32a1 / ngo bo kun bcud bsdus nas bshad// tshig don mgo lus thams cad kyang// gang zag rnams kyis go bya'i phyir// rang bzhin de yi stun bu ltar// le tshig 'bru rnams bcos nas
32a2 bshad// rgyud dang gdams pa'i khrid rnams kyang// ma nor rim bzhin bstan pa ni// mu tig tsar bskyus lta bu yi// dbye ba sngon du bsdebs te bshad// gzhan gyi bsgom pa tshar gcad phyir// rang gis sgrub
32a3 mtha' rnam par bskyangs// seng ge ngar skad lta bu yis// log lta sun rnams phyung nas bshad// e ma/ ye shes sku mchog thugs rje can// 'di nyid mthong ba tsam gyis ni// nyon mongs rnams med don mthong
32a4 zhing// ma bsgoms par yang mthong grol lo// chos nyid gsung mchog zab mo'i don// 'di nyid thos pa tsam gyis ni// ye shes 'gag med don rtogs shing// ma bsgoms par yang thos grol lo// rig
32a5 pa'i thugs mchog 'dus ma byas// 'di nyid btags pa tsam gyis ni// rang sems 'khrul med don rtogs shing// ma bsgoms par yang btags grol lo// dgongs pa don mthong bde ba che// 'di la reg pa
32a6 tsam gyis ni// bde chen zag med don rtogs shing// ma bsgoms par yang reg grol lo// 'dod pa'i yon tan rang grol ba// 'di nyid tshor ba tsam gyis ni// tshig gi rol pa'i don rtogs nas// sgom mi dgos
32b1 te tshor grol lo// thugs rje 'phrin las shugs 'byung ba// 'di nyid myong pa tsam gyis ni// blo dang bral ba'i don rtogs nas// sgom mi dgos te myong grol lo// rgyud 'di'i man ngag gab pa rnams// sprul pa
32b2 rigs 'dzin zhal nas 'byung// cha rkyen dgos pa tshang bar ni// phyi rabs skal ldan 'khor la ston// ma tshang kha skong theg pa rnams// bstan pa gzhan nas legs bsdus te// chos rnams dgongs don gcig pa'i
32b3 phyir// rgyud rgyal 'di yi grogs su bsdebs// bstan pa la ni zhugs pa des// phyi nang gsang ba rtsa lag gis// rang gzhan don du dam tshig ni// mi nyams rang gi zlog bzhin srungs// nga yi sprul pa phyag drug
32b4 pa// rgyud 'di khyod la yongs su gtad// sangs rgyas bstan pa khyod kyis bzung// phyi rabs rnal 'byor stong grogs kyis// gsang ba ye shes khros pa'i sku// lha mo tsit+ta dug mthur ma// rgyud 'di khyod la yongs su
32b5 gtad// sangs rgyas bstan pa khyod kyis skyongs// bka' gnyan las byed me spu gri// 'jig rten dregs pa mang por bcas// rgyud 'di khyod la yongs su gtad// sangs rgyas bstan pa khyod kyis srungs// badzra sa
32b6 ma ya/hUM hri/ ha ha ha ha/ he he/ a a/ zhes bka' stsal nas// 'khor ba sgrol bar mdzad do// dgongs don 'gro ba kun grol gyi rgyud las// 'dus don yongs su gtad pa'i le'u ste bdun pa'o//// rgyud
33a1 'di gang du gnas pa de nyid bde ba can ltar gnas so// rgyud 'di kha ton du byed pa la sogs pa'i chos spyod la 'jug pa de ni// kun bzang snang ba mtha' yas ltar gnas so// rgyud 'di mthong ba
33a2 dang/thos pa dang/ dran pa dang/ reg pa dang/ rlung dang/ rdul gyis phog pa rnams kyang ngan song du mi ltung zhing// mtshams med pa lnga byas pa'i 'gro ba yang/ 'di thos nas ngan song las skyob par ma gyur na/
33a3 bdag pad+ma 'byung gnas kyi mtshams med pa lnga byas pa yin no// bstan pa thams cad kyi dgongs don 'gro ba kun grol gyi rgyud ces bya ba rdzogs so//// skal ldan dad brtson shes rab blo ldan snying rje can
33a4 dang 'phrad par shog/gter rgya/ sbas rgya/ zab rgya/ gnyan rgya/ g+huh+ya/ moMs mah+ya/ bdag 'dra mkha' chen bzang yis yi ger bris pa'o// r+ya na ma Ta/ d+hanam/ o rgyan dri med lhun grub kyis rtswa ri sprul 'khor gyi
33a5 shar sgo/rdo rje sgom phug ces bya ba nas gdan drangs so// lcags pho sprel lo spre'u zla la/ tsa gongs chos kyi pho brang du bris pa'o////
33a6 rtsa ca thakag+ha cAb+hahra/
32a1 / yang 'dir 'phrul thob pa bsgrub ste/ shugs pa phrag pa rgyas shug lo 'bras dkar po'i 'dab ma dang btsos la/ de tshos pa dang thang ru byung ste/ btang nas/ de legs par
32a2 bskus te/'das ma tsho bskams pa dang/ shug 'bras kyi snying po skang pa ston pa bskams te/ khre 'bras dang/ rgya sran dang/ a ru ra dang sbyar la/ de'i phye ma pho su re ka ra'i phye ma dang ti la mar sbyar ba'i pho tshoms
32a3 re/nyin gcig la lan gsum za'o// 'phur yang thub/ zas kyang bza' mi dgos/ tshe ring bar 'gyur ro// sngags 'di bzlas so// na mo b+ha ga ba ga te/ si ti a yu ga dzA na a yu b+hin du/ a yu ma la tsa ya rba ya
32a4 rba la/a yu ra ga sa ma ya hUM/ srin po dza la ya rag shan sha bsgral ba'i snying zhes bzlas so// 'di na mar sems mngon shes bsgrub pa bstan te/ sngon gnod sbyin bsgral ba'i snying yin te/ phyag na rdo rjes bsgral
32a5 nas/tsit+ta skyur ba snying zho sha yin no// snying zho sha dang/ sngon klu'i rgyal po bya khyung kha ru nas khyer nas shi ba'i snying yin te/ na ga ge sar dang/ bya rgod kyi snying/ ne tsho'i snying dang/ mchog chen po lnga rnams kyi snying
32a6 dang sbyar nas bsgrubs te zos na/srid pa gsum gyi lha srin gyi skyes gnas dang/ dus gsum gyi skye gnas dran par 'gyur ro// sngags 'di bzlas shing bsgrub bo// hUM tsit+ta sid+d+hi bo d+hi swAhA/ dz+nyA na kA ya ba tu badzra si
32b1 ti hUM/zhes bzlas so// 'di na mar lce'i mngon par shes pa bsgrub ste/ me long kri khril lce'i ra zhes bya ste/ se ba'i me tog dang/ stang pal has zhes bya ste/ la phug gi me tog gnyis dang/ mchog chen po dang/
32b2 ne le'i lce dang/ klad pa go ro tsa na dang sbyar te bsgrubs na/ sngags 'di btab ste zos na/ ro sna tshogs kyi bro ba myong ba dang/ lce bde ba dang/ tshig lha srin gyis go bar 'gyur ro// hUM dzi ha bya gnya' ni ta hUM/
32b3 zhes bsnyen pa bzlas so// 'di na mar ma gnya' ba nyi shu gcig dang/ a ru ra nyi shu rtsa gcig dang/ de las btsos te/ a ru ra sul bu rangs pa dang/ btsos pa'i khu ba a ru ra dang sbyar la btung/ sngags la/
32b4 byar su sha ta su ya hUM si swa ti/ rigs 'dzin thob/ phos 'thungs na bu khye'u bskyed/ bsnyen pa bzlas so// yang 'dir 'phrul thob pa dreg pa sta bsgrub ste/ zla ba gzas zin pa'i nub mo phur pa'i mngon shes bsgrub
32b5 par bya ste/'o lnga nas phur pa la 'tshal ba'i rdzas bsag sa la bskams la/ dkyil 'khor dbang dang zhi rgyas gang yang rung ba bzhengs la/ phur pa'i cho ga legs par byas la/ zla ba gzas zin pa sor chud chud
32b6 du/phur bu lag tu 'dril zhing snying po 'di bzlas so// A+oM i i ma me mi mi/ kI li kI lA ya sa hUM/ badzra kI li kI lA ya si ti hUM/ kI li kI lA ya dz+nya na hUM/ zhes snying po bzlas pa dang/ ki la ya de dros nas
33a1 tsha 'ur 'ur song ba dang/phur bu 'od gsal/ phur bu bsgrub pa yin pas/ bdud dang/ srin po dang/ dgra bgegs dang/ log 'dren gang la btab kyang thebs par 'ong bas 'di ltar sgrubs
33a2 shig/dgra bo rtsa ba bdun brgyud tshun chad kyi gshed mar 'gyur ro// 'di na mar zor 'phang ba dang/ dgra bo gsad pa'i thabs bstan te/ zor gyi rdzas ldan la tshang bar bsham ste/ zla ba gzas zin pa'i nub mo
33a3 zor 'phangs pa'i skyogs kyi chu khal/nas nag dang/ nyungs nag dang/ zor gyi skyogs kha rtsid pa nag pos bkab la/ skyogs kha bcad pa'i steng du yungs nag gi rgyal po blug ba'i snying po ni/ oM aM im ma ma na/
33a4 ga la khris sna sha ku la phaT phaT/ ces 'bum bzlas/ zla ba nag zlor chud pa dang snying po dang bsnyen pa byas nas/ zor skyogs sam/ yungs nag gi tshe dang/ nas dang/ mda' gzhu 'gul lam/ mda' 'am sgra
33a5 byung/'phangs nas grub pa'i bdud srin gang la 'phangs pa'i zor dang/ yang bstan du brlag pa'i bu tsha bdun brgyud yan chad kyi gnyen por 'gyur ro// 'di nas mar snga nas bshams la cong gzi dang/ lcong
33a6 gzi'i chu phul gang dang/'o ma bre gang gi nang du/ a ru ra nyi shu rtsa gcig blug pa'i chu dang/ cong zhi dang/ a ru ra gnyis dang/ a ru ra sul bu rangs pa dang/ 'o ma bde skye ru gyur pa dang/ cong gzi gsal/
32a1 / yon tan ye shes lhar shar te// sangs rgyas 'phr-in las byed po'o// skye med sems nyid don dam lta// de yi ngang la sku rdzogs pa// sangs rgyas sku lnga'i bdag nyid can// ye
32a2 shes sku nyid rdo rje che// sku gsung thugs kyi bdag nyid che// sku mchog gshin rje gshed nag go/ gsung ni gsod byed rngam pa'o// de bzhin rdo rje 'jigs byed thugs// sku rnams 'dus pa'i ngo bo 'o// sku la dbang
32a3 mdzad pad+ma'i sku// chags med pad+ma ra ga'i mdog/ rgyal ba'i gsung mchog 'bar ba'i sku// mi 'gyur rdo rje khro bo'i sku// lag na rdo rje mthing nag 'bar// bde gshegs thugs kyi ngo bo nyid// yon tan lhun grub
32a4 rin po che// ye shes mkha' lding 'bar ba khyung// rdo rje gshogs pa gdengs pa'o// thogs med las mchog he ru ka/ badzra ku ma ra yi sku// bde gshegs 'phrin las ngo bo nyid// ma bcos mi 'gyur chags pa
32a5 med// kun 'byung bya ba byed pa yi// rigs kyi bdag po kun 'dus pa// sku lnga lhun gyi grub pa'o// sprul pa gyad gnon kun 'dus pa/ khyung gnyis kha nas lce 'bab cing// seng ge kha nas rdo rje 'phros/ stag gi kha
32a6 nas ral gri 'bar// sbrul gdug kha nas me 'bar zhing// 'ug pa'i kha nas lcags kyu 'phro// lce sbyang kha nas phur bu ste// dred ma'i kha nas bdung zhags 'phen// de yi gsang sngags brjod pa ni// yi ge rgyal
32b1 ba'i gsung yin te// ngag du brjod pa skur ru gyur// yi ge rgyal pa'i thugs yin te// 'khor los la nye ba'o// e a kro te ka ya man ta ka/ kri sna ka la ru pa/ hri te ya ma ye/ hri badza kro d+ha ha ya gri ba/ pad+ma ta kri
32b2 da ra ka tsan+Da/badzra pa ni tsan+da ma hA ro Sha na/ ka li kri ta/ badzra ki li ki la ya/ bde gshegs khro bo thams cad kyi// yang snying 'dus pa de nyid do// de bzhin gshegs pa thams cad kyi// dgongs pa 'dus pa'i
32b3 rgyud las/skabs bcu bzhi pa'o//// de nas chos thams cad ye nas lhun gyis grub par mdzad de brjod pa/ e yaM raM baM laM/ 'byung lnga ye shes lhun grub pa'i// ye shes sku ste nyon mongs 'joms// 'byung ba las
32b4 kyi dkyil 'khor te// ye shes lnga yi rang bzhin can// thams cad skyed pas yum nyid klong// rten du gyur pa sku dang gnas// sna tshogs kun 'byung nyon mongs 'joms// rnam rtog gcod pas 'khor lo ste// gur
32b5 ram ra ba spyil ba'i tshul// cis kyang mi chod mi shigs pa'o// a i u e oM ri li aM/ ka kha ga g+ha nga/ ya ra la wa// sgra dang dbyangs kyi yi ge ste// thabs dang shes rab rang bzhin gyis// yid bzhin rin chen
32b6 'phreng ba ltar// ma lus 'dod pa'i don bsgrub pa// bde bar gshegs pa'i ngo bo nyid// du ru ye/ seng nga ye// 'bras bu dgu nam mkha'i thog 'dra bas// lus ngag yid kyi dbang po 'joms// tig sna dza la u
33a1 ne u ne hUM dza dza/spu gri 'dod pa'i so yin te// mtshon cha med dpung lta bu yi// stobs kyi drag sngags dril ba'o// a mu ka myar rbad/ trig nan myor rbad// u nan shag rbad/ spur nan ril rbad/
33a2 gnas bzhi gcod pa'i spu gri ste// rgyal ba kun gyi byin rlabs rnams// bsdus nas 'gal ba tshar gcod pa'o// gcod pa'i spu grir bzhag pa'o// e hUr thums dza// breng shag raM yaM rbad e// kun gyi spu gri mtha'
33a3 sdud de// thogs me med par gcod pa'o// a ya ma du ru tsa sha na/ 'jig rten dregs pa thams cad kyi// srog gi ngo bo sgrol ba'i 'bru// sde brgyad srog gi rnam shes so// ces gsungs so// de bzhin gshegs
33a4 pa thams cad kyi dgongs pa 'dus pa'i rgyud las/skabs bco lnga pa'o//// de nas sangs rgyas thams cad kyi 'phrin las ye shes chen po'i rol pa brjod pa/ stobs bcu pha rol gnon pa po// 'khor
33a5 lo rgyal po re mig bcu// brgya phrag bcu gcig kha mig can// bde gshegs khro bo 'dus pa yi// drag po sngags kyi grong khyer yin// gsang sngags rgyal po brgya dang bcu/ srog dang snying po ldan par bya// thebs
33a6 dang spu gri ldan pas na// gang yang rung ste chan la 'bebs/ bka' yi 'khor lo sngags 'khrul na// spu gris rang la gcod par byed// mtha' nas dbus su sdud pa'i tshul// gsang sngags 'phreng ba'i dkyus 'di
32a1 nyid// bruM a nu ma hA pra ban ta// bod skad du// gnas lung chen po bstan pa// sangs rgyas bcom ldan 'das zhi khro 'bar ba'i tshogs la phyag 'tshal lo// dpal kun tu bzang po la phyag
32a2 'tshal lo// 'di skad bstan pa'i dus gcig na/ bcom ldan 'das yid kun tu bzang pos/ thams cad du 'og min pa'i steng phyogs na/ sems can thams cad 'khor ba dang/ ngan song las sgrol ba'i ting nge
32a3 'dzin la snyoms par zhugs te/sku dang/ gsung dang/ thugs cad du 'og zer gyi dra ba phyogs bcur bkye ste/ sems can thams cadakyi lus ngag yid gsum la khyab pas de dag thams cad kyi ma rig pa dang/
32a4 ma rtogs pa dang/ ma ldan pa'i rtogs pa thams cad mun sros pa'i nam mkha' la ye shes kyi nyi ma shar ba bzhin/ thog ma med pa'i dus nas/ rtog pa'i bag chags brtas pa'i sems can/ nga bdag dang bdag
32a5 tu phyogs ris su rtogs pa'i dbang gis khams gsum du 'khor zhing/nyon mongs pa'i rgyur gyur pa rnams la/ thabs mkhas pa'i thugs rje chen pos/ sems can thams cad 'khor ba'i chos dngos po can las/
32a6 mya ngan las 'das pa'i chos can las/ mya ngan las 'das pa'i chos dngos po med pa snang la rang bzhin med pa'i sku dang/ gsal la mi rtog pa'i ye shes ye nas gnyis su med pa'i dbyings su bsgral
32b1 ba'i thugs ye shes kyi rang gnas yin parabyin gyis brlabs so// de yang 'phral du brlabs pa ma yin te/ dper na me long g.yas gos pa phyis pa bzhis/ chos thams cad ye dang po nas/ byang chub sems bde
32b2 ba chen po'i snying po/ye nas ma bcos pa'i rang bzhin yang dag par thams cad du/ sangs rgyas par rgyas bar rtag pa'i nges don dang/ gsang sngags che ba'i rkyen gyis byin gyis brlabs khyad par du kun tu
32b3 bzang por grub par mdzad do/de ci'i phyir zhe na/ snang srid thams cad chos nyid kyi gnas yin la/ rang rig pa'i ye shes ni chos nyid kyi ston pa yin pa la/ skye 'gro thams cad ni chos nyid bde ba chen por
32b4 bsgral ba ni/'khor ba chos nyid yin la/ rnam rtog thams cad ye shes la/ sdug bsngal thams cad byang chub yin pa'i phyir ro/ de ltar bu'i theg pa 'di/ dper na shong yangs che chung gis nam mkha' yangs pa
32b5 kun la shongs pa dang 'ad bar/theg pa thams cad las gong du 'phags pa 'am/ theg pa thams cad las khyad par du 'phags pas/ kun gyi gzhi yin pa'i phyir/ 'di'i nang du ma 'dus pa gang yang med
32b6 pas/theg pa thams cad 'di'i 'khor du 'dus pas/ theg pa gang dang yang mi 'gal bar bya ba'i phyir/ dang po rnal 'byor gyi gnas gzhung dang mthun zhing tshul dang ldan pa btsal ba dang/ de yang sems ma skyes
33a1 pa'i dbyings ye nas rnam par dag pa shes na/gnas btsal kyang mi dgos/ rnyed cing yod na yang mi 'gal ba dang/ de lta bu'i gnas su las dang bya ba gzhung nas byung ba kun bya'o// de yang kun
33a2 gzhi'i kun tu bzang po bzang ngan spong len med par rtogs na/las dang bya ba byas kyang mi 'gal// ma byas kyang ni dgos so// de ltar las dang bya ba gzhung nas 'byung ba bzhin byas pa'i sar gnas gsang
33a3 ba'i dkyil 'khor zhi khro 'bar ba'i gzugs brnyan bri ba yang go rim ma nor bar bri zhing/bzhengs su gsol lo// de yang phyogs thams cad ni dkyil 'khor/ 'byor pa thams cad ni lha rgyud/ snang ba thams
33a4 cad ni rang gnas/rtog pa thams cad ye nas sangs rgyas pa yin par yid ches shing mthar phyin na dkyil 'khor bya ba yang mi dgos la/ byas kyang mi 'gal lo// de ltar gzhung las byung ba'i dkyil 'khor bris
33a5 pa der mtshams bcad par byas te/ting nge 'dzin gyis phyogs bcu khro bo'i dkyil 'khor mang po yid la bkram nas/ phyi nang snod bcud thams cad kyi 'jig rten gyi khams ril dug gsum gyi dbang gis snang
33a6 ba'i skye 'gro dang/rdo shing sa brag la sogs pa'i zung du thams cad kyang/ ye nas sangs rgyas pa'i khro bo chen po'i rang bzhin can yin la/ 'di dag blta bas kyang thugs su chud par blta la/ ril khro bo'i rang
32a1 bzhin du bsgoms la// bdag dang khro bo gnyis med par// yang nas yang du bsgom par bya// sku rnams gsal bar gyur pa dang// zhing chen 'og tu gzhug par bya// dkyil 'khor ma lus der bkod
32a2 nas/khro bo khro mo 'khor du bsgom// mngag pa'i pho nya phyogs bcur gtang// 'jig rten mi rnams dbang bsdus te// nr-i yi tshogs rnams kun bkug nas// zhing la yang nas yang du 'jug/ ting 'dzin che bas zla
32a3 gcig ste// 'bring gi zla ba gnyis dang gsum// tha mas zla ba lnga ru ni// rtse gcig rtse gsum rtse lnga pas// 'du 'phro yang nas yang byas pas// snar dang ser dang mdog snum 'byung// de nas ting 'dzin bdud rtsi
32a4 yis// lan grangs 'bum phrag mang por bzlas// bzlas pa'i tshul ni rnam gsum dang// rdo rje sngags zlos rtse gsum pa// de yi bar nas bzlas pa 'byung// 'od zer lnga dang ldan par bya// zhing de ltem ltem por
32a5 gyur dang// bdud rtsi lnga yis bsku bar bya// de nas yi ge 'bru lnga dgod// yan lag lnga la yul lnga ste// dbang po lnga la sems dpa' dang// sems ma 'khril ba'i tshul gnas bya// rdo rje'i ting nge 'dzin gyis
32a6 ni// gsal zhing 'tsher bar bsgoms nas ni// sngags kyi 'byung 'jug zhing la gzud// de nas zhing de 'gul gyur nas// shin tu zhags pas bsdam par bya// yan lag rnams kyang gzhum par bya// phyogs bzhi
32b1 dag tu thod pa bstan// de nas nub tu thod pa bstan// ha ya gri ba'i skur bsgom zhing// sngags ni 'bum phrag mang du bzlas// phyogs bcur spro zhing zhing la bstim// de nas zhing de drag 'gul na// rdo rje ting
32b2 'dzin de yis ni// brtan pa nyid du bsgom par bya// de nas spar spar byed pa dang// a N+ri pri du tri gang yin// hri nri ar bsgyur ting 'dzin gyis// rdo rje drag tu brdeg cing dbab// thod pa'i kha nas hri byung
32b3 nas// rdo rje ting 'dzin so yis bcad// rdo rje'i sngags zlos khong du bstim// gnyis su med par bsgom par bya// de nas zhing de langs pa dang// rdo rje byin nas dbang yang bskur// bdud rtsi'i chu yang blud par
32b4 bya// las rnams thams cad byed du gzhug/ de ltar bsgrubs pa'i rigs mchog gis// thal ba thams cad sos par 'gyur// sgrub pa'i sa ni dur khrod dang// ri brag gnyan po bgegs gnas dang// gnas
32b5 khrod gnyan po tshor ma can// gnod sbyin srin po 'byung po'i gnas// de dag tu ni bsgrub par bya// dgu dang bcu gnyis bcu gsum dang// bcu drug man chad bsgrub par bya// phyi nang mchod pa'i yo byad
32b6 rnams// lam lnga'i zhing dang sman rnams bcang// 'bru rnams sna tshogs bcang bar bya// rtag tu tshogs kyis mchod par bya// rtag pa dag tu ma ldan na// nyin gsum mtshan gsum bar mi bcad/ kha zas rnams
33a1 kyang thob par bza'// btung ba dag kyang de bzhin te// mar me rtag tu gtang bar bya// rgyu ni nr-i yi mar las byas// yan lag bsku ba'ang de bzhin no// sdong po pad+ma'i rgyu las bya// snod ni dung chen
33a2 srubs med pa// lung po yod dang med kyang rung// de byi pu tra ma byung ba// mdog ni ban glang can la yod// rdo rje sgrub pa bar gcod phyir// rtag tu mtshams ni gcad par bya// nr-i yi rkang pa g.yas g.yon
33a3 nas// sbom po ma yin phra ba nyid// de la kI la ya byas la// phur pa'i sngags dang khro sngags dang// lan 'bum du ni bzlas nas ni// lag pa g.yas g.yon thal sor la// khro bo bcu dang khro mo bcu// 'od 'bar
33a4 gzugs kyi sku ru bsgom// de nas gnyis med sbyor tshul du// sgrub pa rdo rje bsgom par bya// sgrub pa dngos las ma gtogs pa// phyogs bcu rnams su mtshams yang gcad// dngos grub ma thob bar du
33a5 ni// bsgom dang bzlas dang phyag rgya gsum// bag yod mgo la me 'bar bzhin// bar mtshams med par bsgrub par bya// de ltar sgrub pa'i rigs mchog gis// lha ma srin rnams bran bzhin 'khol// 'jig
33a6 rten dbang phyur dbang du sdud// rdo rje rigs mchog 'khor rkyen rnams// yid bzhin du ni 'byung bar 'gyur// rdzu 'phrul chen po de dag ni// lus sdud nas ni mngon du phyung// de ma yin par shin tu gsang// rgyud
kyi rgyal po sgyu 'phrul dra ba las/

CLOSE WINDOW