12a4 / mu mtha' yas pas lta rgyu med// gting mtha' grol bse bsgom rgyu med// bya ba thongs pas spyad rgyu med// blo las 'das pas thob rgyu med// ming med rtogs pas tha snyad med// dngos med
12a5 rtogs pas dngos po med// ka dag rtogs pas bsrung du med// byar med rtogs pas 'phrin las med// bgrod med rtogs pas sa lam med// de dag rtogs pas sbyang du med// rang nyid yin pas gzhan ma
12a6 re// ye nas bsgrubs pas da mi bsgrubs// ma btsal rnyed pas gzhan mi 'tshol// kye ho skal ldan rigs kyi bu// ming med mtha' bral rtogs 'dod na// bya ba'i chos rnams btang ba ni// mu mtha' yas par
12b1 zhugs pa'i mchog/snang srid 'khor 'das dngos po'i chos rnams la// rig med sems med gang la'ang yid mi 'gyu// chos rnam kun gyi bya ba btang ba ni// rtsol bsgrub thag bcad mu mtha' grol ba'i
12b2 klong// 'jug sgo lta sgom spyod 'bras rtsol bzhag la// gtad med bsam med byar med blo las 'das// de ltar rtogs pa'i skal ldan la// mtshon med dngos med chos med bshad du rdul tsam med// mu med
12b3 mtha' yas theg pa'i grub mtha' med// gting yangs mtha' stong blo zad chos kyang med// gting zad mtha' grol yid smon sangs rgyas med// kha gting ye nas med pas blo yi yul las 'das// gdams pa tshig
12b4 bzhis 'di ltar rang sangs rgyas// 'di don sus rtogs ming med mtha' bral rtogs// de ltar sus rtogs sangs rgyas kun dang mnyam// kye// e ma skal ldan rigs kyi bu// ming med mtha' bral rtogs 'dod
12b5 na// yul rnams dgag bsgrub ma byed rang sar zhog/ rig pa rtsis gdab ma byed dbye bsal med par zhog/ sems la rtsis gdab ma byed 'dod rlom med par zhog/ snang ba thams cad rang snang zhog/ rig
12b6 sems 'byung 'jug med par zhog/gnas lugs blo 'das ming med chen por zhog/ btags snang chos rnams ming med mtha' bral zhog/ ces gsungs so// nam mkha' nyi zla'i rgyal po mu med mtha' yas kyi
13a1 rgyud las// ming med mtha' bral rtogs thabs kyi le'u dgu pa'o//// de nas kun byed rang grol gyis// ming med spyi phud ston pa la// snying po chos skur rtogs thabs la// rtsol bsgrub bya
13a2 rtsal mi 'tshal lam// zhes zhus pa dang// ston pas 'khor la bka' stsal pa// snying po chos sku rtogs thabs la// rtsol bsgrub bya rtsal mi 'tshal te// rtsol bral dal bar bsdad pas chog/ bya ba thong// dal bar
13a3 sdod// lhug par zhog/ 'dod pa skyungs// zhe 'dod che// yid kyi rgyu 'grul ma mang// sems kyi bya ba ma che// lus rtsol bsgrub la ma g.yeng// rig pa thang rgyal du ma btang// kha mu cor du ma smra// spyod pa bab
13a4 bcol du ma byed// lta ba zhe 'dod phyogs ris kyi mtha' la ma bskyur// sgom pa 'gyu ba rnam rtog bying rmugs kyi dgral ma bskur// spyod pa zhen chags rtsol ba'i dgra la ma bskur// 'bras bu re dogs kyi kha la ma
13a5 bskur// kye ho skal ldan rigs kyi bu// snying po chos sku rtogs 'dod na// nam mkha'i dbyings su ltos// rgya mtsho'i klong du nyol// ri bo rmang nas dgyel// lag tu ral gri thogs// gang phrad rtsad nas chod// nyi zla
13a6 sgron mer thogs// mchog rab rtse la sdod// kun gsal 'od khang ltos// rgyal mtshan rtse mor phyor// skyon sol 'phrang chod la// yul gyi dbus su sdod// btsan mkhar bsrungs la zam 'phrang sdoms// gros
13b1 kyi thag chod don gyi rtsa pa zung// rin chen snang gsal 'od kyi khang par sdod// rgyu 'grul ma mang khyil du sdod// 'jigs par dgra la ma skur cig/ bdud rtsi bcud 'thung chos nyid dbyings su nyol// gsang ba
13b2 brda yi gnad go na// gting mtha' yas la mu mtha' grol// chos nyid mtha' stongs don yang rtogs// mtha' bral lta ba'i phugs su bskyol// bsam bral chos nyid klong du grol// bya bral rnal ma sor bzhag
13b3 rtogs// lhun grub re dog rtsad nas chod// thob med 'di ltar rang sangs rgyas// ye shes gting rdzogs mtha' rnams grol// thig le mtha' bral chos sku rtogs// zhes gsungs so// nam mkha' nyi zla'i rgyal po
13b4 mu med mtha' yas kyi rgyud las// rtsol bsgrub bya btsal mi dgos par bstan pa'i le'u ste bcu pa'o//// de nas kun byed rang grol gyis// ming med spyi phud ston pa la// ming med mtha' yas don
13b5 rtogs na// theg pa'i bye brag yod dam med// ces zhus pa dang// ston pas 'khor la bka' stsal pa// mong med mtha' yas don rtogs na// theg pa blos btags rtsol bsgrub yin// zhe 'dod blos btags chos
13b6 kyis sangs mi rgya// de phyir theg pa'i bye brag med// 'on kyang ming med ma rtogs rtog ge'i blo can la// blo dman brod pa bskyed phyir bye brag dbye// sems can dbang po'i khyad par las// blo khyad theg pa dgu ru
14a1 dbye// gdul bya dbang po rab 'bring gsum// phye bas gsum gsum dgu yin no// de 'dul theg pa dgu ru bshad// tha ma gsum la mtshan nyid gsum// 'bring po gsum la kri yog
14a2 gsum// rab kyi rab 'bring gsum la bskyed rdzogs gsum// yang rab spyi ti thod rgal yang ti yo gas bstan// sems can blo 'di ma zad par// theg pa zad par ma gsungs te// 'khrul pa rtogs 'di zad pa
14a3 na// theg pa med cing 'jug pa med// grub pa med cing lta sgom med// rtsol bsgrub med cing tha snyad med// chos rnams med cing bshad du med// mtshon du med cing tha snyad med// blos btags chos rnams
14a4 yod ma yin// theg pa med cing bye brag med// ces gsungs so// nam mkha' nyi zla rgyal po'i rgyud las// theg pa'i bye brag med par bstan pa'i le'u ste bcu gcig pa'o//// de nas kun byed rang grol
14a5 gyis// ston pa'i rgyal po ming med spyi phud la// gsang sngags brda yis ji ltar bshad// ces zhus pa dang// ston pas gsang ba'i brda bstan gyis// 'khor rnams ma yengs gus pas zung// rgwa wa tha hA n+yam// de
14a6 nas a tha b+ho ya hri snying po dra yang snying ya// rang rin chen 'od khang na pra ba ra sarba d+harma thams cad d+ha chos dbyings tu// dz+nyA ye shes na gar si dngos grub sa ma ya klong du thim pas skye med a// yul kun gzhi yangs pa can gyi pho brang bya ba na// rgyal
14b1 rig pa po mngar rang byung ye shes bdag nyon mongs brgyad khri bzhi stong khri rje ba gtsug bstan bya ba la// blon po kha drag dug lnga stong khams thang mar rgyu ba yin pa'i mi lngas bsor ro// rin po che rnam chos nyid dag grub pa'i
14b2 mkha' klong rnam dag gzhal yas khang na// snying po rgyal po kun rig spyi phud bya ba la// yan lag rtsal zer rang byung ngang dngas 'khor kun rig gsal ba'i khye'u chung lngas bskor ro// snying po rang byung gi ye shes dang// 'gong po
14b3 nga bdag mtshon pa'i brda'o// rin po che nyi zla kha sbyor gyi lha ka dag chos nyid khang ni// rin po che shel chos sku dri med gyi sku 'od lham me bzhugs so// chos sku ka dag ye shes mtshon pa'i brda'o// mun pa gti mug bag
14b4 chags kyi sgrib g.yogs g.yung rung gi lha khang na// ma rig pa rgan mo mun nag gi mtho yor bya ba yod do// ma rig pa mtshon pa'i brda'o// la'o che'i la btsas kyi kha na 'gron po mi gcig 'dug pas// phar 'gro tshur
14b5 'ong ngo ma shes te// sangs rgyas dang sems can gyi spyi sa mtshon pa'i brda'o// shul rings thang chad kyi 'gron po la sngon na kha stong gnyis 'dug pas// gar 'gro'i brtol ni ma rnyed do// rig pa 'char sgo dang ma
14b6 rig pa'i 'khrul sgo mtshon pa'i brda'o// kye ma skal ldan grol bar 'dod pa rnams// nam mkha'i dbyings na ci 'dug ltos// rgya mtsho'i nang gi nor bu chongs// g.yas su mtshon cha'i 'khor lo bskor// g.yon du
15a1 nyi zla'i sgron ma thogs// bdud rtsi bcud 'dus khrogs chod gyis// nor gyi snying po snying la chongs// zas kyi snying po khong du chud// yul gyi snying po chos nyid dbyings su sdod// bya ba ma mang snying po'i
15a2 klong du nyol// rgyu 'grul ma mang gdeng chos sa la sdod// 'jigs sar ma 'gro btsan mkhar rtse la sdod// rlung la ma zhon 'phrang chod zam 'phrang sdom// kye ma// a le skal ldan rigs kyi bu// dran nam skyes
15a3 sam// e ma yun rings nad pa blo bur rkyen byung nas// skyes tshad gcig kyang mi sdod shul ring 'gro tsa na// rgyags phye skyel ma 'gro sa'i gnas bdog gam// kye ma de bas da lta dbang yod tshe// zad med rgyags
15a4 phyer sems nyid nor bu chongs// skyel ma bla ma yi dam dam chos tshol// bsun mar rang snang grogs po tshol/ dgra lnga byung dogs gnyen lnga tshol// 'jigs sar rno ba'i mtshon thogs la// khyi phag bya sbrul khra spre
15a5 sod// nam mkha'i dbyings su spo la zhog/ dgra lnga byung na dbang yod skyel mas thul// lam ni 'od lnga'i gsang lam zhugs// gnas khang mu mthal grol bar song// sdod na gting mtha' yas par sdod// nyal na
15a6 kha gting med pa'i klong du nyol// ces gsungs so// nam mkha' nyi zla'i rgyal po mu med mtha' yas kyi rgyud las// gsang sngags brdas bstan pa'i le'u ste bcu gnyis pa'o//// de nas kun byed rang
15b1 grol gyis// ming med spyi phud ston pa la// ming med mtha' yas rtogs pa la// dkyil 'khor lha bskyed mchod bstod dgos mi dgos/ zhes zhus pa dang// ston pas 'khor la bka' stsal pa// ming med mtha'
15b2 yas rtogs pa na// dkyil 'khor lha mchod bstod mi dgos/ dkyil ni gting mtha' yas pa'i dkyil// 'khor ni mu mtha' grol ba'i 'khor// dkyil 'khor ming med mtha' stongs yin// lha ni snying pau rang byung
15b3 ye shes chos kyi sku// ka nas dag pas bskyed mi dgos// dngos med yin pas mchod mi dgos// rang gsal 'od du 'bar bas bsod mi dgos// rang gi lhar ni rang mchod pas// dngos grub skye med ka dag
15b4 rtogs// ston pas rgyal po ming med mtha' bral rtogs// lha yirgyal po ka dag mu mtha' grol// dkyil 'khor rgyal po phyogs bral mtha' rnams grol// dbang gi rgyal po ka dag skye med thob// dngos grub rgyal po
15b5 ming med mtha' stongs 'grub// smon lam rgyal po snying po chos sku thob// sdig bshags rgyal por bag chags ka nas dag// tshogs sog rgyal por chags med mtha' rnams stongs// 'gyod tshangs rgyal por rang
15b6 sems skye med rtogs// zhes gsungs so// nam mkha' nyi zla'i rgyal po mu med mtha' yas kyi rgyud las// dkyil 'khor lha bskyed mchod bstod mi dgos par bstan pa'i le'u ste bcu gsum pa'o//// de
16a1 nas kun byed rang grol gyis// ming med spyi phud ston pa la// dngos po'i gnas lugs rtogs pa na// sdig gnas bshags smon lam dgos mi dgos// zhes zhus pa dang// ston pas 'khor la
16a2 bka' stsal pa// dngos po'i gnas lugs rtogs pa na// sdig bshags tshogs sog smon lam mi dgos so// rang skyon ka nas dag pas sdig sgrib bshags su med// mi dge sdig ma spyad pas bshags rgyu
16a3 med// tshogs gnyis yongs su rdzogs pas bsag tu med// gzhan la mi smon rang la rnyed pas smon lam med// smon pa'i sangs rgyas rang las rnyed// des na smon lam zhes su bshad// ces gsungs so// nam
16a4 mkha' nyi zla'i rgyal po mu med mtha' yas kyi rgyud las// sdig bshags tshogs sog smon lam mi dgos par bstan pa'i le'u ste bcu bzhi pa'o//// de nas kun byed rang grol gyis// ming med spyi phud
16a5 ston pa la// mu mtha' yas pa'i don rtogs na// dbang bskur dngos grub gtor ma tsha chu dgos mi dgos// zhes ston pa la zhus pa dang// ston pas 'khor la bka' stsal pa// mu mtha' yas pa'i don rtogs
16a6 na// dbang bskur dngos grub gtor ma tsha chu med// dbang bskur gtor ma tsha chu byed pa theg pa 'og ma yin// nga yi yang ti mu mtha' yas pa'i don rtogs na// rang dbang rang gis thob pas dbang bskur zhu sa
16b1 med// ming po ming med mtha' bral dbang thob pas// dbang bskur bya ba'i yul dang bral// skye med ka dag chos sku'i dbang thob pas// rdzas dang bum pas bskur bya skur byed med// ming med mtha' stongs
16b2 mu med mtha' yas pas// dbang bskur rgyal po'i mchog tu de bshad do// zhes gsungs so// ming med mtha' stongs mu mtha' grol bas gtor ma gtang sa med// snying po chos sku ka dag lha tshogs la// rtsal zer
16b3 rol pa'i ma mo mkha' 'gros bskor// rang byung ngang dngas chos skyong bsrung ma la// sha khrag zan 'grul gtor ma ma gtong ste// snang srid ma 'dres ngang grol gtor ma gtong// de la gtor ma snod dang rdzas dang
16b4 byin brlabs 'bul ba ni// snod ni snod kyi 'jigs rten khams rnams thams cad yin// rdzas ni skye 'gro nor rdzas dngos po chos rnams yin// de la gtor ma'i byin brlabs ni// ming med mtha' bral mu mtha'
16b5 yas pa na// rig skyes 'gag med snang srid chos rnams kun// rig med rtsal zer dngos po btags snang chos// mu mtha' yas shing gting mtha' grol// snying po rtsal zer gnyis med byin gyis brlabs// ming
16b6 med phyogs bral mtha' rnams grol bar bsngo// skye med mu mtha' grol bar bzhes su gsol// brjod med blo 'das chen por byin gyis rlobs// byin gyis rlob mkhan med de rang sems ka nas dag/ ces
17a1 gsungs so// ming medamatha' stongs don rtogs na// tsha tshwa chu gtor gtang mi dgos// mchod ni gnyis su med par mchod// rang ni rang byung ye shes rten// tsha tshwa rang gis sems la thob// tsha ni
17a2 skye med snying po ste// tsha ni ka dag 'od gsal lo// btab mi gnyis su med par btab// ming med mtha' bral tsha tsha yin// blo 'das tsha tshwa khyad par 'phags// zhes gsungs so// sems kyi chu gtor 'di lta ste/
17a3 chu ni snang ba'i chos kyi dpe// snang ba rang bzhin med pa'i dpe// gtor ni rtogs pa'i byin brlabs te// snang srid 'khor 'das mu mtha' grol bar gtor// chu ni sems kyi mtshan nyid de// mi snang rang bzhin
17a4 yod pa'o// chu la chu bur thim zhing nyon mongs rang grol dngas// snang srid btags chags chos rnams ma lus kun// gtor ni dgag bsgrub spong len med par gtor// chu ni ngos bzung med pa ste// gtor ni
17a5 rang sangs rang grol chen por gtor// ces gsungs so// skye med ka dag gtor ma tsha chu yin// sems nyid tsha tshwa chu gtor khyad par 'phags// zhes gsungs so// nam mkha' nyi zla'i rgyal po mu med mtha' yas
17a6 kyi rgyud las// gtor ma tsha tshwa chu gtor mi dgos par bstan pa'i le'u ste bco lnga pa'o//// de nas kun byed rang grol gyis// ming med spyi phud ston pa la// lta sgom spyod pa mi dgos par// ming med mtha'
17b1 yas rtogs lags sam// zhes zhus pa dang// ston pas 'khor la bka' stsal pa// lta sgom spyod 'bras rtsol bsgrub yin// rtsol bsgrub chos kyis sangs mi rgya// de bas ming med rtogs 'dod na// che
17b2 yang// shes sam// dag gam// med dam// stongs sam// yangs sam// grol lam// 'das lags sam// bskyol lam// ma bltas mu mtha' grol bas lta ba yin// ma bsgoms gting mtha' yas pas sgom pa
17b3 yin// ma spyad mtha' rnams mchod pas spyod pa yin// ma bsgrubs rang las rnyed pas 'bras bu yin// de phyir lta sgom med pa'i lta sgom mchog/ gtad med gzhung med phyogs med tshig las 'das// blos
17b4 btags zhes 'dod blta bya lta byed med// bsam med dmigs med rtog med 'gyu med las// yid gzung bying rmugs bsgom pa med// byar med bcol med chags med zhen med las// ched byas tho co bya
17b5 rtsol spyod pa med// re med rang gnas sku gsum lhun grub pas// re dogs rtsol bsgrub zhe 'dod sangs rgyas med// lta sgom med pa'i lta sgom chen po yin// zhe 'dod dmigs bcug rtsol bas mi rtogs
17b6 so// zhes gsungs so// nyi zla nam mkha'i rgyal po mu med mtha' yas kyi rgyud las// lta sgom spyod 'bras med par ming med mtha' yas rtogs par bstan pa'i le'u ste bcu drug pa'o//// de nas kun
18a1 byed rang grol gyis// ming med spyi phud ston pa la// mu med mtha' yas don rtogs na// gol sa 'khrul pa yod dam med// ces ston pa la zhus pa dang// ston pas 'khor la bka' stsal pa// mu
18a2 mtha' yas pa'i don rtogs na// gol sgrib 'khrul pa gang yang med// ces gsungs so// de nas 'khor gyis ston pa la// rtogs na gol sgrib 'khrul med kyang// de ltar ma rtogs sems can la// gol sgrib
18a3 'khrul pa yod dam med// ces ston pa la zhus pa dang// ston pas 'khor la bka' stsal pa// ming med rtogs na gol sgrib med mod kyang// de ltar ma rtogs sems can la// gol sgrib 'khrul pa gsum du
18a4 bshad// skye med ming med ma rtogs gol sa yin// ye dag ka dag ma rtogs sgrib pa yin// 'gro drug 'khyams pas 'khrul pa yin// bsdus na de las med mod kyang// dbye na bsam las 'das par
18a5 gsungs// gzhan du rgyas par gsungs pa'i phyir// 'di ru bye brag ma bshad do// zhes gsungs so// nam mkha'i rgyal po mu med mtha' yas kyi rgyud las// rtogs nas gol sgrib med kyang// ma rtogs pa la gol
18a6 sgrib 'khrul gsum bstan pa'i le'u ste bcu bdun pa'o//// de nas kun byed rang grol gyis// ming med spyi phud ston pa la// ming med la zla ji ltar 'phags// zhes zhus pa dang// ston pas 'khor
18b1 la bka' stsal pa// rtogs na gol sgrib med mod kyang// de ma rtogs kyi gang zag la// gol sgrib gnyis stong lnga brgya yang// tshig 'og gcig tu brdar sha chod// skye med ma rtogs gol ba yin// snying po ming med
18b2 rtogs pas gol du med// ye dag ma rtogs sgrib pa yang// skye med ka dag rtogs pas sgrib tu med// 'gro drug skyes 'khrul pa yang// mi skye skye ba mi len 'khrul du med// mdor bsdus gsum du shes par
18b3 bya// lta ba gol sgrib 'khrul dang gsum// dam tshig gol sgrib 'khrul dang gsum// 'phrin las gol sgrib 'khrul dang gsum// sa yi gol sgrib 'khrul dang gsum// phra ba'i gol sgrib 'khrul dang gsum// ye shes
18b4 gol sgrib 'khrul dang gsum// rgyud kyi gol sgrib 'khrul dang gsum// lung gi gol sgrib 'khrul dang gsum// man ngag gol sgrib 'khrul dang gsum// lam gyi gol sgrib 'khrul dang gsum// theg pa re la bcu
18b5 tshan bcu// de las phye bas nyis stong lnga brgya yod// ces gsungs so// gol sgrib ces pa'i nges tshig kyang// gong ma gong ma'i theg pa yis// 'og ma'i theg par zhugs na gol// des na yas gol zhes su
18b6 bshad// 'og ma 'og ma'i theg pa yis// gong ma'i theg pa sgrib pa yin// des na mas sgrib ces su bshad// dper na sha mo'i grod rdzems bzhin// dbye na bsam las 'das pa ste// bsdu na grod par 'ub kyis
19a1 'dus// de bzhin gol sgrib nyis stong kyang// tshig gcig 'og tu gdar sha chod// ming med blo 'das chen por rtog/ lta ba'i gol sgrib 'khrul pa yang// mu mtha' grol bar la 'da' 'o// dam
19a2 tshig gol sgrib 'khrul pa yang// nyams skyon ka dag la 'da' bo// 'phrin las gol sgrib 'khrul pa yang// rtsol bsgrub med par la 'da' bo// lam gyi gol sgrib 'khrul pa yang// bsgrod du med par la 'da'
19a3 bo// sa yi gol sgrib 'khrul pa yang// sbyang du med par la 'da' bo// phra ba'i gol sgrib 'khrul pa yang/ rang bzhin med par la 'da' bo// ye shes gol sgrib 'khrul pa yang// gsal 'grib med par la 'da'
19a4 bo// rgyud kyi gol sgrib 'khrul pa yang// sems chos rgyud 'dres ngang du la 'da' bo// lung gi gol sgrib 'khrul pa yang// ma nor yang dag nges par la 'da' bo// man ngag gol sgrib 'khrul pa yang// gting
19a5 mtha' yas la mu mtha' grol bar la 'da' bo/gol sgrib nyis stong lnga brgya bo// skye med ka dag ming med mtha' stongs chen por la 'da' bo// zhes gsungs so// nam mkha' nyi zla'i rgyal po mu med mtha' yas
19a6 kyi rgyud las// gol sgrib 'khrul ba la 'da' ba'i le'u ste bco brgyad pa'o//// de nas kun byed rang grol gyis// ming med spyi phud ston pa la// ci yang ma byas par grol ba thob lags sam// zhes ston
19b1 pa la zhus pa dang// ston pas 'khor la bka' stsal pa// bya byed rtsol bas 'khor bar 'khyam// ci yang ma byas grol ba thob// ci yang ma spyad rang sar grol// ci la'ang ma chags yid mi 'jug/ gang la'ang ma
19b2 zhen 'dzin chags grol// snang srid yul la dgag bsgrub med// ji ltar rig kyang 'dod pa rtsis gdab med// kye skal ldan grol bar 'dod pa rnams/ ci yang ma byed dal bar sdod// rtsol bsgrub ma byed lhug
19b3 par zhog/bya ba ma mang klong du nyol// lta ba sgom pa spyod pa med// phyal rtser thong la bde bar zhog/ gtad med dmigs med byar med sgrub tu med// gang dang ci la'ang mi sems gang la yid mi 'jug/ snang
19b4 srid 'khor 'das yod med rtag chad kun// ma brtags rang snang rang sor bzhag pas grol// chos spyod mi byed dal ba'i ngang la sdod// dge bcu mi spyod mu mtha' grol bar 'jog/ byas tshad bsgrubs tshad 'khor
19b5 bar 'khyam// ci yang ma byas ma bltas ma bsgoms grol ba thob// ces gsungs so// nam mkha' nyi zla'i rgyal po mu med mtha' yas kyi rgyud las// ci la ma spyad par grol ba thob par bstan pa'i le'u ste bcu
19b6 dgu pa'o//// de nas kun byed rang grol gyis/ ming med mtha' stongs ston pa la// yang ti nyi zla'i snying po ru// brgyad khri bzhi stong ji ltar rdzogs// zhes zhus pa dang// ston pas 'khor la bka' stsal
20a1 pa// rdzogs chen gnya' gcog yang ti yo ga ru// theg pa brgyad khri bzhi stong de la rdzogs// chos kyi sgo mo brgyad khri bzhi stong de la rdzogs// chos kyi sgo mo brgyad khri bzhi stong rdzogs// thod rgal yang
20a2 ti yo ga ru// bdag med nyan thos theg pa rdzogs// rten 'brel rang rgyal theg pa rdzogs// bden gnyis byang sems theg pa rdzogs// dag gsum kri ya'i theg pa rdzogs// rtse gnyis u pa'i theg pa rdzogs/ skye
20a3 'gag yo ga'i thegs pa rdzogs// snang stong ma hA'i theg pa rdzogs// dbyings dang ye shes gnyis med a nu rdzogs// thams cad chos sku a ti'i lta ba rdzogs// skye med ka dag spyi ti'i lta ba rdzogs// mu med
20a4 mtha' bral yang ti yo ga ru// brgyad khri bzhi stong ma 'dres yongs su rdzogs// dper na 'byung ba nam mkhar 'byung ba bzhi yang rdzogs// rgya mtsho chen por chu bran sna tshogs rdzogs// mchog rab ri la ri bran ma
20a5 lus rdzogs// za 'og snam bur dar sna sna tshogs rdzogs// de bzhin snang srid 'khor 'das rtag chad rdzogs// 'khor ba myang 'das sku dang ye shes rdzogs/ sku gsum dug lnga ye shes rnam lnga rdzogs// btags
20a6 chags chos rnams ma lus rims kyis rdzogs// zhes gsungs so// nam mkha' nyi zla rgyal po mu med mtha' yas kyi rgyud las// rdzogs lugs bstan pa'i le'u ste nyi shu pa'o//// de nas kun byed rang
20b1 grol gyis// ming med spyi phud ston pa la// a ti man chod theg pa las// yang ti yo ga gang gis 'phags// zhes zhus pa dang// ston pas 'khor la bka' stsal pa// yang ti nyi zla'i snying po yis// dngos po rnam
20b2 pa sna tshogs snang ba'i yul rnams la// dgag bsgrub spong len rdul ma grub// nyan thos bdag med 'dod las 'phags// stong pa mi bsgrub rten 'brel mi rtsi bas// rten 'brel rang rgyal lta las
20b3 'phags// gzung zhen bden gnyis mi sbyong sgyu mar mi 'dod pas// dbu ma sems tsam dag las khyad par 'phags// rigs gsum skye 'gag can du mi 'dod pas// kri yog rnam gsum dag las khyad par
20b4 'phags// snang ba mi bsgyur snang stong gnyis med pas// ma hA ltar 'dod dag la 'phags// rgyu 'bras dbye med dbyings dang ye shes mi 'dod pas// a nu dag las khyad par 'phags// kha 'byams ye sangs
20b5 rgyas la mi ltos par// rdzogs chen a ti rig pa 'gyur ba la// rang byung ye shes yin zer snang ba chos skur 'dod// rig pa 'gyur zhing snang ba mi rtag pas// ye shes 'gyur ldog snang ba skye 'jig can// de
20b6 las spyi ti yo ga 'phags// khyad par gang gis 'phags she na// skye med ka dag byar med blo 'das so// ka dag ma dag gnyis med pas// yang ti mu med mtha' bral gyis// spyi ti dag las khyad par
21a1 'phags// khyad par gang gis dpags she na// gting mtha' yas la mu mtha' grol bas 'phags// a ti man chod lta ba ni// lta ba blos btags bsgom pa yid smon byed// spyod pa tho co dam tshig
21a2 mched grogs bslu// 'phrin las rtsol bsgrub 'bras bus re dogs so// theg pa dgu las yang ti khyad par 'phags// de las khyad par gang gis 'phags she na// don la lta sgom spyod med kyang// re zhig khyad
21a3 par 'don phyir 'phags// gtad med mu mtha' grol ba 'di// thig le mtha' bral lta ba'i rgyal po yin// blo btags zhe 'dod phyogs ris lta las 'phags// yang ti man chod lta ba phyags mas bstab// lta ba
21a4 zhe 'dod mkhan la snying re chim// ming med mtha' yas gting mtha' zad pa 'di// thig le ka dag bsgom pa'i rgyal po yin// yid bzung bsam bsgom bying rmugs mkhan las 'phags// bsgom bya sgom byed
21a5 phyags mas bstab/byar med so ma rang ka lhug pa 'di// thig le zang thal spyod pa'i rgyal po yin// bya rtsal rtsol bsgrub can las khyad par 'phags// chags zhen the tsom bya rtsal phyag mas btab// re med yin
21a6 klong gyur 'di ka ltar sangs rgyas// thig le gting rdzogs 'bras bu'i rgyal po yin// re dogs rtsol bsgrub mkhan las khyad par 'phags// re dogs sangs rgyas gzhan nas thob 'dod phyags mas btab// lta
12a4 sgom spyod pa'i rgyal po bzhis//// @#/ rgya gar skad du// g+hu ya spru rtsa tan+t+ra a ta yo ga yo ga g+hu ya sarba ri ka tan tra rA tsa na ma// bod skad du/ gsang ba rgya mtsho'i rgyud dam pa'i dam pa/
12a5 rnal 'byor gyi rnal 'byor// gsang ba thams cad kyi tig ka rgyud kyi rgyal po// dpal rdo rje sems dpa' la phyag 'tshal lo// 'di skad bdag gis thos pa'i dus gcig na// bcom ldan 'das de bzhin gshegs
12a6 pa thams cad kyi sku dang/gsung dang/ thugs rdo rje dpa' bo chen po dang// dpa' mo'i dbang phyug mas rnam par bskor nas shes rab kyi b+ha ga la bzhugs so// der bcom ldan 'das ma rdo rje dbyings kyi dbang
12b1 phyug ma legs dges chen po'i rol ba'i sgegs par nye bar longs spyod pa dang// ma mchu'i bdud rtsi'i btung bas bcom ldan 'das dges par byas te/ kha sbyar gyi sbyor thabs las 'das nas/ ri rab kyi nyi
12b2 rdul gyi grangs kyi rnal 'byor ma dang lhan cig par bskor ba lan gsum byas nas// bcom ldan 'das kyi zhabs la mgo bos phyag 'tshal te 'di skad ces gsol to// bcom ldan ye shes zla ba grags// lte ba'i
12b3 ku mud kha 'byed ba// gang zhig ci zhig bdag gis zhus// mnga' bdag chen po de dag gsungs// dpal ldan bla na med pa'i rgyud// rnal 'byor ma zhes rab grags la// e waM ma ya sogs pa'i sgra// don ni ji
12b4 lta bur mi brjod// bcom ldan 'das kyi bka' stsa la pa// nyon cig lha mo spyan bzang ring// khyod kyis bdag la gang zhig zhus// e bam ma ya sogs sgra yis// khams gsum 'gro dang 'gror bcas// shes
12b5 rab thabs kyi rang bzhin yin// gzhan gyis ma yin kun rgyas btab// de kho na nyid sgron mar grags// dri med rdzogs pa'i 'bras bu'i gzugs// 'di skad bdag gis de bzhin gsum// bdag nyid kyis ni
12b6 dang bcas pa// rang bzhin bzhi yi bye brag tu// don dam par ni shes par bya// thos pa'i don ni zla ba bde// de ni nam mkha' bzhin du mchog/ gcig ces bya ba gzhan mchog mchod/ srid dang mya ngan 'das pa
13a1 spangs// dus ni phyag rgya chen po ste// bskyed pa dang ni rdzogs dang bral// bcom ldan 'das ni mtha' thug bya// rang dga' nyams su myong ba'i dngos// thams cad ye shes gsum stong nyid// de
13a2 nyid de nyid kyis ni spangs// de bzhin gshegs pa rnam byed grags// dang po'i gnas ni rab grub byed// sku ni dga' ba'i gzugs su grags// dbang po gnyis byung dang bral ba/ gsung ni mngon par dga'
13a3 zhes bya// dam tshig las byung gis ni spangs// sems ni chad dga' zhes bya ste// ye shes las byung bde dang bral// rdo rje rang bzhin zhes su bstan// rang bzhin gyis ni spangs pa'o// lha mo dpal chen nyi ma
13a4 skyes// khu ba thams cad dang bral ma// dpa' mo'i dbang phyug ma bde'i rten// dang po bdud rtsi'i las skyes so// rnam bskor yan lag thams cad kyis// khyad par srog gi pad+ma bzhin// shes rab tshangs pa'i sgo
13a5 lnga'i khab// tshangs pa'i ye shes 'dzin pa'i phyir// b+ha ga'i dngos po 'jig pa'i phyir// spang na longs spyod myong bas so// bzhur pa rang gi ngo bo la// gnas pa yang na gshegs pa yi// de lta bu ni don dam
13a6 par// 'di skad bdag la sogs par bshad// thams cad rnal 'byor rgyud du stsal// de bzhin rnal 'byor bla mar yang// nges dang drang don bye brag tu// e bam ma ya la sogs gnas// rgyud shes pa yi
13b1 don phyir te// gnyis su dbye ba'i rgyu rab bstan// 'bras bu ye shes chen po'i ro// rang nyams myong ba'i ngo bo nyid// rang gi ngag gis mi rnyed pa// rtog pa thams cad rnam par sangs sbris bzhi'i man ngag gi
13b2 skabs//// lha mos gsol ba/ bcom ldan 'das ye shes rgyal ba nyid// log pa'i ye shes mun 'joms pa// de nyid nyi shu gnyis bdag nyid// gang zhig ye shes thig ler gsungs// de la yang ni nges pa'i
13b3 don// mchog gi dbang phyug bdag la gsungs// bcom ldan 'das kyis bka' stsal pa// gang zhig de ni nges don du// zhal ba de ni gsang ba'o// khyod kyis ngor mdzad bdag gis bshad// de lta min na sbas
13b4 pa'o// e baM rnam pa'i dbus su gang zhig rdul bcu rtsa bzhi'i 'dab ma'i dbyings kyi rtse 'khor lo de ni rnam par dang bcas par shes pa'o// de'i nang du gang rtsa sum cu rtsa gnyis kyis bdag nyid ud pa la'i
13b5 'khor lo de ni mtha' yas te/de la gang zhig zur brgyad pa'i rnam pa'i lte ba ni de snang ba gang zhig lte ba'i dbus yangs pa de ni nam mkha' 'o// de ru lnga gnyis bcu gcig bcu gnyis bcu gsum bcu bzhi bco
13b6 lnga'i sa'i dbang phyug gi mnga' bdag bzhugs so// der gang zhig de kho na nyid gsum rton pa'i bdag nyid de na lan gsum 'bab pa'i phung po rnam par shes pa sems dang sems las byung ba dang/ ma rig pa'i
14a1 gzugs kyi sa gsum du dbye ba zur dang po la thun tshod gcig gi bar du 'bar ba'o/gang zhig srog gi dbye ba pa de ni sum cu rtsa gnyis sbom 'phra'i thig ler ro gcig pa'o// gzur lu gu rgyud kyi
14a2 rnam pa mdud pa'i dbyug pa bdud rtsi'i zur gnyis pa la thun chod bar du zhu ba'o// gang zhig sbyor ba drug pa'i de ni bskyed pa dang rdzogs pa'i grags pa dga' ba drug zur gsum la thun tshod gsum gyi bar du
14a3 'dzag pa'o// gang zhig thig le shar ba dang nub pa de ni rlag pa dang longs spyod kyi grags pa'i srog zur bzhi pa la thun tshod bzhi yi bar du 'bar ba'o// gang zhig 'pho ba bde ba ni steng 'og mda' mar yod pa
14a4 byang chub kyi sems 'dus pas dbang ni zur lnga pa la thun tshod lnga yi bar du zhu ba'o// gang zhig rtsa'i 'khor lo 'byung ba de ni yan lag thams cad la bdud rtsi rgyas pa zur drug pa la thun tshod drug gi bar du
14a5 'dzag pa'o// gang zhig dbang gi rim pa de re re srog gi kha ru srog la 'bab pa dang// 'phur ba dang khyad par de yang zur bdun pa la thun tshod bdun gyi bar du 'bab ba de'o// gang zhig bsrung ba'i 'khor lo de
14a6 ni mthe'u chung gi mdun gyi nang du bdud rtsis bskor bzur brgyad pa la thun tshod brgyad kyi bar du zhu ba'o// de dag ni g.yon dung bskor ba'i srog gi rlung la zhon pa nyi ma skye ba mtshan mo'i bar du sum cu rtsa gnyis
14b1 kyi cha rgyas par 'gyur ro// sum cu rtsa gnyis kyi nang na bcu drug tshad pa'i mtshan nyid mi gsal ba dga' ba'i mtshan nyid bcu drug gsal ba// de'i don gyi phyir chad pa'i dgapa'i mtshan nyid a li rang gi ngo bo zla
14b2 ba'o// phyi phyi yi don gyi nang nang gi gnas par bya'om// phyi tshes kyi grangs kyi nang srog gi grangs kyis so// de kho na nyid nyi shu'i skabs so//// lha mos gsol ba/ sum cu rtsa gnyis chu skyes u tA la'i rnam pa
14b3 las bde ba chen po'i kun spyod 'phro ba nges pa'i don gyis mchog gi dbang phyug bka' drin stsol cig/bcom ldan 'das kyis bka' stsal pa/ nyon cig lha mo skal ldan mo// gsang ba yi ni ye shes mchog/ gang
14b4 zhig shes pa tsam gyis ni// thams cad sa yi dbang phyug 'gyur/ gang zhig snying po'i sngar 'di nyid// de ni bdag nyid bcu drug bde// kun rdzob ri mo can gyi 'od// don dam pa ni nam mkha' bzhin// gang zhig
14b5 sku brgyad mchod sbyin ni// de ni mtshan ma brgyad mchog go/ lha mo yang na ye shes brgyad// mtshan mo nyin mo gnyis las byung// gang zhig rlag dang longs spyod dbang// de ni nges par bskyed rim mo// lha mo
14b6 bskyed rim gsal ba ste// rim las bde ba chen po shar// skal ldan mo gang ye shes sku// de ni rim sogs yan lag spangs// yan lag bzhir dbye drug dbye 'am// bskyed pa rdzogs pa de rim mo// lha mo gang
15a1 zhig gsung ba'i sgra// de ni ye shes gsum dang bral// yang na gzhan min bdag nyid gsum// mtshams kyi ye shes yod pa'i phyir// lha mo gang zhig dam tshig ni// bsrung ba la sogs nges
15a2 par ro// de ni bde ba dbus gnas so// gzung bya yang na gang nang du/ gang zhig sbyin sreg don dam par// de ni he zhes blo bru te// char yang dbus yod thig le ni// gsung skad cig gis thim mo// gang
15a3 zhig bsrung dang bsrung thabs ni/de ni thog ma'i bka' ba spangs// lha mo de bzhin tha ma'ang min// thog ma tha ma gnyis dang bral/ skal ldan mo gang sngags kyis bzlas// de ni srid pa 'das pa'i yid// mya
15a4 ngan 'das pa'i gnas kyang ma ni/gnyis kyi ngo bo gnyis dang bral/ gang zhig gnas ni brgyad du bstan// de ni nyi skyes ma rgyas pa// gnas kyi dbang gis shar ba la// nye bar myur du rgyas pa'o// gang zhig
15a5 dga' ba la sogs rim// de ni rim pa gnyis su dbye/ rnam bcas las ni dang po pa/ rnam bral bcu pa'i dbang phyug go/ gang zhig dur khrod rnam rtog bral// dbus 'byung la sogs rnam par spangs// byang
15a6 chub kyis ni sems ro la/rnam par zhu ba rnam tshig phyir// lha mo gang zhig chu yi ngogs// de ni rtogs med ma yi mthar/ yang na de ru srog gi rtsar/ bde ba'i chu bo 'bab pa'i phyir/ gang zhig snang ba la sogs
15b1 ye shes che// de ni dga' ba dang ldan yin// sa dag chu dang 'od kyi gzugs// de bzhin rlung gi rang ngo bo// gang zhig dngos su rten la sogs// de ni bde ba'i dang por rig/ rang gi rnam pa'i bye brag gam//
15b2 rnam par spyod pas nges par spyod// lha mo gang zhig dur khrod brgyad// de ni bde ba thim zhes bya/ rnam par rtog pa 'dzin pa'i sku// de la rlag pa thim pa'o// gang zhig shing la sogs pa'i don// de ni dang po
15b3 bdud rtsi'i rgyu// rtsad de rten pa'i gzugs su grags// thams cad dam pa'i bde sbyin ma// gang rlung de kho snying po don// de ni rin chen gdu bu'i bde// 'dzum pa yi ni yang dag par// pad+ma'i zhal de
15b4 myong ba'o// lha mo gang zhig 'jug la sogs// de ni gyen du bzung ba'i rlung// yang na rtsa yi kun spyod las// 'gro ba'i bdud rtsi 'dzin pa'o// gang zhig nyer 'gro'i bsam gtan sbyor/ de ni zla ba gyen
15b5 du byed// yang na tshangs bzhin rnam dbye byas// rnam par shes pa gshegs su gsol// gang nyid ye shes thig le ni// de ni drug phyed gsum dang bral// bcu dang lnga yi sa rnams ni// de ni
15b6 dbang phyug 'pho med do// gang zhig bdag gi rang ngo mchog/ de ni nges par bzhi yi 'bras// yang na gtor yang nyams su myong// 'bras bu'i sgras ni brjod pa'o// gang zhig sa yi dbang
16a1 byed pa/de ni de nyid drug rang bzhin// de nyid drug las de nyid gsum// de nyid gsum las rang bzhin gcig/ gang zhig de bzhin gshegs pa'i sku// de ni mya ngan 'das mtshan nyid// yang na
16a2 dga' ba dang ni bral// chad dga' ma yin rang ngo bo// lha mo gang zhig rgyud bstan pa// de ni bde ba shin tu 'phel// bde dang bral ba'i bde ba ni// yang dag de ni rnyed pa'o// gang zhig phyag rgya che rang
16a3 bzhin// de ni rlug pa rtsogs yid 'das// rang nyams myong ba'i rang ngo bo// bsam gtan 'dzin pa spangs pa'o// gang zhig bsam pa don dam par// de ni dga' ba dga' dang bral// yang na nang gi ger bya
16a4 ste// reg bya dang bral rtog pa med// gang zhig bskul ba'i mchod pa'i don// de ni dri med bde 'byung ngo// 'das pa la ni yang skye ba// skye ba de la 'phel ba'o// lha mo shes rab ye shes gang// de ni kha kha snying
16a5 khar bde// kha ni rtag tu shes rab yin// gang zhig gsang ba'i dkyil 'khor ro// de ni zhu ba 'pho med dge/ yang na bde chen rang ngo bo// bde ba'i rnam par rtog dang bral// lha mo tshigs rgyas gang zhig ni// bya
16a6 dgong ma de khong du chung// yang na tshogs ni zhu med zhu// dga' mo rgyas pa mchog yin no// 'byung ba bsrung don gtor ma gang/ de ni srog chags bsad pa'o// srog bcad pa ni mchog gi gnas// 'gro ba 'gog
16b1 par byed pa'o// de dag ni mchog gi gsang ba chen po'i gsang chen bcom ldan 'das mo bzhi bcu'i bdag nyid kyi de kho na nyid bde ba chen po'i rgyal po bdud rtsi'i gter la nges pa'i don no// rtsa la sogs pa
16b2 man ngag gi skabs//// lha mos gsol ba/ bzhi bcu bdag nyid de kho nyid// shin tu reg byed gzung bar dka'// dus tsam sa yi dbang phyug de// mchog gi dbang phyug shes pa'o// bcom ldan 'das kyis
16b3 bka' stsal pa// rnam sna tshogs snyed sum cu drug/ bcu gcig sa yi bdag po'o/ dga' ba rnyed pa sum cu bdun// bcu gnyis pa yi bdag por brjod// mchog dga' rnyed pa sum cu brgyad// de ni bcu gsum
16b4 pa yi sa// sum cu dgu lhag mthar thug pa// sa ni bcu bzhi rnyed pa'o// bzhi bcu de ni rang bzhin dga'// bco lnga rnyed pa'i mnga' bdag go/ gang zhig bcu drug pa yi sa// brjod du med pa'i nam mkha'
16b5 bzhin// de la dbang phyug mchog gi mkha'// thams cad mkhyen par rnyed dka' ba// zad med 'phro med zhi ba ste// skye med rmad byung bas rmad byung// rmad du byung ba mthar thug skabs//// lha mos gsol ba/
16b6 kye bcom ldan 'das sum cu rtsa gnyis kyi bdag nyid bde ba chen po rgyal po'i bdud rtsi gtor de kho na nyid la kun spyod kyi dus gang 'dus pa ci nyams su myong ba gang// bcom ldan 'das kyis bka' stsal pa/
17a1 sum cu rtsa gnyis kyi bdag nyid la/ sum cu rtsa gnyis chu tshod kyi bar du srog dang pos pa'i bdud rlung gnyis shar pa'i kun spyod do// sos pa'i rlung byung ba'i dus su yan lag thams cad la khyab
17a2 pa'i srog de ni g.yon bskor du byung ba yin/ud pa la'i rnam pa 'dzum shing na gi lta ba'i snying po rtsa ba'i sdong lu'i lam gyis 'jug pa tsam gyis zur brgyad pa'i nang na yod pa bde ba chen po'i srog gi rgyal po
17a3 lag gang zhig ro gcig pa'i mtshan nyid de ni 'dus pa'o// de yi dus su gang zhig bdag dang gzhan gyi bye brag med pa gnyis su med pa'i spros dang bral ba'i ye shes kyi thams cad gzigs pa de ni nyams su
17a4 myong ba'o// rtsa ba'i bde ba la nyams su blang ba'i skabs//// lha mos gsol pa/ gang zhig nyams myong las rnyed de// mnga' bdag de ni ji ltar lags// nyams su myong bas gang rnyed pa// de ka mdor bsdus
17a5 bka' stsol cig/bcom ldan 'das kyis bka' stsal pa// dris pa de ni rmad byung mchog/ nyon cig lha mo spyan bzang ring// nyams su myong bas gang rnyed pa// dga' ba'i dbang mo de brjod med// bla ma'i zhal
17a6 nas nyams su myong// dbang bskur las ni rnyed pa'o// lha mos gsol ba/ dbang bskur du ma bye brag tu// rgyud rgyud nang du rab tu gsal// 'di ru ci 'dra su la sbyin// bcom ldan 'das kyis bka' stsal pa/
17b1 dga' ba'i 'bras bu bye brag tu/ dbang ni re zhig bzhi ru dbye// dang po dga' ba dang ldan pa// las dang po la sbyin par bya// gnyis pa dga' ba dang ldan pa// snang ba gsum ni thob pa la// dga' ba gsum pa
17b2 dang ldan pa'i/chos kyi sprin rnyed nges pas so// kun tu 'od sa zhes bya ba// rnyed la bzhi pa sbyin par bya// dbang bskur ba'i thabs bstan pa'i skabs//// lha mos gsol ba/ kye bcom ldan 'das/ snang ba
17b3 la sogs pa dang/chos kyi sprin dang kun tu 'od rnyed pa la dbang gi rim pa yin na// sa la sogs pa ma rnyed pa ji ltar lags// bcom ldan 'das kyis bka' stsal ba/ sa la sogs pa ma rnyed pa rnams la thog
17b4 ma'i rang gi ngo bos so// sa la sogs pa rnyed pa rnams la mthar thug pa'i rang gi ngo bos so// gang gi phyir zhe na/ de rnams la brtson 'grus kyi stobs kyis shin tu bsod nams kyi byin rlabs kyi bya ba la sogs
17b5 pa dang/bral ba'i ye shes chen po mthong ba tsam gyis thob bo// ji ltar pad+ma yongs su smin pa nyi ma'i 'od kyis reg pa tsam gyis sangs rgyas so// ma smin pa de bzhin du ma yin no// sdod rtag pa'i
17b6 skabs//// lha mos gsol ba/ ma smin pa rnams la ye shes yongs su smin pa'i dus gang/ bcom ldan 'das kyis bka' stsal ba/ sbyin sogs bsod nams bsags pa yis// mchog gi bla mas gtan la
18a1 phab/skal ldan mo de smin pa'i dus// de las bla na med byang chub bla na med gnas thob pa gang// phyi nas ci yang bslab mi dgos// bla med ye shes chen po'i gnas// 'bad min des ni mthong
18a2 ba'o// ji ltar nyi ma shar tsam gyis// sna tshogs gzugs ni mthong bar 'gyur// de bzhin pa med 'od kyis ni// ye shes chen po mthong bar 'gyur/ ye shes chen po sku dang bral// gnyis su med pa nam mkha'
18a3 bzhin/lus dang ngag dang yid gzugs min// sgra la sogs pa rnam par spangs// dpe med mkha' dang bral ba la// srid dang mya ngan 'das pa spangs// sgom 'phra la sogs pa las 'das// char yang thig le dang
18a4 bral ba// tshul dang tshul tsam ma yin te// mchog dang gzhan mchog gnas las grol// skye ba med dang 'chi ba med// rmad byung chen po'i du shes so// mtshan ma med pa'i skabs//// lha mos gsol pa/ kye
18a5 bcom ldan 'das ye shes chen po'i dbang phyug bla na med pa'i byang chub rnyed pa las/ye shes chen po brjod du med pa'i gnas gzhan rnyed do yod dam ci/ bcom ldan 'das kyis bka' stsal pa/ grangs med pa'i
18a6 sangs rgyas kyi yum khyod ci de lta bu 'dri/brjod du med pa'i ye shes chen po khyod la cha med dam ci/ de lta yin na bdag rang gi ngo bo yang dag par khyod kyis mi shes so// ye shes zangs ma bstan pa'i
18b1 skabs//// lha mos gsol ba/ khyod kyi rang ngo bdag gis shes// 'on kyang bdag gis gzhan ci zhu// sems can byang chub las gzhan ci// mchog gi dbang mchog rnyed pa 'am// bcom ldan 'das kyis
18b2 bka' stsal pa// byang chub rnyed pa las gzhan ci// zhal zangs mo de rnyed yod dam// 'on kyang de la mthong ba yod// tsham la bdud rtsi'i dri bzhin no// zhu ba dang zhus pa'i lan gsungs pa'i skabs//// lha
18b3 mos gsol ba/bcom ldan 'das dpa' mo'i dpal dbang phyug/ rang rig ye shes sbyin pa'o// bdag gis ci zhig zhu bar bgyid// de la bka' drin bdag la stsol// dbang gis rig pa'i ye shes gang// bzhi
18b4 pa de ltar de bzhin no// de la re zhig ji bzhin don// rdo rje 'dzin pa bdag la gsungs// bcom ldan 'das kyis bka' stsal pa// bzhi pa de kho na nyid dau grags/ de ltar ye shes 'du shes so// de bzhin ye
18b5 shes las byung shes// ye shes las byung lte yod bde// lha mo ye shes kha la yod// yang na ye shes las byung skyer// skye ru longs spyod ngo bor grags// snying kha ru ni dbang zhes bya// rlag ni kha ru zhes bya ste// bskyed
18b6 pa'i rim pa yi ni phyogs// yang na de bzhin gyi ni sgra/ ji bzhin shes rab la sngar thal// de ltar ye shes lta ba yis// bkug nas rang gi kha la dgod// rang gi snying kha'i pad gnas su// byas nas nyid kyi nyams
19a1 su myong// de yi skad cig ye shes bde// spros pa dang bral rtog med pa// sems can thams cad mthong nas su// nam mkha' bzhin du bsam par bya// de yang bsam pa bor nas su// phyi nang
19a2 bsam pa ci yang med// lha mo de ni rdzogs pa'i rim// don dam pa ni shes par bya// rdzogs pa'i rim pa bstan pa'i skabs//// lha mos gsol ba// bcom ldan 'das ye shes r-in chen nyid// 'dod
19a3 pa thams cad rab grub pa// snang ba bzhi la go rim gnas// mnga' bdag chen pos bka' stsol cig/ bcom ldan 'das kyis bka' stsal pa// snang ba bzhi la go rim gnas/ sems dang sems byung 'du shes
19a4 so/de dag las ni ma rig byung// 'tshams kyi 'du shes mtshan nyid can// nyin mo'i rang bzhin sems las byung// sems ni mtshan mo'i ngo bo nyid// yang dag 'od ni gsum dang bral// rang bzhin ye shes
19a5 mtshan nyid do// gang tshe tshangs pa'i tshigs su sems// lha mo de tshe nyin mor 'gyur// gang tshe de las srog 'pho ba// de tshe mtshan mo'i 'og na gnas// steng yang ma yin 'og ma yin// de tshe mtshan mo zhes byar
19a6 dran// de yang me yi rang bzhin grags// nyi ma la ni srog 'dzin pa/ gang gis yod pa'i nyi ma ni// snang ba las ni shar dus 'gyur// snang ba zla ba zhes par bstan// yongs su zhu ba bdud brtsegs so// lha mo
19b1 chen mo g.yo ba'i phyir// chad pa'i dga' ba rab tu grags// gang du chad pa la ni brlag rab tu dga' ba shar ba'i dus// snang ba de ni dang po'i dga'// de las mchog ni gsal bar 'gyur// gsol phyir snang
19b2 ba chen por grags// zhu med g.yo med ska ba'o// sa ba la ni phra mo'i dngos/ bde sbyin yang na kun spyod do// kun spyod las ni thob pa ste// zhal bzang mo ni snang thob pa'o// de ni mtshams zhes grags pa
19b3 ste// dbus kyi gnas su yod pa'i phyir// dbus kyi gnas na yod pa ni// de phyir kun spyod byed pa'o// dbus ni dngos po thams cad do// 'dus par byed par dran pa'o// yang na gang du mtshan mo ni// ma byung nyi
19b4 ma nub pa'o// de ni dbus kyi mtshams zhes grags// rang bzhin dga' ba sbyin byed ma// de nyid snang ba thob pa yin// thams cad skye ba'i rgyu yin no// gang du dbus mtshams skad cig gis// bde ba'i tshor ba ma
19b5 shes na// skal ldan lha mo de ru ni// chad pa gsal bar 'gyur ba'o// de ni nyams su myong shes la// skyon ni cung zad mi byed do// mi shes pa ni skal ldan mo// rtsa ba dang bcas med par byed// rtsa ba snang ba zhes
19b6 byar bstan// zhu ba'i sngags ni zla ba'o// bde ba chen po'i bdud rtsi'i gter// bsrubs las skyes pa yin pa'i phyir// lha mo me tog snang ba mched// dmar ba'i phyir na nyi mar brjod// bde chen rnam par smin
20a1 pa'i phyir// dmar po'i gzugs ni sngags 'gyur ro// 'bras bu thob pa'i grags pa ste// mtshan dang dpe byad dang ldan no// dngos dang dngos min bral ba'i phyir// zhal bzang mtshams kyi ye shes
20a2 so// nyin mo snang ba mched 'khor grags// mtshan mo snang ba mya ngan 'das// srid dang mya ngan 'das bral ba// mtshams ni snang ba thob pa'o// de lta bu yi gsang chen mchog/ gang du yang ni gsal ma byas/ skal
20a3 ldan mi yi khyod ngor mdzad// ye shes rin chen rab gsal bya// sbyor ba nyams su myong ba'i skabs// lha mo'i gsol pa// 'bras grags de nyid rin po che/ mnga' bdag ji ltar rnyed par 'gyur// bcom ldan
20a4 'das kyis bka' stsal pa// dbus su de nyid rin chen gang// de ni gnyis su dbye bar gnas// mchog gi dga'i ngo bo gcig/ mchog gi dga' ba dang bral la// mchog dga'i ngo bor grags pa ni// nyams su
20a5 myong bas rnyed pa yin// mchog gi dga' ba dang bral ba// rang las rab tu gsal bar 'gyur// skal ldan mo gang gsal bar nyams su myong// de ni rdzogs pa'i rang bzhin no// nyams su myong man rdzogs pas
20a6 ni// gang du sus kyang mi shes so// ji ltar bu mo lang tsho bab// skyes pamed na nam yang ni// legs dge kyi ni bde bar myong// legs dges dbang mo mi shes so// gang zhig bsam pa la sogs kyis// de ni
20b1 bskyed pa'i mtshan nyid do// bskyed pa dang ni rdzogs bral ba// de ni 'bral mchog rang bzhin no// de ru gang zhig bsgom pa ni// phra mo'i phra mo yang dag mchog/ gang gis bla na med pa ste// 'gro ba'i ma de yod pa
20b2 min// bla na med pa'i ye shes che// gzhi dang bral ba rtag tu shar// rtags su shar bas las gzhan ci// gang du yang ni sgom yod dam// gal te gang gis bsgom pa de// khyad par can du yong mi skye// mi skye'i phyir
20b3 na bsam gtan la// gal te 'khyal par 'ong 'gyur na// de ni de nyid rang bzhin min// de nyid min par the tshom med// de nyid min sgom de kho nyid// su zhig de las rnyed pa 'gyur// de ni nam mkhar ri mo
20b4 ni/mchog gi dbang mo 'dri ba'o// lta ba shar che ba'i skabs//// lha mos gsol pa/ 'di yi rgyud gsang chen po ni// shes pa dang ni bshad pa su// bcom ldan 'das kyis bka' stsal pa// byang phyogs su
20b5 dpal rdo rje gnas su/u rgyan du rgyal po chen po iN+Da bod+hi zhes bya bas shes pa dang/ bshad pa dang/ sems can la gsal bar byed do/ sku gsung thugs las lung bstan pa'i skabs//// lha mos gsol ba/
20b6 bcom ldan 'das/ rgyal po iN+Da bo d+hi zhes bya ba de/ sa du'i dbang phyug bka' stsol cig/ bcom ldan 'das kyis bka' stsal ba// dpal dbang mchog dam pa'i rgyud kyi rgyal po las/ gang zhig phyag na rdo rje'i
21a1 rgyal po bdag gis/bstod pa 'di nyid iN+Da bo d+hi sprul pa'i sku sa bcu'i dbang phyug/ ye shes kyi sku sa bcu'i dbang phyug go/ de skad ces gsungs pas// bcom ldan 'das la ri rab kyi nyi rdul gyi
21a2 grangs dang mnyam pas bcom ldan 'das mo dang lhan cig langs te/lan gsum bskor ba byas nas/ zhabs la mgo bos phyag 'tshal te/ rang rang gi rdzu 'phrul gyis sna tshogs pa'i mchod pa'i mchod sbyin byas
21a3 nas bstod do// de kho na nyid bdud rtsi'i rgya mtsho'i snying po rab mchog rgyal gyur cig/ ye shes nam mkha' skye med gzugs med brjod med rab sku rgyal gyur cig/ dngos dang dngos min ro gcig ngo bo rmad byung
21a4 de nyid rab gter rgyal gyur cig/stong nyid stong pa nyid mchog dang gzhan 'od kyis grub pa rgyal gyur cig/ de lta bu'i bstod pa'i rgyal po byas nas/ rang rang mi snang bar gyur to// bstod pa'i skabs//// de
21a5 bzhin gshegs pa thams cad kyi rang bzhin// gsang ba rgya mtsho zhes bya ba/ shin tu rnal 'byor dam pa rdzogs so//// rgya gar gyi paN+Di ta bi ma la mi tra dang/ lo ts+tsha ba gnyags dz+nya na ku ma ras bsgyur////
21a6 @#/
12a4 / lhags pa'i ngar gyis chu bur 'gyur// rnag khrag chu rdol so 'thams shing// khyab pas lus 'thums las shu zer// kyi hud sgra 'byin cho nges 'debs// pad+ma dmar ltar lus po
12a5 gas// ut+pal lta bur lus tshal mang// grang ba'i sdug bsngal bsam mi khyab// chu bur tshe tshad til gzhong gang// lo brgya til re phyung zad yin// gzhan ma rnams ni nyi shu 'gyur// grang ba'i sdug bsngal
12a6 bsran thabs med// nyi tshe ba yi dmyal ba ni// gling bar rnams dang mun pa'i gling// 'dzam bu'i mi dang dud 'gro'i khrod// yi dwags lha min khrod na gnas// rgyu ni mi dge'i rnam smin rnams// dge ba cung zad
12b1 'dres pa yis// nyon mongs dug gsum rkyen gyis su// dge sdig sngon la gang spyad de// 'bras bu sngon la 'ongs pa ste// sdig spyad nyin par sdug bsngal zhing// mtshan mo bde bar longs spyod phyed// dge ba nyin
12b2 par bde spyod cing// mtshan mo mi bzad sdug bsngal spyod// nye 'khor lcags khang sgo med nang// rlung gis sgo phye phyi rol 'bros// shing rnams mtshon cha'i char du bab// ri brag thams cad spu gri'i so// chu rnams
12b3 ro myags 'dam rdzab kyis// ri rnams dmyal srungs 'jigs pa'i gzugs// sa gzhi me mar mo yi 'obs// rang snang log pa'i sdug bsngal te// 'jigs pa bzhi la skor zlog ni// phyogs bzhi sgo bzhir 'byin
12b4 'jug byed// dmyal ba rnams ni rdzus skyes pas// skad cig de la sdug bsngal rdzogs// bde bar gnas skabs yud tsam med// dug lnga ser sna la sogs kyis// skyon pa'i mi dge bcu spyad cing// khyad par ma
12b5 byin 'dod sred dang// brnab sems g.yo sgyu'i las spyad pas// yi dwags rigs ni dpag med kyang// bye brag sum cu drug sogs rnams// bsdus na sgrib pa can bzhi'o// gnas ni sa 'og sa stengs na// lus
12b6 ni pho mo mo rigs mang// bzhi brgya rtsa bzhi nad kyis mnar// sdug bsngal dmyal ba'i rigs mthun yod// khyad par ser sna'i 'jur 'gegs kyis// gzhan gyi dge bsgrags rang la spyad// mi dge phyi yi sgrib pa
13a1 can// gnas med bye ma'i thang stong la// tsha grang gnyis kyi sdug bsngal spyod// skyabs med mun pa'i glong na 'khyam// mgo bo che la mid pa phra// gsus pa gru tsam rkang lag phra// lus po mi theg
13a2 'tshig cing 'chag/grang bas gos med chu bur can// tsha bas mes tshig bsil skyabs med// 'bros pa'i gnas med gshed mas bskor// nang gi sgrib can ltogs skom yid// las sgrib brgya mtsho'i chu yang
13a3 skam// bza' btung gang yang mi snang zhing// gnas skabs tsam re zas mthong yang/ kha ru bsleb dus rul myags dang// lcags bsregs thu lum 'bar bar 'gyur/ kha la me 'bar khong par dug/ dmyal ba lta
13a4 bu'i sdug bsngal myong// sgo khur zas skom gnas mthong tshe// 'jig pa'i lam bsgral spyin tsam na// stobs can mtshon cha thogs pa yis// rang snang log pas srung bar mthong// gsad dogs 'jigs pa'i sdug
13a5 bsngal dang// ri rnams dgra dang rtsi shing mtshon// chu rnams me 'bar tshig dogs skrags// spyi thun zas nyid rnag khrag tu// mthong ste zos shing tshim pa med/ kha nas ngan skyugs lus khengs shing// rang sha za zhing
13a6 cho nges 'debs// mkha' la rgyu dang 'brog dgon 'khyams// 'ga' zhig gzhan la gnod 'tshe ba// glags lta gtor ma dri za dang// bdud rigs rdzu 'phrul ldan pa la// sdug bsngal mi bzad 'jigs pa
13b1 yod// skye gnas phal cher rdzus skyes la// tshe ni mi lo zhag byas pa'i// brtsis pa'i rang lo lnga brgya thub// ring shos bskal pa gcig thub bo// gti mug mi dge'i las bcu spyad// khyad par 'dod log g.yem pa
13b2 dang// ngag 'khyal tshul khrims 'chal ba'i rgyus// dud 'gro rigs ni dpag med na/ kha 'thor klu dang lha min rigs// gzugs ni ma nges sna tshogs las// gnas ni sa chu me rlung mkha'// rtsi shing mi gtsang dri nga
13b3 dang// srog chags lus dang mun par 'khyams// zas ni rigs pa yid dge sems/ kha zas sna tshogs 'tsho bar byed// tshe ni nges med skad cig nas// bskal pa'i bar du thub pa yod/ kha 'thor byol song
13b4 rigs bzhi rgyu// gti mug btang snyoms mi dge dang// dge ba spyad pa'i mthu stobs las// mi shes mun pa'i bsam gtan gyis// bya dang glang po sa srungs sogs// lha yi rigs kyi dud 'gror skyes// dge ba phra
13b5 mo dngos logs pas// mi yi khrod kyi dud 'gror 'gyur// gti mug gsod gcod rdzun tshig gis// dmyal bar gnas pa'i dud 'gro ste// de rnams sems med sprul pa dang// sems can blun rmongs gnyis yin
13b6 no// phal cher gling bar mun pa dang// sa 'og chu dang rgya mtsho gnas// rkang mang rkang med rkang gnyis dang// rkang gcig rkang bzhi gzugs med yod// sdug bsngal mgon med dgra mang zhing// bkol spyod
14a1 gsod gcod bran du 'khol// ma bu nying sha rang sha za// gcig gis gcig 'joms za ba dang// bkol spyod gsod rdung byed pa rnams// dngos su mthong yang mi go bas// glen zhing gti mug mun
14a2 pas bsgribs// bya gcan ri dwags glang chen sogs// sha rus pags pa spu yi phyir// tshor ba'i sdug bsngal bsam mi khyab// nya thal chu srin sbrul gdug rnams// rang gis gzhan za gzhan gyis rang// mang du
14a3 'dus pas gcig la za// gcig gis mang po'i gshed du byed// bya rog 'ug pa byi la khyi// zhe sdang las skyes sha za'i tshogs// wa dang spre'u bya byi srin// 'dod chags brnab sems sred pas sdug/ nya dang phye leb
14a4 bung ba bya// 'dod yon sdug bsngal grogs su mthong// rta glang phag pa lug gi rigs// srin bu mngal gnas gti mug can// ri dwags sa bdag dngang skrag brgyal// rang snang dgrar langs srog 'chad
14a5 yod// lus nad yid la zug rngu ni// dud 'gro rnams la rgyun mi 'chad// mgo ni 'phred lta kha 'thur bstan// lha mi las byol ngan song rtags// lus kyi phra rags rdul phran tsam// ri rab tsam gyi khyad par
14a6 gyis// gzugs dang kha dog stobs khyad che// 'dod log zhe sdang gdug rtsub dang// sbyin sogs phyin ci log song bas// dud 'gro'i rigs kyi gtso bo ni// klu bdag ba glang gdong pa can// mgo mjug sbrul la
14b1 khog pa mi// klu brgyad 'khor tshogs 'bum dang bcas// rkyen sdug sbal sbrul 'jigs pas bskor// rgya mtsho chu mig ne'u gsing gnas// dkar phyogs dge ba bskyed pa rnams// bdud rtsi'i zas za longs spyod
14b2 ldan// rdzu 'phrul stobs dang nus pa che// gnag phyogs gdug pa'i dug rlabs 'phro// gang dang lhan cig khros nas gnod// rang nad mdze sogs gzhan la dgod// na rag sdug bsngal cha re yod// zas su mi
14b3 gtsang dri nga za// mkha' lding bye tshan char bab dang// lha min khros pa'i chad pa yis// dmyal ba lta bu'i sdug bsngal yod// snga dro rdzu 'phrul sems gsal ldan// lha mi'i snang ba skabs su 'char// phyi dro gti mug
14b4 dud 'gro yis// mun nag dug chu khol mar 'tshod// rgyal bas bsngags pa'i mtsho// phrag dog mi dge'i rnam sems kyis// sha za khrag 'thung gzhan yul bcom// gnod sems dge dang 'dres par byed// gti
14b5 mug smon pa phyin ci log/rgyamatsho'i nang song ri rab kyis// khong seng mun pas 'thibs pa ru// lha min dbang po sgra gcan 'dzin// bu dang chung mar bcas pa dang// rin chen gzhal yas longs spyod dang// tshal
14b6 dang me tog 'bab chu'i steng// bya dang bung ba'i tshogs kyis gang// de ru skyes pa'i lha min rnams// shas cher dud 'gro'i bsam pa la// gzugs kyang dud 'gro'i mgo bo can// rdzu 'phrul rgya mtsho 'khrug pa
15a1 dang// ri rab g.yo nus 'thab rtsod dga'// sdang sems skyes dus dmyal ba dngos// mi yi lo la zhag byas pa'i// bsgrangs pa'i rang lo lnga stong thub// 'ga' zhig 'thab rtsod bar der
15a2 'chi// 'phos tshe dmyal bar ltung ba mang// de la sogs pa dud 'gro'i rigs// duHkha bshad pa brjod mi lang// sbyin sogs dge las spyad byas kyang// bsam pa ma rungs smon pas te// mi dge ba la bstod
15a3 byas rgyus// lha min rigs ni rnam gnyis te// bdud rigs yi dwags rdzu 'phrul can// dud 'gro rigs su gtogs pa yin// grong khyer 'og nas 'phreng ldan ni// rgya mtsho mtshams kyi ri rab logs la ni// rin
15a4 chen gzhal yas dga' ba'i tshal dang bcas// ljon shing rdzing bu longs spyod sna tshogs ldan// lha min rgyal po dbang ston chung 'khor tshogs// sna tshogs sde rigs khri phrag bcu gnyis ni// gzugs ni sna tshogs
15a5 bde sdug 'dres par spyod// dregs pa'i nga rgyal lha la rtsod 'dod cing// rdzu 'phrul lus kyis nyi zla'i 'od kyang sgrib// ri bo g.yo dang gnam grum sgra skad sgrogs// rang lo drug stong dbang sgyur ba yin// sdig
15a6 bcas mchod sbyin tshul chos rgyu yis skyed// grong khyer btses ldan ri rab log/ grong khyer gnyis rtses brgya stong na// sngon bas lhag pa'i khang bzangs dang// gser dang g.yer kha mi 'phreng tshal// 'dres pa'i tshal
15b1 bzhi'i skyed tshal dang// rgyal po me tog 'phreng 'dzin la// lha min bu mo rnams kyis mchod// stobs dang longs spyod dga' bar byed// lha min rang lo bdun stong thub// 'jig rten dge ba'i longs spyod
15b2 kyis// gsum pa gser gyi sa gzhi'i steng// grong khyer sum brtsegs can zhes pa// gser 'od ldan pa'i rin chen gyi// dpag tshad brgyad stong khang bzangs la// bkra shis rang mdzes chu rgyun dang// shing ljon
15b3 skyed tshal du ma la// bya dang bung ba'i tshogs kyis gang// bdag nyid chen po thag bzangs rigs// lha min bu mo rab mdzes rnams// rin chen rgyan sras rtse dga' byed// 'jigs pa med pa'i rdzu 'phrul
15b4 ston// stobs chen rab dgod nga rgyal rlom// lha min thams cad stags skyed cing// longs spyod rtse rgod bag med spyod// tshe 'di rang lo stong phrag brgyad// de ltar lha min rigs rnams ni// dud 'gro rigs man
15b5 ngan song gnas// 'phos te lha dang mir skyes kyang// rang rang rgyu mthun 'bras bu 'byung// phral du dmyal bar ltung bar byed// chags sdang gnyis kyi sred pa yis// lha dang lha min 'thab rtsod rgyu// rkyen ni lha min
15b6 bu mo yis// lha yi gnas su ltas pa las// lha yi bu rnams 'dod pa g.yos// lha yi bdud rtsi'i char phab pas// lha min rnams ni 'dod pa skyes// zas la chags shing mo la sred// mig ser phrag dog nga rgyal
16a1 gyis// lha min sgra gcan dbang ldan khros// lha dang lha min g.yul 'gyed 'gyur// mi rnams dge spyod 'thab rtsod ni// dkar po'i klu rnams dga' ba yis// mi yul bkra shis bde legs
16a2 'byung// 'dres spyod lha min nag tshogs tsam// 'phreng thogs lha rnams rgyal bar 'gyur// mi rnams mi dge log spyad na// lha mi dpung skyed zhe khros nas// nag po'i klu dang ma mo yis// lo nyes nad yams
16a3 'khrug pa dang// gangs chad chu rdol glog gi sgras// gling bzhi'i mi la 'tshe bar byed// dang po lha min rnams tshogs nas// nag po klu yi phyogs byas te// sgra gcan dbang po g.yul 'gyed 'ong// de rnams rgyal
16a4 chen rigs bzhis 'joms// pham pas grong khyer gnyis pa yi// rgyal pos me tog 'phreng 'dzin gyis// 'khor rnams sbran te go bgos nas// mi bzad g.yul 'gyed drag po la// rgyal chen bzhi yis pham par
16a5 byas// de tshe grong khyer gsum pa yi// rab dgod thag bzangs dbang po khros// kye/ lha min rnams la stobs med cing// lha min bu mo g.yo sgyu can// lha yi yid ni mi sdud dam// nor rgyas klu sogs nag po'i
16a6 tshogs// tshar gcad bya phyir chas so zhes// lha min dbang pos kun la bsgos// lha min grong khyer sum brtsegs kyis// shing rta mtshon cha go bgos nas// bu mos lha bu mgo skor zhing// rnga sgra lha min cha sgra
16b1 yis// ri dang nags tshal mtsho rnams g.yos// de tshe lha rnams dga' ba'i tshal// lha dbang chos bzangs mdun sa nas// kun la bka' bsgos shing rta'i tshal// go cha 'dod phyir rgyug par byed// rtsub 'gyur
16b2 tshal du g.yul 'gyed tshe// glang po chen po sa srungs bu// lus chen dpag tshad stong yod pa'i// mgo'i stong de stong ri rab stong// de stengs lha yi dmag tshogs 'bum// bu mo mdzes mas rtse dga' byed// lha yi bu
16b3 rnams rin chen brgyan// shing rta zhon nas mtshon cha thogs// bar snang thams cad gang ba yis// sgra chen sgrog cing dong bar byed// de tshe stobs ldan nag po ma gtogs pa// lha min thams cad spu zing byed// lha
16b4 min rnga sgras rgya mtsho 'gul// klu rnams rgyugs pas sa gzhi g.yos// gnod sbyin khros pas skar mda' ltung// 'jig rten skyong pas gling bzhi nyul// dang po klu rnams dug char 'phen// me 'od 'brug stong glog
16b5 dmar 'gyed// de tshe lha min dga' ba'i sgra// ha ha 'byin cing rgyug par byed// de la kun tu rgyu ba'i lha// 'phreng thogs bcas pas g.yul 'gyed 'gyur// de la lha min ri bo 'phen// thams cad mtshon cha'i char
16b6 'bebs byed// de tshe lha rnams mtshon cha'i char// phab pas ri ldeg rgya mtsho 'khrug/ sgra ni gnam sa grum mnyam grag/ mtshon cha rdo rje ser ltar bab// glog 'phreng bskal pa'i me 'od 'phro// lha min rgya mtsho'i nang
17a1 gnas rnams// snying 'gas dran med phyogs bcur rgyug/ de tshe rab dgod thag bzangs khros// lha yi dbang po'i thog tu mchongs// ral gri mtshon cha'i 'khor lo 'phangs// de la glang po sa srungs
17a2 bus// sna yi dbugs kyis 'gyel du bcug/ rdo rje rmig pas phye mar brlags// lha dbang sprul pas nam mkha' khengs// gnam lcags char phab lha min bros// sngon gyi bsad bcad rnam smin gyis// la la smas
17a3 shing la la shi// lha min bu mo mya ngan byed// smas shing mi dang mtshungs pa yin// phrag dog gdug pa'i las 'bras kyis// dngos po gang mthong go dang mtshon// lus kyi las su gsod dang rtsod// ngag tu rgyob dang
17a4 sod sgra sgrogs// yid la rtag tu dgra dang 'khrug/ shi ba'i ro ni rgya mtshor skyur// mtsho ni khrag tu 'khrug par 'gyur// mgo dang sked pa ma chad na// lus la mtshon bsnun rma yis ni// las ngan yod pas 'chi mi
17a5 'gyur// rtag tu las kyi sdug bsngal spyod// lha rnams srog gcod spangs pa yis// mi 'chi rma byung de kar 'tsho// lha rnams dga' ba'i tshal du bzlog/ sdang sems med pas dga' bde spyod// lha min rang yul
17a6 'thab rtsod byed// ngan song sdug bsngal bsam mi khyab// ma rig 'khrul kyang sbyin pa dang// tshul khrims dge bas las grub phyir// gling bzhi dang ni gling phran gnas// sgra mi snyan na dge ba'i mthus// gzugs
17b1 bzang khru ni sum cu gnyis// rdzus skyes tshe lo stong thub cing// longs spyod 'dod lha bzhin du yod// lus 'phags khru brgyad skyem byed legs// drod skyes nyis brgya lnga bcu thub// ba glang spyod pa khru bcu drug/ sgong
17b2 skyes lnga brgya longs spyod che// 'dzam bu gling na khru bzhi pa// mngal skyes lus kyi rig rtsal che// tshe la nges med dpag med nas// bar du brgyad khri tha ma bcu// de las thung ba ma yi mngal// gling bzhi tsam nas
17b3 mngal skyes mang// dbyibs dang kha dog sa gzhi 'dra// thun mong mi rtag skye shing can// bsod nams las grub 'dzam bu sras// las kyis sa par bshad pa 'di// bskal ba dang nas tha ma'i bar// dus kyi
17b4 bzang ngan rim pa ru// bde sdug gnyis la rim par spyod// tshe lo dpag med brgyad khri'i dus// mi yi gzugs gzung chags sdang chung// sgra mi snyan bzhin longs spyod che// sa zhag ma rmos sa lu ljang// rtsol ba
17b5 med pa'i longs spyod yod// sde rigs khyim thab med par bde// bar du las kyi chags sred kyis// gsog 'jog btsal bas longs spyod nyams// byang chub sems ldan kun don gyis// rgyal po byung nas sde
17b6 rigs dgos// 'dod nyung btsun pas bram zer grags// mkhas pa rje'u rigs phal pa dmangs// ngan spyod snol bar grags pa bzhi// las kyi rtsol bas longs spyod ldan// khyim thab ngo tsha'i 'dzin rtog
18a1 byung// bsod nams las la spyod pas bde// de nas chags sdang dge sdig dran// zug rngu las dbang cher song nas// brgyad khri bcu par thub pa yi// mu ge nad mtshon me chu rlung// lo zla zhag
18a2 bdun go rims 'ong// dge bas dus kyi bskal pa bzang// bsod nams las byung gser zangs dngul// lcags las grub pa'i 'khor lo yis// sgyur rgyal mi yi dbang phyug po// 'khor lo nor bu bud med
18a3 de// blon po dmag dpon glang chen bdun// nye ba ral gri pags chen dang// tshal dang gos snam mal cha bdun// longs spyod kun la dbang byed cing// sprul sku'i bstan pa rin chen sgron// dge slong rnams ni
18a4 'byung ba'i phyir// nyams pa med pa'i tshul khrims ldan// de nas las dbang mi dge mthus// tshe dang longs spyod stobs rnams bri// gdul dka' 'dul ba'i dus la bab// rgyal po sde dpon so sor
18a5 'byed// bston pa'i chos la sde rigs gyes// theg pa sna tshogs grub mtha' gcod// spang blang bde sdug sna tshogs 'byung// gnyen po mi thub ngan dbang 'chor// mi dge bcu sogs ngan spyod dus// lnga bcu'i tshe
18a6 la rtags tsam 'dzin// bzhi bcu'i dus na bstan pa nub// bde skyid zad pas ngan 'gror mtshungs// de rnams dge sdig rnam smin gyis// dbang gi 'bras bu thun mong dang// thun mong ma yin gang byas myong// sna
18b1 tshogs las kyis skyed pa'o// nyon mongs rags shing bsod nams phra// mi dge rtag tu sdug bsngal ba'i// rtsod ldan dus kyi snyigs ma lnga// nyon mongs che la gnyen po chung// rmongs pa phyin ci log la
18b2 gsal// dus kyi snyigs ma 'gyur ldog che// tshe thung nad mang blo bur 'chi// zas la bcud med 'tsho bas 'phongs// nyon mongs dug lnga rang khar spyod// dbang phyug sgyur smra'i chad lta 'dzin// dge dman sdig pa
18b3 dga' che bas// mi lus thob kyang mi khom gnas// skye rgas na 'chi'i rba la g.yeng// ma rig las kyi rnam shes de// mi gtsang khrag gi mngal nas su// tsha grang 'khyams rtags ris non pa'i// sdug bsngal myong
18b4 zhing 'jur mig la// drangs pa'i tshul gyis skyes tsam na// gsar gyur pags bshus gshed mas khyer// sngangs skrag skye ba'i sdug bsngal myong// las kyi rnam smin lus po la// phyi rol ltogs 'khyams ngal dub
18b5 dang// mtshon dang 'byung ba dug gi nad// rlung mkhris bad kan gdon 'dus kyi// rtag tu lus la 'tshe nad mang// bu dang chung ma gnyen bshes tshogs// 'brel pa dgra dang mnyam du gnod// byams gnyen phan
18b6 btags bral dogs brtser// sdang dgra gnod skyal byas dogs dang// ma ldang ma phyid dogs pa yis// med pa 'tshol ba'i sdug bsngal spyod// yod pa 'tsho skyong zhen chags che// mnga' rigs che chung gang yod
19a1 la// sred pas dud 'gro bas kyang gdug/ mi tshe ltogs dogs yid gdungs shing// yi dwags bzhin du bkres shing 'phongs// chog shes med pa'i sdug bsngal la// bde bar lta zhing sdug
19a2 bsngal spyod// grogs bshes gshin yul rnams dang bral// dgra yi tshogs kyis bcom gyur te// mdza' yang 'bral la sdang yang 'grogs// dus rnams kun tu bde ba med// bzang po khengs shing grags pas
19a3 myos// mtho la snyeg 'dod mnyam la 'gran// phrag dog sma la mnyam pa yi// sdug bsngal rgyu 'bras rang gzugs 'gyur// ngan pa kun nas 'phongs pas nyen// bde ba'i go skabs med pa la// thar pa bsgrub
19a4 'dod gser bas dkon// mi dge phra rags rdul bas mang// rnam rtog 'byung ba'i lus stobs bri// phyi nang bde skyid dman par gyur// lus nyams sems rmongs nad khams mang// mdangs shor tshe thung rgas
19a5 pa'i dus// snum zad me bzhin pha rol tu// 'gro la khad de sdong rul bzhin// gso thabs med pas kun gyis mnyam// rgas pa'i sdug bsngal bsam mi khyab// rgas pa zhum zhing stobs zad nas// tshe dang srog
19a6 dang drod 'gags pa// nad gcod sdug bsngal zug rngu ni// sha rus pags bral rtsa rgyus 'chang// srog snying rnam shes rten bur bral// 'jig rten zhig pa'i dngangs skrag gis// snying khrag po ste 'chi ba yi// sdug
19b1 bsngal bshad na glo snying 'brum// rang snang rang rig ma shes pas// snang med mun pa'i bar dor 'khyams// dbang po kun tshang thogs med kyis// snga phyi'i rigs mthun kun mthong ngo// ngo mi shes pas mun par
19b2 'thums// khams gsum 'khor ba'i sdug bsngal spyod// 'chi ba las zad tshe ma zad// sdug bsngal blo bur rkyen gyis 'chi// las zad tshe zad mnar nas 'chi// de la bzlog thabs ma mchis pas// bsod nams
19b3 ma zad tshe zad 'chi// nad med bde bar blo bur 'chi// las ngan zad nas tshe zad 'chi// tshe ring nad med bde bar 'chi// blo bur tshe zad dge bas bzlog/ lus sems rang bcud zad pa yi// dus kyi tshe zad
19b4 'chi ba la// sangs rgyas stong gi mthus kyang rdugs// mdor na 'tsho rkyen yod pa na// rgas kyang 'chi ba bsring du yod// 'tsho rkyen med na gzhon yang 'chi// tsho la nges med sprin dang 'dra// tshe 'di'i snang ba nub pa
19b5 la// 'chi ba zhes ni tha dad rtags// 'chi 'pho'i sdug bsngal yod re 'khrul// mi lus don med glang gi snying// g.yeng bas mnar ba'i spre'u ste// yun rings nad par gcong can 'dra// 'du byed 'bad pa don re
19b6 chung// khom ldan mi lus nyin mo'i dus// skar ma bas kyang shin tu nyung// dge ba brtson pa'i 'du shes kyis// tshul khrims sna re bsrungs pa yis// ri rab gser nas 'phang du med// 'bum dang drug khri brgyad
20a1 stong ste// phyid ni lha min gnas su bstan// steng du bang rim bzhi po ni// rin chen bzhi las grub pa yi// khri phrag drug cu'i ri bo mdzes// phyi rim ri bdun rol mtsho bdun// gnya' shing 'dzin gyi
20a2 rten gnas// phyogs kyi gtso bo rgyal chen bzhi'i// gnas bzhi gnas 'khor bcu bcu steng// bzhi bcu gnas kyi 'og ma ni// bang rim dang po'i 'phreng thogs nas// skyabs song mchod sbyin dang byas
20a3 rgyus// phyogs dang zur dang mtha' gnas pa'i// nyer mtsho dkar po thams cad dga'// nags tshal yid 'ong nye ba'i tshal// gnas bcu skor ba'i yul de la// rin chen sna tshogs mdzes pa'i tshal// me tog
20a4 ljon shing du mas brgyan// chu gtsang sbrang chang rgun 'brum chang// 'bab chu sna tshogs 'thungs pas myos// sgra snyan bya dang bung bas khengs// rgyan gos longs spyod bza' btung rnams// bsams pa tsam gyis 'byung
20a5 ba dang// mdzes pa'i lha mo brgya phrag gis// sna tshogs mchod pas mgu bar byed// me long tshal du sngon gyi las// snang 'gyur dran pas dga' bde skye// rlung bzhin skad cig 'dod kun rgyug/ 'dod pa'i zhen
20a6 pas dngos su 'khrig/bu tsha pha ma'i mngal du ni// pha ma'i rtsib logs g.yas pa nas// zhag bdun gnas te lo lnga'i tshul// gos dang khang par bcas pa ru// skyes nas zhag bdun nang du rdzogs// 'phreng thogs
20b1 la sogs lus kyi tshad// rgyang grags bzhi cha gcig yin la// rgyal chen bzhi ni rgyang grags phyed// skyes te bde bar ldan par 'gyur// gnyis pa lag na yol thogs ni// tshul khrims dkon mchog mchod pa
20b2 dang// dman pa'i 'gro la sbyin byas rgyus// gzhan rnams sngon nas pad+ma'i nang// mdzes pa'i gzugs dang bung sgra snyan// rlung gis dri zhim ro reg dga'// yul lnga'i bde ba sbyor ba ni// sngon las lhag ste rdzus
20b3 skyes ldan// 'khor lo sgyur ba dper bya min// lha mo rnams dang lhan cig rtse// sred pa 'phel bas gzhan du 'pho// de nas gsum pa rtag myos kyi// gnas bcu gzhan la snod yangs shing// sdom ldan sbyin gnas
20b4 skyob pa'i rgyus// lha dga' ut+pal pad+ma'i tshal// 'dod pa lnga yi longs spyod la// snga ma gnyis pas bcu 'gyur lhag/ yid kyi bde ba longs spyod ldan// mdzes pa'i lha mo myos ma dang// bya dang bung ba bde bas
20b5 myos// me tog char 'bebs glu gar gyi// sil snyan mchod pa bsam mi khyab// khyad par dga' ba rtag tu 'phel// de nas bzhi pa pi wang gnas// rgyal chen bzhi ru skye ba'i rgyu// kun dga' gnas dang mchod
20b6 sbyin sogs// dge 'dun zhabs thog brtson pa yis// tshul ldan chos bkod pa las// dri dga' shar nas yul 'khor skyong// dga' ldan 'phags skyes lho yi phyogs// gzugs myos nub na mig mi
21a1 bzang// lus ngan byang phyogs lcang lo can// rin chen gzhal yas 'od 'phro'i nang// yid 'ong mdzes pa'i lha mo yis// rtse zhing sgra snyan sgrogs par byed// mdzes pa'i ri bo sna tshogs
21a2 la// mtshungs med me tog ljon pas brgyan// bya dang bung ba gsung snyan sgrog/ chu bsil 'bab chus ro bcur ldan// sna tshogs 'dres pa'i dge ba yis// sna tshogs mdangs ldan tshul du 'ong// tshal rnams kha
21a3 dog spos so ste// rang lus de yi kha dog 'gyur// dper bya shel dang mtshungs pa yin// rnam pa du ma'i bde ba yis// yul drug myos par phyed pa yin// phyir zhing srid pa cher 'ong bas// srid pas ma tshim tshe zad
21a4 nas// gzhan du 'phos te las kyis ltung// de 'khor kun tu rgya ba'i lha// bye ba gnas pa'i gzhal yas khang// sgron me phul ba'i sbyin stobs kyis// mkha' la nyi zla gza' skar grags// gling bzhi mun sel
21a5 legs nyes ston// nyi ma me shel drod kyi 'od// dpag tshad lnga bcu rtsa gcig 'og/ zla ba chu shel bsil gyi 'od// dpag tshad lnga bcu gyen 'phang ste// nyi ma'i 'od kyis 'phel 'grib byed// nang na skyed tshal grong
21a6 khyer dang// dga' bas brgyan pa'i longs spyod ldan// rang rtsal rlung gi shugs kyis 'khor// rgya mtshor gnas pa'i rdzings bzhin du// gzhal yas mi g.yo rlung nyid g.yo// nam phyed nyi ma nub pa dang// nyi ma phyed
dang 'char dus gcig/

CLOSE WINDOW