CLOSE WINDOW

Gpb040.009
བོད་ཡིག

Ar+ya many+dzu shrI ya ma ra dza/ kr-iSh+Na gu h+ya tsan+d+ra tan+t+ra/ bod skad du/ 'phags pa 'jam dpal gshin rje gshed zla gsang nag po'i rgyud/ gshin rje gshed po la phyag 'tshal lo// thams cad mkhyen nyid dpal mgon mdzad// gdug pa'i tshogs 'joms gshin rje gshed po la// dad pas spyi gtugs rgyud 'di bstan par bya'o// nyon cig 'dus pa'i 'khor tshogs rnams// lho yi phyogs su kha bltas pa'i// shin tu dben pa'i dur khrod dam// brag dang sa phug dag tu ni// bsgrub pa pos gnas btsal lo// zla gsang nag po'i rgyud phyi ma las/ gnas btsal ba dang bcas gzhi'i skabs te dang po'o//// de nas mthu stobs kyi bdag po dpal phyag na rdo rjes 'di skad ces gsungs so// gzhung dang mthun pa'i gnas dag tu// sa chog mtshams bcad sdig sbyangs la// chag chag thig gdab mgo ma yengs// dkyil 'khor mthing nag gru gsum la// zla gam bzhi dang ldan par bri// thod 'phreng dang ni me ri 'bar// sgo dang sgo khyud ldan pa'o// zla gsang nag po'i rgyud phyi ma las/ dkyil 'khor bca' ba'i skabs te gnyis pa'o//// de nas yang mthu stobs kyi bdag pos 'di skad ces gsungs so// lho yi phyogs kyi zla gam la// 'jigs byed rgyal po gshin rje gshed// sku dang gzugs brnyan bzhugs su gsol// g.yas su sgeg mo ral gcig ma// g.yon du za byed pe ta li// g.yas g.yon gnyis kyi zla gam la// sku yi gzugs brnyan dgod par bya// yang na snying po yi ge bri// skur bskyed de bzhin bsgom par bya// byang gi phyogs kyi zla gam ste// snying po yi ge bris pa las// 'jigs byed ya ma rA dza yi// skur bsgoms mchog phur sor gsum gzugs// zla gsang nag po'i rgyud phyi ma las/ lha dgod pa'i bca' gzhi'i skabs te gsum pa'o//// de nas yang mthu stobs kyi bdag pos 'di skad ces gsungs so// gshin rje yab yum sku yi gzugs// gzhung las smos pa'i yas stags rnams// 'tshogs bar sbyar ba'i snag tsha yis// kang ka'i sgro 'am 'ug pa'i sgros// yi dwags kyi ni gos la bri// mchod de rab tu gnas par bya// zhes gsungs so// zla gsang nag po'i rgyud phyi ma las// 'khor lo bca' gzhi'i skabs te bzhi pa'o//// de nas yang mthu stobs kyi bdag pos 'di skad ces gsungs so// dgra bo'i rkang rje chu phud dang// bong bu'i bdud rtsi mchil snabs dang// ba'i lci bas sa mar sbyar// kha dgongs rnams la 'gag tu bya// bya rog ra'i khrag gis byug/ ri sho ma dang gro ga la// dgra bo'i ming dang rus bris la// snying kha dag tu glan te bzhag/ ces gsungs so// zla gsang nag po'i rgyud phyi ma las/ ling khang bca' ba'i skabs te lnga pa'o//// de nas yang mthu stobs kyi bdag pos 'di skad ces gsungs so// gshin rje yab yum bar du gzhug/ tshon gyi skud pas bcings nas ni// mtshan ngan thod pa kha sbyar du// bcug la bud med yugs sa mo'i// skra yi thag pas bcing bar bya// mthing nag gru gsum steng du bzhag/ ces gsungs so// zla gsang nag po'i rgyud phy-i ma las/ ling ga byad du gzhug pa dang/ gzhag thabs kyi skabs te drug pa'o//// de nas yang mthu stobs kyi bdag pos 'di skad ces gsungs so// gtor ma gsum dang arga dang// bcas te dkyil 'khor 'gram du gzhag/ rgyan dang mchod pa kun kyang dgram// gsur chen dud pa gtang bar bya/ zhes gsungs so// zla gsang nag po'i rgyud phyi ma las/ mchod pa'i yo byad dgram pa'i skabs te bdun pa'o//// de nas yang mthu stobs kyi bdag pos 'di skad ces gsungs so// de ltar dkyil 'khor bshams nas ni// sngags pa chas gos nag po gyon// khro bo'i sngags kyis mtshams bcad de// lho yi phyogs su kha bltas te// ting 'dzin rnam gsum rim bzhin bsgom// khrag 'thung dkyil 'khor rim kyis bskyed// spyan drangs mchod pa la sogs bya// gtor ma btang la dkyil 'khor bsdu/ zhes gsungs so// zla gsang nag po'i rgyud phyi ma las/ khrag 'thung gi 'phrin las kyi skabs te brgyad pa'o//// de nas yang mthu stobs kyi bdag pos 'di skad ces gsungs so// de nas ting 'dzin rnams gsum gyis// khro ba'i rgyal po gshin rje gshed// snying po sngags kyis yab yum bskyed// de bzhin gnas nas spyan drangs nas// gnyis su med par bstim par bya// bstod cing mchod pa phul nas ni// ji ltar 'dod pa'i 'phrin las bcol// mas yar bgrangs pa'i tshes brgyad de// nyi shu gsum nas drug tu ni// zhag ni bzhi yi bar du ni// ya mAn+ta ka'i bsnyen pa dang// oM shrI many+dzu ya man+ta ka ya ma rA dza/ de bi kro d+hI shwa ri/ yag sha dza dza/ e ka dza ti sa ma ya s+t+waM/ oM ru lu ru lu hU~M b+h+yo hU~M/ dgongs dang tho rangs gtor ma gtang// ces gsungs so// zla gsang nag po'i rgyud las/ phyi ma las kyi skabs te dgu pa'o//// de nas yang mthu stobs kyi bdag pos 'di skad ces gsungs so// lho phyogs kha bltas mdun du ni// hoM khung gru gsum rtse mo lho// chag gang thur du brkos pa las// ming rus bsregs pa'i sol ba yis// kha dog nag po dag tu bya// de yi nang du ban d+ha gzhug/ ces gsungs so// zla gsang nag po'i rgyud phyi ma las/ dbang du bsdu ba'i bca' gzhi'i skabs te bcu pa'o//// de nas yang mthu stobs kyi bdag pos 'di skad ces gsungs so// gshin rje dbang du bsdu ba'i phyir// khro bo'i zhabs ni g.yas ba la// rdo rje phur pa rtse gcig bsgom// las kyi gshin rje'i snying khar mnan/ ces gsungs so// zla gsang nag po'i rgyud phyi ma las/ ting nge 'dzin gyi dbang du bsdu ba'i skabs te bcu gcig pa'o//// de nas yang mthu stobs kyi bdag pos 'di skad ces gsungs so// dgug cing dbang du bsdu ba'i phyir// snying po sngags kyi bzlas brjod ni// nyin mtshan phye la mtshan mo bzlas// gshin rje nag po 'khor dang bcas// rang dbang med par dbang du bsdu// ji ltar bcol ba'i las kyang byed// dgug cing dbang du sngags 'dis bsdu// oM a kro te ka ya mAn+ta ka ha na ma tha b+han+dza hU~M phaT/ yA ba nya shA shA/ dza dza/ thun/ yA mA snying du pA sha/ ya ma A kar+Sha ya hU~M phaT/ ces ni mtshan mo bzhi bzlas so// zhes gsungs so// zla gsang nag po'i rgyud phyi ma las/ sngags kyi dbang du bsdu ba'i skabs te bcu gnyis pa'o//// de nas yang mthu stobs kyi bdag pos 'di skad ces gsungs so// snying po sngags kyi bar bar du// khro bo'i bstod pa stang bar bya// rak+ta btab cing mchod pa dbul// drag po'i sngags 'das btab cing dbul// oM shrI many+dza ya mAn+ta kA/ e a ra li/ pU tsa khA hi/ kha kha khA hi/ zhes gsungs so// zla gsang nag po'i rgyud phyi ma las/ bstod cing mchod pa dbul ba'i skabs te bcu gsum pa'o//// de nas yang mthu stobs kyi bdag pos 'di skad ces gsungs so// nyi shu bdun nas gnam stong bar// zhag ni bzhi yi bar du ni// gsad pa yi ni las bya'o// zhes gsungs so// zla gsang nag po'i rgyud phyi ma las/ gsad pa bca' gzhi'i skabs te bcu bzhi pa'o//// de nas yang mthu stobs kyi bdag pos 'di skad ces gsungs so// gshin rje las la btsud nas ni// dgra po myur du gsad pa'i phyir// ban d+ha dkyil 'khor thog tu zhag/ bcol ba las kyi sngags bzhi ni// nyin mtshan phye la nyin mo bzlas// nyi ma dang po sngags 'di bzlas// oM hriSh+tiHbi kri tA nan/ che ge mo sha truM nA sha ya hU~M phaT/ ya ma ra dza sa do me ya/ che ge mo la mu kaM/ sa ma ya hU~M phaT/ bdag thugs 'od 'phros sras mchog bskul// de bzhin phyogs kyi gshin rje bskul// bzas pa po bkug 'khor lor bcug/ be con phyag rgya mgo la brgyab// mgo 'khor nad kyis zin par bsgom// nyi ma gnyis la sngags 'di bzla// oM hri Sh+t+rIHbi kri tA na na/ che ge mo/ sha truM nA sha ya hU~M phaT/ ya me don ya da ya/ mu ka ma/ mur tsa ya hU~M phaT/ 'od 'phros gnas kyi gshin rje bskul// bzas pa po bkug lto bar bcug/ be con phyag rgya lus la brgyab// lus po brgyal zhing rengs bar bsgom// nyi ma gsum la sngags 'di bzlas// oM hriSh+tiHbi kri tA na na/ che ge mo sha hrUM nA sha ya truM phaT/ ya ta yo na ra k+She ya/ a mu kaM rak+ta tsit+ta ya hU~M phaT/ 'od 'phros gnas kyi gshin rje bskul// gzas pa po bkug lto bar bcug/ be co na phyag rgyas mgrin par brgyab// khrag tu skyug cing 'chi bar bsgom// nyi ma bzhi la sngags 'di bzlas// oM hriSh+t+rIHbi kri tA na Na/ che ge mo// sha truM nA sha ya hU~M phaT/ ya k+She ya tsa ni ra ma ya/ a mu kaM/ mA ra ya hU~M phaT/ 'od 'phros gnas kyi gshin rje bskul// gzas ba bkug ste lto bar bcug/ be con phyag rgyas snying khar brgyab// lus srog phral te gsod par byed// gnam stong dag gi nub mo ni// ma gshin rje thun zor gzhan yang brdeg/ drag po bdud kyi hoM nag bca'// dgongs kyi dmar thag chad pa dang// tshogs dang mchod pa gtor ma dbul// dbang gzugs bcol bskul drag tu bya// nub mo dbang bsdu nyin mo bsad/ ces gsungs so// zla gsang nag po'i rgyud phyi ma las/ gsang ba las kyi skabs te bco lnga pa'o//// de nas yang mthu stobs kyi bdag pos 'di skad ces gsungs so// sngags kyi sngags bzlas brjod par du// rdza rnga brdungs te gshin rje bod// rak+ta sbrengs te mchod pa dbul// khur bur dengs te spyugs gla blangs// dun ting kha ya'i sngags brjod la// dgra bo de la gshin rje rbad/ ces gsungs so// zla gsang nag po'i rgyud phyi ma las/ las kyi gshin rje rbad pa'i skabs te bcu drug pa'o//// de nas yang mthu stobs kyi bdag pos 'di skad ces gsungs so// tshe gcig tu ni brtsis pa'i// nyin mtshan gnyis kyi bar du yang// mnan pa'i cho ga bya bar gsungs// lha klu gdug pa'i 'dug sa 'am// ro khung dur mchad rgya gram lam// mnan pa'i ban d+ha nyid la ni// ri rab bang rim gsum pa'i gzugs// snying po la hU~M bri bar bya// 'jigs pa ya ma rA dza yi// mchog gi phur ba sor gsum pa// mnan pa'i sngags ni stong bzlas te// rdo rje phur pa rtse gcig pa// gzas pa'i ling kha'i snying khar gdab// gshin rje yab yum lto ru gzhug/ mtshan ngan ban d+har bcug nas ni// snga ma bzhin du thag pas bcings// ro yi khung du sbas te bzhag/ gshin rje nag po'i lag tu gtad// ya man+ta ka'i sngags kyis gzir// gdon mi za bar gsod par byed// ting 'dzin sngags kyi ri rab bskyed// ri rab chen po'i 'og tu gzhug/ steng du lha yi pho brang gdab// bskal pa mtha' yi bar du gnas// zhes gsungs so// zla gsang nag po'i rgyud phyi ma las/ mnan pa'i skabs te bcu bdun pa'o//// de nas yang mthu stobs kyi bdag pos 'di skad ces gsungs so// las rnams 'grub par ma gyur na// lan gsum bar du cho ga spogs// des kyang grub par ma gyur na// 'khor lo bzlog cing gshin rje gzir// ces gsungs so// zla gsang nag po'i rgyud phyi ma las// gnad la dbab pa'i skabs te bco brgyad pa'o//// de nas yang mthu stobs kyi bdag pos 'di skad ces gsungs so// las rnams grub nas thod pa dbyung// las kyi rnam smin sbyang ba'i phyir// bskang gso'i cho ga rgya cher bya// bdag dang gshin rje zas pa gsum// ya man+ta ka brtag par bya// ya man+ta ka rtogs pa ni// las kyi rnam smin sbyongs pa yin// zhes gsungs so// zla gsang nag po'i rgyud phyi ma las/ las kyi rnam smin sbyangs ba'i skabs te bcu dgu pa'o//// de nas yang mthu stobs kyi bdag pos 'di skad ces gsungs so// drag po 'khor lo'i sngags rdzogs nas// tshes gcig dag gi nyi phyed na// drag po hoM gyi las brtsam ste// dkyil 'khor chen po'i lho ngos su// hoM khung kha khyer chag gang ba// gting du de yi phyed brkos bya// dur khrod sol bas nag por bya// zhabs su yi ge raM gcig bri// kha khyer mtshams su me ri bri// kha la rdo rje rwa ba bri// phyi rol zla gam gsum gyis bskor// dug shing tsher ma can gyi shing// sme ba'i khrag gis spang bar bya// hoM khung ji bzhin byas te gzugs// dur khrod skra yi thag pas bkyig/ ming byang bris la hoM la gdags// khro bo'i par pas dug dang spel// rtsang du re snam 'bru na ga ste// mchod rdzas bsreg rdzas ling ga bzhag/ ces gsungs so// zla gsang nag po'i rgyud phyi ma las/ drag po hoM nag gi skabs te nyi shu pa'o//// de nas yang mthu stobs kyi bdag po dpal phyag na rdo rjes 'di skad ces gsungs so// nag po shing shing phur sor bzhi// gru gsum sum brtseg rtse la gzugs// gtor ma nag po rgyun du btang// ling ga ji ltar 'dod pa'i dbyibs// dbang po yan lag tshang du dgod// las kyi gshin rje drag tu bskul// phur pa nyid kyi mgo mjug gdab// mnan pa dur khrod klu gnas chu// oM ti ra she rme du tso ta ru me ya nan/ che ge mo dza// ga tu da rme lan du ya rbad/ d+hi ma ku ta paM ril rbad/ oM ro ta shig rbad/ srog la phra du ti ril rbad/ tsha du ka nan shig shig/ chuM chuM rbad khrag tu tra baM ril rbad su ru ra na khug rbad/ sme du sha rbad/ oM du sa ha ra tsa du rbad dur tsa rbad/ ni ra du baM ril rbad/ tsit+ta ro la shan ti tsa dur nan rbad/ khrag tu tsa rbad/ rme len nu ka baM ril rbad/ tsu sha tsu sha tsu rbad/ tsa du ra baM ril rbad/ ces gsungs so// zla gsang nag po'i rgyud phyi ma las/ ma ra ya tsa sgrol gyi skabs te rtsa gcig pa'o//// de nas yang mthu stobs kyi bdag pos 'di skad ces gsungs so// gru gsum nag po sum brtseg tu// me ri rdo rje lcags kyu dang// tho ba zhags pa lcags sgrog bri// nang du gzugs bca' thod par gzhug/ gdug shing rtsa dgu dug gis byug/ sems can sna dgu'i snying dgu yang// gru gsum rtsang gi rtsa la dgal// mon mo mchod dgu'i snying la bod// rtags bzangs mthong nas gtsang gis brdeg/ thod pa'i ling ga dur khrod mnan// rak+Sha mo'i snying la khug/ raM ril rbad/ tsa tra mu kri kru to sha ri baM ri la rbad/ rak+Sha mo kha lo kha hi/ sring mo rak+Sha long la khug thum ri li li rbad/ kha long ha khA hi/ rak+Sha mo snying la khug snying tshal pa baM ri la rbad/ dgra bo mA ra ya kha long kha long khA hi/ ya ma rak+Sha mo snying la rbad/ kha long khA hi ha/ ya ma snying la khug/ glo snying la kha long khA hi/ ya ma rag+sha mo glo snying khug long khA hi/ rag+sha mo snying la khug la thum ril rbad/ dgra bo mA ra ya thum ril rbad/ ces ni gzugs ming snying la brdeg/ khyi dang bu chung skad ngan dang// rus pa btsas pa mnam na sbyar// zla gsang nag po'i rgyud phyi ma las/ mon mo snying 'bru bcu gsum gyi skabs te rtsa gnyis pa'o//// de nas yang mthu stobs kyi bdag pos 'di skad ces gsungs so// dur khrod glo nas ro blangs nas// dbang po bkrol la gtor ma bya// pags pa'i khung du 'khor lo'o// rgyab tu ma ri'i gzugs bris la// mtha' ma gdug pa'i sngags kyis bskor// snying khar trag nra rbad ces bri// 'doms su ya ma du zhes bri// lte bar dza nr-i phaT ces bri// tha ma mu nr-i dza yis bskor// nyungs kar nyungs nag skye tshe la// drag sngags 'di bzlas gzugs la brab// oM snying ro tse kro d+hi shwa ri dun b+h+yo/ tsit+ta snying la rog ba thum ri li li rbad rmugs dza/ myag tshal rog ba snying ro rtsal shig shig/ de nas zhing gi 'khor lo de// dgra'i khang pa'i rmang du mnan// sna tshogs gtor ma rtag tu btang// de ltar byas na gdon mi za// zla gsang nag po'i rgyud phyi ma las/ ma mo snying la nyi ma rmongs byed pa'i drag sngags kyi skabs te rtsa gsum pa'o//// de nas yang mthu stobs ky-i bdag pos 'di skad ces gsungs so// mtshan ngan thod pa sul mangs su// sna tshogs 'bru sna phyer btags la// zur gsum nyi shu rtsa lngar bsham// mi khyi rta'i khrag gis byug/ gdug pa'i shing gi gtsang re gzugs// brnag pa'i ming dang gzugs byas la// dkyil 'khor byang shar gru gsum gzhug/ drag sngags bzlas shing rtsang gis brdeg/ rak+mo tsit+ta ro shan snying rum thum ri li li mA ra ya rbad/ rak+mo tsit+ta me ri tsa rbad/ shig thum nr-i rbad/ mdze mo phag pa'i gzugs byung na// drag po'i sngags 'dis gnad la dbab// rak+mo tsa tra tsa kra r+t+ral hU~M tsit+ta rbad nan nan/ ces ni dam tshig phyag rgya bstan// me chen 'bar ba'i 'od gsal dang// dngos du 'od dang pi wang sgrogs// de ltar byung na grub rtags ta// gong gi gtor ma dgra phyogs 'phang// gtsang dang ling ka dgra phyogs sba// zhes gsungs so// zla gsang nag po'i rgyud phyi ma las/ srin mo nad gtong ma'i drag sngags kyi skabs te rtsa bzhi pa'o//// de nas yang mthu stobs kyi bdag pos 'di skad ces gsungs so// lung gsum mdo 'am brag chu 'thab// byang du kha bltas brag khung ngam// bdun na shing rtsi 'thug po yod// chu mig byang nub kha bltas pa// klu bdud gnas pa'i sa yin te// dus tshod dbyar zla gsum pa lo// pha mes rjed dpon rabs chad mgo/ mon nam rabs chad thod pa ru// ra khyi mi yi khrag kyang blugs// mdze can drag can rims nad khrag/ klu nad sna tshogs khrag kyag blugs// gru gsum mthing nag dbus su gzhag/ zag pa'i rdzas bsdus gzugs byas la// chag gang ling ga'i tshad du bya// ta la'i shing la ming rus bris// sbrul nag kha ru chud pa la// sdig pa nag pos 'jug nas rdul// sdom dang sbal nag za ba'i gzugs// sme ba'i khrag gis mkhas pas bri// gzugs dang ming rus bcas pa de// ro nye shun pa'i nang du gtum// sngon dmar thag pas rgya gram bkyig/ gu gul nag po'i dud pas bdug/ mdze can rabs chad thod par gzhug/ dur khrod ras la 'khor lo ni// bcu gnyis rtsibs dang bcas pa// thod pa 'khor lo'i nang du dril// za mo'i phur bu sor brgyad pa// nag po 'og rgur dbang bskur la// dkyil 'khor gru gsum dbus su gzugs// dkar gsum gtor ma rtag tu btang// gshin rje'i bsnyen pa rdzogs pa dang// drag po'i sngags 'di rgyun du drang// oM nag po ti pa tsa pa ya/ nA ga rag+sha che ge hi la nu la phe sha na phobs/ shig shig chuM chuM/ hu ya hu ya/ klu nag po mgo dgu pa dgra bo la mA ra ya dza dza/ sprul dang spal pa sdom dang sdig pa dang// mon dang byol song gzugs 'dra bdag la ston// de 'dra rtag tu byung na 'grub pa ste// drag sngags 'dis ni rab tu gsad par bya// nag po ti pa tsa rag ra ka u nag nan/ nag po ti pa tsa ya/ tsi ra tsi ra/ tsa pa ru shun/ che ge la yam/ nag po ti ba tsa pa ya/ tsu ta ru tsu ta ra/ ka la k+Sha che ge mo la yam/ a shan nag po ti pa tsa pa/ nA ga dgra bo kro d+hI shwa ri te shan rbad/ ku ra sha rbad/ ti pa tsa ba/ dza la dza la/ kha yan hU~M sha/ che ge mo la mA ra ya/ oM nag po ti pa tsa pa u shug sha rbad/ nag po sha pa na tra dre ba tra ba ti rbad/ ba du na be sha nA ga rbad/ nA ga phes ye/ phe shan hU~M nan/ be lang sha shag shig yan/ dgra bo mA ra ya dza/ zhes ni rab tu khros la brdeg/ nub byang kha bltas chu mig brngog/ khru gang brkos la thod pa sba// steng nas gra ma'i phur pas gdab// rtsal nag sprul gyi dud pas btang// dkar gsum mngar gsum mchod pa dbul// bdag nyid gshed pos gtad khram bya// yang na chu mig sngo thub tu// sgyed bu btsugs te thun khrag bskol// des ni gnad la dbab pa'i las// yang na thun de zor du 'phang// de ltar byas na brlag par 'gyur// zla gsang nag po'i rgyud phyi ma las/ mA ra ya mdze can gyi skabs te rtsa lnga pa'o//// de nas yang mthu stobs kyi bdag pos 'di skad ces gsungs so// mdze can pho mo'i thod pa ru// sna tshogs khrag dang dug tu sbyar// gtsor ni mdze khrag btsan du gces// phyir yang de bzhin sbyar te byug/ zangs phye lcags phye rdo phye dang// gtsor ni nyungs kar nyungs nag gces// thod pa re ba nag po'am// yugs sa mo yi zhabs mas gtum// dur khrod ras la skyag nul bya// ldong ros baM gyi khrag gis byug/ mgo phur bdud kyi nyi ma 'am// ki'u kang rgyu ba'i dus nyid du// mkhas pas 'khor lo 'di ltar bya// rim pa gsum dang ldan byas te// sum cu rtsa gnyis yi ge dang// drag bo'i sngags pa'i sngags 'di spel te bri// nag po ti ba tsa ba nA ga rak+Sha che ge mo hi la nu la/ phe sha na bobs shig shig chuM chuM hu ya hu ya/ mA ra ya/ gsod pa'i drag sngags sum cu gnyis// rtag tu bzlas cing 'khor lo bskor// 'khor lo bskor la thun gyis bsad// khol lam rlangs ba byung na 'phang// thun gyis btig cing bsngags 'dis gsad// tad+ya thA oM/ ta ki sha sha shu shu ti te ti ba re nA ga hu yu hu yu swAhA/ nA ga rA dza ma ra ya tsit+ta dza la ya/ oM ma yur shig sod// yan re shig sod/ thun tri shig sod/ rbad shig sod/ yid shig sod/ thun dang thod pa sngags 'dis 'phang// oM A yu tshe shig/ sod/ nA ga li yag yam/ su ra ta rbad/ baM der tsa thun b+h+yo/ 'khor lo'i nang du ling kha gril// nub byang kha bltas chu mig tu// khru gang brkos la sngags 'dis gtad// tad+ya thA/ oM ta ki tsi ki shar le shu mu le sha sha shu shu ti te bi ba re/ na ga hu yu nA gA hu yu swA hA/ zhes gtad par bya'o// zla gsang nag po'i rgyud phyi ma las/ mdze'i le'u nag po'i skabs te rtsa drug pa'o//// de nas yang mthu stobs kyi bdag pos 'di skad ces gsungs so// dkyil 'khor mthing nag gru gsum la// mtha' ma me ri 'bar ba bri// dbus su dmar nag ya gcig bri// lcags kyi phur pa sor bzhi pa// gru gsum dbus su gzugs par bya// khyi mi rta yi snying khrag dang// sha sna khrag sna'i gtor mas bskang// tshil chen dud pa rgyun mi gcad// ming rus phur pa'i mgul du gdags// drag po'i sngags 'di rgyun du drang// oM many+dzu shrI d+hi da ya/ gshin rje nag po dgra bo'i snying la dza dza/ mon dang g.yag dang ban de dang// rbab dang thug com 'od dang sgra// gshin rje grub pa'i rtags yin te// gtor ma gtang la gsad par bya// gshin rje nag po dgra bo'i snying rtsa rtsa nan nan/ rbad rbad rmugs rmugs/ dgra bo mA ra ya dza/ zhes brdeg go/ de nas dur khrod klaung du mnan// bcom ldan 'das kyang 'jig par 'gyur// zla gsang nag po'i rgyud phyi ma las/ bla phur nag po'i skabs te rtsa bdun pa'o//// de nas yang mthu stobs kyi bdag pos 'di skad ces gsungs so// dur khrod dkyil du gnas btsal te// dur khrod ras sam pags pa las// 'chi bdag nag po zhal gcig pa// ma he sngon nag zhon pa bri/ snying khar ya mA rA dza zhes bris// mchog gi phur pa sor bzhi pa// ya man+ta kar dbang bskur la// 'chi bdag nag bo'i snying khar gdab// oM ma many+dzu shrI ya man+ta ka pa la ya ma tsit+ta kI la ya rbad/ ya ma kr-i sna tsit+ta breng breng/ srog thums ril rbad/ ces ni gshin rje gzir gyur nas// gnam ris sa brag 'gems par byed// de nas snying khar hoM btsugs la// ming dang rus bris hoM la bsreg/ ya ma ka la che ge mo tsit+ta rA dza rbad/ ya ma snying/ ya ma khrag/ ya ma rtsa la hur/ dbugs thum ri li li dza dza rbad/ 'khor lor hoM dang ling khar bcas// dur khrod gling du slan te bzhag/ ma he skad ngan 'don pa'o// wa 'am brag srin brgyal ba'ong// ces gsungs so// zla gsang nag po'i rgyud phyi ma las/ gshin rje srog phur nag po srog 'phrog pa'i skabs te rtsa brgyad pa'o//// de nas yang mthu stobs kyi bdag pos 'di skad ces gsungs so// dur khrod klong nas ras btsal la// mda' gang gru bzhi'i tshad du bya// mthing nag gru gsum dkyil 'khor tshad du bri// nA ga du ya ka sha dza zhes bri// mtha' mar thal chen dkar por btang// sna tshogs sha khrag gtor ma bsham// mchog tu glang nag snying la rten// gshin rje'i bsnyen pa rdzogs pa dang// dur khrod bdag po'i srog nas bzung// yak+sha ka la sa ma ya dza dza/ yag me ka li ma ma shaM shaM dza dza/ btsun po pho mor gang byed kyang// mon dang bud med smra byed de// 'od ni gsal la gdangs pa'o// gzugs bcas gru gsum nang du gzhug/ phur pa gcig la sngags 'dis brdeg/ yag sha 'bar ba'i srog dung dung/ d+ha sha gr-i ba na dung dung/ ya ka sha tsit+ta ro la srog chod/ snying phur khrag zhibs/ gnod sbyin mo rol rol rtsa la hur thums/ dkyil 'khor ling gar bcas pa rnams// dur khrod lta bu'i gnas su sba// yang na pha tshan phung shul du// gnod sbyin lcam dral 'tshogs te// de ru sbas na phung bar 'gyur// zla gsang nag po'i rgyud phyi ma las/ gnod sbyin nag po lcam dral gyi drag sngags kyi skabs te rtsa dgu pa'o//// de nas yang mthu stobs kyi bdag pos 'di skad ces gsungs so// gdug can gyi shing rnams la// sor brgyad pa 'am sor bzhi'i tshad// gu gu la dud pas bdugs nas kyang// rtse mo gri lcags ma de 'ur gzhug/ rtag tu bsnyen pa rdzogs pa dang// ming dang gzugs la sngags 'dis gdab// oM a ni ma ra ni ma ra du/ ya ma snying/ ya ma khrag/ tshal pa baM ril/ dum pa dum bu hU~M phaT/ ya ma rA dza sa do me ya/ babs snying la ro sha snying la babs/ ya ma rA dza snying la kha khug thum ril rbad/ ya ma rA dza snying la khug thum ril rbad/ ya ma rA dza sa to me ya/ ya ma rA dza snying rtsa ro mo baM ril rbad/ ya ma rA dza snying la khug/ ro sha snying la baM ril rbad// ces btab na lha yang brlag par 'gyur ro// zla gsang nag po'i rgyud phyi ma las/ phur thun nag po'i skabs te sum cu pa'o//// de nas yang mthu stobs kyi bdag pos 'di skad ces gsungs so// mon nam rabs chad thod pa ru// dug sna stong rtsa brgyad sbyar te// 'brub khung nang du ling ga gzhug/ ya ma'i bsnyen pa rdzogs pa dang// dug gis brdeg cing sngags 'di bzlas// ya ma rA dza khram thogs rbad/ ya ma rA dza mugs thibs thibs rbad/ ya ma rA dza subs ril rbad/ ya ma rA dza snying du ya rbad/ ya ma ra dza myags bying ya ma 'ubs thul/ snying gi chod kha la zo/ tshal pa snying rtsa ro la baM ril rbad/ dug dang thod pa dur du mnan/ ces gsungs so// zla gsang nag po'i rgyud phyi ma las/ myos pa dug thun gyi skabs te sum cu so gcig pa'o//// de nas yang mthu stobs kyi bdag pos 'di skad ces gsungs so// rabs chad pho mo'i thod pa ru// nyungs kar rgyal pos dgang bya ste// dug dang khrag gis nyungs kar byug/ gru gsum nang du ling ga gzhug/ ya ma'i bsnyen pa rdzogs pa dang// nyungs kar brdeg cing sngags 'di bzlas// ya ma rA dza che ge mo/ d+hi tiya man+ta ka snying khrag tshal pa baM ril rbad/ ya ma rA dza glo la rtsa ro me tha ril rbad/ ya ma rA dza glo rtsa baM/ mchin rtsa rul rgyu rtsa khuM/ snying rtsa pra ma ya/ srog la te par rtsa snying laM rbad/ rtsa ro sha khug snying la rol/ tshal pa baM ril rbad/ ces brdeg par bya'o// rabs tshad kha sbyar thod pa de// lha khang them pa'i 'og dag gam// mchod rten snying po'i 'og tu mnan// zla gsang nag po'i rgyud phyi ma las/ rtsa skems nyung thun gyi skabs te so gnyis pa'o//// de nas yang mthu stobs kyi bdag pos 'di skad ces gsungs so// mi bsad mda' la gri mde'u gzhug/ 'ug sa bya rog zhing lpags dang// gdug pa gsum gyi sgro bskyon la// mda' dang ltas ngan sna tshogs gzugs// mkhas pas mi yi khrag gis bri// 'od ma'i gzhu la rgyus chen rgyud// gzhu mchog gnyis la yab yum bri// chang par ma ra b+h+yo zhes bri// mda' ni ya ma rA dzar dmigs// brnag pa'i gzugs bcas 'brub khung gzhug/ ya ma'i bsnyen pa rdzogs pa dang// brnag pa'i gzugs la sngags 'di brdeg/ ya ma rA dza snying la gtod par ka sha me baM ril rbad// aM shu sha snying la khug/ mchin rtsa rbad/ kas pa kas rtsa la shos/ rtsa ro ma g.yobs/ ro la rtsa me baM ril rbad/ khrag rtsa snying la shos/ ro rtsa shos baM ril rbad/ dgra bo mA ra ya baM ril rbad/ ces ni brnag pa'i gzugs la brdeg/ de nas mde'u me btang la// ling ga bsregs la dgra phyogs 'phang// smal po gzhal lag nub mo'i yi// gsungs so// zla gsang nag po'i rgyud phyi ma las/ mda' thun nag po'i skabs te so gsum pa'o//// de nas yang mthu stobs kyi bdag pos 'di skad ces gsungs so// rgya tshil gu gul sbyar nas kyang// g.yag ru nag po'i nang du gzhug/ ming dang gzugs bris dud pas bdug/ gu gul me btang lid+ga bdug/ ya ma'i bsnyen pa rdzogs pa dang// drag pos sngags 'dis brdeg bar bya// ya ma rA da sa twa me/ ya ma ra dza snying la ro du me ya/ ya da yo ni snying la to ru me ya/ baM ril rbad/ rak+sha k+sha ya/ a kra ma kra ma snying la rtsa ro me baM ril rbad/ ces ni las de rdzogs pa dang// dgra bo'i yul lha rten 'og sba// yang na khang pa'i ru la sba// zla gsang nag po'i rgyud phyi ma las/ gu gul gyi skabs te so bzhi pa'o//// de nas yang mthu stobs kyi bdag pos 'di skad ces gsungs so// rnel dri mo 'am kha ra la ma// mdze mo sprang mo'i mgo thod du// rims khrag mdze khrag rme khrag tshogs// thod pa'i nang du blugs nas ni// phyir yang de bzhin bcug par bya// yugs sa mo yi dor rtar gril// ya ma'i bsnyen ba rdzogs pa dang// brnag pa'i gzugs bca' sngags 'dir brdeg/ ya ma rA dza rtsa la rod pa khug thum ril rbad/ snying la rag sha mye baM ril rbad/ ya mA rA dza snying la rtsa rtsa nan nan/ sdigs sdigs/ rmugs rmugs/ che ge mo thum ril rbad/ mkha' ras dngos sam phyogs dag tu// bgrod khar 'gro zhing sngags bzlas te// gshin rje'i chas su zhugs la 'phang// zla gsang nag po'i rgyud phyi ma las/ rme ba khrag thun gyi skabs te so lnga pa'o//// de nas yang mthu stobs kyi bdags pos 'di skad ces gsungs so// mon nam glen pa'i snying nang du// glang rog bya rog ra rog snying// rta nag khyi nag nya yi snying// stag dang bya rgod mi yi snying// phye mar btags te blugs par bya// nyungs kar nyungs nag dug rdzas la// ya ma'i bsnyen pa rdzogs pa dang// snying nang ling ka bcug la brdeg/ ya ma rA dza sa to me ya/ snying la ro sha baM ril rbad/ dgra po'i mchin rtsa glo rtsa snying la khug kas pa kas pa/ tshal pa tshal pa/ snying la rol pa rtsa baM ril rbad/ kha raM nr-i tsit+ta kha raM khA hi/ ral gris gtubs la gtor mar dbul// zla gsang nag po'i rgyud phyi ma las/ drag po'i snying thun skabs thun gyi skabs te so drug pa'o// de nas yang mthu stobs kyi bdag pos 'di skad ces gsungs so// lcags sam nag po'i snod nang du// sna tshogs khrag dang bse zhor sbyar// ling ga ji ltar 'dod pa'i dbyibs// ming dang rus bris gzhug par bya// yang na rba'i sbar bu ru// dug dang sbyar te gzugs la bsku// ya ma'i bsnyen pa rdzogs pa dang// sngags 'di bzlas la khar la brdeg/ oM d+h+ri tI ya man ta kra shrI many+dzu/ a kro man dza ye/ be ta pi dgra bo'i ro la tsit+ta ro la shan+ti/ snying la rog pa/ rtsa khug/ kro d+hI shwa ri pe te li khug/ khug baM ril rbad/ ya ma rA dza srog la baM/ a many+dzu snying la khug/ srog la rgal de baM ril rbad/ ni ma ra ya to pa ma ya/ tod pa pas smi de hU~M dza/ oM sha many+dzu ya ma ta pe ta le kro d+hI shwa ri/ snying kha rak+sha sa ma ya thum ril rbad/ ya ma rA dza sa do me ya/ khrag la ho du me ya/ klad pa la ha re ho re/ baM ril rbad/ ces ni ling ga'i snying khar brdeg/ phyogs su mi 'phang dngos la brdeg/ bcom ldan 'das kyang 'jig par 'gyur/ ser ba 'bebs na lo tog la'o// smyo 'bog gtong na lha khang du'o// mdze nad gtong la chu mig la'o// thog tu 'bebs na lha rten la'o// zla gsang nag po'i rgyud phyi ma las/ drag po bsnyen thun gyi skabs te so bdun pa'o//// de nas yang mthu stobs kyi bdag pos 'di skad ces gsungs so// zug pa'i rdzas dang sna ma la dang// grogs mkhar sa dang thigs pa la// ma ra ya yi gzugs byas te// dbang po yan lag tshang bar dgod// gru gsum mda' gang nang du gzhug/ mchog gi phur ba sor brgyad pa// ya ma'i bsnyen pa rdzogs byas te// rtsa srog bcad pa'i sngags 'di bzlas// oM badzra kI li kI la ya/ khrag thibs ba ril rbad/ mug thibs rbad/ subs ril rbad/ gling du ya rbad/ gshin du rbad/ khrag gsham du rbad/ khrag ka khrag ka baM ril/ tsit+ta ro la shan+ti rtsa nan nan/ gshin rje nag po'i pho'i mo'i snying la kha la glo snying khug/ dgra bo mA ra ya baM ril thum ril rbad/ dza dza zhes brdeg go/ de nas gzugs kyi lhag ma de// dug shing me btang sbyin sreg bya// zla gsang nag po'i rgyud phyi ma las/ rtsa thun nag po'i skabs te so brgyad pa'o//// de nas yang mthu stobs kyi bdag pos 'di skad ces gsungs so// brag nag bdud kyi rten gnas te// dkyil 'khor mthing nag gru gsum la// dur khrod sol bas nag por byug/ de la thal chen sbar khab dgye// gru gsum kha la rjes ngan brdeg/ gla ba nag po'i snying la bod// tsa ra rog po dmigs pa'i rten// nyungs kar nyungs nag brdeg pa'i rdzas// sna tshogs sha khrag gtor ma la// gtso ru srid pa phyi mi rta// snying dang rak+ta bskangs ba'i rdzas// brda mi 'phrad dang mon mo'i gzugs// btsun pa'i gzugs dang sngags pa'o// sngags ni rtag tu 'di dag gdon// bdud pra ma ya bdud mA ra ya/ bdud snying mgo chod/ du ru du ru/ ha ra ti ha rti/ dgra snying la dza dza/ nag po ti pa tsa pa'i/ dgra snying rtsal baM ril rbad/ nA ga kro d+hi shwa ri snying la pa tsa la/ trag ma trag shi/ dgra snying la kha raM khA hi/ nag po sha pa ti/ rtsa baM ril rbad/ nag po her haM baM ril rbad/ nA ga snying mgo chod/ kha la zo snying mgo chod/ rtsa la rig pa'i dgra snying la dza dza/ dgra bo'i snying la ha re hu re/ be ra baM ril rbad/ hu ya dgra snying la du ra du ri glo rtsa la baM ril rbad/ yang na myos shing lkugs su cig/ yang na smyos zhing 'bog tu chug/ yang na rtsa rgyud bdun rgyun chod// yang na don snying thal bar rlogs// yang na mdze dang 'brum bu thong/ zhes ral brdeg par bya'o// de nas ra bsgral te/ mnan pa hoM khung rnying par bya// thugs dam bskang la gtad khraM bya// zla gsang nag po'i rgyud phyi ma las/ bdud kyi drag sngags kyi skabs te so dgu pa'o//// de nas yang mthu stobs kyi bdag pos 'di skad ces gsungs so// lha khang lta bur song nas kyang// dar dkar bting la 'bru sna spung// spyan gzigs sna tshogs legs par dgram// snying chen gcig la rten bcas te// spyan gzigs tshogs kyis thugs dam bskang// brnag pa'i gzugs ming bcas pa yang// dgra yi gos la bri bar bya// mchog gi phur bu sor brgyad la// ya ma'i bsnyen pa rdzogs par bya// oM many+dzu shrI rI dza ma hA tri kra shar li pra ma ni rA dza tr-i tr-i dza dza/ 'od la sogs te sgra rnams dang// mi ma yin pa'i gzugs kyang ston// rA dza ma hA pU tsa pra ti tsa ho kha raM khA hi/ zhes ni mchod dbul thugs dam bskang// bsad na mchog gi phur pa la// sngags la ling ga dag la brdeg/ oM ni ma ra ni ma ra du/ ya ma snying ya ma khrag/ tshal ba baM ril rbad/ daM pa duM bu/ gshin rje po de kun khug khug/ dgra bo ma rA ya dza dza/ oM ni ma ri ni/ d+h+ri ta ya ya man ta kri rA dza/ te pa li kro d+hi shwa ri/ snying mgo chod/ rtsa la shos/ khrag mgo chod/ khrag la kI li kI la ya/ baM ril rbad/ ya ma rA dzas to me ya dun b+h+yo/ ya ma rA dza snying do me dun b+h+yo/ ya me do ru me da ya/ ya ta yo ni snying la khre k+She ya baM ril rbad/ oM shrI many+dzu gshin rje nag po/ dgra snying la gu ra gu ra baM ril rbad/ ha ra tu ha ru baM ril la rbad/ tra ha ra tra ha ra baM ril rbad// rme ru me ru baM ril rbad/ hU ra sha hu ra sha baM ril rbad/ ta ka ka ha ri ka baM ril rbad/ du raM su ru raM baM ril rbad/ ha ra tsa ra nan nan ha ra ra nan/ sruM hU~M ra baM ril rbad/ kra ya ha kra ya ha/ sme'u lu sme'u lu/ tsur da tsur da baM ril rbad/ smre sha sme sha kra shu me kra shu me/ tshur haM tshur haM/ gu raM gu ba raM bi la rbad/ tsa du ra tsa du ra sle sha sle sha baM ril rbad/ mi rus dar dkar spyan gzigs bcas// lha khang mgon po'isnying khararbad/ zla gsang nag po'i rgyud phyi ma las/ khu thun smyo ba'i skabs te bzhi bcu pa'o//// de nas yang mthu stobs kyi bdag pos 'di skad ces gsungs so// dur khrod dgon pa'i gnas dag tu// dkyil 'khor mthing nag gru gsum bri// nang du rabs chad thod pa ru// gri mor shi ba'i snying chen gzhug/ snying gshags nang du ming rus ni// ha la'i shing la bris te gzhug/ rgyas chen btsems la sngags 'dis srab// oM many+dzu shrI ya ma rA dza kr-i sna bri mA ra ya dza dza/ ya ma rA dza snying la rbad/ rtsa la stungs dbugs la thums/ snying la kha raM khA hi/ zhes ni ral gris gtub par bya// phyed na dug shing sbyin bsreg bya// phyed ni gtor ma'i nang du dbul// zla gsang nag po'i rgyud phyi ma las/ snying zor nag po'i skabs te zhe gcig pa'o//// de nas yang mthu stobs kyi bdag pos 'di skad ces gsungs so// khrag gis sbrus pa'i maN+Dal ni// chag gang gyen la brtsig par bya// khru gang thur la bru bar bya// kha khyer thal chen dkar por btang// ma gu kha sprad tshul du bri// dbus su yi ge ya gcig bri// gtsang dgus gru gsum kha la bskor// sha khrag gtor ma sna tshogs bsham// rgyun du sngags 'dis bsgrub par bya// oM many+dzu shrI tra ka rak+mo snying te kem snying rtsa srog srog breng breng ma ma dza dza/ dam tshig phyag rgya bcas nas ni// ma ma rag+mo sa ma ya daM daM dza dza/ zhes dam bsgrag go/ ma mo gshed mo 'di rnams ni// hor ba gzan la bcum gzhin 'ong// gru gsum nang du rjes ngan 'ong// wa'am brag srin skad ngan 'ong// gru gsum nag por ling ga gzhug/ drag sngags dgu po 'di yis bsad// trag rak+mo ni khug rbad/ ma ma gzer shad ma rbad// ma ma 'dar yed yed rbad/ ma nr-i sha ku ru thun nr-i rbad/ ra ka sha mo kha long nri kha long rbad/ ma sha ma ra ka mo snying ling rbud/ ma ma rak+mo srog bye shag snying rtsa kum rbad/ ma ma dung srog bye mA ra ya rbad/ ma ma trig trig sha long/ khrag ling mA ra ya rbad/ ces ni rtsa dgus gzugs la brdeg/ de nas dong nang tsher mas dgang// me btang ling ga sbyin sreg bya// zla gsang nag po'i rgyud phyi ma la/ gshed mo dgu'i drag sngags kyi skabs te zhe gnyis pa'o//// de nas yang mthu stobs kyi bdag pos 'di skad ces gsungs so// dkyil 'khor gru gsum nag po la// zla gam dmar po kha spyod rgyu// dkyil du khrag gi dza ro bri// ban d+ha dgu ru snying chen dgu// sha khrag sna tshogs sbyar la bzhag/ lcags phur dgu la ling ga dgu// rang rang sngags kyis btab nas kyang// gtor ma ro ru mchod pa dbul// ma ma trag kha mun long dza dza/ ma ni rag ta trag mo dza dza/ ma ma snying rtsa shad shad dza dza/ ma ma srog snying rtsa sham sham dza dza/ ma thig nig srog thun snying thun dza dza/ rak+mo yag+mo ka li daM dza dza/ ma gar za ma snying thig srog la dza dza/ sa ma rak+mo srog skems ma dza dza/ che ge mo ni sha tu srog la rbad/ snying kha long rtsa thun srog thun mA ra ya rbad/ ces phur pas gdab bo// thugs dam bskang ngo// zla gsang nag po'i rgyud phyi ma las/ srin mo khrag 'thung sbar sdebs ma dgu'i drag sngags kyi skabs te zhe gsum pa'o//// de nas yang mthu stobs kyi bdag pos 'di skad ces gsungs so// mchog gi phur pa sor brgyad dgu// dgu dang khrag tu sbyar bas byug/ sngon dmar skud pas 'og nas bkyig/ sngags 'dis bzlas la gzugs la brdeg/ bal mo shaM shaM srog la sham/ tr-i rag mo srog gu ru tsit+ta ma ra rbad rbad/ ces btab na brlag par 'gyur ro// zla gsang nag po'i rgyud phyi ma las/ bal mo nad gtong ba'i dgu'i skabs te zhe bzhi pa'o//// de nas yang mthu stobs kyi bdag pos 'di skad ces gsungs so// khyi mo dkar nag grod pa ni// gnyis gshags sbyar la kha yar btsem// grod pa dkar mor khrag gis dgang// grod pa nag po dug gis dgang// nag du dmigs pa'i ming rus gzhug/ dug la khrag gi grigs dang sbyar// nyungs kar nyungs nag ske tshe la// pho sngags grod pa nag por gdab// rag sha rbad dza dza/ ru tra rbad dza dza/ yak+sha rbad dza dza/ pag sha rbad dza dza/ rA dza rbad dza dza/ mo sngags grod pa dkar mor gdab// rak+mo mA ra ya tr-i ni sad/ rak+mo snying kha raka ba ti snying rtsa ril/ yak+mo snying rtsa ril/ trag mo shig shig/ snying la rol// ru tra ma ma rtsa shig/ ya ma snying khrag sha ru ru pa t-i srog pr-i sham khyer b+h+yo/ zhes grod pa khab kyis btsem// rme lug nag po lcags ru la// mgo bo mthing nag dar gyis gtums// khal du bkal la dgra yul btang// de bzhin sngags 'dis phyogs su btang// rag mo srog baM kha 'ur khug mA ra ya khug/ b+h+yo b+h+yo/ zhes ni nyungs kar phyogs su 'phang// zla gsang nag po'i rgyud phyi ma las/ sbre nag gtor skyel gyi skabs te zhe lnga pa'o//// zla gsang nag po'i rgyud phyi ma rdzogs so//// rgya gar gyi slob dpon khrag 'thung nag po dang/ bod kyi lots+tsha ba gnubs sangs rgyas ye shes kyis/ dur khrod ha la sgrogs pa'i sgrub gnas su bsgyur cing zhus te gtan la phab pa'o//// rgya gar skad du Ar+ya many+dzu shrI rat+na gu h+ya tan tra/

CLOSE WINDOW