CLOSE WINDOW

Gpb042.006
བོད་ཡིག

ya ma ni mo ha d+ha ba ri ba ru la da tan+t+ra/ bod skad du/ sha ba ru 'dzings kyi rgyud/ ya man+ta ka la phyag 'tshal lo// sngon lho phyogs dur khrod kyi glong 'jigs shing yang ba spu zing byed pa'i gnas de na/bcom ldan 'das dpal khrag 'thung gi rgyal po gshin rje gshed la/ gshin rje char ka la sogs pa'i 'khor dregs pa pho mo bsam gyis mi khyab pas bskor nas gnas pa'i dus na/ dge slong cang shes ko'u di n+ya ya las bcom ldan 'das la bla gos phrag pa gcig tu gzar nas/pus mo g.yas pa'i lha nga sa la btsugs nas thal mo sbyar nas drung du 'dud nas 'di skad ces gsol to// kye bcom ldan 'das bdud las rgyal ba/mgon po dpa' bo dregs pa'i sku// dus kyi tha ma byung ba'i tshe// gshin rje 'char ka nag po 'di// gang zag dang bskyed par 'gyur// de yi dus su char ga ka dar// dar ba'i dus na nang mi gshin// bdag la pha log bdag rang 'khu// de yi dus na ji ltar bgyi// zhes pa dang/ dge slong cang shes tam nyon cig/ lho phyogs kyi dur khrod chen po'i glong na/ 'jam dpal gshin rje la dregs pa mang pos bskor nas rgyud sde thams cad kyi lung nod nas/sngags thams cad 'byed pa gcig gnas kyis de ru bzhud cig gsung ngo// der dge slong thos pa che bar cang shes ko'u di n+ya dang/ mang por thos pa'i kun dga' bo dang/shes rab che ba'i shA ri'i bu dang/ rdzu 'phrul can gyi mo'u 'gal gyi bu dang/ lha'i mig dang ldan pa'i ma 'gags pa dang/ mthu che ba'i dga' byed dang/ 'jigs pa med pa'i ba ku la dang/mngon shes can gyi rta thul dang/ mthu stobs can gyi gsus po che dang/ dge slong dgu kas lho phyogs dur khrod du byon nas gsol ba btab pas/ dgu dgu lon pa'i dus la/ bcom ldan 'das 'od 'dom gang dang bcas nas/'jam dpal nyid dang 'chi bdag gi thugs yang dag pa ji lta bu mkhyen nas/ 'khor rnams la bka' stsal to// sha po ru 'dzings las gleng bslang ba'i le'u ste dang po'o//// de nas dge slong rnams la bka' stsal pa/bdag la pha log bdag rang 'khu// de yi man ngag ston pa ni// 'chi bdag be ba sa ta lags// de yi bsnyen por de che ste// de la de nyid skyon phab pas// de nyid de yi bsnyen por 'gyur// ces gsungs pas na// 'jam dpal gshin rje'i sprul pa ste// be ba sa ta nyid la dris// ro langs gshin rje dgra mgon yin// dgra rgyud nag po'i spu gri yod// char ka'i snying dang lus srog 'brel// de bas rab tu gsang la bya// zhes bka' stsal to// yang 'khor rnams kyis gsol ba btab bo// de nas nam mkha'i mthongs na/ nyi ma'i bu gshin rje dzi bi ta tan ta ka ra zhes bya ba/ don dam par beb sa ta zhes bya bas/'khor rnams la bka' stsal pa/ khyod kyi don ji ltar 'dod pa de bdag gis bshad kyis nyon cig/ bcom ldan mi pham bdud las rgyal// bram ze'i rigs mchog smod mo brno// de yis gsungs pa'i don rnams la// de la zhu ba thogs pa med// ces bka' bsgo ba'i le'u ste gnyis pa'o//// de nas 'khor la bka' stsal pa// bdag dang bdag gnyis bden pa na// bdag gis bdag la 'di ltar bya// bdag dang 'thun pa'i gnas nyid du// dam rdzas yo byad bsags nas su// bdag nyid nga rgyal ting 'dzin bskyed// dzi bi tan ta ka ra'i sgras// ri rab brtsogs po 'phang byas nas// gang la bya ba 'dul bar bya// gang la bya ba thul nas ni// che ge mo zhes 'dul bar bya// zhes 'byung ngo// yang de rnams kyi don bdag la ston ces zhu ba phul bas/ bka' stsal pa/ de ni sngon char ka nag pos 'jig rten phung la khad nas/dzi bi tan tra ka ra'i sgra la grangs na be ba sa ta zhes bya'o// de bdud nyi ma'i bu zhes bya ste/ 'chi bdag dag mgon no// der char ka btul bas mthar 'chi bdag tu ming du btags nas/ nga nyid nga rang la sngo/de'i dus na 'di ltar bgyi/ zhes bka' stsal lo// bstan pa tha ma gser gyi spang po la/ man ngag tha ma sha po ru 'dzings byung/ zhes bka' stsal to// gtan tshigs kyi le'u ste gsum pa'o//// yang 'khor gyis gsol pa/bcom ldan 'das de rnams kyi don bdag cag rnams la bstan du gsol/ ces zhus pas/ yang bka' stsal pa/ de ni gshin rje dgra mgon gyi be ba sa ta'i kri sna rim pa gnyis pa'i 'khor lo bskor// yi ge ya dang ral gri'i 'od// ling ga bskul tshig bcas pa bri// e nag gru gsum dur khrod sol// mon nag rabs chad mtshan ngan la// gshin rje thugs kyi 'khor lo bskor// nag po 'jigs tshul ral gri can// ma he zhon nas 'khor rnams 'dul// char ka nag po'i sha khrag dbugs// za zhing gshin rje bran du 'khor// mar me dbugs kyi rta nyid la// brnag pa'i thun no tsha ba'i rdzas// las rnams bya'o gshed ma yin// tha mar rang sha rang gis bza'// sha khrag dron mo rang gis btung// de ni sngon gyi dam tshig ste// rang ngam rang la bca' ba'o// thugs kyi yi ge rnam bzhis kyang// rang sna rang gis drangs te bskul// de ni maM dang/ ri dang/ ma dang/ raM dang bzhis/ rang dbang med par bskul nas bkug/ gshed ma'i lag tu gtad nas ni// dper na bya sgro rlung khyer bzhin// rang dbang med par gshed ma'i lag/sngon gyi sdug bsngal nyams su myong// de bas rang srog rang gis gcad// ces byung bas/ de'i don de ltar shes par bya ste/ de ltar byas na char ka nag po myur du rang gshed 'khor bar the tshom med/gdon mi za ste 'khor bar 'gyur ro// dkyus kyi le'u ste bzhi pa'o//// yang gsol pa/ bcom ldan 'das/ de rnams kyi bca' gzhi ji ltar bgyi/ zhus pas/ brag nag po sog po khros pa 'dra ba'am// yang na ri nag srin po 'dra// yang na chu chen sbrul 'dra yang// de yi gnas su glud chen gtang// tsha tsha chu gtor spang kong klog/ gtor slud rgya chen gtang la gsol ba gdab/ phyi'i lha 'dre mchod la dpang po gzhol/mtho gzugs/ mtshams bcad/ nang gi lha 'dre brten la dmag dpung gzhol/ bdag nyid gshin rje'i nga rgyal bskyed la gshin rje'i las gzhung bsrang/ de nas maN+Dal phung sa gsum la bya/dug dang rme khrag ro sol sbyar la byug/ rme khrag ming gis med du mi rung ngo// dur khrod ras la sbyor rtsi ldum po dang// bong nga nag po kyi lce nag po dang// sbyar te byugs la ras 'dul legs par bya// bya rog sgro rtsas rme khrag dug sbyar la// rim pa gnyis pa'i 'khor lo lag par bri// rtsibs bzhi'i 'khor lo'i spyi bo'i ngos la bri// 'chi bdag kha gdangs lkos ko'i ngos la bri// rlung gi dkyil 'khor spyi bo'i phyin phyogs bri// de ni thod pa'i 'khor lo'o// rme khrag dug gi las la bri ba ni// che ge mo'i ling ga dbang po tshang ba la// mgo dang lag pa g.yas g.yon lnga// 'doms dang snying kha mdun du gshed ma dgod// dpral ba ltag pa g.yas g.yon la// yi ge 'bru bzhi bskul tshig bcas pa bri// de yi rgyab tu rlung gi dkyil 'khor bri// de yi khud gtum thod pa'i nang bcug la// e dkyil bzhag la bdag rang gshin rje bsgom// dang po hri sti bsnyen pa la// bar du k+Shi kr-i la bskyal// tha ma sha ri ma ri sbrel// gshed ma bskul gyin gzugs la bstim// yan lag dbang po rang re'i lag tu gtad// bka' rnams bsgo yin sha khrag za ru gzhug/tha mar nag po stod la mnan la bzhag/ che ge mo'i phyogs bzhir rta'i gzer chen thob// de ni nag po rang la 'khor// rang sha za yin rang la 'khor// rang khrag 'thung gin rang la 'khor// des na nag po ru 'dzings bya// ru sto gnyis ka 'dzings gyur na// ru tshan gang byung 'chag pa'o// man ngag gnyis ka 'thab 'gyur na// grub tshad gang zhan 'gul par 'gyur// des na rab tu gsang bar bya'o// de ni man ngag dam pa ste// de lta bu la brtson byas na// nag po char ka rang gshed 'khor// gang la dmigs pa the tshom med// chu srin pir gyi kha nang du// gre bar rin chen chud pa ltar// bskal pa 'khrugs kyang khar dbyung mim man ngag bca' gzhi bstan pa'i le'u ste lnga pa'o//// yang 'khor gyis zhus pa/ kye bcom ldan 'das dpa' bo chen po bdud las rgyal// dus ngan tha ma byung ba'i tshe// bdag la pha logs bdag rang 'khu// de yi dus na 'khor nas 'khor gin za// de'i thabs ji ltar bya// zhus pas/ bka' stsal pa/ dus kyi tha ma byung ba'i tshe// sngags pa nang rgyas byed pa'i tshe// de tshe nga yi bstan pa 'byung// zhes pa bka' stsal pa las// de yi bya thabs bstan pa ni// sngags pa kho yi phyogs bzhi ru// gzer rta bzhi bcug stod la mnan// des ni phar rbad rang la 'khor// dper na ba mo be'u mi 'dor bzhin// phar la rbad kyang tshur la 'khor// de ni ru do khugs su chud// sha ba'i ru do gnyis 'dzings pas// ru 'dzings ru rtsa min shos 'chag/ de la bsam na mi ma yin// ces bka' stsal to// yang gsol pa/ de yi gzer rnams ji ltar bgyi// bka' stsal pa// de yi gzer rnams 'di lta bya// rdza yi ga'u kha sbyar du// nag po lnga yi snying dang sha/ khrag dang phal ga sngags pa'i ming rus gzhug kho yi yul gyi shar phyogs su// byang shar lho shar bar gyi phyed du// mda' gang thur du brus la gzhug/ de'i steng du ga'u snying sna tshogs/ sha sna tshogs/ khrag sna tshogs/ phyi nang gsang ba'i lha 'dre'i srog snying bris pa'i dkyil du ling ga gtum/ der bcug ga'u kha bcad sba// de'i steng du ga'u ru// ba dmar ra dkar 'bri zal gyi 'o ma dang/ mar gsum dang/ tsi sna sman sna rin po che// gser dngul zangs lcags rin po che// mu tig byi ru shel mu men rnams// klu'i srog rnams bris la khram kyang bri// de'i khung du kho'i ling ga gtum// ga'u bcug la kha bcad la// ga'u gsum po brtsegs la mnan// nag po gting sba/ sde brgyad bar sba/ klu la khar sbas la// sas byib mis mtshor bar bya/de ni shar gyi gzer chen no// lho phyogs dkyil du mda' gang thur du bri// rin po che yi snod zangs sam// yang na byugs pa yang na rdza// rus sbal khog pa shin tu shis// 'bras dang gro dang zo ba nas// sran ma sran chung bra bo til// khre dang khram 'bor mo zhim tshe la// chan du byas pas gzhi bslangs gtor ma bya// sbrul mgo mgu yi gzugs byas dkyil du gzhug/ dmar zal dkar rgya ser zal mar gyis brgyan// de yi dkyil du khor yi ling ga gzhug/ de'i logs gsum du// rdo nag rdo sngon khra bo gsum// sgyed khar btsugs la la khar bzhag pa ni// sder ram skyogs sam rdza gzhong bzang po ru// 'bru sna brgyad dang ram bu gze ma dang// brag nag dreg pa rnams la gtor ma bya'o// lha srin gtor ma rgyas par bya// mu stegs klu la sogs pa rgyas pa yi// sha sna khrag snas brgyan byas la// dkyil du ling ga gzhug la gzhag/de'i steng thod pa skam po ru// gshin rje'i gtor ma 'bru bdun la bya// nag po lnga yi sha dang snying// mi sha ming gis med du mi rung ngo// dkyil du ling ga bcug la// steng du char ka'i gzugs kyis mnan// sas byib mis mi tshor bar bya// nub kyi phyogs su mda' gang zur du brko// 'brong dar ma yi thod pa yod na rab// med na g.yung g.yag thod pa ru// lha ma srin sde nyi shu rtsa bzhi'i gzugs dang sku mdog rgyas par bri// srog sngags rang re'i lto bar bri// de'i dkyil du che ge mo'i ling ga bcug la mnan// de stengs spyad khu dar ma'i thod pa ru// char ka'i gzugs sku mdog dang 'khor dang bris la gzhug/ rang rang lto bar srog snying bri'o// thod pa de gnyis kyi 'og gi steng du// sbe thod gcig gi nang du ni// kho'i lha srungs ming gzugs bri// rang rang khong du srog sngags bri// sngags pa kho rang nyid kyang bri// de yi steng du sba ba yin// de rnams shog gu dag la bri'o// byang du mon nag po'i thod pa la// phyi ru che ge mo'i yul zhing bri// nang du ling ga tshang bar bri// spyi bor che ge mo gzir bya ba bri// snying kha ru be ba sa tas srog chod cig pa bri// lte bar char kas skye rgyud chod cig pa bri// lag pa g.yas su pho rigs rnams kyis sha zo cig pa ru bri// lag pa g.yon du mo rigs kyis khrag 'thung bar bri// rkang pa g.yas su ro langs rnams kyis rgyud chod cig bri'o// rkang pa g.yon du bal mo rnams kyis bla tshe long bag par bri// thod par bcug la gri gos cig gis gtum// de'i phyogs bzhir mtshon cha bzhi brdeg ste// shar nas se mda' se gzhu gtad// lho nas mi rkang gling bus gtad// nub nas dug shing phur bus gtad// byang nas mda' 'am gri'i mi thong pos gtad// di yo thod pa la rtse mo gtad la sba// de ni stod la gnan pa'o// sha po ru 'dzings las/nag po gtad 'dzin gyi le'u ste drug pa'o//// yang gsol pa/ bcom ldan 'das de rnams kyi ting nge 'dzin ji ltar lags/ bka' stsal pa/ de rnams kyi ting nge 'dzin 'di lta ste/ shar du ga'u gzhug pa yang// dang po'i ga'u char ka nag po'i rten// de yi steng ma lha srin spyi yi rten// de yi steng ma klu gnyan sa bdag gsum gyi rten// rten la chags shing 'khor bas na rten zhes bya'o// lho'i gtor ma rnam gsum ni/dang po klu dang sa bdag mchod par bgyi lha srin sde brgyad mchod// tha ma gshin rje'i tshogs dang nag po'i tshogs rnams mchod// de'i ting 'dzin rim pa ni/ pha log kho'i gtor ma dang rdzas dang chang phud sman// mchod nas rbad kyang gtor ma gsum gyi ting nge 'dzin mi 'chor rtag tu de la chags// gtor ma rgul mtshams kyis de la slar la chags/ nub kyi ban d+ha rnam gsum ni// sbe thod dar ma rngam zhing chags pa'i rta// 'brong thod dar ma rngam zhing 'ging ba'i rta// spyad thod dar ma za zhing rngam pa'i rta/ kho'i skongs dang mchod pa rgya chen byas pa dang// de ka tsam gyis de ru rngam par 'gyur// byang gi thod pa mtshon char bcas pa yang/kho nyid 'brub khung nang du gdab las byed pa dang// de ma thag tu 'debs par 'gyur// nang du ling ga med du khong nyid kha stong skyed par 'gyur// de bas ling ga mtshan dang ldan par bya// ting 'dzin bstan pa'i le'u ste bdun pa'o//// yang gsol pa/ de rnams dus dang zhag grangs rnams// mi 'gyur bdag la bstan du gsol// ces gsol pa dang/ yang bka' stsal pa/ zhag ni nyi shu rtsa brgyad la// las de rnams ni rdzogs par bya// dang po rang gi gnas su bcas byas la// rdzas rnams 'tshogs nas de'i mo'i sngags rnams la// bsnyen pa brgya rtsa brgyad bskyal bar bya// grangs ni thim pa dang zhag bdun gyi nam phyed zla ba tha chung bzhi// yang na kho'i lo gshed kyi zla ba la// shar gyi ga'u sba bar bya// de nas bdun nas nub kyi ga 'u sba// de nas bdun nas byang gi ga'u sba// de nas bdun nas lho yi gtor ma sba// de nas rang khyim log pa dang// lta bsgoms ting 'dzin bsar// gtor ma phul la rbad par bya// rang gshed dbab pa'i bskul nyid gtang// yang srog gi spu gri nas// de ltar byas nas pho log phung// drod tshad bstan pa'i le'u ste brgyad pa'o//// yang gsol pa/ de rnams sngags dang ling ga cis su bri// bri ba'i dus nyid ji ltar lags// yang bka' stsal pa/ klu'i ga'u dang gtor ma'i ling ga srog sngags kun// sman sna bcu gsum gri khag sbyar la bri// lha srin spyi'i rme khrag dug snas bri// char ka'i rme khrag gsum dang dug sbyar bri// klu'i nyi ma gros la bri// lha srin nyi ma phyed la bri// char kha'i grib so 'ubs la bri// bzlas pa'i rim pa yang de bzhin no// zla stod ma yin zla smad dag la bya// skar ma sgrog gam dbyug pa rta gnyis bra nye bzang// bca' gzhi bstan pa'i le'u ste dgu pa'o//// yang gsol pa/bcom ldan 'das/ 'di yi dus ni dar ba nam zhig dar// don dang ched ni gang dang gang gi don// rgyud dang 'grim pa'i dpon ni gang dang gang// zhes gsol pas/ bka' stsal pa/ 'di yi don ched bdag dang bdag gi rogs// lha sbyin che gnyis ru 'dzings don du mdzad// dar dus bskal pa tha ma 'jig kar dar// brgyud rims dang po bdag gis brtsams// de nas kun dga' bo la gtad// des dge slong dgu dgra bo la gtad// des zla 'od gzhon nu la gtad// des zla gsang bu ra hang po'i nags la sbas// de nas bskal pa'i cha smad la// rum bu gu h+ya'i nyams kyis ston// des rdzu 'phrul stag gi mgo'i bral la sbas// de nas bskal pa tha ma la// rgyal bu sprin gyi shugs can gyis bton// des paN+Di ta lnga brgya dang// lo tsa ba 'gos khug pa lha rtsas la gtad// dar ma ka shos pa la ro'i brag la sbas// de ni brgyud pa'i rim pa'o// brgyud pa'i le'u ste bcu pa'o//// yang gsol pa/ bdag cag rnams kyis rgyud 'di ji skad bya bar gzung/ yang bka' stsal pa/ rgyud 'di ni gang rung rung kun gyi thun mong ma yin la/ gang rung rung la spyad pa yang ma yin la/gang rung rung la spel ba yang ma yin la/ dus kyi tha ma byung tsam na// char ka nag po dar tsam na// khyim pa dang pa skyes tsam na// ban d+he dam nyams sgrol tsam na// sngags pa nang rgyas byed tsam na// char ka nang rme byed tsam na// de yi dus su 'di dar bas// nag po ru to 'dzings pa'i phyir// des na 'di sha po ru 'dzings kyi rgyud ces bya bar bzung na/ rgyud yongs su gtad pa'i le'u ste bcu gcig pa'o/

CLOSE WINDOW