21b1 / a ti man chad theg pa dgu las khyad par 'phags// zhes gsungs so// nam mkha' nyi zla'i rgyal po mu med mtha' yas kyi rgyud las// spyi ti yang ti khyad par 'phags pa'i le'u ste
21b2 nyi shu rtsa gcig pa'o//// de nas kun byed rang grol gyis// ming med spyi phud ston pa la// nam mkha' nyi zla'i rgyal po mu med mtha' yas rgyud// bdag cag 'dus pa'i 'khor rnams la// rgyud kyi mtshan
21b3 bshad zab par gsung du gsol// ces zhus pa dang// nga yis rgyud kyi don rnams bshad// 'khor rnams ma yengs gus pas nyon// de la rgyud 'di gsum du bshad// nam mkha' rgyal po'i rgyud dang gcig/ nyi
21b4 zla rgyal po'i rgyud dang gnyis// bud med mtha' yas rgyud dang gsum mo// de nas 'khor gyis yang zhus pa// nam mkha' rgyal po'i rgyud kyis ji ltar bshad// ces gsungs pa dang// ston pas 'khor la bka'
21b5 stsal pa// nam mkha' rgyal po'i rgyud kyis ni// dngos po'i gnas lugs mtshon dper gsungs// mu mtha' grol ba'i don rnams bstan// de yang ji ltar bstan zhe na// dper na nam mkha'i rgyal po ni// yod ma
21b6 myong la med ma myong// snang ma myong la stong ma myong// 'dod ma myong la rtsol ma myong// gang ma myong la bri ma myong// zad ma myong la 'phel ma myong// bde ma myong la sdug ma myong// skye ma myong la 'gag ma
22a1 myong// snang ma myong la zhen ma myong// dper na nam mkha' de nyid ni// skye ba med pa gnyis su med pa// rang grol ba// rgyu med pa// rkyen med pa// gnyen po med pa// byed pa pos ma byas pa// skye
22a2 'jig gang gi ngo bor yang mi gnas pa// dus dang rnam pa thams cad du 'pho 'gyur med pa// bzang ngan med pa// yin min med pa// dbye bsal med pa// gnyis su med pa// mtha' dbus med pa// phyogs
22a3 dang ris med par mtha' grol ba// nga bdag dang gzhan snang// gnyis 'dzin las grol ba// dper na nam mkha'i klong nas char ser na bun bu yugs dang// nyi zla gza' skar thog glog sogs// sprin dang khu
22a4 rlangs nam mkha'i cho 'phrul rnams// dang po byung yang nam mkha'i klong nas byung// dwangs kyang nam mkha'i klong du dwangs// sprin dang char ser kha ba na bun la sogs rnams// rang byung rang zhi nam mkha'i ngang du
22a5 dngas// nam mkha' de la than pa sad ser mi sdug mtshan ma byung// so so skye bo nam mkha' dag la smod kyang nam mkha' la ni de yi skyon ma gos// char chu dus phebs lo legs bzang bstod kyang// de la skye bos
22a6 bstod cing bzang bstod yon tan mang brjod kyang// dga' ba'i sems med mi dga' blo las grol// nam mkha' de la bstod pas bzang bar 'gyur ba med// de ci'i phyir zhe na// nam mkha' dngos med mtha'
22b1 bral ba// stod ra smad ra gnyis las grol// yul sems gzung 'dzin bdag gzhan chos las grol// dpe de bzhin sems nyid kyi rang bzhin kyang// dang po rgyu med// bar du rkyen med// tha ma gnyen pos mi
22b2 shig pa// skye ba med pa// 'gag pa med pa// gnyis su med pa// rang grol ba// dngos po med pa// mtshon du med pa// brjod pa las 'das pa// ming med pa// blo las 'das pa// yul med pa// sems med
22b3 pa// bdag med pa// gzhan med pa// gnyis su snang phyogs ris las grol ba// mtha' dbus las grol ba// kha dog lnga med pa// dgra gnyen phyogs ris// chags sdang spong len// dbye bsal dgag
22b4 bsgrub// rtsis gdab bcas bcos// blo byed pa po las yongs su 'das so// mu med mtha' stong ming med mu mtha' grol// nam mkha' rgyal po rgyud chen yin// zhes gsungs so// nam mkha' nyi zla'i rgyal po mu
22b5 med mtha' yas kyi rgyud las// nam mkha' rgyal po rgyud kyi dpe don bstan pa'i le'u ste nyi shu rtsa gnyis pa'o//// de nas kun byed rang grol gyis// ming med spyi phud ston pa la// nyi zla rgyal po'i rgyud kyis
22b6 ji ltar bstan// ces zhus pa dang// ston pas 'khor la bka' stsal pa// nyi zla rgyal po'i dpe yis ni// ka dag 'od gsal ston pa'i dpe ru bstan// dper na nyi zla'i snying po la// sgrib g.yogs ma grub ka nas
23a1 dag/gzhan skyon dri ma med pa'o// sprin dang na bun cis bsgribs kyang// dper na nyi zla'i snying po la// sprin dang rmugs pa sgribs g.yogs ka nas dag/ gti mug mun pa'i skyon gyis ma gos
23a2 so// de bzhin ye dag sems nyid kyang// ka dag ming med mu mtha' grol ba'i rgyu// ma rig gti mug ka nas dag/ bag chags sgribs g.yogs ka nas dag/ yid 'khor 'khrul gsum ka nas dag/ dug lnga dug
23a3 gsum ka nas dag/'byung lnga rlung lnga 'od lnga zer lnga ka nas dag/ 'khrul sgo 'khrul 'bras ka nas dag/ gzugs lnga ma grub ka nas dag/ 'khrul snang 'khor ba ma grub ka nas dag/ rnam rtog gzung 'dzin
23a4 ma grub ka nas dag yul sems dgag bsgrub ma grub ka nas dag/dngos po'i chos rnams ka nas dag/ dgra gnyen phyogs ris ka nas dag/ spong len yin min dbye bsal ka nas dag/ mtha' dbus phyogs
23a5 ris ka nas dag/snang srid 'khor 'das ka nas dag/ 'gyus tshad dran tshad mno tshad ka nas dag/ btags snang chos rnams ka nas dag/ skye snang gsal nyi ma'i rgyud kyis ni// gti mug ma rig sgribs g.yogs
23a6 ka nas dag/'od gsal nyi ma'i snying po'i rgyud// snang gsang nyi ma'i rgyud kyis ni// bag chags sgribs g.yog ka nas dag/ 'od gsal zla ba'i rgyud kyis ni// gti mug mun pa'i dmag rum gtan nas
23b1 sangs// nyi ma shes rab rgyud la zla ba thabs kyi rgyud// thabs dang shes rab yongs rdzogs nyi zla rgyal po'i rgyud// nyi ma skye med ka dag ston pa'i rgyud// zla ba ye shes gsal ba ston pa'i rgyud// theg dgu a ti
23b2 kun las rgyal// des na nyi zla rgyal po'i rgyud// ces gsungs so// nyi zla nam mkha'i rgyal po mu med mtha' yas kyi rgyud las// nyi zla'i rgyud kyi rgyal po bstan pa'i le'u ste nyi shu rtsa gsum pa'o//// de nas
23b3 kun byed rang grol gyis// ming med spyi phud ston pa la// ming med mtha' yas rgyud kyi rgyal po ji ltar lags// zhes zhus pa dang// ston pas 'khor la bka' stsal pa// mu med mtha' yas zab par bshad kyis
23b4 'khor rnams nyon// de yang bsdus don gsum du bshad// snang srid btag snang dngos po'i chos mu med pas mtha' yas yin// rig pa// 'gyu ba// 'dzin pa// sems// blo// dran pa ste// de rnams rang byung ngang
23b5 dang mu med mtha' yas pa yin// kun gzhi// bag chags// sgrib g.yogs// dngos med// ming med brjod med// blo 'das// ming med mtha' yas yin// 'ub kyis bsdus pas// snang ba// rig pa// sems
23b6 su 'dus// snang ba rang grol mu med mtha' yas yin// rig pa ngang dngas shugs grol mu med mtha' yas yin// sems nyid skye med dngos de ming med mtha' yas yin// cang med dngos med mtshon du rdul tsam
24a1 med pas mu med mtha' yas yin// de ltar 'ub bsdus gsum du shes par gyis// bye brag bshad pa mi lang ngo// de ltar ming med mtha' yas rgyud kyi rgyal po yin// zhes gsungs so// nam mkha'
24a2 nyi zla'i rgyal po mu med mtha' yas kyi rgyud las// rgyud kyi rgyal po'i don bshad pa'i le'u ste nyi shu rtsa bzhi pa'o//// de nas kun byed rang grol gyis// ming med spyi phud ston pa la// bdag cag 'dus pa'i
24a3 'khor rnams la// rgyud kyi rgyal po'i mtshan don ji ltar bzung// zhes zhus pa dang// ston pas 'khor la bka' stsal pa// nam mkha'i cho 'phrul nam mkhar sangs pa yis// nam mkha' rgyal po bya bar zung// ka
24a4 dag 'od gsal sgribs g.yogs sangs pa'i phyir// nyi zla rgyal po bya ba'i rgyud du zung// chos rnams ming med mu mtha' grol ba'i phyir// ming med mtha' yas rgyud du zung// dus gsum rgyun du gnas pa'i
24a5 phyir// snying po rgyun chad med pa'i rgyud du zung// theg pa kun gyi rtsa ba ston pa'i phyir// theg pa'i rgyud chen bya bar zung// theg pa kun gyi la 'da'i phyir/ la chen 'das ba'i rgyud du zung// a ti'i gong rgal spyi ti'i
24a6 gnya' gcog pas// bcu rtse thod rgal chen po'i rgyud du zung// zhes gsungs so// nam mkha' nyi zla rgyal po mu med mtha' yas kyi rgyud las// rgyud kyi mtshan bzung ba'i le'u ste nyi shu rtsa lnga
24b1 pa'o//// de nas kun byed rang grol gyis// ming med spyi phud ston pa la// rgyud 'di skal ldan ji lta bu la gtad// ces zhus pa dang// ston pas 'khor la bka' stsal pa// gtad dang gdams pa'i
24b2 gnas bstan gyis// 'khor rnams ma yengs gus pas nyon// rgyud 'di gtad pa'i skal ldan ni// sngon gyis las 'phro skal ba can// sbyangs pa'i 'phro sad theg chen snod// bla ma gtsug khur dam tshig srog bzhin
24b3 bsrung// gdam ngag gter 'chang 'dod yon khar mi gtong// mi 'gyur shes rab che la nor rdzas 'phangs med 'bul// dad can sdig la 'dzem la rgyud 'di dag la gtad// dam nyams snod med nga rgyal dregs
24b4 pa can// che dregs dge smod sdig spyod g.yo sgyu can// rin chen med par g.yo sgyu thabs kyis 'brel// thob nas slob dpon rgyab phyogs man ngag zong du 'tshong// de lta bu yi slob ma la// yul 'khar ster yang
24b5 mi sbyin no// de la byin na dmyal bar 'gro// zhes gsungs so// nam mkha' nyi zla rgyal po mu med mtha' yas kyi rgyud las// snod bzang la rgyud gtad pa dang// snod ngan la mi sbyin pa'i gnas bstan pa'i le'u ste
24b6 nyi shu rtsa drug pa'o//// de nas kun byed rang grol gyis// bstan pa 'byung ba'i dus ni ji tsam na lags// zhes zhus pa dang// ston pas 'khor la bka' stsal pa// yang snying nyi zla'i snying po 'byung dus
25a1 su// sku dang gsung gi bstan pa nub// thugs rjes bstan pa dar ba'i tshe// lnga brgya dus kyi tha ma la// dus ngan zer zhing spyod pa thod rgyal byed// ri khrod gnas pa'i pad+mo grong gser byed// zas
25a2 nor bag tsam phyed du chos 'tshong rdzun gyis 'gengs// gcer bu'i spyod pa grong gseb tho chos 'gengs// gos su khyi thul zas su mi gtsang za// lag char mi thod dbyug pa rtse gsum thogs// rnal 'byor nyams
25a3 can lad mo zas 'dod rnal 'byor byed// de dus yang ti yo ga 'byung// mi thub gsum 'byung rtsod pa me ltar 'bar// btsun chen sde 'khrug sngags pa nang gyes byed// ban sde rnal 'byor chos su rdzogs chen
25a4 dang// theg chen nya mas spyod la bud med chos la dga'// de dus yang ti yo ga 'byung// gser dang gter kun brdol ba'i tshe// de dus yang ti yo ga 'byung// zhes gsungs so// nam mkha' nyi zla'i rgyal po mu
25a5 med mtha' yas kyi rgyud las// bstan pa 'byung ba'i dus bstan pa'i le'u ste nyi shu bdun pa'o//// nam mkha' nyi zla'i rgyal po mu med mtha' yas kyi rgyud rdzogs so//// rgya gar u rgyan gyi slob
25a6 dpon yab med yum med sprul sku 'gro ba'i mgon po// pad+ma'i sdong po las sku 'khrungs pa pad+ma sam b+ha bas bshad cing// bod kyi lo tsa ba ka ba dpal rtsegs kyis u rgyan skad du bsgyur cing gtad la
21b1 phab pa'o/rgya gar skad du/ a kA ma nI ti la ka ka ya kA la tan tra nA ma/ bod skad du/ nam mkha' rnam par dag pa thig le skur gsal gyi rgyud ces bya ba/ ye thog dang po'i bcom ldan 'das dpal kun tu bzang po
21b2 yab yum/rang byung rig pa'i lha tshogs la phyag 'tshal lo// 'di skad bdag gis bstan pa'i dus gcig na/ chos nyid gzhi snang sku lngar gsal/ dbyings rig gnyis med phyogs mtshams med// gud du ma bcad
21b3 stong gsal snyam// ye ni ji bzhin sangs rgyas so// 'di skad bdag gis thos pa'i dus gcig na/ mthong ba'i yul med gting dpag dka'// brjod pa'i tshig med dmigs su med// stong zhing bdag mang mkha'
21b4 ltar dag/byas pa'i gnas med thig le tu// skye gzhi'i sku med zhi khro gsal// smon lam ma 'dus 'khor rnams la// brjod med lhun gyis grub pa'i chos// ngang gdangs chen por stong zhing gsal// ye shes lnga
21b5 ni ma 'dres pa'o// nam mkha' rnam par dag pa thig le skur gsal gyi rgyud las/ gzhi phun sum tshogs pa drug gleng ba'i le'u ste dang po'o//// de nas gsang ba'i bdag po yis// kun bzang rdo rje 'chang chen
21b6 la// gus pas thal mo sbyar byas te// spyan sngar 'dug ste tshig 'di gsol// yul dang gnas dang ston pa dang// 'khor dang chos dus gsung du gsol// ston pa kun bzang rdo rje 'chang// gsang ba'i bdag la
22a1 bka' stsal pa/gsang bdag ltos dang e ma ho// yul ni nam mkha' rnam par dag/ stong pa nyid ni yul du che// gnas ni thig le stong pa sgron// mu khyud lnga ldan gnas su che// ston pa kun bzang
22a2 rigs lnga la// sems dpa' sems ma 'khor du che// chos ni stong gsal bde bar ston// ngo bo rang bzhin thugs rje che// dus ni bla ma slob chos ldan// smin grol nyams 'phel zag bcas sangs// snod bcud
22a3 zhi khros rgyas pas che// zhes nam mkha' rnam par dag pa thig le skur gsal gyi rgyud las/ yul gnas ston pa 'khor chos dus phye ba'i le'u ste gnyis pa'o//// kun bzang rdo rje 'chang chen la// gsang bdag
22a4 yang na 'di skad gsol// yul gnas ston 'khor chos dus kyi// gnas lugs 'khrul lugs grol lugs gsungs// de nas kun bzangs rdo rje 'chang// gsang ba'i bdag la bka' stsal ba// chos nyid stong pa
22a5 mu khyud can// thig le lngar gsal rigs kyi 'khor// ma 'dres bde gsal mi rtog chos// ma phye mi phye 'byed med dus// de ni dang po'i gnas lugs so// gsang bdag yang ni legs par nyon// yul gnas
22a6 ston 'khor chos dus ni// gzung ba'i yul gyur 'dzin sems 'gyus// mkha' rlung chu nas sa rim chags// gzugs med gzugs khams 'dod khams ni// khams gsum sems can bzang ngan las// skye bzhi
22b1 gzugs kyis longs spyod pa// yul gnas snod gyur ston 'khor bcud// chos dus sems kyis snod bcud 'brel// chags gnas 'jig stongs skye 'chi can// skyid sdug chags sdang rmongs gsum 'khrul// de ni
22b2 gnyis pa 'khrul lugs so// gsang bdag yang ni legs par nyon// snod bcud sems can thag chod cing// sems nyid stong pa ngo shes na// yul gyi gzung 'dzin chos skur grol// snod nyid thig le thag chod
22b3 cing// bcud nyid ston par ngo shes na// snod bcud gzung 'dzin longs skur grol// chags sdang chos su thag chod cing// skyid sdug rang grol ngo shes na// chos dus gzung 'dzin sprul skur grol// de na gsum pa
22b4 grol lugs so// zhes nam mkha' rnam par dag pa thig le skur gsal gyi rgyud las/ gnas lugs 'khrul lugs grol lugs kyi le'u ste gsum pa'o//// kun bzang rdo rje 'chang chen la// gsang bdag yang
22b5 ni 'di skad gsol// nam mkha' ji ltar rnam par dag/ thig le sku ru gsal ba ci// rgyu dang 'bras bu'i khyad par gang// gang zag blo la ji ltar bstan// kun mkhyen gtso bos gsung du gsol// de nas kun
22b6 bzang rdo rje 'chang// gsang ba'i bdag la bka' stsal pa// kye kye gsang ba'i bdag po nyon// phyi nang gsang ba'i nam mkha' ni// stong gsal chen por rnam par dag/ stong gsal thig le mu khyud can// gnas
23a1 lugs rtsal gyi sku ru gsal// rgyu ni nam mkha' 'dra ba la// 'bras bu nyi zla shar dang mtshungs// rgyu yi mthu drug stong pa nyid// snying rjer ldan pa der shes bya/ 'bras bu ye shes thig le'i sku// de la
23a2 'jug pa de nyid dang// gang zag blo la de ltar ston/ rgyu dang 'bras bus gcig rtog pa/ thig le nyag gcig kun tu bzang// zhes nam mkha' rnam par dag pa thig le skur gsal gyi rgyud las/ nam mkha' rnam
23a3 par dag pa thig le skur gsal ba dang/rgyu dang 'bras bu'i khyad par gang zag blo la bstan tshul gyi le'u ste bzhi pa'o//// kun bzang rdo rje 'chang chen la// gsang bdag yang ni 'di skad gsol/ kun bzang rdo rje
23a4 'chang ba nyid// phyi yi nam mkha' gang la bgyi/ nang gi nam mkha' gang la gnas// gsang ba'i nam mkha' ji lta bu// kun bzang rdo rje 'chang gis gsungs// rdo rje 'chang gis bka' stsal pa// kye kye gsang
23a5 bdag rdo rje 'dzin// phyi yi nam mkha' srid pa stong// dmig dag rig pa de la gtad// nang gi nam mkha' rtsa sbug stong// rlung nyid dal nyon 'gro 'ong 'chang// gsang ba'i nam mkha' sems nyid stong// 'gyu ba
23a6 rtog pa'i 'char ngo shes// a ka ma ni// zhes nam mkha' rnam par dag pa thig le skur gsal gyi rgyud las// nam mkha' phyi nang gsang ba gsum gyi le'u ste lnga pa'o//// gsang bdag yang ni 'di skad
23b1 gsol// phyi yi thig le gang la bya/ nang gi thig le gang dang gang/ gsang ba'i thig le gang yin gsungs// rdo rje 'chang gis bka' stsal pa// kye kye gsang bdag rdo rje 'dzin// phyi yi thig le srid pa'i
23b2 bcud// len thabs shes na tshe la dbang// nang gi thig le byang sems gnyis// dbu mar 'dres na he ru ka/ gsang ba'i thig le rig stong mdangs// 'od lnga nyag gcig shes rab dmig/ ti lA sarbaH zhes nam
23b3 mkha' rnam par dag pa thig le skur gsal gyi rgyud las// thig le phyi nang gsang gsum gyi le'u ste drug pa'o//// kun bzang rdo rje 'chang chen la/ gsang bdag yang ni 'di skad gsol// phyi nang gsang ba'i sku
23b4 ni gang// kun bzangs rdo rje 'chang gis gsungs// rdo rje 'chang gis bka' stsal ba// kye kye gsang bdag rdo rje 'dzin// phyi yi sku ni 'jig rten khams/ phra rab rdul nas chags gnas 'jigs// nang gi sku ni
23b5 sems can du// skye bzhi lugs su chags gnas 'jigs// gsang ba'i sku ni rig pa'i lha// ye shes sku ru stong gsal gnas// sarba kA ya zhes nam mkha' rnam par dag pa thig le skur gsal gyi rgyud las// sku
23b6 phyi nang gsang gsum gyi le'u ste bdun pa'o//// kun bzangs rdo rje 'chang chen la// gsang bdag yang ni 'di skad gsol// phyi nang gsang ba ji ltar gsal// kun bzang rdo rje 'chang chen gsungs// rdo rje 'chang
24a1 gis bka' stsal ba// kye kye gsang bdag rdo rje 'dzin// phyi yi sku ni thig ler gsal// nyag gcig 'dus ma byas pa'i snod// nang gi sku ni zhi khror gsal// skye rdzogs blos ma byas pa'i
24a2 bcud// gsang ba'i sku ni rig mkhyen gsal// 'khor 'das gzung 'dzin ka dag pa// sarba ti la kA ya ka lA/ zhes nam mkha' rnam par dag pa'i thig le skur gsal gyi rgyud las// phyi nang gsang ba gsum
24a3 gsal ba'i le'u ste brgyad pa'o//// caN/ ga/ kun bzang rdo rje 'chang chen la// gsang bdag yang ni 'di skad gsol// chos nyid mkha' la ma 'gags pa'i// sna tshogs las snang 'char tshul ci// sku dang
24a4 gsung dang thugs dang ni// yon tan 'phrin las dkyil 'khor gang// kun bzang rdo rje 'chang chen gyis// mos pa'i 'khor la bstan du gsol// rdo rje 'chang gi bka' stsal pa// kye kye gsang ba'i bdag po
24a5 nyon// sgrib mang chos nyid mkha' la ltos// dbang po'i dngos nyams bsam mi khyab// g.yang sa mtsho dang bskal pa'i me// 'dam rdzab mi gtsang rnag khrag mtshon// rigs drug zhing khams skad dang
24a6 gzugs// mdzes sdug gzugs ni mi srid srid// bla ma smag tshogs bya bong gi/ DA ki skyes pa bud med phyugs// sdom sdig nya sbal sbrang dang 'bu// sgra dri ro re me rdog 'od// mun ba rlung dmar che chung
24b1 yas// dmar ser dud ka mchun smug kyang// 'jigs shing skyi g.ya' sngangs skrag 'dar// dbang med yid g.yos gar kyang sleb// ma 'gag sna tshogs shes ma shes// gcig tu ma nges rmi lam 'dra// gnyis su
24b2 mi rtag sgyu ma'i tshul// sarba karma ka lA/ zhes nam mkha' rnam par dag pa thig le skur gsal gyi rgyud las// sna tshogs las snang 'char tshul gyi le'u ste dgu pa'o//// kun bzang rdo rje 'chang chen la// gsang
24b3 bdag yang ni 'di skad gsol// sku gsung thugs dang yon tan dang// 'phrin las dkyil 'khor lhun grub pa'i// zhi ba'i dkyil 'khor gsung du gsol// rdo rje 'chang gis bka' stsal pa// e ma gsang bdag
24b4 skal bar ldan// dmigs med chos nyid mkha' la ltos// smig sgyu du ba srin bu'i ma// lbu ba rnga mdun chu thig zhag/ nam langs 'bur dang me long mdongs// mar me nyi zla 'ja' tshon gud// rlung gi 'byin 'jug
24b5 'gro 'ong med// 'gyu ba dwangs sangs gzung 'dzin bral// sgo lnga yul gyi zhen pa stongs// zas gos 'dod pa'i blo dang bral// phyogs 'dzin chos rnams gnyis su 'grel// dad mos snying rje dmigs med
24b6 mnyam// phyi nang med pa'i dbyings 'od la// sku yi dkyil 'khor thig le dkar// gsung gi dkyil 'khor thig le dmar// thugs kyi dkyil 'khor thig le mthing// yon tan dkyil 'khor thig le ser// 'phrin
25a1 las dkyil 'khor thig le ljang// dkar dang shin tu dkar ba dang// mchog tu dkar dang tshad med dkar// dpag tu med par dkar ba ni// me long lta bu'i ye shes lnga// dmar dang shin tu
25a2 dmar ba dang// mchog tu dmar dang tshad med dmar// dpag tu med par dmar ba ni// so sor rtog pa'i ye shes lnga// mthing dang shin tu mthing ba dang// mchog tu mthing dang tshad med mthing// dpag tu med
25a3 par mthing ba ni// chos kyi dbyings kyi ye shes lnga/ ser dang shin tu ser ba dang// mchog tu ser dang tshad med ser// dpag tu med par ser ba ni// mnyam pa nyid kyi ye shes lnga/ ljang dang shin tu ljang ba
25a4 dang// mchog tu ljang dang tshad med ljang// dpag tu med par ljang ba ni// bya ba grub pa'i ye shes lnga// ye shes nyi shu rtsa lnga yis// thig le mu khyud lngas bskor nang// kun bzang rnam snang snang mtha' yas// mi
25a5 bskyod rin 'byung don yod grub// skyil krung mnyam gzhag mchog sbyin nyid// mnyam gzhag sa gnon mchod sbyin dang// skyabs spyin phyag rgya phyag mtshan thugs// kun tu bzang mo dbyings phyug ma// gos
25a6 dkar spyan ma mA ma ki/sgron ma lus dang grib ma bzhin// ma 'dres yab yum gnyis med bde// sems dpa' brgyad dang sems ma brgyad// sgo bzhi yab yum thub pa drug/ sku dang gsung dang thugs dang
21b1 ni/skar ma dpag tshad re re ste// thams cad gzhal yas khang yin yang// de'i lha tshe zad 'chi ba'i dus// gzhal yas khang zhig rgya mtsho'i nang// skar mda' ltung zhing klu rnams bkrag/ 'di
21b2 rnams mi lo lnga bcu zhag/gcig tu rtsis pa'i zla zhig ni// rang lo lnga brgya tshe yi tshad// de nas mi dang lha yi tshad// nyis 'gyur nyis 'gyur rim bzhin no// sum cu rtsa gsum skye ba'i rgyu// dgra bcom pha ma mchod
21b3 byed cing// tshul khrims skyon med sbyin pas 'grub// brgya byin lha yi dbang po la// bye ba stong gi lha mos mchod// lhun po'i rtse mo brgyad khri'i steng// grong khyer chen po blta na sdug/ bye ba'i dbus na chos bzangs
21b4 gnas// rnam par rgyal ba'i khang bzangs ni// dpag tshad lnga brgya rin chen gyi// gzhal yas nyi zla'i 'od bas gsal// dpag med dga' ba'i tshal rnams dang// rin chen rdzing bu du ma rnams// me tog tshogs
21b5 kyi ra bas brgyan// bung ba bya rnams mang pos gang// dri zhim ngad ldan mtshungs pa med// rin chen bye ma brdal ba'i steng// khang bzangs brtsegs pa dpag tu med// tshal dang nye ba'i tshal rnams dang// dus
21b6 dang dus min zas dang gos// lha yi rgyan rnams yid bzhin 'byung// rma bya ngang pa rta dang glang// lha yi byol song dga' bas rtse// lha yi bu mos dga' bas mchod// de sras lha kun bde bas khyab// nye dbang sum
22a1 cu rtsa gnyis rnams// lha gnas grong khyer nyams dga' bar// kha dog gzugs mdzes phun sum tshogs// thams cad rin chen sa gzhi la// gzhal yas khang mdzes skyed tshal dang// rin chen rdzing
22a2 bu spos dang ldan// me tog sna tshogs rab bkra zhing// ljon pa 'bab chu mdzes ldan dang// bza' btung rin chen snod rnams dang// rin chen khri gdan bkra ba'i gos// 'od ldan rgyan kun bsam pas
22a3 'grub// bu mo mdzes ma du mas mchod// dus 'da' yul lnga'i dga' bde spyod// nyi zla bas lhag 'od 'bar mas// nyin mtshan cha ni gnyid mi gnyid// me tog kha ni 'byed 'dzums dang// bya skad sgrog mi sgrog
22a4 gis 'byed// lha dag gnas ni de rnams kyi// shar phyogs shing rta sna tshogs tshal// rtsub 'gyur lho la 'dres tshal nub// dga' bas brgyan pa byang na yod// byang shar yongs su sa brtol shing// lho nub khrus kyis
22a5 rdzing bu dang// nub byang a mo la ki rdo// shar na chos bzangs mdun sa yod// mtha' la lag na rdo rje'i gnas// thugs rje las byung rnga bo che// lha min gdug rtsub bzlog pa yis// gzugs med chos kyi sgra
22a6 sgrogs yod// gnyis gnyis 'khyud nas dbang po sprad// ma yi mngal du zhag bdun gnas// byis pa lo drug lta bu skye// de tshe ma mthong yul mthong bas// ngo mtshar yid g.yo brtags dpyad byed// rgyu de sngon gyi
22b1 dge bar shes// dga' zhing yi rang bag dang ldan// lus kyi tshad ni rgyang grangs gcig/ skyes nas zhag drug bar du rdzogs// lha mo mdzes ma mang du 'byung// bde ba'i longs spyod tshogs kyis mchod// bag med
22b2 sred pas skye gnas brjed// bslar zhing sred pas dus 'da' med// dge ba'i las zad tshul min gyis// lha yang sdug bsngal shin tu che// 'jig rten gnas kyi mchog yin yang// 'phags pa ma gtogs sdug
22b3 bsngal bas// longs spyod sred pa'i le lo yis// thar lam bral te tshe zad dus// rang lo stong phrag gcig thub nas// lha yi nye ba'i 'chi ltas lnga// 'dod log skyes pas lha mo rnams// gzhan gyis khyer zhing
22b4 'bros par byed// khang bzangs rnams kyang 'jig la khad// mdzes pa'i me tog 'phreng ba brnyings// 'od kyang sngar bas chung du 'gro// gos dang rgyan gyi kha dog nyams// nges par 'chi ba'i rtags lnga
22b5 las// bza' btung thams cad rul ba dang// lus la 'od med dri ngan 'byung// mi snyan sgra thos grogs kyis 'bor// khang bzangs bstan yang 'jig par 'gyur// mig mi phyed cing 'dzum par 'gyur// sngon
22b6 chad med pa'i sdug bsngal 'byung// a tsa ma yi smre sngags 'don// kye ma kyi hud 'dre log byed// zhag bdun bar du sdug bsngal myong// dmyal ba bas kyang sdug bsngal che// sngon gyis bsod nams ma
23a1 yin pa'i// las kyi 'bras bu 'thur du lhung// de mthong sdug bsngal bsran mi bzod// de phyir thar pa ma thob na// lha yi bde ba sdug bsngal dngos// 'di la su zhig smon par byed// lhag pa'i tshul
23a2 khrims rnam pa bdun// khyad par 'dod log spangs nas su// pha ma nad pa chos smra la// longs spyod byin zhing chos 'tshol ba// ri rab nas ni drug 'bum khri// brgya stong steng gi nam mkha' la// rlung gis rin chen
23a3 sprin phung bteg/de stengs mtshe ma'i grong khyer ni// rab mdzes nyi shu rtsa bdun ni// thams cad rin chen ri mchog steng// sum cu rtsa gsum gnas gzhi la// de las bcu drug 'gyur gyis 'phags// dge ba'i
23a4 las kyi mthu yin te// de bzhin gnas rim de dag kyang// rin chen lnga las grub pa ste// mtho ba dpag tshad stong phrag la// dri med shel ltar 'od gsal zhing// rin chen ljon pa bkra ba la// bza' btung gos
23a5 dang rgyan rnams ni// bsams pa tsam gyis 'byung bar 'gyur// rin chen me tog du ma dang// bya dang bung ba sgra snyan 'byin// bsam gyis mi khyab tshal bcas dang// rin chen khang pa brtsegs pa'i nang// lha bu re
23a6 la lha mo stong// mdzes pa'i rnam 'gyur sil snyan sgra// dri zhim ngad ldan bde ba myong// rma bya ngang pa shing rta zhon// ri bo'i ngos dang mkha' la 'gro// 'phags pa'i bya rnams chos sgra sgrogs// bskul yang sred pa'i
23b1 dbang du 'gro// mi rtag de yi don mi rtogs// bag med 'dod pa lnga la zhen// de na rgyal ba'i thugs rje las// rabs bdun rgyal ba'i mchod ten yod// rin chen bdun las byas pa yi// mdo rnams lha dbang
23b2 ston par byed// de yis bsod nams ldan pa'i lha// bag yod chos spyod gong du 'phags// lus sems can na myob pa las// mdzes ldan 'khyud pas 'khrig tshim byed// byis pa lo bdun lon 'dra skye// sngon gyi
23b3 skye gnas rjes su dran// rgyang grags gcig dang bzhi cha gcig/ zhag lngas tshad lus rdzogs pa yin// bag med spyod pas skye gnas 'grib// bag med lha rnams longs spyod bslus// sngon gyi dge zad bde skyid
23b4 nyams// ngal dub yul 'gags 'khor gyis spangs// lus 'dor yid skrag 'chi ltas 'byung// 'og tu ltung ste dmyal bas gtug/ lha la smon pa'i bsam gtan 'khrul// rang lo nyis stong tshe tshad rdzogs// de
23b5 las khyad 'phags dga' ldan ni// sbyin sogs tshul khrims dag par bsrungs// chos la sems pa'i byams pa yis// lta bas yid smon byas pa yis// dga' ldan gnas nyid nyams dga' ba// dri med 'od kyi
23b6 gzhal yas khang// sna tshogs mdzes pa reg na bde// lha'i bu dri med zla mdzes la// re re lha mo 'bum phrag bskor// yid 'ong mdzes pa'i sgra dbyangs kyis// mchod byas bde ba dpag tu med// rin chen sna
24a1 tshogs sa gzhi la// bdud rtsi chu bsil rdzing bu mdzes// me tog kha dog dpe legs brgyan// tshal mchog dgos 'dod char bzhin 'bab// rin chen lhun po sna tshogs la// ljon shing bya tshogs du
24a2 mas gang// snyan pa'i sgra 'byin bar snang las// sil snyan chos kyi rnga sgra sgrogs/ khang bzangs rin chen them skas can// dril bu g.yer kha'i dra bas mdzes// dri zhim spos kyi ngad ldan zhing// rin chen shing rta zhon
24a3 nas su// glog 'gyu tsam gyis gar 'dod bgrod// tshe rabs snga ma dran pa yod// de na sngon gyi smon lam mthus// 'phags pas sprul pa'i lha rnams yod// rgyal sras mi 'pham mgon po bzhugs// byang chub lam
24a4 la 'god par mdzad// phyogs bcur sprul pa bsam mi khyab// bde ba che la lha rnams bskul// 'khor lo bskor ba bla na med// 'dod pas myos pas lha rnams ni// lag bcangs reg pa tsam gyis tshim// zhag
24a5 bzhi lo brgyad tshul gyis skyes// lus tshad rgyang grags phyed dang gnyis// mngal nas dus bzhin tshad lus rdzogs// de tshe sngon gyi dge dran spyod// bsod nams ldan rnams pad+ma la// rdzus skyes ting nge 'dzin la
24a6 gnas// tshe lo stong phrag bzhi thub bo// rang gi rtsol ba'i nga rgyal gyis// rkyen las ma ltos rang 'khrul ba'i// sbyin sogs tshul khrims dge ba rnams// sngon las lhag pa'i 'bras bu yi// 'phrul dga'i lha dbang
24b1 'khor bcas rnams// brgya byin 'bum pas bde stobs lhag/ rin chen sna tshogs sa gzhi la// ri bo ljon shing me tog dang// skyed tshal sna tshogs mdzes par bskor// gzhal med khang chen khri stan dang// dri
24b2 mchog gdugs dang ba dan dang// gos dang 'phreng ba rgyan rnam pa// rol mo sil snyan du ma dang// zhal zas ro brgya ldan pa'i bcud// rang gis bsams pa tsam las su// 'dod pa rang gi sprul pa ste// lha mo
24b3 'bum phrag mang po dang// rgod cing reg pas yid tshim byed// lag tu me tog gtad pa tsam// zhag gsum pad+ma'i nang nas su// lo dgu lon pa lta bu skye// lus tshad rgyang grags phyed dang gnyis// zhag gsum
24b4 rdzogs te sngon la dran// dpag med 'dod yon lnga spyod cing// dregs pa'i nga rgyal zhen pa rnams// stobs ldan bdud dbang rigs su 'gyur// de rnams lha dbang zlog par byed// dga' ldan gnas las khyad 'phags kyang//
24b5 'phags pa ma yin lha rnams tshal// 'dod yon bde la sred pa yis// sngon gyi dge zad dus 'das te// nye dang ring ba'i 'chi ltas bcu// byung ste nyams nas ngan song lhung// tshe ni rang lo stong
24b6 phrag brgyad// 'dod pa gzhan gyi ster ba yi// gzhan 'phrul dbang byed skye ba'i rgyu// sbyin dang tshul khrims bzod la sogs// ma nyams skyon med bsrungs ba'i mthus// 'chi kha dag pa'i sems ldan
25a1 rnams// khyad 'phags lha yi rigs su skye// 'chi khar log ltas mtshams sbyor ba// bdud rigs rnams su skyes pa yis// de 'bras mnar med gnas su 'gro// log lta spangs pa'i dge ldan
25a2 pa// gzhan la dbang byed stobs dang ldan// dbang sgyur lha yi gzhal yas khang// rin chen bye ma brdal ba'i ljongs// ri bo brtsegs pa'i steng na// kun gsal 'od kyi khang pa ni// gru bzhi gru mang them skas
25a3 dang// skar khung ba gam du mas mdzes// lha yi rol mo du mas spras// gser dngul shel dang baiDUr+Ya// mar gad rA ga sbug la sogs// spel legs 'ja' tshon 'od kyis brgyan// skyed tshal rdzing bu me tog
25a4 bcas// gar 'dod rdzu 'phrul yud kyis 'gro// bza' btung gos dang rgyan mchog dang// dri mchog phye ma 'phreng ba dang// sil snyan snyan pa'i sgra dbyangs kun// 'dod khams kun las 'di nyid lhag/ khang
25a5 bzangs la sogs lha mo rnams// re re 'od dang kha dog gzugs// mdzes pa'i glu gar rtsed mo rnams// 'jig rten gsum na ma mchis pas// chags phral mgon po ma gtogs pa// 'di la mi sred su zhig
25a6 'ong// ltas pa tsam gyis 'khrig pas tshim// lag mthil me tog pad+ma'i nang// bu tsha lo bcu'i rnam pa skye// lus kyi tshad ni rgyang grags gnyis// zhag gnyis nang du tshad lus rdzogs// sngon shes sngon gyi dge ba
dran/

CLOSE WINDOW