33b2 / 'di khrol theg pa kun gyi mkhyud khrob bshad// snying po bcud 'dus chos cig bshad// 'di yod kun 'chang chos cig bshad// 'di ltas kun mthong chos rnams kun gyi nyi
33b3 zlar bshad// gcig shes kun grol chos cig bshad// ces gsungs so// rin po che gser gyi nyi mas ma rig ka dag gi rgyud las// yongs rdzogs rin po che bshad thabs kyi le'u ste gnyis pa'o//// de
33b4 nas rang byung ngang dngas kyis// snying po skye med ston pa la// chos nyid don gyi gnas lugs ji ltar lags// zhes zhus pa dang// ston pas 'khor la bka' stsal pa// chos nyid don gyi gnas lugs ni// mtshon
33b5 pa'i mi bral gting mtha' yas// mi snang ngo bo gsal ba'i bdag/ skye med dmigs las 'das pa yi// kun ldan gang du'ang grub pa med// dpe med zla med nam mkha'i dbyings// dngos med rnam shes spyod yul
33b6 min// ye med gting med blo las 'das// chos nyid rang bzhin mtshon du med// snying po rang bzhin rgyu rkyen med// gnas lugs rang bzhin thog mtha' med// kun gzhi'i rang bzhin skye 'gag med// chos nyid
34a1 rang bzhin bsam brjod blo yi yul las grol mi snang kun gyi dngos gzhi can// dngos po sna tshogs gzhi ma grub// tshogs brgyad spyod yul ma yin gting mtha' yas// zhes gsungs so// rin po
34a2 che gser gyi nyi mas ma rigs gti mug ka dag ye sangs rgyas pa'i rgyud las// chos nyid don gyi gnas lugs bstan pa'i le'u ste gsum pa'o//// de nas rang byung ngang dngas kyis// skye med don gyi ston
34a3 pa la/rig pa rtsal gyi shar lugs ji ltar shar// ces zhus pa dang// ston pas 'khor la bka' stsal pa// snying po chos nyid mkha' dbyings nas// rig pa rtsal gyi shar lugs ni// gzhi yis ngang las rlung gi
34a4 rtsal// rlung las 'byung lnga rtsal du shar// 'byug lnga'i rtsal las 'od lnga shar// 'od las rtsal dang zer du shar// de las shes pa rig pa'i rtsal// de la rang bzhin ngo bo thugs rje rtsal du shar// rig pa ye gnas
34a5 de don rig/ma rig pa yi mun pa bcom// yid 'khrul rnam gsum rtsad nas bcad// snying po rtsal rig ngang thim pas// 'gyu ba'i rlung med 'khrul pa sangs// rkyen rnams rang grol mngon sangs rgyas// sku gsum
34a6 rgyal ba'i pho brang ste// kun bzang bya rtsal med par ye sangs rgyas// byas pa ma yin klong du gyur// de phyir sangs rgyas sku dang ye shes lnga yi rtsal// ces gsungs so// rin po che gser gyi nyi mas ma rig ka dag
34b1 gi rgyud las// kun tu bzang po yang nga'i rol pa'i rtsal du shar te klong du thim pas// bya rtsal med par sangs rgyas par bstan pa'i le'u ste bzhi pa'o//// de nas ngang dngas khye'u chung gis// skye med don
34b2 gyi ston pa la// de don ma rtogs 'gro drug sems can rigs drug rol pa'i rtsal du ji ltar shar// ces zhus pas// ston pas 'khor la bka' stsal pa// ye don ma rtogs sems can ni// rang bzhin ngo bo thugs
34b3 rje mnyam mod kyang// rig pas skye med ma rtogs yang dag don ma rig/ de phyir ma rig nga bdag gis// yid 'gyus rig skyes sems 'khrul bas// 'khor lo gsum tshud mun pa'i 'khor sgor 'khyams// dug lnga
34b4 dug gsum la sogs nyon mongs rnams// rang gi rgyud las byung nas rang nyid mnar// de yi stobs las 'od kyi gzugs su shar// de yi rtsal las rig gzugs sha gzugs shar// gsal dang mi g.yo mi
34b5 'gyur ma 'gags las// de yi rtsal las don snying rnam lngar shar// de las lus rten gzhi ma lnga ru shar// de las chu ser khrag dang sha dang rus par shar// de las srog rtsa la sogs rtsa yi tra bar shar// de
34b6 las nang rol smad lngar shar// de las yan lag lnga ru shar// de las dbang po lnga ru shar// de las yul 'dzin lnga ru shar// de las kha dog lnga ru shar// de las phyogs mtshams bye brag dang// snod bcud
35a1 'dul gzhi bzhi rnams shar// sangs rgyas sems can 'khor 'das rtsal du shar// bde sdug chags sdang rtsal du shar// de la sogs pa'i snang btags blos btags ril por nga las shar// ces
35a2 gsungs so// rin po che gser gyi nyi mas ma rig gti mug ka dag gi rgyud las// rig rtsal gyi shar lugs bstan pa'i le'u ste lnga pa'o//// de nas rang byung ngang dngas kyis// skye med don gyi ston pa
35a3 la// chos can mtshan ma'i grol lugs ni// bdag cag rnams la bshad du gsol// ces zhus pa dang// ston pas 'khor la grol lugs bshad// 'khor rnams ma yengs gus pas nyon// de la chos can mtshan
35a4 mar snang ba rnams// chos nyid snying po'i klong du grol// rig pa rtsal gyi shar lugs rnams// rig med skye ba med par grol// 'gyu ba yid kyi dran rtogs rnams// thol dbyung ngang dngas dbyangs su grol// gsal
35a5 ba sems kyi chags sdang rnams// rang sangs gsal dag klong du grol// shes rig blo yi 'khrul ba rnams// thag chod 'khrul sangs dbyings su grol// sgo lnga yul sems gzung 'dzin rnams// 'dzin med
35a6 zang thal gsal dag klong du grol// snang srid snod bcud chos rnams kun// rang snang rang grol dbye bsal med par grol// phyi nang gnyis bzung dgra gnyen phyogs ris rnams// gzung 'dzin dgag bsgrub
35b1 chags sdang med pas grol// sna tshogs chos rnams snang ba rnams// tha snyad mtshon brjod med par grol// grub mtha' blo la snang ba rnams// blo 'das grub mtha' med par grol// blta bya bsgom bya spyod bya
35b2 rnams// lta sgom spyod pa med par grol// blo la snang ba'i 'khrul pa rnams// 'khrul sangs blo zad rnam rtog nyon mongs zad// chos nyid rtsis brdab bcas bcos med par grol// ces gsungs so// rin po che
35b3 gser gyi nyi mas ma rig ka dag gi rgyud las// chos can mtshan ma'i grol lugs bstan pa'i le'u ste drug pa'o//// de nas rang byung ngang dngas kyis// skye med don gyi ston pa la// dge ba ma spyad ji ltar
35b4 grol// ces zhus pa dang// ston pas 'khor la bka' stsal pa// yongs rdzogs chen po'i thegapa rtogs na dge ba ma spyad grol bar bshad do// byar med dal bar bsdad pas chog/ dge bcu phyed du mi byed
35b5 de// rtsol ba med par bzhag pas chog/ lus kyi rgyal po bya rtsal med// phyag 'tshal bskor ba bya mi dgos// ngag gi rgyal po brjod med yin// mdo dang bzlas brjod bya mi dgos// yid kyi rgyal po g.yo med
35b6 yin// bsam rtog phur ma bya mi dgos// byar med g.yo ba med pa la// byas pa'i spyod pa bya mi dgos// ngang rgyud bzang la ma bcos gnas// tha mal dal ba go bde ba// thugs rjes phyogs ris med par
36a1 khyab// yongs la khyab pa'i snying rjes mdzad// dgongs pa'i klong nas dal bar bzhugs// g.yo 'gul med pa'i dgongs par gnas// de la rtogs pa'i chos spyod rtsol ba'i nad// ces gsungs
36a2 so// rin po gser gyi nyi mas ma rig ka dag gi// rgyud las// dge ba ma spyad grol bar bstan pa'i le'u ste bdun pa'o//// de nas rang byung ngang dngas kyis// skye med don gyi ston pa la// sdig pa
36a3 ma spyad ji ltar dag/ces zhus pa dang// ston pas 'khor la bka' stsal pa// kun rdzogs gong na med pa'i theg pa 'di// gting mtha' yas pa'i klong gnas pas// sdig la phyed du mi spyod la// dge ba blo yis mi
36a4 spong ste// dge ba mi byed sdig mi spyod// dge sdig gnyis ka ngang gis dag/ de la sdig pa'i dag lugs ni// rig pa mu mtha' grol ba'i klong chen du// sngon thog dus nas da lta yan chod du// ka dag 'og gsal
36a5 mu mtha' yongs grol du// sdig pa cig spyad yongs su dag par bshad// de yang ci ltar dag ci na// snying po g.yo med ka dag klong gnas pas// lus kyi srog gcod rku 'phrog sdig pa dag/ ngag gi rdzun dang phra ma
36a6 tshig rtsab ngag 'khyal ba// yid kyi gnod sems log par lta ba yan chad kyis// lus ngag yid gsum sdig pa ci spyad rnams// snying po sku gsung thugs kyi klong du dag/ sku lnga ye shes lnga yi don rtogs
36b1 pas// mtshams med lnga po ngang gis dag/ mi spyod chos nyid dge ba'i klong gnas pas// sdig pa bcu po ngang gis dag/ sku lnga ye shes lnga yi don rtogs pas// mtshams med lnga po ngang gis dag/ mi spyod chos nyid
36b2 dge ba'i klong gnas pas// sdig pa bcu po ngang gis dag/ sdig spyad bskal la ther 'bul rnams// gting yangs mu mtha' yongs su grol// ces gsungs so// rin po che gser gyi nyi mas ma rig ka dag gi
36b3 rgyud las// sdig pa ma spangs ngang gis dag pa'i le'u ste brgyad pa'o//// de nas rang byung ngang dngas kyis// skye med don gyi ston pa la// dug lnga ma spangs ka dag ji ltar dag/ ces zhus pa dang// ston
36b4 pas dug lnga ka nas dag lugs bshad// 'khor rnams ma yengs gus pas nyon// de la dug lnga'i dag lugs ni// chos nyid ka dag klong chen du// gti mug ma spangs ka nas dag/ zhe sdang ma spangs ka dag klong
36b5 du dag/'dod chags ma spangs ka dag klong du dag/ nga rgyal ma spangs ka dag klong du dag/ phrag dog ma spangs ka dag klong du dag/ de yang ji ltar dag ce na// gti mug chos nyid dbyings su dag/ dper na
36b6 shel sgong nang du sman dug gnyis dag ltar// dkar nag bzang ngan ci snang shel sgong nang du dag/ dug gis ma gos sman gyis phan ma btags// bzang po ma bsgrubs ngan pas ma gnod do// sman dug bzang
37a1 ngan shel sgong nang dag bzhin// de bzhin dug lnga'i dag lugs ni// nga ni dngos med chos dbyings klong du dag/ zhe sdang gsal dag klong du dag/ nga rgyal ngang dngas gzhi la dag/ 'dod chags
37a2 bde chen klong du dag/phrag dog rang grol dbyings su dag/ gti mug chos dbyings klong du dag/ dug lnga ma spangs sku lngar dag/ ces gsungs so// rin po che gser nyi mas ma rig ka dag gi rgyud las// dug
37a3 lnga ka nas dag lugs bstan pa'i le'u ste dgu pa'o//// de nas rang byung ngang dngas kyis// skye med don gyi ston pa la// ma rig ka dag ji ltar dag/ ces zhus pa dang// ston pas 'khor la bka' stsal
37a4 pa// ma rig ka nas dag lugs ni// thog ma'i dus nas 'thibs pa'i ma rig mun pa la// ka dag gsal ba'i nyi shar bas// mi shes ma rig mun pa dag/ rin chen gser gyi nyi shar bas// ma rig mun pa'i
37a5 dmag ru dag/shes rab gsal ba'i 'od gsal bas// ye nas ma rig yongs su dag/ ye shes 'od gsal don rtogs pas// ma rig ka dag mun pa sangs// zhes gsungs so// rin po che gser gyi nyi ma'i
37a6 rgyud las// ma rig ka nas dag pa'i le'u ste bcu pa'o//// de nas rang byung ngang dngas kyis// skye med don gyi ston pa la// gti mug bag chags ji ltar sangs// zhes zhus pa dang// ston pas 'khor la
37b1 bka' stsal pa// bskal pa thog ma med pa nas// 'thigs pa'i gti mug mun pa la// rin chen gser gyi nyi ma'i 'od shar bas// gti mug mun sangs ka dag klong du dag/ bag chags sgrib pa ther 'bum
37b2 rnams// ye shes snang gsal nyi shar bas// bag chags sgrib ka nas dag/ gti mug bag chags sgrib pa rnams// ka dag 'od gsal klong du dag/ 'od gsal ma rtogs gti mug kyang/// ye dag don rtogs
37b3 gti mug med// rgyud la zhen pa'i bag chags kyang// skye med ka nas dag pas bag chags med// snying po ma mthong sgrib pa yang// gsal dag rang gsal sgrib pa med// ces gsungs so// rin po che gser gyi
37b4 nyi mas ma rig ka nas pa'i rgyud las// gti mug bag chags nyon mongs thams cad ka nas dag pa'i le'u ste bcu gcig pa'o//// de nas ngang dngas khye'u chung gis// skye med don gyi ston pa la// ye nas
37b5 sangs rgyas ji ltar rgyas// zhes zhus pa dang// ston pas 'khor la bka' stsal pa// ye nas sangs rgyas yin lags ni// ye nas skye med sangs rgyas yin// ye nas 'gag med sangs rgyas yin// ye nas gnyis
37b6 med sangs rgyas yin// rgyu rkyen med pa'i sangs rgyas yin// 'phel 'grib med pa'i sangs rgyas yin// phyogs cha bral ba'i sangs rgyas yin// ye nas snying po sangs rgyas yin// ye nas chos nyid sangs rgyas
38a1 yin// ye nas ka dag sangs rgyas yin// ye nas 'od gsal sangs rgyas yin// ye nas ngang dngas sangs rgyas yin// ye nas gsal dag sangs rgyas yin// ye nas sems nyid sangs rgyas
38a2 yin// dngos med dngos kun shes bas ye sangs rgyas// zhes gsungs so// rin po che gser gyi nyi mas ma rig ka nas dag pa'i rgyud las// ye nas sangs rgyas par bstan pa'i le'u ste bcu gnyis
38a3 pa'o//// de nas ngang dngas khye'u chung gis// skye med don gyi ston pa la// rigs drug skye ba'i g.yang sa ji ltar bcad// ces zhus pa dang// ston pas 'khor la bka' stsal pa// e ma thams cad ye nas
38a4 sangs rgyas kyang// de don ma rtogs 'gro drug gnas su skyes// nga bdag dug lnga nyon mongs ma rig pas// khams gsum 'khor ba'i sdug bsngal nyams su myong// snying po rang ngo ma shes mun pa'i 'khor skor
38a5 chud// de yi dbang gi 'gro drug gnas skyes pa// kye ma rnam rtog bdag tu ma bzung sems can rnams// nga yis rigs drug skye ba'i sdug bsngal bshad// rang rgyud thul la ma yengs gus pas nyon// ces gsungs
38a6 so// skye shi rtsad gcod gnyis su bshad// rims kyis pa dang gcig char ba// cig char ba yi gcod lugs ni// dbang po thod rgal skal ldan gyis// gcig chod ral gri'i gdams ngag gis// 'khrul rtog gang
38b1 skyes dus su dngas// rang byung rig sems ngang dngas pas// snang ba sna tshogs rang grol sangs// de nyid ngo shes klong gyur mngon sangs rgyas// skye ba mi len 'gro drug g.yang sa bcad// ces gsungs so// rim
38b2 'jug pa yi skye ba rtsad gcod ni// chos nyid gting mtha' yas pa'i klong yangs na// rig pa'i chos can 'gag med las// rig pa rtsal la zhe sdang skyes// dmyal ba'i gnas skyes btso bsreg sdug bsngal
38b3 myong// rig pa rtsal la ser snas bcings// yi dwags bkres skom sdug bsngal myong// rig pas yang dag don ma rig/ byol song gnas skyes glen lkugs sdug bsngal myong// rig pa'i rtsal las phrag dog
38b4 skyes// mir skyes brgyad dang bcu drug sdug bsngal myong// rig pa'i rtsal las nga rgyal skyes// lha min gnas skyes 'thab rtsod sdug bsngal myong// rig pa'i rtsal las 'dod chags skyes// lha yi gnas skyes g.yeng
38b5 ba'i sdug bsngal myong// de rnams skye gnas rtsad bcad pa// rig pa mu mtha' yongs grol bas// zhe sdang rtsad chod 'od gsal bas// dmyal bar skye ba'i g.yang sa chod// rig med bcings grol ser sna
38b6 med// yi dwags skye ba'i g.yang sa bcad// rig med ka dag gti mug med// byol song skye ba rtsad nas bcad// rig med rang dngas phrag dog med// mir skye ba'i sdug bsngal rtsad nas bcad// ming med skye ba'i
39a1 rang dngas nga rgyal med// lha min skye ba rtsad nas bcad// 'thab rtsod sdug bsngal gang yang med// 'dod chags ngang dngas bde chen ngang// lha yi gnas skyes rtsad nas bcad// g.yeng ba'i sdug
39a2 bsngal ming yang med// nga med ris med yang dag don rtogs pas// rigs drug skye ba rtsad nas bcad// ces gsungs so// rin po che gser gyi nyi ma'i rgyud las// rigs drug skye ba rtsad nas bcad pa'i le'u ste
39a3 bcu gsum pa'o//// de nas rang byung ngang dngas khye'u chung gis// skye med don gyi ston pa la// sems can sangs rgyas ji ltar yin// ston pas 'khor la bka' stsal pa// gong ltar skye shi rtsad chod klong
39a4 gyur nas// sems can sangs rgyas yin par bshad// de yang yin pa'i yin lugs ni// rang bzhin mi 'gyur ba yi sangs rgyas yin// ngo bo ma 'gag gsal gdangs sangs rgyas yin// thugs rje ma dmigs
39a5 rang grol sangs rgyas yin// yon tan mngon par grub pa'i sangs rgyas yin// 'phrin las sangs rgyas med pa'i theg pa yin// sems can ngang dngas sangs rgyas yin// dug gsum rang brlag sku gsum
39a6 yin// dug lnga rang sangs sku lnga yin// nyon mongs rang sangs chos nyid yin// rnam rtog rang sangs ye shes yin// ma rig ka dag 'od gsal yin// rnam rtog blo zad ye shes yin// de phyir sems can sangs
39b1 rgyas yin// de ltar rtogs na chos rnams rtogs par bstan// ci phyir zhe na// chos kun rtsa ba gcig rtogs pas// de nyid dbang du thams cad 'dus// chos la dbang sgyur chos rnams shes// ye dbang chen po
39b2 yongs su rdzogs// zhes gsungs so// rin po che gser gyi nyi mas ma rig ka dag gi rgyud las// sems can sangs rgyas yin pa dang// de rtogs chos rnams rtogs par bstan pa'i le'u ste bcu bzhi
39b3 pa'o//// de nas ngang dngas khye'u chung gis// skye med don gyi ston pa la// theg pa'i lta sgom ji ltar med// ces zhus pa dang// ston pas 'khor la bka' stsal pa// yongs rdzogs gong na med pa'i don rtogs
39b4 na// gting yangs mu mtha' yongs grol bas// de las phyogs med gtad 'dzin med// de phyir theg pa'i lta sgom med// de yang ji ltar med ce na// mtha' chod phyogs bral lta ba rtogs// blo 'das lta sgom ngang
39b5 gis med// 'od gsal chos nyid klong 'phyo bas// 'dzin rtog bsam bsgom ngang gis med// bya bral rtsol med ngang gnas pas// bya rtsal rtsol bsgrub spyod pa med// ye gnas don rtogs 'du 'bral med// re
39b6 dogs yid smon 'bras bu med// mu mtha' yongs grol klong gnas na// theg pa'i zhe 'dod lta sgom med par bshad// ces gsungs so// rin po che gser gyi nyi ma'i rgyud las// theg pa'i lta sgom med par bstan
33b2 pa'i le'u ste bco lnga pa'o/ces gsungs so// kha thaM//// @#/ rgya gar skad du/ sarba bud+d+ha tsit+ta ma hA gu h+ye tan+t+ra/ bod skad du// sangs rgyas thams cad kyi thugs gsang ba chen po'i rgyud/
33b3 bcom ldan 'das 'bras bu thams cad kyi mnga' bdag la phyag 'tshal lo// 'di skad bdag gis bstan pa rang 'byung ba'i dus gcig/ yul chos nyid la ye shes zang thal du shar/ zhing khams thams cad ye
33b4 shes su ma sgribs par gsal ba'i dus gcig na/sna tshogs yul snang thams cad ni long spyod rdzogs pa'i sku/ 'byung ba'i sgra thams cad ni bstan pa'i gsung du sgrogs pa/ ji ltar 'gyu zhing dran pa thams cad
33b5 ni thugs rnam dag chen po'i klong brdol nas chos nyid don gyi nam mkha' la gnas lugs rig pa'i sgra ni bsgrags/chos sku nyag gcig spros dang bral ba'i sprin phung ni gtibs/ gnyis med mnyam pa'i char chen
33b6 po ni phab/nyon mongs bdag tu 'dzin pa thab ni rlan/ gdul bya yul can rnam rtog ni bcad/ sems can 'khor bar yun rings gnas pa rnams ni drangs/ phyogs bcur khyab pa'i dung ni bus/ theg pa
34a1 mtha' dag gi sgra ni grags/sangs rgyas thams cad kyis byin gyis brlabs las shar ba'i tshig gi rgyal po 'di dag rang byung zhing rang bcas pa'o// sangs rgyas thams cad ky-i thugs gsang ba chen
34a2 po'i rgyud las// byin brlabs rdzogs ldan rang shar gyi le'u ste dang po'o//// de nas bcom ldan 'das dpal kun tu bzang po mnyam rdzogs chen po'i dgongs pa las bzhes nas 'byung ba rang zad kyi
34a3 dgongs pa la a ra ha ne'o// de'i tshe rdo rje 'chang la sangs rgyas thams cad kyi 'phrin las chen pos mnga' dbang rdzogs par bskur nas/ nam mkha' rnam dag gi dgongs pa'i klong nas/ rdo rje sems dpa' la
34a4 bka' stsal ba/e ma ho/ bskal pa stong phrag bcu dgu dang// nyer nyer lnga dang ban bun bdun// phyal phyol bgrang las 'das pa las// mngon 'phags dran pa mgon po yis// sangs rgyas dus gsum bzhugs
34a5 rnams kyi// gnyis med klong nas dran g.yos te// karma tsakra 'phrin las bzhis// las la bskul te stong gsum 'dir// 'od lngas khyab cing gsal bar byas/ de yi sangs rgyas sems can rnams/ 'byung ba rgyu
34a6 mthun gcig pa'i mthus// sa rnams g.yos shing sgra rnams bsgrags// snang ba 'od kyis gsal bar byas// byin brlabs rdzogs ldan rang byung gis// ma byas sgrub bral rang byung tshig/ 'byung ba'i sgra dang bral
34b1 ba'i phyir// gzhi ma rin chen sna lnga dang// mthing shog sngon mo'i byang bu la// mar gad ljag khu rin chen lnga// rang nan yi ge rgya yis btab// rin chen shel gyi glegs bam du// gtams dang rin chen 'khor lo
34b2 yis// za tog mtheb gang nag btsal nas// chos nyid nang gsal nam mkha' la// nyi ma sprin las thar pa ltar// 'od snang sgra dang bcas te babs// de tshe rigs drug gnas su ni/ yun rings 'khor rnams
34b3 dbugs phyung ste/'das pa nyid la 'khod gyur to// sangs rgyas bye ba dung phyur gyi// rang byung byin brlabs chu rgyun te/ chos sku spro bral thugs la babs/ 'khor ba'i dong nas 'don slad du// 'gro ba'i don la
34b4 'phrin las bskul// de tshe nyid kyi rang byung 'di// gsal snang 'od kyi nam mkha' la// mi zad rin chen rgya dang ni// mi shig rdo rje rgya yis btab// de la rlung gi 'khor lo phog/ rlung de reg pa'i sems can
34b5 rnams// yang dag nges pa'i sa la 'khod/ da lta'i 'phrin las rang byung ste// nus pa'i mthu dang rab ldan yang// 'di la longs pa'i dpa' bo nyung// de tshe nga nyid 'phrin las ni/ rtsal rnams rdzogs pa'i ting nge
34b6 'dzin/de la snyoms pa zhugs pa'i dus// 'das pa'i dus kyi sangs rgyas ni/ bye ba dgu khri bsam 'das kyi// 'khor ba dong tshogs dbang yang bskur// rtags su rang byung chen po 'dis// de tshe nga yi spyi gtsug
35a1 rgyan// nyid kyis kun tu bltas pa yis// 'phrin las thogs med sku yang thob// de don gzhan gyis brjod mi nus/ zhes bka' stsal to// de nas rdo rje sems dpa' zhes bya ba/ dus gsum gyi bde
35a2 bar gshegs pa thams cad kyi thugs rdo rje'i lte ba las 'khrungs pa de nyid gling bzhi brgyan pa'i zhing khams brdal ba chen po'i 'phrin las la dbang bar ma bskur nas/rang byung gi yi ge chen po rdo rje sems
35a3 dpa'i phyag mthil g.yas su 'phangs te/ci yang mi gsung bar zhal gyi dkyil 'khor sbas te bzhugs so// de'i tshe rdo rje sems dpas za ma tog zhal phye ste/ bltas pas ngo mtshar bar snang yang/ gsang ba chen
35a4 po rdo rje'i tshig 'di shigs par ma gyur nas// thugs mnyam par bkod pa'i mthus gsol ba btab pa/ sa g.yo ba chen po yang byung/ sgra chen pa yang grag/ 'od kyi snang ba chen po yang byung ste/ bltas pas rang
35a5 byung gi yi ge chen po 'gro ba so so'i skad kyi rigs ltar snang bar gyur cig/ces yang byung ngo/ sgra des zhing khams 'di nyid du sgra rnams ji snyed pa'i sgrar rang snang ba'o// sangs rgyas thams cad kyi thugs gsang
35a6 ba chen po'i rgyud las/ngo mtshar ba'i ltas mthong zhing rjes su bzung ba'i le'u ste gnyis pa'o//// de nas ston pas zhal gyi dkyil 'khor phye nas bka' stsal pa/ e ma ho/ sangs rgyas dus gsum bzhugs
35b1 pa'i thugs// rang byung chen po'i yi ge 'di// kun gyis rtogs pa ma yin te// 'jug sgo lam la sbyangs pa yang// 'di ma matong bar grol ba med/ 'das dang ma byon da ltar gyi// ye shes gnyis ldan sangs rgyas
35b2 rnams// 'di dang ma 'phrad 'bras bu ni// ma thob mi thob thob mi 'gyur// bstan pa'i 'jug sgo phrag yas rnams// sbyang bya blo yis rig rtsal las// mi ldog nges pa'i 'bras bu la// rdul cha tsam yang reg pa
35b3 med// de phyir zhing khams gang gzhan du// myang 'das 'bras bu sus thob tshe/ 'di dang 'phrad nas grol ba yin// 'di nyid bstan pa'i kha dog tu// gang gi lusal 'chang ba de'i// glegs bam de ni lan gsum
35b4 nga// 'phar zhing rang 'od lnga po 'byung// de yi tshe na lan gsum du// rdo rje lce yis bklag par bya// de yang de dang skal ba mnyam// 'di dang 'phrad ba'i skyes bu de// rim gyis rtsal ba sngar sbyangs shing// tshogs
35b5 gnyis shing rta'i 'khor lo ltar// zung 'jug lam yang sngar sbyangs shing// bag chags las kyi bal gsham bregs// de lta'i gang zag de dang 'phrad/ de la yid gnyis the tshom bral// de lta ma yin gang zag
35b6 rnams// 'di dang gal te 'phrad gyur kyang// yid gnyis blo yis spong bar 'gyur// de nyid spangs pa'i sems can rnams/ mnar med gnas su yun ring gnas// de na rang byung yi ge 'di// nges pa'i shes
36a1 par spyan par bya// de ltar 'chang ba'i sems kyi bu// bya ba'i gnad dang grol ba yi// rgyud kyi 'gro don 'di ltar bya// rin chen mthing shog byang bu la// bstan pa gang 'dzin de yi ni// rin chen
36a2 snying pos bris byas la// mu tig dmar po'i snod du gtam// de yi tshad ni sor bzhi'o// de nyid lus dang yongs mi 'bral// rang gi phung po 'dor dus su// rnam dag 'od gsal zhing khams su// 'bras bu gang
36a3 la 'od phyung ste// rang bzhin sprul pas 'gro ba 'dul// de nyid shi 'phos mya ngan 'da'// e ma to/ 'di dang 'phrad pa'i skal ldan des// 'gro ba'i don nyid byed 'dod na// 'di bris glegs bam dam pa
36a4 de// gang zhig pha rol 'pho ba'i tshe// tshe 'das de yi spyi gtsug gam/ lus la btags te mer sbyangs na// 'od gsal la 'phos 'ja' yang 'byung// dran rig dbyings grol sgra yang 'byung// sa lam chig chod sa
36a5 yang g.yo// rang snang rgya yan sku yang 'byung// thig le mthar phyin gsung yang 'byung// sprul pa'i gzugs sku thob rtags rnams// yid spyod 'dzin pa'i theg pa ltar// sgrub pa ma yin byas byung min// ma byas lhun
36a6 yis grub pa'i don// rang byung 'gro don de ltar bya// yi ge mi spel gsang bar rigs/ spel na rang byung bka' dang 'gal// gsang zhing tshig tsam khar mi dbyung// 'di nyid lus la bcangs pa na// dus gsum
36b1 rgyal ba'i gdung yang 'dzin// 'byung pa'i sgra don goms pa gces// 'das dus sku gsum bzhugs ltangs lta// 'bru gcig dpa' bo hU~M la bslab// mi rgyud rang yal 'dod pa na// sgron ma 'bar ba'i 'khor lo
36b2 gzung// de ltar byed pa'i skal ldan bu// 'byung ba rang yal 'khor ba grol// lhag ma med par zag bcas lus// 'od gsal nyid du dwangs snyigs phyed// de phyir gsang chen nges pa ni// yid spyod 'dzin pas
36b3 khyad 'phags phyir// ma sgrub sku yang lhun gyis grub// 'byung ba zad ba'i sa la phyin// rang byung gdong ma'i klong du phyin// de phyir rang byung chen po yi// gsang rgyud 'di ni rab dkon phyir// phal pa 'di nyid snang
36b4 ba min// seng ge 'gying 'dra'i gnas nyid du// thabs dang ldan pas sba bar bya// e ka nag mo ral gcig ma// b+ha ling byin te gnyer gtad bya// las can 'byung phyir bka' yang grol// de byas rang byung chud mi
36b5 za// yang na rang gi lus dang 'grogs// sgyu lus 'dor tshe snod ldan bu// gcig las gzhan du spel gyi bya// rgyas gdab 'gro don snang ba sbyin// des kyang bka' bzhin rjes su bsrungs// de bas mang na chad pa
36b6 chod// 'di 'dra zhing khams gzhan na med// yang nas yang zhus bstan pa'i bcud// nga yi bka' bzhin bsrung zhes pa'i// mgon po'i tshogs rnams ma g.yel cig/ ye shes las las grub pa yi// dur khrod skyong
37a1 ba'i mkha' 'gro ma// yud tsam 'di dang ma bral cig/ dam med bdud chod srod rtsa chod// rigs kyi bka' sdod lcags gdong can// bka' log spyod pa'i srog rtsa chod// srungs shig skyongs shig sa
37a2 ma ya// ma ma ru lu ru lu trag tsa tsa tsit+ta ru dra mar ya rbad b+h+yo/ gnyer gtad bcol lo// sangs rgyas thams cad kyi thugs gsang ba chen po'i rgyud las/ byin brlabs 'gro don snang ba'i le'u ste gsum
37a3 pa'o//// de nas 'byung ba rang gnad kyi dgongs pa byin brlabs rang byung du snang ba'i tshig/ sprul sku'i sa bon 'phel bar byed pa// sku gsum rang snang du rdzogs pa'i thig le/ zhing khams phyogs med du lta
37a4 ba'i me long// drang snang rang yul du spyod pa'i 'khor lo// gdos bcas 'khrul pa 'jig pa'i gzong bu/ sa lam dus gcig gcod pa'i rlung shugs// bstan pa chig rdzogs su bstan pa'i rtsal chen/ dus gsum
37a5 gyi sangs rgyas rang byung gi yi ge'i gzugs su snang ba// byin brlabs rang byung du babs pa'i tshig 'di lta ste/ dran snag thams cad khams las byung bas/ khams rang yal la bslab pa'i thabs kyi rgyal po/ dran
37a6 rig phyag rgya'i ngang du sbyor cig/bden pa'i mthu smin par gyur cig/ oM AHhU~M/ chos rnams mnyam par bstan pa'i phyir// sarba d+harma ma a sid+d+ha ye/ bde gshegs dgongs pa bstan pa'i phyir// ta thA ga ta d+harmA kA
37b1 ya/'byung ba gnas su dag pa'i phyir// yam e ra yaM khaM raM su b+hi yA/ rig pa mngon sum bslab pa'i phyir// su ta a ba d+harmA ho// dgongs pa rang gnad dbab pa'i phyir// sa ma ya ta kra ma ti/ dam tshig chen po'i
37b2 dgongs bstan phyir// a b+hi sarba ma hA b+ha// 'khrul pa'i ngo bo rang dag phyir// sarba karma lo ki ya// ye shes snang ba dag bya'i phyir// d+harmA dz+nyA na tra du yA// skye shi rtsad nas gcad pa'i phyir// kA ya wa ga tsit+ta u pa
37b3 li// dug lnga gnas su dag pa'i phyir/ du ba si ta lokaM/ dam tshig chen po gtan la dbab pa'i phyir// sa ma cha a pa ha ra he/ rang bzhin mnyam pa'i dgongs bsten phyir// la ya d+harma a a a/ spros bcas chos nyid la
37b4 bslab phyir// pra b+ha d+ha na d+harmA ma ta yA// chos rnams stong par myang 'das phyir// sarba d+harmA a ya ti// dge sdig thams cad la bzla'i phyir// karma th+ya sarba du yA+e/ dbang po'i zhen pa bzlog pa'i phyir// karma rag sha g+hi
37b5 hang hi// phung po'i zhen pa bzlog pa'i phyir// b+he ga ra na so gad kling// yul kun zhen pa bzlog pa'i phyir// b+hu ga ra la b+ha du tri// sems kyi dngos po spur pa'i phyir// raM pa ka las mi khye// byung tshor gnas su
37b6 gcad pa'i phyir// ma tang pha pher rasmi ti// 'dus tshogs snang ba ngos bzung phyir// khaT re Ta sa mig rlung// rig pa gcen rar gzhug pa'i phyir// a ker na b+he tsag sha/ 'khrul pa'i rang rgyud khung gcad
38a1 phyir// ya ri mu ta sa g+hu li// rigs drug rim gyis bsgral ba'i phyir// ya sing ra DUng pa la ya// 'khor ba dong nas 'don pa'i phyir// ma ma ko ling sa ma n+ta/ chos can thur du gzhug pa'i
38a2 phyir// g+ha ri raM pa par ma ti// rol pa'i byung khung spur ba'i phyir// b+hu ha sing ha pha g+ha la// zhen pa'i 'phreng thag gcad pa'i phyir// ri ma pi pi khe ta pa// lu gu rgyud ar la gtad pa'i phyir// b+hig khu ma la pa taM
38a3 gi/lha yi phyag rgya blta ba'i phyir// sa ma nyi wa d+he ra pa// lta sgom log pa dag bya'i phyir// badzra sa two ti to ma// sa lam dus gcig gcad pa'i phyir// g+ha ba pu g+ha rna rma ye/ yid spyod lta ba khungs gcad phyir// rdarmA
38a4 a to la sa g+hU li// sku gsum lam du bslang ba'i phyir// ras mis ma kha rgad tse// snang ba dngos su blang ba'i phyir// ru pas mi mi ta lam// sgra yi zhen pa mtha' gcad phyir// da tig ba yang ka li sa// bsam
38a5 gtan chen po'i sa non phyir// g+ha tsha pa la sa mi traM// 'phrin las mtha' ru dbyung ba'i phyir// karma e a a nu sa// sangs rgyas mngon zhen bzlog pa'i phyir// sang kri ma ma krarma ta/ rgyal sras rnams kyi gnas
38a6 btsal phyir// nga la khe pa ki lis// 'di kun rang shug tshig tu byon// sangs rgyas thams cad kyi thugs gsang ba/ chen po'i rgyud las/ phrin las 'dul tshig rang sgra'i le'u ste bzhi pa'o//// de nas thugs
38b1 kyi gsang ba chen po 'di dag rang byung ngo/e ma ki ri ki ri/ smas ta b+ha li/ sa mi ta su ru su ru/ kun d+ha li ma su/ i ka ri li b+ha ta ye/ tsa ka b+hu li ta lca ye/ sa mun+ta tsar+ya su g+ha ye/ b+hi ti sa ma ya/ b+hi g+hu ye/ ki
38b2 ri d+ha ki na/d+ha pa ma hA ri b+he/ ha na pa ra li hi/ sa naM kha ra ta ke lan na/ saM b+hu ta me ka tsa ra sta/ d+ha pa su rgya ta ra a/ ma sha ba ra b+hi hi/ tis g+hu ra la/ ma smin g+hu ti ta ya g+hu ra/ g+hu ra b+ha ra laM/ ga kha la ra na laM/
38b3 i tha ra pa ta laM/ sir rna b+he sa ra laM/ paM ge laM/ sa sA ri rI li lI/ i I/ ma mA/ ra rA/ 'chang ba po'i dgongs pa thams cad rgyas par gyur cig/ gzungs 'di gang yang rung bas bcang na dus ma yin par 'chi
38b4 ba thams cad las ldog par 'gyur ro// sangs rgyas pa'i rtags su sku dang/ gdung dang/ ring bsrel yang 'byung bar 'gyur ro/ sangs rgyas thams cad kyi thugs gsang ba chen po'i rgyud las/ gsang tshig
38b5 gnad kyi le'u ste lnga pa'o//// de nas yang bka' stsal pa/ e ma ho/ 'di ltar gsang ba'i yang gsang nyid// skal ba dman pa'i sems can la// bstan par gyur na lus dang ngag/ me 'bar kha nas khrag tu
38b6 skyug/na rag zug rngu chen po myong// dus gsum sangs rgyas mthu bsdoms pa'i// 'phrin las gsang bar dbang bskur ba// kun bzang chos sku ma rtogs pa'i// dus gsum 'dul don tha dad pa'i/ sangs rgyas
39a1 bye ba dung phyur gyis/'di nyid bstan ma nus re skan// 'di 'dra'i bstan pa dus gsum du// ma byung mi 'byung 'byung mi 'gyur// de yi phyir na gsang ba yin// rang byung yi ge sum cu brgyad// skad kyi
39a2 rigs ltar rang snang yang// bstan pa 'byung byed bskal pa dag/ ban bun phrag yas bsam las 'das// yon tan rdzogs pa'i bskal pa ni// sum cu brgyad du snang ba las// rgyun chad ma mnga' bka' ru
39a3 can// yul la rdzogs phyir de ltar ro// de ltar rang byung gsang tshig 'di// blta ba 'am klog tshe mi med par// bdud phyogs nag po'i mi min dben// de ru gsum po la mchod cing// sa bdag gnyan la bden
39a4 pa sgo// bka' srungs tshogs dang gtor mas bskang// bla ma gsol gdab rang byung la// phyag bya ngo mtshar sems kyis lta// klog par bya ba'ang de dang mtshungs// 'di dag dben par bya ba yang// ci yi phyir na
39a5 lnga brgya yi// tha ma'i sems can log lta dang// phrag dog skur ba'i sems dang 'grogs// bstan pa 'di la skur btab nas// dus gsum sangs rgyas thams cad kyi// sku gsung thugs la brnyas par
39a6 'gyur// skal ba dman pa'i sems can de// zug rngu'i gnas las thar thabs med// mi min nag po'i sems ldan yang// 'di thos tshe na gdug sems de// mes bsregs rlung gis 'thor la sogs// bzod
39b1 med sdug bsngal zin par 'gyur// de phyir mi dang mi min gyis// thos pa'i sa ru bsgrags pa min// dben pa gsang bya de bzhin no// bag yod dran ldan sems kyis chongs// rlung g.yos chu zlog ri rab
39b2 ni// rdul phran bzhin du bsil 'gyur zhing// nyi zla thang lhung bskal pa'i me// 'bar zhing bsreg pa'i dus byung yang// tshig cing byung ba ma yin no// chu go mi gdon 'khor lo gz-ir// rin chen gsang ba chen po'i
39b3 gnas// zur brgyad 'od gsal 'byung ba'i lam// sku yi lam du a tham mo// de ltar 'chang ba sems kyi bu// de ltar byin brlabs klu yis gter/ zhes gsungs so// sangs rgyas thams cad kyi rgyud gsang ba
39b4 chen po'i rgyud las/bcang thabs kyi le'u ste drug pa'o//// de skad ces bka' stsal ba dang/ dpal rdo rje sems dpa' la sogs pa sangs rgyas thams cad dang// byang chub sems dpa' dang/ sems ma dang/
39b5 bka' srungs rnal 'byor ma'i tshogs dang bcas pa rab tu dga' mgu yi rangs te/ bcom ldan 'das rdo rje 'chang gis gsungs pa la mngon par bstod do// sangs rgyas thams cad kyi thugs gsang ba chen po'i
39b6 rgyud/yang dag pa'-i ngang du rdzogs so//// gter nas gter du btsas pa// rgya rgya rgyaHoM AHhU~M////
33b2 / gzhan gyi rjes su 'jug pa'o// dkon mchog skur 'debs chen po la// gzhan la smod pa 'bring po ste// don ma rtogs pa chung ngu'o// ngag 'khyal snang ba'i skabs med do// rgyu mthun 'bras bu ngag 'khyal
33b3 smra// dbang gis rang ma nyan mkhan med// gtan rnams ci smras chol bar 'gyur// ngan song gnas ni gsum char skye// rgod bag ngag gi nyes pas te// 'byung med 'khrug cing bar chad ldang// mi ma yin rnams
33b4 khro bar 'gyur// bsgrub pa'i 'bras bu dus las 'gyangs// brnab sems rang gzhan bde ba la// 'dod sems chags par byed par yin// dbye ba rang la zhen chags dang// gzhan la yod pa thob 'dod
33b5 dang// kun la ser snas bcings pa'o// dkon mchog dkor la brnab pa rdzi// rgyu mthun 'bras bu ser sna che// dbang gis 'bras bu dngul zhing 'phongs// rnam smin longs spyod don med mdzad// yi dwags
33b6 gnas su sdug bsngal myong// gnod sems ngan byed zhe sdang ngo// dbye na rang gnod khro ba dang// gzhan la gnod pa skyel ba yin// spyi la gnod pa gdub rtsub bo// pha ma 'phags la gnod sems lci// rgyu
34a1 mthun 'bras bu bsam ngan 'byung// dbang gi 'bras bu gnod pa byed// rnam smin rang la sdug bsngal 'byung// snang ba dgrar langs dmyal bar ltung// log lta lta ba phyin ci log/ dbye na chos
34a2 dbyings bdag tu lta// dge sdig rgyu 'bras med par lta// thams cad phyin ci log tu lta// bden pa'i don la log lta ci// rgyu mthun log lta che ba dang// dbang gis gang la yid ches mos// rnam smin chos med
34a3 mun par skye// yang na skad cig mnar med ltung// tha mal gti mug rang kha mar// byings rmugs gnyid kyis rig pa 'khrul// bag la nyal gyi las bsags pas// dud 'gro mun pa'i gling du 'khyam// gnyid ni
34a4 'khrul pa'i yang 'khrul lo// de ltar dug gsum nyon mongs rkyen// mi dge bcu yi las spyad pas// dug can khong du zos pa bzhin// mi dge rgyu 'bras smin dus su// ngan song gnas na bzod glags
34a5 med// gnas skabs dge bas phan btags nas// lha mir skyes kyang sdug bsngal spyod// mi dge'i rnam smin bzur thabs med// rgyu gnag 'bras nag mi bzod do// sangs rgyas thams cad kyi bstan pa gzhi'i
34a6 rgyud mchog rin chen spungs pa las// rnam spyod nag po phyogs kyi mi dge rgyu 'bras bstan pa'i le'u ste bdun pa'o//// dag pa la byung kun slong gis// mi dge las bzlog dkar ba'i las// rang bde
34b1 gzhan phan dge ba bcu// gzhan srog 'don cing tshe la skyob// 'bras bu tshe ring nad med dang// mi dang lhar skye mtho rigs 'gro// mi mthun srog gcod spangs pa yin// gong 'og kun la mchod sbyin byed// 'di
34b2 phyir mi 'dzad longs spyod 'phel// tshangs spyod don la gnas par byed// gtsang gnas bud med bzang mo 'thob// bden pa'i gtam gyis gzhan phan smra// ngag la kun nyan gtso bor 'gyur// mi mthun dgra zin
34b3 mthun 'jug sbyor// kun gyis bkur zhing grags par 'gyur// 'jam zhing dngas pas kun tshim byed// lha dang mi yi dbyangs snyan thob// bden pa'i don la yid ches smras// dam chos longs spyod 'bral med
34b4 'byung// chog shes ser sna bral ba yis// chags bral longs spyod che bar 'gyur// phan sems gzhan la mgu che ba// 'gro kun byams shing yid 'ong 'gyur// dag pa'i chos la spyod pa yis// yang dag lta ba
34b5 mchog 'thob 'gyur// mi mthun mi dge bcu sogs yang// mdun dang spyod dang yang dag blangs// khyad par chung 'bring chen po'o// byas dang 'god byed yi rang gsum// 'bras bu mnyam pa nyid du 'gyur// sngon
34b6 byas da byed byed 'gyur gsum// sngar yod da lo phyi lo yis// so nam ston thog dpe mtshon te// 'bras bu che 'bring chung ba yis// 'phel dang ma 'phel ma grub pas// dge kun 'bad pas myur du sgrub// le lo mi
35a1 dge'i bdud kyis khyer// brtson 'grus don kun myur du 'grub// dge ba yar ngo'i zla bzhin 'phel// so so 'bras bu bde bar smin// sems can nyon mongs las dbang song// mi dge ba la ngang
35a2 gis 'bags// dge ba bcu po spyad ka yang// lha dang mi yi sa bon yin// nam mkha'i kha dog dbyibs bral la// nam mkha'i mdog ni sprin gyis 'byed// rnam shes dngos med stong pa la// rang rtsal las kyis
35a3 kha dog bsgyur// mtho ris ngan song gzugs su grub// ma rig las kyi rang gzugs yin// mi dge spangs pas ngan song khegs// dge ba chung dus mi lus tsam// 'bring pos gtsang ma chen po yi// 'khor lo
35a4 sgyur ba nyid du 'gyur// dge ba tshul khrims bzhi bsrungs pas// rgyal chen sum cu rtsa gsum 'thob// rang byung chos tshul bsrungs pa yis// mtshe ma dga' ldan gnas su 'gro// dge che gtsang ma'i khrims
35a5 bsrungs pas// 'phrul dga' gzhan 'phrul dbang byed 'thob// khrims bsrungs byang chub thob pa'i gzhi// 'dul ba'i sde las byung bzhin bsrung// tshad med bzhi ldan gzugs khams ma// rnam par mi rtog
35a6 gzugs med lha// shes rab ldan pa'i 'phags pa'i sa// zag med theg gsum 'bras bu thob// dge ba des mtshon dge ba kun// bsod nams ye shes bsngos pa na// dam pa gnyis kyang thob par
35b1 'gyur// gzhan gyi 'bras bu lta ci smos// sangs rgyas thams cad kyi bstan pa gzhi'i rgyud mchog rin chen spungs pa las/ rnam par dkar ba las kyi 'phen pa'i le'u ste brgyad pa'o//// snang ba sems las
35b2 byung ba'i phyir// mdangs sum rmis pa'i rmi lam bzhin// bde sdug gnyis kyi legs nyes de// dge sdig rtog pa'i rang gzugs yin// sems dge chos rnams thams cad dge// sems mi dge na kun mi
35b3 dge// mnar med dmyal ba su yis byas// sdig sems yin pas rnam smin byung// ma yin 'brel med rnam smin bral// mi dge gzhan la dgod du med// dge ba gzhan gyis 'phrog tu med// rang gis las byas
35b4 rang la 'ong// rang nyid khong du dug zos pas// 'bras bu gzhan la mi smin te// rang dug rang la zug rngu ldang// che la che la 'bring la 'bring// chung ba chung ba'i dug bzhin du// rang gis mi dge gang byas
35b5 pa// gzhan la mi 'byung rang la ni// de dang de 'bras sdug bsngal 'byung// rnam smin 'bras bu bcos su med// rgyu yi dus na yong ba yin// rang nyid tshad pas gdungs pa'i dus// btung bas skom pa sel ba
35b6 yin// gzhan skom pa la de mi 'byung// de bzhin dge ba'i lan stobs kyang// rang gis byas pa rang la smin// rang sems dge bas thar pa thob// snga ma'i rgyu yis phyi ma'i don// 'bras bu rim gyis cig car
36a1 'byung// so nam sgyu ma'i ston thog mtshungs// dge sdig rgyu 'bras mi 'dre ste// rnam par smin pa so so yin// dkar po dang ni nag po gnyis// gcig pa ma yin so so min// dper na ldum ra gcig
36a2 gi nang// sa bon dug btab dug tu skye// 'bras bu sman du 'gyur mi srid// de bzhin kun tu rtogs pa'i sems// mi dge ba las sdug bsngal 'byung// bde ba 'byung ba srid ma yin// sa bon sman las 'bras bu
36a3 smin// dug tu skye bar ga la 'gyur// dge ba las ni bde ba thob// sdug bsngal ba ni yong mi 'gyur// sdig pa chung yang mi brnyas spang// rdul phran bsags pas ri rab tsam// dge ba chung yang mi spang
36a4 blang// chu thigs bsags pas rgya mtsho tsam// nyi zla thang la lhung yang srid// chu ni me ru 'gyur yang srid// las kyi rgyu 'bras bslu mi srid// dge sdig rnam pa so so la// chung ngu nas ni chen po'i bar// zer sogs
36a5 cha 'bring dpal sbyang 'bad// skyon gyis ma gos yon tan sgrub// dge sdig sman gyis dug 'joms bzhin// sdig pas dge ba stobs che'o// bzang ngan las kyi byed lugs la// rgyu 'bras mi bslu bden pa'i
36a6 don// dper na dpag bsam sa bon ni// phra mo'i ljan ljen chu bran na// 'bras bu lo ma me tog dang// rtsa ba sdong po cher 'khrungs shing// sbyor dngos rjes gsum tshang ba yi// rgyu gnyis rkyen rnams tshogs pa
36b1 na// 'di phyi gnas skabs ma lus par// bde sdug rnam smin chen po 'byung// mthar thug rgyal sras de bzhin gshegs// bdud sdig mnar med khyad par ltos// dkar nag rgyu rkyen so so la// dge sdig gnyis
36b2 ni mnyam bshad pas// gcig gis gcig gi mgo mnan pas// thab nang gnas pa'i me bzhin du// 'bras bu smin par ma nus pa// gang zhig rkyen dang phrad gyur tshe// bskal pa brgyar song chud mi zos// lus
36b3 can kun gyi las rnams kyi// dus la bab pa'i 'bras bu 'byung// bud med sbrum gang zla rdzogs bzhin// sus kyang 'gag par mi nus so// 'di dang phyi ma bar do ru// las ni grib ma bzhin du 'brang// sdig pa
36b4 mi dge'i rnam smin te// phar la spangs pas tshul la 'khri// bros pa tsam gyis 'ded du 'ong// phyi nas 'ded cing sngon nas bskor// ga ru phyin cing gar bsdad kyang// med pa'i sa phyogs yod ma yin// ci la yang
36b5 ni ma gtogs so// de phyir sdig dang bsngongs pa yi// las la bde ba ga la 'byung// rang srog gcod pa'i sdig gcod 'jigs// ngan song gnas na mu mtha' med// rang sdug rang gis myong ba la// 'phags
36b6 pa'i thugs rjes skyabs thabs med// chos dbyings shin tu dri med kyang// dmyal sogs sdig pa rang snang ste// nyi ma'i 'od la dmus long gis// mun par mthong ba rang gi skyon// nyi ma'i 'od la 'pho 'gyur
37a1 med// thub pa chos kyi sku can la// rag sha glang mgo dmyal ba'i gzugs// las kyi rang gzugs mthong ba yin// rag sha glang mgo dmyal snang med// me chu las kyi 'khrul snang la// rnam smin ma
37a2 zad par de ru// gang gis kyang ni bzlog mi 'gyur// rnam par smin la re ba med// mi dge bya bar su yi phod// 'khor lo sgyur ba la sogs pa// smon cing bsngags pas bstod pa la// bdag nyid dge ba cis mi
37a3 spel// las kyi rgyu 'bras dmigs bzhin rtsis// ngan song g.yang la nyam re nga// lha mi'i gnas na yid re spro// thar pa bsgrub 'dod gyen la snyegs// mig gnyis 'thur la ma dbab cig/ sngon byas las la
37a4 'gyod tshangs gyis// da byed sdig pa srog dang bsdos// dge sdig nyon mongs dang bral ba// 'khor ba 'di nas 'da' mi srid// srid pa'i gnas na g.yang sa che// sangs rgyas thams cad kyi bstan pa'i gzhi rgyud
37a5 mchog rin po che spungs pa las/rgyu 'bras dpe'i le'u ste dgu pa'o//// kun rdzob 'khor ba'i bden pa ni// ma rig bdag gi khang pa nas// ma tshor thang la 'khyams pa yis// srid pa'i g.yang la lhung nas
37a6 su// sdug bsngal rgya mtsho'i chus khyer mtshungs// myang 'das don dam bden pa ni// sdug bsngal 'khrul rtog rba rlabs las// stobs ldan bla ma'i mnyen pa yis// bslab pa gsum gyi grur bcug nas// brtson
37b1 'grus skya bas skam sar bton// byang chub sems kyi khang par bcug/ dgos 'dod longs spyod gter dang sprad// mi 'gyur don gyi bden par brjod// srid pa'i rtse mo man chad nas// mnar med dmyal ba'i
37b2 bar 'di ru// dug gsum ma rig rgyu skyed phyir// khyi yag 'bu srin yan chad kyi// lus blangs snga ma phan chad du// sdug bsngal 'ba' zhig yin par zad// sdug bsngal gnas las ma bzlog na/ 'khor ba rang
37b3 zad mi 'gro zhing// rang ldog byed par mi 'gyur bas// sngar yang zhe sdang sna khrid nas// dmyal ba'i sdug bsngal sbyangs pa'i rtags// ma ning rigs snyam 'jigs pa'i gzugs// tshe thung nad mang gsod la
37b4 dga'// tshig rtsub skad gyong lhang lhang po// skad che bag med sku tsher smra// rtag tu sdangs ltar spu zing byed// rmi lam me 'bar mtshon gyis btsog/ zangs chu khol mar 'tshod pa dang// dbyug pa mtshon cha thogs
37b5 pas 'dod// gcan gzan khyi dang sbrul gyis gtso// rang gi lus la gsal shing 'dzugs// 'bros pa mi shes re nyil 'ong// de ni sngon du skyes pa'i rtags// sdig pa byang ba ma byas na// da dung rgyu mthun de ru
37b6 'gro// rtags su gsod gcod 'jigs sngangs rnams// je mang je spro 'bad pa la// blo mi ldog cing spyod par 'gyur// de las bzlog par bya ba ni// dmyal ba'i rgyu 'bras shes par bya// rgyu log lam nor 'bras
38a1 bu gdug/rgyu ni mi dge che chung 'bring// lam ni de la spyod pa yis// rgyu 'bras dmyal ba'i sdug bsngal 'byung// srog sdom byas pa'i dge spyod mthus// rgyu ldog lam dang 'bras bu 'gog/ de
38a2 bzhin chags sems yi dwags 'khrid// gal te dge bas mir skyes kyang// bkres skom rigs nyams nyon mongs dang// dbang po ma tshang ltogs sred che// skra nag mig khung khro mig dmar// ser sna 'dod che rgyu
38a3 la chags// 'dod pa mi rnyed re ba che// sbyin gnas mthong na log lta skye// rku 'dod mi gtsang zas la dga'// mdog ngan bzhin mi sdug par 'ong// rmi lam gnas med 'khyams pa dang// thang stong nyal zhing rlung
38a4 gis 'khyer// zas skom nor gyis bkres par 'ong// de yi sgrib pa ma sbyangs na// rgyu mthun ma byin len snying 'dod// bzhugs dang sred pa che ru 'gro// phyi ma yi dwags skye ba'i rtags// rgyu ni mi dge 'gog pa
38a5 dang// sbyin gtang dge bas yi dwags bzlog/ gti mug dud 'gro'i gnas su khrid// mi ru skyes kyang de yi rtags// sha che gzugs lhod sbu sna mang// gnyis dang le lo brjod ngas che// sa 'drud rtsa gcod sna
38a6 bslud mang// dbyibs glen lce chung smra mi gsal// chu dang mun khung rdzab la dga'// lus la sbrang 'du bskum nas nyal// ma smin zas dang mang du za// mkha' la snom zhing bab col smra// rmi lam sa yi phug tu
38b1 phyin// mun khung chu nang rdzab tu nyal// rtswa zos dud 'gro'i khrod du bsdad// sbrul dang sbal pas skor ba rmi// de sgrib ma sbyangs rgyu mthun gyis// gtsang sbra med par btsog la spyod// gnyid dang rmugs pa je cher
38b2 'gro// phyi ma dud 'gror skye ba'i rtags// zlog pa mi dge'i las smang zhing// gtsang ma'i tshul khrims rten 'brel 'gog/ phrag dog lha min gnas su 'khrid// mi ru skyes kyang bag chags kyis// khengs shing 'khon
38b3 'dzin 'thab la dga'// lus che mig dkar mche ba rno// nga rgyal che zhing gtum la hus// tshig ngan go cha mtshon la dga'// nyon mongs stobs che blo sna mang// rgyu mthun phrag dog gnod sems che// lha min
38b4 gnas su 'phos rtags te// mi dge spang zhing dge che bsgom// rgyu spangs 'bras bu 'gag pa yin// ngan song gnas nas lha mi thog/ 'dod chags dge bas mi ru 'khrid// mi las 'phos rtags 'phags pa
38b5 brten// dad pa che zhing ngo mtshar 'dzin// mngon rtags snyan grags dge la dga'// ngo tsha shes dang khrel bag che// nyon mongs chung zhing gtong la dga'// bzo dang rig pa'i gnas la mkhas// rgyu mthun dge ba
38b6 dmigs bcas sgrub// de nyid 'gog pa bla ma rten// dge ba dmigs med bsgrub par bya// sbyin pa tshul khrims bzod pa yis// 'dod lha rigs drug gang rung ste// dge ba nga rgyal lha ru 'khrid// de las 'phos
39a1 rtags spyod lam mdzes// rang bzhin 'jam zhing gtsang sbra che// byams sems che zhing glu la dga'// 'phreng byug spos dang rol mo dang// mang po tshogs pa'i khrom la spro// phyug cing longs spyod chos
39a2 la gtong// rgyu mthun spyod lam mkhas su 'gro// skal bzangs chos kyi snod du 'gyur// de nyid chags bral dge ba dang// mi sdug byams dang dga' ba yis// bsam gtan bsgoms pas gzugs khams
39a3 skye// de nyid ma gtogs rtse gcig gi// zhi gnas gzugs med khams su 'pho// 'gog pa'i bsam gtan 'khor ba 'gag/ khams gsum srid pa'i rgya mtsho nas// rigs chad mi khom gnas brgyad ni// sngon gyi
39a4 dge ba chung ngu yis// mi lus thob kyang chos brgyad dga'// sdug bsngal mthong yang zhen mi bzlog/ rnam smin rgyu 'bras la mi 'jigs// sems can sdug la snying mi rje// sangs rgyas chos la yong mi dad// ngo tsha
39a5 khrel med tshul mi gtsang// mi dge ba la ngang gis 'bag/ bla ma mi gus log snang che// yon tan mi dran skyon la rtog/ byas pa drin du mi gzo ba// mi khom gnas su skyes pa'i rtags// dmyal ba'i lam la zhugs
39a6 pa yis// mi lus ngan song sems can yin// 'khor ba mu mtha' med par 'khyams// dper na gser dngul rin chen snod// mi gtsang dri mas gos pa na// snod bcud gnyis ka lcags pa bzhin// chos dbyings
39b1 shin tu zab pa la// ma rig dri mas 'khor bar 'khyams// las kyi sgrib pas ngan song lhung// ngan song sbyang phyir sdig pa'i tshogs// dag byed stobs bzhi'i sgo nas bshags// bden stobs dkon mchog rjes
39b2 dran dang// 'gro la snying rje'i bsam pas su// sngan chad 'khor bar 'khyams pa yi// sdig pa mi dge'i las rnams la// nyes pa slar ldog gnong 'gyod kyis// rnam par sun 'byin zhen log pa'i// 'jigs shing
39b3 dngangs skrag gnyen po ste// btsan pos dbang med las la bskos// 'gal na gshed mas gsod pa la// 'jigs pas yengs thabs med pa bzhin// yengs med ngan song 'jigs pa la// sngar byas las la
39b4 'gyod pa bskyed// phyi ma mi byed dam bca' bsdam// rang bzhin bcas pa kha na yi// ma tho'i las sgrib dag pa'i rtags// lus sems bde zhing dge stobs 'phel// rmi lam khrus byas gyen la 'dzegs// gsar
39b5 pa'i gos gyon nyi zla mthong// mkha' la 'phur dang bshal ba rmi// sdig pa dag rtags ngan song 'gags// dge ba spel zhing snying rje bsgom// nyon mongs rags bcom gtsang gnas 'thob// gtsang ma'i bzod
39b6 brtson tshul khrims kyis// zhen log tshad med bzhi bsgoms pas// khams gsum srid pa'i gzugs 'gags nas// so sor rtogs pa'i 'gog pa yi// ting nge 'dzin la goms byas pas// las kyi sgrib pa zad
byas nas/

CLOSE WINDOW