1a1 gsang sngags sngags lnga thams cad 'khrul 'khor rgya sdebs pa'i rgyud/
1b1 rgya gar skad du/ man+t+ra pany+tsa sarba tsakra tan+ta/ bod skad du/ gsang sngags sngags lnga thams cad 'khrul 'khor rgya sdebs pa'i rgyud/ bcom ldan 'das thams cad mkhyen pa la phyag
1b2 'tshal lo// 'di skad bdag gis thos pa dus gcig na/ bcom ldan 'das sems nyid kyi nam mkha' 'og min gyi gnas/ sangs rgyas kyi zhing khams rnam par dag pa na/ 'jig
1b3 rten las 'das pa'i 'khor/gzugs dang spros pa mi mnga' ba'i sangs rgyas dang/ byang chub sems dpa' rnams dang/ 'jig rten pa'i 'khor lha dang// lha ma yin dang/ nam
1b4 mkha' lding dang/dri za dang/ rlung lha dang/ 'byung po dang/ ro langs sogs te/ gdug pa'i sems dang ldan pa du ma dang thabs cig tu bzhugs so// de'i tshe de'i dus na bcom
2a1 ldan 'das kyis zab mo rnam par mi rtog pa zhes bya ba'i ting nge 'dzin la snyoms par zhugs so// 'khor rnams byin gyis brlabs nas sems can gyi don byed du
2a2 bcug pas/nag po'i phyogs kyi bdud dang mu stegs pa'i sde pas bar du bcad cing 'gro ba'i don byed du ma ster ba las/ 'khor rnams kyi nang nas/ gsang sngags dang rig sngags
2a3 kun gyi bdag por dbang bskur ba'i tshe/tshe dang ldan pa kun dga' bo zhes bya ba stan las langs te/ bla gos phrag pa gcig tu gzar te/ pus mo g.yas pa'i lha nga sa la btsugs te/
2a4 bcom ldan 'das la zhus pa/ kye ho bcom ldan 'das lags/ dam pa'i bstan la mi gnas shing// sems can rnams la 'tshe byed pa'i// bdud kyi tshogs dang mu stegs te// nag
2b1 po'i phyogs la dga' ba rnams// 'phrin las drag pos bsgrul pa'i phyir// gsang sngags lnga dang 'khrul 'khor la// thams cad rgyas sdebs bshad du gsol// de nas bcom ldan 'das kyis zab mo rnam par mi
2b2 rtog pa'i ting nge 'dzin las bzhengs te/gdug pa tshar gcod pa'i ting nge 'dzin la bzhugs so// legs so legs so kun dga' bo// 'gro ba rnams kyi don slad du// sngags don zhus pa ngas bshad kyis// rab
2b3 tu nyon la zung zhes so// gleng gzhi dang zhus pa gnang ba'i le'u ste dang po'o//// de nas bcom ldan 'das kyis bka' stsal pa/ ka kha ga g+ha nga/ tsa tsha dza dz+ha nya/ Ta Tha Da D+ha Na/ ta tha da d+ha na/ pa pha ba b+ha ma/ ya ra
2b4 la wa/sha Sha sa ha k+Sha/ a A/ i I/ u U/ r-i r-I/ l-i l-I/ e ai/ o au/ aM a/ sde tshan lnga dang 'phrul yig dgu// a yi yi ge bcu drug la// 'khor 'das snang srid lhun gyis grub// sems nyid gnas
2b5 lugs mtshon pa'i dpe// chos nyid rnal ma bal 'dra la// sgrub bas 'grub ba skal ba 'dra/ bshig pas 'jig pa bzlog 'dra'o// shes rab yi ge bcu drug dang// thabs yig sum cu rtsa bzhi la// gnyis med lnga
2b6 bcu tham par gnas// 'khor 'das snang stong pho dang mo// rdo rje pad+ma gdags dang sribs// sgra dang dbyangs kyi yi ge ste// don rtags snang tshul lnga tshan bcu// 'byung ba lnga dang phung po lnga// ye shes lnga dang rigs
3a1 lnga dang// yi ge lnga dang sgra lnga dang// gdon lnga nad lnga nyon mongs lnga// dmag tshan lnga ste re re'o// nus pa lnga yi skye mched kyis// gsang sngags gzung sngags rigs sngags dang// drag po'i sngags
3a2 dang ngan sngags kyis// phyi nang sngags rigs lnga ru 'char// de la sdebs pa'i 'phrul thems kyang// phye bas yan lag bsam mi khyab// rnam pa yi ge ngo bo lha// rang bzhin stong pa nus pa che// las ni phan gnod
3a3 sna tshogs te// yon tan dgos 'dod sna tshogs pa// rin chen gter bzhin zad mi shes// chos dbyings rgyan du rol pa 'char// tha snyad sna tshogs yang dag stong// stong pa nyid las sna tshogs 'char// shar yang
3a4 dbyer med nyag gcig klong// kun gyi dngos gzhi kun tu rgyas// rang shar phyogs su lhung ba med// dam pa'i don du bshad pa yi// bstan pa 'dzin skyong bsrung dang gsum// gcig la gcig rten gcig gi
3a5 ngang// rgyal po blon po dmangs rnams bzhin// sdong bu 'bras bu tsher ma 'dra// don gcig nus pa snang tshul gsum// chos nyid dang du dbyer med mnyam// byis pa rnams kyis so sor rtags// bzang ngan tha snyad
3a6 bzung rtsod pa// mun pa bzhin du go mi 'byed// 'khrul pas nor pa'i rdzong la zhen// rnam par byang ba'i don ma rnyed// de bas dbyer med ngang la zhog/ rtsa ba chos nyid don rtags kyi le'u ste gnyis pa'o//// de
3b1 nas yang dag bka' stsal pa// thems sdebs rnam pa gnyis su bshad// 'byung ba'i sdebs dang sngags sdebs so// 'byung ba'i sdebs la rnam pa gnyis// mthun pa grogs su sdeb pa dang// min mthun gcod du
3b2 sdeb pa'o// sa yi yi ge 'byung ba lnga// chu dang sdebs na grogs su 'gyur// gzas pa sgrol na rlung gi ming// sa yis 'joms pas 'di nyid sdeb// ka kha ga g+ha nga/ chu yi yi ge 'byung ba lnga// pa dang sdebs na
3b3 grogs su 'gyur// gzas pa sgrol na me yi ming// chu yis 'joms pas 'di nyid sdeg/ tsa tsha dza dz+ha nya/ me yi yi ge 'byung ba lnga// rlung dang sdebs na grogs su 'gyur// gzas pa sgrol na sa yi ming// me yis
3b4 'joms pas 'di nyid sdeb// Ta Tha Da D+ha Na/ rlung gi yi ge 'byung ba lnga// me dang sdebs na grogs su 'gyur// gzas pa sgrol na chu yi ming// rlung gis 'joms pa 'di nyid sdeb// ta tha da d+ha na/ nam mkha'i yi ge
3b5 'byung ba lnga// nam mkha'i yi ge kun gyi sgrogs// kun kyang nam mkha'i grogs su 'gyur// pa pha ba b+ha ma/ ka tsa Ta ta pa lnga yis// g+ha dz+ha D+ha d+ha b+ha lnga 'joms// kha tsha Tha tha pha lnga yis// ga dza Da da ba lnga
3b6 'joms// ka tsa Ta ta pa lnga 'joms// g+ha dz+ha D+ha d+ha b+ha lnga yis// kha tsha Tha tha pha lnga 'joms// nga nya Na na ma lnga ni// kun gyi grogs yin 'thun par sdeb// ka tsa Ta pa lnga dang// kha tsha Tha tha pha lnga grogs// g+ha dz+ha D+ha d+ha
4a1 b+ha dang/ga dza Da da ba lnga grogs// yi dam rang nyid dgra bgegs srog/ lha yi sngags dang bdag gi ming// grogs su gyur na tshegs med 'grub// btang snyoms gyur na mi 'grub la// tha mal gyur
4a2 na 'bad rtsol med// lha yi dgrar ni bdag gyur na'o// lha nyid bdag gi dgrar gyur na// yi dam 'grub nas rang nyid 'chi// yi dam sngags sogs spang bar bya// yang na rang nyid ming spang ngo// 'di don shes
4a3 pas myur du 'grub// rang gi srog dang dgra bgegs srog/ gzas pa me na chu yi sdeb// gzas pa rlung na sa yig sdeg/ gzas pa sa na ma yig sdeg/ bdag dang gzas pa srog gcig na// bdag gi grogs dang
4a4 kho grogs gcig/bdag gi dgra dang kho dgra gcig/ gcig pa nang la gshed 'bebs na// 'byung ba lnga ldan phung 'ded kyis// bdag nyid mkhar du 'jug pa dang// kho yi gshed du dbab par bya// dper na sa
4a5 nang phrad gyur na// bdag nyid sa yis nam mkha' 'phul nam mkha' rlung 'phul rlung gis chu// chu yis me phul me yis sa gshed du dbab// ka nga g+ha kha ga ka/ chu gnyis 'phrad na 'di ltar sdeg/ bdag nyid chu
4a6 yis nam mkha' phul// nam mkhas me phul me yis sa// sa yis rlung phul chu yi gshed/ kha nga ga ka g+ha kha/ me nang phrad na 'di ltar sdeb// bdag nyid me yis nam mkha' phul// nam mkha' sa phul sa yis
4b1 rlung// rlung gis chu phul chu yis ni// gzas pa me yi gshed du 'bebs// ga nga ka g+ha kha ga/ rlung gnyis phrad na 'di ltar sdeb// bdag gi rlung gis nam mkha' phul// nam mkhas chu 'phul chu yis me// me yis
4b2 sa phul sa yis ni// gzas pa rlung gi gshed du dbab// g+ha nga kha ga ka g+ha/ nam mkha' nang du gyur pa na// ma pa pha ba b+ha ma/ nga nya Na ma/ rang nyid 'byung lnga'i go gyon la// nam mkha' las byung 'khor lo
4b3 yis// nam mkha'i lus can gsad par bya// gzhan yang bdag dang gzas pa gnyis// kho nyid bdag gi dgrar gyur ram// kho rang bdag gi grogs gyur kyang// 'phul 'ded lnga yi sbyor ba yis// bdag nyid
4b4 btsan po'i mkhar du gzhug/kho yi srog la gshed du 'bebs// de yang bdag gi grogs 'gro dang// kho yi gshed du 'gro ba sdeb// sngags kyi oM tsa dang po dang// bdag gi ming yig dang po dang// 'byung lnga yi
4b5 spu gri dang// gzas pa'i srog tu sdeb par bya// bdag nyid kho yi gshed gyur na// sbyor ba rkyang bas nges par 'joms// yi dam rang nyid dgra bgegs srog/ 'phrod pa'i dgra grogs ma shes na// mun khung rdzas
4b6 'tshol ji bzhin no// 'dod pa'i don dang 'phrad mi 'gyur// des na nyen dang bcas pa ste// sngags sogs rang gi dgrar gyur nas// dbyangs grar gyur na srog la 'ong// sgra yig dgra gyur lus la gcod// 'di
5a1 yi don shes sdebs gyur na// bdag nyid tshangs pa'i lus thob ste// 'chi med rdo rje'i srog dang ldan// 'gal ba'i steng du rdo rje thog/ drag la myur ba 'bab ste 'joms// gzhan yang mthun sdebs
5a2 'gal sdebs rnams// phan gnod kun la gnas skabs kyis// gang dgos sdeb par shes par bya// sgra yig srog gshed kyi le'u ste gsum pa'o//// sgra dang dbyangs kyi yi ge las// dmag dang mtshon char
5a3 sdebs byas nas// gzas pa'i gshed du 'bebs par bshad// dmod pa drag sngags sbyor ba'am// skor ba 'khor lo'i rim pa la// mthun pa sdebs la mi mthun spyod// dmag la mtshon bskur srog la
5a4 'bab// 'byung ba sa yi 'khrul 'khor gyis// rlung gi stobs 'joms 'di yin no// 'chi bdag lto ru mu khyud gsum// le tshe bcu bdun 'khrul sngags dgod// dmag dang mtshon yang spel la bri// ya ma me du k+She
5a5 ra dza/sa do ru na yo ni ra ya ni// de dag 'khrul 'khor rtsa ba'o// dmag dang mtshon cha skabs kyis bsgyur// btson khang bzhi du ming rus bri// 'byung ba gang sdeb yi ge dang// sngags kyi spu gri bris byas
5a6 la// gnyis byas kha sbyor rtsang la rgyang// gur phub rdzas sogs mar ngo la// nyin bzhir gsang sngags 'di dag drang/ ka tsa Ta ta pa las/ ya ma rA dza sa do me ya che ge mo pra ma ya hU~M phaT/ nyi ma dang
5b1 po'i khri 'dzab de ltar lags// gnyis pa la sogs de ltar shes par bya// nang nub mtshan mo dmag tshogs thams cad dril// de bzhin mthun dang mi mthun 'byung kun sdeb// de ni sa yis rlung 'joms 'khor
5b2 lo'o// de ltar thams cad gong gi shes bya ste// chu yis me gsad 'khor lo ni// bri dang shom sbyor dus tshod gong bzhin la// nyin bzhir drag sngags 'di dag gong bzhin bzlas/ kha tsha Tha tha pha wa sha/ ya ma rA
5b3 dza sa do me ya/pra ma ya hU~M phaT// nyi ma dang po'i khri 'dzab de ltar yin// gnyis pa la sogs de ltar shes par bya// nang nub mtshan mo dmag tshogs thams cad dril// dang po'i skabs dang sbyar bar
5b4 bya// me yis 'joms 'khor lo ni// shom sbyor las rims gong dang 'dra// nyin bzhir drag sngags 'di dag drang/ ga dza Da ba ra sha/ ya ma ra sa do me ya/ pra ma ya hU~M phaT/ nyi ma dang
5b5 po'i khri 'dzab de ltar yin// gnyis pa la sogs gong gis shes bar bya// rlung gis chu 'joms 'khor lo ni// shom sbyor la sogs gong ltar lags// nyin bzhir drag sngags 'di ltar bzlas/ g+ha dz+ha D+ha d+ha
5b6 b+ha ya/ya ma ra tsadza sa do me ya/ pra ma la hU~M phaT/ nyi ma dang po'i khri 'dzab de ltar yin// gnyis pa la sogs thams cad de ltar ro// nam mkha'i 'khor los nam mkha' 'joms 'dod
6a1 na// bri ba la sogs thams cad gong ltar ro// nyin bzhir gsang sngags 'di dag drang/ nga nya Na na ma ha k+Sha/ ya ma ra tsadza sa do me ya/ pra ma ya hU~M phaT/ nyi ma dang po'i khri 'dzab de
6a2 ltar yin// gnyis pa la sogs gong ltar shes par bya// nang nub mtshan mo dmag tshogs thams cad dril// mthun dang mi mthun sde sdebs la// rang gshed rang la dbab par bya// gzhan yang 'joms sbyor ba
6a3 yang// 'byung ba lnga ldan 'phul 'ded kyis// las rnams thams cad myur du 'grub// sgra dang dbyangs kyi yi ge las// mthun pa'i grogs dang mi mthun gcod kyi bye brag las 'byung ba rang gshed dbab pa'i le'u
6a4 ste bzhi pa'o//// de nas bcom ldan 'das kyis don rtags snang tshul 'di bka' stsal to// ka ca Ta ta pa la sa i I/ ta yi yi ge saM skri ta'i sgra// 'byung ba sa yi rang bzhin gti mug yin// gzugs kyi phung po
6a5 de bzhin gshegs pa'i rigs// me long ye shes bad kan klu yi gdon/ kha tsha Tha tha pha wa sha u U rnams/ glang po'i yi ge rak+Sha srin po'i sgra// 'byung ba chu yi rang bzhin 'dod chags yin// tshor ba'i phung po rin
6a6 chen rigs// mnyam nyid ye shes khrag nad ma mo'i gdon// ga dza Da da ba ra Sha e e rnams/ shing rta'i yi ge yak+sha gnod sbyin sgra// 'byung ba me yi rang bzhin zhe sdang yin// 'du shes phung po rnam dag pad+ma'i
6b1 rigs// so sor kun rtogs ye shes mkhris nad btsan// g+ha dz+ha D+ha d+ha b+ha ya o au rnams/ zhib can yi ge nA ga k+Sha yi sgra// 'byung ba rlung gi yi ge phrag dog yin// 'du byed phung po rnam dag las kyi rigs// bya ba
6b2 nan tan rlung nad lha// nga nya Na na ma ha k+Sha aM aH mi reng yi ge a su lha min sgra// 'byung ba nam mkha'i rang bzhin nga rgyal yin// rnam shes phung po rdo rje'i rigs// chos dbyings ye shes 'dus pa hU~M la// r-i r-I l-i
6b3 l-I me chu sa rlung 'khrugs pa yin// ma ning yi ge gnyis su med pa'i don// de ltar yi ge sgra dang 'byung ba lnga// phung po bde gshegs rigs dang dag pa ye shes lnga// ma dag nyon mongs lnga dang 'khrug byed nad bzhi
6b4 lnga// gnod pa'i gdon rigs lnga ste de ltar don gyis na// dag dang ma dag gnyis ka'i rang bzhin las// snang stong 'khor 'das kun gyi rang bzhin yin// skye ba med pa'i don nyid las// skye ba'i cho 'phrul yi ge
6b5 shar// yi ge'i nus pa 'byung ba ni// ka ni stobs chen las grub yin/ kha ni drag po'i sngags bdag 'dul// ga zhes bkra shis mchog ldan bde// nga zhes dbang sdud lhun gyis 'bar// tsa zhes mtshan ma'i cho
6b6 'phrul myur// tsha zhes 'joms byed srog dang ldan// dza zhes rnam shes mthu stobs 'gugs// nya zhes gsal ba'i thig ler ldan// ta zhes dgos 'dod 'phel chen bde// tha zhes ming rnga rnam shes snying// da
7a1 zhes thabs ldan 'dus pa'i bcud// na zhes thabs kyis 'dus byed 'gugs// bzlog pa myur drag 'dus pa'i sgra// pa zhes ma chags shes rab thabs// pha zhes thams cad rtsa bar 'dus// ba
7a2 zhes log rtog rgyud sgrol 'joms// ma zhes dbyings ldan yid 'dus yum// ya zhes bskyod nus stobs kyis sgrol// wa zhes kun 'dus thabs 'dren gsal// ra zhes brlag byed sreg cing smin// la zhes rjes su
7a3 dkar zhing 'bod// sha zhes snyogs byed rtum zhes byams// sa zhes brtan byed srog rtsas len// ha zhes stobs drag myur du smin// a zhes rtsa ba'i stobs chen brtan// i zhes 'gugs byed 'dren 'phul
7a4 bstim// u zhes rang dbang med 'phrog sdud// e zhes drag pos myur du sgrol// o zhes stobs ldan gzhan 'joms so// ya wa ra stags mthun par bskyed// ha stags ring la drag por sgrol// 'a stags ring la
7a5 'byam par 'dul// yi ge'i don bshad tshad ma yin// kun la sbyar zhing gdags shes bshad// don rtags snang tshul dang nus pa bstan pa'i le'u ste lnga pa'o//// de nas gsang sngags thems kyi sbyor ba 'di
7a6 gsungs so// nyon cig gsang mchog rigs kyi bu// sngags rigs lnga ru bstan pa la// don bsdus 'phrul thems rkyang par bstan// thems la man ngag sde lngar bstan// rtsa ba lnga yi sdebs thabs dang// don
7b1 grub snyen pa'i sdebs thabs dang// drag po sngags sdebs gsad pa dang// phra men rkyang pa'i sdebs thabs dang// gshed ma rkyen gyi sdebs lngar bshad// lha yi sdebs la gnyis su bstan// ting 'dzin sdebs dang
7b2 sngags sdebs gnyis// ting nge 'dzin ni 'di ltar sdeb// rgyun gyi yi dam nar ma'am// blo bur thug phrad gang rung la// 'jig rten 'das dang ma 'das pa'i// bsgrub sde lnga yi sde brgyad la// sku gsung thugs sam
7b3 'phrin las bzhi'i// rigs dang go rims ma nor bar// rtsa ba bskyed la yan lag sgom// tha mi dad pa kun gyi dngos// bde gshegs gcig 'grub kun gyi ngang// gang rung cig tu bsgom bya ste// sngags sdebs
7b4 rim pa rin chen 'phreng// sbrel te bzlas pa thabs kyi mchog/ chu dang 'o ma 'dres pa'am// skyogs 'phran gcig tu sdom pa'i tshul// nus pa dril nas byin gyis rlob// de la bzlas thabs chen po bzhi// 'jam
7b5 ring lcam dral sbrul 'jug dang// drag po khong sdebs bzhi bzhir bshad do// 'jam ring rang thad rkyang par 'dren// cho ga rdzogs pa'i rim par bsgrub// lcam dral gtso sngags ging sngags la// gsum cha sum
7b6 gnyis 'bros 'ded bsgrub// sbrul 'jug rims kyis lha bsnyen nas// de la ging gi bod rbad gsad// khad kyi sbyar la rim par bsgrub// khong sdebs gtso bo'i bsnyen sngags la// yan lag 'khor
8a1 gyi bsnyen pa'i sngags// mtho dman rim par dril sbrel ba// sgrol ba'i las mkhan bod rbad dang// gsad sbrel dril la 'khor bsdebs sgrub// bzlas thabs kun gyi mchog tu gyur// bkra shis
8a2 tshan che kha rno dang// yon tan kun ldan kun gyi mchog/ sngags kyi bzlas lugs bzhi po la// de ltar yon tan rims bzhin 'byung// rtsa ba lha yi sdebs chen yin// don grub bsnyen pa'i
8a3 sdebs dag la// sngon du sdebs dang thad khar sdebs// rjes la sdebs thabs bshad par bya// 'jig rten 'das dang ma 'das pa// rgyal chen bzhi nas the brang bar// dang po khugs su gzhug par bya// de nas gang yin bsnyen par
8a4 bya// bsnyen nas grub pa thob par bya// de nas dbang du bsdu bar bya// de nas dam bsre dngos grub blang// de nas rang la gnyis med gzud// de nas las la bran bzhin bkol// de ltar sdebs shes dngos
8a5 grub thob// dang po khugs su gzhug pa ni// oM gsum a dang sa ma ya// li mgor mjug tu mu kha ye// nan dza hri gnyis sbyar bar bya// de 'og bsnyen pa dngos la 'jug/ hU~M dang dza gnyis mjug tu sbyar// bsnyen
8a6 mgor oM dang hri dz+wa la// mjug tu u ne sid+hi i// ka pa ye dang dza gnyis ni// bsdebs na lha de 'grub par nges// u ne um rtseg u ni gsum// klad non mjug tu sa ma ya// u gsum dza gsum mtha' sgyur
8b1 du// bsdebs nas dbang du 'du bar nges// des kyang dbang du ma 'dus la// ha ra gnyis dang sa ma ya// dza gsum r-i r-I l-i l-I sdeb// rang dbang med par dbang du 'du// srog gi snying po'i mtha' rgya ru// sa ma
8b2 ya badzra a mr-i tha// u tsa sid+d+hi ha ra kha da bri ni// bi rtsa ma ya hU~M phaT a// de yis dam bsre dngos grub thob// de nas srog snying klad gnon du// i gsum hri ti ad+ma ko d+ha badzra haM// rang dang gnyis su med par
8b3 'gyur// sngon du 'gro ba'i rgya sdebs yin// gang yin bsgrub pa'i lha mchog dang// rang dang mnyam par mngon du 'gyur// ma grub dam nyams grib yod pas// bsnyen sngags klad du sa ma ya// mjug tu bshags
8b4 ba'i rgyal po sdeb// 'dus byas tshogs ni ci nus bsag/ ldan na sems kyi chos nyid sgom// de yis the tshom med par 'grub// dper na rkyen tshang 'bras bu 'dra// las kyi dbang mi ldan yang 'grub// de nas las
8b5 kyi bkol thabs bzhi// las mi byed cing 'khu bzlog na// srog sngags slad du dbang bsdu'i sngags// ha ra gnyis dang sa ma ya// mtha' sgyur trig nan dun dun nan// de nas dbang bsdu bzhin du btang// so
8b6 pa a mr-i ta badzra ste/des ni rgyal po 'bangs 'khol 'ad// rang dbang med par bcu nas btong// las rnams byed kyang tshan chung na// klad bcu hU~M gsum u ne drug/ stam b+ha ya zhes sdebs drangs
9a1 nas// mjug tu rak+Sha ka pa ye// sa la myags dang kyi so ye// de la gsad sngags gang rung sbyar// las rnams byed kyang rno chung na// klad du a ne gsum brtsegs u ne drug/ badzra kro d+ha ye dang srog
9a2 sngags dang// rigs gsum shag ti rbad dang ni// thums ril mA ra ya rbad// sdebs pas ral gri lta bur gcod// zor thun slad du thum ril li li// srog snying mjug tu trig shag srog khyer b+h+yo// traM myags ka pa
9a3 ye b+h+yo/sdebs pas gang lab rgyab kyang 'joms// rtsa ba lha'i sdebs dang don grub bsnyen pa'i rgya sdebs kyi le'u ste drug pa'o//// de nas bcom ldan 'das kyis drag po sngags sdebs bka' stsal pa/ bsrung
9a4 gzir bzlog pa'i gnas skabs su// drag po'i ngan sngags sdebs pa ni// rnam pa dgu dang ldan par bya// sngags kyi so pa btang ba dang// klad gnon rgyal po blon po dang// rgyab ri dmag mi sra byed go/ rno ba
9a5 mtshon cha ngar blud thar// bkos 'debs dpa' bo log gnon dgus// gang la bya ba'i lus srog rnams// gnam thogs 'bab pa bzhin du 'joms// de dag don gyi ngos bzung ba// sngags kyi so pa btang ba
9a6 ni// hU gsum u ne drug dang ni// u gsum a ne drug dang ya a hri ma e ti/ khams gsum dregs pa pho mo yi// lo ka 'das dang ma 'das pa'i// gnas skabs gang la ci sdebs dang// so pa mtshan drug kun tu
9b1 rgyug/klad gnon rgyal po lta bu ni// ye shes dbyings su sdebs pa dang// ye shes kyang du sdebs pa'o// lha rnams dbyings su sdebs pa ni// sku gsung thugs su bsdeb pa dang// yon tan 'phrin las lnga bsdeb
9b2 pa// 'jam dpal pad+ma yang dag dang// bdud rtsi phur bu lnga ru sdeb// yang na rigs gsum mgon por sdeb// gzhan yang gnyen por gyur pa yi// ye shes lha rnams dbyings su sdeb// ye shes rkyang par bsdeb
9b3 pa ni// rang rang gang byed yi dam lha// sku gsung thugs kyi sngags rnams dril// rgyal po lta bur sdeb par bya// longs spyod rdzogs pa'i khro bo rnams// de ltar sdeb par bya ba yang// mgo can mgo bo bcad pa
9b4 dang// mgo med mgo bo gdags pa dang// srog snying ka ba gzugs pa dang// yi ge'i 'byung 'jug byas la sdeb// rgyal srid ldan pa'i rgyal po yi// 'bangs rnams rang bzhin cham la 'bebs// de phyir rgyal po
9b5 lta bur sdeb// blon po skyes bur btang ba ni// klad gnon rgyal po'i skabs sbyar la// rtsa ba'i sngags kyi phra men btang// yang na gang byed las mkhan sdeb// de yang u ne drug dang u gsum gyis// drag tu 'phul
9b6 zhing btsun par byed// rgyal po rkyang ba'i blon por de ltar ro// ye shes dbyings su sdeb pa la// blon po lha srin sde brgyad kyi// gsang srog yi ge 'bru re ba// kun gyi khyad par dril la gzhug/ sde brgyad phyi yi blon
10a1 po yin// rdo rje rme 'thab skabs dag tu// rgyal blon sngags bzlog dmag mi dang// mtshon cha dkrug pa sdebs byas na// rdo rje 'chang gi snying yang 'jig/ rgyab ri dmag mi lta bu ni// yang snying
10a2 sngags rkang bcu gnyis sam// sde brgyad sngags dang dug lnga'i sngags// sgra yig dbyangs yig gang 'dogs pa// skabs dang sbyar zhing sdeb par bya// rgyab ri dmag mi lta bur 'gyur// dmag mi rnams kyi slad du
10a3 ni// a gsum i gsum e o aM aH ri gsum l-i gsum lta bu rnams// dmag mi kun gyi go char 'gro// rno ba'i mtshon cha gang zhe na// rang rang drag sngags spu gri ste// spyi ru 'thom pa rnam bzhi sdeb// bar du
10a4 bsgrub bya'i mtshams sbyor sdeb// ngar slud thar bya gang zhe na// mA ra ya rbad/ myags thum ril rbad/ raka ta thim tsit+ta khad trig myags rbad sod/ kun gyi ngar dang thar yin pas// gang byed mtshon cha'i zhabs su
10a5 sdeb// mtha' ru skos 'debs gang zhe na// u nan drug dang stam b+ha ya// ka pa ye badzra yak+Sha/ rak+Sha u gsum dun gsum hring hring pa ra sa du mun pa sa ma ya thum ril/ dregs pa rdung btag gzir mnan
10a6 nas// mkha' 'gro zas kha kos 'debs pas// kun la sdeb par shes par bya// che mchog drag sngags gtor ma'am// rang rang gtso bo'i sngags bzlog la// mtshon char btags nas sdeb pa ni// dpa' bo log
10b1 'then g.yul bzlog yin// ces so// drag po sngags sdebs kyi le'u ste bdun pa'o//// de nas yang gshed ma'i rkyen sdebs 'di gsungs so// lnga brgya tha ma'i snyigs ma la// ban dgra nag po nang rgyas
10b2 byed// rang gshed rang la 'bebs par ni// gnad kyi man ngag rnam pa gsum// rang gnad gshed du dbab pa dang// 'byung ba gshed du dbab pa dang// rten pa'i gshed du dbab pa ste// de yang don gyi ngo bo
10b3 ni// rnam pa tsam la so sor snang// de dag nges par bshad bya ba// rang gnad gshed du dbab pa ni// bsgrub bya'i lus kyi gnas bzhi ru// 'thom pa rnam bzhi gshed du dbab// klad pa gti mug rmongs pa'i
10b4 gnas// byol song rgyal po 'thom pa'i gshed// rang gshed rang la dbab pa yin// klad rtsa kun gcad myos par byed// myogs mun khas thibs hU~M li dun ru tra khrag che ge mo klad khrag myogs mA ra ya rbad/ mgrin
10b5 pa nga rgyal dregs pa'i gnas// lha min dbang po gsod pa'i gshed// rang gshed rang la phab pa yin// mgrin rtsa dbugs lam ngag rgyun gcod// shag tri a de ba tri he dun khrag myogs mA ra ya rbad/ snying khar zhe
10b6 sdang gtum pa'i gnas// mi rgod shan pa srog gi gshed// rang gshed rang la phab pa yis// dngas ma'i rtsa dang srog rten gcad// tsaN+Da ra khrag ha ha sa tu hu ti khas snying khrag myogs mA ra ya rbad/ lte
11a1 bar 'dod chags zhen pa'i gnas// dmyal ba'i rgyal po gsod pa'i gshed// rang gshed rang la phab pa yis// srid pa'i lte ba gcad nas kyang// 'khor ba rlung gi ka ba sgyel// ra ga hU~M sti mon ta
11a2 hab khas lte khrag myogs mA ra ya rbad/de dag gdod nas rang rang la// gnas pas rang gshed rang gnad yin// gzhan yang rnam shes tshogs brgyad ni// nyon mongs drug dang gzung 'dzin gnyis// de las
11a3 dregs pa brgyad langs te// dngos dang bag chags tshul gnyis kyis// 'byung ba bzhi dang dbugs kyi rgyun// lus ngag yid kyi rtsa rnams gcod// kun bzhir zhe sdang gshin rje langs// ya las grub ste sha dang
11a4 sa// me yi mtshon chas srog rtsa gcod// yid las nga rgyal btsan du langs// ra tri las grub dbugs kyi rtsa// myags kyi mtshon chas gcod par byed// lus la 'dod chags ma mo langs// ma las grub ste khrag
11a5 dang chu// ra yi mtshon chas rtsa srog gcod// rna bar the tshom srin po langs// rak+Sha las grub lus kyi rtsa// rbad kyi mtshon chas gcod par byed// mig las gti mug bdud du langs// dun las grub ste me dang
11a6 drod// thum gyi mtshon chas rtsa srog gcod// sna las phrag dog rgyal po langs// rtsa las grub ste dbugs rang rlung// ril gyi mtshon chas srog rtsa gcod// lce las bzung ba sa bdag langs// na mun las grub
11b1 yid kyi rtse// rbad kyi mtshon chas srong rtsa gcod// nyon mongs can gyi yid las ni// 'dzin pa las ni smu ru langs// la tri las grub lus kyi rtsa// ya yi mtshon chas srog rtsa gcod// dug lnga la sogs srog dang
11b2 gzung la// sde brgyad gshed du langs pa yin// de ni man ngag ldan pas sdeb// 'byung ba gshed du dbab ni// me gshed chu ste chu gshed rlung// rlung gshed sa ste sa gshed me// bdag gi srog dang gzas pa'i
11b3 srog/drag zhan brtsis la gshed du dbab// gzhan yang bsgrub bya pha rol gyis// brten pa bdud du dbab pa yin// kho yi lha dang yul gyi gnas// klad kyi rgod dang gcod pa'i mtshon// bsdebs la
11b4 rang gshed rang la dbab// bdag gi lha yi klad mnan la// gcod pa'i mtshon gyi skabs phye la/ kho bos bsgrubs pa'i las mkhan sngags// yig 'bru 'phral mtshon char dbab// de yang bsgrub bya'i rnam rtog la// rten nas
11b5 dregs pa'i nus 'grub// kho bo'i ming gis brda sbyar nas// dregs pa'i srog la bcad gtubs na// zhag grangs gsum nas kho nyid 'chi// ci byas rang gi gshed du dbab// stong gsum rnal 'byor smod bor
11b6 yang// de don ldan pas sdebs gyur na// sangs rgyas nyid kyis mi bzlog ste// 'byung bas btus pas smos ci dgos// rang gshed rang la dbab pa'i le'u ste brgyad pa'o//// de nas yang 'phra men gyi rkyang
12a1 sdebs 'di gsungs so// sngags kyi 'phra men duM du 'brel// rin chen dbang gi dra ba 'dra// dgos 'dod thams cad yid bzhin 'byung// 'phra men rkyang sdebs 'di lta ste// dang po rang rang nus pa
12a2 can// chol bur kun nas bsdu ba yin// ya tha rgyal ba zhi khro nas// ma tha the brang bu mo yi// bar gyi srog sngags thams cad la// 'di ltar yang dag shes par bya// rkyang sdebs rnam pa gsum du byung// shis pa
12a3 'phrod sdebs rkyang sdebs dang// la sogs mtha' bsgyur rkyang sdebs dang// bzlog dkrug gnad kyi rkyang sdebs so// shis pa sdebs pa 'di lta ste// lha srin dregs pa'i srog snying la// gang yin las la thog med
12a4 sdeb// rnam shes yi ge 'bru re la// brda yi ming bcas de bzhin gzir// las la gtong ba'i srog kyang 'di'o// gzhan yang sngags kyi sbyor ba la// yi ge 'bru re gang mang ba// rang rang nus pa bshad bzhin
12a5 'byung// yan lag dag kyang de bzhin bshad// a ni 'phyo ba'i sngags yin te// srog sngags 'bru bzhi zhi dal dang// tshan che 'phyo ba'i sngags su 'gyur// gsum brtsegs bsdebs na rab tu 'phyo// aHaHaHtsa
12a6 tsha tsa tsha tsa tsha/zhes pas drangs na shin tu 'phyo// 'gro don byed du 'di sdebs na// log lta dus ma yin par 'phyo// bdag 'khor rab tu bkra shis 'byung// chos nyid drag po sgrub 'dod na// e ni drag po'i yi ge
12b1 ste// gsum rtseg drang na rab tu drag/ e ni gsum rtseg tsa tsha gsum// srog snying rnams kyi 'bur drangs la// rab tu shin tu drag po ste// dus gsum bde gshegs myur du khros// rlung nag drag pos mtshon bskyod
12b2 do// gang la byas pa drag por 'grub// 'bras bu rno myur thob 'dod na// ya ni g.yo ba'i yi ge ste// rab 'bring tha mas myur drangs na// g.yo zhing bskyod pa'i las byed de// lha srin myur du srog la dbab// 'bras
12b3 bu myur du sreg 'dod na// raM zhes tsha zhing sreg par byed// rab 'bring tha mas myur drangs na// dbus kyi ri bo sreg byed de// gshin rje bdud dang srin po'i srog/ myur du rab tu sreg par 'gyur// yon tan kun
12b4 ldan thob 'dod na// suM ni lci zhing gnon par 'gyur// rab tu shin tu rab 'bring gsum// srog snying drangs na rab tu 'grub// sngags su drag pa kun la'o// tshan chen brtan mi g.yo 'dod na// laM ni brtan pa'i
12b5 yi ge ste// rab tu shin tu rab 'bring gsum// srog snying drangs na shin tu brtan// 'byung ba rlung yang gnon par 'gyur// byings che gting 'grub brlabs 'dod na// baM ni byings che byin brlabs 'byung// shin tu
12b6 rab tu rab 'bring gsum// srog sngags drangs na byin brlabs che// mi slu ba yi rang bzhin can// de dag kun la shes par bya// gzhan yang rnal bzlog dkrug pa dang// dril gtor gnad kyi rgyas sdebs
13a1 bshad// a e yaM raM suM laM baM/ rnal ma de bzhin yang dag drang// rtags 'ong las mi byed na ni// laM raM mas yar gcig por dkrug/ rtags bul myur du mi ston na// e raM gcig por yas mar
13a2 dkrug/lnga brgya dus kyi tha ma la// yi dam gcig pa nang rgyas sam// rtags 'ong dgra bo ma sgrol na// e a baM dkrugs dbus zhes dkrug/ lha srin dregs pa mtha' dag gi/ mnan sreg zor gyi las rnams
13a3 la// laM baM/ gsad dus gzir dkrugs mas yar dkrug/ mtshan rtags mgor nas ma grub na// baM laM mas yar bzlog pa la// las kyi sham bu dkrug la gdags// trig nan dun dun nan zhes pa// sgra yig
13a4 btud la spu grir btang// mi 'khu mi bzlog stobs myur 'grub// sde brgyad gang yang rung ba la// a yis drang ba'i srog sngags brgya// de bzhin e sogs drug gis kyang// re re drangs pa brgya brgya ste// bdun
13a5 brgya drangs pas bsnyen po'o// a rbad e rbad de ltar bdun// a e yaM raM de ltar bdun// de yi mtha' ru bzlas sngags ston// drag sngags dang ni spu grir dril// dgra bo rak+Sha kha rag khrag mA ra ya/ A kar+Sha ya thuM
13a6 rbad ril zhes spu grir sdeb// gtor ma bdun brgya dril ba ni// sum brgya dag gi stong tshad kyis// dgra bgegs srog lus rdul phran 'gyur// de dag bsrung bzlog gnad kyi sdebs// 'jig rten 'das dang ma
13b1 'das pa'i// sngags su drag pa kun la sdeb// 'di rnams gang la gang byas kyang// 'grub par the tshom gdon mi za// la sogs mtha' sgyur rkyang sdebs kyang// gang yin srog sngags kha bsgyur du// 'di dag kun
13b2 yang gdags par bya// gang yin bsgrub pa'i lha srin de// 'jam dang drungs dang tshan che dang// bkra shis 'khor la byams bde dang// dgra dang gnod byed zhi bar byed// zhi rgyas dbang drag la sogs pa// zhi
13b3 dang stong na mthu che zhi// gcig 'phel lha 'du sprul sku 'chi// gzhan yang tshe ring longs spyod 'phel// sa nad dus min 'chi ba bzlog// glang thabs mi bzad zhi ba dang// bskrad dang bsgral dang bsreg dang
13b4 bya// khrag skyug ltas ngan la sogs dang// ser ba dbab bcad gang 'dod pa// rang bzhin rang rang mtshan nyid de// sngags sdeb sna tshogs bsgyur bar bshad// 'phra men rkyang sdebs kyi le'u ste dgu
13b5 pa'o//// de nas yang 'khrul 'khor 'di gsungs so// lung dang mthun pa'i bsgrub gnas su// bsod nams tshogs bsag sgrib pa sbyang// rdzas dang yo byad 'tshogs byas la// yar ngo'i tshes dus bzang po
13b6 la// 'jam dpal zhi ba'i skur bsgom ste// dmar ser ral gri po ti can// mi rtog pa yi ngang las bskyed// oM wA gI shA ri muM/ thugs khar muM las bskyed byas nas// 'phro 'du dang bcas 'bum tsho gcig/ sngon
14a1 du 'gro ba'i bsnyen pa ste// ye shes sgrib sbyong 'khor lor bshad// de nas sdu dza mchod byas la// 'jam dpal khros pa gshin rje gshed// yid la gsal bar rab bsgoms la// bsnyen pa'i rgyal po
14a2 'di dag bzlas// oM a kro te ka ya man+ta ka ha na ma tha b+hany+dza hU~M phaT/ sum 'bum dag gis las rnams 'grub// de bzhin mchod cing gsol bas ni// drag po'i bsnyen pa 'di dag bzlas// ya ma me ta k+She/ yak+She
14a3 ta/me ma ra ni dza ya ra ni yon ru dos dza/ 'di la yig 'bru nyi shu gnyis// gtso bo yab yum gnyis dang ni// gshen bzhi yab yum bzhi ste brgyad// mthar bye dgu ste bcu dgu yi// spyi snying gcig tu dril bar
14a4 'dod// Ni zhes mi'i snying/ dza ni 'gug byed lcags kyu yin// tsa ni las rnams kun gyi mtha'// ma lus dbang du sdud pa'o// 'das dang ma 'das kun gyi srog/ kho bo bsnyen pa dam pa'o// zla gcig tu ni drang
14a5 ba'i mchog/de nas bsgrub pa bya ba ni// ting 'dzin rnam gsum 'phro 'du las// khro bo'i dkyil 'khor rab bskyed la// cho ga yan lag rdzogs par bya// snying po 'di rab tu 'bad// de yang nyin mtshan phye la
14a6 bzlas// ya ma me tak+She/ ra dza sa do ru na yo ni/ ra ya dza ni/ 'di la yig 'bru bcu bdun yod// ya man+ta ka pe ta li// e ka dza ti gshed po bzhi// phyogs skyong bcu dang bcu bdun gyi// srog tu yang dag shes par
14b1 bya// de nyid bzlog pa mtshan mo bzlas// ya ma k+She ta me ra ni dza ma/ ra ni yo na/ ru to sa dza/ sgo med lcags mkhar bcu bdun na// 'chi bdag bcu bdun gnas pa yi// nyin mo pho srog bcu bdun la// mtshan mo
14b2 mo srog bcu bdun yin// mon dang rgya gar a tsa ra// bon po zhib can dge legs 'byung// 'chi bdag grub pas bsgrub chen brtsam// rdzas dang ting 'dzin gong ltar la// rdul tshon dkyil 'khor brtsams la
14b3 bsgrub// ya ma rA dza sa do me ya/ ya me do ru na yod ya/ ya da yo ni ra ya k+She ya/ yak+She ya dza ni ra ma ya// bzhi snying gcig tu dril pa'o// mtshan mo'i gsang sngags 'di dag go/ ya ma ra ni tsa ma k+She ya/ ya k+She ya ra
14b4 ni yod ya/ya da yo na/ ru do me ya/ ya me do sa tsa ra ma ya/ yig 'bru sum cu so gnyis yod// 'chi bdag las kyi gshin rje yi// lcags mkhar sgo med bcu bdun na// las kyi pho nya bka' sdod pa// srog zan
14b5 sum cu rtsa gnyis yod// drag tu gnas nas bskul ba'i srog/ de dag rtsa ba bcu bdun te// 'gyur med gsum gsum don du ni// mchog gi gsang sngags drang bar bya// ji bzhin 'khrul bzhin ji bzhin
14b6 'khor// 'khrul 'khor zhes ni de la bya// 'jig rten 'das dang ma 'das pa'i// srog gi snying po rab tu 'khrul// gzas pa'i srog la rab tu 'khor// 'khrul 'khor zhes ni de la bya// 'gro kun lus la rang
15a1 bzhin du// rtsa dang rlung gi tshul du gnas// de phyir gnas pa'i 'khor lo bya// 'jig rten 'khor ba'i mtshan nyid ni// mi 'byung dgu 'byung phyir dang ni// mi srid dgu srid phyir gyis na// srid pa'i
15a2 'khor lo zhes bya'o// dpag tshad brgya khri'i pha rol nas// 'byung ba bzhi yi 'og rol na// rgya mtsho gling gi bar shed na// 'chi bdag nyi ma'i 'od zer can// nag po 'char ka zhes kyang bya// bye ba dgu khri zhes kyang
15a3 bya// chos kyi rgyal po zhes kyang bya// a ba glang mgo zhes kyang bya// bde gshegs sprul pa'i ngo bo nyid// 'jam dpal nyid las ma g.yos te// gdul bya'i don du dmyal ba'i lus// mthing nag gzugs thung
15a4 gsus po che// lhu zug thung la rab tu sbom// mig ni dmar la zlum po log/ dri mi zhim la brda mi 'phrod// rab tu gtum pa'i gzugs can gcig/ srid pa gsum po lto na 'chang// dge sdig gnyis kyi bya ra
15a5 byed// gson gshin gnyis kyi zam kha bo// 'gro ba kun gyi dus mtha' ru// srog la dbang byed 'chi bdag byed// rig sngags 'khrul 'khor sku la gnas// dus ma yin par srog la 'bebs// des na sprul pa'i
15a6 'khor lo yin// bde gshegs phyag mtshan 'khor lo dang// gshed bzhi 'khor bcas phyag rgya ru// mtshon cha 'khor lo so mangs thogs// gang la dmigs pa myur du gcod// de phyir gcod pa'i 'khor lo
15b1 bya// bsnyen bsgrub las kyi khrigs pa dang// 'khrul 'khor gyi nges tshig bstan pa'i le'u ste bcu pa'o//// de nas yang 'phrin las drag po bskor ba 'di gsungs so// dur khrod la sogs dben gnas
15b2 su// sngon du 'gro ba'i las rdzogs nas// gsad pa'i 'khor lo bskor bar bya// srid pa gsum du gnas pa na// 'khor lo rim pa gsum du bskor// 'chi bdag nag po'i lto ba na// sa gzhi rdul tshon dkyil
15b3 'khor dang// phung shig ro ras 'khor lo dang// dmod mo ga 'u'i 'khor lo gsum// go rims bzhin du rim par bskor// sa bzhi rdul tshon dkyil 'khor ni// rgya chen sa yi dkyil 'khor te// 'dom gang mda'
15b4 gang rab 'bring tshad// khrag chen chag chag btab nas kyang// ba su ta yi thig skud byas// thal chen dag gam dkar rtsi yis// thig bzhi btab pa'i le tshe dgu// tshang thig zur thig bzhi btab ste// rim pa lnga ru
15b5 bsko bar bya// phyi rol bcu gnyis brtsegs pa la// mu khyud gnyis dang yang dag ldan// gru chad bzhi dang sgo bzhi dang// 'dod yon pha gu dra phyed dang// da ru kha yis rab mdzes te// rta babs rgyan dang ldan pa
15b6 'byung// khyams byas rdo rje rabs bskor// me ri phyi rim gru chad ldan// dbus kyi le tshe nag po dgu/ phyi rol sngon po bcu gnyis la// 'khrul 'khor yi ge bcu bdun dgod// ya ma me da k+She ra dza sa do ru na yo na
16a1 ri ya dza ni/btson khang bzhi ru ling ga gzhug/ de yi phyi rim bcu gnyis la// sku gsung thugs dang ldan phyir du// oM hriSh+tAHbi kri ta na na hU~M phaT/ A kar+Sha ya gnyis hU~M phaT/ ming dang rus dang spel
16a2 la dgod// phyi rim mu khyud gnyis po la// ka li sum cu rtsa bzhis bskor// phyi rim a li bcu drug dgod/ kha gnon stobs kyi 'khor lo ste// don chen gsum dang ldan par gsungs// tshon rtsi sna lngas ma nor
16a3 bri// sa gzhi rdul tshon dkyil 'khor ro// de stengs phung shig 'khor lo ni// dur khrod ro ras khru gang la// rkyal 'dul legs par byas nas ni// mtshon cha'i 'khrul 'khor bri bar bya// sna tsha dug khrag sna tshogs
16a4 kyis// gshed po bzhi yi lto ba ru// thig skor gsum dang ldan par bya// dbus su le tshe dgu po la// thig skor dang po dag tu dgod// de la yi ge dgod pa ni// le tshe lnga dang bcu gnyis la// gsang sngags 'di
16a5 dag dgod par bya// ya ma me ta k+She/ ra dza sa do ru na yo ni ra ya tsa ni/ de dag 'khrul 'khor rtsa ba'o// thig skor dang po dag la ni// re mig bcu gnyis dag la yang// hriSh+ti bcu dang A kar+Sha bcu// spel la rim
16a6 par dgod par bya// phyi rim gnyis su bskor ba la// kA li dang ni A lis bskor// dbus kyi grwa bzhir btson khang bzhi// ming dang rus dang spu gri bri// de ltar thabs dang shes rab tshul// pho 'khor mo 'khor
16b1 gnyis su bri// de yang pho yi pho yig ni// ya me do sa dza ra ma ya/ de la sogs te gzhan ma gsum// de ltar rnam par shes par bya// nyin mo thabs yig pho bskor g.yas// nyi ma bzhi ru shes par bya// de nas mo
16b2 yi mo yig ni// ya ma ra dza sa do me ya/ de la sogs te gzhan ma gsum// de ltar bsnol mar shes par bya// mtshan mo shes rab mo bskor g.yon// mtshan mo bzhi ru shes par bya// bri dang bzlas bar shes par
16b3 bya// de ltar steng 'og kha sbyar la// mda' brgyad kha la bsgram par bya// de stengs smod pa'i ga 'u ni/ mon nam rabs chad thod pa la// sog les ltag pa'i ngos nas gshag/ de ltar pho thod mo thod gnyis// so
16b4 sor bris la kha sbyar te// 'chi bdag yab yum lto ba ru// thig bskor gsum dang ldan par bya// le tshe lnga dang bcu gnyis la// 'khrul 'khor yi ge bcu bdun dgod// btson khang bzhi ru gzas pa bri// hriSh+ti bcu
16b5 dang A kar+Sha bcu// spel la mtha' ru bri bar bya// steng 'og pho mo kha sbyar la// yi ge bsnol dang bzlog pa ni// ro ras bzhin du shes par bya// sngo dmar byad thag drwa ba ru// bcug la ro ras steng du
16b6 gdags// thod pa rkyang pa gcig la 'ang// re mig bcu bdun sngags bris la// gzas pa lha dang dbral ba'i phyir// gcod pa nam mkha'i 'khor lo te// kun gyi steng nas dbab par bya// rdul tshon zur gyi gru
17a1 gsum bzhir// khrag dug nyungs kar phur bu dang// hoM la sogs pa bzhi yang dgod// phyi rim mtshon cha sna tshogs bskor// dar ras nag po'i yol bas bcad// yo byad rdzas sogs mar ngo
17a2 la// nyi ma bzhi ru 'khor lo bskor// thon nas 'chi bdag gnas su bskyal// 'khor lo bca' bzhi bstan pa'i le'u ste bcu gcig pa'o//// de nas 'khor lo bskor ba 'di gsungs so// 'khor lo bri dang
17a3 shoms rdzogs nas// rnam pa yi ge yin mod kyang// ngo bo lha yi rang bzhin pas// rang nyid ya man+ta kar bsgom// thugs las yi ge ya 'phros pas// 'khor lo'i dbus kyi ya la phog/ ya ma rA dza nr-i dza zhes/ las
17a4 kyi gshin rje nag por bsgom// hU~M ya man+ta kri ta tsak+Shu pra be sha phaT/ ces pas spyan dbye/ ya man tsa kr-i gra ha be sha/ zhes pas snyan dbye/ rnir yaM b+h+ruM bruM/ zhes pas shangs gsal bar 'gyur// ha ha pra be sha kha hi/
17a5 zhes zhal dbye/ tri po pra b+he sha badzra aM gu sha laM/ zhes pas ljags 'dril mche ba gtsigs so// many+dza ba si la/ zhes pas langs par bsam mo// de nas rang rgyud pa gnas nas dgug pa ni// bdag nyid ya man+ta
17a6 ka'i be con phyag rgyas gshegs te/rgya mtsho'i gting na gnas pa yi// 'chi bdag chos kyi rgyal po ste// ya man+ta ka'i thugs kha nas// 'od zer lcags kyu lta bus dgug/ 'khor lo de la gnyis med bstim// yam
17b1 me ta k+She ra dza do ru na yo ni ra ya tsa ni/tri sna dza ya ri hU~M dza/ zhes bos la/ dza ma ri hU~M sa ma ya/ ya ma smrar a ti tri shu sa ma ya/ a zhes pas bstim mo// de nas rtsa ba'i gzhi snying nyi shu gnyis// brgya rtsa dag gdis
17b2 dbang du bsdu// de dag sha khrag phud kyis mchod// hU~M/ 'chi bdag gshin rje pho mo'i tshogs// las kyi gshin rje 'khor bcas la// ma hA rak+ta'i ar+g+haM dang// tshil chen dud pa'i spos mchog dang// dbang po lnga yi
17b3 me tog dang// bdud rtsi kun khu'i dri chab dang// tshil chen snang ba'i mar me dang// 'chi med bdud rtsi'i sha chen bshos// dpa' bo 'khor dang bcas la 'bul// dgra bgegs bsgral ba'i 'phrin las
17b4 mdzod// oM hU~M hri ka la ma ta ha na/ oM hriSh+ti khu kha hi ti/ oM hri ka ra la b+han+d+ha ha/ oM hU~M traM bi shwa ta ga taM/ oM dzi dzi/ oM hU~M kha ka kha ka/ zhes pas dbul lo// ho/ gshin rje khyod kyi lto ba
17b5 na// srid pa gsum po yod pas na// khyod kyis mi 'dul gang yang med// dgra bo che ge mo 'di khyod la gtad// ma btang cig shor ra re// zhes pas gnyer du gtad do// de nas 'khor lo bskor ba ni// bdag nyid ya man+ta kar gsal// 'khor
17b6 lo srid pa'i grong khyer te// bsgrub bya gnas pa'i khyams khang yin// mtshon cha rang gcod chen po ste// 'chi bdag chen po'i lto bar bsgom// nyi ma dang po'i sngags 'di ni// ya me do sa dza ra ma ya/ dgra bo'i srog
18a1 rtsa a mu kaM pra ma ya hU~M phaT/nyin gyi khri 'dzab de la bya// nus pa me rlung dag gi ngar// rnam pa yi ge'i ngo bo ni// ya ma ra dza 'khor bcas kyis// klad rtsa gcod cing 'khor lo bskor// mtshon cha'i
18a2 char chen 'bebs par bsam// ya ma rA dza sa do me ya// dgra bo'i klad khrag myogs mA ra ya rbad// mtshan mo dang po'i khri 'dzab de ltar bya// gang nub mtshams su thun gyis brab// nyi ma gnyis pa dag la ni// ya
18a3 da yo na ru do me ya/dgra bo'i srog rtsa a mu kaM/ mur tsa ya hU~M phaT/ myos byed 'bar ba 'khor bcas kyis// mtshon chas mgrin rtsa brgyad par bsam// nyi ma gnyis pa'i khri 'dzab bo// ya me to ru na yo da ya/ dgra
18a4 bo'i srog rtsa mgrin khrag myogs rbad ya/mtshan mo gnyis pa'i khri 'dzab de ltar drang// nang nub thun gnyis gong bzhin la// nyi ma gsum pa dag la ni// ya k+She ya ra ni yod ya/ dgra bo'i srog rtsa a mu kaM rak+ta tsa
18a5 ra ya hU~M phaT/ar+ya dmar po 'khor bcas kyis// mtshon chas lte rtsa bcad par bsam// nyi ma gsum pa'i khri 'dzab de la bya// ya da yo ni ra ya k+She ya/ dgra bo lte khrag myogs rbad ya// mtshan mo gsum pa'i khri
18a6 'dzab de la bya// nang nub mtshams su thun gyis brab// nyi ma bzhi pa dag la yang// ya ma ra ni tsa ya k+She ya/ dgra bo'i srog rtsa a mu kaM mA ra ya hU~M phaT/ ral ba tshar dgu 'khor bcas kyis// lag na mtshon cha'i
18b1 'khor lo bskor// snying gi dkyil nas srog rtsa gcod// nyi ma bzhi pa'i khri 'dzab de la bya// ya k+She ya tsa ni ra ma ya/ dgra bo'i snying khrag myogs rbad ya// mtshan mo bzhi pa'i khri 'dzab de la bya// nang nub mtshams
18b2 su thun gyis brab// dang pos klad pa 'khor par byed// gnyis pas yid ni 'khrug par byed// gsum pas khrag tu skyug par byed// bzhi pas gsod par gdon mi za// 'khor lo bskor ba'i le'u ste bcu gnyis
18b3 pa'o//// de nas lha'i rgyal pos 'dus pa'i 'khor la bka' stsal ba/ nyon cig gsang mchog rigs kyi bu// gsang sngags drag po'i 'khor lo la// bskor thabs gnyis dang bgrang thabs gsum// phye bas
18b4 bsam gyis mi khyab ste// bsdus pa 'di la mi 'da' 'o// bskor thabs 'khrul 'khor lcags 'dra dang// gnam bskor thog 'dra gnyis su bskor// 'khor lo phyi nang dgu ru bskor// gnam bskor bcu bdun
18b5 'khor lo la// gcod bzhi rtags la nyin bzhir bskor// mtshan bzhi bcu bdun bzlog pa la// gcod bzhis kha bsgyur mtshan bzhir bskor// 'khor lo rnam grangs bsdu na gsum// gnas pa chos nyid 'khor lo
18b6 dang// de las byung ba'i 'khor lo dang// sprul pa las kyi 'khor lo'o// rnam pa gsum du bshad pa las// gnas pa chos nyid 'khor lo ni// snang srid snod bcud thams cad dang// 'khor ba mya ngan 'das pa
19a1 yis// rnam par rtog pa gzung 'dzin dang// nga rgyal nyon mongs thams cad dang// zug rngu sgrib pa kun bcom pas// gzung 'dzin mtshan ma ma lus pa// chos nyid dang du chos nyid shar// de lta bu
19a2 yi chos nyid la// gnas pa don gyi 'khor lo bya// de las byung ba'i 'khor lo ni// chos nyid rnal ma'i byin brlabs dang// chos nyid ngo bo'i byin brlabs kyis// theg pa gsum dang gsang sngags kyis// bsnyen
19a3 dang bsgrub pa mang du bstan// blo bur bag chags rims kyis gcod// chos nyid ngang las ma g.yos pas// de las byung ba'i 'khor lo bya// sprul pa las kyi 'khor lo la// dbye na rnam pa gnyis su
19a4 bstan// bskor na 'khor ba'i 'khor lo dang// bskor yang phan med 'khor lo'o// bskor yang phan med 'khor lo ni// bsnyen pa tshad du ma skyol na// 'khor lo bskor yang phan med do// ma bskor 'khor ba'i
19a5 'khor lo ni// bsnyen pa tshad du skyol ba na// gcad bya gang yang 'jom pa'o// mi 'khor 'khor ba'i 'khor lo dang// bskor ba'i 'khor lo gnyis pa la// zhi dang rgyas dang dbang dang ni// drag po las kyi 'khor
19a6 lo'o// spros na las bcu'i 'khor lo ste// bsdu na pho 'khor mo 'khor ro// 'khor lo bskor thabs dang rnam grangs bstan pa'i le'u ste bcu gsum pa'o//// de nas yang 'khor lo thun dang 'brel ba 'di
19b1 gsungs so// 'khor lo nyin mtshan bskor ba yi// nang nub skabs su 'di ltar brdeg/ dkyil 'khor gru bzhi 'brub khung bzhir// rgyu rkyen drug gi ling ga la// dug sna tshang ba'i thun cig la// drags sngags 'di
19b2 yis bsngags shing brdeg/ya ma rA ya khrag thibs rbad/ ya ma rA dza mugs thibs rbad/ ya ma rA dza thums ril rbad/ ya ma rA dza gling du rbad/ ya ma rA dza myags tshal pa bi pa 'ub thum snying mgo chod/ khos tshal pa
19b3 snying rtsa ro baM ril rbad/dug thun brdeg snod rag phor du// ra dug re lcag spyang dug dang// thal nur btsan dug sbyin mong sbyang// shar lho mtshams kyi gzugs la brab// khrag sna tshogs tshad yod na rab// ra
19b4 khrag mi khrag khyi khrag dang// phag pa'i khrag la 'di yis ni// zangs phor nang du sngags la brdeg/ ya ma rA dza snying rtsa 'dod pa khuM thuM ril rbad/ snying khrag rak+Sha baM ril rbad/ ya ma rA dza snying la tsa tsa nan/ srog srog
19b5 mugs mugs dgra bo thuM ril rbad/lho nub mtshams kyi gzugs la brab// nyungs kar nyungs nag skye tshe dang// til nag dag la lcags phor du/ sngags la nub byang gzugs la brab// ya ma rA dza che ge mo hriSh+ti ya
19b6 man+ta ka snying khar ka baM ril ya ma rA dza blo rtsa la ro me baM ril rbad/ya ma rA dza blo baM ril rtsa rtul snying rtsa ro ti ta ro baM/ snying la rgyud rtsi zhum snying rtsa bral ya srog bral/ de ba rA dza snying la rbad snying rak+Sha khrums/ snying
20a1 rol baM ril rbad/thun gsum las kyi sham bu yi// nyi ma bzhi pa'i 'khor lo yis// bar mtshams dag tu ling ga la// bsngags shing brdeg par bya ba'o// ling kha sgrol ba'i lcags phur
20a2 la// bsngags la byang shar gzugs la brdeg/ ya ma rA dza badzra kI la kI li ya hU~M phaT/ ling ga'i snying khar dril byas la// bsgrub pa thon pa'i nub mo gdab// gzhan yang mtshon cha'i char pa dbab// ling
20a3 ga'i thed ro hoM la sreg/thal ba rlang po'i kha la phyar// 'khor lo 'chi bdag gnas su bskyal// 'khor lo thun dang 'bral ba'i le'u ste bcu bzhi pa'o//// de nas bcom ldan 'das ting nge 'dzin de las
20a4 bzhengs nas/'khor rnams kyi nang nas gsang ba'i bdag po phyag na rdo rje la bka' stsal pa/ gsang ba'i bdag po khyod legs par nyon la yid la zung zhig/ bskal pa'i dpe ni rgyu skar lta bu ste/ rdzogs pa'i
20a5 sangs rgyas kyi sku gsung thugs yon tan 'phrin las dang/sangs rgyas kyi shes rab sngon du phyung ba'i shes rab kyi pha rol tu phyin pa ston pa'i tshe/ 'byung ba lnga yang lnga nyid zhi khror snang ba'i sku zhes bya ba longs spyod
20a6 rdzogs pa'i skur ston cing/theg pa bla na med pa'i gsang sngags rdzogs par gyur pa'i tshe// nga'i bstan pa dar ba nyid kyis nub par 'gyur gyis/ de'i tshe nga dang 'dra ba'i gzugs su ston pa/ nga'i 'khor sde bzhi'i
20b1 cha byad can gyis/nga'i bstan pa bshig par 'gyur gyis/ 'khor gyi sde dpon chen po brgyad dang/ sa bcu'i byang chub sems dpa' rnams dang// lha ma srin sde brgyad rnams dang/ khams gsum na spyod pa rnams
20b2 kyis nga'i bstan pa srungs shig/bstan pa skyongs shig/ bstan pa spel zhig/ ces bka' stsal pa dang/ rdo rje 'dzin pa des bcom ldan 'das la btud de rdo rje snying par gtad nas/ 'khor rnams kyis mgrin
20b3 gcig tu 'di skad ces gsol to// kye bcom ldan 'das kyis gsungs pa ltar bgyi'o// zhes dam bcas so// bcom ldan 'das kyis gsungs pa la yi rang ste mngon par bstod do// 'khrul 'khor rgya sdebs kyi
20b4 rgyud las/rgyud gtad cing rjes su yi rang ba'i le'u ste bco lnga pa'o//// rgya sdebs thams cad kyi rgyud kyi rgyal po/ sngags lnga 'khrul 'khor zhes bya ba rdzogs so//// bai ro tsa nas bsgyur ba'o////
20b5
20b6 rgya gar skad du/


CLOSE WINDOW