37a4 rin po che rigs drug g.yang sa gcod pa'i rgyud dang/ rin po che bcud kyi yang snying spros gcod rtsa ba'i rgyud dang/
37a5 spros pa gcod pa sde lnga'i rgyud dang/ snang srid la sbyor bdud rtsi bcud thigs 'khor ba thog mtha' gcod pa'i rgyud la sogs te/ rgyud sde ji snyed cig bzhugs pa'i rgyud kyi dbye ba'o// rgyud kyi dgos pa na thog
37a6 mtha' gnyis kyi gras thag bcad pa'o// rgyud kyi phan yon ni nyon mongs dug lnga 'khor ba'i sdug bsngal sel zhing thar pa dang bde 'gro sangs rgyas kyi zhing khams rnam par dag par skye'o// rgyud kyi ldang tshad ni
37b1 brgyad do// rgyud kyi ngo bo ni snying po'i rang bzhin dus dang rnam pa thams cad du 'pho 'gyur med par gnas pa'o// rgyud kyi mtshan nyid ni khyab la 'brel ba nya'i rgya lta bu'o// dgos pa ni srang gi nyag ga lta
37b2 bu'o// dbye ba ni lag pa'i sor mo lta bu'o// phan yon ni rtsi ma gi rta lta bu'o// rgyud mtshon pa'i dpe ni mi rgyud chu rgyud gzhung rgyud do// de rnams ni rgyud kyi rang bzhin bstan pa'o// zhes gsungs so// snying po ye
37b3 shes bcud du spungs pa thig le gsang ba'i rgyud las// rgyud kyi ngo bo nges tshig dbye ba bstan pa'i le'u ste bcu gnyis pa'o//// de nas ye shes gsal ba yis// thig le gsang ba'i ston pa la// rgyud kyi
37b4 mtshan dang gtan rgya ji ltar lags// zhes zhus pa dang/ ston pas 'khor la bka' stsal pa// chos rnams snying po yang ti yo gar gsungs// snying po bcud kyi yang snying spungs// de phyir snying po bcud spungs// de
37b5 phyir snying po bcud spungs rgyud du zung// ye shes gsal ba'i ngo bo thig le gsang rgyud las// ye shes thig le gsang ba'i rgyud du gsungs// theg pa'i bcud rnams bsdus nas bstan pa'i phyir// theg pa bcud
37b6 'dus bya bar zung// dgu rtse bcud 'dus rje rgyal bas// theg pa gnya' stsol rtse rgyal bya bar zung// zhes gsungs so// rgyud ni gtad pa'i slob ma ni// bla ma la gus shes rab che// dam tshig gzhung bsrung rnam
38a1 smin 'dzes// smras pa mi 'gyur gtong phod che// de la rgyud 'di gtad bar bya// slob ma snod dang mi ldan slob bu ni// nga rgyal che la dam tshig med// brtse gdung chung la shes rab med// chags sdang
38a2 che la gtong phod chung// le lo che la sdig la rngam// log lta skye zhing sgro skur 'dogs// slob dpon gsang zhing rang che byin// g.yo sgyu chos brel zong du 'tshong// khrel med dam nyams sdig can la// gser g.yu
38a3 gter yang ma byin cig/de la byin na dmyal bar skye// de bas snod kyi khyad par gces// zhes gsungs so// snying po ye shes bcud spungs thig le gsang ba'i rgyud las/ snod bzang ngan gyi khyad par bstan pa'i
38a4 le'u ste bcu gsum pa'o// de nas thig le gsang ba'i sgron ma yis// 'khor la bstan pa 'byung ba'i dus bstan pa// lnga brgya dus yi tha ma la// rtsod pa'i 'dab rgyas byed dus su// de dus yang ti yo ga
38a5 'byung// sangs rgyas sku dang gsung gi bstan pa nub// thugs kyi bstan pa dar ba'i tshe// de dus yang ti yo ga 'byung// ma thub rnam gsum byung dus su// 'byung ba sa yi gter ma thub// skye 'gros blo gtad gnyen
38a6 ma thub// mkha' 'gros sbas pa'i gter ma thub// de dus yang ti yo ga 'byung// zhes gsungs so// snying po ye shes bcud spungs thig le gsang ba'i rgyud las/ bstan pa 'byung ba'i dus bstan pa'i le'u ste bcu
38b1 bzhi pa'o// snying po ye shes bcud spungs pa thig le gsang ba'i rgyud rdzogs so////
37a4 / rdo rje mkha' 'gro ma rnams rjes su yi rangs so// rdzogs so// rgya gar skad du// kA ya tri de kalba pra b+ha tan+ta// bod skad du// sku gsum ja log bskal pa 'od ldan gyi rgyud// bcom
37a5 ldan 'das rang snang dag ba'i rgyal po la phyag 'tshal lo// 'di skad bdag gis bshad pa'i dus gcig na// mkha' 'gro nye bar zhi ba dang// gsang ba'i bdag po dang// phyag na rdo rje la sogs rnams kyis
37a6 bskor ro// rang snang rnam dag pad+ma brtsegs pa'i gdan la zhugs te// snang ba thams cad kyang rnam dag rang snang gi mkha'// nam mkha' lta bu rgya yongs chad pa// phyi nang med ba'i gnas chen po pad+ma brdal ba'i
37b1 gzhal yas khang zhes bya ba na zhugs so// de'i tshe de'i dus na// gzigs snang rnam dag gi tshal ces bya'o// de nas gsang ba'i bdag pos// bcom ldan 'das la zhus pa// sku gsum ja log bskal pa 'od ldan
37b2 gyi rgyu bshad du gsol// zhes zhus pas// nyid kyis zhus pa legs so legs so// nyon cig ngas bshad do// sku gsum ja log bstan pa dang// lta sgom ja log bstan pa dang/ thog pa ja log bstan pa
37b3 dang// lus sems ja logs bstan pa thugs rje'i byin rlabs ja log bstan par bya// zhes gsungs so// bskal pa 'od ldan gyi rgyud las// gleng gzha'i rtsa ba'i le'u ste dang po'o//// de nas sku gsum
37b4 ja log bstan pa thugs zhes gsungs so// ston pas bka' stsal pa// sems la rten pa'i sku gsum dang// chos la rten pa'i sku gsum dang// rig pa'i ye shes sku gsum mo// de la sems la rten pa'i chos sku
37b5 ni// brjod pa dang bral ba yis// ngo bo nam mkha' lta bu'o// longs sku 'ja' tshon lta bu la// ngo bo rnam par snang mdzad do// sprul pa'i sku ni des med la// ngo bo thugs pa drug tu 'dod// sku gsum 'du 'bral
37b6 med pa la// sems kyi gsum po rgya chad pas// phyogs su lhung ba'i gol sa yin// zhes gsungs so// bskal pa 'od ldan gyi rgyud las// sems kyi sku gsum 'brel ba med pa'i le'u ste gnyis
38a1 pa'o//// yang bka' stsal pa'o//// chos kyi gsum 'bral med gsum po ja log dgos te// de yang nam mkha' lta bu dag la ja log pas// lta ba rang bzhin med do na// skye
38a2 'gag med cing dbri bkol med// mtha' dang dbus med yengs pa de// de ni chos kyi sku ru 'dod// de nas thabs dang shes rab kyis// nyams su blang ba'i sgom snang de// rnam snang ja log dag tu
38a3 'dod// gtan la 'bebs pa'i shes rig de// ngo bo thub drug ja log yin// gnyan po rtag pa'i chos yin pas// de yang yid smon blo chos yin// yul dang yul can yin pa'i phyir// ji ltar sbyad kyang 'dus par
38a4 'gyur// zhes gsungs so// bskal pa 'od ldan gyi rgyud las// chos las byas pa'i sku gsum yid smon 'dus byas su bstan pa'i le'u ste gsum pa'o//// de nas bka' stsal pa// 'dus byas 'dus ma byas su ja
38a5 log ste// rig pa'i ngo bo chos gsum la// rgyu rkyen ka nas ma grub bas// chos sku ja log chen po yin// rig pa'i thig le chos min sku// 'gag pa med par rang shar bas// sprul sku ja log chen po yin// rig
38a6 pa thig le chos min sku// bsam ngo'i yul las 'das bas gdangs// rang snang grol ba'i me long 'di// longs sku ja log chen po yin// ces gsungs so// bskal pa 'od ldan gyi rgyud las// rig pa'i sku
38b1 gsum 'dus ma byas su ngo sprad pa'i le'u ste bzhi pa'o//// de nas yang bka' stsal pa// lam pa'i sku gsum bstan pa yi// rang grol sku gsum ja log ni// snang ba mi 'gag longs skur shar// 'dzin pa
mi 'gag sprul skur shar/

CLOSE WINDOW