42a4 /// rgya gar skad du// rat+na a sa pa ta b+hi ra pra ra tshe da nA ma// bod skad du// rin po che bye ma rig gcod kyis klong sde'i spros pa gcod pa zhes bya
42a5 ba// dpal kun tu bzang po la phyag 'tshal lo// rdo rje sems dpa' la sogs pa// klong sde spros gcod bstan par bya// 'khor rnams ma yengs gus pas nyon// rin chen lta bu'i gdams ngag 'di// ma chags
42a6 ser sna chung ba dang// dad ldan bla ma snying la sems// nga rgyal dregs pa chung ba dang// sngon gyi las 'phro skal ldan la// klong sde spros gcod bshad par bya// rdza shing snod ngan ma yin pa'i// gu lang gser gzo'i
42b1 snod du blug/snying po'i rang bzhin mtshon med brjod med kyang// ma mtshon brjod med mi rtogs pas// brjod bral brdal brten nas bshad// rtsal gyi klong sde rim par phye ba la// dbye na bsam las 'das
42b2 mod kyang// bsda na gcig tu 'dus par snang// gcig bu rtog par bya ba'i phyir// klong sde mdo tsam bstan par bya// ye gnas bzhi yi klong sde dang// thog mar gnas pa'i klong sde dang// sngon nas gnas pa'i
42b3 klong sde dang// kun khyab yongs brdal klong sde dang// mkha' dbyings chos dbyings klong du 'dus// kun gzhi spyi khyab klong sde dang// g.yo ba khyab byed klong sde dang// 'byung lnga'i rtsal gyi klong sde dang// 'od lnga
42b4 zer gyi klong sde bzhi// ma 'gags 'gag med lhab lhub bzhi ru 'dus// gsal la mi g.yo'i klong sde dang// shes pa snang tshul klong sde dang// 'char sgo 'khrul sgo'i klong sde dang// gzhi shes 'khrul chod klong du
42b5 'dus// yid 'khor lo gsum bstan pa las/ khams gsum 'khor bar 'dus pa yang// snying po ma bu phrad pa yis// dbye med 'gyur med klong du 'dus// 'gyur ba med pa'i klong sde dang// skye ba med pa'i klong
42b6 sde dang// rgyu rkyen med pa'i klong sde dang// brjod du ned pa'i klong sde dang// skye 'gag med pa'i klong sde dang// 'pho 'gyur med pa'i klong sde dang// dbye bsal med pa'i klong sde dang// dgag bsgrub med pa'i
43a1 klong sde dang// spang blang med pa'i klong sde dang// phyi nang med pa'i klong sde dang// gzung 'dzin med pa'i klong sde dang// phyogs mtshams med pa'i klong sde dang// mtha' dbus med pa'i klong sde
43a2 dang// shar nub med pa'i klong sde dang// kha dog med pa'i klong sde dang// bye brag med pa'i klong sde dang// chags pa med pa'i klong sde dang// zhen pa med pa'i klong sde dang// btags pa med pa'i klong sde
43a3 dang// mtshon du med pa'i klong sde dang// mtshon las 'das pa'i klong sde dang// bsam du med pa'i klong sde dang// dmigs su med pa'i klong sde dang// dpe med pa yi klong sde dang// tshig dang btags med klong
43a4 sde dang// yi ges mtshon med klong sde dang// chos med ston med klong sde dang// bshad med nyan med klong sde dang// mang med nyung med klong sde dang/ de la sogs pa'i klong ste rnams// byang sems chos nyid lta
43a5 ba'i klong// zhe 'dod med par spros pa chod// 'gyur ba med par spros pa chod// tshig las 'das par spros pa chod// phyogs ris med par spros pa chod// byang sems mkha' dbyings mkha' klong du// sangs rgyas
43a6 rang sems ngang dngas te// 'ub chub tshig gi klong chen du// ma bcos dbye bsal med par zhog/ kha gting med pa'i klong chen du// sangs rgyas rang sems ngang dngas te// gzhi nas ma bcos lhun
43b1 gyis grub// bsam med ngang bzhag bsgom med ngang// bsam bsgom ci yang mi bya ste// yid kyis ma byas blo yis ma bcos te// sems kyis ma bzhag rtog pas ma g.yengs par// rtog 'gyur med pa'i klong chen
43b2 du// bsam du med pas sprod ba chod// rtsis gdab med par spros pa chod// bsgom rgyu med par spros pa chod// dmigs pa med par spros pa chod// sems la bzhag med spros pa chod// byar med spros bral klong
43b3 chen du// rtsol bsgrub spangs pa'i rang bzhin la// gang yang bya ba btang ba la// bya rgyu ci yang mi bdog ste// lus kyang rtsol bsgrub med par zhog/ ngag kyang brjod du med par zhog yid kya nga g.yo 'gul med
43b4 par zhog/sems kyang dran rtog med par zhog/ 'khor ba'i lam la ma chags par// lus ngag yid gsum rtsol bsgrub med par zhog/ chags ba med par spros pa chod// zhen pa med par spros pa chod// dgag
43b5 bsgrub med par spros pa chod// blang dor med par spros pa chod// gzung 'dzin med par spros pa chod// mi 'gyur spros bral klong chen du// thog mtha' med pa'i dus mtha' nas// rang la rang chas yod pa
43b6 yi// rang sangs ngang rgyas chos sku'i klong// ngang sangs 'gyur med sangs rgyas te// re ba'i sa med spros pa chod// dogs pa'i rgyu med sprod pa chod// gsal gdangs chen por spros pa chod// rang spangs yin gyis
44a1 spros pa chod// re dog rtsad chod spros pa chod// bsrung mtshams 'das pa'i klong chen du// ngang las mi 'da' spros pa chod// rtsol bsgrub 'das pa'i klong chen du// rtsol bsgrub med kyis spros pa
44a2 chod// btsal bas mi rnyed klong chen du// btsal du med kyis spros pa chod// sbyang du med pa'i klong chen du// sgrib pa sbyang med spros pa chod// bgrod du med pa'i klong chen du// lam la bgrod med spros pa chod// rgyu
44a3 rkyen med pa'i klong chen du// ye shes rang yin spros pa chod// phra ba'i rang bzhin gzung 'dzin bral// gnyis 'dzin med kyis spros pa chod// lung gi rang bzhin gtan la 'bebs// ma nor rang bzhin spros pa
44a4 chod// rgyud kyi rang bzhin gnyis med 'brel// sems chos gnyis med klong chen du// gnyis su me par spros pa chod// 'dzin sems med pa'i klong chen du// man ngag dag gis rang bzhin te// zher 'dzin med
44a5 par spros pa chod// gzhi mo ma'i 'gyur klong chen du// ma bcos gzhag pas las rnams zin// ma btsal byar med spros bral spros pa chod// dngos med bsam 'das sems nyid de// ngos bzung med par sna
44a6 tshogs snang// dngos po med par kun la khyab// gshog pa med par nam 'phangs gcod// 'degs pa med par nam mkhar snyeg/ 'ded pa med par kun tu 'chor// bcol ba med par las rnams
44b1 byed// 'gugs pa med par slar la ldog/ dgos pa med par bag chags sog/ ci ma grub par sna tshogs snang// rten pa med par thams cad rten// ci yang med par sdug bsngal myong// skye shi kun dang bral ba
44b2 la// skye rgas na 'chi'i gzhi ma can// sdug bsngal ngo bo ma grub pas// skyid sdug sna tshogs 'byung ba'i rgyu// sems nyid rin chen 'od gsal de// ngo bo cir yang ma grub pas// mtshan nyid cir yang 'char ba
44b3 ste// mnyam pa nyid kyi klong chen du// dbye bsal med par spros pa chod// phyogs mtshams 'das pa'i klong chen du// rtsis gdab med par spros pa chod// phyi nang gnyis su snang tshad kun// gnyis med klong du spros
44b4 pa chod// mang bar phye yang gcig las med// gcig pu skye med byang chub sems// ngang dngas chen por rang sems rdzogs// ngang sangs chen por gsal gdangs yin// 'gyur med ma bcos klong du zhog/ rin
44b5 chen bye ma reg gcod kyis// phye tshad dbye med sprod pa chod// brjod tshad brjod med spros pa chod// bstan tshad btags med spros pa chod// yid la 'gyus tshad spros pa chod// rig pas myong tshad spros pa
44b6 chod// sems kyis brtags tshad spros pa chod// blo yis phye tshad spros pa chod// smra bsam brjod 'das// rin chen 'od 'bar klong chen du// cir yang bzung du med pa la// gang yang bsam du med par
45a1 bzhag/dbye gsal zhe 'dod tshig 'das pa'i// 'gyur ba med pa'i klong du bzhag/ bsam med rang bzhag bsgom med klong// rtogs zhen med pa'i klong du bzhag/ byar med spros bral chags med
45a2 klong// dgag bsgrub bya rtsal med pa yi// ma chags ma zhen klong du bzhag/ ye nas 'du 'bral med pa'i klong// ngang dngas rang sangs chos sku bzhag/ bzhag pa ma yin bzhag rgyu ci yang med// re zhig blo la
45a3 mtshon pa tsam// zhes gsungs so// rin chen bye ma reg chod 'di// dad pa brtan la shes rab che// blo che blo 'das blo rno ba// klong sde'i spros pa gcod la bstan// nga rgyal dregs pas khengs pa dang// don du mi
45a4 bsgom tshig tu smra// lta ba khar zag dam tshig med// lag tu thob nas zong du che// de lta bu yi gang zag la// yul mkhar ster yang mi sbyin no/ rin chen bye ma reg chod kyi klong sde spros pa gcod pa bstan pa zhes
45a5 bya ba rdzogs so//// rgya gar gyi gu ru pad+ma sam b+ha ba dang// bod kyi lo tsa ba ka ba dpal brtsegs kyis bsgrur cing zhus te gtan la phab pa'o// las 'phro can dang 'phrad par shog/ rgya rgya rgya////
45a6 rgya gar skad du/
42a4 / zhes zhus so// bcom ldan 'das rnam par grol ba'i bde bar gshegs pa 'od kyi phung pos bka' stsal pa// gsang ba'i bdag po khyod nyon cig/ rig pa sems dang bral bas gzung 'dzin
42a5 rnam rtog dang bral lo// rig pa gcer bu ru phyung bas rang 'od yul la shar nas// yul ye shes su grol lo// ye shes kyi sku la mtshan ma'i zungs med pas las dge sdig rnam smin las grol lo// zhes bka'
42a6 stsal to// de nas yang gsang ba'i bdag pos 'di skad ces zhus so// sangs rgyas 'od phung chen po// sangs rgyas kyi mi dgos pa gsum gsung du gsol// zhes zhus so// sangs rgyas kyi 'od kyi phung pos bka'
42b1 stsal pa// snang ba rang log 'ong bas las ngan bag chags sbyang mi dgos// ye shes tshang khab 'ong bas ched du sgom mi dgos// rang gi rig pa skye shi med pas 'khor ba'i sdug bsngal spang mi dgos// zhes
42b2 gsungs so// de nas yang gsang ba'i bdag pos 'di skad ces zhus so// kye kye sangs rgyas 'od kyi phung po/ sangs rgyas kyi dgos pa gsum gsung du gsol// zhes zhus so// sangs rgyas 'od kyi phung pos
42b3 bka' stsal pa// rang gi rig pa 'od kyi phung por ngo shes dgos so// rig pa rang gi ngo bo ma 'gags par wal le khyug ge gsal ba'i 'di ka sangs rgyas su ngo shes dgos so// sangs rgyas kyi sku la mtshan ma'i
42b4 gzugs med pas// sangs rgyas kyi sku dang sangs rgyas kyi ye shes tha dad du 'dzin pa'i rtog pa'i las grol te// gcig tu shes dgos so// zhes gsungs so// sangs rgyas rang chas chen po'i rgyud las sangs
42b5 mngon sum du bstan pa'i le'u ste dang po'o// de nas yang gsang ba'i bdag pos 'di skad ces zhus so// kye kye sangs rgyas 'od kyi phung po chen po// chos kyi sgo mo brgyad khri bzhi stong ji snyed ceg gsungs
42b6 kyang// chos thams cad kyi rtsa ba gdams ngag tu 'dus pas// gdams ngag thams cad kyi dmar thag gar bcad ces zhus so// sangs rgyas 'od kyi phung pos bka' stsal ba// rang 'chi ba'i tshe drod rkang mthil
43a1 nas yal nas// spyi bo tshangs pa'i bu ga na yar la 'thon// sems glo ba'i nang nas 'thon nas dbugs sna sgor chad// sangs rgyas snying gi nang nas 'thon mig na yar la byon pa'i dus su// 'khor
43a2 ba ru bzlog nas snang srid thams cad 'od kyi sku ru 'char ro// snang srid 'od dang sku ru shar ba de/ rang gi rig pa'i shar lugs sam// rang snang sam/ rang gdangs rang la shar ba shes pas// rang 'od sku dang
43a3 gnyis su med par thim nas sangs rgyas pas// gdams ngag gi dmar thag snang srid thams cad 'od dang sku ru shar ba'i dus su bcad do// zhes gsungs so// de nas gsang ba'i bdag pos 'di skad ces zhus
43a4 so// e maho/ sangs rgyas 'od kyi phung po chen po// gdams ngag de dag nam dgos na bdag 'chi 'bi dus su dgos pas// bdag 'chi ba'i dus kyi dmar thag gar bcad ces zhus so// sangs rgyas 'od phung
43a5 chen pos bka' stsal pa// gsang ba'i bdag po 'chi ba la 'chi lugs rnam pa gnyis yin no// kun tu bzang mo'i ngang du 'chi ba dang// kun tu bzang po'i ngang du 'chi ba'o// kun tu bzang mo'i ngang du 'chi ba
43a6 ni// nang srog pa rtsal 'dus nas 'chi ba yin pas// na tsha zugs gzer med par nyal te 'chi'o// kun tu bzang po'i ngang du 'chi ba ni// nad thams cad snying la 'dus nas 'chi ba yin pas// na tsha zug gzer
43b1 shin tu che ba yin no// na tsha zug gzer lhag pa re la rtogs pa'i shes rab lhag par skye bas// bdag 'chi ba'i dus su dmar thag kun tu bzang po'i ngang du 'chi ba la thag bcad do// zhes gsungs so// de nas
43b2 yang gsang ba'i bdag pos 'di skad ces zhus so// e ma ho// sangs rgyas 'od kyi phung po// shi nas gdams ngag thebs pa gcig sangs rgya bas// bdag sangs rgya ba'i dmar thag gar bcad ces zhus so// de
43b3 nas sangs rgyas 'od kyi phung pos bka' stsal pa// gsang ba'i bdag po// sangs rgyas la gnyis yin no// chos nyid ma dang phrad pa dang// ye shes rang sa zin pa'o// chos nyid ma dang phrad pa ni// 'khrul snang
43b4 'gags nas dag dngul dkar gyi yang zhun nam// me long g.ya' dag pa 'am// nam mkha' rnam par dag pa lta bur don chos nyid dag pa yin no// snang 'char ba yin no// ye shes rang sa zin pa ni 'od lnga ngo
43b5 shes rang 'od kyi snang ba la gnyis su med par thim nas sangs rgyas pas// bdag sangs rgya ba'i dmar thag chos nyid ma dang phrad pa'i dus su bcad do// zhes gsungs so// sangs rgyas rang chas kyi rgyud
43b6 las// dmar thag bcad pa'i le'u ste gnyis pa'o// de nas yang gsang ba'i bdag pos 'di skad ces zhus so// kye kye/ sangs rgyas 'od kyi phung po// sangs rgyas kyi mtshan lnga gsung du gsol// zhes zhus
44a1 so// sangs rgyas 'od kyi phung pos bka' stsal pa// gsang ba'i bdag po// sangs rgyas 'od kyi phung po'i mtshan lnga ni// yang dag par rdzogs pa'i sangs rgyas chos sku thig/ nyag gcig sems
44a2 'phrul rtog dang bral ba dang// thog ma'i sangs rgyas pa la rtsal shar bas// 'od mi 'gyur ba dang rig pa 'dzin chags dang bral ba// kun tu bzang po dang// sangs rgyas 'gres rgud mi mnga' ba// gzhon nu bum
44a3 pa'i sku dang// rang bzhin lhun rgyu rkyen dang bral ba byed mkhan med pa gyis grub pa'i sangs rgyas dang lnga yin no// kye rdo rje 'dzin pa khyod nyon cig/ rang gi shes rig gi ngo bo 'di dngos po dang kha dog gang yang
44a4 ma grub par// stong sang nger 'dug pa 'di ka chos nyid kun tu bzang mo yin no// stong pa brdo tsa na stong pa byang chub du ma song bar// rang gi shes rig wal le gsal ba 'di ka rig pa kun tu bzang po yin
44a5 no// rang gi rig pa ngo bo stong pa dang shes rig ma 'gags par gsal ba dbyer med du 'dug pa'i 'di ka yang dag par rdzogs pa'i sangs rgyas nyag gcig yin no// rang gi rig pa gsal stong dbyer med 'di
44a6 ka sangs rgyas nyag gcig tu shes par gyis shig/rang gi rig pa ma 'gags par sa le gsal ba 'di ka rig pa kun tu bzang po yin no// gsang ba'i bdag po rang gi rig pa 'gags med du 'char ba 'di ka
44b1 sangs rgyas kun tu bzang por shes par gyis shig/rang gi rig pa 'od kyi phung por bzhugs pas// 'di la skye shi med pas sangs rgyas 'od mi 'gyur ba yin no// rigs kyi bu rang gi rig pa 'od du 'bar ba
44b2 'di// sangs rgyas 'od mi 'gyur ba yin par shes par bya'o// rang gi snying gi nang na// rang gi rig pa 'od kyi phung por bzhugs pa de sangs rgyas yin no// rang gi rig pa 'od kyi phung po la skye shi med pas gzhon
44b3 nu yin no// bum pa'i nang du mar me btang ba bzhin snying gi dkyil na rang gi rig pa 'od kyi phung po chen po gsal la rtog pa med par bzhugs pa de bum pa'i sku yin no// rigs kyi bu rang gi snying gi dkyil
44b4 na// sangs rgyas 'od kyi phung po bum pa'i nang gi mar me bzhin yod pa de sangs rgyas gzhon nu bum pa'i sku ru shes par gyis shig/ sangs rgyas chos kyi sku rten pa rang gi lus la brten nas yod do// bzhugs pa
44b5 rang gi snying gi dkyil na bzhugs so// gsal ba rang gi mig na phar la gsal bas// rang bzhin lhun gyis grub pa'i sangs rgyas yin no// gsang ba'i bdag po rdo rje 'dzin pa chen po// rang gi mig gi 'bras
44b6 bu'i dkyil na// mthong ba ma 'gags par gsal ba 'di ka rang bzhin lhun gyis grub pa'i sangs rgyas yin no// de ngo shes par gyis shig ces bka' stsal to// kye gsang ba'i bdag po sangs rgyas chos kyi sku
45a1 ni// ngo bo rang bzhin thugs rje gsum du bzhugs so// ngo bo ni rang gi shes rig ngo bo sang nge bsalale ba 'di ka sangs rgyas kyi ngo bo yin no// rang gi rig pa rang bzhin 'od kyi phung por bzhugs
45a2 pa yin no// thugs rje ni 'od lnga'i sbugs na sangs rgyas rigs lnga'i sku bzhugs pa yin no// ngo bo rang bzhin thugs rje gsum du 'du 'bral med par snying gi dkyil na bzhugs so// de ngo shes par gyis
45a3 shig/ces bka' stsal to// sangs rgyas rang chas kyi rgyud las// bde bar gshegs pa'i mtshan bstan pa'i le'u ste gsum pa'o//// de nas yang gsang ba'i bdag po rdo rje 'dzin pa chen po des 'di skad ces
45a4 zhus so// e ma ho/ sangs rgyas 'od phung chen po// ma rig pa'i sems rnam par grol ba'i ye shes 'od kyi phung po ji ltar grol// ces zhus so// de nas rnam par grol ba'i ye shes 'od kyi phung pos bka' stsal
45a5 pa// gsang ba'i bdag po khyod nyon cig/ rnam par grol ba'i ye shes 'od kyi phung por grol ba la gsum yin no/ 'jug pa dang// grol ba dang// mthar phyin pa'o// 'jug pa la gnyis te// 'od rang gi rig pa
45a6 la tshur 'jug pa dang// rang gi rig pa 'od la phar 'jug pa'o// 'od rang gi rig pa la tshur 'jug pa ni// 'khrul pa'i snang ba 'gags pa dang// sangs rgyas kyi zhing khams rnam par dag pa// phra la dwangs
42a4 pa// gnyen bshes tshogs kyis mtha' skor yang// srog gcod tshor ba rang gis myong// shi nas zla med gcig pur 'gro// gnyen gyis ma phan bshes mi phan// nye ba rnams la ci phyir chags// zas nor
42a5 rnams kyis mdun gang yang// dang khar 'ong ba chu las med// pha rol nor med lag stong 'gro// bsags pa'i nor ni gzhan gyis khyer// rnam smin shi ba'i rjes su 'brang// nor phyir sdig pa ci la bsog/ btsan
42a6 po dbang chen mdun ma yang// dbang med 'chi bdag gshin rjes khrid// rgyab rten mgon skyabs su la re// yul khyim mkhar sogs rmi lam bzhin// skad cig mi rtag zhig nas 'gro// lus dang kha dog stobs
42b1 rnams kyang// kun nas mi mthun zug rngu ldang// rnam par bam zhing 'bus gzhigs dang// rul dang myags dang dngos po la// khyi dang phag kyang skyug bro ste// mi lus chos med phyi ma'i dgra// 'jig rten pha rol
42b2 'gro tsam na// skyabs gnas dkon mchog ma gtogs pa// cis kyang phan pa med pa la// bdag 'dzin can tsho'i ro brgya la// 'chi ba'i 'jigs pas bsam mi khyab// de bas kyang ni phyi ma 'jigs// chos med
42b3 ngan song gnas su 'gro// mdo med gser gling stong log byas// rgyus yod bzhin du ltogs grir shi// don med mi lus sha thang chad// mtho sar bslebs nas g.yang la 'phyong// dug sbrul mtsho nas thon pa
42b4 dka'// mun pa'i gling na nyi zla med// nor bu rin chen dus der stor// dbul po rnams kyi phun tshogs bral// las kyi gshin rje zhe re gnag/ 'khrul pa'i sems can nyon re mongs// sangs rgyas thams cad kyi
42b5 bstan pa'i gzhi rgyud mchog rin po che spungs pa las/'chi ba mi rtag pa'i le'u ste bcu gnyis pa'o//// 'khor ba gting mtha' med pa nas// skye shi sdug bsngal zad med la// skyabs gnas nus pa shin tu
42b6 dkon// 'jigs shing skrag pa'i mi rnams kun// bde ru re ba'i skyabs gnas su// ri dang nags tshal ljongs rnams dang// ljon shing skyed tshal khang pa dang// yo byad grogs bshes rgyal po la// skyabs su 'gro
43a1 ste mchog ma yin// la la lha klu gnod sbyin dang// rdzu 'phrul ldan pa'i bdud rigs la// skyabs su 'gro ste phan mi thogs// kho rang yang ni sems can la// 'khor ba'i sdug bsngal ci la
43a2 skyob// 'ga' zhig phyin ci log gi blos// phya dang dbang phyug la sogs la// skyabs song log pa'i gnas su 'gro// dgra 'ong mi la skyel ma bcol// sngon la skyel ma dgras khyer bzhin// mu stegs kho rang dmyal
43a3 bar song// gzhan la bskyab thabs ga la yod// skyabs de mchod 'os ma yin pas// dad pa'i gnas min spang bar bya// sdug bsngal kun las thar pa las// skyab tu nus pa shin tu dkon// 'jig rten khams
43a4 na 'byung dka' ba'i// sangs rgyas chos dang dge 'dun te// bla na med pa'i dkon mchog gsum// dad pas skyabs su 'gro byed cing// 'phags pa'i bden pa bzhi yi lam// shes rab kyis ni lta byed
43a5 pa// skyabs gnas rnams kyi mchog yin la// snying nas blo phugs de la gtad// chung 'bring chen po'i blo ldan pa// dang po tshe 'dis bslus par mthong// 'jig rten chos brgyad blo log nas// ngan song sdug
43a6 bsngal 'jigs pa la// tshe 'di ji srid 'tsho yi bar// gnas skabs skyabs su 'gro bar bya// nyams len mi dge bcu spang zhing// dge ba spyod cing mi rtag bsgom// legs smon sdom pa skye ba yin// 'bras bu lha
43b1 mi'i go 'phang thob// de nas gnyis pa gang zag 'bring// 'dus byas thams cad 'jig par mthong// bde sdug kun la blo log nas// 'khor ba'i sdug bsngal shes pa yis// dus ni ji srid 'tsho yi bar// thun
43b2 mong skyabs su 'gro ba dang// nyams len rang don bslab bya gsum// spyod cing bden pa stong pa bsgom// nges 'byung sdom pa skye ba ste// 'bras bu 'phags pa nyan rang thob// skyes bu mchog tu gyur pa
43b3 rnams// sems can rnams kyi sdug bsngal mthong// rang gi don la blo log nas// theg pa dman la 'jigs pa yis// byang chub snying po ma mchis par// khyad par mchog gi skyabs 'gro byed// nyams len
43b4 gzhan don phar phyin drug/spyod cing stong nyid snying rje bsgom// byang chub sems kyi sdom pa skye// 'bras bu rdzogs pa'i byang chub 'thob// skyabs su 'gro ba'i byed lugs ni// 'khor ba'i sdug bsngal zad pa
43b5 dang// sangs rgyas yon tan mthong ba yi// dad pa sgo gsum gus pa yis// rnam pa thams cad kun mkhyen dpal// rdzogs sangs rgyas dang de sras la// ston pa bya zhing de nyid kyi// go 'phang thob phyir skyabs
43b6 'gro bya// tshig tu brjod pa skyabs 'gro min// don gyi skyabs 'gro sangs rgyas mchod// sgom yang de la sgrub kyang de// gtad so de la 'phul ba de// gsol ba de la btab pa yis// byin rlabs de yi go
44a1 'phang thob// chos la skyabs 'gro de yi gsung// skyabs su mchi ba kha chos min// sangs rgyas 'dod phyir lam de nyid// gang zag rigs dang mthun pa ru// theg pa gsum gyi dam chos la// thos
44a2 bsam sgom gsum shes rab kyi// blos sbyong bslab gsum nan tan skyed// skyon dag yon tan gong du 'phel// lam mthar phyin pas go 'phang thob// dge 'dun sangs rgyas mdzad pa la// tshig gi mi phan rjes su
44a3 bsgrub// thar pa lam ston grogs nyid du// zag pa med pa'i skyabs 'gro la// mi dge'i khyim spangs rab tu byung// dge ba'i tshul khrims sdom pa gsum// 'bral ba med par grogs su bsten// dge slong dgon
44a4 par rtsal rdzogs pas// go 'phang bla na med pa thob// dkon mchog rin chen rnam gsum la// dge 'dun skyabs song rab byung bas// mi dang mi lon log snang can// 'gran sems can kun mchod byed
44a5 'gyur// chos kyis 'khor ba'i skyon dag nas// mya ngan 'das pa'i yon tan 'byung// sangs rgyas nyon mongs sems can la// rnam kun mkhyen nyid sangs rgyas thob// dkon mchog gsum gyi bden pa de// tshe
44a6 'di'i nad gnod dgra bgegs kyis// 'tshe ba rnams ni zhi ba dang// sdig sgrib bral bas phyi ma ru// ngan song 'jigs pa kun las thar// tha mal 'gro ba 'khrul gnas nas// 'jigs tshogs log pa las
44b1 skyabs te// sangs rgyas lam la rab zhugs pa'i// sdom pa kun gyi rten du 'gyur// sdom pa 'di gnas kun kyang yod// skyabs 'gro nyams na bslab kun nyams// skyabs 'gro bstan pa'i srog shing yin// skyabs
44b2 gnas sangs rgyas nyag gcig ste// thub pa'i chos kun de la tshang// tshogs na de yi mthar thug go/ sangs rgyas kun ston skyabs rnyed nas// 'jig rten ngan la skyabs mi zhu// sangs rgyas gzugs brnyan gus
44b3 byas kyang// de yis brgya yi char mi phod// lam mchog chos la skyabs song nas// sems can rnams la 'tshe mi bya// byas na lam de nyid las bzlog/ yig 'bru tsam la dad byas pas// 'gro ba kun la phan bde
44b4 'byung// dge 'dun skyabs song bstan pa ni// smad dgra mu stegs rnams mi 'grogs// sdigs dang 'grogs na dge ba stor// dri ngan 'gos pas mi gtsang ltung// rgyal mtshan 'dzin pa'i lam zhugs pa'i// ser
44b5 ru gos tsam 'chang ba la// ston pa'i 'du shes gus pa blang// dkon mchog bka' drin ma brjed phyir// dus dang rgyun gyi mchod pa 'bul// tshogs rdzogs sgrib pa'i las rnams 'dag/ dog la drag po ci byung
44b6 yang// thabs gzhan mi btsal mkhyen tshig gcig/ phyogs dang gnas ni gang 'dug kyang// dkon mchog zhing yin der shes bya// tshe dang 'gal ba chen po'i don// skyabs gsum mi spang srog ltar brtsi// bslab
45a1 pa mtha' rdzogs yon tan ni// sangs rgyas kun gyis brjod par dka'// mtha' yas mu med bsam mi khyab// sangs rgyas thams cad kyi bstan pa'i gzhi rgyud mchog rin po che spungs pa
45a2 las// skyabs gnas khyad par can gyi le'u ste bcu gsum pa'o//// yang dag ma yin kun rtog las// kun rdzob log pa'i bden pa de// sdug bsngal kun 'byung nyon mongs rnams// tshul bzhin ma yin
45a3 lhan cig skyes// ma rig las byung kun brtags kyis// ma rig nyon mongs khams rnams las// dge bas lha mir skye ba'i las// mi dge ngan song skye ba'i las// rgyu 'bras shes kyang de yi ni// rang bzhin ma
45a4 shes las 'bras la// rmongs pa'i ma rig las spyad pas// rten 'brel lus su 'byung ba la// don dam gnas lugs bden pa yin// mthar thug 'gog pa'i lam zhugs nas// srid pa'i lugs bzlog tshogs
45a5 sbyor gyi// lam zhugs gnyen pos 'khor ba spangs// dmyal ba'i sdug bsngal shes pa la// lha mi gdug par mi shes pa'i// dge ba'i las la spyod pa yi// rgyu 'bras rmongs pa'i ma rig bcom// khams gsum
45a6 gnas la chags zhen med// las kyi sgrib pa zad pa yis// 'bras bu dgra bcom rang rgyal thob// mthong ba'i lam zhugs gzung 'dzin spangs// kun brtags gzhan dbang sna tshogs kyi// ma rig pa yi rtog
tshogs bcom/

CLOSE WINDOW