CLOSE WINDOW

Gpb039.032
བོད་ཡིག

/// @#/ rgya gar skad du// de ba hu ye shes ya man hri// b+hU ti tan+t+ra nA ma// bod skad du// lha 'dre gnyis med kyi rgyud ces bya ba// dpal kun tu bzang po thig le lhun gyis grub pa la phyag 'tshal lo// 'di skad bdag gis bshad pa'i dus// chos bzang lha yi bdun sa na// rnam dag yangs pa pad+ma'i gnas// bde ba chen po'i zhing khams su// yang dag rdzogs sangs rgyas pa yi// kun tu bzang po ston pa'i gtso// 'khor ni rdzogs pa'i sangs rgyas lnga// bstan pa kun 'byung dkyil 'khor du// yongs la khyab pa gdal ba'i gnas// gzhi po gnad shes 'khrul pa'i dus// dbang po rang snang me long lnga// yid ches rang snang sangs rgyas lnga// ye shes gzung 'dzin rang sar grol// 'bebs dus mun pa glog gi mtshams// dbab pa kun 'byung kun gyi lam// phebs pa sangs rgyas kun gyi mes// tshad ni 'gyu ba rang grol yin// rtag ni bar snang 'od kyi gnas// drod tshad gzung 'dzin rang sar dag/ 'bras bu chos med rang sar grol// sangs rgyas sku lnga'i 'khor gyi bskor// grags pa ma yin snang ba che// snang chen rang snang dkyil 'khor de// kun 'byung ye shes rig pa'i gnas// gnyis med ye shes 'dzin med gnad// thig le chos med dngos po'i gnad// gnyis med zang thal ma rig gnad// 'gyur med rtse gcig 'gyur ba'i gnad// thig le nyag gcig 'khor lo'i gnad// ye shes rang snang 'byung ba'i gnad// skye med zang thal rtog pa'i gnad// btsal med rang 'byung blo yi gnad// lhun grub ye shes gzhi ni gnad// 'bras bu rang sa 'khrul pa'i gnad// gnad kyi gdags ngag ma shes na// dga' bo gtsug gi nor bu 'dra// gtan la phebs dus ma shes na// long bas long ba khrid pa 'dra// tshad dang rang rtags ma shes na// gser la bungs tshong byed pa 'dra// 'khrul pa'i dus tshod ma shes na// kha brag lam du 'choms pa 'dra// gzhi yi gnas lugs ma shes na// grogs po bskam por chu 'tshol 'dra// lam gyi sa mtshams ma shes na// rgyus med thang stong lus pa 'dra// 'bras bu rang sar ma shes na// rgya mtshor gser sbram lhung ba 'dra// de don ma rtogs ya yang cha// 'khor ba'i gnas las thar pa'i sa bon stor// byang chub myu gu rtsa nas bcad// chos nyid brlan la than chen 'bar// chos sku skye med lo thog las// gnyis med zang thal blo yul shor// thos mangs sgra tshad tshig thog shar// skye med ye shes gzhi thog shor// yid smon blo yul gnas pa ya re cha// chos sku rang sgo sad pa'i dus mi mchi// skye med kha gtam mkhan po nyon re mongs// rtsol bas rtogs med 'dod pa tshe re chad// dus dang las la ltos pa e re 'khyams// skye med rnam rtog nyid la ma khel na// gnyis med ye shes ngo yis zin mi srid// gzung 'dzin rang sar grol ba'i gnad med na// mkha' la mdud 'dor 'dra ste byung ba med// lhan cig skyes pa'i ye shes skye med do// lhan skyes ma rig de la ma khel na// lhan cig skyes pa'i ye shes 'char mi srid// ye shes zang thal rtsol sgrub med pa de// rtsol ba blo yi thog tu ma khel na// rtsol med rang grol 'char ba'i dus mi srid// ye shes zang thal bar mtshams med pa de// mtshan ma sna tshogs du mar ma shar na// ye shes bar mtshams med par 'char mi srid// chos sku skye med kun khyab de// chos can 'khor ba nyid la ma khel na// chos nyid skye meda'achar ba'i dus mi mchi// mnyam nyid rtog med chos kyi sku// mi mnyam phyogs rtogs can la ma khel na/ mnyam nyid blo yi yul du shor ba nyon re mongs/ srid rang grol ma shes pas/ sku gsum yid smon blo thog shor// blo las 'das pa dka' bar mchi// de don ma rtogs ya re cha// zhes pa kun tu bzang po yis// 'khor ni yang dag rdzogs pa yi// sku gsum rang snang khyab pa la/ byin gyis rlabs kyis bshad pa yin// byin gyis brlabs kyis mngon sangs rgyas// byin gyis brlabs las longs sku snang// rang snang byin rlabs longs skur shar// de yi byin rlabs sku lnga pa'o// sangs rgyas sku lnga'i bdag nyid grub// kun la snyoms pa'i byin rlabs 'byung// thugs rje lce spyang mig bzhin 'char// sprul sku rang shar kun la snyoms// mkha' la nyi ma shar ba 'dra// mun pa'i mtshan ma rang sar dag/ sku gcig kun la khyab pas chen po'i sku// khyab pa'i bdag po ye shes lnga dang ldan// kun la rang chas gnas pas rang snang che// byin gyis brlabs la 'phebs 'grib med// ye shes rang snang kun la snyoms// zhes yang dag par rdzogs pa'i sangs rgyas kyis byin brlabs su bshad pa'o// lha 'dre gnyis med kyi rgyud las// kun tu bzang po chos las 'das pa'i le'u ste dang po'o//// de nas yangakun tu bzang po la// longs spyod rdzogs pa'i sku dang// de'i sprul pa rdo rje chos kyi blo gros kyis// bcom ldan 'das dpal kun tu bzang po lags// chos las 'das pa ji lta bu// bdag cag chos kyi ngo bo 'di// 'di las grol ba gsung du gsol// ces gsungs so// ston pa'i chos min yangs pa can la bzhengs nas/ bde ba chen po'i gnas su 'khor sangs rgyas lnga dang// de'i sprul pa ston pa 'od zer 'gyed pa dang stabs cig tu byon no// byon par gyur nas/ byin gyis brlabs kyis/ ston pa rdo rje chos kyi blo gros la bka' stsal pa/ legs par nyon cig/ ma zhum la ma skrag/ ma dngangs/ dngangs par ma byed par thang cig gam/ yud cig gam/skad cig la bshad par bya'o// zhes gsungs nas bka' stsal pa/ bde gshegs longs spyod rdzogs pa'i sku dang ye shes lngar ldan pa// ye shes sku ste rab snang ba// sprul sku rdo rje blo gros dang// kun kyang don ldan ye shes sku// thams cad mkhyen pa'i spyan mnga' ba// sku dang ye shes gcig pa la// tha dad du snang ba e re 'khyams// yang dag rdzogs pa'i sku lnga ni// gcig la khyab pas gcig gi ngang// phyogs su ma lhung rang sar grol// rgya ma chad kyi ye shes yin// yon tan lnga ru rang byung bas// chen po lnga ru snang ba'o// de ma rtogs pa sku lnga ni// phyogs med ma rtogs phyogs cha byung// phyogs rtogs gol ba'i 'bras bus mthar mi 'phyin// rang song 'bras bu gnas skabs chos// 'bras bu mthar thug shin tu dka'// dka' bas ngo sprod bstan par bya// rgyal ba rigs lnga yab yum rnams// rnam par snang mdzad yab yum la// rtags kyi gdan khri bstan pa ni// 'jigs med rang grol seng ge'i khri/ stobs kyi 'gro don mdzad pa'i glang po che// shugs kyis rang sar grol ba'i rta yi mchog/ dug lnga rangasar grol ba'i rma bya yin/phrin las rtsal chen rdzogs pas mkha' lding yin// 'phrin las phyogs med mnga' bas rin po che// shes rab stobs lnga rin rin po che// thabs kyis chos rnams 'byung bas zla ba'i gdan// 'gyur med rnam snang sku mdog mdog dkar// skye med bskyod pa med pas rdo rje sems dpa' yin// byin rlabs rtsal med ldan pas rin chen 'byung ldan sku// skyon dang dri med 'od dpag med// 'phrin las rang las byung ba don yod grub// 'gro drug rang sar grol ba'i 'khor lo dang// de don mi 'gyur rdo rje dang// yon tan thams cad 'byung ba rin po che// dri ma rang sar dag pas pad+ma dang// 'khor ba'i rgya thebs rtags su rgya gram yin// don dag rtags su dbang lnga rdzogs pa'i phyir// rigs lnga cha mthun dbu yi dbang rtags rnams// de don rang chas yin pa las// 'og min gnas nas spyan drangs la sogs dang// sems bskyed spyan drangs la sogs bya min bya mi dgos// sems dpa' rdo rje chos kyi blo gros nyon// gzhi la lhun grub rgya ma chad pa yin// yon tan phyogs gcig rtsal snang yin// phyogs su bzang bas gol sa rab tu che// nyi ma sprin gyis sgrib pas gsal ldan don ma nus// longs sku snang bar shor bas rang grol 'char ma nus// thams cad blo las ma 'das 'khrul pa'i lam// yid smon blo chung rnams la ngas ma bshad// phyogs ris rang sar grol ba'i gnad med na// rtogs pa'i sgom byas pa yi 'bras bu mthar mi phyin// ne tsho chos 'chad sbur chu 'thung ba bzhin// kha yis bshad pas phyogs med grol mi 'gyur// kha dog rgyan cha yon tan snang bar ma shes na// rgyan dang cha lugs sgom pas sangs mi rgya// spre'u la sgom pa slabs de don go med rtog pa kha brid rtsa ba chod mi 'gyur// snying po'i rtsa ba 'bru gcig gnad med na// rgyal ba rigs lnga nye ba'i dus mi mchi// smig sgyu ded sa 'dra ste shin tu ring// lha skyes ma nyes gnyis med 'byung bar ga la 'gyur// lhan cig skyes pa'i lha yi gnad med na// rgyal ba rigs lnga mchaud pas 'grib pa'i don ma mchi// chos nyid byin rlabs phyogs tsam 'byung ba la// mchog gi dngos grub 'byung ba ga la 'gyur// thugs rje chen po rang la snang ba'i gnad med na// gsol btab skyabs 'gro'i thugs rje mthar mi zin// thugs rje bkrag mdangs nyi ma stong gi gzi// zer tsam cig la rten pas blo chung 'gyur// sku lnga'i rta mchog dug lnga ma rtogs na// sku lnga bsgom nas dug lnga zhi zer ba// gti mug chos sku rnam snang sdong po rul// lo ma skyes byed rtsa ba dgos pa yin// de bzhin dug lnga zhi bas sku lnga'i sa bon brlag/ sa bon med na 'bras bu mi 'byung bzhin// dug lnga med na sku lnga ga la 'grub// dug lnga dngos su snang ba don rtags yin// sku lnga rang snang ba de dbang po yin// dug lnga med na sku lnga med pa yid ches yin// dug lnga gtan la phebs pas sku lngar shar ba dgos pa yin// thar pa'i sa bon shes pas sgrub mi dgos pa'i yon tan yin// dug lnga skyon du mi lta rang 'byung lngar gsal la// gsal ba gdams pa yin// dug lnga gnas 'gyur mi dgos rang 'byung 'char ba brgyud pa yin// dug yul med na rtsa ba'i gnad chod 'bras bu yin// ma 'dres yongs su rdzogs pa gtan tshigs yin// phyogs lhung rgya chad med pa dam bca' yin// gcig la thams cad rdzogs pa bsgrub bya yin// gser la gzugs brnyan snang na mthun dpe yin// zhes gsungs so// lha 'dre gnyis med kyi rgyud las// sprul pa'i sku lnga rdo rje chos kyi blo gros byin gyis brlabs kyis bshad pa'i le'u ste gnyis pa'o//// de nas yang dag dgongs pa las// rdo rje chos kyi blo gros kyis// bcom ldan kun tu bzang po lags// rgyal sras sprul sku bshad du gsol// ces zhus pas// yang bcom ldan 'das kyis bka' stsal pa// nyon cig rdo rje chos kyi blo gros khyod// nga yis khyod la bstan par bya// rgyal sras longs sku'i mtshan brjod na/// rgya mtsho'i thigs pa bgrang bar nus// ri la 'ja' bzhin gzhal bar nus// 'di yi mtshan ni brjod par ga la nus// rdul phran gcig la'ang rgyal ba grangs las 'das// bsdu na rdul phran gcig la rgyal ba rnam lnga snang// rdul phran gzugs kyi rnam pa ste// rgyal sras rnam par snang mdzad yin// de yi kha dog gsal ba de// rgyal sras rdo rje sems dpa' yin// de yi rang bzhin snang gsal ba// sangs rgyas rin chen 'byung ldan yin// gzugs dbyibs kha dog snang ba de// rgyas sras snang ba mtha' yas yin// thams cad yongs la phyogs med grub// de la don yod grub pa yin// de ni rgyal sras longs sku yin// 'byung lnga rgyal sras sprul pa'i sku// dbyer med rnam dag 'ub chub ngang// de ni rgyal sras chos kyi sku// dbang bskur ma byas gcig kyang med// dbang ma thob pa gcig kyang med// de la go mtshams med pa'i phyir// dbang rnams thams cad dus gcig rdzogs// rdo rje chos kyi blo gros khyod// rgyal sras sku gsum dbang bskur ba// skad cig tsam yang ma 'gul cig/ skad cig tsam yang ma ldegs shig/gal te 'gul cing ldegs srid na// rgyal ba'i sras la pan mchongs byas// sangs rgyas mgo mchongs byas pa yin// bskal par thar pa'i sa bon stor// sangs rgyas zhal mi mthong ba e re 'khyams// rgyal sras sprul sku yin pa ngo ma shes// der snang longs sku yin par yid ma ches// cir snang chos skur shar ba thag ma chod// thams cad rang las grub pa gdengs ma rnyed// e ma ho// snang srid sku lnga'i ngo sprod gdams pa yin// thams cad sku lngar snang ba thag chod yin// byin rlabs phyogs bcur 'char ba yid ches yin// thams cad rang la shar ba thag chod yin// rang ngo rang gis shes pas gdeng rnyed nges shes yin// rdul phran gcig la grub pa yon tan yin// rdul phran kun la snang ba khyab pa yin// thams cad kun la grub pa 'brel ba yin// thams cad sras su gyur pa bsgrub bya yin// gzugs med sku lnga mi srid gzugs yod gtan tshigs yin// rnam par snang mdzad gzugs skur shar ba dam bca' yin// rnam snang skye ba zhes pa su la snang// srid pa'i gzhi ma gzugs la snang ba la// gzugs nyid med na rnam snang ga la grub// srid pa'i chu bzhi rnam par snang mdzad yin// de spangs rnam par snang mdzad rtsa ba rul// chu bzhi spangs pas sku yi sa bon gtor// skye rga 'chi ba bzhi nang gi chu bzhi'o// rnam par snang mdzad 'chi ba su yis mthong// chu bzhi rgyal sras sprul skur shes na ni// rgyal sras sprul sku 'byin pa skye sgo 'thabs// thugs rje sprul sku'i rtsa ba rabs brgyud chad// sprul sku rabs chad 'khor ba'i ston pas su// rdzus skyes mngal skyes la sogs rten med pas// sprul sku'i don mi 'byung bas ya re cha// de la gnas pa e re 'khyams/ sprul sku rtag na sprul pa'i dam bca' nyams// cir yang sprul pa rang la 'byung ba bsgrub bya yin// thub drug ma nges 'byung ba gtan tshigs yin// zhes gsungs so// sems nyid skye ba med pa rgyal sras chos kyi sku// chos sku rang snang 'byed pa med pa dang// snang ba du ma'i gzugs nyid ma spangs gnas su grol/chos sku gtan la phab pa snod dang bcud// gtan la phebs pas chos sku khong du chud// tshad ni rig pa yul la med pa yin// drod tshad rtog pa rang dag yin// rtags ni yul du gyur pa'o// 'bras bu rtogs med mnyam pa nyid// dbang po yul can rang grol yin// dbang po mi gsum spyi khyab yin// zhes gsungs so// chos med dgongs pa ma sad na// rig pa yul med 'char mi srid// skad cig rang grol ma shar na// dus ltos dwangs sangs 'byung mi srid// rig pa rang grol ma shar na// yul med zhing khams 'char mi srid// snang rtags gtan la ma phebs na/ rtags 'dod dgongs pa 'char mi srid// rig pa'i drod tshad ma shes na// sangs rgyas dgongs pa tshad mi zin// 'bras bu chos min rang chas ma shes na// dus kyi bsgribs nas thob mi srid// dbang po dpang du tshugs na/ yid smon blo yi grol mi srid// spyi khyab dbangapor ma shes na// 'gro drug rangagrol 'byung mi srid// tshad zin pa ni shin tu gces// tshad ma gtan la phebs tsam na// gzugs can gtan la ma phebs na// gzugs med 'char ba'i dus mi 'chi// gzugs med tshang la ma phebs na// rang grol 'char ba'i dus mi mchi// rang grol tshad la la ma phebs na// dgongs pa rnam dag 'byung mi srid// snang ba tshad la ma phebs na// 'od gsal 'char ba'i dus mi srid// 'od gsal tshad la ma phebs na/ rang snang rnam dag 'byung mi 'gyur// gzhi sa tshad la ma phebs na// 'bras bu 'byung ba'i dus mi srid// 'bras bu tshad la ma phebs na// gzhi las 'das pa 'byung mi 'gyur// du ma gtan la ma phebs na// thams cad mkhyen pa'i dus mi mchi// kun mkhyen gtan la ma phebs na// du ma rang grol 'byung mi srid// 'gro drug tshad la ma phebs na// snang srid rnam dag dus mi mchi// snang srid rnam dag ma shes na// 'gro drug g.yang sa chod pa ga la 'gyur// 'khrul pa tshad la ma phebs na// rang grol 'char ba'i dus mi mchi// rang grol tshad la ma phebs na// 'khrul med 'byung bar ga la 'gyur/'khrul ba'i rtsa ba tshad la ma phebs na// 'khrul pa'i 'bras bu ldog pa'i dus mi mchi// 'khrul pa'i 'bras bu tshad la ma phebs na// rtsa ba chod pa'i dus mi mchi// de rnams kun gyi 'brel pa dang// khyab pa lhun grub tshad zin gces// tshad ma zin par chos 'chad pa// long bas long ba khrid pa 'dra// 'bras bu'i dus su ma shes na// sgo nga rul ba'i byi'u phrug 'dra// lag len dus tshod ma shes na// 'ba' sam sa yi thugs pa 'dra// gnad kyi gdams ngag ma shes na// rgyus med mig gi thur thogs 'dra// log non gdams ngag ma shesan// ltag gi steng du sgangs byung 'dra// tshad kyi gdams ngag ma shes na// ga bur mangs te 'byams pa 'dra// rtags kyi gdams ngag ma shes na// long bas gser sbram sbas pa 'dra// drod tshad gdams ngag ma shes na// sngags can dug la tshad po 'dra// byin pa tshad la ma phebs na// rdo la dngul chu byug 'dra/ thugs rgyud tshad la ma phebs na// mun nag lag yug byed pa 'dra// bka' rgyud tshad la ma phebs na// sna chad me long lta ba 'dra// 'chi ltas tshad la ma phebs na// b+hi ha tsi yi rmi lam 'dra// dran po gsum po tshad dang ma ldan na// lag rdum brag la 'dzeg pa 'dra// lhun grub tshad la ma phebs na// rin chen cig la bstod pa 'dra// rgya tshad tshad la ma phebs na// grub mtha' rang sa'i dus mi mchi// phyogs med tshad la ma phebs na// rgya chad grol ba'i dus mi mchi// gnyis snang gtan la ma phebs na/ dbyer med 'char ba'i dus mi mchi// dbyer med tshad la ma phebs na// gnyis snang rang grol dus mi mchi// zhes gsungs so// lha 'dre gnyis med kyi rgyud las// rgyal sras sku gsum byin gyis brlabs kyis bshad pa'i le'u ste gsum pa'o//// de nas yang dag bshad bya ba// nyon cig rdo rje chos kyi blo gros khyod// bdud kyi gcod yul bstan par bya// bdud ces bya ba ma rig pa// bdud kyi gzhi ni gti mug go/ rgyu ni lhun skyes ma rig pa// 'bras bu bdud bzhis kun la rgyu// lta ba bdud du babs pa yod// lta ba stong pa'i yul du shar// lta ba yul can yid smon mkhan// sdug bsngal rkyen thub gnad ma shes// blo yi bdud kyi rkun bus khyer// lta ba rkun mor shaur ba de// rtsa ba chod par ga la 'gyur// gcod mkhan rkun mos yin pa'i phyir// lta ba stong pa 'dod chags can// chags pa'i bdud kyis brkus pa yin// lta ba sdug bsngal rkyen gyis 'gyur// zhe sdang bdud kyis brkus pa yin// gnyis med sre thabs ma shes pas// gti mug bdud kyis brkus pa yin// blo yi lta ba bzang snyams nas// nga rgyal bdud kyis brkus pa yin// grub mtha'i rang gzhung lta ba srol// phrag dog bdud kyis brkus pa yin// rkyen thub rang grol ma shes pas// khong khro'i bdud kyis brkus pa yin// rkun ma mi drug sdong pos chas// lta ba rang sangs rkun mos brkus// rku mkhan rtsa ba ma chos na// lta ba rnyed pa'i dus mi mchi// chags pa'i bdud dang ma bral na// 'bras bu yan lag skye bar 'gyur// zhe sdang bdud dang ma bral na// nges par dmyal bar skye bar 'gyur// gti mug bdud dang ma bral na// byol song 'jig rten skye bar 'gyur// nga rgyal bdud dang ma bral na// mi yi 'jig rten skye bar 'gyur// phrag dog bdud dang ma bral na// nges par lha min 'jig rten skye// khong khro'i bdud dang ma bral na// lha min 'jig rten skye bar 'gyur// de yang rgyu gcig rkyen drug yin// rgyu ni gtso bo rkyen gyis sgyur bar byed// rig pa stong par ma shar na// rkyen drug rang grol dus mi mchi// rkyen drug rang sar ma grol na// bdud drug choms pa'i dus mi mchi// brku mkhan ngo yis ma zin na// bdud ngo shes par ga la 'gyur// bdud ngo shes par ma gyur na// lta ba rnyed par ga la 'gyur// lta ba phyogs lhung med pa la// bdud kyis brlabs nas phyogs su khyer// bdud de phyogs med na shes na// lta ba phyogs med 'byung mi 'gyur// nga ni bdud kyi srog rtsa gcod// ye shes srog med yod pa'i phyir// lta ba'i bdud kyi srog rtsa gcod// ltar med rang grol yod pa'i phyir// rkun mo'i srog gi rtsa ba gcod// brkur med nyag gcig yod pa'i phyir// snod bcud gnyis kyi srog rtsa gcod// rang grol zang thal yod pa'i phyir// shes rab mkha' la bya ltar lding// theg pa'i bdud kyis khyer ba yin// zhen cing chags pa snang ba'i bdud// 'du 'dzi g.yeng bas khyer ba yin// nga rgyal kheng grags g.yeng ba'i bdud// longs spyod g.yeng bas khyer ba yin// nyams myong smra bcad blo chung bdud// bka' bsgo zhen pas khyer ba yin// thos mang don mjed grags pa sgra yi bdud// doms med bdud kyis khyer ba yin/ rang snang kha dog 'od kyi bdud// zhes chags bdud kyi khyer ba yin// shes rab rnam gsum gnad shes pas// theg pa'i bdud sgribs grol bar byed// zhen chags rang snang gnad shes pas// 'du 'dzi rang sar grol bar byed// nga rgyal mnyam nyid gnad shes pas// gnyis med rang snang grol bar byed// chags zhen lam du grol bar 'gyur// nyams myong blo las 'das par byed// bka' bsgo rang grol 'byung bar 'gyur// grags pa longs spyod rang sar grol ba'i gnad// sgro 'dogs rang sar grol bar byed// rang snang bar do'i gnad shes pas// chags zhen lam du grol bar 'gyur// bdung kyi so mtshams ma shes na// bdud las rgyal ba'i dus mi mchi// bdud kyi ngo sprod ma shesan// sgro 'dogs chod pa'i dus mi mchi// sgro brtags rang grol ma shes na// grod tshad rang grol dus mi mchi// bdud kyi ngo sprod byed tsam na// mgo lus med par mig tu 'gro/ mig gcig mig stong phyogs bcur blta// bdud kyi rgyal po mig gcig po// bdud kyi blon po mig brgya po// mgo lus med par mig gis khengs// mig gi ngo sprod ma shes na// sangs rgyas ngo sprod tshig gis na ya yin// sangs rgyas rang grol 'char ba'i dus mi mchi// phyogs med mthong ba mig gi gnad med na/ ye shes spyan chen 'char ba'i dus mi mchi// mig gcig phyogs bcur lta ba'i gnad med na// ye shes mig gcig 'char ba'i dus mi mchi// rkang rdum mkha' la 'gro ba'i gnad med na// sangs rgyas yul med slebs pa'i dus mi mchi// lag rdum srog gcod gdams ngag ma shes na// 'khor ba'i srog rtsa chod ba'i dus mi mchi// gzugs med snying 'dod gnad med na// bla ma'i gdam pa 'char ba'i dus mi mchi// lus med mgo lus dbral ba'i gnad med na// sems dang ye shes phyed ba'i dus mi mchi// dngos med 'khor lo bskor ba'i gnad med na// ye shes 'od gsal 'char ba'i dus mi mchi// sa med rdos thag gcad pa'i gnad med na// kun bzang rang sa slebs pa'i dus mi mchi// phyogs med rang sar grol ba'i gnad med na// lte ba'i bdud sde choms pa'i dus mi mchi// zhes gsungs so// lha 'dre gnyis med kyi rgyud las// ltab ngos bzung rang grol ba'i le'u ste bzhi pa'o//// de nas yang bka' stsal pa// nyon cig rdo rje chos kyi blo gros khyod// bdud kyis thams cad bar du gcod// sgoms pas bdud du babs pa yod// bdud kyi rgyu ni 'dzin pa yin// bdud kyi rkyen ni gzung ba'i yul// 'bras bu 'jig rten 'khor ba'i gnas// 'khor ba'i gnas la ma thar na// bdud kyi dbang du song ba yin// bdud kyis byin gyis brlabs pa ni// chags zhen nyams su myong ba yin// de la bsgoms pa bdud du babs pa na// mtshan bcas sgom dang mtshan med sgom// bde zhing zhen pa chags pa'i bdud// bying rmugs phrag dog zhe sdang bdud// rang grol ma shes gti mug bdud// zhe la gsal ba nga rgyal bdud// stong dang gzugs can phrag dog bdud// sre ma shes pas khong khro'i bdud// bdud kyi rtsa ba ma rig pa// ma rig rang byung bdud du babs// bdud kyi srog rtsa ma chod na// bsgoms pa bdud kyis rlabs pa yin// nyams myong bde ba skyed 'byin pa// bdud kyi dbang du song ba yin// shes pa rkyen gyis gyur tsam na// bdud kyis shes pa phrogs pa yin// nyams myong bdud la khel snyam byed// shes bya bdud kyis byin brlabs yin// nyams myong bstan pa snyam byed na// bdud kyi dbang du 'dus pa yin// shes pa mi mthong snyam byed na// bdud kyis shes pa phrogs pa yin// bying shing khro ba snyam bya na// bdud kyis shes pa bsgyur ba yin// de la gseng dang sdud pa ni// bdud kyis byin gyis rlob pa yin// de nas gsal ba snyam byed na// bdud kyis byin gyis brlabs pa yin// bdud kyi tshad zin shin tu dka'// thams cad bdud kyis brlabs pa'i phyir// bdud kyi srog rtsa gcod pa la// re dogs snyam byed 'phrang rgal dgos// rgya mtsho'i gting du gsad pa dang// ri rab rtse la gsad po dang// nyi zla'i bar du gsad pa dang// gangs dkar rtse la gsad pa dang// ri brag bar du gsad pa dang// ri brag rmang du gsad pa dang// srid gsum rtse mor gsad pa dang// rgya mtsho'i gting gi gnad med na// bag chags 'dzad kyi dus mi mchi// ri rab rtse yi gagad med na// rang grol 'char gyi dus mi mchi/nyi zla gnyis kyi gnad med na// gnyis med 'char gyi dus mi mchi// gangs dkar rtse yi gnad med na// dri med dag pa'i dus mi mchi// ri brag bar gyi gnad med na// zang thal 'char gyi dus mi mchi// ri brag rmang gi gnad med na// nyams las grol ba'i dus mi mchi// srid gsum rtse mo'i gnad med na// sku gsum rang grol dus mi mchi// sems dang ye shes bag chags gsum// gzhi dang lam dang 'bras bu gsum// 'khrul gzhi 'khrul pa dngos po gsum// zlog thabs sa mtshams 'bras bu gsum// byin dang rlabs dang rten dang gsum// sangs pa rgyas pa 'das pa gsum// sad pa sangs pa dwangs pa gsum// ye dang shes pa shes rab gsum// chos dang sku dang rtog med gsum// chos dang sku dang rtog med gsum// chos dang chos can chos nyid gsum// las dang 'phro dang 'thud dus gsum// bag dang chags dang 'gyur ba gsum// rang dang byung dang ye shes gsum// de gsum gdams pas ma brgyan par// spyi sdom tsam yang ston pa la// rgyab dkar gnad dang log non ma shes na// chos nyid spyi sar 'chor ba yin// spyi dang bye brag dbye ba gces// gnad dang log non gegs sel gsum// ldem bor dgongs pa'i khyad par gyis// sgom pa'i 'dre rkun ngos gzung bya// sgom pa'i 'dre yis khyer tsam na// nga rgyal bdud kyis brlabs pa yin// bdud kyi rtsa ba chod la// 'khrul pa'i dri ma 'dag du med// 'dre yi srog rtsa ma chod na// khams gsum rtsa ba chod dus med// 'dre ni thar pa'i sa bon yin// thar pas grol zhing zag pa med// yang dag rdzogs kyis bka' stsal ba// thar pa 'dod na rtog pa skyed// thar pa'i sa bon rtogs pa yin// rtog med rtog pa su la yod// byang chub 'dod na sgrib pa yin// zh-i gnas sgoms pas lhag mthong rtsa ba rul// sems 'dzin sgoms pas rang grol rtsa ba rul// bde ba sgoms pas gnyis med rtsa ba rul// mtshan bcas bsgoms pas zang thal rtsa ba rul// kha yan bsgoms pas kha 'gugs rtsa ba rul// kha 'gugs bsgoms pas kha yan rtsa ba rul// gnyis med bsgoms pas zung 'jug rtsa ba rul// sgoms pa byas chos mi rtag gnyis 'dus pas// 'dus byas rang sar grol du ma ster ro// de ltar gnas pa don la rmongs// rnam rtog rang byung ye shes ngo sprod shar// thar ba'i lam chen byang chub sdong po tshugs// rtog med mnyam nyid blo yi rnam par grol// byang chub mi 'dod chos skur lhun gyis grub// zhi gnas rang grol ces zin ye shes shar// 'dzin pa dwangs sangs rang 'byung chos skur brdal// bde chen ma sgom chos sku khong nas shar// mtshan ma sgom rang snang sku lngar gsal// kha yan mi sgom rang snang yul med shar// kha 'gugs ma sgom yul med rang grol shar// gnyis med mi b+hai rang snang thig ler brdal// b+hai pa mi byed byed mkhan dwangs sangs 'das// gnyis med rang shar chos sku rang la shar// de ltar rtogs pas thar pa'i 'bras bu thob// thob pa mthar mi lhung zhing rang sar 'gro ba gces// zhes gsungs so// lha 'dre gnyis med kyi rgyud las// b+hai pa ngos bzung ba dang bdud srog rtsa gcad pa'i le'u ste lnga pa'o//// de nas yang bka' stsal pa// nyon cig rdo rje chos kyi blo gros khyod// thams cad bdud kyis byin gyis brlabs// spyod pa bdud du babs pa yod// bdud ces bya ba ma rig pa// spyod pa'i mkhan po ngo ma shes// ma rig rang la bdud du babs// phyi yi chos spyod bcu po dang// lta sgom spyod pa'i shes rab kyis// phyi yi yul du spyod par byed// thabs kyi snang ba chags pa'i bdud// rtsa rgyud zhags pas bcings pa yis// 'dod chags bdud kyis rla??bs pa yin// bde bar gshegs pa nga rgyal rgyud// rtsa rlung ma gsal zhe sdang bdud// rang grol ma shes gti mug bdud// gzhan sum 'don pa phrag dog bdud// rtsa rlung sbyong ba khong khro'i bdud// bdud kyi mkhan por shes par bya// rig pa yul med gnad med na// rtsa yi 'khor lo dang du long// dmigs pa'i bdud kyis byin gyis brlabs// rtsa yi stong ra 'joms snyams byed// bdud kyis byin gyis brlabs pa yin// rtsa yi nang du shes pa tshud// bdud kyis shes pa phrogs pa yin// bde ba stong par rgyas 'debs pa// bdud kyi dbang du song ba yin// snang ba stong par shes tsam na// rtsa yi stong ra chen por 'byongs// rig pa zang thal shar tsam na// a wa d+hu tir shes pa tshud// khong gsal yul med shar tsam na// bde stong zung du chud pa yin// 'gyu ba rang grol shar tsam na// gsal stong khong du chud pa yin// rang bzhin stong pa'i gnad med na// lte ba'i rtsa grangs gol ba yin// stong ra sbyong ba sgrib pa yin// thugs rje 'gag med gnad med na// gsang ba'i rtsa sgo gol ba yin// bde ba ngos 'dzin sgrib pa yin// yon tan 'gyur med gnad med na// snying kha rtsa 'dab spyod pa gol// stong pa rgyas 'debs sgrib pa yin// 'phrin las thogs med gnad med na// sgrib pa spyi bo rtsa grangs spyod pa gol// bde stong rgyas 'debs sgrib pa yin// thugs rje 'gag med rtsa med na// thugs rje sprul sku ma byung na// thub pa 'gro drug drang thabs med// gti mug 'byed med rtsa med na// chos sku kun khyab bstan thabs med// ngo bo gsal ba'i rtsa med na// longs skur rang snang 'char thabs med// longs sku rang snang ma shar na// chos sku yon tan rgyun chad 'gyur// chos sku'i yon tan rgyud chad na// gzugs sku gnyis po 'byung thabs med// 'phrin las thogs med rtsa med na// sku gsum yon tan mtha' nas chad// chos sku dbang po yul med// mkhyen pa'i ye shes 'gags par 'gyur// yon tan 'gyur med rtsa med na// sku gsum mi rtag 'dus byas 'gyur// sku gsum 'dus byas mi rtag na// ngo sprod 'bras bu dgos pa med// gti mug 'byed med rtsa med na// chos sku'i dbang po su yis byas// chos sku'i sa bon rtsa ba rul// gti mug rang grol ma shar na// chos sku'i nges shes su yis byed// gti mug zang thal ma shar na// chos sku rkyen thub ga nas btsal// gti mug yul med ma shar na// chos sku'i mkhyen tshad ga la bya// gti mug rang dag ma shar na// chos sku'i 'bras bu su la bstan// thugs rje 'dod chags rtsa med na// sprul sku'i bdag po su yis byed// sprul pa sku yi sa bon rul// 'dod chags rang grol ma shar na/ sprul sku'i ngo shes su yis byed// 'dod chags zang thal ma shar na/ sprul sku rkyen thub bu la 'byung// 'dod chags gnyis med ma shar na// sprul sku'i mkhyen tshad su yis gzung// 'dod chags rang dag ma shar na// sprul sku'i che ba su la bstan// ngo bo gsal ba'i rtsa med na// longs sku'i dbang po su yis byed// longs sku'i sa bon rul ba yin// zhe sdang rang grol ma shes na// longs sku'i nges shes ga la bya// zhe sdang zang thal ma shar na// longs sku'i rkyen thub su la re// zhe sdang khong gsal ma shar na// longs sku'i mkhyen tshad ga la bya// zhe sdang rnam dag ma shar na// longs sku'i ngo sprod ga la bya// rtsa gnyis yon tan cha dang ldan// zhe sdang rang grol shes pa la// zhe sdang log non dmar khrid dgos// dmar khrid log non gnad shes na// longs sku rang snang 'char bar 'gyur// thun mong ma yin mchog tu 'gyur// gti mug rang grol shes pa la// log non don skor gdam ngag dgos// don skor log non gnad shes na// chos sku yul med 'byung bar 'gyur// 'dod chags rang grol shes pa la// brda skor gnad kyi gdam ngag dgos// gnad dang brda skor don shes na// sprul sku rang chas 'byung bar 'gyur// de rnams drug gis gnad shes na// nga rgyal med pa'i yid ches 'char// nga rgyal rtsa nas chod pa'i phyir// 'dod pa med pa'i rtags mchog chang// sku gsum rang la shar ba'i phyir// yul med pa yi thugs rje 'byung// sangs rgyas yul med yin pa'i phyir// rig pa yul med ma shar na// sangs rgyas yul med shin tu dka'// nga rgyal rang grol ma shar na// sangs rgyas dgongs pa 'char ba dka'// zhe 'dod rang grol ma shar na// sku gsum rang grol shin tu dka'// bka' ba'i phyir na sla ba yin// sla ba'i phyir na dka' ba yin// thung ngu thung ngu ring po yin// ring po ring po thung ngu yin// chen po chen po chung ngu yin// chung ngu chung ngu chen po yin// des na dpag par rab tu dka'// zhes gsungs so// lha 'dre gnyis med kyi rgyud las// spyod pa'i bdud ngos bzung ba'i le'u ste drug pa'o//// de nas yang dag bka' stsal pa// nyon cig rdo rje chos kyi blo gros khyod// bdud dang 'dre yi spyod yul dang// byin gyis brlabs pa bstan par bya// 'bras bu bdud du babs pa yod// 'bras bu yul can dus la ltos// gti mug bdud kyis byin gyis rlabs// 'bras bu zhe 'dod yul du gyur// 'dod chags bdud kyis khyer ba yin// 'bras bu dus ltos ring 'gyur ba// zhe sdang bdud kyi khyer ba yin// theg pa'i ngang gzhung 'bras bu ste// phrag dog bdud kyis byin gyis rlabs// 'bras bu rang la thob snyam byed// nga rgyal bdud kyis byin gyis rlabs// 'bras bu rang la ma rtogs pa// khong khro'i bdud kyis byin gyis brlabs// bdud kyi so pa mi drug byung// so pa re res so btsugs nas// bdud kyi kha las thar pa med// theg pa'i 'bras bu'i rang sa dang// mthar thug ba yi 'bras bu gnyis// 'dra 'dra 'dra ste nor bar mchi'o// thun mong khyad par sku gsum dang// mchog gi sku gsum zang thal gnyis// 'dra 'dra 'dra ste nor bar mchi// rig pa'i rtsa rlung sbyong ba dang// thabs kyi rtsa rlung sbyong ba gnyis// 'dra 'dra 'dra ste nor bar mchi// zhe la 'dod thob 'bras bu dang// rig pa rang snang 'bras bu gnyis// 'dra 'dra 'dra ste nor bar mchi// grangs chen spyi khyab sangs rgyas dang// rang snang don gyi sangs rgyas gnyis// 'dra 'dra 'dra ste nor mchi// 'bras bu phyi dus mi 'debs te// ye shes snga phyi med pa'i phyir// 'bras bu bar do mi 'dod de// gnyis med zang thal yod pa'i phyir// 'khrul pa ldog tu mi 'dod de// 'khrul med nyag gcig yod pa'i phyir// sems 'dzin 'bras bu mi 'dod de// 'dzin pa zang thal yod pa'i phyir// nyams myongs bde ba mi 'dod de// bde ba zang thal shar ba'i phyir// 'khrul med pa'i snang ba dwangs tsam na// 'khrul pa med pa dbang po yin// 'khrul pa skye med yid ches yin// 'khrul par shar ba rtags mchog yin// 'khrul pa zang thal drod tshad yin// 'khrul pa rang snang nges shes yin// bdud ngo shes pa tshad ma yin// 'khrul pa ye shes dbang bskur yin// phyi nang med pa 'bras bu yin// rang snang rnam dag shar tsam na// nyon mongs bdud choms dbang po yin// rang snang zang thal yid ches yin// snang ba rang grol drod tshad yin// rang snang skye med rtags mchog yin// rang snang ngo sprod nges shes yin// rang snang ngos zin tshad ma yin// rang snang ye shes dbang gi bskur thabs yin// rang snang yul med dbang gi spyod thabs yin// chen po lnga dang ldan pa dbang gi 'bras bu yin// rang snang phyi nang med pa dbang gi yid ches yin// snang ba dbang du 'dus pa drod dang tshad ma yin// rang snang sna tshogs 'char ba dbang rtags yin// nyag gcig shes pa dbang gi ngo sprod yin// de ltar shes pa snang ba'i dbang bskur yin// tshogs drug rang sar grol tsam na// lha'i bu'i bdud choms dbang po yin// tshogs drug 'gyu bar 'dus pa yid ches yin// 'gyu ba rang grol drod dang tshad ma yin// 'gyu ba sna tshogs 'gyus pa rtags mchog yin// 'gyu ba ngo yis zin pa ngo sprod yin// 'gyu ba dbugs med ngo shes yin// thogs med zang thal dbugs med dbang gi bskur thabs yin// 'gyus tshad rang sar dag shes dbang thob yin// 'gyu ba zang thal 'char ba dbang gi spyod pa yin// 'gyu ba yul ma rnyed pa dbang gi 'bras bu yin// 'gyu ba dkar nag dbang gi yid ches yin// snang ba rnam gsum 'gyu ba'i 'dus pa drod dang tshad ma yin// 'gyu ba med na sangs rgyas med pas dbang rtags yin// 'gyu ba phra rags cir 'gyur zang thal ngo sprod yin// de ltar log non shes na tshogs drug dbang bskur yin// gnyis med ye shes shar tsam na// phung po lnga yi bdud choms dbang po yin// ye shes rang snang shar ba yid ches yin// gzung 'dzin sna tshogs skye ba drod dang tshad ma yin// gzung 'dzin skye med 'char ba rtags mchog yin// gzung 'dzin gnad la phebs pa ngo sprod ye shes yin// gzung 'dzin gnyis med dbang gi bskur thabs yin// 'dzin pa rang 'byung rang snang dbang thob yin// 'dzin pa skye ba med par shes pa dbang gi sprod pa yin// sangs rgyas yul med shar ba dbang gi 'bras bu yin// gnyis med ye shes zang thal dbang gi yid ches yin// gnyis med rang sar dag pa drod dang tshad ma yin// 'dzin pa'i shes pa sna tshogs skye ba dbang rtags yin// 'dzin med rang grol shes pa dbang gi ngo sprod yin// de ltar shes pa dbang gi 'bras bu bla na med pa yin// dri med zang thal shar tsam na// 'chibadag bdud choms dbang po yin// 'khrul pa zang thal yid ches yin// skye med zang thal drod dang tshang ma yin// skye dang 'chi la rtags mchog yin// skye med nyag gcig dbang gi nges shes yin// chu bzhi zang thal ngo sprod yin// skye shi rang grol dbang gi bskur thabs yin// skye 'chi rang dag shes pa dbang thob yin// skye med ye shes 'char ba dang dbang gi spyod pa yin// chu bzhi rang sar grol ba dbang gi 'bras bu yin// skye 'chi rgyu?n chod dbang gi yid ches yin// snang dang mngon zhes log pa dbang gi drod dang tshad ma yin// chu bzhis 'gro kun khyab pa gtan tshigs dbang rtags yin// chu bzhi dri med 'char ba dbang gi ngo sprod yin// chu bzhi rang grol nyag gcig thig le'i dbang bskur yin// snang ba rang grol rgya ma chad pas rgyud kyi dbang bskur yin// thams cad rang la khyab pas dbang gi thob tshul yin// phyogs med rgya ma chad pas rgyud kyi spyod pa yin// de yi gong na med pa rgyud kyi 'bras bu yin// thams cad gcig la rdzogs pa rgyud kyi ngo bo yin// thams cad 'brel zhing tshang ba nges tshig yin// rang snang rnam par dag pas yang dag dbang bskur yin// rig pa dri ma med pa yang dag dbang thob yin// 'gyus chad dri med yang dag spyod pa yin// 'gyus pas rang dbang sgyur ba 'bras bu yin// thog med rang gsal chen po med// thugs rje kun la snyoms pas til mar 'dra// lha dgus rang chas tshogs brgyad 'gyu ba'i lha// dus gsum dbyer med thig le nyag gcig ka pa la// thams cad rang la grub pas grub pa gcig bu nyid// rig pa dri ma med pas yang dag grub pa'o// snang srid nyag gcig shar bas phur pa'i dbang bskur yin// bdud bzhi ngo sprod gcig tu shar bas bdud rtsi'i dbang bskur yin// snang ba bdud du babs pas bdud rtsi'i yid ches yin// bdud lnga rang la snang bas rtsi ru shes pa dbang po yin// dug gi rtsa ba chod pa sangs rgyas rtsi ru shar ba drod dang tshad ma yin// dug lnga nyon mongs brgyad khri bzhi stong shar ba bdud rtsi'i rtags chen yin// dug lnga 'gyu ba'i rtsa ru bstan pa bdud rtsi'i ngo sprod yin// bdud rtsi ma lus shar ba bdud rtsi'i bum pa'i lung// thams cad yongs la zin bas lung gi dbang bskur yin// thams cad rang sar zin pas lung gi dbang thob yin// thams cad rang 'byung shes pa lung gi spyod pa yin// sangs rgyas lag bcangs rtser zin lung gi 'bras bu yin// bdud rtsi don la rnam gsum ste// rdzas kyi bdud rtsi sman du sbyar ba phyi yi bdud rtsi yin// dug lnga lha ru bsgyur ba bsgrub pa'i bdud rtsi yin// 'gyus tshad bdud du babs pa rtsi ru ngo sprod gsang ba'i bdud rtsi yin// bdud ces bya ba ma rig pa// rtsi ni rang rig ye shes yin// 'gyu ba med pa bdud rtsi'i bcud// bcud len sman chen 'di yin pas// rdzas ni 'gyu ba sna tshogs so// rtsi ni ye shes zang thal lo// rdzas ni bdud rtsi zhes kyang bya// rtag tu lag tu blang ba'i phyir// sgrub pa'i bdud rtsi zhes kyang bya// bdud ngos zin pas rtsi ru shar// don gyi bdud rtsi zhes bya'o// bdud rtsi 'byung ba'i rgyu ni yab kyi mkha'// yab ni kun tu bzang po yin// bdud rtsi bze ba'i snod ni kun tu bzang mo yin// bdud rtsi 'byung ba'i rgyu ni byin dang rlabs// bdud rtsi bze ba'i snod ni sprul pa 'byung ba'i gnas// bdud rtsi 'byung ba'i rgyu ni 'gyu ba yin// bdud rtsi bze ba'i snod ni 'gyu ba zang thal yin// bdud rtsi 'byung ba'i rgyu ni tshogs brgyad 'gyu ba yin// bdud rtsi bze ba'i snod ni tshogs drug har gzhag yin// bdud rtsi 'byung ba'i rgyu ni dug lnga khong khro yin// bdud rtsi bze ba'i snod ni rangasnang rang grol yin// bdud rtsi 'byung ba'i rgyu ni gzung 'dzin yin// bdud rtsi bze ba'i snod ni gnyis med thabs chen yin// bdud rtsi 'byung ba'i rgyu ni ma rig ma rtogs pa// bdud rtsi sre ba'i thabs ni rig cing rtogs pa yin// bdud rtsi 'byung ba'i rgyu ni chags dang sdang ba yin// bdud rtsi sre ba'i thabs ni chags dang yul med yin// bdud rtsi 'byung ba'i rgyu ni dug lnga drug gsum yin// bdud rtsi 'dres pa'i tshad ni sku gsung thugs sprad yin// bdud rtsi'i dbang po dug lngas byed pa yin// bdud rtsi'i yon tan ye shes lnga yis byed// bdud rtsi nges shes 'gyu ba rang grol yin// bdud rtsi'i drod tshad 'gyu ba'i so pa yin// bdud rtsi'i rtags ni nyon mongs brgyad khris byed// bdud rtsi'i yid ches sku gsung thugs phrad yin/ bdud rtsi'i 'bras bu dri med zang thal yin// bdud rtsi'i ngo bo mkhyen pa'i ye shes yin// bdud rtsi'i nges tshig dri med rnam dag yin// bdud rtsi'i dbye ba rnam gsum gong ma yin// bdud rtsi'i mthun dpe ma shes dri med yin// thams cad gnad la phebs tsam na// man ngag dbang bskur zhes su bshad// thams cad gdeng rnyed gnad du phebs// man ngag dbang thob ces kyang bya// a ti yo ga'i dbang bskur yin// snang ba dbyings kyi a ti 'bur du bkod// grags pa sgra yi a ni khong nas 'byung// yang dag don gyi as ni kun la khyab// snang ba skye med a ti dbang bskur yin// a ni skye ba med pa yin// ti ni rig pa rdo rje'i sku// tshogs drug skye med a ti'i dbang bskur yin// a ni tshogs drug rang grol yin// ti ni tshogs drug 'gyur med sku// a ni 'gyus pa skye med yin// ti ni zang thal brtan pa'i sku// man ngag ngo bo don dang ldan// gzhi ma tshegs chung don chen yin// nges pa'i tshigs nithams cad gnad du thebs pa'o// dbye ba thabs dang shes rab bo// mthun dpe dur byed sman dang 'dra// de ltar shes na man ngag dbang bskur yin// zhes gsungs so// lha 'dre gnyis med kyi rgyud las// 'bras bu gtan la dbab pa'i le'u ste bdun pa'o//// de nas yang dag bshad bya ba// nyon cig gsang ba'i bdag po khyod// snang ba rang snang 'byung ba lnga// nam mkha' a dang rdo rje gsum// snang ba'i dbang bskur bshad par bya// nam mkha' rnam gsum don shes na// 'byung ba lnga la rag ma lus// rdo rje rnam gsum don shes na// sku gsung thugs la rten mi bya// a yi gnad gsum don shes na// ye shes lnga la rag ma lus// de ni nam mkha'i bshad pa yin// nam mkha'i ngo bo go 'byed pa// nges pa'i tshig ni khyab pa yin// dbye ba kha dog nam mkha' dang// theg tsher bu ga rgyan gyi nam mkha' dang// chos nyid don gyi nam mkha' 'o// mthun dpe til dang mar bzhin no// mtshon pa dpe yi nam mkha' ni// 'byung ba lnga las gtso chen med// rig pa rtsal gyi nam mkha' ni// sku gsum thugs kyi gtso chen yin// yang dag don gyi nam mkha' ni// sku gsum brtsegs pa'i yang rtse yin/ rig pa rtsal gyi nam mkha' ni/ 'byung ba lnga dang dbang po yin/ rig pa rang la shar ba ngo shes yin// phyi nang med par shar ba drod dang tshad ma yin// 'byung lnga lam du slong ba rkyen thub yin// 'byung lnga rig pa bstan pa ngo sprod yin// 'byung lnga yul med shar ba 'bras bu yin// zhes gsungs so// yang dag don gyi nam mkha' ni// thig le nyag gcig dbang po yin// rig pa zang thal nges shes yin// snang ba zang thal drod dang tshad ma yin// yul sems rang sar grol ba nges shes yin// rang snang rang la shar ba rkyen thub yin// rang snang ye shes 'od gsal shar ba ngo sprod yin// chos can rang snang 'od gsal shar ba 'bras bu yin// zhes gsungs so// yang bka' stsal pa/ a yi ngo bo chos can skye med yin// nges pa'i tshig ni 'gyur ba med pa yin// dbye ba gzhi lam 'bras bu'i a// gzhi yi a ni brjod bya'i gzhi// a yi khong nas thams cad 'byung// snang ba rnam gsum skyed pa'i ma// a yi mgo la dpung pa lag pa dang// lus po rkang pa lnga// thams cad skyed pa'i phyi mo yin// skye dgu'i bdag nyid gnas nas skyod/skye dgu'i rtsa ba ma chod na// grub pa'i mtha' la thug pa med// skye dgu'i rtsa ba chod tsam na// grub mtha'i thag chod nges shes rnyed// 'gro drug a yi lus la tshang// a nri pre du su tri zhes pa'i// gsang ba'i sa bon bzhi la rdzogs// a ni yi ge thams cad bskyed// dngos su med par don la rdzogs// dper na lam shes 'ja' tshon 'dra// chu shel me shel sbud pa ltar// dngos su med de gzhi la grub// rten 'brel bcu gnyis lugs na lags// 'khor ba lugs na gnas pa yin// dper na zhun khung spra tshil ltar// rgyu la khyad med rkyen la bsgyur// bsgyur yang gser gyi ngo bo gcig/ gser mkhan dag gi ngo shes bzhin// ngo sprod pas ni chos kun gcig/ chos kun khong du chud ces bya/ dper na rus sbal gre bar nor bu chud pa ni// yar kyang mi skyugs mar kyang mi 'byung bzhin// chos kun yul med shes pas ni// sangs la rgyas sa med cing dmyal bar 'gro ba med// 'gro 'ongamed pa 'das pa rnam lnga a la tshang/ longs sku oM 'gyur sdong po gsang ba'i sa bon rdzogs// oM A u0f7fhUM swA hA rdo rje 'das pa rdzogs// thig le skye med mo yi sa bon yin// skye med spros gcod pa na ro yi sa bon yin// skye med 'od gsal 'od lnga zla tshes sa bon yin// chos rnams zang thal a yi sa bon yin// skye med nyag gcig mtshon pa a yi sa bon yin// thams cad gzhi la 'dus hUM gi sa bon rdzogs// gzhi mo rang sa mi 'gyur swA yi sa bon rdzogs// mi 'gyur mi 'gags hA' yi sa bon rdzogs// oM 'gyur sku lnga ye shes lnga dang ldan// sku dang ye shes 'od kyi sa bon rdzogs// thig le stong pa yi ge lnga// a ni mthing ka hUM dkar po// swA ser aM dmar hA ljang khu// gsang ba 'od lnga'i sa bon gzhi la rdzogs// a ni thams cad rdzogs pa'i spyan// kha dog lnga ru grub pa gzhi nas rdzogs pa'i spyan// pad+ma lnga ldan spyan la phyag 'tshal lo// rtags kyi spyan la 'od lnga shar ba ni// gzhi mo'i ha yi gnas kyis grub pa yin// sku dang ye shes rtags la lta ba'i ngo sprod gces// 'od lnga rtags dang don ldan pad+ma'i spyan// pad+ma rgyal pa'i spyan la phyag 'tshal lo// gsang ba rig pa'i ye shes spyan mnga' ba// ci t+ta rA dza gu h+ya pra sa ra// sku dang ye shes gsal ba ye shes spyan// pad dkar rgyas pa'i spyan la phyag 'tshal lo// gu h+ya ma hA pradz+nyA pha la e ka ti la pra sa ra// 'bras bu sku gsum 'du 'bral med pa yi// ye shes zang thal spyan mnga' ba// thams cad mkhyen pa'i spyan mnga' khyod la bdud// dz+nyA na tsak+Shu sarba e ka ti la gu h+ya ta n+t+ra u pa de sha/ ma hA tsak+Shu pra be sha ya// ma rig sgo nga'i sbubs 'byedapa// thugs rje 'od mdzad de yi spyan mnga' ba// ye shes mig gcig dri med khyod la bdud// a bi ma nu pra sa ra tsak+Shu bid+ha dz+nyA na ma hA// sangs rgyas ye shes lus 'chang ba// ye shes chags med spyan la 'dud// 'das pa rnams lnga gsang ba'i sa bon lnga// nri 'das gsal ba'i sa steng 'gyu ba de// a 'das oM 'gyur rang bzhin chen po lnga// su 'das a yi rang bzhin khyab// pre 'das aM 'gyur thugs rjes 'gro ba 'dren// su 'das ltar 'gyur gsang ba thams cad mkhyen pa'i spyan// gsang ba'i sa bon dbang bskur shes pas 'gro drug g.yang sa chod// ma nu sha pre ta ka tir ya na ra ka sur+ya ka/ de wa a k+Sha lo ka/ ka ra ku ru swa sti ma hA' pradz+nyA pha la// e ka thi la bad+yi dz+nyA na tsak+Shu/ zhes gsungs so// da ni rdo rje'i don bshad de// badzra kA ya dz+nyA na rat+na pha la pa ri shu ng+d+ha a// rdo rje don nyid rnam gsum ste// mtshon bya thabs kyi rdo rje dang// 'gro 'dul rtags kyi rdo rje dang// yang dag don gyi rdo rje 'o// mtshon bya thabs kyi rdo rje ni// gser dngul lugs dang ris su bris pa'o// badzra zhes bya rdo rje 'o// kA ya chos kyi sku yin no// dz+nyA na ye shes chen po'o// rarna rin chen pha la bzang// pa ri shu d+ha dri med dag pa'o// a ni chos nyid skye ba med pa mtshon pa'o// badzra tri kA ya pany+tsa bu ng+d+hA ya// rdo rje rtse gsum sku gsum mtshon// mar bltas sku gsung thugs gsum mtshon// lnga ldan ye shes lnga lngar mtshon// sku lnga ye shes lnga dang ldan// rtse gcig zang thal 'das pa rnam lnga mtshon// lte ba zlum pos thig le nyag gcig mchon// khro zhal gzugs sku rnam gnyis mchon// rdo rje dkyil 'khor rang 'byung thabs kyi brda// rtags kyi rdo rje rang lus rdzogs par bstan// rkang mthil lag mthil sbyar bskyed la// badzra ka la tri dz+nyA na pany+tsa bu ng+d+ha'o// lta ba chos sku zug rngu med// dri med chos sku kun la khyab// lag pa yar bltas mthil sbyar sku gsum rtags// rkang pa mthil sbyar thugs gsum rtags// sor mo lnga ldan ye shes lnga yi rtags// zhal ldan gzugs sku gnyis 'byung rtags// de ni rang 'byung rtags kyi rdo rje 'o// yang dag don gyi rdo rje ni// rig pa'i ye shes sku gsum rdzogs// bi d+ya dz+nyA na ka si tra la yo gi// sarba pany+tsa gu h+ya sa ma ya mu dra ma hA pa la rat+na tan+t+ra e ka/ dug lnga sku lnga ye shes lnga// dug lnga sku gsung thugs yin no// rig pa rang grol thig le zang thal 'das pa lnga// 'gyu ba khro zhal gzugs sku gnyis// sku gzhi lte bar zug rngu rang sar grol// 'gyu ba zang thal sku gsum rtse mo thams cad gcig/ sku lngas sku dang ye shes lnga yi dpang po ma byas na// sku dang ye shes don ldan nges shes gdengs mi rnyed// dug lnga chags sdang lhag gis ma skyes na// dug lnga rkyen thub lhag mthong ye shes su la 'char/ dug lnga rang 'byung chags sdang ma skyes na// rangabyungaye shes drod tshad su yis zin// dug lnga sku dang ye shes yin par ma shes na// rang rigs ye shes ngo sprod dbang po gang gi byed// dug lnga nyon mongs brgyad khri mi 'char na/ thams cad mkhyen pa'i ye shes ngo sprod gang la bya// dug lnga nyon mongs rtogs pa brgyad dang brgyad cu mi 'char na// rnam kun mkhyen pa'i ye shes su la 'char// sarba dz+nyA na pany+tsa bi d+ya a/ dug gsum dag gi sku gsum ma shes na// sku gsum dpang po ngo sprod gang gis bya// dug gsum rang byung rtsa ba ma chod na// sku gsum ngo sprod nges shes ci la bya// dug gsum rtogs pa rang brdol ma shes na// sku gsum rang chas rtags mchog su la bstan// dug gsum rang grol zang thal ma shar na// sku gsum 'bras bu'i drod dang tshad ma su yis byed// chos sku'i 'bras bu thar pa'i bon dang// gzugs sku gnyis kyi sa bon so mtshams dpang po gang gis byed// dug gsum med na sku gsum tshad ma ci// 'gyu ba med na sku gnyis dpang po med// 'gyu ba sgyu ma lta bu'i spyan med na// longs sku thams cad mkhyen pa'i sa bon med// sgyu ma lngar mthong zhing khams snang ba yang// 'gyu ba sgyu ma'i spyan gyis gzigs pa yin// mtshan mchog sum cu rtsa gnyis snang ba yang// dbyangs yig bcu drug bzhi la grub pa dang// de nyid lam du bya bas snang ba yin// dpe byad bzang po brgyad cu rtsa gnyis bo// gsal byed bzhi bcu rtsa gnyis gzhi lam 'bras bu shar// bsdus pas yon tan snang cha lnga// dbu skra bung ba ltar gnag pa// rang bzhin sgyu mar mthong ba yin// sen mo shin tu dmar ba yang// thugs rje sgyu mar mthong ba yin// tshems dang mche ba dkar ba yang// ngo bo sgyu mar mthong ba yin// sku ni n+ya gro ltar gab pa// yon tan sgyu mar mthong ba yin// mtshan dang dpe byad snang ba yang// 'phrin las sgyu mar mthong ba yin// 'od zer thugs kar nub pa dang// 'od zer thugs ka nas 'char pa// ye shes snang ba'i 'od du shar ba yin// 'od lnga zhing khams snang ba dang// 'od zer bde ba 'phro ba ni// thugs rje bkrag mdangs 'byung ba yin// sgyu ma lta bu'i sku 'ja' tshon lta bu'i sku// 'gyu ba med na longs sku'i sa bon stor// ces gsungs so// lha 'dre gnyis med kyi rgyud las// chos sku las longs sku byin rlabs su bshad pa'i le'u ste brgyad pa'o//// de nas yang dag bshad bya ba// nyon cig chos kyi blo gros khyod// 'dzam bu kri shi'i lo ma la// pad+ma 'dab ma stong dang ldan pa la// sgyu ma lnga ldan thugs rje'i sku// rdzus te ro langs bde ba byon// lha yi dbang po brgya byin dang// lha yi bu rnams mang po la// thugs rje 'byung ba'i tshul bstan nas// lha yi skad dang klu dang ni// grul bum skad dang gnod sbyin lha ma yin// 'gro ba mi dang 'byung po mi ma yin// thams cad skad du byin gyis brlabs kyis bshad// bshad do 'chad do 'chad par 'gyur ba'o// de'i tshe de'i dus na// sprul sku thugs rje'i byin rlabs kyis// skye 'gro rtsi shing nags tshal rlag sha la sogs pa// thams cad chos nyid sgra sgrogs so// lha yi skad du bshad pas ni// thams cad rang rang sgra ru go/ sgra gcig kun la khyab pa'i brdar// dgu po rgyud mangs dpe dang sbyar nas bshad// sprul pa'i sku la 'gyur ba'i khro zhal ma grub na// rdzus skyes dpang po su yi byed// chos bshad nges shes su la skye// byin rlabs drod dang tshad ma su yis 'dzin// byin rlabs rtags mchog gang la 'char// sprul sku'i 'bras bu su la 'byung// 'gyu ba med na sprul sku'i yon tan ci// mkhyen bya thabs chen gang gis bya// 'gro drug 'gyu ba med pas na// thar pa'i sa bon su la re// mkhyen pa ye shes dpang po gang// nges shes drod dang tshad ma su yis 'dzin// 'gyu ba rang grol 'bras bu su la 'char// 'gro drug gnas na gti mug gnyid med na// bying rmugs sel ba'i dpang po su yis byed// bsam gtan gnyid kyi gdams ngag nges shes dpang po gang// bying med zang thal drod tshad gang gis bya// ye shes rang gsal rtags mchog gang la bya// gti mug rang grol chos sku'i 'bras bu stor// chos sku kun khyab thos par byed pa la// bsam gtan gnyid kyi gdams pa gces// gnyid kyi log non gdams ngag ma shes na// bsam gtan drod tshad gzung thabs med pa na// gti mug rang 'byung gnad med na// chos sku rang 'byung 'char thabs med// gti mug rang grol ma shar na// sgoms pa gti mug grol mi 'gyur// gti mug rang grol ma shar na// chos sku rang shar dus bzhi mnyam sbyod dka'// zhes gsungs so// lha 'dre gnyis med kyi rgyud las// sprul sku'i byin rlabs bshad pas 'gro drug la chos sku ngo sprad pa'i le'u ste dgu pa'o//// de nas yang dag bshad bya ba// nyon cig lha yi dbang po khyod// 'gro drug sems can dag la chags su med pa dang// bsam gtan 'phro rgod gnyis kyi dbang po gang gis byed// chags sdang rang sar grol ba'i gnad med na// longs sku'i nges shes skye ba'i gdams pa gang la bya// chags sdang rang grol drod tshad su yis byed// bsam gtan zang thal rtags chen su la bstan// longs spyod rdzogs pa'i sku yi thar ba'i sa bon stor// chags sdang rang sar grol ba'i gnad med na// longs spyod rdzogs pa'i sku yi ngo sprod su la bya// bsam pa rang 'byung rang grol gnas med na// longs sku mkhyen pa'i ngo sprod ji lta bu// rgod 'phro rang grol 'gro ba'i gnad med na// bsam gtan phra mo sems gzung bya ba yis// longs spyod rdzogs pa'i sku yi thar pa'i sa bon brlag par bya// gzung 'dzin zang thal gnad med na// longs sku'i nges tshig ci la bya// longs spyod snang pa sna tshogs te// rdzogs chen rang snang thig ler ro// sku ni zang thal ma bcos rang 'byung sku// longs sku kun gyi nang na mchog/ rang 'byung sprul pa'i sku lngar snang// snang ba chen po gsal ba che// kha dog sna tshogs 'bar ba'i 'od// sgyu 'phrul drwa ba'i sku 'changab// sku gcig kun la khyab pas rang snang sku// khyab pa rang 'byung chen po lnga// rnam rtog rang grol cir snang sa le ba// mkhas pa sgyu 'phrul dra ba'i sku// rang snang dri ma rnam par dag pa'i sku// ma 'dres rang gsal thugs rje 'od dpag med// srid pa'i drwa ba 'joms mdzad pa'i// rang 'byung rang snang gtso bo'i sku// khyab bdag ye shes lnga yi bdag/ sangs rgyas sku lnga rang 'byung ba// rang snang ma bsgrubs ma btsal bar// rang la shar ba e ma ho// kA ya tri la e ka pra sa ra// d+hA tu dz+nyA na bo d+hi tsit+ta pra dz+nyA tsak+Shu ra sa ya na ma ma ki a/ byang chub sems sems dpa' lha'i dbang po brgya byin dang// 'khor lha byin rnams ma dngangs ma skrag par legs par thugs la chongs shig/rtogs pa rang snang longs sku dang// thugs rje 'byung ba'i longs sku dang// khyab pa spyi yi longs sku dang// rdo rje dbyings kyi longs sku dang// 'khrul snang 'od kyi longs sku dang// sprul snang longs spyod rdzogs sku rnams// longs sku sgra mthun khyad par che// 'gyu ba 'od kyi snang ba dang// 'gyu ba 'khrul pas sgyu ma'i snang ba dang// 'gyu ba ye shes rtse gnyis rang snang dang// 'gyu ba rang snang rang grol dang// 'gyus te ngos ma zin pa'i lung ma bstan 'gyu dang// bzang rtogs ngan rtogs yid 'gyu zer 'gyu dang// phra rags dngos por 'gyu ba rnams// 'gyu ba sgra mthun khyad par che// 'od la 'gyu dus ma shes na// sangs rgyas sems can so mtshams dka'// spyi sa 'od kyi so mtshams su// dbang po yid gsum snang ba gces// 'gyu ba 'khrul par ma shar na// 'khrul pa rang grol dus tshod dka'// 'gyus nas gzung 'dzin ma shar na// ye shes rang snang dus tshod dka'// lung ma bstan du ma 'gyus na// lung ldan ye shes 'char ba dka'// bzang rtogs ngan rtogs ma 'gyus na// rtogs med mnyam nyid tshad zin dka'// 'gyu ba phra mor ma 'gyus na// phra mor 'khrul pa chod pa bka'// yid gsum 'gyu bar ma shar na// shes rab rnam gsum tshad zin dka'// zer gyi 'gyu ba ma 'gyus na// thugs rje sku gsum 'byung ba dka'// shin tu rags par ma 'gyus na// dug lnga rang grol shin tu dka'// dngos po sna tshogs ma 'gyus na// mtshan ma rang grol shin tu dka'// 'gyu ba sgra mthun ma 'gyus nal// 'gro drug g.yang sa chos pa dka'// 'gyus tshad rtsa ba ma chod na// phung byed srog rtsa chod pa dka'// 'gyus nas ngo yis ma zin na// tshe brten mchod pa shin tu dka'// 'od la 'gyu ba ma shes na// srog brten chod pa shin tu dka'// yid dang 'gyu ba 'od dang gsum// rang snang ngo sprod ma shes na// khams gsum rtsad nas gcod pa dka'// dbyer med rang snang ma shar na// srid gsum rtsa nas chod pa dka'// 'gyu ba rang grol ma shar na// ma rig rtsa nas chod pa dka'// 'gyus nas dwangs ma ma shar na// sangs rgyas zhal mthong shing tu dka'// gzhi yi thig le ma 'gyus na// gzhi las 'das pa shin tu dka'// gzhi nas 'gyu ba ma shar na// zang thal zad pa shin tu dka'// 'gyus nas rangasnang ma shar na// sgom pas grol ba shin tu dka'/ 'gyus nas srog rtsa ma chod na/ 'khor ba dong sprugs shin tu dka'// 'gyus nas dwangs ma'i gnad med na// srid gsum rgyas 'debs shin tu dka'// 'gyus nas khong shar ma shes na// ma rig mig phye shin tu dka'// rtogs med 'gyu ru mi 'dod na// ye shes rang shar shin tu dka'// mngal kha rgyas 'debs shin tu dka'// 'gyus nas yul med ma shar na// sa bgrod yul can sangs rgyas dka'// 'gyus nas lam du ma shar na// lam lnga 'byongs par shin tu dka'// 'gyus nas rang rdzogs ma shar na// tshogs gnyis bsags pa shin tu dka'// 'gyus nas dri med ma shar na// sgrib pa sbyang ba shin tu dka'// bgrod mkhan rtsad nas ma bcad na// sa rnams non pa'i dus mi mchi// lam lnga 'gyu bar ma shes na// lam lnga'i dus tshod zin pa dka'// 'gyu ba gnyis med ma shar na// tshogs gnyis gcig tu rdzogs pa dka'// 'gyu ba dri med ma shar na// sgribs pa 'byongs pa'i tshad shes dka'// dka' phyir sla ba 'gyu ba'i spyan// 'gyu ba'i spyan cig rtsa ba chod// sa non lam sbyong tshogs chen rdzogs// sgrib sbyongs sangs rgyas rang la shar// rnam par kun la spyod cing dus la ltos pa rnams// mkha' la yang tshod zin pa 'dra ste bstan par dka'// zhes gsungs so// lha 'dre gnyis med kyi rgyud las// longs sku ngo sprod kyi le'u ste bcu pa'o//// de nas yang dag bshad bya ba// 'dzam bu pri sha'i rtsa ba ru// dmag dpon rin po che la bka' stsal pa// bag chags med na sprul sku 'byung ba med// thog mtha' bcad pa 'od kyi bag chags dang// thig le dkar dmar 'dus pa'i bag chags dang// rtags chags ming dang yul gyi bag chags dang// thugs rjes 'gro ba 'dul ba'i bag chags rang grol dang// bag chags sgra mthun khyad par che// bag chags rtsa ba chags dang rnam pa gnyis// gnyis 'dus dug lnga'i rtsa ba ma chod na// dug lnga'i rtsa ba chod pa'i dus mi mchi// zhes ston pa kun tu bzang pos bka' stsal pa dang// de'i tshe de'i dus na// shing 'dzam bu pri sha zhes bya ba'i rtse mo la// g.yu bya khu byug gis skad lan gsum sgrags// bud+ha tsak+Shu rat+na pha la a// zhes pa dang/ lo ka tsa a byid d+ha phya la zhes pa dang/ h+ye gu h+ya radan bu d+ha karma bud+ha/ badzra bud+ha/ ta thA ga te bud+ha de/ pad+mad bud+ha tsak+Shupha la pra sa ra/ zhes pa'i skad lan gsum sgrags pas// lo ka'i khams na gnas pa'i byang chub sems dpa' thams cad 'dus// lha'i rgyal po tshangs pa dang// lha ma yin gyis rgyal po ljon pa dang// mi'i rgyal po d+har ma ra tsa dang// byol song gi rgyal po seng ge rab brtan dang// yi dwags kyi rgyal po tshangs pa dang// dmyal ba'i rgyal po thod dbyug gsum pa dang// de la sogs pa lha srin sde brgyad dang// 'gro ba drug gi bsdus pa'i tshogs// g.yu'i bya la bskor ba lan bdun bdun byas te// bdag cag rnam la rang skad re gsung bar zhu zhus pas// g.yu'i bya de khye'u chung mdzes pa cig tu gyur nas// nga la spro ba skyed cig/ sprul pa'i skad du mas don bya'o// gsung ngo// gsung bar 'gyur ro// de nas khye'u chung des thugs ka nas 'od zer mang po phyogs bcu thams cad du 'phros so// 'phro'o// 'phro bar 'gyur ro// phro bar gyur to// de nas 'od zer de las phyogs bcu thams cad du// 'od kha dog lnga'i tshom bu bar ma chad par gyur to// rig pa 'od kyi thig le las// 'od la grub pas sprul pa'i sku// rdzus te sprul sku bsam yas byon// de la 'dus pa'i lo ka rA dza rnams// shin tu dga' zhing spro bar 'gyur// spro bar gyur nas rgyan bkye bas// lha yi rgya la pos lha yi dbang po brgya byin thob// dbang rtags rin chen sna bdun gyis// lha yi gnas su dbang bskur byas// phyi nang sbas pa'i dbang yang bskur// dri med dag phyir khrus rdzing bum pa'i dbang// longs spyod tshogs rdzogs rin chen sna bdun dbang// ye shes tshogs rdzogs nor bu rin chen dbang// theg pa stobs rdzogs glang po chen po'i dbang// rdzu 'phrul stobs ldan rta mchog rin chen dbang// rtsal gsum rdzogs pa dmag dpon rin chen dbang// sna tshogs kha lo sgyur ba blon po rin chen dbang// gdan thog gcig tu thams cad 'dus pa rgyal po rin chen dbang// sna tshogs 'byung ba btsun mo rin chen dbang// thams cad 'dus pa 'dod khams lha yi nor bdun dbang// skad cig yud tsam cig la rdzogs par dbang bskur bas na// lha'i dbang po brgya byin gnas las grol bar byas pa'o// de'i tshe rigs 'od kyi thig le las// lha yi gnas su sprul sku 'byung ba'i dus// khams gsum lha la dbang rtags dbang rdzas dang// dbang gi dngos po byin pas brgya byin zhes su gtags// zhes gsugs so// lha 'dre gnyis med kyi rgyud las// rig pa 'od kyi thig le la sprul pa'i sku 'byung ba'i le'u ste bcu gcig pa'o//// de nas yang dag bshad bya ba// nyon cig rdo rje chos kyi blo gros khyod// rig pa 'od kyi thig le las// lha ma yin gyi rgyal po thags bzangs ris// lha ma yin du bcas pa la// 'dzam bu pri sha'i rtsa ba la// sman gyi rgyal po ga bur dang// shing gi rgyal po tsan dan dang// rdo yi rgyal po khab len dang// bya yi rgyal po rma bya dang// sems can rgyal po chu srin dang// de rnams kun la dbang bskur byas// ga bur lhun gyis grub pa'i rdzas// rig pa'i rgyal po lhun grub dbang// tsan dan dri dang bcas pa'i dbang// sku gsum rang chas dbang bskur rdzas// rdo yi rgyal po khab len lcags 'du ltar// yon tan thams cad 'dus pa'i dbang// rma bya dug rnams za ba ltar// dug lnga dbang gi mchog tu bskur// chu srin bskam la mi 'byung ltar// ri dbang thob pas 'khor bar mi 'khyams bskur// lha ma yin gyi dbang rdzas dbang rtags dang// dbang gi dngos po rdzogs par bskur// yon tan rang 'byung skyon las grol// 'jug pa'i sgo lnga ma shes na// 'khor lo mchod bskor dbang bskur dang// dkyil 'khor 'jug pa'i dbang bskur dang// thun mong dbang du bstan pa yin// khyad par dkyil 'khor bstan pa ni// kun gzhi rgyas pa'i dkyil 'khor yin// 'jug thabs ngos bzung med pa yin// yid ni zhi ba'i dkyil 'khor yin// 'jug thabs rang 'byung 'khor lo yin// sgo lnga mngon spyod dkyil 'khor yin// 'jug thabs rnam shes 'khor ba yin// lus kyi rnam shes drag po'i dkyil 'khor yin// 'jug thabs lha mthong dkyil 'khor yin// yid kyi rnam shes dbang gi dkyil 'khor yin/ 'jug thabs 'od kyi dkyil 'khor yin// re re la yang dkyil 'khor lnga brtsegs rdzogs// 'jug thabs lnga yang re rer tshang// rgyal ba'i dkyil 'khor 'jug pa la// me tog kun mkhyen 'od gsal dgos// dam rdzas chos dbyings ye shes yin// dbang bskur gnyis med dri med sku// thob dus skad cig gcig rdzogs yin// 'bras bu thig le zang thal yin// yon tan thams cad mkhyen pa yin// zhi ba'idakyil 'khor 'jug pa la// me tog rang 'byung 'od gsal dgos// dbang bskur shes rab dri med sku// thob dus skad cig rang grol sku// 'bras bu ye shes zang thal yin// yon tan rang byung ye shes yin// dbang gi dkyil 'khor 'jug pa la// me tog dri med 'od gsal dgos// dbang rdzogs kun rdzogs ye shes dgos// bskur thabs ye shes 'od gsal sku// thob dus skad cig rang rdzogs sku// 'bras bu chos min zang thal lo// yon tan rang rig ye shes yin// mngon spyod dkyil 'khor 'jug pa la// me tog snang gsal dri med dgos// dbang rdzas kun 'byung ye shes dgos// bskur thabs snang gsal dri med dgos// thob dus skad cig rang snang sku// 'bras bu gnyis med zang thal yin// yon tan zhing khams rnam par dag/ drag po'i dkyil 'khor 'jug pa la// me tog rang grol 'od gsal dgos// dbang rdzas nan tan ye shes dgos// bskur thabs ye shes khong gsal sku// thob dus skad cig rang 'byung sku// 'bras bu lha mthong ye shes sku// yon tan gzugs la rang grol yin// mig ni mngon spyod dbang rtags yin// rna ba zhi ba'i dbang rtags yin// sna ni rgyas pa'i dbang rtags yin// kha ni dbang gi rtags chen yin// 'og sgo drag po'i dbang rtags yin// dpe dang rtags su 'brel ba dang// rtags dang don du 'brel ba gces// re re la yang thams cad 'dus// mig la dkyil 'khor lnga rdzogs pa// dkar po zhi ba'i dkyil 'khor rdzogs// ser po rgyal pa'i dkyil 'khor rdzogs// dmar po dbang gi dkyil 'khor rdzogs// mthing ka drag po'i dkyil 'khor rdzogs// ljang khu mngon spyod dkyil 'khor rdzogs// sprul pa sku yi dkyil 'khor yin// shel gyi sbu gu'i 'od lnga la// longs spyod rdzogs pa'i sku yi dkyil 'khor rdzogs// tsit+ta rin chen 'bar ba nas// rig pa'i ye shes chen po rdzogs// chos kyi sku yi dkyil 'khor rdzogs// snying la sku gsum ngo sprod pas// dkyil 'khor gsum brtsegs de la rdzogs// de yi yon tan ye shes rtsal gnyis la// dkyil 'khor gsum brtsegs rdzogs pa yin// sprul sku dngos su bstan pa ni// rin chen mig la shar ba yin// longs sku gzhi la gab pa de// rin chen rtsa la gnas pa yin// chos sku rang chas gnas pa de// rin chen snying la gnas pa yin// de yi mthun dpe ngo sprod pa// rin chen man shel zang thal de// chos sku'i ngo sprod mthun dpe yin// de yi nang na 'od gnas pa// longs sku gzhi la grub pa'i mthun dpe yin// de las rgyus phran snang ba de// sprul sku 'byung ba'i mthun dpe yin// rin chen shel la 'od shar ba// longs sku'i dkyil 'khor mthun dpe yin// bar do chos nyid 'od gsal mthun dpe yin// de la dkyil 'khor lnga rdzogs pa// yon tan rang la shar ba rgyas pa'i dkyil 'khor rdzogs// thams cad rang la grub pa'i lhun grub dkyil 'khor yin// zhes gsungs so// lha ma yin rnam par grol bar 'gyur// thams cad thags su bstan pas thags// de yi gong na med pa bzangs// dpe rtags don dang bskor tshoms bcad pa ris// de la thags bzang ris su thogs// zhes brjod do// lha 'dre gnyis med kyi rgyud las// thags bzangs ris sprul pa'i skur thon pa'i le'u ste bcu gnyis pa'o//// de nas yang dag bshad bya ba// nyon cig rdo rje chos kyi blo gros khyod// rig pa 'od kyi thig le las// bcom ldan thub pa don grub sprul// de yis 'gro ba rkang gnyis 'dren pa'i gtso// de yis yang dag don bshad pa// rtags shing chags pa'i don bshad de// 'dzam bu pri k+Sha la gzigs nas// dang po 'khrul pa'i gzhis bstan// rgya chad phyogs lhun med pa yis// lhun gyis grub pa'i gnas chen la// rgya ma chad pas phyogs ma lhung// phyogs su ma lhung rgya ma chad// lhun gyis grub pa'i spyan mnga' ba// mi la lha dang 'dre rnams ni// rnam rtog skye ba'i don rnams la// dang po gzhi sa brtsi ba gces// rgyu dang rkyen dang dngos po gsum// tha ma ngo sprod ro snoms pas// sdug bsngal rab tu zhi bar 'gyur// thar pa'i lam mchog 'di yin no// spyi la khyab pa'i bdud drug dang// khyad par bdud ni rnam pa bzhi// ngo bo nyid kyi bdud kyis ni// thams cad rlags pa ma tshor ba// 'dre yis bar du gcod par 'gyur// gzhi mo rnam lnga 'dre lnga'i gzhi// 'phrin las 'dre srin thams cad bzhi// de dus 'dre srin mir ma phyed// thams cad gzhi la tshangs pas 'babs sam thug pa 'dra// de la ma ning rnam pa gsum// dpe dang rtags dang don gyi ma ning gsum// de la yid kyi dpe rtags sbyar// yid 'gyus pa ni 'dre yi rgyud// 'odalnga 'dre lnga'i rkyen du shar// ljang khus 'dre srin mi ru phyed// thams cad 'byed pa'i 'od po che// kun la 'byung ba'i 'od zer can// lha mo'i 'od zer can zhes bya// de la dngos po'i 'dre lnga ni// 'od las sha khrag dngos skyed las// dngos po'i 'dre de rang la 'byung// de la rnam shes tshogs brgyad gsal// lha srin lde brgyad dngos por rtags shing chags// mig bdud rna ba rgyal po dang// rna rmu lce btsan lus ni gnod sbyin dang// yid gza' klu dang ma mo dang// sna tshogs lha 'dre kun gzhir shar bas dngos su smin// da ni 'jug ldog don bshad de// 'dre la bsam gyis mi khyab bo// 'dre de bdud du babs pas ni// 'dre bdud ces kyang bya ba yin// sbyi bdud ces kyang bya ba yin// kun gyi bdud chen ces kyang bya// bsdus pas 'dre srin rnam pa brgyad// 'dre 'dre srin mig gcig dngos dmar dang// rnam pa dgu zhes rab tu grags// sgo dgu dag la 'jug pas na// 'dre yi 'jug sgo zhes su bshad// da ni bsdus pas 'dre lnga sgo lngar 'jug/ de las bsdus pas rtsa ba'i 'dre// rtags chags 'dre ru 'dus pa yin// ldogs mkhan 'dre ru ma shes na// 'dre la thar pa'i dus mi 'ong// 'dre la thar par bya ba'i phyir// phyi yi 'byung po nyams myong ro snyoms pa dgos// 'byung po snyoms rnam pa gsum// bcos thabs rdzas la rten 'brel dang// lha sgom pas ni zhi ba dang// ngo sprod pas ni ro snyoms/ 'byung po kun 'dul zhes su brjod// 'byung po'i gdon thabs ngo sprod gsum// rtags dang chags pa gnyis med gsum// bcos thabs rdzas dang rten 'brel gsum// bla rdo bla gnas bla rten gnas// 'dre dang bdud dang gnod lug gsum// gnod rtags gdon thabs thon dus gsum// bcos thabs 'chos tshad 'chos dus gsum// 'jug sa 'jug dus thon dus gsum/ 'dre dang mi dang srin po gsum// dbye ba phyed pa phyed dus gsum// phyed pa'i rtags dang dpang po gsum// yon tan 'bras bu grol sa gsum// 'dre gzhi 'dre nad 'chos tshad gsum// ro snyom ro snyoms dpang po gsum// des shes rkyen thub 'bras bu gsum// rkyen thub tshad dang drod tshad gsum// 'bras bu nges shes yon tan gsum/sprad pa phrad pa phrad dus gsum// dbang po nges shes sa mtshams gsum// rkyen thub drod dang rtags dang gsum// 'bras bu yon tan sad pa gsum// gzhi dang rgyu rkyen dngos sad gsum// rtags dang chags dang 'dres sad gsum// sad pa'i dpang po nges shes rkyen thub gsum// 'bras bu yon tan sad tshad gsum/ gzhi lam 'bras bu chos pa gsum// chos pa chos dus chos tshad gsum// dbang po nges shes rkyen thub gsum// thub pa'i 'bras bu drod tshad rtags dang gsum// de yi yon tan 'byung tshad grol dus gsum// grol ba'i dpang po rkyen thub nges shes gsum// 'bras bu'i dus dang yon tan rang sa gsum du 'dus// zhes gsungs so// lha 'dre gnyis med kyi rgyud las// phyi 'byung ba ro snyoms pa'i le'u ste bcu gsum pa'o//// de nas yang dag bshad bya ba// nyon cig rdo rje chos kyi blo gros khyod// chags sdang nad las grol bar bya ba'i phyir// chags sdang nad kyi ro snyoms bstan par bya// de la dang po nad kyi gzhi bstan pa/ nad lnga gzhi la grub pa ni// gzhi la lhun gyis grub pa yin// gzhi mi 'gags pas sna tshogs nad// rgyu ni 'gyus nas 'dzin pa yin// rkyen ni nad du 'dzin pa yin// bar du 'od la lus su chags// 'od la chags pas sdang ba skyes// gnyis med ma shes gti mug skyes// des na chags sdang lus po dngos su smin// de las 'dus pa'i nang lnga dang// ngo bo nad dang drug gis gdung// ngo bo nad la rnam pa gnyis// rgas par byed pa sems kyi nad// 'chi bar byed pa lus po'i nad// rnam pa gnyis su 'dus pa yin// rkyen kyi nad la bsam mi khyab// grang ba'i nad la rnam pa lnga car tshangs// nyi shu rtsa lnga nad kyi sdong po la// lhun grub chos re la yang mtshan nyid 'dzin pas len// de las bsdus pas 'byung ba'i nad// 'byung ba 'khrugs pa'i ro snyoms pa/ rdzas kyi bcos dang lha sgom dang// ngo sprad pa yi ro snyoms pa/ dang po bzhi pa ngo sprad pas// nad kyi gzhi mo zhes par 'gyur// bar du gcod pa'i dus bstan pas// nad kyi mtshan nyid shes par 'gyur// tha ma nad kyi zhugs bstan pa// bcos thabs gdon thabs shes par 'gyur// 'byung ba 'khrugs pa rkyen kyi nad// skye med ngo sprod bstan par bya// tshad pas zin na khong gsal sprad// grang bas zin na 'od gsal sprad// rlung gis zin na zang thal sprad// mkhris pas zin na rang grol sprad// 'dus pas zin na yul med sprad// spyi bo na na ljang khus dbyung// mgrin pa na na ljang nag dbyung// snying kha na na ro stod nas// de la ser bos dbyung bar bya/ ro smad mkhan tsa khol mar na// de la mthing kas dbyung bar bya// gsang ba spyi mig na ba na// de la dmar po'i dbyung bar bya// rkang mthil pus mo na ba na// de la dkar po'i dbyung bar bya// de ni thabs dang dbyung ba yin// 'byung ba'i sgo ni 'di rnams so// dri med sgo dang zang thal sgo// dmar po'i sgo dang srid pa'i bug pa dang// rdo rje'i sgo dang pad+ma'i sgo// lde ba pad+ma'i sgo ru dbyung// snying mi bde na mig la'o// glo ba mi bde sna la 'od// mkhal ma mi bde gsang bar ro// mchin pa mi bde kha la'o// mkhris pa mi bde rna ba 'o// da ni lha yi ro snyoms te// tsha ba na na mi bskyed pa// grang ba na na don yod grub// mkhris pa na na rnam snang sku// bad kan na na rin chen 'byung// 'dus pa na na 'od dpag med// tsha ba na na ma ma ki/ grang ba na na gos dkar mo// mkhris pa na na dbyings phyug ma// bad kan na na sangs rgyas spyan// 'dus pa na na sgrol ma 'o// des ni lha yi ro snyoms so// nad kyi ngo bo sems kyi nad// sems dang ye shes ma phyed na// 'chi ba'i nad las thar par dka'// dngos gzhi rnam gnyis ma phyed na// rgas pa'i nad las thar par dka'// nad rnams ro snyoms ma shes na// nad kyi 'khrul pa choms pa dka'// nang 'khrul rtsa nas ma mchod na// ro snyoms 'byung ba shin tu dka'// nad kyi ro snyoms dpang po sems kyis bya// nges pa'i shes pa na ba zangathal yin// rkyen thub 'byung ba 'khrugs dus yin// drod rtags na tsha zang thal yin// 'bras bu na ba rang grol yin// yon tan phyis nas rjes chod yin// zhes gsungs so// lha 'dre gnyis med kyi rgyud las// bar du chags sdang gi nad ro snyoms par bstan pa'i le'u ste bcu bzhi pa'o//// de nas yang dag bshad bya ba// nyon cig rdo rje chos kyi blo gros khyod// bar du rnam rtog ro snyoms bstan par bya// dang po rtog pa'i gzhi bstan pa// rtog pa dug lnga gzhi la tshang// khong khro ma rig rtog pa'i gzhi// ga bur sman la dug tshang bzhin// rtog med gzhi la rtog pa tshang// nyon mongs rtogs pa thams cad kyang// gzhi las thams cad 'khrul pa yin// rtog pa'i rgyu ni yid 'gyu ba// rkyen ni ma rig 'od las skye// gzhan snang ma rig rang snang rkyen// rang 'byung ma rig 'dzin pa dgu// gnyis med ma rig du mar 'khrul// ngo bo nyid kyi ma rig pa// gab pa sbas pa'i ma rig pa// lhan cig skyes pa'i ma rig pa// kun tu brtags pa'i ma rig pa// mthong snang log pa'i ma rig pa// rkyen 'gyur 'phro med ma rig pa// rgyu rkyen dus tshod ma rig pa// 'khrid pa rang snang gi ma rig pa// 'byed pa las dbang gi ma rig pa// rtogs pa dngos por shar ba yin// rtog pa nyon mongs brgyad khri po// bsdus pa nyon mongs lnga la 'dus// lnga po chags sdang gnyis las 'dus// dngos po 'khrul pa'i snang ba nyid// da ni rtog pa'i ro snyoms pa// rtog med mnyam nyid chos kyi sku// rtog ni ma rig 'khrul pa la// ngo sprod sku gsum gyi sre thabs bstan// snang ba rnam par rtogs pa la// rig pa rtog med ngo sprad bstan// 'bring la 'od gsal 'khor o bstan// tha ma log non 'khor lo bstan// kha 'byams snang thog shor srid pas// snang ba 'od gsal 'khor lo bskor// rig pa rang snang ngo sprod bstan// snang ba rang grol 'char bar 'gyur// snang snang ba rang grol shar tsam na// snang ba rig pa'i rang sgor gsal// mkha' la 'ja' tshon thim pa ltar// rig pa'i ngang du snang ba grol// cir mthong cir grol rig pa'i ngang// rang 'byung rang grol sre thabs gsum// snang ba rig pa sre ba dang// rig pa ye shes sre ba dang// ye shes thig ler sre ba 'o// dbang po rang snang grol ba yin// nges shes rig pa rang snang yin// gtan tshigs thig le nyag gcig yod// drod tshad rig pa 'od gsal yin// rtags mchog snang ba yul med yin// 'bras bu thig le zang thal yin// yon tan thig le chos min yin// thugs rje yul med rang 'byung yin// zhes gsungs so// kha 'gugs sems 'dzin snang thog 'chor srid pas// kha 'byams kha 'gugs bsre bar bya// tshogs drug 'od gsal 'khor lo bskor// tshogs drug rang grol dbang po yin// rnam shes 'od gsal nges shes yin// 'dzin med zang thal yid ches yin// 'dod yon rnam lnga rkyen thub yin// chags sdang ri rab drod rtags yin// chags pa 'dod yon rang sar grol// 'bras bu mchog tu de bshad do// yon tan tshogs drug lhun pa yin// mthun dpe nyi ma shar ba yin// zhes gsungs so// kha 'byams kha 'gugs sre ba la// 'gyu ba 'od gsal 'khor lo bskor// 'gyus tshad 'od gsal dpang po yin// 'gyu ba rang grol nges shes yin// 'gyu ba dwangs sangs yid ches yin// 'gyu ba gar 'gyus rkyen thub yin// 'gyus nas rtogs pa drod rtags yin// 'gyu ba dkar nag rang sar grol// 'bras bu'i mchog tu grags ba yin// yon tan 'gyu ba rang sar yin// mthun dpe rlung gi ra tsa 'dra// zhes gsungs so// sre ba 'dres pa 'dres tshad gsum// drod dang rtags dang dbang po gsum// nges shes yid kyi rkyen thub gsum// 'bras bu yon tan mthun dpe gsum// spyi yi gdams pa ngo sprod yin// zhes gsungs so// da ni 'gyu ba 'chug med ngo sprod de// 'gyus dang cer ltos cer mthong dang// nges zin ye shes rang shar bas// chos sku yul med dmyal khams stongs// khyung la bstod pa mi 'bul pha wang skur mi 'debs// e ma ho// rang 'byung rang grol rang 'khyams pas// chos sku skyabs sa ma rnyed dmyal bas gnod ma nus// thar skus drangs sa ma rnyed dmyal dpon gnod ma rnyed// 'gyu ba cer zin sangs rgyas rang la shar// ma shes ma rig 'khor ba rang la shar// rang shar gnad shes shin tu dka'// zhes gsungs so// yang bka' stsal pa// mun snang gnyis su ma phye na// nang nub drod tshad su yis 'dzin// dbyar dgun ston dpyid ma phye na// lo zla dus khrims su yis 'dzin// nad lnga'i dbye ba ma byas na/ 'tsho mdzad sman sbyor gang la btang// 'dre srin dbye ba ma byas na// bar chad nges yis gangs thabs med// lha 'dro'i dbye ba ma byas na// dngos grub blangs thabs gang la byed// sangs rgyas sems can ma phye na// zag bcas zag med su la mtshon// gzugs 'dzin gnyis su ma phye na/gnyis med zangs thal su la bstan// snang srid/ rang snang rnam dag su la bstan// sems dang ye shes ma phye na// blo dngos gnyis med su la bstan// kun gzhi 'das pa ma phye na// rtogs pa mngon 'gyur ga la bya// ye dang shes pa ma phye na// ye shes zang thal su la bstan// bag dang chags pa ma phye na// lus kyi spo lugs su la bstan// chags dang sdang bar ma phye na// dug lnga'i 'khrul pa su la bstan// thabs dang shes rab ma phye na// gdams pa'i mthar thug su la bstan// spyan gyi dbye ba ma byas na// ye shes mig gcig su la bstan// lus kyi dbye ba ma byas na// sku las 'das pa su la bstan// thugs kyi dbye ba ma byas na// gnyis med zang thal su la bstan// yul gyi dbye ba ma bya sa na// yul med zang thal su la bstan// yon tan dbye ba ma byas na// chos med zang thal su la bstan// ye shes dbye ba ma byas na// ye shes zang thal su la bstan// ces gsungs so// dbe yi dbye ba ma byas na// lce spyang nag po su la bstan// mun snang gnyis kyi phan gnod med// phan med gnod med ma bstan na// rig pa'i rang sgo su la bstan// ces gsungs so// lha 'dre gnyis med kyi rgyud las// rnam rtog ro snyoms kyi le'u ste bco lnga pa'o//// de nas yang dag bshad bya ba// nyon cig rdo rje chos kyi blo gros khyod// gsang ba bla med lha yi ro snyoms bstan pa ni// thog ma lha yi gzhi ma ni// rang bzhin lhun grub lha la phyag 'tshal lo/ de ba rA dza na mo pU dza ran+ta karma nud+ha ta thA ga ta sa mu dra ma hA gu h+ya a ti// dz+nyA na rat+na pha la tsakra/thog ma med pa'i dus nyid nas// rig pa lhun gyis grub pa'i lha// bar du g.yu rkyen 'od gsal grub pa'i lha// dbang lha'i dkyil 'khor lha dang bcas// tha ma btags pa ming gi lha// yid la sems pas bsam bya gzugs kyi lha// de wa sa mA d+hi// pA dza mahA gu h+ya pha la pha la// dbang gi lha ni 'od dpag med// zhi ba'i lha ni mi bskyod pa// drag po'i lha ni rnam snang yin// rgyas pa'i lha ni rig 'byung yin// mngon spyod lha ni don grub bo// de ni de ba rA dza phyi'i lha// mig la kha dog lnga gnas pa// mthing ka dkar po ser le brgan// ljang khu rnam pa ma 'dres rdzogs// rdzogs rim lha yi dbang bskur yin// rang grol lha yi dbang bskur ba// tsak+Shu zang thal mi bskyod dbang// tsak+Shu 'od gsal 'od dpag med// tsak+Shu rang snang rnam snang yin// tsak+Shu mi 'gyur rin 'byung sku// tsak+Shu rang 'byung don grub chen po yin// rtags kyi gdan lnga bstan pa ni// seng ge rma bya glang po rta dang mkha' lding gdan stengs na// ye shes sku lnga'i dkyil 'khor ma sgoms rdzogs pa'i dbang// A be sha ta thA ga ta dz+nyA nabu d+ha rarna pa ri shud+ha yA// zhes sgra dang bcas pa'i dbang bskur ro// gzhi dang lam dang dngos po gsum// de yi ngo sprod gdams pa gsum// dbang bskur rgyal po ye shes dbang// skad cig gcig la rdzogs pa yin// zhes gsungs so// lha 'dre gnyis med kyi rgyud las// gsang ba bla na med pa'i lha'i ro snyoms pa'i le'u ste bcu drug pa'o//// de nas yang dag bshad bya ba// nyon cig rdo rje chos kyi blo gros khyod// 'byung ba ro snyoms bstan par bya// thog ma kun gzhi lhun grub na// 'byung ba lnga po ye nas 'phags// g.yo bar byed pa rlung gi gzhi// skyed par bya pa sa yi gzhi// smin par byed pa me yi gzhi// sdud par byed pa chu yi gzhi// yangs shing go 'byed nam mkha'i gzhi// thams cad 'dus pa 'byung chen bzhi// 'byung chen g.yos pas rig pa 'gyus// de yi snang ba 'od lnga rkyen// gzhi nas 'byung ba 'od kyi gzhi// 'od gsal gdangs kyi snang ba las// nang 'byung lus la rnam pa lnga ru 'khrul// gsang ba'i 'byung ba 'gyu ba 'khrul phyi mi 'byung ba yul lnga 'khrul// de ni 'byung ba'i 'jug lugs yin// da ni zlog lugs gtan la dbab// rnam pa 'gyu bar ngo sprad pas// chen po lnga yang ro yang snyoms// sa la ro snyoms rig pa bstan// chu la ro snyoms rig pa gsal// me la ro snyoms rig pa smin// mkha' la ro snyoms zang thal shar// rlung la ro snyoms dbugs med shar// chu yi ro snyoms ma shes na// rig pa chad pa'i gol sa yod// sa la ro snyoms ma shes na// rig pa 'gyur ba'i gol sa yod// me la ro snyoms ma shes na// yul dang yul can gol sa yod// rlung la ro snyoms ma shes na// dbugs la sbyar ba'i go sa yod// mkha' yi ro snyoms ma shes na// rtag pa ther thug gol sa yod// 'byung chen ro snyoms ma shes na// 'byung chung mtha' yi gol sa yod// phyi 'byung ro snyoms byed pa la// ngo sprod rnam bzhi'i dpang po dgos// 'byung ba rang grol nges shes dgos// 'byung lnga rang snang yid ches dgos// 'byung lnga 'od gsal rkyen thub dgos// chags 'dzin stong nas drod rtags dgos// 'bras bu 'byung lnga rgyas thebs dgos// yon tan 'byung lnga 'das pa lnga// mthun dpe 'khyag pa chu lta bu// nang 'byung ro snyoms zhes bya ba// lus la 'byung ba lnga tshad ba// rig pa'i ro snyoms shin tu gces// dbang po 'byung lnga chags dang 'jig dang stong// ri rab 'jig pa lus po yin// gling bzhi 'jig pa ma thil bzhi yin// gling phran 'jig pa rkang brgyad yin// mtsho bdun 'jig pa yul bdun la// ri bdun 'jigs pa tshogs bdun yin// shing chen 'jig pa srog pa rtsa// shing bzhi 'jig pa rtsa bran bzhi// rgyu skar rtsa brgyad sgal tshigs la// nyi zla 'jig pa mig gnyis po// gza' brgyad 'jig pa tshogs brgyad do// dgu tshigs 'jig pa gzhung yin te// dgu ni sgo dgu rang chas so// sa 'jig pa ni sha yin no// me 'jig pas ni drod yal lo// rlung zhig pas ni bkrag stor ro// chu zhig pas ni lus gyes so// nam mkha' zhig pas sems dwangs so// 'byung chen zhig pas 'gyu ba med// de ni 'byung ba 'jig 'dus so// chen po de la 'byung lnga 'dus// dper na lcags len rdo bzhin no// zhes gsungs so// lha 'dre gnyis med kyi rgyud las// srid pa 'jig pa'i dus kyi le'u ste bcu bdun pa'o//// de nas yang dag bshad bya ba// nyon cig rdo rje chos kyi blo gros khyod// zhig nas stong pa bshad par bya// sa zhig pas ni rten med do// rlung zhig pas ni g.yo ba med// me zhig pas ni smin byed med// chu zhig pas ni sdud byed med// mkha' zhig pas ni rgyu skar gza' dang nyi zla med// yongs la khyab pa'i nam mkha' dang// mthun dpe sgrub pa'i nam mkha' dang// chos nyid rang byung nam mkha' dang// ngo bo nyid kyi nam mkha' dang// nam mkha' sgra mthun khyad par che// khab mig bu ga'i nam mkha' dang// then tsher mig gi nam mkha' dang// bu ga snang ba'i nam mkha' dang// kha dog dbyibs kyi nam mkha' dang// 'byung ba khyab pa'i nam mkha' dang// theg pa sgo dang sbyar ba yin// 'byung ba lnga la thams cad snang// phyi nang 'jig dang nang snang 'jig/ gsang ba'i 'byung ba dngos gzhi gnyis// dngos po la yang rnam pa gnyis// 'khrul pa dngos dang grub mtha' dngos// 'khrul pa dngos po phyi nang gnyis// 'byung ba lnga po 'jig pa ni// las kyi me bdun chu gcig dang// tha ma rlung gis de bzhin no// tha ma stong par gnas pa ni// lhun grub rang rlung ma g.yos par// de bar 'byung ba'i ming yang med// sangs rgyas thugs rje'i ming yang med// sems can 'khor ba'i ming yang med// ming med sbrum pa'i tshul du gnas// nang gi 'byung ba zhig tsam na// sems can skye 'gul mi snang bas// khams gsum 'khor ba ming yang med// rlung bzhi spyi btsan sgo btsan yin// rang rang ma mthun 'jig chags dang// gnas dang stong pa de bzhin no// gnas pa'i dus na spyi sa ba// kun gzhi mi zad mdzod chen nas// thams cad tshangs pa'i sbru ma de// de yi thams cad chags par byed// chags pa'i rtsa ba ma chod na// 'khor ba'i dong sprugs shin tu dka'// 'byung ba chen porgyu gcig po// snang ba chen po gsal ba che// rnam par rtog med lhun gyis grub// dus gsum kun gyi mes po yin// yang mes rtsa nas chod na// 'khor ba dong sprugs mi srid pas// srid gsum sbyor ba'i ri bo yin// dpal ldan 'byor pa kun mkhyen pa// ye shes sgrol ma khyod la bstod// khyod ni 'gro ba'i mgon po yin// ngo bo lhun grub 'brel pa yod// 'brel med nor bu rin chen no// dus gsum bzhugs pa'i spyi gtso yin// kun gzhi yang mes chen po byed// gus sapas phyag 'tshal bstod par bgyi// zhes ston pas bka' stsal to// lha 'dre gnyis med kyi rgyud las/ zhig nas gnas pa'i le'u ste bco brgyad pa'o//// de nas yang dag bshad bya ba// rdo rje chos kyi blo gros nyon// stong pa ma yin kun gzhi yin// de la chags lugs bstan pa ni// bdag cag gtso 'khor ma lus rnams// dang po gzhi la lung ma bstan// bar du 'khor ba'i rtsa bar 'khrul// tha mar rang grol 'bras bu thob// rang grol rgyal po ye shes spyan// de yi spyan gyis gzigs pa las// rmongs pa'i mig gis de mi gsal// kun mkhyen ye shes mdzod 'dzin pa/ mkhyen pa'i ye shes stobs kyi bdag/ bdag gis khyod la bshad par bya// khyod ni gus pa'i tshul gyis nyon// rgya chad phyogs su ma lhung ba'i// de nas lhun grub chen po lags// de la srid pa chags pa ni// srid pa sbyor ba las byung ba// chen po nga yi rtsa ba de// srid pa gsum du 'byung bar byed// srid pa'i gzhi rtsa rnam pa gsum// gzhi mo rnam gsum gnad la dbab// rtsa ba rnam gsum lam du gces// de las bar do rnam gsum 'byung// de la rtse mo rna ma gsum 'byung// de yi thams cad gces par byed// gces par byed pa'i rtse mo lnga/ rtsa ba gsum po bar do gcig/ srid pa sel ba'i 'od po che// thugs rje 'byung ba'i so mtshams yin// lam la skye bo gnyis gyes pa// stag dang seng ge dom dang gsum// de gsum rgyu ba'i lam po che// de la srid chags lugs bstan// phyi nang gsang ba gsum du srid// sbyor ba'i dgon pa las byung ba// zhes gsungs so// lha 'dre gnyis med kyi rgyud las// srid pa chags pa'i rtsa ba bstan pa'i le'u ste bcu dgu pa'o//// de nas yang dag bshad bya ba// rdo rje chos kyi blo gros nyon// sar+b+ba kar+m+ma lo ka ku ru a b+hi She ka la b+hi d+ha/ zhes sgra ston no// thams cad 'phrin las mi 'gags pas// 'jig rten dngos por srid pa'o// skye med ma rtogs rang dbang ma rig pas// lo ka sar+b+ba ts+tshad na// 'khor ba'i gnas la thar du med// khyod ni legs par yid la nyon// nang gi chags 'jig bstan par bya// gzhi dang dngos po bar dang gsum// de ni thun mong ma yin te// khyad par chags pa 'di lta'o// sbyor ba'i dgon pa las srid pa// dang po rang snang longs sku de// de la longs spyod spyod tsam na// rnam shes sems pa tshor dang 'du shes chung// snang ba'i 'od de rang snang ma shes chags// de las rang rtsal ma shes sdang// rang grol ma shes gti mug yin// de las thig le gcig tu 'gril// ma rig sgo lnga'i sbubs su tshud// srid pa'i drwa ba rang la byung// thig le dkar dmar gcig tu 'brel// sgyu 'phrul drwa ba mngon du shar// de nas 'brel bas mig tu gsal// gnyis po nyi zla zung gcig yin// mdzod spu nag phra sgron me yin// klad pa dung khang zhes bya ba// rtsa rnams gdugs kyi tshul du yod// rnam par rgyal ba'i khang bzang yin// de las spyi bo bde chen la// rtsa yi mgo bo bzhi 'byung ba// bdud rtsi gnyis dang gtsug thag gnyis// lag na rdo rje bzhi yang gnas// rnam par rgyal ba'i khang bzang na// rtsa 'dab sum cu rtsa gnyis la// nye dbang sum cu rtsa gnyis bzhugs// sprul sku lha dbang brgya byin bzhugs// dbus kyi rtsa mdud ste ba la// lha yi dbang po bde ba 'bar// de yi byin rlabs lha rnams kun la 'phro// lha rgyud chen po'i byin rlabs kyis// bde ba chen po'i dngos grub thob// rin chen sna bdun brda chos bshad// mig dang rna ba sna dang lce// glo ba snying dang lus po bdun// nor bu rin chen dgongs pa bshad// ces gsungs so// lha 'dre gnyis med kyi rgyud las// lha'i gling chags pa bstan te// de la chos bshad pa'i le'u ste nyi shu pa'o//// de nas yang dag bshad bya ba// nyon cig rdo rje chos kyi blo gros khyod// mi yi chags lugs bstan pa ni// rtsa ba gsum po'i rtse mo la// thig le gsum du 'dus pa las// rtsa brgyad gling brgyad rtsa bzhi gling chen bzhi// dbus kyi ri bo mchog rab snying// shel gyi sbu gu dpag gsam shing// snying po lcags ri nag po chags// ri bdun thil bdun mtsho bdun zur// thams cad 'dus pas snod du chags// thugs rje yas babs shed bu rgyang ma yin// shed la rogs ni ro ma yin// de la nga rgyal mi ru chags// rje'u rigs nga rgyal can du lho na bzhugs// rgyal rigs zhe sdang can de shar na bzhugs// bram ze 'dod chags khrus dag pa nub na'o// dmangs rigs phrag dog can de byang// gdol pa gtum po las ngan spyod// de dag gnas nas kun la rgyu// de yi dbus kyi thig le las// bcom ldan shAkya thub pa yis// rigs lnga gnas pa rtsa ba'i rgyud las bshad// de yang byin gyis brlabs kyis bshad// sar+b+ba pradz+nyA dz+nyA na u pa de sha kra ma gu h+ya e ka ti la bra sa ra ka la d+hu ha// zhes bshad do// thams cad shes rab ye shes kyis// man ngag rim pa ma nor ba// gsang ba'i don rnams ma shes na// thig le nyag gcig spros la bstan// spros kyang don la gcig las med// ces gsungs so// lha 'dre gnyis med kyi rgyud las// mi'i gling du thugs rje rang 'byung du chags pa'i le'u ste nyer gcig pa'o//// de nas yang dag bshad bya ba// nyon cig rdo rje chos kyi blo gros khyod// lha min mi min chags lugs bstan pa ni// snying la srog rtsa chags pa las// 'bras bu spyi bo bde chen smin// 'dab ma pad+ma lta bu ste// mgrin pa'i rtsa chen bcu drug la// lha min mi min bcu drug yod// 'od dang nye ba'i 'od dang ni// snang ba dang ni snang gsal dang// byin dang bde dang 'thab dga' dang// 'thab byed dang ni 'thab bral dang// bsod nams skye dang bde ba ldan dang bzang skyong dang// drwa ba can dang drwa 'od dang// nyi ma lta dang nyi med 'od// shing dang 'dra ba'i rtsa la gnas// de yang thugs rje yas babs nas// lha min rgyal po thags bzangs ris// lha'i 'thab mo khong khro rgyal de// de dag dug lnga thugs rje 'khor lo bskor// lha min g.yul zlog rgyud chen 'di// khong khro rtsa bzhi rtsad nas bcad// nyi ma lta bur lha yi rang 'od bstan// rang 'byung chos kyi 'khor lo bskor// 'byung po ro snyoms chags sdang grol// mtshon cha ro snyoms bde ba 'bar// go cha ro snyoms rin chen 'bar// sdug bsngal ro snyoms rang grol shar// 'thab rtsod ro snyoms chos skur 'char// shing thog ro snyoms bdud rtsir 'char// bde ba chen po chos kyi klong// rang byung ye shes rang la shar// sar+b+ba lo ka de ma yin// kar+m+ma ku ru d+hA tu dz+nyA na e ka ti la rat+na dai tsa kra ma hA d+ha thim// zhes sgra bshad do// thams cad 'jig rten rang snang la// lha ma yin gyi 'phrin las rdzogs// dbyings dang ye shes gnyis su med// thig le nyag gcig rang la snang// rin chen 'od 'bar rang la yod// 'khor lo chos kyi thugs rje yis// mnyam pa nyid du bstan pa yin// thams cad chos kyi dbyings su thim// zhes gsungs so// lha 'dre gnyis med kyi rgyud las// lha ma yin gyi chags lugs dang// de la chos kyi 'khor lo bskor ba'i le'u ste nyer gnyis pa'o//// de nas yang dag bshad bya ba// nyon cig rdo rje chos kyi blo gros khyod// byol song srid pa'i chags lugs bstan pa ni// de yang yas babs rtsa ba gsum po las// drug cu rtsa bzhi lung ma bstan gyi gnas// lung ma bstan de skye ba'i rtsa ba ni// mnga' skyes gzhogs skyes rdzus skyes dang// sgo nga drod dang gsher skyes dang// gnas dang las dang zas dngalus// de dag thams cad lung du ma bstan no// de yi dbus kyi thig le la// byol song seng ge rab brtan byon// thugs rje chos kyi 'khor lo ni// lung du bstan dang gleng gzhi bstan// lung ma bstan pa'i sgo rnams la/ lung du bstan pa'i sgo rnams bshad// gti mug lung bstan chos kyi sku// skye gnas lung bstan nyams myongs ye shes shar// 'bras bu lung bstab rdo rje'i sku// las kyi lung bstan rang 'byung ye shes spyod// zas kyi lung bstan snang srid zas su zos// lus kyi lung bstan mkha' khyab dang ba'i lus// sar+b+ba bI t+ta mu la ti wa badzra he gu h+ya rat+na pha la tan+t+ra d+ha r+m+ma rat+na/tsak+Shu tir+Ya ka dz+nyA na tsakra pha la ma hA bo d+hi swA ta swa b+hA ba bi shung+d+ha dz+nyA ka ya a// zhes sgra bshad do// thams cad ma rig rang snang la// byol song ma rig gti mug che// rdo rje sku bstan dgyes pa'o// gsang ba chen po rig chen bzang po 'dra// rgyud kyi chos nyid don rtogs nas// rin po che yi mig phye bas// byol song ye shes 'khor lo bskor// bzang po rang 'byung byang chub sku// byang chub sems dpa' chen po yin// dri med dag pa ye shes sku// zhes gsungs so// lha 'dre gnyis med kyi rgyud las// byol song gi 'jig rten chags lugs dang// de la yang thugs rje yas babs kyi le'u ste nyer gsum pa'o//// de nas yang dag bshad bya ba// rdo rje chos kyi blo gros nyon// yi dwags srid pa chags lugs bstan par bya// khyod ni rtse gcig yid kyis nyon// dang po'i rtsa ba gsum po las// rtse mo chod par byed pa'o// gsang ba'i gnas su rtsa gsum chags// phyi nang sgrib dang sgrib pa can// mkha' la rgyu ba'i 'byung po yi dwags dang// las kyi rnam smin yi dwags dang// gnas pa rten gyi yi dwags dang// 'bras bu grub pa'i yi dwags dang// bsam gyis mi khyab bsam las 'das// de nas thugs rje yas babs pa'i// kha 'bar rgyal mo thub pa yis// rtsa gsum dag la ngau sprad pas// phyi yi sgrib pa dag par byed// lhan cig skyes gsum ngo sprad pas// nang gi sgrib pa dag par byed// rang gros gsum la ngo sprad pas// phyi nang sgrib pa dag par byed// yul med rang snang chen po yin// de rnams mkha' phyogs med par rgyu// 'od gsal chen por ngo sprad pas// rang grol 'bras bu chen po thob// lus la gnas shing dbugs la rgyu// gnas pa gnod gyi yi dwags de// 'gyu ba dngos med ngo sprad pas// gnas pa'i yi dwags rang sar grol// las rnams thams cad 'gyus nas byed// rtogs pa shes rab las byed dang// ma rtogs ma rig las byed gnyis// las su 'dra ste dngos mi gcig/ rnam par smin pa'i yi dwags dang// rnam par smin pa'i 'bras bu gnyis// 'bras bur 'dra ste khyad par che// rnam smin 'bras bu mthar thug pas// chos nyid yul med dgongs pa shar// ces gsungs so// sar+b+ba lo ka pre ta ka kar+m+ma ku ru dz+nyA na gu h+ya rat+na tsak+Shu/pa ri shung+d+ha A/ zhes sgra bstan no// thams cad 'khor ba yi dwags te// 'phrin las myur du rdzogs par byed// ye shes gsang ba rang la bstan// rin po che yi spyan chen phyi// sgrib pa thams cad dag par byed// skye med chos sku rang la snang// zhes gsungs so// lha 'dre gnyis med kyi rgyud las// yi dwags phyi srid pa chags 'jig bstan pa dang// de la thugs rje yas babs kyi 'khor lo bskor ba'i le'u ste nyer bzhi pa'o//// de nas yang dag bshad bya ba// nyon cig rdo rje chos kyi blo gros khyod// dmyal ba'i srid pa chags lugs bstan pa ni// dang po rtsa ba gsum po las// rtse yi bla rtsa nag por gyes// g.yon pa med yi dkyil 'khor la// rkang mthil rtsa brgyad bdag nyid la// tsha ba'i dmyal ba brgyad du srid pa chags// de yi dbus kyi lte ba la// thugs rje a wa glang mgo byon// a me ri 'bar ma'i 'phreng ba yin// zhes gsungs so// na ragaka a g+ne dz+wa la pra dz+nyA pA ra mi ta triHda dz+nyA na ma hA tu A/ zhes sgra bshad pas// tsha ba'i dmyal ba brgyad po de// rang rang rang byung gnas las grol// dmyal ba'i me lce 'bar ba las// shes rab kyis ni snying por gsal// ye shes chen po'i dbyings na skye ba med// ces don gsungs so// lha 'dre gnyis med kyi rgyud las// dmyal ba'i gnas su thugs rje chos kyi 'khor lo bskor ba'i le'u ste nyer lnga pa'o//// de nas yang dag bshad bya ba// nyon cig rdo rje chos kyi blo gros khyod// grang ba'i dmyal srid chags lugs bstan pa ni// dang po rtsa ba gsum po las// g.yas pa chu yi dkyil 'khor du// rkang mthil rtsa brgyad pad+ma'i gnas// zla ba nyi ma'i bdag nyid can// de la rtsa dag chu yi 'khor lo shar// de las grang ba'i dmyal ba brgyad// de yi yas babs rtsa gsum las// thugs rje chos kyi 'khor lo bskor// chos kyi rgyal po zhes bya ba// thugs rje chos kyi rgyal po'i phyir// chos kyi rgyal po zhes bya ba'o// grang ba chu yi dkyil 'khor yang// zhi ba chos kyi sku ru bstan// na ga ra tsa ma nu pre ta ka yan+ne pra dz+nyA pAr mi tA hri da ya// zhes sgra bstan no// de'i don ni// dmyal ba'i rgyal po thub pa'i gtso// sems can yi dwags chos kyi rgyal// ye shes snying la gnas par bya// zhes gsungs so// shes rab ye shes sdud bar byed// 'gro ba'i mgon la phyag 'tshal lo// chos rgyal chen pos de skad gsungs// grang ba'i dmyal ba ye shes sku// dmyal ba rang grol thig ler gdal// ces gsungs so// nyi tshe nye 'khor dmyal ba ni// mthil gnyis srid pa chags pa yin// gnyis gnyis log pas nyi tshe yin// thub pas gnyis med bstan pa yis// nyi tshe rang sar grol bar byed// ces gsungs so// lha 'dre gnyis med kyi rgyud las// grang ba chu dmyal ba dang nyi tshe nye 'khor gyi snang ba la thugs rje rang 'byung gi 'khor lo bskor// ba'i le'u ste nyer drug pa'o//// de nas yang dag bshad bya ba// nyon cig rdo rje chos kyi blo gros khyod// rdo rje dmyal ba'i chags lugs bstan// dang po rtsa ba gsum po las/ rdo rje bum pa'i rtsa ba rgyu/ rtsa gsum rdo rje'i dbyibs su shar// rdo rje dmyal ba'i brten pa yin// de la thugs rje yas bab pas// rdo rje'i sku de 'dus ma byas// rdo rje dmyal ba 'dren mdzad pa// dga' ba dang ni mchog dga' yi// lhan cig skyes pa'i brten sa yin// de la thugs rje yas babs pas// rdo rje'i skya de 'dus ma byas// rdo rje dmyal ba 'dren mdzad pa// dga' ba dang ni mchog dga' yi// lhan cig skyes pa'i dga' ba dang// dga' bral chen po thub pa'i sku// thugs rje yas babs zhes su bshad// de ni dga' rab rdo rje sprul pa'i sku// thub pa bdun du byung ba yin// dga' rab rdo rje zhes su bstan// sprul sku dga' rab rdo rje de// thugs rje rtsa yi lam du byung// longs sku rdo rje sems dpa' de// 'od gsal ngo bo rtsa yi lam du byung// chos sku kun tu bzang po de// ye shes rtsa yi lam du byung// de gsum gcig tu 'dus pa ni// a wa d+hu ti zhes su brjod// a ni skye med kun tu bzang// rtsa ni sku lnga ye shes lnga// rdo rje mi skyod pa zhes bya// d+hu ti sprul sku thugs rje 'byung// sprul sku dga' rab rdo rje yin// sku gsum 'dus pas rdo rje yin// rdo rje sku de 'dus ma byas// rang lus rtags kyi rdo rje ni// sku gsum rang la yod pa'i rtags// nang gi bcud la ngo sprad pas// sku gsum rang la 'byung ba'i rtags// gsang ba'i don la ngo sprad pas// sku gsum thugs rje rang chas yin// des ni rdo rje dmyal ba yin// rang grol ngo sprod bstan pa yin// na gar badzra adz+nyA Na ti la mu la ma hA// kri ka pra du a si// zhes yis rtsa bshad do// de yi don ni 'di lta ste// dmyal ba rdo rje skye med bstan// skye med ye shes chen po yin// thig pa chen po ma btsal shar// sprul pa'i go cha chen po yin// skye med dbyings sku gcig par thil// zhes gsungs so// lha 'dre gnyis med kyi rgyud las// rdo rje dmyal ba'i chags lugs bstan pa dang// de la thugs rje chos kyi 'khor lo bskor ba'i le'u ste nyer bdun pa'o//// de nas yang dag bshad bya ba// nyon cig rdo rje chos kyi blo gros khyod// thugs rje byin rlabs yas babs pa// lam dang gnas dang gang zag gsum// de la dgongs nas 'byung ba yin// thugs rje yas babs 'byungaba'i dus// srid pa yas mar chags pa yin// dang po rlung yang yas babs pas// de la rtsa bstan thig le byangachub sems// sems la 'byung ba lnga shar ba// thugs rje yas mar chags pa yin// nam mkha' rlung dang chu dang me sa lnga// rang snang yas babs phyi ru chags// phyi 'byung lnga po'i gnad med na// longs sku'i thugs rje 'byung ba med// de yang thugs rje yas babs yin// nang gi 'byung ba lnga yi gnad med na// chos sku'i thugs rje 'byung sa med// de yang thugs rje yas babs yin// gsang ba'i rtsa gsum yas babs yin// gsang ba'i rtsa gsum gnad med na// lhan cig skyes gsum 'byung sa yin// rtsa rnams gcig tu ma 'dus na// rdo rje chos sku'i 'byung sa med// de yang thugs rje yas babs yin// rtsa rnams 'brel ba'i gnad med na// don gyi rgyud la 'byung sa med// de yang thugs rje yas babs yin// rtsa rnams gcig tu ma 'dus na// man ngag lung la 'byung thabs med// de yang thugs rje yas babs yin// de yang thugs rje yas babs yin// rtsa rnams rang 'byung ma shes na// man ngag gnad du 'byung thabs med// de yang thugs rje yas babs yin// rtsa rnams 'khrul mig gnad med na// rgyud lung man ngag rtsa bral 'gyur// de yang thugs rje yas babs yin// rtsa gsum gcig pa'i gnad med na/ thig le nyag gcig 'byung thabs med// de yang thugs rje yas bab yin// gcig po rang grol gnad med na/gzhi lam 'bras bu rang grol med// de yang thugs yas babs yin// thugs rje thams cad yas mar babs// dper nam mkha' la sprin dang char babs 'dra// sUr+ya tsan+d+ra ag+ne sa ne rat+na dz+nyA na gu h+ye ma hA d+harmA d+hA tu b+hi d+ha ma hA mU la sa ma yA badzra kA ya// ti la e ka a// zhes sgra bshad do// nyi ma me ni shes rab rtags// zla ba chu ni thabs kyi rtags// thabs dang shes rab rin chen 'phreng// sa 'di ye shes gsang ba chen po yin// chos dbyings rig pa'i ye shes de// theg pa chen po'i don yin pas// dam can la bstan par bya// rdo rje'i sku de 'dus ma byas// sku gsum thig le nyag gcig go/ skye ba med par bshad pa yi// zhes gsungs so// lha 'dre gnyis med kyi rgyud las// chags dang 'jig dang stong dang gnas pa gsum// thugs rje chos kyi 'khor lo bskor bar bstan pas// gnas chen po rtag pa mi 'gyur ba'i le'u ste nyer brgyad pa'o//// de nas yang dag bshad bya ba// nyan cig rdo rje chos kyi blo gros khyod// mthong rtags theg pa'i grub mtha' dang// rang grol chos min grub mtha' gnyis// phyogs rtogs phyogs med rtogs pa gnyis// lam du sgra mthun khyad par che// gzhi yi grub mtha' phyogs rtogs dang// phyogs med lhun grub rtogs pa gnyis// rtogs ba sgra mthun khyad par che// 'bras bu phyogs rtogs grub mtha' dang// mtshan ma rang grol phyogs med rtogs pa gnyis// rtogs pa sgra mthun khyad par che// gser la sogs pa'i rin chen dang// nor bu rin chen phun tshogs pa// rin chen sgra mthun khyad par che// theg pa sems can bden pa dang// rdzogs chen rang sems 'khrul pa gnyis// sems su sgra mthun khyad par che// dbu ma sgyu mar bden pa dang// gsang sngags sgyu ma brdzun pa gnyid// sgyu ma sgra mthun khyad par che// nyan thos rdul phran bden pa dang// rang rgyal rdul phran sgyu ma gnyis// rdul phran sgra mthun khyad par che// a nu dbyings dang ye shes gnyis su med pa dang// rdzogs chen rang shar gnyis med gnyis// gnyis med sgra mthun khyad par che// tsan+d+ra 'od ldan 'char ba dang// sUr+ya 'od ldan 'char ba gnyis// 'char ba sgra mthun khyad par che// tshogs gnyis bsags nas rdzogs byed dang// tshogs gnyis rang rdzogs chen po de// tshogs kyi sgra mthun khyad par che// ma hA mu la ti la e ka pra sa ra sa dru ka la pa ny+tsa d+ha raM// sa ma ya ma hA mu la a si a// zhes sgra bshad pa// de'i don ni// theg pa chen po'i khyad par las// thig le nyag gcig spros pa las// gnyis med don rtogs rang grol gnad// sku lnga thams cad rang la grub// dam tshig chen po de nyid mkhyen// skye ba med par rang la grub// ces gsungs so// lha 'dre gnyis med kyi rgyud las// theg pa'i rang gzhung grub mtha' ste// de la thugs rje yas babs nas// mthar thug 'bras bu bstan pa'i le'u ste nyer dgu pa'o//// de nas yang dag bshad bya ba// nyon cig rdo rje chos kyi blo gros khyod// de ni gnad kyi ngo sprod bstan par bya// 'gyu ba lta ltangs phyi yi gzer// 'dre kun ngo yis bzung ba dang// sems 'dzin dmigs gtad mi dgos dang// 'od gsal 'khor lo bskor ba ni// phyi ltar bshad pa'i gdams pa yin// lta thabs gcig gis thams cad mthong// dper na za 'og gur khyim la// ma 'dres rdzogs par mthong ba ltar// lta thabs gcig po'i man ngag gces// chos rnams spyi dang rang gi mtshan nyid kyi// lta thabs gcig gis sgro 'dogs gcod// dper na me long bzhin bstan ltar// thams cad rang bzhin sa le rtogs// lta thabs gcig gis 'gro drug mthong// 'gro drug spyi btsan sgo btsan rnams// nam mkha'i gza' skar mthong ba ltar// ma rig bdar sha chos par rtogs// lta thabs gcig gis thig le nyag gcig mthong// lag tu man shel bzhag pa ltar// phyi nang med par zang thal shar// shes bya'i sgrib rdzogs rang grol rtogs// zhes gsungs so// lha 'dre gnyis med kyi rgyud las// phyi nang gnyis la gzer gdab pa'i gtan tshigs kyi gzer// bstan pa dper gzer/ mthong ba tshig gi gzer/ tshigs rnams don gyi gzer gdab pa'i le'u ste sum cu pa'o//// de nas yang dag bshad bya ba// nyon cig rdo rje chos kyi blo gros khyod// gsang dang yang gsang gzer bshad do// de la tshul drug dpe dang don dang gsum// gsang ba bskur tshul nyams dag las// rang 'byung ye shes thig le'o// bla na med pa'i gzer chen ni// dpe yi gzer gyi ngo sprod gces// rtags kyi gzer thabs 'brel ba gces// brda gcig bstan pas don rnams 'char// brda yi gzer ni rtags la bstan// rtags de don la 'char bar 'gyur// zhes gsungs so// lha 'dre gnyis med kyi rgyud las// phyi nang gsang ba gab pa thugs rdol ba'i le'u ste so gcig pa'o//// de nas bcom ldan 'das dpal kun tu bzang pos// rdo rje chos kyi blo gros la// thar pa'i lam chen rgyud kyi rgyal po 'di// byin rlabs rgyal po'i rgyud du zung// lha dang 'dre srin mi grol bas// lha 'dre gnyis med rgyud du zung// thams cad ma lus rdzogs pas na// kun 'dus thig le'i rgyud du zung// zhes gsungs so// rdo rje chos kyi blo gros dang// mkha' 'gro ma nyi ma'i seng ge rjes su yi rangs so// lha 'dre gnyis med kyi rgyud las// rgyud gtad pa'i le'u ste so gnyis pa'o//// chos las 'das pa'i rgyud rdzogs so/ mang+galaM dpal gsang ba snying po'i phyi ma zhes bya ba bzhugs so/ /

CLOSE WINDOW