64a1 / gzhan la skyes nas rten yod min// rang snang ris med ye shes kyis// stong pa skur 'debs zhen las grol// phyi rol yul gyi snang ba dang// rnam rtog blo yi snang ba dang// ye
64a2 shes rang snang 'dzin med gsum// dbyer med bde chen zung 'jug go/ bden brdzun res 'jog zhen pa grol// dus la snga phyi med pa dang// 'dug sa tha dad med pa dang// ngo bo bzang ngan med pa
64a3 yis// gnyis med dag tu ngo sprod do// de ltar 'dug tshul gol ba ni// yon tan rnam gzhi rang la 'byung// 'byung rgyu med pa'i 'byung ba'o// ting 'dzin bar do lnga zhen bcad// phyin ci ma log par ma chad// yun
64a4 rings dag tu gnas pa ni// sngar zhen bag chags bcad pa de// gdams ngag dag gis gzer chen yin// rgod pa ma yin bying ba med// re pha ma yin dogs ma yin// rtag pa ma yin chad pa min// 'jams pa
64a5 ma yin the tshom med// lto 'khor ma yin nying 'brur med// shes pa re mtshor shor ba dang// shes pa nyid 'brur shor ba dang// sngar zhen ma yin 'khrul rtog med// byung tshor ma yin bying rmug med// rig pa yul du
64a6 mi byed cing// ting 'dzin ro la mi chags na// mi rtog rang ngo yin par bshad// bar ma chad du yun rings su// rtag tu rten med gnas par bya// byung na rig pa rjes med gang// mi 'gegs mi sgrub rtsol ba
64b1 med// gnad kyi gdams ngag yin par bshad// rmi lam bar do gcig tu bsre// gdams ngag gis ni bsre ba dang// spyod lam khams kyi tshod dang sbyar// 'dre na bag chags 'dra 'dre dang// gnyen po stobs su
64b2 'gyur ba dang// bag chags dag la mi gnas na// gnyid kyi gdams ngag 'byongs pa yin// ye shes gcig tu 'dres pa ste// de la bdud kyi tshugs ma yin// gnyid kyi gdams ngag 'byongs ba'o// goms par
64b3 gyur pa dag yin na// rkyen gzhan dag kyang dgos mi srid// ma sgoms brtan par ma gyur na// 'gu ru dag dang 'brel ba yin// gsal btang rkyen gyis sngar sor tshud// rig pa zang thal skyon ma gos// sngar zhen
64b4 bag chags chod pa dang// blo bur 'khrul rtog chod pa yi// ye shes skyon med rang grol lo// phung po shes pa dag dang bral// dper na mun khung sgron med ltar// ye shes phyogs 'dzin rtog pa bral// thams cad
64b5 mkhyen pa'i sangs rgyas ni// rang du mi rtog gzhan mi rtog/ mi rtog chos skur gnas pa'o// sku gsum ston pa'i sangs rgyas kyang// byin brlabs ngo bo tshig bsdebs nas// gang dang gang gis 'dul ba la// gang
64b6 dang gang 'thad ston pa ni// gzhan don longs sku sprul sku yin// shes pas bsgribs pa gcod pa dang// rnam par snang mdzad long sku yis// sgra dang tshig tu ma bsdebs te// rang gi ngo bos bstan pa'o// 'gro ba
65a1 drug dang cha bstun par// gang la gang 'thad gdams ngag ston// lha skad klu skad gnod sbyin skad// grul bum skad dang mi yi skad rnams dang// 'gro ba kun gyi skad rnams ji tsam par// thams
65a2 cad skad du bdag gi chos// tshig dang yi ger sdebs nas ston// lha rnams 'dun pa bskyed pa'i phyir// pi wang chen po rab tu bsnams// 'thab rtsod sdug bsngal zhi ba'i phyir// mtshon cha go cha rab tu
65a3 bsnams// mi rnams dad pa bskyed pa'i phyir// dge slong gseg shang par bu bsnams// ma rig mun pa bsal ba'i phyir// chos kyi po ti rab tu ba snams// bkres skom sdug bsngal zhi bya'i phyir// rin chen sgrom
65a4 bu phyag na bsnams// tsha grang sdug bsngal zhi bya'i phyir// me chu'i bsil dro phyag na bsnams// gang 'thad theg pa de la bstan// rdzogs pa chen po snying khrid man ngag gi rgyud// slob dpon dga' rab rdo rjes yi
64a1 ger bkod pa rdzogs so/rgya gar skad du/ gu h+ya b+hin d+hu tan+t+ra/ bod skad du/ gsang ba yang gter gyi rgyud/ dpal kun tu bzag po la phyag 'tshal lo// bcom ldan 'das dpal rdo rje sems dpas chos kyi dbyings kyi pho brang
64a2 du/'phags pa'i 'od zer rab tu 'phro ba zhes bya ba dang/ bdud 'dul ba'i dus na/ yid ma la ya'i bstan pa la gnas so// de'i tshe de'i dus na 'phags pa 'od zer rab tu 'phro bas// bcom ldan 'das rdo rje
64a3 sems dpa' lags/b+ha ga ban kun tu bzang po'i dgongs pa dang/ khams gsum gyi ma nu 'di rgyu ci las 'khrul cing ji lta bu lags/ gsang ba chen pos bdag la bstan du gsol/ ces zhus pas/ rdo rje
64a4 sems dpa' chos kyi dbyings kyi ngang las rnal lo// de las bzhengs nas 'di skad ces bka' stsal to// nyon cig legs par yid la zung zhig/ ces bka' stsal lo// spyi dang 'khrul pa lam dang ni// gol ba
64a5 gnas lugs ngo sprod dang// 'bras bu mthar phyin ngas bstan to// zhes gsungs so// gsang ba yang gter gyi rgyud las/ gleng gzhi'i le'u ste dang po'o//// de nas yang 'phags pa 'od zer rab tu 'phro
64a6 bas/rdo rje sems dpa' la zhus pa/ spyi sa chen po ni gang lags/ zhes zhus pas/ yang bka' stsal pa/ kye kye nyon cig spyi sa zhes bya ba ni/ ngas khyod la bstan par bya yis// thog ma sangs rgyas sems can ming
64b1 yang med// sangs rgyas rnam par rtog las byung ba'i phyir// rnam par rtog pa rang du yang ma 'khrul te// de'i tshe de'i dus na/ chos kyi dbyings zhes bya'o// sangs rgyas kyi gzhi zhes bya'o// sems can sangs rgyas
64b2 kyi 'byung gnas zhes bya'o// 'khrul pa'i gzhi zhes kyang bya'o// thams cad bskyed pa'i ma zhes kyang bya'o// kun gyi gzhi zhes bya'o// sems can 'khrul pa'i phyi mo zhes bya'o// 'gro drug med do// 'byung ba lnga med
64b3 do// dug lnga med do// sgo lnga med do// chags sdang bcur med do// phung po lngar med do// lam med do// nyon mongs pa med do// sgrib pa med do// sbyangs pa med do// nyon mongs pa med do// byang ba med
64b4 do// sangs rgyas med do// chos med do// dge 'dun med do// dgra med do// brda med do// yi ge med do// 'od med do// sku lnga med do// ye shes lnga med do// spyan lnga med do// mngon shes lnga med do// rigs
64b5 lnga med do// yum lnga med do// 'dre med do// lha med do// thob pa med do// ma thob pa med do// rtogs pa med do// ma rtogs pa med do// nyi ma zla ba med do// de ni sangs rgyas byung yang de las med do// des
64b6 nam 'khrul pa zhes bya'o// ma ni gzhi ma de rang bzhin no// lhun gyi grub bo// dpe ga bur dang 'dra'o// rgya ma chad do// lhun gyis grub ba// kun tu 'char ro// mtha' gang la yang mi gnas so// zhes gsungs
65a1 so// gsang ba yang gter gyi rgyud las/ gzhi gtan la dbab pa'i le'u ste gnyis pa'o//// de nas yang 'phags pa 'od zer rab tu 'phro bas/ de lta bu gang yang ma mchis na/ khams
65a2 gsum ma nu bud+ha ji ltar lags/zhes zhus pas/ dper na rin po che 'chang ba'i mi de la/ g.yu dang gser dang rin po che sna lnga med do// rin po che de las thams cad 'byung ngo// de bzhin du gzhi spyi sa
65a3 nas thams cad du 'khrul lo// de ji ltar 'khrul/ zhes zhus pas/ gzhi de la sgo rnam pa lnga yod de/ lhun grub 'gag med kyi sgo dper na ga pur dang 'dra'o// thams cad 'byung ba nor bu rin po che dang
65a4 'dra'o// rnon po'i sgo me shel dang 'dra'o// rtul po'i sgo chu shel dang 'dra'o// ma ning gi sgo glang chen gar chang myong ba dang 'dra'o// zhes gsungs so// sgo lnga ni ye she 'char ba'i sgo yang yin// ma rig pa skye ba'i sgo
yang yin/

CLOSE WINDOW