CLOSE WINDOW

Gpb039.031
བོད་ཡིག

/ de bzhin gshegs pa thams cad gsang ba'i dkyil 'khor las/ gsang ba'i dam tshig chen po'i mdo rtog pa chen po'i rgyal po'o// rdzogs so// rgya gar skad du/ bi ma la uSh+Na Sha/ su pa ra b+hi b+hi sha kar ma si te tan ta/bod skad du/ gtsug tor dri ma med pa sku gzugs mngon par bstan pa'i rgyud/ bcom ldan 'das dpal rnam par snang mdzad chen po la phyag 'tshal lo// 'di skad bdag gis thos pa'i dus gcig na/de bzhin gshegs pa mi dmigs pa las 'das pa/ yon tan mngon par bstan pa/ sku'i rang bzhin du ma 'gags par gsal ba ste/ bcom ldan 'das shAkya thub pa bya ba la sogs pa gcig dang bsam yas pa bgrang ba'o// gzhan yang bcom ldan 'das 'khor lo oM gyi rang bzhin rnam par snang mdzad chen po dang/ rdo rje hUM las bskyed pa rdo rje'i rigs dang/ rin po che traM las skyes pa rin chen 'byung ldan dang/pad ma hri las bskyed pa snang ba mtha' yas dang/ ral gri a la sogs pa don yod grub pa la sogs pa'i/ byang chub sems dpa' byams pa mai tri dang/ sgrib pa sel ba la sogs pa bsam gyis mi khyab brjod kyis mi lang ba'i tshogs yum dang sems pa dang bcas pa de dag nyid du sku mi mnga'/gsung brjod pa dang bral ba mi rtog pa'i ngang nyid las mchod rten du gyur pa'o// de dag kyang chos kyi dbyings brjod pa dang bral ba'i 'og min gyi gnas dmigs pa med pa'i dkyil 'khor na gnas par gyur to// de'i tshe de dus na dus dang mtshams med par chos kyi sku'i gzugs brnyan mchod rten du rnam par gzigs nas/'di skad ces gsungs so// de bzhin gshegs pa gang gi tshe/ rtogs pa rnam par bral ba'i tshe/ bsam gyis mi khyab gnas pa kun/ gang de rig pa'i don grub dang/ de dag rnam kun 'dus pa'i tshe/yang dag don de 'di skad du// rang bzhin lhun grub mchod rten dang// tshad med bzhi yi mchod rten dang// pha rol phyin pa'i mchod rten dang// sprul pa bstan pa'i mchod pa'i mchod rten dang// rig pa las grub mchod rten dang// dpe las 'das pa'i mchod rten dang// rigs las gyur pa'i mchod rten dang// brtags pas snang ba'i mchod rten dang// don du bsgrubs pa'i mchod rten dang// mtha' ru phyin pa'i mchod rten dang// theg pa'i bye brag mchod rten dang// rdul bsags dag gi mchod rten dang// mtshon du med pa'i mchod rten dang// mtshon pa thabs kyi mchod rten dang// byang chub sems dpa'i mchod rten dang// ting nge 'dzin gyi mchod rten dang// gzugs brnyan dag gi mchod rten dang// 'phrin las rnam bzhi'i mchod rten dang// dngos po tha dad bris pa dang// khams gsum mchod rten la sogs pa// bsam gyis mi khyab ngas bstan to// dam tshig spyod dang dkyil 'khor dang// lta ba rang bzhin gnas pa dang// spyan 'dren mchod 'bul bstod pa dang// khrus dang smon lam dbang bskur dang// bsgrub dang grub pa'i sangs rgyas kun// chos kyi sku ru ye nas gsal// skye ba med pa chos kyi sku// de nyid mchod rten zhes su grags// chos nyid gcig dang bsam yas ba// don dam nyid las bgrang med de// ji snyed 'di la tha dad bstan// bstan pa nyid na brjod las 'das// rdzogs pa'i sangs rgyas de rnams kun// chos sku'i mchod rten de las byung// byung ba nyid na rtog las 'das// khams gsum rgyud drug sdug bsngal kyang// mchod rten ma rig de la yod// las dang sdug bsngal sbyong ba yang// mchod rten 'di las grub par bshad// mchod rten mngon par bstan pa las// gling gzhi phun sum tshogs pa bstan pa'i le'u ste dang po'o//// de nas de bzhin gshegs pa dgra bcom pa yang dag par rdzogs pa'i sangs rgyas rigs bzhi pos 'di skad ces gsol pa/ kun mkhyen ston pa dgongs su gsol// sems can kun gyi don slad du// mchod rten dam pa bshad du gsol// sems can nyen pa'i don gyi phyir// gzugs sku'i mchod rten bshad du gsol// gnod pa'i rgyud nas bzlog pa'i phyir// sprul pa'i mchod rten bshad du gsol// bla med byang chub thob bya'i phyir// bsgrub bya'i thabs rnams bshad du gsol// zhes zhus pa de thos pa dang/ ston pa de dge nas bzhad pa mi mnga' bar spyan gdangs nas ljags brkyang ste bka' stsal pa// don de 'dod na legs par nyon// mchod rten rnam pa nyi shu po// nga yis phye ste bshad par bya'o// khyed rnams gang la 'tsham pa de// mthun par bstan pa 'di kun yin// sprul pa'i thabs su khyad par mang/don du gcig las mi chad do// de skad ces glengs bslang ba de ma thag la/ bcom ldan 'das de'i thugs ye shes las g.yos pa mi mnga' bar/ tha dad pa'i dbang gis snang ba mi mthun pa 'di ltar gyur te/la la ni 'og gser gyi sa gzhi/ de'i steng du rlung gi dkyil 'khorade'i stengadu chu'i dkyil 'khor/ de'i steng du rin po che las grub pa'i ri rab dang gling du bcas pa'/ stong gsum gyi chen po'i mi mjed kyi lo ka'i khams su snang ste/de nas dpag bsam gyi shing yongs 'du sa brtol du snang ste/ rtsa ba dmyal ba'i yul du zug/ sdong po klu yul du skyed/ lo 'dab yal ga sum cu rtsa gsum lha'i yul du skyes te/ del phyogs bzhir tshal chen po bzhi/ phyogs bzhi nas ngad ldang ba/ rdzi phyogs su dpag tshad lnga brgya ldang ba/ yal ga brgya rtsa brgyad dang ldan par snang bar gyur to// la la ni me tog u dum 'bar ba'i rgyu sa bon dang/sa la myu gur gnas pa dang/ sdong bu dang/ yal ga dang/ lo 'dab dang/ 'bras bur smin pa dang/ sems can thams cad kyi sman dang rtsi bcud du 'gyur ro// la la na phyogs bzhi mtshams brgyad mchod rten chen po brgyad rang snang bar 'gyur ro// lho'i 'dzam bu gling du sprul pa'i mchod rten ka ni ka snang bar gyur to// lho nub mtshams su yid bzhin lhun gyis grub pa'i ka ni ka dang/ nub tu dpe med bsam las 'das pa'i ka ni ka dang/nub byang mtshams su rin chen brtsegs pa'i ka ni ka dang/ byang phyogs su smad grags chos kyi ka ni ka dang/ byang shar mtshams su khams gsum bde rgyas sgrol gyi mchod rten ka ni ka dang/shar phyogs su byams ldan btang snyoms gtar gyi mchod rten ka ni ka dang/ shar lhor don grub brgya khram brtsegs pa'i mchod rten ka ni ka cig 'byung bar gyur to// la la ni shAkya dang po yum gyi lhums su zhugs pa dang/shing la 'jus na bya snyengs mdzad nas bltams pa dang/ rab tu byung ba dang/ dka' thub mdzad pa dang/ grong khyer du bsod snyoms mdzad pa dang/ de nas li'i yul du sbal lcong mi ru bsgyur ba dang/yul wA rA Na sir chos kyi 'khor lo bskor ba dang/ de nas rtag tu re ba sun dbyung ba'i don du rdo rje gdan la mngaun par rdzogs pa sangs rgyas pa nyid du snang bar gyur to// la la ni shar phyogs kyi 'jig rten gyi khams gad+gA'i klung gi bye ma snyed na/byams pa rdo rje brtsegs pa yis mchod rten chen po cig rang byung// lho phyogs kyi 'jig rten gyi khams gad+gA klung gi bye ma snyed na/ snying rje rang na brtsegs pa'i ka ni ka cig byung/nub phyogs logs kyi 'jig rten gyi khams gad+gA klung gi bye ma snyed na/ dga' ba rab snang pad ma brtsegs pa'i ka ni ka cig byung/ byang phyogs logs kyi 'jig rten gyi khams bye ma snyed na/btang snyoms rgya gram brtsegs pa'i ka ni ka cig rang byung du byung bar gyur to// la la ni ngan song sbyong ba'i dkyil 'khor dang/ rdo rje dbyings kyi dkyil 'khor dang/ don yod grub pa'i dkyil 'khor dang/ rdo rje bkod pa'i dkyil 'khor dang/dkyil 'khor bsam yas pa de snyed du snang bar gyur to// la lar ni lha dang lha mo'i tshogs brjod pa las 'das pa ji snyed du snang bar gyur to// de nas de bzhin gshegs pa kun gyi bdag nyid ston pas bka' stsal pa// rtogs dang mi rtog rnam spangs pa'i// de bzhin nyid du gnas pa la// chos kyi sku zhes ngas bstan to// rtogs dang bral ba'i chos nyid la// tha snyad ma 'gags de btags pas// gzugs brnyan zhes ni de las byung// ji ltar rgya mtsho dwangs pa la// gzugs brnyan sna tshogs snang ba bzhin// rgya mtsho gzugs brnyan gnyis ka la// snang dang snang bya'i rtog med de// tha dad rtog pa de ltar snang// chos sku nyid dang mchod rten la// tha dad rtog pa mi mnga' ste// sems can rtog pa tha dad bzung// yang dag pa ru bstan pa med// phyi nang snod bcud dag rtogs na// mchod rten gcig btab kun la gsal// rang bzhin dag pas dri ma med// skye med dbyings las thams cad skyes// rang 'byung mchod rten ye shes sku/ thugs rjes byin rlabs rmad po che// sems can yongs la sman pa 'byung// mi bde'i sdug bsngal yongs bsal nas// sems can kun la byams sdug ldan// la lar ston pa dgyes par snang// la lar kun la 'chad par snang// la lar 'jig rten chags par snang// la lar dpag bsam shing la spyod// la lar me tog u dum 'bar// la lar mdzad pa bcu gnyis 'byung// la lar rang 'byung mchod rten mthong// la lar rdo rje'i 'khor lor mthong// la lar de bzhin gshegs par mthong// la lar dkyil 'khor dag tu snang// la lar theg pa dgu yi dbyibs// la lar logs spyod mthar spyod mthong// la lar yab yum rol par mthong// la lar sangs rgyas nyid du mthong// la lar las rnams rdzogs par mthong// la lar sangs rgyas brgya rtsa brgyad du mthong// la lar mchod rten nyungs 'bru tsam// la las 'jig rten khams dang mnyam// la las bang rim bgrang du med// la lar bang rim bgrang du yod// la las mchod rten gzhal yas khang// la las rdzu 'phrul ston par mthong// la las tha dad mang por mthong// mchod rten sku gdung bde ba la// dbye dang mi dbye gang yang med// ston pa mchod rten chos kun la// tha dad bstan pa'i gsungs mi mnga'// zhes gsungs par snang ba'o// mchod rten mngon pa'i rgyu da las// gleng bslang ba'i don bstan pa'i le'u ste gnyis pa'o//// de nas de bzhin gshegs pa thams cad yang 'dus nas// dgyes pa cig las 'di skad ces gsungs so// chos rnams ye nas dag pa la// log rtog dbang gis ci zhig sgrib// chos sku skye med mchod rten la// gzugs brnyan sna tshogs cir snang yang// kun kyang mchod rten rang bzhin no// phyi yi snod nyid gling rnams kyang// chos kyi dbyings su gcig pa la// skye med chos kyi sku zhes bya// de las mchod rten gzhan na med// bcud kyi 'jig rten 'gro ba kun// rin chen skye med rtogs pa las// rig pa'i ye shes gsal bas na// don dam mchod rten de nyid do// phyi nang snod bcud gnyis med la// dbyings dngaye shes gnyis med la// chos sku zhi rtog med la// gzugs sku mchod rten dbyings su bstan// yul dang dbang po rnam shes rnams// thams cad ye nas ye shes la// mchod rten dbyibs su snang ba las// gzhan du rtog pa ga la yod// sa dang me dang chu dang rlung// thams cad kyi ni nam mkha' rnams// gnyis med chos skur gyur pas na// mchod rten dbyings su tha dad gsal// skye 'gro g.yo dang mi g.yo rnams// las kyi dbang gis tha dad kyang// yang dag don du rtag byas nas// mchod rten tha dad bsam yas so// dngos rnams nyid nas dngos med pas// brtags pa'i snang ba'i dngos po med// mchod rten dngos po med pa'o// gnyis su med pas sangs rgyas sku// khams gsum srid gsum dus gsum rnams la snang// sangs rgyas byang chub sems dpa' la// mchod rten sku gsum lhun grub pa// rtsa ba byang chub sems rtogs na// chos rnams kun gyi rtsa ba yin// chos sku mchod rten rtsa ba ste// rang gi sems las gzhan na med// bdag dang gzhan dang dngos po rnams// ye nas chos nyid yin shes na// chos nyid dngos dang bral ba de// kun gyis mchod rten gnas so// las rnams rgya mtsho spyad byas kyang// don mchod rten chos sku 'grub// las kyang mchod pa yin pas na// las la rton pas mchod rten no// lta ba che la bdag gnas na// mchod rten kun gyi mnga' bdag yin// bdag la mchod cing bdag la rten// gzhan gyi mchaug rten tha snyad yin// bdag gi mchod rten don dam yin// gzhan la ma bskor bdag la bskor// gzhan la ma mchaud bdag la mchod// bdag la bdag nyid dbang thob bya// bdag la bdag nyid sku khrus gsol// rang 'byung mchod rten bya ba de// rang las byung bas rang byung ngo// sprul pa'i mchod rten sna tshogs kyang// bdag gis spyod pas gzhan la 'dul// sprul pas 'dul ba'i mchod rten ni// dbyings kyi bye brag de dag kyang// bdag nyid chen po 'di las 'byung// bdag nyid ces pa gnyis med don// tha dad byung bas chad pa sel// sna tshogs snang la rang bzhin med// rgya mtsho me long gzugs brnyan bzhin// snang yang tha dad rtog pa med// sa 'jim la sogs byams pa dang// rmang dang khri 'phang bang rim rnams// bum rten bum pa srog shing dang// 'khor lo char khab tog bum dbu// thabs dang shes rab gnyis po la// sku gsum rtags su bstan pa kun// tha snyad yin te mtshon pa'i phyir// thabs kyi dbyings dang mtshan du bstan// yang dag don la kun med// gser dngul 'khar zangs la sogs pa// lugs dang brdungs dang bstod la sogs// sems can don du bstan mod kyi// yang dag mchod rten de dag min// dar dang za 'og tshon rtsi dang// shing la sogs pa bris pa de// mtshon pa tsam du bstan pa las// chos kyi sku la bstan pa med// skor phor gzugs dang phyung ba ste// mtshon pa yin te don du med// btabs pa gzhan yang sna tshogs la// ston pas bstan te mthun pa'i phyir// ston pa'i ston pa de nyid dang// ston pa'i bka' brgyud de dang tshig/ sems can bstan pa'i gnas rnams dang// de la sogs pa bsam yas kun// de dag thams cad sgyu ma 'dra// sgyu mas gzhan dag tshim byed kyang// gzhan dang sgyu ma gnyis ka la// don du grub pa gang yang med// gzugs su bstan pa'i mchod rten yang// dam pa'i don du dngos po med// lta ba 'di la gnas pa ni// sangs rgyas nyid du nges pa'o// mchod rten mngon par bstan pa'i rgyud las// lta ba'i ngang la gnas pa'i le'u ste gsum pa'o//// de nas yang de bzhin gshegs pa kun dang mthun pa ru yong bar bya ba'i phyir 'di skad ces gsungs so// chos kyi dbyings kyi pho brang nas// rtog bral chos nyid ngang las ma g.yos kyang// sems can don du chos kyi sku ru bzhengs// yid bzhin lhun grub bkra shis gzhal yas 'dir// rang 'byung ye nas dag pa chos kyi sku// nges par mkhyen pa'i rmad 'byung ka ni ka/ rnam dag pad ma rgyas pa'i gdan stengs na// 'og gi rmang khri ya mtshan rdo rje brag/ gyen du khri 'phang ya mtshan dkon mchog gsum// shel gyi bum pa dri ma med par dag/srog shing ma skyes byang chub sems kyi ngang// mi gnas mi dmigs chos kyi dbyings dang 'dra// khams gsum mi 'gyur g.yu rung byang chub mkhar// skyon bral yang dag don gyi mchod rten yang// thugs rje'i dbang gis chos kyi dbyings nas gzigs// sngon gyi smon lam dbang dang da lta'i thugs rje yis// shar phyogs mngon par dga' ba'i 'jig rten na// rin chen ri bo dag pa'i mchod rten bzhugs// gzhi rmang dge bcu pad+ma dag pa na// dran pa nyer gzhag rmang gi khri 'phang gdan// sdig pa spangs pa'i rim pa gnyis pa lags// rdzu 'phrul rkang pa bzhi yi rim pa gsum pa dge/ rnam grol dbang po lnga yi rim pa bzhi pa bzang// stobs lnga byin bsdus bum pa kun tu zlum// thugs rje tshad med srog shing gzhung btsugs 'dra// bdus bzhi pham mdzad chos kyi rgyal mtshan gzi// bla med mnyes pas gdugs mchog kha la 'phags// rnam dag tshul khrims me tog 'phreng ba bzang// des par mkhyen pa'i rmad byung ka ni ka/ khyad bar cir yang 'phags pa'i sku gzugs sna tshogs bstan// rnam dag zab mo chos dbyings dkyil 'khor 'dir// nyon mongs skyon gyis ma gos nam mkha'i rang bzhin la// 'khrul pa ting 'dzin chags phyir sku bstan pa// 'khor lo brtsegs pa'i mchod rten gshegs su gsol// byams pa chen po tshad med yangs pa'i chos// gdug pa'i tshogs rnams zil gyis gnon mdzad cing// me long lta bu'i chos kyi don rtogs pa// byams pa brtsegs pa'i mchod rten gshegs su gsol// dga' rab don phyir 'phrul pa'i sems spangs pa// 'jig med rin chen bang rim brtsegs pa la// sprul pa'i yon tan tshogs kyi 'phreng bas brgyan// rin chen brtsegs pa'i mchod rten gshegs su gsol// nyon mongs rtog bral pad+ma 'byung ba'i gnas// dga' ba brtsegs pa'i mchod rten bdud bzhi 'joms// bum pa chos dbyings spros pa med pa'i dbyings// pad+ma brtsegs pa'i mchod rten gshegs su gsol// nyon mongs 'khor ba'i sdug bsngal las kyis sbyongs// rnam par rtog pa'i mtshan ma kun bcom nas// bsod nams dge tshul 'phags rnams mchod rten brtsegs// byang chub rdzogs pa'i mchod rten gshegs su gsol// rigs lnga ye shes lnga dang sku mtshan lnga// rang bzhin lhun grub ngang las ma spros kyang// bden pa'i ye shes bzhi yang lnga lngar ldan// rigs bzhi sems dpa' bzhi bzhis bskor ba yang// 'gro ba'i don du mchod rten lnga lngar sprul cing gshegs su gsol// shAkya thub pa sprul pa'i sangs rgyas te// sku yi 'od zer sprul pas sgrib pa sbyong// sprul pa sna tshogs mchod rten dbyings su bstan// 'dod 'byung sprul pa'i mchod rten gshegs su gsol// byang chub mchog tu sems skyed bsod nam bsags// yid bzhin dpag bsam la sogs mchod rten brgyad// dge tshul bsod nams bsags pa'i mchod rten gshegs su gsol// theg pa sna tshogs sgo nas bgrod pa yang// byang chub sems mchog gang la skyes pa de// theg pa kun gyi mchod rten gshegs su gsol// byang chub gzhan yang mgron gyi byang chub sems dpa' dang// la las chos kyi srungs ma dang// dad pas nyan pa'i 'khor tshogs dang// chos kyi kun nas 'brel ba las// byang chub sems 'di dmigs pa mchog/ sems can don du gnas par bya// chos kyi dbyings nyid rtogs dang bral// de rtogs mchod rten gnas pa yi// phyogs bcu'i 'jig rten gang dag na// mchod rten gnas pa ye nas gnas// spyan drangs byon pa mi mnga' ste// bkur sti rim gro'i tshul gyis na// dngos su gzugs brnyan mchod rten bzhugs// sems can rnams kyi don gyi phyir// tha dad mchod rten gnas nas bskyod// phyogs bcu'i sangs rgyas bzhugs pa rnams// dus gsum dag tu mtshon nas 'dren// byang chub sems dpar grags pa rnams// dbyings nas spyan 'dren mchod kyi gshegs// yang dag don du gshegs bzhud mi mnga' yang// sems can dad pa bskyed pa'i phyir// rdo rje'i gdan dang pad+ma'i gdan// rin chen khri la sogs pa'i gdan// rig pa'i byin rlabs dag gis gding// gdan dang mtshan ma'i rigs rnams bzhugs// mchod rten bsam gyis mi khyab pa// dngos su dad pas dmigs shing bsam// yang na chos sku gcig tu bsdu// mang por bshad kyang bsdu ba de// chos sku nyid la rtog mi mnga'// 'dul ba'i dbang gis snang ba yi// zhes gsungs so// mchod rten mngon par bstan pa'i rgyud las// spyan drangs pa ltar bstan pa'i le'u ste bzhi pa'o//// de nas de bzhen gshegs pa rnam par snang mdzad la sogs pa 'dus nas 'di skad gsungs so// gsang sngags don du bsngags pa ni// dam tshig don du bsngags pa ste// yon tan bsam yas 'di las 'byung// lta bas bstas nas gcig las med// bsrung dang bsgrub phyir dam tshig ste// 'das pa rnams la skyon du gzhag/ bsrungs na mchod rten sku ru gzhag/ dad la slob dpon mnyes par bya// lus dang ngag dang yid rnams kyis// shes pas phyag dang gus pas bkur// sems la sel med dad pas gdung// da lta'i slob dpon dngos la yang// dngos su bkur du yod pa de// med na ji lta bkur bar bya// bla ma'i bla ma de la bskur// de yang med na bla ma'i bla ma grogs// bla ma dngos su bsam la bkur// ci ste zhe na don dam cig/ gal te lan cig bla ma yi// bla ma gang yin bdag ces 'dzin// de la bkur bar byar rung na// bla ma'i dam tshig dbang yin pas// bla ma'i bla ma gong mar gsal// slob dpon sku la mnyam pas na// chos sku bshig pa'i sdig pas che// bla ma'i grib ma 'gom byas na/ sangs rgyas sku bsad sdig pa mnyam// bla ma'i gsung la sgros btags na// lce yi dbang po brgya bar 'gyur// de re zhe re slebs pa la tshal pa'i zhing rmo lta bur 'gyur// bla ma'i gsung la skur btab na// lce yi dbang po mi ldan zhing// dam pa'i chos dang gtan du 'bral// sdug bsngal bsam gyis mi khyab bo// slob dpon thugs la smod pa ni// rang gi sgron me rang gsod 'dra// bskal pa brgya ru mun par 'khyams// thar pa'i skabs med rigs chad yin// de bas smad par mi bya'o// dkyil 'khor ngo ston dbang bskur pa'i// slob dpon de la smod pa ni// ro myags mtsho yi nang du skye// me tog gling la dmigs ltas te// ro myags sdug bsngal las kyis mnar// steng nas lcags kyi tho lum gyis// sdig cing khong du sreg par byed// me tog gling du ga la phyin// de bas nges par slob dpon bkur// ston pas gsungs pa'i bka' las ni// slob dpon mgo la dam tshig dmigs// slob dpon mgo ltar bkur bar bya// rang mgo bcad pas smad pa tha// bka' stsal mig ltar bkur bar bya// rang mig rang gis bcar ba bas// slob dpon tshad ma'i mgo bcad thu// de bas bkur ba'i rim pa gyis// bkur ba mgo ltar yun du khur// man ngag mig ltar yun du tshos// snying gi dkyil du kun tu zhog/ mched lcam gcig la gcig srung na// 'jig rten 'di la lhan cig tu// lus mchog bzhin du thugs mchog bskyed// thugs mchog dus dang rnam bzhi ru// mi 'bral khrag dang chu ser 'dra// lhan cig mnyan bsam bsgom byas pa// de rnams don la dbyer med pas// dus dang bskal ba'i mtha' med cing// de rnams brgya la ngan smod na// rang srog rang gcod dpe dang 'dra// rang gi don la rang smod pa// bskal pa brgyad khri bzhi stong du// tsha grang brgyad kyi sdug bsngal myong// mchod rten dag la smod pa ni// rang gi sems nyid gtan spangs nas// rigs chad gnas su sdug bsngal myong// chos sku gzugs brnyan ma rtogs na// legs par dge bcu spyad byas kyang// lhar skye lan cig lhung bar 'gyur// thugs kyi dam tshig mchod rten yin// byang chub sems nyid spros bral bas// chos sku gzugs brnyan mchod rten yin// de ltar rtogs na nyams pa med// phyi nang snod bcud ma lus pa// rang bzhin dag pa gsum du shes// kun rdzob gzugs brnyan dag pa dang// don dam dngos med dag pa dang// gnyis su med pa chos kyi sku// de ltar rtogs na dam tshig yin// phyag rgya mchod rten yin pa ste// mchod rten nyid kyang phyag rgyar gsal// rigs dang lha rnams phyag rgya rnams// mchod rten dbyings su tha dad bstan// de nyid srungs na nyams pa med// dkyil 'khor ri mo'i gzugs la sogs// tha dad mang por ston pa yang// de rnams nyid ni mchod rten yin// de ltar bsgoms na nyams pa med// kri ya'i mchod rten bzhengs pa na// mchod rten dbyings don rtogs pa dang// gru bzhi dag par bya ba dang// dmigs pa yan lag ldan pa rnams// rtsa ba'i dam tshig lngar ldan dang// nya sha la phug sgog btsong spang/ cho ga'i yan lag tshang bar bya// de ltar bsrungs na dngos grub thob// mtshan nyid theg pa skur bzhengs na// sdom pa nyi shu phyi nang bsrung// byang chub mchog gi chos rnams dang// sum cu rtsa brgyad rtogs pa las// de 'dra'i sku ni gzugs bzhengs na// dus gsum sangs rgyas dmigs byas la// de la mchod pa lugs mthun 'bul// de las gzhan gyur skyon rnams spang// de ltar gzhung lugs ma nor na// dngos grub gang 'dod de ltar 'grub// sdom pa gnas pas gnas pas byas na 'grub// rang sangs rgyas kyi mchod rten la// rten 'brel zab mo rtogs pa dang// sder langs blo can gang yang rung// sku yi gzugs brnyan bzhengs gsol nas// rten 'brel snying po bris btsug na// rten 'brel rtogs na sdom pa yi// sa yang sdom pa gnas pas 'grub// nyan thos sgor zhugs dge slong dag/ mchod rten bzhengs su gsol ba na// rmang dang khri 'phang bang rim rnams// bum rten bum pa la sogs pa// srog shinga'akhor lo tog dang bcas// nyan thos theg pa chos kyi lugs// mchod rten de la tshang bar bstan// nyis brgya lnga bcu bsrung byas nas// mchod la nyan thos lugs bzhin dbul// de gzhung ldan de de bdag 'grub// dkyil 'khor mchod rten bsam yas kyang// dam pa'i don du gzhung bzhin dpyad// dam tshig bsrungs pa de ka bzhin// sdom pa med na dam tshig gang// dam tshig med na yon tan gang// dam tshig ces su bshad pa de// sgrub pa po yi snying po'i yin// 'di la gnas pa'i sgrub pa po// myur du dngos grub thob par byed// dam tshig med par gyur pa na// mchod rten gzhung ltar bshad byas kyang// 'bras bu yon tan mi 'grub ste// dmyal bar nges par lhung bar bstan// dper na sa bon tshig pa las// chu lud rkyen gyis bran byas kyang// myu gu 'bras bu mi 'byung ste// yid chad nyon mongs skye bar 'gyur// rtsa ba rtsa ba'i dam tshig ni// sems nyid dag pa chos kyi sku// mchod rten gzugs su shes pa 'o// rtsa ba'i yan lag dam tshig ni// slob dpon mched lcam khur ba yin// yan lag rtsa bar bstan pa ni// sngags dang phyag rgya bcing bzlas pa// dbang ma thob par 'chad pa dang// theg pa dman pa smad pa yin// rtsa ba'i yan lag tu bshad// mngor na so sor ma shes na// bsrungs kyang nyams pa'i bag la gnas// ngo ma shes na ming mi shes// mun pa sros nas nam mkha' 'gag/ lta ba'i dam tshig spyi ru bzhag/ spyod pa gnas na spyod pa bsrung// 'phrin las byed na las kyi bsrungs// 'tsham par bsrungs na dam pa yin// nyams pa'i bzhi ni de las med// dngos su bsrungs par bya ba la// mchod rten mi spang rtag tu spangs na sems nyid spangs// mchod rten rtag tu bcangs pa de// rtsa ba sems nyid rtogs pa yin// mchod rten spangs par gyur pa na// yan lag cho ga tshang byas kyang// mchod rten spangs pa'i rnal 'byor pa// chu shing rul pa dngos dang 'dra// mchod rten yangs pa'i gang zag de// kha yis theg pa kun 'chad kyang// bra kha nas kyis bcad pa 'dra// spre lcam dgongs med mchod rten spong// kha yis bzlas pa byed pa yang// ting 'dzin mchod rten ma gsal na// dmus long mdog la 'chad pa 'dra// rang bzhin mchod rten rtogs par bya// ting 'dzin mchod rten sems kyi bsgom// gzugs brnyan mchod rten bzhengs par bya// mchod rten bsam gyis mi khyab kyang// sems can rnams kyi don phyir bstan// don dam mchod rten chos skur bstan// theg pa'i bye brag med pa la// mchod rten bye brag bstan mi bya// gzugs brnyan mchod rten bzhengs pa la// rab tu gnas pa'i mchod pa yis// dngos grub zhal gso ma byas na// rin chen rnyed nas blangs bskur 'dra// rab gnas byas pa'i sku gdung 'dra// dngos su bskor ba ma byas na// chos sku ma rtogs spang bar 'gyur// bskal pa'i sgrib pas sgribs pa yin// bskor bas bskal pa'i sdig sgrib byang// dam tshig mchod rten bskor ba yin// sku gdung dag la phyag mi 'tshal// byang chub sems rtogs chos kyi sku// chos kyi sku la mi gus pa// rtsa ba'i dam tshig nyams dang 'dra// dngos su phyag byas dngos grub thob// dam tshig med par gyur pa na/chos sku'i gzugs brnyan med par 'gyur// dam tshig yod par byung pa la// nam yang bde ba med par bshad// mchod rten mngon par bstan pa'i rgyud las// mchod rten gyi dam tshig bstan pa'i le'u ste lnga pa'o//// de nas yang de bzhin gshegs pa thams cad 'dus nas// mchod rten 'byung ba zhes bya ba'i ting nge 'dzin la snyoms par bzhugs nas 'di skad ces gsungs pa// chos la dmigs pa bdag med pas// chos sku'i gzugs brnyan dpag med tha dad bstan// theg pa gcig dang theg pa lnga// gzugs brnyan mchod rten de ltar 'byung// mchod rten dag la gcig tu mnyam// theg pa'i dbyings la so so'o// mnyam nyid chos skur mchod rten mnyam// de la dbye ba'i rtog pa med// gang zag blo la dbye ba snang// don dam nyid du gcig las med// lnga bstan blo yi rim pas snang// de las gzhan yang bsam mi khyab// de la nyan thos mchod rten cha lugs ni// chos gos bzhi bltab byas pa'i steng// spar bu kha spub dag tu bzhag/ gseg shang bgreng lta bu ste// 'phags pa nyan thos mchod rten yin// rang rgyal dag gi mchod rten ni// rmang la khri 'phang med pa ste// bang rim bzhi pa bden pa bzhi// bum rten bum par bcas pa ste// srog shing dang ni tog gis brgyan// 'khor lo brgyad pa sa brgyad yin// 'di ni nyan thos 'khor lor bzhag/'dir ni 'khor lo bcu gnyis pa// rang rgyal rnams kyis bzhengs gsol pa'o// byang chub sems dpa'i mchod rten ni// gdan khri bang rim gcig par bcas// bang rim bzhi pa bum rten bcas// bum pa bre ga kha khyer bcas// srog shing tog dang char khab bcas// 'khor lo zla ba bcu tshes bcas// byang chub sems dpa'i sku gdung yin// kri ya'i mchod rten bya ba ni// rmang gi khri 'phang gsum par bya// dbus kyi snying po zur bzhir bstan// bang rim gsum gsum dgu brtsegs gtang// dang po gsum ni yid tsam dgye// bar pa gsum ni yid tsam sgu// tha ma gsum ni yid tsam dgye// 'khor lo bcu gnyis rim par ldan// bum rten bum pa bre gar bcas// srog shing tog dang char khab bcas/ kri ya'i sku gdung yin par bshad// rnal 'byor sku gdung mtshan nyid ni// rmang gi bang rim gnyis pa ste// dbus kyi snying po zur bzhir bad// bad kyi snying po zur bzhir bad// bad kyi tshad ni 'bur bzhir dgod// de steng kha khyer gnyis pa dgod// kha khyer la yang 'bur tshang gtang// de nas mchod rten lnga par bya// rdo rje rtse lnga bgreng ba 'dra// bang rim lnga dang bum rten lnga// bum pa lnga dang srog shing lnga// me tog char khab lnga rnams bya// 'khor lo bcu gsum rim par bya// zla tshes rtse la lnga lnga bya// gzhan yang 'khor lo lta bu brtsegs// pad+ma brtsegs rin chen brtsegs// rgya gram brtsegs pa la sogs rnams// rdo rje brtsegs pa bshad pa bzhin// rim pa gtang ba tshang bar bya// tha dad mchod rten bshad pa ni// sgo mangs bkra shis mchod rten ni// mchod rten bzhi yi chen por bya// de la glo 'bur che chung bzhi// ngos bzhi nas ni bskyed par bya// bang rim lnga lnga gtang bar bya// dbus kyi cha yi snying po ni// ngos bzhi dag la bcu bcu sgo// 'dor na sgo ni bzhi bcu yod// ngos gcig dag ni 'bur la yang// ngos gsum yod de sgo gnyis gdod// 'bur gyi g.yas g.yon gnyis bzhi ru// sgo ni rnam pa gnyis stod nas// mdo ru bzhi dang drug la bcu// bcu phrag bzhi la bzhi bcu tham// bang rim lnga yi 'og ma la// sgo ni nyi shu gzhug par bya// de yi de las re re gzhag/ de ltar gzhag pas nyi shu yod// de ltar gnyis la drug cu'o// phyi ma bang rim bzhi po la// nyi shu yod pa rim pa bzhin// de las gzhan ma mthun par bya// 'khor lo lnga ru bstan pa'o// bum pa zlum po'i mchod rten ni// 'og gi rmang yang zlum po la// rim pa gcig tu bshad pa yin// bzhi yang zlum la bang rim yang// zlum po nyid du bstan pa yin// nam yang bang rim phyi bzhin bya// bum pa char khab 'khor lo rnams// phyi nang nang med par gsal bar bya// nang na chos sku gzugs brnyan rnams// lnga bcu zur dang bang rim lnga// bcu zur bang rim bco lnga pa// 'khor lo lnga bcu yang na lnga// zur bzhi bang rim bzhi pa de// rgyas pa'i las te bum rten ni// rin chen zur brgyad dag tu bshad// zur gsum zla gam la sogs rnams// mchod rten dbyings su gang yang bstan// rdul gcig rdul snyed la sogs rnams// mchod rten gzugs su ye nas bstan// sku yi mchod rten sna tshogs te// dbyibs dang sku mdog la sogs rnams// mtshon pa thabs kyi rgyal po yin// ma 'ongs pa yi sems can la// sku yi mchod rten bstan pa'o// gsung gi mchod rten cha lugs ni// man ngag tshig gi snying po brjod// bshad pa mdo sde gsung rab brjod// don dam nyid du dngos med pas// gsung gi mchod rten gzung du med// thugs kyi mchod rten cha lugs ni// dpe med bsam 'das nam mkha' che// ting nge 'dzin pas cir yang gsal// ye shes nyid las cir yang 'phags// thams cad mkhyen pas sku gsum 'grub// chos sku rtogs med kun las 'das// byang chub sems la dmigs pa med// dmigs med de nyid sna tshogs te// nam mkha'i mtha' dang rgya mtsho'i rdzings// byang chub sems kyi mchod rten bris// 'ja' tshon lta bur dngos po med// snang zhing stong la stong zhing gsal// sku gdung mngon par bstan pa'i rgyud las// mchod rten gyi dbyibs bstan pa'i le'u ste drug pa'o//// de nas de bzhin gshegs pa thams cad dang/ rigs lnga dang/ rigs gsum dang/ rigs brgya phrag mtha' yas pa dang/ byang chub sems dpa' tshogs dang/ lha dang/ mi dang/ 'jig rten pa dad pas nyan pa bsam yas dang/ rtsol ba byed kun 'dir rang rang gi dad pas ston pa'i spyan sngar mngon sum du 'dus nas/ ston pas bka' stsal pa/ sangs rgyas byang chub sems dpa' rnams/rtog dang bral te mnyam pa'i ngang/ khams gsum pa yi 'gro ba kun/ rgyal chen lha dang phyogs skyong rnams/ mi yi dam pa khom ldan kun// chos sku'i gzugs brnyan 'di dag ltos/ zhes brjod pa las/la la ni dus de nyid du bde ba thob/ la la ni rtog pa skyes nas sems bskyed/ la la ni brgyal ba las/ lha'i dbang po brgya byin gyis langs nas/ ston pa la zhu pa/ bcom ldan 'das legs so/ bde bar gshegs pa legs so// zhes zhus pa dang/ ston pas bka' stsal par dgongs te/ ko'u shi ka gang de'i lo// ko'u shi ka zhes gsungs nas/ zhal 'dzum pa mdzad do// zhal 'dzum pa mdzad pa des/ brgya byin dad nas/bcom ldan 'das lung bstan du gsol/ bde bar gshegs pa lung bstan du gsol/ ston pa chen po lung bstan du gsol/ zhes gus pa bskor ba byas/ zhabs la gtugs nas zhus pa dang/ston pas bka' stsal pa/ ko'u shi ka ngas bshad kyis/ rna ba lhogs la nyon ces bka' stsal pa dang/ yang lha'i dbang po brgya byin gyis zhus pa/ ston pa chen po thugs rje dang ldan pa/ sangs rgyas byang chub sems dpa' rnams/rtog dang bral te mnyam pa'i ngang/ khams gsum gnas pa'i 'gro ba kun/ rgyal chen lha dang phyogs skyong rnams/ mi yi dam pa khom ldan kun/ chos sku'i gzugs brnyan ji ltar lta// bcom ldan 'das kyis bshad du gsol// bde bar gshegs pas bshad du gsol// ston pa chen pos lung 'di ston// zhes zhus pa dang/ de nas ston pas bka' stsal pa// 'di ni thugs yang dag pa'i yang dag pa/ mchod rten thams cad mngon par mthong bar rtogs par byed pa'i snying po 'di gsungs so/ oM dan d+harma/ a sho ka bi ma le dza yA/ d+harmA d+hA tu gar b+he swA hA/ i dan te pus pa/ a lo ke g+han d+he sarba big nan/ ma ha ya sha dz+nyA na/e ha hi ma hANi ka ho sa kA ru rba big dzA// sarba bi gar pa ti sta badzra ya sa na swA hA/ zhes gsungs pas/ stong gsum gyi stong chen po'i 'jig rten gyi khams 'di rnams su/ chos kyi sku'i gzugs brnyan gyis gang bar gsal bar gyur to// de nas rgyal po bzhi dang phyogs skyong bcu/ lha dang klu la sogs pa kun 'jigs/ skrag/ brgyal/ breg par gyur to// rgyal po mig mi bzang gi mig g.yas pa bltas pas/ 'jig rten gyi khams 'di thams cad 'jig pa ltar mthong// mig g.yon pas bltas pas// sems can thams cad 'jir par mthong// rgyal po chen po rnam thos sras kyi mig gnyis bltas pas// 'jig rten gyi khams su mi nad dang phyugs nad mang po 'phel ba dang// sems can ma dad pa dang mchod rten la ma gus pa rnams ni shin tu sdug bsngal// dad cing gus pa rnams ni dus de nyid du mngon par rdzogs par sangs rgyas par gyur to// de ltar lha'i dbang po brgya byin gyis gzigs nas// yang bcom ldan 'das la// bcom ldan 'das zhes bos nas zhus pas// thugs rje chen po ji ltar na// mchod rten lung tsam ji lta bu// sems can nyon mongs ji lta bu// sems can nyon mongs gang las byung// rgyal po bde bar gang gis byas// ston pa chen pos bstan du gsol// zhes zhus pa dang// yang bka' stsal pa// snying po brjod pas chos sku yi// gzugs brnyan mchod rten gsal bar 'gyur// sems can skal ldan bde ba thob// thugs rje yongs la snyam snyoms bskyed// rang 'byung mchod rten sprul pa'i gdung// thams cad mchod rten dag tu bstan// dad pas sangs rgyas nyid du 'gyur// ma dad pa yis sdug bsngal myong// sdug bsngal chen po nyes pa de// las kyi mchod rten spangs pa dang// rtog pas sgrib pa de las byung// rgyal po rnams kyis de ma rtogs// zhes gsungs pa dang// sems can thams cad las gyur// rgyal pos bdag gzhan sdug bsngal snyed// ston pas mchod rten byin rlobs gsungs// sdug bsngal 'di las skyab tu gsol// zhes zhus pa dang/ de nas yang 'og tu yang phyag btsal te gus pas/ kye ma bcom ldan bshad du gsol// bstan du gsol/ ston pas yang bka' stsal pa/ rgyal po gnyis mig ltas pas 'jig pa dang/ la las ni ltas pas mi nad phyugs nad sel/ nyon mongs pa 'di rnams la nga yis phan par bya yis/ mig ltos/ rna ba lhogs la/ sems ma yengs par gus pas nyon cig/ bka' stsal pa/ rgyal po chen po khyed cag dang/phyogs skyong ba bcu dang/ lha dang klu la sogs pa kun/ sngon yang dge bshes 'ga' spyad pas der grub pa ste/ chos kyi sku'i gzugs brnyan ma mthong ba dang/ ma gus pa dang/ ma dad pa las byung ba'o// zhes gsungs pa dang/ de'i mod la bcom ldan 'das kyis gdung sha ri ram cig/ ring bsrel mchod rten du byin gyis brlabs nas/ mig mi bzang gi smin phrag tu bzhag pas/ mig mi bzang gi mig nad sel te/bde ba dang ldan par gyur to// gcig ring bsrel mchod rten du byin gyis brlabs nas/ rgyal po rnam thos sras kyi phyag tu bzhag pa dang/ lo ka'i khams kyi mi nad phyugs nad kun chad nas/ bde ba dang ldan par gyur to// de ltar gyur pas 'dod khams kyi lha dang/ mi dang/ lha ma yin dang/ klu dang/ gnod sbyin dang/ phyogs skyong ba rnams kyis mngon sum du phyag btsal/ bskor ba byas te bde ba thob par byas so// de nas mi yul du bzhengs su gsol ba ni/ rgyal po chen po d+harma ag sho ka bya ba de pho brang gdab par gnad ste/ rgyal po de la sras gsum mnga' ba las/ 'bangs mang po mnga' pa las/ lan cig na sras kun dang 'bangs mang po bsogs nas bka' stsal pa/khyed rnams kyis nga'i thugs dang 'thad pa'i pho brang cig rtsigs shig gsungs nas/ thugs dang gar 'thad ces glengs pas/ rgyal pos gsungs pa/ ri gsum gyi rtse/ lung gsung gyi rtse/ lung gsum gyi mdo gle'u can dang/ de gsum du rtsigs shig zer te/ ri gsum gyi rtser brtsigs pas bdud kyi byar sar babs/ lung gsum gyi mdo ni bgegs kyi rgyun rang sar babs/gle'u gsum ni srin po'i skur sa bcar te/ rgyal po nyid kyang snyung gis zin/ mi nad phyugs nad yang 'phel te/ rab tu sdug bsngal/ nyon mongs/ duHkha par gyur pa la/ der rgyal po 'gyod pa skyes nas/rgyal po nyid kyi la na re/ nga yi pho brang gdab nyes sam/ 'chi bdag bdud kyis cher zin te/ 'jig rten khams yang nyon mongs nyen/ sras 'brangs mang po 'dir 'dus dang/ zhes gsungs nas/mchi ma yang zags pa las/ der sras 'bangs kyis zhus pa/ bka' stsal dang zhes zhus pa dang/ rgyal pos bka' stsal pa/ dam chos yang dag bden pa la/ chos sku'i gzugs brnyan gsogs med na/ sprul pa'i mchod rten don byed na/ nga la thugs rjes gzigs su gsol/ zhes zhus pa dang// srod la zhal ches bor ba'i tho rangs mnal ma'i rmi lam na/ gsung rab kyi nang nas khyad du shel gyi glegs shing la mthing shog gser gyi yi ge bris pa/bai DU r+ya'i zhun mas rang chas su gsal ba cig sngas su babs shing rmi ba dang/ snyun yang dwangs pa snyam byed pa las las/ mnal sad nas bltas pas de bzhin du 'dug nas phyag tu bzhengs nas ltas pas/mchod rten chos kyi sku'i gzugs brnyan/ ting nge 'dzin gyi gzugs baAHna du bzhengs su gsol ba'i rgyud/ sku mngon par bstan pa' rgyud 'di bzhugs par gyur to// de nas rgyal pos bka' stsal pa/sras dang 'bangs rnams bsogs nas/ nga mya ngan las 'das pa'i don rtogs par gyur to// nga'i rgyal srid kyang khyed cag zung zhig nga'i thugs yang dag pa'i mchod rten sku gdung mchod rten brgya tham pa yang phyogs bcur bzhengs su gsol cig ces gsungs pa dang/sras 'bangs kyang dga' bas rab tu dad par gyur nas rjes su yi rang ngo// zhes byas pa'o/ de nas sprul pa'i mchod rten de nyid ni/sprul pa'i shAkya thub par gyur te bka' stsal pa/ sprul pa'i mchod rten bdag nyid kyis/ rgyal po'i gros 'khrul sdug bsngal bsal/ ri gsum rtser brtsigs bdud kyi bya ra zhi// lung gsum mdor brtsigs bgegs kyi rgyu srang gcod// sde'u can gsum srin po'i lkugs sa gshig grong khyer phyogs bzhir sku gdung bzhengs gsol pas// grong khyer bkra shis nad rnams kyis mi tshugs// rgyal sras tha chung grongs pa yang// spur sbyongs thal rus tsha tshwa btab pa yis// mchod rten brgya dang rtsa brgyad bzhengs pa yin// da lta sum cu rtsa gsum lha rnams ston pa mdzad// de yang sprul pa'i mchod rten byin rlabs yin// don de rigs pa'i sngags 'chang gis// sku gdung mchod rten bzhengs zhal gso// gzugs brnyan mchod rten shes rab sku// bdud kyi sde dang gshin rje'i 'khor// srin po'i 'khor dang lha ma yin// gnod sbyin ma rungs gnod byed dang// gzi byin stobs chen mi zad pa// gnod byed mang po'i lam srang gcod// gzugs brnyan mchod rten dag gis byed// ces 'byung ngo// rang 'byung gi mchod rten bsam yas dang// rang bzhin gyi mchod rten bsam yas dang// byang chub sems pa'i mchod rten bsam yas dang// sprul pa'i mchod rten bsam yas pa de snyed ji snyed cig/ de las 'byung bar 'gyur bar kun gyis dus gcig tu mkhyen par gyur to// chos kyi gzugs brnyan sku mngon par bstan pa'i rgyud las/ byung khungs kyi gleng gzhi dang/ gleng gzhi'i rgyu bstan pa'i le'u ste bdun pa'o//// de nas rigs lnga'i sangs rgyasa'adus nas/sangs rgyas thams cad kyi bdag nyid ston pa rnam par snang mdzad la zhus pa/ bcom ldan 'das rnam par snang mdzad bstan du gsol/ zhes bya ba de thos ma thag tu ma 'ongs pa rnams la phan gdags pa'i phyir dkyil 'khor 'byung ba'i ting nge 'dzin la snyoms par zhugs nas 'di gsungs so// chos nyid sku yi gzugs brnyan ni// sems can rnams kyis bsgrub pa'i phyir// mchod rten dkyil 'khor bsgrubs las 'brel// thabs kyi bre brag bstan pa la// sa gsang mthon dman med pa la// sgang dang rgyang gzhungs legs pa dang// dgongs pa'i bye brag yin na gang// de ru sa la mtshams gcod bya// nyungs kar dang ni drag rdzas te// de la khro rgyal sngags kyis bzla// las mkhan gtso bor bskyed byas nas// drag tu sngags bzla mtshams gcod bya// g.yog po'i thig skud sna nas drang// las kyi lha ru bsam pas bskyed// oM badzra su tra hUM phaT// ces brjod pas// thig skud rdo rjer bsams la// mchod rten gyi sa khyon ji tsam ran par des gdab pa'o// de nas gnyis ka langs byas nas// dbang ldan phyogs su rdo rje 'gros// rnam 'joms bzlos shing lan gsum bskor// de nas dbus dang grwa rnams su// bgegs rnams med cing bstan pa'i phyir// grwa bzhi dbus dang lnga rnams su// de ru sngags pa'i phur pa gdab// oM badzra kI li kI la ya sarba Sh+tan hUM phaT// de lan bdun dngos grub tu bzlas so// de nas las rnams nges bya'i phyir// nyungs kar khro rgyal sgom byas la// sngags kyis drag tu bskul bar bya// oM a mri ta kun+Da li ha na ha na hUM phaT// ces brjod la de'i tho phyi kun tu gtor// de nas dngos grub thob bya'i phyir// sa yi cho ga rgyal par bya// mchod rten lnga dang gtor ma rnams// sa bdag lha klu kun la 'bul// 'tshe ba med na dngos grub myur// de nas sa brko legs par sbyang// oM badzra kha na kha na hUM phaT// ces brjod pas sa gzhi de nyid rin po cher gyur par bya'o// de nas mchod rten mngon bzhengs nas// tshad rnams gzhung bzhin legs par brtsigs// de yang dkyil 'khor nyid du bshad// rang bzhin lhun grub mchod rten de// ting nge 'dzin gyis drangs bzhugs na// rtag chad gnyis kyi dbang du 'gyur// bris nas zhal gso dngos pa gsum du gzhal// snam bu ngos su cha gcig gzhag/ de las tshad rjes gcig tu bya// ngos gsum po yang de bzhin bya// tshad bzhi rjes bzhi ngos bzhi dang// zur la zhugs kyi tshad re'o// bya tshad rjes kyang de la bya// gru bzhi lham par byas pa dang// da ci'i zur gcig dbyi bar bya// phyi ma thig bcu rim par gdab// gnyis ka btab pas re mig rgya// mchod rten khol ma rgya zhig dgod// ngos kyi 'bur du gnyis gnyis brgyad// brgya rtsa brgyad du bzhengs pa'o// de nas rdo rje'i ra bas bskor// de nas mtshon la mchod pa ni// 'breng la thabs rnams brgyad du bya// mchod rten brgyad du nang du bri// tha na gcig ste dbus su bri// yang na gling bzhi gzugs brnyan bzhi// theg pa'i dbyibs kyis bshad pa ste// bzhengs su gsol na khol mas bya// yang na re mig lnga par bya// yang na mchod rten zlum po la// bang rim nang du gtang bar bya// 'phrin las bzhi dang sbyar ba ni// mchod rten dbyibs kyang de bzhin 'gyur// dbus mi mthun la phyi rol mthun// pad+ma 'dab ma brgyad byas la// mchod rten brgyad du bri bar bya// mchod rten dbyibs nyid dkyil 'khor 'dra// brgyad dang bzhi dang lnga dang gsum// brgya rtsa brgyad dang stong 'bum kun// chos sku'i gzugs brnyan yin par bstan// mdor na phyi nang snod bcud rnams rnams// mchod rten bye brag sna tshogs snang// dbyibs dang kha dog gzugs la sogs// mtshan ma'i gzugs brnyan yin pa las// mchod rten dkyil 'khor gzhan na med// de ltar rtogs nas mngon mchod na// don du mi 'gyur gang yang med// de ltar ma rtogs mchod byas kyang// las su 'bad na don dam med// dngos su bzhengs su gsol mchod na// yong bar brtan na rtag par 'gyur// med par brtag na chad par 'gyur// rtag chad gnyis las 'das pa ste// chos sku'i gzugs brnyan rtag chad med// mtha' dbus med la rang bzhin gsal// de las mchod rten bsam yas 'gyur// mtshon pa'i rang bzhin bstan pa las// don dam nyid du gang yang med// de skad dag pas bka' stsal to// chos sku'i gzugs brnyan mngon par bstan pa'i rgyud las// mchod rten gyi dkyil 'khor bstan pa zhes bya ba ste le'u ste brgyad pa'o//// de nas yang mi mthun par bstan pa'i phyir// ston pas sku rdo rje sems dpa' nyid du bsgyur te bzhugs pa las// de bzhin gshegs pa thanas cad 'dus nas zhus pa// ston pa thugs rje ldan pa khyod// sems can don du bshad pa shod// ces zhus pa dang/ de nas ston pa de tig nge 'dzin la snyoms par zhugs nas// mi mthun pa 'di bka' stsal pa// sems can rnam pa mang po la// dad pas gang 'dod 'dir bstan gyis// shes pa dam grub myur// yang dag don gyis gsungs pa 'o// dkyil 'khor chen po'i lnga de nub// thig pa'i don du bsgrubs// dam pa'i don du gcig las med// la la don la la la rtags// gnas skabs 'di ru 'di dag bshad// dang thog skor phor snod kyi gzhi// gzugs brnyan 'byung gnas chos dbyings la// chos sku'i gzugs brnyan gsal bar gnas// de nas bzhengs su gsol ba ni// sngags mkhan ting 'dzin ldan byas la// dang po chos dbyings stong pa ru// byang chub sems kyi bsgom pa las// de nas snying rje bskyed bya'i phyir// yi ge a ru dmigs pa gsal// a las snying rje zla ba'i gzugs// de la bdag pho gnas pa 'o/de dkyil hUM las bskyed pa'i rgyu// bdag po'i sems kyang de la gnas// de las rdo rje sems dpa' ru// bskyed pa'i rdo rje rtse lnga pa// rdo rje de las bskyed pa'i sku// rdo rje sems dpa' nyid du bsam// sku mdog phyag mtshan sngags rnams dang// gdan khri la sogs bdag nyid bsgom// dkyil 'khor mdun du mchod par brgyan// de nas las byed g.yog po rnams// dkyil 'khor lhar bskyed rbad la bya// de nas sa bsgo mu tra nyid// ye shes rtogs pa'i mu tra yin// sa gzhi rin po che la brko// phur pa bsrung phyir dbyung mi bya// las byed las kyi lha ru bsgom// oM badzra kha na kha hUM phaT// ces brjod la// sa brkos la blangs la// rnam phying ngam rdo leb kyi steng du gzhag de nas gdung ba yang/ khro bo bdud rtsi 'khyil pa yis// rdo rje rtse gsum phyag na bsnams// bgegs dang rnam rtog tho bas gdung// chos kyi dbyings su gyur par bsam// oM badzra mud ka ra a ko ta ya hUM phaT// ces lan bdud du brjod la brdung ngo// de nas 'jim pa spru ba yang// bdag nyid khro bo bdud rtsi 'khyil// spos chab dag la sngags bzlas te// dag cing gtsang bar byin rlabs phyir// bdud rtsi 'khyil pa'i phyag rgyas spru// oM badzra a mr-i te hUM phaT// ces lan bdun brjod do// de nas 'jim pa rdzi ba dang/ bdag nyid khro rgyal chen po ste// sngags dang phyag rgya bcings bzlas pas// bdud rtsi 'khyil pa dzi las bskyed// bgegs rnams kyis kyang ga la tshugs// oM badzra pra mar ta ya pra mar ta ya hUM phaT// ces lan bdun brjod do// de nas 'jim pa de la bgegs kyis mi tshugs par bya ba'i phyir// bdag nyid rdo rje sems par bskyed// 'phro 'du byas pa yis// khams gsum sems can don byas nas// slar 'dus rin chen sna lngar 'gyur// na mo rat+na tra ya yA// tad+ya thA// oM sug sme shan te sug sme shan te// han han te// ni ra ku le// ya sho ya sho pa ta// te tsa te tse ba hi// shud d+he bi shung+d+he// sarba ta ta thA ga ta a mr-i ta// a nu ma ti ye swA hA// zhes lan nyi shu rtsa gcig rjod do// de nas 'bi 'bi bya ba ni// rdo rje sems dpa' dngos nyid la// rtog pa mi mnga' shel sgong ltar// rang bzhin dag pas dri ma med// sems can dri ma'i sgrib sbyang phyir// mchod rten byas pas byang bar 'gyur// oM badzra A yu She swA hA// zhes lan bdun brjod do// mchod pa byed pa'i las mkhan ni// shar nub gang rung cig tu bzhugs// rdo rje sems dpa' dngos nyid kyi// pa spu'i bu ga la sogs nas// 'od zer 'phro ba rab tu 'phro// de yis sems can don nyid byed// slar yang bdag nyid dngos la 'dus// dgongs pa dag pas bsgom pa'i thabs// zhi ba dkar la rgyas pa ser// dbang la dmar po drag po nag/mchod rten dngos la de ltar bsam// sems can don la dmigs pa des// de ltar so sor shes pa dang// rdzas dang mchod khang chos gos dang// dgongs pa'i yo byad gzhan rnams kun// so sor bsags pa dngos grub sgrub// snying po gzhug pa ni// chos nyid stong pa dngos med las// ye shes rtogs phyir ye shes brtags// snying po sngags dang phyag rgya rnams// 'bru 'am phyag rgyas sngags gsal lo// oM hUM traM hri a// oM badzra gar b+he swA hA// zhes brjod pa'o// de nas skor phor nyungs mar bsku ba'i tshe// chos nyid dbyings dang ye shes gnyis// gsal bar gnyis med rtogs pa'i phyir// thugs rjes gtul gnyen gsal ba yis// sems can rnams kyis rtogs pa'i phyir// mkhas pas 'di dag gsal bar gyis// oM a ra tse bi ra tse swA hA// zhes brjod pas// thugs rjes til gyi bsku bar dmigs so// de nas phor bu'i nang du ni// 'bi 'bi gsal te chos skur dmigs// thams cad kun tu gsal bya'i phyir// nang du gsal la sngags kyigadab// oM badzra a yu she swA hA// zhes lan gsum brjod do// de nas mchod rten gdab pa ni// sngags 'di brjod nas de ma thag/ thams cad mchod rten nyid du gsal// de nyid sangs rgyas zhal mthong yin// oM trai yag d+he sarba ta thA ga ta hri ta ya dzA la garbe dza la// d+harmA d+hA tu garbe// sang ha ra A yu saM sho ta ya pa paM sarba ta tha ga ta uSh+Ni Sha bi shud+he swA hA// zhes bi ma la uSh+Ni Sha'i snying po 'di gsungs pas// mchod rten du gsal bar gzugs brnyan dod tsam na// dus gsum gyi 'phags pa zhal mthong bar bsam// skor phor nas dbyung ba'i tshe// rgyu rkyen tshogs las byung ba yi// sangs rgyas nyid du 'byung ba'i rgyu// chos sku'i gzugs brnyan de dag yin// oM d+harma d+ha rde ye swA hA// zhes brjod pas// bdag dang mtha' yas pa'i sems can gyi don du gcig tu byed par bsam mo// de nas 'khor lo gzugs pa ni// rgyu 'bras dus gcig rdzogs ni// sangs rgyas nyid du dus gcig rdzogs// 'phang lo 'khor lo btsugs pas thob// oM su pra tiSh+Tha badzra swA hA// zhes lan gsum brjod la gzugs so// de nas bzhugs pa ni// chos dbyings ngang la dbyer med bzhin// rtse mor byas pa'i phyag rgya 'di// rdo rje dbyings ma'i phyag rgya ste// phyag rgya 'di yis btab ste gzhag/ oM badzra a mr-i te sti ta hUM// zhes brjod de// rtse lnga'i phyag rgya byas te// sngags bzlas phyag rgya btug go/ ting nge 'dzin gyis bsam bya ba// rin chen lnga yi gzhal yas nas// rin chen lnga yi gdan bting nas// de'i steng pad+ma 'dab brgyad de// zla ba'i dkyil 'khor dmigs par bya// de nas seng ge'i khri yi steng// rim pa bzhin du dmigs la 'o// de'i steng chos sku'i gzugs brnyan gzhag/skye med dbyings las skyes par bsam// don dam nyid du bdag po med// rang byung lhun gyis grub pas na// ting nge 'dzin gyis spyan drangs pa// sprul pa'i mchod rten gshegs su gsol// gdan la rim pa med par gnas// bdag rtogs gzhan rnams rim bzhin bskyed// mngon par byang chub sems skyed la// bdag gi don du sna tshogs so// chos nyid mngon par rtogs pa'i phyir// sna tshogs thabs kyi mchod pa 'bul// 'bras can 'bru rnams mang po dang// na bza' gdugs dang lan 'phan dang// bu ram ka ra la sogs pa// spyan gzigs sna tshogs bkod pa dang// bdug pa mar me spos chab dang// dri chab yon chab lha bshos dang// kha tshar ma nyams ras yug dang// dar sna'i bye brag sna tshogs dang// chu gtsang 'o ma mar la sogs// gzhan yang bla rgyan 'og rgyan dang// lda ldi la sogs mang pos bskor// rnga dang gling bu pi wang dang// gar dang rol mo la sogs pas// mchod rten sku yi gzugs brnyan la// sku u0f84gdung khrus gsol zhal bsros pas// sangs rgyas byang chub de la gnas// ka ya ni oM sarba pu tsa u she swA hA// zhes lan bdun brjod pa byas la 'bul lo// gzhan yang kun tu bzang po'i mchod pa ni// dngos por yod pa cir snang dngos po rnams// rtsi shing la sogs dngos por snang ba rnams// rang bzhin sna tshogs dngos por snang ba rnams// gzugs dang sgra dang dri la sogs pa ste// 'dod pa'i yon tan sna tshogs snang ba ste// kun kyang mchod pa'i grangs su bstan pa ste// chos nyid dngos po'i mchod pa chos sku dag la 'bul// chos nyid ngang las g.yo ba med bzhin du// mchod pa'i bye brag sna tshogs ji snyed pa// rang bzhin ngang las mchod pa'i bye brag 'bul// ting 'dzin yid kyis dmigs byas te// dngos su 'byor dang yid kyis rnams bshams la// snang ba dngos po med par byin brlabs te// 'das pa rnams la 'das pa'i mchod pa 'bul// da lta rnams la da ltar dus kyi mchod// ma 'ongs rnams la lan cig mchod par 'gyur// chos nyid don dam mchod pa chos sku'i ngang la mchod// de ltar mchod pa mchod pa'i mchog/ ces gsungs so// chos kyi sku'i gzugs brnyan mngon par bstan pa'i rgyud las// skor phor du mchod rten bdag pa dang mchod pa'i le'u ste dgu pa'o//// de nas de bzhin gshegs pa rigs lnga la sogs pa thams cad 'dus nas zhus pa// bka' stsal du gsol zhes zhus pa dang// bka' stsal pa// ston pa chen po 'di lta bu// yang dag don du bka' stsal pa// bdag la bstan pa gang yin no// khyod las ma byung gang yang med// dus kyi snyigs ma gang las gang// de dus sems can gang dang gang// gnas par bstan pa gang yin lo// de skad ces// don grub pa nyid kyis bka' stsal pa// yang de bzhin gshegs pa 'dus pa rnams kyis ston pa de ci'i phyir zhes zhus pa dang// ston pa kun mkhyen gyis bka' stsal pa// nga ni mya ngan 'das 'og tu// bstan pa'i chos ni gang yang med// bstan pa'i gnas dang bdag gzhan med// rang rang dag gi rig pa gsal// dus la thog ma tha ma med// ma rtogs rnams la sems can gdags// mchod rten sna tshogs dbyings bstan pa// sems can shes pa spel ba'i phyir// sna tshogs thabs su bstan pa'o// mkha' dbyings yangs pa'i mchod rten la// ci dang tha dad dbye ba med// de bzhin gshegs pa'i mdzad spyod la// tha dad rtog pa mi mnga' ste// las kyis spyod pa'i sems can la// tha dad de snyed 'phrin las bstan// zhi rgyas dbang dang mngon spyod la// mchod rten bzhi ru nges par bstan// gleng gzhi'i rgyud dang 'phrin las kun// sna tshogs rnam pa gcig las med// zhi ba'i mchod rten gru bzhi ser// dbang gi dmar po zla kham dang// drag po'i mchod rten nag po gzugs// thang chen dkyil dang ri gsum rtse// lung gsum mdo dang lam srang kun// tsher ma 'dun sa'i 'gram rnams dang// ngam grog mdo dang sna zur dang// gzhan yang gnas rnams ma lus par// mchod rten sbyin sreg la sogs bya// sa rtag mchod pa'i thig la sogs// las kyi cho ga tshang bar bya// ro zhig dngos su yod pa la// ming dang rus su bcas pa gzhag/ dang por dkyil 'khor mchod rten byas// yar rtsig mar brko mnyam po la// mchod rten dbyings su rim par bya// 'khor lo srog shing char khab kun// 'phrin las bzhi ni phyi yi dbyibs// gang ltar byed kyang dri bar bya// khro bor bskyed pa sngags bzlas pas// ro de dag par spos chus bkru// mtshams bcad las kun byas pa dang// ro la gshed dang dbral la dril// mchod rten snying po snying khar gdags// 'phrin las bzhi yi snying po de// yan lag bzhi la gdags par bya// rten 'brel snying po bris pa de// spyi bo'i gtsug tu gdags par bya// ro la chas kyis brgyan pa dang// dbang yang rim gyis bskur la bzhag/ de nas de yi nub mo la// bsrung skud tshems shing ku sha'i stan// rmi ltas brtag cing cho ga bya// theg pa lnga yi mchod rten dbyibs// sangs rgyas kun dang bcas pa la// ro de dngos las spyan drangs gzhug/ thugs rjes dgongs la byin gyis brlabs// 'jig rten pa dang btsas pa kun// spyan drangs byin gyis rlobs par nges// las kyi sgrib rgyun gcod pa dang// dngos grub gang yin thob bya'i phyir// las kun dngos su byas nas 'grub// dus dus dag tu mtshams kyang bcad// nang par nam langs nyi shar dus// dbang rnams snang la bskur bar bya// chu gtsang lnga la sogs pa yis// chos nyid ngang du dag bya dang// mtshon pa'i rgyan gyis brgyan par bya// dngos su rgyan gyis brgyan pa la// rim pa bzhin du byas pas 'grub// shing khri mchod rten thabs su bya// de yi steng du ro de gzhag/ shing rtsig mchod rten dbyings su rtsig/ shing gi nang na bang rim lnga// phyi yang mchod rten bang rim dbyibs// mchod rten bum pa'i nang du ni// ro de bcug la bzheng tshul du// steng du shing la 'khor lo'i dbyibs// steng nas bkab la gzhag par bya// sngags mkhan ting 'dzin ldan par bya// cho ga'i bye brag bshad bya'i phyir// chos gos lnga dang ldan pa yis// me dang bud shing yam shing dang// sreg rdzas mchod rdzas kun dang ldan// dang po mchod rten cho ga nyid// bzlas brjod yan lag rdzogs pa dang// de nas bzod cing las la 'jug/dam tshig sems dpa'i me lha de// shar lho mtshams na bzhugs pa la// de yis sbyin sreg sgo kun dbye// dad pa bskyed phyir snyan gsan gsol// de nas mnyes phyir mchod pas mchod// spyan drangs me dang gdan la bzhugs// de phyir ro de dngos po las// me lha phyung la dbang por gnas// las kun byed pas phyag tshang bya// ye shes las bskyed me lha yin// dkon mchog gsum dang yi dam lha// mchod rdzas sreg rdzas kun gyis mchod// rang bzhin ting 'dzin gzugs brnyan la// bris pa'i gzugs brnyan dag la bstim// gzhan du gshegs par mi bya'o// 'jug dang dbang dang dngos grub gsol// ma dag bzod par gsol ba dang// sbyangs spel bya phyir yang cig mchod// dad pa dang ni dam tshig gi/ tshur gshegs tshur gshegs 'bar ba'i gdan// drangs srong me lha sbyin sreg lha// mchod rdzas sreg rdzas 'di bzhes la// til gyi bsgrub rdzas 'di bsregs pas// sdig pa ro la med par bsreg/ sbyin sreg dam pa 'di yis thob// na ma sa man ta bung+d+ha nan// ma hA shang ka te shan ting ka ra pra sha ma ni// a b+ha ba swa b+ha ba d+harmA te swA hA// shan ting ku ru ni swA hA// zhes brjod pa'i sngags 'di ni sdig pa tshe rabs brgya tshun chad bsags pa dang// ma rungs pa lha ma yin stong phrag brgya dang// gdug pa can klu yan chad med par zhi bar 'gyur ro// mchod pa bya ba dang// las dngos grub tu bya ba dang// mchod pa 'bum ba dang// sems can mang po bsam yas ba'i don byed pa sngags 'di yin pas// de la brgya dang// 'bul dang// bye ba bzlas pa'i thabs dam pa de yin pas// sngags 'di la ni kun gyis dad par bya'o// de nas yang de bzhin gshegs pas mchod rten gyi sbyin sreg spyan drang ba gsungs pa// rnam dag zab mo chos dbyings dkyil 'khor nas// nyon mongs skyon gyis mi gos nam mkha'i rang bzhin la// 'khrul pa'i ting 'dzin chags phyir skur bstan pa// chos sku zab mo'i mchod rten gshegs su gsol// sa ma ya e ha hi hi sta dza// byams pa chen po tshad med yangs pa'i chos// gdug pa'i tshogs rnams zil gyis gnon mdzad cig/ me long ye shes chos kyi don rtogs pa// byams pa rdo rje brtsegs pa'i mchog chen gshegs su gsol// dga' rab don 'grub 'khrul pa kun spangs pa// 'jig med rin chen brtsegs pa'i bang rim la// sprul pa yon tan tshogs kyi 'phreng bas brgyan// rin chen brtsegs pa'i mchod rten gshegs su gsol// nyon mongs rtogs bral pad+mo 'byung ba'i gnas// dga' ba brtsegs pa'i mchod rten bdud bzhi 'joms// bum pa chos dbyings spros pa med pa'i dbyings// pad+ma brtsegs pa'i mchod rten gshegs su gsol// nyon mongs 'khor ba'i sdug bsngal las kyis sbyong// rnam par rtog pa'i mtshan ma kun bcom nas// bsod nams dge tshul 'phags lam mchod rten brtsigs// byang chub rdzogs pa'i mchod rten gshegs su gsol// shAkya thub pa sprul pa'i sangs rgyas te// sku yi 'od zer sprul pas sgrib pa sbyong// yon tan tshogs kyi cha lugs skur bstan pa// thugs rjes sprul pa'i pa'i mchod rten gshegs su gsol// byang chub rab 'joms rab tu rgyas pa yis// 'dzam gling kun tu bsod nams sprin tshogs 'dus// mi mthun sgrib pa'i tshogs rnams kun gsal ba// dge bcu bsod nams mchod rten gshegs su gsol// rnam pa sna tshogs ji snyed snang ba ste// sprul pas thugs rje dang las gcig tu med// srid rtse man chad dmyal ba'i gnas yan chad// sprul pa'i ston pas mchod rten sna tshogs snang// brgya rtsa brgyad po ma lus gshegs su gsol// theg pa'i bye brag khyad par snang ba ni// so so'i lus su bzhengs su gsol ba yi// mchod rten mi mthun sna tshogs chos sgo'i dbang// tha dad mtshan ma'i dbyibs kyis gshegs su gsol// gzhan yang brtsig dang brdungs dang bstan dang byas pa dang// bris dang klugs dang gzugs dang dbyibs mi mthun// sna tshogs 'dod pa tha dad mi mthun dbyibs kyi snang// sprul pa mi mthun dbyibs kyi gshegs su gsol// dad pa dang ni dam tshig gis// tshur gshegs tshur gshegs mchod rten rnams// dad pa'i dbang dang thugs rje'i shugs// sems can nyon mongs nyes pa na// las dang nyon mongs sbyang slad du// 'bar ba'i gdan la bzhugs par bgyi// rtog sgrib bag chags sbyang slad du// sreg rdzas mchod rdzas bzhes su gsol// pad+ma sa ma ya raM// spa ra s+t+waM// sems can ma lus gnas pa las// thugs rje ldan pa'i dgongs pa can// gshegs shing bzhugs pa mi mnga' yang// sems can rnams kyi don slad du// ye shes gtsang ma'i chu 'dis bkru// bi shung d+he dz+nyA na bi shud+he swA hA// de nas mchod pa rnam pa lnga dang// mchod rdzas rnam pa sna tshogs pa 'bul// sreg rdzas la sogs rim du dbul// mchod rten lha rnams re re la// sreg rdzas bdun gsum nyi shu gcig/ me lha dag la tshul bzhin 'bul// mchod rten la ni bstod pa bzhin// bar bar dag la me lha bstod// tshangs pa 'jig rten mgon gyi sras// me lha'i rgyal po drang srong mchog/ zhi ba zhi ste mya ngan 'das// me yi lha la phyag 'tshal bstod// phyogs skyong bcu dang rgyal chen bzhi// dkyil 'khor dag tu bstod de bzhag/ las la goms pas rim bzhin mchod// de ltar lhag pa'i lha yang mchod// tha ma ru yang me lha mchod// de nas ma dag pa kun bshags// mchod pa'i las rnams ma grub pa// spogs thabs byas na 'grub par 'gyur// las kyi lhag ma las ma las// nang par gdung dang rus pa lta// sran ma 'bring yo ga la// nyungs kar tshang ni kri ya la// nyungs nag tshad ni mtshan nyid la// sku gzugs ma hA yo ga yin// byang chub sems ni gdung gi rgyu// mnyan bsams bsgoms pa'i shes rab kyis// dag par bya ba thob par byed// go ro tsa na sems kyi rgyu// de la gnas pa ma yin te// rtog pa can dang rtog bral kun// kun gzhi dag la gnas par bstan// de dag dag pa pad+ma 'dra// me 'od de 'dra 'dod pa legs// dka' la me lce lnga bzhin 'byung// rdo rje rigs kyi mchod rten thob// me 'od 'khor lhing 'bar ba de// 'khor lo snang mdzad chos sku'i gzugs// me lce gcig la rtse rno ba// kha don lnga ka tshang ba ste// don grub mchod rten dngos grub thob// me lce mang ba ma gyes par// me la dri bsung ldan gyur na// rin chen mchod rten grub pa'i rtags// zhi rgyas dbang dang mngon spyod kyi// me yi mdog kyang de 'dra bshad// me lce med la mdog 'gyur na// sgrib pa las tshan che ba yin// me 'od chung la ngams gnag na// de bzhin gshegs pa'i thugs rje yis// sdig can de ni ma zin bstan/ me 'od dkar zhing 'chi 'dod na// bsod nams zhan te sdig sgrib chung// me 'od 'chad cing 'bar ba ste// lha dang mi yi rgyu bsog 'dra// zhi la dkar la mdog dang ldan// spyi rgyu me de legs par 'dod// me lce 'chad cing rdung che lo// drag 'bar skad 'don byed pa ste/ da lta dngos su sdig zhad yong// me lce zhil dkar 'khyil ba// 'jug la je zhan dkar zhan pa// de ni byang chub sems dpa'i me// me yi mtshan nyid gzhan yang bstan// me de shi zang thal rus de// sngags mkhan gtsang mas sngags bzlas la// btu dang phyag pa byas nas ni// ras gtsang ma ni skor phor du// blug la sngags 'di btab byas te// mchod rten byed pa'i 'jim pa la// btab pas byang chub 'grub par nges// rgyu bsags mchod pa lugs bzhon 'bul// seng khri 'am rin chen khri la gzhag/zhal gso mchod pa byas pa dang// sdogs bu'i nang du bzhag par bya// sku gdung mngon par bstan pa'i rgyud las// mchaud rten ro bsreg gi le'u ste bcu pa'o// de nas yang de bzhin gshegs rnams lus nas// 'di skad ces brjod pa 'di brjod do// bstod pa'i rgyal po yis 'di bsrod do// don dam spros dang 'das pa yis// rang bzhin rtog las 'das pa yi// dmigs su med pa chos kyi sku// chos kyi sku la bstod phyag 'tshal// 'jig rten 'jig rten 'das pa yi// dngos po med dang dngos snang ba'i// longs spyod rnam nyid dbyer med pa'i// longs spyod sku la bstod phyag 'tshal// u dum 'bar ba'i me tog bzhin// dkon pa'i bstod pas don mdzad ltar// shAka thub rang 'byung mchod rten brgyad// nyid kyi thugs las sprul pa brgyad// ston pa'i sprul pa bstod phyag 'tshal// ston pa'i sprul pa'i mchod rten nyid// thugs las snang ba'i yid bzhin lhun grub dang// dpe med bsam 'das thugs la snang// rin chen bsregs pa'i yon tan dang// smang grags gsung gi sprul pa dang// bde rgyas mgon gyi 'phrin las snang// btang snyoms gter gyi thugs la snang// mthar legs g.yung drung sku yi sprul// sprul sku'i mchod rten brgyad po yang// dad pa'i sems kyis bstod phyag 'tshal// dpe med gzugs kyi khyad par lta bas mi ngoms pa// ye shes thugs kyis brgyan pa'i sku legs te// mchod rten mchod gnas chen por grags pa brjod du 'o// gzugs kun dngos med chos kyi dbyings kyi sku// chos sku dngos med sprul pas mchod rten tshul du sprul// spros med dngos las 'dul ba'i dbang du skur bstan pa// dran pa nye bar gzhag pa rmang gi khri 'phang mtho// brtson 'grus yang dag sprul ba'i khri 'phang gnyis pa legs// ting 'dzin rdzu 'phrul rkang pa'i khri 'phang gsum pa dge/rnam grol dbang po lnga yi khri 'phang bzhi pa brjid// bum rten stobs lnga byang chub yan lag bdun// bri legs gru bzhi 'phags lam yan lag brgyad/srog shing shes bcu gdugs kyi char khab lding// rnam dag gdugs 'phreng me tog 'phren bas mdzes// bla med go 'phang mnyes pa'i seng ge'i gdan 'phangs mtho// thugs rje chen pos 'phags pas gdugs kyi char khab ld-ing// dbyangs zab tshangs pa'i gsung gi dril bu sgra snyan sgrogs// yang dag rdzogs pa dar gyi cod pan 'phur// bla med tshul khrims bsrung ba'i 'phred babazang// skyon bral bsrung ba med pa chos kyi thegs skras mdzes// chos kyi 'khor lo bskor ba'i ba dan dka' po spa// bdud bzhi'i rgyal mtshan snyol ba'i chos kyi rgyal mtshan grags// mi 'jigs bzhi yi seng ge'i rdo rings brjid// 'di 'dra'i dam chos rmad du 'byung rnams kyis// thabs mkhas thugs rje'i dbang gis mchod rten tshul du sprul// nam mkha'i kham la mtshon skye gsal ba bzhin// yon tan blo yi khyod kyis bstod phyag 'tshal// dpal gnas rin chen 'byung gnas ya mtshan mang po la// dus gsum rgyal ba'i mchod rten chos kyi sku// dpal gnas ka ni ka dang rang bzhin tshul gcig pas// bsod nams gzi brjid phung po rang bzhin tshul chags shing// sangs rgyas sprul pa'i 'phr-in las rdzogs par mdzad// sa bcu'i rgyal tshab bcom ldan byams pa gtsug gi rgyan// phyogs bcu dkon mchog gsum gyi bdag nyid chen po la// ri lung nags tshal gnas pa'i lha tshogs kun 'dus pas// mngon par de kun dag pa'i ngang las sprul// tshogs rnams kun la 'khril sdom brtson// rgyal sras 'khor dang khyim bdag tshong dpon dang// dbus mtha' rgyal khams mang po'i mi tshogs kun 'dus nas// me tog 'phreng ba spel legs mdzes pa sna tshogs dang/ tsan dan dri spos bshos dang mar me rol mor bcas// bkra shis glu gar bstod pa sna tshogs dang// gdugs dang ba na lhab lhub rgyan tshogs dang// 'dzam gling gser gyi bar gyi gzhong pa chen po'i nang// gser dang rin chen mu tig gcal bkram zhing// byug ba'i chu rgyun byin rlabs a dkar dmigs// 'byung ba sa yi bye brag sna tshogs mchod rten ye gsal la// 'byung ba me yi tshon gyis bris pa'i gzugs brnyan gsal// 'byung ba rlung nyid ting 'dzin gsal bskyod ting 'dzin mchod rten dmigs// 'byung ba nam mkhas de bzhin dmigs phye nas// rang bzhin bdag gzhan med par thams cad chos skur dmigs// ye nas tshogs pa'i mchod rdzas sna tshogs kyang// dpe med bsam las 'das pa'i mchod rten tshul gnas pa// bdag mchod dag par dmigs la dag pa nyid la 'bul// rgyal ba'i rgyal por dmigs pa'i sems can rgyal po yis// chos skur rtogs pa'i rgyal po mchod rten dbyibs su bzhengs// de la dmigs te mchod pa'i bye brag 'bul// sangs rgyas sku nyid mya ngan 'das te mi snang bas// chos sku'i gzugs brnyan de yi rten du ston pas bzhag pas na// mchod rten de la yid ches dad skyed mchod rten bgyi bskur bar bya// nyan thos theg pa'i chos rnams grangs dang gar 'thad la// chos gos bzhi bltab steng du bum par spar bu 'dra ba'i dpe// bden pa bzhi dang gang zag bdag med la sogs brgyad kyis brtags// 'khor lo brgyad du bstan te de 'dra'i mchod rten brtsigs// gzhung du khrims rdzogs lnga yi mchod pa yis// dkon mchog gsum dang gtsang rigs mgon po la// dngos su mchod pas nyan thos gzhung lugs rdzogs// khrims dang mchod dang arga mgo la bkon pa dang// mchod rten rang gzhung brtsigs pa 'di rnams kun// sems can don du 'gyur bar ston pa nyid kyis de rnams kun ka 'dra// gang la dad pa de kun dga' ba'i chos rnams spyad na nyan thos gzhung// nyan thos mchod rten de la gus par phyag 'tshal bstod// rang sangs rgyas kyi sgo bzhi'i rtags su 'og gi khri 'phang zur bzhi bstan// spyod pa gnyis la khri 'phang gnyis 'gyur bstan pa brjid// 'khor lo bcu gnyis rten 'brel bcu gnyis rtags// chos nyid rtogs par gcig pas bum pa gcig/ rang rgyal chos kyi lugs su de 'dra'i mchod rten brtsigs// de la dngos su gtsang ma'i rdzas rnams 'bul// rang rgyal chos kyi gzugs brnyan de la bstod de phyag kyang 'tshal// mchod rten kri ya'i lugs su ni// dag pa gsum la bang rim gsum// ye shes bzhi rtags gru bzhi zur// rigs gsum rtags su kha khyer gsum// dag pa lha bum pa zlam// 'khor lo bcu gnyis sa bcu gnyis// thugs rje cher bskyed char khab yin// rtogs dbu don gyis 'khor bar nub pa'i dus mtha' med// kri ya'i gzhung rdzogs mchod rten la// gtsang ma'i mchod pas bstod phyag 'tshal// u pa ya yi mchod rten ni// rmang gcig chos dbyings dag par gcig/ zur bzhi ye shes bzhi yi rtags// 'phrin las bzhi'i rtags su kha khyer bzhi// de nyid bzhi rtags bang rim bzhi// lha ba gcig la bum pa'i dbyibs// rigs bzhi bum rten zur bzhi'o// 'khor lo bcu gsum sa bcu gsum// thugs rje'i char khab kun la skyob// tog ni lta ba gong du snyeg/ra gnyis gnyis med gong ma ltar// u pa ya yi gzhung tshang bas// chos sku'i gzugs brnyan mchod rten yin// de la dad pas bstong phyag 'tshal// yo ga dag gi dbyibs bstan pa// mtshan ma yod med rmang la gnyis// stong pa nyid la bzhi tshang bas// zur bzhi logs bzhi lham par bstan// ting 'dzin rtags su kha khyer gcig/ mngon par byang chub lnga yi rtags// bang rim lnga pa rim gyis brtsegs// tshad med bum pa zlum par 'khyil// cho 'phrul phyag rgya bzhi bum rten// 'khor lo bcu gsum sa sa bcu gsum// gzhan kun tha dad gong du bstan// de lha'i chos sku'i gzugs brnyan la// rnal 'byor 'jug pas bstodaphyag 'tshal// ma hA yo ga la sogs pa// lha dang lha mo'i dkyil 'khor nyid// ye nas gsal bar snang ba ste// mchod dang bstod pas mnyes par bya// yang na mchod rten dbyibs nyid ni// dkyil 'khor mchod dang dngos grub rnams// gcig gam lnga 'am dkyil 'khor brgyad// mchod rten dag las u0f84gzhan na med// thams cad bde chen dkyil 'khor nyid// thams cad ma lus sku gsung thugs// thams cad ma lus ye shes lnga// thams cad dbyer med dkyil 'khor mchog/ de nyid sku gsum lhun grub la// sku lnga sku brgya tha dad pa// thams cad mchod rten sku nyid do// de las gzhan pa'i sku bstan med// shar phyogs byams pa brtsegs pa'i mchod rten ni// zhe sdang gnas 'gyur me long lta bu yi// ye shes rtags su rdo rje rigs kyi sku// rdo rje brtsegs pa'i mchod rten ji snyed pa// dga' ba byams pas mchod cing bstod phyag 'tshal// lho phyogs rin chen brtsegs pa'i mchod rten ni// nga rgyal gnas 'gyur mnyam pa nyid du gnas// ye shes rtags su rin chen rigs kyi sku// rin chen brtsegs pa'i mchod rten ji snyed pa// dad pa'i sems kyis mchod cing bstod phyag 'tshal// nub phyogs pad+ma brtsegs pa'i mchod rten ni// 'dod chags gnas 'gyur so sor rtogs pa yi// ye shes rtags su pad+ma rigs kyi sku// pad+ma brtsegs pa'i mchod rten ji snyed pa// dag pa'i sems kyis mchod cing bstod phyag 'tshal// byang phyogs rgya sgram brtsegs pa'i mchod rten ni// phrag dog gnas 'gyur bya ba grub pa yi// ye shes rtags su las kyi rigs kyi sku// rgya gram brtsegs pa'i mchod rten ji snyed la// brtson 'grus dag pas mchod cing bstod phyag 'tshal// ye shes lnga yi chu bo dag pa yis// nyon mongs lnga yi rtog pas sgribs pa las// byang chub mchog gi chu bos sku khrus gsol// khams gsum gnas pa'i bag chags dag gyur cig/ sku gdung mngon par bstan pa'i brgyud las// mchod rten la bstong pa'i le'u ste bcu gcigapa'o//// de nas de bzhin gshegs pa thams cad 'dus nas dgongs pa gcig tu gyur te// ston pa rnam par snang mdzad chen pos bka' stsal pa dang// las kyi bye brag sna tshogs pa// ston pas tha dad bstan pa las// don du mi 'gyur yongs ma gsungs// yang dag nyid du bstan pa med// zhi gnas dbang phyug mnga' mnyes la// las dang dngos grub bsgrub mi dgos// mchod rten sku yi gzugs brnyan ni// ma rtogs sems can mang po la// thabs kyi bye brag mang po bstan// zhi bar 'dod la rtog pa med// rgyas par 'dod la rgyas par 'gyur// dbang du bya ba thams cad bsdu// bsgral dang brdeg bskrad las kun yang// dad pa che la de bzhin gnas// zhi ba'i mchod rten dkar por bya// thabs kyi dbyibs zlum yar mar mnyam// bang rim mchod rten nyid dang 'dra// yam shing bud shing dkar po ste// stag pa la sogs dag la bya// snying po bzlas shing mjug nyid la// zhi ba shan ting ku ru zhes// ming gi mjug la btags la bsregs// ting nge 'dzin dang ldan byas na// zhi bar 'gyur ba the tshom med// rgyas par 'dod pas ser por bya// thabs kyi dbyings dang mchod rten gnyis// gru bzhi bang rim bzhi dang bcas// yaM shing bud shing rdzas rnams kun// ser porabyas la mchod bya ste// rgyas par 'dodapa'i ming byang cig/ bris la sngags kyi 'jug la gdags// de ltar byas na gang 'dod rgyas// dbang la dmar po'i mchod rten mtshon// mchod rten nyid dang thabs dbyibs 'dra// 'og rim 'dra ste gong ma bsgyur// zla gam dag tu brtsig par bya// rdzas rnams kun ka dmar por bya// dbang du 'dud pa'i ming rus rnams// gro ga dag la bris nas ni// mchod rten 'gram gyi 'og tu bzhugs// de nas sbyin sreg dag la yang// bris te sngags dang bcas pa bsreg/ de ltar byas na dbang du 'gyur// drag po'i mchod rten dag la ni// gru gsum bang rim gzhan yang mthun// tshon rtsi sa rnams nag shas che// sreg rdzas shing la sogs pa rnams// nag po dag tu bsgyur la bya// bsgral bskrad gang 'dod bya ba de// dug gi lo ma shog shog shing// de la bris la bzhag ste dgug/ mchod rten nag po'i 'og tu bzhugs// sbyin sreg la yang de bzhin bsreg/ dbang phyug lha chen lha rnams kyang// bsreg par 'gyur bar gdon mi za// 'phrin las byed pa'i rnal 'byor pas// mchod rten dngos su brtsig pa dang// las kyi hom thabs bya ba dang// sngags bzlas la sogs byed pa la// the tshom med par byas na 'grub// yang na mchod rten chos sku'i gzugs// mchod rten gcig tu brtsigs nas kyang// ngos bzhi dag la 'phrin las bzhi// dngos su mchod rten bzhengs gsol nas// sngags mkhan bzhi mi ngos bzhi nas// 'phrin las rnam bzhi'i las rnams bya// de ltar byas na dngos grub myur// mchod rten gru bzhi sgo bzhi la// tha dad dbyibs kyi bang rim lnga// bum pa bum rten 'khor lo bcas// dbyibs kyi chos nyid mtshon pa gzhan dag bstan// mi dmigs lhun grub mchod rten las// dmigs pa don dang ldan pa yis// gzugs brnyan mchod rten lhar dmigs bas// sprul sku'i mchod rten bzhengs su gsol// gzugs brnyan mchod rten dngos nyid la// tha dad mang po rtog med de// blo yi rim pas so sor snang// dper na bzhin dngos gcig nyid la// chu dang me long mang po snang// theg pa tha dad re re la// gzugs brnyan mchod rten re re snang// don dam mchod rten de la ni// rtog pa'i dngos po gang yang med// mchod rten dkyil 'khor nyid du bsgrub// sangs rgyas dngos grub thob 'dod pas// mchod rten mchod pa byas pas 'grub// dbang dang dngos grub thob pa de// mchod rten bsgrub pa'i dbang las 'byung// gang zhig dngos grub 'dod pa nges// dbang nyid rim par nod par bya// bdag nyid dad pa med pa la// bla ma dbang mchog snang ba'i rgyu// bdag nyid dad dang ldan pa la// dbang bskur rim pa tshul bzhin bya// slob dpon dam pa med pa ru// mchod rten dbang nyid bskur ba dang// yan lag dbang rnams nod pa'i phyir// dbang rdzas tshang bar bsogs pa des// slob dpon dgongs pa med pa des// bskur yang slar la nyams par 'gyur// gang gis gang la gang lta zhes// slob ma las 'phro ldan pa la// dad pa shes rab 'byor pa dang// sangs rgyas mi slu yon 'bul dang// bka' ngag gzhung du byed pa la// de 'dra ba la bshad par bya// gzhan la bskur na nyams pa che// sgying ma lhas par khal 'gel 'dra// chos sku'i gzugs brnyan mchod rten dang// gzhan dbang dag dang 'dra ba min// mchod rten spyi ru nyi shu las// mdor na mdor bsdus lnga ru bstan// chos sku don gyi gzugs brnyan dang// tshig gi gzugs brnyan nyid du bstan// longs spyod sku yi gzugs brnyan dang// sprul pa sku yi gzugs brnyan dang// don gyi chos sku'i dbang 'di ni// las 'phro ngan pa dngos mi bskur// ting nge 'dzin gyis bskur la gzhag/ shes rab las 'phro ldan pa la// dbang mchog 'di dag bskur bar bya// don dam spros pa med pa yi// chos nyid rtogs bral ma spros pas// rang sems 'dus pa de la zhon// skye med rtog pa gsal bas na// dbang yang dus der thob ces bshad// dbang mchog dam pa thob par shog/d+harma a si d+hi A// tshig dang gzugs brnyan mchod rten la// khyad par mi mthun bdun du bshad// de dag so sor dbang nyid ni// slob ma rang nyid gang 'dod bshad// blo yi rim pas bskur bar bya// mi shes rnams la rdzas kyis bskur// nyan thos bden bzhi'i sgor zhugs seng khri zur bzhi la// bar bu kha spu gseg shang 'khor lo 'greng// nyan thos sa brgyad 'khor lo rim pa brgyad// de dag la sogs sgo/ nas zur bzhir 'bras bur rtogs thob shog/ rang rgyal sgo nas mchod rten dbang thob ni// rig pa'i bskyed rabs bzhi rtags seng khri zur bzhi la// ye shes gsum gyi rtags su bang rim gsum pa dgye// chos nyid rtogs pa'i rtags su bum pa zlum// rtogs pas cig pa'i rtags su srog shing gcig cig la// rten 'brel bcu gnyis rtags su 'khor lo bcu gnyis brtseg/ sems can don du char khab thugs rje che// de ltar rang rgyal chos sku'i don rtogs shog/ byang chub sems dpa'i dbang mchog ni// dran pa nyer gzhag rmang gi khri 'phang zur bzhi la// yang dag spong dang rdzu 'phrul dbang po'i stobs// bang rim lnga pa de ltar bstan pa yin// de ltar rtogs na dbang dang dngos grub yin// bum rten bum pa breg 'phags pa'i lam dang bden pa'i dbang mchog thob// 'khor lo bcu gnyis khyad par bcu gcig la// bum pa chos sku de la gnyis gnyis med rtogs pas rwa gnyis dang// de ltar mtshan nyid theg pa chos sku dbang thob shog/ kri ya'i mchod rten dbang nyid ni// dag pa gsum rtags rmang gi khri 'phang gsum// dngos grub gsum rtags dbu la bang rim gsum// lta ba dag pa'i rtags su bum pa zlum po yin// sa rnams bcu gnyis dag la dbang// rtags 'khor lo bcu gnyis yin// kri ya chos sku'i de dag dbang thob shog/yo ga yu pa ya nyid ni// 'khor lo rdo rje pad+ma dang// rin chen ral gri la sogs pa// de dag rtogs pa'i dbang rnams ni// gcig gam kun gyis bskur bar bya// gzhan yang tshig gi dbang nyid ni// dus gsum rgyal ba thams cad kyi// gsung dang rdo rje tshig gi ljags// bden par smra zhing tshig mi 'gyur// 'khor bar ji srid chos 'chad pa// ston pa'i sgron mar dbang thob shog/ bag u ti haM// longs spyod rdzogs pa'i sku dbang ni// bcom ldan don grub de nyid ni// ri rab ri yi rtse mo ru// nor bu brtsegs pa'i khang pa la// seng ge'i gdan la bzhugs pa na// zhal ni kun la gzigs pa yi// dbang mchog dam thob par shog/ mngon par byang chub rnam lnga yi// sku gsung thugs kyi phyag rgya che// bdag nyid kyi ni bsam par bya// oM badzra tsi t+ta dpe ta ka ro ya mi// bo d+hi tsi t+ta u pa ta ya mi// stis sta badzra ya sta badzra// sarba badzra ad ma ta a haM yo ti// sprul pa'i mchod rten gyi dbang na ni/ don thams cad grub par dbang ji ltar thob ce na/ bcom ldan 'das byang chub chen po thugs kun tu bzang po/ byang chub sems dpa' sems dpa' chen po dus gsum gyi de bzhin gshegs pa thams cad kyi thugs la gnas pa'o// de bzhin gshegs pa thams cad kyis/ sangs rgyas kyi zhing 'dir dper na lag mthil du gang bu yongs su gyur to// de nas de bzhin gshegs pa thams cad 'dus te// rgyal bu don thams cad grub pa de bzhin gshegs pa thams cad kyi de kho na nyid mngon par rdzogs par bya'o snyam du sems shig/ces bka' stsal pa dang// de nas don thams cad grub pa des// dus gsum gyi sangs rgyas thams cad kyi dbang bskur bar rig nas dbang thob pa'o// yang sngon gyi rgyal bu don grub la// sangs rgyas kun gyi dbang bskur bzhin// shAka thub sprul pa mchod rten brgyad// sna tshogs sprul sku'i mchod rten gyis// dbang bskur sprul sku thob par shog/ shAkya mu ne na ma sa man ta a ko tra ya mU ti// gling bzhi rin chen sna bzhi la// dbang bskur dbang byed rgyal po yi// zab cing rgya che rgyal po yi// longs spyod dpal ldan dbang mchog thob par shog/ dbang phyug chen po rdo rjes dbang bskur ro// mthu bo chen ni rjes rgyu'i rdo rje'o// sgra la bzhon ni rdo rje dril bu'o// thub pa'i rdo rje tshangs pa'o// dbang po rdo rje mtshon cha ste// dbang mchog des kyang dbang bskur ro// nyi ma rdo rje 'khyil pa'o// zla ba rdo rje 'od chen no// 'byin pa'i rdo rje 'byin pa'o// mig dmar rdo rje ser smug ste// de rnams rdo rje khro bo ste// rdo rje khro bor dbang bskur ro// oM badzra kro d+ha yug ti// sbrang rtsi myos pa rdo rje glang po sna// sbrang rtsir byed pa rdo rje 'greng ba'o// rgyal ba rdo rje dbang po'o// rnam rgyal rdo rje rgyal po'o/ 'dis ni tshogs bdag gtso bor bskur// mdzad skyong rdo rje thub pa'o// me lha rdo rje 'bar ba'o// rlung ni rdo rje rlung 'byin no// gu ber rdo rje 'jigs byed do// yang 'di skad do// mngon par sangs rgyas dus de ru// zhal mthong bka' la rgyas pa yis// lha klu gnod sbyin la sogs pas// rdo rje khro bor bsgyur ba yis// mchod rten dkyil 'khor bkod pa yis// slob ma dag la dbang bskur na// longs spyod rang dgar dbang thob shog/ rin chen sna bdun la sogs pa// sangs rgyas nyid dbang thob pa yi// rtags su dbang ni bskur bar bya'o// phyogs bcu'i sangs rgyas thamad cad kyang// dbang ma thob par sangs mi rgya// dbang mchog thob nas sangs rgya'o// mchod rten chos sku rtogs pa na// dbang mchog thob ces de la bya// sku gdung mngon par bstan pa'i rgyud las// las kyi khyad par bstan pa'i le'u ste bcu gnyis pa'o//// de nas dgyes pa rnam par snang mdzad kyis// 'jug gi don bka' stsal pa// 'khor du 'dus pa de rnams kun// chos nyid dngos po mang ba la// 'dus pa mchod rten chos kyi sku// sgra dang tha dad la sogs pa// kun kyang mchod rten chos skur bshad// de skad gsungs pa'i mod la yang 'dus nas phyag btsal ba// thams cad mchod rten rigs nyid la// bde chen dngos po med pa yi// rang bzhin rtogs na mchod rten yin// dad pas rtag tu de la phyag 'tshal lo// shar phyogs mngon par dga' ba'i zhing khams na// rdo rje ri bo brtsegs pa'i mchod rten bzhugs// 'od zer 'tsher bas nyi ma 'bum gyi gzi// shar phyogs rdo rje 'khor la phyag 'tshal lo// lho phyogs dpal ldan dga' ba'i zhing khams na// rin chen ri bo brtsegs pa'i mchod rten bzhugs// 'od gsal 'tsher bas nyi ma 'bum gyi gzi// sangs rgyas rin chen 'khor la phyag 'tshal lo// nub phyogs bde dang ldan pa'i zhing khams na// pad+ma ri bo brtsegs pa'i mchod rten bzhugs// 'od gsal 'tsher bas nyi ma 'bum gyi gzi// sangs rgyas pad+ma'i 'khor la phyag 'tshal lo// byang phyogs rnam par dag pa'i zhing khams na// las kyi ri bo brtsegs pa'i mchod rten bzhugs// 'od gsal 'tsher bas nyi ma 'bum gyi gzi// sangs rgyas las kyi 'khor la phyag 'tshal/lo// byang chub mchog tu sems bskyed pa// dge don legs kyi gzhi// chos tshul rab kyi dbyings// rtogs pa'i gzugs brnyan sku// mchod rten thams cad la gus pas phyag 'tshal lo// bcom ldan shAkya seng ge'i byin rlabs kyis// srid rtse rin chen sna lnga'i gzhal yas nas// rigs gzhi phyag rgya'i mchod rten bzhir snang ba// 'gro don rdzogs par mdzad pa'i mchod rten la// dga' dang gus ba'i sems kyis phyag 'tshal lo// ji ltar u dum bA ra'i me tog bzhin// sangs rgyas mdzad pa mthar phyin grub pa'i rtags// 'khor ba zad mdzad thar lam 'dren pa'i gtso// bla med mchod rten brgyad la phyag 'tshal lo// rnam dag dbyings kyi byin rlabs rgyal ba'i gdung// ma rig mun sel nges par legs pa'i gzhi// sprul pa'i mchod rten bzod par bkur ba'i gnas// ring bsrel 'jig rten rgyal la phyag 'tshal lo// thabs mkhas thugs rje 'gro ba'i ched bzhengs shing// bden gnyis don rtogs sa bcu'i mchog mnyes shing// gzhan don rnam par grol ba'i gsung mnga' ba'i// byang chub sems dpa' rnams la phyag 'tshal lo// mchod rten don nyid rtogs pa'i byang chub sems dpa' dang// 'di las grol bar mdzad pa'i 'jig rten dam can la// ma 'ongs 'jug 'dod rnams kyis gus pas phyag 'tshal lo// 'jig rten chos sku'i gzugs brnyan la// sbyan drangs gshegs su gsol ba dang// dbang bskur sku khrus gsol ba dang// chos sku nyid la rtogs med de// sems can mi shes pa rnams la// thabs kyis mthun par bstan pa yin// mi mthun bstan na 'dul mi 'gyur// las rnams gang ltar byed pa'i dus// phyag rgya gcig gis chog pa ste// rdo rje gnod sbyin phyag rgya 'di// khu tshur bcangs te mthe bong 'greng// mthe'u chung gzhib la mi sbyar bar// bsgrengs la mdzum mo gnyis po nyid// mtshe ba'i tshul du byas pa 'di// las rnams kun byed phyag rgya'o// de nas sngags ni badzra pa sha hUM// yang na bsang gad byed po dang// phyag rgya 'di yis byas na 'grub// bzlas brjod yan lag dmigs pa med// rang la rang bzhin med pa ste// dmigs pa sngags dang mchod rten dang// bsgrub pa po dag gsum ka ste// ye shes gzugs brnyan 'dra bar dmigs// de ltar rnam pa gsum ka yang// rtog med dbyings las ma g.yos par// de ni mi dmigs sgom pa yin// re mos pa dang cig car ba// blo yi khyad par dag tu bshad// bzhugs su gsol ba de nyid ni// don gyis bzhugs par bsam pa ni// gnyis med chos kyi ngang la bzhugs// de ltar rtogs na bzhugs pa yin// thabs kyi drang srong bzhugs pa ni// mgron rnams gral du bzhugs pa dang// 'dra bar dkyil 'khor gdan dag la// mchod rten rim par bzhugs par bsam// dngos grub gsol ba de nyid kyang// dngos pos mchod rten chos skur rtogs// de ni don dam nyid du bshad// gzhan gyis byin du re ba de// yang dag de la btags pa dang// khyad par che ste blo yi dbang// rdzas dang tshan nyid la sogs pa// don du mi 'gyur gang yang med// 'bru lnga spos lnga rin chen lnga// mchod rdzas dbang rdzas bsgrubs pa rnams// chu gtsang bdun po de nyid rnams// bstan pas sku gsum mchod rten la// khrus byed rnams kyis phul bas na// bkra shis gtsang ma'i rdzas su gzhag/ dbang bskur rdzas rnams gong du bshams// phan yon che bas bstan pa'i sku// dus gsum pa yi sangs rgyas gang// mchod rten chos sku 'di las byung// mchod rten chos sku sangs rgyas yin// rgyu dag rkyen dang 'bras bu gsum// gzugs brnyan mchod rten 'di la bshad// dang po byang chub sems bskyed nas// tha mar mngon par sangs rgyas te// bkra shis rtags kyis don byed pa// chos sku'i gzugs brnyan mchod rten yin// rgyu yi chos su gyur pa rnams// tshig dang grangs dang bshad pa dang// bshags dang dbang dang mngon spyod pa// chos sku'i gzugs brnyan 'di la tshang// sa dang chu dang dgos grub kyang// yon tan mthar phyin la sogs rnams// sangs rgyas nyid du bsgrub pa yang// chos sku'i gzugs brnyan de nyid do// phyogs bcu dang ni dus bzhi rnams// phyi nang sno bcud ma lus pa// byang chub sems rtogs gang yin la// mchod rten chos sku nyid du bstan// phyogs bcu kun tu gshegs pa yi// sangs rgyas bsam yas mang po la// mchod rten chos skur snang ba las// gzhan du log rtog gang yang med// chos sku de nyid ma rtogs la// gzugs sku sna tshogs skye bar bstan// ma rtogs sems can rnams la ni// gzugs dang rdzas kyi ngo bor snang// la las rtsed mo rtsol bar mthong// la las gnas dang rten du mthong// la las sgrib sbyong la sogs snang// la las tshig chad don med snang// rtog pas ji ltar btags byas kyang// chos sku nyid la rtogs pa med// dper na chu zla'i gzugs brnyan 'dra// mchod rten tha dad bstan pa yang// sems can blo rnams tha dad phyir// mi mthun bye brag tha dad snang// snang ba nyid na dngos po med// dngos med de nyid don dam gzugs// rmang dang bang rim la sogs kyang// chos nyid tha dad dbang gi bstan// sku khrus gsol ba de nyid kyang// chos nyid chos skur rtogs phyir bstan// zhal so byas par snang ba ste// chos sku bskyed de mi 'gyur ba// rig pas brtags pas 'gyur ba med// de nyid zhal so byas pa'o// sku la na bza' gnas pa ni// phyi nang snod bcud ma lus la// ye nas chos skur gnas pa de// gang gi gsal bar rtogs pa'o// dbu la sbyang du gnas pa ni// khams gsum thams cad chos kyi rje// chos sku'i gzugs brnyan mchod rten de// gzhan la sgrogs shing snang phyir min// zur dang bang rim dbyings rnams dod// chos nyid tha dad gsal ba ru// gnas skabs mi mthun bstan pa yin// dbyibs dang kha dog mang po yang// sangs rgyas rol pa'i thabs las med// sems nyid dbang gis cir snang yang// sangs rgyas rnams ni sku gdung yin// gzugs brnyan mchod rten zhes su bstan// bstan pa'i gzugs brnyan ring bsrel yin// dam pa'i don gyi mchod rten la// gzugs brnyan tsam du snang ba med// de nyid rtogs pas sangs rgyas 'grub// gzugs la mi rten chos nyid ni// chos sku de nyid gud na med// med pa ma yin mi rtogs yin// dkyil 'khor ri mo gzugs la sogs// byas pa ma yin chos kyi sku// byar med rtogs na chos sku thob// sangs rgyas nyid la rtog pa med// mchod rten dbyings la tha dad bstan// rtsi shing nags tshal tha dad pa// mchod rten dbyings su bstan yang rung// gzugs sku ri mor gtod pa la// mchod rten dngos su brtsig pa dang// snod kyi 'jig rten chags pa yi// ri rab gling du gsal ba dang// rnam pa mang por bshad pa yang// ming du 'dra ste don du min// mchod rten dbyibs la 'dra spyad na// bar snang sprin la mchod rten gzugs// mu stegs dag gi rtags mchod na// dngos grub thob par ga la 'gyur// mchod rten dbyibs nyid mi mthun pa// rang dgar byas la ma yin te// chos kyi don la mtshon par byed// sems can rtog pas bcings pa la// chos sku'i dbyibs kyi rtog pa dgrol// sku gdung mang por dbyibs bstan pas// don la bye brag rtogs par byed// ye shes bye brag rtogs pa la// tha dad med de tha dad snang// ye shes chen po'i rang bzhin la// don du mi 'gyur sku gdung min// mtshon gang tsam gyi mchod rten la// nyung 'bru tsam gyi bum pa btags// khu byug lce tsam 'khor lo byas// ba li tsam gyi char khab byas// des kyang snang srid ma lus gang// sangs rgyas nyid du 'grub par nges// byang chub sems kyi gsal phye na// rdul cig tsam gyi sku gdung la// mchod pa thang cig mchod pas kyang// da lta nyid du dngos grub thob// rtogs pa'i ting 'dzin ma gsal na// ri rab tsam cig bzhengs gsol yang// sang rgyas dngos grub chos sku med// las la 'bad pas lha mi tsam// ting 'dzin rtogs pas zin 'gyur na// gcig btab bye ba btab dang 'dra// rdul phran tsam gyi mchod rten gyi// 'jig rten khams rnams khengs par 'gyur// ting nge 'dzin gyis gsal bar 'gengs// mchod rten grangs las 'das pa rnams// sku gdung rdul phran tsam du 'dus// skye med chos sku gcig las med// lam srang dngos kyi rdo dngos dang// g.ya' gangs gtsang ma'i gnas dag tu// ri phug sa phug khyim la sogs// rdo shing sa phag 'jim pa rnams// de la sku gdung byas sam stod// rab gnas mchod pa byas pa na// bskor ba lha phyag byas pa na// brgya rtsa brgyad po byas pa dang// don la khyad par gang yang med// skor phor mchod rten byas pa dang// dngos su brtsig pa byas pa gnyis// rtogs pa'i dbang la 'dra ba ste// blo che gsal ba rnams la yin// blo dman shes rab chung ba la// dngos su brtsegs na las kyis 'bad// 'bad pa tsam na shes rab skye// dkyil 'khor cho ga la sogs pa// rang gi rtog pas ma zin na// rang gi sgrib pa byang ba dang// sangs rgyas thugs rjes dgongs pa dang// slob dpon shes rab bshad bstan gyis// blo chung dngos grub thob pa na// cung zhig khyad par yod par bshad/ skor phor snod kyi 'jig rten dang// chos kyi dbyings su gsal bas dag/ nang du gzugs brnyan bzhugs bzhag pa// phyogs bcur chos sku'i gzugs brnyan gsal// sa la btab dang chu la btab// me dang rlung dang nam mkha' dang// phyogs dang mtshams dang steng 'og tu// dngos su btab cing bzlas pa dang// ting nge 'dzin gyis gsal ba na// kun kyang chos sku'i gzugs brnyan yin// chos rnams thams cad de la gnas// ting 'dzin gzugs brnyan zhes su bshad// thams cad chos sku'i rang bzhin du// ma gyur pa ni gcig kyang med// mchod rten dbyings su thams cad gsal// chos sku'i gzugs brnyan thams cad bshad// mchod pa'i rdzas dang sgra rnams kun// bkra shis don du bshad pa ste// re re la yang dgos ched re// chos sku dag la mchod pa yis// yon tan bsam yas thob pa'o// chos sku'i nang du gdung bzhugs pa// gdung ni don dam rtogs pa'i rtags// chos sku'i gzugs brnyan rtogs phyir dang// byang chub 'dod pas gzhug pa bstan// rdo rings zhes su bstan pa bzhi// sngon gyi chos kyi zhal bzhes pa// rgyal chen bzhi po yin par bshad// don du gzugs brnyan mchod rten la// ma tshangs pa dang ma 'dus pa// chos nyid ngang la dbyer bshad med// sa dang chu dang me dang rlu// nam mkha' la sogs 'byung ba lnga// lnga po de nyid mchod rten yin// chu yi phra rags de nyid kyang// mchod rten dag tu gnas pa'o// me dang rlung gi phra rags nyid// gzugs brnyan mchod rten bye brag ste// bang rim khri 'phang rmang la sogs// mchod rten nyid du ye nas gnas// phra rags rdul nyid chags pa ste// gzugs brnyan dbyibs su ye nas bstan// rdul phran tsam gyi mchod rten de// rmang dang khri 'phang bang rim kun// dbyibs rnams tshang bar bzhengs pa'o// 'byung ba lnga la gnas pa yi// sems can rnams kyi don gyi phyir// 'byung ba lnga la macod rten 'bad// yang na don gyi dbang gi na// dngos su rten pa mtha' dag pa// sa la mchod rten btab ces bya// sdud par byed pa chu yin pas// chu la btab ces de la bya// mchod rten dngos su gsal byed pas// me la btab ces de la bya// rlung gi dngos po mtshon byed pas// chos rnams rlung yod pas// rlung la btab ces de la bya// chos nyid ngang la don gyis na// gcig la lnga tshan kun ka tshang// de ltar rtogs na mchod rten gdab// nam mkha' dngos po med pa la// gsal zhing go 'byed mtshan mar snang// mchod rten gsal zhing gzugs brnyan byed// 'byung ba lnga po ye nas gsal// mchod sku'i mchod rten ye nas gsal// rang 'byung mchod rten 'byung ba la// ye nas 'byung bas rang 'byung ngo// phyogs dang mtshams nyid chos nyid la// chos nyid ngang las rang 'byung ngo// ston pas sprul pa don mdzad de// 'gro ba tha dad snang ba la// sprul pas mthun pa'i don byed pas// sprul pa'i mchod rten zhes su bstan// chos nyid dngos po med pa la// las kyi dbang gis dngos po'i gzugs// gzugs brnyan mchod rten zhes su bstan// chos nyid don dang 'dra ba'i gzugs// don la brnyan pas gzugs brnyan no// rtags pas snang ba'i ngos po la// sku yi gzugs brnyan zhes su bstan// khyad par de snyed bstan pa yang// gdul bya'i ngang ste tha dad med// mtshon dang rtogs par bya ba'i phyir// ji snyaid 'dod pa de snyed bstan// bstan pa nyid na dngos po med// yod med gnyis las 'das pa yi// chos kyi sku yi gzugs brnyan 'di// ma 'ongs skal ldan don gyi phyir// thugs las ljags su phyung ste bstan// bstan pa'i rgyud chen rgyal po 'di// skal ldan rnams kyi gdeng du zhog/dga' dang gus pas phyag 'tshal lo// rab stod sku la phyag 'tshal lo// don grub yod pas gzhan na med// thugs rjer ldan la phyag 'tshal lo// zhes gsungs so// chos kyi sku'i gzugs brnyan sku gdung mngon par bstan pa'i rgyud las// las kha bskang ba dang yongs su gtad pa'i le'u ste bcu gsum pa'o//// mchod rten gyi cho ga/ btsan pos phyag sbal nas// lo tsA ba ban d+he rin chen mchog gis bsgyur ba// gzugs chen po ma yin pa// rgyud chen por rtogs pa'o// bi ma uSh+Ni Sha'i sku gdung mngon par bstan pa'i rgyud rdzogs so//// dad ldan sems can rnams kyi las// sku gdung bzhengs pa'i las byed pas// rgyud 'di'i rjes su 'brangs byas te// las kyi rim pa ma nor bar// yan lag tshang bar byas nas ni// mchod rten sku gdung las byas na// gcig btab bye ba btab dang mtshungs// dpung bzangs zhus pa'i rgyud dag la// gang gis sbyin sreg dang ni bzlas brjod kyis// rang gi 'dod pa'i lha de ma 'grub cing// gsang sngags 'bras bu thob par ma gyur na// de tshe bder gshegs sku gdung sa tshwa gdab par bya// yang na chu 'gram bye ma dag la gdab// des ni bskal par bsags pa'i srid zhan rnams// grol bar 'gyur te nyes pa kun zad nas// gsang sngags 'bras bu tshe 'di nyid la thob// de nas sku gsung thugs kyi dam tshig nyams pa yang// de yi las byas 'byang bar te 'bras bu ni// mchod rten chos sku'i yon tan thob par 'gyur// zhes 'byung bas phan yon ni// dpag cing gzhal ba las 'das par gsungs so// thams cad ma tshud pa zhes bya ba'i dam tshig ni/ phyogs dus mnyam pa'i dkyil 'khor du// rdo rje rigs mchog ma rtogs pa// theg pa dman dang lta ba dman// des ni theg mchog rtogs mi 'gyur// mnyam pa'i dbyings kyis kun khyab kyang// nyon mongs sdug bsngal nyid kyis bsgribs// de yis yang bdag nyid mi mthong// mi mthong ba la mi chud bya// thams cad bsrung du med pa zhes bya ba'i dam tshig ni/thams cad ma lus sangs rgyas la// bsgrub cing bsrung bar bya ba med// dge dang mi dge gnyis ka med// nyon mongs spang zhing byang sgrub med// de bzhin nyid kyi klung gyur na// bde dang mi bde dbyer med de// ye nas rnam dag mnyam nyid gnas// de la srung du rdul tsam med// thams cad bsrung bya zhes bya ba'i dam tshig ni/ sems can khams gsum 'khor ba yi// thog ma med nas sems yan btang// phyin ci log la 'jol nyog spyad// gzung 'dzin don la shin tu chags// des na 'khor bar rtag tu 'phyan// de bas rang sems rtogs byas te// le lo g.yeng ba yongs spangs nas// nga med bdag med mnyam par bsrungs// thams cad 'jigs byed ces bya ba'i dam tshig ni/ rdo rje sems dpas bka' stsal ba'i// sdom pa'i rtsa ba thams cad kun// de bzhin du na ma bsrungs nas// yak+Sha khro bo me dbal gyis// snying nas drangs te khrag 'thungs nas// ngan song gsum du skye bar 'gyur// de yi sdug bsngal gsod thag chad// dam tshig 'di ni rdo rje che// dam tshig so sor spyad pa zhes bya ba'i dam tshig ni/ rigs lnga so sor dbye ba yi// de bzhin gshegs pa khyi yi sha/ rdo rje sems dpa' glang po'i sha/ rin po che ni rta yi sha/ pad+ma nya yi sha chen de// don yod nam mkha' lding gi sha/ dbye'am yang na mi dbye bar// yang na thams cad gcig tu bsdu// yang na mtshan nyid med par brtag/ ting nge 'dzin gyi dam tshig ni// thams cad ma lus chos so cog/ de bzhin nyid kyi rgyas btab pas// gnyis su dbyer med ting 'dzin brtan// de ltar sangs rgyas sems can ni// rang rig byang chub sems yin pas// dus gsum na ni rgyal mi bzhugs// sus kyang ma bcos ma byas pa'i// brjod pa'i tshig las 'das pa de// rgyal ba yin zhes rgyal ba gsung// de ltar shes pa rgyal ba pas// thabs mkhas shes pa'i ting 'dzin yin// phyag rgya'i dam tshig chen po ni// bde gshegs dkyil 'khor ma lus kun// ye nas rang bzhin 'od gsal ba// thams cad kun la yod par bshad// ye shes sems dpa' dkyil 'khor nyid// bla na med pa'i mchog yin te// rdo rje rigs mchog thams cad kyi// bar ma chad pa rtag par sgrub// byang chub shing drung skye bar 'gyur// bla med byang chub mchog kyang 'grub// skye shi med pa'i bde 'grub ste// sems la dbang yang thob par 'gyur// spyod yul thams cad smon na shes// gang zhig dkyil 'khor 'di spangs na// nyon mongs ngan song gnas su skye// byang chub 'bras bu thob mi 'gyur// bla med 'gro ba'i rgyun yang bcad// rigs chad nyid du gnas par 'gyur// rdo rje sems dpa' sgrub 'dod pas// rtag tu mnyam pa'i don rtogs la// sku ni gzha' tshon tshul 'dra bar// snang la rang bzhin med par bsgom// 'khor rnams chu zla'i tshul shes par// gsal la rang bzhin med par bsgom// lha yi bu rnams gsal bsgom na// bsod nams tshogs chen thob par 'gyur// de nyid gzugs brnyan tshul shes na// ye shes tshogs chen thob par 'gyur// rnal 'byor pas ni rtag tu bsgom// yid dam lha de spangs byas na// ngan song mi bde rtag tu myong// sngags dang phyag rgya rgyun mi bcad// don gyis zin par bya ba ni// rnal 'byor 'grub pa'i lam yin pas// sngags dang phyag rgya rgyun mi bcad// rnal 'byor dam pa'i lam yang yin// mi gtong sdom zhing 'dren pa'ang yin// don mchog rdzogs pa'i gnas yin te// rtag tu mnyam gzhag phyag rgya yin// dug gsum gting 'byin sngags yin te// yang dag don chen klung 'dod pas// dus 'tshams med par phyag rgya sngags// yid brtan rtag tu bzlas bsgom bya// yon tan nam mkha'i mtha' dang mnyam// phyag rgya spyod dang yi ge oM// rdo rje slob dpon gyi mtshan nyid bstan pa/ bla med dkyil 'khor ston pa'o// yon tan zad med sbyin pa yin// byang chub lam chen 'dren mdzad pa// chags med zhing du 'god pa yin// nyon mongs sdug bsngal rtsad gcod cing// 'khor ba'i lam rnams stongs par byed// ma rig mun sel sgrol ma yin// long ba rnams kyi dmigs bu mkhan/[ ]/ de la rtag tu mchod byas na// sangs rgyas byang chub thag mi ring// rdo rje mched lcam grogs mchog ni// rang sems dag pas 'grub sla'i phyir// rdo rje rigs kyi spun yin te// thog ma med nas las mthun pas// lta spyod gcig tu 'dir skye ste// gcig la gcig ni mig 'drar bya// shin tu gdung zhing brtse bar bya// mched la ngan sems dpya byas na// dmyal ba chen por ltung bar 'gyur// de bas dam tshig 'da' ma byed// gsang ba'i mtshan nyid bstan pa ni// de bzhin gshegs pa'i dkyil 'khor ni// srid gsum ma lus kun la khyab// phyin ci log gis rang bsgribs nas// dbul mo gter dang gyad nor 'dra// de bas rdo rje gsang mchog 'di// gsang ba'i snod dang mi ldan la// shin tu gsang phyir bstan mi bya// thams cad mkhyen pa'i thugs rje yis// chos la skyon yod ma yin te// sems can don phyir shin tu gsang// theg pa dman dang phyin ci log/ de la gsang ba bstan gyur na// rang bzhin gsang don mi shes par// 'phral gyi spyod tshul de dag la// shin tu nges pa'i don gzung nas// gsang don de nyid log par 'khrid// ma rtogs de nyid dmyal bar 'khor// de bas rab tu gsang bar bya// thugs rje chen po dang ldan pas// thar lam kun la mkhas par bya// shes rab mchog dang ldan pas na// sems can snod rim dang sbyar zhing// theg pa mthon dman don nyid ni// so sor 'tsham par kun la bstan// dang du blang dang mi spang ba// rnal 'byor pa yis rtag tu spyad// chags pa med par gyur pa dang// dngos grub ya mtshan chen po ni// dam tshig mdo bshad nang nas 'byung// ma rtogs pa yis spyad gyur na// yi dwags srin po'i gnas su skye// yang na dam tshig 'di ltar bur// ji ltar spyad kyang sdom mi 'da'// byed spyod tshogs chen gnyis su 'gyur// 'gro dang 'dug dang nyal ba na// ma nyams de yi dbyings na gnas// shes rab mchog gis rtag tu gyis// chos rnams ma lus thams cad la// bya lam nam mkha' gcod bzhin gyis// 'dzin chags ma lus thams cad kun// mkha' la rlung chen 'phyo ba bzhin// yid kyi rtogs chags ma lus pa// chu la nya chen 'phyo ba ltar// rnal 'byor lta ba de ltar ltos// de ltar rtogs pa'i shes rab kyis// tshig tsam ma yin blo gting spos// rdo rje theg mchog khas 'ches pa// mnyam pa'i don nyid mi shes par// gsang sngags dam tshig mnyam zer zhing// thug thub dag tu spyad byas na// dmyal khams dag tu brgyud par 'gyur// mnyam pa'i don nyid ji lta bur// mnyam nyid rang bzhin gang yang min// mnyam dang rtog pa gang yang med// ci la'ang mi gnas kun la spyod// spyod par byed dang spyad pa med// de ltar rtogs pa'i rigs mchog ni// rdo rje rigs mchog 'dzin par skye// 'jigs med kun tu bzang por sbyor// yon tan mi zad gnas kyang yin// mnyam pa'i don nyid mi shes shing// kun rdzob don dam gnyis 'byed la// chos dang gang zag bdag med par// 'di ni byang chub sa ba yin// las dang nyon mongs thams cad la// mnyam pa'i don du mi shes shing// rten 'brel rgyu 'bras yod 'dzin na// 'di na ring sangs rgyas kyi sa// chos rnams ma lus thams cad la// bden bzhi'i dngos po yod blta zhing// spong dang mi spong byed gyur pa// 'di ni nyan thos sa pa yin// dge bcu dag la gtsor len cing// dge dang mi dge mi mnyam pas// lha dang mi yi skye gnas te// 'dod khams dag tu 'khor ba'i sa// mnyam pa'i don nyid ma rtogs shing// tshad med bzhi dang bsam gtan bzhi// rim par so sor bdag 'dzin cing// gzugs sogs rnams la bdag tu rtogs// de ni tshangs gnas rim par skye// mnyam dang gzugs med ma rtogs nas// ming bzhi med par mi shes de// skye mched bzhi la gnas gyur pa// srid pa'i rtse mo'i sa ru skye// thams cad mnyam par ma shes nas// ma lus kun la zhe sdang zhing// snying rje yang dag med gyur na// 'di ni mi zad chen po yi// dmyal khams bcu drug gnas pa yin// chags med dngos po mi shes na// thams cad kun la 'dod chags shing// lus kyi bsgribs dang zas kyis bsgribs// yi dags chen po'i gnas su skye// nga dang bdag med ma shes shing// chos rnams kun la rmongs byas pas/shes rab gsal don med pas na// dge sdig gnyis kyi don ma rtogs// 'di ni byol song gnas su skye// shin tu nga rgyal cher bskyed cing// thams cad bdag gir bzung bas na// kun dang rtsod pa'i las byed cing// lha ma yin gyi gnas su skyes// theg mchog mtho dman thams cad dang// 'jig rten lta ba thams cad kun// ye shes chen po rab brtags na// rang bzhin med las cir yang 'grub// rang bzhin dbyings las nyams pa med// shes rab chen po'i mig ldan pas// mthon dman gnas dang lam drung gnas// so so de bzhin 'khor bar gzigs// sngags mchog bla na med pas na// mtshan ma kun tu mi rtag par// mnyam pa'i ngang du thams cad med// kun kyang mnyam pa nyid yin pas// 'jig rten 'das dang 'jig rten pa'i// so so lta ba brjod mi bya// spyir ni log rtog bsam yas pa// ye nas yod pa ma yin te// so so'i rnam rtog bag chags kyis// gzung 'dzin dra bas bsgribs gyur te// ci yang med la cir yang snang// snang ba nyid na rang bzhin med// de ltar rtogs na bde 'gro'i gnas// rdo rje can gyis de ltar rtogs// rnal 'byor chen po'i ltar spyod ni// ji ltar spyod kyang rang bzhin med// mkha' la bya chen lding ba bzhin// chu la rkyal chen 'phyo ba bzhin// mkha' la rlung chen 'gro ba bzhin// rnal 'byor lta ba de ltar blta// rnal 'byor spyod pa chen po ni// thams cad kun la dbyer med spyod// bde ba'i ro mchog myong bar 'gyur// de la su zhig chags par byed// spyod bzhin ma chags ye shes yin// bde ba'i mchog nyid bsod nams tshogs// de lta bu yi ngang du spyod// 'di ni spyod pa brlabs chen yin// lta spyod ya char ma gyur pas// sngags 'chang rnams kyis rtag tu spyad/ kha cig lta ba mnyam gnas dang// spyod pa dag dang yong mi mthun/ kha cig spyod pa rdzogs byed kyang// mnyam pa'i lta ba yong mi shes/ kha cig lta spyod gnyis ka med// yang dag skyes mchog dam pa yis// don dam kun rdzob dbyer med par// yang dag nyid du rab tu rtogs// bla med theg pa'i nang nas ni// don dam du ni dbyer med de// kun rdzob tsam du thams cad la// dag dang ma dag gnyis kar 'dzin// thabs kyi theg pa chen po ni// rnam par byang dang sdug bsngal dag/ kun rdzob tu yang dbyer med de// lta ba mtho dman de tsam mo// thabs kyi lta spyod chen po ni// bla med theg pa las 'phags pa// don dam du ni nor bdun no// kun rdzob tu ni mnyam rdzogs so// mnyam pa nyid las ma g.yos bzhin// thabs kyi phyag rgya chen po ston// thabs dang shes rab rnam par dag/ thams cad dag ces bya ba yang// dngos po gsal dag ma yin te// snang spyod nyid na rnam par dag/ dam tshig chen po'i mdo rnams las// rigs lnga dag tu bstan pa ni// chos rnams ma lus thams cad kun// rigs chen dag tu zad par 'dus// ma lus chos kun dbyer mi dmigs// cis kyang mi tshugs rdo rje ste// rigs ngan 'joms pas rdo rje yin// mi dmigs dbyings nas kun 'byung bas// yon tan chen po'i gnas yin te// zhing khams mi zad gnas kyang yin// 'di ni rin chen rigs su gsungs// chos rnams thams cad dbyer med pas// chags dang chags par bya med pas// de bzhin nyid du don gcig ste// nyes pas ma gos pad+ma yin// thams cad ma lus dbyings 'dus pas// 'di la bya ba rdul tsam med// ma byas bzhin du don grub pas// skyon yon byang chub nyid du sbyor// 'di ni las rnams grub pa yin// chos rnams ma lus thams cad kun// mtha' dang dbus med du ma bral// gang yang ma yin de bzhin nyid// dbyer med pa yi tshul rtogs te// 'di ni de bzhin gshegs kyi rigs// snang srid ma lus thams cad kun// gsal ba dro bar gnas byed cing// mtshan ma'i bag chags sreg byed pa// 'di na me yi rigs su bshad// chos rnams ma lus thams cad la// ngang gis ye nas 'byor ldan zhing// mnyen chags nyid du gnas pa ni// yang nas yang du rgyun ma chad// mi bde dag bas chu chen yin// chos rnams ma lung thams cad ni// dngos por snang la gzung du med// bskyod nas thams cad kun smra ste// 'di ni rlung chen yin par bshad// dam tshig chen po'i mdo rnams las// 'byung ba lnga rnams bshad pa ni// thams cad ma lus 'byung ba'i gnas// thams cad kun gyi 'tsho skyed yin// chos rnams ma lus thams cad la// sra zhing rten pa'i gnas yod pas// dngos po med pa'i tshul rtogs te// 'di ni sa chen yin par bshad// chos rnams ma lus thams cad la// de bzhin nam mkha' chen po yis// phyi dang nang gi go 'byed pa'o// thams cad gsal ba'i ngang yin te// 'byung ba bzhi po thams cad kyang// thams cad nam mkha'i ngang du thim// chos rnams ma lus thams cad kyang// de bzhin nyid kyi dbyings su 'ub// nyon mongs pa lnga zhes bya ba'i dam tshig ni/ ma rig pa ni rig par gyur// phyin ci log ni yang dag ste// nyon mongs lnga po de bzhin gshegs// dngos med rtogs na byang chub lam// ma rtogs ngan song gsum du 'gro// de bas thos bsam bsgom pa yis// yang dag don nyid rtogs byas te// thams cad sangs rgyas zhing du sbyor// 'dod chags rang bzhin med pas na// yang dag don la chags byed de// chags pa med pa'i tshul gyis gnas// ma chags pa la chags pa ni// shin tu chags mchog chen po yin// rgyal ba'i zhing khams 'byung 'gyur ba// snang mtha' yas kyi zhing dag yin// thams cad pad+mar rdzus las skyes// rdo rje 'dzin gyi sa ru ste// zhe sdang chen po'i mtshan nyid ni// phyin ci log la zhe sdang zhing// zhe sdang dngos po med shes na// zhe sdang mi sdang mnyam shes te// cis kyang mi tshugs rdo rje yin// mnyam pa chen po'i ngang nyid ni// thams cad kun tu dbyer med de// de ltar ma rtogs kun la sdang// de bzhin phal gyis mnyam mi shes// des ni zhe sdang nyid du mthong// yang dag rtogs pas rab brtags na// zhe sdang thugs rje chen po yin// gti mug rmongs pa zhes brjod pa// chos rnams ma lus thams cad kun// don dam du ni dbyer med la// kun rdzob sgyu ma mig yor tshul// snang ba nyid na dngos po med// de la su zhig gnyis su 'dzin// thams cad dbyer med mi dmigs pa// shes rab can gyi gti mug yin// de rtogs de bzhin gshegs pa'o// nga rgyal mtshan nyid brjod pa ni// mnyam pa nyid la gnas bcas nas// phyin ci log dang theg dman la// shin tu nga rgyal chen por snang// nga rgyal zhi ba so so min// rang bzhin med pas dbyings su 'dus// 'di ni yon tan 'byung gnas yin// de bzhin dag par shes par byos// phrag dog mtshan nyid brjod pa ni// nga dang bdag tu 'dzin pa ste// 'dzin nyid dngos po yod ma yin// mnyam mi shes la phrag dog cing// thams cad mnyam pa nyid du 'dus// mi mnyam pa la shin tu sdom// de bas phrag dog chen po yin// phyin ci log ni bdag tu bcings// gzung dang 'dzin pa shin tu dog/ gzung 'dzin bral ba'i ye shes ni// dog yangs med de thams cad mnyam// de nyid shes pas las rab 'grub// phung po lnga shes bya ba'i dam tshig ni/ phung po lnga por snang ba yang// kun rdzob bya ba sna tshogs byed// bde ba'i yul dang mi bde'i yul// so so'i ro rnams myong byed cing// phung po'i mtshan nyid gzhig byas na// so so'i mtshan nyid dngos po med// gang gis de la dngos gzung na// ngan song gsum du skye bar 'gyur// de la gzugs kyi mtshan nyid ni// snang ba nyid na rang bzhin med// snang med de nyid sna tshogs ston// snang dang mi snang gnyis su med// de rtogs rnam par thar pa'i gnas// gzugs nyid longs spyod rdzogs pa'i sku// tshor ba'i mtshan nyid brjod pa ni// kun la rnam gsum 'byung mod kyi// bde dang mi bde'i dngos po med// gnyis ka ma yin lung ma bstan// sna tshogs tshor ba 'byung 'gyur yang// tshor dang 'byung ba gnyis ka stong// stong nyid dngos po yod ma yin// de rtogs chos kyi go bgos yin// 'du shes mtshan nyid bshad pa ni// gsum tshogs mtshan mar 'dzin pa yin// so so'i mtshan nyid gshig pa na// dngos po med de de bzhin nyid// dngos med de nyid sna tshogs pa// bya byed med par kun tu 'jug khams gsum ma lus thams cad la// mtshan ma che chung bsam mi khyab/khyab med dngos po yod ma yin// de ltar rtogs na sangs rgyas mtshan// 'du byed mtshan nyid 'di ltar gnas// rtsa ba brgyad pos klong 'gyur te// lnga bcu rtsa gnyis kun la 'phro// de rtogs rtsa ba yod ma yin// med bzhin log g.yo rnam par 'byung// de la dngos por 'dzin pa ni// rtag tu nyon mongs g.yengs gyur nas/ khams gsum btson rar rgyun du 'khor// yang dag don bzhin rig pas ni// 'phro ba'i gzhi rtsa de bzhin nyid// de las rang rig 'byung ba ni// dngos po med dbyings skad cig ma// ye shes dbyings la rol par mdzad// sprul pa'i tshogs chen yin par bshad// kun gyi 'byung gnas rnam shes te// de yi dngos po'i rang bzhin ni/ kha dog dbyibs dang rigs brgyud min// gang yang ma yin nyid mi dmigs// 'di ni kun la dbang sgyur te// mtho ris 'gro'am ngan song 'gro// rtogs dang ma rtogs khyad par ro// bzhi po mnyam pa'i ngang shes na// de ni ye shes chen po yin/ kha dog lnga yi dam tshig ni// sems can ma lus thams cad la// ye shes lnga yis kun khyab kyang// rang gi rnam rtog bsgribs byas te// ye shes lnga yi don ma mthong// ma mthong rmongs pa thams cad la// ye shes mtshan nyid bstan pa'i phyir// dkar dang dmar dang ser ba dang// ljang khu la sogs nag por bstan// chos rnams bdag med rtogs byas na// byang chub sems nyid dag pa'i phyir// shin tu mdog ni dkar bar bstan// de rtogs bya phyir dag pa'i mdog/ chos rnams ma lus thams cad kun// pad+ma rA ga zhes brjod de// chags dang chags par bya ba med// chags med phyir yang dmar po'o// yon tan gter chen zad mi shes// thams cad 'byung ba'i gnas yin te// de bzhin nyid dbyings ma lus la// zad med rin chen gter gyur pa// mdog ni gser gyi mdog tu bstan// chos rnams phyin ci log rnams la// thugs rje chen po'i byin brlabs kyis// dbyings su yang dag bsdu dgos pas// las rnams ma lus rdzogs byed de// kun tu las ni ljang khu'i mdog/de bzhin nyid kyi dbyings nyid la// cis kyang mi tshugs bcos su med/ kha dog nag po'i dngos po la// tshon gzhan dag gis bsgyur du med// de bzhin kun la shes par byos// phyogs lnga zhes bya ba'i dam tshig ni/mtha' dang dbus med de bzhin du// dbyer med ngang du gnas pa la// ye shes rtogs pas don bya'i phyir// phyogs dang dbus su gnas par byas// sems can ma rig ldongs pa la// nyon mongs ma lus gsal bya'i phyir// ye shes sgron ma'i 'od 'bar bas// ma rig mun pa sel bar byed// de phyir de la shar zhes bya// sems can ma lus thams cad la// nyon mongs sdug bsngal mi gnas shing// ma rig mun pa nub gyur pas// de la nub kyi phyogs zhes bya// sems can kun gyi nyon mongs kun// ye shes chen pos bdag med par// sdug bsngal rab tu byang byas pas// de la byang gi phyogs zhes bya// de ltar ma lus thams cad la// thugs rje shar dang sgrib pa nub// rnam rtog mtshan nyid byang gyur pa// de ni yon tan chen po rdzogs// de ltar chos rnams ma lus kun// de bzhin nyid kyi dbyings su 'dus// phyogs rnams ma lus thams cad kun// de bzhin nyid de bzlum pa'i tshul// phyogs rnams kun la de ltar blta// ma rig phyin ci log rnams kyis// phyogs rnams so sor bzung gyur na// rtag tu nyon mongs 'khor bar 'gyur// dbang po lnga zhes bya ba'i dam tshig ni/ yul lnga dag la dbang byed pa'i// phyin ci log ni dngos por 'dzin// dngos por gzung bas 'khor bar 'khyams// gzugs rnams ma lus thams cad la// snang zhing dngos po med pa dang// lha dang lha mo'i dngos por brtag/ bdag dang lha nyid gnyis med pa'o// sgra rnams sna tshogs grag pa yang// sgra nyid dngos po med par shes// sgra brjod ma lus thams cad ni// chos kyi sgra chen sna tshogs yin// dri yi dngos por snang ba yang// dri nyid rang bzhin gang yang med// dri snom chos kyi dri yin te// shes rab chen pos de ltar rtogs// ro yi dngos por snang ba yang// ro yi rang bzhin yod ma yin// ro bro de bzhin nyid kyi'o// bde ba de yis tshim par byed// reg bya sna tshogs snang ba yang// reg bya'i dngos po yod min te// reg byar snang ba longs spyod yin// bde ba chen po chos kyi sku// mi shes phyin ci log rnams kyis// dbang po yul la chags gyur na// rtag tu 'dod dang mi 'bral zhing// ngan song gsum dang mi khom brgyad// rtswa dang sogs ma'i me bzhin du/khams gsum dag tu 'khor bar 'gyur// de bas ye shes chags med rtogs// byas la mi sogs bsod nams tshogs// kun la spyod cing ma gos pas// ye shes chen po rtag tu bsgoms// mnyam pa lnga zhes bya ba'i dam tshig ni/ phyi nang gi chos thams cad don dam par skye ba med par mnyam pa dang/ kun rdzob sgyu mar mnyam pa dang/ don dam pa dang kun rdzob dbyer med par mnyam pa dang/chen po lnga de bzhin gshegs pa lngar mnyam pa dang/ rnam par shes pa brgyad ye shes lngar mnyam pa'o// de la don dam pa skye ba med par mnyam pa ni/ chos rnams ma lus thams cad kun// de bzhin nyid dang stong pa'i mtha'// yang dag nyid dang chos kyi dbyings// mtshan nyid med cing dmigs su med// gzung du med cing smon pa med// ye nas mya ngan 'das pa yin// thams cad nam mkha'i mtshan nyid med// nam mkha' la yang mtshan nyid med// kun rdzob sgyu mar mnyam pa ni// 'dus byas dngos po sna tshogs ni// sgyu ma'i tshul du thams cad snang// sprul snang bya ba thams cad byed// rtog pa kun gyi tshad mar snang// 'di dag thams cad gzugs brnyan te// bya byed snang zhing dngos po med// chu zla'i tshul du thams cad gnas// thams cad snang la rang bzhin med// don dam kun rdzob dbyer med ni// chos rnams ma lus thams cad kun// gzhi rtsa med las thams cad 'byung// med dang yod pa gnyis ka min// don dam kun rdzob dbyer med de// 'dus ma byas nyid 'dus byas snang// snang ba nyid na dngos po med// dngos med de nyid sna tshogs pa// de nyid sgyu ma mig yor tshul// 'byung ba chen po lnga de bzhin gshegs pa lngar mnyam pa ni/ sa chu me rlung nam mkha' las// ya mtshan sna tshogs 'byung 'gyur ba// gzhi rtsa yod pa ma yin te// rang bzhin ngang gis de ltar byung// so so'i rigs tshogs snang ba ni// thabs chen dag tu rtag tu mnyam// mtshan 'dzin so sor gnas pa ni// shes rab dbyings kyi ngang du mnyam// rnam par shes pa brgyad ye shes lngar mnyam pa ni/rnam rtog kun gzhi ma yin pa// rang bzhin med pa don gyi gzhi// 'di ni chos kyi dbyings zhes bya// de bzhin nyid kyi ye shes so// chos rnams ma lus thams cad kun// nga dang bdag tu mi 'dzin cing// kun kyang dbyer med nyid yin pas// thams cad me long blta ba'i tshul// thams cad kun la yud rtog cing// rtogs dang brtag par bya ba med// dus gsum du yang mi dmigs pa// 'di ni mnyam nyid ye shes yin// log rtog dbang po'i spyod yul sa// dbang po'i yul rnams dngos med par// thams cad dbyer med de bzhin nyid// so sor rtog pa'i ye shes yin// mnyam pa rnam lnga de ltar brtag/chos rnams ma lus thams cad la// ye nas rang bzhin med pa dang// thabs chen lhun gyis grub par brtag/ 'di ni yang dag rtogs pa yin// tshogs kyi dkyil 'khor zhes bya ba'i dam tshig ni// bsod nams ye shes tshogs rdzogs te// rang rig mtha' dbus med pa'i dkyil// ye shes bzhi 'phro 'khor lo'i tshul// yang na rdo rje sems dpa' nyid// rigs bzhi lha dang lha mo dang// 'khor gyi khro bo khro mo'o// yang na 'das pa dkyil nyid de// 'jig rten sna tshogs 'khor nyid do// chos kyi mchod pa zhes bya ba'i dam tshig ni/ thabs dang shes rab ldan gyur cing// byang chub sems dang ma chags pa'i// gnyis su med par thim gyur nas// tshogs chen gnyis kyang rdzogs par ldan// 'dod yon lnga po thams cad dang// sna tshogs snang ba thams cad kun// de bzhin gshegs pa'i dkyil 'khor dang// gzugs mdzes lha dang lha mor brtag/ thams cad ma lus sgra rnams ni// chos kyi sgra chen yin pa dang// ngan song sbyong zhing thar lam ston// stong gsum grags pa'i sgra chen dang// thams cad 'jal ba'i sgra yang yin// bde ba tshim byed bsod nams te// brjod med mi gnas ye shes yin// 'di ni chags med ma yi gsung// chos nyid dngos po med pa la// dri yis mchog tu tshim byed pa// bsod nams tshogs chen yin par bshad// chags med ye shes tshul yin te// de bzhin dri yis mnyes mchod na// rigs 'dzin rnams la bskul bar 'gyur// ngan song gsum du chos kyi dri// kun tu bde gnas thob par byed// sgyu 'phrul dra ba las/dam tshig rnam par bshad pa'i le'u ste nyi shu dgu pa'o//// de nas de bzhin gshegs pa gsang ba'i snying po de kho na nyid nges pa las/ bdag dang sems can dbyer med par yang dag pa'i dbyings su 'dus shing/bdag gis rdo rje sems dpa'i zhal mngon sum du mthong ba'i don bstan pa'i ched du brjod pa 'di gsungs so// rdo rje sems dpa' bdag po'i gtso// kun rdzob sgyu mar zhal mthong ba'i// thams cad mig yor sgyu ma'i tshul// snang srid ma lus thams cad kun// chu zla'i tshul du 'drar shes shing// yul dang rtog pa nyid med par// gang gis de ltar rig pa de// gzhi rtsa med dbyings skad cig ma// snga phyi med dbyings de bzhin nyid// cis kyang mi tshugs rdo rje yin// rdo rje sems dpa' de la gnas// lta spyod mthun pas zhal mthong yin// rang bzhin dkyil 'khor yang dag ni// chos dbyings bdag dang dbyer med par// mnyam par sbyor zhing dag pa'o// thams cad byang chub lhun grub zhing// de ltar gang gis rtogs gyur pa// de ni ye shes mig can te// de yis yang dag snying po mthong// de nyid cis kyang mi tshugs pa// shin tu sra zhing brtan pa yin// rang bzhin dbyings nas 'od gsal ba// sems dpa'i mchog tu yang dag gsungs// de ltar rtogs na zhal mthong yin// de bzhin mnyam rdzogs lhun grub kyis// de bzhin gshegs dang ye shes lnga// rang byung chen po'i dkyil 'khor bsgom// rtog gnyis bral ba'i thabs mkhas kyis// lhar gsal dngos po med bsgoms na// mthong thos la sogs med pa'i tshul// rang rig ye shes gsal bsgoms na// rang bzhin med las cir yang 'grub// 'grub 'gyur nyin na dngos po med// ji ltar bcom ldan de bzhin gyis// bdud dpung dkyil du ta la btsugs// thams cad byang chub zhing bsdus te// gdug pa ngang gis ma dag nas// ta la bcad bsam yongs mi chod// rdo rje sems dpa' de nyid yin// bdag dang ting 'dzin mthun gyur pas// de nyid rdo rje zhal mthong yin// rdo rje sems dpa' nyid bsgoms te// ting 'dzin shin tu 'dris gsal na// thams cad rdo rje nyid du 'gyur// kun la dbang sgyur cis mi tshugs// bdag dang sems dpa' dbyer med de// las mthun ji ltar snang ba bzhin// bdag dang sems dpa' lta spyod gcig/ de nyid rdo rje zhal mthong yin// gzugs brnyan dkyil 'khor yang dag ni// chen po rags pa thabs su rtogs// so so'i mtshan 'dzin shes rab rtogs// gnyis med 'grel pa thabs chen yin// kun kyang shes rab ngang du gnas// snang dang gnas pa thams cad kun// de bzhin nyid la ma g.yos phyir// yod dang med pa gnyis ka min// gnas dang mi gnas dbye ru med// mnyam pa'i dbyings su thams cad 'dus// 'dus nyid gnas su ma thebs pa'i// thams cad de lta bu yi ngang// mnyam nyid dbyer med cis mi tshugs// de nyid sems dpa'i bzhugs gnas yin// de ltar rtogs pa'i rigs mchog ste// sems dpa' nyid dang rigs 'thun pas// de nyid rdo rje zhal mthong yin// rgyud byas phung po khams rnams kyi// gzhi rtsa de bzhin nyid du gcig/ sgyu mar snang ba gzugs brnyan tshul// snang ba nyid na dngos po med// dngos med de nyid sna tshogs bstan// phung po lnga nyid de bzhin gshegs// dbang po rnam shes byang chub sems// yul dus byang chub chen po yin// bdag rtog rnam bzhi khro bo yin// rtag tshad mu bzhi khro mo'o// de sems rang rig nyid ces bya// thams cad dbyings gyur kun tu bzang// de nyid rdo rje sems dpa' yin// gang gis de ltar rtogs gyur na// sems dpa' nyid dang dgongs 'thun pas// de nyid rdo rje zhal mthong yin// chos rnams ma lus thams cad kun// ming dang tshig dang yi ge dang// sgra yis mtshon nas don bstan pa// kun kyang yi ge ming tshig bzhin// gang yang dngos yod ma yin te// dngos med de nyid sna tshogs snang// snang ba nyid na gang yang min// bya byed sna tshogs kun byed kyang// dngos po med de yang dag nyid// de ni cis kyang mi tshugs pa'i// sa rdo dran med ma yin te// de nyid shin tu 'od gsal yin// rdo rje sems dpa' de ltar gnas// gang gis de ltar rtogs pa yi// rigs mchog dam pa'i rgyun yin te// rdo rje sems dang dbyer med phyir// de nyid rdo rje zhal mthong yin// skyes bu blo rtsal rab ldan pa// kun dang dbyer med don rtogs te// 'bras bu mngon du ma gyur kyang// byang chub sems la gnas bcas pa// dper na mngal dang sgo nga yis// mngon du ma byung bsgribs gyur kyang// rtsal chen gzugs des 'dul ba bzhin// rnam rtog gzugs de bor ma thag/ thams cad kun la dbang sgyur zhing// rigs mchog dam pa 'dzin par 'gyur// rdo rje sems dpa' dang mnyam pa'i// dngos grub mchog rnams yongs su rdzogs// bde ba can gyi zhing yang 'thob// byang chub mchog la rol par 'gyur// lha mi rnams kyi ston pa po// lus ngag sems la dbang thob nas// ji ltar dmigs pa bzhin du 'grub// tshad med bzhi la dbang byed 'gyur// bde ba'i rigs mchog kun la spyod// skye rga na 'chi la sogs pa'i// sdug bsngal zad pa'i go 'phang thob// rdo rje rigs mchog 'dzin 'gyur te// thugs rje chen po'i byin rlabs kyis// 'gro ba ma lus thams cad kun// rdo rje rigs su 'dren par byed// bdud sde tshar gcod nyon mongs 'dul// chos kyi 'khor lo yang dag bskor// 'gro ba ma lus thams cad la// mi rtag pa yi tshul yang ston// nyan thos rnams la dgra bcom tshul// byang chub rnams la rab byung tshul// bla med theg pa sangs rgyas tshul// lhun grub rnams la rdo rje'i dbyings// kun la mthun pa'i tshul ston yang// rang bzhin dbyings las g.yos pa med// ma g.yos bzhin du cir yang ston// snang stong rdo rje nam mkha'i spyan// sku gsung rdo rje nam mkha'i skus// bla med theg pa rdo rje che// 'og min 'dzam gling dus gcig tu// thugs nyid lhun grub rnams la snang// der snang ji bzhin gsung nyid kyang// zla ba gzugs brnyan bzhin du snang// chos rnams ma lus thams cad kun// de lta bu yi ngang du gnas// zhes rdo rje gsang ba'i tshig tu'o// gsang ba'i snying po de kho na nyid nges pa las/ skyes bu dam pa blo rtsal rab kyis rdo rje sems dpa' zhal mthong ba'i le'u ste sum cu pa'o//// de nas bcom ldan 'das dges pa chen pos/ dbang po dang yul gyi mtshan nyid 'di ched du brjod pa ched du brjod do// dbang po yul du snang ba kun// yul rnams yod pa ma yin te// kun gzhi'i rnam par shes pa nyid// dngos po sna tshogs par snang te// snang ba'i dngos po rnams gshig na// so so'i mtshan nyid dngos med par// nam mkha'i de nyid lngas gzhigs na// gzhigs na nam mkha'i ngang du zha// nam mkha' de nyid lngas gzhigs na// mtshan nyid med pa'i dbyings su thim// thim gyur dbyings nas kun 'byung bas// thams cad kun gyi 'byung gnas so// gzhi rtsa med de skad cig ma// skad cig ma yi dbyings nyid las// cir yang snang yang mi 'gag pa// de nyid thabs kyi mchog yin te// snang ba'i rang bzhin med par ni// bya byed byed pa shes rab nyid// nyon mongs rnam par shes pa ni// kun gzhi nyid snang spyod yul la// nga dang bdag tu rnam par rtog/ bde sdug mtshan ma so sor 'dzin// phyin ci log gis gzung gyur kyang// kun gzhi dngos po med pas na// bag chags bsag pa'i gnas med de// snang ba dngos po med pa la// nyon mongs blo yis blang du med// bgo dang bgo bar bya ba min// de ltar bgo byed dngos po med// de bzhin sems kyi log brtags pas/khams gsum btson rar rtag par 'khor// yid kyi rnam par shes pa ni// snang dang mi snang gnyis ka la// skad cig yud tsam rtog pa yin// rtog pa nyid kyang ma grub na// yul gyi dngos po ga la grub// yid kyi de bzhin rgyun nyid ni// snga ma 'das shing mi dmigs pa// phyi ma ma byung rtag tu med// da lta rang bzhin dmigs su med// rtswa shing kha nas rlung 'phyo 'dra// rgyun ni yongs su ma chad pa// 'di ni kun tu 'byung ba yin// de ltar don rnams dngos po med// chu dang rlung bang rlabs 'dra bar// de bzhin gcig dang so so min// de bzhin kun gzhi nyon mongs yid// gcig pa min te so so min// chos kyi dbyings dang mnyam pa'i dbyings// thams cad mkhyen pa'i ye shes gsum// dbyer med gcig gi ngang yin te// gcig kyang gcig tu brjod pa med// de ltar ma rtogs sems can yin// rtogs na sangs rgyas gud na med// byang chub sems kyi rang bzhin ni// mtshan mas mtshon du med pa ste// shin tu mi dmigs brtag dka' ba// yangs shing rgya cher gting zab pa// shes rab zab pas rtogs 'gyur te// gang nas ma 'ongs gar mi 'gro// 'ong dang 'gro bar bya ba min// brtag dka' shin tu mi dmigs te// mtha' dang dbus kyang rtag tu med// gzung 'dzin bral ba'i rang rig nyid// dmigs med tshul du der snang ngo// dbyings dang dbyings kyi ye shes kyang// rang rig kha na tsam du zad// rang rig bstan du med par ni// sems can ma lus thams cad kyis// de ltar khong du chud par byos// nyon mongs sdug bsngal med pa dang// bla med 'bras bu thob par 'gyur// rtsa ba snying rje chen po yis// sems can ma lus thams cad la// snying rje theg pa ma chad par// nyon mongs lam las bsgral ba'i phyir// byams pas sems can kun zin gyis// de bzhin 'khor ba'i btson ra la// snying rje'i zhags pa che brkyang nas// nyon mongs 'dam nas 'dren par byed// snying rje chen po skyo ma byed// de bzhin skye bo phal rnams la// las kyi sgrib pas mi gos shing// thams cad mngon par sangs rgyas par// dga' ba dag la 'gyod ma byed// sems can nga dang bdag med la// thugs rjes gnyis rtog mi byed de// bu gcig 'dra bar blo gzhag bya// thams cad dri ma med par bya// chos rnams thams cad stong pa bas// de la dngos dang rtog pa med// nam mkha'i ngang la gnas pa la// de la bcos shing bsgyur du med// chos rnams thams cad mtshan nyid med// snang ba thams cad dngos med pas// yod dang med pa thams cad kun// mtshan nyid med pas mi dmigs so// 'jig rten 'das dang 'jig rten pa'i// chos rnams sna tshogs snang ba yang// bdag las gzhan pa ma yin pas// kun la smon cing chags su med// byang chub sems rnams thams cad ni// shin tu bdag dka' gting zab pas// rtog ge'i spyod yul de ma yin// ma dmigs mi dmigs dmigs su med// sems nyid de nyid ji lta bur// byang chub de ni sems yin no// sems dang byang chub dbyer med pas// sems can ma lus thams cad dang// dus gsum chos rnams thams cad yin// thams cad ma lus chos so cog/sems dang byang chub nyid du 'ub// rdzun med dpa' bos de skad bshad// skyes bu blo rtsal rab ldan pas// ci la'ang thogs pa med par spyad// spyod pa nyid na chags med cing// dus mtha' med par mnyam par gnas// 'di ltar snang ba thams cad la// mngon sum tshad mas brtag mthong yang// snang ba nyid na dngos po med// de bzhin yang dag nyid du rtogs// gang zhig stong pa'i ngang yod ces// med pa'i rang bzhin rtogs pa ste// ri bong rwa dang mo gsham bu// tshig tsam gdags su rung mod kyang// thams cad ming tsam stong pa nyid// thams cad ma lus stong zhes te// dran med gdos pa ma yin pas// rtog med rang bzhin 'od gsal zhing// 'di ltar snang ba thams cad kun// gdos pa can gyi chos min te// shes pa 'ba' zhig kho na'o// thams cad gnyis med rtogs gyur na// de nyid don dam dbyings yin te// gzhan nas btsal zhing gzhag tu med// yod pas btsal na sgro btags 'gyur// med pas btsal na skur btab te// yod med gnyis las btsal byas na// de ni lung du ma bstan 'gyur// rnam par rtog pa mi mnga' ste// de yis mi mkhyen gang yang med// rnal 'byor lta ba de lta bu// tshig gis snga phyi yod med kyang// don gyi cig char rdzogs par bsgom// de lta bu yi don rtogs na// 'gro nyal 'dug sdod longs spyod kyang// theg chen bsgom las nyams pa med// gong gi don ltar ma rtogs pa'i// blo ngan mnyam par khungs phyang nas// ma rtogs le los snyoms las byas// don ma grub par ngan song 'gro// sems kyis mnyam pa ma rtogs na// tshig gis mnyam pas 'tshang mi rgya// de bas don tshig ldan par byos// 'on kyang the tsom med pas 'grub// rnal 'byor don chen rtogs pa yis// dus mtha' med par de ltar bsgom// yon tan nam mkha'i mtha' dang mnyam// spyod yul sangs rgyas nyid du gcig/ rtag tu bsod nams tshogs chen ldan// bya byed med pa'i brtson 'grus kyis// des ni byang chub snying po len// zhes rdo rje gsang ba'i tshig tu'o// le'u ste so gcig pa'o//// de nas bcom ldan 'das dges pa chen po des/ sngags 'chang rnams don yod par bya ba'i phyir/ rdo rje gsang ba'i snying po de kho na nyid nges pa las thams cad phyag rgyar bsdus nas phyi nang snod bcud thams cad 'di ltar brtag cing// phyag rgya'i dam tshig bsrung ba dang// dam tshig gi gnas yin no// phyag rgyar bsdu zhing spro ba'ang 'di yin no// de rnams kyi ched du brjod pa 'di brjod do// gsang ba de nyid nges pa las// byang chub mchog 'di bstan pa'o// mnyam pa chen po'i dkyil 'khor ni// phyogs bcu dus bzhi ma lus par// 'das dang ma 'das thams cad kun// ye nas dbyer med de bzhin nyid// mnyam dang mi mnyam bya ba med// de bzhin nyid kyi ngang nyid du// chos rnams ma 'dus gang yang med// de phyir de bzhin nyid du 'ub// 'jig rten 'das dang 'jig rten pa'i// brjod pa ma lus thams cad kun// chos nyid ngang las ma gtogs pa// log rtog nyon mongs rdul tsam med// phyag rgya sna tshogs 'od 'bar yang// de bzhin nyid las ma g.yos te// bdag nyid dbyings las mi gzhan te// mnyam la mnyam par gnas pa yi// rnam gsum tshul gyi bsgom byas shing// phyag rgya bskyed cing log 'dul ba// bya byed med pa'i tshul gyis su// las rnams ma lus rdzogs par byed// de ltar rtogs shing rigs kyi mchog/ rim gyis phyag rgya bskyed pa ni// bdag nyid phyag rgya kun gyi mchog/ de bzhin nyid kyi snying po ni// ye nas rang bzhin 'od gsal ba// byang chub skye 'khrung rgyu yang yin// 'bras bu yang dag mchog kyang 'bar// rgyu 'bras dbyer med rdo rje'i sa// bcu gsum lhun gnas don grub pa// bde gnas bla na med pa'i bla// mthar phyin gang la'ang mi gnas pa'o// rang bzhin phyag rgya chen po ni// phyi nang snod bcud thams cad kun// thabs dang shes rab ldan par gnas// rigs lnga bde gshegs yab yum du// ma bcos ye nas de ltar gnas// thams cad shes rab nyid la rol// de ming ma chags tshogs chen po// yang dag nyid la rab tu rdzogs// lhag pa'i phyag rgya chen po ni// nang gi rtags ni phyi ru ste// mdor bsdus phyag rgya drug pa dang// gzhan yang phyag rgya sna tshogs te// lag gi 'du 'phro bsam yas dang// yan lag stabs chen bsgul bsigs kun// nyid kyi dbyings las ma g.yos kyang// rang bzhin nyid kyis de ltar gnas// 'joms shing cis kyang mi tshugs pa// rang byung chen po lha yi lha// rdo rje cha mchog phyag rgya che// thams cad kun la 'bigs par byed// dpa' bo zhes kyang gdags par bya// las dang las kyis mi gos pa// gnyis med dbyings kyi don rtogs shing// ma chags pa la chags pa dang// shin tu rnam par dag pa yi// de bzhin nyid kyi dkyil 'khor la// sku gsung thugs ldan zad mi shes// yon tan mi zad gter du 'gyur// 'di ni mi zad par ldan pa'i// sku gsung thugs ni rdzogs byed pa'o// rnam par rtog med tshul gyis ni// thams cad kun la chags med rol// gdul bya'i don ched bsam mi khyab// 'joms dang ma chags kun 'byung ba// thams cad dbang bsdus don grub pa// ma lus kun 'dus rnam par dag/kun nas bzlums shing 'od zer 'phro// rigs bzhi ma lus thams cad kun// mnyam rdzogs dbyings su thams cad 'dus// rigs rnams gcig med gcig pa ste// lhun grub dkyil 'khor ngang nyid du// phyag rgya'i dam tshig mtshan nyid ni// thugs kyi rtags su bstan pa yin// dper na rgyal pos rgya btab na// sems can kun gyis yongs mi 'da'// de bzhin mnyam nyid phyag rgya yis// kun la khyab cing thams cad snang// sku gsung thugs kyi rgyas btab na// bdud dang mu stegs mang po kun// mi mthun phyogs kyis dbang byar med// rdo rje sems dpa'i rigs nges na// 'di lta bu la rtag tu gnas// de lta bu yi blo med na// rdo rje'i rigs su yongs ma bshad// rdo rje gsang ba'i snying po de kho na nyid nges pa las/ phyag rgya dam tshig gi le'u ste so gnyis pa'o//// de nas de bzhin gshegs pa bcom ldan 'das dges pa chen pos rgyud kyi don 'di gtad pa'i phyir/ched du brjod pa 'di ched du brjod do// sgyu 'phrul drwa ba mngon rdzogs pas// gtsug gi nor ltar kun 'byung ba// ye shes dag pa gsang ba'i snying// rin po che yi gsang sgrom nas// thugs kyi ljags kyi pad+mas ni// bcom ldan rnams la bshad byas pas// de bzhin bcom ldan rnams kyis kyang// sgyu 'phrul dra ba brtan pa yis// dkyil 'khor rnam bdun bzung ba dang// 'khor ba mya ngan 'das pa yi// mnyam pa'i lam la gnas par gyis// sgyu 'phrul dra ba brtan pa yis// lus dang ngag dang yid dang gsum// nam mkha'i lus dang nam mkha'i yid// nam mkha'i thugs dang ldan par gyis// sgyu 'phrul dra ba brtan pa yis// rtsa ba mi spang dang du blang// dam tshig 'phrin las ma lus pa// lus kyi yan lag bzhin du gyis// sgyu 'phrul dra ba brtan pa yis// gzugs sgra dri ro reg bya rnams// rgyal ba'i dkyil 'khor nyid dang ni// mchod pa dam pa nyid du gzung// de nas de bzhin gshegs pa rnams dang// lag na rdo rje can gyis ni// nges par gsungs pa gzung ba'i phyir// kun gyis mgrin gcig bsdebs nas ni// bdag po rgyud la phyag kyang btsal// sgyu 'phrul dra ba mngon rdzogs pa// ye shes dag pa'i snying po la// gtsug gi nor ltar de bzhin 'dud// rin po che yi gsang ba'i sgrom// byang chub sems kyi dkyil 'khor la// de la rtag par bzhin phyag 'tshal// nges pa'i dkyil 'khor rnam bdun dang// mi gnas mnyam pa'i lam de la// phyag 'tshal de bzhin phyag kyang 'tshal// lus ngag yid gsum nam mkha' ltar// rang bzhin 'od gsal dngas pa la// de la'ang rtag pa'i bzhin phyag 'tshal// rtsa ba bco lnga mchog gi gtso// dam tshig 'phrin las ma lus pa'ang// de la'ang rtag pa'i bzhin phyag 'tshal// phyogs bcu'i gzugs sgra ma lus pa// sna tshogs bsgyur ba'i 'phrul mo che// de la'ang rtag pa'i bzhin phyag 'tshal// e ma ho kun tu bzang po dang// e ma ho ri ngo mtshar rmad kyi rgyud// e ma ho mdzes khyad par can// de la rtag tu'ang bzhin phyag 'tshal lo// e ma go sgyu 'khrul dra ba la// e ma lus kyi mgo bzhin du// de bzhin mi 'gral 'dud par bgyid/rgyud kyi rgyal po chen po sku 'khrul dra ba las de bzhin gshegs pa kun tu bzang pos rgyud gtad pa dang/ 'khor rnams kyis rgyud gzung ba'i le'u ste sum cu gsum pa'o//// rgyud kyi rgyal po chen po sgyu 'phrul dra ba rdzogs so////

CLOSE WINDOW