50b1 / gsang sngags theg pa nyan na yang// rang yang brlag la chos kyang 'chor// de phyir dbang sde'i dbye ba la// dang po bum pa'i dbang sde dang// gnyis pa gsang ba'i dbang sde dang// gsum pa shes rab ye
50b2 shes dbang// bzhi pa rin chen tshig dbang ngo// dbang rnam pa gnyis dang// dbang des gtad pa dang// dbang mdor bsdus dang// dbang rin chen 'khor lo dang// rdo rje dbang po rab 'byam gyi dbang sde
50b3 dang// de dag cho ga sgrub thabs rnams// rang rang dkyus na rgyas par zhib// 'di ru bshad par mi bya'o// rdzogs pa chen po'i dbang sde ni// 'di ru rgyas par bshad par bya// theg pa 'og ma'i dbang sde
50b4 rnams// rdzogs chen dbang sder la 'da' bo// rdzogs chen dbang sde bco brgyad ni// snga 'gyur lnga dang phyi 'gyur bcu gsum la// dbang gi sgrub thabs bco brgyad do// rgyal thabs spyi blugs dbang bskur
50b5 la// mtha' dbus med pa'i klong chen du// bzung ba med pa'i sa phyogs su// chos nyid dbyings kyi mchod khang du// mi 'gyur dbyings kyi dkyil 'khor la// mnyam pa nyid kyi chag chag gdab// 'gyur ba med
50b6 pa'i thig cig gdab// ye shes lnga yi sa tshon bkye// sems nyid rin chen me tog bkram// byang chub sems kyi dkyil 'khor du// slob ma 'jug par 'dod pa rnams// dad pa'i chu yis khrus byas te// nyon
51a1 mongs dri ma dag byas la// yol ba'i phyi log nyid du bsdad// skal ldan rin chen slob ma des// dad pa shes rab ldan byas la// gus pa'i tshul gyis gsol ba gdab// e ma ho// bdag cag nyon
51a2 mongs dbang gis na// thog ma med pa'i dus nyid nas// da lta'i mtha' la thug pa ru// khams gsum 'khor ba'i 'dam du bying// shes rab mig long ma rig pas// gzung 'dzin gnyis kyi sgrog tu chud// re
51a3 dogs gnyis kyi lcag gis brabs// phyogs ris gnyis kyi mtha' la zhen// chags sdang gnyis kyi gtan khar chags// 'jig rten chos brgyad spyod spyod nas// yang dag sangs rgyas ma rtogs pas// dus gsum
51a4 bzhugs pa'i sangs rgyas dang// bla ma ma hA gu ru rnams// rtog thabs snang ba mdzad du gsol// thugs kyi sgrom du rin chen bcud// sangs rgyas chos sku thob slad du// rdzogs par bdag la bstan du
51a5 gsol// ces yon phul la de skad gsol ba gdab bo// de nas ma hA gu rus 'di skad brjod do// bu khyod skal ldan rigs kyi gtso// thog ma med pa'i dus mtha' nas// ma rig pa yi ling thog gis// ye shes
51a6 mig long bdag gis dbye// yang dag sangs rgyas nga yis bstan// 'khor ba'i 'dam nas nga yis gdon// gzung 'dzin sgrog nas nga yis dgrol// chags sdang gnyis nas nga yis gdon// kun gzhi 'od gsal
51b1 dkyil 'khor du// don dam chos sku'i lha dang sprad// ngang dngas rin chen sna tshogs bstan/ skal ldan bu khyod tshur shog cig/ ces gsungs te// de nas slob mas yol ba'i nang du 'ongs te// lha phyag gsum byas
51b2 te// pus mo btsugs// thal mo sbyar te// me tog dkyil 'khor la dor nas// 'di skad du gsol ba gdab// thog ma med pa'i dus nyis nas// chos nyid ma dang ma phrad pa// de dang phrad thabe bstan du
51b3 gsol// 'od gsal chos nyid ma rtogs pa// de yi rtogs thabs bstan du gsol// 'gyur med chos sku lhun grub te// skal ldan bdag la bstan du gsol// chos nyid klong yangs kyi dkyil 'khor de// sngar ma
51b4 mthong bas bstan du gsol// ces gsol pa dang// de nas slob dpon gyis slob ma'i mig phye nas// 'di skad do// e ma ho// bu khyod skal ldan rigs kyi gtso// yan lag bu yi shes pa rnams// snying po chos
51b5 nyid ma la thim// ma rig mun pa'i mig phye bas// 'od gsal chos nyid rtogs gyur cig/ mi 'gyur chos sku dngos med de// skal ldan bu la gnas pas na// dngos med dbyings su rgyas thob la// 'gyur ba
51b6 med pa'i ngang la zhog/snang srid ma bcos dkyil 'khor du// chos dbyings snang la rang bzhin med// dgag bsgrub spong len med pa yi// sor bzhag dbye gsal med pa de// mnyam nyid ngang gis bltar bar
52a1 bya// gnyis su med pa'i ngang la gzhog/ snang srid rgya theg dbang bskur bas// sangs rgyas thams cad rang la rdzogs// srid pa thams cad lugs su blug/ ces srid pa rig pa spyi blugs kyi dbang
52a2 bskur ro// gsang ba'i ngo bo ji ltar gnas pa dang// bum pa'i dbang dang gsang ba'i dbang// ye shes dbang dang rin chen tshig dbang rnams// dbang bskur 'byung ba'i rim pa ji ltar lags// de yi 'byung
52a3 lugs bskur lugs bstan pa la// thog ma tha ma med pa'i dus nyid nas// yod med stong dang mi stong dbyer med pa'i// sangs rgyas sems can med pa'i rang bzhin yang// rang rig rang gsal chos sku'i ming
52a4 med de// gzhi rtsa med pa'i kun gzhi snying po'i dbang// chos rnams kun gyi rtsa bar dbang bskur bas// bskur bas skyon med nges par 'byung bas na// dbang bskur nges pas ming gi 'bras bu thob// chos sku rang
52a5 gsal phyi de bum nyid snod// rang rig mi rtog nang de dbang nyid bcud// bum pa kun gyi gzhi mar ye gnas pas// dbang bskur thog mtha' med pas dang po'o// chos nyid rang gsal mo de shes rab
52a6 dbang// rig pa pho de thabs nyid pha// gsang ba ye nas gsang ba lhun grub gsang ba'i dbang// thabs dang shes rab gnyis med bskur ba gnyis// chos nyid stong pa shes rab yin te mo// rang gi rig
52b1 pa thabs mchog yin te pho// shes rab ye shes gnyis med lhun grub pa// bde ba'i ming med bskur ba de gsum mo// ming med stong par gsal bas dngos mtshan med// rang byung kun la khyab pas gsang ba'i
52b2 dbang// 'gag med ma 'gag dbyer med rin po che// dbang gsum lhun grub ming bzhi po// rang byung ye shes chos sku mi rtog rig pas nang// yan lag shes pa rtogs pas phyi// phyi nyid dngos por mthong bas
52b3 kun gyi gzhi// yan lag rig pa'i mtshan ma lhur bzung ste// bum pa dbang bskur dang pos 'byung bar ston// yan lag rig pa'i chos nyid ngang sangs pas// lhan lhan song ba byang ba med par ston// chos nyid
52b4 ngang dngas yan lag phrad pa'i sgra// gsang ba'i sgra byung gsang ba byung ba des// gsang bas dbang bskur gsang bas gnyis par gzung// gsang bas bde 'byung bde ba'i mchog nyid de// bde ba'i ngo bo brjod du
52b5 med pa la// shes pa'i rab ste shes rab stong pa nyid// ye shes de la de bzhin ye shes de// shes rab ye shes dbang bskur de bzhin gsum pa yin// bde ba'i ngo bo ming med mtshon med la// rang byang yan
52b6 lag sems kyi rig pa ste// rig pa sems nyid mtshon pa'i brda yin no// mtshon pas brda yi dbang bskur bzhi pa ste// chos sku rang byung ye shes dbyer med pa'i// zhal bstan dbang bskur sangs rgyas 'bras
53a1 bu thob// theg pa 'og ma'i sgor zhugs rnal 'byor la// bag chags rtas pa'i dbang bskur bzhi pa yis// mtho ris thar pa'i go 'phang thob pa yin// dbang bskur ba'i rim pa'i dbang
53a2 sde'o// gang gis gang la dbang bskur byin brlabs dang// chos sku rang byung ye shes dbyer med pa'i// zhal bstan 'bras bus nges pa ji ltar lags// gang gis gang la dbang bskur byin brlabs bstan pa
53a3 ni// rang byung lhun grub rang bzhin 'gyur med pa'i// chos sku gsal gdams 'gag med ston pa ste// rang byung ye shes ma 'gags ston pa des// rang bzhin lhun grub dbang bskur byin brlabs pa// rang
53a4 byung thig le chen por sangs rgyas so// rang byung ye shes ma 'gags ston pa ste// rang byung zer gyi ston pa kun bzang la// rang bzhin lhun grub dbang bskur byin brlabs pas// gnyis med thig le chen por
53a5 sangs rgyas so// yan lag zer gyi ston pa kun bzang des// sdud pa'i gsang bdag rdo rje sems dpa' la// rang bzhin dbang bskur cig tu byin brlabs te// sems nyid thig le chen por sangs rgyas
53a6 so// yan lag zer gyi ston pa kun bzang des// chos sku rang byung ye shes la// kun tu bzang po ngang nyid nam mkha' la// ngang la ngang nyid nam mkha'i ngang bstan pas// chos sku rang rig nam mkha'i ngang nyid
53b1 dang// rang byung ye shes rang rig nam mkha' gnyis// dbyer med cig ste gsal gdangs nyid kyi ngang// gcig dang tha dad dag las grol ba'o// rang bzhin dbang bskur la yang rnam gnyis te// phyi yi rang
53b2 bzhin lhun grub dbang bskur dang// khyad par ngang bzhin lhun grub dbang bskur ro// phyi yi rang bzhin lhun grub dbang bskur rnam bzhi ste// rang bzhin lhun grub bum pa'i dbang bskur dang// gsang ba'i
53b3 dbang dang shes rab ye shes dbang// dbyer med mtshon pa'i dbang sde bzhi pa'o// rang bzhin lhun grub bum pa'i dbang bskur la// chos sku rig med phyi ste bum nyid dbang// rang byung ye shes nang ste ngang nyid
53b4 gnyis// phyi nang gnyis su med pa bum pa'i dbang// rdzogs chen dbang po yang rab gyur ba la// rang byung gnyis med gsang ba'i dbang bskur bas// gnyis med ngang gsal chen por sangs rgyas so// bzhi pa
53b5 rang bzhin lhun grub sangs rgyas la// chos sku rig pa ming med mtshon med dang// rang byung ye shes ming med mtshon med pa// mtshon pa ming med mtshon pa bzhi pa'i dbang// rdzogs chen dbang po yang rab gyur
53b6 pa la// rang bzhin gnyis med brda yi dbang bskur bas// gnyis med ngang dngas chen por sangs rgyas so// khyad par lhun grub dbang bskur la yang bzhi// rang bzhin bum pa'i dbang dang gsang ba'i
54a1 dbang// shes rab ye shes dbang dang tshig dbang bzhi// rang bzhin lhun grub bum pa la yang bzhi// chos sku rang byung ye shes dbyer med bum pa dang// dbyer med ming med mtshon med bzhi
54a2 pa'o// chos sku byin pa'i dbang bskur byin brlabs ni// skye med rang gsal 'gyur med ye nyid bum// bcos pa med pa'i rang bzhin ngang gis gsang// skye med bcos pa med pa'i dbang// rdzogs chen
54a3 dbang po rab tu gyur pa la// chos sku rang gsal bum pas dbang bskur pas// chos sku 'gyur ba med pa'i byin brlabs te// sangs rgyas chos skur dbang bskur thob gyur pa'o// rang byung ye shes dbang bskur
54a4 byin brlabs pas// ma skyes mi 'gyur ye shes ye nyid bum// ma bcos pa yi rang bzhin ye shes gnyis med pa// ma skyes mi 'gyur ye shes bum pa'i dbang// rdzogs chen dbang po rab tu gyur pa la// rang byung
54a5 ye shes dbang bskur byin brlabs pas// rang byung ye shes mi 'gyur byin brlabs te// sku yi ye shes gsung gi dbang bskur pa'o// chos sku ye shes gnyis med bum dbang ni// skye med ma skye gnyis med ye nyid
54a6 bum// bcos med ma bcos gnyis med rang gsal bas// chos sku ye shes gnyis med bum pa'i dbang// rdzogs chen dbang po rab tu gyur pa la// skye med ma skyes gnyis med dbang bskur bas// gnyis
54b1 med thig le chen por byin brlabs pas// sku yi thugs kyi gnyis med dbang bskur ro// ming med gnyis mtshon bum pa'i byin brlabs ni// chos sku ye shes ming med brda// ming med gsum po mtshon pas brda
54b2 dang dbang// ming med gsum gyi ngang du byin brlabs te// ming med lhun grub brda yis dbang bskur ro// rang bzhin lhun grub gsang ba'i dbang la rnam bzhi ste// chos sku gsang ba'i dbang bskur byin brlabs
54b3 ni// spros med rang gsal rdzogs chen ye nyid dbang// brjod du med pa'i rang bzhin rang gsal ba// spros med brjod du med pa'i gsang ba nyid// rang bzhin lhub grub chos sku gsang ba'i dbang// rdzogs chen
54b4 dbang po rab tu gyur pa la// chos sku rang gsal gsang ba'i dbang bskur bas// chos sku spros pa med pa'i byin brlabs te// chos sku gsang dbang chos skur dbang bskur ba'o// rang byung ye shes gsang ba'i
54b5 dbang bskur bas// ma spros ye shes chen por byin brlabs te// rang byung ye shes gsang ba'i dbang bskur ba'o// chos sku ye shes gsang ba'i dbang gnyis med ni// spros med ma bcos gnyis med ye nyid
54b6 gsang// brjod med ma brjod dbyer med rang gsal ba// chos sku ye shes gnyis med gsang ba nyid// rang bzhin lhun grub gnyis med gsang ba'i dbang// rdzogs chen dbang po rab tu gyur pa la// chos sku
55a1 ye shes dbyer maid dbang bskur bas// spros med ma spros gnyis med byin brlabs te// gnyis med gsang ba'i dbang bskur ba'o// ming med gsum mtshon dbang bskur ba ni// chos sku ming med
55a2 gsang dbang mtshan pa dang// ye shes ming med gsang dbang mtshon pa dang// gnyis med ming med gsang dbang mtshon pa'i dbang// ming med dbang gsum gsang dbang mtshon pa'i dbang// rdzogs chen dbang
55a3 po yang rab gyur pa la// ming med gsang dbang mtshon pa'i dbang bskur bas// ming med gsum gyi ngang du byin brlabs te// ming gsum med pa brda yi dbang bskur ba'o// shes rab ye shes lhun grub dbang la
55a4 rnam bzhi ste// g.yo med rang gsal skye med byin brlabs nyid// 'gyur med pa'i rang bzhin rang gsal ye// bcos pa med pa'i chos nyid bde bar shes// bcos pa med pa'i shes rab ye shes ni// chos sku lhun
55a5 grub shes rab ye shes dbang// rdzogs chen dbang po rab tu gyur pa la// chos sku shes rab ye shes dbang bskur bas/ chos sku 'gyur ba med pa'i byin brlabs te// chos sku bde ba chen po dbang bskur
55a6 ba'o// ma bcos rang gsal ma skyes shes rab nyid// mi 'gyur ba yi rang bzhin ye// ma bcos pa yi rang bzhin bde bar shes// ye shes lhun grub shes rab ye shes dbang// rdzogs chen dbang po rab tu gyur
55b1 pa la// lhun grub shes rab ye shes dbang bskur bas// ye shes mi 'gyur ba yi dbang du byin brlabs te// rang byung ye shes bde ba'i dbang bskur pa'o// g.yo med mi g.yo gnyis med shes rab nyid// 'gyur
55b2 med mi 'gyur gnyis med rang bzhin med// bcos med ma bcos dbyer med lhun grub shes// gnyis med lhun grub shes rab ye shes dbang// rdzogs chen dbang po rab tu gyur pa las// gnyis med shes rab
55b3 ye shes dbang bskur bas// g.yo med gnyis med byin brlabs te// gnyis med shes rab ye shes dbang bskur ba'o// ming med gsum mtshon shes rab dbang// rdzogs chen dbang po rab tu gyur pa
55b4 las// ming med gsum gyi brda yi dbang bskur bas// ming med gsum gyi dbang bskur byin brlabs te// ming med gsum mtshon brda yi dbang bskur ro// brda yi dbang bskur la yang rnam bzhi ste// chos sku
55b5 ming med chos sku mtshon brda dang// ye shes ming med brda yi dbang bskur dang// dbyer med gsum la sogs pa'i dbang bskur bas// ming med mtshon pa med par byin brlabs te// nam mkha'i ming med brda
55b6 yi dbang bskur ba'o// zhal bstan 'bras bu'i nges pa la yang rnam bzhi ste// spyi dang khyad par gnyis kyi zhal bstan pa'o// spyi yi rang bzhin chos sku zhal bstan pa'o// nam mkha'i ngang du ming btags nam mkha'
56a1 yi// nam mkha'i snying po nam mkha' ltar byas nas// de tshe nam mkha'i nyid du 'gyur pa'o// 'bras bu sangs rgyas nyid du nges thob pa'o// khyad par zhal bstan pa la yang rnam gsul ste// rang
56a2 bzhin lhun grub chos sku'i zhal bstan pa// nam ni chos sku rig byed chos sku'i rang bzhin te// lhun grub rang byung mkha' la ltar byas nas// de tshe rang byung ye shes nyid dang dbyer med pa'o// 'bras bus rang byung
56a3 ye shes nges thob pa'o// chos sku ye shes dbyer med zhal bstan pa'o// nam ni rig med chos sku'i rang bzhin dang// mkha' ni rang byung ye shes rang bzhin dang// gcig dang tha dad dag las grol 'gyur
56a4 te// gnyis med mi 'bral nang du ltas byas na// de tshe gnyis med gnyis su med par 'gyur// chos sku gnyis med chen po nges par thob// dbang bzhi rdzogs chen nyid du bkrol pa'o// dbang bskur bzhi yi
56a5 dbang sde'o// snang ba rgyas 'debs dbang bskur ni// phyi nang gnyis med snang zhig srid pa'i chos// chos rnams dbye ba med par dbang bskur ro// chos nyid ma la bu yi dbang bskur bas// ma la bu thim ngo sprod
56a6 dbyer med pas// 'khrul gcod chos nyid ngang dngas byin brlabs te// snying po chos sku'i klong du dbang bskur bas// gnyis med bde ba chen por sangs rgyas so// snang ba'i dngos po sems kyi klong
56b1 du thim// gnyis med dgag bsgrub med par dbang bskur bas// dbye bsal med par kun khyab sangs rgyas so// phyi nang gnyis med thig le dag gi ngang// gnyis med byang chub sems su dbang bskur
56b2 bas// thams cad sems nyid dbyings su sangs rgyas so// dbang bskur 'bras bu nges par thob pa'o// rin chen chu gri 'bar ba yis// dbang sde de rnams spros gcod ni// kun gzhi sems nyid klong
56b3 dkyil du// thams cad khyab brdal 'ub chub pas// thig le nyag gcig dbang bskur pas// chos sku thig le chen por spros pa chod// snang ba chos nyid dkyil 'khor du// sgo lnga rtog med ye shes rang shar
56b4 bas// rang byung rang brlabs rang dngas dbang bskur bas// ye shed zang thal chen por spros pa chod// sgo lnga zang thal chen po la// rig yid sems kyi rtog pa ma bcug na// gnyis med chen por dbang bskur
56b5 bas// ngang dngas rang sangs chen por spros pa chod// rig pa yul la ma gzung na// gzal dag 'dzin med dbang bskur bas// gsal gdangs chen por spros pa chod// brjod med don gyi dkyil 'khor
56b6 du// bsam brjod mtshon las 'das pa ste// ming btags med par dbang bskur bas// brjod tshad dran tshad nges tshad kun// blo btags rtog pa'i tshig yin te// yang dag don la yi ge med// don dam 'gyur
57a1 mes snying po'i dbang bskur bas// don la med kyis spros pa chod// med pa yod mtha'i spros pa chod// gnyis med gnyis mtha'i spros pa chod// dbang gi sde tshan ji snyed kun// byang chub sems kyi cho
57a2 'phrul te// kun gzhi spros bral klong du 'dus// dbyer med dbang chen brjod med klong du 'dus// gnyis med chen por dbang bskur bas// 'gyur ba med par ye sangs rgyas// dbye gsal med par dbang
57a3 rnams thob// rang sems rang gsal dbang thob pas// rang dbang rang gis thob pas dbang gi rgyal po yin// sems kyi chos rnamasadabang bskur bas// bskur bya med par spros pa chod// bskur ba med par
57a4 spros pa chod// ces gsungs so// rin po che gser gyi spu gri 'bar bas dbang sde spros pa gcod pa zhes bya ba rdzogs so//// rgya gar gu ru pad+ma yis// dbang sde spros pa gcod pa rnams// ka ba dpal
57a5 brtsegs rgyal po nyid la gtad// gzhan la mi bstan sdig tu 'gyur// spel ba'i gnas med sa yi gter du sbed// las 'phro can dang 'phrad par shog/ bka' rgya// gter rgya// gtad rgya'o//// a+thi+-i//
57a6 rgya gar skad du/
50b1 rgya gar skad du/ bud+d+ha sarba pu tra e ka tan+t+ra nA ma/ bod skad du/ sangs rgyas thams cad kyi bu gcig po'i rgyud/ gsang ba'i sgrib pa gcod par bstan pa'i sa bon gyi rgyud ces bya ba/ bcom ldan 'das
50b2 chos las 'das la phyag 'tshal lo// 'di skad bdag gis thos pa'i dus gcig na/ chos nyid mkha' la sangs rgyas thams cad kyi dgongs pa nyi ma sprin las 'thon pa bzhin du 'byung ngo// de'i tshe sems can thams
50b3 cad sangs rgya'o// sangs rgyas thams cad kyi thugs kyi sras gcig po 'di dang por bde bar gshegs pa thams cad kyis rang byung du gsung pa'i dus na/ de'i tshe sgra thos pa dang/ 'khor na gnas
50b4 pa thams cad sangs rgyas so// da lta yang tshigs su bcad pa gcig gi sgra thos pas kyang thos tshad sangs rgya'o// tha na ri dwags dang bya yang rung thos tshad sangs rgya'o// bar dang tha mar yang 'di dang 'phrad
50b5 nas rgya'o/chos kyi sgo mo brgya khrag khrig la bcad kyang/ 'di dang ma phrad na thad ka'i 'bras bu las sangs mi rgya'o// chos la thad ka'i 'bras bu 'byung ngo// 'di ni gang su yang mi sangs rgya ba dang mi phrad
50b6 do// rigs kyi bu 'am/ rigs kyi bu mo 'di dang 'phrad pa ni ma rig pa zad pa dang/ bsod nams dang ye shes kyi tshogs rdzogs pa sangs rgya ba'i dus la bab bo/ sangs rgyas thams cad kyi thugs kyi sras gcig
51a1 po 'di rang la yod do// chos ma byas pas sangs rgya bar 'dod na/ skye ba bdun pa'i sha kham gcig zos na/ skye ba gcig lon te de rang 'phrad pas sangs rgya'o// 'di'i rtags la ltag pa'i khung bu
51a2 skra g.yas su 'khyil ba tsho bu gcig pa/sor mo 'brel ba/ smin mtshams kyi bar mchad pa/ rgas nas se'u skye ba/ so dung so 'khor bar yod pa de yang rtsol ba'i tshos yin no// rtsol ba med par ma byas par sangs
51a3 rgya ba ni/sangs rgyas thams cad kyi dgongs pa 'di yod pas sangs rgya'o// 'di yod na tshe 'di dgos pa thams cad lhun grub tu 'ong ngo// tshe 'di 'das nas mngon par rdzogs par sangs rgyas so// don yid
51a4 bzhin gyi nor bu rin po che la ni/tshe 'di'i dgos pa thams cad 'ong ngo// sangs rgyas kyi 'bras bu mi 'ong ngo// don yid bzhin gyi nor bu rin po che 'di la/ tshe 'di la dgos pa thams cad 'ong ngo// tshe 'di
51a5 dang phyi ma sangs rgya bas/don yid bzhin gyi nor bu rin po che 'di bcang par bya'o// klog par bya'o// tshul bzhin du yid la bya'o// kun chub par bya'o// bcangs nas su la bstan kyang sangs rgya'o// bris na sgo
51a6 khyi yan chad sangs rgya'o// klag na sgra thos tshad sangs rgya'o// oM AHhU~M e ma ki ri ki ri/ mas ta b+ha li ba liH sa mi ta sa ru sa ruH kun+d+ha li ma su ma su/ i ka ra suH li la b+ta ye rtsa kri ra b+hu liH pa tsa ye sa mun+ta
51b1 tsar+ya surga yaH b+hi taM sa na 'bang 'ag li yeH sa ki ra 'du li yeH ka man+d+ha re pe ta/pa ra liH hi sa na ma kartaH ke pa na/ sam+bu ra sna ye tsa tsor rtag paHsur+ya g+ha sta raH se ba naH pa ra na b+hi hi staMHsu gu ru la ma smyin sa
51b2 gu sti sta yang ba/'gu ra 'gu ra/ sa kha ra na laM/ na ra na ra/ I thar ba ta laMH si rna si rnaH b+he sa rab laMH b+hun+d+hu b+hun+d+hu tshi sha ba ge laH sa sa ri ri li liH I i mi mi ra raH dzong po ke dza lo mo keH dza li dza liH dzi
51b3 li niHblar su d+ha la ga shan sa na ru r+yaH a ma meH a ma meH a ma meH a ma meH a ma meH na bA me ma ta meH dza ta yeH kha ba ra meH bA bAH bo ga be ba dza beH kha ba ra kha a dza la ti li dza na rdu le dza n+du mu kheH ba
51b4 ta ra ba taMH srid rnyasta pre ta nanaH hri kha nan hri da la d+ya d+ha ha kham/tsin+ta pa khaM/ tsag bu dzo tiH sha ba kha staH sarba k+SheyaH hri da su raH b+heya khaH dza kha gaH su ra khagaH bi ta maH a smyi khA gaH a smyi khA gaHmri khaH mri khaH
51b5 bya ba tshe da karmaHdu ne du naiHsu pa ta bya la tshe ga yan na kriH a nu staH kha ga ne ra khaH a gu leH b+haM gu la baM ku leHku la naH in+t+ra pa liH bab taHbya ba rtse ta khA bAH tsa pra tiH tsa pra tiH tsa pra tiH a me taH ta ra sha re
51b6 ba sha kha sa maH kri dzo tiH kha sta dza steH dza ta dzo tiH na sha bi ri si bi saH bi ngang dziH ma ti kra maH bi ba kri ba u0f7fhi li hi li leH a na na sra tiH sa ma yaH ni she ta ma naH a ma me sheHpha la ku ta u0f7f pa la niH a ti pa b
52a1 a kar ma sha yeH pra dur baH ba su ru sha s+t+ramaH a sa maH a sa maH tsa sa ma yaH byi taM ta ta thA ga ta srAhA/oM AHhU~M/ sangs rgyas thams cad kyi rgyud gsang ba'i sgrib pa gcod pa gtan pa'i sa bon
52a2 gyi rgyud ces bya ba/sangs rgyas thams cad kyi sras gcig po'i gdams pa/ sangs rgyas thams cad kyi 'bras bu gab pa gnad kyi gdams pa/ a+thi+-iH rgya rgya rgyaHkhathaM/ oM badzra krod+ha ni la ka a b+hi Shiny+tsa/ zhes rtags
52a3 pas phung po'i bdud bcom nas/sangs rgyas rdo rje gzhon nu'i sku dang gnyis su med par sangs rgyas par 'gyur ro// nyon mongs pa'i bdud 'joms par byed pa/ sdug bsngal thams cad las grol bar byed
52a4 pa'i sngags ni/oM badzra kro d+ha mahA mu dra dz+nyA na ma badzra sa ra Na hU~M pa ra na phaT ces rtags pas bcom ldan 'das badzra he ru ka'i sku dang gnyis su med par sangs rgyas bar 'gyur ro// sku la sprul pa dang yang sprul gyi
52a5 rtags pa'o// lha'i bu'i bdud 'joms par byed pa snang ba'i spyod yul log pa'i ngan 'khrid thams cad sel bar byed pa'i sngags ni/ oM badzra kro d+ha a mr-i ta kuN+Da la hU~M/ tshin+d+ha tshin+d+ha/ b+hin+d+ha b+hin+d+ha/ ha na ha na/ da ha da
52a6 ha/pa tsa pa tsa pa hU~M phaTaH ces rtags pas bcom ldan 'das bdud rtsi 'khyil pa'i sku dang gnyis su med par sangs rgya bar 'gyur ro// 'chi bdag gi bdud 'joms par byed pa'i sngags ni/ oM badzra kro d+ha ha ya
52b1 bri ba hriHsarba ta thA ga ta ma hA pa na tsaH oM A yu dz+nyA na ma hA pu na a ti sti Sh+Tha oM zhes rtags pas bcom ldan 'das rta mgrin rgyal po skye shi med pa tshe'i dngos grub thob nas rtags pa chen po'i yung drung du bzhugs
52b2 so// ma rig pa'i rtsa ba gcong pa'o// dug lnga rang grol du 'gro ba'o// 'khor ba thog ma med pa'i las ngan gyi bag chags kyi sgrib pa thams cad phyags pa'o// bdud bzhi bcom ldan nas sku bzhir sangs rgyas
52b3 pa'o// chos ma byas par sangs rgyas pa 'di ni sprul pa'i sku dang 'phrad par 'gyur ro// don no bu rin po che chen po 'di la spyad do// chos rin po che 'di med par gzhan gyis sangs mi rgya'o// 'di yon da chos ma
52b4 byas par sangs rgya'o// don nor bu rin po che 'di yin no// de'i yon tan legs par bstan pa ni/ 'di'i yon tan bshad pa dang/ nyan pa dang/ sgom pa dang/ byas pa'i chos thams cad kyang sangs rgya'o// oM
52b5 AHhU~M/oM AH hU~MHyang dag gsang ba'i skad du/ ma ma ko li sa man+taH bod skad du/ rang byung rig pa'i tan+ta/ e ma 'di 'dzin rnal 'byor skal ba che// 'di klog rnal 'byor skal ba che// 'di 'chang rnal 'byor skal
52b6 ba che// 'di ni rang byung chen po'o// e ma k-i ri ki riHma sta b+ha li b+ha li/ sa mi ta su ru su ru kun+d+ha li ma su mu suH e ka ri li su b+ha sa ta rtsa ki ra su ling ko taH lce ye sa mun ta/ tsar+ya su g+ha yaH b+his his si sa na
53a1 byang g+hu li ke sa ke sa d+hu naH ma ti ra pe ta naH phi ra na li ha si na/saM bud+d+ha ra ta me ga tsarta sa su r+ya b+h+ya ta raH e pa she na ta paH sa rang b+hi ti sa g+hu li ti ya thaM g+hu ga g+hu raH sag kha ra laM ra na ra i tha
53a2 ra baH b+hu da ta bud+d+ha 'chiH shas gye ris sa ra ra ri la khe ba taH sa sir sna sir sna b+he sa b+he sa ras sa laMHI I ma mA ra rA aH oM AHhU~M/'di yab kyi dgongs pa rang byung kun tu bzang po'o// e ma ki ri ki riH
53a3 smas b+ha ba li sa mi ta su ru su ru/kun+d+ha li ma suH i ka ri li b+ha ta yaH tsa ka b+hu li taH lce yangs mun+taH tsar+ya sur+ya g+ha b+ha tiHsa ma na byang g+hu yeH ke d+ha ke re d+ha ka ma ha risaH/ ha na par ra ri hi sa mnaH kha ra tra la
53a4 naHsaM b+hu ra ta me ga tsar staMHd+ha b+ha sur+ya g+ha ra ta aH ma sha na pa ra b+hi hi stis g+hu ra la ma smis g+hu ti la taH ya g+hu ra g+hu ra blangs kyi kha nan laMH i thar pa ta laM/sir sna b+he sar lamaH ba g+he laMH sa sa ri ri li li i
53a5 I ma mA ra rAHoM AHhU~M/'di yan chod yum gyi dgongs pa rang byung kun tu bzang mo'o// 'di man chad yab yum gnyis su med pa'i dgongs pa yon tan kun rdzogs mtshon par byed pa'i phyi yi ge nyer lngas bstan
53a6 pa'o// dbang po zhen pa bzlog pa'i phyir// karma rak+Sha g+hi haM hiH phung po'i zhen pa bzlog pa'i phyir// b+he ga ra la na so gad gling// yul gyi zhen pa bzlog pa'i phyir// bab+hu ta ri la b+ha la triHsems kyi dngos po spur
53b1 ba'i phyir// raM pa ka la sa mi kheHbyung tshor gnas su gcad pa'i phyir// na ta sa phar ras mi taH 'dus tshogs snang ba ngos gzung phyir// kha Da re g+ha sa mig rlung/ rig pa btson rar gzhug pa'i phyir// a kher na
53b2 b+he tsaka sha/'khrul ba'i rang rgyud khungs gcad phyir// a ri mun ta sa gu liHrigs drug rim gyis bsgral ba'i phyir// yang saM nga du sa la yaH 'khor ba dong nas 'don pa'i phyir// ma ma ko li sa man+taHchos can
53b3 'thur du gzhug pa'i phyir// g+ha ri yam sa ri ma ma tiHrol pa'i yul khungs spur ba'i phyir// bu g+ha sing ha pha g+ha laH zhes pa'i phreng thag bcad pa'i phyir// ra mi si sI khe sa raH lug rgyud ar la gtad pa'i
53b4 phyir// bi mi ma la sa taM kiH lha yi phyag rgya lta ba'i phyir// sa ma nyi kham ha ra raH lta sgom log pa dag bya'i phyir// badzra sa twa hri to miH sa lam dus gcig gcad pa'i phyir// g+he sa yu g+ha ra rnam yeHyid spyod lta ba
53b5 khungs gcad phyir// d+ha mi sa staM se g+hu li/ sku gsum lam du blong ba'i phyir// ri mi sa ma kha gad ta// snang ba dngos su blang ba'i phyir// ru sa si ma mi ta laMH sgra yi zhen pa mthar gcad phyir// nga stim sa yang ke la
53b6 sa/bsam gtan chen po'i sa non phyir// g+ha tsa pa la sa i taM/ 'phrin las mtha' ru dbyung ba'i phyir// karma A+ai a nu pa/ sangs rgyas mngon zhen bzlog pa'i phyir// saM krim ma karma taH rgyal sras rnams kyi gnas
54a1 rtsal phyir// nga la khe sa kyi li saHaH'di kun rang shug tshig tu byon// sangs rgyas sras gcig rang byung rig pa'i tan+t+ra/ mthong thos reg pa tsam gyis 'das pa'i tshe na mngon par rdzogs par sangs
54a2 rgya ste/'gro don du sprul pa'i sku thob par 'gyur ro// oM AHhU~M/ kun bzang yangs pa'i klong la phyag 'tshal lo// rang byung rig pa'i tan+t+ra nyams su blang ba'i rim pa/ 'da' kha 'chi drod 'di la don rnam pa gsum
54a3 ste/dang po kho nar rgyud kyi don phye ba'i khyad par brjod pa dang gcig/ rgyud bcang thabs kyi lag len bstan pa dang gnyis/ rtags kyi rim pa bstan pa dang gsum mo// dang po ni dbang po la rno brtul med pa'i
54a4 chos yin/mig long yang mi lto/ bya ba tshig gi rgyu gzhan thams cad la mig med na tshig don mi khrol bas/ don de lta bu la 'di rtags pas chog pas khyad par 'phags rna ba med na mi thos pas nyan du mi
54a5 btub/thos pa la ma brten par mi khrol bas// 'di rtags pas chog pas khyad par du 'phags// rgyud 'di bya cha la mi ltos par lus zha ba'am/ 'khums sam/ mdzes khyer yang mi ltos pas// rgyud gzhan lus
54a6 ngag gi bzlas brjod lam brten par don med pa mang ste// 'di yod pa rnams la brtags pas chog ste khyad par du 'phags so// bag chags la srab 'thug med pa'i chos yin te/ sgom mi dgos pas/ rgyud
54b1 gzhan ma sgoms na don med pa mang ste/'di brtags pas chog ste khyad par 'phags so// na so la rgan gzhon med pa'i chos yin no// sgom sgrub kyi rtsol ba mi dgos lags// dbugs la sleb pas chog
54b2 go/rgyud gzhan la rlung bcud byed dgos shing min mi tsha bas nyams su len dgos te// 'di yod pa rnams la brtags pas chog ste khyad par du 'phags so// las la dge sdig med pa'i chos yin te/ rgyud
54b3 gzhan la dge sdig spang blang ma byas par 'brus bu mi thob ste/'di brtags pas mtshams med pa lnga byas pa gcig yin srid kyang// 'di dang phrad pas ngan song las thar pa'i 'gyur te/ brtags grol khyad par
54b4 du 'phags so// rgyud 'di 'gro drug sems can gyi lus la 'chang ba de sangs rgyas thams cad kyi gdung 'dzin pas/ sangs rgyas thams cad kyi sras gcig ces bya'o// rgyud bcang thabs kyi lag len bstan pa
54b5 ni/dpe 'di gser gyi yi ge 'bru gsum po ma nyams par dag par bris la/ dar sna tshogs kyis dril la/ sman sna tshogs kyis phur la/ maN+Dal gyi steng du bzhag la/ tshogs kyi 'khor lo rgya chen po bshams
54b6 la// rin chen sna lnga'i maN+Dal dang/ gser gyi maN+Dal khru gang ba la g.yus brgyan pa dang/ 'bras bu'i maN+Dal phul la dbang bskur ro// yang na rgyud kyi sngags brjod de rgyud slob bu'i snying kha'am spyi bor gdags
55a1 so// snod gdams shing rgyas gdab pa ni/ stong thun dag gi rgyas skor bzhin shes par bya'o// sems can gzhan gyi don byed nam mkha' la 'ja' 'am/ sgra 'am/ 'brug gam/ sa g.yos sam/ de
55a2 la sogs pa byung ba'i tshe/kha shar du'am/ lho'am/ nub bam/ byang du bstan te/ rang gi lce nyid dril bu/ rdo rje/ rin chen/ pad+ma/ ral grir bsgom ste/ rgyud gzhung bsgrags na 'ja' 'od la sogs pa'i rtags de
55a3 rnams sus mthong ba 'am thos pa de dag kyang/myur du mngon par sprul pa'i sku thob bo// gsang ba ni dam tshig yin te/ nga la 'di yod ces smras na/ rang gi 'bras bu rgyab kyi phyogs pas rtags mi byung
55a4 ngo// gsang nas bcangs na 'chi khar sdug bsngal gyi bar do las grol te/ rang byung rig pa'i tan+t+ra ste sprul pa'i sku thob bo// de gsum brtags pas grol ba'i rtags bstan pa ni// 'di 'chang ba'i skyes bu de
55a5 sangs rgyas thams cad kyi mchod rten du rig par bya'o// de c-i phyir zhe na/ de nyid sangs rgyas sprul pa'i sku lnga thob pa'i rtags su/ de nyid tshe 'das pa'i tshe ro sregs pas/ 'ja' dang/ 'od dang/ ring bsrel
55a6 gsum 'byung ngo// me 'od dkar gsal g.yo ba med// dud pa sngon po g.yon bskor 'khyil// de la sogs pa'i rtags rnams 'byung ngo// ro bsreg pa'i shing tsan dan nam rgya shug gis bya'o// sreg rdzas nyungs
55b1 kar gyi mar khus bya'o// 'og tu sla nga bzed do// shing tshig dud chen yol ba'i tshe// de la brtag par bya ste/ khyad par dubartag pa ni/ gang zag rigs kyi gdung rigs ni rnam pa lnga 'byung ngam/ 'on te gang rung
55b2 gcig 'byung ba ste/sla nga'i nang du blta bar bya'o// gdung rigs gang zhe na/ de yang sangs rgyas mnyam sbyor chen po'i rgyud kyi le'u nyer gnyis pa las 'di skad gsungs so/ rdo rje rnal 'byor phyir mi ldog pa'i
55b3 rtags ni/rdo rje gdung dang pad+ma'i gdung// rin chen gdung dang las kyi gdung// de bzhin gshegs pa'i gdung dang lnga/ zhes pas/ yang 'di skad du/ sha yi rten du shang ri ram// yang dag gdung du bshad pa
55b4 yin// khrag gi rten du chu ri ram// sra mkhregs rdo rje'i gdung du bshad pa yin// rus pa'i rten du ba ri ram/ rgyal mtshan gdung du bshad pa yin// yan lag rten du nya ri ram/ shin tu sra mkhreg las kyi
55b5 gdung// 'byung bas 'dus pa'i rten du ni// pany+tsa kha dog lnga ldan 'byung// de bzhin gshegs pa'i gdung du bshad// rgyal ba rigs lnga'i rgyan yin te// sku lnga'i tshad du bshad pa yin// tha ma lha sku'i rtags kyang
55b6 srid// de rnams sku thob rtags su bshad// nga yigadung gi dkyil 'khor ni// me 'od dmar gsal 'di nyid yin// sgra rnams byung na nges pa yin// nga yi thugs kyi rten du yang// 'di bzhin sems can kun la
56a1 gnas// sems can kun gyi tsit+ta'i nang// thig le dkar dmar ser le brgan/ ljang khu sna tshogs 'bar ba'i 'od// sku yi rten du bzhag pa yin/ 'ja' tshon ltar na thugs thob pas// nam
56a2 mkha' dwangs shing 'di gsal ba// de yis mthar thug thob ste gsang// zhes so zhes pa dang/ gdug 'byung ba'i gnas ni/ sha rI ram ni mgo las 'byung// chu rI ram ni khrag las 'byung// ba rI ram ni sgal
56a3 las 'byung// nya rI ram ni rkang las 'byung// pany+tsa ram ni snying las 'byung// zhes pa dang/ yang rtags dang sbyar ba'i 'bras bu ni/ sha rI ram gyis skye mer thob// chu rI ram gyis yon tan 'phel// ba rI ram
56a4 gyis longs sku thob// nya rI ram gyis sprul sku thob// pany+tsa ram gyis sku lnga thob// sangs rgyas sku lnga'i bdag nyid can// rgyud 'di bcangs pas thob par 'gyur// gdung gi mang nyung la nges pa med// gcig byung
56a5 na rab ces pa don rtogs 'bras bur bcas pa'o// a+thi+-i/ rdzogs so//// rang byung rig pa'i ta n+t+ra// 'da' kha 'chi drod kyi gdams ngag// sangs rgyas lag bcangs su gtod pa// kun bzang yab yum gyi dgongs
56a6 pa yi ger bkod pa'o// mkha' 'gro'i tshogs la bzod par gsol// sa ma ya/ rgya rgya rgya//
56b1
56b2
56b3
56b4
56b5
56b6 sangs rgyas thams cad kyi bstan pa gzhi'i rgyud mchog rin chen spungs pa zhes bya ba/
1a1 /
50b1 / theg mchog byang chub lam ldan gyi// 'bras bu myur du thob pa 'di// kun las lhag pa'i smon lam gyis// ma rungs gdul dka' 'dul ba yi// mi mjed shAkya thub pa'i zhing// nyon mongs ye shes
50b2 spangs thob bral// de yi rang bzhin des grol phyir// theg pa chen po'i lam zhugs rnams// rgyal ba'i chos sku nyi ma la// mkha' la gsal 'grib med gyur kyang// byis pa blo dman rigs rnams la// sa yi sde
50b3 ris nyi ma rgas// ston pa mya ngan 'das tshul ston// lnga brgya phrag bcur bstan pa 'grib// chos min mun pa'i dbyug skor byed// mi lus thob kyang don re chung// bsod nams ma yin mthu las byung// mu ge nad
50b4 dang mtshon gyis 'jigs// bcu pa'i bar la dam chos nub// byams pa'i thugs rjes dge la 'jug/ gnas skabs bsod nams yar la 'phel// rdo rje'i sku la 'gyur med kyang// sems can rnam rtog las kyi
50b5 sa// bstan pa re la ston pa re// che chung ring thung du ma 'byung// rmi lam sgyu ma'i cho 'phrul yin// yang dag don la bstan pa gcig/ kun mkhyen ye shes gcig la 'dus// ma rig pa la bstan pa mang// mangs
50b6 pas de bzhin nyid ma rtogs// nam mkha' gcig las mang mi yod// mangs na bug gsar mthong bas zhan// nam mkha' ma rtogs ji bzhin no// bde gshegs snying pos kun la khyab// rgyu med sems can gang
51a1 yang med// rkyen thob mi yi lus sems la// rgyal ba'i sku gsung thugs gnas pa'i// nam mkha' lta bu'i chos nyid de// phyogs ris med par kun gyi yul// nyi ma lta bu'i rig pa'i 'od// mthongs
51a2 nyi bzhin du nyams su long// phyi nang med par mnyam pa nyid// theg pa chen po 'di don la// mi lus sangs rgyas dgongs pa can// lhun grub nyid du yongs grub kyang// gzhan dbang rkyen gyis gnyis su
51a3 snang// kun brtags blo bur 'khrul pa 'dod// gser 'gyur rtsi yi rnam pa yis// lcags ni gser du byas pa bzhin// mi gtsang sgrib pa'i lus spangs nas// dri med rgyal ba'i sku ru 'gyur// thugs rje'i nyi 'od
51a4 phyogs bcur brdal// ma rig mun pa'i tshogs rnams sel// ye shes snang ba kun tu gsal// yang dag chos la spyod pas thob// don grub thob par 'gyur nas ni// 'di la 'bad pa ma bsgrubs na// byas
51a5 pa don med sdug bsngal rgyu// 'dus byas mi rtag 'jig chos can// lo zla tshes grangs mi rtag ste// dus kyis bdas pas phar phar 'gro// skad cig mi sdod myur du 'chi// dus kyis 'pho bskyas byung tsam
51a6 na// mdza' ba rnams kyang med par 'gyur// mi mdza' rnams kyang med par 'gyur// phyi yi gnas kyang med 'gyur la// nang gi rdzas kyang med par 'gyur// de bzhin bdag kyang med 'gyur bas// mi rtag shi ba'i
51b1 dus kyi tshe// yun rings dus su dka' spyad pa'i// 'jig rten chos kyis ci la phan// de bas chos tshol 'bad pa skyed// chos med gson pa ci zhig rung// de bas 'jigs pa kun sel ba'i// 'gro ba'i mgon la
51b2 skyabs su mchi// de yi thugs su chud pa'i chos// byang chub sems la bdag nyid 'jug/ mi lus thob nas chos med pa// gser gling stong log byas pa 'dra// mi lus 'dabs nas mi len pas// shi bas byang
51b3 chub thob mi srid// de 'dra'i mi lus stong log mkhan// snying po med las snying por gzung// gzo dang gsob kyis ma bslus sam// 'jig rten mi rtag sgyu ma 'dra// rang gi rang bslus ngan song gzugs// rdzun
51b4 la bden 'dzin gti mug can// mi shes blun po dud 'gror 'pho// rtog pa rags la chags sdang che// gsod la dga' zhing dmar la rngam// las kyi gshin chen dmar po de// dmyal ba'i las mkhan bsleb pa
51b5 yin// yod pas mi chog med la brnab// g.yung po ser snas sred pa de// yi dwags gnas na snga phyi med// sdug bsngal gnas la rgyun du 'khor// chu bo 'thur song gyen mi ldog/ de bzhin ngan song sdug bsngal
51b6 las// thar pa thob pa ga la srid// gnas skabs tshul min ma gtogs so// 'khor ba pa la bde ba med// 'khor ba'i bde ba sdug bsngal yin// glen pa dug can zas la zhim// 'khor ba'i sdug bsngal bsgrub
52a1 la dga'// 'dod pa bde ba thob 'dod kyang// bsgrub pa sdug bsngal 'ba' zhig bsgrub// sdug bsngal rba la g.yeng tsam na// 'khor ba'i 'bras bu dus der grub// mi gtsang khrod kyi srin bu
52a2 bzhin// bde ba la chags sdug bsngal grub// thun mong rgyud lnga'i sdug bsngal las// bye brag las kyis sdug bsngal ni// lha la 'chi 'pho sdug bsngal ba// mnar med dmyal ba'i duHkha che// lha min chags sdang
52a3 brtsad pa yis// rang snying gas nas 'chi ba dang// mi la rkyen dbang 'du byed kyis// zad pa med pa'i zug rngu dang// dud 'gro mi shes mun pa la// gcig gis gcig za 'jigs pa dang// yi dwags zas mthong
52a4 tshe na dgra// gshed pos gtse ba'i duHkha dang// dmyal ba dus min rgyun du ni// sdug bsngal thams cad bsran thabs med// las kyi rnam smin ma zad na// dmyal ba'i tshe la 'dzad pa med// las ni nyon mongs
52a5 dbang gis byas// nyon mongs ma rig 'khrul pa la// byang chub sems gcig ma gtogs pa// zad pa med par rgyun du 'khor// mu mtha' yod par ngas ma mthong// log 'khrul sems can snying bsran can// mi
52a6 lus so mtshams mkhar na yod// da res yod na gtan du yod// de bas bsgrims te gus 'bad na// thos pa mang po'i mi phyir 'brongs// dge ba'i bshes gnyen thod bzhin bskur// 'gro la snying rje'i sems
52b1 kyis su// lus dang srog la ma lta bar// theg chen dam chos myur du tshol// sngon gyi rgyal ba sras bcas kyis// dam pa'i chos ni tshol ba'i phyir// slob dpon bka' las mi 'da'i don// srog las 'phangs pa'i
52b2 blo bur nas// nyam nga med pa'i bsam pa yis// lus la lcags gzer stong btab cing// sha la mar me stong btsugs te// sha bzhar rus pa gcog pa dang// khrag gis chag chag btab nas su// chos 'dod
52b3 mchod sbyin bya dka' rnams// sdug bsngal byung yang bzod pa yin// 'gyod med snying nas gtong ba la// longs spyod g.yo ba smos ci dgos// de bas lam mchog 'dir zhugs gang// 'khor ba'i dgra bo snying
52b4 soms la// rgyal ba'i rjes su cis mi zhugs// pha rabs bu yis mi gcad par// rgyal sras rnams kyi thugs rje yis// bdag nyid 'di ltar 'khod pa la// bka' drin rjes su dran pa yis// byas pa chud zod mi
52b5 gtang bar// da ni dad pa rab tu skyed// byang chub sems kyi chos rnams la// nyin mtshan rtag tu bsam par gyis// sems can sangs rgyas snying po can// dus 'dir rgyal ba'i sras su 'gyur// de bzhin nyid du
52b6 bdag lung bstan// 'khor 'das gnyis kyi yon tan ni// nyon mongs dbang gis 'khor bar 'khyams// dkar nag las kyis bde sdug byung// dkar po'i las kyi yon tan gyis// 'dod rigs drug la mi
53a1 gcig pa'i// yon tan phra mo sna re yod// dmyal bas tshe ni snga phyi dran// yi dwags sngos pas zas thob 'gyur// dud 'gro rnams la zas skom yod// lha min rnams la rdzu 'phrul dang// mi yi lus la
53a2 sdom pa chags// lha rnams mngon par shes pa yod// gzugs kyi khams na bsam gtan gnas// gzugs med de las khyad 'phags thob// las zad nyon mongs 'gog pa yis// 'phags pa nyan rang dgra
53a3 bcom thob// lam zhugs 'khor ba'i nyams myong grol// rang don sa gnas bde ba thob// gzhan don sgyu ma'i snying rje 'byongs// de don gong du mthar phyin pas// sangs rgyas zhing khams bde ba can// chos kyi
53a4 dbyings la yangs dog med// mnyam yangs thang ni lag mthil ltar// sna tshogs me tog pad+ma'i ljongs// kha dog dri bsrung phun sum tshogs// rin chen gzhal yas khang chen po// rnam pa gzugs la rang bzhin
53a5 dbyings// kun tu snang gi pho brang na// nam mkha'i sku la mtshan dpes spras// rtog pa med pa'i ye shes can// phyogs ris med pa'i dkyil 'khor la// phun sum tshogs pa lnga dang ldan// 'gyur med 'od gsal rdo
53a6 rje gdan// mi g.yo bdag gzhan don grub la// bsam gyis mi khyab dpag par dka'// de don byang chub sems las byung// sangs rgyas byang chub sems dpa'i khyad// rgya mtsho ba glang rmig rjes chu// sar gnas
53b1 yon tan mthong tsam na// nyan rang yon tan rdul gyi chu// de tsam nyid kyis don thob kyang// lha yi bde ba sdug bsngal dngos// 'gro ba gzhan rnams lta ci smos// de la sogs pa'i yon tan rnams// ces re dbang
53b2 po ma 'gags na// mthong dang thos dang dran pa shes// gnas skabs tsam gyi 'dod pa la// lus srog sdug pa bkol nus na// gnas skabs mthar thug thams cad du// rang gzhan don gnyis bsgrub pa yi// ci
53b3 ste dam pa'i chos mi nus// sngon gyi bsod nams ma yin pa'i// dbang med las la bya thabs med// rang dbang yod pa'i lha mi rnams// rin chen gter kha 'byed dus su// longs spyod byed pa'i dus la
53b4 bab// rdzogs sangs rgyas kyis rab bsngags pa'i// sangs rgyas che ba'i yon tan rnams// thos pa tsam gyis mos pa skye// dran pa tsam gyis sdig pa 'dag/ mthong ba tsam gyis yon tan thob// nyams su blangs na
53b5 smos ci dgos// sa bon rul ba myu gu med// dad med rnams la chos mi 'ong// de phyir 'dod pa'i dad pa ni// skom pa chu yis gdungs pa bzhin// sangs rgyas chos la rtsol ba skyed// mos gus bu yis ma mthong
53b6 bzhin// nges shes gting nas thob par bya// yid ches zas kyi ro myang bzhin// 'gyur med dad pa khungs su tshud// dad pa'i sa gzhi bzang po la// byang chub ljon shing bskrun pa yin// rgyal ba'i bstan la rab tu
54a1 zhugs// byang chub dam pa thob par gyis// 'di nyid ma rtogs don med do// byang chub snying po kun khyab kyang// sngon tshe bsod nams chen mar bsags// bsags pa tshe 'dir zad pa'i
54a2 rigs// mi khom brgyad dang cha mthun pa'i// mi lus thob kyang skal chad rigs// 'gyu byed dbang po lnga gsal yang// dam pa'i don la mi shes rmongs// tshe 'dir sred pa'i ser snas 'jungs// zhe sdang khong khro
54a3 rgyun mi 'chad// 'jig rten khe grags blos mi spongs// phyin ci log las blo mi 'khyur// rgyun du nad dang sdug bsngal mnar// 'gal rkyen zad med rtag tu 'ong// zhum zhing sgyid lug dbang med rnams// chos kyi
54a4 snod med rigs chad yin// blo dman yul chung thos dgum sgrug/ chos la chog shes ngoms pa skyen// skyid 'dod dka' spyod mi nus dang// snying rje chung la rkyen mi khyag/ phyogs ris lta ba'i mu la zhen// chos dang
54a5 chos min shan mi phye// mtha' drug tshig gis don mi rtogs// nges shes chung la log lta che// bdag bstod gzhan smod shes rab can// rgyu 'bras khyad gsod phan sems bral// theg pa chen po'i rigs ma
54a6 yin// stobs chung nyan thos byis pa'i chos// theg chen nam mkha' lta bu la// theg chung khu tshur bzhin du bsdus// sa bon ma rungs mi 'khrung ltar// rigs chad rnams kyis don mi 'grub// bsod nams dman
54b1 pa'i rnam smin yin// theg pa chen po'i mngon par rtogs pa byang chub lam gyi rgyud chen nam mkha' dang mnyam pa las/ dam pa'i chos yongs su tshol ba'i le'u ste gsum pa'o//// gzung 'dzin rnam shes
54b2 'khyam po de// srid pa'i rtse mo man chad nas// dmyal ba'i srin bu yan chad du// skyes pa'i mtha' la thug med pas// nam mkhas gar khyab kun khyab pa'i// khams gsum bar do'i sems can gyis// pha ma ma
54b3 byas gcig kyang med// khyad par du yang ma nyid do// dus gsum rgyu rkyen las byung lugs// mi gtsang 'dam rdzab bu ga nas// skyabs med srin bu lta bu la// brtse ba'i mig lta snyan pa'i ngag/ 'dzum pa'i sngon
54b4 bsu byams pa'i sems// gces pa'i lus blangs zhim pa'i zas// 'khor ba'i rdzas dang rgyal srid byin// 'jigs pa'i skyabs byas lus sems bskyed// de yi drin ni dpag par dka'// dpe ni des mtshon 'gro
54b5 kun byas// pha ma phrag par bkal nas su// stong gsum lan gsum bskor gyur kyang// pha ma'i drin ni 'khor ba min// ci phyir ma yis bu yi don// lus dang srog la ma bltos par// dmyal ba lta bu'i sdug
54b6 bsngal myong// longs spyod rnams ni smos ci dgos// stong gsum nyungs 'bru tsam du ni// bsil nas bsgrang bar nus mod kyis// sems can gcig gis ma gtogs pa'i// lan grangs bsgrang bar ga la
55a1 nus// de bzhin drin ni brjod las 'das// drin can sems can pha ma rnams// 'khor ba'i sdug bsngal 'khyam pa la// mir gyur snying rje mi skye na// rang nyid smon pa ba glang yin// nyin sha za ba'i
55a2 bu dang 'dra// bu skyes ma yi gshed mar che// nyin gcig dgra la bskyabs pa la// phan pa drin du gzo ba dang// mtshan gtsig gnyen du 'grogs pa la// gnod spangs phan pa byed tshod la// thog med gyur nas da
55a3 la thug/byams pas bskyabs pa'i pha ma la// gnod spangs phan pa cis mi 'dogs// ma rig 'khrul pa'i dus kun na// sems can thams cad pha ma yin// de la gnod pa byar mi rung// rig pa lam du khyer
55a4 dus su// sems can thams cad yi dam lha// lha la gnod par byar mi rung// don la sems can sems nyid gcig/ log lta gnod pa byar mi rung// byas na 'di phyi mtshams gsum du// lan chags rnam
55a5 smin rgyun mi 'chad// sems can gcig gis srog bcad pas// lan chags sdig pa stong du 'gyur// ma yi drin las byung ba de// tshe 'di'i ma bsad mtshams med pa'i// dmyal bar 'gro ste shin tu lci// de yi
55a6 nyes pa su yis bzlog/ma la ngan sems 'gyus pa tsam// khams gsum sems can bsad dang mtshungs// de bzhin sems can thams cad la// snga phyi ma gtogs khyad par med// sems can gnod pa tsam
55b1 gyis kyang// de dang de yi bar chad 'byung// dngos grub rnam gnyis thob mi 'gyur// 'gro ba kun la sems snyoms pas// byams pa'i sems kyis phan 'dogs kyang// phan 'dod phyin ci log pa ni// mya ngan
55b2 gsang ba'i lcebs pa dang// tshul khrims 'chal ba'i phan sems dang// rtsod pa'i phyogs su nor ster dang// bstan pa bshig pa'i 'gro don dang// snying rje bsgoms pas dgrar langs dang// mgu mkhan med
55b3 pa'i dka' spyad rnams// gzhan la phan btags rang la gnod// bden par 'dod pa log par song// dge ba byas pas sdig tu gyur// chos la btsud pas 'khor bar 'ching// sbyin pa btang bas dug tu
55b4 'gyur// gcig skyabs byas pas kun dgrar song// bstod pa byas pas smad par 'gyur// tshul khrims bsrungs pas sdig la 'bags// zug rngu sel bas nad du ldang// mi nus pa yi khas che dang// sdug la rtag
55b5 tu byams byed dang// dper na sbrul la 'o ma bzhin// byang chub lam du 'di mi 'gro// de bas mkhas pa 'di spang ngo// dmigs su 'gro na gang phan bya// sdug bsngal mgon med gyur pa yi// dbul zhing 'phongs
55b6 pa'i 'gro ba ni// rigs ni rnam pa sna tshogs pa// gang la gang phan de nyid du// mi mthun gnas nas mthun par bskyal// sdug bsngal sel bar gang gyur dang/ bde bar thob par ci yod gyis// lus kyi bya ba
56a1 ngag gis tshig/yid kyis 'phen pa thams dang rdzas// sbyor ba dngos dang rgyud pa ru// sems can gcig nas mang po'i bar// mngon sum rjes dpag med pa ru// rang gi ci nus smon lam
56a2 gdab// gzhan la bskul gdab yi rang bya// sems can gcig la phan byas pas// de yi yon tan dpag tu med// mang po rnams la smos ci dgos// thabs la mkhas pa'i phan pa yis// sems can dge ba'i
56a3 las la 'khod// 'di ru phan pa'i bya ba dang// phyi mar phan pa'i smon lam gdab// byang chub lam du 'gro ba yis// don dang ldan pa'i 'bras bu thob// sgo gsum bag ldan sdom pa yis// lus ni mdzes shing
56a4 'dzum dang ldan// 'jig rten 'chal tshig mi brjod cing// 'jam zhing snyan pa'i tshig smra ba// zhi zhing dul ba'i spyod pa can// khro ba med pa'i phan sems la// dran pa bzhi dang ldan pa yi// rtag tu dur khrod dgon
56a5 par 'dug/kun kyang yid du 'ong bar 'gyur// pad+ma'i 'byung gnas bzang po la// ngang pa'i tshogs 'du de bzhin no// rang 'dod med pa'i gzhan phan ni// skyon la yon tan stobs che ba'i// phan par 'gyur na
56a6 sdig kyang bya// gnod par gyur na dge yang bzhag/ sems dge ba la nyes pa med// brgya srog thon na gcig srog gcad// 'jungs pa'i nor blangs tshogs su spyad// ngan song khegs na mi tshangs spyad// phan
56b1 stobs che na rdzun yang smra// ngan byed pa la dbyen yang 'dzud// ma rungs pa la sun yang dbyung// grogs por byas shing blo sna bsgyur// gshed por byas shing dge la bskul// ma tshor btang snyoms rkun bu'i
56b2 tshul// bde thob sdug bsngal bral ba yi// gnyen por gang 'gro bya ba la// zhi dang drag po dgug dang bskrad// bstod smad mtshang 'bru 'brid pa dang// tshar bcad rjes bzung rdzu 'phrul dang// rgyal ba'i
56b3 mchod rten bsod nams dang// mchod sbyin las sbyor thabs mkhas pas// thar pa'i lam la ci tshud pa'i// rten 'brel 'gro la ci phan bya// rang stobs nus pa ci yod dang// stobs can gzhan la grogs bcol
56b4 zhing// phyogs ris med par 'gro rnams la// 'jigs pa rnams kyi mgon dang skyabs// dbul ba rnams kyi zas dang nor// 'phye bo rnams la gnas dang yul// dmang po rnams la srid dang sde// rmongs pa
56b5 rnams la slob dang ston// phan bde'i gnas su gang 'gyur la// skad cig tsam gyis yi dga' ba// don du 'gro ba gzhan la ni// gang dag phan par bya ba nyid// phan la drin du rtsod pa dang// lan ma gzhal du
56b6 'dod pa dang// rnam par smin la re mi bya// 'dod pas phan sems sems khral 'byung// sdug bsngal nyid du de 'gyur to// gang gi sdug bsngal mthong ba'i tshe// bdag la nus pa yod bzhin du// de nyid don ni
57a1 ma byas na// srog 'di gson pas ci mi rung// byas pa brjed pa dud 'gro'i bu// pha ma bslus pas skyabs dang bral// de bas sdug bsngal khur len pa'i// ma yi rjes su rang nyid 'jug/ bka'
57a2 drin lan bzlog bzod par bya// thar par 'dod pa'i yid ldan rnams// thar pa'i lam du mi 'gro na// sems can las kyis sdug pa la// las ma zad par de mi 'dzad// gnas skabs phan yang mthar thug
57a3 tu// slar zhing 'khor ba'i 'ching byed 'gyur// 'bar ba'i me la shing mnan bzhin// las kyi 'khrul 'khor skyed par byed// 'jig rten 'dod pa chung ngu de// sman chung tsam gyis dug chen bslang// dug gsum
57a4 rtog pa stobs bskyed nas// bde ba mchog la rgyab phyogs 'gyur// 'gro ba smin par ma gyur na// sa bon tshig pa'i myu gu bzhin// phan btags pa la don mi 'byung// sdug bsngal ba la rgyun par gnas// 'khor
57a5 ba 'di nas 'da' mi 'gyur// kun la khyab pa'i byang chub sems// gzhi la gnas pa'i sa bon de// lam gyi rkyen gyis bskyed byas nas// 'bras bu byang chub thob pa'i don// bdag pas gzhan gces lhag pa'i
57a6 sems// gang mchis sangs rgyas chos kun mchis// sems can thams cad smin par nus// dmigs pa med las dmigs pa ni// rang gis brtse ba des mtshon nas// gang dag 'gro kun sdug bsngal
ba'i/

CLOSE WINDOW