225b1 n+ya ra ny-i ca//// ShADanya/ rngA hA taM Sha/ rgya gar skad du/ bud+d+ha ka ra ya hu ma na ma/ bod skad du/ sangs rgyas kyi zhal chems dang po zhes bya ba/ drug pa rdo rje 'chang chen nyid la phyag
225b2 'tshal lo// tshe lo lnga khri thub pa'i dus// 'gro ba sems can thams cad ni// skye ba rnam bzhi dag las skyes// yul ni sum cu rtsa gsum zhes// dga' dang ldan pa'i yul de ru// gso bar byed pa sman gyi
225b3 tshal// 'tsho byed gzhon nu'i ldum ra der// longs sku rdo rje 'chang chen nga// rdo rje 'chang du sku sprul nas// sangs rgyas 'od srungs la sogs te// rab ni gnyis pa'i 'khor gyis bskor// 'bras bu gsum gyi zas
225b4 kyang zos// chos ni pha rol phyin pa ste// rgyas pa 'khru gang re re dang// 'bring ni stong phrag stong pa dang// nyi khri dang ni gnyis su gsung// tha ma shes rab khri ba dang// sngags kyi rgyud sde me lce 'phrengs// sgo nga'i sgra
225b5 la sogs pa dang// ye shes rgyan gyis bshad rgyud dang// thig le mchog rgyud kun gsal dang// gsang sngags rgyud sde mang du gsungs// lha dbang brgya byin khangs bzang gi/ lhoyi phyogs su de ltar bshad// lha
225b6 dbang brgya sbyin btsun mo bzhi// sum cu rtsa gsum sras dang bcas// nyon mongs zad par bya phyir 'ong// lo ni sum cu rtsa lnga lon// de nas 'da' ba'i tshul yang ston// stong phrag brgyad du ting 'dzin sgom// de
226a1 dus rigs 'dzin dga' rab rjes// 'tsho byed gzhon nu'i ldum rar rgyas// gdung ba'i shugs kyis mchi ma phyung// kye ma kye hud kye ma klung// ston pa sgron ma'i 'od nub nas// sems can mun pa
226a2 gang gis sel// de ltar smre sngags brgyal sangs nas// nam mkha'i dbyings su yar bltas pas// 'od zer 'ja' tshon 'khrug pa'i nang// ston pa drug pa rdo rje 'chang// phyag g.yas grub lo yar byung nas// rin
226a3 chen shel gyi za ma tog/sen gang ba cig mar la bor// bdag gis lag g.yon yar brkyang bas// glegs bam lag mthil g.yon du babs// de nyid zhal phyes ltas pa'i// mthing gi shug gu mthing kha la// b+hai
226a4 dur zhun mas bris pa snang// mthong bas dga' rab rang rgyud grol// de yi zhal chems 'di ltar ro// kye ma kye ma rigs kyi bu// gsang sngags gsang ba'i gnad rnams kun// gcig tu dril la nyams su
226a5 long// lus ngag yid kyi sngon 'gro ni// mi rtag snying rjes byang sems bsgom// dben zhing nyams dga' gnas nyid brten// chos dang mthun pa'i mched grogs tshol/ khams kyi brtan po yo byad bsar// sku
226a6 gsum rten gyi mchod pa shis// lus ni ma bcos gang bder 'dug/ ngag ni 'chal pa'i lo byung yang// sems rtog snga phyi bar gsum chod// 'di ni zhen log drag po bsgom// dge med rgyud la yang yang
226b1 khol// lus ngag yid gsum rang sor glod// de nas don dam sems skyed ni// stong gsal snying rjes bdag med bsgom// lus 'di dmigs rgyus bskyed pa'i phyir// rigs drug sa bon nyid du gnas// rig pa
226b2 sku gsum dngos yin phyir// sku gsum yi ge gsum du gnas// ye shes rtsal sbyang ru shan dbye// dbye ba rnam pa gnyis yin te// thog mar tha mal pa yis lus// mdzod spu mgrin pa snying kha dang// lte ba gsang
226b3 gnas rkang mthil du// a dkar ti mthing nr-i ljang dang// bre ser sre dmar du nag sgom// sku gsung thugs la 'bru gsum ni// dkar dmar mthing la me 'bar bas// rigs drug sa bon sreg par bsgom// oM
226b4 AHhUM gsum la bdun 'bum bskyal// des ni ngan song rdog pas non// gnyis pa bdag gi rdor sems kyis// sku gsung thugs yig 'khor lo bsgom// gsum pa spyan 'dren mchod pa 'bul// bzhi pa kun rdzob
226b5 las rim bsgom// smon 'jug gnyis la 'bad par bya// tshogs gnyis rdzogs phyir maN+Dal phul// byin rlabs 'byung phyir gsol ba btab// lus sgrib byang phyir phyag bskor bya// ngag sgrib sbyang phyir yig brgya
226b6 bzlas// mdo dang bsngo ba smon lam btab// nyin mtshan chos kyi 'khor lo bskor// mgron rigs bzhi la longs spyod 'bul// de ltar sngon 'gro rdzogs byas nas// spros bcas la sogs dbang rnams
227a1 bskur// dbang srog dam tshig sku gsung thugs// ma khrel gsum gyi srungs mtshams bca'// mya ngan 'das pa'i sna sel yin// 'gro drug 'dren pa'i lcags kyu yin// thar pa bgrod pa'i lam skal
227a2 yin// 'khor ba sgrol ba'i gru chen yin// de skad ces ni rang shar ba// bstan pa kun gyi snying gzer yin// rdo rje 'chang gi 'das rjes mchog/ zhal chems dag tu bka' stsal lo// dpal sngags kyi srungs ma
227a3 nag mo khros mas srungs cig/sa ma ya/ sku'i rgya/ gsung gi rgya/ thugs kyi rgya////


CLOSE WINDOW