122a4 rgya gar skad du/ mahA rAk+Sha sa do ra tan tra na ma/ bod skad du/ srin po sgo brdungs kyi rgyud chen po zhes bya ba/ 'jam dpal gshin rje gshed la phyag 'tshal lo// 'di skad bdag gis thos pa'i dus gcig
122a5 na/bcom ldan 'das gnyis med kyi ngang la bzhugs pa la/ de'i dus su lha byin bdud kyi bu la sogs pa'i bdud du ma lhags te/ bar du gcod pa'i ca co sna tshogs dang/ ma rungs pa byas so// dus der chos
122a6 nyid zhi ba'i ngang las/ya mAn ta ka 'jigs pa'i skur bzhengs te// 'khor cha byad can du ma'i dbus na bzhugs so// de nyid kyis byin gyis brlabs las byung ba'i gshin rje'i 'khor dang/ der 'dus pa'i dang
122b1 po rdo rje 'dzin dang/lha'i tshogs mi ma yin la sogs dang/ bdud ma rungs pa rnams dang/ gzhan yang 'jig rten pa dang thabs gcig tu 'khod do// de nas yang dur khrod chen po'i gzhal yas khang/ mtha'
122b2 dang dbus med pa thams cad dbus su gyur ba/rab tu 'jigs shing skyi g.ya' ba'i pho brang na/ longs spyod rnam pa sna tshogs dang ldan pa'o// de'i tshe rdo rje 'dzin ba stan las langs te/ 'jigs byed mahA la phyag
122b3 btsal te/bkur sti dang rim gro byas nas/ thal mo sbyar nas 'di skad ces gsol to// kye bcom ldan 'das go'u ta ma// rang bzhin med pa'i chos gsungs kyang// 'khor ba'i rtsa ba drungs mi phyin// rgyal ba'i
122b4 bstan pa tha ma la// mtshams med pa yi las dag byung// sangs rgyas bstan pa mi gnas par// gnod sbyin gdong dmar dbang du 'gyur// bdud kyi dmag dpung sprin ltar 'thibs// rdzu 'phrul sna tshogs ston pa
122b5 la// rab 'jigs chen pos bsta du gsol// zhes gsol pas/ der ya mAn ta ka'i thugs su gsol te/ thugs ka nas 'jigs pa'i sprul pa sna tshogs pa byung ste/ zhal nas kyang 'jigs pa'i sgra phyung nas/ spyan
122b6 zur gsum lha byin la gzigs shing/byol sngags drag po'i shing zor 'di brgyab pas/ bdud lha byin brlag cing bdud thams cad brgyal bar gyur to// de'i dus der stong gsum gyi 'jig rten thams cad kyang/
123a1 mer mer shig shig rab tu brgyal cing/ skad ngan sna tshogs 'don cing skyabs 'tshol lo// de nas rdo rje 'dzin pas zhus pa'i don// dpa' bo chen po thabs mkhas// byol sngags thabs dang bcas
123a2 pa yis// nyid kyi bstan pa bsrung ba dang// phas kyi rgol ba gzhom pa dang// las rnams la yang phan don du// thugs kyi gsang mdzod bka' stsal 'tshal// zhes zhus te/ gus pas nyan to// gleng gzhi'i le'u ste
123a3 dang po'o//// de nas yang dag bshad bya ba// dad ldan byang sems rnal 'byor pas// dur khrod bsgom pa la sogs par// thugs 'thad g.yo sgyu spang ba'i 'khor// phun sum tshogs pa de'i tshe// sngon du 'gro
123a4 ba'i las rnams bya// khog don shom ra don gyis kyang// stong nyid snying rje'i 'bras bu can// dngos por zhen pa kun dang bral// rnam dag 'byung ba rim pa la// dur khrod 'jigs pa'i klong dkyil du// byol song
123a5 rngam brjid chen po'i steng// rab 'jigs chen po brjid pa'i sku// 'jigs byed rgyan cha mtshon cha ste// gnyis su med pa'i byin rlabs las// gshin rje ma mo ging bdud dang// ro langs srin pho srin mos
123a6 bskor// de yang byin brlabs bstan par bya// ye shes spyan drangs gus pa yi// bzhugs gsol de la mchod bstod bya// dpa' bos gzi byin bskyed pa'i phyir// sku gsung thugs la gnas par bya// oM ya mAn ta
123b1 ka ka la ru pa hU~M phaT/kA la ru pa hU~M phaT/ oM hriSh+t+rIHwi kr-i tA na na hU~M phaT/ oM a kro d+he ka ya mAn ta/ ha na ma thA/ many+dza hU~M phaTaHbstan par gyur nas spro bsdu bya'o// dpa' bo gshin rje bsgrubs pa'i le'u ste gnyis
123b2 pa'o//// de nas yang dag bshad bya ba/ thub pa chen po'i dgongs pa yis// bdud kyi dpung chen gzhom pa dang// lha sbyin snying la brdeg pa'i sngags// byol zor drag po 'di bzlas so// sha ri b+h+yo/ ma ri b+h+yo/
123b3 khrag ma ma b+h+yo/ tsir snying b+h+yo/ snying la b+h+yo/ ma tri thod khrag dza/ khrag ti snying la ya a nr-i tri chod/ nA ga chod/ sha lo chod/ dmu lo chod/ sha la kying kying b+h+yo b+h+yo/ sa ma yA/ a ti kra ma na yA/ ni ba ra na
123b4 bzlog/bzlog/ ces pas phur ka drag po dang/ zor ka mang po dang/ mtshan gyi byol ka dang/ byad ka byung ba dang/ nad ka babs pa dang/ dal ka g.yos pa dang/ yams ka nyil ba dang/ mdze 'phro gcad pa
123b5 dang/srog srid bsrung ba dang// 'chi ba bslu ba dang/ ltas ngan bzlog pa dang/ bstan pa 'jig pa gsad pa'i phyir// byol sngags 'di la tha ma bsgyur// rtsa ba sngags sab mdor bstan pa'i le'u ste gsum
123b6 pa'o//// de nas yang dag bshad bya ba// dpal gyi zor bsgrub chen mo ni// dkyil 'khor 'dom gang gru bzhi bya// ma traM khog par gru gsum ni// sum brtsegs zla gam bri bar bya// tsakra rtsibs brgyad nag po
124a1 la// bar khyams sgo bzhi rigs dang bstun// lcags ri nag po me ri can// bsgrub pa'i maN+Dal yin par bshad// dbus kyi e dkyil pho brang du// drag po'i sbyor ba rdzogs par bya// zla gam gsum
124a2 la gtor ma re// dpa' bo 'khor bcas rten du gzhag/ tsakra'o// rtsibs la phur ba re// dbal la drag po'i byol sngags bri// dmar nag dar gyi 'phur lce gdags// mtshams kyi gru chad bzhi po la/ kham pa'i
124a3 'od de nag po bzhi// lag tu sgong re re bskur// bar khyams snam bu bzhi po la// shar du gtor ma dpal chen lnga// tshe dang nyungs mos brgyan la gzhag/ lho ru a tsa ra nag po gar byed lnga// nub tu rtsangs kun
124a4 zhon pa'i ma mo lnga// byang du sha sna khrag sna lnga// snying sna dug sna so sor gzhag/ bar du ting lo re re gcad// phyi rim lcags ri nag po la// phyogs bzhir sgo la kham pa'i btsun mo bzhi// g.yas su sngags kyi byang
124a5 bu bskur// g.yon du mar me bskur bar bya// phyogs bzhi'i bar dag thams cad du// zor kong rgyas pa brgya dang brgyad// 'bring du nyi shu rtsa gcig bya// tha ma bdun nam bcu bzhi'o// zor kong dag gi rdzas su
124a6 ni// nyungs mo gang bu brag nag tshe// tsan d+ha l-i dang me rag shin tu shis// spos gdong 'bang ma dud par bcas// sha dang khrag gis byugs la gzhag/ mar me reng bu re re'i gzugs// nag po gdugs kyis steng
124b1 nas dgab// zur bzhir mi kha'i sbyor ba bzhi// ltas ngan bya bzhi so sor bya// mda' bzhi btsugs la bsgrub pa bya// zor bsgrub chen po'i maN+Dal bca' ba'i le'u ste bzhi pa'o//// de nas yang dag bshad bya
124b2 ba// dang po mchod sbyin rgyas par bya// de nas dpa' bo ngang tshul gyis// gshin rje gshed po rab bsgrubs te// rgyan dang cha lugs gzhung bzhin bskyed// byin brlabs dbang bskur tshul bzhin bya// rang gi lha
124b3 rnams spyan drangs la// de la mchod cing gzi byin bskyed// zor gyi bdag mo phyogs nas bod// sha khrag kong bus mchod byas la// thi phur ya ma shak+ti b+h+yo/ thi phur ya ma tsakra b+h+yo/ thi phur ya ma ru dra b+h+yo/ des ni
124b4 zor dpung bskyed pa'o// de nas zlog pa'i cho ga yang// sngags bdag 'jigs pa'i cha byad kyis/ hU~M/ sngon tshe bzlog pa gang nas byung// gdong zor nag po gang nas byung// rgyal ba shAkya thub pa la// nag po
124b5 bdud kyi dpung chen dang// slu brid bdud mo'i rdzu 'phrul dang// lha byin bdud kyi chad pa byung// dpa' bo khros pa'i cha byad kyis// khrag gi kong zor brgyab ba'i tshe// bdud kyi dpung chen byung ba bzlog/ bdud mo
124b6 rdzu 'phrul sna tshogs bzlog/lha byin bdud kyi chad pa bzlog/ yang dag sangs rgyas gdung ma chad// sngon lta'i bzlog pa de ltar byung// de lta bzlog na de ltar bzlog/ ces bya dkyil 'khor bskor bya zhing// b+h+yo
125a1 bdun bzhi bcu tham pa la// sa ma ya ni man chad gdags// byang chub sangs rgyas bsgrub pa la// las ngan bdud kyi bar chad 'byung// ltas ngan rdzu 'phrul sna tshogs byung// lha byin bdud kyis
125a2 gtang ngo zer// de yang steng phrad steng du zlog/ de yang 'og phrad 'og tu zlog/ de yang phyogs phrad phyogs su zlog/ des na mtshams phrad mtshams su zlog/ 'khor du phrad na 'khor du zlog/ la phrad na la
125a3 zlog/lung phrad lung du zlog/ ces yang gong gi byol sngags bzlas// de nas phyogs bzhi dbus lnga nas// zor gyi dbang byed drag po'i sna 'dren ma// lnga drag tu rbad pa ni/ sha ri b+h+yo/ ma ma trag sha la la mu tra snying
125a4 kha rag dun b+h+yo/zhes shar gyi'o// ma ri b+h+yo/ he ma mo b+h+yo bzlog/ ces lho'o// khrag ma ma b+h+yo/ bzlog ha de mo ni b+h+yo bzlog bzlog/ ces nub kyi'o// rtsi ri snying b+h+yo/ srog la shag ti bzlog bzlog/ byang gi'o// snying
125a5 la b+h+yo/snying sa ku ru thun b+h+yo bzlog/ bzlog ces da dbus na bzlog pa'o// 'bum phrag bzhi ru btags la 'phang// b+h+yo bzlog chen po'i sngags zhes bya'o// zor bzlog bsgrub pa'i le'u ste lnga pa'o//// de nas
125a6 yang dag bshad bya ba// srin po'i byol zor bzlog 'dod na// zor bsgrub dkyil 'khor chen po bca'// dkyil 'khor chen po'i dbus nyid du// 'dod pa'i sa phyogs bskyal ba la// mgrin par sngags kyis
125b1 bsdam par bya// snying kar las kyi sbyor ba bca'// lte bar ma trang chen po'i na// nag po 'char ka bdud kyi gzugs// mthing nag dar gyi con pan can// shin tu che zhing mtshungs pa med// 'bru sna tshang ba'i rgyu la
125b2 bya// g.yas g.yon phyag dang dbu yi steng// dkar dang dmar dang nag po'o// las mdzad mchod rten so sor bca'// de dag rab gnas byed pa la// gsang sngags so so bri ba gces// bya zhon ma lnga mkha' la
125b3 dgod// ye shes tshon skud sna lnga yis// mchod rten sbrel zhing bung bu gdags// bdun bdun g.yas g.yon pho mo'i gshed// bla byang chen po re re'o// dbus su phan chen khyad par bya// ma drang dag gi sbrel thabs
125b4 ni// ling ka nyid dang ldan par bya// nag po 'char ka'i rab gnas ni// thugs ka'i tsakra bca' ba gces// 'khor lo rab gnas byed pa la// yi ge dgod pa de bas gces// tsakra dang po'i lte ba la// chod nyid
125b5 nyon mongs rang rgyud kyi// rtsa gsum gnas pa'i bar dag na// 'dod chags bya dang zhe sdang sbrul// gti mug phag gi gzugs su gnas// srid pa'i rtsa gdong mun pas bkag 'dra'o// de yi phyir rim khang pa
125b6 na// ming yig sbyang yig dgod bar bya// de ltar rim pa gsum du bskor// de dag gang dmigs sbyor ba des// mkhas par de ltar shes par bya// zhal dang dkar dmar pho mo shes// nag por 'dug pa rang gi
126a1 gshed// so so'i mtshan ma tshud pa gces// de la dar nag me long dang// sna tshogs pa yi rgyan dang bcas// g.yas su skye 'gro pho yi gzugs// g.yon du skye 'gro mo yi gzugs// ji 'byor pa yis
126a2 shom par bya// de nas gzhan gyi sbyor ba rnams// dkyil 'khor chen po'i nang nas gsal// gal te dkyil 'khor bzhengs pa nas// kong zor thod pas mda' zor dang// nag pa bya'i kong zor bya// las kyi
126a3 rim pa thams cad kun// zor bsgrub bzhin du shes par bya// las kyi stong gsum thams cad la// de yis de la shes par bya// nag po 'char ka gshegs pa'i tshe// g.yas nas po brgya chas la brdeg/ g.yon la
126a4 mo brgya chas la brdeg/sna la rol mo sna tshogs bya// gang ltar dmigs pa'i phyogs su bskyal// rnal 'byor dbang phyug dgos pa 'grub// srid pa b+h+yo bzlog chen po dbab pa'i le'u ste drug pa'o//// de nas
126a5 yang dag bshad bya ba// pho yi dpung chen gzhom pa'i phyir// dkar po'i lto yi sbyor ba ni// skye bo lus kyi lto ba'i nang// rde'u dkar po nyi shu gcig/ dkar po'i skad ngan 'don pa'i khrag/ stag pa'i khram byang bcu
126a6 gsum la// b+h+yo bdun bzhi bcu tham pa dang// drug pa'i bar du bzhi pa bcu// gong gi grod pa'i nang du gzhug/ lha chen tsakra legs bris la// de la gong ma'i nang du gzhug/ kham pa'i 'o 'de dkar po
126b1 yis// rgyab tu grod pa bskur bar bya// kong zor dkar pos mtha' ma bskor// maN+Dal gtsang ma'i steng du gzhag/ mchod sbyin gong du song ba yis// sbyor ba zab mo rab rdzogs nas// kar ma dbyug pa'i dus
126b2 dag tu// gang la 'dod pa'i phyogs su bskyal// lam du byur can khyer bar byed// srid pa pho yi byol bzlog byed par 'gyur// dmar 'byam chen po'i las byed na// g.yang gzhi dmar po bting ba la// phyogs
126b3 bcu dag gi sa mtshon gyis// las kyi srin mo 'jigs par bri// snying dang glo ba mkhal ma dang// mcher ba bachin par bcas pa lnga// zor kong lnga yi bar dag tu// so sor bcug la so sor gzhag/ mig dang rna
126b4 ba sna dang lce// lte ba lnga yang gong bzhin gzhag/ de yi bar bar thams cad du// sha'am khrag thigs kun tu dgram// de yi mtha' ma thams cad du// mi mi nag mo ral ba can// g.yas su byol sngags thod pas
126b5 bskor// sna ru gsur gyi dud pa dang// mi rkang gling bu rgyun du bud// sha khrag dmar la longs spyod cing// cho ga shes pas byol bzlog bya// de rdzogs drang srong khrid la bskyal// lam du gang phrad khyur mid
126b6 byed// klu yi dmigs pa byung ba la// kham pa'i 'o sde sbrul mgo can// snying kar klu yi byang bu gzhug/ dar sna rtsi sman nor bu rnams// ga'ur bcug la sba bar bya// ljang khu dar gyi dkri bar 'os// mdun du klu yi
127a1 gtor ma bya// snod kha phyogs su bstan la gzhag/ tha ma rang gi gzugs kyis bskor// de yi ded dpon 'o de ni// 'char ka nag po 'jigs pa'i gzugs brnyan la// shing ka lha min
127a2 tsakra gzhug/g.yas su zor gyi kong bu bskur// las 'di shes na phyogs su bskyal// mi la gsangs na byol po bzlog/ khra bo kun tu bzlog pa ni// shar du lug dang lho ru phag/ nub tu ra dang byang du bya// so so
127a3 gsus pa'i nang dag tu// dbang bo rnams dang don snying rnams// shA sna khrag sna khre 'ur bcas// sde brgyad lha 'dre'i snying po dang// 'bru bzhi so sor gzhag par bya// 'thun ba'i rdzas kyis so sor mchod// de nas
127a4 byo song 'o ma dag/drag po zor gyis 'phral la bcug/ mdun du su phrad phung bar 'gyur// drag po'i phung gzhug bsdu ba ni// gru gsum bzhi sbrel 'brub khung du// dbus su rabs chad pho mo'i thod pa
127a5 dgod// zur gyi ra khung gsum po la// 'dod chags bya yi mgo bo dang// gti mug phag gi mgo bo dang// zhe sdang sbrul gyi mgo de la// gzhal yas khang du byol sngags dang// nyungs kar nyungs nag ske tsher
127a6 bcas// kha yi nang du sbyor bas gzhug/ tshon skud kyis ni bsdam par bya// tha ma thams cad zor gyis bskor// 'bru sna pho mo rnams kyi gzugs// so so'i ming rus snying kar gzhug/ dbus kyi gzhal yas khang du
127b1 gzhug/mtshan ma can gyis dkri bar bya// de nas gshin rje'i ting 'dzin gyis// dgug gzhug sbyor pa la sogs bya// zor sgrub chen po'i sbyor ba bya// las sbyor rdzogs nas phyogs su bskyal// thod chen gzugs
127b2 brnyan byol song zas// thod pa gsum po so sor mnan// gsus pa'i sbyor ba phyogs su gtang// 'byung po dkrod cing dbyug thogs na// gang bsam 'di la the tshom med// dkar nag dmar 'byam lto chos
127b3 'dis// bsrung na sos la bsos na sos// bzlog na bzlog la mnan na non// gsad na sod par the tshom med// don 'bring tsam la byar mi rung// gsang ba'i gsang chen nyid du bya// gsang chen lto'i sbyor ba'i
127b4 le'u ste bdun pa'o//// de nas yang dag bshad bya ba// byol zor bsad pa'i dkyil 'khor ni// drag po ai dbyibs 'thur du rko// rtsa ba med pa'i thod par gzhug/ phyi ma srid pa'i grong khyer
127b5 dgod// nang du rak+ta'i dba' rlong gzhug/ bsad pa'i tsakra bcug pa ste// tsit+te nag po zur gsum bca'// bar du srid pa'i ga'u gzhug/ dur khrod skud pas ro lang bya// dang po gdong zor nag po dgod// kong
127b6 zor khrag gi ri mo can// khram zor dmar po sor bzhi la// ltas ngan mda' yi zor gyis bskor// dpal chen g.yang gzhi steng nas dgab// skam thun gsher thun brgyab cing bsad// sha khrag gdamar gyi
128a1 longs spyod bya// gdung pa'i glu blangs ra dung 'bud// byol sngags bzhi bcu tham pa la// a mu kam sha truM mA ra ya phaT/ dgu pa gsod par byed pa'i mchog/ drag po mda' zam rgyun mi
128a2 gcad// drag sngags las sbyor shes tshad kun// 'di yi dus su sprugs la bya// las them zer gyi kha lo bsgyur// lto rtse na'i grong du bskyal// yang na dur khrod gnas su mnan// gang la byas pa gdon mi za/ dgra
128a3 bo zor gyis bsad pa ste/gnyan no// le'u brgyad pa'o//// de nas yang dag bshad bya ba// sngags mkhan chas dang ldan pa des// gnas su maN+Dal legs par bya// ras dkar steng du gang bsrung
128a4 gzhag/thar mar mtshon cha gtor mas bskor// chos spyod mchod bzhin klog 'don ci nus bya// des kyang grol bar ma gyur na// khrag gi kong bus mtha' bskor te// byol sngags bsrung ba'i sham bu
128a5 can// nyungs mos de la brab 'gyur na// gang brtsams 'di la the tshom med// nad pa gso ba bsri'i gso// se ba'i phur pa bcu byas la// dar nag sgye 'u re re gdags// sgye'ur sngags phur nyungs 'bru blug/ pha
128a6 ma'i mal la bskor te gzugs// kong zor rgyan can rnams kyis bskor// zhag lnga them nas bskor zhing 'phang// de nas mdze 'phro gcod pa ni// pad ma'i dkyil 'khor tha ma la// shar du chu sna'i gtor ma
128b1 dang// kong zor dkar po yal te gzhag/ lho ru dri sna'i gtor ma dang// kong zor ser po spel bar bya// nub tu dmar gyi gtor ma dang// kong zor dmar bo spel la gzhag/ byang du sman gyi gtor ma
128b2 dang// zor kong nag po re re spel// tha ma tshon skud sna lngas bskor// nam mkha'i mthongs dang mnyam par bskang// sngags dang ting 'dzin sbyor ldan pas// las kyi sbyor ba re re la// gtor mas bskor zhing
128b3 phyogs su 'phang// kong zor bskor byas khang steng bskyal// de la the tshom mi bya'o// ser ba bsrung ba'i las byed na// thal chen nyungs kar bsres pa la// nag po 'char ka'i ting 'dzin gyis// drag po'i rtsa sngags
128b4 bzhi bcu la// mtha' rten sbyor ba shes pa yis// mtha' la gtor na ser ba thub// de nas rims nad bsrung 'dod na// tshon skud sna lnga'i thi gu la// pho brgya mo brgya dam chen gsum// so so'i sngags ldan phur bu
128b5 gdags// 'go ba'i nad rnams thub par 'gyur// byol song dud 'gro'i bu dang ni// ye shes lnga ldan tshon skud sdeg/ mdud pa'i nang du sngags nyungs sba// phur bu'i dbar la la byol sngags bri// byin gyis
128b6 brlabs la so sor gdags// rta phyugs de yis thub par 'gyur// drag po'i phur ka zlog pa ni// yangani ting 'dzin ldan pa yin// yar ngo mar ngo'i tshes grangs la// sha khrag dmar gyi gtor ma gtang// phyogs
129a1 su kha bltas sngags kyis bzlog/kong zor 'phral du bcas la brdeg/ de yis bzlog par the tshom med// pha tshan byol po byung ba na// kong zor byas la phyogs su bsgrigs// kong zor 'og tu byol
129a2 po gzhug/sngags kyi sbyor ba shes pa yis// b+h+yo zor re re phyogs su 'phang// de yis byol po nyam mi nga// dus kyis 'chi ba byung ba na// dmar gtor bcu gsum bar bar du// kong zor bcu gsum spel la
129a3 bsgrig/sngags mkhan bsrung bzlog cho ga bya// drag sngags mkhas pas sham bu gdags// de ltar sbyor ba 'khor re la// gtor ma re re bskor zhing gtang// kong zor re re bskor zhing gtang// las kyi rnam
129a4 smin bzlog 'gyur na// 'phral gyi skyen la smos ci dgos rmi lam bdud kyis bslus pa la// ting 'dzin sbyor ba ldan pa yis// byol sngags shal bur bsdebs shing shes// nyal ba sngas kyi bsgyur bzlog bya// de
129a5 nas rmi lam btab 'gyur na// da lta nyid du ngo mtshar skye// de la te tshoms mi bya'o// srin po gdong zor nag po'i rgyud las/ las sna tshogs bstan pa'i le'u ste dgu pa'o//// de nas dpa' bo chen po
129a6 la// 'dus pa'i 'khor rnams rjes su yi rang ste/ mchod ba khyad par can phul bas/ rab tu dgyes shing/ kye ho badzra d+ha thim/ zhes bya ba'i gsung phyung ste/ thams cad mnyam pa'i ngang la gzhag go/ srin po gdong
129b1 zor nag po'i rgyud las/rjes su yi rang ba'i le'u ste bcu pa'o////


CLOSE WINDOW