116b2 / gzugs 'dod gzugs med ji bzhin du// theg pa che chung re zhig 'dod// sde mtshan gsum gsum bstan pa yang// dug gsum lus ngag yid gsum dang// khams gsum sku
116b3 gsum sku gsung thugs// de yi shes rab che chung ste// mdor na shes rab yod med gnyis// yod pa bya ba byed pa bral// med pa gzung 'dzin blo yul te// gzung 'dzin phra rags dbye na 'di'o// 'dzin pa bral
116b4 ba shes rab ste// gzung ba lhod 'phra snying rje yin// gzung 'dzin gnyis med mtshan nyid la// 'phra ba tsam ni btags pa ste// btags pa'i grub mtha' thams cad kyis// yang dag rtogs la phan mi
116b5 'gyur// rang gi bde ba gnas skabs 'byin// kun rdzob shes pa shes pa ste// don dam shes pa shes rab yin// des zin mi rtog khyab pa rje// dbang po dman pa'i nyan thos kyis// yul ni phra rags shes pa
116b6 skad cig rtogs// gang zag bdag med de yang rab 'bring gsum// khams gsum 'khor ba 'dod chags gzir// snying rje de yi gnyen por mi sdug sgom// 'bring gis rnam rtog gnyen por rlung 'gog
117a1 pa'o// rab ni bdag tshol bdag med stong pa sgom// mdo sde yul gyi gzugs brnyan dngos su min// bdag 'tshol ba las khyad par sems 'tshol te// khyim par gyur kyang skyon med rtse gsum
117a2 sgom// kun rdzob yul sems so sor 'gro don rab brtson pas// de dang tshul mthun pas na mdo sde'o// rnal 'byor spyod pa kun rdzob sems su lta// rang rgyal gang zag bdag med khyad par du// chos kyi bdag
117a3 ni yod med bsam mi khyab// rang gi rig pa gsal la ma zhen bsgom/ sems tsam sems las yul yod ma yin te// sems gzhan ma ltos sna tshogs rang nyid gsal// de ni rnam bcas rnam med sna tshogs
117a4 'khrul// rang rig mtha' bral nam mkha' lta bur lta// gsal la mi rtog skyes la ma 'gags sgom// dbu ma yul sems so sor lta mi lta// mdo sde spyod dang rnal 'byor ba'i// rnal 'byor sgyu ma rab tu mi gnas
117a5 pa'o// kun rdzob sems de don nam cir ma grub// gang du ma zhen mi 'dzin bsam gtan no// kri yas rang bzhin med par 'dra ba las// kun rdzob lha dang lha mor 'dod pa dang// de lta nyid du rtogs pas
117a6 'bras bu lam// de yang spyod pa'i sgo nas mngon sangs rgyas// gnyis kyi rgyud ni lta spyod 'dzom thob 'dod// rnal 'byor rtogs gtso spyod pa phan gnod med// ma hA thabs dang spyod pas rtogs pa btsan bcom
116b2 spags// ye shes khong gsal dran par bya'o// de'i yon tan ni chos sku mkha' khyab dang ldan no// rdzogs so// sangs rgyas thig le nyag
116b3 gcig la/chos sku brdal khyab/ rtogs par bya ba'am/ btsal ba'i chos med do/ gang zag blo'i ngos nas gnyis su med par rtogs dgos pa las/ rtsa rlung thig le'i gdams pa bshad par bya/ de nas gdams
116b4 pa ni/rtsa dang thig le'i gnad gsum rang grol du shes dgos te/ thig le chen po'i rtsa rlung 'di ni phyi nang gsang ba gsum du 'dus pa'o// de la thig le phyi ltar bshad pa/ phyi 'byung ba lnga ni ngo bo'i 'od gsal de
116b5 rag gsal du gnas rang byung ye shes so// de ni phyi'i thig le'o// nang gi thig le ni ngo bo rig pa'i ye shes rangashar ngo shes pa'o// gsang ba'i thig le ni sgom pas ma rnyed/ ma bsgoms pas ma gtor/ ye shes
116b6 rang las ma rtogs pa med do// phyi gsal ba 'byung lnga ni rang snang chen po'o// nang rig pa'i ye shes kyi gdangs ni/ me long dang byad lta bu'o// gnyis su med pa'i chos sku brdal khyab chen po dang/ ye shes brdal
117a1 khyab gnyis su med pa'o// thig le gsang ba gsum po 'di rtogs shig/ rtogs pa sangs rgyas kyi dgongs pa khong du chud pa zhes bya'o// rlung la yang phyi nang gsang ba gsum ste/ thog ma gnas nas
117a2 rig pa bskyod pa gzhi la gnas so// phyi'i rlung ni gling bzhi 'degs pa dang/ rang byung du bskyod pa'i rlung ngo// nang gi rlung ni 'gro ba dang/ 'don pa dang/ bskyod pa'o// gsang ba'i rlung ni 'gyu ba dang/ mnyam
117a3 byed dang/dbugs 'byung ba'o// rlung gsum po de yang ye shes kyi rlung du rtogs na sku gsum thob bo// rtsa la yang phyi nang gsang ba gsum ste/ phyi'i rtsa ni chos nyid rang byung gi rtsa ste/ 'od lnga ste stong par rang snang
117a4 du shes pa'o// nang gi rtsa ni rnam rtog rang rig pa'i ye shes rang shar ba ste/ rig pa'i ye shes so// gsang ba'i rtsa ni dbugs dang 'gyu ba stong pa nyid kyi ye shes dbyer med pa'i chos sku zag thal lo// rtsa dang rlung
117a5 dang thig le gtan la phab pa/sku gsum bkog gzhengs kyi dgongs pa/ bstan ma thog tu lta sgom la rag ma lus pa las/ sangs rgyas kyi dgongs pa skad cig ma la thob pa/ zag bcas phung po'i nang du sangs
117a6 rgyas kyi dgongs pa dang mjal ba/lam bgrod par rang sar sleb pa/ sku gsum gyi dgongs pa dus gcig la thob pa/ 'khor ba'i mngal kha dus gcig la rgyas thebs pa zhes bya ba'i man ngag/ mdzod kyi
gdams pa/

CLOSE WINDOW