143b2 / rtsis byugs chu brag gnyis la gzhag/ ces gsungs so// sngags dang/ mtshon cha dang/ bka'i bdag po gsum gyis rgyas btab bo//// rgya
143b3 gar skad du/shrI ya ma bi dA ra dz+wa la tan tra na maH/ bod skad du/ dpal gshin rje 'joms byed 'bar ba'i zhes bya ba'i rgyud/ bcom ldan 'das 'joms byed 'bar ba la phyag 'tshal lo// 'di skad bdag
143b4 gis thos pa'i dus gcig na/bcom ldan 'das chos thams cad gnyis su med pa'i ngang la snyoms par zhugs so// de'i tshe de'i dus na/ lha byin bdud kyi rgyal po btsun mo dang// bu dang/ bu mo dang/ 'khor
143b5 dang/g.yog tu bcas pa grangs med pa 'khor de nyid du lhags te/ bdud kyi dpung chen po dang/ slu brid dang/ rdzu 'phrul mang po ston ste/ ma rungs pa ca co mang pos 'khor rnams la bar chad sna tshogs byas
143b6 so// de nas bcom ldan 'das kyis chos rnams thams cad ci'ang ma yin pa snang bar byas te/ ye shes rol pa'i sku 'joms byed 'bar ba bzhengs te/ thugs kha nas 'jigs pa'i sprul pa sna
144a1 tshogs pa mang po byung/zhal nas 'jigs pa'i gsung sgra phyung ste/ spyan 'bar ba sdang mig tu bdud kyi rgyal po la gzigs te/ gsang sngags drag po 'di dag gsungs so/ sha ri b+h+yo/ ma ri b+h+yo/ khrag
144a2 ma ma b+h+yo/tsir snying b+h+yo/ snying b+h+yo/ ma k+Shi thod khrag dza/ khrag ti snying la ya/ nr-i tri chod/ na ga chod/ mu lo chod/ bdud tri chod/ sha lo chod/ ya ma chod/ ra dz+wa chod/ sha la kying kying b+h+yo b+h+yo/ gsang sngags rgyal po de
144a3 brjod ma thag tu bdud lha sbyin brlag cing 'khor mang po brgyal bar gyur to// de'i tshe stong gsum gyi 'jig rten thams cad kyang mer mer shig shig tu 'bar zhing rab tu 'bar zhing ldeg ste/ thams cad kyang
144a4 'dar zhing rab tu 'dar ba dang/sngangs shing rab tu sngags pa dang/ brgyal bar gyur to// la la ni gan cing bub nas kha nas khrag dang lbu bar skyug go/ la la ni skad ngan pa sna tshogs 'don cing skyabs tshol
144a5 bar dong ngo// de dag thams cad kyang mer mer por song zhing sa ma ya'o// gleng gzhi byol sngags dang bcas pa'i skabs te dang po'o//// de nas snying po rdo rje 'dzin pa zhes bya bas/ bcom ldan 'das la
144a6 gsol pa/kye 'joms byed rgyal po bcom ldan 'das// ma 'ongs pa yi dus nyid na// lam la gnas pa'i rnal 'byor pa// bdud dang bar du gcod pa la// dpa' bo thugs rje thabs mkhas pas// mi 'jig rdo
144b1 rje lta bu yis// phas kyi rgol ba 'joms pa yi// byol sngags thabs dang bcas pa yis// nyid kyi bstan pa bsrung ba'i don// rol pa mchog gis bshad par mdzod// ces gsol pas/ bcom dan 'das rdo rje
144b2 khros pa'i rgyal po 'joms byed 'bar ba des 'di skad ces bka' stsal to// thub pa chen po dgongs pa yi// bdud kyi dpung chen gzhom pa dang// dgra yi dpung chen bshig pa'i phyir// 'joms byed 'bar ba de
144b3 nyid bsgoms// stong nyid snying rje'i 'bras bu ni// mthing nag 'bar ba'i yig 'bru las// gshin rje'i dbyug pa nag por gyur// de nas 'joms byed 'bar ba yi// nag po 'jigs byed chen por sku// gsang
144b4 sngags rgyal po de nyid 'bar// thugs khar chu skyes nyi ma'i steng// rdo rje sngon po yig 'bru 'bar// 'od kyi 'phreng bas gdug pa 'dul// gsang sngags rgyal po 'di dag go/ oM hri sh+tIHbi kr-i tA na na oM phaT/ rdo rje
144b5 'jigs byed 'jigs par byed// mi chod mi shigs rdo rje'i sku// ma rungs pa dag 'joms par mdzod// khro bo'i rgyal po gdug pa gdul// gzi brjid 'phags pa dus mtha'i me// spu gri rlung dang 'khor lo
144b6 'bar// de nyid 'joms byed 'bar ba yin// bsnyen pa bya ba'i skabs te gnyis pa'o//// de nas 'jigs byed chen po yis// gdug pa thams cad 'joms mdzad pa// dpal gyi zor sgrub chen po
145a1 ste// gshin rje'i dong zer nag po 'di// rdo rje can la bka' stsal to// dur khrod dgon pa'i sa phyogs su// maN+Dal mda' gang gru bzhi bya// pho brang zlum pos yongs su bcad// dbus su gshin
145a2 rje'i zhal yin te// re gas mtshams gcad dkar dang dmar// zur drug po'i dbang drag la// gong ras zhi ba mu khyud nag/ mtha' skor dbang gi re bya// dbus su 'jigs byed yab yum gnyis// mthing nag
145a3 dmar nag 'bar ba la// thod dbyug me yi 'khor lo dang// gri gug thod khrag 'dzin pa yin// dbang drag gru gsum drug po la// sa bon las ni skur gyur ba// stag dang seng ge dom dang dred// chu srin gling gi
145a4 mgo can la// sta ri khram baM lag char bsnams// las mkhan pho nya mi bzad pa// phyogs bzhir srog gi tsa ra ba// ban de bon po zhang blon dang// mon pa nag po bsam pa yin// zor kong sor gnyis gru gsum
145a5 pa// bdun nam bcu gsum nyi shu gcig/ yang na brgya rtsa brgyad du bya// der ni zor gyi rdzas bsag pa// 'bru gsum gang bu brag nag tshe// 'bru nag gsum dang phur pa gtsang// mar me lha bshos nag po dang/
145a6 dud pa sbang ma mda' dang bral// tsan d+ha li 'phang rtsa mo dang// phas kyi rgol ba'i ling ga dang// drag po'i sngags rnams spel la dgod// gza' rgod dmag dpon dar ba la// yang na phur pa dag la gtad// zla
145b1 ba nag po'i mar ngo la// gung gnyis bcas dang 'phang ba ste// drag po'i las su yang dag bshad// bsgrub pa bya ba'i skabs te gsum pa'o//// phas kyi rgol ba gcod byed pa'i// gza' rgod drag po rgyu dus
145b2 su// dur khrod la sogs dben gnas su// brag 'grum phung shul ro bsregs sa// mthing nag e byas ro sol byug/ srog dang lcags kyu dmar po bri// ma nu mu su ka ba la// lha sbyin bdud kyi rten bris la// srog
145b3 khang dmar por gzhug par bya// steng du 'khor lo rtsibs bzhi la// srog bdag chen po'i phyag byar ldan// gtor ma dam thun rdzas dgod// 'joms byed 'bar ba'i ting 'dzin gyis// gshed bzhi'i las kyi
145b4 sngags kyis gsad// mtha' brtul ur mo me la bya// dur khrod gnas sam rgya gram lam// ri rab rgya gram 'bar bas gnan// zor kha bskul dang 'phang bar bya// dmag dpon bzhis nyams pa bsgral ba'i
145b5 skabs te bzhi pa'o//// mA ra ya yi las dag la// bsreg pa me yi sbyor ba ni// lho phyogs gru gsum me thab tu// gdug pa can gyi shing bcer la// bdag nyid lta yi nga rgyal gyis// nub dang lho ru kha bltas
145b6 la// skra bshig byad bzhin sol bas byug/ khros pa nyid kyis rdzas re dang// lha byin gzugs la bstam byas te// mi bsad mtshon gyis gtubs byas la// khrag dang dug gis bsnun par
146a1 bya// 'joms byed nag po'i zhal du dbul// mchod ba rnams kyang tshang bar dbul// thal ba bA yu yaM la bskur// sbyin sreg gis bsgral ba'i skabs te lnga pa'o//// ma rungs pa dang lha sbyin
146a2 rmongs// phas kyi rgol ba ngan pa dag/ gnan pa bya ba gtor stegs 'og/ gru gsum mtho gang brus byas la// gang la bya ba'i ling ga gzhag/ steng nas du nan ri rab bca'/ steng du dpal gyi gtor ma gzhag/ ri
146a3 rab chen por gnan par bsam// gtor stegs kyis gnan pa'i skabs te drug pa'o//// gzhan yang kham kong sor bzhi pa// zhabs su srog yig dmar po bri// lha sbyin bdud kyi ling kha gzhag/ zor gyi byol
146a4 sngags drag po bstim// khrag dang dug gis rdzas rnams dang// ltas ngan mda' yi zor bsnun te// bdag nyid lha yi nga rgyal gyis// gdung ba'i glu dang ru dung dang// spyugs pa'i gad mo dang sgrogs te// a mu ka
146a5 yi sngags brjod bya// drag sngags gzhan yang 'char bzhin dbab// steng nas mchod rten nag pos gnan// mchod rten klu yi grong khyer ram// dur khrod ro khung dag tu gnan// gang la byas pa gdon mi
146a6 za// gnan pas las la sbyar ba ste skabs bdun pa'o//// de nas 'jig rten chen po yis// byol sngags thabs dang bcas pa dang// 'khor lo'i nges pa bka' stsal pa// lha yi rnal 'byor ldan pa
146b1 yis// gtsang ma'i gnas su maN+Dal bsham// gang la bya ba'i kha zas la// glud bya gtor ma gtang bar bya// gal te grol bar ma gyur na// zor kong byol zor gzhung bzhin bca'// rang gi kha zas dag la
146b2 yang// glud bya lus kyi dri ma bkru// rang gi khru tshad gang ldan la// dri ma can gyi gos bskon// pho dang mo yi shing byang la// lo grags du lon khram byas la// phrag pa g.yas g.yon dag la gzugs// ra rog grod
146b3 par chang blugs la// glud la bskur te thod nag bcang// lag tu ra rog sha bskur la// nad pa'i mdun du gzhag bya ste// gdan yang dkar nag brje bar bya// bsrung bya ras dkar stan la gzugs// glud de
146b4 rdzas dang bcas par ni// byol sngags drag pos bzhi mdor bskyal// nad dang gdon rnams med par 'gyur// nad pa gso ba'i skabs te brgyad pa'o//// bus pa chung ba gso bya ba// se ba'i phur bu bcu byas
146b5 la// dar nag thum por sngags 'bru blugs// pha ma'i mal la bskor te gzugs// nub nas nas smug bre gang la// mda' dar me long ldan la gzugs// shar du stan dkar bting byas la// pha ma'am bu tsha
146b6 btsas pa gzhag/nub kyi lha yi mda'i blangs la// sngags bzlas pha mar bcas pa bskor// dar dkar gro ga de dag le// 'khor lo rtsibs drug mu khyud ldan// gur kum gyis ni bri bar bya// lte
147a1 bar sna tshogs rdo rje la// bsgrub pa'i ming dang rak+Shar sbyar// gsang sngags rgyal po bcu pa bri// rtsibs sogs byol sngags drag po bri// rten 'brel sngags dang mtshon cha bri// rab tu gnas pa byas
147a2 nas ni// dang po ma yi lus la gdags// btsas nas bu yi lus la gdags// sri can ling kha bris byas la// zor brdeg drag po'i me la bsreg/ thal ba yang ni lus la bcang// sri can kha bcing rgyal po
147a3 yin// sri'u gso ba'i skabs te dgu pa'o//// gzhan yang mdze 'phro gcod 'dod na// pad+ma'i dkyil 'khor mtha' yas la// chu sna tshogs pa'i gtor ma shar// sngo sna'i gtor ma lho ru ste// dkar gtor
147a4 nub la dmar gtor byang// zor kong re re spel bar bya// lha grangs mnyam pa'i nam mkha' dang// mda' 'phang kun la shes par bya// lo grangs mnyam pa'i glud byas la// mtha' ma tshon skud lnga dang
147a5 ldan// glud dang zhabs su bskor byas la// gtor ma phyogs su gtang bar bya// gter gzhag zhi bas brid byas la// gdong zor nag pos tshar gcad cing// bsrung skud la sogs gdags par bya// sku gnyan
147a6 gdug pa'i 'khrun gcad pa'o// mdze 'phro gcad pa'i skabs te bcu pa'o//// dus kyi 'chi ba byung gyur na// dmar gtor bcu gsum par bar du// kong zor bcu gsum bsnol mar bsham// drag sngags
147b1 mkhas pas bzlog pa bya// gtor ma ngar glud bcu gsum ldan// de dag sbyor ba 'khor re la// gtor ma re re bskor bya zhing// kong bu re re skor zhing 'phang// las kyi rnam smin tshe zad bzlog/ phral gyi rkyen la
147b2 smos ci dgos// 'chi ba bslu ba'i skabs te bcu gcig pa'o//// rmi lam bdud kyis bslus gyur na// ting 'dzin sbyor ba ldan pa yis// byol sngags sham bur ldan pa yi// nyal ba'i sngags la bsgyur bzlog
147b3 bya// rjes la bzlog pa'i rtags rnams 'byung// gal te rtags rnams ma bzlog na// gdong zor nag po'i sbyor ba bya// rmi lam ngan pa bzlog pa'i skabs te bcu gnyis pa'o//// gang gi byol po bzlog 'dod
147b4 pas// kong zor bcas la phyogs su bsgrigs// gza' dang rgyu skar la sogs pa// bzlog par bya ba'i ming byang ni// rta bong rnga mo'i khrag gis bri// bya mo nag mo'i sgo nga la// rtsa ba'i las sngags bri ba
147b5 dang// 'bab chu'i rdo la'ang de bzhin bri// kong zor 'og tu byol po gzhug/ dbal zor re re phyogs su 'phang// yugs sa'i skra yi 'ur rdo yis// rdo zor phyogs su 'phangs pa yi// pha tshan gyi byol po bzlog pa'i
147b6 skabs te bcu gsum pa'o//// de nas rims nad bsrung ba ni// tshon sna lnga yi srad bu la// byol sngags mdud pa re re dang// sngags ky-i sham bu bsdeb par bya// bal gyi thum po bcu gsum yang// zor kong
148a1 re rer blug bar byad// pho rgyud mo rgyud dbang chen gsum// so so'i sngags ldan phur bu gdabs// gser dang gla rtsi so sor gtum// gu gul nyungs kar btsan dug bsregs// lus la btags
148a2 pas srung bar byed// zor gyis yams nad zlog par byed// rims dal bsrung ba'i sbyor ba'o// dal yams rim nad bsrung ba'i skabs te bcu bzhi pa'o//// bol song dud 'gro bsrung ba ni// ye shes lnga
148a3 ldan tshon skud bsdebs// mdud pa'i nang du sngags nyungs gtum// drag po mi yi las byas pa'i// thal ba la sogs phur du gdags// sngon du phyugs kyi gzugs glud gtang// glo dang gor dang yor la
148a4 sogs// nad rnams thub par yang dag bshad// dud 'gro'i nad rims bsrung ba'i skabs te bco lnga pa'o//// gzhan dang lo tog bsrung ba ni// zor kong nang du sngags bcug la// thal chen nyungs kar
148a5 gyis brab cing// phur pa la sogs bsrung rdzas rnams// phyogs mtshams dbus su sba ba dang// dbus su khyi yi thod pa ru// rdzas dang drag po'i sngags blug ste// lha srin rnams la rta bsdam la// gser skyems la
148a6 sogs gtang bar bya// de yis thub pa 'gyur ba yin// ser ba bsrung ba'i skabs te bcu drug pa'o//// gzhan gyi dmag dpung bzlog pa ni// mtshon cha'i rtse dang dmag dpon ming// zor kong nang du bcug
148b1 la bzlog/zor kong nang du sngags dang rdzas// blug la dgra yi phyogs su 'phang// dmag dang jag pa chom rkun bzlog/ dmag dpung bzlog pa'i skabs te bcu bdun pa'o//// shi kha bye ba gcad pa na// pho
148b2 mo du yod lo grangs kyi// glud dang gtor ma gtang pa dang// mchod rten brtsig pa la sogs bya// tshon skud lnga'i 'ur rdo yis// zor rnams ro khung thog tu 'phang// gtor zor ro yi steng du 'phang// skra dang so
148b3 dang sen mo dang rkang dreg rnams la ling ga bya// byad dgrol dreg phyis la sogs bya// de stengs tsha tsha mchod rten brtsigs pas gnan// shi kha chod par the tshom med// shi kha gcod pa'i skabs te bcwa brgyad
148b4 pa'o//// shwa bud chen po bzlog pa ni// mdze can thod pa nag po ru// gdug byed zor gyi kong bu brub// gtsug tor nang du gzhag nas kyang// kha ni gyen du bstan par bya// gzhan yang ltas ngan la sogs
148b5 pa// gong gi rdzas dang ming bcas pa// zor gyi las kyis 'joms shing bzlog/ shwa bud bzlog pa'i skabs te bcu dgu pa'o//// de nas 'jigs byed chen po yis// 'jigs byed 'bar ba'i gsang
148b6 sngags 'di// 'bar ba'i klong nas bka' stsal to// oM badzra tsi dun rbad rbad/ snying khrag thun khrag rbad rbad/ thum shig khug ling rbad rbad/ snying khrag dun rmugs rbad rbad/ tse tse na rbad ya ya/ snying
149a1 la ya ya rbad rbad/pra ti sa many+dzu rmugs/ pra ti sa many+dzu chod chod/ kha la raka sha rbud rbud/ dum bu rag sha rbud rbud/ tsit+ta rak+sha rbud rbud/ tsakra rak+sha rbud rbud/ tsi ta ha na ha na rbad rbad/ shi shi na tsa ne
149a2 rbad rbad/tsi pa ta rbad/ srog gi dza pa ra bzhi yis gsad pa'o// thi pur ya ma shag te b+h+yo thi bur ya ma tsan+t+ra b+h+yo/ thi pur ya ma ra ti b+h+yo/ thi bur ya ma ra tri b+h+yo/ srog bdag bzhi yi bzlog pa'o// sa ma ya a ti kra ma
149a3 ni mA ra ya bzlog bzlog/gdong bzlog go/ a pa ra hi che ge mo rak+Sha pu tra rak+Sha rak+Sha/ bdag gzhan bsrung ba'o// nA ga tsit+ta/ nA ga a pa ra nA ga shig bzlog byer/ mdze 'phro gcad pa'o// ra dza tsa tang a par sha
149a4 ya/sri'u bsrung ba'o// a nri su hra shig/ phyogs bsrung ba'o// ba ni ru tra bzlog byer yam/ bi sha mA ra ya/ b+ha ri sha ur na mi ni b+h+yo/ shwa dang ser ba bsrung ba'o// mA ra ya a ba ra na che ge mo bzlog/ byol po
149a5 bzlog pa'o// man+t+ra mun tra sa man+ta ru tra rak+Sha man bzlog bzlog/ sngags pa nang 'gras pa bzlog pa'o// ma ra ni dzi ben tra ya/ 'chi bdag bzlog pa'o// du na nan/ sa du nan/ snying du na nan/ pri du rbad/ kha thun
149a6 rbad/tsi ta ni sha ku lu rbad/ mo ha ni stam b+ha ya nan/ sas stib/ mes tshig/ chus skyur/ rlung yen/ kha ri bldag rna ri tsi ri stib/ stobs gnan pa'o/ zhes gsungs so// sngags kyi 'phreng ba bstan pa'i skabs te
149b1 nyi shu pa'o//// de nas 'jigs byed chen po yis// 'joms byed 'bar ba chen po ni// thugs dam gnad nas bskul bar bshad// hU~M/ 'jigs byed 'joms byed 'bar ba ni// zhal gsum phyag drug
149b2 'bar ba'i gzugs// zhabs bzhi 'dzam bu'i gling bzhir bgrad// sku mdog mthing nag 'bar ba la// 'od zer 'jigs tshul sna tshogs 'phro// dbu skra kham nag gyen du 'khyil// khams gsum za byed zhal
149b3 gsum ni// dbus ma smug nag bgrad pa'i zhal// gti mug sha la kam kam za// g.yas pa mthing nag mche gtsigs zhal// zhe sdang rus pa chem chem za// g.yon pa dmar la lce 'bur zhal// 'dod chags khrag
149b4 la cib cib 'thung// rgyud drug sgrol mdzad phyag mtshan drug/ mtshon cha 'bar bas dgra srog gcod// zhabs bzhi gyad kyi dor stabs kyis// skye 'chi rtsad gcod lha bzhi gnon// dam nyams bsgral ba'i gdan la
149b5 bzhugs// sku la dur khrod rgyan gyis brgyan// bskal pa'i me dpung klong na bzhugs// 'jigs byed nag po'i tshogs kyi dbus na 'gying// 'joms byed nag po'i tshogs ni sprin ltar gtibs// gsod byed nag
149b6 po'i tshogs ni pho nyar 'gyed// za byed nag po'i tshogs ni bran ltar 'khol// thugs dam dus la bab kyis gshegs su gsol// che mchog ya mAn+ta ka'i bka' byung gis// dam rdzas bdud rtsi 'bar
150a1 pa 'di gsol la// thugs dam rgyud bskul bcol ba'i 'phrin las mdzod// de nas bzlog pa'i pho nya gtang// hU~M/ nga ni 'jigs byed gshin rje gshed// lus la me yi 'od 'phro zhing// g.yas pa
150a2 dbyug thos ma mo dbang du sdud// g.yon pa me yi 'khor lo yis// thun dang phur kha sngags zor bzlog/ nga ni sngags 'chang rgyal po ste// phur zor bzlog pa'i dbang phyug gtso// mda' zor khrag zor gtor zor
150a3 dang// dug zor bal mo'i rdo 'phen dang// gtso ru byol zor bzlog pa'i bdag/ gdon dang nad dang mi mthun phyogs// thams cad bzlog pa'i rgyal po yin// sngon lta bzlog pa gang nas byung// gdong zor nag
150a4 po gang nas byung// zor bzlog nag po su yis mdzad// rgyal ba shAkya byang chub la// nag po bdud kyi dpung chen dang// slu brid bdud mo'i rdzu 'phrul dang// lha sbyin bdud kyi chad pa byung// dpa' bo khros po'i cha
150a5 byad kyis// khrag gi zor kong brgyab pa'i tshe// gdug byed sngags kyi byol zor brgyab// bdud kyi dpung chen byung ba bzlog/ bdud mo'i slu brid cho 'phrul bzlog/ lha sbyin bdud kyi chad pa bzlog/ yang dag
150a6 sangs rgyas gdung ma chad// sngon lta'i bzlog pa de nas byung// da lta bzlog pa 'di ltar bzlog/ sngags 'chang rnal 'byor bdag cag la// ma mo 'bum gyi dal kha dang// bdud nag 'bum gyi khram kha
150b1 dang// btsan dmar 'bum gyi shad d+he'u dang// gshin rje 'bum gyi chad pa dang// lha chen gdug pa'i yul ngan dang// lha ma yin gyi rgyu thabs dang// sa bdag klu yi byad kha dang// 'phra men ma yi nye 'byed
150b2 bzlog/ngan sbyor bsam pa ngan pa dang// sbyor ba rtsub pa thams cad zlog/ ces bzlog pa'i 'phrin las gtsor bya'o// srin po gdong zor gshin rje nag po'i lung// 'phrin las gnad nas bskul ba'i skabs te
150b3 nyi shu gcig pa'o//// srin po gdong zor gshin rje 'joms byed 'bar ba'i rgyud ces bya ba rdzogs so//// snubs sangs rgyas ye shes rin po ches bsgyur pa'o////


CLOSE WINDOW