103a3 /// rgya gar skad du/ ka pA la ka la paM mahA b+ha ra tan tra nA ma/ bod skad du/ thod pa brtag pa 'jigs byed chen po'i rgyud ces bya ba/ dpal 'jigs byed chen po la
103a4 phyag 'tshal lo// 'di skad bdag gis thos pa'i dus gcig na/ dpal chen po dur khrod chen po na rol rtsed mdzad cing/ ma mo rnams dang thabs cig tu bzhugs so// de'i tshe dkar mo mig gcig ma dang/ nag
103a5 mo mche ba gtsigs ma dang/dmar mo dbang sgyur ma dang/ ser mo las mkhan ma ste/ thugs kyi dges sde ma bzhis/ dpal chen po bde ba chen pos mnyes par byas te/ 'di skad ces gsol to// 'jigs byed
103a6 chen po he tu ka/bde gshegs dung chen bam chen la// ji ltar brtags te spyad par gyi// gtso bos bdag la bshad du gsol// 'jigs byed chen pos bka' stsal pa// nyon cig lha mo bzhin bzangs ma// dung
103b1 chen mtshan ldan yod pa'i rtags// ka sa pa la sol pra/ kha ha b+ha b+ha ku shi mun tra// zhes pa mtshan lnga 'tshogs par yod pa'o// ka sa pa la zhes bya ba// skra nag 'tsher zhing 'jam pa'o// so la bra zhes bya ba
103b2 ni// smin nag mtshams dkyus ring la 'brel// kha ha b+ha zhes bya ba ni// rna ba'i bzhi che 'tshogs ma ring// b+ha ku mig gnyis dkar khrer snang// b+ha hu mkhur tshos rus ba mtho// shi mun tra ni gzugs bongs
103b3 dang// byad dbyibs legs la sha mdog sngo// spyod pa thams cad legs pa'o// yang na thugs rje'i zhing drug ste// sku gsung thugs kyi dam tshig rnams// ma nyams tshul bzhin bsrungs pa yin// de rnams mtshan
103b4 nyid bstan pa ni// mgo skyes khams la li ba dang// mig shel bya ltar ma 'begs dang// rkang dkyil mche ba zur gsum can// lag pa bya ltar 'brel ba dang// ro 'dzin sna rtser bslebs pa dang// dpral
103b5 dbyes gnyer ma dmar po can// 'di rnams bsgral ba'i zhing drug ste// mi yi skye ba blangs pa'o// de yi mtshan ma rab mthong nas// thabs la mkhas pas bsgral byas sam// ma bsgral rnam shes 'dor kyang
103b6 rung// bam chen bkro ba'i thabs la 'bad// lha mos gsol pa/ bam chen mtshan nyid ldan pa de// ji ltar bkro ste spyad par bgyi// dgongs pa gang la dgongs te sbyad// gtso bos bdag la bshad du
104a1 gsol// bcom ldan 'das kyis bka' stsal pa// lha mo bde ba'i 'byung gnas nyon// dgongs pa rnam pa gsum dag ste// phyi ma'i don du dgongs pa dang// shi kha gcad pa'i bkro lugs
104a2 dang// zor kha phur kha bzlog phyir ro// phyi ma'i don du dgongs pa ni// bdud rtsi sman du bkro ba dang// dkyil 'khor rdzas su bkro ba dang// mkha' 'gro ma yi dam rdzas dang// ro bsregs thal bar bkro
104a3 ba'o// bdud rtsi sman du bkro ba ni// nang gi sbas pa bzhi dang ni// phyi yi mngon pa bzhi dag dang// nya bzhi rtsa ba brgyad la sogs// baM po brgyad pa bzhin du bya// bdud rtsi sman du bsgrub par bya'o// dkyil 'khor
104a4 rdzas su bkro ba ni// thod pa tsit+ta snying khrag ni// dpal chen rdzas su dgod pa bya// rus pa bkrag dang drod dang dbugs// pu ka la sogs bzhi yi rdzas// mig dang rna ba sna dang lce// ke ri la sogs bzhi yi
104a5 rdzas// sha dang rus pa khrag dang pags/ khod pa rgyu khrag rgyu tshil dang// glo ba la sogs rnam pa brgyad// sing nga la sogs 'phra men rdzas// yan lag bzhi po sgo ma'i rdzas// zhing gi bla re rgyu zhags skud// rkang gi
104a6 gling bu mchog gi phur// praM tse'i 'phreng ba la sogs pa// dkyil 'khor rdzas su dgod par bya'o// mkha' 'gro ma yi dam rdzas ni// phung po yan lag bcas pa ste// yum chen nyid la bsngo bar bya// 'byung ba chen
104b1 po lnga rnams ni// nam mkha' dbyings dang lnga yi rdzas// rnam shes tshogs brgyad la sogs pa// ye shes rje mo bcu yi rdzas// rtsa rgyus srog rtsa don snod dang// yan lag rnam pa bzhi la sogs// chags byed cha
104b2 snyoms man chad nas/las kyi sring bzhi yan chad rdzas// sgal tshigs nyi shu rtsa brgyad ni// dbang mo nyi shu brgyad kyi rdzas// mgo bo mngon rdzogs yab kyi rdzas// de lta'i dgongs pas bkro bar bya// ro
104b3 bsregs thal bar bkro ba ni// gsang ba nang gi gzung bzhin du// gnas mchog dag dang sbrel byas la// rgyas par bya ste tsha tsha gdab// sku gdung mchod rten la sogs pa// spyi yi gzhung du bsdu bar bya// shi kha
104b4 gcod dam phur kha zlog/rnam pa 'di gnyis bkro lugs ni// bam skongs rgyas par bskang byas la// ma mo'i rdzas bzhin bkro bar bya/ de ltar gang la dgongs par rung// shin tu dben pa'i gnas dag tu// skye
104b5 bo rnams la rab gsang ste// khrus dang gtsang sbra rab bskyed la// gcan gyis zos pa ltar min cing// legs par bshad la so sor dbye// bya dang khyi yis zlas su min// skye bo'i ya khar gtang min cing// rnal
104b6 'byor phal la'ang gsang la spyad// 'jigs byed chen po'i rgyud las/ gson po brtag pa dang bam bkro ba'i le'u ste dang pa'o//// da ni ban d+ha'i mtshan nyid bstan// rigs dang dum bu mdog
105a1 dang// dbyibs dang/ rtsa dang ri mo rus ba rnams// ngan pa zlog pa'i thabs dang ni// bzang po bcang ba'i thabs rnams dang// bcangs pas dngos grub gang 'grub rnams// 'dir ni rgyas par
105a2 rab tu dbye// bde gshegs dngani mi yi rigs// bde gshegs rigs ni rnam pa lnga// de bzhin gshegs rigs zhal bu ni// yid tsam zlum la dum bu gcig/ dung mog lta bur gyur pa la// nang gi ri mo gtsug
105a3 srubs su// ya yo med cing drang bar chud// rtsa dang ri mo gtsug tu 'khyil// rdzas la 'khor lo rtsibs brgyad gsal// yig 'bru braM mam oM du gsal// yang na ha ka rtse gsum gsal// ri mo thams cad 'jam la
105a4 nyung// ngan pa'i mtshan ma gang yang med// kha spub yi phyi dbyibs bltas na// 'tshogs ma shin tu 'bur ba la// b+ha ga'i zur dang 'dra bar gsal// gang nas bltas dang legs pa des// khro bo'i sku yi rigs
105a5 rnams 'grub// lcangs lo can du 'dug 'gyur na// yang dag don ldan dpal ldan lcang lo can// zhes bya chos dbyings ye shes nyid// gzugs phung gti mug rnam sbyong ba// de bzhin gshegs pa'i rigs kyi
105a6 snod// dpal chen yab yum mnga' zhal du// bsgrub pa po yis shes par bya// rdo rje rigs kyi zhal bu ni// cung zad zur gsum dum bu gnyis// mdog ni cung zad dmar la gdang// nang gi ri mo 'jam la
105b1 nyung// gtsug tu rnam 'then 'khyil pa'i rtsa// bu ga zang thal dag tu 'byung// rdzas la rdo rje'i rnam par gsal// yig 'bru 'a dza gsal bar brjod// yang na ba ra dza gsum gsal// ngan par gsal ba gang yang
105b2 med/kha spub phyi yi dbyibs bltas na// ltag pa'i bdud bsgo'i rus pa 'bur// dpral ba'ang 'bur ba lta bur snang// gang nas bltas dang legs pa des// rdo rje'i rigs rnams myur du 'grub// lcang lo can du
105b3 'dug 'gyur na// gnyis med don thob dpal ldan lcang lo can// zhes bya me long ye shes nyid// rnam shes zhe sdang rab sbyong ba// mi bskyod rdo rje'i rigs kyi snod// dkar mo mi gcig mnga' zhal du// bsgrub pa
105b4 po yis shes par bya// rin chen rigs kyi zhal bu ni// yid tsam ljong la dum bu gsum// mdog ni gser ltar snang ba ste// nang gi ri mo mang la 'jam// ljang lo'i ljon shing lta bur snang// 'jam ring ba'i
105b5 dkyil dag na// rdzas la bum pa'am rin chen ltar// yi 'bru ya ni gsal bar yod// yang na kham dang bam tha gsal// ngan pa'i mtshan ma gang yang med/ kha spub phyi nas dbyibs bltas na// 'tshogs ma'i rus
105b6 pa dkyus ring la// ltag mig zlum pa lta bur snang// gang nas bltas dang mdzes pa des// rin chen rigs kyi las rnams 'grub// lcang lo can du 'dug gyur na// 'dod yon sgrub byed dpal ldan lcang lo
106a1 can// zhes bya mnyam nyid ye shes nyid// tshor ba ser sna rnam sbyong ba// rin chen 'byung ldan rigs kyi snod// nag po mche gtsigs mnga' zhal du// sgrub pa po yis shes par bya// pad+ma rigs kyi
106a2 zhal bu ni// yid tsam zla gam dag tu gnas// dum bzhi mdog ni lcog sgong bzhin// nang gi ri mo 'jam la thung// ri mo'i dbyibs na pad+ma'i dbyibs// gzhan pas ri mo nyungs bar snang// rdzas la pad+ma 'dab
106a3 brgyad gsal// yig 'bru a'am hi ru gsal// yang na a ma nga gsum gsal// ngan par gsal ba gang yang med// kha spub phyi nas dbyibs bltas na// rna g.yas yid tsam 'bur ltar snang// gang nas bltas
106a4 dang legs pa des// pad+ma rigs kyi las rnams 'grub// lcang lo can du 'dug gyur na// yid 'gyur sa mkhregs dpal ldan lcang lo can// zhes bya so sor rtogs pa nyid// 'du shes 'dod chags rnam sbyong
106a5 la// 'od dpag med kyi rigs kyi snod// dmar mo dbang sdud mnga' zhal du// rnal 'byor pa yis shes par bya// las kyi rigs kyi zhal bu ni// yid tsam gru bzhir snang ba ste// mdog snum dum bu lnga pa la// ri
106a6 mo thams cad bags kyis nyung// rdzas la rdo rje rgya gram gsal// yig 'bru ha khaM gsal ba yod// yang na ya ga la gsum gsal// ngan par gsal ba gang yang med/ kha spub phyi yi dbyibs bltas na// ltag rus
106b1 'bur po gnyis su snang// gnya' chu rus 'bur gsum gsum yod// gang nas bltas dang legs pa des// las kyi rigs rnams myur du 'grub// lcang lo can du 'dug gyur na// bkra shis snod ldan dpal ldan
106b2 lcang lo can// zhes bya bya grub ye shes nyid// 'du byed phrag dog rnam sbyong ba// don yod grub pa'i rigs kyi snod// ser mo las mkhan mnga' zhal du// bsgrub pa po yis shes par bya// 'jigs byed chen po'i
106b3 rgyud las/ban d+ha rgyal ba lngar rnam par dag pa'i rigs bstan pa'i le'u ste gnyis pa'o//// da ni mi rigs kyi mtshan nyid can du bshad par bya ste// zam ze rgyal rigs rje rigs dang// dmangs
106b4 rigs bud med gdol ba'i rigs// mi rigs drug gi thod pa dang// thod pa dum bu rab dbye bas// de dang de la rigs su gzhag/ mi rigs de dang de dag gis// shes pa'i thod pa mtshan can bcang// bram
106b5 ze la sogs rigs bzhi po// gsan la bzang ba'i ltas tshang na// de yang de yi thod pa bcas// bud med thod pa dam pas spangs// gdol ba'i rigs ni rnam pa bdun// mgo dang glog kha dgra'i rigs// rta dang
106b6 klong dang rabs chad dag/mdze can rnel dri mo rnams ni// bcang bar ngan te mnan sogs bzang// thod pa'i rigs su gzhag pa ni// dum bu gcig pa bram ze'i rigs// bcangs na chos kyi skal
107a1 ldan 'gyur// dad dang snying rje chen po 'byung// snga ma'i tshe la chos mkhas shing// phyi ma la yang chos shes 'gyur// 'dir yang rtog med khu 'phrig chod// dum bu gnyis pa rgyal rigs te// zhal bu de
107a2 nyid bcangs gyur na// snga ma'i tshe la'ang rgyal po byas// phyi ma'ang rgyal rigs dag tu skye// 'dir yang 'khor dang bsod nams ldan// dam pa chos la mnga' bsnyes 'gyur// dum bu gsum pa rje rigs te// de
107a3 nyid 'chang ba'i rnal 'byor de// sngar yang rje'u'i lus blang shing// phyi mar yang ni rje rigs thob// 'dir yang 'phrin las bzhi la mkhas// chos kyi smra ba rab tu shis// dum bu bzhi ba dmangs rigs dang// de
107a4 nyid 'chang ba'i rnal 'byor pa// snga ma'ang dmangs rigs chos kyi snod// phyi ma'ang chos kyi skal dang ldan// 'dir yang 'phrin las ma lus mkhas// dum bu lnga ba rigs ma nges// rigs bzhi gang gis bcangs
107a5 dang shis// 'di dang phyi ma'i do yang 'grub// rgyal ba lnga yi don tshang bas// 'phrin las mtha' dag 'grub par 'gyur// de rnams bsten pa'i dung chen yin// mi rigs gang gis gang bcangs pa// bram ze rigs
107a6 kyi sgrub pa pos// dung gi mdog can snum can dang// thal ba'i mdog can bongs che ba// dbyibs ni pad+ma'i gzugs 'dra la// rtsa'i thig le pad 'das mtshan// srubs ni rdo rje lta bu la// tshangs pa'i bu ga yod
107b1 pa'o// ser skye'i mdog la cung zad zlum// rus mtshan thig le zlum pa la// 'di gsum bcangs na dngos grub 'grub// dang pos dngos grub thams cad 'grub// gnyis pa sgrub pa'i dus su shis// gsum pa
107b2 las sbyor dag la bsngags// rgyal po rigs kyi rnal 'byor pas// dum bu lnga pa kha dog dmar// zlum zhing shin tu snums pa la// phyi 'am nang na pad+ma yod// g.yul las rgyal byed snod yin pas// pha rol dpung
107b3 'joms don du bcang// rje'u rigs kyi rnal 'byor pas// cung zad mdog ser zlum pa la// nang na rdo rje mtshan ma gsal// tshangs pa'i bu ga zang thal can// zlog byed chen po'i snod yin te// byad kha bzlog
107b4 phyir 'di nyid bcang// dmangs rigs kyi ni rnal 'byor pas// mu tig mdog 'dra rab tu mkhregs// ltag gam dpral ba b+ha ga'i zur// sha yi dri ma mnam pa ni// drag po sgrub pa'i snod yin pas// gsad dang
107b5 bskrad pa la sogs pa// shis par 'dod pa 'di nyid bcang// rnal 'byor gang yang rung ba yis// thal ba'i mdog can bongs che ba// thig le dmar po zlum po can// khrag gi dri dag mnam pa ni// las kun
107b6 grub byed snod yin pas// kun gyis gang grub las la bcad// 'jigs byed chen po'i rgyud las/ thod pa mi rigs kyis rab tu dbye ba'i le'u ste gsum pa'o//// da ni dum bu'i grangs
108a1 dang tshad la sogs pa bstan par bya ste/dum bu gcig dang gnyis pa dang// gsum dang bzhi dang lnga pa dang// drug dang bdun dang brgyad pa dang// dgu dang bcu pa dag tu bstan// dum bu gcig
108a2 pa bcangs gyur na// srid pa gsum yang mthong 'gyur zhing// chos rnams kun yang rgyud la 'char// nges par mkhas pa chen por 'gyur// phyi mar dpal chen nyid kyang thob// gnyis pa thabs dang shes rab
108a3 'grub// gsum pas sku dang gsung thugs 'grub// bzhi pas 'phrin las rnam bzhi 'grub// lnga pas ye shes rnam lnga 'grub// ban d+ha dpal dang ldan pa ni// ma chags pad+ma 'gyur ba can// rnam dag chos kyi
108a4 dbyings kyang yin// mkhyen rab ye shes dbyings kyang yin// ban d+ha dum bu gcig pa ni// sku yi rgyan sogs ban d+ha yin// dung chen dum bu gnyis pa ni// tshe yi don gyi ban d+ha yin// dum bu gsum par gyur pa
108a5 ni// mtshan ma rtags kyi ban d+ha yin// dum bu bzhi par bstan pa ni// 'bras bu me tog ban d+ha yin// dum bu lnga pa dang bcas pa// bde gshegs dung chen ban d+ha yin// dum bu lnga pa tshun chad ni/ dngos grub
108a6 ci 'dod 'byin pas na// dang du blangs te bcang bar bya'o// drug pa bdun pa brgyad pa dang// dgu dang bcu yi las rnams ni// dgra bo'i ming byang bris byas la// nyungs kar bsngags te des 'phangs na// dgra
108b1 bo'i zhing la sbas byas na// zhing yang mi skye rdzas kyang 'grib// mtha' ru dbul par 'gyur bas na// dgra la bya bar rab tu bsngags// khang pa'i rtsa bar sbas byas na// phan tshun rtsa ba nges par 'chad// de ltar
108b2 dum ma snod nyid kyang// sdong gcig la sogs mtshan ma ngan// yum dang gnas kyis rab phye ste// yungs kar sngags dang spel tshigs bcas// gang 'dod las la rab sbyar na// nges bar dgra bo phung par
108b3 'gyur// 'jigs byed chen po'i rgyud las/ dum bu'i grangs la bzang ngan gyi mtshan nyid bstan pa'i le'u ste bzhi pa'o//// da ni mdog dang dbyibs bstan par bya ste/ mdog ni dkar ser ba
108b4 dang// dmar la gdang dang gro ba dang// smug dang sna tshogs dag tu bstan// bcang bar bya ba'i mdog lnga ste// dum bu gcig dang gnyis pa dang// gsum pa bzhi pa lnga pa la// rim pa bzhin du sbyar bar bya// de
108b5 la'ang re re la mdog re ste// dum bu lnga la mdog lnga'o// mdog dang sbyar ba'i las rnams 'grub// spang bar bya ba'i kha dog ni// lhag par dkar ba skyon can yin// lhag par ser khog dmar thal dang// khrag
108b6 mdog shin tu gro kham dang// gnag dang ham skya dung mdog dang// sngo khog dang ni ser skya dang// dum bu drug pa man chad du// rim pa bzhin du sbyar bar bya// ser thal rims phung dmar ba dri// khrag mdog blo
109a1 bur gnag nad mang// haM skya bkrin la dung mdog gdon// mi shis du ma'i mdog yin pas// rig pas brtags te spang bar bya// kun la bzang ba'i spyi mdog ni// dngul dkar lugs su blug pa
109a2 bzhin// dkar la 'tsher ba rab tu shis// dbyibs ni kun nas zlum pa dang// cung zad zur gsum lta bu la// rang mtho 'tshogs ma mtho ba dang// zla gam dang ni zur bzhi ste// rgyas par gong bzhin shes par
109a3 bya// spyi dbyibs sgo nga phyed bkas 'dra// rang rang dbyibs dang mi ldan dang// 'di nyid kun la shis pa yin// spang bar bya ba'i dbyibs rnams ni// rang rang dbyibs la brtags byas te// yon por 'dug cing
109a4 zhom pa dang// phyo rol 'bar 'bur mang po dang// nang na thag thug mang po dang// 'khro ba dang 'dra rta mig 'dra// bong mig lta bur rub la sogs// bram ze la sogs rigs btsun yang// bcang bar mi bya spang
109a5 bar bya// de ltar dbyibs dang mdog gnyis kyang// mi yi rigs su sbyar bar bya// 'jigs byed chen po'i rgyud las/ dbyibs dang kha dog bstan pa'i le'u ste lnga pa'o//// de nas spyir khyab pa rtsa'i mtshan nyid
109a6 bstan te/lus de'i rnam par shes pa nyid// mtho ris thob bam ngan song skye// rigs rgyud 'phel lam rabs chad dam// shi kha chod dam mi chod dam// phur kha zlogs sam mi zlogs dang// bus pa 'tsho dang 'chi
109b1 ba dang// mchog dang thun mong dngos grub rnams// 'grub dang mi 'grub la sogs ltas// dbyer med rtsa dang ri mo dag/ rtsag ro dang ni srin rjes so// rtsa ni dpag bsam shing bzhi dang// bya rog rjes dang sdong
109b2 gcig go/ri mo spu 'dras kun tu khyab// dbye na gtsug 'khyil skra shad 'dzings// rdzas dang yig 'bru'i gzugs lta bus// ma 'dres so sor snang ba'o// zhal bu bregs pa'i sna ltag nas// dpag bsam shing
109b3 bzhi yal gar bcas// de la bzang ngan brtag pa ni// yal ga ljon shing lta bur yang// rtsa yi yal ga drang 'gyur zhing// spyi bo'i gtsug tu zangs kyis rtogs// rnam 'then tshangs pa'i bu ga ru// mdan pa gnyis
109b4 kyi rtsa mgo bzhi// ma chags gsal bar chud pa bzang// rdzas dang yig 'bru gsal bar yod// ri mo rtse yang tshangs bu chud// de lta bu yi dung chen ni// de yi gson po 'gab bzang zhing// shi ba de yang bde
109b5 gnas 'gro// 'chang bar byed pa'i sgrub pa yang// 'di dang phyi ma'i don gnyis 'grub// ngan 'gror skye ba'i mtshan ltas ni// dpag bsam shing gi yal ga rnams// rtse mo thur la zug pa dang// ri mo'ang zab la
109b6 'dzings por snang// ri mo gang yang 'phred nyal 'dra// ri mo'i rtse yang thur du phyogs// rdzas dang yig 'bru gsal bar med// rtsag ro srin khung sdong gcig rtsa// bya rog rjes dang rnam pa bzhi// che
110a1 ba sran ma shong ba tsam// chung ba nyungs kar shong ba tsam// khab rtses btsogs 'dra rtol la khad// de lta bu yi ka pA la// shi ba de yang ngan 'gror skye// gson po rnams kyang bkra mi shis// bcangs
110a2 sam 'brel ba'i rnal 'byor pa// lo ga 'dir yang tshe thung zhing// dbul zhing rigs rgyud 'chad par nges// phyi mar 'bras bu mi bzod pa// nyams su myong bar dpa' bos bshad// shi kha chod dang phur kha
110a3 zlogs// 'di yi khyad par mtshan ltas ni// gong du bshad pa'i steng nyid du// dpral ba'i dkyil na ltag khung bar// mo khab tsam gyi rus pa cig/ sbom phra med par byung na bzang// rtsa dang ri mo 'jam la
110a4 gsal// drang la bar ma chad na bzang// 'bad de zlo ba bya mi dgos// dge ba nar mas thub par nges// rna ltag rtsa yi yal ga rnams// grangs ni du byung spun grangs btsi// bzang rtsa 'phan na mi yang
110a5 'phan// bzang rtsa nyung na mi yang nyung// rtsa yi grangs dang mi yi grangs// rtsa yi rked pa yan chad du// yal ga du gyes bu tsha'i grangs// yal ga chad pa ltar byung na// bu tsha skyes dang 'chi bar bshad// yal ga chung
110a6 la ma chad la// drang por zang nge 'dug 'gyur na// bu tsha 'tsho bar nges pa yin// mdan pa g.yas su bu yi rtsa// g.yon pa bu mor shes par bya// dum bu gcig na lnga yi bar// rang rang mdog dang dbyibs ldan
110b1 cing// bzang po'i rtsa dang ri mo tshang// ngan pa'i mtshan ma ming yang med// rdzas dang yig 'bru yul na gnas// tshul bzhin bsten pa'i rnal 'byor pas// 'di ni thun mong dngos grub 'grub// phyi mar mchog gi
110b2 dngos grub thob// bya rog rje shes bya ba na// kha brag gsum du 'dug pa'am// yang na kha brag gnyis su 'dug/ de yang gang byung sa ru ngan// sdong gcig ces pa'i rtsa dag ni// zab la thung la ser kha 'dra// ring
110b3 la sor gnyis thung la phyed// gting ring thag thug can du 'byung// phal cher 'byung ba nyung bar bshad// byung na gang byung sa ru ngan// gtsar yang rtsa ba 'tshad pa'i rtsa// rtsag ro dag gi mtshan nyid ni// 'ji khung lta
110b4 bur gnas pa yin// ti ti bya yi khung bu 'dra// che ba sran ma shong ba tsam// chung ga nyung 'bru shong ba tsam// grangs kyang bdun 'brel tshun chad 'byung// gar byung shin tu ngan par gsungs// srin rjes bya ba'i ri mo
110b5 ni// thung ba nas gang tsam pa nas// ring ba sor gcig sor phyed tsam// gting zab kyag kyog rol ba 'dra// de yang gar byung shin tu ngan// de ltar ngan pa'i mtshan ma bzhin// rig pas dpyad de dor bar
110b6 bya// spyir ni rtsa dang ri mo rnams// spu yis bris 'dra bsam mi khyab// rdzas ni bkra shis brgyad la gzung// yig 'bru dbyangs dang gsal byed la// shes pa gzigs la rab tu spyad// bsam gyis
111a1 mi khyab gzugs su gnas// de dang de la brtag cing spyad// snga ma ci byung don dang ni// phyi ma'i ci byung bzang ngan rnams// rab tu phye la brtag par bya'o// 'jigs byed chen po'i rgyud las/ rtsag
111a2 dang tsag ro la sogs pa'i don bstan pa'i le'u ste drug pa'o//// de nas rus pa'i mtshan nyid bshad// rus pa 'byung ba bzhi las gyur// dpral ba sa rus mdog kham 'thug/ mdan g.yas chu rus sngo
111a3 'jam srab// ltag pa me rus mdog dmar rtsub// mdan g.yon rlung rus gnag la khung// spyi gtsug nam mkha' dkar la gyong// 'tshogs ma'i rus pa 'tshor la 'gred// ltag khung 'bar 'bur mang ba
111a4 yin// so sor mog na ngan par bshad// lha ba pho mo rnam pa gnyis// lha dmig chung ba pho yin bcang// lha dmig che ba mo yin spang// sa dang rlung yang pho yin te// me dang chu gnyis mo yin spang// 'tshogs
111a5 srubs spyi gtsug ltag khung gsum// 'dus pa gsum zhes bya ba dang// spyi stengs mtshams bzhir sdongs bzhi po// bam dmig chen po bzhi dang bcas// spyir na de ltar gnas gyur kyang// dbyibs legs srubs
111a6 dam dum bu nyung// lci ste gser dang 'dra ba dang// mkhregs te lcags dang 'dra ba dang// 'thug ste glang po'i rgyab 'dra dang// 'thug srab med pa'i snyoms pa dang// 'jam la me long ngos 'dra dang// dkyil na
111b1 mtheb rjes 'dra ba yi// gzhong bu snyoms pa bzhi yod de// mdun de 'dra gnyis yod pa// gzhung rus khab tsam ma chad dang// dpal rus rno la zur ba dang// lhag rus snum la 'jam pa dang// srubs dam rdo
111b2 rje'i dbyibs lta bus// tshangs pa'i bu ga zab pa yod// mtshan nyid de 'dra tshang ba'i snod// yid bzhin nor 'dra zhes bya ste// bcang ba'i rdzas sam zhal bu yin// bsam pa thams cad 'grub pa'o// ngan ba'i rus
111b3 pa 'di lta ste// dbyibs kyang ma legs srubs kyang mang// srubs bar sor tsigs 'dra ba dang// srubs lhag dum bu legs pa dang// snying ste sha mog 'dra ba dang// yang ste ku ba 'dra ba dang// srab ste sgong
111b4 skogs lta bu dang// khog po dag tu gyur pa dang// rul ba mtheb mo tsam yod dang// gas dang bug rdol byung ba dang// khyad par du yang mchod yon gnyis// nor gyi sa ru bug rdol byung// phyi na 'bar 'bur mang
111b5 pa dang// nang na thag thug mang ba dang// sob cing bkrag dang bral ba dang// dpral rus u rtsur zhom pa dang// ltag ngos rno zhing 'thug la sogs// rgyal rigs la sogs rigs bzang yang// mtshan ma ngan pa
111b6 spang bar bya'o// 'jigs byed chen po'i rgyud las/ rus pa'i mtshan nyid bzang ngan brtag pa'i le'u ste bdun pa'o/// da ni yul dang sa chod bshad// yul la rnam pa bdun yin te// thig ni rnam pa lnga ru
112a1 gdab// 'jal byed tshad dang thur la'o// rgyas par rab tu dbye ba las// dpral ba g.yas dang g.yon ngos su// yon bdag sa dang yon gnas brtag/ ltag pa g.yas dang g.yon ngos su// dgra
112a2 dang de yi yon gnas brtag/mdan pa g.yas g.yon dur sa ste// dkyil ni nor gyi sa ru brtag/ ltag rus dpung rus dpral zur du// gzhung thig gcig ni gdab par bya'o// mchog srubs sum char thig
112a3 gcig gdab// ltag srubs sum char thig gcig gdab// srubs yod pa la srubs nyid yin// gzhung thig g.yas g.yon tshon de ru// ma nor thig thug rnam gnyis gdab// tshad dang rang gi gdan sa
112a4 ni// dpral dbus g.yas g.yon tshon phyed der// rnal 'byor gtso bo'i gdan sar rtsi// de nas tshon rer gcal ba ni// phu nu ma spun mes spun sogs// g.yas su yon bdag/ yon slob dpon// thur la sran
112a5 ma'i ga'u re// rang rang gdan sa dag nas gcal// rgan po dar yol dar ma dang// ltang shar bus pa chung ba dang// chung ma bu mo mag cha dang// de rnams kun gyi nor sa rnams// rim pa bzhin du brtsi bar
112a6 bya// spyir ni nor sa 'dir ma yin// rus sa la yang de bzhin te// pa tshan spyi ru brtag par bya// pho yi dur sa g.yas su brtag/ bud med g.yon du brtsi bar bya'o// yang na steng dang 'og tu brtsi// rtag par dgra
112b1 sa brtsi ba yang// g.yas su pho dang dang g.yon du mo// yang na la khu kho rang brtsi// gzhal tshad sngar dang 'dra bar bshad// nor sa brtsi ba ga 'u'i tshad// rang rang thad du sngar bzhin brtsi// 'tshogs srabs mchod
112b2 yon 'du sa yin// spyi bor nor rdzas 'du sa yin// ltag khung dgra bgegs 'du sa yin// ltag phyogs bam mig rnam gnyis ni// dgra bgegs gnyis kyi bam mig yin// mdun phyogs bam mig rnam pa
112b3 gnyis// rnal 'byor yon bdag bam mig yin// nang du byung ba'i bam mig bzhi// 'dod 'jo'i ba zhes brjod pa yin// mchod yon sa ru rus mkhar bzang// 'jam zhing snyoms la mkhregs sogs na// bcang
112b4 bar bya ba'i zhal bu yin// sdog gcig rtsa de ban de'i sar// byung na nus pa chung la rtsub// nus pa rang gi gdan sar byung// cis kyang mi zlogs nges par 'chi// yon bdag sa ru byung ba na// de yang rabs chad
112b5 yin na thub// de ma yin na nus pa chung// sngar dang 'dra bar rab tu brtag/ rtsa de sngar gyi sar byung yang// dur sar yang ni de byung na// de la bu yod de la rtsub// bu med pha tshan byin po yi// bus pa ltang shar
112b6 gsum la rtsub// dur sa'i g.yas su rtsa de byung// pha tshan byin gyis rgan rims la// bu tsha yod kyang gcig rabs 'chad// ro de rabs chad yin gyur na// de nyid rang gis thams cad thub// ban
113a1 d+he'i sa dang dur sar yang// yon bdag dag las dpag par bya// brtsug ro srin khung bya rog rjes/ rgan po'i sar byung rgan la ngan// gzhon pa man chad de bzhin sbyar// nor sar de rnams byung ba
113a2 ni// dbus su byung na kun tu ngan// mtha' ma gang la nye ba brtag/ btsag ro srin khung che chung dang// mang dang zhung ba'i bye brag gis// god kha che chung dag tu sbyar// btsag ro dang ni srin khung gnyis// dur sa'i
113a3 g.yas su byung ba na// sngar yang rkyen byung da yang 'byung// g.yon du byung na nges pa med// bya rog rjes ni gar byung yang// 'thab rtsod 'khon dang rkyen rnams 'byung// gang la byung bar sa gcod spyod// dgra sar
113a4 sdong gcig bya rog rjes// rtsag ro srin khung 'dom ba'ang 'byung// dgra de nges bar bdun rgyud 'chad// kun ma 'jom yang kha yar 'byung// 'bad de bsgrubs na dgra bo sgrol// rgan gzhon byis pa bud med
113a5 nor// nye rigs la khung la sogs ba// gang la nye bar byung ba ni// gong gi dpar la shes par bya// de ltar ngan pa'i mtshan ltas rnams// sa chod gang dang gang du byung// srabs dang yul la rgya 'bre byed// gang
113a6 la nye ba de dang sbyar// rtsa dang rus pa mdog dbyibs rnams// bzang snang mang ngam ngan sna mang// mnyam dang gcig yod gcig med rnams// rigs pas kun tu 'khrul la spyad// 'jigs byed chen po'i rgyud
113b1 las/yul dang sa bcad thig gis rnam phye ste/ bzang ngan bstan pa'i le'u ste brgyad pa'o//// da ni ngan pa'i bzlog thabs bshad// rigs ngan thod pa mtshan ma ngan// dum bu mang dang mdog ngan dang// rtsa
113b2 dang rus pa ngan la sogs// ngan pa dag gi mtshan ltas rnams// mchod yon nor sar byung ba yis// thod pa dag dang phrad pa ste// de ni ltas ngan dag dang phrad pa ste// de la bzlog thabs rnam pa gnyis// mkha'
113b3 'gro bskangs la bzlog pa dang// gzugs brnyan thod pas bzlog pa'o// ban d+he'i sa ru mtshan ngan byung// cha med ro langs ngan dang phrad// de yi bzlog thabs 'di lta ste// ye shes lha ni bsgrub la
113b4 'bad// mkha' 'gro srung ma mtho ba nas// sman ma'i mar du yas mar bskang// pho rgyud dregs pa'ang de bzhin bskang// dgos kyis rang la 'go ba nyid// dang la bskangs pa mas bskang yin// phyi bskang rgyal
113b5 ba'i bka' yis bskang// nang bskang bla ma brgyud ba'i lung// gsang bskang bsnyen bsgrub yun du bsring// yang dag kho na nyid bskang ni// thams cad spros bral nyid du lta// bskang rdzas rab ni bam gyis
113b6 bskang// 'bring ni tshogs gtor mdos kyis bskang// tha ma sha sna khrag sna dang// spu thogs mdangs dang 'dra gzugs dang// chu rdor gser skyems sogs pas bskang// yon bdag sa ru ngan bzhi
114a1 byung// yon bdag slob mar bcas pa rnams// 'tshogs te rdzas dang yo byad rnams// yon bdag de yis bshams la bskang// khyad par du yang ma mo yi// bsgrub pa yun bsrings kun gyis
114a2 bya// 'jug tu spyi mdos rgyas bar bskang// su la byung yang thod ngan de// 'bar ba'i me la bsreg par bya// thod pa'i gzugs kyis bzlog pa ni// bag zan dag la ban de'i dbyibs// che chung tshad dang mnyam pa
114a3 la// khrag gis ra ri tshang bar bya// zangs kyi nang du de bcug ste// gtor mas zangs de khengs par dgang// ro de'i sha sna khrag sna dang// gzhan yang sha khrag 'byor tshad dang// chang phud bdud rtsir bcas pa
114a4 yis// gtor ma'i steng du blug bya ste// tams cad 'tshogs la bskang bzlog bya// dgra phyogs bskyal na nges bar zlog/ de rnams spyi yi bskang ba'o// rang rang gdan sar ngan byung na// rang rang gnas su 'bad
114a5 la bskang// bskangs bas mi g.yel byin chags 'gyur// bskang ba'i rim pa de rnams kyang// mtshan ma che chung dag dang sbyar// 'jigs byed chen po'i rgyud las/ ngan pa bzlog pa'i thabs dang bskangs pa
114a6 bstan pa'i le'u ste dgu pa'o//// de nas bzang po bcang thabs dang// de yi 'bras bu nga yis bshad// gson po'i dus na ltas bzang zhing// de yi thod pa mtshan dang ldan// rigs dang mdog rtsa bzang ba
114b1 dang// dbyibs dang rus pa bzang ltas tshang// yid bzhin nor bu'i dung chen de// bsgrub pa po yis 'di ltar bcang// shin tu dben ba'i bsgrub khang du// bzang po lnga dang bdud rtsi lnga// phyi nang kun tu khyab par
114b2 byug/'bru lnga bcud lnga rin chen lngas// mtshan ldan dung chen bkang nas kyang// rin chen mdzes pa'i snod nang du// dar dang za 'og men dris gril// sgrub pa'i thad du dal stengs gzhag/ mdun du pU tsa lnga la
114b3 sogs// bdud rtsi rag ta b+ha liM ta// ci 'byor mchod pa'i rdzas su bsham// dang po nang gi spang kong gdon// de nas rnal 'byor rtse gcig bsgom// rten 'brel me tog dor byas la// mchod pa rnams kyis rim
114b4 pas mchod// bkra shis dag gis shis par bya// me tog dor la dngos grub blang// thun bzhi thun gsum dag tu'o// yang na zhag gcig dus drug mchod// gtor tshogs rgya chen mkha' 'gro mchod// mchod
114b5 mthar ci 'dod dngos grub blang// dam tshig dag la gnas par bya// de ltar mchod pa'i phan yon ni// 'jig rten 'dir yang tshe ring zhing// nad med bde zhing rigs rgyud 'phel// dpal dang 'byor ba phun
114b6 tshogs 'char// dgra dang bgegs dang chom rkun dang// rigs dang byad stems chad pa sogs// gang gis kyang ni mi tshugs shing// bsrung ba rnams kyi mchog tu 'gyur// zhi dang rgyas dang dbang dang
115a1 gsad// dgug dang bskrad dang dbye ba'ang 'grub// 'jig rten gsum yang mthong ba dang// mdo sngags gnyis kyis bsdus pa yis// chos rnams kun kyag rgyud la 'char// 'jig rten 'jig rten
115a2 'das ba'i sngags// gang bzlas ci bzlas skad cig la// nus pa mthu dang ldan par 'grub// ral gri mig sman ri lu dang// bcud dang bum dang gnod sbyin mo// mi snang sa yi gter rnams kyang// 'di la brten
115a3 nas de myur 'gyur// 'jig rten pha rol dngos grub ni// rgyud kyi bag chags ngan bsal nas// sa lam rim par myur bgrod de// rdo rje rgyal po'i sa non nas// 'bras bu mtha' thug de nyid thob// gal te
115a4 bsgrub po bdag nyid dang// dam tshigs nyams pa'i bye brag gis// mthar thugs sa ma non na yang// chos smra ba yi skyes bu skye// rdo rje rgyal theb sa non nas// tha ma'ang bram ze rgyal rigs sam// rje rigs la
115a5 sogs btsun par skye// de ltar bu yi zhal bu ni// dbang ma thob dang dam tshig nyams// so so skye bo'am nyan thos sogs// de rnams kun la bstan mi bya// dbang ma 'dres na sngags pa la'ang// bstan par mi bya
115a6 gsang la bcang// 'jigs byed chen po'i rgyud las/ dung chen mtshan ldan bcang thabs dang/ bcangs pa'i 'bras bu bstan pa'i le'u ste bcu pa'o//// de nas spyan chen mo la sogs thugs kyi dges sde ma
115b1 bzhi dang/gzhan yang mkha' 'grom bde ba sbyin ma dang/ dga' byed ma la sogs pa ma mo'i tshogs thams cad/ 'jigs byed chen po'i gsung la rab tu dga' bar gyur te/ rangs par gyur to// thod pa brtag
pa rdo rje 'jigs byed chen po'i rgyud ces bya ba rdzogs so/

CLOSE WINDOW