114a4 / 'khor ba rang nyid dag pa las// sangs rgyas 'dod pas blo chung bcings// dge ba dpag med byed pa dang// mtshams med lnga po byed pa yang// 'khrul pa gang dag nges med de// ma dag
114a5 par du khyad par che// rgyu dang 'bras bu'i theg pa dang// rang nyid shar de byed pa med// thams cad du yang ngang gis byung// thams cad rang bzhin nyid kyis dag/ bdag nyid chen por lhun gyis grub// de ni
114a6 gsang sngags zhes bya'o// ji srid blo ma zad par du// 'khor ba zad par su 'dod pa// de ni rgyu yi theg pa yin// rgyu yi theg pa gang yin pa// de ni rkyen gyi theg pa yin// rgyu rkyen gang dang gang yin pa// de la 'du
114b1 byas zhes brjod do// de las gzhan pa'i 'dus byas ni// mkhas pas nam yang rnyed pa med// ji srid bya ba yod par du// de ni 'bras bu'i theg pa min// de bas bya bral rdzogs pa che// de bas spros bral lta ba
114b2 che// de bas 'dzin bral bsgom pa che// de bas bya bral spyod pa che// de bas thob bral 'bras bu che// zhes rgyu 'bras khyad par gyi gsang thig ste drug pa'o//// legs pa'i 'byung gnas shes rab pha rol
114b3 phyin mchog ngang la phyag 'tshal lo// legs pa'i 'byung gnas shes rab pha rol phyin 'di la// khyed bral shes rab pha rol phyin mchog med 'gyur na// pha rol phyin rgyu med cing lam med theg pa'ang med// phyag
114a4 rgya sngags dang dka' thub sbyin sreg med//// thig le 'dus pa'i bu'i man ngag/ gzhan don du bstan pa/ 'chi kha ma las kyi rin po che/ slob dpon dga' rab rdo rjes smras pa/ byang chub sems dpa' khyod lam
114a5 du 'jug pa'i tshe/gsang ba'i sgo dgu pa'i gnad dgu la// yi ge ma bu'i sbyor bas dgag/ gsang ba'i sgo dgu ni// snying kha lkog ma kha mig gnyis// nor 'bud sna yi rtse mo ru// sngags bris pa ni gdags par
114a6 bya// bsam gtan ye shes khong gsal bskyed// da ni gsang ba'i sgo gsum dbye// 'jug pa de yi thor to nas// tshangs pa'i skud pa sum sgril la// bdag nyid lha yi srin lag la// btags te sngags 'di stong
114b1 bzlas na// bcu gnyis bcu gnyis gsang sgo nas// bdag nyid ye shes sems dpa' la// me long lta bu'i gzugs brnyan no// de yang ye shes khong gsal du// sgom pa chos sku mkha' khyab thob// gsang gi sgra
114b2 yis bos pa'i tshe// bdag dang gnyis med thugs khar thim// de yang ye shes khong gsal du// de ni skye ba med pa'i lam pa'o// rig pa lu gu rgyud du drang ba ni// gang zhig gnas nas thon pa'i tshe// sgo gsum sgo
114b3 gsum sgo sprad de// dbugs re hUM re dran par bya/ 'jug pa'i dbugs ni a ru thim// a ni skye med chos kyi sku// mkha' khyab dngas par rab tu bstan// yeshes khong gsal ngang du bstim// de la gnyen po
gzhig tu med/

CLOSE WINDOW