310b1 siM ha tsa tra nA ma/ bod skad du/ seng ge 'o ma'i rgyud ces bya ba/ dpal gshin rje gshed la phyag 'tshal lo// 'di skad bdag gis thos pa'i dus gcig na/ rgya gar yul gyi pha mtha'/
310b2 mtsho yongs 'dus// ri kun 'dus/ lha 'dre kun gyi tshogs sa/ the brang kun gyi rgyu srang/ de na dpal chen po ya man+ta ka bzhugs pa la/ gnod 'dul lha yis zhus pa las/ seng ge 'o ma'i rgyud gsung du gsol
310b3 zhes pas/ dpal chen po des bka' stsal pa/ 'di la mang por yod kyis kyang// bsdu na rnam pa bdun gyis bstan// phyag 'tshal ba dang/ skye rgyud bstan pa dang/ gnas dang/ sngags dang dam tshig dang/ 'khor
310b4 lo dang/ gnan sreg 'phang dang bdun du bstan to// de la nan tan ji ltar bgyi// zhus pas/ yid la zung la lce la zlos/ zhes gsungs so// seng ge'o ma'i rgyud las/ gleng gzhi dang gleng bslang ba'i le'u ste dang
310b5 po'o//// de nas gnod 'dul lhu yis yang gsol ba/ yab lags/ bsdus tshig bdun po bstan du gsol// zhes pas/ bka' stsal pa/ phyag 'tshal ba ni lha srin sde brgyad kyis/ dpal chen po la phyag
310b6 'tshal lo// skye rgyun ni// pha srin po ma klu yin pas/ klu srin tshogs pa'i bu/ srin po ra hU la/ de ba sde brgyad tshang bas dmag dpon yin/ pha lha dbang phyug chen po/ ma lha mo dung skyong ma// de gnyis kyi bu nag mo
311a1 gsod byed ma/ de la sde brgyad tshang bas dmag dpon no// pha bzang thog gi rgyal po/ ma dug mgrin ma/ de gnyis kyi bu mo mon mo gser gyi rtsags bu can/ de la sde brgyad tshang bas dmag dpon
311a2 mo// seng ge 'o ma'i rgyud las/ phyag 'tshal ba dang/ skye rgyud bstan pa'i le'u ste gnyis pa'o//// gnas ni gangs ri'i rtse 'am/ dur khrod dam/ chu gling sum mdo 'am/ sngags ni rab tu bstan pa ni/
311a3 ke ta/ ra hU~M sring/ rag mo/ trig bi snu hril phob/ tsa pa ni rbad dza lhan nan/ zhes u0f84gsungs so// seng ge 'o ma'i rgyud las/ gnas dang sngags bstan pa'i le'u ste gsum pa'o//// de nas dam tshig bstan
311a4 ni// khyi dang bud med ser ba'i dug/ phud nyams kha rlang srog gi dug/ rdzas ma tshogs ba ltas ngan dug/ dug gsum spangs na dam tshig yin// seng ge 'o ma'i rgyud las/ dam tshig bstan pa'i le'u ste bzhi
311a5 pa'o//// de nas 'khor lo bstan pa ni// srog la 'khor lo rnam pa gnyis su bskor// dbus su gru gsum ling ga'o// de yi logs la brung gsum gsum// de la spu gri sbyor bri// 'khor lo rtsibs
311a6 mchan bcu gnyis la// de la rtsa ba'i srog sngags gsum// de yi phyi skor gsum pa la// gzer ba dang po'i sngags// de 'od sgrub pa'i sngags// de 'og las sngags dug tu shes// zhal gyi phyogs su rtod la
311b1 bri// de ni gsad pa'i 'khor lo 'o// srog gi 'khor lo reg chod ni// rim pa bzhi ru bskor ba la// gcig la spu gri mgo nang ngo// gcig la rtsa ba mgo phya'o// phyi nang bar du che ge mo yang bri// drug gsum nyis
311b2 rtse gsum pa drug/ phyi pa rtsa sngags nang pa mda'// zla gam bsgrub sngags bar na ldan// phur ba'i 'khor lo bri ba na// rgya mdud dang po gzir sngags la// 'khor lo logs brgyad nye sngags te// rgya mdud 'og ma
311b3 sgrub sngags la// dbus la las sngags bri ba yin// gcan zlog 'khor lo bsnol ma ste// pho mo re yi zhal re bri// 'khor lo bzhi ru bri ba ni// phyi la yul gyi gzugs su bri// de nas sde brgyad bsnol dang
311b4 gzir// lkog ma'i 'og tu 'ga' pi bri// phyogs kyi rgyab tu tram sngags bri// le'u tshe bzhi la rtsa ba'i sngags bri// lho rnal 'byor gru gzir btsan rbad// the rang brid la dbab ba ni// 'khor lo rtsibs brgyad dag tu
311b5 zi// mkhas pas sngags rnams bris la dbab// de med las rnams yug pa rgyang// seng ge 'o ma'i rgyud las/ 'khor lo bstan pa'i le'u ste lnga pa'o//// de nas bcom ldan 'das kyis/ mnan sreg 'phang
311b6 ba'i las bstan te// 'khor lo thod pa'i nang du bcug la// nag gi lto gshag/ rgya mtsho sbyar dbye/ ri bo lto gshag/ bka' rten byin can 'og tu sba// sreg la skyer ba'i me la bsregs// thal ba rlung la phyar la
312a1 btang// 'ug pa bya rog srin bya la sogs ba'i// khrag dang dug dang phur pa 'phang// seng ge 'o ma'i rgyud las/ gnan sreg 'phang ba'i le'u ste drug pa'o//// rgyud lnga pa rdzogs
so/

CLOSE WINDOW