34b2 'og min thug po bkod pa'i zhing khams/ dkar/ ser/ dmar/ ljang/ mthing kha'i gzhal yas/ 'od lnga'i dal/ snang la ragrub pa na/ bcom ldan 'das dpal bde ba chen po la/ 'khor rigs lnga'i
34b3 sangs rgyas dang/rigs gsum gyi bo d+hi sa twa dang/ ma dang TA ki ma'i 'khor gyis bskor nas bzhugs so// gleng gzhi'i le'u ste dang po'o//// adamata/ de nas phyogs bcu'i sangs rgyas dang byang chub sems
34b4 dpa' thams cad kyi 'od zer/dpal bde ba chen po'i thugs khar 'dus par gyur te/ dpal bde ba chen po 'dzum pa dang bcas pa'i thugs kha nas yi ge hri dmar po khru gang ba cig mdun gyi nam mkha'
34b5 la thon par gyur to// de nas rigs bzhi'i sangs rgyas kyi thugs kha nas/ oM dkar po dang/ A dmar po dang/ hUM mthing kha dang/ traM ser po thon par gyur te hri la brgyan par gyur to// rigs gsum gyi bo d+hi sa
34b6 twa dang/phyogs bcu'i sangs rgyas thams cad kyi thugs kha nas 'od zer dpag tu med pa byung nas/ hri de la thim par gyur to// de nas hri de skar mda' 'phangs pa bzhin du sprul sku'i zhing o rgyan yul gyi nub
35a1 byang mtshams dri med ko sha'i mtsho la thog babs pa ltar song ba gzigs so// de nas 'jig rten gyi khams 'od du 'bar te 'od zer phyogs bcur 'phros so// lung bstan rjes su gnang ba'i rgyud
35a2 las/gleng bslangs pa'i le'u ste gnyis pa'o//// gat+ya cata/ de nas pad+ma 'phreng 'dzin gyis// dpal chen po la 'di skad zhus// kye kye dpal chen 'od dpag med// yi ge 'od kyis rab brgyan pa// d+ha na ko
35a3 sha'i mtsho la babs// 'jig rten khams kyang 'od du 'bar// 'di yi mtshan nyid ji lta bu// mos pa'i 'khor la gsung du gsol// de nas dpal chen 'di skad gsung// nyon cig dri med pad 'phreng
35a4 'dzin// bdag gi thugs kha nas byung ba'i// hri dmar 'od zer 'dus pa 'di// ko sha'i mtsho la babs pa 'di// dus gsum sangs rgyas thams cad kyi// sku gsung thugs kyi sras gcig pu// snyigs ma'i 'gro ba
35a5 'dren pa'i dpal// pad+ma ge sar snying po la// 'das grongs mi mnga' rdo rje'i sku// 'gro ba 'dren pa'i lcags kyu mchog/ sdug bsngal nad sel sman gyi rgyal// pad+ma 'byung gnas zhes bya ba/ khye chung lo brgyad tshul
35a6 du 'byung// mtha' yas bdag dang gnyis su med// dus gsum sangs rgyas thams cad kyi// sku gsum thugs kyi sprul pa yin// 'gro rnams sgrol ba'i gru chen yin// ma rig sel ba'i sgron me mchog/ thar pa'i
35b1 gnas skyel rin chen skas// snyigs ma'i skyabs chen 'khor lo sgyur// pad+ma 'byung gnas zhes byar grags// nor bu'i nang nas yid bzhin ltar// mtha' yas pad+ma'i rgyal po 'byon// sman tshogs nang nas rnam
35b2 rgyal ltar// mtha' yas pad+ma'i rgyal po 'byon// me tog tshon gyi u dum ltar// mtha' yas pad+ma'i rgyal po 'byon// skar tshogs nang nas nyi zla ltar// mtha' yas pad+ma'i rgyal po 'byon// 'di ni 'gro ba kun gyi
35b3 yab// ces gsungs so// lung bstan rjes su gnang ba'i rgyud las// 'byon tshul gyi le'u ste gsum pa'o//// kagabaD+ya/ de nas pad+ma 'phreng 'dzin gyis// mtha' yas nyid la yang zhus pa// de lta bu yi sprul
35b4 sku des// 'gro ba'i don ni ji ltar mdzad// bstan pa gang gi phyogs su 'byung// zhes zhus pas/ bde ba chen pos bka' stsal pa// nyon cig dri med pad 'phreng 'dzin// dus gsum sangs rgyas thams cad
35b5 kyi// sprul pa pad+ma'i rgyal po 'di/ khams gsum kun tu 'gro ba 'dren/ khyad par rgya gar yul du bzhugs// kun 'jug sna tshogs mthar phyin mdzad// mtshan bdun du ni grags pa yi// rgya gar bal po 'gro ba'i
35b6 don// nyi zla lta bu khyab par mdzad// de nas bod yul dbus su 'byon/ khri srong lde btsan bsam pa grub// chos kyi bstan pa'i nyi ma shar// dregs pa ma lus bran du 'khol// rdo rje gro lod ces su grags// mtsho
36a1 rgyal zhes byas bka' rnams sdud// bstan mjug gter gyis rgyas mdzad cing// gter kha bsam las 'das pa sbed// de nas lho nub mtshams su ni// gdug pa srin gyi kha gnon mdzod// srin po
36a2 rag sha thod 'phreng zhes// 'jigs su rung ba'i cha lugs kyis// srin po rnams la dam chos ston// de yi bka' yi sdud pa po// srin po'i bu mo mthing 'bar 'od// g.yu yi zur phud rus rgyan gsol// mtsho rgyal
36a3 skye ba phyi ma ste// bka' rnams kun gyi bsdu ba mdzad// yum chen DA ki lngas bskor nas// sprel lo zla ba'i tshes bcu la// bod khams rgya gar bal yul dang// u rgyan mkha' spyod la sogs pa// gling bzhi kun tu
36a4 'byon pa yin// kun la byin rlobs bar chad srung// tshes bcu kun la sprul pa 'gyed// de dus mchod sgrub su mdzad pa// zhal mjal chos ston dngos grub ster// 'di ni 'gro ba kun gyi pha// phyi rabs 'gro ba'i
36a5 lha skal yin// chos sku snang ba mtha' yas la// longs sku thugs rje chen po yin// sprul sku pad+ma 'byung gnas so// zhi ba thugs rje chen po la/ khro bo rta mgrin rgyal po'o// sku ni mi bskyod rdo rje la// gsung ni snang
36a6 ba mtha' yas te// thugs ni rnam par snang mdzad yin// yon tan rin chen 'byung ldan yin// 'phrin las don yod grub pa'o// 'di la mos pas su bsgrubs pa// dus gsum rgyal ba kun 'grub 'gyur// yid
36b1 tsam snang ba chags pas kyang// mtho rigs bde ba thob par 'gyur// 'di la mos pa thams cad kyang// pad+ma'i sprul pa dngos yin no// 'di sgrub pa yi skyes bu rnams// mtha' yas bdag dang dbye ba med// ces
36b2 gsungs so// lung bstan rjes su gnang ba'i rgyud las/ lung bstan pa'i le'u ste bzhi pa'o//// tharang : de nas pad+ma 'phreng 'dzin gyis// mtha' yas nyid la yang zhus pa// de lta bu yi sprul pa de// ma 'ongs
36b3 sgrub pa ji ltar bgyi// bde ba chen pos bka' stsal pa// nyon cig dri med pad 'phreng 'dzin// ma 'ongs skal ldan skyes bu yis// tshe gcig sangs rgyas thob 'dod na// dus gsum sangs rgyas thams cad kyi// sku
36b4 gsung thugs kyi sprul pa ni// pad+ma rgyal po sgrub 'dod na// byang chub mchog tu sems bskyed la// yid dang mthun pa'i gnas su bsgrub// dus gsum sangs rgyas thams cad kyis// sku bsgrub oM la 'dus pas
36b5 skyed// sku mdog dkar po zur brgyad nang// 'dab bzhi rigs drug sa bon ni// ma rig 'khrul pas skyed phyir gnas// rang rig chos kyi sku yin phyir// rgyal sa 'dzin pa'i lhun grub gnas// ma rig rgyud sbyangs
36b6 ngag rtsal bskyed// snying po 'bru lnga 'dzab tu bzlas/ oM hUMtraM hri a/ dus gsum sangs rgyas thams cad kyi// sku dang gnyis med sangs rgya'o// dus gsum sangs rgyas thams cad kyi// gsung bsgrub a la 'dus
37a1 pas skyed// spro bsdu gong 'dra a nyid bzlas// dus gsum sangs rgyas thams cad kyi// gsung dang gnyis med sangs rgya'o// dus gsum sangs rgyas thams cad kyi// thugs bsgrub hUM la 'dus
37a2 pas skyed// spro bsdu gong 'dra hUM nyid bzlas// dus gsum sangs rgyas thams cad kyi// thugs dang gnyis med sangs rgya'o// 'phrin las las tshogs bzhi dang sbyar// yid bzhin nor bu'i rgyud mchog
37a3 'di// thugs rje chen pos khyod la gtad// der 'khor thams cad rjes su yi rangs te/ dpal chen pos gsungs pa la mngon par bstod do// lung bstan rjes su gnang ba'i rgyud las/ bsgrub pa dang gtad pa'i
37a4 le'u ste lnga pa'o//// rdzogs so// sa ma yA/ rgya rgya rgya/ der longs sku thugs rje chen pos bka' bsdu ba mdzad nas// sprul sku pad+ma 'byung gnas la shar ri bo ta la'i rtse mor gnang ngo// bdag 'dra pad+mas rgyud
37a5 'di la bsten nas/sku gsung thugs kyi sgrub thabs la tshogs dang bcas pa mdzad de/ mtsho rgyal la gdams te/ ma 'ongs don du sa'i gter du sbas// las can snying gi bu dang phrad par shog/ 'di ni kun
37a6 gyi thun mong ma yin pas// gzhan la ma bshad snying gi dkyil du sbos////
34b2 / de nas lha'i sgo dbye ba ste/ sngags la/ a dang ma ma e ke ya phaT/ ces lha'i sgo dbye'o// tshangs pas lag nas drangs te/ de yan chad ting nge 'dzin gyi zas skom dang
34b3 longs spyod lus sems ye shes las 'gyur pa la/rigs sems dpa' sems ma'o// rgyud 'jig rten 'das pa'i mdo las/ ye shes kyi ma mo'i pho nya ni/ shar gyi phyogs nas 'gugs byed ma// mthing kha mchog
34b4 rnams gsang ba'i yum// kai ri nag mo dbyug to 'phyar// bdud bgegs 'dul ba'i las mdzod cig/ lho yi phyogs nas 'gugs pa ni// gser gyi 'od 'phro mda' gzhu 'gengs// tse'u thabs kyi mda' gzhu
34b5 'phel// lho yi dgra bgegs dgug tu gsol// nub kyi phyogs nas 'gugs ma ni// chu srin rgyal mtshan 'phyar ba mo// pra mo dmar mo 'jigs pa'i gzugs// byang gi phyogs nas 'gugs byed ma/ nag mo
34b6 ral pa thod pa 'gengs// pe ta nag mo rdo rje 'phyar// byang nas dgra bgeg dgug tu gsol// shar lho phyogs nas 'gugs pa ni// bskal ba'i me 'bar rgyu 'phreng 'dzin// spu ka dmar ser 'jigs pa'i
35a1 gzugs// shar lho mtshams nas dgug tu gsol// lho nub mtshams nas 'gugs byed ma// ljang nag chen mo me 'bar ma// dkar mo rdo rje thod khrag 'thung// lho nub mtshams nas dgug tu
35a2 gsol// nub byang mtshams nas 'gugs byed ma// btsun mo zhe sdang spu gri'i so// sma sha mthing nag 'jigs pa'i gzugs// nub byang mtshams nas dgug tu gsol// byang shar mtshams nas 'gugs pa
35a3 ni// kha T+wAM mtshon gyi char 'bebs ma/ tsan da ser skya char 'bebs ma// tsan d+ha has kya 'jigs pa'i gzugs/ byang shar mtshams nas dgug tu gsol// dza dza ang gu sha dza/ dpal chen thugs kyi pho nya
35a4 ste// shar gyi phyogs nas 'gugs pa ni// badzra mu ste 'jigs pa'i gzugs// 'bar ma rdo rje sku 'bar ma// dkar mo lag na rdo rje 'phyar// shar gyi phyogs nas dgug tu gsol// shar lho mtshams nas 'gugs
35a5 byed ma// mun ste a na 'jigs pa'i gzugs// 'bar ma me khyer glog 'phreng 'dzin// mur ti drag mo 'jigs pa'i gzugs/ ser mo lag me tog bsnams// shar lho mtshams nas dgug tu gsol// lho yi
35a6 phyogs nas 'gugs pa ni// mu ti ya ma 'jigs pa'i gzugs// 'bar ma gshin rje skar ma stong// sdon mo 'od kyi mda' 'phen ma// lho yi phyogs nas dgug tu gsol// lho nub mtshams nas 'gugs pa
35b1 ni// mug ti drag sha 'jigs pa'i gzugs// 'bar ma srin mo ral gri 'dzin// lho nub mtshams nas dgug tu gsol// nub kyi phyogs nas 'gugs pa ni// mi ting nA ga 'jigs pa'i gzugs// 'bar ma klu
35b2 mo lce 'bebs ma// dmar mo lag na thod 'bebs ma// nub kyi phyogs nas dgug tu gsol// nub byang mtshams nas 'gugs pa ni// mun pa yang ni 'jigs pa'i gzugs// 'bar ma rlung bdag ba dan
35b3 'phyar// byang nub mtshams nas dgug tu gsol// byang gi phyogs nas 'gugs byed ni// mun ti ba ba 'jigs pa'i gzugs// 'bar ma gnod sbyin khyung thogs ma// ljang nag lag na khra thogs ma// byang gi
35b4 phyog nas dgug tu gsol// byang shar mtshams nas 'gugs pa ni// mun ting ru dra 'jigs pa'i gzugs// 'bar ma 'jigs byed ban glang sna// mthing kha lag na mdung thung 'phen// byang shar mtshams nas
35b5 dgug tu gsol// steng gi phyogs nas 'gugs pa ni// mur sti su rgya 'jigs pa'i gzugs// ser mo lag na nyi zla thogs// stang gi phyogs nas dgug tu gsol// 'og gi phyogs nas 'gugs pa ni// mu sti
35b6 bab 'jigs pa'i gzugs// 'bar ma phag gdong sa bdag mo// nag mo lag na bum pa 'dzin// 'og gi phyogs nas dgug tu gsol// 'jig rten 'das pa'i rgyu las/ ye shes kyi ma mo dang 'bar ba'i pho nyas
36a1 dgra bgegs 'gugs pa'i le'u ste dgu pa'o//// 'jig rten 'das pa'i mdo las/ he ru ka la phyag 'tshal lo// de nas bcom ldan 'das zhes bya ba'i don la/ dang po bcom ldan 'das
36a2 zhes bya ba ni bdud bzhi bcom ste/sbyor ba ye shes kyis zin pas lha'i bu'i bdud bcom pa dang/ phung po lnga rigs lngar bsgoms pas phung po'i bdud bcom/ ting nge 'dzin thang lhod med par bsgroms pas las
36a3 dang nyon mongs pa'i bdud bcom/sgrol ba snying rjes zin pas 'chi bdag gi bdud bcom la/ rnam pa gcig tu 'dul ba tsham rngam gyi rigs bzhi he ru ka dang/ khro bo rnams dang/ lha chen po'i zhabs 'og tu
36a4 bcug cing/sgal tshig bcom pas kyang bcom la/ yang rnam pa gcig tu 'jig rten gsum na mthu che la dbang btsan pas kyang/ bdud dang/ srin po dang/ tshangs pa dang/ brgya byin dang/ lha dang/ klu dang/ de
36a5 rnams bcom pas kyang bcom/ldan pa ni thabs dang shes rab kyis 'khor ye shes las las grub pa dang/ las grub dang lngan pas kyang ldan no// 'das pa ni 'khor ba dang mya ngan las 'das pas kyang 'das
36a6 so// theg pa dgu'i 'og ma kun la 'das pas kyang 'das pa/ 'jig rten las 'das pa'i he ru ka'i gal po yin pas kyang 'das so// dpal he ru ka zhes pa la/ bdag dang gzhan gnyis ka'i dpal zhes kyang
36b1 bya na/'dis thugs rje chen pos bdud dang srin po 'dul bas kyang kun gyi dpa' yin la/ ma mo dang mkha' 'gro kun gyi dpal yin pas kyang dpal yin no// pad+ma zhes pa ni/ pad+ma 'dam nas skyes kyang 'dam
36b2 gyis ma gos pa dang/shes rab kyi rang bzhin sbyor sgrol gyi chos spyod kyang bag chags dang skyon gyis ma gos so// he ru ka zhes pa ni/ 'jig rten dang 'jig rten las 'das pa'i lha srin bdud dang bgegs kun
36b3 las kyang rab tu 'phags te/gzhan gyis mi tshugs shing mthu che la dbang btsan pas lta ba dang spyod pa'i don/ a ti yo ga'i don bya btsal dang bral zhing 'das pas/ khro bo kun gyi thog ma yin pas kyang he ru
36b4 ka'o// dpal chen po he ru ka de 'og min gyi gnas lcang lo can gyi pho brang du/ rin po che ye shes las grub pa'i gzhal yas khang tshad dpag tu med pa yum gyi mkha' pad+ma 'dab ma stong dang ldan pa ste/ rdo rje bla re
36b5 mig mangs ris su bres pa/'og rdo rje'i gzhal yas su bkram pa/ de'i 'og kyang 'dod chags khrag gi rgya mtsho/ zhe sdang rus pa'i phung po/ gti mug sha'i ri rab kyi steng na/ rin po che'i khri rkang brgyad pa la/ khri
36b6 rkang gi bar re re na sprin med pa'i nyi ma bdun bdun brtsegs mar shar ba/khri rkang de'i bar gser gyi seng ge spyan gsum gsum bdun bzhi nyi shu rtsa brgyad ye shes las grub pa'i tshul du kha phyogs bzhi tshams
37a1 brgyad du gzigs pa/de'i bar bar khri rkang gi gseb seng ge gnas pas/ kun tu bzang po la 'khor ba btsal gyis ma rnyed pas/ dbye ba med pa'i sa la mnyam pa nyid kyi klong du gnas pas rgyu
37a2 'bras kyi chos dang/las sdug bsngal dang/ sku dang ye shes kyi chos thams cad la sems kyi dbang bskur bas/ rig pa'i rgyal po rang dbang rdzogs pas/ 'di ltar gnas pa'i rnal 'byor pas dbang bskur yang
37a3 mi 'gal/ma bskur kyang dbang thams cad rdzogs pas/ gser sa dbung la kha blangs mi dgos/ blangs kyang mi 'gal ba dang 'dra'o// de'i phyir 'di skad ces gsungs so// yod cing rdzas su snang na
37a4 yang// snang zhing srid pa'i ye shes brgyan// med cing chad par snang na yang// khams gsum thams cad stong pa'i dbyings// yod med gnyis las 'das na yang// don gyi mchog ni bcom pas kyang/ gser gyi
37a5 mdog gzi 'phags rdo rje'i sing ha ma/phyogs bzhi mtshams brgyad dpung 'joms/ rtags zhes bya/ pad+ma rtsa la brgyad pa'o// khri rkang de rnams la yang pad+ma he ru klu las grub pa yin pas sbrul nag chen mo'i
37a6 gdan byas nas bzhugs so// phyogs bzhi mtshams brgyad nas/ shar dri za/ lho gshin rje/ nub klu/ byang gnod sbyin/ me lha dang/ srin po dang/ rlung lha dang/ dbang ldan de rnams zhabs 'og tu gdan byas nas
34b2 bzhugs so//// bde gshegs rgyal ba'i dgongs don khro bo 'dus pa'i yang snying rdzogs so//// bcom ldan 'das dpal kun tu bzang po he ru ka la phyag 'tshal lo// de nas bcom ldan 'das
34b3 dpal kun tu bzang po/thams cad 'dus pa kun tu bzang po'i sangs rgyas su ma gyur pa med pa yi/ thams cad du khyab brdal ba'i 'khor tshogs thams cad la 'di lta ste/ chos thams cad ye nas sangs rgyas
34b4 pa med pa'i sangs rgyas dang/chos thams cad gnyis su med cing tha mi dad pas/ thams cad du so so ma yin pa tha mi dad pa'i sangs rgyas la sogs pa thams cad kun tu bzang po'i sangs rgyas su gyur pas/
34b5 nyid la nyid gsung du med pa'i bka' 'dus par gsungs pa ni 'di lta ste/ chos thams cad brjod du med cing brjod pa las 'das pa/ 'das pa'i sangs rgyas thams cad ni chos nyid ma skyes pa'i rang bzhin du
34b6 'dus so// chos thams cad bsam du med cing bsam pa las 'das pas/ da ltar gyi sangs rgyas thams cad ni byang chub kyi sems bde ba chen por 'dus so// chos thams cad ni ji lta bur 'gyur ba med cing
35a1 'pho 'gyur las 'das pas/ma byon pa'i sangs rgyas thams cad ni yid rang byung gi ye shes btsal ba med par 'dus so// des na dus gsum gyi sangs rgyas thams cad kyang spros pa med pa'i thig
35a2 le mi 'gyur ba'i g.yung drung du 'dus so// de nas bcom ldan 'das dpal kun tu bzang po he ru kas nyid la/ ched du brjod pa/ de la sangs rgyas zhes bya ba'i rang bzhin ni/ ji ltar mtshan ma'i dngos po thams
35a3 cad la// ye nas 'di 'dra zhes bya ba grub cing rtag pa med pa las chos thams cad chos nyid du sangs rgyas pas/ de stong zhing chad pa'i mtha' ma yin la/ go zhing rtogs pa'i shes rab nang nas rtogs
35a4 pas/thams cad chos nyid bde ba chen po'i klong du sangs rgyas pa'i rang bzhin yin pas/ skye 'gro ming dang gzugs kyi bsdus pa thams cad ye nas phyogs dang/ ris dang/ gzugs dang/ kha dog tu grub cing
35a5 brtag pa gang yang med pas/thams cad ye shes chen po'i rang bzhin du sangs rgyas shing/ tshig dang yi ge las 'das pa'i rigs pa rang dbang du gyur pas/ chos thams cad chos kyi sku 'pho 'gyur med pa'i rang
35a6 bzhin yin pa dang/de ltar phyi nang snod bcud du grags shing/ bstan pa thams cad ye nas gnyis su med pa'i byang chub sems yin la/ sems dang sems kyi rnam pa yang ye nas kun tu bzang po'i rang bzhin
35b1 du sangs rgyas pa de la/ye sus kyang ma byas/ ye sus kyang ma bcos/ don gyi nges pa phyin ci log tu cis kyang mi 'gyur ba'i nam mkha'i rnam pa bzhin du ye nas gnas pa de/ sangs rgyas zhes bya'i rang bzhin
35b2 yin par gsungs so// de las sangs rgyas kyi mtshan nyid ni// dper na nam mkha' la blun pos bgo bsha' byed pa dang 'dra ste/ gnas skabs la lar sems kyi mtshan nyid so sor 'dzin na/ sangs rgyas kyi
35b3 mtshan yang so sor snang ngo// gnas skabs la lar sems kyi mtshan nyid tha dad med na/ sangs rgyas kyi mtshan la yang tha dad med par bstan no// de'i phyir na sangs rgyas kyi mtshan nyid ji lta bur 'dul ba'i
35b4 don las mtshan du btags so// sangs rgyas kyi sku yi cha lugs dang/ yab dang yum dang/ btsun mo dang/ sras dang/ zhing khams dang/ pho brang dang/ 'khor dang/ gnas dang/ ris su bstan pa ni/ sangs rgyas
35b5 la sku yi cha lugs dang yul la sogs pa ris su phye ba med kyang/sems can la sde tshan dang/ yul dang/ gnas su 'dzin pa dang/ de 'dul ba'i thabs su bsten pa la sems kyi rnam pa phye ba med na/ sangs
35b6 rgyas la yang ris su phye ba med do// sangs rgyas kyi sku tshe'i tshad mi mnga' bar bstan pa yang/ sangs rgyas dang sems can la tshe yi tshad dam// skye 'chi dang// 'pho 'gyur med do// log par 'dzin pa'i sems
36a1 'pho 'gyur dang/le lo dang/ yeng bar 'dzin pa la bstan pa'i phyir ro// sangs rgyas kyi sku gsung thugs phyag rgya chen po dkyil 'khor dang/ grangs dang rnam pa 'byung ba mang po sems kyi rang
36a2 bzhin las byung ba dang/'byung ba las gyur pa'i phung po dang/ khams dang/ skye mched dang/ rdul snyed 'dzin pa'i bag chags mtshan ma dang bcas pa de/ mi gnas pa'i mya ngan las 'das par yod ces pa la/
36a3 sangs rgyas kyi sku gsung thugs phyag rgya chen po'i dkyil 'khor du snang ba las gzhan ma yin no// de'i phyir na sems la mu med pa'i phyir/ sangs rgyas kyi mtshan ma yang mu med par bstan/ yul gyi rnam pa rdul
36a4 dang rdul phran 'dzin pa la/sangs rgyas kyang rdul gcig gi steng na rdul snyed la sogs par bstan no// tshig dang yi ge 'dzin cing brir yod na/ sangs rgyas kyi mtshan yang tshig dang yi ger brir yod par bstan/
36a5 tshig dang yi ger brir med na/ sangs rgyas kyi gsung yang tshig dang yi ger gdags su med par bstan no// de lta bu rdul snyed cig gi steng du rdul snyed kyi sangs rgyas thams cad kyang sprul pa'i sku 'bum dang/ khri
36a6 dang/stong du 'dus/ de yang dus gsum gyi sangs rgyas rim par 'dus/ de yang rigs lngar 'dus/ de'ang sku gsung thugs kyi sangs rgyas su 'dus/ nam mkha'i gang nas gar khyab pa thams cad du lus sems
36b1 gnyis su 'dus so// de stong gsum du 'dus de khams gsum du 'dus/ de yang dus gsum du 'dus so// de yang lus ngag yid gsum du 'dus so// de yang rtsa ba byang chub sems su 'dus ste/ byang chub kyi
36b2 sems su mu mtha' dang bral ba'o// de la sangs rgyas kyi mdzad pa'i don ni/ rang gi sems kyi mtshan nyid la rgyu dang 'bras bu 'dzin pa'i phyir/ gnas skabs la lar sangs rgyas kyi mdzad pa sems can thams
36b3 cad dang 'thun par spyod pa yang yod/gnas skabs la lar sangs rgyas kyi mdzad pa sngags dang/ phyag rgya dang ting 'dzin du mdzad pa yang yod/ de dag na sems kyi mtshan nyid so sor 'dzin pa'i don yin la/
36b4 yang dag par kun tu bzang por byang chub sems kyi mdzad pa ni/ sangs rgyas thams cad sku ci mdzad pa ni/ chos kyi sku dus gsum du 'pho 'gyur med par mdzad/ gsung ci mdzad pa ma bcos pa nyid du
36b5 mdzad/thugs ci mdzad pa ma bslad pa'i ye shes su mdzad/ de yang thams cad byang chub sems kyi rang bzhin du sangs rgyas par mdzad pa sangs rgyas kyi mdzad pas/ sangs rgyas kyi mdzad pa de yin te/ sems
36b6 can ye nas sangs rgyas par mdzad/'khor ba ye nas mya ngan las 'das par mdzad/ sdug bsngal byang chub kyi sems bla na med par mdzad/ nyon mongs pa thams cad yang dag pa'i lam du mdzad pa de yang
37a1 'phral du rgyu dang rkyen gyis bcos pa ma yin te/nyi ma'i snying po la mun pa ngang gis mi gnas pa dang 'dra bar/ kun tu bzang po ye nas sangs rgyas pa'i rang bzhin la/ 'khor ba btsal bas kyang mi
37a2 rnyed do// rtsi ma ki ta'i sman gyis thams cad bdud rtsi'i rang bzhin can la dug btsal yang mi rnyed do// sangs rgyas kyi mdzad pa thams cad sems kyi rang bzhin du mkhyen pa'i klong la/ sems kyi byin rlabs las
37a3 ma gtogs pa/ngan song sdug bsngal btsal yang mi rnyed pas/ sangs rgyas kyi mdzad pa lhun gyis grub pa'o// de la ye nas grub zin pa ni/ lhun gyis grub pa'i chos bshad du med pa la/ ye nas grub zin pas
37a4 btsal du med de/de la yang sems kyi chos thams cad phyi yang ma yin/ nang yang ma yin/ phyi nang gnyis ka yang ma yin/ rgyu yang ma yin/ yod med gnyis ka ma yin pa de dag la sogs pa thams cad ni/ yin
37a5 pa thams cad yin no// chos thams cad kyang yin no// chos thams cad dngos po dang mtshan ma'i rdzas su dngos po gang yang ma grub cing/ dmigs pa'i yul las 'das pas gang yang ma yin pa dang/ gang yang
37a6 ma yin pa de yang stong pa nyid gting chad pa ci yang med pa ma yin te/yon tan gyi btsal gyi dgongs pa'i don rang bzhin du 'byung la/ ting nge 'dzin gyi byin rlabs kyis ji ltar dmigs pa bzhin du snang ba de ni/
34b2 / zhes bya ste// de lta bu'i mtshams kyis gnas kyis// dkyil 'khor 'dir gnas stod par bya ste// yi ge rnam pa gsum gyis sgrib pa sbyang nas// lung gi 'phro 'du rnam pa gsum gyis// thugs rje sprul
34b3 pa'i gnas su sgrib pa sbyangs nas// rtog med chos kyi dbyings la bzhugs gnas bcas nas// rtog 'joms khro rgyal matams kyi dbang 'di yang bskur ro// ji ltar snang ba thams cad kyi// lha dang lha mo'i
34b4 dkyil 'khor yin// khro rgyal mtshams kyi dkyil 'khor du// che ge rtog 'joms dbang bskur ro// 'di zhes bya ba rgyal ba'i sras// 'khor ba ngan song lta bas bsal// rnam par rtog pa dgongs pas
34b5 bcom// rang rig ye shes lung gis bstan// rnam par mi rtog chos nyid gnas// sngar 'das sangs rgyas bzhugs pa bzhin// rnal 'byor rdo rje che ge nyid// rgyal ba kun gyis bsngags pa mdzad// sngon gyi de
34b6 bzhin dbang gnas mchog/ces gnas rim cig bstod// dbang rim cig bskur nas// 'dis kyang 'khor pa sa 'das nas sangs mi rgyas pa'i dbang med do// zhes kun tu bzang pos gsungs so// de yan
35a1 chad khro rgyal mtshams kyi dkyil 'khor cig rdzogs so//// de bzhin du ye nas gnas sangs rgyas pa'i gnas su// de ltar rtogs pa'i sangs rgyas kyis dgongs pas// mtshams bcad pa'i phyin
35a2 ci log gis bslad pa'i gzung 'dzin gyi rtog pa rnams ni/'khor ba'i bgegs chen po yin la// 'di dag kyang bdag gi rtogs pa'i ye shes kyis sbyong zhing/ de dag thams cad rang gi sems snying po byang chub kyi
35a3 rang bzhin yin par rtogs nas/rdul phra rab tsam yang dngos grub kyi bar chad byed pa dang/ mi mthun pa'i bgegs ming yang med par byas nas// 'di ni theg pa gang yang mi 'bral bar bya ba'i phyir/ dkyil
35a4 'khor brgyad pa tshul bzhin du byas te/sems can lakhor ba'i rgya mtsho sgyu mar snang ba thams cad/ gdod mtha' nas dkyil 'khor tshul bzhin gnas pa las/ phyin ci log gis bslad pa rnams 'bar ba'i
35a5 'khor lo rtsi bas brgyad kyi 'od zir gyis sbyong zhing/rnam par shes pa tshogs brgyad kyang/ khro bo brgyad du byin gyis brlabs nas/ tshe 'phos pa dang sems can thams cad khro bo'i sku gsung thugs/ phyag rgya chen
35a6 po'i dkyil 'khor du bsdus te/thugs rje che ba'i sems can sgrol ba'i 'phrin las mngon sum du mdzad do// de yang dkyil 'khor zhes bya ba yang/ bka' yang dag pa'i dkyil 'khor ni/ khams gsum 'khor
35b1 ba'i chos ji srid rdzas su snang ba thams cad brtags dben/dmigs na don byed ma nus pa gang yang med pa ni/ gzugs brnyan gyi dkyil 'khor yin la/ de thams cad kun gzhi byang chub kyi sems su 'dus
35b2 pas/kun gzhi byang chub kyi sems la/ chos thams cad nas thams cad sangs rgyas pas/ sgom du yang med cing// yengs su yang med pa nyid ting nge 'dzin gyi dkyil 'khor yin la// de yang kun tu bzang po ye
35b3 phyi mo nas sangs rgyas pa la/btsal ba med par sangs rgyas pa dang/ sems can gnyis su med par lhun gyis grub pa ni/ rang bzhin gyi dkyil 'khor zhes bya ba la/ de gsum yang tshig gi rnam grangs tsam las
35b4 ris su ma gsungs shing/byang chub sems bde ba chen por mnyam zhing dbyer med rtogs na/ gzugs brnyan gyi dkyil 'khor bri yang mi dgos la/ thams cad shong yangs che ba las bris kyang mi 'gal lo// de
35b5 la yang 'di skad gsungs so// rgyal ba'i dkyil 'khor rab 'byams ma lus kun// dbyings las ma g.yos sku dang phyag rgyar gsal// gsal tsam nyid na yod med tshig las 'das// snang srid thams cad rgyal
35b6 ba'i dkyil 'khor las// yid kyis sa bcad sems kyi lha bkod nam// sems can thams cad sangs rgyas sa la bkod// 'du 'dzin mang po bus ba'i las 'dra bas// rang sems gdod nas dag pas nam
36a1 mkha' bzhin// mtha' dbus phyogs ris med par yongs la khyab// gzung 'dzin rtog pas mtha' gnyis bral ba la// skye 'gag med pa'i thig le chen por 'dug// 'od bzhin mtha' dbus med
36a2 par rgyal bas gsungs// bdag med skye shi med pa'i klong bdal gyis// 'du 'bral med pa'i gsang ba'i dkyil 'khor du/ phyogs ris med pa'i thigs rje chen po yis/ 'khor ba spyis phung dmyal ba dong sprug
36a3 go/oM gu h+ya sa ra oM// dz+nyA na sa ra o// bo d+hi tsit+ta a/ zhes bya ba 'di rtogs shing brjod pas/ skye 'gro mtha' dag pa rnams kyang/ sangs rgyas kyi sa la gnas par gyur na/ gang la bya ba de lta ci smos/ de
36a4 ni thams cad byin gyis rlob pa zhes bya ste/bka'i 'khor lo'i dkyil 'khor gnyis pa rdzogs so//// de ltar gzugs brnyan gyi dkyil 'khor bris pa der/ gang la don bya ba dang/ bdag dang sems can thams
36a5 cad kun tu bzang po'i gnas su phyin cing snod du rung bar byin gyis brlabs nas/gzung 'dzin rtag chad kyi dngos po khro bo yab yum gyi thabs dang shes rab kyi ting nge 'dzin gyis bsgral dgos te/
36a6 oM badzra tsakra ya s+t+waM/ zhes brjod pas/ gser gyi 'khor lo rtsibs brgyad kyi dbus su/ dpal chen po yab yum gnyis/ shar gyi rtsibs la pra dz+nyAn ta krid/ shar lho'i rtsibs la nI la dan Da/ lho'i rtsibs la ya mAn
36b1 ta krid/lho nub mtshams la Ar+ya a tsa la/ nub kyi rtsibs la ha ya gri ba/ nub byang mtshams su Ta ki rA dza/ byang gi rtsi bas la a mr-i ta kun+Ta li/ byang shar mtshams su ma hA ba la/ 'og gi phyogs su 'khor lo sgyur
36b2 ba de/ka ma la/ steng gi phyogs su hUM ka ra/ 'di rnams khro mo ki ri ma brgyad dang gnyis su med par bzhugs so// yab yum de dag gnyis su med par 'khril ba las/ steng gi hUM ka ras thabs 'phros/ 'og gi
36b3 ma las ni shes rab ston/de la 'khor gyi mkha' 'gro dang/ sprul pa dang/ mngag gzhug rim gyis/ gang don bya ba de dang/ mtha' yas pa'i sems can thams cad gcig tu bsdus nas/ dngos po la rtag
36b4 par lta ba'i gzugs dpung gi gdos bsgral/rnam par shes pa'i yi ge nri las/ hUM du gyur nas yab yum gyi thugs khar thim nas/ mkha' la rten te ma 'ongs pa'i don du/ rigs nges pa'i sras su cha la reg par
36b5 'phrin las mdzad pa'o// de ltar ting nge 'dzin las gsal bar bya ba ni/ sa bcu mthar phyin pa'i gnas zhes bya'o// de yang khams gsum thams cad ni stong pa chos nyid kyi zhing yin la// srid gsum thams cad
36b6 ni thabs mkhas pa'i ye shes yin la sngug bsngal dang nyon mongs pa thams cad gnyis su med pa'i longs spyod du gyur pas/dper na nyi ma'i dkyil 'khor la/ mun pa btsal gyis mi rnyed pa bzhin/ sangs rgyas
37a1 kyi dgongs spyod bdal bas/'khor ba'i rgyu btsal gyis mi rnyed par gyur nas// sgral bya yang mi dgos la/ sgral ba byas kyang dgos pa med do de'i phyir na 'di skad ces gsungs so// kun tu
37a2 bzang po'i ngang nyid las// sangs rgyas sems can gnyis med pas// srid gsum zos kyang nga ma 'grangs// khams gsum 'thugs kyang nga ma ngoms// stong gsum thams cad sgral ba'i zhing// ma skyes phyir na
37a3 btub ba'i rdzas// rang bzhin mod pas bsgral ba'i rgyu// sems nyid yangs pa'i mkha' klong du// stong gsum ma lus ston pas ni// 'bum gyi char yang mi phod do// nam mkha' gar khyab chos kyis khyab// chos
37a4 kyis gar khyab sems kyis khyab// phyi nang gnyis ka sems su bsgral// sems ni ye nas mya ngan 'das// skye shi gnyis kyi rgyud las rgal// yod med gnyis kyi mtha' las 'das// cir yang snang la gzung du
37a5 med// med pa ma yin snying po 'byung// 'di zhes bya ba bcom ldan 'das// gcig pur rab tu che ba'i lha// blo ldan gang zhig skal che ba// 'di ni bsgral ba'i lung zhes grags// hi ti bsham// yongs la dbang
37a6 sgyur dbang gi mchog/gang la ma chags 'dod dgur sgyur// gnyis su med pa'i pho brang du// spong len medapa'i dbang bskur ro// zhes gnas par cig bstod/ dbang lan cig bskur bas/ sems can gyi ming
34b2 yang med par gyur to// ji ltar dbang sgyur bzhin du 'grub// mkha' lta 'phyo dang rigs 'dzin gnas// chu rgyun zlog dang rlung mi 'gul// ri brag la sogs thogs med 'dzul// chu la mi 'bying mes mi 'tshig/ dug
34b3 dang mtshon gyis 'jigs mi 'gyur// mi snang ba dang mang por sprul// gzhan yang ji ltar 'dod pa bzhin// lha srin rnams la dbang sgyur dang// tshe dang dus la bsring bstung dang// stong gsum nyungs 'brur shong
34b4 ba dang// yungs 'brus stong gsum khengs pa dang// ji ltar dmigs pa bzhin du 'grub// sbrul dang gcan gzan gdug pa rnams// khyi bzhin phyi nas 'brang bar 'gyur// bdud dang gdug pa la sogs
34b5 pas// tshugs par mi 'gyur bran bzhin 'gyur// lus ma spangs par rigs 'dzin sa// ye shes bsod nams longs spyod kyis// yi ge 'khor lo tshogs mchog brnyes// thugs rje sprul pa'i byin brlabs
34b6 kyis// so sor thar pa'i lam yang ston// 'gro ba ma lus don yang byed// las rnams thams cad kun byas na// skye shi med pa'i g.yung drung thob// mtshan dang dpe byad kun gyis brgyan// bsod nams ye shes
35a1 tshogs chen ldan// mthar phyin bya ba med pa 'grub// sgrub med spangs med chos kyi dbyings// 'ong med 'gro med de bzhin nyid// 'di ltar bsgrubs te bsgoms byas na// 'bras bu mngon du ma gyur
35a2 kyang// tshe rabs skye ba thams cad du// las ngan kun tu skye mi 'gyur// theg pa dman par yongs mi 'gyur// rdo rje'i rigs mchog 'dzin par 'gyur// zhes rdo rje gsang ba'i tshig tu'o// shin tu gsang ba dngos
35a3 grub myur du thob par bya ba'i le'u ste nyer drug pa'o//// de nas de bzhin gshegs pa rgyud kyi rgyal po sgyu 'phrul dra ba las// sku'i dkyil 'khor mngon du phyung ste 'di skad ces gsungs so// de bzhin nyid kyi
35a4 dbyings ldan te// rgyu dang dra bar 'brel gyur nas// rgyu mchog rdo rje 'od snang ba// mthun pa'i ye shes rang snang ba'o// rgyu drug 'khor ba'i lus snang ba// rnam rtog mthun pa'i las snang ngo// de bzhin sku mchog dri
35a5 bral dang// bde gshegs sku lngar mdor bsdus te// bcom ldan 'das dang byang chub gzugs// bla med gzugs dang rdo rje'i sku// de la sogs te sku bsam yas// phyogs bcu kun tu dus bzhir ni// thabs
35a6 kyis 'gro 'dul skur ston te// byang chub sems ni rdo rje'i sku// chags med zhing du sku ston pa// dbyings las ma g.yos bzhin du snang// sku snang de bzhin nyid kyi dbyings// rnam dag sku ston ma yin te// log
35b1 'gro rtog pa thams cad la// so sor 'dul ba'i skur yang ston// de tshe skye shi med pa'i sku// las dang ma chags pad+ma'i sku// thar dang ma thar sna tshogs kyang// sna tshogs snang la gnas pa med// snang dang mi snang
35b2 gnyis ka min// de ltar rtogs pa'i rigs mchog ni// rdo rje zhes ni gdags pa yin// ji snyed sku ston bsam yas pa// thams cad ma lus rdo rjer bsdus// 'khor lo zhes kyang brjod pa yis// de la sogs te
35b3 sku bsam yas// byang chub thugs kyi dkyil 'khor nas// sku ni sna tshogs thams cad kyang// gzha' tshon chu zlar 'drar shes na// dbyings nyid la ni dbyings snang zad// thugs nyid gsung gi dkyil 'khor
35b4 snang// gsung nyid sku yi dkyil 'khor te// dbyer med de bzhin yong gis so// dkyil 'khor bzang po sgrub 'dod las// rtag tu dus gnas thams cad du// bdag dang bdag gi dbyer med par// ye nas
35b5 dkyil 'khor yin par rtag/'di ni dngos grub mchog yin par// kun tu rgyal gyis de skad bshad// sgyu 'phrul dra ba las// sku'i dkyil 'khor mngon du phyung ba zhes bya ba'i le'u ste nyer bdun pa'o//// de
35b6 nas de bzhin gshegs pa rgyud kyi rgyal po sgyu 'phrul dra ba las/sngags 'chang rnams don yod par bya ba'i phyir/ dam tshig sum brgya'i rtsa ba mdor bsdus nas/ sngags 'chang rnams kyi don ched du/ ched du brjod
36a1 pa 'di ched du brjod do// phyogs bcu'i 'jig rten rdul phran snyed// rtog 'dul gnyen po bsam mi khyab// 'dul ba sdom pa bsam yas dang// rdo rje theg mchog mang po kun// nyid las g.yos
36a2 shing spros med kyang// rang rig 'phrul pa'i rtog pa yis// lta ba mtho dman bsam mi khyab// de 'dul don phyir bsam par bstan// yang dag nyid dang log rtog nyid// ngo bo nyid kyis gnas gyur na// de la
36a3 bcos shing bsgyur du med// ye nas ngo bo yod yin na// nyon mongs spang zhing byang sgrub med// thams cad ma lus ro gcig 'gyur// kun rdzob chu zla ltar yin pas// cir yang 'gyur zhing cir yang 'grub// rnal
36a4 'byor de nyid rtogs pa yis// don dam skye 'gag med pa ste// kun rdzob sgyu ma cir yang 'grub// gnas ngan dus na log rtog nyid// gzung 'dzin bral ba nyid rtogs na// bdag med ye shes rang rig
36a5 nyid// snying rje thabs mkhas ting 'dzin gyis// ji ltar dmigs pa bzhin du 'grub// so so'i rang bzhin nges she na// yang dag lam gyis bcos su med// de bas yang dag blo chen gyis// thams cad dngos po
36a6 med par bshad// dper na dug gi rigs shes pas// dug gis mi tshugs thabs yod ltar// ha la ha la'i dug rnams kyang// bsgrubs na ra sa ya na'i sman// bdud rtsir 'gyur la tshe ring 'grub// nyon mongs
36b1 rang dang spyir bstan pa// mtshan nyid ma nor don rtogs na// rnam par byang ba'i lam du 'gyur// sku gsung thugs kyi dngos grub kyang// gang na'ang med de de nyid yin// nang gi chen po lnga nyid kyang// rang
36b2 dang spyi yi don brtags na// mtshan nyid med pas rnam par dag/ so so'i rtsal rnams 'dzin gyur pas// thabs chen du ni rnam par 'phro// mtshan rnams rang bzhin mi gnas pas// shes rab dbyings su rnam par
36b3 sbyong// gti mug ces ni brjod pa yang// ma rig ming gi rnam grangs te// gnyis med don gcig yin par bshad// rang gi mtshan nyid spyod pa ni// chos dang bdag dang dngos po rnams// ngo bo yod la sogs
36b4 brtag pa// rtog pa sgyu ma'i klung gyur te// log rtog spros pa'i rgyun yin la// thams cad chos dbyings ro gcig ste// bzod pa'i chos nyid dmigs can yin// spyi yi mtshan nyid brjod pa ni// mi rtag sdug bsngal
36b5 stong bdag med// ma rig pa ni spang du med// rig pa yang dag sgrub tu med// thams cad dbyings su ro gcig thim// sgyu ma'i dngos por rtog pa ni// sgyu mar rtog nyid mi dmigs pas// mi dmigs de nyid sna
36b6 tshogs snang// skye pa nyid na chos nyid gcig/ dbyings nyid mi dmigs de bzhin nyid// de nyid chos sku'i phyag rgya che// mi dmigs sgyu ma'i dngos po la// rtog pa'i yul gyis dngos nyid kyang// chos nyid mi
37a1 dmigs ye nas dag/sgyu ma mi dmigs dbyer med phyir// yod med gnyis ka dbyer med pas// ting nge 'dzin gyis dbang sgyur na// thugs kyi phyag rgya chen po yin// chos nyid dmigs su med pa
37a2 ste// mi dmigs bzhin du sgyu mar spro// gdul bya'i bya ba bsam mi khyab// gsung gi phyag rgya chen po'o// de ltar gti mug spang du med// rnam par snang mdzad rgya chen yin// zhe sdang rang dang spyir bstan pa// kun
37a3 nas mnar sems rtogs pa yi// sgyu ma'i dngos po thams cad la// 'jug par mos pa'i rang bzhin can// spyi yi mtshan nyid brjod pa ni// mi rtag sdug bsngal stong bdag med// zhe sdang snying rje spang bsgrub
37a4 med// chos kyi dbyings su ro gcig phyir// sgyu ma'i rang bzhin mnar sems pa// dngos po thams cad 'jig rtogs na// sgyu mar snang ba thams cad kyang// chos ky-i dbyings las mi gzhan te// mi dmigs pa
37a5 nyid sgyu mar skye// chos rnams kun gyi rang bzhin ni// bdag dang srog dang sems can dang// gang zag gso ba'i rang bzhin med// snang ba thams cad bdag med de// mnar sems chos kyi dbyings su
37a6 gcig/thams cad mi dmigs de bzhin nyid// kun dang dbyer med chos sku yis// kun la rtag pa'i phyag rgya yin// mi dmigs de ltar snang pa la// phyin ci log gi blo bslad pas// rtog pa'i yul la mnar
sems te/

CLOSE WINDOW