352b3 /// rgya gar skad du/ shrI ya man+ta ka e man+ta tsakra gu h+ya kra traM tan tra nA ma/ bod skad du/ dpal gshin rje drag sngags 'khor lo gsang ba sdebs kyi rgyud ces bya ba/ dpal khro bo'i
352b4 rgyal po ya man+ta ka la phyag 'tshal lo// 'di skad bdag gis thos pa'i dus gcig na/ bcom ldan 'das rdo rje 'chang chen po des// 'og min gyi gnas dur khrod chen po'i gzhal yas khang na/ 'khor gyi gtso
352b5 bor thar byed chen po brgyad/nyid kyi yum chen mo e ka dza ti dang/ kar mo dang/ rkun mo dang/ rmongs mo dang/ thal byed mo dang/ sbos mo dang/ gtum mo dang/ sme sha can dang/ ma tshogs ma dang/ thugs kyi
352b6 sprul pa ya ma rA dza dang/sku'i sprul pa myos byed 'bar ba dang/ gsung gi sprul pa ar+ya dmar po dang/ 'phrin las kyi sprul pa ral pa tshar dgu la sogs pa yum dang bcas pa dang/ gzhan yang sprul pa'i pho nya
353a1 dang/yang sprul dang bcas pa dang thabs gcig tu bzhugs so// de nas gsang ba'i bdag po phyag na rdo rjes/ bcom ldan 'das la 'di skad ces gsol to// bdag 'dzin rtogs pas mngon par
353a2 zhen// yang dag nges pa'i lam las gol// gsang ba'i don nyid ma rtogs par// sbas pa'i gsang ba mngon du spyad// rnam smin drag po'i sa bon gyis// 'jig rten dregs pa'i lus blangs pa// sde brgyad gdon
353a3 chen bco brgyad sogs// sems can yongs la gnod cing 'tshe// 'di dag thugs rjes bsgral ba dang// sangs rgyas bstan pa dar bya'i phyir// dbang bsdu dam la gdags pa dang// phan gnod las kyi 'khrul
353a4 'khor rnams// dpa' bo chen pos bshad du gsol// zhes zhus pa dang// bcom ldan 'das dpal rdo rje 'chang chen po de cang mi gsung bar snang nas/ dregs pa can de dag gdul ba'i phyir sku dang/ gsung
353a5 dang/thugs las gsang sngags kyi gzhi ma yi ge 'phreng ba'i 'khrul 'khor 'di dag phyung ngo// a/ ka kha ga g+ha nga/ tsa tsha dza dz+nya nya/ Ta Tha Da D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa ha k+Sha/ a A/
353a6 i I/ u U/ e ai/ o au/ aM a/ r-i r-I/ l-i l-I/ 'di dag phyung bas 'jig rten gyi khams thams cad g.yos/ kun tu rab tu g.yos so// 'gul/ rab tu 'gul/ kun tu rab tu 'gul lo// 'ur 'ur/ rab
353b1 tu 'ur/kun tu rab tu 'ur 'ur ro// chem chem/ rab tu chem chem/ kun tu rab tu chem chem mo// mtha' mtho na dbus dma' ba la sogs par 'gyur ro// 'jig rten gyi dregs pa can thams cad skrag cing sdangs
353b2 la ngo mtshar skyes nas/bcom ldan 'das la gsol pa/ e ma ho dpa' bo gshin rje gshed// thugs rje'i bdag po chen po lags bdag cag 'khor dang bcas pa rnams// ma gsad dpa' bo'i bka' nyan
353b3 to// zhes phul nas rang rang gi srog gi snying po phul ba/ de ba a/ rag sha rag mo ra/ yag sha yag mo ya/ sa nA ga phu/ a su ra e/ ya ma ya/ ru tra ru/ dun ting du/ tir ti ka ta/ rA tsa ra/ rA tsa tsa/ mun mun pa/
353b4 badzra sA d+hu tsa/ haM shaM tri/ ru tri shrI/ ga du ma ga/ ma ma ru lu ma/ ru tri ni/ tri nan/ hur thums dza/ mA ra ya rbad/ ces phul nas/ de dag gis bstan pa srung bar dam bcas te dkyil 'khor gyi phyi rim na 'khod
353b5 do// dpal gshin rje gshed drag sngags 'khor lo gsang ba'i sdebs rgyud las/ gleng gzhi gleng bslangs te sde brgyad kyis srog snying phul ba'i le'u ste dang po'o//// de nas dpal rdo rje 'chang chen po de nyid kyi
353b6 sku gsung thugs kyi byin brlabs las byung ba/gsang sngags kyi gzhi ma yi ge 'phreng ba'i don 'di gsungs so// a ni kun tu bzang mo nyid kyi mkha'/ khong nas 'byung ba skye ba med pa'i gzhi// de nyid rgyal
354a1 mtshan brgyan pas drag mo ste// ka tsa ti zhes bya ba drag po'i 'phrin las mdzad// sa yi yi ge 'byung lnga'i bdag nyid can// rta glang shing rta dmag mi go rim bzhin// ta ni sang tri ta ste lha yi
354a2 skad// mthun par sdebs pas dam can grogs su 'gyur// mi mthun sdebs na dam can gshed du 'bebs// gzas pa sgrol na glang gi yi ge can// sa yis 'joms pas 'di dag sdeb par bya// ka kha ga g+ha nga/
354a3 chu yi yi ge 'byung lnga'i bdag nyid can// rta glang shing rta dmag mi go rim bzhin// glang po'i yi ge raka sha srin po'i skad// mthun sdebs grogs dang mi mthun gshed du 'bebs// gzas pa sgrol na me yi yi ge
354a4 can// chu yis 'joms pas 'di dag sdeb par bya// tsa tsha dza dz+ha na/ me yi yi ge 'byung lnga'i bdag nyid can// rta glang shing rta dmag mi go rims bzhin// shing rta'i yi ge yaka sha gnon sbyin skad// mthun sdebs
354a5 grogs 'gyur mi mthun gshed du 'bebs// gzas pa sgrol nas yi ge can// mes 'joms pas na 'di dag sdeb par bya// Ta Tha Da D+ha Na/ rlung gi yi ge 'byung lnga'i bdag nyid can// rta glang shing rta dmag mi go
354a6 rims bzhin// dmag gi yi ge nA ga klu yi skad// mthun sdebs grogs dang mi mthun gshed du 'bebs// gzas pa sgrol na chu yi yi ge can// rlung gi 'joms pas 'di dag sdeb par bya// ta tha da d+ha na/ nam
354b1 mkha'i yi ge 'byung lnga'i bdag nyid can// rta glang shing rta dmag mi go rims bzhin// mi yi yi ge a su lha min skad// nam mkha'i yi ge kun gyi grogs su 'gyur// kun kyang 'di yi grogs su 'gyur ba
354b2 yin// 'on kyang nam mkha' 'byung ba rnam bzhi po// mthun dang mi mthun sdebs pas las rnams 'grub// pa pha ba b+ha ma/ de ltar dmag gi yi ge nyi shu rtsa lnga po// ka tsa Ta ta pa zhes pa lnga po 'di// g+ha dz+ha D+ha b+ha lnga
354b3 yi dgra zhes bya/kha tsha Tha tha pha zhes pa lnga po 'di// ga dza Da da ba zhes pa 'di rnams 'joms// ga dza Da da ba zhes pa lnga po 'dis// ka tsa Ta ta pa 'di rnams 'joms par byed// g+ha dz+ha D+ha b+ha zhes pa lnga po 'dis/
354b4 kha tsha Tha tha pha rnams 'joms par byed// nga nya Na na ma zhes pa lnga po 'dis// kun gyi grogs su 'gyur ba mthun sdebs yin// de rnams dmag gi yi ge 'khrul 'khor yin pa'i yi ge 'khrul 'khor bstan pa ni/ me
354b5 dang chu dang rlung dang gting brlag bzhin// mtha' gnas ya ma gshin rje'i skad// de dag mthun dang mi mthun sdebs nas kyang// steng 'gro gnyis dang kha skong gcig la ni// dmag tshogs lag tu mtshon
354b6 cha bskur nas ni// gzas pa po rnams bsgral bar bya'o// ya wa ra la/ chu dang me dang sa yi yi ge gsum// mtha' gnas du hu na ste bdud kyi skad// de dag mthun dang mi mthun sdebs nas kyang// steng 'gro
355a1 gcig dang zhabs tog byed pa gnyis// dmag tshogs mtshon bskur gzas pa bsgral bar bya'o// sha Sha sa kun khyab nam mkha'i yi ge gnyis pa 'di// mtha' zad k+Sha ra na ste mu stegs skad// de dag
355a2 mthun dang mi mthun sdebs nas kyang// zhabs tog byed dang kun khyab thabs kyi sgra// dmag tshogs mtshon bskur bsgrub bya chan la dbab// ha k+Sha i I 'khor lo dang bcas pa ni// ta'i sde tshan dmag gi mtshon
355a3 cha yin// u U ral gri ngar dang bcas pa 'di// glang po'i sde tshan dmag gi mtshon cha yin// e ai mdung thung dpal dang ldan pa 'di// shing rta'i sde tshan dmag gi mtshon cha yin// o au dgra ngar dang bcas pa
355a4 'di// dmag gi sde tshan dmag gi mtshon cha yin// aM a mda' yi mtshon cha ngar dang bcas pa 'di// mi yi sde tshan dmag gi mtshon cha yin// aM a/ r-i r-I/ l-i l-I/ de dag mtshon cha 'chol ba rnams// mi rnams
355a5 dngos la mtshon bya 'di dag bskur// gzhan yang drag sngags mtshon cha mthun par sdebs// a nyid skye ba med pa don dang rtags// sgra yis bskyed pas ka li gsal ba snang// A li kA li'i sgra yi 'khrul 'khor
355a6 las// 'khor 'das chos rnams 'byung ba'i gzhi ma yin// dmag gi yi ge nyi shu rtsa lnga la// rta glang shing rta dmag mi nang tshan lnga// 'byung ba'i bdag nyid las rnams 'grub pa yin// de ltar 'jig rten bya yi
355b1 las rnams la// lnga la lnga lngar dbye ba shes par bya// mi yi yi ge brgyad po 'di rnams la// steng 'gro gsum po sngags kyi mgo 'dren yin// mtshon cha gcig dang zhabs thog byed pa gsum// dmag la shing rta'i
355b2 yi ge rnam gsum dang// mi yi ming dang bzhi po 'di dag ni// rting gnon yin par yang dag bshad pa'o// de dag sgra yi 'khrul 'khor sdebs pa yang// bsgrub bya'i ming gi dang po gang yin pa// bdag gi dgrar
355b3 'gyur sgrub pa po nyid 'chi// btang snyoms gyur na mi 'grub nyon mongs la// shes su gyur na lha de 'grub par 'gyur// dbyangs yig dgrar gyur bdag nyid 'chi bar 'gyur// gsal byed dgrar gyur nad
355b4 kyis thebs pa yin// nam mkha'i yi ge kun gyi grogs yin yang// rang rang grogs kyang 'di ltar shes par bya// sa yi grogs su chu yi yi ge btang// me yi grogs su rlung ste de grogs me// chu yi grogs su sa
355b5 yang de bzhin no// rlung gi gnyis ka ma yin chu yin la// me yi sa yin chu yi ma yin no// sa yi gnyis ka ma yin rlung zhes bya// de ltar sgra yi 'khrul 'khor sdebs 'di ni// mtshon cha'i 'khor lo bskor ba'i dpa'
355b6 bo bzhin// nyes legs stobs chen byed pas 'di la nan tan bya'o// dpal gshin rje gshed drag sngags 'khor lo'i sdebs rgyud las/ A li kA li 'phreng ba'i sgra'i 'khrul 'khor sdebs pa'i le'u ste gnyis
356a1 pa'o//// de nas dpal rdo rje 'chang chen po des srog gi gnas lugs gtan la phab pa 'di gsungs pa/ ye nas ma bcos sgro skur zhi ba'i don// 'khor 'das kun la gnas pa'i srog yin
356a2 la// ma rig sgo nga'i sbubs 'byed 'das pa'i srog/ bstan pa'i snying po zhes su grags pa yin// de nyid ma rtogs khams gsum dregs pa rnams// rgyur gnas srog gi snying po ma rig pa// 'bras bur gnas pa
356a3 dregs pa'i lus sems snang// de phyir srog dang rgyan gyi yi ge 'di// kun gyi thun mong ma yin gsang ba'i srog/ yid kyi gzugs can dregs pa'i lus la yang// bag la nyal lam yang na dngos// dwangs ma lnga
356a4 'dus rtsa ba'i 'khor lo ni// snying la gnas te dwangs ma 'dus pa'i srog/ gzhan yang srog gi snying po 'di dag go/ rang rang bsnyen sngags drang zhing dam rdzas brten// bod pa srog gi snying po zhes su bshad// de
356a5 la dmag bsdus mtshon bskur las la dgye// rbad pa srog gi snying po zhes su bshad// dmag gi bsgrub bya dbang du 'dus pa na// srog dang rgyan gyi yi ge mtshon cha sdeg/ gsang ba srog gi snying po zhes bya 'o// de
356a6 dag rang gi dam can 'khol na gces// gzhan gyi rbod gtong dregs pa bsgral 'dod na// gzir byed rang gshed srog gi snying po ni// trig nan tsit+ta rbad nan zhes pa yin// dbrog bya rnam shes srog gi snying po
356b1 dang// dregs pa tsit+ta dwangs ma'i 'khor lo ni// rang rang 'bru re rnam shes tshul du gnas// 'phrog byed sbyor ba srog gi snying po ni// nur thums dza zhes lcags kyu lta bur gnas// gcod byed mtshon cha srog gi snying
356b2 po ni// mA ra ya rbad ces spu gri'i tshul du gnas// dam tshig rjes dran srog gi snying po ni// gshin rje ma mo la sogs gdon chen rnams// rang rang phul ba'i srog snying de dag yin// btags pa ming gi srog gi
356b3 snying po ni// rang rang tha snyad ming re kun la yod// de ltar srog gi snying po thams cad la// srog dang rgyan gyi yi ge sgra'i 'khrul 'khor 'di// mthun par sdebs pas dam can bran du 'khor// mi mthun sdebs
356b4 pa las rnams 'grub par yang// sgra yi 'khrul 'khor shes pas 'byung ba yin// ces gsungs so// dpal gshin rje gshed drag sngags 'khor lo gsang ba sdebs kyi rgyud las/ 'jig rten dang 'das pa thams
356b5 cad kyi srog gi snying po gtan la phab pa'i le'u ste gsum pa'o//// de nas dpal rdo rje 'chang chen pos/ nyid kyi dkyil 'khor gyi gsang sngags kyi sdebs gsungs pa ni/ e e e/ a kro te ka ya man+ta ka/ ya
356b6 ma ye/kA la rU pa/ ka pa ye/ hristi a ba ye/ a a ne a ne/ u u ne u ne/ du du ne du ne/ a i u e oM yaM maH r-i r-I/ l-i l-I/ du ru ye/ bya tsa ye/ sing nga ye/ hri ta ye/ bi ta ye/ tsi ta ye/ ha la ye/ mu ka ye/
357a1 u u u/ u ne/ bi tra ti/ a a nan/ ya ma ta dza/ ya ma ra ka sha/ ya ma rag a/ ya ma raka k+Sha/ pe ta li kro d+hi shwa ri/ ma ma e ka dza ti/ d+he ma kha la baM ril/ ru lu ru lu/ shrI badzra kro d+ha tsaN+Da raka sha
357a2 mon ta/a mu kaM/ myags thum ril/ trig nan sbur nan/ e hur thums dza/ kham shag ro myags// mugs ti rbad ya/ smod pa'i drag sngags 'di dag gis// gang yang mngon du gzir bas na/ drang po sdud pa'i yi
357a3 ge gsum// mtshon cha bskyod pa'i e gsum yin// dmag gi sde tshan mtshon cha na// me yis sa yi ming can 'joms// sa yis rlung la brdeg pas na// mtshon cha bsgyur bas i gsum yin// gzhan yang de bzhin
357a4 gshegs par bya// rang bzhin khro bo gshin rje gshed// sku gsung thugs dang stong nyid kyi// ye shes stobs dang 'khub dbang med// dbang du bsdu dang dbyangs 'phreng stobs// mi srun dregs 'jigs byed pa
357a5 yi// thugs rtag gsung nyid mi 'gyur ba// snying po stobs dang sngags du gzhom// 'jigs pa'i stobs dang 'khub dbang med// rngam pa'i stobs dang gnan pa'o// gshed bzhi ro langs ral gcig ma// gshed
357a6 mo bzhi dang ma mo'i tshogs// phyogs skyong las kyi gshin rje rnams// de rnams sor gnas de yang sdeb// ming 'das spu gri gnas gzir rjes// snying po 'bru gcig e de las// srog dang rgyan gyi yi ge
357b1 sdeb// 'phrog byed gcod pa'i spu gri yang// mthun dang mi mthun sdebs nas ni// gzas pa sgral phyir dregs pa sdeb// bdag nyid srung na dregs pa gzir// ces gsungs so// dpal gshin rje gshed drag
357b2 sngags 'khor lo gsang ba'i sdebs kyi rgyud las// gsang sngags sdebs drag sngags dmod pa'i le'u ste bzhi pa'o//// de nas dpal rdo rje 'chang chen po des/ 'byung ba sa'i 'khrul 'khor gyis rlung gi stobs
357b3 gzhom pa 'di gsungs so// dur khrod ro ras khru gang la// skyang nul legs par byas nas ni// sa yi 'khrul 'khor bri bar bya// snag tsha dug la sogs pa yis// gshin rje'i gzugs kyi snying kha ru// thig skor
357b4 gsum dang ldan par bya// dbus su le tshe dgu pa la// thig skor dang po dag la ni// re mig bcu gnyis dag tu sgo// de la yi ge dgod pa ni// le tshe lnga bcu rtsa gnyis la// gsang sngags 'di dag dgod par
357b5 bya// ya ma me tak+She/ ra tsa sa to ru na yo ni ra ya tsa ni/ de dag 'khrul 'khor rtsa ba yi// thig skor gnyis pa dag la ni// rang bzhin khro bo man chad nas// las kyi gshin rje yan chad kyi// dmag tshogs sngags de
357b6 dgod par bya// thig skor gsum pa dag la ni// mtshon cha bskyod dang sngags 'di dgod/// ka tsa Ta ta pa sa/ de dag spel nas 'khor bar dgod par bya/ dbus kyi le tshe gru bzhi btson khang
358a1 bzhi// ming dang brda dang snying po spu gri dang// sa yi yi ge sdebs pa bri bar bya// de ltar thabs dang shes rab tshul du gnyis/ kha sbyar brgyangs la mthing nag gur yang phub// rdzas dang yo byad
358a2 'tshogs byas mar ngo la// nyin bzhi gsang sngags 'di dag dgod par bya/// ka tsa Ta ta pa sa/ ya ma ra dza sa to me ya/ rnga che ge mo/// pra ma ya hU~M phaT/ nyi ma dang po khri 'dzab
358a3 yin// gnyis pa la sogs de ltar shes par bya// nang nub mtshan mo dmag tshogs thams cad dril// de bzhin mthun dang mi mthun 'khrul 'khor sdeb// rlung gi bdag nyid bsgrub bya rdul du rlog/ ces gsungs
358a4 so// dpal gshin rje drag sngags 'khor lo gsang ba'i sdebs rgyud las/ sa'i 'khrul 'khor gyi rlung gi stobs gzhom pa'i le'u ste lnga pa'o//// de nas rdo rje 'chang chen po des/ 'byung ba chu'i 'khrul 'khor
358a5 gyis ma'i stobs gzhom pa 'di gsungs so// dur khrod ro ras khru gang la// skyang nul legs par byas nas ni// chu yi 'khrul 'khor bri bar bya// sna tshogs dug la sogs pa yis// ya ma gzugs kyi snying kha
358a6 ru// thig skor gsum dang ldan par bri// dbus su le tshe dgu pa la// thig skor dang po dag la ni// re mig bcu gnyis dag tu bgo/ de la yi ge dgod pa ni// le tshe dgu dang bcu gnyis la// gsang sngags 'di
358b1 dag dgod par bya// ya ma me tak+She/ ra tsa sa to ru na yo ni/ ra ya tsa ni/ de dag 'khrul 'khor rtsa ba'o// thig skor gnyis pa dag la ni// rang bzhin khro bo man chad nas// las kyi gshin rje yan chad kyi// dmag
358b2 tshogs sngags te dgod par bya// phyi rol thig skor gsum pa la// mtshon cha bskyod dang sngags 'di dgod// u u u/ kha tsha Tha tha pa sha/ de dag spel zhing 'khor bar dgod par bya// dbus kyi gru gsum le tsho
358b3 btson khang bzhir// ming dang brda dang snying po spu gri dang// chu yi snying po brdeb lnga bri bar bya// de ltar thabs dang shes rab tshul du gnyis/ kha sbyar brgyangs la mthing na gur yang dbub// rdzas dang yo byad
358b4 'tshogs la mar ngo la// nyi ma bzhi ru gsang sngags bzlas par bya// u u u/ kha tsha Tha tha pha sha/ ya ma ra dza sa to me ya/ che ge mo ma ra u u u/ pra ma ya hU~M phaT/ nyi ma dang po'i khri 'dzab yin// gnyis pa la
358b5 sogs de ltar shes par bya// nang nub mtshan mo dmag tshogs thams cad dril// de bzhin mthun dang mi mthun 'khrul 'khor sdeb// me yi rang bzhin bsgrub bya rdul du rlog/ ces gsungs so// dpal gshin
358b6 rjes gshed drag sngags 'khor lo gsang ba'i sde brgyud las/chu'i 'khrul 'khor gyis me'i stobs gzhom pa'i le'u ste drug pa'o//// de nas rdo rje 'chang chen po des/ me'i 'khrul 'khor gyis sa'i stobs gzhom
359a1 pa 'di gsungs so// dur khrod ro ras khru gang la// skyang nul legs par byas nas ni// me yi 'khor lo bri bar bya// snag tsha dug la sogs pa yis// ya ma gzugs kyi snying kha ru// thig skor
359a2 gsum dang ldan par bri// dbus kyi le tshe dgu pa la// thig skor dang po dag la ni// re mig bcu gnyis dag tu bgo/ de la yi ge dgod pa ni// le tshe lnga dang bcu gnyis la// gsang sngags 'di dag dgod par
359a3 bya// ya ma me ta k+She ra tsa sa to du na yo ni ri ya tsa ni/ de dag 'khrul 'khor rtsa ba'o// thig skor gnyis pa dag la ni// dmag tshogs sngags te dgod par bya// phyi rol thig skor gsum pa la// mtshon cha bskyod dang
359a4 sngags 'di dgod// e e e/ ga dza Da da ba ra// de dag spel zhing 'khor bar dgod par bya// dbus kyi le tshe gru gsum btson khang bzhir// ming dang brda dang snying po spu gri dang// me yi snying po spel la bri bar
359a5 bya// de ltar thabs dang shes rab tshul du gnyis/ kha sbyar brgyangs la mthing nag gur yang dbub// rdzas dang yo byad 'tshogs byas mar ngo la// nyi ma bzhi ru gsang sngags bzlas pa bya// e e e ga dza Da da ba
359a6 ra/ya ma rA dza sa to me ya/ ka che ge mo/ e e e/ pra ma ya hU~M phaT/ dang po khri 'dzab de ltar yin// gnyis pa la sogs de bzhin shes par bya// nang du dmag tshogs thams cad dril// de bzhin mthun dang mi
359b1 mthun 'khrul 'khor sdeb// sa yi bdag nyid bsgrub bya rdul du rlog/ ces gsungs so// dpal gshin rje gshed drag sngags 'khor lo gsang ba'i sdebs rgyud las/ me'i 'khrul 'khor gyis sa'i stobs gzhom
359b2 pa'i le'u ste bdun pa'o//// de nas rdo rje 'chang chen po des/ rlung gi dkyil 'khor gyis chu'i stobs gzhom pa 'di gsungs so// dur khrod ro ras khru gang la// skyang nul legs par byas nas ni// rlung gi
359b3 'khrul 'khor bri bar bya// snag tsha dug la sogs pa yis// ya ma gzugs kyi snying kha ru// thig skor gsum dang ldan par bri// dbus su le tshe dgu pa la// thig skor dang po dag la ni// re mig bcu gnyis dag
359b4 tu bgo/de la yi ge dgod pa ni// le tshe lnga dang bcu gnyis la// gsang sngags 'di dag dgod par bya// ya ma me ta k+She/ ra tsa sa to/ ru na yo ni/ ra ya tsa ni/ de dag 'khrul 'khor rtsa ba'o// thig skor gnyis pa
359b5 dag la ni// dmag tshogs de dag dgod par bya// phyi rol thig skor gsum pa la// mtshon cha bskyod dang sngags 'di dgod// o o o/ g+ha dz+ha D+ha d+ha b+ha ye// de dag spel zhing 'khor bar dgod par bya// dbus kyi
359b6 gru gsum le tshe btson khang bzhir// ming dang brda dang snying po spu gri dang// rlung gi snying po spel la bri bar bya// de ltar thabs dang shes rab tshul du gnyis/ kha sbyar brgyangs la mthing nag gur yang dbub// rdzas
360a1 dang yo byad 'tshogs byas mar ngo la// nyi ma bzhi ru gsang sngags bzlas par bya// g+ha dz+ha D+ha d+ha b+ha ya/ ya ma rA tsa sa to me ya/ kha che ge mo pra ma ya hU~M phaT/ nyi ma dang po khri
360a2 'dzab de ltar yin// gnyis pa sogs te de bzhin shes par bya// nang nub mtshan mo dmag tshogs thams cad dril// de bzhin mthun dang mi mthun 'khrul 'khor sdeb// chu yi bdag nyid bsgrub bya rdul du
360a3 rlog/ces gsungs so// dpal gshin rje gshed drag sngags 'khor lo gsang ba'i sdebs rgyud las/ rlung gi 'khrul 'khor gyis chu yi stobs gzhom pa'i le'u ste brgyad pa'o//// de nas rdo rje 'chang chen po
360a4 des/nam mkha'i 'khrul 'khor nam mkha' las byung ba nyid la bskor ba 'di gsungs so// dur khrod ro ras khru gang la// skyang nul legs par byas nas ni// nam mkha'i 'khrul 'khor bri bar bya// snag tsha dug
360a5 la sogs pa yis// ya ma gzugs kyi snying kha ru// thig skor gsung dang ldan par bya// dbus su le tshe dgu pa la// thig skor dang po dag la ni// re mig bcu gnyis dag tu bkod// de la yi ge dgod pa ni// le
360a6 tshe lnga dang bcu gnyis la// gsang sngags 'di dag dgod par bya// ya ma me ta k+She/ tsa ra sa to ru na yo ni/ ra ya tsa ni// de dag 'khrul 'khor rtsa ba'o// thig skor gnyis pa dag la ni// dmag tshogs sngags de
360b1 dgod par bya// phyi rol thig skor gsum pa la// mtshon cha bkod dang sngags 'di dgod// oM oM mri nga nya Na na ma ha/ de dag spel zhing 'khor bar bya// dbus kyi le tshe gru gsum btson khang bzhir// ming
360b2 dang brda dang snying po spu gri dang// nam mkha'i snying po gang yin spel la bri// des ltar thabs dang shes rab tshul du gnyis/ kha sbyar brgyangs la mthing nag gur gyi dbub// rdzas dang yo byad 'tshogs byas mar ngo
360b3 la// nyi ma dang po bzhi ru bzlas par bya// nga nya Na na ma ha/ ya ma ra tsa sa to me ya/ ha che ge mo/ aM aM aM/ pra ma ya hU~M phaT/ nyi ma dang po khri 'dzab de ltar yin// gnyis pa la sogs de bzhin shes
360b4 par bya// nang nub mtshan mo dmag tshogs thams cad dril// de bzhin mthun dang mi mthun sdebs nas ni// nam mkha'i 'byung ba bzhi la sogs pa la// 'byung ba lnga yi 'khrul 'khor bsdeb pa dang// nam mkha'
360b5 nam mkha'i 'khrul 'khor nyid la ni// gsang ba srog gi snying po ngo shes nas// rang gshed rang la dbab par bya'o// des ni bsgrub bya gang yang rdul du rlog/ ces gsungs so// dpal gshin rje gshed drag
360b6 sngags 'khor lo gsang ba sdebs rgyud las// nam mkha' 'byung ba 'khrul 'khor de nyid la bskor ba'i le'u ste dgu pa'o//// de nas rdo rje 'chang chen po des/ gdon chen bco brgyad dang rang gshed rang la
361a1 dbab pa 'di gsungs so// gdon chen bco brgyad gang yang rung// 'khrul 'khor 'di ltar bri bar bya// thig skor gnyis dang ldan pa la// dbus su gru gsum nag po ste// zla kham gsum dang ldan
361a2 par bya// thig skor dang po dag la ni// 'khor lo rtsibs brgyad ldan par bya// gnyis par rang sor bzhag nas kyang// dbus su rnam shes yig 'bru la// zla gam 'phrog byed snying po bri// rtsibs bzhi rten 'brel
361a3 gzir byed la// bzhi pa gcod byed mtshon cha bri// de yi phyi rol thig skor la// rang bzhin khro bo la sogs pa'i// dmag tshogs mtshon bskur la bri// de ltar gdon chen bco brgyad la// rang rang 'khor lo bco
361a4 brgyad do// pho yi gzugs brnyan thams cad ni// ral pa spyi bor bcings nas kyang// spyan mig g.yas su bzlog pa'o// mo rnams ral pa lcang lo bcas// spyan mig g.yon du bzlog pa'o// gdug pa rnam
361a5 gsum gzugs brnyan ni// sbrul dang sbal pa la sogs yin// de dag 'khor lo drag sngags la// mthun dang mi mthun sdeb pa ni// mgo can mgo bo bcad pa dang// mgo med mgo bo dgags pa dang// sngags
361a6 kyi dug rnams dbyung ba dang// rang gshed rang la dbab pa rnams// 'byung ba sgra yi 'khrul 'khor la// mkhas pas sdebs pas las 'grub// ces gsungs so// dpal gshin rje drag sngags 'khor lo gsang
361b1 ba'i sdebs las// gdon chen bco brgyad rang gshed rang la dbab pa'i le'u ste bcu pa'o//// de nas yang rdo rje 'chang chen po des/ dregs pa bco brgyad la sogs pas gzas pa po bsgral ba'i sdebs
361b2 gsungs pa/dregs pa bco brgyad yang rung// 'khor lo snga ma ji bzhin la// bsgrub bya gang dang 'dres pa gang// sgra yi 'khrul 'khor sdeb pa yang// 'khor lo rtsibs la khram btab la// drag sngags bzlas shing
361b3 'khor lo bskor// rang la gnas pa'i gdon de bskul// bskul ba'i gdon dang rang bzhin gdon// sdebs pas las rnams 'grub pa yin// gzhan yang drag sngags sdeb pa ni// ya ma gshin rje rlung gi
361b4 gdon// chu las byung ba'i gnyen por sdeb// de dag gdon gyis ngos bzung ba// sngags kyi so pa gang yin// oM AHhU~M/ ya a hri/ ma e ti/ o o ne o ne/ du du ne du ne/ a i u/ e o aM a: ra rI/ la lI/
361b5 so stang srog shing gzugs pa'o// klad gnon rgyal po gang zhe na// a kro te ka ya man ta ka/ ya ma ye/ kA la rU pa ka pa ye/ hri sti a pa ye/ blon po skyes bu gang zhe na// ya ma ya ta k+She/ ra tsa sa to/ ru na yo ni/ ra
361b6 ya tsa ni/skabs kyis bsgyur zhing bzlas par bya// rgyab ri dmag mi gang zhe na// ya ma rA dza/ ya ma ra ka sha a/ ya rak+Sha/ d+ha be ta li kro d+hi shwA ri/ ma ma e ka ka dza ti/ de ma kha la baM ril/ ru lu ru lu/ shrI badzra kro
362a1 d+ha/ya ma karma/ ro sha Na kri ta/ tsaN+Da rag sha mon ta/ sra byed cho cha gang zhe na// du ru ye bya tsa ye/ sing nga ye/ hri ta ye/ b+hi ta ye/ tsi ta ye/ ha la he/ mu ka ye/ o o o ne o ne/ bi tri ta o
362a2 nan/g+ha dz+ha D+ha d+ha b+ha ya/ rno dbal mtshon cha gang zhe na/ kha che ge mo/ a o o/ a mu kaM myags thum ril trig nan/ sbur ya nan/ e hur thums dza/ kham shag ro myags mugs ti rbad ya/ ngar blud thar bya gang
362a3 zhe na/mA ra ya rbad/ o o o/ myags thums ril rbad/ o o o/ mtha' ru bkos 'debs gang zhe na// g+ha dz+ha D+ha d+ha b+ha ya/ o o o/ o o o/ ya ya ya/ hri hri hri/ rngubs rngubs rngubs/ yaM raM baM yaM/ dz+ha dz+ha
362a4 dz+ha/Nan Nan Nan/ myags mugs thums rbad ya/ dpa' bo logs 'then gang zhe na// oM a kro te ka ya ma n+ta ka ha ma tha b+hany+dza hU~M phaT/ chos nyid don dang mthun par bzlas// rlung gi yi ge rnam drug
362a5 kyang// grogs su 'gro ba skabs kyis sdeb// des ni gzas pa sgrol bar nges// zhes gsungs so// dpal gshin rje gshed drag sngags 'khor lo gsang ba'i rgyud las/ dregs pa dgra la bskor ba'i le'u ste
362a6 bcu gcig pa'o//// de nas dpal rdo rje 'chang chen po des/ gdon thams cad gzir ba drag po rdzas dang ting nge 'dzin gsungs pa/ 'jig rten dug rgod sna tshogs dang// gu gul nag po sbyar ma
362b1 dang// sbrul nag sha dang mu zi dang// bud med bsnol ma'i mngal khrag dang// glang ru zhogs ma ra dug pa// re lcags spyang dug la sogs dang// mi rta phag dang bya yi tshil// dre'u spu dang rta bon po// drag po rdzas
362b2 rgod bco lnga bsregs// dud pas bdugs na gang yang 'bros// yang na bgegs kyi ling ga ni// tshad dang ldan par byas nas kyang// tsha ba gsum gyis byugs nas ni// ming dang brda dang snying po dang// drag po
362b3 rdzas rgod bdug cing gzir// ting nge 'dzin gyi rim pa ni// yi dam lha tshogs gsal bsgom nas// bsgrub bya'i yul de gsal ba la// drag po ngan sngags gsal bas brdeg/ 'od zer mtshon cha sna tshogs
362b4 kyis// gang la dmigs pa myos brlams byed// sbyor ba ngan pa spyod par 'gyur// de nas rtags rnams byung ba dang// byang chub sems dang ldan par bya// bdag dang bgegs sogs thams cad kun// ye
362b5 shes me yis bsregs sbyangs nas// chos nyid mnyam pa'i ngang la zhi// bgegs rnams bsos la bkra shis 'gyur// dpal gshin rje gshed drag sngags 'khor lo gsang sdebs rgyud las/ rdzas dang ting
362b6 'dzin bstan pa'i le'u ste bcu gnyis pa'o//// de nas rdo rje 'chang chen po des/ rgyud gtad pa 'di gsungs so// gsang ba lag na rdo rje 'dzin// lnga brgya tha ma byung ba'i tshe// sems can nyon mongs rags
363a1 par 'gyur// de tshe bstan pa'i snying po 'di// kun gyi thun mong ma yin pas// skal ldan 'ga' yi don ched du// dar zhing rgyas par bya ba'i phyir// lnga brgya phrag ni dang po la// lho nub srin po'i
363a2 gyed yul du// sing ga la yi gnas su ni// gshin rje gshed kyi sprul pa zhig/ 'jam dpal bshes gnyen bya ba 'byung// gsang sngags bstan pa dar bar byed// de la khyod kyis bstan par rigs// zhes
363a3 gsungs so// 'jam dpal gshin rje gshed drag sngags 'khor lo gsang ba sdebs kyi rgyud las/ rgyud gtad pa'i le'u ste bcu gsum pa'o//// drag sngags 'khor lo gsang ba'i rgyas sdebs 'khrul 'khor
gyi rgyud rdzogs so/

CLOSE WINDOW