115b2 /// rgya gar skad du/ ya ma ra dza la ta ya kA ya na ma ma tan tra/ bod skad du/ gshin rje zlog byed 'char ka nag
115b3 po rtsa ba'i rgyud ces bya ba/bcom ldan 'das 'jam dpal nag po la phyag 'tshal lo// 'di skad bdag gis thos pa'i dus gcig na/ bcom ldan 'das 'jam dpal gshin rje'i gshed/ chos kyi sku las sprul
115b4 ba'i skur sprul nas/ri rab kyi phyogs su dur khrod chen po rab tu 'jigs pa can zhes bya ba'i nang na/ dkyil 'khor sgo bzhi mu khyud dang bcas pa/ gru gsum mthing nag 'bar ba'i gzhal yas khang na/ bskal
115b5 pa'i me ri dmar nag rab tu 'bar ba/tha ma lcags ri nag bos rab tu bskor nas bzhugs so// de'i 'khor ni/ gshin rje chos kyi rgyal po/ dmigs dmar/ ya ba ti dang/ dud kha dang/ dmigs pa dang/
115b6 tel pa dang/ ral ba tshar rgud dang/ phya sangs la sogs pa mtshon thogs pa'i lha mang po dang/ gzhan yang yab rje nag po dang/ nag po skrag med la sogs pa khram thogs pa'i bdud mang po dang/
116a1 yam shud dmar po dang/ tshangs pa dung gi thor tshugs can la/ sogs pa gri thogs pa'i gying mang po dang/ nam gru ma dang sha za la sogs pa khrag thogs pa'i ma mo dpag tu med pa dang/ lce skrag
116a2 ma'i kun dug ma la sogs pa'i bal mo mang po dang/zla ba dang mig dmar la sogs pa'i shod d+he thogs pa'i gza' mang po dang/ nad kyi rkyal pa dang mtshon cha thogs pa'i shan pa dpag tu med pas bskor nas
116a3 bzhugs so// gzhan yang dur khrod chen po 'jigs pa can de na/ phyogs skyong ba dang/ zhing skyong ba dang/ klu dang/ mkha' 'gro ma dang/ lhan cig skyes ma'i 'dre mang po dang/ spyang ki dang/ lce spyang dang/ kyi li
116a4 lu dang/dom dang/ dred dang/ stag dang/ gzig dang/ gung la sogs pa mang po dang/ skyung ka dang/ 'ug pa sa la bub cing 'gyel/ myos par 'gyur ro// de nas bdud kyi rgyal po bzhis/ bcom ldan 'das la
116a5 'di skad ces gsol to// nyon cig bcom ldan bdud las rgyal// sku mdog mthing na ga 'jigs pa'o// bdag 'dra sems can nyam thag rnams// thugs rje'i dbang gis skyabs su gsol// ces gsol ba
116a6 dang/der bdud bzhi po rang gi sde dang bcas pa btul lo// de nas bcom ldan 'das shAkya thub pas/ bsam tan bde ba de nyid du sangs rgyas so// de nas gshin rje 'char ka nag po 'di pha dang ma ni gang/
116b1 mdzad pa'i las skal ni gang la bskos/ zhes gsol pa dang/ chos kyi rgyal po nyon cig/ lha dbang phyug chen po zhes bya ba/ 'dod pa'i khams na dbang che ba de dang/ ma ni klu mo gnyis kyi bu/ 'char ka nag po
116b2 zhes bya ba yin te/de yang ji ltar yin zhe na/ dang po lha dang bdud gnyis 'thabs pa'i dus su/ bdud gzhan thams cad thul yang// bdud ma traM ru tra ma thul lo// der lha rnams gros byas nas/ 'dod pa'i
116b3 khams 'di nas dbang che ba'i dbang phyug chen po la/khyod las dbang che ba med pas/ lha rnams kyi dpon yin pa las/ bdud ma traM ru Ta ma thul bas/ ji ltar bya byas bas/ der dbang phyug chen po zhe sdang skyes
116b4 nas/mchod pa byas nas gsol ba btab bas/ ngas klu mo dang sbyor ba byas pas/ bdud ma traM ru dra'i gshed po dang/ snyen po byed pa'i bu cung gcig dgos byas pas/ 'khrig pa byas nas/ bu lcags kyi grod pa
116b5 gcig byung ngo// dbang phyug chen pos 'khrid nas/ gshin rje la bstan pas/ de la dug gi be con rdo rje cig brgyab pas/ mi nag po 'jug ma sbrul du 'dug pa/ phyag g.yas na khram shing thogs pa/ g.yon na
116b6 zhags pa nag po thogs pa de lta bu gcig byung ngo// thams cad skrag par gyur to// de nas smras pa/ lha dang bdud gnyis 'thabs pa las/ bdud ma TaM ru dra mthul bas/ de thul cig byas nas/
117a1 bdud ma traM ru dra btul lo// de nas skye ba rnam bzhi'i sems can ye zos pas/ skrag cing dngangs te/ 'gro ba thams cad phung bar byas so// der 'jam dpal bdag gis da ni 'di drags te
117a2 'dug go byas pas/sku gsung thugs dang ldan pa'i mchod rten gyis mnan na sa gzhag pas/ kho shin tu nyam thag cing ma longs par gyur to// de nas thal mo sbyar te gsol ba/ bcom ldan 'jam dpal nag po
117a3 khyod// sems can kun gyi mgon lags na// bdag ni dbang phyug chen po'i bu// ma gzir ma mnan 'di nas thon// bka' stsal dam las bdag mi 'da'// zhes gsol ba dang/ 'jam dpal nag pos bka'
117a4 stsal pa// dbang phyug chen po'i bu khyod// dang po bdud 'dul ba'i phyir na sprul// bar du ma traM ru dra btul// tha ma sems can thams cad zos// de bas mchod rten gsum gyis mnan// bka' stsal dam las mi
117a5 'da' na// sangs rgyas bstan pa gnyan po srungs// ban d+he dam tshig can kun gyi bsrung bzlog gyis// dam nyams rnams kyi sha khrag zos// ces bka' stsal la nas/ bdud rtsi lce la gzhag ste/ 'char ka nag
117a6 por mtshan btags so// 'char ka nag pos gsol ba/ dang po bdag ni lha yin pa'i phyir/ bdud kyang btul/ bdag gi gzugs na mi yi gzugs// des ni mi yi bsrung bzlog byed// bdag gi rkang pa mjug
117b1 ma sbrul// klu yi gnod pa tams cad sel// sems can kun gyi stong grogs byed// dam nyams kun gyi srog gcod byas// bcom ldan khyod kyis bka' stsal pa// zhes gsag ba'i dam bcas pas// mdzad pa'i
117b2 las skal du yang/bsrung bzlog bsad mnan la bka' mnos so// gshin rjai 'char ka nag po rtsa ba'i rgyud las/ gleng gzhi'i le'u ste dang po'o//// de nas gshin rje chos kyi rgyal pos gsol pa// kye
117b3 bcom ldan 'das/drag po 'dul ba'i tshe/ gshin rje 'char ka nag po 'di// dang po bsrung na ji ltar bsrung// bar du bzlog na ji ltar bzlog/ tha mar bsad na ji ltar bsad// ces gsol pa dang/ 'jam
117b4 dpal nag pos bka' stsal pa/dang po bsrung ba'i 'khor lo ngas bshad kyis/ legs par nyon la yid la zung// yid la 'thad pa'i gnas nyid du// maN+Dal dpe chu bzhin du bri// tshogs bsags bya// de nas
117b5 sa bzang po la las kyi gshin rje gzugs khru gang pa gcig byas la/mchod rten gsum dang ldan par byas la gzhag/ me tog la sogs pas mchod/ 'brung ba'i 'khor lo byas la/ ming rus bri/ tha mar sngags
117b6 bri/rab gnas bya phyir kham phor gtsang mar bcug la gzhag/ skud pa dkar po'i gzungs thag gdags/ gsol gdab sngags bzlas// de nas la cha'i rgyas gdab la/ bsrung skud gdags/ yang na par bur
118a1 bcug la gzhag/sri'u gso na/ gtor ma bcu gsum gyi mtha' ma bskor la/ stan dkar po'i steng du gzhag ste/ kong bus par ba ta'i khu bas gnas dang mal la gtong/ kong bus bskor/ sngags la
118a2 rak+Sha gdags/don la gsol ba gdab bo// ser ba bsrung na/ thod pa'i nang du thal chen blug la/ sngags nyi khri snga stong bzlas/ bzlos dus su rang gi yi dam lha'i zhibs la gdags/ kong bu ltar gzungs
118a3 mtho brtsig/nad pa bsrung na/ kong bu dang gtor ma byas la bskor/ nad pa'i gzugs byas la ming rus brlan/ de gtor mar bcug la gtang/ rims nad bsrung na/ skud pa rnams bu mo gtsang mas bkal la/
118a4 sngags nyi khri stong bzlas shing/ thod par dum bu bcug la mchod pa dbul/ thams cad kong bus bskor ro// chang bsrung na/ gu gul dang/ nya'i mkhris pa/ shu thag gsum ra rog pa'i rwar blug la/ sngags stong
118a5 rtsa brgyad bzlas la/chang por gzhug/ grong khyer bsrung na mtho dang kong bus bskor/ thams cad la bsrung skud dang 'khor lo gdags gtor ma gtang la 'phrin las bcol/ 'char ka nag po rtsa ba'i rgyud las/
118a6 bsrung ba'i le'u ste gnyis pa'o//// bzlog pa byed na/ maN+Dal dang cho ga gong ltar bya/ bzlog pa'i gtor ma gtang/ 'khor lo bca'/ las sbyor byed pa'i sngos kha bstan/ pha tshan byol kha bzlog na/ zor dang
118b1 gtor ma phyogs su 'phangs la gtang/sngags la b+h+yo dang bzlog pa gdags/ seng ldeng gi phur bu gdags/ mdze 'phro gcod na/ stan po dmar po la gzhag/ gtor ma dang gong bu bskor la gtang/ zhag mang du
118b2 bya/bsrung skud sna lnga gdags/ shwa bud bzlog na/ thod pa la 'khol lo bri/ dug dang nyungs kar gyis thun bya/ dong brus la chu mi 'chor bar bcug la/ steng du mchod rten brtsigs/ rten 'brel bum par
118b3 gzhug/rmi lam bzlog na sngags bzlas/ sngas bzlog la nyal/ rmi lam du ci byung ba bris te/ bal nag po'i nang du gtums la/ gtor mar stsal la 'phang/ rtswa ku sha bcu la bsngags la sngas su gzhug/ kong
118b4 bus bskor/smyo 'bog bsrung na/ dmar gtor rtse gsum pa byas la/ nad pa'i skra dang sen mo gzhug/ sme khrag dang snying sna stsal/ kong bus bskor/ mtshon skud kyis bcings la/ thum po byas la 'phang/ yang na
118b5 ma 'og tu mnan no// gshin rje 'char ka nag po rtsa ba'i rgyud las/ bzlog pa'i le'u ste gsum pa'o//// bsad pa'i las byed na/ thod pa bkra mi shis pa'i nang du/ gru gsum bsnol mar bri/ dbus su dgra
118b6 gzugs gzhug/snying kar sha ri b+h+yo bri/ mdoms su rtsi yi snying bri dgra'i shun dang/ kham pa ling ka byas la/ ming rus snying kar gzhug/ tha ma gru gsum la b+h+yo lnga'i sngags dgod/ cig la ma tri nas
119a1 sha lo chod dgod/cig la dmu lo chod man chad ming rus dang spel la bri/ sngags rnams g.yon bskor/ thod pa sle nag steng du gu gul gyis bdug/ lha srin sde brgyad la gtor ma bzhin/ mA ma ra
119a2 ya btags te/lcags phye rdo phyes thun bya/ gzugs gtums la/ zla ba gzas zin pa'i nub mo/ lha srin sde brgyad la dbul/ khyad par du shan pa bzhi la las bcol lo// tha mar thal ba rlung la phyar/ gshin rje
119a3 'char ka nag po rtsa ba'i rgyud las/bsad pa'i le'u ste bzhi pa'o//// gshin rje chos kyi rgyal pos gsol pa/ kye bcom ldan 'das/ shan pa'i bzhi zhes ji lta bu/ zhes gsol pa dang/ bka' stsal pa/
119a4 dbang phyug chen po'i 'khor ni/ shan pa bzhi yin te/ ban d+he/ blon po gnyis/ zhang blon/ mon pa gnyis te bzhi'o// de bzhi zor dang sbyar na/ lha tshangs zla ba gcig na gdon mi za'o// gsol ba// de nas sngags
119a5 dang zor rnams bshad du gsol// ces bka' stsal pas/ dang po bon po'i rwa zor bshad par bya ste/ maN+Dal gru gsum nag po'i steng du/ g.yag ru khug pa 'am/ g.yag rog po'i rwa nang du ling ka bcug ste/
119a6 g.yul sprad pa'i sa rdo dkar po la khrag gis byugs pa dang/ mi phung shul gyi rdo nag po la dug chu byugs la thun bya// mA ra ya btags la las la sbyar te/ nam phyed na 'phang ngo// bon po'i rwa zor gyi le'u ste lnga
119b1 pa'o//// de nas ban d+he'i thod zor bya ba ni/ rabs chad dam/ rnel mo 'am/ 'dze po 'am/ yang na rwa brgyad bar du ling ka bcug la/ nyungs kar nyungs nag/ khrag dang/ dug thams cad la bsnyen pa bskyal
119b2 la/thun du bsgrubs te/ zor du 'phang ngo// ban d+he'i thod zor gyi le'u ste drug pa'o//// de nas mon pa'i dug zor la/ dug dang khrag gis sprus pa'i kong bu bdun byas te/ nang du/ dud pa dang/ sgog pa dang/
119b3 tshwa dang/ sbangs ma dang/ de rnams blug la/ bsnyen pa zhag bdun byas te/ dgra phyogs su 'phang ngo// dug zor gyi le'u ste bdun pa'o//// de nas zhang blon gyi mda' zor ni/ snyug ma tshigs gsum pa la
119b4 ltas ngan gsum gyi sgro bskyon la/skyer ba'i mde'u zur gsum pa la mA ra ya b+h+yo bris la/ dug dang khrag gis ngar blud de/ gong bu gcig tu btsugs la/ thun rdzas thams cad la bzlas te/ lteng gi bur gar
119b5 bcug/kha bal gyis gcad de/ 'od ma 'am/ mchog chen nam/ rtsib ma la zhing rgyus kyis btags nas/ 'phangs na thams cad 'phung bar byed do// 'char ka nag po rtsa ba'i rgyud las/ zor gyi le'u ste brgyad
119b6 pa'o//// yang gsol ba/ kye bcom ldan 'das/ thams cad sngags las byung ba na// rtsa ba'i snying po bstan du gsol// zhes pa dang/ bka' stsal pa ni/ sngags ma them na las mi 'grub ste/
120a1 gshin rje 'char ka nag po rtsa ba'i sngags 'dis thams cad sgrub par byed pa yin no// sha ri b+h+yo/ ma ri b+h+yo/ khrag mA mA b+h+yo/ rtsir sny-ing b+h+yo/ snying b+h+yo/ ma ti thod khrag dza/ khrag ti snying la yA/ ranari tri
120a2 chod/dmu lo chod/ sha lo chod/ sha la kying kying b+h+yo b+h+yo/ sa ma yA/ a ti kra ma ni/ sba ra na rbad rbad/ sngags btu ba gces pa'o// oM a kro te ka b+ha ri shag phye/ dum pa ta li/ tsa tra ha han/ ha na phaT/ gdug cing
120a3 zlog byed ngan sngags te/mtha' med ces pa'o// sha ri b+h+yo sha truM mA ra ya rbad rbad/ ma ri b+h+yo/ sha truM mA ra ya rbad/ krag ma ya b+h+yo/ sha truM ma ra yA rbad/ rtsir ri snying b+h+yo/ sha truM ma ra ya rbad/ snying b+h+yo sha truM ma ra yA rbad/
120a4 ma tri thod khrag dza/ sha truM ma ra ya rbad/ khrag ti snying la ya/ sha trumu ra ya rbad/ ranari tri chod sha truM ma ra yA rbad/ dbu lo chod sha truM ma ra yA rbad/ sha lo chod sha truM ma ra ya rbad/ sha la kying kying b+h+yo b+h+yo/ sha tru mA ra ya
120a5 rbad/sa ma ya a ti kra ma ni/ spa ra na nA sha truM ma ma ra ya rbad/ zlog na b+h+yo dang bzlog gdags/ srung na rak+Sha gdags/ gsod na mA ra ya gdags so/ sngags kyi le'u ste dgu pa'o//// yang gsol ba/ bcom
120a6 ldan 'das/bsrung dang/ bsad dang/ bzlog pa'i las rnams kong bus byed pas na/ kong bu'i rgyu dang kong bu'i rdzas// kong bu'i don rnams bshad du gsol// ces gsol pa dang/ bka' stsal pa/ las la kong bus bsgyur ro//
120b1 kong bu'i rgyu ni/ g.yul sprad pa'i sa dang/ mi phung shul gyi sa dang/ re hrul gyi sa dang/ dur khrod kyi sa dang/ rdzas ni/ gshin rje'i gnyen po nyungs kar dang/ bdud kyi gnyen po brag nag
120b2 gi tshe/rgyal po'i gnyen por spos/ ma bdud kyi gnyen por mong dang/ gnod sbyin gyi gnyen por dud dang/ klu'i gnyen por sha khrag dang/ the brang gi gnyen por spang ma dang/ mkha' 'gro ma'i gnyen por mar me
120b3 dang/gza'i gnyen por me tog dang/ sa bdag gi gnyen por lha bshos dang/ gri bo'i gnyen por phabs tshig dang/ 'gong po'i dug dang/ btsan gyi rta tshil dang/ dmu'i gnyen por rabs chad dud pa/ thams
120b4 cad kyi gnyen por sha khrag bsag go/kong bu'i don ni/ bdud ma traM btul bas/ gshin rje 'char ka nag po'i rdzas 'di dag/ gnyen por bsags te 'phangs pa las/ ma dra ru tra 'khor dang bcas te brlag
120b5 par bsam mo// kong bu 'phen pa'i dus su/ rang ber nag po dang/ thod nag po dang/ g.yang gzhi gyon la/ gdong pa khrag gis byugs la/ 'char ka nag por bsams la/ gri bo'i log mnon nam/ btsan dang
120b6 mi'am/g.yul du bsad pa'i sra 'am/ sum sgril byas la 'ur rdo byas te/ zhing chen gyi mthil bcug la/ 'jag btags te/ nam phyed dang nyi ma phyed na 'phang ngo// zor gyi le'u ste bcu pa'o//// yang gsol
121a1 pa/kye bcom ldan 'das/ lnga brgya dus kyi tha ma la/ sdig can phur ka zlog byed pa'i// ban d+he dam nyams bsgral ba'i thabs// legs bar bdag la bshad du gsol// ces gsol pa/ bka'
121a2 stsal pa/lnga brgya dus kyi tha ma la// sdig can dam nyams phur bzlog mkhan// gshin rje 'char ka nag po'i thugs kyi/ 'khor lo bcas 'gyur na// sdig can myur du rang gshed 'khor// de bas khyed kyis legs
121a3 par nyon la yid la zung/ban d+he dang 'gras na/ stegs bu gru bzhi nag po'i steng du/ gnas bdun gyi sa la/ gshin rje 'char ka nag po'i gzugs byas la/ g.yas su khram/ g.yon du zhags pa bskur la/ rang
121a4 ting nge 'dzin dang ldan pas/sha khrag gi gtor mas bskong zhing/ zhag nyi shu rtsa gcig bsnyen pa bskyal lo// de yang rang ma 'bags par kho'i dri ma la ling ka bya/ de nas gro ga la yang bris la/ snying kar nr-i bri/
121a5 dpung pa g.yas pa ma rus bris la snying kar gzhug/ de'i tshe zhags pas bcings la/ rdo rje mnan cing brdeg go/ tha de tshe khong gi phyogs su/ las kyi gshin rje'i 'og tu bcug la mnan no// thugs kyi 'khor
121a6 lo'i le'u ste bcu gcig pa'o//// yang gsol pa/ bcom ldan 'das/ char ka nag po dang/ las kyi gshin rje bzhi'i sku mdog dang phyag mtshan legs par bshad du gsol/ ces pas/ bka' stsal pa/ kye
121b1 gshin rje 'char ka nag po 'di mdog gnag la 'tsher ba char sprin nag por 'ong/mdog las mi 'da' mtshan du btags pa 'char ka nag po zhes bya/ dbu la dar nag gi tod bcings pa/ sku gsung thugs dang
121b2 ldan pa'i rtags su/mchod rten gsum dang ldan pa/ dar nag gi ber gyon pa/ lus la sbrul 'jug rab tu 'khyil ba/ spyan me stag gi phung po 'dra ba/ mche ba gtsigs shing kha 'dangs ba/ shin tu khro zhing rngam par
121b3 bsgom mo// shan pa ban d+he nag po ni/ mdog smug nag 'phros pa/ dar nag gi cod pan can/ phyag g.yas na rdo rje/ g.yon na dar nag can/ nad kyi rkyal pa dang/ mtshon gyi gru gu can no// bon po nag po ni/
121b4 dmar nag lcags kyi sbar shad can no// zhang blon mthing ka/ ral gri can no// mon pa ljang nag/ gri gug dang sbrul zhags can no// gzhan yang de'i 'khor na bdud dang/ gshin rje dang/ ma mo bal mos bskor
121b5 ba'o// gshin rje 'char ka nag po rtsa ba'i rgyud las/ lha bsgom pa'i le'u ste bcu gnyis pa'o//// yang bka' stsal pa/ gshin rje 'char ka nag po bsad pa'i man ngag/ bdud kyi rwa zor nag po dang sbyar te
121b6 gsod na/ngas bshad do legs par nyon cig/ gang zhig mthu bo che dang 'gras na/ til mar gyis ling ga byugs la/ g.yag rur bcug la/ thun byas te/ tshe dang/ nyungs kar dang/ rak+ta dang/
122a1 snying sna tsho bsres la/ nam phar phyed tshul phyed na/ yugs sa mos gtor na rab/ med na rang nyid bdud chas su zhugs la gtor/ zor yo dril ba'i sngags la/ oM ha de mo ha hri da ya pra ha ra na/ hU~M
122a2 phaT/b+h+yo b+h+yo b+h+yo/ sa ma ya a ti kra ma bzlog bzlog/ a la la pra ma he/ b+h+yo b+h+yo b+h+yoHzhes bzlas te gtor ro// pha mtshan gyi zor la bzlog na/ khrag dang nyungs kar gyis bya'o// bdud kyi rwa zor gyi le'u ste bcu
122a3 gsum pa'o//// rdzogs so////


CLOSE WINDOW