22b1 / rdo rje sems dpas ye shes rang byung du bstan pa'i le'u ste dang po'o// mAp+tayan+yaNar/ badzra aN dz+ha su prA TI/ rang snang gi nam mkha' la gser gyi bya khyung lding ba'i man ngag/ spros med rang
22b2 bzhin 'od gsal ba// sangasha rgyas kun gyi 'byung gnas te// nam mkha' la ni sgron ma bzhin// gcig tu rab tu che ba'i lha// rmongs pa'i mun pa sel ba'i 'ong// bdag nyid kun tu grags pa'i sku// rgya mtsho
22b3 gting gi ltos 'gro ba/gang la yid kyis rgyug pa bzhin// shes rab yid kyi rdung gcod pa// ma bskyod mkha' la de bzhin gshegs// gnas med gnas la 'ong gsal ba/ ye shes sku de rang snang ngo// don la
22b4 nges pa'i lung bstan pa// rtog pa'i smra bsam yul las 'das// zag pa med pa'i ye shes rang snang ba'i le'u ste gnyis pa'o// ahU sa smahi Sh+ta pA ra rI/ lhun po'i rtse nas rin po che gser gyi nyi ma stong 'phro ba'i
22b5 man ngag/rnam dag rdo rje'i rtse mo la// rang byung ye shes 'od gsal ba// dga' bo gtsug gi nor bu ltar// yon tan thams cad 'byung ba ni// nam mkha'i sprin dang char gyi chu// gzhal yas rin chen rtse mo
22b6 nas// mi bskyod rdo rje sems dpa'i sku// bgrod med rnam par grol ba'i lam ston pa// snang ba mtha' yas sprul sku byang chub sems// nyi ma 'bum gyis 'od zer rab snang ltar// 'jig rten drug gi phyogs bcur
23a1 snang bar 'gyur// nyag gcig kun tu grags pa'i le'u ste gsum pa'o// gyarlayang n+kayan rA/ sAng g+ha/ traM dz+dzA Di/ bsam rtugs kyi lha khang na/ rdza mkhan gyi bu mo/ rgyal mtshan gyi rtse la gsal shing gi
23a2 sgron med 'jug pa'i man ngag/rnam dag byang chub sems la bkod med ye shes gsal// ma rig sgo nga'i sbubs phye gsal bar bstan// rtog pa'i drwa ba gcod pa'i shes rab mtshon// rdo rje'i rtse la ye shes rang
23a3 gsal ba// nang med nang nang rang byung nyag gcig po// thob rgyu med pa'i 'bras bu nyag gcig po// shes rab pha rol phyin pa'i gom gcig po// btsal du med pa'i dgongs pa nyag gcig po// stobs kyi pha rol
23a4 phyin pa'i gom gcig po// dri med klong du gyur pa'i bdag med ye shes sku// dri med shes rab klong na rab gsal ba'i// chos sku shes dgongs rang bzhin rnam par dag/ rig pa rang gi ngo bo bstan pa'i le'u ste
23a5 bzhi pa'o// a+aya saha al/ khraM k+har b+ha ya b+ha D+ya/ lcags kyi ka rgu sgril la// gyang chen po lnga phong 'gran pa'i man ngag/ ye shes yongs su gcod pa'i la// byang chub sems kyi rnam par gcod pa// mtshon pa'i ye
23a6 ge brda sbyong ni// rgyal ba'i zhal nas gsungs pa yin// me tog pad+ma'i snying po la// nyi ma'i 'od zer shar ba ltar// dri med dag pa'i chos sku la// dri med dag pa'i tshig brjod pas// don dam nyid du spros dang
23b1 bral// yang dag don gyi me long la// yang dag don gyi bdag snang ba// bdag gi bdag nyid de mthong 'gyur// bdag nyid chen po'i don brjod na// shes rab nyid kyis shes rab ltos// shes rab bdag med
23b2 mya ngan 'das// rang byung gi ye shes chos las grol bar bstan pa'i le'u ste lnga ba'o// yakaca alan+ya/ mA nA aha/ sh+tang lha/ rAmaha/ yAN/ chu bo g+ha g+ha la/ rkyal chen po gnyis stobs 'gran pa'i man ngag/ nam
23b3 mkha'i mthongs nas snang gsal gyi nyi zla shar bas/nyin mo dang mtshan mo gnyis med do// chos nyid kyi klong nas man ngag gi ti ka shar bas/ dgongs pa la mtshams med de// sgom du med pa'i lta ba nyid zhi
23b4 gnas dang lhag mthong zung du 'brel ba'i dus su/sangs rgyas kyi dgongs pa mthar phyin pa'o// byang chub sems dpa' chos la gnas shing blo yul du byed pa rnams ni/ yid kyi 'du shes yul la bsdus te btsal
23b5 ba med pa la btsal ba'i 'du shes kyis tshig gi sgron ma nges pa'i tshad bzhag ste/sems dang ye shes kham pa dang bum pa'i tshul du gnas pas/ bden pa la res 'jog 'byung ste/ mos pa spyod pa'i sa stai/ don
23b6 dam pa'i da gongs pa ni ma yin no// zhes rdo rje sems dpa' nyid kyis gsungs so// sangs rgyas dang byang chub sems dpa'i dgongs pa shan dbye ba'i le'u ste drug pa'o// prA sA rA ma hA pra sA rwa d+har ma dz+nyA na/ rdzi
24a1 gser gyi rlung la/rdzu 'phrul gyi lha mo zhags pas 'gugs pa'i man ngag/ yid rang byung gi ye shes rlung gi lha mo mig gcig ma la zhon te/ drang srong skar mda'i bu mo bde ba zag med kyi lam du
24a2 byung nas/ye shes kyi lha mo rgyan gyi nyi ma'i 'od kyi 'khor los bzung ba'i dus na/ rnam dag ye shes kyi lus can zhes bya ste/ mngon par rdzogs par sangs rgyas so// de'i tshe de dus su de nyid la chos thams cad
24a3 kyi de bzhin nyid 'char te/yang de'i tshe de'i dus su rnam pa thams cad mkhyen pa'i ye shes kyis/ grol bas grol ba'i lam ston par 'gyur ro// sangs rgyas pa'i thabs mchog tu gyur pa bstan pa'i le'u ste bdun
24a4 pa'o// dwar N+ya r+ya bu mA NA dz+hu ShI/ a pra ti nA ma/ g.yu'i lu ma la bram ze'i bu mo dngul gyi bum pa 'gengs pa'i man ngag/ byang chub sems dpa' sems dpa' chen po/ rgyal mtshan gyi rtse mo la nor bu rin po che
24a5 btags te/mi des yongs su mchod pa cher byas na/ don 'thun pa rjes su grub pa ltar/ snying po byang chub mchog gi thig le/ bka' lung gi phy-i mor shes shing rig na/ chos thams cad kyi mdo dang rgyas par shes
24a6 par 'gyur ro// lung thams cad las grol bar 'gyur te/ sems can gyi don 'jol nyog tu spyad kyang/ rang gi ngo bo mi 'gyur ba'i dpe rgya mtsho dang chu bran gyi tshul lo// byang chub kyi snying la byang chub kyi myu gu smin
24b1 pa'i dus su// mtshan ma thams cad rang grol du rang shar ba'o// dogs pa'i 'du shes thams cad rab tu nye bar zhi nas me long gi ngo la nyi ma shar ba lta bu'o// thugs rje la dbri dkrol med pa'i le'u ste brgyad
24b2 pa'o// wa khra rA glAn+ya/ pA n+ha kA D+ya d+ha ShA m+mA/ gcan gtsan gyi rgyal po seng ge la/ ti pa ril bu lcags thag 'dogs pa'i man ngag/ byang chub sems dpa' rnams rab tu nyon cig/ thugs rje chen po nam mkha' klong
24b3 yangs kyi rgyud ni dpangs mtho/rdo rje brjed gnod kyi rgyud ni gting zab/ thig le dum dum khrigs kyi phyogs ni brtag dka'// gang zag rnams kyi chos ni dpe thog tu lus pas// rnam par grol ba'i ye
24b4 shes thob pa ni shin tu dka' na/gzugs kyi phung po phyi snod kyi 'jig rten ye shes kyi gzhal med khang rgyan ma bkod par bas// brten pa'i ye shes rang rdzogs te// sangs rgyas kyi sa nas sangs rgyas kyi zhing du
24b5 bgrod du med pa'i lam la dbugs kyi rta la skad cig ma la seng ge mchod stabs lta bu'o// nang bcud kyi 'jig rten nyon mongs pa lnga rang byung gi sangs rgyas lnga// sku mdog dang phyag mtshan rgyan dang cha lugs
24b6 mtshan dang dpe byad du mngon par sangs rgyas te/thugs rje thams cad kyi 'byung gnas tshad med pa bzhi'i sgo rang byung du bstan pa'o// snod bcud gnyis su med pa'i ngang nas/ rang byung gi 'byung ba chen po ye
25a1 shes rang chas su gnas pas// sgyu ma lta bu'i sku rang snang gi 'od gsal bas// bde ba chen po chos kyi skus khyad du 'phags so// skyes bu snying stobs dang ldan pas rtogs pa khyad par can la spyod pa
25a2 ni/nam mkha' sgra nam mkha' la thim pa bzhin no// thig le nyag gcig rtog ge ba'i spyod yul min par bstan pa'i le'u ste dgu pa'o// A mya ha hu wa/ ma hA dz+nyA ya hA k+ShA kA ya/ rgyal bu rtsibs kyi mu khyud/ nam
25a3 mkha'i 'ja' thur du 'jug pa'i man ngag byang chub sems dpa' sems dpa' chen po/chos thams cad la spyod pa'i mtha' ma skyes par/ rtog pa'i mtha' mi chod do// gang yongs su ma shes par gang gis yongs
25a4 su sgrib bo// gang yongs su ma blangs pas/ gang gi mthar mi ltung ngo// gang gi mthar ma ltung bas/ kun gyi bdag nyid chen po zhes bya'o// 'dod pa med par nye bar len pa/ ye shes kyi phung po dang/ 'jug pa
25a5 med pa rdo rje'i snying po'i lam du 'jug pa/gnas pa med pa kun tu bzang mo/ spros pa thams cad nye bar zhi ba/ bdag nyid med pa'i bdag nyid chen po/ snying po byang chub la mngon par bzhugs pa'o// shes
25a6 bzhin du mi gnas par bstan pa'i le'u ste bcu ba'o// ta kha la aka pa/ sarba tA thA g+ha DA ba dzraha a U/ rdol ba lag sha na'i bu mo sma sha grong rgyun ma/ lha'i dbang po brgya byin la bag mar 'gro ba'i man ngag/ thog
25b1 ma rang bzhin lhun gyis grub pa'i sangs rgyas/rgyu dang rkyen la rag ma lus pas/ tha ma rkyen dbang mi 'gro ste/ chos thams cad kyi thug sa bo/ rtog pa mngon du gyur pa'i sangs rgyas chos kyi sku zhes bya ba ma bcos
25b2 pa/rang byung dang rang snang dus mtshungs pa/ rtsol ba'i nad thams cad spangs pa/ shes bya la thogs pa med pa/ gzhi de kho na nyid rang gi yul du byed pas/ rang byung dang rang byung gi ye shes gnyis chu dang lan
25b3 tshwa'i ro lta bu'o/ma rig pa rig par shar ba'i le'u ste bcu gcig pa'o// p+na t+ya taMmya/ tsA tshA dza dz+dza/ sman gyi chu mig mgo gsum la/ bye brag thams cad 'du ba'i man ngag/ lung ti ka chen po bzhi dgongs pa thams
25b4 cad kyi phug bstim pas/sangs rgyas thams cad dang mnyam par sbyor ba'i man ngag la/ rgyud thams cad kyi snying po sangs rgyas 'dus pa man ngag gi rgyud dang/ lung thams cad kyi mdo lung bam po gsum pa
25b5 dang/man ngag thams cad kyi de mas ti ka chen po bzhi'i bon po'o/ dper na sbra pa'i gung shing lta bu ste/ chos thams cad kyi snying po rdo rje sems dpa' thugs kyi gsang ba/ don gyi ye shes shes rab rang byung du
25b6 bstan pa'o// phyi nang snod bcud sde snod thams cad 'di yi khongs su ma 'dus pa med pas/ bka' rdzogs pa chen po zhes bya/ bye brag chu la 'du ba lta bu ste/ brda dang don du 'byor ba'o/ chos thams cad kyi
22b1 bdag nyid gcig par bstan pa'i le'u ste bcu gnyis pa'o//// rgya gar skad du// ma Ni ran+ta tan tra// bod skad du// nor bu rin po che'i rgyud// dpal yid bzhin lhun grub kyi rgyal po la phyag 'tshal lo// ston pa rdo rje sems dpa'
22b2 yis// gnas ni chos dbyings pho brang du// 'khor gyi ro langs bde ba la// dbyer med dus mnyam rang gsal dus// rin chen 'bar ba'i bstan pa shar// ces gsungs so// nor bu rin po che'i rgyud
22b3 las// phun su 'tshogs pa'i ngo sprad pa'i le'u ste dang po'o//// 'khor gyi ro langs chen po yis// ston pa rdo rje sems dpa' la// rin po che yi dbye ba dang// thig le snang bar dbye ba dang// rig pa snang
22b4 bar dbye ba dang// rang gi 'dug tshugs bstan du gsol// zhes bzhus so// ston pa rdo rje sems dpa' yis// zhus pa'i don 'di shin tu legs// ngas gsungs pa la ma bkag par// khyod ni shes rab rtse
22b5 gcig nyon// zhes gsungs so// zhus pa dang lan gyi le'u ste gnyis pa'o//// de nas rdo rje sems dpas bka' stsal pa// nor bu rin po che dang man shel rin po che// nor bu rin po che ni klu chen po brgyad la
22b6 yod// nor bu rin po che bsam 'phel ni longs sku la yod// yid bzhin gyi nor bu rin po che ni sprul sku la yod// nor bu rin po che bsam grub ni chos sku la yod// nor bu rin po che bsam 'phel ni spyi sa na
23a1 yod// nor bu rin po che lnga po de dag ni nang ltar du bstan pa'o// rin po che brgya ni lha'i dbang po brgya byin la yod// rin po che in+t+ra nI la ni byang chub sems dpa' la yod// nor bu rin po che
23a2 mching bu ni u rgyan na yod// nor bu rin che bkrun ma ni rgya bod kyi mtshams na yod// nor bu chu dwangs ni bod na skal ldan la yod// de rnams nang du bstan pa'o// nor bu rin po che yongs su grub pa dang// nor
23a3 bu rin po che bsam 'das dang// nor bu rin che snang gsal dang// nor bu 'phrul gsal dang// 'dod pa grub pa'i rin po che ni gsang bar bstan pa'o// rdo rje sems dpas nor bu rin po che'i rgyud dbye bstan
23a4 pa'i le'u ste gsum pa'o//// de nas yang rdo rje sems dpa' bka' stsal pa// ro langs chen po khyod nyon cig/ rin chen man shel bstan pa ni// rin po che rdo rje shel ni gangs dang g.ya'i mtshams na
23a5 gnas so// rin po che chu shel dang me shel ni 'byung ba'i bcud la gnas so// rin po che mtshon shel ni rgya mtsho'i gting gi 'dam la gnas so// rin po man shel ni kun tu bzang po'i thugs kan gnas so// de
23a6 rnams ni phyi ltar bshad pa'o// rin po che rdo shel ni sde snod gsum mo// me shel dang chu shel ni yo ga gsum mo// rin po che mtshon shel ni// ma hA na sems phyogs gsum du ngo sbras do// rin po che man shel
23b1 ni// kun tu bzang pa'i dgongs par ngo sbrad do// de rnams ni nang ltar bshad pa'o// rang gis rang la ma ltas te// rag grol ba'i rin po che rig pa'i ye shes su ngo sprad do// rang grol rang byung lhun grub kyi nor
23b2 bu ni// rang byung ye shes su ngo sprad do// gang la yang mi ltos te yid bzhin du grub pa'i nor bu ni// rang rig pa'i ye shes su ngo sprad do// yongs su grub pa'i nor bu rin po che ni// rnam pa thams cad mkhyen pa'i
23b3 ye shes su ngo sprad do// nor bu rin po che snang byed ni// thams cad mkhyen pa'i ye shes zang thal du ngo sprad do// zhes gsungs so// rdo rje sems dpas mi yi byang chub sems dpa' la// man shel la ngo sprad rnam
23b4 pa bstan pa'i le'u ste bzhi pa'o//// de nas yang rdo rje sems dpas bka' stsal pa// thig le nyag gcig bstan pa ni// ngo bo rtsal dang las dang gsum// ngo bo thabs cad mkhyen pa'i ye shes so// rtsa ni ye shes
23b5 chen po yin// las ni rang grol nyag gcig go/ snang ba chen po thig le'i rtsal// 'gyur ba med pa'i shes rab dang// 'gag pa med pa'i shes rab dang// bdag 'dzin med pa'i shes rab bo// shes rab gsum
23b6 la ngo sprad pas// da lta nyid du zang thal yin// zhes gsung so// nor bu rin po che'i rgyud las// thig le dang snang ba ngo sprad pa'i le'u ste lnga pa'o//// de nas rdo rje sems dpa' bka' stsal pa// rang rig ngo bo
24a1 'du tshul las dang gsum// ngo bo rang rig rang gsal lo// 'dug tshugs rang bzhin med pa'o// las ni shes rab rnam gsum mo// thog pa med pa'i shes rab dang// rgyun gyi btegs pa'i shes
24a2 rab dang// shes rab zang thal rnam gsum mo// shes rab gsumal ngo sprad pas// rig pa ye shes chen po grol// zhes gsungs so// nor bu rin po che'i rgyud las// rig pa'i ngo sprad pa'i le'u ste drug pa'o/
24a3 rdo rje sems dpas bka' rtsal pa// nyon cig 'phro ba kun gyi mgon// rig pa'i snang ba bstan pa ni// ye shes lnga dang sku lnga dang lta sgom spyod pa 'bras bu dang// tshul khrims sdom pa dam tshig dang// 'jug sgo la
24a4 sogs grub pa'i 'bras bu rnams// yang dag don dang mthun pa med// 'og ma kri phyir bstan pa yin// lnga dang bzhi dang gsum du 'dod pa rnams// rgyu lam 'bras bu ja log pas// ri dwags smig sgyu rnyeg pa
24a5 'dra// dper na rnal 'byor kha T+wAM kas/ mig gcig la ni rgyab na ni// rma bug gsum du 'byung ba las// rma gcig 'byung bar ga la 'gyur// de bzhin thig le nyag gcig la// lta sgom spyod pa 'ching ba'i rgyu// de
24a6 ni lam gyi gol sa yin// sku lnga ye shes lnga 'dod pa// de ni 'bras bras bu'i gol sa yin// kun gzhi chos skur 'dod pa ni// de ni gzhi yi gol sa yin// gcig po 'di ltar shes par gyis// rig pa'i ye shes
24b1 rang grol la// shes rab zang thal rang gsal ba// dang po 'jug pa'i sgo med pas// mtshan ma'i lam du de mi gol// bar du lnga gsum mi 'dod pas// 'bras bu re dogs nga mi gol thig le nyag gcig rig pa
24b2 la// sa dang lam la bgrod med pas// theg pa rim dgur nga mi gol// tha ma nyag gcig rang yin pas// skyon yon gnyis la rbad kham thong// zhes gsungs so// nor bu rin po che'i rgyu las// rang rig pa'i
24b3 snang ba dang thig le nyag gcig la ngo sprad pa'i le'u ste bdun pa'o//// rdo rje sems dpas bka' stsal pa// byang chub sems dpa' nyon cig/ rang gi 'dug tshul bstan pa ni// nga ni rdo rje sems dpa' ste// me
24b4 tog pad+ma'i 'dab ma las// nga nyid rdzus te longs skur skyes// yar la chos sku'i zhing khams gsal// mar la khams gsum ma lus gsal// thugs khar bud+d+ha zhi gnyis gsal// thams cad nga las byung
24b5 yin// thams cad nga las skyes pa yin// nga med pa yi sngon rol na// chos sku bya ba'i ming yang med// ces gsungs so// nor bu rin po che'i rgyud las rdo rje sems dpa' ngau sprad pa'i le'u ste brgyad pa 'o//// de
24b6 nas kun tu bzang po'i rang gi 'dug tshugs bstan pa ni// ha har nga ni kun tu bzang po yin// sbyan la ye shes zang thal gsal// snyan na 'gro drug 'khor lo gsal// ljags la longs sku'i zhing khams
25a1 gsal// thugs la thil le nyag gcig gsal// thams cad nga yi snang ba yin// thams cad nga yi rol pa yin// thams cad nga yi 'dug tshugs yin// thams cad dbyed med nga yi sku// thams
25a2 cad 'gag med nga yi gsung// thams cad zang thal nga yi thugs// gnyis snang med pa'i shes rab 'chang// ha ha sarba yo gi ni a sing gu h+ya sa ma ya s+t+waM// zhes gsungs so// nor bu rin po che'i rgyud
25a3 las// kun tu bzang po'i ngo sprod kyi le'u ste dgu pa'o//// de nas mi'i byang chub sems dpa' dga' rab rdo rjes// rang gi 'dug tshugs gsal btab pa// e ma ho e ma ho 'dus pa'i tshogs// tsit+tA'i
25a4 dkyil 'khor chen po na// ye shes zang thal chen po gnas// lta sgom spyod pas ci bgyir mchis// ljags la rig pa'i ye shes gnas// ye shes lnga yis ci bgyir mchis// snyan la rang grol ye shes
25a5 gnas// thos bsam sgom gsum ci bgyir mchis// mig la lhun grub ye shes gnas// ye shes lnga yis ci bgyir mchis// sna la thig le zang thal gnas// sku gsum sku lngar ci dgyir mchis// lus la thams
25a6 cad mkhyen pa gnas// tha snyad tshig gis ci bgyir mchis// yid ma rang byung ye shes gnas// bla ma'i rgyud pas ci bgyir mchis// thams cad nga la bsten pa yin// nga med pa yi sngaun rol na// sgra 'gyur bya ba'i
25b1 ming yang med// nga med pa yi sngaun rol na// sngags 'gyur bya ba ming yang med// nga med pa sngon rol na// brda 'gyur bya ba'i ming yang med// nga ni rang 'gyur rang gdangs rang snang ba'o// dngos med dngos su
25b2 snang bas ja log go/'dug tshugs gnyis su snang bas ja lo go/ 'bras bur rang chas yin bzhin du// btsal bya rtsol ba byed pas ja log go/ bsgrubs pas ma byung shes pas grol// btsam bas ma byung mthong
25b3 bas grol// bsgyur bas ma byung rig pas grol// sbyangs pas ma byung bskul bas grol// bkag bas ma byung shar bas grol// e ma ho// d+harma sarba a a ma la ma ma la// hUM hUM hUM// zhes gsungs
25b4 so//// nor bu rin po che'i rgyud las// dga' rab rdo rje la ngo sprod kyi le'u ste bcu pa'o//// kun bzang rdo rje sems dpa' yis// dga' rab rdo rje la gdams pas// rjes su yi rang ngo// rdzogs
25b5 so////
25b6 rgya gar skad du/


CLOSE WINDOW