96b1 kr-iSh+Na ya ma ri tan+t+ra/ bod skad du/ gshin rje nag po'i rgyud/ dpal gshin rje gshed po la phyag 'tshal lo// bud med zhi bas bsrung na/ dar dkar ram/ gro ga 'am/ ras dkar po
96b2 gtsang ma la gi hang gis 'khor lo rtsibs can gnyis bris la/na ma'i bar du bsrung bar bya ba'i ming bris nas kham pa'i gab tse kha sbyar ba'i nang du bcug ste/ mar dang sbrang rtsi bsres pa yang blug la/
96b3 gzungs thag dkar pos dkri zhing mdun gyi stegs bu'i steng du gzhag go/ me tog dkar pos dus gsum du mchod de// bdag nyid kha shar phyogs su bltas la/ ya mAn ta ka sku mdog dkar po zhi ba'i chas su
96b4 sgom/phyag na zla ba'i dkyil 'khor gyi steng na bum pa dkar bo bdud rtsi chus bkang bas bsrung bar bya ba la dbang bskur bar sgom zhing 'dzab bya'o// snying po ni/ oM hriSh+t+rIHbi kri tA na na hU~M hU~M phaT phaT/ na ma che ge
96b5 mo shan ting ku ru na ma swAhA/zhi ba'i las so// skyes pa bsrung na dar dkar ram/ gro ga 'am/ ras ser po gtsang ma la zhi ba dang rgyas pa'i 'khor lo rtsibs can gnyis gur kum gyis bris la/ gang la bya ba'i
96b6 ming yang swAhA'i bar du bri'o// gab rtse kha sbyar ba'i nang du mar dang sbrang rtsi bsres pa yang blug la/ 'khor lo ming dang bcas pa yang der bcug ste gzungs thag ser pos dkris la stegs bu'i steng du gzhag
97a1 go/me tog ser pos dus gsum du mchod de bdag nyid kha byang phyogs su bltas la/ ya mAn ta ka sku mdog ser po rgyal po'i cha lugs su sgom zhing/ bdag nyid bsrung bar bya ba'i rgyu gnyis ka
97a2 zla ba gser gyi zhun ma lta bu'i steng na gnas shing/phyag na gser gyi bum pa bdud rtsi'i chu rgya ser pos gang ba bsnams pas dbang bskur bar sgom zhing bzlas brjod bya'o// snying po ni oM hriSh+t+rIHbi kr-i tA na na hU~M hU~M
97a3 phaT phaT swAhA/che ge mo shan ting ku ru swAhA/ zhi ba'i sngags so// oM hriSh+t+rIHbi kr-i tA na na hU~M hU~M phaT phaT swAhA/ tsam che ge mo pus ting ku ru swAhA/ zhi ba dang rgyas pa'i las kyi sngags so// dbang gi las ni gro ga 'am/
97a4 ras la rgya skyegs kyi khu ba dang/ tsan dan dmar po dang/ srin lag gi khrag rnams bsres la 'khor lo gnyis bris/ snag tsha dkar pos dbyangs kyi yi ge bcu drug mtha' skor du bris la/ ka kha la sogs pa'i yi
97a5 ge phyi ma kun snag tsha dmar pos bri'o// ho gnyis kyi bar du gang la bya ba'i ming rus rdzogs par bris la/ zangs kyi gab tse kha sbyar ba'i nang du mar dang sbrang rtsis gang bar blugs la/ 'khor lo yang der bcug
97a6 la gzugs thag dmar pos dkris nas stegs bu'i steng du gzhag go/me tog dmar pos dus gsum du mchod de// bdag nyid kha nub phyogs su bltas nas ya mAn ta ka sku mdog dmar po dbang gi tshul du
97b1 sgom zhing/zla ba'i dkyil 'khor yang dmar por bsam zhing dbang du bya ba'i gzugs kyang dmar por bsgoms te/ zla ba'i steng na mngon du 'dug bar dmigs la/ bdag gi thugs ka nas 'od zer dmar po
97b2 'phros bas gang dbang du bya ba de'i lus dang sems 'od zer dmar pos bkang nas nyams shing myos par gyur te/'od slar 'dus pas drangs nas bdag gi rkang pa'i drung du 'ongs te dbang du 'dus par bsam
97b3 mo// ji tsam dbang du ma gyur cing ma khugs na mar snod du bcas pa de dud pa med pa'i mdag ma bzang po la bsro zhing/ 'dzab mang du bzlas na ji tsam dro bar gyur pa na/ khugs shing dbang du 'gyur ro// snying
97b4 po ni/oM hriSh+t+rIHbi kr-i tA na na hU~M hU~M phaT phaT che ge mo dbang du gyur cig swAhA/ oM hriSh+t+rIH bi kr-i ta na na hU~M hU~M phaT phaT/ baM che ge mo khugs bar gyur cig swAhA/ dbang gi las so// dgug pa'i las ni dur khrod kyi ras
97b5 sam/bud med kyi smad dkris byas pa'i ras la rgya skyegs kyi khu bas 'khor lo gnyis bris te/ gcig la dza gnyis kyi bar du gang la bya ba'i ming bri/ gcig la hri gnyis kyi bar du gang la bya ba'i ming bris nas
97b6 bud med kyi ban d+ha sbyar ba'i nang du bcug la skud pa dmar pos dkris la stegs bu'i steng du gzhag go/me tog dmar pos dus gsum du mchod do// bdag nyid ya mAn ta ka'i sku mdog nyi ma nub ka'i
98a1 dmar thag 'dra bar bsgoms la/phyag g.yas na lcags kyu bsnams pa/ g.yon na zhags pa dmar po bsnams pas gang dgug pa'i snying kha nas bzung ste drangs par sgom zhing 'dzab bzlas
98a2 so// des ma khug na zhing kha ta ri gzhar ba'i phye ma la me bus la de la bsro zhing 'dzab bgrang na de tsha bar gyur tsam na khugs par 'gyur ro// oM hriSh+t+rIHbi kr-i tA na na hU~M hU~M phaT phaT swAhA/ hri che ge mo A kar Sha ya hri
98a3 swAhA/oM hriSh+t+rIHbi kr-i tA na na hU~M hU~M phaT phaT/ dza che ge mo A kar Sha ya dza swAhA/ dgug pa'i las so// mnan pa'i las ni/ dur khrod kyi ras blangs la ldong ros sam/ yung bas snag tsha byas nas 'khor lo gnyis
98a4 bris la/lan gnyis kyi bar du gang la bya ba'i ming bris te kham ba'i gab tse ser po bskus pa kha sbyar ba'i nang du bcug la/ gab tse steng ma'i rgyab tu dkyil 'khor gru bzhi pa re ga bdun rim gyis bskor bar
98a5 bris/de'i dkyil du ri rab gcig bris te/ ri rab kyi steng na rwa brgyad du byung ba'i steng du ri rab gru bzhi pa chen po brgyad bris la/ ri rab dang ri brgyad kyi nang du/ hU~M baM hU~M/ hU~M baM hU~M/ brgyad bris la/ de'i steng
98a6 du dkyil 'khor gru bzhi pa rdo rje rgya gram gyis bskor bar bris la/de'i nang ngam/ dkyil 'khor gyi dbus su don yod grub pa bzhugs par sgom mo// rdo rje gram gyi dbus su laM ser po bri/ tshon skud ser pos
98b1 dkris la mnan no// bdag nyid kha lho phyogs su bltas ya mAn ta ka sku mdog ser po dkyil 'khor gru bzhi ser po'i nang na bzhugs par bsgoms la/ ting nge 'dzin gyis kyang laM ser po las 'do zer na bun
98b2 nam/sprin nag po'i sprin phung 'dra ba byung bas gang la bya ba de g.yogs shing/ des ci'ang mi mthong mi shes pa dang/ ri rab rdo rje rgya gram dang bcas kyang yang nas yang du lan brgyad kyi bar du mnan par sgom
98b3 zhing bzlas brjod bya'o// oM hriSh+t+rIHbi kr-i ta na na hU~M hU~M phaT phaT/ lam che ge mo'i gnas su stam pa na lam/ mnan pa'i las so// ngag mnan pa'i las bya dgos na/ gong nas 'byung ba bzhin 'khor lo gnyis bris
98b4 la/gang la bye ba'i ming dang smra ba'i don kun laM gyi bar du rdzogs par bris la bzlas brjod bya zhing ngag mnan no// drag pos las bya dgos na/ mi smra bar dur khrod kyi ras blangs la ske tshe dang/ lan tshwa dang/
98b5 yungs nag gi mar dang/ dug dang/ shing nim ba'i lo ma dang/ ka na ka'i khu ba dang/ ro bsregs ba'i sol ba dang/ mdzub mo'i khrag rnams bsres la snag tsha byas te/ bya rog gi sgro rtsa la smyu gu byas nas 'khor
98b6 lo gnyis la hU~M gnyis kyi bar du ming bris nas/mdun gyi stegs bu'i steng du gzhag go/ me tog sngon pos dus gsum du mchod do// bdag nyid kha lho phyogs su bltas nas ya mAn+ta ka sku mdog char sprin nag
99a1 po'i mdog 'dra ba nyi ma'i dkyil 'khor gyi steng na zhabs brkyang bskum du bzhugs pa/'jigs par byed pa'i zhal bgrad cing mche ba gtsigs pa/ ljags 'bar ba'i glog lta bu 'dril zhing bskal
99a2 ba'i me dpung 'bar ba'i klong na bzhugs pa/phyag na mtshon cha sna tshogs pa bsnams pa/ gsus pa che skra kham pa gyen du 'bar ba can/ sma ra kham pa 'bar ba/ sbrul nag po 'bar bas yan lag dkris pa/
99a3 zhal dang mgul nas hU~M gi sgra 'byin par bdag nyid bsgoms la/ gang la bya ba'i gzugs de ni shin tu ngan pa/ rid pa/ rul pa zhig mngon du gsal bar bsams la/ de'i lus la spyi bo dang/ skra mtshams
99a4 dang/snying kha dang/ dpung mgo dang/ mgo dang/ rgyus pa'i sa rnams su kho bsrung ba'i sngags dang phyag rgya bris pa dang/ bsrung ba la sogs pa byas pa ting nge 'dzin dang/ sngags dang/ phyag rgyas bshig la
99a5 bkug ste drung du 'dug par dmigs so// khro bo'i 'khor khro bo dang/ khro mo dang/ 'phra men ma'i tshogs mang po sbyan drangs la/ de yang nas yang du bstabs te rnam par shes dang/ mdangs dang/ srog med par
99a6 byas shing phral nas ni/dper na khang ba stong pa dang 'dra bar rnam par shes pa dang bral te khro bo mang po mtshon cha sna tshogs pa bsnams pas/ lus dum bu brgyar gtubs te/ de'i khrag dang/ rkang dang/ lpags
99b1 shun dang/sha dang/ tshil dang/ zhag dang/ mkhris pa dang/ rus pa dang/ snying rnams rdul du byas te bstabs pa de gsol nas thal ba bzhin du gyur par bsam mo// de nas gshin rje chen po sprin nag po'i
99b2 mdog 'dra ba/chu nag po'i rlabs bzhin du 'od 'bar ba/ ma he la zhon pa/ lag na gshin rje dbyug pa dang zhags pa thogs pa/ gsus pa/ mche ba gtsigs pa/ sbrul nag pos brgyan pa gcig 'ongs nas
99b3 bzlas brjod grangs tshang nas/gnam stong la ci bya ha zhes zer nas 'ongs pa de la ma 'jigs par/ badzra karma dgra bo 'di sod cig par las bcol bas/ dgra bo de yang gsad cing snying la sogs pa kun zos
99b4 par bsam zhing bzlas brjod bya'o// oM hriSh+t+rI bi kri tA na na hU~M hU~M phaT phaT/ hU~M che ge mo ra ya hU~M phaT/ oM hriSh+t+rI bi kr-i tA na na che ge mo mA ra ya hU~M hU~M phaT phaT/ drag po'i las so// gong nas 'byung pa bzhin yo byad
99b5 rnams bshags la 'khor lo rtsibs can gnyis bris la/hU~M dang phaT de ba twad twa mA ra ya hU~M phaT gnyis kyi bar du ming bri/ bdag nyid gong nas 'byung ba bzhin bsgoms la/ gang la bya ba'i gzugs de kha dog
99b6 dang dbyibs kyang mi ro 'dra ba zhig me ri nag po 'bar ba'i dkyil na 'dug pa la/khro bo mang po'i phyag na ral gri dang/ berga dang/ gtun shing dang/ dgra sta dang/ ste'u kha ma dang/ gzhu dang/ mda' dang/
100a1 'khor lo dang/ tri shu la dang/ dbyug tho dang/ mdung dang/ rdo rje rgya gram phyed ma la sogs pa phyag cha mang po bsnams pas brgyab ste dum bur gtubs pa la/ bya rog dang/ 'ug pa dang/ rgod
100a2 dang/wa dang/ srin po dang/ mkha' 'gro ma mang pos stod smad nas za zhing 'thog pa/ de lta bur bsgom te bzlas brjod bya'o// oM hriHSh+t+rIHbi kr-i tA na na hU~M hU~M phaT phaT/ hU~M che ge mo mA ra ya hU~M phaT/ oM hriSh+t+rI bi kr-i tA
100a3 na na hU~M hU~M phaT phaT/drag po'i las so// dbye ba'i las ni gong nas drag po'i las las 'byung bzhin du/ 'khor lo gnyis bris la/ phaT gnyis kyi bar du gang bya ba'i ming dang/ rus dang/ snying po spel mar bris
100a4 te/ban d+ha kha sbyar tu bcug la tshon skud sngon pos dkris nas/ nyi ma phyed tsam na dur khrod du song la sa brkos pa'i nang gi 'og tu ban d+ha bcug ste/ bdag nyid ya mAn ta ka'i rnal 'byor du byas la 'dug la/
100a5 mdun gyi rta dang ma he gnyis la gang la bya ba'i mi gnyis zhon par bsams la/ de gnyis kyi lag na ral gri re re phyar te thogs pas gcig la gcig khros shing brgyab ste/ gcig gis gcig gsad pa'i re la rdo
100a6 rje khro bo mang po za zhing 'thab pa de ltar bsgoms la bzlas brjod bya'o// oM hriSh+t+rI bi kr-i tA na na hU~M hU~M phaT phaT/ che ge mo dang che ge mo 'thab par gyur cig phaT/ dbye ba'i las so// bskrad pa'i las ni/ gong nas
100b1 smos pa bzhin 'khor lo gnyis bris la/hU~M hU~M che ge mo phaT ces bris te/ ban d+ha kha sbyar du bcug la tshon skud nag pos dkris te nyi ma phyed tsam na dur khrod du song la sa brkos par bcug ste/ bdag nyid ya mAn
100b2 ta ka'i rnal 'byor du byas la/mdun du rlung gi dkyil 'khor zla gam sngon po phyogs kun nas kyang rlung gi 'debs pa'i dkyil du ya sngon po gcig bsgoms te/ de las rnga mo sngon po gcig tu gyur pa las gang la
100b3 bya ba'i mi de bskyon nas kha lho phyogs su bstan te 'og nas rlung gis bteg cing rdo rje khros bos khrid nas myur ba myur bar sa mtshams bzlas te song bar bsgoms la bzlas brjod bya'o// oM hriSh+t+rI bi kr-i tA na na hU~M
100b4 hU~M phaT phaT/che ge mo bskrad par gyur cig phaT phaT/ bskad pa'i las so// myos par bya ba'i las ni/ dur khrod kyi ras la gong nas 'byung ba'i snag tshas 'khor lo gnyis bris te/ sa stong yod pa'i sar baM
100b5 gnyis kyi bar du gang la bya ba'i ming// muM kha ban+d+ha ban+d+ha mu kaM ku ru baM/ zhes ming dang sngags spel te bri 'o// bdag nyid ya mAn ta ka'i rnal 'byor du bsgoms la/ 'khor lo lug gi khong par bcug ste dgra bo'i
100b6 sems de la dbab bo// 'khor lo re ga bzhi rim du bskor ba'i 'khor lo gnyis la/ gcig phyi logs su bris nas kha sbyar na yi ge dang sngags kun mnyam por 'gyur ro// yo gas mnan pa dang/ bsgom pa dang/
101a1 bzlas brjod byas na/ myos nas lus dang sems bcings par gyur te glen pa 'am/ ra ro ste ci'ang mi shes par 'gyur ro// oM hriSh+t+rI bi kr-i tA na na hU~M hU~M/ phaT phaT/ baM che ge mo myos par gyur cig
101a2 phaT phaT/myos par bya ba'i las so// smyo 'bros kyi las ni/ gong nas drag po las las 'byung ba bzhin du/ 'khor lo gnyis bris la/ phaT gnyis kyi bar du gang la bya ba'i ming rus dang sngags spel zhing bris te/
101a3 ban+d+ha kha sbyar du bcug la/ tshon skud sngon pos dkris nas nam phyed tsam na dur khrod du song la sa brkos pa'i 'og tu ban+d+ha bcug ste/ bdag nyid ya man+ta ka'i rnal 'byor du byas la 'dug nas mdun na shan dmar
101a4 la gang la bya ba'i mi zhon par bsams la/kha lho phyogs su bstan pas smyos 'bogs nas 'og nas rlung gi dkyil 'khor gyis sha ba bteg nas bros pas/ rdo rje khro bos mdun nas khrid rgyab nas phul bas myur
101a5 du sa mtshams 'das te bros par bsgoms la bzlas brjod bya'o// oM hriSh+t+rI bi kri tA na na hU~M hU~M che ge mo myos 'bros par gyur cig phaT phaT/ smyo 'bros kyi las so// khro bo ya man+ta ka sgom pa'i mis rang gi khrag dang/
101a6 tal chen dang/ dgu dang/ lan tshwa dang/ ske tshe dang/ yungs nag gi mar dang/ ka na ka'i lo ma dang/ rdo rje dri chu rnams sbyar te/ dur khrod kyi ras la bris la/ 'khor lo gnyis dal bus legs par byas la/
101b1 gshin rje'i gzugs kyi khong par sbas na gdon mi za bar 'chi'o// gsad pa'i las ni gshin rje snying khar bya'o// dbye ba'i las ni rta dang ma he'i rgyab tu bya'o// bskrad pa'i las ni rnga mo'i rgyab tu bya'o// zhi ba'i
101b2 las ni zla ba'i dkyil du bya'o// dbang gi las ni bud med kyi snying khar bya'o// rgyas pa'i las ni glang po che'i rgyab tu bya'o// myos pa'i las ni lug gi khong bar bya'o// smyo 'bros kyi las ni shin dmar gyi rgyab tu
101b3 bya'o// mnan pa'i las ni ri rab kyi nang du bya'o// dgug pa'i las ni dre'u dang seng ge'i rgyab tu bya'o// de la sogs pa'i las gang byed kyang/ ma nor ba re re bri'o// de nas gi hang ngam/ gur gum gyis gro ga
101b4 'am/dar dkar la bris la/ kham pa'i gab rtse la sogs pa byas la/ zhi ba la sogs pa byas la der gzhug go/ smyug gu kun bya rog gi sgo rtsal bya'o// las gang byed kyang bya'o// drag po'i las nyi ma phyed na bri
101b5 zhing las bya'o// ban d+ha yang kha sbyar du bya'o// bdag nyid sems rnam par dag pa byas la gshin rje sna tshogs pa'i rnal 'byor du bya ba ni bdag dang mi gnyis par bya'o// bdag dang mi gnyis par byas la/
101b6 gnas gsang zhing dben bar 'dug ste rang gi pany+tsa a mr-i tas mchod do// sna la rang gis mchod de zhi ba dang rgyas pa'i las ni/ dza'i bar du ming bri'o// dbye ba dang drag po'i las ni/ ya'i bar du ming
102a1 bri'o// las gang byed pa'i kha dog ma nor bar bya'o// bzlas brjod bsnyen pa rdzogs shing grangs tshang bar byas nas mi 'grub mi srid do// las nor zhing bzlas pa grangs ma tshang na bzlog cing mi
102a2 'grub po// drag po dang/ dbye ba dang/ bskrad pa la sogs pa dang/ ri mo bris pa dang/ snod la sogs pa las mi byed na bar der rang gi khyim du gzhag na/ nyi ma gcig bzhin 'thab pa dang gnod pa 'byung
102a3 bas gzhag tu mi rung ngo// slar bsnyen pa byas nas de nas sdod bya'o// bsnyen pa'i tshe mi tshig la sogs pas bar gcad du mi rung ngo// bsnyen pa'i grangs ni 'bum phrag gcig yan chod do// dkyil 'khor bri
102a4 ba'i thabs ni thig skor rim pa gsum pa la dbus su thig bzhi btab pas le tshe dgu bya'o// bar ma la re'u cha bcu gnyis su bya'o// tha ma'i re'u cha bcu drug tu bya'o// re'u cha kun la sngags bri ba ni/ ya ma rA dza
102a5 sa do me ya/ya me do ru Na yo da ya/ ya da yo ni ra ya k+she ya/ ya k+she yats+tsha ni ra ma ya/ dbus su ya bris la/ 'khor lo'i dbus su ya dang ya'i bar ram/ dza dang dza'i bar du ming bri/ phyi rim la hU~M dang baM gyi bar du
102a6 snying po 'bru re re bri/bar bar du snying po 'bru re re bri ba ni yi ge'i rgyal po yin pas bar du bri/ yi ge kun re ga la reg tu mi rung ngo// ka kha dngayi ge kun g.yas skor du bri'o// thig skor gyi bar chod par
102b1 bya'o// rim pa bar ma la'ang tha ma bzhin du snying po kun bri'o// oM hriSh+t+rI bi kr-i tA na na hU~M hU~M phaT phaT swAhA/ las bya dgos na gsad pa dang/ bskrad pa dang/ dbang dang/ dbye ba dang/ zhi ba dang/ rgyas pa
102b2 dang/las gang byed pa'i las ming dang gzugs dang ldan par bri zhing ri mo zin pa dang/ sna la lha phyag lan bdun btsal/ mgos gtugs la/ de nas mchod pa dang gtor ma phul nas/ bden pa grub par
102b3 gyur cig ces byas la/de nas ri mo ma bris pa'i sa stong yod na/ hU~M phaT hU~M phaT bya ba phyis bri'o// hU~M phaT ni thugs kyi sngags yin kun la bri'o// thog ma ya mAn ta ka sna la la bsnyen pa byed pa'i sgom pa ni/
102b4 khro bo ya mAn ta ka nyi ma'i dkyil 'khor gyi steng du zhabs brkyang bskum du bzhugs la/ zhal gsam phyag drug tu bzhugs pa/ gsus pa che la/ skra kham pa gyen du 'khyil ba can/ yan lag kun sbrul 'bar
102b5 bas brgyan pa/sku char sprin nag po'i mdog 'dra ba/ chu nag po'i rlabs bzhin 'od 'bar ba/ zhal dang mgul nas hU~M dang phaT kyi sgra 'byin pa/ g.yas gsum na tri sha la dang/ ral gri dang/ dbyug pa
102b6 'dzin pa/g.yon gsum na las gang byed pa 'dzin pas ci'ang mi bsnam mo// yum lha mo pe ta li gnyis ngo g.yas g.yon gnyis na bzhugs pa/ g.yas na bzhugs pa'i phyag na dgra sta bsnams pa/
103a1 g.yon na bzhugs pa'i phyag na zhags pa bsnams pa/ sku mdog gtso bo dang mthun/ bskal ba'i me dpung 'bar ba'i bsad pa'i le'u gcig logs su phyung ba'o//// rgya gar gyi
103a2 mkhan po tsan tra k+ti ri dang/mA tsar+ya bo de ku ta dang/ lo ts+tsha ba dge slong blo gros dbang phyug gis bsgyur cing zhus te gtan la phab pa'o// skad gsar chad kyis kyang bsgyur cing zhus te gtan la phab
pa'o/

CLOSE WINDOW