94a1 rgya gar skad du/ kro d+ha bi dza ya ya man+t+ra ta ka tan+t+ra/ bod skad du/ khro bo rnam par rgyal ba gshin rje gshed po'i rgyud/ dpal ya mAn ta ka la phyag 'tshal lo// 'di skad bdag gis bshad pa'i dus
94a2 gcig na/lho phyogs me ri 'bar ba yi// yi dags phal chen dkyil 'khor du// chos kyi rgyal po la sogs pa'i// pho nya'i tshogs kyi gshin rje la// dgongs te 'di skad bka' stsal to// nga ni khro rgyal gshin rje
94a3 gshed// yid la gang yin su sgom pa// thun mong mchog gi dngos grub thob// yang na nam mkhar 'phur bar 'gyur// nam mkha' la ni babs nas kyang// nga ni rang byung ngo mtshar lha// nga ni dus gsum mngon du
94a4 byung// de bzhin nga ni phyis kyang 'byung// nga ni da ltar 'byung ba'i lha// 'di ni kun tu nga yi dbang// su zhig gang la gang sgom pa// gang zhig nga la mchod byed pa// lha ni thams cad 'grub par 'gyur// dkyil
94a5 'khor thams cad 'grub par 'byung// nga ni rab tu gang ba yin// gsang nas sbyor ba byas nas ni// bzlas brjod mi dgos 'grub par 'gyur// gsang zhing sbyor ba byas na ni// khu ba ras ya yi tshogs// rab
94a6 tu gsang ste 'grub bar bshad// gsang bcas sbyor ba byas na ni// shes na dngos grub dam pa dbyig/ des 'thob 'gyur ba gdon mi za// sbyo ba po zhig dag pa yis// mdor na 'phrin las rnam bzhi
94b1 'grub// chos rnams sgra yis sgrogs par 'gyur// nga ni dus ngan tha ma'i tshe// bstan pa dang ni ston pa byed// dge bcu dag ni nub pa'i tshe// de tshe nga yi dngos grub sbyin// dam tshig nyams pa mang ba'i tshe// de tshe
94b2 nga yi bstan pa 'phel// de tshe nga yi chos kyang sgrogs// gang zhig sgom zhing sems pa dang// yi dam du yang mchod byed pa// dngos grub yid la ci 'dod pa// 'dod pa phun sum tshogs pa ster// be con phyag rgya
94b3 zungs su zung// dus gsum du yang zungs su zung// lha nye ba'i man ngag sbyor ba'i le'u ste dang po'o//// de nas yang 'di skad ces gsungs so// khro bo chen po rnam par rgyal// ya mAn ta ka gshin rje
94b4 gshed// dbu gsum po la phyag drug ste// g.yas ni dkar la g.yon ni dmar// dbus ni sku dang mthun pa'i zhal// sku mdog stang zil bcag 'phro 'dra// zhal bgrad rdo rje mche ba gtsigs// spyan dmar glog
94b5 stong 'gyu ba bzhin// dbu skra kham nag gyen du 'khyil// phyag drug g.yas kyi dang po na// gser gyi rdo rje rgya gram bsnams// bde gshegs rgyal ba thugs kyi mchog/ phyag drug g.yas kyi bar pa na// kha T+wAM kha yi
94b6 rnge'u chung 'khrol// ma mo mkha' 'gro dam la sdud// phyag drug g.yas kyi tha ma na// rdo rje lcags kyu sngon po bsnams// nyon mongs gnas nas 'dren par badzad// phyag drug g.yon gyi dang po na// dung chen dmar
95a1 gyis bkang ba bsnams// thugs rje chags pas dbang du sdud// phyag drug g.yon gyi bar pa na// ba su ta yi zhags pa bsnams// dam las 'das pa 'ching bar mdzad// phyag drug g.yon gyi tha ma
95a2 na// zhing chung dbyug tho smug po bsnams// bdud dang dgra bgegs zil gyis gnon// sku yang che la bam ldir bzang// glang chen ko rlon na bza' gsol// stag lpags brjid pa'i sham thabs can// zhing chen
95a3 g.yang gzhi'i ya ba bskor// thod pa skam rlon se ral kha// sbrul nag stong gis lhu tshigs brgyan// zhing chen sgril ma'i gdan stengs ma// brkyang bskum tshul du brjid par bzhugs// g.yon na khro mo gnyis gnas
95a4 pa// za byed chen mo pe ta li// mig gsum gdong ni khro gnyer can// lus ni me chen 'bar ba la/ gzi chen rab tu mdangs kyi lha// gtum mo du gul gos gyon ma// gyen du skra brdzes gsus mo che// de bzhin
95a5 lag na rtse gsum thogs// gzi chen rab tu bsdigs par mdzad// bde gshegs sras kyi bka' sdod ma// zhing chung sgril ma'i gdan stengs na// brkyang bskum tshul gyis sbyor ba mdzad// me dpung 'bar ba'i
95a6 dkyil 'khor na// 'khor ni togs med btsan thabs can// chos kyi rgyal po la sogs pa'i// pho nya'i tshogs kyis gshin rje yi// yi dags phal chen dkyil 'khor 'dir// khro mo ke ri brgyad kyis bskor// phyi
95b1 rim sing nga brgyad kyis bskor// thar byed chen mo bzhi yis bskor// dbang phyug ma yi tshogs kyis bskor// yi dags phal chen dkyil 'khor 'dir// gshegs shing byon pa'i gnas na yang// bsnyen cing sgrub
95b2 pa'i lha lags kyis// yal gam can la brtse dgongs nas// sems can don la gshegs su gsol// oM na mo bud+d+ha d+harma saM ga b+h+ya/ a tro ta ba ri bi ri sarba sa ma ye na dza hU~M baM ho// e h+ye hi a gad dza hU~M dza/ zhes
95b3 gsungs so// de lta bu'i dkyil 'khor la phyi dang nang gi mchod pa rnams kyis mchod/ 'dod pa'i don la gsol ba btab na ster bar mdzad do// khro bo rnam par rgyal ba spyan drangs zhing mchod pa dbul ba'i le'u
95b4 ste gnyis pa'o//// de nas yang las kyi sbyor ba 'di gsungs so// khro bos yang dag bka' stsal ba// dkyil 'khor re mig bcu bdun la// sgo bzhi dang ni ldan par bya// ri mig dgu pa dag la ni// a
95b5 kro'i yi ge bcu bdun dgod// sgo bzhir phyag rgya chen po bzhi// thal chen re gas mngar te bri// de stengs sems nyid dag pa yis// cho ga rnam gsum sbyor ba las// bdag nyid ya mAn ta kar gyur// de la mnyes
95b6 pa'i masnyen pa dbul// oM a kro te ya man ta ka ha na ma tha ban dza hU~M phaT/ de ni ji srid mnyes pa dbul// mchog dang thun mong ster bar mdzad// des ni las rnams thams cad 'grub// de nas sems
96a1 gdug bsgrub bya ni// dkon mchog gsum la smon byed pa// nan tan gyis ni bsgral bar gsungs// de la sbyor ba 'di dag go/ mi mgo ma gas ma chag pa// shi ba'i skra las pir byas la// khrag
96a2 dang dug la sogs pa yis// ta la'i 'dab la ming rus bri// ngan pa rul pa'i gos sam ni// yang na thal chu gsher ba 'am// rul pa man pa'i gos gyon la// khros shing 'khrug par bsgom bya ste// gzugs
96a3 brnyan rkang pas mnan byas te// ming rus phur bu sor brgyad la// bskul ba yi ni sngags bzlas te// rgya rtsa brgyad du bzlas te gdab// de nas dgra yi sgor ni sba// mngon sbyod las ni 'di byas na// mkhyen dang
96a4 mi mkhyen rnam spangs pa'i// sku gsung thugs kyang 'jig pa dang// snang dang mi snang gang yang rung// nam mkha'i dbyings kyang 'jig par 'gyur// gzhan lta ma lus smos ci dgos// zla ba phyed kyis rdzogs par
96a5 bya'o// de nas bcom ldan 'das la 'khor rnams kyi mchod pa sna tshogs pas mchod nas mi snang bar gyur to// khro bo rnam par rgyal ba'i rtsa ba'i rgyud chen po las/ le'u gsum pa ste rdzogs so////
96a6 rgya gar skad du/


CLOSE WINDOW