/sku'i snying po'o// oM kA la rU pa hU~M phaT a/ gsung gi'o// oM hriSh+ti bi kr-i tA na na hU~M phaT/ oM ya ma me ta k+She ra tsa sa to ru na yo ni ra ya tsa ni hU~M dza dza/ 'phrin las so// oM sa ma many+dzu shrI mu kra ya ma ta ka pa tsa te re ni hU~M ni hU~M dza/yon tan gyi'o// oM A:hU~M/ de nyid pa'o// kA ya wA ka tsit+ta sa ma ya hU~M dza dza/ mtshan ma gsum gyis dgug pa'o// ya ma snying sha sha dzA dzA dun b+h+yo/ ya ma snying du pa sha/ ya ma A kar+Sha ya hU~M dzA dzA/gshin rje dbang du bsdu ba'o// ya ma rA dza sa to me ya/ ya me to ru na yo ta ya ya ta yo ni ra ya k+She ya tsa ni ra ma ya/ 'khor lo rtsa ba'i sngags so// pram ya/ rak+ta tsa ta ya/ mur tsa ya/ ma ra ya/ ni sha ku ru ni rbad ya hU~M phaT/gcod bzhi spu gri kho na'o// oM hriSh+tiHbi kr-i tA na na tsa sa ra ta ka la pra ma ya hU~M phaT/ oM shrI du man tsit+ta pa tsa ta na na hU~M ya ma rak+ta tsa ra ya hU~M phaT/ oM d+ha de bla tsi ta ti k+Sha mu tsa ya hU~M phaT/ oM ya man d+he ba hU~M tsin d+ha mA ra ya nr-i hU~M phaT/bsad pa kho na gnad gcod ma'i gzer ro// ya ma snying/ ya ma khrag/ tshal pa baM ri la/ mA ra ya dA pa dum bu hU~M phaT/ ling ga rang gnad kyi gshin rjes mdangs 'phrog pa dag go/oM ni ma ra/ ma ra du/ ma ra snying/ ya ma khrag/ tshal pa baM ril/ daM pa duM bu hU~M phaT/ phur thun sngags so// ya ma rA dza sa to me ya/ ya ma rA dza snying la khug thum ril rbad ya/ ya ma rA dza snying la khug thum ril rbad/ya ma rA dza sa to me ya/ ya ma rA dza snying to me ya/ ya ma rA dza snying to ru me baM ril rbad/ ya ma rA dza snying la khug/ ro sha snying baM ril rbad/ khrag thun no// ya ma rA dza khrag thibs rbad/ ya ma rA dza mugs thibs rbad/ya ma rA dza dub ril rbad/ ya ma rA dza kling du rbad/ ya ma rA dza myags bying mA ra ya 'ub thus snying mgo chod/ kha la zo tshal pa snying tsa ro me baM ril rbad/ 'di dag ni dug thun gyi sngags so// ya ma rA dza hri sti ya ta kr-i snying la baM ril rbad/ya ma rA dza klo tsa la ro baM ril rbad/ ya ma ra dza klo rtsa mchin rtsa rus rgyu rtsa kha snying rtsa pra ma ya/ 'di dag ni nyungs kar gyi thun sngags so// bya tsa ye/ ling ka ye/ 'bri ta ye/pho bi thog 'dra'o// tsi ta ye/ byi tsa ye/ ha sa ye mo thog 'dra'o// oM shrI many+dzu ya ma ra/ ya ma ta ka/ e ka dzA Ti dza dza/ tsi ta khar rbad/ gsham du tsit+ta gug ling rbad/ dgra bo nr-i dza/ oM shrI man ya ma ra dza pe ta li kro d+hi shwa ri snying kha rag sa ma ya thum ril rbad/ya ma rA dza sa to me ya/ khrag la to ru me ya/ dgra bo'i klad pa la la ha re ho ro/ baM ril rbad/ ya ma rA dza sa me ya/ ya man to ru k+She ya/ snying mgo chod sha che ge mo klo snying sbrid mA ra ya rbad ya/yab yum gyis gdab pa'i yang snying ngo// oM ya man ta ka hri sti kI la rU ba ya ma rA dza hri krags thum ril rtsa rbad srog ling thun b+h+yo/ sku gsung thugs kyi yi ge mchog tu bshad pa'i thun sngags so// oM badzra kro d+ha ya man ta ka hri ti kA la rU ba ma gsham srog nan khyer b+h+yo rtsa chod myags srog la thun rbad/ thugs kyi thun sngags dam pa'o// ya ma rA dza mon ta nag po ka pa ye/ kri ta ye la hri ta ye/ myags srog la thun mugs rtsa la myogs rbad/ las kyi gshin rje khri drug stong gi thun no// hristi ya man ta ka tsit+ta breng shaM ka la rU pa a ne a ne/ u ne u ne/ du ne du ne/ ya ne ya ne/ ma ma sha trum srog la thum ril rbad/sha khrag la rngam pa gsang ba spyi 'brab ces bya'i thun no// ya ma ta li thun tring srog la thun b+h+yo/ ya ma ta ka'i 'o// ar+ya rag sha mon taru thum tsit+ta dun ti srog la mA ra ya thun b+h+yo/ stag ma dmar po'o// e ka he du na ya ma tsa snying la dun ti mA ra ya thun b+h+yo/tshe bdag nag po'i 'o// ya ma rA dza shrI srog la ting thun b+h+yo/ ya ma rA dza'i thun no// hristi ya du ni badzra d+he tsa srog la thun rbad/ hristi krita bu ta srog la thun rbad/ hristi rat+na gar pa srog la ling thun rbad/hristi pad+ma ta kr-id srog la ling thun rbad/ hristi karma raka sha srog la thun rbad/ hristi ra ga badzra srog la thum ril tsit+ta rbad/ hristi ya ma srog ling thun rtsa breng thun rbad/ hristi gra na badzra ra tsa srog la thun rbad/hristi da tsa ba badzra sbu na hri mA ra ya thun rbad/ khro bo gzer sngags las kyi thun sngags so// a mu ka snying baM ril rbad ya/ a mu ka kha to sa la mu tra rbad ya/ a mu ka mu sta nan khram ti rbad ya/a mu ka khrag ti rbad ya/ ya ma rA dza sa to me ya b+h+yo ru lu ru lu che ge mo hU~M phaT/ baM ri li li rag mo kha rag che ge mo rbad rbad nan// dum bur dum bur che ge mo tshal pa tshal pa ti sta rbad nan/ thum ri li li che ge mo mA ra ya nan/snying gshogs kha la mu lo tsa thun nan che ge mo nA sha ya mA ra ya phos pa shig ya ma ra nan/ sa ti ru ru gong kra ra tsa nan/ che ge mo mA ra ya tsit+ta pra be sha ya phaT/ oM a kro te ka ya man ta ka many+dzu shrI kA la rU pa che ge mo nan/k+Sha ya nan/ ban d+ha baM rbad/ ru lu ru lu hU~M dza/ ru lu tshal pa big nan/ ya ni to sha ru ni nan/ che ge mo mA ra ya nan/ mtha' sdud dang mnan pa'i thun sngags so// oM shrI many+dzu ya rA dza ma ma e ka dzA ti dza dza/trag raka sha kha mun tra mun tsi snying kha rag ma b+h+yo/ pa rag b+h+yo/ pa ra sha/ ru lu ru lu b+h+yo/ e kas kha la ma ti b+h+yo/ snying rtsa srog rtsa la rbad/ ma ma snying kha rag ta thun b+h+yo/ dgra bo ni nA ra ya dza dza/che ge mo du nA ra ya/ ma ra du/ ya ma snying/ ya ma khrag/ ya ma ru/ ya ma rbad/ tshal pa tshal pa bam ril dum pu dum pa/ che ge mo mA ra ya hU~M phaT/ che ge mo tsit+ta kha rag hU~M phaT/ che ge mo mA sha ya hU~M phaT/mA ra ya thun ya/ thams cad reg chod kyi drag sngags ces bya'o// e e e/ a kro te ka ya ma ye/ kA la rU pa ka pa ye/ hristi a pa ye/ ya ma ta ka b+hi kr-i ta/ ka li kro d+ha a ne u ne/ du ne bya tsa ye/ du ru ye tsi ta ye/ha la ya ye ma ya ma kri ta/ ya ma kro d+ha ya ma mon ta/ ya ma rak+Sha/ ya ma byi sha/ tsi hu sti/ mon ta shI tsa ya/ a mu ka tsit+ta breng shag myags thun b+h+yo/ thum ril khrag la myags b+h+yo/ dun ting hril shag hal yam b+h+yo/a mu ka snying tshal myogs rbad/ srog la mA ra ya rbad/ ni sha ku ru ni rbad/ ni hur long/ breng dun dun hur thums dza/ tsit+ta rbad ya/ 'di dag ni rang gshed thun nag go/ ya ma k+She ta me/ hri ti ka pa ye/ che ge mo/pra ma ya rbad ya/ ra Ni pa tsa ya/ hriHstiHka pa ye/ che ge mo rak+ta tsa ta ya rbad/ ya ra ni yo na/ hriHstiHka pa ye/ che ge mo mur tsa ya rbad ya/ ru to sa tsa/ hriHstiHka pa ye/ che ge mo mA ra ya rbad ya/ 'di dag gzhi snying dril ba gsang ba yang gsang de kho na nyid do// ya ma me ta k+She/ ra tsa sa to/ ru na yo ni/ ra ya tsa ni/ hristi a mu ka/ pra ma ya rbad ya/ rag ta tsa ta ya rbad ya/ mur tsa ya rbad/ mA ra ya rbad/ 'di dag ni bsdu zhing mtshan mo bzlas pa ste/yang snying ngo// ya ma me ta k+She hU~M dza dza/ g.yon gyi dril sngags 'bru lnga pa'o// ya ma k+She ta me/ mA ra ya phaT phaT/ g.yas kyi dril sngags 'bru lnga pa'o// ya ma me ta k+She/ ya me ta k+She ma/la ta k+She ma me/ ye she ma me ta/ 'bru sngags g.yon gyi nyi ma bzhi pa'o// ya ma k+She ta me ya k+She ta me ma/ ya ta me ma k+She/ ya me ma k+She ta/ 'bru lnga g.yas kyi nyi ma bzhi pa'o// gsang sngags kyi rgyal po 'di dag khro bo'i rgyal pos gsung ma thag tu rdo rje rnon po la sogs pa'i 'khor rnams yi rangs te/'di skad ces gsungs so// e ma khro bo'i rgyal po mchog/ ye shes sku nyid khyod la 'dud// sna tshogs 'byung ba mi zad gter// yid bzhin nor bu khyod la 'dud// gdug pa 'dul byed gsung sgra can// sngags mchog mnga' bdag khyod la 'dud// mi rtog rdo rje thugs la 'dud// ma lus sgrol 'dud khyod phyag 'tshal// ces bstod do// 'phags pa 'jam dpal gshin rje gshed 'khrul 'khor nag po'i rgyud las/ khro bo'i rgyal po zhal gsum pa'i rtog pa bstan pa zhes bya ba'i le'u ste bcu dgu pa'o//// rdzogs so//// gshin rje 'khrul 'khor nag po'i rgyud phyi ma yang snying zhes bya'o// 'khrul 'khor gsang ba'i rgyud bcu gnyis bzhugs pa la 'dir khro bo zhal gsum pa 'khor lo thun bsdebs kyi rtog pa bsgyur ba'o//// ! bcom ldan 'das gshin rje gshed la phyag 'tshal lo// de nas bcom ldan gshin rje gshed// dpa' bo bdud dgra bdud 'dul ba// sangs rgyas kun dngos rdo rje 'chang// sangs rgyas 'phrin las brnag pa'i bcud// 'jam dbyangs khro bo chen po yis// ya ma lag na rdo rje dang// ye shes khro tshogs 'khor gzhan la// gshed chen 'khor lo bka' stsal to// lnga brgya pa'i snyigs ma byung ba'i tshe// dkon mchog bstan pa'i sku dgra la// gsed bdag 'khor lo nag po bskor// 'chi bdag nyid dang gshed po bzhi// sgrub dang gcod pa'i 'khor lo ste// bsad pa drag po bdud kyi tshig/ nag po dus dang gza' skar la// rdzas dang dmigs pa rten bcas te// dang po chos nyid dmigs med las// snying rje'i ngang las yi ge hU~M// tsakra bruM zhes rab grags pas// ye shes lhun grub gzhal yas khang// gru gsum kri sna zla kham dbang// thod mkhar bzhi dang ldan pa'i gnas// yi dwags ma he khri stengs su// gcig pu dpa' bo nyid kyi sku// mthing nag zhal gcig phyag gnyis pa// g.yas pa be con gshin rje gzir// g.yon pa sdigs mdzub zhabs pas gzir// me dpung klong nas 'od zer 'khrug/ kun dang mi bzad bran du 'khol// dza ti yab dang gnyis med 'khril// sbyor ba'i 'od zer sa bon las// srog gi gshed chen ma rungs bzhi// mi bzad rngam pa'i bdag po bzhi// smug nag ser nag dmar nag dang// ljang nag be con 'khor lo 'dzin// 'od dang 'od zer rab tu 'khrug/ dri za gshin rje gnod sbyin klu// gdan la dur khrod chas kyis brgyan// 'jigs byed chen po gshin rje gshed// chos sku rgyan cig dkyil 'khor de// sprin med mkha' la gzhan tshon bzhin// ma 'dres gcig gi ngang du rdzogs// ye shes dkyil 'khor spyan drangs mchod// gsang sngags yi ge'i rim pa yang// sku yis rten la gsung gi sgrub// 'phrin las snying po las la sbyar// pho thod mo thod steng dang 'og/ me rlung las kyi 'khor lo ni// dug khrag bris la gshin rje bstim// yon tan rdzogs pa dbu ru bzhag/dpa' bo rtsa ba'i 'bru lnga la// srog dang 'gugs pa'i yi ge sbyar// srog dang mtshon cha bsnol bar bya// bsnyen sgrub las kyi rim pa la// 'od zer brgyad dang brnan pa yi// rkyen dgus phul la rdzas dgus 'phang// gnad dgu 'joms pa gzer dgu brdab// las kyi gshin rje srin po bdud// rgyu skar gral na gnas pas na// sta skor gcig dang rta skor gnyis// sta skor gsum la gdon mi za// sku gsung thugs kyi thun rnams ni// sku dang yig 'bru mtshon char bstim// 'chi bdag nyid dang gshed po bzhi// gdug pa'i dbal dang dmigs pa'i rten// 'khor lo zhes ni de la bya// gsang ba'i yi ge 'bru bdun pa// dug lnga skye ba'i sems can la// lus la rang bzhin gnas pas bskor// 'khor lo zhes ni de la bya// bdag dga' 'chi bdag gsal byas nas// gsang sngags bzlas pa'i 'od zer dag/gdug pa'i mtshon cha rang gshed byed// spyi gtsugs mgrin pa lte ba dang// snying kha la sogs gnas bzhi ru// rgyud mi 'chad par 'khor bas na// 'khor lo zhes ni de la bya// mgo 'khor yid 'khrug khrag skyug cing// srog gi dwangs snyigs 'byed pas na// 'khor lo zhes ni de la bya// ye grol lhun grub lta ba'i gnad// ngang gnas shugs 'byung spyod pa'i gnad// rtogs pa ma yengs sgom pa'i gnad// spangs thob med par 'bras bu gnad// rten 'brel rgyu dag rdzas kyi gnad// bsnyen bsgrub mtha' 'byung 'phrin las gnad// rang bdud mtshon chas 'joms pas gnad// to log srid pa rang 'joms gnad// sgom dgu gsang lam srog gi gnad// 'joms pa'i gsang sngags 'di lta ste// mtshon cha'i rgyal po rno dbal yin// hU~M/ spu gri brag dang ral gri dang// byang mar rmu rgyal tri shU la// shod d+he pad+ma 'khor lor sbyar// gnad 'joms sbyor ba dang po yin// byang mar rmu rgyal tri shu la// shod d+he zhags pa phur pa dang// bum pa rgya khram 'khor lor sbyar// gnad 'joms sbyor ba gnyis pa yin// shod d+he zhags pa phur pa dang// bum pa be con khram shing dang// spu gri rdo rje 'khor lor sbyar// gnad 'joms sbyor ba gsum pa yin// bum pa be con khram shing dang// spu gri brag dang ral gri dang// byang mar rin chen 'khor lor sbyar// gnan 'joms 'gug pa'i nyi ma bzhin// de dag yas su 'bru bsdebs ba// rnam pa yi ge ngo bo lha// rang bzhin stong pa nus pa med// dmar po bdud 'joms chos rgyal dang// phya sangs stag mgo dmigs pa dang// ya ba ti dang Ar+ya dmar// 'chi bdag gdug pa nyid la gtad// nyi ma dang por shes par bya// mgo dgu mig dmar brag kyon dang// dmar po bdud 'joms chos kyi rgyal// phya sangs ral pa tshar dgu dang// 'chi bdag sbyar ba gnyis pa yin// ya ba ti dang glang mgo dang// dud kha mgo dgu mig dmar dang// kong rtse dmar po ya ma ra// 'chi bdag mthar sbyar gsum pa yin// phya sangs stag mgo dmigs pa dang// ya ba ti dang glang mgo dang// dud kha mgo dgu nyos byed 'bar// 'chi bdag la rtad bzhi pa ste// gnad dgu 'joms pa de kho na// gzhan yang sngags kyi 'khrul 'khor ni// ya ma ra dza sa to me ya ya me to ru Na yo ta ya/ya ta yo ni ra ya k+She ya/ yak+She ya dza ni ra ma ya/ ru sprad 'khrul 'khor nyi ma bzhi// spyi yi 'khor lor yang dag spyad// phyi bo 'dros zhes dpa' bo bshad// de dag bzhi snying gril ba ste// las kyi bsnyen par bshad pa ste// nang gi 'khrul 'khor yin par 'dod// ya ma ra ni dza yak+She ya/ yak+She ya ra ni yo ta ya/ ya ta yo na ru to me ya/ ya me to sa tsa ra ma ya/ de dag gsang ba'i 'khrul 'khor te// g.yas nas skor ba thams cad la// ta lam nag po'i 'dros zhes par// 'jigs byed rgyal po ya mas bshad// ya ma me ta k+Sha/ ra tsa sa to ru na yo ni ra ye dza ni/ ya me k+She ma/ to ru na yo ni ra ya ts+tsha ni ra tsa sa/ya ta k+She ma me/ yo ni ra ya tsa ni ra tsa sa to ru na/ ya k+She ma me te/ ya tsa ni ra dza sa to ru na yo ni ra/ ya tsa ni ra dza sa to ru na yo nir/ 'khyil ba sbrul gyi 'gros stangs ni// mchog tu gugs zhing mig tu 'jug/de las ta lam 'dros thabs ni// srung ba'i tsa krar dpa' bos bshad// re re dag la bzhi bzhi ru// lcags spyang 'phar ba glag mo dang// lce sbyang ro la rngam ltar bzlas// drag po rus sbal tseg ni 'gros// rdol pa nag po thugs phrad gsad// ra tsa sa to ru na yo ta ya/ ra tsa ya ra ni yo te ya/ to ru ni yo ni ra ya k+She ya/ to sa dza ra ni tsa ya she ya/ yo ni ra ya tsa ni ra ma ya/ yo na ru to sa tsa ra ma ya/ ya tsa ni ra dza sa to me ya// ya ra ni yo na ru to me ye/ gnad dgu 'joms pa drag po'i 'bru// gzer dgu 'debs pa chu srin 'gros// 'dzin dang gsod pa brnag pa'i lung// mgo mang 'bur 'gro'i 'bru sdebs pa// ma ya ra ma dza ra sa tsa to sa me to ra ma ya/me ya ta/ me ta ya/ me to ru na ru yo ni ta yo/ ta ya k+She ta ya yo/ ta ni yo ni ya rak+She ya/ k+She ya ma k+She ya ya/ k+She tsa ya ni tsa ra ni mar/ 'phreng sngags bcu tsho drug yin te// gshed rgyal 'gugs dang las la sbyor// spu gri'i rjes sbyor la phyed de// u mi ta dang 'dra ba yis// grong khyer zad pa drug pa yin// ya ma rA dza sa to me/ ma ra tsa sa to me/ ma ra sa to me ya/ ra tsa sa to me ya ma/ dza sa to me yam rA dza/to me ya ma ra tsa sa/ me ma ma ra tsa sa to/ ya me to ru na yo ta/ me to ru na yo ta ya/ to ru na yo ta ya me/ ru na yo ta ya me to/ na yo ta ya me to ru/ yo ta ya me to ru na/ ta ya me to ru na yo/ ya ta yo ni ra ya k+She/ta yo ni ra ya k+She ya/ yo ni ra ya k+she ya ta/ ni ra ya k+She ya ta yo/ ra ya k+She ya ta yo ni/ ya k+She ya ra yo ni ra/ k+She ya ta yo ni ra ya/ ya k+She ya tsa ni ra ma/ k+She ya tsa ni ra ma ya/ ya tsa ni ra ma ya k+She/ tsa ni ra ma ya k+She ya/ ni ra ma ya k+She ya tsa/ ra ma ya k+She ya tsa ni/ ma ya k+She ya tsa ni ra/ de bzhin rim par sbyar ba ni// shaM tsa pany+dza 'dros// drag sngags bcu gnyis brgyad yin te// ru khugs chen po'i las zhes bya// rdo rje yak+Sha ngar blud pa'i// stag mo mchongs pa'i tshul stabs ni// ya ma ta k+She me/ ya to yo ra/ ni dza ra sa tsa ru ni Na/ ye me k+She ma ta/ ra yo ya to tsa ru ni Na dza na sa ra/ ya ta ma me k+She/ to ya ra yo dza ni sa ra tsa Na ni/ ya k+She me ta ma yo ra to ya ru tsa na ni ni dza ras/ g.yas su bsgrod pa mgo yis bsgyur// gnod sbyin srin pos ngar blud pa'i// drag po 'bru thus bdud kyi tshig/ drag po gshed kyi mtshon cha ste// thar pa'i thar pas ma lus 'joms// ya ma me ta k+She/ ya me ta k+She ma/ ya ta k+She ma me/ ye k+She ma me ta/ k+She te me ma ya/ ta me ma k+She ya/ me ma k+She ta ya/ ma k+She ta me ya/ 'bru 'gro mgo lnga sngags kyi 'dros// rdo rje ngar blud ur mo'i thod// thabs dang shes rab nyin dang mtshan// dbus kyi stag chen 'dzu hU~M kyi// gshed bzhis bsad pa'i sbyor ba yin// thog mar 'bru gnyis ngor byas la// rten drug gnas las gdon bya ba// ra tsa sa to me ya/to ru na yo ta ya/ yo ni ra ya k+She ya/ ya ts+tsha ni ra ma ya/ 'dod pa ming sbyar tshogs drug 'joms// tsa sa to me ya/ ru na yo ta ya/ ni ra ya k+She ya/ tsa ni ra ma ya/ phung po lnga yi rten bcom nas// bde ba ye shes lnga ru sbyor// ya ma me ya ma/ ya me ta ya me/ ya ta k+She ya ta/ ya k+She ma ya k+She/ mtha' ru spu gri 'dod par gzhug/ chags sdang 'joms pa'i 'khrul 'khor yin// ya ma me ta ya/ ya me ta k+She ya/ ya ta k+She ma ya/ ya k+She ma ma ya/ya k+She ma me ma/ 'byung ba gnad 'dzoms tsakra yin// ya ma ra ya/ ya me to ya/ ya ta yo ya/ ya k+She ya ya/ rgyu bzhi nad du brlang ba yin// ra ma ya/ to me ya/ yo ta ya/ ya k+She ya/ 'phen byed rtsa ba'i 'bru la sdud/dug gsum 'joms pa'i 'khrul 'khor yin// ya ma ya/ ya me k+She/ ya ta ma/ ya k+She me/ 'gros stangs sgo bzhi'i tsakra yin// shes pa dwangs snyigs 'byed pa'o// rtsa ba'i 'khor lo de dag ni// bcu gnyis tshul gyis las byed do// brgyad dang bcu gsum la sogs te// phyi nang la sogs drag sngags dang// steng 'og kha gnon 'khor lo la// drug cu rtsa brgyad nyi ma'i grangs// lha nyid gnad la dbab pa ste// brgya sbyin dbang po nyid kyang brlag/sku gsung thugs dang rang gshed kyi// thun gyi kha gso rgyun du 'bad// rigs can rdo rje rnon po nyon// 'gros stangs brgyad dang bcu gnyis tshul// 'od zer brgyad dang phyi nang gsang// gnad dgu zer dgu rkyen dgu rta// rtsa ba yan lag spu gri so// gsang sngags rgyal po rmad du byung// rnam bzhi'i 'khor rnams srung ba'i phyir// rigs can rdo rje rnon pos zung// zhes gsungs pa las/'khor thams cad rjes su yi rang ste bstod pa/ snang stong gnyis med rol pa yi// ye shes sku nyid khyod la 'dud// sngags mchog mnga' bdag gsung sgra can// gdug pa 'dul byed khyod la 'dud// gsal la rtog med mi 'gyur ba// mi rtog rdo rje thugs la 'dud// sna tshogs 'byung ba khyod la 'dud// yid bzhin nor bu khyod la 'dud// thogs med ye shes las grub pa'i// ma lus sgrol ba khyod la 'dud// ces bstod nas/ kun dgongs pa chos nyid kyi ngang du rnal ba bzhin gnas so// 'phags pa 'jam dpal gshin rje gshed 'khrul 'khor nag po'i sngags rgyud khro bo zhal gcig pa'i rtog pa ste nyi shu pa'o//// dka' ba gcod pa yang snying gi rgyud phyi ma'i yang phyi ma rdzogs so//// rgya gar skad du/

CLOSE WINDOW