20b4 / gcig las brgyad byung sprul sku yin// yin kyang sems nyid chos sku la// gzhan gyi skyon gyis ma gos pas// u rgyan pad+ma zhes pa de// mig gi rnam shes snang stong tshogs// dngos med sprul sku pad+ma
20b5 yin// rna ba'i rnam shes grags stong tshogs// bden med seng ge sgra sgrogs yin// sna yi rnam shes tshor stong tshogs// 'dzin med nyi ma 'od zer yin// lce yi rnam shes myong stong tshogs// zhen med pad+ma sam b+ha
20b6 yin// lus kyi rnam shes reg stong tshogs// chags med blo ldan mchog sred yin// kun gzhi rnam shes ye stong tshogs// gzhi med shAkya seng ge yin// nyon mongs rnam shes rig stong tshogs// rtog med pad+ma rgyal
21a1 po yin// yid kyi rnam shes 'gyus stong tshogs// gtad med pad+ma thod 'phreng yin// de ltar rang sems chos kyi sku// tshogs brgyad yul du shar tsam na// rang snang sprul sku pad+ma brgyad// de las kyang
21a2 ni ma 'gags pas// snang ba gang shar sprul sku yin// chos dbyings stong pa'i nam mkha' la// rig pa ye shes chos kyi sku// ma 'gags rol par shar ba yis// sprul sku dpa' bo mkha' 'gro yin// snang ba snod
21a3 kyi 'jig rten kun// bla ma sprul sku'i gzhal yas yin// 'gro ba sems can ma lus kun// bla ma sprul sku'i ngo bo yin// snang ba rang sems yin pa'i phyir// gang ltar byas pa de ltar yin// snang yang sems las
21a4 gnyis su med// gnyis med snang ba sprul sku yin// sprul sku'i snang ba gsal ba la// rig pa hur gdon byung rgyal gtad// rang snang mi 'gyur gzhan mi 'gyur// rang snang sprul skur shes pa na// thams cad sprul
21a5 skur 'char ba yin// ya nga'i phyogs su thog brdzis btang// snyems rtog khu 'khrig med par bya// dngos grub chen po bdud kyis ster// bdud kyang rang snang sprul sku yin// rang snang sprul skur ma shes na// lha yang
21a6 gnyis 'dzin bdud du 'khrul// snyems byed the tshom 'khor ba yin// snang ba ci shar rang snang yin// rang snang 'dzin med sprul sku yin// ji ltar shar yang 'dzin pa med// zhen med rang shar rang grol du// sprul
21b1 sku chu zla bzhin du gsal// rtsol ba med par lhun gyis grub// de la bsgrub rgyu ci yang med// gang shar don de skyong ba yin// rang sems snang bar shar ba'i tshe// sprul sku yin pas gsal ba ltar// dngos por
21b2 'dzin pa'i rtag lta med// rang snang lus kyi 'dzin pa zad// lta byed rtogs pa rang grol yin// rang sems dngos med gsal ba'i tshe// longs sku yin pas de nyid spyod// rang rig rlung gi 'dzin pa zad// gnyis
21b3 'dzin 'dzin pa'i rtag lta med// gcod byed rtog pa rang sar grol// rang sems mi g.yo gnas pa'i tshe// chos sku yin pas de kar bzhag/ stong par 'dzin pa'i chad lta med// rang sems 'di yin 'dzin pa
21b4 zad// bsgom bya bsgom byed rang sar grol// rang sems sku gsum bla ma las// ji ltar byas kyang mi 'da' bas// rig pa gcer bu lding bar grol// thams cad dbyer med mnyam pa nyid// bde gshegs ma
21b5 lus 'dus pa'i sku// bde chen thams cad mkhyen pa yin// de nyid don de bskyang ba las// gzhan gyi bya rgyu ci yang med// snang rig sems gsum dbyer med du// rtogs med sangs rgyas thams cad
21b6 'grub// mtha' yas bdag dang dbye ba med// yon tan ma lus thob pa yin// sku gsum rnam mkhyen lhun gyis grub// 'gro don 'phrin las ma lus rdzogs// 'khor ba dong nas sprugs pa yin// de nyid bsgrub
22a1 pa'i mthar thug go/zhes bka' stsal to// bla ma sku gsum bde ba chen po'i gsang rgyud las// rang sems bla mar bsgrub pa nyams len gyi le'u ste bzhi pa'o//// de nas thugs rje ye shes rtsal
22a2 gyis yang zhus pa/e ma bcom ldan bde ba chen po lags// rang sems sku gsum bla ma ru// nyams len bsgrub pa ngo sprad nas// man ngag rtsal sbyong ji ltar byed// de don 'dus pa'i 'khor la gsungs// zhes
22a3 gsol to// bcom ldan 'das kyis bka' stsal pa/ khams gsum sems can thams cad la// sku gsum gdod nas lhun gyis grub// bde dang gsal dang mi rtog gsum// ma bcos gzhi yi sku gsum
22a4 yin// 'dod chags zhe sdang gti mug gsum// rtsal sbyong lam gyi sku gsum yin// chos sku longs sku sprul sku gsum// mthar thug 'bras bu'i sku gsum yin// don la de rnams dbyer med de// gdod nas lhun
22a5 grub sangs rgyas kyi// ngo bo yin kyang ma rtogs 'khrul// dug gsum zhen pas 'khor bar 'khyams// bdag 'dzin rang khar ma zhen na// dug gsum sku gsum lhun grub kyis// lam gyi rtsal sbyong chen po
22a6 yin// dug gsum sku gsum ma shes na// spangs pas mi spongs rang sems yin// rang sems spangs pa'i sangs rgyas med// bsgrubs pas mi 'grub dngos po med// dngos po med pas 'dzin pa grol// 'dzin med spang
22b1 med dug gsum ste// zhen pa med pa sku gsum dngos// zhen pa rtogs na dug yin te// 'khor 'das zhen dang ma zhen phye// de phyir zhen med nyams len bsten// pha ni bde ba chen po yis/ bud med
22b2 'dul ba'i chos su byung// bud med stong pa bde la srid// 'dod chags pa yi thig le las// phyi ru dus dang khog pa grub// nang du thig le rtsa mdud grub// kun rdzob 'dod chags de nyid las// rten nas don
22b3 dam chags lam ni// phyi ru gzugs ma'i rtsa sna sprad// nang du thig le 'phen 'jug bya// gsang ba 'dod chags bde stong du// thams cad longs spyod rdzogs skur grol// zhen pa med par rtsal sbyangs
22b4 pas// 'khrul rtog skad cig yul ma grub// de nyid lam du 'khyer ba yin// ma ni stong shas phye ba yis// skyes pa 'dul ba'i chos su byung// skyes pa'i bde ba stong par rtogs// zhe sdang ma yi thig le las// phyi ru
22b5 sha dang pags pa grub// nang du rtsa dang rlung du grub// kun rdzob zhe sdang de nyid las// rten nas don dam thabs lam ni// phyi ru lus kyi 'khrul 'khor bya// nang du rlung gi dmigs pa gzung// gsang ba zhe sdang
22b6 gsal stong du// zhen pa med par rtsal sbyangs pas// 'khrul snang rtog pa mi 'char bar// thams cad sprul pa'i sku ru grol// de nyid lam du 'khyer ba yin// sems ni mi rtog shas che ste// zung du 'jug pa'i chos
23a1 su byung// gnyis med mnyam pa nyid yin pas// gti mug byang chub sems nyid de// phyi ru 'khrul pa'i snang ba grub// nang du bdag 'dzin sems su grub// kun rdzob gti mug de nyid la// rten nas
23a2 don dam grol lam ni// phyi ru snang ba'i rjes mi 'brang// nang du sems nyid ma bcos bzhag/ gsang ba gti mug rig stong du// zhen pa med par rtsal sbyangs pas// bdag 'dzin zhen pa kun zad nas// thams
23a3 cad chos skur grol nas 'gro// de nyid lam du khyer ba yin// gnad kyi man ngag 'di rtogs na// sangs rgyas kun dang dbyer mi phyed// de ltar dug gsum sku gsum du// rang sems bla mar rtsal sbyangs
23a4 pas// snang srid sku gsum ngo bor rtogs// de nyid man pa gzhan med pas// 'khor ba thams cad dong sprugs te// rang sems bde ba chen po ru// gsal stong 'dzin med mngon sangs rgyas// gzung 'dzin rnam
23a5 rtog med pa ru// snang srid thams cad gsal ba ni// thams cad mkhyen pa'i sangs rgyas yin// rang rig chos sku gzhan don du// longs sku sprul sku'i gzugs su shar// shar yang rtsol rtog med pa yis// bla ma
23a6 sku gsum lhun grub yin// chos nyid ngang la 'gyur ldog med// de nyid gdams pa'i mthar thug go/ zhes bka' stsal to// bla ma sku gsum bde ba chen po'i gsang rgyud las// rang sems bla mar rtsal sbyong gi
23b1 gdams ngag bstan pa'i le'u ste lnga pa'o//// de nas thugs rje ye shes rtsal gyis yang gsol ba/ e ma/ bcom ldan bde ba chen po lags// rang sems bla mar bsgrub pa yis// cha rkyen thun mong yan
23b2 lag tu// las tshogs man ngag ji ltar lags// de don 'dus pa'i 'khor la gsungs// zhes gsol to// bcom ldan 'das kyis bka' stsal pa// rang sems bla ma sku gsum gyis// thun mong 'phrin las bzhi
23b3 yin te// phyi rol gdon dang nang gi gdon// gsang ba nyon mongs rnam rtog kun// ma bcos 'dzin med rang sar gzhil// gtad med ngang du zhi gnas 'gro// chos sku zhi ba'i 'phrin las yin// phyi yi
23b4 longs spyod nang gi tshe// gsang ba ye shes 'khor rgyas pa// shin tu gsal bar mdangs ston pas// bde ba chen po'i rang bzhin rgyas// longs sku rgyas pa'i 'phrin las yin// phyi ru mi mthun rigs pas
23b5 gtor// nang du mdo don rlung sems bsdu// gsal la 'gyur ldog gang dgos pa// rang gsal rig pa'i stobs kyis bsgyur// dbang drag sprul sku'i 'phrin las yin// sku gsum 'phrin las dbyer mi
23b6 phyed// don la rang byung ye shes yin// dus gsum sangs rgyas las byed mgon// 'gro ba'i don la ston pa po// de nyid 'phrin las mthar thug go/ zhes bka' stsal to// bla ma sku gsum bde ba chen po'i gsang
20b4 rgyud las/de nas dbang phyug ma'i gtso mo brgyad kyis bcom ldan 'das kyi zhabs la phyag bgyis nas 'bangs bgyi bar zhal gyis 'ches/ dza ya ru hri badzra sa ma ya
20b5 badzra hU~M/zhes brjod pas/ dam tshig ma rdo rje las bya bar dam bcas so/ dzA ya du u ma da hi khang kha da ri/ zhes brjod pas/ lha chen mas las bya bar dam bcas so/ dzA ya du pra ma ni kang+ka dA ri/ tshangs mas las
20b6 bya bar dam bcas so// dzA ya du ma he shu la dA re ke'u ma shan ting dA ri/ zhes brjod pas// zhi ba mos las bya bar dam bcas so// dzA ya du na ra a ni tsakra dA ri/ zhes 'khor lo mas las bya bar dam bcas
21a1 so// dzA ya dum ha hri da ta na dA ri/ zhes gsod chen mas las bya bar dam bcas so// dzA ya du in tri badzra da ri/ zhes dbang mos las bya bar dam bcas so/ dza a du badzra mu ni tats+tsha n+b+ha ri ste/
21a2 gshin rje mos las bya bar dam bcas so// lha mo dang las byed mas de ltar las bya bar dam bcas so// so sor dam bcas so// sngon bdud ru tra bcom ldan 'das kyis btul nas/ dbang phyug chen mo rnams
21a3 btul te/ma dang/ sring mo dang/ bu dang/ chung ma rnams phul nas// ma nu rag sha si bdud kyi bu mo/ dregs pa chen mo'i chung ma mi srin mo/ mdog dmar ser/ lag na tri shul dang b+han da/ mgo g.yag/ bra
21a4 ma he ste/tshangs pa'i chung ma tshangs ma'i dmar skya/ mgo sprul/ g.yas b+han d+ha/ g.yon rdo rje rtse lnga pa/ re'u tri khro mo mdog ser nag/ mgo gzig/ g.yas b+han d+ha/ g.yon dbyug to// beSh+Na be/ khyab 'jug chung ma
21a5 mdog dkar dmar/mgo srin mo/ rgyu zhags dang dung dmar/ kA+au ri ste/ gzhon nu ma mgo pha wang/ mdog dmar ser/ lag na 'khor lo dang dril bu/ in dra ya ste/ brgya byin ma mdog dmar skya/ mgo
21a6 dred/lag na b+han d+ha dang dbyug to/ badzra bi ka la ste/ rdo rje dbang mo mdog dmar nag/ mgo dom/ khog chen za ba/ a mri ta ste/ bdud rtsi ma mgo chu srin/ mdog sngo nas/ lag na bum pa bsnams pa/ so'u
21b1 rim ste/zhi ba mo mdog sngo nag/ mgo sdig pa/ lag na bum pa dang dril bu/ dang na dam ste// be con ma mdog nag mo// mgo khra/ lag na thod rlon dang be con/ rag sha si srin mo mdog dmar/ mgo khwa/ lag
21b2 na rgyu zhags 'dren pa/b+haShaka sha si za ba mo mgo stag/ mdog nag mo/ bam chen snying za ba/ ra ti badzra ste/ dga' byed ma mdog nag mo/ mgo bya rgod/ bam chen za ba'o// ru d+hi badzra ste/ khrag 'thung ma mdog
21b3 dkar dmar/mgo rta/ lag na rdo rje dang dung dmar/ e ka dza Ti ral gcig pu sbyor ba mdog dmar nag/ mgo nam mkha' lding/ lag na rdo rje 'phreng ba/ ma nu ha ra yid 'phrog ma mgo bya kyi/ mdog dmar
21b4 ser/lag na bam chen rgyu zhags 'dren cing za ba/ ba ya ba ste/ rlung lha mo dmar nag/ mgo sha po/ lag na ba dan sha ba'i ro la za ba'o// ma hA ma ran gsod chen ma mdog nag/ mgo spyang gi/ lag na bam chen
21b5 rje'u chung bsnams pa/ag ne ma me lha mo mgo skyin/ mdog dmar ser/ lag na me thab dang rgyu ma 'dren pa/ ba ra hi phag mo mdog ljang nag/ lag na mche ba dang byi ba za ba/ tsa mun sti rgan byed mdog ljang
21b6 nag/mgo khwa/ lag na rgyu zhags dang khrag 'thor ba/ ba ru na klu mo mdog sngo/ mgo sprul/ lag na sprul zhags/ spu ta na sna chen ma mdog ljang nag/ bam chen za ba/ mgo ba glang/ badzra ma hA kA la rdo rje nag mo/
22a1 mgo rta/ lag na tri shul dang lcags kyu/ tsa ka la ste/ mgo ra mgo/ mdog sngo nag/ lag na ri la zhag kum dkar ni mdog dmar mo// mgo seng ge/ lag na nyi zla lcags sgrog/ lam bo dar na ba
22a2 su 'dzin ma/mdog ljang nag/ mgo skri ka la/ lag na dril bu/ b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo b+h+yo/ a mag nya badzra grul bu sra si 'byung ngo// sam si lam
22a3 drang srong/rab lto 'phye/ sa ma ya ma ma/ sa ma ya ma ma/ ku bar nor lha/ a yag sha gnod spyin/ ru dra na bgegs/ sha tra na dun ti na rgyu skar du btags so// de'i phyi rim du nang ging chen rnams dbang chen pos
22a4 bzhag/de'i phyi rol tu rgyal po chen po bzhi ste/ ta tsa kra ste/ yul 'khor srung/ ud ma sting/ ta myos byed ma/ u rgyad na ste/ 'phags skyes po/ ud ta ra ni yangs byed ma'o// dar a ma ta ste/ mig mi bzang/ byi
22a5 ti lir ste/sti rigs pa'i 'phreng 'dzin ma/ yag sha pi tsi putra ste/ rnam thos sras/ byi ti ma hi shas te/ 'dul mkhan ma/ ag ne de ba be pa sa ha/ ti tar ta ya/ ba ru na/ yag sha yam/ ku per/ ru pa tra/ sar+ya/
22a6 tsan+d+ra a ti ba ba/ bra h+ma baSh+Nu+i/ nA ga ma hA de ba/ nA ga pa ti ni ti/ ko ma ko ma kat+ti/ nA ga ma ta tsa 'bya/ nA ga de/ ma hA n+wa ga mu shi ta/ ma tsan ga dag rba na ya tsa na/ nag tu ta spra li/ gu nya lid ma hA ma/ a du ya/
22b1 sa ma nya/ ha dkar lo kar ta/ de dag la sogs pa bdud kyi 'khor du songs pa thams cad bdud kyi 'khor bor nas/ sangs rgyas kyi bstan pa la btsud/ phyogs dkar po la bzhag nas rnga brdungs ste/ me dang chu
22b2 dang/rlung dang bsgral pas bkrus/ bdud kyi 'du shes lha ma yin du bsgyur ro// de nas ta ke ma ta ta ke ma byas nas rnga brdungs pas/ 'jig rten drug po thams cad 'dus so// de nas bdud ra tra rang gi snga ma'i
22b3 las dran nas/b+ha ga bAn gyi zhabs spyi bos blangs nas/ bcom ldan 'das bdag bskal pa gsum du gar skyes pa yang mthong dran nas/ thugs rjes bzung nas lha'i ded dpon du gyur pa de rjes su dran te/ yi
22b4 rangs nas lus phul lo// srog phrogs bka' nyan nas zas byin no// gtsug lag khang dang/ dam tshig bsrung bar byas nas ma hA kA lar bzhag go/ de nas bdud kyi gzugs brnyan rdo dang 'dra bar mchod pa
22b5 byas so// mgo thams cad bcad nas sems can gyi srog gi tog pa bcom pa'i 'phreng ba dang rdzas su bcad do// sha khrag dang rus pa la sogs pa sme sha thams cad bdud rtsir byin gyis brlabs nas bzhag
22b6 go/mtshan btags so// rdo rje sme brtsegs su yang mtshan gcig tu btags so// spyir na dngos po nam mkha' nam mkha'i mdzod ces bya'o// de nas dpal chen pos 'gro ba sems can rnams bdud
23a1 las thar nas 'di skad gsungs so// rdai'u chung brdungs pa'i sgra skad kyis// bdud dang ru tra'i 'khor bshig nas// chos kyi dbyings las 'khor bar bkod// sems can chen po a la la// shAkya
23a2 seng ge a la la// rdo rje sems dpa' a la la// de nas bdud kyi bu mo kun gyi sha rus btsal nas/ dbus nas khung bu yang rtsibs brgyad/ phur ba yang zur brgyad pa gcig byung/ shar du khung bu zur gsum
23a3 pa// phur pa yang zur gsum pa gcig byung/ lhor khung bu yang zur drug pa/ phur pa yang zur drug pa gcig byung/ nub tu khung bu yang zla gam/ phur pa yang zla kham gcig byung/ byang du khung bu yang zlum po/ phur
23a4 pa yang zlum po gcig byung/khung bu ni hom khung du byas/ ming yang hom khung du btags/ phur pa ni ki la yar btags/ dkyil 'khor du bsdus nas/ dpal chen po yab yum rdo rje sems dpa' sangs rgyas pa
23a5 yin pas na/ye shes dang mkhyen pa yang yum srin mo kro ti shwa ri ma lags pas/ khro gnyer dang sdang mig dang dregs pa pho mo gyur/ de nas ye shes sems dpa' sa brgyad gzigs nas/ dpal chen pos ma
23a6 'ongs pa nas khro la rnga ma zhe sdang che bas sems can the tsom skye bar bcad nas/hUM zhes pas/ dpal shriH he ru ka'i 'khor ma lus par dbang du bsdus nas/ shes rab kyi pha rol tu phyin pa'i dbyings
23b1 dang/thabs dang shes rab bsam gtan ting nge 'dzin dang/ kun rdzob dang don dam par bsnyam ste/ mnyam pa nyid kyi ye shes la gshegs so// thugs mtshan ma med par gyur to// tshogs dang ta na dang ga na ye
23b2 shes sems dpa' gsungs so// sbyor ba dang/ chags sems dang/ rtog dpyod skye gnas sbyor ba la skye gnas med par ma chags par bya ba'i thabs zla ba'i dkyil 'khor du bya ba'i thabs dang/ pad+ma'i 'dod
23b3 chags skye 'gro'i lam du byung ba tsam du zad do// bcom ldan 'das la chags sems med pa'i dpe ni/ rgya gar yul du bram ze phyug po ba lang khyu ba med na'i/ bcom ldan 'das kyis chu bo na ra dza ra'i 'gram du
23b4 'od ma'i tshal du spos la glang po che gcig byas nas/phyi de lo la ba rim gcig la spos kyi be'u gcig skyes/ ba ri la spos kyi glang la 'khor zhing lhag/ de yang spos kyi glang la chags sems med de/ ba la be'u
23b5 zin pa dang 'dra ste/bcom ldan 'das kyi sku dang cha lugs pad+ma sangs rgyas dang 'dra bar gyur nas/ ma bu don la rol pa byung bas de'i bla na med pa'i rgyud yang yin no// de ltar chos dmigs su med pa'i ngang
23b6 las/sku gsung thugs su brgyud pa las byung ngo// 'di yang rang bzhin dngos dpag pa dang/ gzung zhing dmigs pa med pas sun nam mkha'i dbyings ltar 'gyur ro// 'jig rten las 'das pa'i
20b4 mdo'i rgyud las// de ltar dus gsum 'gyur med pas// de ni chos sku rtag pa zhes// kun gyi bdag nyid yin par bshad// de yang ye nas rang byung du// ye shes chen po nyid yin pas// med cing stong bar ma gyur pas// ji
20b5 ltar bsams pa bzhin du 'byung// dper na yid bzhin rin chen rtogs// 'di 'dra rtag par mi snang yang// 'dod pa'i dgos pa 'byung ba bzhin// sems kyi chos nyid de dang mtshungs// nor par brtags pas
20b6 mtshan ma'i rdzas// bag chags skyes pa ci bsams kyang// de la rtag cing nges med pas// 'dus byas chos zhes de la bya// de bas thams cad 'dus pa'i chos// bde gshegs kun bzang bka' 'di ni// tshig
21a1 gcig thos pas sangs rgyas te// 'khor ba btsal yang mi rnyed do// sangs rgyas ma lus 'dus pa yi/ kun tu bzang po'i bka' 'di ni/ nam mkha' bzhin te 'gyur ba med// ye shes nyi ma dang 'dra
21a2 bas// gsal ba de la 'char nub med// ye nas yin pas 'dzin rtogs med// lhun gyis grub pas 'pho 'gyur med// de bzhin nges pas ma yengs bsgom// ji ltar snang ba'i chos rnams kun/ 'di 'drar tshig
21a3 gis mtshon du med// man ngag klong chen ye brdal bas// bde ba chen por ye sangs rgyas// cis kyang mi 'gyur byang chub sems// ma bcos ye nas lhun gyis grub// de la rtsol med ma bcos bzhag/ ces ched
21a4 du gsungs pas/sangs rgyas thams cad kyi don 'dus par gyur to// de bzhin gshegs pa thams cad kyi dgongs pa 'dus pa'i rgyud las/ skabs dang po'o//// de nas sangs rgyas thams cad kyi rang
21a5 bzhin ched du brjod pa/e ma ho/ snang dang mi snang 'khor ba'i chos// yod med rtag chad 'khor ba'i rgyu/ sangs rgyas sems can 'khrul pa'i tshig/ bde dang sdug bsngal nor ba'i lam// sgyu ma smig sgyu 'dra bzhin
21a6 du// cir yang ma grub cir yang snang// de bzhin chos rnams thams cad kun// thams cad de bzhin chos 'dra bas// 'di ltar snang ba thams cad kun// sangs rgyas nyid kyi rang bzhin las// sangs rgyas gzhan
21b1 nas btsal du med// log par brtson pa nor ba'i lam// nges par bstan yang ma go la// rang bzhin ba la 'jig rten pa// thar pa'i dus med sdug bsngal med// de ni grol bar ngas ma bshad// de bas sangs
21b2 rgyas rang bzhin ni// sems dang chos dang nam mkha' gsum// ye nas ma bcos don shes pa// de ni sangs rgyas rang bzhin yin// 'di ltar snang ba thams cad kun// ye nas sems kyi rang bzhin la// tshig
21b3 dang yi ges sgro mi gdags// ma btsal ma bcos bde bar gnas// ye nas sangs rgyas rang bzhin ni// nam mkha' 'dra ste 'pho 'gyur med// ma yengs nges pa 'di thos na/ sangs rgyas rang bzhin rtsol mi
21b4 dgos// sems dang chos dang nam mkha' la// tshig dang yi ge 'di 'dra zhes// kun tu bzang po ngas ma rnyed/ sangs rgyas rang bzhin de nyid yin// med de chad pa ma yin te/ dgongs pa ting 'dzin nang na
21b5 gsal// gsal ba ma 'dres don gsal ba// ji ltar 'dod pa rang dbang sgyur// chos nyid nam mkha' yangs pa la// rang gi ye shes 'de brdal bas// khyung chen nam mkhar lding ba bzhin// gang du bsams
21b6 par ma bgrod phyin// kun tu bzang po bka' 'byung bas/ log lta nges pa ming yang med// 'dod bsgyur rin chen char 'bebs bzhin// yid la bsams pa bzhin du 'byung// mun rum snang ba'i 'od shar bzhin/
22a1 skyon rnams yon tan bzhin du snang// phra ma'i ting ni 'byongs ba ltar// gang ltar dmigs pa de bzhin snang// thams cad kun tu bzang por gnas// gzhan du smon na ye nas rdzogs// mkha' ltar
22a2 mnyam pa nyid du zhog/de bzhin gshegs pa thams cad kyi dgongs pa 'dus pa'i rgyud las/ skabs gnyis pa'o//// de nas sangs rgyas thams cad kyi mtshan gyi khyab par ni/ sems kyi mtshan nyid sangs rgyas
22a3 ni/ma g.yos pa yi nam mkhar 'dus// mtha' dbus med pa'i chos nyid ni// ma bcos pa yi dbyings su 'dus// phyi nang med pa chos kyi sku// 'pho 'gyur med pa'i klong du rdzogs// bzang ngan med pa'i byang chub
22a4 sems// bde ba chen por mngon sangs rgyas// rdul gcig rdul snyed sangs rgyas kyang// rigs lnga ye shes lnga yi ngang/ ye shes sems dpa' nyid kyi ngang// de las ma 'dus gcig kyang med// thams cad
22a5 gcig ste yongs kyis med/khams gsum stong gsum la sogs pa// ji srid rdzas su snang ba dang/ mu mtha' med pa thams cad kun/ 'dus pas lus ngag yid gsum nyid// de yang rang gi byang chub
22a6 sems// chos nyid kun tu bzang po la// rang byung ye shes klong brdal bas// sangs rgyas don rnams 'dus zhes bya// tshig tu smra ba'i tshig mtha' med// tshig dang yi ge gang 'dod pa/ sangs rgyas mtshan yang de
22b1 nyid du// bgrang gis mi lang brjod las 'das// tshig dang yi ge las 'das shing// yod med rtag chad spros bral na/ sangs rgyas mtshan yang brjod med pas// brjod med spros bral tshig las 'das// sangs
22b2 rgyas sems can 'di 'dra zhes// btsal yang rgyal bas mi rnyed na// sangs rgyas ming du 'dogs pa nor// ma gsungs pa ni rgya cher bshad// nam mkha' bzhin du sems gdags pas// yod med rtag chad gnyis
22b3 kyi tshig/ma smras pa de ci la gnod// rnal 'byor tshig tu brjod pas nyes// gtan tshig nges pa ma thos shing// chos nyid klong du ma phebs pa'i// tshig med tshig ni rnam grangs par// mkhas par re ba lung dang
22b4 'gal/nges pa'i don nyid ma shes par/ kha bshad rang bstod che ba 'byin// nga rgyal sma khangs gang zag de// gol ba'i lam du ha ra ha na// ye nas rang bzhin med pa'i chos// lhun gyis grub par sangs rgyas
22b5 par// rang gi sems nyid ji bzhin du// gzhan du smra byed nor ba'i lam// ye nas sangs rgyas ma yin na// bra mo nas su mi skye bzhin// btsal kyang tshi chad nyon mongs pas/ sangs rgyas zhes bya ga la
22b6 'grogs// thams cad ye nas bde ba chen// kun tu bzang por ye rtogs na// gser rdo 'dra ste 'gyur ba med// de bzhin rang sems gdod nas dag/ 'jig rten 'khor ba'i chos 'di ni// spangs pas spongs
23a1 par mi 'gyur te// 'khor ba'i rang bzhin shes pa na// mya ngan 'das pa de nyid yin// 'dod pa'i yon tan thams cad kyang// gzhan nas thob byed nor ba yi// mi 'ching grol bas 'grub par
23a2 'gyur// ye nas sangs rgyas ma yin na// de la thog ma tha ma med// chos nyid rang bzhin sems nyid la// phyi dang nangadu grub pa med// mnyam nyid che chung med pa la// phyogs dang ris su phye ba med// sems nyid
23a3 gnyis su med pa la// bde dang sdug bsngal btsal du med/ nor bu rin chen dpe bzhin du// byang chub sems kyang kun gyi dngos// ji ltar 'dod pa bzhin 'byung bas/ sangs rgyas byang chub sems la
23a4 bsngags// bde chen byang chub sems 'di ni// ye nas yin par sus mthong la/ ji ltar bsam pa bzhin du 'gyur// don 'dir ma 'das gang yang med// ces gsungs so// de bzhin gshegs pa thams cad kyi
23a5 dgongs pa 'dus pa'i rgyud las/skabs gsum pa'o//// de nas sangs rgyas thams cad kyi mdzad pa ched du brjod pa/ sems can shes pa mi gcig na// sangs rgyas mdzad pa so sor snang// sems
23a6 can shes pa dbyer med na/sangs rgyas mdzad pa de dang 'dra// sems can sred len 'khor ba la// sangs rgyas mdzad pa bcu gnyis mdzad// le lo rtag du sun 'byin phyir// mdzad kyang mya ngan 'das par
23b1 ston// yul dang gzugs ni gar chags pa// sangs rgyas mdzad pa de don du// sku dang phyag rgya la sogs pa// byin rlabs cho phrul de bzhin snang// yang dag sangs rgyas mdzad pa ni/ ci mdzad rang bzhin med
23b2 par mdzad// ci gsung rang bzhin med par gsung// ci ston pa ni kun tu bzang// sangs rgyas mdzad pa khyad par che/ dngos rnams ye nas dngos med pas// 'khor ba thams cad mya ngan 'das// thar pa'i
23b3 gnas zhes de la bya// thams cad rang bzhin med rtogs na// sdug bsngal thams cad byang chub lam// skyon rnams yon tan shes pa na// nyon mongs dug lnga ye shes skye// phyin ci log tu ci bltas kyang// thams
23b4 cad grol ba rang las byung// rnam par rtog pa ci skyes kyang// de nyid thabs kyi bskul ma yin// mtho ris ngan song ci snang yang/ log rtog yin pas brdzun du snang// de yang thabs kyi ting 'dzin gyis// ye nas
23b5 lhun gyis grub par gnas// thams cad thig le chen po la// sangs rgyas mdzad pa ma shes na/ 'og min gnas kyang dmyal ba'i gnas// de bzhin skyon dang log par snang// de bzhin sems kyi mdzad spyod
23b6 ni// gser btso tshur dang phrad pa bzhin// byang chub sems kyi rang bzhin la// de la sangs rgyas sems can med// mdzad pa thams cad sangs rgyas la// don la 'gyur med ce na// ma mdzad pa yang nges pa
20b4 med// de ci'i phyir zhe na/ thams cad dgongs spyod gcig tu rgya mtsho gling gi dkyil 'khor du rang bzhin lhun gyis grub pa'o// dam rdzas tshogs pa thams cad kyang dkyil 'khor te/ byang chub sems ni dkyil
20b5 yin la/dam rdzas gzhan ni 'khor yin/ de ci'i phyir zhe na/ bde ba chen po'i don la/ skye shi med pa dkyil 'khor du lhun gyis grub pa'o// rdzas dang lag cha tshogs pa thams cad kyang dkyil 'khor te/ ban d+ha
20b6 bde bar gshegs pa'i don la/skye shi med pa dkyil 'khor yin pas/ dur khrod kyi chas brgyad gzhan ni 'khor ro// de ci'i phyir zhe na/ thabs la mkhas pa'i rol pa chen pos rnam par rtog pa thams cad chos
21a1 nyid du lhun gyis grub pa'i dkyil 'khor gyi rang bzhin no// de la 'byor ba thams cad longs spyod du lta ba ni/ phyi snod kyi 'jig rten dang/ nang bcud kyi 'jig rten 'di dag thams cad sangs
21a2 rgyas thams cad kyi tshogs kyi longs spyod du byin gyis brlabs pa'i dus su/byol song thams cad kyis lus tshogs su phul ba dang/ gshin rje thams cad kyis sha chen tshogs su phul ba dang/ ma mo dang mkha'
21a3 'gro yis khrag dang snum chen tshogs su phul ba dang/srin po thams cad kyis thod rus dang 'bru mar tshogs su phul ba dang/ gnod sbyin rnams kyis 'dza' gad rnam pa tshogs pa tshogs su phul ba dang/ ma mo klu
21a4 rnams kyis snying po rnam pa sna tshogs pa tshogs su phul ba dang/byol song rnams kyis 'o ma rnam pa sna tshogs su phul ba dang/ nam mkha' lding rnams kyis shing thog sna tshogs su phul ba dang/ sman gyi lhas sman sna
21a5 tshogs su 'bul ba dang/rtsi'i lha mos rtsi sman sna tshogs su 'bul ba dang/ nam mkha' lding gis spos sna tshogs 'bul ba dang/ sa bdag rnams kyis 'bru sna tshogs pa tshogs su 'bul ba dang// mi rnams kyis
21a6 mi'i zhal zas su sna tshogs pa tshogs su 'bul ba dang/lha rnams kyis rin po che sna tshogs pa dang/ lha'i me tog man da ra ba la sogs pa rnam pa sna tshogs pa dang/ lha'i 'od dod pa longs spyod rnam pa sna tshogs
21b1 pa/tshogs su 'bul ba la sogs pa thams cad/ dus gsum gyis sangs rgyas thams cad kyis rnal 'byor gyi tshogs kyi longs spyod chen por byin gyis brlabs te gsol/ gzhan yang 'grangs shing tshim par
21b2 mdzad de/phyir mi ldog pa'i sa la mngon sum du bkod pas/ 'byor pa thams cad tshogs kyi longs spyod du lta'o// de la mchod pa thams cad ye shes su lta ba ni/ phyi nang gsang ba'i mchod pa thams cad thugs
21b3 yang dag pa'i ye shes chen po'i ngang las byung ste/bar chod pas thugs dam bskul/ dngos grub nod/ slar 'dus pas sgrib pa sbyangs/ dngos grub thob ste/ lha la lha thims/ ye shes la ye shes rol/ chos nyid
21b4 ma chos nyid thim ste/bar ma chod pas bdag gi sems dang de bzhin gshegs pa'i thugs ye shes mnyam zhing dbyer med par mchod pa phul/ slar 'dus pas de bzhin gshegs pa'i thugs ye shes dang/
21b5 bdag gi sems mnyam zhing dbyer med de/ ye shes kyi mchod pa'i 'od zer gyi rgyun/ bdud rtsi'i ro bzhin byang chub sems kyi ngo bo la/ rgyal ba'i cho 'brang zer dang ye shes la spyod pa mdzad pas/ mchod
21b6 pa thams cad ye shes su lta ba'o// dmigs pa thams cad lha rgyud du lta ba ni/ mdun gyi nam mkha' la rgyal ba'i ye shes sems dpa'i 'khor rgyal ba sras dang bcas pa la dmigs la/ yang phung po dang/ khams
22a1 dang/skye mched dang/ rnam par shes pa nyid lha rgyud du snang ba las ma gtogs pa/ gzhan gud na med par rtogs pa'i lta bas rtogs par byas la/ ji ltar gnam ri sa brag thams cad 'byung ba
22a2 ltar bsdus la/skye 'gro thams cad 'byung ba lnga dang phung po lngar bsdus la/ 'byung ba lnga dang phung po thams cad lha dang lha mo'i dkyil 'khor gyi rang bzhin yang yin la/ rtogs pa'i lta bas rtogs par byas la/
22a3 ting nge 'dzin gyis yang bsgoms te/ mdun dang shar rdo rje rigs kyi lha dang/ lha mo dang/ zhing khams dang/ pho brang gi rang bzhin/ g.yas dang lho thams cad rin chen rigs kyi lha dang/ lha mo'i zhing khams
22a4 dang/pho brang gi rang bzhin/ rgyab dang nub thams cad pad+ma rigs kyi lha dang/ lha mo'i zhing khams dang/ pho brang gi rang bzhin/ g.yon dang byang thams cad las kyi rigs kyi lha dang/ lha mo'i zhing khams dang/
22a5 pho brang gi rang bzhin/ steng dang nam mkha' sku thams cad de bzhin gshegs pa'i rigs kyi lha dang/ lha mo'i zhing khams dang/ pho brang gi rang bzhin/ sems dpa' dang/ sems ma dang/ khro bo dang/ khro mo dang/
22a6 zhing khams dang/ pho brang dang/ dkyil 'khor lha rgyud kyi rang bzhin du rtogs par byas la yid kyis dmigs la/ dmigs pa thams cad lha rgyud du lta ba'o// rtogs pa thams cad gzhal yas khang du lta ba ni/ phyi
22b1 nang snod bcud kyis bsdus pa thams cad 'byung ba lngas bsdus la/'byung ba lnga po nyid yul chen mo lnga'i mkha' klong rnam par dag pas/ chos kyi dbyings kyi rang bzhin yin pas/ dpag cing gzhal ba las
22b2 'das pa'i gzhal yas khang yin pa las/de ltar du ma rtogs na gzhan nas gzhal yas khang gnyan ris su bcad pa med pas/ rtogs pa thams cad gzhal yas khang du lta ba'o// tshogs rgyud chen po las lta
22b3 ba'i le'u ste gsum pa'o//// de nas tshogs kyi bsgrub pa lnga yang don rnam pa lnga ste/ sku'i sgrub pa dang/ gsung gi bsgrub pa dang/ thugs kyi bsgrub pa dang/ yon tan gyi sgrub pa dang/ 'phrin las kyi sgrub pa
22b4 gang byed kyang/rnal 'byor gyi tshogs kyis sgrub dgos te/ rnal 'byor gyi tshogs 'di ni lan tshwa dang 'dra ste/ gang la yang mi tshang du mi rung ste/ sku'i sgrub pa'i dkyil 'khor gyi lha rnams la tshogs kyi mchod pa
22b5 gzhung bzhin du phul na/sku'i sgrub pa yang 'grub cing mthar phyin par 'gyur ba bzhin du/ gsung dang thugs yon tan 'phrin las kyang/ de bzhin du gang sgrub pa tshogs kyis grub pa'o// de'i don ni gzhung du ma
22b6 dag las rgya cher 'byung ngo// tshogs rgyud chen po las/ sgrub pa'i le'u ste bzhi pa'o//// de nas tshogs kyi longs spyod pa la yang don rnam pa gsum ste/ tshogs kyi spyod pa thabs dang shes rab tu spyod pa dang/
23a1 tshogs kyi spyod pa spong len med par spyod pa dang/ tshogs kyi spyod pa 'ching grol med par spyod pa'o//// de la tshogs kyi spyod pa thabs dang shes rab tu spyod pani// yo ga phyi pa man chod kyi
23a2 sgor zhugs pa/tshogs mchod lha ci smos kyi/ 'dod pa'i yon tan gang la yang skyon lta ba'i nang nas kyang/ thabs dang shes rab la 'ching bas bshal thag gtad pa ste/ rdo rje theg pa'i thabs la mkhas pa'i
23a3 gnas skabs na/thams cad thabs dang shes rab dbyings dang ye shes kyi rang bzhin pas/ 'dod pa'i yon tan la sogs pa thams cad la/ ma spangs par 'jol nyog tu spyod pa ma zad/ de nyid chos nyid dag
23a4 pa'i rgyan du rig nas/dga' bde longs spyod pa nyid kyi/ gnyis su med pa chos kyi chos kyi sku thob par 'gyur ba'o// de la tshogs kyi spyod pas spong len med par spyod pa ni// yo ga phyi pa man chad kyis 'di
23a5 gtsang ma rigs yin te 'phags pa mchod rgyu yin la// 'di mi gtsang ba dang sme ba yin pas 'phags pa mchod rgyu ma yin zhes// spong len du spyod pa ma yin// chos la bdag med ba'i bzhin la// rnam bar
23a6 rtogs pa'i ming yang med pas// gtsang ma yang lha yi zhal zas yin la// mi gtsang ba yang lha yi zhal zas// gnyis su med pa nyid 'phags pa'i dgongs spyod dang// 'phags pa'i skur sgrub pas// gang la yang
23b1 'di 'khor ba dang ngan song gi rgyu yin pas spong ngo// 'di thar pa dang bde ba dang gtsang ba'i rgyu yin zhes dang du mi len te// spong len med pa sangs rgyas kyi sa la gnas pa yin na// tshogs kyi spyod pa 'ching
23b2 grol med par spyod pa na// 'dod pa'i yon tan rna pa sna tshogs pa las// chags tsam na chags pa med pa'i mthar phyin pas// 'khor ba dang nyon mongs pas 'ching ba med pa// de nyid rtogs pa'i rgyan du rig
23b3 cing// chos thams cad ye nas sangs rgyas pa yin pas// de ltar spyod pa grol ba yang med// 'ching ba yang med do// tshogs rgyu chen po las// spyod pa'i le'u ste lnga pa'o//// rdo rje sems dpas de skad bka'
23b4 stsal pas// rigs lnga yab yum dang// 'khor sems dpa' dang// sems ma dang// khro bo dang// khro mo dang// sprul pa dang// yang sprul pa dang// ci bgyis pa dang// bka' nyan dang// dam la btags pa'i
23b5 'khor thams cad kyis// dgyes pa chen po tshogs kyi longs spyod du bstar nas// thams cad gnyis su med pa chos kyi skur lhun gyis grub par bzhugs so// rnal 'byor gyi tshogs rgyud chen po rdzogs
23b6 so//// 'di'i rgyud phyi ma 'di 'gyur ro// gsang ba dasum gyi phub tu// snub sangs rgyas ye shes rin po ches// skad bsgyur gyis yang bcos te// stong tshab byang chub rin po che la btsas su bzhag pa'o// mya nga
20b4 ha ta pa ri las//// sgyu 'phrul dra ba'i ye shes snying po'i gsang ba'i rgyud ces bya ba rdzogs so// rgya gar skad du/ tan+t+ra rA dza ma hA ma ya ga r+b+ha ku la nA ma// bod skad du// rgyud kyi rgyal
20b5 po chen po sgyu 'phrul snying po bkod pa zhes bya ba// bcom ldan 'das zhi khro rang snang gi lha la phyag 'tshal lo// 'di skad bdag gi bshad pa'i dus gcig na// bcom ldan 'das de bzhin gshegs pa thams cad
20b6 kyi sku dang// gsung dang// thugs rdo rje// yon tan 'phrin las su lhun gyis grub pa'i ye shes// sangs rgyas thams cad kyi mnga' bdag/ dpal kun tu bzang po rang snang ba'i sku// dkar dmar mthing ka'i
21a1 zhal gsum du snang ba rdo rje dang// 'khor lo dang// rin po che g.yas na 'dzin pa// pad+ma dang// dril bu dang// ral gri g.yon na 'dzin pa// rdo rje skyil mo krung gi kun tu bzang mo dang 'du 'bral
21a2 med pa de nyid kyi khyad par las// rdo rje 'chang rin po che 'byung ba dang// chos kyi dbang phyug dang// don yod pa'i dpal dang// rnam par snang mdzad dang// sangs rgyas spyan dang// ma ma ki dang// gos dkar
21a3 mo dang// sgrol ma dang// chos kyi dbyings ma dang// gzhan yang sa'i snying po dang// nam mkha'i snying po dang// spyan ras gzigs dang// phyag na rdo rje dang// lA s+ya dang// ma le dang// gi rti dang// ni rti
21a4 dang// byams pa dang// kun tu bzang po dang// 'jam dpal dang// sgrib pa rnam sel dang// me tog ma dang// spos ma dang// mar me ma dang// dri chab ma dang/ gzhan yang thub pa chen po srid thub 'dzin
21a5 dang// thub pa chen po rnam par rgyal ba dang// sha kya seng ge dang// rnam par gnon dang// rnam par snang byed dang chos kyi rgyal po dang gzhan yang stobs po che dang// gshin rje gshed dang// rta mgrin
21a6 dang// bdud tsi 'khyil ba dang// lcags kyu dang// zhags pa dang// lcags sgrog dang// dril bu dang// de lta bu 'khor dang bcas par gnas so// de dag kyang bde stong dbyer med pa'i gnas// ye shes lnga'i
21b1 rang bzhin 'phrin las lhun gyi grub pa'i gnas na/'gro ba'i don mdzad pa mi 'gog par gnas pa'i tshe na// nam mkha' las chos nyid kyi sgra de yongs su grag go// ma rig rmongs pa sgron mes gsal ba'i
21b2 phyir// gnas lugs rang bzhin zhi khro dang// gdul bya sbrul pa'i zhi khro dang// phung po rang rgyud zhi khro dang// gzhi lam 'bras bu'i bdag nyid rnams// thabs la mkhas pas gsung du gsol// ces yongs su
21b3 sgrogs so// de'i tshe bcom ldan 'das de nyid zhal bzhad pa 'od zer las// stod pa nyid kyi glu 'di grag go// gnas med gnas la 'od gsal ba// rang 'byung ye shes 'od gsal sku/ bya byed med pa'i sku snang
21b4 ba// sgyu ma'i mig 'khrul rnam par snang// zag bcas gdos pa'i khung po yang// ma skyes snyingapo chos kyi sku// byung bgrod gnas par gang snang ba// 'bras bu nyid du nges pa'i lam// zhes gsungs so// sgyu 'phrul
21b5 dra ba'i snying po bkod pa las// rgyu dang rkyen gyi le'u ste dang po'o//// de nas bcom ldan 'das gnas lugs rang bzhin gyi ting nge 'dzin la zhugs te 'di gsungs so// chos kyi dbyings kyi pho brang
21b6 ni// stong nyid rnam dag chos kyi dbyings// bem stong dngos bral gdol ba dag// rang gi ye shes rang gdangs la// 'od gsal stong pa rnam dag gsal// bde stong kun 'byung zag pa med// snang stong ye shes
22a1 snying po'i sku// ma bcos sprol bral byang chub sems// rig stong mtha' brgyad spros dang bral// stong gsal pad+ma skyon bral dang// stong nyid snying rje'i snying po can// snang stong rdo rje chos kyi sku// skye
22a2 med dam brjid rnam par ldan// stong nyid ma bcos chos kyi sku// mtshan dang dpe byad longs spyod rdzogs// dngos po snang spyod mngon byang chub// snang stong dbyer med rdo rje rgya// ma spangs gang mos de 'dul
22a3 sku// ma skyes skye med de bzhin ngang// dgongs pas snang ba brda dang mjal// rig ma sgyu mas go par byed// grag stong dbyer med brag cha 'dra// kun la tshig tshogs rnam par snang// gsal la rtog med don rig
22a4 cing// 'byed med shes rab mnyam par gnas// bdag med dngos po so sor gsal// bya ba gang yin mngon du grub// nam mkha' lta bu rab tu rtogs// rgya dang bral ba'i zhing khams dang// spyod yul dpag
22a5 dka'i gzhal yas dang// sna tshogs ma spangs ngang gi brgyan// lnga btsegs rang snang dag pa'i gdan// 'od zer phung po blta na sdug/ zhi 'gyur dbyings nas phyag rgya 'bar// kun tu ma lus yongs su
22a6 gang// 'dod pa'i bsam pa kun dang mjal// mun pa drag pos gnod pa bral// zhi rgyas dbang drag lhun grub gnas// me long nang nas rdo rje rigs// zhe sdang can la khro bar gsal// mnyam nyid dang gnas
22b1 pad+ma'i rigs// nga rgya 'dzoms mdzad zhi gnas chu// sor rtog ngang nas pad+ma'i rigs// 'dod chags sreg pa'i lhag mthong me// byang chub ngang gnas las kyi rigs// phrag dog 'du byed 'thor ba'i rlung// chos
22b2 dbyings ngang gnas de bzhin rigs// ma rigs mun sel dar rgud stongs// ye shes lnga yi rigs 'dzin pa// sangs rgyas lnga yi gdung du gsal// nyon mongs lnga yi zhi sbyong ba// he ru ka yi phyag rgyar
22b3 gsal// chos sku skye med snying po ru// rang bzhin zhi khro lhun gyis grub// dper na nyungs kar mar khyab 'dra// til gang lta bu gang gnas pa// gang gi gang mthong dar snang ba// snang gsal nam mkha' shar ba
22b4 la// re re zhing la re re snang// gcig las tha dad snang bar zad// 'byung rgyu lin par der snang ngo// zhes brjod do// chos thams cad rang bzhin gnas lugs kyi zhi khro gsal bar 'gyur to// sgyu 'phrul dra ba'i
22b5 snying po bkod pa las// gzhi dang rang bzhin gyi le'u ste gnyis pa'o//// de nas bcom ldan 'das kyis gdul bya la snang ba'i ting nge 'dzin la snyoms par zhugs te 'di gsungs so// rnam dag phung po
22b6 lnga 'chang ba// zag bcas rgyu la 'bras bu gnas// mi bskyodardo rje'i phyag rgya ni// yul la spyod pas sangs rgyas mig// sa snying sgeg mo rdo rje bran// kun bzang me tog mthing ka'i r-igs// gshen rje lcags kyu
23a1 'dzin pa yum// zhe sdang khong khro'i thub pa gnyis// rang gi gdangs la rigs su grub// yon tan rin chen ma ma ki// nam mkha'i snying po 'phreng ba ma// kun bzang spos me stobs po che// zhags pa
23a2 'ching mdzad nga rgyal rigs// yi dwags 'dul byed gser gyi mdog// snang ba gos dkar spyan ras gzigs// glu ma 'jam dpal mar me ma// sha kya seng ge rang gi rigs// le brgan pad+ma ra ga can// don
23a3 grub dam tshig sgron ma che// phyag na rdo rje gar mkhan ma// sgrib pa rnams sel dri chab ma// phrag dog can las ljang khu 'phro// snang mdzad dbyings ma gti mug 'dul// kun bzang yid chos dkar gsal
23a4 zhing// kun la rigs bdag mi 'gyur mdog// dbang po rnam shes yul dang bcas// bzhi bcu tsa gnyis ngo bo ni// rdo rje 'khor lo rin po che// pad+ma ral gri dril bu 'bar// rin chen myu gu ral gri 'bar// pad+ma
23a5 dkar po rdo rje 'dzin// me long rin chen 'phreng ba 'dren// pi wang gar bsgyur dung du gsal// mun nang klung shing po ti chos// rin chen snye ma ut+pal// spos dang me tog mar me dri// thod dbyug rdo rje thod sbrul
23a6 'dzin// rgya gram ban d+ha lca kyu zhags// lcags sgrogs dril bu las bzhi rgya// pi wang sreg pas go mtshon sgrom// me chu po ti mnyam gzhag 'phro// tsa btsegs gsum dang gnyis rkyang pa// snang ba phye na snang ba
23b1 ste// dud dang ku mu nyi zla 'dra// bai DU r+ya dang kar ka ri// le brgan gser sbyangs in+Ta ni// gnyis las gnyis 'dzin drug na drug/ rigs las mi 'da' chaul par 'dzin// ma bcos mi 'da' ma nges
23b2 'brel// ma skyes ma 'gags yul mtshon pa// mtshan ma nye bar brtags pa dang// zin mdzad mi bskyod 'dul dbang phyir// mtha' yas tha dad dam par 'brel// las su 'brel bas dgongs pa dang// rdo rje
23b3 pad+ma mkha' 'gro yis// skyil klung rang bzhin dang du gnas// babs bzhon bzhengs thabs dor thabs bgrad// mnyen lcug 'khril ldem gzhon gsal 'tsher// lhun sdug gzi brjid 'bar ba dang// sku dang
23b4 gsung thugs yon tan las// mtshan dang dpe byad sprad kyis brgyan// ting 'dzin tsol bas gang dag pa// rtog pa las mtha' lta ba dang// 'tsho ba dran pas bkra shis 'khyil/ chos nyid rnam par 'byed pa
23b5 dang// dga' ba shin tu sbyang ba dang// ting 'dzin dran pa btang snyoms dang// rtson 'grus mdzes pa'i rgyan dang ldan// bzhugs bzhengs gshegs gzigs 'khug pa dang/ dgongs bstan rten 'byor bdud pa
23b6 dang// lcam me ma le lhan ne ba// sa le zhi ba ngang tshul can// phyi nang med par gsal na ngan// chos kyi 'khor lo bskor mdzad cing// sa yi khyab par kun bgrod nas// yon tan che ba bcom nas gnas// zhes
20b4 brjod pas// 'khor lo rtsibs bzhi mu khyud bcas// dbus su bdud rtsi 'khyil ba ste// shar gyi rtse la rdo rje nyid// lho yi rtse la rin po che// nub kyi rtse la snang mtha' yas// byang gi rtse la don yod grub// lha dang lha mo'i
20b5 tshogs kyis bskor// thabs dang shes rab ldan par bsgom// phyag rgya gzhan yang gsal bar bsgom// gtso bo'i sku mdog phyag mtshan ni// sku mdog gangs ri nyi shar 'dra// zla ba pad+ma'i gdan khri la// nyi ma
20b6 stong gi gdan khrir ldan// lha dang lha mo'i tshogs kyis bskor// khro bo'i 'khor lo de bzhin te// bdud rtsi 'khyil pa dbus bsgoms te// gnas yul slas byi'i tshogs kyis bskor// snying po 'bru tshig gsal bar
21a1 zlas// de la bdud rtsi phyag rgya ni// bum pa gang ba yid bzhin 'bar// re ba yid bzhin skong bar byed// nyon mongs sdug bsngal zhi bar mdzad// 'dod yon lnga yang ldan par byed// dngos grub
21a2 chen po zla med pa'o// bdud rtsi char bzhin 'bebs par byed// sgo bzhi phyag rgya dag dang ldan// a mr-i ta yi rgyu nyid ni// byang chub sems dang sha chen dang// dri chen dri chu maM sar bcas// pad+ma rak+ta la sogs
21a3 dang// gzhan yang 'dod yon sna tshogs rnams// dbye ba'am yang na mi dbye ba// bdud rtsi nyid du byin gyis brlabs// rtog pa'i bag chags sbyang ba'i phyir// gtsang sme med par bza' bar bya// dbyings su yang
21a4 ni bstim par bya// phyag rgya 'od zer 'bar bar bsgom// bzhi brgya rtsa bzhi'i nad sel cing// dug gsum sdug bsngal med pa dang// bskal ba yun rings gnas pa dang// dngos grub chen po thob 'gyur
21a5 te// tshogs gnyis rdzogs par yang dag gsungs// bdag nyid yi ge hUM du gnas// longs spyod lnga ldan thams cad la// oM hUM oM du gyur par bsgom// 'od 'phro 'bar zhing phyogs bcur spro// slar 'dus 'od
21a6 'phro bdud rtsir 'bar// shin tu gsal bar rtse gcig bsgom// gzhan yang yi ge tshogs pas gdab// 'thungs na ngan song sgrib pa 'byang// tra Da/ rtag brten dngos grub mchog kyang 'grub// lus kyi nad
21b1 rnams thams cad 'byang// lha la rtag tu mchod byas na// bdag dang gnyis su med par 'gyur// mi mthun phyogs la gtor byas na// drag po gtum pa'ang lhan ner 'gyur// gzhan yang dngos grub thams cad
21b2 no// ji ltar dmigs pa bzhin du 'grub// sangs rgyas go 'phang 'thob 'gyur na// lha srin la sogs smos ci dgos// the tsom med par bsgrub par gyis// rtag tu spyod cing dbyings su thim// rgyud kyi rgyal po sgyu
21b3 'phrul dra ba las/sman bsgrub pa'i le'u ste bcu bdun pa'o//// de nas de bzhin gshegs pa rgyud kyi rgyal po sgyu 'phrul dra ba'i rang bzhin gyi dkyil 'khor las/ lhag pa'i ting nge 'dzin gyis sngags 'chang
21b4 rnams lhar bsgrub pa'i dkyil 'khor 'di don yod par bya ba'i phyir/ched du brjod pa 'di ched du brjod do// e ma ho ye nas rnam dag pa'i// thabs dang shes rab ldan par gnas// byang chub mchog tu nyi zla
21b5 shar// de nyid bzhugs gnas yin par gsungs// chos rnams thams cad gnyis min pa'i// dbyings su thim pa'i 'od zer gsal// gcig dang spros pa thams cad med// dkyil 'khor spros med zlum po'i
21b6 tshul// de nas mya ngan 'das pa'i chos// ye shes rgyu dang 'bras bur ldan// thams cad mkhyen pa'i ye shes sku// chos kyi 'khor lo yongs kyis bskor// thugs rje'i byin brlabs 'phros pa yis// ye shes bzhi yi
22a1 dkyil 'khor spro// ye shes lnga dang sku gsung thugs// byin brlabs ya mtshan bsam mi khyab// rang snang ba yi thabs las byung// bsod nams ye shes tshogs rdzogs pa'i// thugs rje rgyas pa'i
22a2 gzhal yas khang// mtha' dbus med par rgyas par gnas// stong smon mtshan med 'od gsal 'jug/ de phyir ye shes sgo bzhir bshad// der 'gro lam stegs brgyad dang ldan// rang bzhin ye gnas 'od
22a3 gsal phyir// nyi zla brtsegs pa'i gdan khri 'bar// ye nas rnam par dag pa'i phyir// ma chags pad+ma 'bar ba'i gdan// zad med ye shes gter gyur pas// yid bzhin rin chen 'bar ba'i gnas// ye nas
22a4 mnyam nyid mi 'da'i phyir// ta la'i ljon shing rang bzhin gnas// re ba yid bzhin skong ba'i phyir// dpag bsam shing gi rin chen 'bar// yid bzhin rin chen rgyal gyis bskor// thams cad la ni dbang sgyur
22a5 phyir// 'jig rten lha chen rnams kyis bskor// gsang ba de nyid nges pa las// 'phrul chen bzhi bcu rtse gnyis kyis// thams cad lha nyid rtag tu sbyor// thams cad ma lus dkyil 'khor mchog/ 'dis ni rang
22a6 bzhin dkyil 'khor dang// gzugs brnyan lhag pa'i dkyil 'khor gsum// ting 'dzin lhag pa'i dkyil 'khor dag/ byang chub sems dang tshogs mchog bstan// ces nyid la nyid bshad do// shin tu gsang
22b1 ba'i dkyil 'khor bsdus nas/lhag pa'i gzugs brnyan bstan pa'i le'u ste bco brgyad pa'o//// de nas de bzhin gshegs pa khro bo chen po'i byin brlabs/ phyag rgya 'byung ba zhes bya ba'i ting nge 'dzin la
22b2 snyoms par zhugs nas/ched du brjod pa 'di ched du brjod do// dbang po yul dus rigs pa rnams// thabs dang shes rab ldan gyur cing// mnyam pa'i ngang nyid gsal rtogs na// thams cad bde ba chen
22b3 po'i rgyud// bskyod chen 'khor lo'i gzhal yas su// khro bo khro mo thams cad kun// gsal zhing 'od zer 'phro bsgoms nas// bsgul bskyod thams cad phyag rgya yin// bla med chen pos de skad gsungs// yan
22b4 lag snying po rtse gcig dang// rtse lnga rtse dgu bcu gcig tu// las rnams so sor rab tu bsgom// thabs dang shes rab ldan pa'i zhabs// rtag tu rdo rje 'bar bar 'gyur// thabs chen re re bskyod na ni// pad+ma
22b5 chags med re re 'byung// rdo rje pad+ma de 'byor na// sems can thams cad bla na med// byang chub shing drung skye bar 'gyur// rang bzhin dkyil 'khor lha rnams kyang// khro bo'i dkyil 'khor bsgoms byas
22b6 te// dbu yi dkyil 'khor bsgul bskyod na// sangs rgyas dkyil 'khor thams cad g.yo// lag gi 'du byed bskyed byas na// rigs 'dzin zhing khams thams cad g.yo// rkang pa'i stabs chen gnan mchongs
23a1 na// sdug bsngal mi bzod thams cad dang// bdud dang log 'dren thams cad mnan// yan lag thams cad bsgul gsigs na// ba spu'i bu ga re re nas/ khro bo grangs med rdul snyed spro// de
23a2 dag sprul pa grangs med kyis// phyogs bcu'i khams mang rdul snyed du// khro bo'i don rnams rdul phran snyed// thugs rjes 'dul zhing dbyings su bstim// thams cad khro bo'i dkyil 'khor dang// khro mo'i dkyil
23a3 'khor rab tu 'dus// thams cad rdo rje brag chen dang// me ri'i dkyil 'khor rab tu 'bar// 'di ni spyi rgya chen po yis// steng gi bgegs chen 'dul ba'i phyir// rdo rje 'khor lo nri mgo gdengs// 'og gi
23a4 'jig rten bgegs 'dul ba// rdo rje thong gshol nr-i bar dang// rdo rje gtun chen 'dril pa'o// shar gyi bgegs rnams 'dul ba ni// rdo rje rab tu 'bar ba dang// tir chen po'i dbyug pa'o// lho yi bgegs
23a5 rnams 'dul ba ni// rin chen nr-i mgo'i dbyug pa dang// gshin rje chen po'i rkang pa'o// nub kyi bgegs rnams 'dul ba ni// sbrul dang ti ra nya dbyug dang// khyung chen gshog gis rab tu brdebs// rgya mtsho
23a6 chen po'i sked par gtub// byang gi bgegs rnams 'dul ba ni// rin po che yi dbyug tho dang// nr-i mgo gsum pa'i dbyug to can// gnod sbyin gdon rnams tshar gcod pa'o// mtshams bzhi'i bgegs rnams
23b1 'dul ba ni// phyogs bzhi dag gis 'dul bar 'gyur// gal te de yis ma thul na// byang shar mtshams kyi bgegs 'dul ba// rdo rje rtse gsum nr-i mgo gdengs// i sha nyid kyang phyag na bsnams// 'byung po'i
23b2 sde kun rab tu 'dul// shar lho mtshams kyi bgegs 'dul ba// rdo rje ye shes me chen 'bar// me nyid kyang ni 'tshig par byed// drang srong nyid kyang phyag rgyar bsnams// me lha gdon 'khor dbang du bsdus// lho
23b3 nub mtshams kyi bgegs 'dul ba// rdo rje srin po mgo can te// rab tu rno ba'i ral gri 'bar// bden bral nyid kyang phyag na bsnams// srin po'i tshogs rnams dbang du bsdus// nub byang mtshams
23b4 kyi bgegs 'dul ba// rlung gi ba dan nr-i mgo gdengs// shin tu drag po'i glang po'i brjid// tshig bsrungs nyid kyang phyag na bsnams// g.yeng ba thams cad dbang du bsdus// 'og tu 'jig rten bgegs
23b5 'dul ba// phyag rgya ri rab chen po ste// phag chen po ni phyag na bsnams// 'og gi bgegs rnams 'dul ba po// gzhan yang nyi zla'i dkyil 'khor gyis// tsha dang grang ba'i sdug bsngal sel// me yi dkyil 'khor
23b6 chen po yis// thams cad ma lus sreg par byed// chu yi dkyil 'khor chen po yis// thams cad ma lus 'khru bar byed// rlung gi dkyil 'khor chen po yis// thams cad ma lus gtor bar byed// rdo rje ral gri
'khor lor bcas/

CLOSE WINDOW