114b4 / lha dang dkyil 'khor med cing dus gsum bde bde gshegs med// mchod bshags bstod pa med cing phyag dang bskor ba med// gzhi lam 'bras bu med cing lta
114b5 sgom spyod pa med// thams cad yod pa ma yin 'khor ba'i 'ching ma yin// thams cad drang ba'i don te shes rab mchog la 'dren// shes rab pha rol phyin mchog ngo bo la// thams cad dus gcig rdzogs te lhun
114b6 gyis grub// de yod kun yod de med kun med pas// pha rol phyin mchog rdzogs chen spags te che// mi 'byed mi g.yo mi 'dzin ma gos dang// skyon yon dag ste dus nyid thams cad pa'o// bya bral kun 'dus mi
115a1 g.yo 'dod pa zad// de med bzlog pa'i sgo nas thams cad bral// shes rab pha rol phyin mchog nga nyid la// sa lam thams cad lhun grub nga nyid yin// mi 'gyur kun gzhi'i sems kyi sa gzhi
115a2 la// de nyid yang dag mthong ba rab tu dga'// de la gzung 'dzin dag pa dri ma med// de nyid rgya ma chad pa 'od byed pa'o// rtogs pa'i ye shes 'byung ba 'od 'phro ba// blo yi spyod yul ma gyur sbyangs dka'
115a3 ba// rang gis ngo bor gyur pa mngon gyur ba// 'dod pa'i blo ma skyes pas ring du song// mi skye mi 'gag g.yo ba med pa'i sa// skyon rnams kun gyis ma gos legs pa'i blo gros// thams cad chos kyi dbyings
115a4 las mi phyed sprin// thog ma tha ma med pa kun tu 'od// gang yang ma spangs pad+ma can// rnam rtog mtshan ma spyod cing thog med 'khor// thams cad thig ler 'byed med dbye ba med// sems dang chos su 'dres
115a5 pas lhun gyis grub// ye nas thig ler dbyer med tshogs kyi lam// rtogs pa'i ye shes dbyer med sbyor ba'i lam// chos nyid don rtogs bde chen mthong ba'i lam// yid kyi g.yo ba zad pa sgom pa'i lam// bya
115a6 byed med pa mthar phyin pa yi lam// rnam dag lam chen shes rab mchog med pa// bgrod pas 'khor ba'i lam ste grol mi srid// bzlog pa'i sgo nas de med thams cad med// ces shes rab pha rol phyin pa'i
115b1 gsang thig ste bdun pa'o//// rang rig lta ba'i ngang la phyag 'tshal lo// lta sgom spyod 'bras la sogs pa'i// byas pa'i chos rnams thams cad 'jig/ shes rab mchog gi chos rnams yin// de yod na
115b2 ni chos rnams med// de med na ni chos rnams yod// bdag dang chos rnams nam mkha'i ngo bo shes// shes nas shes byed rnam dag na// shes rab pha rol phyin mchog ldan pa yin// chos ni byed pa bral ba
115b3 yin// nyid ni bya ba bral ba yin// bya byed gnyis med chos kyi sku// bya bral dus su sku gsum rdzogs// de la mya ngan 'das zhes te// gzhan du theg smad bsam yas pas// rang rang 'bras bu sangs rgyas
115b4 'dod// 'dod pas 'khor ba ma rtogs te// 'khor ba'i mtha' las de ni mtha'// nges pa'i shes pa ma skyes shing// rang tshig tshad dang ma ldan te// gzung 'dzin mtshan ma ma grol bas// gang gi gar skye mi shes
115b5 pa// 'ol phyir phyogs su gar bsgoms kyang// long ba'i gom pa bzhin te phyal bar gol// chos dang sems gnyis so sor mi 'gyur ba// de ni rtag pa'i mtha' ste grol ba med// thams cad gdod nas med pas
115b6 blo yul med// de ni chad pa'i mtha' ste grol ba med// snang la rang bzhin med ces yul can nges med 'chings// nam mkha' lta bur chos rnams mtha' bral bsgom// mtha' bral 'dod pa mtha' ste nam mkha'
116a1 mtha' yas skye// gnyis med ma rtogs dran rtog med pa bsgom// 'du shes med pa'i khrod du de nyid skye// 'di bsgoms nges med gcig dang du ma bral// bsgom med blo yul ci yang med par
116a2 skye// thams cad sems yin cing snang cir med na// rnam shes mtha' yas gnas su de skye nges// byang chub don gnyer lha yi dkyil 'khor bsgom// gzugs khams lha yi gnas su de skye nges// 'dod pa'i mngon
114b4 song zab mo'i bskyed rim gyis// de ni yang dag rdogs pa'o// 'chi ka ma las kyi rin po che// rig pa lu gu rgyud du grang pa// thig le 'dus pa'i bu gzhan don rdzogs so// thig le 'dus pa'i bu/
114b5 kun tu bzang pos sku gsum bsre ba'i man ngag/ chos thams cad chos sku mkha' khyab dwa ngas par la bzla ba ni/ rig pa khong gsal gyi sgo nas ye shes yon tan du bstan pa dang/ ye shes yon tan gyi sgo
114b6 nas thugs rje'i rtsal snang bar bstan pa'o// chos kyi sku la rig pa'i rtsal ma 'gags pas/ me long lta bu'i ye shes/ de las 'phro 'gyur med pas mi 'gyur bas// chos sku la thams cad mkhyen pa'i ye shes dang
115a1 ldan pas// sangs rgyas spyan zhes bya ba'i spyan zhes bya'o// chos kyi sku'i shes rab mi g.yo bas mnyam pa nyid kyi ye shes// ye shes de thugs rje'i rlan dang ma bral bas chu// thams cad la thun mong
115a2 khyab pas mA ma ki zhes bya'o// chos kyi sku kun la khyab pas so sor rtog pa'i ye shes// ye shes des thams cad skyob par byed cing thugs rje smin par byed pa me// sems can kun gyi drod la khyab par gnas pas
115a3 na gos dkar mo zhes bya'o// chos kyi sku la ma btsal bar mkhyen pa'i ye shes lhun gyis grub pas// bya ba grub pa'i ye shes// ye shes de'i thugs rje'i dbang gis thams cad sgrol bas rlung// phyir mi ldog pas
115a4 dam tshig sgrol ma zhes bya'o// chos kyi sku'i ye shes longs sku la rdzogs pas chos kyi sku'i ye shes// ye shes des kun la khyab pas thams cad kyi gzhi ma lta bu ste nam mkha' chos nyid de dus gsum du mi 'gyur
115a5 bas kun tu bzang mo zhes bya'o// de chos kyi zung lnga ya bcu dang ldan pa de// rtsal gyi sgo nas yon tan du bstan pa'o// yon tan gyi sgo nas rtsal du bstan pa ni// longs spyod rdzogs pa'i sku lnga la// rigs re re la
115a6 'dul ba'i ngo gang tha dad pa re re byung bas ni// dper na nyi ma'i snying po gcig la yul gyi dbang du rtsis pa lta bu ste// yul re re na nyi ma re re snang ba dang 'dra ste// de bzhin du chos kyi sku gcig gi kun la khyab
115b1 par bstan pa ni// yon tan gyi sgo nas rtsal du bstan pa'o// ye shes lnga lus lnga la thim pa'i dus na/ ye shes lus can no// ye shes lnga'i snang ba 'od lnga ru 'char ro// de la 'gro drug tu skye ba'i rgyu drug dang/
115b2 lam lnga dang/ yul drug dang/ 'bras bu drug tu smin pa ni// bar dor gdams ngag las shes par bya'o// bar dor 'khrul pa ldog pa'i rkyen gsum 'char te// bla ma'i gdams ngag rkyen du 'char ba dang// rang
115b3 snang rkyen du 'char ba'o// de gsum yang gdams ngag las shes par bya'o// da lta ni chos sku mkha' khyam nyams su myong ba yin no// dper na khyung sgo nga na gnas pa 'dra'o// sgong rgya ral bas ma dang mnyam
115b4 mo// dpe de bzhin du ye shes khong gsal nyams su myong ngo// dbugs chad nas rkyen gsum 'char bas dngos su sangs rgyas so// de yang gdams ngag las shes par bya'o// da ni sprin par nyi ma lta bu// da lta na
115b5 nyams thogs na gnas so// mngon du bar ma dor 'gyur// 'khrul pa ldog pa'i thabs ni da lta yin// sangs rgyas mngon du 'gyur ba'i dus bar do yin// sangs rgyas nas 'bras bu ni gdams ngag las shes
115b6 par bya'o// gzhi 'khrul gzhi gdeng// ldog pa'i thabs gsum gyis bstan// gnas lugs la mtha' yas// 'gro drug g.yang sa gcad// gnas lugs las 'dod khams gzugs// gzugs med khams
116a1 gsum// longs spyod sku'i gnas lugs// spyi ni 'od srungs chen po yin// dgos ni 'od srungs chung ngu yin// thig le 'dus pa'i snyan brgyud 'di// ston pa gsum dang// rigs 'dzin gsum gyi
116a2 byin rlabs// lce btsun bdag la thugs kyi bcud thigs pa// dbang chen thob pas chos smyo 'ong ste mchi// zas skom mi la tshaul yang gdams ngag gcig ma shor// dgos dgu mi la tshol yang gsang gter 'di ma
shor/

CLOSE WINDOW