78a3 snubs nam mkha'i snying pos/ bsam yas brag dmar du bsgyur cing zhus te gtan la phab pa'o//// rgya gar skad du/ bu tra tan tra ka pa na ma pra ta pa/ ka ru na sa ta nA ma/ ka ra ma ra ya d+ha ba/
78a4 ka ra ma ku ru ma la/ san d+ha na/ g+hu ha/ man tra ti/ sid+hi ka pra ti paM/ g+hu ha u tong ta/ sarba ma ha ra tsa/ bod skad du/ mdo rgyud rtog pa bsdus pa'i sgron ma zhes bya ba/ thugs rje sbyang thag gi
78a5 gnas// mdzad pa lha'i cho 'phrul 'phrin las mthar phyin pa'i bsgrub pa/ gsang sngags nges par 'byed pa'i don gsal bar byed pa'i sgron ma/ lung thams cad kyi rgyal po chen po'o// bcom ldan 'das kun tu
78a6 bzang po ye shes rig pa'i rgyal po la phyag 'tshal lo// de nas 'di ni rab bshad pa// kun gyi lung chen 'di yin te// yong ye bskal pa bsam yas shing// brjod du med par gnas pa yi// phyogs bcu rnams
78b1 dang dus gsum du// bzhugs pa'i sangs rgyas thams cad kyang// mdzad pa'i 'phrin las sna tshogs pas// 'gro ba'i bsam pa tshim mdzad cing// ya mtshan byin rlabs rmad po ches// cho 'phrul rnam pa mang bstan
78b2 yang// don rdzogs gzhan la phan par ni// thams cad kun gyi dgongs rgyud gcig/ mkha' dbyings dag pa'i klong yangs su// rig pa'i ye shes stong gsal bas// chos sku thig le chen po'i ngang// sangs rgyas
78b3 nyag gcig spyod yul lo// kun bzhi ma bcos byang chub sems// de bzhin nyid gcig dbyer med la// ma rigs 'khrul pa'i snang ba yis/ gzung 'dzin dngos por rtog bsogs pa'i// gdul bya thabs kyis
78b4 gzung ba'i phyir// thugs rje'i sbyang thag rgyun chad med// che ba'i chen po sangs rgyas rnams// 'gro ba drug la sogs pa kun// byams pa'i thag pas 'dzin pa yis// byed pa po dang bya ba dang// dmigs pa'i
78b5 gnas su nges so zhes// ma bcos thig le rdzogs pa yis// rang 'byung ngang las skur snang ba'i// de bzhin gshegs pa rnams kyis gsungs// thugs rje chen po sangs rgyas kyang// gnas lugs ngo bo nyid kyi
78b6 gzhi// ji bzhin pa yi don de la// sangs rgyas sems can dbyer med cing// ye sangs rgyas su lhun gyis grub// ma btsal bsal dang bzhag pa med// rkyen gyi rnam pas rtog min yang// sgra tsam zhig tu bstan
79a1 nyid na// gol sgrib rang sar dag gyur ba'i// chos nyid mu mtha' mnyam nyid kyis// mtha' bzhi ma spangs mi gnas las// sangs rgyas zhes ni de nyid bzhed// brda yis brtags pa'i sangs rgyas
79a2 la// che ba'i yon tan bsam yas shing// gzhal dang grangs las 'das mod kyang// mdor bzhag sku dang ye shes so// lnga dang bzhi dang gsum dang gnyis// de bzhin gcig gi sku rnams phye// ngo bo nyid dang
79a3 rnam smin dang// chos dang longs spyod sprul pa lnga// rnam smin rgyu mthun 'bras bu ste// des na thub pa'i sku mchog bzhi// ngo bo nyid sku bral 'bras zhig/ sangs rgyas gsungs pa sku gsum nyid// mdor na sems
79a4 nyid sangs rgyas te// de nyid ma yin sems can zhig/ 'ga' yang yod pa ma yin pas// ma bcos ye nas mngon sangs rgyas// kun kyang bral ba'i 'bras bu ste// de phyir ngo bo nyid skur gcig/ mkhyen pa'i ye
79a5 shes bzhi dang lnga// me long bzhin dang mnyam pa nyid// so sor rtog dang bya ba bsgrub// chos dbyings shes pa'i ye shes so// de nyid dngos dang mkhyen pa gnyis// skye 'gag bral yang tha snyad du// so so'i rgyu dang
79a6 bcas nyid de// kun gzhi dang ni nyon mongs yid// yid dang sgo lnga'i rnam shes dang// chos kyi dbyings las yang dag byung// des na rgyu dang 'bras bu zhes// bral ba tsam la brtags pa'o// ma nor ma bcos
79b1 dpal gyi dpal// lhun gyis gnas pa'i sangs rgyas las// thugs rje'i bya bas yul gang la// sgyu ma'i sbrul pas rab tu bzung// yang dag nges pa'i don nyid la// byed dang bya ba mi dmigs kyang// sngon du
79b2 goms pa'i 'bras bu las// thugs rje chen po'i sprul pa shar// gzhi lam 'bras bu rnam phye bas// thugs rje rnam pa gsum yin te// sems can dang ni chos la dmigs// dmigs med snying rje chen po
79b3 zhes// phyogs bcu'i bde gshegs rgyal ba yis// dgongs rgyud gcig pas yang yang gsungs// de ltar thugs rjes rjes bzung bas// gdul bya gang dang gang dag la// gsung dbyangs du ma'i gsung rab
79b4 kyang// sna tshogs nor bu ji bzhin du// rnam pa du ma gsal ba dag/ gsungs pa med bzhin gsungs bar snang// thugs rjes 'jug pa sna tshogs pas// ji ltar 'os pas 'dul mdzad de// phyi rol byed pa'i sde
79b5 rnams la// de dang der snang ston pas gsungs// gang yang chad par lta 'dod la// 'di ltar snang tshad 'di tsam ste// sems can skye ba snga phyi dang// thams cad mkhyen pa'i sangs rgyas dang// lkog tu gyur ba'i
79b6 'gro med dang// dbang phyug dang ni byed po dang// las dang 'bras bu las med pas// tshu rol skabs 'di mdzes so zhes// lha yi bla ma'i gzugs nyid kyis// rgyang 'phen pa yin bden don gsungs// gang zhig
80a1 drang srong rjes slob cing// rgyu la 'bras bu gnas 'dod la// shes bya bdag rang gtso bo ste// bdag ni byed med myong ba'o// gtso bo rang bzhin rnam 'gyur zhes// rgyal ba'i rjes 'brangs ser skyas
80a2 bshad// de bzhin bdag dang gtso bo las// rdzas dang de las byung ba yis// rtag dang mi rtag smra byed la// dus gsum gyi ni rdzas drug la// srog dang srog ma yin pa dang// rten dang sdom pa bral ba
80a3 dang// bcings dang thar dang bsod nams dang// 'gro dang song bas go 'phang dgu/ gcer bus ngal dub spyod pa yis// las zad 'dod pa rnams la bstan// dbang phyug nyid dang shes bya'i gnas// rdzas dang
80a4 yon tan las dang spyi// bye brag 'du ba drug nyid de// de shes dbang phyug mchod legs pas// thar zhes rigs pa can dag dang// bye brag pa la rab dgongs te// rang la na yi tshul gyis gsungs// la lar khyab
80a5 'jug tsor byas nas// thams cad 'di nyid kyis sprul zhing// shes pas bdag nyid shes min te// mchod sbyin dang ni khrus byas bas// sdig dang sgrib pa zad 'gyur zhes// spyod pa la la tshangs pas bstan// de'i
80a6 gzhung kha cig sems tsam du// byed pa po bdag dang dge mi dge// dus khams yon tan stong pa rnams// yod cing rnal 'byor goms pas na// bdag nyid gcig bur kun 'dus pas// don dam zhes tshangs
80b1 pas smra// dge sbyong go'u ta ma'i gzugs// thub dbang rgyal ba mchog gis kyang// ji lta ji ltar 'dul 'gyur ba// de bzhin mthun pa'i bstan pa gsungs/ kha cig la ni gang zag dang// dus gsum shes par bya
80b2 ba'i gnas// rdzas su grub ste yul sems gnyis// tha dad dus mtshungs don dam du// yul sems bden par smra rnams la// chos kyi bdag ces nges par bstan// de 'dra kha cig la dgongs te// ji ltar snang
80b3 yang sems nyid la// rnam par 'jog don sems kyi gzhi// skyes te 'dra ba'i chos bdag nyid// de ni dam ba'i don yin te// bden pa grub ces rgyal bas gsungs// thams cad sems su smra 'dod la// kun tu
80b4 btags dang gzhan dbang dang// yongs su grub pa shes bya gsum// ji ltar snang ba'i don gnyis dang// gnyis med shes pa'i rab dbye bas// ngo bo nyid gsung bden gnyis te// rig snang shes pa ma lus
80b5 pa// bden zhes kun tu btags pa dang// don shes ming yang ma rig pas// bslab pa'i snang ba kun btags par// smra zhing sems kyi rnam pa las// yod dang med pa'i gzhung du snang// gang yang ngo bo nyid med
80b6 'dod// bden pa gnyis la rab brten nas// sgyu ma rab tu mi gnas bar// nges par bden zhes thub bas gsungs// bde gshegs gsung gi ngo bo las// grub mtha' so sor snang ba rnams// sangs rgyas sa la
81a1 drang ba'i phyir// bstan pa'i dbye bar gsungs pa yin// tha mal pa la blo zlog phyir// mu stegs phyed kyi bstan pa'o// de yi 'dod blo so so'i tshul// mya ngan 'das las drang ba'i phyir// mchog 'gyur
81a2 sangs rgyas bstan pa ste// de yi grub mtha' so sor gsungs// nyan thos sde dang rang sangs rgyas// blo chen sems rtogs dbu ma pa// rgyu 'bras mnyam nyid la sbyor phyir// bya ba'i rgyud sogs so sor
81a3 gsungs// bde gshegs thugs rje chos kyi char// brgyad khri bzhi stong gsungs pa yang// gdul bya'i sgrib pa bral phyir te// sangs rgyas 'phel ba'i phyir ma yin/ kha cig drang ba'i tshul gyis te/ kha cig nges pa'i
81a4 tshul gyis so/ kha cig skyo ba bskyed pa ste/ kha cig brod pa bskyed pa'o// mdor na de dag thams cad kyang// thugs mchog dgongs rgyud gcig gis gsungs// mdo dang rgyud dang cho ga dang// le'u dum bur rab
81a5 phye dang// rtog pa la sogs ji snyed pa// thugs rje'i rgyun gyi dpyang thag go/ 'phags pa'i thugs rje gsum nyid kyis// gzung bar bya ba'i gnas nyid kyang// log par zhugs dang nges par 'dzin// mnyam pa
81a6 nyid du shes pa'o// thog mtha' med pa dus kyi dbyings// 'phel 'grib med par gnas pa ni// chos rnams kun gyi rten gzhi ste// bde gshegs thugs kyi snying po'o// de las sems dang sems 'byung
81b1 gi/ sna tshogs yul gyi dngos por gzung// des bskyed rgyu gsum ngo bo nyid// gnas lugs ye don ji bzhin pa'i// mtshungs par ldan ba'i ma rig pa// kun 'gro kun tu btags pa yin// de bskyed log par
81b2 zhugs pa yang// the tsom bskyed dang ngar gzung zhing// de la chad dang rtag brtags pas// 'jig tshogs mthar 'dzin nyid du 'gyur// log zhugs ji ltar brtags don la// chags sdang nga rgyal skyes pa
81b3 ni// btang mi bra zhing rlom sems las// log pa las kyang log par zhugs// gzhan yang khro ba bskyed pa dang// lha dang tshul khrims brtul zhugs la// mchog tu 'dzin dang log lta rnams// log pa las kyang de
81b4 bzhin bzhugs// de dag kun tshogs 'dus pa las// shing rta chen po'i 'phang lo bzhin// rigs drug gnas su 'khor gyur te// rang rang sdug bsngal bsal bar myong// 'gro la dmigs pa'i thugs rje
81b5 yi// dpyang thag gis ni de mi gtong// nges par 'dzin pa thugs rje'i gnas// rnam pa sna tshogs 'byung ba na// chos nyid dngos po'i gnas lugs sam// gzugs dang sems dang sems las 'byung// 'du byed
81b6 khams dang 'dus ma byas// brtag cing shes pa'i gzhir bzhag ste// ngad dang dran dang ting nge 'dzin// brtson 'grus dang ni shes rab rnams// rjes su dran phyir zag bcas te// shes rab rgyu yis rab bskul
82a1 nas// rang rang lta ba nges par gzung// 'di yang kha cig med ces nas// tha snyad 'dzin la skur pa 'debs// la la nges par yod do zhes// yang dag don la sgro 'dogs te// de yang kha cig
82a2 'dus ma byas// rtag pa gcig pa'i dngos por smra// 'ga' zhig 'dus ma byas pa'i don// mi rtag du ma'i dngos por brtags// la las gnyis kar brjod med ces// la la thams cad dngos med pa'i// bden
82a3 pa grub pa'i don du brtags// des na nges 'dzin bsam mtha' yas// mdor na don rnams ji snyed kun// yod dang med dang tha dad dang// gcig pa nyid ces rtag gzung bas// mtha' cher ltung zhes lung 'dir
82a4 bshad// mtha' 'dzin nges pa'i blo can rnams// chos la dmigs pa thugs rjes 'dzin// dmigs med thugs rje'i dpyang thag yul// mnyam pa nyid du shes pa ni// phung po khams dang skye mched dang// gnas
82a5 lugs ngo bo nyid dag ste// mdor bsdus bden gnyis lus rnams dang// brtags snang blo bzhag grub pa'i mtha'// gzhir bzhag rang 'byung ye shes kyi// rig pa'i blo yis 'ub chub pas// de rgyu dngos dang
82a6 dngos med mtha'i// mthar thug spyod pa mkhas pa yin// de phyir mnyam nyid rtogs zhes pa// yod med rtag chad mu bzhi la// skyon bzhi rtags bzhi sgra mthun pas// mtha' zhes so sor sor bzhag ste// don la
82b1 khyad 'phags mnyam par grol// de'ang tshig yin der 'dzin grol// des na thams cad mnyam nyid de// 'ub chub kun 'dus mnyam pa'i dbyings// dbyer med lhun grub chen po la// dag dang ma dag gnyis med
82b2 de// thams cad bral ba'i ngang gnyis pas// chos rnams thams cad sangs rgyas yin// de ltar rgyu 'bras mnyam nyid cing// thams cad ye gcig chen po la// dmigs med thugs rje chen po yi// mi g.yel
82b3 dpyang thag rgyun du 'dzin// 'di ni 'gyur med ma chags pa// ma bcos lhun gyis grub ba'o// mdo rgyud rtog pa bsdus pa'i sgron ma lung thams cad kyi rgyal po las// thugs rje dpyang thag gnas kyi lung bstan pa
82b4 ste dang po'o rdzogs so//// de nas kun gyi de nyid don// lung chen bsdus pa rab bshad bya// phyogs bcu dus gsum 'jig rten na// skye 'jig med par rtag bzhugs pa'i// bde bar gshegs pa kun rnams
82b5 kyi// gsung gi 'phrin las mtha' yas kyang// de yi sku yi che ba las// mdzad pa lha yi cho 'phrul phyung// de nyid bsam yas brjod med de// mdor bstan rgyud ces bya bar smros// rgyud ni 'brel ba'i don yin
82b6 te// de 'dir mtshungs pas rgyud kyi mchog/ lha zhes bya ba byang chub sems// de ni rgyun du rab tu brjod// tha snyad tsam gyis phye ba ni// gzhi lam 'bras bu gsum du brjod// gzhi ni gnas pa don nyid de// lam
83a1 ni rnal 'byor bsgrub pa'o// 'bras bu mthar thug mdzes pa'i las// rgyud ni rnam pa gsum zhes brjod// phung po khams dang skye mched rnams// ma bcos lha bdag nyid// gzugs ni rnam par snang
83a2 mdzad de// tshor ba myong ba rin chen 'byung// 'du shes snang ba mtha' yas la// 'du byed don yod kun tu grub// rnam shes mi bskyod rdo rje sems// ye nas ma bcos ji bzhin gnas// sa dang sha ni spyan ma
83a3 ste// chu khrag ma ma ki ru brjod// me drod gos dkar ma zhes bya// rlung dbugs lha mchog sgrol ma'o// mig gi skye mched sa snying po// rna ba phyag na rdo rje ste// sna ni nam mkha'i snying por bshad// lce ni spyan ras
83a4 gzigs dbang nyid// lus ni sgrib pa kun sel te// yid kyi skye mched 'jam dpal yin// gzugs ni gzugs kyi rdo rje ma// sgra la de bzhin sgra rdo rje// dri dang ro yang rdo rje ste// reg chos nyid kyang rdo rje
83a5 ma// yul rnams dag pa lha mo'i tshogs// ngo bo nyid kyi lhun gyis grub// de dag so sor rab phye ba'i// rigs dang ye shes la ltos pa'i// lnga lnga ru ni 'gyur ba ste// rnam par shes pa'i rang bzhin ni// kun la
83a6 khyad par dbye ba las// mdor na dam pa'i rigs brgya ste// phye ba'i rigs la grangs med 'gyur// rigs kyi dbye ba ji snyed pa// de bzhin gshegs pa sa khams te// rdo rje rigs mchog rnam par shes// rin po
83b1 che rigs me yi khams// pad+ma'i rigs las chur shes bya// las kyi rigs mchog rlung yin pas/ khams lnga'i rang bzhin rigs las ni// de nyid kho na'i rigs lnga'o// rigs kyi dbye ba lnga nyid kyang// sa dang chu
83b2 ni lus kyi sku// de bzhin me rlung gsung du brjod// rnam pa shes pa thugs rang bzhin// sku dang gsung thugs dbyer med pa'o// gsang ba chen po'i rigs gcig nyid// gcig dang mang po'i rnam dbye kun// phun
83b3 po khams dang skye mched dang// yid dang chos dang dus bzhi dang// mthar byed bzhi dang 'gro ba drug/ rang bzhin rnam par dag gnas pas// bde gshegs rgyal ba bzhi bcu ste// zhi ba dbyings kyi dkyil 'khor
83b4 du// bcos med ngo bo nyid kyis 'grub// rang bzhin gdod nas zhi ba'i phyir// zhi ba'i dkyil 'khor phyag rgyar brjod// rol ba'i cho 'phrul 'gag med las// thog ma'i dus nas ngang gis khro// 'di ltar snang
83b5 srid ma lus kyang// rgyal ba'i dkyil 'khor rol pa las// gzhan du gnas pa ma yin te// lha yi mchog las lha yi ngang// dug lngar snang ba gtso bo'i sku// 'dod chags rta mchog rgyal po ste// rdo rje zhe sdang he ru
83b6 ka/ nga rgyal gshin rje gshed rgyal po// phrag dog rdo rje gzhon nu'i sku// gti mug che mchog he ru ka/ ser sna 'chab sems mngon rdzogs rgyal// gdung ba'i sems ni rdo rje chos/ khong khro dregs pa kun 'dul
84a1 nyid// mnar dang sems dpa' stobs ldan bdag/ nyon mongs gtso bo re re la'ang// so so'i bye brag lnga lnga ste// de dag rigs bzhi so so'i 'khor// nyon mongs nye ba'i nyon mongs dag/ sna
84a2 tshogs pa yi 'khor yin no// mdor na 'di ltar snang ba yi// srid zhi 'jig rten ma lus pa// snod du snang ba gzhal yas khang// bcud ni lha yi tshogs yin no// dag pa'i 'jig rten dag pa'i klong// rnam dag
84a3 chen por lhun gyis grub// 'byung ba lnga ni yum lnga'i klong// gnas shing brtan pa'i sa rnams kun// gzhal med khang pa dkyil 'khor yin// pha dang ma ni yab dang yum// bu dang bu mo sras pho mo// phyi nang nye ba'i
84a4 'khor rnams ni// dkyil 'khor can gyi lha nyid 'khor// bran dang mngag gzhug dmangs kyi tshogs// bka' nyan las byed pha nya'i tshogs// rgyan bcas mtshan dang dpe byad de// tshig brjod snying po gsung gi
84a5 sgra// longs spyod mchod pa kho na ste// yon tan tshig thos bstod pa'o// spros shing 'jug pa bya byed las// mdzad pa'i 'phrin las de nyid yin// chags par byed pa chags pa'i tshul// 'jig pa 'jig pas srid
84a6 mthar byed// stong par shes pa stong pa nyid// sngar bzhin gnas bshad gnas pa'o// 'di ltar sems nyid sna tshogs su// snang zhing srid pa'i dngos po kun// rang bzhin rnam dag lha yi dbyings// lha yi rol pa
84b1 lha yi sku// de bzhin dngos rnams ma lus par// ye nas lha yi rang bzhin pas// lha yi gzhi zhes rab tu brjod// de ni rgyud du shes bya ste// dus rnams kun tu 'bral ba'o// bde gshegs lha yi dgongs pa
84b2 yis// lam zhugs rnams la sgyu mar sprul// cho 'phrul bgrod bya'i skur snang yang// rnal 'byor sgom pa'i rgyud ces bya// skyes bu chags pas rab gdungs ba// zhi ba'i sgo la sbyong byed pas// bsod nams tshogs
84b3 ni rab bsags nas// mi rtog mi dmigs de bzhin nyid// lha ner gzhal las thugs rjer shar// rgyu yi ting 'dzin yi ge las// thams cad skye byed rang bzhin ni// 'byung ba yum lnga'i dkyil 'khor du// ye
84b4 shes gzhal yas lhun gyis rdzogs// gdan stengs sa bon las bskyed pa'i// rigs gcig rigs lnga rigs brgya yi// sku dang bsdus pa bzhi bcu gnyis// mnyen lcug 'khril ldem gzhon tshul can// gsal
84b5 'tsher lhun sdug gzi byin 'bar// mtshan dang dpe byad ma 'gags chos// rang rig byang chub sems las byung// dbyings nas spyan drangs dbyer med bstim// gnyis med gus pas phyag 'tshal te// mchod
84b6 bstod dges mdzad 'phrin las bcol// gsang sngags bsnyen pa'i bzlas brjod kyis// nye bar byas te dngos grub blang// bzod par gsol la smon par bya// mi dmigs mi rtog chags bral pas// chos nyid
85a1 kyi ni dge rtsar bsngo// 'di ni zhi ba zhi mdzad lha'i// mdzad pa'i cho 'phrul bsam rdzogs pa// 'dod pa can rnams 'dul ba'i phyir// sangs rgyas rol mos gar mdzad do// shin tu gdug pa'i zhe
85a2 sdang can// 'jug pa'i sgo ni khro bo ste// mtshams bcad bgegs bskrad gdug pa 'dul// sngon du 'gro ba'i bya ba bdun// rdzogs nas ting 'dzin gsum sgom zhing// 'byung ba lnga dang ri rab bskyed// rin chen
85a3 dur khrod rab 'bar ba'i// gzhal yas mdzes shing 'jigs pa sgom// de dbus gdan stengs rgyu mchog las// bskyed pa'i gtso sras dang bcas// so so'i 'khor dang rab ldan pa// sgeg dang dpa' ba 'jigs
85a4 pa dang// bzhad dang gshe rngam khro ba dang// snying rje zhi ba'i tshul 'chang bas// gar dgu'i nyams dang ldan pa'o// de 'dra'i 'jigs byed chen po'i sku// bskyed dang spyan drangs gnyis su med// bstim bzhugs
85a5 phyag 'tshal mchod pas mchod// bstod dang sngags bzlas rjes bya'i rim// dus drug dus bzhi dus med du// rab tu 'bad pas gang bsnyen cing// bsgrub ba rnams ni lam gyi nyams// rnal 'byor rtog pa'i sgom
85a6 pa ni// khro bo chen po'i stobs mchog gis// lam dang lam gyi rgyud du gsungs// zhi dang khro bo'i skur gsal bas// chag sdang dang zhe sdang rab bsal te// gzhan gyi don du skur snang ba// thob med 'bras bu de yi
85b1 mchog/ de ni 'brel pas rgyud ces bya// gzhi lam 'bras bu dbyer med pa'o// gzhi dang 'dra ba'i lam bsgoms pas// de 'dra'i lam dang 'bras bu snyems// thugs rje'i mdzad pa kun rnams kun// 'gro ba'i
85b2 don la rab tu brtson// zhi ba la ni zhi ba ste// khro ba can la khro bo'i sku// 'dod chags can la chags pa'i tshul// zhe sdang can la de yis 'dul// ma rig pa la gti mug tshul// ser sna la ni 'jungs pas
85b3 so// phrag dog phrag dog gis 'dul zhing// zhi la zhi dang rgyas la'ang de// dbang chen la ni dbang sdud tshul// drag shul can la de nyid kyis// tshar gcod gzugs su ston par mdzad// rigs drug 'gro la rang
85b4 gi gtso// thub byed drug gi sku rang bzhin// skyes pa la ni skyes pa'i gzugs// bud med la ni bud med de// mkhan po slob dpon rgyal po dang// bram za rje rigs dmangs dang bran// tshong dpon dmag mi mel
85b5 tshe ba// tha na dud 'gro yan chad gzugs// gang gis 'dul la der ston te// mthun pas mthun pa 'dul bar byed// 'dod pa spangs la dka' thub dang// bde ba 'dod la longs spyod kyis// gsog 'jog
85b6 can la sbyin par 'dod// tshul khrims bsrung dang ma bsdams dang// bsam gtan bsgom dang g.yel la sogs// gang gis gang 'dul de skur ston// ji ltar 'tsham pa'i don sbyar nas// skyes bu mthun pas
86a1 'dul 'gyur bas// 'di ni mdzad pa'i bya ba ste// 'bras bu'i rgyud du rab tu brjod//// mdor na rgyud ces bya ba'i don// dngos po'i gnas lugs gzhi yin te// gzhi las gzhan pa'i 'bras
86a2 bu med// 'bras bu'i tshul las 'da' ba yin// lam gyi sgom pa gang lam mchis// de bas rgyu dang 'bras bu dang// lam zhes grags pa brtags pa tsam// 'di ltar snang ba 'di kho na// lha nyid yin te de las
86a3 gzhan// chos dbyings sprul pa med pa'o// de ni don dam kun rdzob ces// lung chen kun las gsungs pa yin// 'di ni lung chen mdor bsdus pa// sangs rgyas 'phrin las bstan pa yi// rmad du byung ba'i cho
86a4 'phrul kun// rab tu bsdus min rgyas min par// rdo rje sems dpas bstan pa de// 'dir bstan pa la the tsom med// de bas ma 'ongs skye bo kun// yid gnyis spangs pas 'dud par bya// 'di ni rmi lam sgyu ma
86a5 'dra// de bzhin gzugs brnyan sprul pa dang// smig sgyu dri za'i grong dang mtshungs// sangs rgyas mdzad pa bsam yas par// ma mdzad pa la mdzad pa che// thams cad rang rang lha ru nges// e ma chos nyid spros
86a6 dang bral// e ma ho rang bzhin ma 'gags snang// e ma ho rol pa bla na med// e ma sgyu ma phyag rgya che// e ma thugs rje ma lus 'dzin// sbrul pa'i sku ste lha yi mchog/ lha rnams nyid la gnyis med 'dud// mdo
86b1 rgyud rtog pa bsdus pa'i sgron ma lung thams cad kyi rgyal po las/ mdzad pa cho 'phrul lha'i lung bstan pa ste gnyis pa'o rdzogs so//// de nas 'phrin las mthar phyin pa'i// sgrub pa'i lung mchog bshad par
86b2 bya// rtsod dus gang zag rnams kyi phyir// rgyud rnams kun tu gsungs pa yi// bsdus pa'i lung ni mchog yin no// gsang ba sngags kyi bka' gsang lung// bsgrub bya bsdus pa 'di lta ste// yid 'ong dben pa'i
86b3 gnas dag tu// mthun pa'i grogs dang bcas bzhin pas// bsgrub pa'i 'bras bu mthar phyung la// 'gro ba'i don la rab brtson bya// 'jig rten 'das dang ma 'das pa'i// dngos grub mchog ni dmigs pa'i
86b4 yul// rang gzhan mtho ris thob 'dod pas// bsgrubs na myur du 'grub pa'i rgyu// dad brtson shes rab ldan pa ni// de yi rkyen du shes par bya// bsgrub bya bcu las bsgrub pa'i thabs// rnam pa bcu ste bsgrub
86b5 lugs drug/ mnyam nyid zhi ba'i bsgrub pa dang// zhe sdang khro bo'i bsgrub bya dgu// gang zhig bsgrub par bya ba yi// lus ni rnam par shes par bya// de yi bsgrub lugs bsam yas pa// 'dir ni mthar thug kho
86b6 nar brjod// kun nas zhi bar gnas pa la// zhi ba chen po bsgrub 'dod pas// gang la dmigs pa lha yi sku// bsgrub pa'i rten du gzhag par bya// de ni zhi ba'i lha rnams kyi// bsgrub rdzas rten gyi mthar thug
87a1 yin// yul gsum gsal bar gyur pa dang// rang 'dod lha yi rnal 'byor sgom// lus kun ting 'dzin lhar mnyam ba'i// bskyed pa'i rim pas sku rdzogs pa// bskyed rim don gyi mthar thug
87a2 ste// sku yi bsgrub pa zhes bya'o//// oM A li kA li dz+nyA na pan tsa sa twa kro d+ha mu ne ye swAhA/ oM a hU~M swAhA/ oM A hAM/ snying po'i yi ge bco brgyad pas// dam pa'i rigs ni bcu phrag bcu// snying pos skul bar byed
87a3 pa yin// gsang sngags snying po 'bru lnga pos// bde gshegs rigs lnga'i thugs dam bskul// gsung mchog 'bru gsum dag gis ni// rdo rje sems dpa'i thugs skul byed// 'di dag gsang sngags dam pa'i
87a4 mchog/ zhi bar snang ba'i lha rnams kyi// mthar thug gsung gi bsgrub pa ste// brag cha sgra brnyan ji bzhin du// thams cad gsung du snang zhing stong// gsung gi de nyid kho na ste// ming 'di mthar thug zab cing
87a5 zhi// spros med yul dang bral ba ni// zhi ba thugs kyi sgrub par brjod// de bzhin du ni khro bo yang// kun nas ma lus mtshungs 'gyur te// yon tan gtso dang sku gsung thugs// 'phrin las rbod gtong drag
87a6 sngags dang// mchod bstod dang bcas bsgrub lugs brgyad// bsgrub rdzas rten dang sgom pa'i lha// bzlas pa'i sngags dang lta dgongs bzhi// zab don gsang ba'i mthar thug pa// kun la lnga lngar rgyal bas
87b1 gsungs// bum pa mar me thod pa dang// phyag rgya phur pa tsit+ta dang// mchod gtor ling ga nya bo dag/ bsgrub rdzas rten gyi mthar thug yin// dkyil 'khor rgyas bsdus yab yum dang// so so'i dpa' bo gcig
87b2 rnams la// spro dang bsdu dang rab bsdus pas// mthar thug bsgom bya'i lha ru 'gyur//// oM badzra kro d+ha ma hA shrI he ru ka hU~M phaT/ oM ru lu ru lu hU~M b+h+yo hU~M phaT/ oM ma hA kro d+he aM ka ya man ta ka ha na ma tha ban dza hU~M
87b3 phaT/ oM pad+ma ta krid ha ya gri ba hu lu hu lu hU~M phaT/ oM badzra kI li kA la ya sarba big+ha nan baM hU~M phaT/ oM d+hu ya dz+nyA na shrI he ru ka g+hu ya dz+nyA na kro d+hi sho ri s+t+waM/ ma ma yo gi ni ru lu ru lu hU~M b+h+yo hU~M phaT/ oM badzra tsan+t+ra sarba
87b4 duSh+tan ta ka ha na da ha ban tsa hU~M phaT/ oM badzra sarba duSh+tan hU~M phaT/ so so'i gsung sngags brgyad pa la// rang gi sku dang mthun brjod pas// thams cad gsung gi mthar thug ste// thugs kyi snying po skul byed
87b5 pa'i// bzlas pa'i sngags su shes par bya// phyi nang snod bcud dngos po'o// skye 'gro 'byung ba rgyu 'bras bcas// ma lus bdud rtsi lnga dang gcig/ rtsa ba yan lag bcas pa kun// rang bzhin rnam dag mnyam
87b6 sbyor ba// yon tan che mchog mthar thug pa// ye nas don chos sman rdzas te// rnam dag dgongs pas de don rdzogs// lha dang dkyil 'khor mchod rdzas sngags// rgyu dang chos nyid snying po dang// sgra dang dngos
88a1 grub shes pa yis// ma lus thugs kyi dgongs par 'dus// dus gsum shes bya gcig pu nyid// bde chen 'bras bu kun 'dus pa// yongs rdzogs sku gsung mthong pa'o// srid gnas gcod pa
88a2 dang sprul pa dang// 'khor lo bzhi yi don spyad pas// sku yi dgongs pa mthar thug cing// 'khor ba'i sdug bsngal gshin gyi rje// ma lus 'joms par byed pa'i gshed// mnyam nyid ldan pa rab bsgrub
88a3 pa'o// mtshon pa'i dpe dang gdul bya'i thabs// lta spyod dgongs pa'i don dag gis// gsung gi dbang phyug 'phrin las don// ma lus mnyes par byed pa'i yul// gcig dang du ma'i mthar thug pa// theg pa
88a4 rim par bgrod pa dang// sa dang lam la sbyar ba dang// gsang sngags la shan dbye ba yi// rim pa nyid kyi dgongs par thug/ 'phrin las rgyu bzhir rab rten cing// thabs dang de las byung ba yi// rnam bzhis
88a5 zab mo'i don spyad cing// thar phyin dgongs pa de mthar thug/ lus gnas nyid dang de las g.yos// rnal 'byor grol dang 'jig rten snang// drag shul sngags dang gab pa'i gter// phyi nang gsang ba nyer spyod
88a6 cing// yongs rdzogs sku la sbyor ba yi// gsang chen de yi mthar thug don// bsgrub mchod bstod bskul rbad pa yis// nyer bsten so so'i las grub cing// snang ba gsum la kun sbyor cing// gzung yul ma grub
88b1 tshul shes shing// rang gi ngang gis 'phrin las grub// bde spyod mchod bstod mthar thug pa'o// sngags rdzas dam tshig ting nge 'dzin// gcod 'phrog gnas pa gnad la dbab// rang gi mtshan ma mngon spyod
88b2 kyi// 'phrin las tha dang nye bar bsgrub// stong phrag dag gis bcad pa yi/ khams gsum 'dul la rab tu shis// bya ba'i bye brag sna tshogs kyis// rang nyid chen por longs spyod nas// thig le rab sbyar dgyes
88b3 par rol// 'di ni rdzogs pa'i rnal 'byor te// zab don mchog tu mngon sang rgyas// gsang ba dpag dka' rgyud kyi don// ma lus bsdus la bsgrub lugs drug/ bsnyen pa nye bsnyen sgrub pa dang/ nye bar sgrub
88b4 dang bsgrub chen po/ khyad par las la sbyor ba rnams// theg chen lung du gsal bar gsungs// gsang sngags snying po yid 'ong sgra// brgya stong la sogs grangs bcad nas// rgyun du bzlas shing brjod pa
88b5 ni// rnal 'byor ldan pa'i bsnyen pa'o// dben pa'i gnas su ngag gzhan spangs// de nyid 'bad pa nye bsnyen te// thun mtshams bzhi yi rnal 'byor gyis// le lo med pa'i rtags 'byin pa// sgrub pa yin te de
88b6 dag nyid// grangs dang dus dang mtshan ma la// rim pa bzhin du rab sbyar nas// rdul tshon dkyil 'khor chen zhugs shing// sngon 'gro bsrung dang mtshams bcad nas// phyi nang gsang ba'i grub rtags
89a1 kun// mthong zhing brtan par sgrub byed pa// nye ba'i sgrub pa zhes bya'o// rtags thon sgrub pa chen po ni// 'jig rten 'jig rten 'das pa yi// tha mal pa dang mchog tu 'gyur// 'jig rten tha mal
89a2 dngos grub ni// phran chags las dang dngos grub ces// rgyal ba mchog gis gsungs pas na// zhi dang rgyas dang dbang dang dgug/ bskrad dang bsgral la sogs pa yi// las kyi bya ba rnam mang po// gang la
89a3 'dod pa de bsgyur zhing// dogs pa med pa'i sems kyis bsgrub// dngos grub chen po mchog bshad pa// mkha' la spyod dang rkang mgyogs dang// sa 'og spyod dang chu la 'chag/ me dang rlung gis mi brdzi
89a4 dang// mi snang ba dang 'chi ba med// mig dang rna ba sna dang lce// lus dang yid ni dag byas pas// lkog gyur ring ba'i yul 'dzin cing// lha dbang dag pa ma lus mthong// rgyal ba'i thabs mchog bsam yas
89a5 pa// rgya chen rgyud du gsungs pa rnams// so so'i rtags rdzogs bar du bsgrub// 'di dag tha mal sgrub pa che// dngos grub chen po ster bar byed// de nas gang 'dod las la sbyar// 'bad pa med par gzhan
89a6 don spyod// kun 'dren lcags kyu lta bur gyur// las la sbyor zhes de la bya// 'di ni lung chen kun bsdus pa// 'phrin las mthar phyin bsgrub pa ste// dpa' bo chen pos gsungs pas na// nges pa'i lung du shes
89b1 par bya// mdo rgyud rtog pa bsdus pa'i sgron ma zhes bya ba lung thams cad kyi rgyal po las/ 'phrin las mthar phyin pa bsgrub pa'i lung bstan pa ste gsum pa'o rdzogs so//// de nas gsang sngags zab mo'i
89b2 don// nges par 'byed pa'i lung chen po// gsang chen rig pa'i gter gyur pas// rgyal bas bka' stsal rab tu bshad// 'di ltar gsang sngags zhes bya ba// theg pa dman la gsang 'os shing// yid skyob phyir
89b3 na gsang sngags te// de ni nges pa'i don yin no// ma man zhes pa yid yin te// tra tra las ni skyob par byed// ma lus yid skyob byed pas na// gsang sngags zhes ni rab tu brjod// man ni gang zag dngos po'i
89b4 bdag/ tra ni chos bdag gzung 'dzin dngos// gsal ba gnyis med mnyam pa nyid// gsang sngags zhes ni nges par brjod// man ni rang rig ye shes te// tra ni gzhan la gsal bar byed// gsang ba gnyis
89b5 med zhi bar rtogs// kun la bsngags pas gsang sngags so// man ni rmi lam sgyu ma bzhin// tra ni de la gnas med gsal// sgyu ma rab tu mi gnas don// dbyer med mthong ba gsang sngags don// man ni
89b6 'khor ba'i rgyu 'bras te// tra ni spros bral mya ngan 'das// gsang ba'i snying po gnyis med shes// spang sgrub bral ba gsang sngags so// man ni sems dag ngo bo la// tra ni sna tshogs rig pa'i yul// yul sems
90a1 snang la ma 'gags pa// gsal la rtog med gsang sngags so// man ni skyed byed rgyu yi chos// tra ni 'bras bu smin pa'i don// rgyu 'bras mnyam pa gsang ba'i sgru// ma bsgrubs so sor grub byed
90a2 sngags// man ni bdag nyid kho na ste// tra ni pha rol gzhan pa po// gnyis 'dzin bral bas gang sbyor zhing// mnyam par rab spyod gsang sngags so// man ni kun rdzob bden par snang// tra ni don dam bden par
90a3 shes// 'khrul pa dang ni yang dag gi/ don shes mi 'da' gsang sngags shes// man ni gsang ba'i sems nyid de// tra ni stong nyid yangs pa'i dbyings// gsal stong lhan cig skyes pa nyid// ngo shes snang ba
90a4 gsang sngags yin// man ni snying rje chen po'i yid// tra ni shes rab zab mo'i dbyings// mi phyed de bzhin gnyis med don// rab rdzogs sbyor ba gsang sngags nges// man ni ma 'gags thabs chen te// tra ni ma
90a5 skyes shes rab dngos// zung 'jug lam la rab bzhugs pa// nges don phyin pa gsang ba'i sngags// man ni gzhi tshul bskyed rim te// tra ni de dag rdzogs rim don// bskyed rdzogs thun mong dus bzhir
90a6 sbyor// srid pa'i gnas sbyong gsang sngags so// man ni nyon mongs zhi bar gnas// tra ni lhag pa'i ye shes mthong// tshul gnyis rjes 'gro bzlog par snang// rab tu nges pa gsang sngags yin// man ni gnas
90b1 gsum mnyam par gzhag/ tra ni rjes la brtan pa thob// phra rags rtog pa lam du spyod// spang blang bral ba gsang sngags yin// man ni nyon mongs sgrib byed pa// tra ni shes bya'i sgrib pa tsam// bag la nyal dang
90b2 kun nas ldang// skad cig gnas sbyong gsang sngags yin// de bzhin bsgom dang sgom ma yin// yang dag pa dang log pa'i lam// bde bar snang dang sdug bsngal dang// che chung snyoms 'dra ring
90b3 dang thung// gsal dang mi gsal bzang dang ngan// sdug dang mi sdug snyan mi snyan// gdang dang dri ro bro mi bro// 'jam rtsub lci yang tsha dang bsil// gsal dang mi gsal bzang dang ngan// dgra gnyen nye ring pho
90b4 dang mo// mdza' sdug sdang dang mdzes mi mdzes// mtha' dbus phyogs mtshams 'gro dang 'dug/ dge dang mi dge dkar dang nag/ bya dang bya min bgrod mi bgrod// gtong dang mi gtong len mi len// drag zhan
90b5 dka' dang sla ba dang// de sogs gcig la gcig ltos shing// gnyis su snang ba sngags yin te// dbyer med ro gcig gsang ba'i don// des na gsang sngags zhes su brjod// gsal sngags snying po
90b6 lung gi don// gnyis su yod pa ma yin te// de nyid nges don rtogs 'dod pas// dngos por gang yang mi gzung zhing// gnyis su 'dzin pa'ang mi bya zhing// de nyid dor bar yong mi bya// chos kun skyob par byed
91a1 pa'o// dngos po rnyed pa ma yin te// skyob pa med pa'i chos rnams la// blun po kha cig skyob byed don// skyes bu tha shal gyur bdag/ chos kun spang dang shes bya zhes// skye med mnyam la ma dad
91a2 par// rmongs pa'i skyon gyis mu cor smra// bus pa gnyis la chags pa ste// gnyis su med pa mi shes so// gang dag tha snyad brjod pa ni// mnyam nyid lhun rdzogs don 'di la// mi 'da' gnyis su dbyer med
91a3 do// de ni sgyu ma'i yul dang mnyam// zab mo bus pa'i yul min pas// gnyis med brjod bral don 'di la// byis pa gti mug rmongs pa rnams// spros la dga' zhing gnyis su 'dzin// ma rtogs log par
91a4 rtogs pa yis// dud 'gro rmongs pa'i lus su skye// de 'dra rgyu 'bras kun spangs nas// shin tu yun ring 'khor min par// rang rig mtshan ma med spyod yul// brjod bral tha snyad yongs chad pa// rtsol bral don
91a5 dam chos nyid de// rtog ge kun las 'das mtshan nyid// 'du byed dang ni don dam bden// gcig dang tha dad bral mtshan nyid// mya ngan 'das de gnas med zhing// chos kun mtshan ma med pa las// rtsa ba mi
91a6 dmigs bzod gnas shing// tha ma gzugs med snying po med// 'dod chags zhe sdang gti mug zhi// chos rnams 'od gsal nyid snang grol// zhi zhing mi gnas mya ngan 'das// de la dbung nang gzung du
91b1 med// shes ldan de ltar rtogs nas grol// chos rnams thams cad dngos med pa// ma lus mtshan gzhi mtshan nyid med// skye ba med cing ma 'gags par// de ltar chos kun rig par bya// thams cad dngos
91b2 med yi ge med// stong zhing gzod nas dri ma med// chos rnams de ltar gang shes pa// gzhon nu'i lus kyang sangs rgyas yin// ji ltar smig sgyu dri za'i grong// sgyu ma rmi lam ji ltar bur// mtshan ma ngo bo nyid kyis
91b3 stong// de bzhin chos kun shes par bya// klung dang rol mo dud mo las// rten te brag cha'i skad 'byung yang// sgra de nam yang grub ma myong// chos rnams thams cad de bzhin no// sgyu ma'i mkhan pos sprul pa'i
91b4 gzugs// skyes pa bud med rta glang sogs// snang yang gtan nas yod ma yin// chos rnams ma lus de bzhin no// ji ltar mtshan mo'i chu zla dag/ dang zhing rnyog bral 'od gsal la yang// gzung yul grub pa de
91b5 la med// chos kun de dang mtshungs par gsungs// smig rgyu'i chu ni yod mod kyang// rmongs pa'i 'gro ba btung bar 'dod// ji ltar bsnyags pa de ltar med// chos kun de ltar rtogs par gyis// chu shing rlon
91b6 pa'i sdong bu la// snying po 'dod phyir shun pa phye// phyi nang kun na snying po med// chos rnams kun yang de 'dra'o// de ltar gsang sngags nges pa yis// yang dag nyid kyis yang dag shes// de yi mtha' de rab shes
92a1 nas// de la ci yang bshad pa med// gcig shes pas ni thams cad shes// gcig mthong ba yis ma lus mthong// ji snyed rnam pa mang shes kyang// de la dregs pa skye ba med// stong ba rtog pa med
92a2 pa'i chos// 'di ni mkhas pa'i yul yin te// byis ba rnams kyi spyod yul min// sangs rgyas sras kyi 'jug pa'o// zhi ba mnyam nyid brdal ba'i klong// 'di ni byang chub sems dpa'i sa// rgyal sras spyod pa
92a3 bsam mi khyab// sangs rgyas chos kyi rgyan yin no// 'di ni nor bu chen po ste// gnas ma yin la bstan mi bya// gal te snod min la bstan na// bdud rtsi dug tu 'gyur ba yin// 'di ni las med 'bras bu
92a4 med// las kyi bsgrub pa yod ma yin// 'jig rten byed pa ma byas te// sus kyang mdzad pa ma yin te// byed pa po zhig yod gyur na// 'di rnams thug pa med par 'gyur// de ltar gyur ba'i nyes pa
92a5 yis// mthar thug dri ma can du 'gyur// byis pa byed pas rmongs pa dag/ chos rnams gsog tu ma shes te// ma lus mtshan nyid gcig pa la// de la tha dad 'byed bar byed// dngos kun rmi lam lta bu
92a6 ste// 'dus byas thams cad yang dag min// sgyu ma bzhin du mthong bas ni// de la snying por mi 'dzin te// byang chub btsal du med pa'o// don la tshol ba sha thang chad// sems kyi thog pa rnams kyis ni// bla med
92b1 byang chub rtogs mi nus// chos nyid ming gis lung bstan te// chos nyid rnams ni byed pa med// rtsa ba med cing gnas med cing// thams cad nam mkha'i mtshan nyid do// des na chos rnams thams cad
92b2 kun// ye nas gnyis med byang chub sems// thig le chen po'i rang bzhin du// ma bcos gcig tu mngon sangs rgyas// 'di ltar 'khrul te snang ba kun// kun tu bzang po'i rol pa yin// sems can khams
92b3 dang nam mkha'i khams// mngon par byang chub dag pa'i zhing// spyod yul dngos kun ma lus pa// rang byung ye shes rang shar ba'o// 'di ni mngon par sangs rgyas so// bdag nyid chen por gyur pa'o// chos kyi
92b4 dbyings su sangs rgyas te// de nyid dang du rdzogs pa'o// thams cad du ni sangs rgyas te// che mchog bla med gyur ba'o// kun tu bzang po'i dbye ba med// spang dang dor ba'i rtsol ba med// ma bcos lhun bzhag
92b5 'jug pa 'di// rdo rje sems dpa' nyid ces brjod// 'di ni rgyud kyi rgyal po ste// rang bzhin ma bcos ngang du 'brel// 'di ni gzhi zhes brjod pa ste// 'khor 'das ma lus de las byung// 'di ni lam gyi
92b6 mchog yin te// ma bgrod mnyam pa nyid du grol// 'di ni 'bras bu chen po'i sa// dmigs med dmigs su med par thob// de phyir 'di ni nges don rgyud// rgyal ba kun gyi thugs la gnas// chos rnams tha
93a1 dad bya ba med/ khyad par med cing mtshan med par// gang gis mthong zhing thos bdag/ de dag sangs rgyas bstan pa 'dzin// gnyis rtogs dngos po mnyam par grol// gsang sngags nges pa'i
93a2 don chen de// 'di ni sangs rgyas chos dang ni// dge 'dun rnams kyis bstan pa yin// 'di ni rgyud kyi don mchog ste// lung rnams kun gyi bla ma yin// 'di ni gsang ba'i mdzod yin te// bde bar gshegs
93a3 pa'i thugs kyi gter// 'di ni sems can kun gyi sems// rnal 'byor dam pa rnams kyi lam// 'di ni byang chub sems rnams kyi// rlabs chen spyod bas 'gro ba'i lam// yang dag nges pa'i lung yin te// bde
93a4 bar gshegs pa'i thugs klong btol// snang grags dngos po thams cad du kun// ye nas dbyings su gcig pa'o// mdo rgyud rtog pa bsdus ba'i sgron ma lung thams cad kyi rgyal po las/ gsang sngags nges pa
93a5 don gyi lung bstan pa ste bzhi pa'o rdzogs so//// de nas gzhan yang gnas lugs gzhi// ma bcos ngang du btang snyoms las// rtag tu mnyam par 'jog pa yi// gsal byed sgron ma'i lung 'di
93a6 bshad// bu gang yang dag gsang ba'i don// thob par 'dod pa spang blang dang// dgag sgrub spros la sogs pa yi// mtha' gnyis po ni mdor bstan te// gnyis su med pa mnyam gnas bya// 'du shes 'di ni
93b1 spang mnyam du// gang gis 'du shes 'byung ba ni// 'du shes spros la spyod pa ste// shes pa tsam las de mi thar// 'du shes kyi ni kun shes phyir// 'dzin pa yang ni de bstan te// yang dag 'du shes mi 'dzin
93b2 pa// dben pa'i don du rab tu bstan// gcig tu dben par gang sems pa// nam zhig sems dpa' med par 'gyur// bsam pa dag la mi sems na// bsam pa nyid kyang med par 'gyur// chos kun sgyu ma
93b3 ltar shes na// shes bzhin dran pas zin pa yis// btang snyoms 'du shes rab gzhag nas// dang po las kyi lam mchog yin// chos rnams 'di dag bsam mi khyab// bsam dang blang bral rang bzhin zhi// de
93b4 nyid mtshan mar rab shes na// rkang gnyis gtso bo sangs rgyas mthong// de nyid skye 'phor gyur pa na// sems bzhin du ni bsgyur ba med// sems la dbang ni thob pa na// de dag lus ni 'od gsal lo// ting
93b5 'dzin mnyam pa med pa yis// shin tu blta dka' phra zhing zab// 'du shes thams cad spangs pa ste// de phyir ting nge 'dzin zhes bya// rtog pa med cing rnam rtog med// gzung ba med cing bstan du med// dmigs
93b6 med thogs pa med pa ste// de phyir ting nge 'dzin zhes bya// de la nam zhig mnyam gzha ga ste// chos kun la ni rlom sems med// ma yengs pa yis ji bzhin lta// de phyi ting nge 'dzin zhes bya// skyon yon rtsol ba
94a1 gzhan dag gis// ma bcos sus kyang ma byas par// rang gi ngang gis gsal bzhin na// tha snyad tsam du bsgom zhes bya// skyes shing 'chi bas bsnal 'gyur zhing// sems la skye med 'chi 'pho
94a2 med// gang gis de ltar gang rig pa// de yi ting 'dzin rnyed mi dka'// stong pa'i chos la bdag bzod bzhin// sems can yang dag mi rtog cing// chos la'ang rtog par mi byed par// 'jig rten na ni de
94a3 mnyam gzhag/ bsam gtan byed cing bsam mi gnas// de yang rnam par mi sems pa// mnyam gzhag chos rnams rab tu shes// bsam gtan 'du shes ci bde ba// mi mthun po ni dbyer med pas// mtshon
94a4 rtog ldan pa mi spang ste// de nyid la yang rten mi 'cha'// thob bya mngon du bya ba med// 'di ni rang byung ye shes te// ting nge 'dzin zhes tha snyad brjod// byang chub don du gnyer bas kyang// ting nge 'dzin 'di
94a5 bsgom par bya// gang gis ting 'dzin 'di thob pa// de ni skye bo'i sa lam 'phags// gang gis ting 'dzin lam bsgoms pa'i// bsod nams phung po de la ni// tshad gzung yod pa ma yin no// yon tan dpag
94a6 med de dag ni// nam zhig nyon mongs bsal gyur nas// de tshe rdzu 'phrul de dag thob// nyon mongs bsal yang mi zhi zhing// dag cing dang ba 'od gsal ba// mi 'khrugs 'dus ma byas pa ni// rig pa 'dzin
94b1 pa'i spyod yul lo// zad mi shes shing nye bar gnas// lhun gyis grub cing bstan du med// rnyog pa med pa yang dag mtha'/ sangs rgyas kun gyi spyod lul lo// ting nge 'dzin gyi don rig nas/ 'jig rten chos
94b2 kyis ma gos pa// de ni de la mi chags te// lus ni thegs pa med par yang// sangs rgyas zhing du 'gro bar byed// nam mkha' la ni bya rjes bzhin// de dag rnyed par mi 'gyur te// de 'dra'i rang bzhin byang chub
94b3 de// byang chub sems dpas rtogs par 'gyur// su dag chos kyi skur ltaja ba// de dag gis ni 'dren par mthong// rdzogs pa'i sangs rgyas chos kyi sku// de ni sangs rgyas mthong ba'o// dpa' bo chen po chos kyi
94b4 sku// sku ni chos lngas skyes pa ste// gzugs kyi sku ni nam du yang// rgyal bas bzhag pa yod ma yin// de ltar mnyam nyid khang chen du// rig pa mnyam nyid cher bzhag pas// goms shing gdeng dang ldan pa
94b5 yis// sems la dbang thob gyur pa na// g.yo dang mi g.yo snang ba med// byang chub sems kyi don mthar thug/ gang zhig rnam par mi rtog don// bstan du med cing brjod bral ba// rang gi blo yis mthong zhe
94b6 na// de ni nyams myong cha yin phyir// zag pa'am bzung ba dang bcas pas// de ni bden pa'i don mthong min// de phyir gsang ba'i don mtha' la// bden pa nyid kyang mthong med na// brdzun pa nyid kyang ga la
95a1 mthong// mthong bral lam la mthong zhes brjod// 'di la mthong dang mthong bya med// de phyir yul gyi mthong zhen med// des na chags dang ldan pa med// dngos por snang yang rdos mi snang// bral
95a2 dang gnas pa'i shes pa gang// blo yi mdun na mi gnas pa// gdeng chen rnyed pa drod yin no// gdeng chen thob pa'i rnal 'byor pas// spyod pa'ang de bzhin gnyis med par// 'gag med stobs kyis spyad bya
95a3 ste// mkha' la sgyu ma'i gar mkhan bzhin// 'di la spang bya yod ma yin// mi blang pa yang gang yang med// 'di la mi spyad gang yang med// mi shes pa yang yod ma yin// mi sgrub pa yang med pa ste// 'dod chags
95a4 zhe sdang gti mug dang// nga rgyal phrag dog nyon mongs lnga// thabs kyis zin dang rang bzhin shes// nyon mongs chen po mi spang ste// de bas spang bar bya ba med// de ma rtogs pas bdag ltar bcings// rgyal bas
95a5 dgongs pa'i tshig la brten// bag med pas ni nyon mongs spyod// 'gro ba drug tu 'khyam par 'gyur// byang chub sems kyi khu ba ni// dkar dmar gnyis dang bshang dang gci// sha chen por ni gyur pa
95a6 rnams// rigs lnga ye shes lnga rang bzhin// 'phags pa mchod dang dbang bskur dang// bdud rtsi myed dang zlog pa'i phyir// chos rnams mnyam pa'i brtul zhugs kyis// dang du blang bar bya ba yin// tshig tsam la
95b1 brten bag med spyod// mi dge ba yi 'bras bur 'gyur// sbyor sgrol ma byin len dang brdzun// ngag brlang po ste mi dge'i chos// mthun 'jug 'tsham pa'i spyod pa ste// 'gro ba 'dul ba'i thabs chen yin// sgra
95b2 rjes 'brangs nas rang dgar spyod// thur du kha ltas dmyal bar ltung// gzugs tshor 'du shes 'du byed dang// rnam par shes te phung po lnga// zag pa med pa'i rang bzhin gyi// sku lnga ye shes lngar shar
95b3 bas// 'khor ba mya ngan 'das pa'i chos// mi shes pa ni yod ma yin// thams cad sku dang ye shes lngar// bsgrub par bya ba dmigs pa ste// 'dis ni mi bsgrub yong min te// de nas kun gyis bsgrub cig
95b4 pa'o// de nyid rtog pa ci dgar spyod// rnam grol sgyu ma'i tshul bstan pa'o// de nyid gsal dang 'grib dang med pas// dur khrod gsang ba gcan gzan gnas// lha min yi dwags lam la sogs// 'jigs dang
95b5 ya nga'i gnas rnams su// dogs pa med par rab tu rgyu// dkyil 'khor chen po'i tshogs nang du// lha mo rnams dang mnyam du rol// 'di ni brtul zhugs spyod pa ste// sngags kyi spyad mchog bla na med// skad cig
95b6 nyid la 'bras bu ster// 'di la bsrung ba'i tshul khrims med// ngo tsha'i rnam rtog yod ma yin// gang zhig tshul khrims ldan par rtog/ gnyis 'dzin tshul khrims ngan par gsungs// tshul khrims mi ldan gang rtog
96a1 pa// gnyis su med pa'i tshul khrims mchog/ 'di 'dra'i gsang don mi shes pas// sdig pa 'ba' zhig dge ba med// 'khor ba'i sa bon rnam par shes// sa bon yod na 'bras bu 'byung// rtsig pa
96a2 yod na ri mo bzhin// yongs su shes na 'gag par 'gyur// rang gi sems ni ma mthong bas// lta ba'i 'dra bar 'jug par 'gyur// nga rgyal khangs pa 'khrul rjes rtog/ sred len ma rig mdud pas
96a3 bcings// nyin mtshan 'dod pa'i yon tan sems// de dag lhas dang grong khyer rgyu// sems can yongs su grol zhes smra// 'gro la snying brtse bdag la yod// kun la phan sems de bzhin te// zhe sdang 'dod
96a4 chags sred sems kyis// chos nyid 'tsho ba'i tshul can brjod// 'tsho dang snying rje 'dus pa ni// nam yang yod pa ma yin no// des na de dag log pa'i phyir// sna tshogs thabs kyis 'dul ba'i thabs// thog ma
96a5 med nas 'khor ba na// byis pa dngos la zhen pa yi// gsang ba'i don gyi snod min la// byams pa'i thugs rjes bzung nas kyang// shing lo'i gzugs kyis byis pa rnams// brid nas 'dzin pa rnam par
96a6 bzlog/ dngos po'i don gyis bzung rnams la// 'khor ba'i rang bzhin brjod pa yis// skye ba chen pos rab bskul nas// dam pa'i don la gzud par bya// gsum la sogs pa skyabs 'gro zhing// byang chub
96b1 sems kyi rnam par sbyin// pha rol phyin drug spyod pa la// gsang mchog gzhung du dbang bskur te// yongs su rdzogs shing spro ba la// bskyed dang rdzogs pa'i rim pa bstan// rtsa dang rlung dang byang chub sems// mi
96b2 shigs thig le'i don rtogs nas// gsang chen mnyam pa chen po yi// mtha' las bkrol te klong du bskyal// 'di ni 'jig rten 'das pa yi// dngos grub mchog gi bsnyen pa ste// skyes mchog chos kyi rgyal po
96b3 che// rgyal ba'i rgyal tshab rnams la bshad// 'di ni lung gi lung chen te// zab pa'i 'jug pa bla na med// gsang ba las kyang ches gsang ste// gsang ba chen po'i mchog gyur ba'o// mtha' yas mngon par bar
96b4 mthong ba ste// mthar thug gnas su phyin pa'o// 'di yis phyi nang thams cad du// snang grags srid dang zhi ba kun// mnyam grol chen po'i klong nang du// thams cad ma lus brdar sha bcad// de ltar rgyal ba ma
96b5 lus pa'i// dgongs rgyud gcig tu bsdus pa ni// lung mchog 'di ste dus gsum gyi// rgyal bas sems can don 'dus phyir// mdo dang rgyud dang rtog pa las// yang dang yang du bstan te gsungs// rdo rje sems
96b6 dpa' bla med pa// rdo rje chos ni rgyal po ste// rigs 'dzin mi yi thod pa can// gtso chen byang chub sems dpa' yis// rgyal pa rnams la yang yang thos// snyigs dus 'gro la phan pa'i phyir// rgyud las lung du
97a1 phyung 'di// mkha' 'gro rnams la brgyud nas ni// ma 'ongs rnal 'byor skal ldan gyi// thugs kyi dkyil du gsung don rnams// ma nor rgyud du gsal bar 'gyur// mdo rgyud rtog pa bsdus pa'i
97a2 sgron ma lung thams cad kyi rgyal po las/ gsal bar byed pa sgron ma'i lung bstan pa ste lnga pa'o rdzogs so//// bcom ldan 'das bde ba gshegs pa thams cad 'dus pa'i thugs rje dpyang thag gi gnas/
97a3 mdzad pa lha'i cho 'phrul 'phrin las mthar phyin pa'i bsgrub pa/ gsang sngags nges pa'i don gsal bar byed pa'i sgron ma/ mdo rgyud kyi rtog pa bsdud pa lung thams cad kyi rgyal po chen po rdzogs so//// rgya
97a4 gar gyi mkhan po slob dpon chen po pad+ma 'byung gnas dang/ bod kyi lo tsa ba bai ro tsa na bdag gis bsgyur zhing zhus te gtan la phab pa'o// rgyal po'i bla dpe'o// gter rgya/ sbas rgya/ gtad rgya'o////
97a5
97a6 rgya gar skad du/


CLOSE WINDOW